ဒေသခံတွေကိုခြိမ်းခြောက်တဲ့ သစ်မှောင်ခိုသမားတွေကိစ္စ သမ္မတအထိ တိုင်မယ်

တနင်္သာရီတိုင်းဒေသကြီး ထားဝယ်ခရိုင် လောင်းလုံမြို့နယ် ဘူးထောင့်ကမ်းခြေတံငါစုရွာက ကမ်းခြေတစ်နေရာ ကိုတွေ့ရစဉ်

.

တနင်္သာရီတိုင်းဒေသကြီး ထားဝယ်ခရိုင် လောင်းလုံမြို့နယ် ဘူးထောင့်ကမ်းခြေတံငါစုရွာက ဒေသခံတွေကို လက်နက်ကိုင်ဆောင်ပြီး အသက်အန္တရာယ် ခြိမ်းခြောက်နေတဲ့ သစ်ခိုးထုတ်သူတွေကို တိုင်းဒေသကြီးအစိုးရက အရေးမယူရင် နိုင်ငံတော်သမ္မတနဲ့ နိုင်ငံတော်အတိုင်ပင်ခံပုဂ္ဂိုလ်ထံ တိုင်ကြားသွားမယ်လို့ ထားဝယ် တိုင်းရင်းသားပါတီ ဥက္ကဌက ပြောပါတယ်။
အဲဒီကိစ္စနဲ့ပတ်သက်ပြီး ထားဝယ်တိုင်းရင်းသားပါတီက ထုတ်ပြန်ချက်ထုတ်တာဟာ အထောက်အထားခိုင်လုံလို ထုတ်ပြန်တာဖြစ်ပြီး တိုင်းအစိုးရကအရေးမယူရင် နိုင်ငံတော်သမ္မတ၊ နိုင်ငံတော်အတိုင်ပင်ခံပုဂ္ဂိုလ်အထိ စာပို့သွားမယ်လို့ ထားဝယ်တိုင်းရင်းသားများပါတီဥက္ကဌ ဦးအေးမင်းက ပြောပါတယ်။
"ငါတို့စတိတ်မန့်ကလည်း  သက်သေအထောက်အထား အတိအကျရှိလို့ထုတ်တာ၊ အဲဒီမှာ လောင်းလုံ မြို့နယ် ရဲကိုယ်တိုင်ကလည်း အဲနေရာမှာ သူတို့က သစ်ခိုးထုတ်မှုရှိတယ်လို့ လက်ခံထားတယ်၊ တိတိကျကျ ငါတို့မှာ သက်သေအခိုင်အလုံရှိတယ်၊ အဲဒါကြောင့် ငါတို့ထုတ်ပြန်ချက်ကို ပြန်ပြင်မှာလည်းမဟုတ်ပါဘူး၊ အရေးယူဆောင်ရွက်ခြင်း မရှိဘူးဆိုတဲ့အခါကျ နိုင်ငံတော်သမ္မတ၊ နိုင်ငံတော်အတိုင်ပင်ခံပုဂ္ဂိုလ်တွေဆီ စာရေးပို့မယ်"
ပြီးခဲ့တဲ့ အောက်တိုဘာလ ၂၉ ရက်နေ့က ထားဝယ်တိုင်းရင်းသားများပါတီကနေ လောင်းလုံမြို့နယ် ဘူးထောင့် ကမ်းခြေက နေထိုင်တဲ့တံငါသည်တွေကို တရားမဝင်လက်နက်တွေကိုင်ဆောင်ပြီး သစ်ခိုးထုတ်တဲ့သူတွေက အသက်အန္တရာယ် ခြိမ်းခြောက်နေတာကြောင့် အရေးယူပေးဖို့ ကြေညာချက်တစ်စောင် ထုတ်ပြန်ခဲ့ပါတယ်။
ဒီကြေညာချက်ကြောင့် တနင်္သာရီတိုင်းဒေသကြီး ရဲမှူးကြီးဦးနေမျိုးက ထားဝယ်တိုင်းရင်းသားများပါတီ ထုတ်ပြန် သလို လက်နက်ကိုင်ခြိမ်းခြောက်တာ မတွေခဲ့ရဘူးလို့ သူတို့ကိုယ်တိုင် သွားရောက်မေးမြန်းထားတယ်လို့ RFA က မေးမြန်းတာကို ပြန်လည်ဖြေကြားခဲ့ပါတယ်။
ဒီဘူးထောင့်ကမ်းခြေမှာ တံငါအလုပ် လုပ်ကိုင်နေတဲ့ ရေလုပ်သားမိသားစု ၃ဝ ကျော်ရှိပြီး ဒီလက်နက်ကိုင်တွေ ခြိမ်းခြောက်တာကြောင့် တချို့ထွက်ပြေးတိမ်းရှောင်နေရတယ်လို့ ထားဝယ်တိုင်းရင်းသားပါတီ ဥက္ကဌ ဦးအေးမင်း က ပြောပါတယ်။
RFA

အင်တာနက်ချစ်သူနှင့် ချစ်တင်းနှောရန် အဆင်မပြေဖြစ်ရာက လုပ်ကြံသတ်ဖြတ်ခံရ

မဟာသုတေသန သင်တန်းတက်ရောက်မည့် မုံရွာတက္ကသိုလ်ကျောင်းသူတစ်ဦးအား လုပ်ကြံသတ်ဖြတ်သူကို လေးရက်တာအချိန်ကာလအတွင်း ရဲတပ်ဖွဲ့က ဖော်ထုတ်ဖမ်းဆီး

မုံရွာ၊ နိဝင်ဘာ ၅

စစ်ကိုင်းတိုင်းဒေသကြီး မုံရွာခရိုင်၊ အရာတော်မြို့နယ်၊ ၀ါးတန်းကျေးရွာ၊ ၀ါးတန်းချောင်းအနီး မုံရွာ - ရွှေဘိုသွား ကားလမ်းဘေးရှိ ပဲစင်းငုံ ယာခင်းတစ်ခုအတွင်း နိုဝင်ဘာ ၁ ရက်နေ့က အသက် ၂၅ နှစ်ရွယ် အမျိုးသမီးတစ်ဦး ချွန်ထက်သော လက်နက်ဖြင့် ကိုယ်ခန္ဒာအား ထိုးသွင်းခံရသဖြင့် သေဆုံးနေသော ရုပ်အလောင်းကို အရာတော်မြို့မရဲစခန်းမှူး ဒုရဲမှူး ထွန်းထွန်းအေးနှင့်အဖွဲ့က တွေ့ရှိခဲ့ရသည်။

ထို့ကြောင့် ရဲစခန်းမှူးနှင့်အဖွဲ့က သေဆုံးသူ အမျိုးသမီးရုပ်အလောင်းအား မှုခင်းဆေးပညာများအရ ထင်မြင်ချက်များရယူတောင်းခံနိုင်ရန်အတွက် အရာတော်မြို့မရဲစခန်း ပြစ်မှုကြီးဖြစ်စဉ်အမှတ်(၂/၂၀၁၆)၊ (ပ) ၃၈၁/ ၂၀၁၆ ရာဇသတ်ကြီး ပုဒ်မ ၃၀၂ အရ အမှုရေးဖွင့်၍ ရုပ်အလောင်းအား အရာတော်ပြည်သူ့ဆေးရုံသို့ပို့ဆောင်စစ်ဆေးခဲ့သည်။

အဆိုပါ ဖြစ်စဉ်နှင့်တ်သက်၍ စစ်ကိုင်းတိုင်းဒေသကြီး ရဲတပ်ဖွဲ့မှူး ရဲမှူးကြီး လူလူသန်း၏ အနီးကပ်ကြီးကြပ်ကွက်ကဲမှုအောက်တွင် မုံရွာခရိုင် ရဲတပ်ဖွဲ့မှူး ဒုရဲမှူးကြီး ချင်းစိန်၊ အရာတော်မြို့နယ်ရဲတပ်ဖွဲ့မှူး ရဲမှူး စိန်မင်း၊ ရဲစခန်းမှူး ဒုရဲမှူး ထွန်းထွန်းအေး၊ တိုင်းမှုခင်းအကူဌာနစု၊ ခရိုင်မှုခင်းနှိမ်နင်းရေးဌာနစုမှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည် ၎င်းမှုခင်းဖြစ်စဉ်အား သေခြာစနစ်တကျ စစ်ဆေးဆောင်ရွက်ခဲ့ကြသည်။

ယင်း စစ်ဆေးပေါ်ချက်များအရ သေဆုံးသူ အမျိုးသမီးမှာ ရွှေဘိုမြို့တွင် နေထိုင်သူတစ်ဦးဖြစ်ပြီး မုံရွာတက္ကသိုလ် (မဟာဘွဲ့လွန်) သင်တန်းတက်ရောက်ရန် ကျောင်းတက်လာသည့် တက္ကသိုလ်ကျောင်းသူတစ်ဦးဖြစ်သည်။ ထို့အပြင် ၀က်လက်မြို့နယ် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနတွင် အကြီးတန်းစာရေး တာဝန်ထမ်းဆောင်လျက်ရှိသော ၀န်ထမ်းတစ်ဦးကြောင်း၊ သူမ၏ လူမှုကွန်ယက် facebook စာမျက်နှာမှာ '' ပန်းရိုင်း နီနီ " အကောင့်ပိုင်ရှင်တစ်ဦးဖြစ်ကြောင်း၊

 အဆိုပါ ဆိုရှယ်လူမှုကွန်ယက် အင်တာနက်လိုင်းပေါ်မှတဆင့် လူငယ်သဘာဝ ချစ်ကြိုက်ခဲ့သူ သုံးဦးရှိကြောင်း၊ ယင်းသုံးဦးအနက် တစ်ဦးအား လူချင်းတွေ့ဆုံရန် ချိန်းဆိုထားကြောင်း၊ အခင်းဖြစ်ပွားမည့် မနက် ၆ နာရီခွဲအချိန်က မုံရွာတက္ကသိုလ်သို့ ကျောင်းတက်သွားရောက်ရန် သူမ၏ မောင်ဖြစ်သူက နေအိမ်မှ ကားကွင်းသို့ ဆိုင်ကယ်ဖြင့် လိုက်လံပို့ဆောင်ပေးခဲ့ကြောင်း၊

 ကားကွင်းမှ နေအိမ်သို့ မောင်ဖြစ်သူ ပြန်လည်ထွက်ခွာသွားခဲ့ပြီးနောက် သူမမှာ ကားဖြင့် မုံရွာသို့ လိုက်ပါခဲ့ခြင်းမရှိဘဲ သူမနှင့် ချိန်ဆိုထားသူ၏ ဆိုင်ကယ်ဖြင့် မုံရွာသို့ စီးနင်းလိုက်ပါလာခဲ့ခြင်းဖြစ်ကြောင်း၊ ထို့နောက် အရာတော်မြို့နယ် ၀ါးတန်းကျေးရွာ ၀ါးတန်းချောင်းအနီး ဆူးလေးကုန်းကျေးရွာနေ ယာခင်းပိုင်ရှင် ဦးတင်မောင်၏ ပဲစင်းငုံယာခင်းအတွင်းသို့သွားရောက်ခဲ့ကြောင်း၊ လူငယ်သဘာဝ ဆက်ဆံရေးမှာ တစ်ဦးနှင့်တစ်ဦး အဆင်မပြေမှုများဖြစ်ပြီးနောက် သူမနှင့်လိုက်ပါလာသူ အမျိုးသားက ချွန်ထက်သော အရာဖြင့် သူမအား သေစေနိုင်အောင်ထိ ထိုးသတ်လုပ်ကြံခဲ့ကြောင်း အဆိုပါ ပူးပေါင်းစစ်ဆေးရေးအဖွဲ့မှ စစ်ဆေးသိရှိခဲ့ရသည်။

ထို့ကြောင့် သေဆုံးသူ အမျိုးသမီးအား မုံရွာတက္ကသိုလ်သို့ ဆိုင်ကယ်ဖြင့် လိုက်လံ ပို့ဆောင်ပေးခဲ့သည့် အမျိုးသားတစ်ဦးမှာ မည်သူမည်ဝါဖြစ်ကြောင်း ရဲတပ်ဖွဲ့က အပူတပြင်း စုံစမ်းထောက်လှမ်းခဲ့သည်။

အဆိုပါ စုံစမ်းထောက်လှမ်းချက်များအရ သေဆုံးသူ အမျိုးသမီးနှင့် မုံရွာသို့ လိုက်ပါသွားခဲ့သော အမျိုးသားတစ်ဦးမှာ ကန့်ဘလူမြို့နယ်၊ ဇီးကုန်းတောင်ရွာနေ မောင်နိုင်ထက်အောင်(ခ) ထင်ကျော်လင်း သမိုင်းပထမနှစ် ဆိုသူဖြစ်ကြောင်း အမှုလိုက်အဖွဲ့က သိရှိခဲ့ရသည်။

ထို့နောက် အမှုလိုက်အဖွဲ့မှ ထိုသူအား အမြန်ဆုံးလက်ရ ဖမ်းဆီးရရှိနိုင်ရန် ရွှေဘိူမြို့မရဲစခန်းသို့ ဆက်သွယ်အကြောင်းကြားခဲ့ရာ ရွှေဘိုရဲစခန်း နယ်ထိန်းဌာနစု အဖွဲ့ခေါင်းဆောင် ဒုရဲအုပ် ဘိုလတ်နှင့်အဖွဲ့က သတင်းရရှိထားသူ မောင်နိုင်ထက်အောင်(ခ) ထင်ကျော်လင်းဆိုသူအား နိုဝင်ဘာ ၄ ရက် မနက် ၇ နာရီ ၄၅ မိနစ်အချိန်တွင် ရွှေဘိုမြို့ ဘူတာရပ်ကွက်၊ မီးရထား သံလမ်းအနီး တိုးတိုးကျော် လက်ဘက်ရည်ဆိုင်အနီးတွင် လက်ရဖမ်းဆီးနိုင်ခဲ့ခြင်းဖြစ်သည်။

၎င်းနောက် အမှုစစ်ဆေးရေးအဖွဲ့က ထိုသူအား ဆက်လက်၍ စစ်ဆေးဆောင်ရွက်ခဲ့ရာ ထိုသူက သေဆုံးသူ အမျိုးသမီး ကိုင်ဆောင်လျက်ရှိသော OPPO A11W Model အမျိုးအစား လက်ကိုင်ဖုန်းတစ်လုံးအား ယူဆောင်လာခဲ့ပြီးနောက် ရွှေဘိုမြို့ အမှတ်(၃) ဆလင်းကုန်းရပ်ကွက်၊ ဇွဲ ဘော်ဒါဆောင်၏ အနောက်ဘက်ရှိ ရေကန်အတွင်းသို့ ပစ်ချခဲ့ကြောင်း ၀န်ခံထွက်ဆိုခဲ့သည်။ ထို့ကြောင့် အမှုစစ်အဖွဲ့က ၎င်းနှင့်အတူ သွားရောက်ရှာဖွေစစ်ဆေးခဲ့ရာ သေဆုံးသူ အမျိုးသမီး၏ လက်ကိုင်ဖုန်းအား ပြန်လည်တွေ့ရှိခဲ့ရသည်။

ထို့အပြင် နိုဝင်ဘာ ၅ ရက် မွန်းတည့်ချိန်တွင် ထိုသူက မုံရွာတက္ကသိုလ် မဟာဘွဲ့လွန် ကျောင်းတက်ရန် ကျောင်းသူတစ်ဦးကို လုပ်ကြံသတ်ဖြတ်ခဲ့စဉ်က အသုံးပြုခဲ့သော ဓားအား အမှုစစ်အဖွဲ့ထံ အပ်ပေးနိုင်ရေးအတွက် ဆောင်ရွက်လျက်ရှိကြောင်း သိရှိရသည်။

စစ်ကိုင်းတိုင်းဒေသကြီး ရဲတပ်ဖွဲ့ဝင်များသည် ပြုပြင်ပြောင်းလဲလာသော ခေတ်စနစ်များနှင့်အညီ ပြည်သူကို ၀န်ဆောင်မှုပေးနိုင်ရန် ဖြစ်ပွားပေါ်ပေါက်ခဲ့သော မှုခင်းဖြစ်စဉ်များအား စနစ်တကျစစ်ဆေးဖော်ထုတ် အရေးယူလျက်ရှိရာ မုံရွာနှစ်လောင်းပြိုင် လူသတ်မှုအား ခုနှစ်ရက်တာ ကာလအတွင်း၎င်း၊ မုံရွာတက္ကသိုလ်ကျောင်းသူတစ်ဦး လုပ်ကြံသတ်ခံရမှုဖြစ်စဉ်အား လေးရက်တာကာလအတွင်း၎င်း အသီးသီးဖော်ထုတ်အရေးယူနိုင်ခဲ့ကြောင်း သိရှိရသည်။

သတင်း + ဓာတ်ပုံ = ကိုတိုးကြီး
https://www.facebook.com/monywa.maung

မောင်တောတောင်ပိုင်း နူရ်ရူလာရဲကင်းတိုက်ခိုက်ခံရမှု ရဲတစ်ဦးကျ တစ်ဦးဒဏ်ရာရ

မောင်တော|နိုဝင်ဘာ ၃

ရခိုင်ပြည်နယ် မောင်တောတောင်ပိုင်း နရူလာရဲကင်းအား ယနေ့ညနေ ၆ နာရီခန့်က
အကြမ်းဖက်သမားများ လာရောက်ပစ်ခတ်တိုက်ခိုက်ရာ ရဲတစ်ဦး ကျဆုံးကာ တစ်ဦးဒဏ်ရာ ရရှိနေကြောင်း မောင်တောမြို့မရဲစခန်းမှ အရာရှိတစ်ဦးက အတည်ပြုပြောကြားသည်။

တိုက်ပွဲမှာ ဆက်လက်ဖြစ်ပွားနေကာ စစ်တပ်မှ စစ်ကူလိုက်သွားကြောင်း သိရသည်။
မောင်တောတောင်ပိုင်းသို့ ယနေ့လာရောက်ခဲ့သည့် နိုင်ငံတကာသံတမန်များရှေ့တွင် ဘင်္ဂလီများက ပိုစတာများကိုင်ဆောင် ဆန္ဒပြခဲ့ကြကြောင်းလည်း သိရသည်။

ကောင်းမြတ်နိုင်(မောင်တော)

နိုင်ငံတကာသံတမန်များ မောင်တောဒေသ အခြေအနေ လေ့လာ

ရခိုင်ပြည်နယ် ကိုရောက်ရှိနေတဲ့ ကုလသမဂ္ဂရုံး ညှိနှိုင်းရေးမှုးနဲ့ သံတမန်အဖွဲ့ (MOI)


ရခိုင်ပြည်နယ် ကိုရောက်ရှိနေတဲ့ ကုလသမဂ္ဂရုံး ညှိနှိုင်းရေးမှုးနဲ့ သံတမန်အဖွဲ့ဟာ ဒီကနေ့ မနက်မှာ ပြည်ထောင်စုအစိုးရ၊ ပြည်နယ်အစိုးရအဖွဲ့ဝင်တွေနဲ့တွေ့ ဆုံပြီး ရခိုင်ပြည်နယ်အတွင်းလေ့လာတွေရှိချက်တွေ သတင်းထုတ်ပြန်ဖို့နဲ့ ဆက်လက်ဆောင်ရွက်မယ့်အရေးတွေကို ဆွေးနွေးခဲ့ပါတယ်။ ဗုဒ္ဓဟူးနေ့က မောင်တောဒေသကိုသွားရောက်လေ့လာချိန်မှာအကြမ်းဖက်တိုက်ခိုက်မှုနဲ့ ဆက်နွယ်တယ်လို့ သံသယရှိသူ ၃ဦးကို လုံခြုံရေးတပ်ဖွဲ့ဝင်တွေက ဖမ်းဆီးခဲ့ပေမဲ့ သံတမန်အဖွဲ့က ပန့်ကြားခဲ့တာကြောင့် ပြန်လွှတ်ပေးခဲ့ပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့ သတင်းထောက်ကိုမိုးဇော်က တင်ပြထားပါတယ်။

ကုလသမဂ္ဂ(OCHA) ဌာနေညှိနှိုင်းရေးမှူး Renata Dessallien နဲ့ သံတမန်အဖွဲ့ဟာ ဒီလ ၂ရက်နေ့က ရခိုင်ပြည်နယ် ရောက်ရှိခဲ့ပြီး မောင်တောမြို့နယ်မြောက်ပိုင်းက အစ္စလာမ်ဘာသာဝင်တွေနဲ့ တွေ့ဆုံခဲ့တဲ့နောက် ဒီကနေ့ မနက် ၈နာရီလောက်မှာ ပြည်ထောင်စုအစိုးရ၊ ပြည်နယ်အစိုးရအဖွဲ့ဝင်တွေနဲ့တွေ့ဆုံဆွေးနွေးခဲ့ပါတယ်။

ဒီအစည်းအဝေးမှာ အဓိက ဆွေးနွေးခဲ့တာတွေကို ရခိုင်ပြည်နယ် အစိုးရရဲ့ ပြောရေးဆိုခွင့်ရှိသူ စည်ပင်သာယာရေးဝန်ကြီးဦးမင်းအောင်က အခုလို ပြောပါတယ်။

“ဒီနေ့ ကျနော်တို့အစည်းအဝေးလုပ်ပြီး သူတို့ဒါတွေကို သတင်းဌာနတွေမှာ ပြောပြလို့ရလား၊ ရမလားဆိုပြီး request လုပ်တယ်လေ။ ရပါတယ်လို့ ဒီဟာတွေက သူတို့တွေ့ခဲ့တာတွေ၊ အခြေအနေတွေကို သူတို့ကိုယ်တိုင်ပြောပြမှာပေါ့ဗျ။ နောက်ဆက်တွဲလုပ်ကိုင်ဆောင်ရွက်သွားမယ့် ကိစ္စတွေမှာ အကူအညီပေးမယ့်အနေအထားမျိုးတွေ ဘယ်လိုအကူအညီပေးမလဲဆိုတာတွေ သူတို့ထုတ်ပြန်ဖို့အတွက်ရှိတယ်။”

ဒီအစည်းအဝေးမှာ ကုလသမဂ္ဂ(OCHA) ဌာနေညှိနှိုင်းရေးမှူး၊ အမေရိကန်၊ ဗြိတိန်၊ အီဂျစ်၊ ဥရောပသမဂ္ဂ၊ တူရကီစတဲ့ သံအမတ်ကြီးတွေနဲ့ သံရုံးအကြီးအကဲတွေဟာ နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးရဲအောင် ၊ နိုင်ငံခြားရေးဝန်ကြီးဌာန ဒုတိယ၀န်ကြီးဦီးကျော်တင် ၊ ရခိုင်ပြည်နယ် ၀န်ကြီးချုပ် ဦးညီပု၊ပြည်နယ်ဝန်ကြီးတွေနဲ့ စစ်တွေမြို့ အစိုးရဧည့်ဂေဟာမှာ သီးသန့်စည်းဝေးခဲ့တာဖြစ်ပါတယ်။

ဗုဒ္ဓဟူးနေ့က မောင်တောမြို့မြောက်ပိုင်းရှိ ကျီးကန်းပြင်၊ ၀ါးပိတ်၊ ဇင်ညာပိုင်ရွာက အစ္စလာမ်ဘာသာဝင်တွေနဲ့ တွေ့ဆုံချိန်မှာ လူ ၃ ယောက်ကို ဖမ်းဆီးခဲ့ပါတယ်။ ဒါပေမဲ့ နောက်ပိုင်းမှာ ပြန်လွှတ်ပေးခဲ့ကြောင်း ဦးမင်းအောင်က ပြောပါတယ်။

“ကျနော်တို့ ဘက်က ၃ ယောက်ဖမ်းလိုက်တယ်လို့ပြောတယ်။ ဒီဖမ်းထားတဲ့လူတွေထဲက ဘယ်သူတွေပါတယ်ဆိုတာမျိုးလေးတွေ သိထားတာရှိတယ်ခင်ဗျ။ ရွာတွေမှာ အဲလိုမျိုးလေးတွေရှိပေမယ့် သူတို့တွေက ဒီလို အလွတ်လူတွေသွားရှာရင်မရှိကြဘူးခင်ဗျ။ အခုသံတမန်တွေလာလို့မှ တရွာလုံးပြုံပြီးထွက်လာကြတယ်။ ဒီမှာ လူအုပ်ထဲမှာတွေ့တော့ စစ်ဖို့ခေါ်တာ ၊ အဲဒီမှာ သံတမန်တွေကပြောသွားတော့ သူတို့အရှေ့မှာ မဖမ်းပါနဲ့ဆိုတဲ့ ပုံစံမျိုးတောင်းပန်တယ်။ မနေ့ကတော့ ပြန်လွှတ်ပေးလိုက်တယ်။”

သံတမန်အဖွဲ့ဟာ အစည်းအဝေးပြီးနောက် မနက်၁၀နာရီလောက်မှာ မောင်တောမြို့တောင်ဖက် အကြမ်းဖက်တိုက်ခိုက်ခံခဲ့ရတဲ့ ကိုးတန်ကောက်ကျေးရွာဖက်ကိုသွားရောက်လေ့လာပြီး နေ့ခင်း ၃နာရီ ၀န်းကျင်မှာ စစ်တွေမြို့ကို ပြန်လည်ရောက်ရှိခဲ့ပါတယ်။

နိုင်ငံတကာသံတမန်တွေနဲ့အတူ လူသားချင်းစာနာမှုဆိုင်ရာ ကုလသမဂ္ဂရုံး (OCHA) ဌာနေ ညှိနှိုင်းရေးမှူး Renata Dessallien ဟာ မနေ့တုန်းကရော ဒီကနေ့မှာပါ ပဋိပက္ခဖြစ်ရာ ဒေသကို သွားရောက် စစ်ဆေးခဲ့ပေမဲ့ တွေ့ရှိချက် အသေးစိတ်ကိုတော့ လတ်တလော မသိရသေးဘူးလို့လည်း UN-OCHA ရုံး ပြောခွင့်ရသူတဦးဖြစ်တဲ့ Pablo Barrera ကပြောပါတယ်။

