အင်္ဂပူမြို့နယ်တွင် လေပြင်းတိုက်ခတ်၊ အိမ်ခြေ ၈၁ လုံး ပျက်စီးဆုံးရှုံး

ဧရာဝတီတိုင်းဒေသကြီး အင်္ဂပူမြို့နယ်မှာ မေလ ၁ ရက်နေ့ ညနေပိုင်းက လေပြင်း တိုက်ခတ်တဲ့အတွက် ဘုန်းတော်ကြီးကျောင်းအပါအ၀င် လူနေအိမ် ၈၁ လုံး ပြိုကျ ပျက်စီးဆုံးရှုံးခဲ့ပါတယ်။
မေလ ၁ ရက် ညနေ ၅ နာရီ ၃၅ မိနစ်လောက်ကနေ ၅ နာရီ ၄၅ မိနစ်အထိ ၁၀ မိနစ်ကြာ လေဆင်နှမောင်းတိုက်ခတ်ခဲ့တဲ့အတွက် အင်္ဂပူမြို့နယ်တွင်း ကံဘက်ကျေးရွာအုပ်စုထဲက ကံဘဲကျေးရွာ၊ ရှမ်းစုကျေးရွာ၊ သာယာကုန်း ကျေးရွာတွေနဲ့  ဝက်သေကျေးရွာအုပ်စုအတွင်းရှိ ဇီပင်းကွင်း (အနောက်)ကျေးရွာတွေက အိမ်ခြေ ၈၁ လုံး ပျက်စီးဆုံးရှုံးခဲ့တာပါ။
လေဆင်နှာမောင်း တိုက်ခဲ့တဲ့အတွက် ကံဘက်ကျေးရွာအုပ်စု ကံဘက်ကျေးရွာမှာ ထရံကာ သွပ်မိုး လူနေအိမ် ၂ လုံး ပြိုကျခဲ့ပြီး ၂၄ လုံးမှာ အိမ်အမိုးသွပ်များ လန်ခဲ့ပြီး ရှမ်းစုကျေးရွာမှာတော့ ဘုန်းတော်ကြီးကျောင်း ၁ ကျောင်းအပါအဝင် လူနေအိမ် ၇ လုံး ပြိုကျခဲ့ပြီး၊ လူနေအိမ် ၄၄ လုံး အမိုးလန် ပြိုကျခဲ့ပါတယ်။ သာယာကုန်းကျေးရွာမှာတော့ နေအိမ် ၂ လုံးပြိုကျခဲ့ပါတယ်။ ဒါအပြင် ၀က်သေကျေးရွာအုပ်စု ဇီးပင်ကွင်း(အနောက်)ကျေးရွာမှာ လူနေအိမ် ၁ လုံး အမိုးလန် ပျက်စီးခဲ့ပါ တယ်။
အဆိုပါ လေပြင်းတိုက်ခတ်မှုကြောင့် အိမ်ခြေ ၈၁ အိမ်၊ အိမ်ထောင်စု ၈၁ စု၊ ကျား ၁၄၇ ဦး၊ မ ၁၄၂ ဦး စုစုပေါင်း လူဦးရေ  ၂၈၉ ဦး လေဘေးသင့်ခဲ့ကြပြီး ဆုံးရှုံးမှု တန်ဖိုးငွေ သိန်း ၁၀၀ ကျော် ဆုံးရှုံးခဲ့တယ်လို့ ကံဘက်ကျေးရွာအုပ်ချုပ်ရေးမှူး ဦးထွန်းမင်းလတ်က ဒီဗွီဘီကို ပြောပါတယ်။
ရှမ်းစုဒေသခံ ဦးမြင့်ဦးက “သဘာဝဘေးဖြစ်တာကတော့ ဘယ်တတ်နိုင်မလဲ။ ဒါပေမယ့် အစိုးရအနေနဲ့တော့ မျှော်လင့်မှုတွေ ထားပါတယ်။ ကူညီမှုတွေ ပေးစေချင်ပါတယ်။ အဓိက ကတော့ ဘုန်းတော်ကြီး ကျောင်းကို အစိုးရအနေနဲ့ ထောက်ပံ့မှုတွေ အမြန်ပေးစေချင်တယ်” လို့ ပြောပါတယ်။
လေဘေးသင့်ပြည်သူတွေကို မြို့နယ်အာဏာပိုင်တွေနဲ့ တပ်မတော်သားတွေ အပါအဝင် လူမှုရေးအဖွဲ့တွေ ပူပေါင်းပြီး ကူညီဆောင်ရွက်ပေးနေတယ်လို့ သိရပါတယ်။
သတင်း – သန်းထိုက်မြင့်
DVB

