 |
| ဇွန်(၂၀)ရက်နေ့တွင် အောက်စဖို့ဒ် တက္ကသိုလ်မှ ချီးမြှင့်သော ဂုဏ်ထူးဆောင် ဒေါက်တာဘွဲ့ကို လက်ခံရရှိပြီးနောက် တွေ့ရသော ဒေါ်အောင်ဆန်းစုကြည်။ အောက်စဖို့ဒ် တက္ကသိုလ်သည် လန်ဒန်၏အနောက်မြောက်ဖက်အရပ် တည်ရှိသည်။ (Photo-AFP) |
၁၉၉၃ ခုနှစ်ကတည်းက ချီးမြှင့်ခြင်းခံထားရသည့် အောက်စဖို့တက္ကသိုလ်၏ ဂုဏ်ထူးဆောင် ပါရဂူဘွဲ့ကို ကိုယ်တိုင် လက်ခံရယူမည့်နေ့တွင်ပင် အောက်စ်ဖို့တွင် ဆုံဆည်း မေတ္တာမျှခဲ့သည့် ခင်ပွန်းသည်အား နောက်ဆုံးသွားရောက်
နှုတ်ဆက်ခြင်းလည်း ဖြစ်သည်။
ဒေါ်အောင်ဆန်းစုကြည် နေအိမ်အကျယ်ချုပ် ကျခံနေရစဉ်အတွင် ၁၉၉၉ ခုနှစ်က ကင်ဆာရောဂါဖြင့် ဒေါက်တာအဲရစ် ကွယ်လွန်သွားခဲ့သော်လည်း ဈာပနသို့ မသွားရောက်နိုင်ခဲ့ပေ။
၁၉၉၇ ခုနှစ်က မိုက်ကယ်အဲရစ်တွင် ဆီးကျိတ်ကင်ဆာ ဝေဒနာ ခံစားနေရပြီး ဇနီးဖြစ်သူထံ လာရောက်လည်ပတ်ရန် အတွက် ဗီဇာလျှောက်ထားခဲ့သေးသည်။ ထိုသို့ မစ္စတာအဲရစ်အား ဗီဇာခွင့်ပြုရန် ဝိုင်းဝန်းတောင်းဆိုပေးခဲ့ကြသူများ ထဲတွင် ပုပ်ရဟန်းမင်းကြီး ဂျွန်ပေါလ်နှင့် ကုလသမဂ္ဂ အတွင်းရေးမှူးချုပ် ကိုဖီအာနန်တို့လည်း ပါဝင်ခဲ့သည်။
သို့သော် မြန်မာစစ်အာဏာပိုင်များက ဒေါက်တာအဲရစ်အား ပြည်ဝင်ခွင့်ဗီဇာ မပေးဘဲ ဒေါ်အောင်ဆန်းစုကြည်ကိုသာ ခင်ပွန်းသည်ထံ သွားရန် ခွင့်ပြုခဲ့သည်။
ထိုစဉ်က ဒေါ်အောင်ဆန်းစုကြည်မှာ နေအိမ်အကျယ်ချုပ်မှ လွတ်မြောက်နေစဉ် ဖြစ်သော်လည်း ထိုသို့ ထွက်ခွါသွားပါက မြန်မာနိုင်ငံသို့ ပြန်လည်ဝင်ရောက်ခွင့် ရမည်မှာ မသေချာသောကြောင့် မသွားဖြစ်ခဲ့ပေ။
ဒေါ်အောင်ဆန်းစုကြည်အား စစ်အစိုးရမှ ၁၉၈၉ ခုနှစ်တွင် နေအိမ်အကျယ်ချုပ် စတင်ချလိုက်သည့်အချိန်မှစ၍ ငါးကြိမ်ခန့်သာ ခင်ပွန်းသည်နှင့် ဆုံတွေ့ခွင့် ရခဲ့သည်။
၁၉၇၂ ခုနှစ်က လက်ထပ်ခဲ့ကြသော ဒေါ်အောင်ဆန်းစုကြည်တို့ ဇနီးမောင်နှံမှာ တော်ဝင်မိသားစုဝင်များအား မစ္စတာအဲရစ် စာသင်ပြပေးနေသည့် ဘူတန်နိုင်ငံတွင် တနှစ်မျှ နေထိုင်ခဲ့ပြီးနောက် ဗြိတိန်နိုင်ငံ မြောက်ပိုင်းအောက်စ်ဖို့ သို့ ပြောင်းရွှေ့ အခြေချနေထိုင်ခဲ့ပြီး သားနှစ်ယောက် ထွန်းကားခဲ့သည်။
ယခုမူ နှစ်ပေါင်း ၂၄ နှစ်ကြာ စွန့်ခွါလာခဲ့သော မိသားစုနေရာဟောင်းသို့ ဒေါ်အောင်ဆန်းစုကြည် တခေါက်ပြန်လည်
ရောက်ရှိလာကာ ခင်ပွန်းသည် ထာဝရလဲလျောင်းရာ အုတ်ဂူသို့ ပထမဆုံးအကြိမ်အဖြစ် သွားရောက် ဂါရဝပြုနိုင်မည်
ဖြစ်သည်။
မဇ္ဈိမသတင်းဌာန