ပန်းချီမောင်မောင်သိုက် နှင့် NLD ဒီချုပ်အလံသမိုင်းအမှန်

ပန်းချီမောင်မောင်သိုက်

ကဗျာဆရာမောင်သွေးသစ်- ““ဒီကနေ့ NLD အမျိုးသားဒီမိုကရေစီအဖွဲ့ချုပ်ရဲ့ အလံဟာ ဘယ်သူ့လက်ရာလည်းသိချင် ကြပါသလား။ အမှန်တရားဆိုတာ မဖုံး ကွယ်ကောင်းပါဘူး။ အမှန်ကို ပြောပြပါ့ မယ်။

 ဒီအလံနဲ့ အမျိုးသားဒီမိုကရေစီ အထိမ်းအမှတ် ဒီတံဆိပ်ဟာ ယမန်နှစ် ၂၀၁၁ ခုနှစ် စက်တင်ဘာလ (၅)ရက်နေ့ က ကွယ်လွန်အနိစ္စရောက်ခဲ့တဲ့ နိုင်ငံ ကျော်ပန်းချီဆရာကြီး မောင်မောင်သိုက် ရဲ့ ကြိုးပမ်းမှုလက်ရာအစစ်ဖြစ်ကြောင်း၊ သမိုင်းမှတ်တမ်းကို ကြေညာမော်ကွန်း တင်လိုက်ပါတယ်။ (လက်ခုပ်သြဘာသံ များ။)