မြန်မာ့မီဒီယာလွတ်လပ်ခွင့် ပိုမိုဆုတ်ယုတ်လာဟု Pen Myanmar ထုတ်ပြန်

  လက်ရှိအန်အယ်လ်ဒီ အစိုးရလက်ထက် မြန်မာနိုင်ငံရဲ့ မီဒီယာလွတ်လပ်ခွင့်ဟာ ယခင် သမ္မတဟောင်း ဦးသိန်းစိန်အစိုးရ လက်ထက်ကထက် ဆုတ်ယုတ်သွားတယ်လို့ Pen Myanmar အပါအဝင် အရပ်ဘက်အဖွဲ့အစည်း ၁၄ ဖွဲ့ရဲ့ ပူးတွဲအစီရင်ခံစာမှာ ထုတ်ပြန်လိုက်ပါတယ်။
မြန်မာနိုင်ငံရဲ့ လွတ်လပ်စွာ ရေးသားထုတ်ဖော် ပြောဆိုခွင့်အခြေအနေ အကဲဖြတ်ခြင်း အစီရင်ခံစာကို မေ ၂ ရက်နေ့က ရန်ကုန်မြို့ Pen Myanmae ရုံးမှာ ထုတ်ပြန်ခဲ့ပြီး ဒီအစီရင်ခံစာဟာ အစိုးရသစ် ၁ နှစ်တာ ကာလအပေါ် အခြေခံထားတာ ဖြစ်ပါတယ်။
ပူးတွဲ ၁၄ ဖွဲ့ထဲမှာ ပါဝင်တဲ့ Burma News International ရဲ့ အကြံပေး ဦးဇင်လင်းက “လက်ရှိအစိုးရလက်ထက်မှာ မီဒီယာသမားတွေ ဆက်သွယ်ရေးဥပဒေပုဒ်မ ၆၆(ဃ)နဲ့ တရားစွဲဆို အရေးယူခံရယူက ၆၀ ကျော်ထိ ရှိတယ်။ ဒါဟာ လွတ်လပ်စွာ ရေးသားထုတ်ဖော်ပြောဆိုခွင့်မှာ အဆိုးဆုံး ကြုံရတာပဲ။ ဒီအခြေနေအရ ဦးသိန်းစိန် အစိုးရလက်ထက်ကထက်ကို ဆုတ်ယုတ်သွား တာပါ”လို့ ဒီဗွီဘီကို ပြောပါတယ်။
ဒီလို အစီရင်ခံစာတွေကို နှစ်စဉ် ထုတ်ပြန်သွားမယ်လို့ Pen Myanmar က ပြောပါတယ်။ မေလ ၃ ရက်နေ့ဟာ ကမ္ဘာ့သတင်းလွတ်လပ်ခွင့်နေ့လည်း ဖြစ်ပါတယ်။
DVB

တောင်ကိုရီးယားက အမေရိကန် ဒုံးခွင်းဒုံးစနစ် အသက်ဝင်ပြီ

တောင်ကိုရီးယားမှာ တပ်ဆင်နေတဲ့ အငြင်းပွားဖွယ်ရာ ဒုံးကျည်ကာကွယ်ရေးစနစ်ဟာ
အလုပ်တာဝန်တွေကို စတင်ထမ်းဆောင်နိုင်ပြီ ဖြစ်ကြောင်း အမေရိကန် တပ်မတော်က သတင်းထုတ်ပြန်လိုက်ပါတယ်။

အခုဆိုရင် မြောက်ကိုရီးယားရဲ့ ဒုံးကျည်တွေကို ကြားဖြတ် ဖျက်ဆီး နိုင်စွမ်းပြီး တောင်ကိုရီးယားကို ကာကွယ်နိုင်ပြီလို့ အမေရိကန် စစ်ဖက် ပြောရေးဆိုခွင့်ရှိသူက ဆိုပါတယ်။

ဒါပေမယ့် စွမ်းရည်ပြည့် အလုပ် လုပ်နိုင်ဖို့ အတွက်တော့ လအတော်ကြာဦးမယ်လို့ တာဝန်ရှိသူ အရာရှိတွေက သတင်းထောက်တွေကို ပြောပါတယ်။