“ရခိုင်ပြည်နယ် မြောက်ပိုင်းက ကျေးရွာ ၂ ရွာကို မနေ့တုန်းက သွားရောက်ခဲ့ပြီး၊ မနေ့ညပိုင်းမှာတော့ စစ်တွေကို ပြန်ရောက်လာပါတယ်။ ဒီကနေ့လည်း နောက်တခေါက် ကွင်းဆင်းလေ့လာဖို့ နောက်ထပ် ကျေးရွာတွေဆီ ထပ်သွားပါတယ်။ သူ့အနေနဲ့ ဘယ်သူတွေနဲ့တွေ့ဆုံခဲ့တယ်၊ ဘာတွေတွေ့ရှိခဲ့တယ် ဆိုတာတွေနဲ့ ပတ်သက်လို့တော့ အသေးစိတ်မသိရသေးပါဘူး။”

အောက်တိုလာလ ၉ရက်နေ့က ရခိုင်ပြည်နယ် ဘူးသီးတောင်၊ မောင်တောဒေသက နယ်ခြားစောင့်ရဲတပ်ဖွဲ့ ဌာနချုပ်နဲ့ စခန်းတွေကို အကြမ်းဖက် တိုက်ခိုက်ခံရပြီးတဲ့နောက် လုံခြုံရေးတပ်ဖွဲ့တွေက နယ်မြေရှင်းလင်းချိန်မှာ လူ့အခွင့်အရေးချိုးဖောက်တာတွေရှိကြောင်း ကုလသမဂ္ဂနဲ့ နိုင်ငံတကာ အဖွဲ့အစည်းတွေက ဝေဖန်ထောက်ပြခဲ့တဲ့နောက်ကုလသမဂ္ဂ(OCHA) ဌာနေညှိနှိုင်းရေးမှူး နဲ့ သံတမန်အဖွဲ့ဟာ ရခိုင်ပြည်နယ်ကို သွားရောက်လေ့လာစုံစမ်းတာဖြစ်ပါတယ်။
VOA

မောင်တောမြို့နယ် တောင်ပိုင်းတွင် တိုက်ပွဲ ဖြစ်ပွားနေ

နိရဉ္စရာ၊ နိုဝင်ဘာ ၃ မောင်တောမြို့နယ် တောင်ပိုင်း ဘဂုန ရွာတွင် တိုက်ပွဲ ဖြစ်ပွားနေကြောင်း သတင်း ရရှိသည်။ တိုက်ပွဲမှာ ၎င်းရွာတွင် တပ်စွဲထားသော စစ်တပ်အား ဘင်္ဂလီ အကြမ်းဖက် သမားများက ၀င်ရောက်တိုက်ခိုက်နေကြောင်း သတင်းရရှိသည်ဟု တိုက်ပွဲ ဖြစ်ရာနှင့် တစ်ဖာလုံ အခန့်အကွာတွင်ရှိသော ကင်းချောင်းရွာသား တစ်ဦးက ပြောသည်။ “ တိုက်ပွဲ ဖြစ်ပွားတာက ညနေ ၆ နာရီ မိနစ် ၂၀ လောက်က စကြားတာပါ။ အတွဲလိုက် ပစ်ခတ်သံတွေကို အခုထိ ကြားနေရပါတယ်။ ရွာသားတွေလည်း စိုးရိမ်ပြီး အိမ်ထဲမှာဘဲ နေကြပါတယ်” ဟု ပြောကြားသည်။ ညနေ ၇ နာရီခွဲထိ သေနတ်သံများကြားနေရဆဲဟု ဒေသခံများကပြောသည်။ Narinjara

ထားဝယ်တိုင်းရင်းသားများပါတီ မှ ထုတ်ပြန်ကြေညာချက် (၃/၁၆) ကို ထုတ်ပြန်ကြေညာ

ထားဝယ်တိုင်းရင်းသားများပါတီ မှ ထုတ်ပြန်ကြေညာချက် (၃/၁၆) ကို ယနေ့ ထုတ်ပြန်ကြေညာလိုက်သည်။

အမျိုးသားပညာရေးမူဝါဒကော်မရှင် ဖွဲ့စည်းခြင်း

ပြည်ထောင်စုသမ္မတမြန်မာနိုင်ငံတော်အစိုးရ

ပြည်ထောင်စုအစိုးရအဖွဲ့

အမိန့်ကြော်ငြာစာ အမှတ် ၆၂/၂၀၁၆

၁၃၇၈ ခုနှစ်၊ တော်သလင်းလပြည့်ကျော် ၁၂ ရက်

(၂၀၁၆ ခုနှစ်၊ စက်တင်ဘာလ ၂၈ ရက်)

အမျိုးသားပညာရေးမူဝါဒကော်မရှင် ဖွဲ့စည်းခြင်း

၁။ အမျိုးသားပညာရေးဥပဒေကို ပြင်ဆင်သည့် ဥပဒေ (၂၀၁၅ ခုနှစ်)၊ အခန်း (၄)၊ ပုဒ်မ (၅) (က) အရ ပြည်ထောင်စု အစိုးရအဖွဲ့သည် အမျိုးသားပညာရေးမူဝါဒ ကော်မရှင်ကို ပြည်ထောင်စု လွှတ်တော်၏ အတည်ပြုချက်ဖြင့် အောက်ပါအတိုင်း ဖွဲ့စည်းလိုက်သည် -

(က) ဒေါက်တာမျိုးမြင့် ဒုတိယ၀န်ကြီး (ငြိမ်း)
ပညာရေးဝန်ကြီးဌာန ဥက္ကဌ

(ခ) ဒေါက်တာညီလှငယ် ဒုတိယ၀န်ကြီး (ငြိမ်း)
သိပ္ပံနှင့် နည်းပညာ ၀န်ကြီးဌာန ဒု-ဥက္ကဌ

(ဂ) ဦးဝင်းမော်ထွန်း ဒုတိယ၀န်ကြီး
ပညာရေးဝန်ကြီးဌာန အဖွဲ့ဝင်

(ဃ) ဒေါက်တာမြဦး ညွှန်ကြားရေးမှူးချုပ် (ငြိမ်း)
အဆင့်မြင့်ပညာ ဦးစီးဌာန
(အထက်မြန်မာပြည်) အဖွဲ့ဝင်

(င) ဦးထွန်းအောင်ချိန် ပါမောက္ခ(ငြိမ်း)
သမိုင်းဌာန၊ ရန်ကုန် တက္ကသိုလ် အဖွဲ့ဝင်

(စ) ဦးထွန်းလှ ဒုတိယညွှန်ကြားရေးမှူးချုပ် (ငြိမ်း)
ပညာရေးစီမံကိန်းနှင့် လေ့ကျင့်ရေး ဦးစီးဌာန အဖွဲ့ဝင်

(ဆ) ဒေါ်ခင်သန်းနွယ် လက်ထောက်ညွှန်ကြားရေးမှူး (သင်ရိုး) (ငြိမ်း)၊ ပညာရေးစီမံကိန်းနှင့် လေ့ကျင့်ရေး ဦးစီးဌာန အဖွဲ့ဝင်

(ဇ) ဒေါက်တာမျိုးဝင်း ပါမောက္ခချုပ် (ငြိမ်း)
သွားဘက်ဆိုင်ရာ ဆေးတက္ကသိုလ်၊ ရန်ကုန် အဖွဲ့ဝင်

(ဈ) ဦးသန်းနွယ် တာဝန်ခံပါမောက္ခချုပ်(ငြိမ်း)
ရတနာပုံတက္ကသိုလ် အဖွဲ့ဝင်

(ည) ဒေါက်တာသက်လွင် ပါမောက္ခ/ဌာနမှူး(ငြိမ်း) စာရင်းအင်းပညာဌာန ရန်ကုန်စီးပွားရေးတက္ကသိုလ် အဖွဲ့ဝင်

(ဋ) ဒေါက်တာမြင့်ဝင်း ဒုတိယညွှန်ကြားရေးမှူး ရောဂါရှာဖွေထိန်းချုပ်ရေးဌာန မွေးမြူရေးနှင့် ကုသရေးဦးစီးဌာန အဖွဲ့ဝင်

(ဌ) ဦးထွန်းနိုင် ရုံးအဖွဲ့မှူး မော်လမြိုင်တရားမျှတမှုစင်တာ အဖွဲ့ဝင်

(ဍ) ဒေါက်တာမြင့်သောင်း ပါမောက္ခချုပ်(ငြိမ်း)
ရေဆင်းစိုက်ပျိုးရေး တက္ကသိုလ် အဖွဲ့ဝင်

(ဎ) ဒေါက်တာဝင်းအောင် ယူနီဆက်ပညာရေးစီမံကိန်း အရာရှိ(ငြိမ်း)
အလွတ်တန်းပညာရေးအကြံပေး
(Freelance Education Consultant) အဖွဲ့ဝင်

(ဏ) ဦးမြကျော် ကျောင်းအုပ်ကြီး(ငြိမ်း) ရန်ကင်းပညာရေးကောလိပ်
ပညာရေးစီမံကိန်းနှင့် လေ့ကျင့်ရေး ဦးစီးဌာန အဖွဲ့ဝင်

(တ) ဦးစောအောင် ညွှန်ကြားရေးမှူး (ငြိမ်း)
မြန်မာနိုင်ငံ ပညာရေးသုတေသနအဖွဲ့ ဦးစီးဌာန အဖွဲ့ဝင်

(ထ) ဒေါက်တာသိန်းလွင် ပါမောက္ခ(ငြိမ်း)
ပညာရေး စိတ်ပညာဌာန၊ ရန်ကုန်ပညာရေးတက္ကသိုလ် အဖွဲ့ဝင်

(ဒ) ဦးသက်မောင် ဦးစီးအရာရှိ(ငြိမ်း)
သင်ရိုးဌာန၊ ပညာရေးစီမံကိန်းနှင့် လေ့ကျင့်ရေးဦးစီးဌာန အဖွဲ့ဝင်

(ဓ) ဒေါက်တာခင်မာရီ ပါမောက္ခ(ဌာနမှူး)
ဥပဒေပညာဌာန ရန်ကုန်တက္ကသိုလ် အဖွဲ့ဝင်

(န) ဒေါက်တာခိုင်မြဲ ညွှန်ကြားရေးမှူးချုပ်
မြန်မာနိုင်ငံ ပညာရေးသုတေသန ဦးစီး ဌာန အတွင်းရေးမှူး

(ပ) ဒေါက်တာနေဝင်းဦး ဒုတိယညွှန်ကြားရေးမှူးချုပ် အဆင့်မြင့်ပညာဦးစီးဌာန တွဲဖက် အတွင်းရေးမှူး

၂။ အမျိုးသားပညာရေးမူဝါဒကော်မရှင်၏ တာဝန်နှင့် လုပ်ပိုင်ခွင့်များမှာ အောက်ပါအတိုင်း ဖြစ်ပါ သည်-
(က) အမျိုးသားပညာရေးရည်မှန်းချက်များနှင့် ပညာရေးဆိုင်ရာမူဝါဒများ ချမှတ်ပေးခြင်း၊

(ခ) အမျိုးသားပညာရေးရည်မှန်းချက်များ အကောင်အထည်ဖော် ဆောင်ရွက်နိုင်ရန် လိုအပ် သော အမျိုးသား သင်ရိုးညွှန်းတမ်းကော်မတီ၊ အမျိုးသားပညာရေး အဆင့်အတန်းနှင့် အရည်အသွေးအာမခံမှု အကဲဖြတ်ရေးကော်မတီ၊ ပုဒ်မ (၂၇) အရ ဖွဲ့စည်းသော ကော်မတီ၊ အခြားလိုအပ်သော ကော်မတီ၊ ကောင်စီနှင့် အဖွဲ့များကို ဖွဲ့စည်း တာဝန်ပေးအပ်ခြင်း၊

(ဂ) ပညာရေးစနစ်နှင့် ပညာရေးဆိုင်ရာ မူဝါဒများ၊ ပညာရေးဆိုင်ရာ စီမံကိန်းများ အကောင် အထည်ဖော်မှုအပေါ် အကဲဖြတ်သုံးသပ်ခြင်းနှင့် အကြံပြုခြင်း၊

(ဃ) အရည်အသွေးအာမခံမှု စံချိန်စံညွှန်းများ သတ်မှတ်နိုင်ရန် မူဝါဒများ ချမှတ်ခြင်းနှင့် လမ်းညွှန်ခြင်း၊

(င) ပညာရေးကဏ္ဍအတွက် အစိုးရအဖွဲ့၊ ဒေသဆိုင်ရာ အုပ်ချုပ်ရေးအဖွဲ့များထံမှ ငွေကြေးနှင့် အထောက်အပံ့များ ရရှိရန် ညှိနှိုင်းဆောင်ရွက်ခြင်း၊

(စ) ပညာရေးကဏ္ဍအတွက် ပြည်တွင်းပြည်ပမှ ငွေကြေးနှင့် အထောက်အပံ့များ ရယူ သုံးစွဲနိုင် ရန် အလို့ငှာ မူဝါဒချမှတ်ခြင်း၊

(ဆ) ကျောင်းများဖွင့်လှစ်ခြင်း၊ ဖွင့်လှစ်ခွင်ရပ်ဆိုင်းခြင်းနှင့် ပိတ်သိမ်းခြင်းဆိုင်ရာ မူဝါဒများ ချမှတ်ခြင်း၊

(ဇ) ဝန်ကြီးဌာနနှင့် သက်ဆိုင်ရာဝန်ကြီးဌာနများက ပြုစုတင်ပြသော ပညာရေးဆိုင်ရာ စီမံကိန်းများနှင့် စပ်လျဉ်း၍ ပေါင်းစပ်ညှိနှိုင်းပေးခြင်း၊

(ဈ) ကော်မရှင်သည် မိမိ၏ လုပ်ငန်းဆောင်ရွက်ချက်များကို ပြည်ထောင်စုလွှတ်တော်နှင့် အစိုးရအဖွဲ့သို့ အနည်းဆုံး ခြောက်လတစ်ကြိမ် အစီရင်ခံတင်ပြခြင်း။


အမိန့်အရ
ဇော်သန်းသင်း
အတွင်းရေးမှူး
ပြည်ထောင်စုအစိုးရအဖွဲ့

Myanmar President Office

KIA ဌာနချုပ်အနီး တိုက်ပွဲတွေ ပြန်ဖြစ်

ကချင်ပြည်နယ်အတွင်း တိုက်ပွဲတွေဟာ ရက်ခြားဆိုသလို ဖြစ်ပွားလာတာ အခုဆိုရင် ရက်သတ္တ ၂ပတ်ကျော် လောက်ရှိခဲ့ပြီး မနေ့ညနေခင်းပိုင်းကတော့ ကချင်လွတ်လပ်ရေးတပ်ဖွဲ့ KIA ဌာနချုပ်အနီးမှာ တိုက်ပွဲတွေပြင်းပြင်းထန်ထန် ဖြစ်ပွားခဲ့ပါတယ်။ ဒီကနေ့မှာလည်း အစိုးရစစ်တပ်ဖက်က မြစ်ကြီးနားကနေ လိုင်ဇာဒေသဖက်ကို စစ်ကူတွေထပ်မံသွားရောက်နေတာကြောင့် တိုက်ပွဲတွေ ပြင်းထန်လာမှာကို စိုးရိမ်မှုတွေလည်း ရှိနေပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့သတင်းထောက်ကိုမိုးဇော်က တင်ပြထားပါတယ်။

ကချင်လွတ်လပ်ရေးတပ်ဖွဲ့ KIA ဌာနချုပ် လိုင်ဇာအနီးမှာ ဒီလ ၁၅ရက်နေ့လောက်ကတည်းက စတင်ခဲ့ရာက ပြီးခဲ့တဲ့သောကြာနေ့က လေကြောင်းကနေ့ ပစ်ခတ်တိုက်ခိုက်တာတွေဖြစ်ခဲ့ပြီးနောက် ငြိမ်သက်နေခဲ့ပါတယ်။

အင်္ဂါနေ့မှာတော့ လက်နက်ကြီးနဲ့ပစ်ခတ်တာတွေရှိခဲ့သလို ဗုဒ္ဓဟူးနေ့မှာတော့ တိုက်ပွဲတွေ ပြင်းထန်ခဲ့တယ်လို့ TAT ခေါ် KIO ရဲ့ ထောက်ကူပြုအဖွဲ့က ပြောခွင့်ရသူ ဦးဒေါင်ခါးက ပြောပါတယ်။

“သံအမတ်လာတဲ့ည ကျနော်တို့ TAT ရုံးမှာ သူနဲ့ တွေ့ဆုံစကားပြောနေတဲ့အချိန်မှာ ၈ ချက်ပစ်တယ်။ မနေ့ကလည်း တိုက်နေကြတယ်။ လေယာဉ်နဲ့ သွားတယ် ဟိုဘက်မှာ မိုးအုံ့တော့ လေယာဉ်နဲ့မတိုက်ပဲ ပြန်သွားတယ်လို့ပြောတယ်။ ဒါပေမယ့် တပ် ထိုးတာ သေချာတယ်။ အကြိမ်အခေါက်ရေ တော်တော်လေးကြိုးစားကြရတယ်လို့ပြောတယ်။ ဒီနေ့တော့ ဖြစ်နေတယ်လို့ပဲ ကြားရေသေးတယ်။ အောက်ခြေသတင်းက မတက်သေးဘူး။”

KIOရဲ့ ထောက်ကူပြုအဖွဲ့ TATနဲ့ အမေရိကန်သံအမတ်ဟာ အင်္ဂါနေ့ ညနေ ၃နာရီလောက်က တွေ့ဆုံခဲ့တာဖြစ်ပါတယ်။

လောလောဆည်တိုက်ပွဲဖြစ်ပွားနေတဲ့နေရာတော့ မြစ်​ကြီးနား ဗန်မော်လမ်း အရှေ့ဘက်ခြမ်းရှိ အင်ခရန်တောင်ကြောက KIAရဲ့ Gidon စခန်းမှာဖြစ်ပွားခဲ့တာဖြစ်ပါတယ်။

လိုင်ဇာက KIOတာဝန်ရှိသူတဦးကတော့ ကြာသပတေးနေ့မှာ တိုက်ပွဲဖြစ်ပွားတာမကြားရသေးကြောင်း၊ ဗုဒ္ဓဟူးနေ့ကတော့ မနက်၈နာရီလောက်တည်းက အပြန်အလှန် လက်နက်ကြီးနဲ့ပစ်ခတ်ခဲ့ကြပြီး ညနေ၂နာရီကနေ ၄နာရီအထိမှာ အစိုးရတပ်ဖက်က KIA တပ်စခန်းကို ၅ကြိမ်လောက် ထိုးစစ်ဆင် တိုက်ခိုက်ခဲ့ကြောင်း ပြောပါတယ်။

တိုက်ပွဲဖြစ်ပွားတာမရှိပေမဲ့ စစ်အင်အားတွေ ထပ်မံပို့လွှတ်နေတာကြောင့် တိုက်ပွဲတွေ ပြင်းထန်လာနိုင်တယ်လို့ ကချင်ငြိမ်းချမ်းရေးအကျိုးဆောင်အဖွဲ့က ဦးအင်ရှန်ဆန်အောင်က ပြောပါတယ်။

“ဒီနေ့နောက်ဆုံးအခြေအနေကတော့ လေယာဉ်ရော၊ မြေပြင်ရောအကုန် စစ်ကြောင်းမျိုးစုံနဲ့တော့ သွားနေတာတော့တွေ့လိုက်တယ်။ မြစ်ကြီးနားနဲ့တော့ သူကစစ်ကြောင်းကတော့ တလျှောက်သွားနေတယ်ဆိုတော့ အဲဒီမှာလည်း တောက်လျှောက်နေရာယူထားတယ်ဆိုတော့ အဲဒီဘက် ၃- ၄ နေရာတွေ လောက်ကို သူတို့ထိုးစစ်ဆင်နေတယ်ခင်ဗျ။ KIO ၊ KIA ဌာနချုပ်ရှေ့က တပ်ရင်းတပ်ဖွဲ့တွေစခန်းကိုအားလုံးကို သူက ထိုးစစ်ဆင်နေတယ်။ ဒီအတိုင်းဆို၇င်တော့ အများကြီးပြင်းထန်နိုင်စရာရှိပါတယ်ခင်ဗျ။”

ပြီးခဲ့တဲ့ သောကြာနေ့တိုက်ပွဲမှာတော့ အစိုးရတပ်မတော်ဖက်က စစ်ရဟတ်ယာဉ်သုံးပြီး တိုက်ခိုက်ခဲ့တယ်လို့ KIO သတင်းထုတ်ပြန်ထားပါတယ်။

ဒီလို ကချင်ပြည်နယ်အတွင်းမှာ တိုက်ပွဲတွေပြင်းထန်နေချိန်မှာ အစိုးရရဲ့ ငြိမ်းချမ်းရေးကော်မရှင်နဲ့ တနိုင်ငံလုံးပစ်ခတ်တိုက်ခိုက်မှုရပ်စဲရေးစာချုပ် NCAလက်မှတ် မထိုးသေးတဲ့ တိုင်းရင်းသား လက်နက်ကိုင်တွေအကြား ဆွေးနွေးနေပါတယ်။ တိုင်းရင်းသားလက်နက်ကိုင်အဖွဲ့တွေက တနိုင်ငံလုံးအပစ်အခတ်ရပ်စဲရေးကြေညာပြီးမှသာ NCA ကို လက်မှတ်ရေးထိုးမယ်လို့ ပြောဆိုထားပြီး ငြိမ်းချမ်းရေးကော်မရှင်ကတော့ နှစ်ဖက်ဆွေးနွေးမှုဟာ တိုးတက်မှုရှိကြောင်း ပြောဆိုထားပါတယ်။

တနိုင်ငံလုံးပစ်ခတ်တိုက်ခိုက်မှုရပ်စဲရေးစာချုပ် NCA ကို တိုင်းရင်းသားလက်နက်ကိုင်အဖွဲ့ ၈ဖွဲ့သာ လက်မှတ်ရေးထိုးထားပြီး ကျန် လက်နက်ကိုင်အဖွဲ့ ၁၃ဖွဲ့ကတော့ လက်နက်ကိုင်အဖွဲ့အားလုံးပါဝင်မှသာ လက်မှတ်ထိုးမှာဖြစ်ကြောင်း သတင်းထုတ်ပြန်ထားပါတယ်။

ကိုမိုးဇော် / ဗွီအိုအေ (မြန်မာပိုင်း)

အင်ဂျင်နီယာတပ်မှ ဗိုလ်ကြီးတဦး ဇနီးသည်က ဓါးဖြင့်ထိုး၍ သေဆုံး

စက်တင်ဘာလ ၁၄ ။

ရှမ်းပြည်နယ် ပင်လောင်းမြို့ရှိ အမှတ်(၃) အထူးဆောက်လုပ်ရေးအင်ဂျင်နီယာတပ်မှ ဗိုလ်ကြီးဝေဖြိုးအောင်အား ဇနီးဖြစ်သူက လည်ပင်းကို ဓားဖြင့်ထိုးသဖြင့် ကားပေါ်တွင် သေဆုံးသွားခဲ့ကြောင်း သတင်းရရှိသည်။

ဖြစ်စဉ်မှာ မကွေးတိုင်းဒေသကြီး၊ အထူးစုံစမ်းစစ်ဆေးဦးစီးဌာန လက်ထောက်ညွှန်ကြားရေးမှူးဦးအောင်ဖြိုးက ရမည်သင်းမြို့ရှိ မိခင်ဒေါ်မမကြီးထံ ဖုန်းဆက်၍ အစ်ကိုဖြစ်သူဗိုလ်ကြီးဝေဖြိုးအောင်နှင့် ဖုန်းပြောနေစဉ်ဗိုလ်ကြီးဝေဖြိုးအောင်က ဇနီးဖြစ်သူမိမိအား ဓားဖြင့်ထိုးကြောင်း၊ အလန့်တကြားအော်ဟစ်ပြီး ဆက်သွယ်၍မရတော့ကြောင်း၊ ဒေါ်မမကြီးက သားဖြစ်သူကားကို လိုက်လံရှာဖွေရာ တပ်ကုန်း-ပင်လောင်းလမ်း မိုင်တိုင်အမှတ် ၈/၄ တွင် ဗိုလ်ကြီးဝေဖြိုးအောင် ကို ၎င်း၏ကားဖြစ်သည့် YGN-5H/4069 Civic Hybrid ခဲရောင်ကားပေါ်တွင် လည်ပင်းတွင် ထိုးသွင်းဒဏ်ရာဖြင့် သေဆုံးနေသူကို တွေ့ရပြီး၊ မြေးဖြစ်သူ ဗိုလ်ကြီးဝေဖြိုးအောင်၏ သမီး မပန်းမြတ်ဟေသီ(၅)နှစ်ခန့်ကို ကားပေါ်၌ အိပ်ပျော်လျက်ရှိသည်ကို တွေ့ရှိခဲ့ရသည်။

အဆိုပါဖြစ်စဉ်နှင့်ပတ်သက်၍ ဗိုလ်ကြီးဝေဖြိုးအောင်၏ ဇနီးဖြစ်သူ မခင်စန္ဒီကျော် (၃၄)နှစ်(ဘ)ဦးမောင်ကျော်အား ဥပဒေအရ အရေးယူပေးရန် ဗိုလ်ကြီးဝေဖြိုးအောင်၏ မိခင်ဒေါ်မမကြီးက တပ်ကုန်းမြို့နယ်ရဲစခန်းတွင် မမစ-တက၊ (ပ)၁၈၈/၂၀၁၆၊ ရာဇသတ်ကြီးဥပဒေပုဒ်မ-၃၀၁ ဖြင့် စက်တင်ဘာ ၁၄ ရက် အမှုဖွင့်ထားပြီး အမှုအား စခန်းမှူးဒုရဲမှူးသန်းဝင်းက လက်ခံစစ်ဆေး၍ မခင်စန္ဒီကျော်အား ဖမ်းဆီးရမိ ဆောင်ရွက်လျက်ရှိကြောင်းသတင်းရရှိသည်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)

