အမြန်လမ်းမကြီးပေါ်တွင် ယာဉ်တိုက်မှုဖြစ်ပွားပြီး ကားမီးလောင်မှုကြောင့် လူ ၁၂ ဦးသေဆုံး

(ရန်ကုန်-မန္တလေး အမြန်လမ်းမကြီးပေါ်တွင် မီးလောင်ကျွမ်းမှုဖြစ်ပွားခဲ့သည့် ယာဉ်နှစ်စီးကို ဧပြီလ ၁၂ ရက်နေ့ နံနက်ပိုင်းက တွေ့ရစဉ်)

ရန်ကုန်-မန္တလေး အမြန်လမ်းမကြီးပေါ်တွင် ဧပြီ ၁၂ ရက် နံနက် ၂ နာရီ ၁၅ မိနစ်ခန့်က ယာဉ်တိုက်မှုဖြစ်ပွားပြီး ကားမီးလောင်မှုကြောင့် လူ ၁၂ ဦးသေဆုံးခဲ့သည်။

အမြန်လမ်းမကြီး မိုင်တိုင်အမှတ် ၁၁၆ မိုင် ၂ ဖာလုံနှင့် ၃ ဖာလုံအကြားတွင် ခရီးသည် ၄၄ ဦး လိုက်ပါလျှက် တောင်ကြီးမှရန်ကုန်သို့ မောင်းနှင်လာသော ယာဉ်အမှတ် ၅ဃ/၈၂၅၆ “တောင်ပြာတန်း” ခရီးသည်တင် မှန်လုံယာဉ်သည် မြောက်မှတောင်သို့ ယာဉ်ကြောတူ မောင်းနှင်လာသော အဖြူရောင်ဆလွန်းကားသေး ယာဉ်အမှတ် ၉ဗ/၉၃၀၂ အား ၀င်တိုက်မိကာ ကား ၂ စီးလုံး မီးလောင်ကျွမ်းဆုံးရှုံးခဲ့ပြီး လူ ၁၂ ဦးမှာလည်း မီးလောင်ကျွမ်းကာ သေဆုံးမှုဖြစ်ပွားခဲ့ခြင်းဖြစ်သည်။

လူ ၁၂ ဦး မီးလောင်ကျွမ်းသေဆုံးမှု ဖြစ်ပွားခဲ့ရာ ဆလွန်းကားငယ်ပေါ်မှ ယာဉ်မောင်းအပါအ၀င်လူ ၆ ဦးနှင့် “တောင်ပြာတန်း” ခရီးသည်တင် မှန်လုံယာဉ်ပေါ်မှ လူ ၆ ဦး၊ စုစုပေါင်း ၁၂ ဦးသေဆုံးခဲ့ခြင်းဖြစ်ပြီး ၄ ဦးမှာ ထိခိုက်ဒဏ်ရာ ရရှိသွားခဲ့သည်။ ထိခိုက်ဒဏ်ရာ ရရှိခြင်းမရှိသော ခရီးသည် ၁၀ ဦးခန့်မှာ မိမိသဘောဖြင့် လိုရာခရီးသို့ ဆက်လက်ထွက်ခွာသွားသဖြင့် ယင်းနေ့ မွန်းလွဲပိုင်း ၃ နာရီ အချိန်အထိ “တောင်တန်းပြာ”ခရီးသည်တင် မှန်လုံယာဉ်ပေါ်တွင် သေဆုံးသူများမှာ မည်သူမည်ဝါ၊ ကျား/မ အတိအကျ ခွဲခြားနိုင်ခြင်း မရှိသေးကြောင်းလည်း သိရသည်။

“ကျွန်မတို့ သိတာကတော့ ကား ၂ စီး ယှဉ်မောင်းရာကနေ “တောင်ပြာတန်း” ကားကြီးက ကားလေးကိုတိုက်ပြီး ဖိကြိတ်သလို ဖြစ်သွားတော့ ကားလေးက ဓါတ်ဆီတိုင်ကီပေါက်ပြီး မီးထလောင်တာ၊ “တောင်ပြာတန်း” မှန်လုံယာဉ်က လူ ၆ ဦး မီးလောင်ပြီးသေတယ်၊၊ ၄ ဦးဒဏ်ရာရသွားတယ်၊ ကားလေးကတော့ လူ ၆ ဦးသေတယ် ကျား ၃ ဦး မ ၃ ဦးသေတာ၊ ကားကြီးရော ကားလေးရော အားလုံး ၁၂ ဦးသေတာပါ “တောင်တန်းပြာ” ကားပေါ်မှာ မီးလောင်ပြီးသေတဲ့ ၆ ဦးကတော့ ကျား/မခွဲခြားလို့ မရသေးပါဘူး” ဟုအမြန်လမ်းမကြီး ကြက်ခြေနီစခန်း တာဝန်ခံ၊ ဆရာမဒေါ်သန်းသန်းမြင့်က ယင်းနေ့မွန်းလွဲပိုင်း ၃ နာရီက ပြောကြားသည်။