ကဗျာဆရာ မောင်သွေးသစ်က ပန်းချီ မောင်မောင်သိုက် နှုတ်မှဖွင့်ဟ ပြောကြားလိုက်သော ရဲရဲတောက် စကား ကိုကြားရသောအခါ ကြက်သီးများပင်ထ စရာ။ မှန်ပါပေသည်။ ထိုအချိန်၊ ထိုအခါ၊ ထိုကာလ၊ လွန်ခဲ့သော အနှစ် ၂၀ကျော် က မြန်မာနိုင်ငံရေးအခြေအနေမှာ ဖွင့် ဟ ပြောပြစရာမကောင်းလောက်အောင် ပင် ဆိုးရွားထိတ်လန့် ကြောက်ရွံ့ဖွယ် ကောင်းခဲ့သည်ကို တစ်တိုင်းတစ်ပြည်လုံး အသိပင် မဟုတ်ပါလား။ ထားပါ။
၂၄-၈-၂၀၁၂၊ သောကြာနေ့ ညနေ(၃) နာရီတွင် ရန်ကုန်မြို့၊ ဗိုလ်တထောင် ဘုရားလမ်း ORCHID HOTEL ၌ကျင်း ပခဲ့သော ပန်းချီမောင်မောင်သိုက် ကွယ် လွန်ခြင်း(၁)နှစ်ပြည့် အောင့်မေ့ဖွယ် အ ထိမ်းအမှတ်အခမ်းအနားတွင်ပန်းချီမောင် မောင်သိုက် ဂုဏ်ပြုစကားပြောရင်း ကဗျာဆရာမောင်သွေးသစ်က အထက် ပါအတိုင်း ပြောကြားသွားခြင်းဖြစ်လေ သည်။
ထိုနေ့က ကျင်းပသော အခမ်းအနားတွင် ပန်းချီမောင်မောင်သိုက်ကို ချစ်ခင်မြတ် နိုး၊ တန်ဖိုးထားသော အနုပညာရှင် ပရိသတ်တို့ စုံစုံလင်လင် တက်ရောက်ကြ သည်ကို တွေ့ရပေသည်။ မောင်မောင် သိုက်ကို ချစ်သူတွေက များစွာ၊ များစွာ။ ကဗျာဆရာ မောင်သွေးသစ်က ဆက် ပြောသည်။
““အဲဒီအချိန်၊ အဲဒီကာလဟာ (၈၈) အရေးအခင်းကြီးပြီးဆုံးကာစ အချိန်ဖြစ် တာမို့ နိုင်ငံရေးအခြေအနေကလည်း စိုး ရွံ့ထိတ်လန့်နေရတဲ့အချိန်ပါပဲ။ ဒီအချိန် မှာ အနီရောင်ခံ ကြယ်ဖြူကြီးတစ်ပွင့် တင့်တင့်တယ်တယ်နဲ့ ကြွားဝင့်နေတဲ့ ခွပ် ဒေါင်းပုံကြီးပါတဲ့ NLD အမျိုးသားဒီမိုက ရေစီအဖွဲ့ချုပ်အလံကို ပန်းချီမောင်မောင် သိုက်က ညဥ့်အချိန်မှာ တစ်ညလုံး ပန်း ချီဆွဲနေခဲ့ပါတယ်။ သဘောမတွေ့လိုက် ပြန်ရေးလိုက်နဲ့ တစ်ညလုံးပန်းချီမောင် မောင်သိုက်ကြိုးပမ်းခဲ့တာ နံနက်အချိန် အခါမှာ စိတ်ကြေနပ် ပြီးပြည့်စုံတဲ့ NLD အမျိုးသားဒီမိုကရေစီအဖွဲ့ချုပ် အလံ တော်ကြီး၊ ထီးထီးမားမားပြီးစီးသွားခဲ့ပါ တယ်””။ မောင်သွေးသစ်က ဆက်ပြော သည်။
အမျိုးသားဒီမိုကရေစီအဖွဲ့ချုပ် အလံပုံစံပန်းချီကားကို ရေးဆွဲပြီး တာဝန် ရှိ ခေါင်းဆောင်များထံ အပ်နှံပြီးတဲ့အ အချိန်မှာ ပန်းချီမောင်မောင်သိုက်က ဒီ လိုပြောခဲ့ပါတယ်။ ““အခြေအနေ၊ အချိန် အခါကတော့ မကောင်းလှဘူးဆိုတာ သိကြတဲ့အတိုင်းပါပဲ။ ဒီအလံပန်းချီကို ဘယ်သူဆွဲသလဲဆိုတာ မေးမြန်းစစ်ဆေး လာရင် ဘယ်သူမှ အမှန်ကို မပြောလိုက် ကြပါနဲ့ အန္တရာယ်ရှိတယ်။ နောက်ဆုံး မပြောရင် ဖမ်းဆီးထောင်ချခံရမယ် ဆို ရင်တော့ ပြောလိုက်ပါ။ မောင်မောင် သိုက်ကို ဖမ်းချင်ရင်ဖမ်းပါစေ။ ရဲရဲကြီး အဖမ်းခံပါ့မယ်။ ပန်းချီမောင်မောင်သိုက် ရေးဆွဲပါတယ်လို့”” တက်ရောက်လာကြ သော ပရိသတ်များတွင်ရွှေပါရမီတောရ ဆရာတော်၊ စာရေးဆရာ၊ အရှင်ဆန်္ဒာ ဓိကသည် ရှေ့ဆုံးမှကြွရောက်အားပေး နေသည်ကို တွေ့ရသည်။ စာရေးဆရာ အရှင်ဆန္ဒာဓိက ရေးသားသော ““တစ် ယောက်တည်းနေ၊ တစ်စိတ်တည်းထား”” ဓမ္မစာအုပ်ကို ပန်းချီမောင်မောင်သိုက်က မျက်နှာဖုံးရေးဆွဲပေးခဲ့သည် မဟုတ်လား။ ယနေ့ကာလတွင် အရှင်ဆန္ဒာဓိက သည် ဓမ္မစာအုပ်ပေါင်း (၁၀၀)ခန့်ရေးသားပြုစု ခဲ့ရာ ပန်းချီ မောင်မောင်သိုက် စာအုပ် မျက်နှာဖုံးများ ရေးဆွဲပေးထားသည်ဟု သိရသည်။
ကြွရောက်ကြသော ပရိသတ်ထဲ တွင် တေးပလ္လင်က အဆွေးဘုရင်ဘွဲ့ခံယူ ထားသော အဆိုကျော် ကိုတင်လှိုင်၊ စာရေးဆရာချစ်ဦးညို၊ မောင်ကောင်းမြင့်၊ ခွန်ဂျာမှိုင်း၊ ပန်းချီ ကိုကျော်သောင်း၊ ဖလင်ဘုရင် ဦးထွန်းဆိုင်၊ ဒီဇိုင်းချစ်ဆန်း၊ ဒီဇိုင်းမြင့်လွင်၊ ကာတွန်းငွေကြည်၊ ကာတွန်း မြေဇာ တို့လည်း ရှေ့တန်းက ထိုင်နေ ကြသည်။ သြော်.. အထူးဧည့်သည် တော်ကြီးတစ်ယောက်ကိုလည်း မမေ့ မလျော့ ဖော်ပြရပါတော့မည်။ သူက မည်သူပါလဲ။ ဘယ်သူဖြစ်ရမှာလဲလေ ဒီကနေ့ ထင်ရှားကျော်ကြားလှသော လျှပ်တပြက် ဂျာနယ်နှင့် မော်နီတာ ဂျာနယ်များ၏ ဖန်တီးရှင် အယ်ဒီတာချုပ် ဆရာမြတ်ခိုင် လည်း စကားပြောရန် ရောက်လာပြန်သည်။
ထို့ပြင် စာရေးဆရာညီညီနိုင်၊ ကွယ် လွန်သူ စာရေးဆရာ အယ်ဒီ ဆရာ အောင်ပြည့်၏ ချစ်ဇနီး ကျောင်းဆရာမ (သူ့နာမည်မမေးလိုက်ရ)နှင့် ကွယ်လွန် ရှာသူ ပန်းချီကျော်ဦးစံတိုး၏ ဇနီးဆရာမ ဒေါ်ခင်လှမြင့်၊ ပန်းချီဆရာမ မမွှေး၊ ပန်းချီတင်လှဝင်းထင်၊ စာရေးဆရာ ရွှေညာခိုင်စိုးတုိ့လည်း မြင်လိုက်ရသည်။
ပန်းချီမောင်မောင်သိုက်၊ ကွယ်လွန် ခြင်း၊ တစ်နှစ်ပြည့်အောက်မေ့ဖွယ် အခမ်း အနားတွင်ပန်းချီဦးကျော်သောင်း၊ ကာ တွန်းငွေကြည်၊ ကဗျာဆရာမောင်သွေး သစ်တို့က ပန်းချီမောင်မောင်သိုက် ဂုဏ် ပြုအလွမ်းပြေစကားများ ပြောကြားကြ ပြီး ရွှေပါရမီတောရ ဆရာတော် အရှင် ဆန္ဒာဓိက ကိုယ်တော်က ပန်းချီမောင် မောင်သိုက်အတွက် (၂)မိနစ်မေတ္တာပို့ ငြိမ်သက်စွာနေရန်ဟောကြားပြီး ပရိသတ် ကြီးသည် တုပ်တုပ်မျှမလှုပ်၊ ငြိမ်သက်စွာ မေတ္တာပို့ကြ၏။ ထိုနေ့ပွဲတွင် ပန်းချီတင် လှဝင်းနှင့် စာရေးဆရာ တက္တသိုလ်စိန်တင် တို့ကလည်း ဆရာသိုက် ဂုဏ်ပြုကဗျာ တစ်ပုဒ်စီ ဖတ်သွားကြသည်။ စာရေး ဆရာတက္တသိုလ်စိန်တင်က စင်မြင့်သို့ တက်လာပြီးပန်းချီမောင်မောင်သိုက်အ တွက် ဂုဏ်ပြုကဗျာတစ်ပုဒ်ဖတ်သွားရာ အောက်ပါအတိုင်း ရှုမြင်ခံစားကြပါ တော့-
မသေတဲ့ပန်းချီဆရာ
ဆရာမောင်မောင်သိုက်
ပြည်သူကြိုက်ပန်းချီကျော်
မြန်မာပြည်တစ်နံတစ်လျားမှာ
အားပြည့်ထင်ပေါ်။
စိတ်ကူးသော်၊ သူမသေ
ရှိနေတဲ့ သူ့လက်ရာများ
ကမ္ဘာမခြားပါဘူး။
သူ့အနုပညာပန်းချီကားတွေ
သက်သေတင်ထား။

တက္ကသိုလ်စိန်တင်
news from....http://www.hotnewsweekly.com/archives/10537