ကျူးကျော်ဆောက်လုပ်ထား တဲ့ မောင်းမကန်ကမ်းခြေက ဘန်ဂလိုတွေ ဖျက်သိမ်းရမည်

တနသာင်္ရီတိုင်းဒေသကြီး ထားဝယ်ခရိုင် မောင်းမကန်ကမ်းခြေမှာ ဟိုတယ်လုပ်ငန်း လုပ်ကိုင်နေတဲ့ ကုမ္ပဏီ ၂ ခုဟာ မြေယာပိုင်ဆိုင်မှုထက်ကျော်လွန်ပြီး ကျူးကျော် ဆောက်လုပ်ထားတဲ့ ဘန်ဂလိုတွေကို ဖျက်သိမ်းပေးဖို့နဲ့ လုပ်ငန်းရပ်ဆိုင်းထားဖို့ တိုင်းဒေသကြီး ၀န်ကြီးချုပ် ဒေါက်တာလဲ့လဲ့မော် က ညွှန်ကြားလိုက်ပါတယ်။

မောင်းမကန်ကမ်းခြေမှာ ဆောက်လုပ်ထားတဲ့ ကုမ္ပဏီ ၂ ခုရဲ့ လုပ်ငန်းလည်ပတ်မှုကို မနေ့က သွားရောက်စစ်ဆေးခဲ့တာဖြစ်တယ်လို့ ၀န်ကြီးချုပ် ဒေါက်တာ လဲ့လဲ့မော်က ပြောပါတယ်။

"လက်ရှိမြေကျူးကျော်ပြီးဆောက်ထားတဲ့ ကုမ္ပဏီကိုတော့ ဘန်ဂလိုတွေ ဖျက်သိမ်း ပေးဖို့ ပြောထားတယ်။ ဘန်ဂလို ၁၂ လုံးလောက်ရှိတယ် အဲ့ဒါဖျက်ပေးရမှာ။ ဟိုဘက်က ကုမ္ပဏီကတော့ လက်ရှိလုပ်ငန်းတွေ ရပ်ခိုင်းထားတယ်။ မြေယာပိုင်ဆိုင်မှု ပြန်လုပ်ပြီးမှ ဟိုတယ်လုပ်ငန်းပြန် လုပ်ဖို့ ပြောထားတယ်။"

မောင်းမကန်ကမ်းခြေမှာ ဟိုတယ်လုပ်ငန်းလုပ်ကိုင်နေတဲ့ ကုမ္ပဏီ ၂ ခုသာရှိပြီး အဲ့ဒီထဲက ဧက ၄၀၀ ကျော်ပိုင်ဆိုင်တဲ့ ကုမ္ပဏီတစ်ခုဟာ ဟိုတယ်လိုင်စင်မရှိပဲ ဘန်ဂလိုတွေဆောက်လုပ်နေတာဖြစ်ပါတယ်။

နောက်ထပ်ကုမ္ပဏီတစ်ခုက ဟိုတယ်လုပ်ကိုင်ခွင့်လိုင်စင်ရှိပြီး မြေပိုင်ဆိုင်မှုမရှိဘဲ ဘန်ဂလိုတွေ ဆောက်လုပ်နေတာကြောင့် လုပ်ငန်းရပ်ဆိုင်းဖို့နဲ့ မြေယာ ပိုင်ဆိုင်ခွင့်တင်ပြတောင်းခံဖို့ ညွှန်ကြားထားတာဖြစ်ပါတယ်။

RFA Burmese

ဒေါ်အောင်ဆန်းစုကြည်နဲ့ သမ္မတ အိုဘားမား တွေ့ဆုံ

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ အမေရိကန်သမ္မတအိုဘားမားနဲ့ တွေ့ဆုံဖို့ သမ္မတအိမ်ကိုရောက်ရှိ

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ အမေရိကန်သမ္မတအိုဘားမားနဲ့ အမေရိကန်စံချိန် မနက် ၁၁ နာရီကျော်မှာ စတင်တွေ့ဆုံနေပြီဖြစ်ပါတယ်။ ဒီမတိုင်ခင်ကတော့ ဒု သမ္မတ ဂျိုးဘိုင်ဒန်နဲ့အတူ မနက်စာ စားသုံးခဲ့တာပါ။

သမ္မတအိုဘားမားနဲ့ တွေ့ဆုံပြီးရင်တော့ နိုင်ငံခြားရေးဝန်ကြီး ဂျွန်ကယ်ရီနဲ့အတူ နေလည်စာ စားသုံးပြီး စကားပြောဆိုဖို့ရှိနေပါတယ်။ အမေရိကန် တာဝန်ရှိသူတွေနဲ့ တွေ့ဆုံတဲ့အခါမှာ အမေရိကန်ပြည်ထောင်စုရဲ့ မြန်မာနိုင်ငံအပေါ် အရေးယူဒဏ်ခတ်မှုတွေ ဖြေလျှော့ရေးကိစ္စတွေကို ဆွေးနွေးမယ်လို့ မျှော်လင့်ရပါတယ်။ ဒေါ်အောင်ဆန်းစုကြည်ဟာ အမေရိကန်လွှတ်တော်ခေါင်းဆောင်တွေနဲ့လည်း မနက်ဖြန်မှာ တွေ့ဆုံဖို့ရှိနေပါတယ်။

ဒီကနေ့ ညနေပိုင်းမှာတော့ ၀ါရှင်တန်ဒီစီမြို့က အထင်ကရနေရာတခုဖြစ်တဲ့ လင်ကွန်းအမှတ်တရဗိမာန်ကို ဒေါ်အောင်ဆန်းစုကြည် သွားရောက် လည်ပတ်မှာဖြစ်ပြီး၊ ညပိုင်းမှာတော့ ၀ါရှင်တန်ဒီစီ မြန်မာသံရုံးက ညစာ စားပွဲကို တတ်ရောက်မှာဖြစ်ပါတယ်။ ဒေါ်အောင်ဆန်းစုကြည်ဟာ မနေ့ညပိုင်းက ၀ါရှင်တန်ဒီစီကို ရောက်ရှိချိန်မှာတော့ ဒေသခံမြန်မာတွေက ခရီးဦးကြိုခဲ့ကြပါတယ်။

 ဗွီအိုအေ (မြန်မာပိုင်း)

ကရင် နဲ့ မွန် တိုက်ပွဲ ညှိနှိုင်းဖြေရှင်း

ကရင်အမျိုးသားအစည်း အရုံး (KNU)တပ်သားများ

နယ်မြေအငြင်းပွါးမှုပြဿနာနဲ့ပြီးခဲ့တဲ့ရက်က စစ်ရေးပဋိပက္ခဖြစ်ပွါးခဲ့တဲ့ မွန်ပြည်သစ်ပါတီနဲ့ ကရင်အမျိုးသားအစည်း အရုံး (KNU)ခေါင်းဆောင်တို့ကနေ ဒီကနေ့တွေ့ဆုံဆွေးနွေးခဲ့ရာမှာ နယ်မြေပိုင်းခြားရေးအတွက် ဗဟိုအဆင့်ကနေ ဆောင်ရွက်သွားဖို့နဲ့ပြဿနာမဖြစ်ပွါးဖို့အတွက် နှစ်ဖက်နယ်မြေတာဝန်ခံ(၃)စီပါဝင်တဲ့ ကော်မီတီတရပ်ကို ဖွဲ့စည်းခဲ့ဖို့ သဘောတူညီချက်ရရှိခဲ့ပါတယ်။ VOAထိုင်းအခြေစိုက်သတင်းထောက်နိုင်ကွန်းအိန်ကနေ သတင်းပေးပို့ထားပါတယ်။

မွန်ပြည်သစ်ပါတီတပ်ဖွဲ့နဲ့ ကရင်အမျိုးသားအစည်းအရုံး KNUတပ်ဖွဲ့တို့ကြား ဖြစ်ပေါ်ခဲ့တဲ့စစ်ရေးပြဿနာနဲ့ပတ်သက်ပြီး ဒီကနေ့မှာ နှစ်ဖက်ခေါင်းဆောင်တွေကနေ တနင်္သာရီတိုင်းဒေသကြီး ရေဖြူမြို့နယ်ရာဖူးကျေးရွာမှာ တွေ့ဆုံညှိနှိုင်း ခဲ့တာပါ။

ဒီနေ့တွေ့ဆုံမှုနဲ့ပတ်သက်လို့ ကရင်အမျိုးသားအစည်းအရုံး(KNU) မြိတ်-ထားဝယ် ဆက်ဆံရေးရုံးတာဝန်ခံ ပဒိုဝင်းခိုင် ကအခုလိုပြောပါတယ်။

“ဒီကနေ့ ကျနော်တို့ တွေ့ခဲ့ကြတဲ့ အပိုင်းမှာကတော့ ကျနော်တို့ အပြန်အလှန်ဆွေးနွေးကြတယ်။ နောက်ဆုံးကျတော့ နယ်မြေပြဿနာနဲ့ နယ်မြေပိုင်းခြားမှုမှာကတော့ ပြန်ပြီးတော့ ဆွေးနွေးတဲ့အပေါ်မှာတော့ နှစ်ဘက်စလုံးက လက်ခံတယ် ။ ဗဟိုအဆင့်ရှင်းမှပဲ KNU ဖြစ်စေ၊ မွန်ပြည်သစ်ပါတီဖြစ်စေ အဲဒီအဆင့်မှ သူတို့ ရှင်းကြမှပဲ ရှင်းမယ် ။ ဒါပေမယ့် လောလောဆယ်ကတော့ ၂ ဘက်တပ်က တပ်မှူးတွေကတော့ နောက်တိုက်ပွဲမဖြစ်ဖို့ အတွက် အာမခံပြီးတော့ သူတို့ ကြိုးစားဆောင်ရွက်ရမယ်။ နောက်တချက်ကတော့ လောလောဆယ် ဗဟိုက စီစဉ်တွေ့ကြတဲ့အချိန်မရောက်ခင်မှာကတော့ ကော်မတီတခု ဖွဲ့ထားတယ်။ ဒီကော်မတီကတော့ ပြဿနာဖြေရှင်းနိုင်ဖို့ နောက်ပြဿနာ မဖြစ်ဖို့ အတွက် ကြည့်ရှု့စောင့်ရှောက်မယ့်အဖွဲ့ဆိုတာကတော့ KNU ဘက်မှာ ၃ ယောက်၊ မွန်ပြည်သစ်ဘက်မှာက ၃ ယောက် နယ်မြေတာဝန်ခံလို့ပြောရမှာပေါ့ ၊ ၂ ဦး ၂ ဘက်က အရာရှိတွေ ညှိနှိုင်းပူးပေါင်းဆောင်ရွက်ဖို့အတွက်ပေါ့ အဲဒါ။”

ဒီကနေ့တွေ့ဆုံမှုမှာ KNUဘက် ပဒိုမန်ငြိမ်းမောင်ဦးဆောင်ခဲ့သလို မွန်ပြည်သစ်ပါတီဘက်ကတော့ ဗဟိုကော်မီတီဝင် နိုင်အောင်မငေး ဦးဆောင်အဖွဲ့တို့ဆွေးနွေးခဲ့ကြတာပါ။

ဆွေးနွေးပွဲရလာဒ်ကတော့ မွန်ပြည်သစ်ပါတီနဲ့ကရင်အမျိုးသားအစည်းအရုံးတို့အကြား ဖြစ်ပွားနေတဲ့နယ်မြေ နယ်နမိတ် ပိုင်းခြားသတ်မှတ်နိုင်ရေးအတွက်ဗဟိုအဆင့်ကနေဆောင်ရွက်သွားဖို့သဘောတူညီချက်ရရှိခဲ့ပါတယ်။

ဒီလိုဗဟိုအဆင့်အနေနဲ့တွေ့ဆုံနိုင်ဖို့ ခရိုင်ကနေတဆင့်ဗဟိုကိုအမြန်ဆုံးတင်ပြသွားဖို့ အောက်ခြေအဆင့်စစ်ရေးပြဿနာထပ်မံမဖြစ်ပွါးဖို့ သက်ဆိုင်ရာနယ်မြေခံတပ်မှူးတွေကနေ ကြီးကြပ်သွားဖို့နဲ့ သွားလာလှုပ်ရှားမှုများကိုအသိပေးအကြောင်းကြားဖို့ စတဲ့ အချက်တွေသဘောတူညီချက်ရရှိခဲ့သလို ပြဿနာမဖြစ်ပွါးဖို့အတွက် နှစ်ဖက်နယ်မြေတာဝန်ခံ(၃)ဦးစီပါဝင်တဲ့ ကော်မီ တီတရပ်ကိုဖွဲ့စည်းခဲ့ပါတယ်။

ပြီးခဲ့တဲ့စက်တင်ဘာ(၈)ရက်နေ့တုန်းက တနင်္သာရီတိုင်းဒေသကြီး၊ရေဖြူမြို့နယ် အလယ်စခန်းကျေးရွာအုပ်စု သဲချောင်း ဖျားကျေးရွာအနီးမှာ ဒေသတွင်းအခြေချနေတဲ့ မွန်ပြည်သစ်တပ်ဖွဲ့ဝင်တွေနဲ့ ကရင်အမျိုးသားအစည်းအရုံး (KNU) တပ်ဖွဲ့ဝင်တို့ဟာ နယ်မြေပိုင်ဆိုင်မှုပြဿနာကြောင့် တိုက်ပွဲငယ်တခုဖြစ်ပွါးခဲ့ပါတယ်။

ဒီလိုဖြစ်ပွါးခဲ့တဲ့တိုက်ပွဲမှာ သဲချောင်းကျေးရွာဒေသခံတွေရဲ့နေအိမ်(၃)လုံးခန့် ထိခိုက်ပျက်စီးခဲ့ပေမယ့် ရွာသားတွေအပါအ၀င် နှစ်ဘက်တပ်ဖွဲ့တွေထိခိုက်မှုတော့မရှိဘူးလို့ဒေသခံတွေကဆိုပါတယ်။

ဒီလိုတိုက်ပွဲဖြစ်ပွါးရတာဟာ ဆက်သွယ်ရေးအပိုင်းမှာ အားနည်းချက်ကြောင့်လို့ ပဒိုဝင်းခိုင် ကအခုလိုပြောပါတယ်။

“တိုက်ပွဲဖြစ်တာကတော့ မထင်မှတ်ပဲနဲ့ accident ဖြစ်သွားတဲ့သဘောကတော့ ဒီလောက်ပြဿနာမရှိဘူး ။ ဒါပေမယ့် ပြောရမယ်ဆိုရင် နဂိုကတည်းက စည်းခြားဖို့အတွက်က ဘာမှမရှိဘူး။ ပြီးတော့ ဆက်သွယ်ရေးပိုင်းမှာလည်း အားနည်းတဲ့အပေါ်မှာ ဒါတွေဖြစ်ခဲ့တယ်။”

တွေ့ဆုံပွဲကိုတက်ရောက်ခဲ့တဲ့မွန်ပြည်သစ်ပါတီတာဝန်ခံတပ်မှူးတဦးကတော့လက်ရှိမှာ ကိုယ့်တပ်ကိုထိန်းပြီး ပြဿနာ ထပ်မံမဖြစ်ပွါးဖို့ ဆောင်ရွက်နေတယ်လို့မွန်ဘာသာနဲ့ပြောဆိုပါတယ်။

“လက်ရှိအခြေအနေတော့ ဘာပြဿနာမှမဖြစ်သေးဘူးလေ။ကိုယ်နေရာ ကိုယ့်လူတွေကို ထိန်း သိမ်းရေတဲ့သဘောပါဘဲ။ ရှေ့ဆက်ပဋိပက္ခမဖြစ်ပွါးအောင်ရှောင်ရှားကြဖို့နဲ့ နယ်မြေကိစ္စကတော့ဗဟိုအဆင့်မှာ ဆွေးနွေးသွားဖို့ သဘောတူခဲ့တယ်။”

၂၈နှစ် နီးပါးစစ်ရေးပြဿနာငြိမ်သက်နေတဲ့ မွန်ပြည်သစ်ပါတီနဲ့ကရင်အမျိုးသား အစည်းအရုံးတို့အကြား အခုလိုစစ်ရေး ပဋိပက္ခ ဖြစ်လာတဲ့အပေါ် မွန်သတင်းအေဂျင်စီရဲ့အယ်ဒီတာချုပ် နိုင်ကဆော့မွန်ကနေ သူ့အမြင်ကိုအခုလိုပြောပါတယ်။

“ကျနော့်အမြင်ကတော့ KNU နဲ့ မွန်ပြည်သစ်ပါတီတို့ဟာ အရင်က ချုပ်ဆိုထားတဲ့ မွန်-ကရင် စာချုပ်တွေ ရှိခဲ့ဘူးတယ်လေ။ အဲဒါတွေ ပြန်ကြည့်ဖို့လိုတာပေါ့။ ကျနော်တို့ ဒီ နီးနီးနားနားဖြစ်နေတဲ့ ပြည်နယ်တွေက ပဋိပက္ခတွေကိုအဖြေရှာဖို့လိုတယ်။ လူချင်းတွေဖို့လိုတယ် နောက် ရှိနေတဲ့ပြဿနာကို ငြိမ်းချမ်းတဲ့နည်းနဲ့ ဖြေရှင်းဖို့လိုတယ်။”

မွန်ပြည်သစ်ပါတီနဲ့ ကရင်အမျိုးသားအစည်းအရုံး (KNU)တို့ဟာ ၁၉၈၈ခုနှစ်မှာ နယ်မြေအငြင်းပွါးမှုပြဿနာကြောင့် စစ်ရေးပဋိပက္ခပြင်းထန်စွာဖြစ်ပွါးခဲ့ပြီး (၂၈)နှစ်နီးပါးပဋိပက္ခရပ်တန့်ရာကနေ စက်တင်ဘာ(၉)ရက်နေ့မှာ အသေးစား တိုက်ပွဲ ဖြစ်ပွါးလာတာလဲဖြစ်ပါတယ်။

ပြဿနာဖြစ်ပွါးပြီးစက်တင်ဘာ(၉)ရက်နေ့မှာ ဘုရားသုံးဆူမြို့မှာ ဒေသခံKNUခေါင်းဆောင်တွေနဲ့ မွန်ပြည်သစ်ပါတီ ခေါင်းဆောင်တို့ကနေ တွေ့ဆုံဆွေးနွေးခဲ့ကြပြီး ရှေဆက်ညီညီညွတ်ညွတ်နဲ့ပူးပေါင်းသွားဖို့ သဘောတူညီခဲ့ကြပါ တယ်။

မြိတ်-ထားဝယ်ဒေသဟာ မွန်ပြည်သစ်ပါတီနဲ့ ကရင်အမျိုးသားအစည်းအရုံးတို့အကြား နယ်မြေသတ်မှတ်မှု မရှိ သေးတာကြောင့် ယခုလိုမထင်မှတ်ဘဲပဋိပက္ခဖြစ်ပွါးလာပေမဲ့ ဒီပြဿနာကိုနှစ်ဖက်ခေါင်းဆောင်တွေ တွေ့ဆုံဖြေရှင်း နိုင်လိမ့်မယ်လို့မျှော်လင့်ကြောင်း(KNU) ဘိတ်ထားဝယ်ဆက်ဆံရေးရုံးတာဝန်ခံ ပဒိုဝင်းခိုင် ကပြောပါတယ်။

နိုင်ကွန်းအိမ်  / ဗွီအိုအေ (မြန်မာပိုင်း)

မလေးအကျဉ်းစခန်းမှာ ထိန်းသိမ်းခံရသူတွေထဲက ၈ဝ ကျော်သာ မြန်မာနိုင်ငံသားဖြစ်

မလေးရှားနိုင်ငံဆိုင်ရာ မြန်မာသံရုံးဝန်ထမ်းတွေက Belantik Camp မှာ ထိန်းသိမ်းခံထားရသူတွေကို စက်တင်ဘာလ ၆ ရက်နေ့က သွားရောက်စိစစ်စဉ်။ Photo: Myanmar Embassy in Kuala Lumpur, Malaysia

မလေးရှားနိုင်ငံက Belantik ထိန်းသိမ်းရေးစခန်းမှာ မြန်မာနိုင်ငံသားအဖြစ် စာရင်းပေးထားသူ တစ်ထောင်နီးပါး ရှိပြီး အဲ့ဒီအထဲက ၈ဝ ကျော်သာ မြန်မာနိုင်ငံသားဖြစ်ကြောင်း စိစစ်တွေ့ရှိထားတယ်လို့ မလေးရှားနိုင်ငံ ဆိုင်ရာ မြန်မာသံရုံးက သတင်းထုတ်ပြန်ပါတယ်။

မြန်မာနိုင်ငံသားတွေကို  မြန်မာပြည်ပြန်လည်ပို့ဆောင်နိုင်ရေးအတွက် မလေးရှားနိုင်ငံဆိုင်ရာ မြန်မာသံရုံး ဝန်ထမ်းတွေက မြန်မာနိုင်ငံသား ဟုတ်/မဟုတ်ကို သွားရောက်စစ်ဆေးခဲ့တာဖြစ်တယ်။ ကျန်တဲ့သူတွေဟာ UN ကတ်ရရှိဖို့ စောင့်ဆိုင်းနေသူတွေနဲ့  အခြားနိုင်ငံသားတွေဖြစ်တယ်လို့ သံရုံးရဲ့ထုတ်ပြန်ချက်မှာ ပါရှိပါတယ်။

ဒါ့အပြင် မလေးရှားနိုင်ငံက စီမူဂျာထိန်းသိမ်းရေးစခန်းနဲ့ အနောက်ဘက်ပင်မကျွန်းဆွယ်က စခန်း ၁၁ ခုမှာ ထိန်းသိမ်းခံထားရတဲ့ မြန်မာနိုင်ငံသား စုစုပေါင်း ၃ သောင်းကျော်ကို ၇ နှစ်အတွင်း ပြန်လည်ပို့ဆောင်နိုင်ခဲ့ တယ်လို့လည်း ဖော်ပြထားပါတယ်။

စီမူဂျာထိန်းသိမ်းရေးစခန်းဟာ မလေးရှားနိုင်ငံ အရှေ့ဘက်ကျွန်းဆွယ်မှာ တည်ရှိတာကြောင့် အခက်အခဲတွေ ရှိတဲ့အတွက် အဲ့ဒီထိန်းသိမ်းရေးစခန်းက မြန်မာနိုင်ငံသားတွေကို အခုလို ပြန်လည်ပို့ဆောင်နိုင်တာ ပထမဆုံး အကြိမ်ဖြစ်ပါတယ်။

အဲ့ဒီမြန်မာနိုင်ငံသားတွေဟာ မလေးရှားနိုင်ငံမှာ သွားရောက်အလုပ်လုပ်ကိုင်ရင်း မလေးရှားနိုင်ငံရဲ့ လူဝင်မှုကြီးကြပ်ရေးဥပဒေတွေနဲ့ ဖမ်းဆီးထိန်းသိမ်းခံထားရတာဖြစ်ပါတယ်။

RFA Burmese

ဒေါ်အောင်ဆန်းစုကြည် ဗြိတိန်နဲ့ ကန်ခရီးစဉ်

ယူကေနှင့် အမေရိကန်ခရီးစဉ်များအတွက် ရန်ကုန်လေဆိပ်မှ ထွက်ခွာသွားသည့် ဒေါ်အောင်ဆန်းစုကြည်နှင့်အဖွဲ့။ စက်တင်ဘာ ၁၀၊ ၂၀၁၆။ (ဓာတ်ပုံ - MOI)