“ကျွန်တော်ကတောင်ကြီးက PPT ကုမ္ပဏီ ၀န်ထမ်းပါ သင်္ကြန်ရက်မှာ အိမ်ကိုပြန်တာပါ။ ကားပေါ်မှာ မအိပ်ပဲစီးလာတာ လမ်းကအကျယ်ကြီး ကားလေးက အနောက်ဘက်ခြမ်းက ကျွန်တော်တို့မှန်လုံးကားက အရှေ့ဘက်ခြမ်းက မောင်းနေတာ၊ ကားကြီးက ကျော်တက်တာမဟုတ်ဘူး၊ ကားလေးကကျော်တက်တာ၊ ကားကြီးကခေါင်းမငြိမ်ဘူး ပလက်ဖောင်းကိုဝင်တိုက်ပြီးမှ ဖြစ်တယ်လို့ထင်တာ ပြီးမှကားကြီးက ရမ်းပြီး ကားလေးဖင်ကို ၀င်ဆောင့်တာ ဖောင်းခနဲပဲထမြည်တယ် အဲဒီလိုဖြစ်လည်းဖြစ်ပီးရော ကားလေးကနေ အရင်မီးထလောင်တာပဲ၊ ဆီတိုင်ကီကိုပွတ်တိုက်ပြီး အပူချိန်နဲ့ ထလောင်တယ်လို့ပဲ ထင်တယ်၊ ကျွန်တော်တို့ မသေတာ ကားကြီးကပေါက်ကွဲမှုမဖြစ်တာရယ် မှောက်မသွားတာရယ်ကို ကျေးဇူးတင်ရမယ်၊ ကျွန်တော်တို့ကားကြီးသာ တစ်ခုခုပေါက်ကွဲမှုဖြစ်ရင် ကားပေါ်မှာပါတဲ့ လူတွေအကုန်လုံး အသက်မရှင်နိုင်ဘူး ဘာဖြစ်လို့လည်းဆိုတော့၊ ကားမှန်တွေက ခွဲလို့မရဘူး၊ ခြေထာက်တွေနဲ့ကန်ပြီးခွဲလည်း မရဘူး။ ကားနောက်ကနေ မှန်လေးတစ်ချပ်ဖွင့်လို့ရတာကလည်း တော်တော်ကံကောင်းသွားတာ၊ အသက်ရှင်ကျန်တဲ့ ကျွန်တော်တို့အားလုံး ကားနောက်ခန်း အပေါက်ကနေ ကြိုးစားပြီးထွက်လာရတာ” ဟု “တောင်ပြာတန်း” ခရီးသည်တင် မှန်လုံယာဉ်ပေါ်တွင် လိုက်ပါလာသည့် ဧရာဝတီတိုင်းဒေသကြီး၊ သာပေါင်းမြို့နယ်နေ ကိုထွန်းထွန်းက ပြောသည်။

အဆိုပါ ယာဉ်တိုက်မှုဖြစ်ပွားရာသို့ ဖြူးအမြန်လမ်း ရဲတပ်ဖွဲ့ဝင်များ၊ အမြန်လမ်းကြက်ခြေနီစခန်းမှ အရေးပေါ်ကယ်ဆယ်ရေး အဖွဲ့များ၊ ဖြူးမြို့နယ် နာရေးကူညီမှုအသင်း၊ ဖြူးမြို့ပြည်သူ့ဆေးရုံကြီး၊ မီးသတ်တပ်ဖွဲ့ဝင်များနှင့် သက်ဆိုင်ရာ တာဝန်ရှိသူများမှ သွားရောက်ကူညီ ဆောင်ရွက်ပေးခဲ့ကြပြီး သေဆုံးသူများအား ကျား/မ အမည်၊ နေရပ်လိပ်စာများ စုံစမ်းစစ်ဆေး ကူညီဆောင်ရွက်လျက်ရှိသည်။

