မြောက်ဥက္ကလာပမြို့နယ် သံသုမာ ၅ လမ်းမှာ အောက်တိုဘာလ ၁၁ ရက်နေ့ ည ၇ နာရီကျော်လောက်က ဓာတ်ကြိုးပြုတ်ကျပြီး မိသားစု ၃ ယောက် ဓာတ်လိုက်လို့ ဆေးရုံတင်ပို့လိုက်ရပါတယ်။
ဓာတ်ကြိုးဟာ ကလေးငယ်ပေါ် အရင် ပြုတ်ကျတာ ဖြစ်ပြီး မိဘ ၂ ပါးက ကလေးကို လှမ်းဆွဲရာမှာ ၃ ယောက်စလုံး ဓာတ်လိုက်ခဲ့တာပါ။
အောက်တိုဘာလ ၁၂ ရက်နေ့ မနက်ပိုင်းမှာတော့ သူတို့ ၃ ယောက်စလုံး ကျန်းမာရေးကောင်မွန်လို့ ဆေးရုံကနေ ဆင်းခွင့် ပြုလိုက်ပါတယ်။
ဒီလို ဓာတ်ကြိုး ပြုတ်ကျတာဟာ လျှပ်စစ်မီးကြိုးတွေကို စတီးကြိုးနဲ့ ချိတ်ပြီး သွယ်တန်းရယူတာတွေ ရပ်ကွက်တွေမှာ ပြုလုပ်နေ တာကြောင့်လို့ မြောက်ဥက္ကလာပမြို့နယ် လျှပ်စစ် အင်ဂျင်နီယာ ဦးဝဏ္ဏကျော်က ပြောပါတယ်။
နောက်ထပ် ဒီလိုမျိုး မဖြစ်အောင် ရပ်ကွက်တွေမှာလည်း လျှပ်စစ် ပညာပေးလုပ်ငန်းတွေကို သက်ဆိုင်ရာ ရပ်ကွက် အုပ်ချုပ်ရေးမှူးနဲ့ ညှိနှိုင်းပြီး လုပ်ဆောင်သွားမယ်လို့ ဆိုပါတယ်။
အခု လျှပ်စစ်ဓာတ်ကြိုး ပြုတ်ကျအောင် စတီးကြိုးနဲ့ သွယ်တန်းသူကိုလည်း လျှပ်စစ်ပုဒ်မနဲ့ ရဲစခန်းမှာ အမှုဖွင့် အရေးယူဆောင်ရွက်နေတယ်လို့ သိရပါတယ်။
မြန်မာနိုင်ငံမှာ အခုနှစ် ဇန်န၀ါရီလကနေ စက်တင်ဘာလအထိ ဓာတ်လိုက်သေဆုံးမှု အမှုပေါင်း ၁၂၀ လောက် ရှိတယ်လို့ ရန်ကုန်တိုင်းဒေသကြီး ရဲတပ်ဖွဲ့က သတင်းထုတ်ပြန်ထားပါတယ်။
By ဒီဗွီဘီ