နိုင်ငံတော်၏အတိုင်ပင်ခံပုဂ္ဂိုလ်၊ နိုင်ငံခြားရေးဝန်ကြီး ဒေါ်အောင်ဆန်းစုကြည်ဟာ သူ့ရဲ့ဗြိတိန်နိုင်ငံခရီးစဉ်အတွင်းမှာ ဗြိတိန်ဝန်ကြီးချုပ်အပါအဝင် အစိုးရအဖွဲ့တာဝန်ရှိသူတွေ၊ လွှတ်တော်အပါအဝင် စစ်ဘက်ရေးရာ အကြီးအကဲတွေနဲ့တွေ့ဆုံဖို့ရှိပါတယ်။ ဒေါ်အောင်ဆန်းစုကြည်ဟာ ဒီကနေ့ စနေနေ့မနက်ပိုင်းမှာပဲ သူ့ရဲ့ဗြိတိန်နိုင်ငံခရီးစဉ်နဲ့ အမေရိကန်ပြည်ထောင်စု ခရီးစဉ်ကို စတင်လိုက်ပြီဖြစ်ပါတယ်။ ဒေါ်အောင်ဆန်းစုကြည်ရဲ့ ခရီးစဉ်နောက်ဆုံးရအခြေအနေကို ဆက်သွယ်မေးမြန်းထားတဲ့ မဆုမွန်က တင်ပြပေးထားပါတယ်။
နိုင်ငံတော်၏အတိုင်ပင်ခံပုဂ္ဂိုလ် နိုင်ငံခြားရေးဝန်ကြီး ဒ်ါအောင်ဆန်းစုကြည် ဦးဆောင်တဲ့ မြန်မာကိုယ်စားလှယ်အဖွဲ့ဟာ ဒီကနေ့ စက်တင်ဘာလ ၁၀ရက်နေ့ စနေနေ့ မနက်ပိုင်း ၉နာရီ ၄၀မိနစ်မှာပဲ ဗြိတိန်နဲ့ အမေရိကန်နိုင်ငံခရီးစဉ်တွေ အတွက် ရန်ကုန်အပြည်ပြည်ဆိုင်ရာလေဆိပ်ကနေ စတင် ထွက်ခွာ သွားပြီဖြစ်ပါတယ်။ ဒေါ်အောင်ဆန်းစုကြည်ဟာ သူ့ရဲ့ခရီးစဉ်အတွင်း ပထမဆုံး ဗြိတိန်နိုင်ငံကို အရင် သွားရောက် မှာဖြစ်ပြီး သူ့ ဗြိတိန် ခရီးစဉ်အတွင်းမှာ ဗြိတိန်ဝန်ကြီးချုပ် အပါအဝင် အစိုးရအဖွဲ့တာဝန်ရှိသူတွေ၊ လွှတ်တော်နဲ့ စစ်ဘက်ဆိုင်ရာ တာဝန်ရှိသူတွေ နဲ့ တွေ့ဆုံဖို့ရှိ တယ်လို့ နိုင်ငံတော်သမ္မတရုံး ဒုတိယညွှန်ကြားရေးမှူးချုပ် ဦးဇော်ဌေးက ဗွီအိုအေမြန်မာပိုင်းကို ပြောပါတယ်။
လန်ဒန်ချိန်စနေညမှာတော့ ဗြိတိန်နိုင်ငံ၊ လန်ဒန်မြို့တော်ကို ရောက်ရှိမှာဖြစ်ပြီး ညအိပ်ရပ်နားပါမယ်။ တနင်္ဂနွေနေ့မှာတော့ ဗြိတိနိုင်ငံဆိုင်ရာ မြန်မာသံရုံးမှာ ဥရောပ၊ အရှေ့အလယ်ပိုင်းနဲ့ အာဖရိကတိုက်က နိုင်ငံတွေမှာ တာဝန်ကျနေတဲ့ မြန်မာသံအမတ်ကြီး (၁၂)ဦးနဲ့ တွေ့ဆုံပြီး အစိုးရသစ်ရဲ့ မူဝါဒရေးရာဆိုင်ရာ ရှင်းလင်းပြောပြမယ်လို့ နိုင်ငံတော်သမ္မတရုံးဝန်ကြီးဌာန ပြောခွင့်ရလည်းဖြစ်တဲ့ ဦးဇော်ဌေးက ပြောပါတယ်။
“ဟီးသရိုး(လေဆိပ်)ကို စနေနေ့ရောက်မယ်ဗျ။ နောက်ပြီးတော့ သူတည်းတဲ့ဟော်တယ်သွားမယ်။ အဲ့ဒီည ဟော်တယ်မှာပဲတည်းမယ်ပေါ့နော်။ နောက်တနင်္ဂနွေနေ့၊ မနက်ဖြန်ကျရင် ကျွန်တော်တို့သံရုံးသွားမယ်။ သံရုံးမှာ ကျွန်တေ်ာတို့ ဥရောပရယ်၊ အရှေ့အလယ်ပိုင်းရယ်၊ နောက် အာဖရိကမှာရှိတဲ့ မြန်မာသံအမတ်ကြီးအားလုံးပေါင်း ၁၂ ယောက်နဲ့ အဲ့ဒီမှာတွေ့မယ်ပေါ့နော်။ အဲ့ဒီမှာတော့ပြီးတော့ သူ့ရဲ့ မူဝါဒ ရှင်းလင်းပွဲတွေလုပ်မယ်။”
ဒေါ်အောင်ဆန်းစုကြည်ဟာ တနင်္လာနဲ့ အင်္ဂါနေ့မှာ ပြုလုပ်မယ့် ဗြိတိန်နိုင်ငံ ခရီးစဉ်နဲ့ပတ်သက်ပြီး ဦးဇော်ဌေးက ဗွီအိုအေကို အတည်ပြု ပြောဆိုပါတယ်။
“ လွှတ်တော်ပိုင်းရယ်၊ အစိုးရပိုင်းရယ်၊ ၀န်ကြီးချုပ်ရယ် အဲ့ဒီလို ပါပါတယ်။ နောက် စစ်ဘက်ပေါ့နော်။ အဲ့ဒီစစ်ဘက်မှာအဲ့ဒီ Royal College of Defense အဲ့တာလည်းပါတယ်။ College of Defense Studies ကာကွယ်ရေးတက္ကသိုလ်ပေါ့၊ အဲ့ဒီကိုသွားမယ်။ ပညာသင်ကြားနေတဲ့ ကျောင်းသားတွေနဲ့တွေ့မယ်။ အဲ့ဒီမှာလေ့လာမယ်။ ပြီးတာနဲ့ နိုင်ငံခြားရေးဝန်ကြီးတည်ခင်းတဲ့ နေ့လည်းစာစားမယ်။ ပြီးရင် ဗြိတိန်ဝန်ကြီးချုပ်ဟောင်း ဒေးဗစ် ကင်မရွန်းနဲ့တွေ့မယ်။ နောက် အင်္ဂါနေ့ပေါ့နော်၊ အင်္ဂါနေ့မှာ ၀န်ကြီးချုပ်နဲ့တွေ့မယ်။ အင်္ဂါနေ့မှာပဲ ဗြိတိန်အစိုးရ တာဝန်ရှိသူတွေနဲ့တွေ့မယ်။ အဲ့ဒီကနေပြီးတော့ ကျွန်တော်တို့ ၀ါရှင်တန်ကို ထွက်ခွါမယ်။
ဗြိတိန်နိုင်ငံခရီးစဉ်အတွင်း နှစ်နိုင်ငံခေါင်းဆောင်တွေကြား ဆွေးနွေးမယ့်အကြောင်းအရာတွေနဲ့ပတ်သက်လို့ ဦးဇော်ဌေးက-
“ကျွန်တော်တို့ နှစ်နိုင်ငံကြားပူးပေါင်းဆောင်ရွက်ရေး၊ နောက် ကျွန်တော်တို့ နိုင်ငံဆောင်ရွက်နေတဲ့ အမျိုးသားပြန်လည်သင့်မြတ်ရေး၊ ငြိမ်းချမ်းရေး၊ ဒီမိုကရေစီကူုးပြောင်းရေး၊ နောက် ဖွံ့ဖြိုးတိုးတက်ရေးလုပ်ငန်းစဉ်တွေမှာ ဗြိတိန်နိုင်ငံက ပါဝင်ကူညီဆောင်ရွက်နိုင်မှုအကြောင်းအရာတွေ၊ နောက် နှစ်နိုင်ငံဆက်ဆံရေးမြှင့်တင်ဖို့အကြောင်းအရာတွေ ဒါတွေကတော့ များသောအားဖြင့် ဆွေးနွေးမှာဖြစ်ပါတယ်။”
အခုလို NLD အစိုးရသစ်လက်ထက် နိုင်ငံတော် အကြီးအကဲတဦးအနေနဲ့ ဒေါ်အောင်ဆန်းစုကြည်ရောက်ရှိလာမယ့်အပေါ် ဗြိတိန်နိုင်ငံရောက် ဒီမိုကရေစီအင်အားစုတွေဘက်က ဒီခရီးစဉ်အပေါ် များစွာမျှော်လင့်ချက်ရှိပါတယ်။ ဒေါ်အောင်ဆန်းစုကြည်ရဲ့ ဗြိတိန်နိုင်ငံခရီးစဉ်အတွင်း ဗြိတိန်အစိုးရနဲ့ NLD အစိုးရသစ်တို့ကြား ပိုပြီးတော့မှ ခိုင်မာတဲ့နှစ်နိုင်ငံဆက်ဆံရေးတွေ တည်ဆောက်နိုင်မယ်လို့လည်း နှစ်နိုင်ငံရေးအရေးလေ့လာသူတွေက သုံးသပ်ပါတယ်။ ဗြိတိန်နိုင်ငံက မြန်မာ့ဒီမိုကရေစီရေးလှုပ်ရှားသူ ဒေါက်တာဝင်းနိုင်ကတော့-
“ တိုင်းပြည်အတွက်တော့ အင်မတန်အရေးကြီးတဲ့ဆုံးဖြတ်ချက်တွေ အင်မတန်အရေးကြီးတဲ့ တိုင်းပြည်နဲ့လူမျိုးအတွက် အင်မတန်အကျိုးပြုမယ့် လုပ်ငန်းတွေလုပ်သွားနိုင်မယ်လို့ကျွန်တော်ယူဆပါတယ်။ ကျွန်တော်ကတော့ မြန်မာ နိုင်ငံအစိုးရအနေနဲ့ ဒီ.. ခေါင်းဆောင်ဒေါ်အောင်ဆန်းစုကြည်အတွက် အင်မတန်အကျိုးရှိမယ့်လုပ်ငန်းလို့ ကျွန်တော်ယူဆပါတယ်။ ယုံကြည်ပါတယ်။ “
ဗြိတိန်နိုင်ငံကိုရောက်ရှိလာတဲ့ ဒေါ်အောင်ဆန်းစုကြည်နဲ့ ဗြိတိန်နိုင်ငံရောက် မြန်မာနိုင်ငံသားတွေ သီးသန့်တွေ့ဆုံဖို့ အစီအစဉ် မရှိသေးဘူးလို့ သိရပါတယ်။ ဗြိတိန်နိုင်ငံကနေ အမေရိကန်ပြည်ထောင်စုကို ခရီးဆက်မယ့် ဒေါ်အောင်ဆန်းစုကြည်ဟာ စက်တင်ဘာလ (၁၄)ရက်နေ့မှာတော့ အမေရိကန် သမ္မတ ဘရက်အိုဘားမားနဲ့ အိမ်ဖြူတော် မှာ တွေ့ဆုံဖို့ရှိပြီး ဒုသမ္မတ Joe Biden နဲ့ သီးခြားတွေ့ဆုံဖို့ရှိသလို အဲဒီနောက်မှာတော့ နိုင်ငံခြားရေးဝန်ကြီး John Kerry နဲ့ လည်း ဒေါ်အောင်ဆန်းစုကြည်တွေ့ဆုံမှာဖြစ်ပါတယ်။
စက်တင်ဘာလ (၁၅)ရက်နေ့မှာ ဒေါ်အောင်ဆန်းစုကြည်ဟာ အမေရိကန် လွှတ်တော်ကို သွားရောက်ပြီး အောက်လွှတ်တော် လူနည်းစု ဒီမိုကရက် ပါတီ ခေါင်းဆောင် Nancy Pelosi၊ အထက်လွှတ်တော် လူများစု Republican ပါတီ ခေါင်းဆောင် Mitch McConnell အပါအ၀င် အခြားထင်ရှား တဲ့ မြန်မာ့အရေး စိတ်ဝင်စားတဲ့ လွှတ်တော်အမတ်အများအပြားနဲ့ တွေ့ဆုံဆွေးနွေးဖို့ရှိပါတယ်။ အဲဒီနောက်မှာတော့ အမေရိကန်-အာဆီယံ စီးပွားရေးကောင်စီရဲ့ ညစာစားပွဲ အခမ်းအနားကို ဒေါ်အောင်ဆန်းစုကြည်တက်ရောက်မှာပါ။ ဒါ့အပြင် ၀ါရှင်တန်ဒီစီမှာရှိတဲ့ Theodore Roosevelt အထက်တန်းကျောင်းကို သွားရောက် ကြည့်ရှုပြီး မိန့်ခွန်းပြောကြားဖို့ရှိပါတယ်။ ဒေါ်အောင်ဆန်းစုကြည်ဟာ သူရဲ့ ၀ါရှင်တန်ခရီးစဉ် အတွင်း အမေရိကန်ကာကွယ်ရေးဝန်ကြီး Ash Carter နဲ့တွေ့ဆုံမယ်ဆိုတဲ့ သတင်းတွေထွက်နေပေမယ့် အတည်ပြုလို့ မရသေးပါဘူး။ စက်တင်ဘာလ (၁၉)ရက်နေ့ မှာတော့ နယူးရောက် ကုလသမဂ္ဂဌာနချုပ်မှာ ကျင်းပမယ့် ဒုက္ခသည်နဲ့ ရွှေ့ပြောင်းအခြေချနေထိုင်သူများဆိုင်ရာ ကုလသမဂ္ဂဆွေးနွေး ပွဲကို ဒေါ်အောင်ဆန်းစုကြည်တက်ရောက်ပြီး မိန့်ခွန်းပြောကြားမှာဖြစ်ပါတယ်။
ဒါ့အပြင် စက်တင်ဘာလ (၂၁)ရက်နေ့မှာတော့ နှစ်ပေါင်း (၆၀)နီးပါးအတွင်း ပထမဆုံးအကြိမ် မြန်မာ အရပ်သားအစိုးရ ခေါင်းဆောင်တဦးအနေနဲ့ ဒေါ်အောင်ဆန်းစုကြည်ဟာ (၇၁)ကြိမ်မြောက် ကုလသမဂ္ဂအထွေထွေညီလာခံမှာ မိန့် ခွန်းပြောကြားမှာဖြစ်ပြီး စက်တင်ဘာလ (၂၆)ရက်နေ့မှာ မြန်မာနိုင်ငံ ကို ပြန်လည်ရောက်ရှိမှာဖြစ်ပါတယ်။
VOA

ဖားကန့်ဒေသမှာ ကျောက် တူးခွင့် ရောင်းချခွင့် ပိတ်ပင်

ကချင်ပြည်နယ် လုံးခင်း-ဖားကန့်နယ်မြေမှာ တစ်နိုင်တစ်ပိုင်လုပ်ကိုင်စားသောက်နေတဲ့ ရေမဆေးကျောက်ရှာဖွေသူ တစ်ဦးကို တွေ့ရစဉ်။ Photo: Kyaw Myo Min/RFA

ကချင်ပြည်နယ် လုံးခင်း-ဖားကန့် ရတနာနယ်မြေမှာ ကျောက်မျက်ရတနာ တူးဖော်တာ၊ ရေမဆေးကျောက် ရှာဖွေတာ၊ စမ်းသပ်တိုင်းတာတာ၊ လက်ဝယ်ထားပြီး ရောင်းဝယ်သယ်ယူတာတွေ မလုပ်ဖို့ လုံးခင်းကျောက်စိမ်း တူးဖော်ရေးဌာနက ပြီးခဲ့တဲ့ရက်ပိုင်းက ကြေညာလိုက်ပါတယ်။

အဲ့ဒီကြေညာချက်ဟာ တစ်နိုင်တစ်ပိုင်လုပ်ကိုင်စားသောက်နေတဲ့ အခြေခံပြည်သူတွေ စားဝတ်နေရေး အတွက်  ထိခိုက်စေတယ်လို့ ဖားကန့်မြို့နယ်ရဲ့ ပြည်သူ့လွှတ်တော် ကိုယ်စားလှယ် ဦးတင့်စိုးက ပြောပါတယ်။

"ကျနော်တို့ ဖားကန့်ဒေသမှာဗျာ တောင်ယာလည်းခုတ်လို့မရဘူး၊ လယ်လည်းလုပ်လို့မရဘူးဗျာ၊ ဥပဒေဆိုတာဟာ ပြည်သူလူထုကို ကာကွယ်ပေးဖို့ပြဌာန်းထားတာ ဖြစ်တယ်ဗျ၊ ပြည်သူလူထုကို ဖိနှိပ်ဖို့၊ တဘက်စောင်းနင်းနဲ့ ကုမ္ပဏီထောင်နိုင်တဲ့ပုဂ္ဂိုလ်တွေ၊ ခရိုနီတွေကိုတော့လုပ်စား၊ ဆင်းရဲသား ကျနော်တို့ ပြည်သူလူထုကိုတော့ မလုပ်နဲ့ဆိုတာမျိုး ဒီလိုကန့်သတ်လို့မရဘူးဗျ၊ အားလုံးက တပြေးညီဖြစ် ရမယ်၊ အဓိက ဒီဥပဒေကိုက ရှင်းရှင်းပြောမယ်ဆိုလို့ရှိရင် လုပ်ပိုင်ခွင့်ရတဲ့ ကုမ္ပဏီတွေကပဲ၊ ကျန်တဲ့သူ လုပ်ခွင့်မရှိဘူးလို့ပဲ ဒါခွဲခြားပြဌာန်းလိုက်တဲ့ ပုံစံမျိုးဖြစ်နေတယ်"

ပြီးခဲ့တဲ့အစိုးရသက်တမ်းကုန်ခါနီးမှာ ပြည်ထောင်စုလွှတ်တော်က မြန်မာ့ကျောက်မျက်ဥပဒေကို အတည်ပြုခဲ့ တာဖြစ်ပါတယ်။ အဲ့ဒီဥပဒေအရ ဒီကြေညာချက်ကို ထုတ်ပြန်တာဖြစ်ပြီး လိုက်နာဖို့ ပျက်ကွက်ရင် အနည်းဆုံးထောင်ဒဏ် ၁ နှစ်ကနေ အများဆုံးထောင်ဒဏ် ၇ နှစ်အထိ ချမှတ်နိုင်တယ်လို့ ကြေညာချက်မှာ ပါရှိပါတယ်။

အဲ့ဒီဥပဒေဟာ အစိုးရ၊ ကျောက်မျက်လုပ်ငန်းရှင်၊ တစ်နိုင်တစ်ပိုင် လုပ်ကိုင်သူတွေနဲ့ ဒေသခံပြည်သူတွေ အပါအဝင် နိုင်ငံသားတိုင်းအားလုံးကို တန်းတူ အကာအကွယ်ပေးနိုင်အောင် ပြင်ဆင်သွားဖို့ လိုအပ်တယ်လို့ ဦးတင့်စိုးက ပြောပါတယ်။

လုံးခင်း-ဖားကန့်နယ်မြေမှာ နေရာဒေသအသီးသီးကနေ ရေမဆေးကျောက်ရှာဖွေသူတွေ တနိုင်တပိုင်ကျောက် တူးဖော်သူတွေ ဒေသခံတွေ သိန်းနဲ့ချီရှိပြီး ဒီကြေညာချက်ကြောင့် ကျောက်တူးဖော်ခွင့် ရှာဖွေခွင့် ရှိမှာ မဟုတ်တော့ပါဘူး။

RFA Burmese
http://www.rfa.org/burmese

ပြည်​​ထောင်​စုငြိမ်းချမ်း​ရေးညီလာခံ ၂၁ရာစုပင်​လုံ ဒုတိယ​နေ့

ပြည်​​ထောင်​စုငြိမ်းချမ်း​ရေးညီလာခံ
၂၁ရာစုပင်​လုံ
ဒုတိယ​နေ့ 1-9-2016
အဖွဲ့အစည်း နှင့်​ပါတီအသီးသီးတို့မှ
သ​ဘောထားစာတမ်း(၃၁) ​စောင်​တင်​သွင်းသည်​။

ဝ ကိုယ်စားလှယ်အဖွဲ့ကို ရှင်းပြတောင်းပန်ဖို့ ဒေါ်စုညွှန်ကြား

ပြည်ထောင်စု ငြိမ်းချမ်းရေး ညီလာခံ - ၂၁ ရာစု ပင်လုံကို ဆက်မတက်ဘဲ ထွက်ခွာသွားတဲ့ ၀ပြည်သွေးစည်းညီညွတ်ရေးပါတီ UWSP ကိုယ်စားလှယ် အဖွဲ့ကို ဖြစ်စဉ်တွေကို ရှင်းပြ တောင်းပန်ဖို့ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ညွန်ကြားလိုက်ပါတယ်။ ပြည်ထောင်စု ငြိမ်းချမ်းရေး ညီလာခံ - ၂၁ ရာစု ပင်လုံမှာ တန်းတူခွင့်မရဘူးဆိုပြီးဝ ပြည်သွေးစည်းညီညွှတ်ရေးတပ်ဖွဲ့ ကိုယ်စားလှယ်တွေ ညီလာခံကို ဆက်မတက်ဘဲ ထွက်ခွာသွားကြပါတယ်။မသိင်္ဂီထိုက် စုစည်းတင်ပြပေးမှာပါ။

ပြည်ထောင်စု ငြိမ်းချမ်းရေး ညီလာခံ ၂၁ ရာစု ပင်လုံမှာ တန်းတူညီမျှ ဆက်ဆံမခံရဘူးဆိုပြီး ညီလာခံ ဒုတိယနေ့မှာ ၀ပြည်သွေးစည်းညီညွတ်ရေးတပ်ရဲ့ နိုင်ငံရေး အဖွဲ့အစည်း ၀ပြည် သွေးစည်းညီညွတ်ရေးပါတီ ကိုယ်စားလှယ် အဖွဲ့က ညီလာခံကို ဆက်မတက်ဘဲ ထွက်ခွာသွားတာ ဖြစ်ပါတယ်။ ဒီကိစ္စနဲ့ ပတ်သက်ပြီး ဖြစ်စဉ်ကို ပြန်လည်ရှင်းပြ တောင်းပန်ဖို့ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ညွှန်ကြားလိုက်တယ်လို့ သမ္မတရုံး ၀န်ကြီးဌာန ပြောခွင့်ရ ဦးဇော်ဌေးက သတင်းစာ ရှင်းလင်းပွဲပြုလုပ်ပြီး အခုလို ပြောဆိုပါတယ်။

"ကျနော်တို့ ၀ ဖြစ်စဉ်နဲ့ ပတ်သက်ပြီး နေ့လည်ထဲက တာဝန်ရှိသူ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ကို သတင်းပို့ပါတယ်။ သတင်းပို့ပြီး ဖြစ်စဉ် အစအဆုံးကို ရှင်းပြပါတယ်။ ခုနက ဒေါက်တာ လျန်မုန်း ရှင်းပြတဲ့ အတိုင်းပါဘဲ။ အဲတော့ နိုင်ငံတော်ရဲ့ အတိုင်ပင်ခံ ပုဂ္ဂိုလ် ပြောတာကတော့ ဒါကို ဖြစ်စဉ် အမှန်အတိုင်း ရှင်းပြပေးဖို့၊ နောက် ဘယ်သူ့ ဘယ်သူမှ အပြစ်မတင်ပါနဲ့။ ဒါဟာ ဖြစ်တတ်တဲ့ ဟာလေးတွေပေါ့နော်။ နည်းပညာဆိုင်ရာ လွဲမှားမှုတွေ ရှိခဲ့တယ်။ အဲဒီအတွက်နဲ့တော့ ကျနော်တို့သွားနေတဲ့ အမျိုးသား ပြန်လည်သင့်မြတ်ရေးကို မထိခိုက်အောင် ဆောင်ရွက်သွားဖို့ပေါ့နော်။ အဲဒါလေးကို လမ်းညွှန်ပါတယ်။ သူလည်း အကုန်လုံးသိပြီးသွားပြီ။ အကုန်လုံးလည်း ရှင်းပြပြီးပြီ။ ဒါ ဘယ်သူ့အပြစ်မှ မဟုတ်ဘူးပေါ့နော်။ ဖြစ်တတ်တဲ့ဟာလေးတွေ ဖြစ်သွားတဲ့ အပေါ်မှာ သူတို့ကို နားလည်မှု ရှိရှိ ကျနော်တို့ ပြန်တောင်းပန်ဖို့။ အလားတူ မိုင်းလားမှာလည်း ဖြစ်သွားတယ်။ ဒါလေးတွေ အကုန်လုံး ရှင်းပြဖို့။ ဒါပေမယ့် ဒါတွေဟာ ဘယ်သူ့အပြစ်မှ မဟုတ်ဘူး။ နားလည်မှုလွဲမှားအောင် လုပ်သလို ဖြစ်သွားပါတယ်။ ဒီအတွက်တော့ ကျနော်တို့ သွားနေတဲ့ Peace Process (ငြိမ်းချမ်းရေး လုပ်ငန်းစဉ်) ကို ကြီးကြီးမားမား မထိခိုက်အောင်ပေါ့နော် ကျနော်တို့ဘက်က ကြိုးပမ်းသွားမှာ ဖြစ်ပါတယ်။ "

ပြည်ထောင်စု ငြိမ်းချမ်းရေး ညီလာခံ ၂၁ ရာစု ပင်လုံကို တက်ရောက်လာတဲ့ ၀ပြည် သွေးစည်းညီညွတ်ရေး ပါတီ UWSP ကိုယ်စားလှယ်တွေဟာ ညီလာခံမှာ UWSA ရဲ့ လိုလားချက် အသေးစိတ် ဖော်ပြထားတဲ့ စာတမ်း ဖတ်ဖို့ ပြင်ဆင်ထားတာပါ။ ၂၁ ရာစု ပင်လုံညီလာခံ ကျင်းပရေး ကော်မတီ အဖွဲ့ဝင် ဒေါက်တာ ဆလိုင်းလျန်မုန်း ဆာခေါင် ကတော့ ၀ပြည် သွေးစည်းညီညွတ်ရေး အဖွဲ့ကို တခြားတိုင်းရင်းသား အဖွဲ့အစည်းတွေနဲ့ တန်းတူ အခွင့်အရေး ပေးခဲ့တဲ့ အကြောင်း ဖြေရှင်းပါတယ်။

"ဖွင့်ပွဲနေ့မှာ သူတို့ အနေနဲ့ ရှေ့ဆုံးနေရာမှာ နေရာလိုချင်တယ် ၀ နဲ့ မိုင်းလား က သူတို့ အနေနဲ့ တောင်းဆိုပါတယ်။ ဆိုတော့ ကျနော်တို့ တိုင်းရင်းသား လက်နက်ကိုင် အဖွဲ့အားလုံးက ၁၇ ဖွဲ့ ရှိတဲ့ အပေါ်မှာ သူတို့ကို အထူးဦးစားပေးပြီးတော့ ရှေ့ဆုံးက ခုံ ၂ ခုံကို ၀ နဲ့ မိုင်းလား အတွက် ကျနော်တို့ ချန်ထားပေးတယ်။ ဆိုတော့ ကျန်တဲ့ ၆ ခုံကို DPN ဘက်က ၃ ခုံ ယူတယ်။ ကျနော်တို့ လက်မှတ်ရေးထိုးထားတဲ့ ၈ ဖွဲ့က ၃ ခုံ ယူတယ်။ အဲလိုနဲ့ ကျနော်တို့ အတတ်နိုင်ဆုံး မျှမျှတတ ဆောင်ရွက်ပြီးတော့ သူတို့ကိုလည်း ရှေ့ဆုံးမှာ နေရာပေးတယ်။ နောက်ပြီးတော့ သူတို့ကိုလည်း ကျနော်တို့ ကျင်းပရေး ကော်မတီမှာ ယနေ့ အထိ အဲလို ပြောတာမျိုး တခုမှ မရှိသေးဘူး။ ပြီးတော့ သူတို့ကို လေ့လာသူ အနေနဲ့ တက်ခွင့်ပေးတယ်ဆိုတာကလည်း လုံးဝ မမှန်ဘူး။ ကျနော်တို့ ဒီ ကျင်းပရေး ကော်မတီမှာ ၁၇ ဖွဲ့ကို ၁၇ ဖွဲ့ဆိုတဲ့ နေရာမှာ လက်မှတ်ရေးထိုးထားတဲ့ ၈ ဖွဲ့ ရှိတယ်။ DPN က ၇ ဖွဲ့ ရှိတယ်။ ၀ နဲ့ မိုင်းလား ရှိတယ်။ အားလုံးကို ကျနော်တို့က တရားဝင် တက်ရောက်ခွင့် အဖြစ်နဲ့ တက်ရောင်ခွင့် သူတို့ကို ပေးတဲ့ အတွက်လည်း ရှေ့ဆုံးမှာ ထိုင်ခွင့်ရတာ ဖြစ်ပါတယ်။ "