အမေရိကန်ရဲ့ အဲဒီ အမြင့်ပျံလေကြောင်းရန် ကာကွယ်ရေးစနစ် Terminal High Altitude Area Defense (Thaad) ဟာ တောင်ကိုရီးယား အလယ်ပိုင်း ဆီယွန်ဂျူး ခရိုင်က ဂေါက်ကွင်းဟောင်းတခုမှာ ဒေသခံတွေ ကန့်ကွက်တဲ့ ကြားက အရင်အပတ်တုန်းက တပ်ဆင်ခဲ့တာပါ။

ဒီ ဒုံးခွင်းဒုံးစခန်းကြောင့် သူတို့ ဒေသဟာ မြောက်ကိုရီးယားရဲ့ ပစ်မှတ်ထားခံရကာ စစ်တလင်း ဖြစ်လာနိုင်တယ်ဆိုပြီး အဲဒီဒေသကလူတွေက စိုးရိမ်နေကြပါတယ်။

အမေရိကန် ဒုံးကျည်ကာကွယ်ရေး စနစ် တောင်ကိုရီးယားမှာ စတင် အသက်ဝင်လာခြင်းဟာ တင်းမာနေပြီး ဖြစ်တဲ့ ကိုရီးယားကျွန်းဆွယ် အခြေအနေကို စိုးရိမ်မှုတွေ ပိုတိုးလာစေပါတယ်။

လက်ရှိမှာ မြောက်ကိုရီးယားဘက်က ဒုံးကျည်စမ်းသပ်မှုတွေ အဆက်မပြတ် ပြုလုပ်နေသလို အမေရိကန်ရဲ့ စစ်ရေယာဉ်တွေနဲ့ ရေငုပ်သင်္ဘော တစင်းဟာလည်း ဒေသတွင်းမှာ ရောက်ရှိနေပါတယ်။

တနင်္လာနေ့တုန်းကလည်း အမေရိကန် ဗုံးကြဲလေယာဉ်နှစ်စင်းဟာ တောင်ကိုရီးယား လေတပ်နဲ့ အတူ ပူးတွဲ စစ်ရေးလေ့ကျင့်ခန်း တခု ပြုလုပ်ခဲ့ပါသေးတယ်။ ဒါဟာ ပုံမှန် လေ့ကျင့်မှု သက်သက်ပါပဲလို့ အမေရိကန်ဘက်က ဆိုပေမယ့် စစ်ရေးအရ စိုးရိမ်နေရတဲ့ အနေအထားမှာ နှစ်ဘက် စစ်ပြင်ဆင်မှုတွေ အထိ ဖြစ်လာမလား စောင့်ကြည့်ရမယ့် အနေအထား ဖြစ်ပါတယ်။

ဘီဘီစီမြန်မာပိုင်း
BBC Burmese

နှိပ်စက်သည့်ခင်ပွန်းများကိုဆုံးမရန် သတို့သမီးများကို အဝတ်လျှော်တုတ် လက်ဆောင်ပေးသည့် ဝန်ကြီး

