ဒီဆိုင်းပုဒ်အရ ဆိုရင် နေပြည်တော်ဟာ ဖော်ရွေသဘောကောင်းပုံ ရတဲ့ မြို့တော်ကြီး ဖြစ်ပါတယ် (ဓာတ်ပုံ - ဧရာဝတီ)
လွှတ်တော်တက်ဖို့ နေပြည်တော် ရောက်နေတဲ့ ဒေါ်အောင်ဆန်းစုကြည် နေထိုင်မယ့် အိမ်က ဥတ္တရသီရိမြို့နယ် ထဲက တဧကကျော် ကျယ်ဝန်းတဲ့ နှင်းဆီစံအိမ် ခြံဝန်းထဲမှာ ဖြစ်တယ်လို့ သိရပါတယ်။
ခြံအတွင်း လုံးချင်းတိုက် ၁၂ လုံး ရှိတဲ့ထဲက ကိုယ်ရေးအရာရှိများ၊ လုံခြုံရေးအဖွဲ့ဝင်များ ပါဝင်တဲ့ ဒေါ်အောင်ဆန်းစုကြည်တို့ အဖွဲ့ နေထိုင်ဖို့ ၃ လုံး ယူထားပါတယ် တဲ့။
ငှားရမ်းခနှုန်းထားကတော့ ကျပ် ၁၅ သိန်းဖြစ်တယ်၊ ဒီအိမ်တွေရဲ့ ပိုင်ရှင်ကတော့ Common Purpose ကုမ္ပဏီက မန်နေးဂျင်းဒါရိုက်တာ ဒေါ်မာလာဝင်းဆီ လို့ သိရပါတယ်။
ဒေါ်မာလာဝင်းဟာ ပြီးခဲ့တဲ့နှစ် ဒီဇင်ဘာလက ရန်ကုန်မှာ ပြုလုပ်တဲ့ ပညာရေးရံပုံငွေပွဲမှာ ဒေါ်အောင်ဆန်းစုကြည်နဲ့ အနုပညာရှင်တွေ စုပေါင်း လက်မှတ်ရေးထိုးထားတဲ့ တီရှပ်ကို ၁၂၅ သိန်းနဲ့ လေလံဆွဲ ၀ယ်ယူခဲ့သူပါ။
ဒေါ်အောင်ဆန်းစုကြည်ရဲ့ နေပြည်တော်လိပ်စာက နှင်းဆီစံအိမ်၊ အမှတ် ၆၃၃၂၊ လွိုင်ကော်လမ်း၊ ဥတ္တရသီရိမြို့နယ် ဖြစ်ပါတယ်။
အေးဆေးငြိမ်သက်ပြီး လုံးချင်း အိမ်ကြီးအိမ်ကောင်းများသာရှိတဲ့ လွိုင်ကော်လမ်းရဲ့ လက်ရှိ လုံခြုံရေးအခြေအနေကတော့ အလွန်ကောင်းတဲ့အခြေအနေမှာ ရှိပါတယ်၊ လမ်းထိပ်မှာ ရဲ၊ စရဖ၊ အထူးသတင်းတပ်ဖွဲ့ဝင်များ အမြဲတမ်း ရှိတယ်၊ ဒါ့အပြင် မြို့ခံ NLD အဖွဲ့ဝင်တွေကလည်း ဒီမိုကရေစီခေါင်းဆောင်ရဲ့ လုံခြုံရေးအတွက် အစီအစဉ်တွေ ရှိထားပြီးပြီလို့ ဆိုပါတယ်။
ဒီနေ့ဆိုရင် ဒေါ်အောင်ဆန်းစုကြည် ပထမဆုံးအကြိမ် လွှတ်တော်တက်ရောက်တဲ့နေ့ ဖြစ်ပါတယ်။
ဒေါ်အောင်ဆန်းစုကြည်နေဖို့ နေပြည်တော်မှာ အိမ်လိုက်ရှာနေတာကြာပါပြီ၊ ဒါပေမယ့်လည်း အာဏာပိုင်တချို့ က ဖိအားပေးနှောက်ယှက်တဲ့အတွက် ချောချောမွေ့မွေ့ ငှားရမ်းလို့ မရခဲ့ဘူး လို့ သိရပါတယ်။
ရန်ပိုင်