ညီလာခံ ကျင်းပရေး ကော်မတီက အငြိမ်းစား ဒုတိယ ဗိုလ်ချုပ်ကြီး ခင်ဇော်ဦးကတော့ ငြိမ်းချမ်းရေး ညီလာခံကို ၀ပြည်သွေးစည်းညီညွတ်ရေး ပါတီကို တရားဝင် တက်ရောက်သူ အဖြစ် ဖိတ်ကြားခဲ့တာ ဖြစ်ပေမယ့် မနေ့က ဖွင့်ပွဲမှာတော့ ၀ ကိုယ်စားလှယ်တွေ အတွက် လေ့လာသူ ၀င်ခွင့်ကတ်တွေကို ယာယီ သဘော ထုတ်ပေးခဲ့တာ ဖြစ်ပြီး ဒီအပေါ်မှာ နားလည်မှု လွဲတာလို့ ဆိုပါတယ်။ ညီလာခံ ကျင်းပရေး ကော်မတီဘက်က သွားရောက်ညှိနှိုင်းခဲ့ကြပေမယ့် မအောင်မြင်ပါဘူး။ ၀ပြည်သွေးစည်းညီညွတ်ရေး အဖွဲ့ UWSA ရဲ့ ပြောခွင့်ရ ယေ့ဗ်နမ်ဆွမ် ကတော့ အခြေအနေကို မသိရသေးဘူးလို့ ဗွီအိုအေကို ပြောပါတယ်။

"ဟုတ်ကဲ့ရှင့်။ ကျမတို့ အဲဒါတော့ ဘာမှ သေသေချာချာ ပြောလို့ မဖြစ်သေးဘူး။

ကျမလည်း သေသေချာချာ မသိသေးဘူး အဲဒီကိစ္စ။ ဟုတ်ကဲ့ရှင့်။ လောလောဆယ် ဒီမှာတော့ ဘာမှ အဲလို ဘာအကြောင်းရယ်လို့ သေသေချာချာ တိတိကျကျ မပြောသေးဘူး။ အဲလိုဘဲ သတင်းတွေ ဖြစ်သေးတာ။ "

တိုင်းရင်းသား လက်နက်ကိုင် အားလုံးပါဝင်ခွင့်ရရေး ကြိုးပမ်းထားတဲ့ ပြည်ထောင်စု ငြိမ်းချမ်းရေး ညီလာခံ ၂၁ ရာစု ပင်လုံမှာတော့ လက်ရှိမှာတော့ အပစ်ရပ်နဲ့ အပစ်မရပ်ရသေးတဲ့ တိုင်းရင်းသား လက်နက်ကိုင် အဖွဲ့ ၁၆ ဖွဲ့က ကိုယ်စားလှယ်တွေ ညီလာခံမှာ ဆက်လက် ပါဝင် တက်ရောက်နေကြပါတယ်။

 မသိင်္ဂီထိုက် / ဗွီအိုအေ (မြန်မာပိုင်း)

ထိုးစစ်များမရပ်တန့်လျှင် စစ်မျက်နှာဖွင့်သွားမည်ဟု တိုးတက်သော ဗုဒ္ဓဘာသာ ကရင်တပ်ဖွဲ့-DKBA ပြောဆို

စက်တင်ဘာ ၁ရက်၊ ၂၀၁၆ခုနှစ်။ စအိုင်ဆူး

အစိုးရတပ်မတော်နှင့် နယ်ခြားစောင့်(BGF)တပ်များ၏ တိုးတက်သော ဗုဒ္ဓဘာသာ ကရင်အမျိုးသားတပ်မတော်(DKBA) အပေါ် ထိုးစစ်ဆင်မှုများအား ရုတ်သိမ်းဆုတ်ခွာမှုမရှိလျှင် DKBA အနေဖြင့် မိမိတို့၏ထိန်းချုပ်နယ်မြေများနှင့် လှုပ်ရှားနယ်မြေများတွင် စစ်မျက်နှာဖွင့်သွားမည်ဖြစ်ကြောင်း သြဂုတ်လ ၃၁ရက် နေ့စွဲဖြင့် ထုတ်ပြန်ထားသည်။

DKBA ၏ ၃/၂၀၁၆ ထုတ်ပြန်ချက်တွင် ဗဟိုစစ်ကော်မတီ၏ ယခင်လ ၃၁ရက်နေ့ အရေးပေါ်အစည်းအဝေး၏ ဆုံးဖြတ်ချက်အရ ကော့ကရိတ်မြို့နယ်၊ ကောင်းမှုဒေသတွင်ဖြစ်ပွားနေသော ထိုးစစ်များအား စက်တင်ဘာလ ၁ရက်နေ့တွင် ရုတ်သိမ်းဆုတ်ခွာ ပေးရန် တောင်းဆိုထားပြီး ရုတ်သိမ်းမှုမရှိလျှင် စစ်မျက်နှာဖွင့်သွားမည်ဟူ၍ ဖော်ပြပါရှိသည်။

DKBA မှ ဗိုလ်မှူးကြီးစောဆန်းအောင်က “ဒီကောင်းမှုမှာ စစ်တပ်က မဆုတ်မှန်းလည်း သိပါတယ်။ ဒါပေမဲ့ ကျနော်တို့က မငြိမ်း ချမ်းတာ မဖြစ်စေချင်လို့ နှုတ်နဲ့၊ စာနဲ့ ထုတ်ပြန်ကြေညာပြီးတော့ ဆုတ်ခိုင်းတာပေါ့။ တကယ်လို့ မဆုတ်ပေးဘူးဆိုရင်လည်း ကျနော်တို့က တတ်နိုင်ရင် ဝင်ရောက်လှုပ်ရှားတဲ့ အဖွဲ့အင်အားနဲ့ စစ်ရေးအရ ပြန်လည်လုပ်မယ့်အနေအထားတော့ ရှိတယ်ပေါ့။ ဒါက လုပ်ချင်လို့လုပ်တာမဟုတ်ဘူးလေ။ နှုတ်နဲ့ပြောလို့မရ၊ စာနဲ့ပြောလို့မရဆိုတော့ ပြောပြီးရင် လုပ်ပြရမှာပေါ့”ဟု ကေအိုင်စီ ၏ မေးမြန်းချက်ကို ပြန်လည်ဖြေကြားသည်။

ထို့အပြင် ၎င်းတို့အဖွဲ့ကြောင့် ငြိမ်းချမ်းရေးအပေါ်ထိခိုက်စရာမရှိကြောင်းနှင့် ယခင်ဦးသိန်းစိန်အစိုးရလက်ထက် အပါအဝင် လက်ရှိ အရပ်သားအစိုးရလက်ထက်အထိ ငြိမ်းချမ်းရေးဖြစ်စဉ်များတွင် ပါဝင်ခွင့်ရရေး စာရေးပေးပို့မှုများ၊ ညှိနှိုင်းခဲ့မှုများရှိခဲ့ သော်လည်း ပါဝင်ခွင့်မရတာကြောင့် ငြိမ်းချမ်းရေးအတွက် ဆက်လက် တိုက်ပွဲဝင်ရမည့် အနေအထားသာဖြစ်ကြောင်း ဗိုလ်မှူး ကြီးစောဆန်းအောင်က ဆက်ပြောသည်။

DKBA ၏ ထုတ်ပြန်ချက်၌ ငြိမ်းချမ်းရေးဖြစ်စဉ်များတွင် ပါဝင်နိုင်ရေးအတွက် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစု ကြည်နှင့် ငြိမ်းချမ်းရေးအကျိုးဆောင်ကိုယ်စားလှယ် ဒုတိယဗိုလ်ချုပ်ကြီးခင်ဇော်ဦး(ငြိမ်း) အပါအဝင် ပြည်နယ်နှင့် ပြည်ထောင်စု အဆင့်အသီးသီးသို့ စာများပေးပို့ခဲ့ကြောင်းနှင့် အောက်ခြေဖြစ်စဉ်များကို သိရှိညှိနှိုင်းရန် ငြိမ်းချမ်းရေးအကျိုးဆောင်ကိုယ်စား လှယ်တစ်ဦးပါ ထားရှိခဲ့ကြောင်းလည်း ဖော်ပြထားသည်။

ပြည်ထောင်စုငြိမ်းချမ်းရေးညီလာခံ၊ ၂၁ရာစုပင်လုံတွင် ပါဝင်တက်ရောက်နိုင်ခွင့်ရရှိရေးအတွက် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ထံသို့ ဇွန်လ ၁၂ရက်နေ့တွင်လည်းကောင်း၊ DKBA ၏ အခက်အခဲများ၊ သဘောထားများ၊ တောင်းဆို ချက်များပါဝင်သည့် စာတစ်စောင်ကို ၂၁ပင်လုံညီလာခံ အကြိုပြင်ဆင်ရေးကော်မတီအဖွဲ့ဝင် ဒုတိယဗိုလ်ချုပ်ကြီးခင်ဇော်ဦး (ငြိမ်း)ထံ ဇူလိုင်လ ၁၅ရက်နေ့ကလည်းကောင်း စာရေးသားပေးပို့ခဲ့ပြီးဖြစ်သည်။

၎င်းအပြင် သြဂုတ်လ ၂၉ရက်နှင့် ၃၀ရက်နေ့များတွင် ကော့ကရိတ်မြို့နယ်၊ ကောင်းမှုကျေးရွာ အနောက်ဘက် တောင်မဲတောင် ၌ နယ်မြေရှင်းလင်းရေးဆောင်ရွက်နေသည့် BGF (၁၀၁၆)(၁၀၁၇)တပ်းရင်းများ ၊အစိုးရတပ်မတော်မှ ခြေလျင်တပ်ရင်း(ခလရ) ၂၃၀နှင့် ၂၃၁ ပူးပေါင်းတပ်ဖွဲ့နှင့် ဗုဒ္ဓဘာသာကရင်တပ်မတော်(DKBA)တို့ ပစ်ခတ်မှု ဖြစ်ပွားခဲ့သည်။

အလားတူ သြဂုတ်လ ၂၇ရက်နေ့၌ DKBA မှ ဗိုလ်မှူးနားမကြားအဖွဲ့က ကောင်းမှုဒေသတွင် သစ်လုပ်ငန်း လုပ်ကိုင်နေသည့် ဆင် တစ်ကောင်နှင့် ဆင်ဦးစီးပါ လုပ်သား ၅ဦးကို ဖမ်းဆီးခေါ်ဆောင်သွားပြီးနောက် ၂၉ရက်နေ့ မနက် ၁၀နာရီခန့်တွင် ဆင်ဦးစီးမှ ဗိုလ်မှူးနားမကြားအား ဆင်ထိန်း၏ဓါးဖြင့် ခုတ်သတ်ခဲ့ပြီး ကောင်းမှုအခြေစိုက် BGF တပ်များထံ လာရောက်သတင်းပို့ခဲ့သဖြင့် အစိုးရစစ်တပ်နှင့် BGF ပူးပေါင်းတပ်ဖွဲ့က DKBA တပ်ဖွဲ့များနောက်သို့ လိုက်လံရှင်းလင်းခဲ့ခြင်းဖြစ်သည်ဟု နယ်ခြားစောင့်တပ် များနှင့် မြို့နယ်ရဲတပ်ဖွဲ့များက သြဂုတ်လ ၃၀ရက်နေ့တွင် ကေအိုင်စီသို့ ပြောသည်။

ထိုကိစ္စနှင့်ပတ်သက်၍ ဗိုလ်မှူးကြီးစောဆန်းအောင်က ဗိုလ်မှူးနားမကြားအနေဖြင့် ဆင်နှင့် ဆင်ဦးစီးများကို ပြန်ပေးဆွဲခြင်းနှင့် ငွေကျပ်သိန်း ၅၀၀ တောင်းခံခြင်းမှာမဟုတ်မှန်ဘဲ ၎င်းတပ်ဖွဲ့ ရပ်တည်နိုင်ရေးအတွက် တောင်းခံမှုများသာရှိကြောင်းနှင့် ဆင်ဦး စီးမှ ဗိုလ်မှူးနားမကြားအား ဓါးဖြင့် ခုတ်သတ်ခြင်းမှာ ဟုတ်မှန်ကြောင်း ကေအိုင်စီသို့ အတည်ပြုပြောဆိုသည်။

ဗိုလ်မှူးချုပ်စောကျော်သက် ဦးစီးသော တိုးတက်သော ဗုဒ္ဓဘာသာကရင်အမျိုးသားတပ်မတော်(DKBA) ကို ၂၀၁၆ခုနှစ်၊ ဇန်န၀ါ ရီလ ၁၆ရက်နေ့တွင် ပြန်လည်ဖွဲ့စည်းခဲ့ခြင်းဖြစ်ပြီး ၂၀၁၅ခုနှစ်၊ ဇူလိုင်လ ၂ရက်နေ့က စတင်ဖြစ်ပွားခဲ့သည့် အာရှလမ်းမတိုက်ပွဲ များအပြီး ဒီမိုကရေစီအကျိုးပြုကရင်တပ်မတော်(DKBA)မှ ခွဲထွက်ကာ သီးခြားရပ်တည်နေသည့် ကရင်လက်နက်ကိုင်အဖွဲ့တစ် ခု ဖြစ်သည်။

စအိုင်ဆူး (ကေအိုင်စီ)

''ည၈း၃၀နာရီစာရင်းအရ ပုဂံဒေသရှိ စေတီပုထိုး ၁၇၀ကျော် ထိခိုက်ပျက်စီး''

၂၄-၈-၂၀၁၆ ရက်နေ့ ၁၇:၀၅ အချိန်၌ ၆.၈ ရစ်ချက်စတာစကေး လှုပ်ခတ် သွားသော မြေငလျင်ကြောင့် ပုဂံ၊ မြောက်ဦး၊ စစ်ကိုင်း ၊ စလေ ၊ ဆားလယ် ဒေသများရှိ ရှေးဟောင်း အဆောက်အအုံအချို့ အောက်ပါအတိုင်း ထိခိုက်ပျက်စီးမှုရှိကြောင်းကနဦးသတင်းရရှိမှု( ၂၀:၃၀ နာရီအချိန် )အထိ အခြေအနေ