အိန္ဒိယနိုင်ငံမှာ ပြည်နယ်အစိုးရဝန်ကြီးတဦးက အသစ်စက်စက် သတို့သမီး ၇၀၀ ကို အရက်မူးနှိပ်စက်တဲ့ ခင်ပွန်းလင်ယောက်ျားတွေကို ပြန်လည်ရိုက်နှက် တုံ့ပြန်နိုင်ဖို့ အဝတ်လျှော်တုတ်ချောင်းတွေ လက်ဆောင်ပေးခဲ့ပါတယ်။
မဒရာပရာဒေ့ရ်ှပြည်နယ်ထဲမှာ အုပ်စုလိုက်မင်္ဂလာပွဲကျင်းပချိန် ပြည်နယ်အစိုးရ ဝန်ကြီးတဦးဖြစ်တဲ့ ဂိုပယ်လ် ဘာဂါဗာက မင်္ဂလာလက်ဆောင်အဖြစ် ခုလိုပေးခဲ့တာဖြစ်တယ်လို့ ဒေးလီးမေးလ်သတင်းတပုဒ်မှာ ဧပြီ ၃၀ ရက်နေ့က ဖော်ပြပါတယ်။
အိန္ဒိယနိုင်ငံမှာ အဲဒီ အဝတ်လျှော်တုတ်ချောင်းတွေကို အဝတ်လျှော်ရာမှာ အသုံးပြုလေ့ရှိပြီး လက်ရှိ အချောင်းရေ ၁ သောင်းထိ ပေးအပ်သွားဖို့ ရည်ရွယ်ထားတယ်လို့ ဆိုပါတယ်။
ဒါကို အရက်မူးရမ်းကားပြီး ဇနီးမယားတွေကို အနိုင်ကျင့်နှိပ်စက်မှုတွေ ကြုံလာရတဲ့အခါမှာ အသုံးပြုစေနိုင်ဖို့ ရည်ရွယ်ပြီး တုတ်ချောင်းတွေပေါ်မှာတော့ “နှိပ်စက်တတ်တဲ့ အမူးသမားတွေအတွက်”၊ “ရဲတွေက ပါဝင်စွက်ဖက်လိမ့်မှာ မဟုတ်ဘူး” စတဲ့ စာသားတွေကို ထွင်းထားခဲ့တာပါ။
အိန္ဒိယနိုင်ငံ ကျေးလက်တောပိုင်းတွေမှာ အမျိုးသမီးတွေဟာ အရက်မူးသောက်စားကာ နှိပ်စက်တတ်တဲ့ ခင်ပွန်းအမျိုးသားတွေရဲ့ အိမ်တွင်းအကြမ်းဖက်မှုတွေ ခံနေရတာပါ။
“ဒါဟာ ဇနီးမယားတွေကို ရန်စစော်ကားစေဖို့ ရည်ရွယ်တာမဟုတ်ဘဲ အကြမ်းဖက်မှုတွေဖြစ်လာရင် ကာကွယ်ပေးနိုင်အောင်လို့ပါ” လို့ ဘာဂါဗာက ပြောပါတယ်။
အိန္ဒိယနိုင်ငံ ပြည်နယ်အများစုမှာတော့ မကြာသေးခင်နှစ်တွေက အရက်သေစာ သောက်စားရောင်းဝယ်မှုတွေကို တားမြစ်တာတွေ၊ ကန့်သတ်တာတွေနဲ့ ဖြိုခွဲနိုင်ဖို့ ကြိုးစားခဲ့တာပါ။
ဒါဟာ ဆင်းရဲတဲ့ မိသားစုတွေအတွင်းမှာ အကြမ်းဖက်မှုတွေ၊ လိင်ပိုင်းဆိုင်ရာ နှောင့်ယှက်စော်ကားမှုတွေဟာ အရက်သေစာသောက်စားမှုက စတယ်လို့ ပြစ်တင်ဝေဖန်မှုတွေ ထွက်ပေါ်ခဲ့ချိန်မှာ သတိပြုမိလာခဲ့ကြတာပါ။
အိမ်နီးချင်းပြည်နယ်တခုဖြစ်တဲ့ ကီရာလာပြည်နယ်မှာတော့ ဟိုတယ်အများစုမှာ အရက်သေစာရောင်းချမှုကို ၂၀၁၄ ခုနှစ်ကတည်းက ပိတ်ပင်ထားခဲ့တယ်လို့ သတင်းမှာ ဖော်ပြပါတယ်။
DVB

စိတ်ကြွရူးသွပ်ဆေးပြား ကျပ်သိန်းရှစ်ထောင်ကျော်ဖိုးနဲ့ အတူ ဗိုလ်မှုးရဲဇေယျာနှင့် တပ်သားသိန်းနိုင်တို့အား ဖမ်းဆီးမိ

 
မေ ၂ ၊၂၀၁၇

နယ်ခြားစောင့် ရဲတပ်ဖွဲ့ဝင်များ ပါဝင်သော ပူးပေါင်းအဖွဲ့သည် ဧပြီ ၃၀ ရက် ည ၁၁ နာရီခွဲက ၃ မိုင်စစ်ဆေးရေးဂိတ်၌ ပုံမှန်ရှာဖွေစစ်ဆေးမှုများ ပြုလုပ်ရာမှ WY/R စာတမ်းပါရောရာ စိတ်ကြွရူးသွပ်ဆေးပြား ၄၄၀၀၀၀ ပြား ဖမ်းဆီးရမိခဲ့သည်။