“တောင်ပြာတန်း” ခရီးသည်တင် မှန်လုံယာဉ်မှ ယာဉ်မောင်း၊ ယာဉ်နောက်လိုက်တို့မှာ ယာဉ်တိုက်မှုဖြစ်ပွားပြီးနောက် ထွက်ပြေးတိမ်းရှောင်လျက်ရှိပြီး “တောင်ပြာတန်း” ခရီးသည်တင်ယာဉ်မောင်း ဦးအောင်ဇေယျ (အမည်၊ အသက်၊ နေရပ်၊ စီစစ်ဆဲ)အား ဖြူးအမြန်လမ်း ရဲစခန်းမှ ယာဉ်(ပ)၅/၂၀၁၄၊ ပြစ်မှုပုဒ်မ ၃၃၇/၃၃၈/၃၀၄-က ဖြင့် အမှုဖွင့် အရေးယူထားကြောင်း သိရသည်။
Eleven Media Group

စိန်ရွှေရတနာဆိုင်မှ ရတနာများခိုးယူ သွားသူ ပါကစ္စတန်နိုင်ငံသား (၂)ဦးကို ဖမ်းဆီးရမိ

ရန်ကုန်၊ ဧပြီ ၁၀

ကမာရွတ်မြို့နယ်၊(၇)ရပ်ကွက်၊ပြည်လမ်းနှင့် ကျွန်တောလမ်းကြား Junction Square စင်တာရှိ မန်နေဂျာ ဒေါ်မျိုးမမလွင်၏ Rose Mary စိန်ရွှေရတနာဆိုင်၌ နိုင်ငံခြားသားဟုယူဆရသော ကုလားအမျိုးသား(၂)ဦးမှ စိန်ထည်ပစ္စည်းများကြည့်ရှုကာမ၀ယ်ဘဲထွက်သွားစဉ် အသဲပုံစိန်လော့ကတ် (၁)ခု၊ ကာလ တန်ဘိုးငွေကျပ် (၁၁၈၀၀၀၀၀)နှင့် မိုးစက်ပုံစိန်လေ့ကတ်(၁)ခု၊ ကာလတန်ဘိုးငွေကျပ် (၉၆၃၀၀၀၀)ခန့်တို့ခိုးယူသွားသဖြင့် ကမာရွတ်မြို့မ ရဲစခန်း(ပ)၁၄၉/၂၀၁၄၊ ပြစ်မှုပုဒ်မ ၃၈၀ဖြင့် အမှုဖွင့်လှစ်ကာ စုံစမ်း ဆောင်ရွက်ခဲ့ပါသည်။

အမှုမှပြစ်မှုကျူးလွန်သူများအား ဖမ်းဆီးရမိရေးအတွက် စုံစမ်းဆောင်ရွက်ခဲ့ရာ ပြစ်မှုကျူးလွန်သူ (၂)ဦး၏ဓါတ်ပုံများကို ရှာဖွေရရှိခဲ့သဖြင့် ရန်ကုန် အပြည်ပြည်ဆိုင်ရာလေဆိပ်၊ ပူးပေါင်းအဖွဲ့နှင့် ရန်ကုန်တိုင်းဒေသကြီး
ရဲတပ်ဖွဲ့မှူးရုံး၊ လုံခြုံရေးတပ်ခွဲ(၂)မှတပ်ဖွဲ့ဝင်များ၊ အနောက်ပိုင်းခရိုင် အထူးမှုခင်းနှိမ်နင်းရေးဌာနစုမှ တပ်ဖွဲ့ဝင်များ၊ ကမာရွတ်မြို့နယ်ရဲတပ်ဖွဲ့မှ တပ်ဖွဲ့ဝင်များမှ လေဆိပ်တွင်စောင့်ဆိုင်း၍စိစစ်ရှာဖွေခဲ့ရာ ၁၀.၄.၂၀၁၄ ရက်နေ့ ၀၉၃၀ အချိန်ခန့်တွင် ထိုင်းလေကြောင်းခရီးစဉ် TG-304၊ လေယာဉ်အမှတ် HS-TEK၊ လေယာဉ်အမျိုးအစား A-330 ဖြင့် လိုက်ပါမည့် ခရီးသည်များအနက် ၎င်းတို့(၂)ဦးကိုတွေ့ရှိခဲ့သဖြင့် စစ်ဆေးရှာဖွေခဲ့ ပါသည်။