(က) ပုဂံယဉ်ကျေးမှုအမွေအနှစ်ဒေသ
***********************************************
၁။ ဘုရားအမှတ်၁၆၈၆ အပေါ်ပိုင်းပြိုကျ
၂။ ဘုရားအမှတ်၁၄၃၉(မင်္ဂလာစေတီ) အပေါ်ပိုင်းဖောင်းရစ်ပြိုကျ
၃။ ဓမ္မရံကြီး မုခ်ဦးပြိုကျ
၎။ တဘက်ကျ ဖောင်းရစ်ကစ ပြုတ်ကျ
၅။ ခေမင်္ဂဘုရား ထိပ်ပိုင်းပြတ်ကျ
၆။ ငါးမျက်နှာ အပေါ်ပိုင်းပြုတ်
၇။ မြစေတီ စိန်ဖူး၊ ခရေသီးငါးလုံးပြုတ်ကျ
၈။ ဘုရားအမှတ်၁၃၂၇ ထိပ်ဖူးပြုတ်ကျ
၉။ မြင်းကပါဂူပြောက်ကြီး ကွမ်းတောင်ထိပ်ပြုတ်ကျ
၁၀။ မြင်းကပါဂူပြောက်ငယ် ကွမ်းတောင်ထိပ်ပြုတ်ကျ
၁၁။ ဘုရားအမှတ်၁၃၂၅ ဖောင်းရစ်ပြုတ်ကျ
၁၂။ ထီးလိုမင်းလိုဘုရား ငှက်ပျောဖူးမှ အောက်သို့ပြိုကျ
၁၃။ အရှေ့ဖက်လိပ် ပြိုကျမှုများ
၁၄။ အနောက်ဖက်လိပ် ဖောင်းရစ်အထက်ပိုင်း ရှေ့ခြမ်းပြိုကျ၊ အရှေ့မြောက်ထောင့်ယိုင်၊
၁၅။ လောကနန္ဒာ စိန်ဖူးပြုတ်ကျ
၁၆။ စိမ်းညက်ညီမ ဓာတ်တော်တိုက်အထက် ဖောင်းရစ်ငါးရစ် အနောက်ဘက်ခြမ်းပြိုကျ
၁၇။ တရုတ်ပြေး ဖောင်းရစ်အထက်ပိုင်း အထွတ်ပြို
၁၈။ လေးမျက်နှာဘုရား မင်းနန်သူ
၁၉။ အာနန္ဒာ မြောက်ဘက်မုခ်ဦး၊အနောက်မုခ်ဦးကွာကျ
၂၀။ ဘုရားအမှတ်၁၄၉၃ (မြင်းပြဂူ) ဖောင်းရစ်မှစ ပြိုကျ
၂၁။ ရွာဟောင်းကြီး အပေါ်ပိုင်းပြုတ်ကျ
၂၂။ မဟာဂူကြီးမြောက်ဘက် စေတီ အပေါ်ပိုင်းပြုတ်ကျ
၂၃။ ဝက်ကြီးအင်းဂူပြောက်ကြီး ကွမ်းတောင်မူလနေရာထိ ပြုတ်ကျ
၂၄။ စေတနာကြီး အထွတ်ပိုင်းပြုတ်ကျ
၂၅။ ပြတိုက်အတွင်းရှိ (ဘုရားအမှတ်၁၆၁၉ ) သပိတ်မှောက်အပေါ်ပိုင်း
၂၆။ ဘုရားအမှတ်၁၁၅(ကူနီးဘုရား) ထီးတော်ပြိုကျ
၂၇။ စူဠာမဏိ ကွမ်းတောင်တစ်ခုလုံးပြိုကျ
၂၈။ ပုဂံမျှော် အပေါ်ထိပ်ပိုင်းစောင်း
၂၉။ မြေဘုံသာ ထိပ်ဖူးပြိုကျ
၃၀။ လောကထိပ်ပန် ထိပ်ဖူးပြိုကျ
၃၁။ ရေတော်မုနိ အပေါ်ပိုင်းငှက်ပျောဖူးပြုတ်ကျ
၃၂။ ပုတ္တလင် ထိပ်ဖူးပြိုကျ
၃၃။ အင်းဘုရား အပေါ်ပိုင်းပဲ့ကျ
၃၄။ ဘုရားအမှတ်၁၄၄၉ ကွမ်းတောင်ပြိုကျ
၃၅။ စိုးမင်းကြီး ခရေသီးအောက်ပိုင်းဖောင်းရစ်ပျက်စီး
၃၆။ စိုးမင်းကြီးအုတ်ကျောင်း ဘုရား(၂)ဆူ ထိပ်ဖူးပြုတ်ကျ
၃၇။ ပုဂံဟိုတယ်ဝင်းအတွင်း ဘုရား နံရံပန်းချီပြုတ်ကျ
၃၈။ ရွှေလိပ်တူး အထွတ်စေတီပြုတ်ကျ
၃၉။ ရွှေစေတီ ဖောင်းရစ်(၉)ရစ်အထက်မှပြိုကျ
၄၀။ ကန်တော့ပလ္လင် ထီးတော်အနည်းငယ်ယိုင်၊ စနေထောင့်အရံ စေတီလယ်သီးပြုတ်၊ ရှစ်မျက်နှာဘုရား ခေါင်းလောင်းအထက်ပိုင်းအက်
၄၁။ Treasure Hotel ဝင်း အတွင်းဘုရား ခရေသီးပြုတ်ကျ
၄၂။ မြင်းကပါအရှေ့ထိပ် သီဟိုဠ်ပုံစေတီ အထွတ်ပြို
၄၃။ လောကထိပ်ခေါင် တောင်ဘက်ဘုရား(၅)ဆူ ထိပ်ဖူးပြုတ်
၄၄။ ဘုရားအမှတ်၁၆၇၄ အပေါ်ပိုင်းပြို
၄၅။ မဟာဗောဓိ အရံစေတီ(၂)ဆူပြို
၄၆။ ဘုရားအမှတ်၁၆၆၇ အထွတ်စေတီပြုတ်ကျ
၄၇။ မြောက်ဂူနီဘုရား အထွတ်ပြုတ်
၄၈။ ဘုရားအမှတ်၁၆၈၀ ထိပ်ပိုင်းပြိုကျ
၄၉။ တဝဂူ ထိပ်ပိုင်းပြိုကျ
၅၀။ ဘုရားအမှတ်၁၄၅၉ ဖောင်းရစ်အထက်ပိုင်းပြိုကျ
၅၁။ အဂ္ဂတေ့ဘုရား အထွတ်စေတီပြိုကျ
၅၂။ ဧဒင် ၁၃၃၆ အထွတ်စေတီပြိုကျ
၅၃။ ဘုရားအမှတ်၂၆၃ အထွတ်ပြုတ်ကျ
၅၄။ ပါသာဒဘုရား အထွတ်စေတီပြုတ်ကျ
၅၅။ ဘုရားအမှတ်၁၃၅၈ အထွတ်စေတီပြုတ်ကျ
၅၆။ စားပွဲတင် လက်တံယိုင်
၅၇။ အနောက်ဖွားစောဘုရားနီ လက်တံပြုတ်
၅၈။ သစ္စာဝတီ အထွတ်စေတီပြုတ်ကျ
၅၉။ သိကြားဟစ် ခေါင်းလောင်းယိမ်းယိုင်
၆၀။ ဓမ္မရာဇိက အရှေ့ဘက်မုခ်ပြုတ်ကျ
၆၁။ ဘုရားအမှတ်၁၃၉၁ အထွတ်စေတီပြုတ်ကျ
၆၂။ သန့်ပြန့်စွာ (အနောက်ဖွားစော) အပေါ်ပိုင်းပြိုကျ
၆၃။ သာယာဝတေ့ ကွမ်းတောင်အထက်ပိုင်းပြိုကျ
၆၄။ ဘုရားအမှတ်၁၂၆၉(လှံကျဘုရား) ဖောင်းရစ်ထိပြို၊ သပိတ်မှောက် အက်ကွဲ၊ စိုင်ပေါင်ပြိုကျ
၆၅။ပုဂံပြတိုက် ပြတိုက်အတွင်းရှိ စောမင်းလတ်ဆင်းတု ရွှေဘုရားခေါင်းပြုတ်ကျ ပြတ်ထွက်
၆၆။ ဘုရားအမှတ်၃၇၃ ထိပ်ဖူးပဲ့
၆၇။ ဘုရားအမှတ်၁၇၂၂ ထိပ်ဖူးပဲ့
၆၈။ ဘုရားအမှတ်၁၇၀၄ အနီးရှိဘုရား ထိပ်ဖူးပဲ့
၆၉။ ဘုရားအမှတ်၁၄၉၇ ထိပ်ဖူးပဲ့
၇၀။ ဘုရားအမှတ်၁၄၉၆ ထိပ်ဖူးပဲ့
၇၁။ ဘုရားအမှတ်၁၄၉၉ ထိပ်ဖူးပဲ့
၇၂။ ရွှေဆံတော်ဘုရား ငါးဆင့်အထက် အဝိုင်းပတ်လည်အက်ကွဲ
၇၃။ သစ္စာမဏ္ဍိုင် ထိပ်ဖူးစောင်း
၇၄။ ရွှေသာလျောင်း အတွင်းအင်္ဂတေပျက်စီးပြိုကျ
၇၅။ ဘုရားအမှတ်၁၅၅၈ ကြာမှောက်၊ ကြာလှန်ထိပ်ဖူးကျိုးကျ
၇၆။ ဘုရားအမှတ်၁၅၅၁ ရွှေဆံတော်လမ်းဘေး ထိပ်ဖူးပြိုကျ
၇၇။ ဘုရားအမှတ်၁၅၃၆ (ငဖုန်းသင်ယောင်) ငှက်ပျောဖူးကျိုးကျ
၇၈။ ဘုရားအမှတ်၅၅၅ အထွတ်စေတီပျက်စီး
၇၉။ ဘုရားအမှတ်၇၉၅ ကွမ်းတောင်ပျက်စီး
၈၀။ ဘုရားအမှတ်၂၀၉၇ အထွတ်ပျက်စီး
၈၁။ ဘုရားအမှတ်၂၁၄၉ ကွမ်းတောင်အထိပျက်စီး
၈၂။ ဘုရားအမှတ်၂၁၅၁ ကွမ်းတောင်အထိပျက်စီး
၈၃။ ဘုရားအမှတ်၂၁၆၀ ဖောင်းရစ်ပျက်စီး
၈၄။ ဘုရားအမှတ်၂၁၆၈ ဖောင်းရစ်ပျက်စီး
၈၅။ ဘုရားအမှတ်၂၁၅၇ အာရုံခံရှေ့ချင်မိတ်တိုးပျက်စီး
၈၆။ ဘုရားအမှတ်၁၉၆၅ ဖောင်းရစ်ပျက်စီး
၈၇။ ဘုရားအမှတ်၁၈၅၂ တောင်ဘက်အတွင်းပိုင်းပြို
၈၈။ ဘုရားအမှတ်၂၁၃၆ ဖောင်းရစ်အထွတ်ပြို
၈၉။ ဘုရားအမှတ်၂၁၃၁ တစ်ဆူလုံးပြို
၉၀။ ဘုရားအမှတ်၁၉၆၂ ခရေသီးပြုတ်
၉၁။ ဘုရားအမှတ်၁၉၈၃ အက်ကွဲ
၉၂။ ဘုရားအမှတ်၁၉၈၂ ဖောင်းရစ်
၉၃။ ဘုရားအမှတ်၂၀၁၁ ရှေ့မုခ်ပြို၊ ငှက်ပျောဖူးပြို၊ တိုက်မကွဲအက် မှုများ
၉၄။ ဘုရားအမှတ်၄၆၉ အထွတ်စေတီပြုတ်
၉၅။ ကျောက်ကူးဘုရား အထွတ်ပိုင်းအက်ကွဲပြို၊ အတွင်းအက်ကွဲ ပြို၊ သံဖရိန်ကွေး
၉၆။ ဘုရားအမှတ်၂၃၃ (လောကချမ်းသာ) အရံစေတီပျက်စီးပြိုကျ
၉၇။ ဘုရားအမှတ်၈၀၁ ကွမ်းတောင်ပျက်စီး
၉၈။ မြစည်းခုံ ခေါင်းလောင်းအက်ကွဲ
၉၉။ ရပ်စောက်ဘုရား (ကျောက်ကူးအနီး) စနေထောင့်တစ်ခြမ်းပြို
၁၀၀။ဘုရားအမှတ်၉၈၇(စေတနာကြီး) ဓာတ်တော်တိုက်ဘက်မှ ပြိုကျ
၁၀၁။ ဘုရားအမှတ်၉၉၈(ကျောင်းကြီးညီမ) ဖောင်းရစ်များ အထက်မှပြို၊ အရှေ့ဘက် မုခ်ကပ်ပြိုကျ
၁၀၂။ ဘုရားအမှတ်၉၉၇ ခရေသီးပြိုကျ၊ မြောက်ဘက်၊ တောင်ဘက် မုခ်အလယ်ပိုင်းများပြိုကျ၊ မြောက်ဘက် အက်ကွဲကြောင်းဖြစ်ပေါ်၊ အတွင်းမုခ်ပြို
၁၀၃။ဘုရားအမှတ်၁၄၅(ချောက်ဘုရားလှ) ထီးတော်ပြိုကျ
၁၀၄။ဘုရားအမှတ်၁၅၅(ကုန်းတော်ကြီး) အရှေ့ဘက်မျက်နှာစာ အင်္ဂတေကွာကျ
၁၀၅။ဘုရားအမှတ်၁၁၂၃(ဆင်ပေါင်း) အထက်ပိုင်းပြတ်ကျ
၁၀၆။ဘုရားအမှတ်၁၁၂၄(ဆင်ပေါင်းအနီး) အထက်ပိုင်းပြတ်ကျ
၁၀၇။ဘုရားအမှတ်၁၃၀၀ ဓာတ်တော်တိုက်ဒုတိယပစ္စယံပြိုကျ
၁၀၈။ဘုရားအမှတ်၁၄၇၁(သိမ္မစည်း) အရှေ့မြောက်ထောင့်အရံစေတီပြိုကျ
၁၀၉။တာမဏီဘုရား အက်ကြောင်းရှိ
၁၁၀။ဘုရားအမှတ်၂၈၇ ကွမ်းတောင်ပြုတ်ကျ
၁၁၁။ဆူးလေကုန်းအစု ကွမ်းတောင်ပြိုကျ
၁၁၂။နှစ်ထပ်စေတီအရှေ့ဘက်မုခ်ပြုတ်ထွက်
၁၁၃။ ဗူးလည်သီးကွမ်းတောင်မုခ်ပြုတ်ထွက်
၁၁၄။ ဗူးလည်သီးအနီးဘုရား ကွမ်းတောင်မုခ်ပြုတ်ထွက်
၁၁၅။ဘုရားအမှတ်၁၂၂၈ ခရေသီးပြုတ်ကျ
၁၁၆။ဘုရားအမှတ်၁၀၃၂ ကြာမှောက်အခြေဖောင်းရစ်အထက်ပိုင်း ပြိုကျ
၁၁၇။ဘုရားအမှတ်၁၁၃၈ ခရေသီးပြုတ်ကျ
၁၁၈။သပိတ်မှောက် အက်ကြောင်းများဖြစ်ပေါ်
၁၁၉။သိကြားပုန်း မြောက်ဘက်ခြမ်းအက်ကြောင်းပေါ်
၁၂၀။ဘုရားအမှတ်၂၆၃ အထက်ပိုင်းပြိုကျ
၁၂၁။ဆုတောင်းပြည့်(တောင်ဘီ) ထီးတော်တိမ်းစောင်း
၁၂၂။ဆုတောင်းပြည့်(တောင်ဘီ) ဘုရားအနီး ထိပ်ပိုင်းပြိုကျ
၁၂၃။ ကျောင်းဦးဘုရား ထိပ်ပိုင်းပျက်စီး
၁၂၄။ အိမ်ရာကျောင်းငါးမျက်နှာ ထိပ်ပိုင်းပျက်စီး
၁၂၅။ စတုမုခ ထိပ်ပိုင်းပျက်စီး
၁၂၆။ စတုမုခဘုရားမြောက်ဘက် ဘုရား ကွမ်းတောင်ထိပြိုကျပျက်စီး
၁၂၇။ ခေမင်္ဂဘုရားစုမှဘုရားငယ် ကွမ်းတောင်အထက်ပိုင်းပျက်စီး
၁၂၈။လိုဏ်ရှည်ဘုရား ကွမ်းတောင်အထက်ပိုင်းပျက်
၁၂၉။ နွားပြဂူ ကွမ်းတောင်အထက်ပိုင်းအကုန်ပျက်
၁၃၀။ ဘုရားအမှတ်၁၅၁၂(ပုထိုးသားများ) ကွမ်းတောင်အထက်ပိုင်းအကုန်ပျက်
၁၃၁။ ဘုရားအမှတ်၁၅၉၇(သဗ္ဗညု) အနောက်ဘက်ကွမ်းတောင်အောက်ပိုင်းပဲ့
၁၃၂။ ရွှေဂူကြီး ကွမ်းတောင်အထက်ပိုင်းပဲ့၍ထီးတော်စောင်း၊ အနောက်ဘက်အရံစေတီထိပ်ပိုင်းပြတ်
၁၃၃။ နတ်လျောင်းကျောင်း မြောက်ဘက်ဘုရား ကွမ်းတောင်အထက်ပိုင်းပျက်
၁၃၄။ ဘုရားအမှတ်၁၅၁၁ ကွမ်းတောင်အထက်ပြိုကျ
၁၃၅။ ဘုရားအမှတ်၁၅၀၇ ကွမ်းတောင်အထက်ပြိုကျ
၁၃၆။ ဘုရားအမှတ်၁၅၁၈ ကွမ်းတောင်အထက်ပြိုကျ
၁၃၇။ဘုရားအမှတ်၁၅၁၉ ကွမ်းတောင်အထက်ပြိုကျ
၁၃၈။ ဘုရားအမှတ်၉၅၆ အုတ်ကျောင်း တောင်ဘက်ခြမ်းပြို
၁၃၉။ဘုရားအမှတ်၈၆၂ ထိပ်ပိုင်းပြိုကျ
၁၄၀။ ဘုရားအမှတ်၈၅၇ ထိပ်ပိုင်းပြိုကျ
၁၄၁။ ဘုရားအမှတ်၃၁၂၃ ထိပ်ဖူးပဲ့ကျ
၁၄၂။ ဘုရားအမှတ်၄၂၁ ထိပ်ဖူးပြိုကျ
၁၄၃။ ကုသဘုရား ထိပ်ပိုင်းပြိုကျ
၁၄၄။ သမုတ္တိ ထိပ်ပိုင်းပြိုကျ
၁၄၅။ ဘုရားအမှတ်၁၁၀၄ ထိပ်ပိုင်းပြိုကျ
၁၄၆။ ဘုရားအမှတ်၁၀၈၉ ထိပ်ပိုင်းပြိုကျ
၁၄၇။ ဘုရားအမှတ်၁၂၅၉(ဖြတ်စရွှေဂူ) ငှက်ပျောဖူးပြုတ်ကျ
၁၄၈။ ဘုရားအမှတ်၁၂၅၀ စေတီလုံးဖောင်းရစ်မှပြိုကျ
၁၄၉။ ဘုရားအမှတ်၁၂၅၁ ကွမ်တောင်ထိပ်အက်ကွဲ
၁၅၀။ ဘုရားအမှတ်၆၉၇(ဆင်ဖြူရှင်ဘုရား) ကွမ်းတောင်ထိပ်ပြိုကျ
၁၅၁။ ဘုရားအမှတ်၆၉၈ အပေါ်ထိပ်ပိုင်းပြိုကျ
၁၅၂။ ဘုရားအမှတ်၆၈၄ သိမ်မြောက်ဘက်ဘုရား အပေါ်ခရေသီးပြုတ်ကျ
၁၅၃။ ဘုရားအမှတ်၁၄၅၈ အတွင်းပိုင်းအင်္ဂတေကွာကျ
၁၅၄။ ဘုရားအမှတ်၁၄၆၇ ချင်မိတ်တိုးထောင့်ပိုင်းကွာကျ၊ ကွမ်းတောင် ထိပ်ပိုင်း တစ်ခြမ်းပဲ့
၁၅၅။ ဘုရားအမှတ်၁၄၇၁(လောကဥသျှောင်) အတွင်းနံရံကွာကျ
၁၅၆။ ဘုရားအမှတ်၁၅၈၀ ကွမ်းတောင်ထိပ်ပိုင်းပြိုကျ
၁၅၇။ မင်းအိုချမ်းသာဘုရားစု ဖောင်းရစ်အနည်းငယ်ပဲ့ကျ
၁၅၈။ စောလှဝန်းဘုရား လက်တံပြုတ်ကျ
၁၅၉။ဘုရားအမှတ်၁၂၃၆ လက်တံပြုတ်ကျ
၁၆၀။ဘုရားအမှတ်၁၂၂၃ လက်တံပြုတ်ကျ
၁၆၁။အပယ်ရတနာ လက်တံယိုင်၊ အရံစေတီ(၂)ဆူပြုတ်ကျ
၁၆၂။ဘုရားအမှတ်၁၁၉၇ လက်တံပြုတ်ကျ
၁၆၃။ဘုရားအမှတ်၁၂၀၃ အထွတ်စေတီပြုတ်ကျ
၁၆၄။ဘုရားအမှတ်၁၁၉၄ အထွတ်စေတီပြုတ်ကျ
၁၆၅။ဘုရားအမှတ်၁၂၀၄ ခရေသီး၊ ကြာမှောက် ကြာလှန်အက်ကွဲ
၁၆၆။ဘုရားအမှတ်၁၁၉၉ ခရေသီး၊ ကြာမှောက် ကြာလှန်အက်ကွဲ
၁၆၇။ဘုရားအမှတ်၅၀၆(အနောက်ကသပ) မြောက်ဘက်မုခ်ပြိုကျ၊ အရှေ့မြောက်ဘက် အရံစေတီပြိုကျ၊ အထွတ်စေတီပြိုကျ
၁၆၈။ ဘုရားအမှတ်၅၀၅(အရှေ့ကသပ) နံရံပန်းချီကွာကျ
၁၆၉။ဆင်ခံဘုရား ဓာတ်တော်တိုက်တောင်ဘက်အုတ်ခုံ ပြိုကျ၊ ဖောင်းရစ်အထက်ပြိုကျ
၁၇၀။ ဘုရားအမှတ်၇၉၅ ကြာမှောက် ကြာလှန်၊ ခရေသီးပြုတ်ကျ၊ အနောက်ဘက်ခြမ်း ဓာတ်တော်တိုက်ပြို
၁၇၁။ ရွှေမုခ်ဌော အရှေ့ဘက်မုခ်ပြို
(ခ) စလေဒေသ
************************
(၁) ဆားလယ်ရှိ ဘုရားအမှတ်(၉) တစ်ဆူလုံးပြိုကျ
(၂) ဘုရားအမှတ်(၇) နောက်မုခ်ဦးပြိုကျ
(၃) ရေလည်ရွာရှိ ဘုရားအမှတ်(၇၁) တောင်ဘက်ခြမ်းကွမ်းတောင်အောက်ပြိုကျ
(၄) ဘုရားအမှတ် (၉) ဖောင်းရစ်ဌာပနာပေါက် ပြိုကျ
(၅) ဘုရားအမှတ် (၁) ဖောင်းရစ်တစ်ခြမ်းပဲ့ကျ
(၆) ဘုရားအမှတ်(၁၅) မုခ်ဦးပြိုကျ
(၇) ဘုရားအမှတ် (၁၈) နှင့် (၁၉) ကွမ်းတောင်ရှိ မုခ်ကပ်ငယ်များပြိုကျ
(၈) ဘုရားအမှတ် (၃၀) ကြာမှောက်၊ ကြာလှန်ပဲ့ကျ
(၉) ရှင်ပင်စာကြို ၊ ဘုရားအမှတ် (၈၈ထီးတော်နှင့်ခေါင်းလောင်းတော်
စောင်း
(ဂ) မြောက်ဦးဒေသ
*************************
(၁) ရတနာမာန်အောင်ဘုရား(ထီးတော်နှင့် ငှက်ပျောဖူးမြေခ)
(၂) ကိုးသောင်းပုထိုး အရံစေတီအနည်းငယ်
(၃) ရတနာပုံစေတီတော် စိန်ဖူးတော်နှင့် ထီးတော်အနည်းငယ်ပဲ့
(ဃ) စစ်ကိုင်းဒေသ
*************************
(၁) စစ်ကိုင်းဗုဒ္ဓပြတိုက်နှင့် ယဉ်ကျေးမှုပြတိုက်အဆောင်(၅) တောင်ဘက်
နံရံအက်ကွဲ
(၂) မင်းကွန်းပုထိုးတော်ရှေ့တောင်ဘက်ခြင်္သေ့အနောက်ခြမ်းအင်္ဂတေကွာကျ
(၃) ချောင်းဦး ၊ အမြင့်ဒေသ ဘုရားအမှတ် (၁၃၅) တောင်ဘက်မုခ်ပြိုကျ
(၄) ဘုရားအမှတ် (၀၆၂) သပိတ်မှောက်နှင့်ကြာဝန်းပြိုကျ
(၅) ဘုရားအမှတ် (၀၈၆) ဖောင်းရစ်အထက်ပိုင်းပြိုကျ
(၆) ဘုရားအမှတ် ၀၄၁(သုံးပန်လှ)၊၀၄၂(ဒေါင်းဘုရား)၊ ၀၁၉
(ရန်အောင်မြင်)၊ ၀၉၁ ၊ ဆုတောင်းပြည့်ဘုရားကြီး စိန်ဖူးတော်ကျိုးကျ
(၇) ဘုရားအမှတ် ၀၈၂ (မိုးကောင်းဘုရားစု) ကြာလှန်အက်
ပျက်စီးဆုံးရှုံးမှုအခြေအနေအား ဆက်လက်ကွင်းဆင်း စာရင်းကောက်ယူလျက် ရှိပြီး အသေးစိတ် အခြေအနေအား ထပ်မံတင်ပြသွားမည်ဖြစ်ပါကြောင်း သတင်းရရှိပါသည်။
24.8.2016
9:13PM
MoRAC
ရှေးဟောင်းသုတေသနနှင့်အမျိုးသားပြတိုက်ဦးစီးဌာန

Ministry of Religious Affairs and Culture

ညနေပိုင်းက လှုပ်ခတ်ခဲ့သော ငလျင်ဒဏ်ကြောင့် ရခိုင်ပြည်နယ် မြောက်ဦးရှိ ရတနာ့မာန်အောင် စေတီတော် ကျိုးကာ မြေခ

ယနေ့ ညနေပိုင်းက လှုပ်ခတ်ခဲ့သော ငလျင်ဒဏ်ကြောင့် ရခိုင်ပြည်နယ် မြောက်ဦးရှိ ရတနာ့မာန်အောင် စေတီတော် ကျိုးကာ မြေခခဲ့ကြောင်း သိရသည်။
အဆိုပါ စေတီမှာ မြောက်ဦးမြို့မှ မာန်ငါးပါးအနက် ထင်ရှားသော စေတီတစ်ဆူ ဖြစ်ကြောင်း သိရသည်။

ယင်းအပြင် မြေပုံမြို့နှင့် စစ်တွေမြို့ရှိ အဆောက်အဦ အချို့တွင်လည်း အက်ကြောင်းရာများ ပေါ်ထွက်လာခဲ့ကြောင်း သိရသည်။
အဆိုပါ ငလျင်မှာ မန္တလေး မြေငလျင်စခန်းမှ အနောက်တောင်ဘက် (၁၂၃) မိုင်ခန့် ကွာဝေးသော မြန်မာနိုင်ငံ ပြည်တွင်း (ချောက်မြို့၏ အနောက်ဘက် (၁၂) မိုင်ခန့်အကွာ) ကို ဗဟိုပြု၍ အင်အားရစ်(ခ်) တာ စကေး (၆.၈)အဆင့်ရှိ အင်အားပြင်း ငလျင်တစ်ခုဖြစ်သည်။
ဓာတ်ပုံ - မင်းသော်

ငလျင်ကြောင့် ပုဂံရှိ ထီးလိုမင်းလိုဘုရားထီး မြေခ

ဒီနေ့ညနေပိုင်း မြန်မာနိုင်ငံ၊ ချောက်မြို့အနီးကို ဗဟိုပြုလှုပ်ခတ်သွားတဲ့ အင်အားပြင်းငလျင်ကြောင့် မန္တလေးတိုင်း၊ ပုဂံက ထီးလိုမင်းလိုဘုရားထီး မြေခခဲ့ပြီး စေတီပုထိုး ၁၀ ဆူထက်မနည်း ပြိုကျခဲ့ပါတယ်။
ဒီဗွီဘီရဲ့ သြဂုတ် ၂၄ရက် မြန်မာစံတော်ချိန် ညနေ ၆နာရီအချိန် ဆက်သွယ်စုံစမ်းမေးမြန်းချက်အရ ခုလို သိရတာ ဖြစ်ပါတယ်။
မကွေးတိုင်း၊ ညောင်ဦးမြို့က တိုင်းလွှတ်တော်အမတ် ဦးဝင်းမြင့်ခိုင်က ညနေ ၆ နာရီအထိ သူ မြင်တွေ့ခဲ့ရသလောက် ထီးလိုမင်းလိုဘုရားထီး ပြေပြင်ပေါ် ပြုတ်ကျသွားပြီး ဘုရား ၁၀ ဆူထက်မနည်း ပြိုကျခဲ့တယ်လို့ ပြောပါတယ်။
“ထီးလိုမင်းလိုဘုရားက ထီးတော် ပြုတ်ကျသွားတယ်၊ အဲ့ဒီဘုရားက အရင်က ထီး မတင်ဘူး၊ န၀တ လက်ထက်ကျမှ ထီးတင်လိုက်တာ၊ အဲ့ဒီ ထီးတော် ပြုတ်ကျသွားတယ်၊ ကျနော် အခု တွေ့တာကိုက ၁၀ဆူကျော်သွားပြီဗျ၊ ပြိုတာ။”
မိုးလေ၀သဌာနရဲ့ အခုညနေဘက် နောက်ဆုံးထုတ်ပြန်ချက်အရ မြန်မာစံတော်ချိန် ညနေ ၅ နာရီ ၅ မိနစ်ခန့်မှာ မကွေးတိုင်း၊ ချောက်မြို့အနောက်ဘက် ၁၂ မိုင်ခန့်အကွာနေရာကို ဗဟိုပြုပြီး အင်အား ရစ်ခ်ျတာစကေး (၆.၈) အဆင့်ရှိ အင်အားပြင်းထန်သော မြေငလျင် တစ်ခုလှုပ်သွားတယ်လို့ သိရပါတယ်။
DVB

ငလျင်လှုပ်ခတ်ပြီး ညောင်ဦးမြို့ ကနဦးသတင်း

မန္တလေးတိုင်းဒေသကြီး၊ ညောင်ဦးခရိုင်၊ ညောင်ဦးမြို့တွင် (၂၄-၈-၂၀၁၆)ရက်နေ့ ညနေ (၁၇: ၀၇)နာရီအချိန်ခန့်တွင် လှုပ်ခတ်သွားသောအင်အားရစ်(ခ်)တာစကေး ၆.၈ အဆင့်ရှိ အင်အားပြင်း ထန်သောမြေငလျင်ဒဏ်ကြောင့် ပုဂံညောင်ဦးမြို့ရှိ ထီးလို မင်းလိုစေတီတော်ထီးတော်ပြိုကျခြင်း၊ ဓမ္မရံ ကြီးဘုရားမုဒ်ဦးပြိုကျခြင်း၊ ငါးမျက်နှာ ဘုရားအပျက်အစီးအနည်းငယ်ရှိခြင်း၊ ဘုရားအမှတ် ၁၆၁၆ ပျက်စီးခြင်း၊ ခေမိန္ဒ ဘုရားပျက်စီးခြင်း၊ မြစေတီစိန်ဖူးတော်ပြုတ်ကျခြင်း၊ အာနန္ဒာဘုရား အင်္ဂတေကွာကျခြင်း၊ တဘက်ကျစေတီထီးတော်မြေခခြင်းနှင့် အမည်မသိဘုရားအချို့ ပျက်စီး ဆုံးရှုံးမှုရှိခဲ့ကြောင်းကနဦးသတင်းရရှိသည်။

ညောင်ဦး ပြန်/ဆက်
MOI Webportal Myanmar

ဆရာ ဆရာမတွေ လစာတိုးမည်

အခြေခံပညာကျောင်းတွေမှာ သင်ကြားနေတဲ့ ဆရာ၊ ဆရာမတွေကို လစာ တိုးမြှင့်ပေးဖို့ စီစဉ်ဆောင်ရွက်နေကြောင်း ပညာရေးဝန်ကြီးဌာန အခြေခံပညာဦးစီးဌာန ညွှန်ကြားရေးမှူးချုပ် ဦးအောင်သန်းဦး က ပြောပါတယ်။

ဒီနေ့ နေပြည်တော်မှာကျင်းပတဲ့ ဝန်ကြီးဌာန လေးခုရဲ့ ရက် ၁၀၀ စီမံချက်ရှင်းလင်းပွဲမှာ ဦးအောင်သန်းဦး က ပြောတာဖြစ်ပါတယ်။

"အခြေခံပညာမှာ ၀န်ထမ်းအင်အားလေးသိန်းကျော်ရှိပြီး ဆရာဆရာမ၀န်ထမ်း သုံးသိန်းကျော်ရှိပါတယ်။ တိုးပေးဖို့ လိုအပ်လာမယ့် ငွေကြေးပမာဏ အတော်ကြီးမားပါတယ်။ အဲ့ဒီအတွက် အစီအစဉ်လေးတွေ လုပ်နေပါပြီ ရက်ကိုတော့ အတိအကျမပြောနိုင်သေးပါဘူး။ တိုးတာတော့ တိုးပေးဖို့အတွက် စီစဉ်ဆောင် ရွက်လျှက်ရှိကြောင်း တင်ပြလိုပါတယ်။"

ပညာရေး၊ ပြန်ကြားရေး၊ စက်မှု၊ စီးပွားရေးနဲ့ ကူးသန်းရောင်းဝယ်ရေးဝန်ကြီးဌာန လေးခုက ဒီနေ့ နေပြည်တော်မှာ ရှင်းလင်းပွဲကျင်းပခဲ့တာဖြစ်ပါတယ်။

ပြန်ကြားရေးဝန်ကြီးဌာနက ရုပ်သံဥပဒေကို ပြဌာန်းပြီးဖြစ်ကြောင်းနဲ့ လက်ရှိမှာ ရုပ်သံလုပ်ကိုင်ခွင့်လိုင်စင် ၅ ခု ချထားပေးဖို့ရှိကြောင်း ပြောကြားခဲ့ပြီး စက်မှုဝန်ကြီးဌာနက မြန်မာ့ဆေးဝါးလုပ်ငန်းလက်အောက်မှာရှိ တဲ့ ဆေးဝါးစက်ရုံမှာ မြွေဆိပ်ဖြေဆေး ထုတ်လုပ်မှုကို နိုင်ငံတကာအဆင့်မီ လုပ်ဆောင်နိုင်ခဲ့ပြီး တစ်နှစ် ကို မြွေဆိပ်ဖြေဆေး ယူနစ် တစ်သိန်း ထုတ်လုပ်နိုင်မှာဖြစ်ကြောင်း ပြောပါတယ်။

စီးပွားရေးနဲ့ ကူးသန်းရောင်းဝယ်ရေးဝန်ကြီးဌာနအနေနဲ့ နယ်စပ်ဒေသက ဒေသခံ တစ်ပိုင်တစ်နိုင် ကုန်သည်တွေ ကို ကုန်သွယ်ခွင့်ပမာဏတိုးမြှင့်ပေးခဲ့ကြောင်း၊ ပြည်ပကိုတင်ပို့ဖို့ကန့်သတ်ထားတဲ့ ကုန်ပစ္စည်း ၁၂ မျိုးထဲက ပန်းနှမ်းဆီ ၊ မုန့်ညှင်းစေ့၊ မုန့်ညှင်းဆီ၊ နေကြာစေ့၊ နေကြာဆီ ဆီကြိတ်ဖတ်အားလုံးနဲ့ ပုဇွန်ဖွဲတွေကို ဖြေလျှော့ တင်ပို့ခွင့်ပြုလိုက်ကြောင်း ရှင်းလင်းခဲ့ပါတယ်။

RFA Burmese

၂၁ ပင်လုံ တက်ရောက်ရေး ရွေးကောက်ပွဲ ရှုံးနိမ့်ပါတီ ၇၀ ညှိနှိုင်းမရ။ကြေညာချက်ထုတ်ပြန်

၂၀၁၅ ရွေးကောက်ပွဲမှာ ရွေးချယ်မခံရတဲ့ ပါတီ ၇၀ က ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံအတွက် ကိုယ်စားလှယ် ၅ဦးရွေးခြယ်ပွဲကို ဒီကနေ့ ရန်ကုန်မြို့မှာ ကျင်းပရာမှာ တက်ရောက်လာတဲ့ ပါတီတွေက လက်မခံတာကြောင့် ကိုယ်စားလှယ် မရွေးချယ်နိုင်ခဲ့ပါဘူး။ ဒီလို မရွေးခြယ်နိုင်တာကတော့ ပြည်ထောင်စုငြိမ်းချမ်းရေးညီလာခံကျင်းပရေးအခြေခံမူနဲ့ အားလုံးပါဝင်ရေးမူနဲ့ မကိုက်ညီတာကြောင့်ဖြစ်တယ်လို့ ဝေဖန်တာတွေ ရှိနေပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

