KIA မှ ဖမ်းဆီးထားသည့် လူငယ်များအား မိဘများမှ ငွေနှင့်လဲယူနေရ

ဇွန်လ ၂၃ ရက် ၂၀၁၃

ကချင်ပြည်နယ် လွယ်ဂျယ်မြို့နယ်အတွင်းရှိ KIA တပ်မဟာ(၃)ဌာနချုပ်တွင် ဖမ်းဆီးထားသော လူငယ်များအား ဇွန်လ (၂၁)ရက်နေ့တွင် မိဘများမှ တရုတ်ငွေဖြင့် ပြန်လည်လဲယူခဲ့ရကြောင်း သိရသည်။

ဇွန်လ ၁၆ ရက်နေ့တွင် ကောင်းဆာရွာမှ ဖမ်းဆီးသွားခဲ့သော လူငယ်များနှင့် ပတ်သက်ပြီး ရွာခံတစ်ဦးမှ

``ရွာကနေ ဖမ်းသွားတာ စုစုပေါင်း လူငယ် ၅ ဦးပါ၊ ယောင်္ကျားလေး ၄ ဦးနဲ့ မိန်းခလေး ၁ ဦးပါ၊ သူတို့အားလုံးက ရွာမှာ လယ်လုပ် နေကြတဲ့ လူငယ်တွေပါ၊ အခုမိုးရာသီ လယ်လုပ်တဲ့အချိန်ဆိုတော့ မိဘတွေက သူတို့ သားသမီးတွေ လိုနေပြီလေ၊ လယ်တွေစိုက်မှ စားစရာအဆင်ပြေမယ်လေ ´´ ဟု ပြောပြခဲ့ပါသည်။

KIA မှ ဖမ်းဆီးထားသော လူငယ် ၅ ဦး၏ မိဘများမှ ဇွန်လ ၂၁ ရက်နေ့တွင် တပ်မဟာ(၃) တာဝန်ခံအရာရှိထံတွင် တစ်ဦးလျှင် ယွမ်(တရုတ်ငွေ) ၁၅၀၀ နှုန်းဖြင့် ၅ ဦး စုစုပေါင်း ယွမ်(၇၅၀၀)ဖြင့် လဲယူခဲ့ရကြောင်း သိရသည်။

Kachin Daily News

Photo.. Internet