ထိုသို့စစ်ဆေးရှာဖွေခဲ့ရာ ၎င်းတို့မှာ ပါကစ္စတန်နိုင်ငံသားများဖြစ်ကြသည့် Mr.Ali Asifi နှင့် Mr. Hussain Baqir တို့ဖြစ်ကြောင်း သိရှိရပြီး ၎င်းတို့၏ ခရီးဆောင်အိတ်အတွင်းမှ အမှုမှခိုးယူခံရသည့် အသဲပုံစိန်လော့ကတ် (၁)ခုနှင့် မိုးစက်ပုံစိန်လေ့ကတ်(၁)ခုတို့ကို ရှာဖွေတွေ့ရှိသိမ်းဆည်းရမိခဲ့ ပါသည်။

ယင်းကဲ့သို့ပြစ်မှုကျူးလွန်သူ ပါကစ္စတန်နိုင်ငံသားများဖြစ်ကြသည့် Mr.Ali Asif နှင့် Mr. Hussain Baqir တို့(၂)ဦးကို အမှုဖြင့်ဖမ်းဆီးစစ်ဆေးကာ ဆက်လက်အရေးယူဆောင်ရွက်လျက်ရှိကြောင်း သတင်းရရှိပါသည်။

Yangon Police

KIA ဂွမ်မော်ဘယ်လဲ

 

Myanmar Peace Center တွင် အစိုးရနှင့် NCCT အဖွဲ့တို့ အပစ်ခတ်ရပ်စဲရေး တွေ့ဆုံဆွေးနွေးမှု အေပြီလ ၈ ရက်နေ့ တွင်ပြီးဆုံးခဲ့သော်လည်း တိကျသည့်လက်မှတ်ရေးထိုးမှုမရှိဘဲ တစ်ခုတည်းသော သဘော တူညီချက် ပထမ မူကြမ်းသာ သဘောတူညီမှုရရှိခဲ့ပါသည်။ အသေးစိတ်အချက်အလက်များ သဘောတူဖို့အချိန်ယူရန်လိုကြောင်း နိုင်ဟံသာမှပြောကြားခဲ့သလို NCCT အဖွဲ့တွင် ပါဝင်တက်ရောက်နေ သည့် KIA အဖွဲ့မှ ဂွမ်မော်အား KIO ဗဟိုဌာနချုပ်မှ ဒေါသထွက်လျက်ရှိကြောင်း သိရှိရသည်။

ဂွမ်မော်သည် အခြားတိုင်းရင်းသားခေါင်းဆောင်များနှင့် တံခါးပိတ်တွေ့ဆုံဆွေးနွေးမှုတွင် KIA အဖွဲ့၏ ရပ်တည်ချက်များနှင့် ပတ်သက်၍ ဂွမ်မော်၏ပြောကြာချက်များမှာ KIO ဗဟိုဌာနချုပ်သို့ ကြိုတင်အသိပေးမှု မရှိ ခဲ့ခြင်းကြောင့် ဗဟိုကော်မတီဝင်များအကြား သဘောထားကွဲလွဲမှုများဖြစ်ပေါ်လျက်ရှိသည်။ အထူးသဖြင့် အစိုးရ၏ သန်းခေါင်စာရင်းကောက်ယူမှုအပေါ် KIA အဖွဲ့၏ပူးပေါင်းဆောင် ရွက်မှုမရှိခြင်း၊ မြန်မာစစ်တပ်မှ သန်းခေါင်စာရင်း ကောက်ယူ သည့်အဖွဲ့များအား ပို့ဆောင်သည့် ဒုတပ်ရင်းမှူးတစ်ဦးအား KIAအဖွဲ့မှ ချောင်းမြောင်းပစ်ခတ်ခဲ့ခြင

်းတို့ အပေါ် အခြားတိုင်းရင်းသား လက်နက်ကိုင်အဖွဲ့များမှ KIO အဖွဲ့အား အပြစ်တင်ပြောကြားခဲ့သည်။ KIO အဖွဲ့၏ ရပ်တည်ချက်များကို ပြောင်းလဲရန် NCCT အစည်းအဝေး တက်ရောက်သည့် KNU ၊ “ o ” အဖွဲ့နှင့် မိုင်းလားအဖွဲ့တို့မှ ပြောဆိုခဲ့သည်။

တိုင်းရင်းသားအဖွဲ့အစည်းများ၏ KIO အဖွဲ့အပေါ် ဝေဖန်မှုများ၊ ဂွမ်မော်၏ပြောကြားချက်များအပေါ် KIO မှ စိတ်ဆိုးလျက်ရှိသည်။ ဂွမ်မော်၏လက်ရှိအနေအထား၊ လုပ်ဆောင်ချက်များကို KIA လက်နက်ကိုင်အဖွဲ့အတွင်း သဘောထားကွဲလွဲမှုမရှိသော်လည်း KIO နှင့် KIC ဗဟိုကော်မတီဝင်တစ်ချို့မှာ ဂွမ်မော်အား ရေရှည်တွင် လက်ရှိရာထူးအား ဆက်လက်မပေးလိုခြင်းကြောင့် ဂွမ်မော်၏ လက်ရှိရာထူးနေရာ တွင်အစားထိုးခန့်အပ်ရေး KIO ဗဟိုဌာနချုပ်အတွင်း လျှို့ဝှက်အစည်း အဝေး နှစ်ကြိမ်ပြုလုပ်ခဲ့သည်ဟု KIO စစ်ရေးတာဝန်ခံ ဗိုလ်မှူးကြီး ခွန်ဆိုင်းမှ ပြောကြားခဲ့သည်။ KIO စစ်ဦးစီးချုပ် ဂမ်ရှောင်ကလည်း ဂွမ်မော်၏ အစိုးရနှင့် ဆက်ဆံနေမှု၊ စီးပွားရေးလုပ်ငန်းရှင် များနှင့် တွေ့ဆုံမှုများမှ တစ်ဆင့် ၎င်း၏ရာထူးနေရာကို လုယူလာမည်ကိုစိုးရိမ်လျက်ရှိသည်။ KIO အဖွဲ့တွင် စစ်ဦးစီးချုပ်နှင့် ဒုစစ်ဦးစီးချုပ် များမှာ KIO ဗဟိုကော်မတီဝင် များအဖြစ် ရပ်တည်နိုင်သလို လုပ်ပိုင်ခွင့်များ လည်းရှိသည့် ရာထူးနေရာဖြစ်သည်။ KIO အဖွဲ့၏ စစ်ရေးဆိုင်ရာများနှင့် ရာထူးနေရာပြောင်းလဲမှုများကို ဒုဥက္ကဌ အင်ဘန်လှမှ ရွေးချယ် ခန့်အပ်လေ့ရှိသည်။ အင်ဘန်လှမှာ KIA စစ်ဦးစီးချုပ်ဟောင်းဖြစ်ပြီးလက်ရှိ KIO အဖွဲ့တွင် အဓိက အာဏာရှိသူလည်းဖြစ်သည်။

ကေအိုင်အေတပ်ဖွဲ့အတွင်း ဂွမ်မော်၏အရှိန်အ၀ါတက်လာမှု၊ ကချင်ပြည်သူလူထုအတွင်း ဂွမ်မော်အား လူသိ များလာမှုနှင့် မြန်မာစစ်တပ်၊ ဦးအောင်မင်းဦးဆောင်တဲ့ ငြိမ်းချမ်းရေးအဖွဲ့များကြား ပြောဆို ဆက်ဆံမှုများကြောင့် ကေအိုင်အေ စစ်ဦးစီးချုပ်ဖြစ်လာမည်ကို KIO ဗဟိုကော်မတီဝင်များမှ စိုးရိမ်ပူပန်မှုများရှိခဲ့သည်။

KIA အဖွဲ့အတွင်း KIA စစ်ဦးစီးချုပ်ရာထူးနေရာ ဂွမ်မော်ရရှိလာပါက KIA တပ်မဟာ(၁)နှင့် တပ်မဟာ(၅)တို့မှာ ကျေနပ်မှုမရှိနိုင်သဖြင့် KIA အဖွဲ့အတွင်းခွဲထွက်မှုများဖြစ်ပေါ်နိုင်သည်ကို KIO ဗဟိုကော်မတီ ၀င်များမှ စိုးရိမ်ပူပန်လျက်ရှိသည်။ ဂွမ်မော်သည် ငယ်ရွယ်စဉ်က မိန်းမရှုပ်ခြင်း၊ ရက်စက်စွာသတ်ဖြတ်ခြင်းတို့ဖြင့် နာမည်ကျော်ကြားခဲ့သူဖြစ်သည်။