ဖြစ်စဉ်မှာ ဘူးသီးတောင်ဘက်မှ မောင်တောဘက်သို့ ယာဉ်မောင်း သန်းထွန်းနိုင် ၃၆ နှစ် မောင်း နှင်လာသည့် ပါဂျဲဒိုးခဲရောင်ယာဉ်အား ရပ်တန့်စစ်ဆေးစဉ် ယာဉ်၏နောက်ဖက်အခန်းတွင် ရေခဲပုံးနှစ်ပုံးဖြင့် ထည့်ထားသော WY/R စာတမ်းပါရောရာ စိတ်ကြွရူးသွပ်ဆေးပြား ၁ ထုပ်လျှင် ဆေးပြား ၂၀၀၀၀ ခန့်ပါ ၁၇ ထုပ်၊ ၁ ထုပ်လျှင် ဆေးပြား ၁၀၀၀၀ ခန့်ပါ ၁၀ ထုပ် ၊ တွေ့ရှိသည့် အထုပ် ၂၇ ထုပ်အတွင်းမှ စုစုပေါင်းဆေးပြား ၄၄၀၀၀၀ ခန့် ကာလတန်ဖိုးငွေကျပ် သိန်း ၈၈၀၀ ခန့်အား ရှာဖွေသိမ်းဆည်းရမိခဲ့သည်။

ယာဉ်မောင်း သန်းထွန်းနိုင်နှင့်အတူ ဇော်ဦး ၃၂ နှစ်၊ အမှတ် ၅၆၄ ခြေမြန်တပ်ရင်းမှ ဗိုလ်မှုးရဲဇေယျာ၊ တပ်သားသိန်းနိုင်တို့အား ကားပေါ်တွင် အတူတွေ့ရှိကြောင်း သိရသည်။

ဘူးသီးတောင်မြို့နယ် ဝါးခုတ်ချောင်းရှိ ခမရ (၅၅၁)သို့ ဗိုလ်မှုးရဲဇေယျာ အားလည်းကောင်း၊ ခမရ(၅၆၅)သို့ တပ်သားသိန်းနိုင်အား လည်းကောင်း မေ ၁ ရက် မွန်းလွဲ ၁ နာရီ ၁၀ မိနစ်တွင် လွှဲပြောင်းပေးအပ်ခဲ့ပြီး တပ်မတော်မှ လိုအပ်သည့် အရေးယူမှုများ ဆက်လက်ဆောင်ရွက်နိုင်ရန် စုံစမ်းစစ်ဆေးမှုများ ပြုလုပ်လျက်ရှိကြောင်း သိရှိရသည်။

ယာဉ်မောင်း သန်းထွန်းနိုင်နှင့် ဇော်ဦးတို့အား ပြင်ဖြူနယ်မြေရဲစခန်း၌ အမှုဖွင့် အရေးယူ ဆောင်ရွက်လျက်ရှိကြောင်းသိရသည်။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
https://www.facebook.com/MyanmarSCOInfoCom