ပြည်ထောင်စုငြိမ်းချမ်းရေးညီလာခံ-၂၁ရာစုပင်လုံတက်ရောက်မယ့် ကိုယ်စားလှယ် ၅ဦးကို ရွေးချယ်မယ့်အစည်းအဝေးကို ရန်ကုန်မြို့က အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဗဟို ဌာနခွဲမှာ ဒီကနေ့ မနက် ၉ နာရီက ကျင်းပခဲ့တာဖြစ်ပါတယ်။

ဒီအစည်းအဝေးကို ပါတီ ၃၀ကျော်တက်ရောက်ခဲ့ပေမဲ့ ကိုယ်စားလှယ်ရွေးခြယ်တာ မရှိခဲ့ကြောင်း အစည်းအဝေးကို တက်ရောက်ခဲ့တဲ့ ကချင်ဒီမိုကရက်တစ်ပါတီက တွဲဘက်အတွင်းရေးမှုး ဦးဂျော်ဆန်နော်က ပြောပါတယ်။

“ကိုယ်စားလှယ် ၅ ဦးကိစ္စကတော့ မရွေးချယ်ဖြစ်တော့ဘူး ဒီမနက်ကတော့။ လာတဲ့ပါတီတွေလည်း ၃၃ ပါတီပဲ ရှိတဲ့အခါကျတော့ တ၀က်လည်းမပြည့်ဘူး။ နောက်တခုက ပါတီ ၇၀ အားလုံးရဲ့ကိုယ်စား ၅ ဦးဆိုတဲ့နေရာမှာလည်း ကိုယ်စားပြုဖို့အခက်အခဲရှိတယ် ဒါနိုင်ငံရေးအရပေါ့လေ။ နောက်တခုက ခုနပြောတဲ့ နိုင်ငံရေးဆွေးနွေးပွဲတို့ ၊ ကျနော်တို့ political dialogue လို့ပဲပြောပြော ခုနက ၂၁ ရာစုပင်လုံလို့ပြောတဲ့အခါကျတော့ အဓိကတော့ နိုင်ငံရေးဆွေးနွေးပွဲလုပ်မယ်ဆိုရင်တော့ နိုင်ငံရေးပါတီ အခန်း ကဏ္ဍ လည်းဒါ အရေးကြီးတယ်ဆိုတဲ့အမြင်မှာ အားလုံး ဆွေးနွေးချက်တွေကို စုပြီးတော့ သက်ဆိုင်ရာတွေကို ပြန်ပြီးတော့ တင်ပြပေးမယ် ဆိုတဲ့အနေအထား။ ကျနော်တို့အချက်အလက်တွေစုစည်း သဘောထားတွေ စုပြီးမှ ဒါပြန်ပြီး သိရတဲ့အနေအထားလောက်ပါပဲ ဒီမနက်တော့။”

မနက် ၉နာရီမှာစတင်တဲ့ အစည်းအဝေးဟာ ၉နာရီခွဲလောက်မှပြီးဆုံးသွားပြီး တက်ရောက်လာတဲ့ နိုင်ငံရေးပါတီတွေရဲ့သဘောထားတွေကို ၂၁ရာစုပင်လုံ ပူးတွဲကျင်းပရေး ကော် မတီ နဲ့ သက်ဆိုင်ရာကို စာရေးသားပေးပို့ခဲ့တာဖြစ်ပါတယ်။

အစည်းအဝေးကို မတက်ရောက်ခဲ့တဲ့ အမျိုးသားဒီမိုကရေစီအင်အားစု NDF ပါတီရဲ့ ဥက္ကဌ ဦးခင်မောင်ဆွေက သူတို့ ပါတီ သဘောထားကို အခုလို ပြောပါတယ်။

“သဘောမတူတဲ့အချက်ကတော့ဗျာ ဒီ တရားဝင်ပါတီတွေဟာ NCA စာချုပ်ပါအတိုင်းဆိုရင်တော့ ဒီငြိမ်းချမ်းရေးဆွေးနွေးပွဲကို တက်ကိုတက်ရမယ်။ နိုင်ငံရေးပါတီအစုအဖွဲ့၊ တပ်မတော်၊ အစိုးရ လွတ်တော်အစုအဖွဲ့ ၊ တိုင်းရင်းသားလက်နက်ကိုင်အစုအဖွဲ့တွေဟာ အဓိကအဖွဲ့ကြီး ၃ တွေအနေနဲ့ တရားဝင်ပါတီမှန်သမျှဟာ ရှုံးသည်နိုင်သည် မဆိုင်ဘဲနဲ့ တက်ခွင့်ရှိတာကို မနိုင်လို့ ၅ ယောက်ပဲဖြစ်ရမယ်ဆိုတဲ့ သတ်မှတ်ချက်ဟာ နိုင်ငံရေးပါတီ တခုရဲ့ ဂုဏ်သိက္ခာနဲ့ ပြည်သူကိုကိုယ်စားပြုတဲ့ပါတီတခုအနေနဲ့ ဒါမလျှော်ဘူးဆိုပြီး သွားမတက်တာဖြစ်ပါတယ်။ နိုင်ငံရေးပါတီကို နိုင်ငံရေးပါတီဂုဏ်သိက္ခာနဲ့ ညီညွှတ်အောင် ဆက်ဆံသင့်တယ်လေ။ နောက်ပြီးတော့ All inclusive ပေါ့ ဒါတချိန်လုံးပြောလာတာ All inclusive အနေနဲ့ဖြစ်ရမယ့်ဟာကို အားလုံးပါဝင်ရမယ် All stakeholders တွေပါဝင်ရမယ့် သဘောထားကိုလည်း ချိုးဖောက်သွားတယ်လေ။ ဒီလို ချိုးဖောက်တာ မူအားဖြင့် မသင့်တော်တဲ့အတွက်ကြောင့်မို့လို့ မူအရ ကျနော်တို့ မတက်ခြင်းဖြစ်ပါတယ်။”

ဒီကနေ့ အစည်းအဝေးကို တက်ရောက်ခဲ့တဲ့ ပြည်ထောင်စုငြိမ်းချမ်းရေးညီလာခံ-၂၁ရာစုပင်လုံ ပူးတွဲကျင်းပရေးကော်မတီ ဒုဥက္ကဌ ဦးသုဝေက ရွေးကောက်မခံရတဲ့ ပါတီ ၇၀က ကိုယ်စားလှယ် တဦးစီ ညီလာခံဖွင့်ပွဲမှာ တက်ရောက်ဖို့နဲ့ ကိုယ်စားလှယ် ၅ယောက် ရွေးခြယ်ဖို့ သတ်မှတ်ထားတာဖြစ်ကြောင်း ပြောပါတယ်။

ဒီနေ့ အစည်းအဝေးတက်ရောက်ဆွေးနွေးတဲ့အခြေအနေကို ဦးသုဝေက အခုလို ဆက်ပြောပါတယ်။

“စပြီးတော့ စကားပြောတဲ့သူတွေက သူတို့က ဒါပါတီတွေကို အညီအမျှပဲ ဖြစ်စေချင်တယ်။ ၅ ပါတီတည်း ခွင့်ပြုမယ်ဆိုရင်တော့ ဒါကိုလက်မခံနိုင်ဘူးပေါ့ဗျာ အဲဒါကြောင့်မို့လို့ ၇၀ လုံး ကိုလက်ခံပါဆိုပြီးတော့ သူတို့ ကြေညာချက်တခုထုတ်လိုက်တယ်ခင်ဗျ။ အဲဒါလေးကိုတင်ပြချက်ပေါ့လေ အဲဒါကို အခမ်းအနားလာကျင်းပပေးတဲ့သူတွေက ဒါအစိုးရကို ပြန်တင်ပြမှာပေါ့နော်။”

မေလ ၂၇ ရက်နေ့က ကျင်းပတဲ့ ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီUPDJC ပြန်လည်ဖွဲ့စည်းတဲ့ အစည်းအဝေးမှာတော့ နိုင်ငံရေးအဖွဲ့အစည်းတွေဟာ လွှတ်တော်တရပ်ရပ်မှာ ပြည်သူလူထုအပေါ် ကိုယ်စားပြုမှုအပေါ် အခြေခံပြီး ၂၁ရာစုပင်လုံမှာ ကိုယ်စားလှယ်အဖြစ်ပါဝင်ဖို့ မူချမှတ်ထားကြောင်း ဒေါ်အောင်ဆန်းစုကြည်က ပြောဆိုခဲ့ပါတယ်။

ပြီးခဲ့တဲ့လတွေကတော့ လွှတ်တော် ၃ရပ်အနက် တခုခုမှာ အရွေးမခံရတဲ့ နိုင်ငံရေးပါတီတွေဟာ ငြိမ်းချမ်းရေးလုပ်ငန်းစဉ်အတွက် အရပ်ဖက်လူမှုအဖွဲ့အစည်းတွေနဲ့ ဆွေးနွေးပွဲမှာ ပါဝင်ဖို့ သတ်မှတ်ခဲ့ရာကနေ၊ညီလာခံထဲ ကိုယ်စားလှယ် ၅ဦး ပါဝင်ဖို့ ပြောင်းလဲ သတ်မှတ်ခဲ့တာဖြစ်ပါတယ်။
VOA

နိုင်ငံတော်သမ္မတ အိန္ဒိယသွားမည်

သမ္မတ ဦးထင်ကျော် ဧရာဝတီတိုင်း ငါးသိုင်းချောင်းမြို့ကို သြဂုတ်လ ၁၉ ရက်နေ့က ရောက်ရှိလာစဉ်။ ဓါတ်ပုံ - မန်းဂျော်နီ ဖေ့စ်ဘွတ်

နိုင်ငံတော်သမ္မတ ဦးထင်ကျော်ဟာ ဒီသြဂုတ်လကုန်ပိုင်းမှာ အိန္ဒိယနိုင်ငံကို ချစ်ကြည်ရေးခရီး သွားရောက်ဖို့ ရှိနေပါတယ်။

နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဒေါ်အေးအေးစိုးက သွားမယ်ဆိုတာ အတည်ပြုပြောပေမယ့် ရက်အတိအကျတော့ မပြောနိုင်သေးဘူးလို့ ပြောပါတယ်။

"ဒီလထဲမှာ ခရီးစဉ်ရှိတယ်၊ သွားဖို့ပြင်ဆင်နေကြတယ်ဆိုတာပဲ သိထားတာ၊ အသေးစိတ်လည်း မသိဘူး၊ ဘယ်ရက်လည်း မသိသေးဘူး၊ အဲ့ဒါနဲ့ပတ်သက်ပြီးတော့ အစ်မတို့ ဘာမှလောလောဆယ် မထုတ်ပြန်သေးဘူး၊ ထုတ်တဲ့အခါကျရင်တော့ ပြောပါမယ်"

နိုင်ငံခြားရေးဌာနပြောရေးဆိုခွင့်အဖွဲ့ ခေါင်းဆောင် ဦးကျော်ဇေယျက ဒေါ်အောင်ဆန်းစုကြည်နဲ့အတူ တရုတ်နိုင်ငံ ခရီးစဉ်ကို လိုက်ပါသွားတာကြောင့် အိန္ဒိယခရီးစဉ်အတွက် အတိအကျ မပြောနိုင်သေးတာဖြစ် တယ်လို့လည်း ဒေါ်အေးအေးစိုးက ပြောပါတယ်။

အဲ့ဒီခရီးစဉ်ဟာ အိန္ဒိယနိုင်ငံဘက်က ဖိတ်ကြားတာဖြစ်ကြောင်းနဲ့ သွားဖို့ရက်နီးလာရင် သတင်းထုတ်ပြန် မှာ ဖြစ်တယ်လို့ သမ္မတရုံးရဲ့ ပြောရေးဆိုခွင့်ရှိသူ ဦးဇော်ဌေး က ပြောပါတယ်။

အိန္ဒိယနိုင်ငံခရီးစဉ်ကို နိုင်ငံခြားရေးဝန်ကြီး ဒေါ်အောင်ဆန်းစုကြည်ပါ သွားရောက်ဖို့ ရှိ/မရှိတော့ မသိရသေးပါဘူး။

သမ္မတဦးထင်ကျော်ဟာ လာအို၊ ရုရှားနဲ့ မွန်ဂိုလီးယားနိုင်ငံတွေကို အစိုးရသစ်တက်လာပြီး မကြာသေးခင် ကာလတွေက သွားရောက်ခဲ့ပြီး ဖြစ်ပါတယ်။

RFA Burmese

ရပ်ကျေးဥပဒေ ၁၀ ချက်ပြင်ဆင်ရေး လူထုအခြေပြုအဖွဲ့တွေတောင်းဆို

ပြည်သူ့လွှတ်တော်မှာ ဆွေးနွေးဖို့ ပြင်ဆင်နေတဲ့ ရပ်ကျေး ဥပဒေ မူကြမ်းမှာ အသက် ၁၈ နှစ်ပြည့်ပြီးသူတိုင်း မဲပေးပြီး အုပ်ချုပ်ရေးမှုးကို ရွေးချယ်ခွင့်ရရေးနဲ့ ဧည့်စာရင်းတိုင်ကြားရေး စနစ် ပယ်ဖျက်ပေးရေး အပါအ၀င် အချက် ၁၀ ချက်ကို အရပ်ဖက်အဖွဲ့အစည်း၆၀ ကျော်က တောင်းဆိုလိုက်ပါတယ်။အမျိုးသားလွှတ်တော်မှာ တတိယအကြိမ် ပြင်ဆင်ပြီး အတည်ပြုထားတဲ့ ဒီဥပဒေမူကြမ်းမှာ အရပ်ဖက် လူ့အဖွဲ့အစည်းတွေ တောင်းဆိုထားတဲ့ အချက်တစ်ချို့လည်း ပါဝင်တယ်လို့ ဆိုပါတယ်။ အပြည့်အစုံကိုတော့ ကိုယ်တိုင်သွားရောက်သတင်းယူထားတဲ့ ဗွီအိုအေမြန်မာပိုင်း သတင်းထောက် ကိုထက်အောင်က တင်ပြပေးမှာပါ။
ပြီးခဲ့တဲ့ဇွန်လ၃ရက်နေ့မှာတတိယအကြိမ်မြောက် ပြင်ဆင်ပြီးအမျိုးသားလွှတ်တော်မှာ အတည်ပြုလိုက်တဲ့ ရပ်ကွက် ဒါမှမဟုတ် ကျေးရွာအုပ်စု အုပ်ချုပ်ရေး ဥပဒေကြမ်းကို ပြည်သူ့လွှတ်တော်မှာ ထပ်မံဆွေးနွေးသွားဖို့ ရှိပါတယ်။အဓိကအားဖြင့်တော့ လူ့အခွင့်အရေးနဲ့ရော နိုင်ငံသားတွေရဲ့  အခွင့်အရေးနဲ့ပါ မကိုက်ညီတဲ့ ဧည့်စာရင်း တိုင်ရတဲ့ ပုဒ်မတွေကို ပယ်ဖျက်ပေးရေးနဲ့ ရပ်ကျေး အုပ်ချုပ်ရေးမှုး ရွေးချယ်ရာမှာ လူထုက တိုက်ရိုက် ရွေးကောက်တင်မြောက်ခွင့်ရရှိရေးနဲ့ အသက် ၁၈ နှစ် ပြည့်ပြီးတဲ့သူတိုင်း အုပ်ချုပ်ရေးမှုးအား မဲပေးရွေးချယ်ခွင့် ပြုဖို့ တောင်းဆိုလိုက်တာပါ။
“အသက် ၁၈ နှစ်ပြည့်ပြီးသူတိုင်း၊ နိုင်ငံသားတိုင်းဟာ တဦးတယောက်ချင်းစီတိုင်းက မဲပေးပိုင်ခွင့်ရှိမှသာလျှင် ဒီသက်ဆိုင်ရာဒေသမှာရှိတဲ့ ရွေးကောက်ခံရတဲ့သူဟာ တာဝန်ယူမှု၊ တာဝန်ခံမှု ပိုများလာပါလိမ့်မယ်။ သူ့ကိုရွေးကောက်တာဟာ တအိမ်တယောက်မဟုတ်ပဲနဲ့ အိမ်သူအိမ်သားတိုင်းက သူ့ရဲ့ သဘောဆန္ဒအရ ကောက်ခံထားတယ်ဆိုတဲ့ ခံစားချက်ကကျမတို့ပြောရမယ်ဆိုရင်တာဝန်ခံမှုတွေပိုများလာမယ်။ ကိုယ်စားပြုမှုတွေလည်းပိုပြီး ကျယ်ပြန့်လာမယ်။ ဒီတော့ ဒါကို ကျမတို့ တိုက်တွန်းနှိုးဆော်တယ်။ အိမ်ထောင်ဦးစီး သို့မဟုတ် အသက် ၁၈ နှစ်ပြည့်ပြီးသူတိုင်းဆိုတဲ့ ပြဌာန်းချက်ကလည်း တနည်းပြောရရင် ကန့်သတ်မှုတွေ ရှိနေတုန်းပါပဲ။ ဆိုတော့ လူငယ်၊ လူရွယ်တွေရဲ့  Rights to voteအမျိုးသမီးတွေရဲ့  ရွေးကောက်ပွဲတွေမှာ ပွင့်လင်းစွာ ကိုယ့်ရဲ့ သဘောဆန္ဒအတိုင်း ၀င်ရောက်နိုင်ခွင့်ပေါ့နော်။ ၀င်ရောက်ပိုင်ခွင့်ကို ကန့်သတ်ပြီးသားဖြစ်နေတယ်။ ဒါကြောင့်မို့ ကျွန်မတို့က သူတို့မဲပေးပိုင်ခွင့်ကို မဆုံးရှုံရအောင်အသက် ၁၈ နှစ်ပြည့်ပြီးသူတိုင်းက တအိမ်တယောက်မဟုတ်ပဲနဲ့ အကုန်လုံး မဲပေးပိုင်ခွင့်ရှိအောင် တောင်းဆိုတာတွေရှိတယ်။
ဒီမိုကရေစီဖွံဖြိုး တိုးတက်ရေး လုပ်ရှားဆောင်ရွက်မှု ကော်မတီက လှုံ့ဆော်ရေးမှုး မသဉ္ဇာရွှန်းလဲ့ရည်က ဒီကနေ့ ရန်ကုန်မြို့ မှာ ပြုလုပ်ခဲ့တဲ့ ရပ်ကျေးဥပဒေ ပြင်ဆင်ရေး ပူးပေါင်းအဖွဲ့သတင်းစာရှင်းလင်းပွဲအတွင်း ပြောဆိုခဲ့တာပါ။ဒီဥပဒေမူကြမ်းကို ပြည်သူ့လွတ်တော်မှာ ဆွေးနွေးသွားဖို့ လွှတ်တော် ကိုယ်စားလှယ် ၃၀ ကျော်ရှိပြီး ဘယ်အချိန် ဆွေးနွေးသွားမလဲဆိုတာကိုတော့ ပြောဆိုမထားပါဘူး။ ဒါပေမဲ့လို့ ပြည်သူ့လွှတ်တော်မှာ ဆွေးနွေးမယ့် အခါကျရင် ဧည့်စာရင်း တိုင်ကြားမှုနဲ့ ပတ်သတ်တဲ့ ပုဒ်မတွေကို ပြန်လည် ထည့်သွင်းသွားမယ်ဆိုတဲ့ ပြောဆိုမှုတွေလည်း ရှိပါတယ်။ မြန်မာပြည်မှာ နှစ်ပေါင်း ၁၀၀ ကျော် ကျင့်သုံးလာခဲ့တဲ့ ဒီဥပဒေ ပုဒ်မတွေကိုအမျိုးသားလွှတ်တော်မှာ ဆွေးနွေးခဲ့တုန်းကလည်းလုံခြုံရေးအခြေအနေကြောင့်ဒီပုဒ်မတွေကိုဆက်လက်ကျင့်သုံးသွားဖို့တပ်မတော်သားကိုယ်စားလှယ်ဖက်က ဆွေးနွေးခဲ့တာပါ။ ဒါပေမဲ့လို့မဲအရေအတွက်အပေါ်မူတည်ပြီးအမျိုးသားလွှတ်တော်မှာတော့ ဒီပုဒ်မတွေကိုပယ်ဖျက်နိုင်ခဲ့ပါတယ်။အမျိုးသားလွှတ်တော်မှာ ပြင်ဆင်ဖွဲ့စည်းလိုက်တဲ့ ရပ်ကျေး ဥပဒေ မူကြမ်းမှာ အရပ်ဖက်လူ့အဖွဲ့အစည်းတွေက တောင်းဆိုထားတဲ့ အချက်အလက်တချို့ ပါဝင်တယ်လို့ ဒါနရှေ့ဆောင်မြန်မာရဲ့  ပရောဂျက် ဒါရိုက်တာ ကိုမြတ်မင်းဦးက ပြောပါတယ်။
“ကျွန်တော်တို့ ခြောက်လပိုင်း သုံးရက်နေ့မှာဆိုရင် အမျိုးသားလွှတ်တော်မှာ ဒီရပ်ကျေးဥပဒေ တတိယအကြိမ်ပြင်ဆင်တဲ့ ဥပဒေကြမ်းကို အတည်ပြုပါတယ်။ အဲ့ဒီအတည်ပြုလိုက်တဲ့အခါမှာ ပုဒ်မပေါင်း ၁၉ ခုပါတယ်။ ပုဒ်မခွဲအနေနဲ့ ပြောမယ်ဆိုရင် ပုဒ်မခွဲ၃၂ ခုပါတယ်ပေါ့နော်။ အဲ့ဒီမှာ ကျွန်တော်တို့ ရပ်ကွက်အဖွဲ့အစည်းတွေ ဥပဒေကြမ်းကော်မတီနဲ့ တွေ့တဲ့အခါမှာ တောင်းဆိုတဲ့အချက်၊ တူညီတဲ့အချက် ၁၂ခုပါတယ်။ ဒါပေမယ့် ကျွန်တော်တို့ တောင်းဆိုတဲ့တာ အပြည့်အ၀ပါတယ်လို့ ပြောလို့မရဘူး။ ကျွန်တော်တို့တောင်းဆိုတဲ့အချက်က တူညီတဲ့အချက် ၁၂ ချက်ရှိပါတယ်။ “
ရပ်ကျေးဥပဒေမူကြမ်းကို ပြည်သူ့လွတ်တော်မှာ ဆွေးနွေးအတည်ပြုသွားရင် ပြည်ထောင်စုလွှတ်တော်ကို ပေးပို့ရမှာ ဖြစ်ပါတယ်။ ပြည်ထောင်စုလွှတ်တော်မှာအတည်ပြု ပြဌာန်းပြီးသွားရင်တော့ ဒီဥပဒေကို လူထုကြား ပိုမိုသိရှိမှု ရှိလာဖို့ တိုက်တွန်းသွားမယ်လို့ မသဉ္ဇာရွန်းလဲ့ရည်က ပြောပါတယ်။
“ဒီဥပဒေကို အတည်ပြုလာခဲ့ပြီဆိုရင် ပြည်သူလူထုကို ပြန်လည်ချပြရမှာဖြစ်ပါတယ်။ ဒီဥပဒေရဲ့အားနည်းချက်၊အားသာချက်ကိုပြန်လည်သုံးသပ်ပြီးတဲ့အခါမှာ ပြန်လည်ပြင်ဆင်ဖို့ကိုလည်း ကျွန်မတို့ ကျိုးစားရင်လည်း ကျိုးစားမှာပေါ့နော်။ ဒါဥပဒေဟာ ဘယ်တော့မှ Perfect ဖြစ်မနေဘူးဆိုတော့ ထပ်မံပြင်ဆင်ဖို့ကိုလည်း ကျွန်မတို့ တိုက်တွန်းသွားဖို့တွေရှိတယ်။ ကျွန်မတို့ နေရာ ဒေသအသီးသီးမှာအသစ်ဖြစ်လာတဲ့ ဥပဒေရဲ့ ပြည်သူလူထုသိသင့်သိထိုက်တဲ့အချက်တွေကို ဝေမျှသွားဖို့တွေရှိတယ်။ နောက်အကယ်၍ ရွေးကောက်ပွဲတွေထပ်မံဖြစ်လာမယ်ဆိုရင်လည်း ရွေးကောက်ပွဲတွေမှာ ကျွန်မတို့ အရပ်ဖက်အဖွဲ့အစည်းတွေ အနေနဲ့ ပြည်သူလူထုတွေ သိသင့်သိထိုက်တဲ့ ရွေးကောက်ပွဲအသိပညာပေးတာတွေ နောက် ရွေးကောက်ပွဲ စောင့်ကြည့်  လေ့လာတာတွေ နောက် ရွေးချယ်ခံရတဲ့ အုပ်ချုပ်ရေးမှုးတွေရဲ့ လုပ်ဆောင်မှုတွေ၊ ဆောင်ရွက်ချက်တွေကို ကျွန်မတို့ လေ့လာစောင့်ကြည့်တဲ့ ပုံစံမျိုး လုပ်ဆောင်သွားဖို့တွေလည်း လျာထားတာတွေရှိပါတယ်။”
ရပ်ကျေးဥပဒေ ပြင်ဆင်ရေးပူးပေါင်းအဖွဲ့အနေနဲ့အမျိုးသားလွှတ်တော်၊ ပြည်သူ့လွှတ်တော်ဥပဒေမူကြမ်း ကေ်ာမတီတွေနဲ့ တွေ့ဆုံပြီးဒီဥပဒေနဲ့ပတ်သတ်လို့ တောင်းဆို ဆွေးနွေးမှုတွေ ပြုလုပ်ခဲ့ပါတယ်။ ဒါ့အပြင် ရပ်ကျေး ဥပဒေနဲ့ ပတ်သက်လို့ ရန်ကုန်တိုင်း၊ပဲခူးတိုင်း၊မကွေးတိုင်း၊ကချင်ပြည်နယ်နဲ့ရှမ်းပြည်နယ်အပါအ၀င် မြန်မာပြည်တစ်ဝှမ်း လူထုတွေ့ဆုံ ရှင်းလင်းပွဲ ၁၇ ပွဲလောက် လုပ်ခဲ့ပါတယ်။ လက်ရှိ ကျင့်သုံးနေတဲ့ ရပ်ကျေးဥပဒေမှာ ပြင်ဆင်ချက် ၂၅ ချက်၊ ပယ်ဖျက်သင့်တာ ၁၂ ချက်နဲ့ ဖြည့်စွက် ရေးဆွဲသင့်တဲ့ အကြောင်းအရာ ၁၂ ချက် ပါဝင်တယ်လို့ အရပ်ဖက်လူ့အဖွဲ့အစည်းတွေက တိုက်တွန်းပြောကြားထားပါတယ်။
VOA

