| ပင်လယ်ရေလွှမ်းနေသည့် လယ်ကွက်များကို တွေ့ရစဉ် ဓာတ်ပုံ - Dawei Watch |
ထားဝယ်၊ ဇူလိုင် ၂၄
တနင်္သာရီတိုင်းဒေသကြီး ထားဝယ်ခရိုင်၊ ကံပေါက်ဒေသ PTTEP ကုမ္ပဏီ၏
သဘာဝဓါတ်ငွေ့ပိုက်လိုင်းတစ်လျှေ
ပင်လယ်ရေ ပိုလွှမ်းလာသည့် ပြဿနာ ကြုံတွေ့နေရကြောင်း လယ်သမားများက ပြောသည်။
ကံပေါက်ဒေသ၊ ဖောင်းတော၊ ဓမင်းဆိပ်နှင့် မော်ကြီးကျေးရွာတို့မှ
လယ်သမားများ၏ လယ်မြေဧက ၆၀၀ ၀န်းကျင်အနက် တစ်ဝက်ခန့် ယင်းသို့
ကြုံတွေ့နေရကြောင်း လယ်သမားများက ပြောသည်။
ပိုက်လိုင်းတစ်လျှောက် ကမ်းခြေနှင့် ပိုနီးသည့် လယ်ကွက်များမှာ
ရေလွမ်းမိုးမှုဒဏ် ပိုမိုခံရပြီး အချို့ လယ်ကွက်များမှာ သဲဖုံးခြင်းနှင့်
လယ်ကန်သင်းရိုးများ ပျက်စီးခြင်းတို့ကိုပါ ကြုံတွေ့နေရကြောင်း ၎င်းတို့က
ပြောသည်။
“ပင်လယ်ရေငန်ဝင်ပြီး စပါးပင်အချို့ သေဆုံးတာမျိုးရှိနေလို့
ဒီနှစ်စပါးထွက်နှုန်းကျမှာ လယ်သမားတွေက စိုးရိမ်နေတယ်”ဟု
ဖောင်းတောကျေးရွာမှ လယ်သမား ဦးခင်မောင်သန်းက ပြောဆိုသည်။
ယင်းသို့ လယ်ကွက်များ ပင်လယ်ရေလွှမ်းမှု ပိုကြုံရခြင်းမှာ
ပိုက်လိုင်းသွယ်တန်းစဉ်က ကမ်းခြေရှိ ဒီရေတောများကို
ခုတ်ထွင်ခဲ့ခြင်းကြောင့်ဟု ဒေသခံများက ပြောဆိုသည်။
“အရင်က ပင်လယ်ရေလွမ်းတာ ခံရဖူးပေမယ့် အခုဖြစ်တာက ပိုဆိုးရွားနေတယ်” ဟု
လယ်သမားတစ်ဦးဖြစ်သူ ဦးဝဏ္ဏစိုး က ဆိုသည်။
ယင်းသို့ ပင်လယ်ရေလွှမ်းခြင်းကြောင့် စပါးပင်များ သေဆုံးသည့်ကိစ္စနှင့်
ပတ်သတ်ပြီး ပြီးခဲ့သည့်အပတ်က မော်ကြီးကျေးရွာအုပ်ချုပ်ရေး
အဖွဲ့ဝင်နှင့်အတူ လယ်သမားများက ကုမ္ပဏီသို့ သွားရောက်တွေ့ဆုံ ဆွေးနွေးရာ
အထက်ကို တင်ပြပေးမည်ဟု ကုမ္ပဏီမှတာဝန်ရှိသူက ပြောဆိုခဲ့ကြောင်း သိရသည်။
ယင်းသို့ သွားရောက် ပြောဆိုပြီးနောက်တွင် ပင်လယ်ရေလွမ်းမိုးမည့်
ပင်လယ်ကမ်းခြေနှင့်အနီးကပ်နေရာ
သဲအိတ်များ လာရောက်ချထားပေးလျက်ရှိပြီး စပါးပင်များ သေဆုံးသည့် ကိစ္စနှင့်
ပတ်သက်ပြီး တစ်စုံတစ်ရာ အကြောင်းပြန်ကြားခြင်းမရှိသေးဟု လယ်သမားများထံမှ
သိရသည်။
|Dawei Watch|