နမ့်ခမ်းမြို့နယ်တွင် တိုက်ပွဲဖြစ်၊ အဖွားအို ၁ ဦး လက်နက်ကြီးထိမှန်သေဆုံး

Photo-DVB

ရှမ်းပြည်မြောက်ပိုင်း မူဆယ်ခရိုင် နမ့်ခမ်းမြို့နယ်ထဲမှာ ဒီကနေ့ မနက်ကနေ ညနေပိုင်းထိ တီအန်အယ်လ်အေ တအာင်းပလောင်တပ်ဖွဲ့နဲ့ မြန်မာ့တပ်မတော်တို့ကြား ထိတွေ့ပစ်ခတ်မှုတွေ ဖြစ်ပွားခဲ့ပြီ လက်နက်ကြီးကျည်တွေ ရွာထဲကိုပါ ကျသွားတာကြောင့် အဖွားအို ၁ ဦး သေဆုံး သွားတယ်လို့  တအောင်းတပ်(တီအန်အယ်လ်အေ)ဘက်က ပြောပါတယ်။
မြန်မာ့တပ်မတော် တပ်မ ၈၈ လက်အောက်ခံ တပ်ဖွဲ့ဝင်တွေဟာ နမ့်ခမ်းဘက်ကနေ သူတို့ရှိတဲ့ ကောင်းခေရွာနဲ့ ပန်စံရွာကြား တောအုပ်ထဲ လာရောက်ပစ်ခတ်ရာက ဒီကနေ့မနက် ဆယ်နာရီ လောက်ကနေ  မွန်းလွဲ ၂ နာရီခွဲထိ တိုက်ပွဲဖြစ်ခဲ့တယ်လို့  ပြန်ကြားရေးတာဝန်ခံ တာ့အိုက်ကျော်က ပြောပါတယ်။
“တပ်မ ၈၈ က မနေ့ကတည်းက နမ့်ခမ်းကနေ ကျနော်တို့ နေတဲ့ဘက်ကို လိုက်လာလို့ ၂ ဘက် ထိတွေ့တိုက်ပွဲဖြစ်တယ်။ တိုက်ပွဲဖြစ်ပြီး နာရီဝက်လောက်မှာတော့ နမ့်ခမ်းမြို့ အထက်နားမှာရှိတဲ့  အစိုးရတပ်စခန်းကနေ ပန်စံရွာဘက်ကို လက်နက်ကြီးတွေနဲ့ပစ်တယ် တော်တော်လေးများ ပါတယ်။ သူတို့လက်နက်ကျည်တွေက ၅ မိုင် ကနေ ၇ မိုင် အကွာ ထိရောက်တယ်။ ကောင်းခေရွာ၊ ပန်စံရွာ၊ နမ့်ဟွမ်ရွာနားတ၀ိုက် လက်နက်ကြီးကျတယ်။ အဲဒီ ပတ်ပတ်လည်ပဲ။ အဲဒီ ပန်စံရွာမှာ နေအိမ်တလုံးထိပြီး အိမ်ထဲမှာရှိတဲ့ အသက် ၈၀ ကျော် အဖွားတယောက်ကို ထိပြီး သေဆုံးသွားတယ်လို့ လောလောဆယ် အဲဒီသတင်းရတယ်။ သူ့နာမည်က ယာ့လိုင်းလို့ခေါ်တယ်၊ အသေးစိပ်တော့ မသိရဘူး။ တခြား ထိခိုက်မှုတွေလည်း မသိရသေးဘူး။”
မွန်းလွဲ ၂ နာရီခွဲလောက်မှာ တိုက်ပွဲပြီးဆုံးသွားပေမယ့် ၃ နာရီ ၁၅ မိနစ်လောက်မှာတော့ မြန်မာ့တပ်မတော်ဘက်က ရဟတ်ယာဉ် ၃ စီးရောက်လာပြီး  အဆိုပါကျေးရွာဝန်းကျင်တ၀ိုက်ကို လာရောက်ပစ်ခတ်သွားတယ်လို့လည်း တာ့အိုက်ကျော်က ပြောပါတယ်။
နမ့်ခမ်းမြို့ တဲန်မရပ်ကွက်တွင်းနေထိုင်သူ ဒေသခံတဦးကလည်း ဒီကနေ့မနက် ဆယ်နာရီ ကျော်ကနေ ပစ်ခတ်သံတွေ အတိုင်းသားကြားရသလို ယမ်းငွေ့တွေပါ လှမ်းမြင်နေရတယ်လို့ ဒီဗွီဘီကို ခုလိုပြောပါတယ်။
“ဒီမနက် ၁၁ နာရီလောက်ကစပြီး ကျနော်တို့မြို့ရဲ့ အရှေ့တောင်ဘက် ၄-၅ မိုင်အကွာ ကောင်းခေရွာဘက်မှာ သေနတ်သံတွေစပြီးတော့ ကြားတယ်ခင်ဗျ။ ညနေ ၃ နာရီကျော်ကျတော့ နမ့်ခမ်းမှာရှိတဲ့အစိုးရတပ်စခန်းကနေ လက်နက်ကြီးနဲ့ပစ်တယ်။ ပြီးတော့ လေယာဉ် ၂ စီးလာတာ တွေ့တယ်။ အဲဒီရွာတွေက ပလောင်ရွာတွေလေ၊ တီအန်အယ်လ်အေက သွားနေတော့ ရွာတွေပါ အပစ်ခံရတာပေါ့။”
ညနေ ၃ နာရီခွဲလောက်မှာ အသံတွေအားလုံး ငြိမ်သက်သွားပေမယ့်  မြို့သူမြို့သားတွေကတော့ စိုးရိမ်စိတ်ရှိနေသေးကြောင်း၊ တကယ်လို့ တီအန်အယ်လ်အေတွေ မြို့ထဲလာပြီးခိုလှုံလို့ တပ်မတော်က ချေမှုန်းရင် မုံးကိုးလို အခြေအနေရောက်သွားမှာ စိုးရိမ်တယ်လို့ ဒေသခံက ပြောသွားပါတယ်။
ဒီတိုက်ပွဲနဲ့ ပတ်သက်ပြီး မြန်မာ့တပ်မတော်ဘက်က ထုတ်ပြန်တာတော့ မတွေ့သေးပါဘူး။ 
DVB