KIO တွင် အဓိကအခန်းကဏ္ဍမှ ပါဝင်နေသည့် ဒုဥက္ကဌ အင်ဘန်လှအနေဖြင့် ဂွမ်မော်အားလုပ်ပိုင်ခွင့် နေရာပေးထားမှုအပေါ် ပြီးခဲ့သည့် KIO ဗဟိုအစည်းအဝေးတွင် ဗဟိုကော်မတီဝင်များမှ ၀ိုင်းဝန်းပြစ်တင်လျက်ရှိသည့် အတွက် အင်ဘန်လှအနေဖြင့် ဂွမ်မော်အား KIA ဗဟိုအဖွဲ့တွင် ရာထူးကြီးသော်လည်း လုပ်ပိုင်ခွင့်မရှိသည့် နေရာတစ်နေရာအား တိုးမြှင့်ပေးခြင်းဖြင့် KIO အဖွဲ့အတွင်း သဘောထားကွဲမှုများကို ရှောင်ရှားရန် ပြီးခဲ့သည့် အေပြီလ ၅ ရက်နေ့က ပညာရေးဌာနတာဝန်ခံ ဆွန်လွတ်ဂမ်နှင့် ဆွေးနွေးတိုင်ပင်ခဲ့သည်။

ဂွမ်းမော်မှာ NCCT အစည်းအဝေးပြီးဆုံးချိန်တွင် ထိုင်းနိုင်ငံသို့ထွက်ခွာပြီး ထိုင်းနိုင်ငံမှ တစ်ဆင့် KIO အဖွဲ့ ဗဟိုဌာနချုပ်သို့ ပြန်ရန်စီစဉ်ထားသော်လည်း KIO ဗဟိုဌာနချုပ်က မြစ်ကြီးနားမှ တစ်ဆင့်ပြန်လာရန်နှင့် KIO အဖွဲ့သို့ အေပြီ ၁၃ ရက်နေ့အရောက် ပြန်လာရန်ညွှန်ကြားထားခြင်းကြောင့် ဂွမ်မော်၏လက်ရှိရာထူးဆက်လက်တည်မြဲရေးမှာ မသေချာသလောက်ဖြစ်နေသည်။

KIO ဗဟိုဌာနချုပ်အတွင်း ဂွမ်မော်၏ ရာထူးနေရာပြောင်းလဲမှုနှင့် ပတ်သက်၍ အင်ဘန်လှနှင့် ဗဟိုကော်မတီ ၀င်များအကြား သဘောထား ကွဲလွဲမှုများ ဖြစ်ပေါ်လျက်ရှိသည်မှာမထူးဆန်းပေ။ ဗဟိုကော်မတီဝင်များမှ တပ်မဟာ(၃) တပ်မဟာမှူးအား ဂွမ်မော်၏နေရာတွင် အစားထိုးခန့်အပ်လိုပြီး ဂွမ်မော်အား ဗဟိုဌာနချုပ်တွင် ရာထူးတိုးပေးမှုဖြင့် ချောင်ထိုးထားလိုကြသည်။ သို့သော် ဂွမ်မော်၏ဆရာဖြစ်ခဲ့ဖူးသူ အင်ဘန်လှမှ သဘောမတူသဖြင့် ဗဟိုဌာနချုပ် အတွင်း သဘောထားကွဲလွဲမှုများ ဆက်လက်ဖြစ်ပေါ်နေကြောင်း သိရှိရသည်။ ဂွမ်မော်၏နေရာတွင် အစားထိုးနိုင်ရေး အင်ဘန်လှအနေဖြင့် စစ်ဦးစီးချုပ်ဂမ်ရှောင်နှင့် တိုင်ပင်လျက်ရှိခြင်းကြောင့် ဂွမ်မော်မှာ လက်ရှိရာထူးနေရာမှဖယ်ပေး ရမည့် အခြေအနေသို့ ရောက်ရှိနေကြောင်း တွေ့ရှိနိုင်ပေသည်။

credit to : မောင်ငြိမ်းကျော် (မြန်မာ့သားကောင်း)

သမီးကလေးရွာသားတွေအတွက် ဒေါက်တာစင်သီယာမောင် ဆေးခန်းဖွင့်လှစ် ကူညီ

 
သမီးကလေးကျေးရွာကနေ အဓမ္မရွှေ့ပြောင်းခံခဲ့ရတဲ့ ရွာသားတွေအတွက် နယ်စပ်နေ ပြည်သူတွေကို ကူညီပေးနေတဲ့ ဒေါက်တာစင်သီယာမောင်က ယာယီဆေးခန်း ဖွင့်လှစ်ပြီး ကျန်းမာရေးစောင့်ရှောက်မှု ပေးနေပါတယ်။