အတိုင်ပင်ခံပုဂ္ဂိုလ်နဲ့ တရုတ်သမ္မတ တွေ့ဆုံ

တရုတ်-မြန်မာ ဆက်ဆံရေးကို နည်းမှန် လမ်းမှန်တဲ့ ဖွံ့ဖြိုး နိုင်ဖို့ တရုတ် အစိုးရဘက်က လိုလား။

တရုတ် နိုင်ငံ ဘေဂျင်း မြို့တော်မှာ ရောက်ရှိနေတဲ့ နိုင်ငံတော် အတိုင်ပင်ခံ ပုဂ္ဂိုလ် ဒေါ် အောင်ဆန်းစုကြည်နဲ့ တရုတ် သမ္မတ ရှီကျင်းပင် တို့ တွေ့ဆုံ ခဲ့ကြပြီ ဖြစ်ပါတယ်။

တရုတ်-မြန်မာ ဆက်ဆံရေးကို နည်းမှန် လမ်းမှန်တဲ့ ဖွံ့ဖြိုး နိုင်ဖို့ တရုတ် အစိုးရဘက်က လိုလားတယ် ဆိုပြီး သမ္မတ ရှီကျင်းပင်က ပြောခဲ့တယ် လို့ အဲဒီ့က လာတဲ့ သတင်းတွေ အရ သိရပါတယ်။

ဒါပေမယ့် မြစ်ဆုံ ရေကာတာ နဲ့ ပတ်သက်လို့တော့ သတင်းထောက် တွေ ရှေ့ တစုံတရာ ပြောကြား တာမျိုး မရှိဘူးလို့ ဆိုပါတယ်။

နှစ်နိုင်ငံ နယ်ခြား ဒေသ တည်ငြိမ် ဖို့ အရေး မြန်မာ ဘက်က အစွမ်းကုန် ကြိုးစား သွားမှာ ဖြစ်ပြီး၊ ဘယ်လို အကြောင်းနဲ့မှ ဆက်ဆံရေး အထိခိုက် ခံမှာ မဟုတ်ဘူးလို့ ဒေါ် အောင်ဆန်းစုကြည် က ပြောတယ် လို့လည်း တရုတ် အစိုးရပိုင် ရုပ်မြင်သံကြား က ပြောပါတယ်။

ဒေါ်အောင်ဆန်းစုကြည်ကလက်တွေ့ အရ ဦးဆောင်မှု ပေးနေတဲ့ မြန်မာ အစိုးရနဲ့ ကြား မဟာဗျူဟာမြောက် ဆက်ဆံရေး တိုးတက်ဖို့ တရုတ် နိုင်ငံဘက်က လိုလား နေတယ် ဆိုပြီး လေ့လာသူတွေက ဆိုပါတယ်။

ဒါပေမယ့် မြစ်ဆုံ ရေကာတာ စီမံကိန်း အပါအဝင် မြန်မာ နိုင်ငံထဲက တရုတ်ရဲ့ ရင်းနှီးမြှုပ်နှံ မှု တွေ နဲ့ ပတ်သက်ပြီး ဒေသခံတွေနဲ့ ပတ်ဝန်းကျင် ထိန်းသိမ်းရေးသမား တွေ ရဲ့ ကန့်ကွက်မှုတွေလည်း ပြင်းပြင်းထန်ထန် ရှိနေပါတယ်။

BBC Burmese

မဲဆောက်ဒေသအတွင်း မြန်မာရွှေ့ပြောင်းအလုပ်သမားများ ဖမ်းဆီးခံရမှု ရာချီရှိနေ

ဇူလိုင် ၂၉ရက်၊ ၂၀၁၆ခုနှစ်။

ထိုင်းစစ်တပ်ဦးဆောင်သည့် ပူးပေါင်းအဖွဲ့စုံမှ ထိုင်းနိုင်ငံ၊ တာ့ခ်ခရိုင်၊ မဲဆောက်ဒေသအတွင်း မြန်မာရွှေ့ပြောင်း အလုပ်သမားများကို ဇူလိုင် ၂၇ရက်နေ့မှစပြီး စီမံချက်(၅)ခုဖြင့် လိုက်လံဖမ်းဆီးရာ ယနေ့အချိန်အထိ လူဦးရေ ၃၀၀ နီးပါး ဖမ်းဆီးခံရမှုရှိသည်ဟု မြန်မာအလုပ်သမားအရေးဆောင်ရွက်နေသူများက ပြောသည်။

ကနဦးသတင်းအရ ဇူလိုင် ၂၉ရက်နေ့နောက်ပိုင်းမှစ၍ အထောက်အထား မရှိသူ၊ အလုပ်ရှင်အလုပ်သမား အထောက်အထားလွဲနေသူ၊ တရားမဝင် ဈေးရောင်းသူ၊ မူးယစ်ဆေးဝါး၊ ကြက်၊ ချဲ လောင်းကစား စသည့် ရာဇဝတ်မှုပြုသူ၊ တရားမဝင် အလုပ်သမားပွဲစားများစသည့် စီမံချက်(၅)ခုဖြင့် ထိုင်းအာဟာပိုင်များက ဖမ်းဆီးမည် ဖြစ်သော်လည်း ၂၇ရက်နေ့ညတွင် ထိုင်းစစ်တပ်က ဖမ်းဆီးနေခြင်းဖြစ်သည်ဟု မြန်မာပြည်သား များအရေး ပူးတွဲလှုပ်ရှားမှု ကော်မတီ-JACBA ဥက္ကဌ ဦးမိုးကြိုးက ကေအိုင်စီသို့ ပြောသည်။

“မနေ့ကဆိုရင် ခန့်မှန်းခြေ အယောက်ကိုးဆယ်လောက် ဖမ်းတယ်။ ဒီနေ့ဆိုရင် တစ်ရာနီးပါး လောက်ရှိပြီ။ ၂၇ရက်နေ့ကနေ ဒီနေဆိုရင် သုံးရာနီးပါလောက်ရှိနေပြီ၊ ဒီမဲဆောက်မှာ။ အဖမ်းခံရတဲ့နေရာတွေက မယ်တော်၊ လောဇုရပ်ကွက်တွေမှာ၊ ဟွေးမုတ်ကျေးရွာက လှေဂိတ်တွေမှာ ဖမ်းတယ်။ နောက် မယ်ကု တိုက်နယ်ဘက်က ရွာတွေမှာလည်း ကားတွေနဲ့ ဖမ်းတယ်״ဟု ဦးမိုးကြိုးက ပြောသည်။

ဖမ်းဆီးခံရသောအလုပ်သမားများကို ထိုင်းရဲအချုပ်ကားများဖြင့် မြန်မာဘက်ခြမ်းသို့ နာရီပိုင်းအတွင်း ပြန်လည် ပို့ဆောင်ပြီး ယခုဖမ်းဆီးမှုသည် ထိုင်းနိုင်ငံ၏ နိုင်ငံရေးကမောက်ကမာ့ အခြေအနေကြောင့်ဖြစ်သလို ဇူလိုင် ၂၉ရက်နေ့သည် ယာယီနေထိုင်အလုပ်လုပ်ကိုင်ခွင့်(ပန်းရောင်ကဒ်)ထုတ်ပေးမည့် နောက်ဆုံးနေ့ဖြစ်သည့် အတွက် ထိုင်းအလုပ်ရှင်များအား ဖိအားပေးသည့် သဘောလည်း ဖြစ်သည်ဟု ဦးမိုးကြိုးက ဆက်ပြောသည်။

ယခုဖမ်းဆီးမှုတွင် ထိုင်းစစ်တပ်မှ ဦးဆောင်ပြီး ထိုင်းနယ်ခြားစောင့်တပ်ဖွဲ့၊ ထိုင်းလူဝင်မှုကြီးကြပ်ရေးရဲ၊ ယာဉ်ထိန်းရဲ၊ မှုခင်းရဲ၊ ပြည်သူ့စစ်၊ ကျေးလက်နှင့် ဒေသန္တရဖွံ့ဖြိုးရေးအဖွဲ့နှင့် အလုပ်သမားဌာနမှ တာဝန်ရှိသူများ ပါဝင်သည့် ပူးပေါင်းအဖွဲ့စုံမှ ဖမ်းဆီးခြင်းဖြစ်ပြီး တစ်နိုင်ငံလုံးအတိုင်းအတာဖြင့် ဖမ်းဆီးနေသည်ဟုလည်း JACBA က ဆိုသည်။

မဲဆောက်မြို့ ရွှေ့ပြောင်းအလုပ်သမားတစ်ဦးဖြစ်သူ မစိမ့်မိမ့်အေးက “မနေ့က ကျမတို့ (ဟွေးမုတ်)ရပ်ကွက်မှာ လာဖမ်းတယ်။ လက်မှတ်မရှိတဲ့သူ ၈၀ကျော်လောက် ပါသွားတယ်။ ထိုင်းအစိုးရက သတ်မှတ်ထားတဲ့ လုပ်ခ လစာလည်း အပြည့်မရကြတော့ ဝင်ငွေက နည်းတယ်။ မိသားစုစားဝတ်နေရေးအတွက်ပဲ ရုန်းကန်နေရတော့ ဒီအလုပ်သမားကဒ် မလုပ်နိုင်ကြဘူး။ အလုပ်ရှင်တွေဘက်ကလည်း တာဝန်ယူပေးတာမျိုး အားနည်းတော့ အရမ်းနစ်နာစေတယ်״ဟု ကေအိုင်စီသို့ ပြောသည်။

ထိုင်းနိုင်ငံတွင် မြန်မာရွှေ့ပြောင်းအလုပ်သမား ၃သန်းခန့်ရှိသည့်အနက် ပန်းရောင်ကဒ် ကိုင်ဆောင်သူဦးရေ ၆သိန်းကျော်ရှိသည်ဟု မြန်မာအလုပ်သမားအရေး ဆောင်ရွက်နေသူများက ပြောသည်။ မဲဆောက်မြို့တွင် မြန်မာနိုင်ငံမှ လာရောက်ရွှေ့ပြောင်းနေထိုင်အလုပ်လုပ်ကိုင်နေသည့် အလုပ်သမားစုစုပေါင်း တစ်သိန်းကျော်ခန့် တည်ရှိပြီး အများစုမှာ ဆောက်လုပ်ရေး၊ အထည်ချုပ်၊ ဈေးရောင်းဈေးဝယ်၊ ညစောင့်အလုပ်သမားများ ဖြစ်ကြသည်။

စအိုင်ဆူး
ကေအိုင်စီ

မြန်မာနိုင်ငံ၏ စီးပွားရေမူဝါဒများရှင်းလင်းပြောကြား

နေပြည်တော် ဇူလိုင် ၂၉

ပြည်ထောင်စုတစ်ဝန်းလုံး၌ တတ်နိုင်သမျှ ညီတူညီမျှဖွံ့ဖြိုးမှုရရှိရန် အမျိုးသား ပြန်လည်သင့်မြတ်ရေးနှင့် အမျိုးသားပြန်လည်ရင်ကြားစေ့ရေးကို အခြေခံသည့် စီးပွား ရေးမူဝါဒကို အကောင်အထည်ဖော်သွားမည်ဖြစ်ပြီး အလုပ်အကိုင်ဖန်တီးရေးကို စီးပွားရေးမူဝါဒ၏ အခြေခံဖြစ်ရမည်ဟု ဆုံးဖြတ်ထားကြောင်း နိုင်ငံတော်၏အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က မြန်မာနိုင်ငံ၏ စီးပွားရေးမူဝါဒများ ရှင်းလင်းပြောကြား ခြင်း အခမ်းအနားတွင် ပြောကြားလိုက်သည်။

ထို့ပြင် နိုင်ငံတော်၏အတိုင်ပင်ခံပုဂ္ဂိုလ်က မိမိတို့နိုင်ငံရေးအရ သွားနေသည့်လမ်း သည် စီးပွားရေးအရ သွားနေသည့်လမ်း နှင့်လိုက်လျောညီထွေရှိရမည်ဖြစ်ကြောင်း၊ စီးပွားရေးမူဝါဒကိုအခြေခံသည့် အခြေခံအုတ်မြစ်များထဲတွင် အရေးအကြီးဆုံးတစ်ခုမှာ အမျိုးသားပြန်လည်သင့်မြတ်ရေးကိစ္စဖြစ်ပါကြောင်း၊ အမျိုးသားပြန်လည်သင့်မြတ်ရေး၊ အမျိုးသားပြန်လည်ရင်ကြားစေ့ရေး မရရှိဘဲ ရှေ့ဆက်သွား၍မရနိုင်ပါကြောင်း၊ တစ်ချိန် က မိမိတို့နိုင်ငံသည် ဒေသတွင်းနိုင်ငံများထက် စီးပွားရေးအခြေအနေကောင်းမွန်ခဲ့ ကြောင်း၊ သို့သော် နိုင်ငံရေးကျဆင်းသွားသည့်အခါ စီးပွားရေးပါကျဆင်းသွားပါကြောင်း။

ထို့ကြောင့် အမျိုးသားပြန်လည်သင့်မြတ်ရေးကို အင်မတန်အလေးထားပါကြောင်း၊ ညီညီညွတ်ညွတ်ရှိမှသာ မိမိတို့လုပ်ကိုင်လိုသည့် အလုပ်များကို အောင်မြင်အောင် လုပ်ဆောင်နိုင်မည်ဖြစ်ကြောင်း၊ ညီညီညွတ်ညွတ် လုပ်ကိုင်နိုင်ရန်အတွက် အမျိုးသား ပြန်လည်ရင်ကြားစေ့ရေးသည် အင်မတန်အရေးကြီးကြောင်း၊ စီးပွားရေးအရ တစ်နိုင်ငံ လုံးအတိုင်းအတာဖြင့် ညီညီမျှမျှ ဖွံ့ဖြိုးတိုးတက်ရေးကို စဉ်းစားရမည်ဖြစ်ကြောင်း ဆက်လက်ပြောကြားသည်။

ထို့ပြင် မိမိတို့နိုင်ငံတွင် ၇၀ ရာခိုင်နှုန်းသော ပြည်သူများသည် လယ်ယာစိုက်ပျိုး ရေးကိုမှီတင်းနေထိုင်ကြသူများဖြစ်ကြောင်း၊ စက်မှုကဏ္ဍကို ဦးတည်ဆောင်ရွက် လိုသော်လည်း လယ်ယာစိုက်ပျိုးရေးကို လျစ်လျူရှုထား၍မရပါကြောင်း၊ ယနေ့ခေတ် ကမ္ဘာကြီး တွင် အစားအသောက်ဖူလုံရေး(Food Security)ကို ပြောဆိုကြသော်လည်း လက်တွေ့ ကျကျ ဆောင်ရွက်မှုနည်းပါးပါကြောင်း၊ ထို့ကြောင့် မိမိတို့၏အခြေအနေကို အားသာ ချက်ရရှိအောင် ဆောင်ရွက်ရမည်ဖြစ်ပြီး လယ်ယာကဏ္ဍ၊ မွေးမြူရေးကဏ္ဍနှင့် စက်မှု ကဏ္ဍများကို ဘက်ညီတိုးတက်စေရန် ဆောင်ရွက်သွားမည်ဖြစ်ပါကြောင်း။

ပတ်ဝန်းကျင်ထိန်းသိမ်းမှုနှင့်အတူ မြို့ပြဖွံ့ဖြိုးမှုရရှိစေရန်လည်း ဆောင်ရွက်သွား မည်ဖြစ်ကြောင်း၊ သယံဇာတများကို ထုတ်ယူသုံးစွဲရာတွင် ပတ်ဝန်းကျင်ထိန်းသိမ်းရေး၊ လူမှုရေး၊ နိုင်ငံရေးကိုပါ အားလုံးပူးတွဲဆောင်ရွက်မှသာ ရေရှည်တွင် အောင်မြင်မှုရရှိနိုင် မည်ဖြစ်ပါကြောင်း၊ ပတ်ဝန်းကျင်ထိန်းသိမ်းရေးနှင့် စီးပွားရေးဖွံ့ဖြိုးတိုးတက်မှုရရှိရေးကို ညီမျှစွာ ဒေသခံပြည်သူများ လက်ခံနိုင်သည့် အခြေအနေဖြင့် ဆောင်ရွက်သွားမည်ဖြစ် ကြောင်း၊ စီးပွားရေးဖွံ့ဖြိုးတိုးတက်ရေးအတွက် ရင်းနှီးမြှုပ်နှံမှုအခန်းကဏ္ဍနှင့် အခြေခံ အဆောက်အုံ ဖွံ့ဖြိုးတိုးတက်ရေးအခန်းကဏ္ဍများသည် အရေးကြီးသည့်အတွက် မူဝါဒ သီးခြား ထုတ်ပြန်သွားမည်ဖြစ်ကြောင်း ထည့်သွင်းပြောကြားခဲ့သည်။

မြန်မာနိုင်ငံ၏ စီးပွားရေမူဝါဒများရှင်းလင်းပွဲကို ယနေ့မွန်းလွဲ ၁ နာရီတွင် နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန ၂ ၌ ကျင်းပရာ ပြည်ထောင်စုဝန်ကြီးများ၊ နိုင်ငံတကာသံရုံးများမှ သံအမတ်ကြီးများနှင့် သံရုံးတာ ၀န်ခံများ၊ ကုလသမဂ္ဂအဖွဲ့ အစည်းများ၊ အခွန်ထမ်းကြီးများ၊ ပုဂ္ဂလိကလုပ်ငန်း ရှင်များ၊ အပြည်ပြည်ဆိုင်ရာမိတ်ဖက် အဖွဲ့အစည်းများ တက်ရောက်ခဲ့ကြသည်။

ရှင်းလင်းပွဲ၌ စီမံကိန်းနှင်ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်း က နိုင်ငံတော်၏စီးပွားရေးမူဝါဒတွင် အခြေခံမည့် မူဝါဒ ၁၂ ချက်အား ရှင်းလင်းခဲ့သည်။

အဆိုပါနိုင်ငံတော်၏ စီးပွားရေးမူဝါဒ ၁၂ ချက်မှာ-

■ ပွင့်လင်းမြင်သာပြီး ကောင်းမွန်တောင့်တင်းသည့် ပြည်သူ့ဘဏ္ဍာရေးစီမံခန့်ခွဲမှုစနစ်ဖြင့် ဘဏ္ဍာရေးအရင်း အမြစ်များ တိုးတက်ပွားများလာအောင် ဆောင်ရွက်ရန်။

■ နိုင်ငံပိုင်စီးပွားရေးလုပ်ငန်းများ ပိုမိုအောင်မြင်စေရန်ဆောင်ရွက်ခြင်း၊ ပြုပြင် ပြောင်းလဲလုပ်ကိုင်နိုင်ခြေရှိသော လုပ်ငန်းများကို ပုဂ္ဂလိကပိုင်အဖြစ် ပြောင်းလဲလုပ် ဆောင်ခြင်းတို့အပြင် အလုပ်အကိုင်ရရှိရေးနှင့် စီးပွားရေးတိုးတက်မှုကို အထောက် အကူပြုသည့် အသေးစားနှင့်အလတ်စားစီးပွားရေးလုပ်ငန်းများကို ပံ့ပိုးကူညီပေးရန်။

■ ခေတ်မီဖွံ့ဖြိုးသောစီးပွားကိုဖြစ်ထွန်းနိုင်စေသည့် လူ့အရင်းအမြစ်များ မွေးထုတ် ပေးနိုင်ရန်နှင့် ပညာရပ်ပိုင်းဆိုင်ရာ အသက်မွေးဝမ်းကျောင်းပညာရပ်များကို ဖွံ့ဖြိုးတိုး တက်အောင် ဆောင်ရွက်ရန်။

■ လျှပ်စစ်ဓာတ်အား၊ လမ်းများ၊ ဆိပ်ကမ်းများ စသည့်အခြေခံစီးပွားရေး အဆောက်အအုံများ လျင်မြန်စွာတိုးတက်လာစေရေးကို ဦးစားပေးဆောင်ရွက်ရန်နှင့် Data ID Card System၊ Digital Government Strategy နှင့် e-Government System တို့ကို ထူထောင်သွားရန်။

■ ပြည်တွင်းနေနိုင်ငံသားများနှင့် နိုင်ငံရပ်ခြားမှ ပြန်လည်ရောက်ရှိလာသော မြန်မာနိုင်ငံသားများ အားလုံးအတွက် အလုပ်အကိုင်အခွင့်အလမ်းများ ဖော်ထုတ်ပေး ရန်နှင့် အလုပ်အကိုင်အခွင့်အလမ်းမြင့်မားသော စီးပွားရေးလုပ်ငန်းများကို ကာလတို အတွင်းပိုမိုဦးစားပေးဆောင်ရွက်ရန်။

■ ဘက်စုံဖွံ့ဖြိုးတိုးတက်ရေး၊ စားနပ်ရိက္ခာဖူလုံစေရေးနှင့် ပို့ကုန်မြှင့်တင်နိုင်ရေးတို့ အတွက် လယ်ယာကဏ္ဍ၊ မွေးမြူရေးကဏ္ဍနှင့် စက်မှုကဏ္ဍများ ဘက်ညီစွာတိုးတက် လာစေရန်နှင့် လယ်ယာစက်မှုကဏ္ဍ ချိန်ခွင်လျှာညီသည့် စီးပွားရေးပုံစံဖော်ထုတ်ရန်။

■ ဈေးကွက်စီးပွားရေးစနစ်နှင့်အညီ ပုဂ္ဂလိကကဏ္ဍ တိုးတက်ရေးအတွက် နိုင်ငံသားတိုင်း မိမိတို့ လုပ်ကိုင်လိုသည့် စီးပွားရေးလုပ်ငန်းများကို လွတ်လပ်စွာ လုပ်ကိုင်ခွင့်ရရှိစေရန်နှင့် ပြည်ပရင်းနှီးမြှုပ်နှံမှုများ တိုးမြှင့်ရန်အတွက် မူဝါဒများ သီးခြား ရေးဆွဲဆောင်ရွက်ရန်၊ မူပိုင်ခွင့်များနှင့် တရားဥပဒေစိုးမိုးမှုရှိစေရေးအတွက် တိုးမြှင့် ဆောင်ရွက်ရန်။

■ အိမ်ထောင်စုများ၊ တောင်သူလယ်သမားများနှင့် စီးပွားရေးလုပ်ငန်းများကို ရေရှည်ဖွံ့ဖြိုးတိုးတက်စေရေး အထောက်အကူပြုနိုင်မည့် ငွေရေးကြေးရေးစနစ်ဖြင့် ဘဏ္ဍာရေးတည်ငြိမ်မှု ရရှိလာစေရေးဆောင်ရွက်ရန်။

■ သဘာဝပတ်ဝန်းကျင်များကို ရေရှည်ထိန်းသိမ်းနိုင်ရန်အတွက် လိုက်လျောညီ ထွေဖြစ်စေမည့် မြို့ပြများ တည်ထောင်ရန်၊ ပြည်သူ့ဝန်ဆောင်မှုလုပ်ငန်းများ အဆင့် မြှင့်တင်ရန်တို့အပြင် အများပြည်သူနှင့် သက်ဆိုင်သည့် နေရာများ တိုးချဲ့ဖော်ထုတ်ရန် နှင့် ယဉ်ကျေးမှုအမွေအနှစ်များကို ပိုမိုစောင့်ရှောက်ထိန်းသိမ်းရေးတို့အတွက် ဆောင်ရွက်ရန်။

■ နိုင်ငံတော်၏ ဝင်ငွေတိုးတက်ရရှိရန် အကျိုးသက်ရောက်မှုရှိပြီး မျှတသော အခွန်စနစ် ထူထောင်၍ ပြည်သူများ၏ အခွင့်အရေးနှင့် ပစ္စည်းဥစ္စာပိုင်ဆိုင်ခွင့်ကို ဥပဒေများ၊ လုပ်ထုံးလုပ်နည်းများ ပြဋ္ဌာန်းလျက် အကာအကွယ်ပေးရန်။

■ တီထွင်ဖန်တီးမှုစွမ်းရည်များနှင့် အဆင့်မြင့်နည်းပညာ တိုးတက်မှုများကို အားထုတ်ကြိုးပမ်းဖြစ်ပေါ်နိုင်စေသည့် အသိဉာဏ်ပစ္စည်းပိုင်ဆိုင်မှုအတွက် အထောက် အပံ့ဖြစ်စေသော နည်းစနစ်များ၊ လုပ်ထုံးလုပ်နည်းများ ပြဋ္ဌာန်းဆောင်ရွက်ရန်။

■ စီးပွားရေးလုပ်ငန်းများကို ဆောင်ရွက်ရာတွင် အာဆီယံဒေသတွင်း သာကမ အခြားဒေသများ အတွင်း၌လည်း တိုးတက်ပြောင်းလဲလာနိုင်ဖွယ်ရှိသော အခြေအနေ များကို ဖော်ထုတ်၍ မိမိတို့၏ စီးပွားရေးလုပ်ငန်းများကို အမြော်အမြင်ကောင်းများဖြင့် အခြေတည်ထူထောင်ရန် တို့ဖြစ်သည်။

Myanmar State Counsellor Office