နေအိမ်တွေ ဖျက်ဆီးခံလိုက်ရတဲ့ လှည်းကူးမြို့နယ် သမီးကလေးကျေးရွာက ဒေသခံတွေကို ဒီကေဘီအေ ကရင်လက်နက်ကိုင်တပ်ဖွဲ့က မြ၀တီကျောက်ခတ်ကျေးရွာမှာ နေစရာပေးခဲ့ပြီးနောက် ရွာသားတွေရဲ့ ကျန်းမာရေးနဲ့ စားဝတ်နေရေးအတွက် ပြင်ပအကူအညီတွေ လိုအပ်နေတာ ဖြစ်ပါတယ်။

လတ်တလော ကျန်းမာရေးအကူအညီအတွက် ဒေါက်တာစင်သီယာမောင်က ယာယီ ဆေးခန်း ဖွင့်လှစ် ကူညီပေးနေတဲ့အကြောင်း ပြောင်းရွှေ့ခိုင်းခံထားရတဲ့ အောင်သိဒ္ဓိ ဘုန်းတော်ကြီးကျောင်းထိုင် ဆရာတော် ဦးအဂ္ဂဓမ္မက မိန့်ပါတယ်။

ကျောက်ခတ်ကျေးရွာမှာ လက်ရှိ အိမ်ခြေ ၈၀ ကျော်ရှိပြီး နောက်ထပ်ပြောင်းလာတဲ့သူက ၂၀၀ ကျော်လောက် ရှိနေတာ ဖြစ်ပါတယ်။

ပိုမို တိုးပွားလာတဲ့လူဦးရေကြောင့် ကျေးရွာလူထုရဲ့ ကျန်းမာရေးကို အစိုးရက ကူညီ ဆောင်ရွက်ပေးသင့်တယ်လို့ ကျောက်ခက်ရွာသား ရပ်မိရပ်ဖတဦးက ပြောပါတယ်။

အစိုးရက ရန်ကုန်တိုင်း လှည်းကူးမြို့နယ်အတွင်းမှာ ရှိတဲ့နေအိမ်တွေ ဖျက်ဆီးလိုက်တဲ့ အတွက် သမီးကလေးကျေးရွာ၊ အင်းပတီးကျေးရွာနဲ့ ထော်ကာလီကျေးရွာက အိမ်ထောင်စု ၉၀ ကျော်ကို ဒီကေဘီအေက နယ်စပ်မြို့ဖြစ်တဲ့ မြ၀တီမြို့နယ် မြိုင်သာယာကျောက်ခတ်ကျေးရွာမှာ ဧပြီ ၅ ရက်နေ့က နေစရာပေးခဲ့တာ ဖြစ်ပါတယ်။
ကျောက်ခတ်ကျေးရွာမှာ လာရောက်နေထိုင်သူအများစုဟာ ကြုံရာကျပန်း လုပ်ကိုင် စားသောက်နေရသူတွေ ဖြစ်ပါတယ်။

ဒီကေဘီအေတပ်ဖွဲ့က ဗိုလ်မှူးစောဆန်းအောင်ကတော့ မြန်မာနိုင်ငံအတွင်း အ်ိမ်ရာအဖျက်ခံလိုက်ရလို့ နေစရာ ဒုက္ခရောက်နေတဲ့ ဘယ်တ်ိုင်းရင်းသားမဆို ဆက်လက် အကူအညီ ပေးသွားမယ်လို့ ပြောပါတယ်။

By မျိုးဇော်လင်း (ဒီဗွီဘီ)

အသံဖိုင် နားဆင်ရန်https://soundcloud.com/dvbradio/mzl-thameekacay09042014

ထားဝယ်တိုင်းရင်းသားများပါတီ၏ “နှစ်သစ်ဆုမွန်”

ငြိမ်းချမ်းရေး လက်မှတ်ရေး ထိုးပွဲ ဒေါ်အောင်ဆန်းစုကြည်ကို ဖိတ်ကြားမည်

ဧပြီလ ၉ ရက်နေ့က UNA အဖွဲ့ နဲ့ NCCT အဖွဲ့တို့ တွေ့ဆုံဆွေးနွေးနေစဉ်

photo: Thiha Tun, Kyaw Zaw Win /RFA

တစ်နိုင်ငံလုံးအတိုင်းအတာ အပစ်အခတ်ရပ်စဲရေးစာချုပ် ချုပ်ဆိုတဲ့ပွဲကို အမျိုးသားဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည် နဲ့ ပြည်တွင်း တိုင်းရင်းသားပါတီတွေက ခေါင်းဆောင်တချို့ကို အသိသက်သေအဖြစ် ဖိတ်ကြားဖို့ တိုင်းရင်းသား အဖွဲ့တွေအားလုံးက ဒီကနေ့ သဘောတူညီလိုက်ကြ ပါတယ်။
ညီညွှတ်သော တိုင်းရင်းသားလူမျိုးများ မဟာမိတ်အဖွဲ့ (UNA) နဲ့ တိုင်းရင်းသားလက်နက်ကိုင်အဖွဲ့တွေနဲ့ ဖွဲ့စည်းထားတဲ့ အပစ်အခတ်ရပ်စဲရေး ညှိနှိုင်းရေးအဖွဲ့ NCCT အဖွဲ့ဝင်တို့ ဒီနေ့ ရန်ကုန်မြို့၊ ပြည်လမ်း မရမ်းကုန်း မြို့နယ် Cafe 47 မှာ တွေ့ဆုံဆွေးနွေးစဉ် သဘောတူညီ ခဲ့ကြတာပါ။
တိုင်းရင်းသားတွေရဲ့ သဘောတူညီချက်ကို လက်နက် ကိုင်အဖွဲ့တွေကိုယ်စားပြု အပစ်ခတ်ရပ်စဲရေး ညှိနှိုင်းရေးအဖွဲ့ NCCT အဖွဲ့ဝင် ဒေါက်တာ ဆလိုင်းလျံမုန်းဆာခေါင်က အခုလို ပြောပါတယ်။
"တစ်နိုင်ငံလုံး အပစ်အခတ်ရပ်စဲရေး သဘောတူစာချုပ်ကို ချုပ်ဆိုတဲ့အချိန်မှာလည်းပဲ အစိုးရနဲ့ ကျနော်တို့ တိုင်းရင်းသားလက်နက်ကိုင် အဖွဲ့အစည်းနှစ်ခုကြားမှသာ ချုပ်ဆိုတာမျိုးမဟုတ်ပဲနဲ့ အသိသက်သေ အဖြစ်နဲ့သော် လည်းကောင်း ပါဝင်ပတ်သက်နေတဲ့ လူတွေအဖြစ်နဲ့သော်လည်းကောင်း ကျနော်တို့ ဒီပြည်တွင်းမှာရှိတဲ့ နိုင်ငံရေးခေါင်းဆောင်တွေ ဥပမာအားဖြင့် ဒေါ်အောင်ဆန်းစုကြည် လိုဟာမျိုးပေါ့ ၊ တိုင်းရင်းသားခေါင်းဆောင်တွေ ဥပမာအားဖြင့် ဦးခွန်ထွန်းဦး တို့လို ဦးအေးသာအောင် တို့လို ဦးနိုင်ငွေသိမ်း တို့လိုခေါင်းဆောင်တွေ ပါဝင်ပတ်သက်ပြီးတော့မှ ကျနော်တို့ လက်မှတ်ရေးထိုးတဲ့ အနေအထားကို ဖန်တီးချင်ပါတယ်"
ဒါ့အပြင် ဒီနေ့ဆွေးနွေးပွဲမှာ ဖက်ဒရယ်ပြည်ထောင်စု တည်ဆောက်ဖို့ဆိုရင် ၂ဝဝ၈ ဖွဲ့စည်းပုံ ပြင်ဆင်ဖို့ လိုအပ်ကြောင်း လည်း သဘောတူခဲ့ကြတယ်လို့ သိရပါတယ်။
တိုင်းရင်းသားလက်နက်ကိုင်အဖွဲ့တွေရဲ့ ကိုယ်စားလှယ်တွေဟာ တစ်နိုင်ငံလုံး အပစ်အခတ်ရပ်စဲရေး လက်မှတ်ရေးထိုး နိုင်ဖို့အတွက် အစိုးရ၊ တပ်မတော် ကိုယ်စားလှယ်တွေနဲ့ ဆွေးနွေးခဲ့ကြပြီး မနေ့က မူကြမ်းတစ်ခု ထုတ်ပြန်နိုင်ခဲ့ပါတယ်။
RFA

ဖားကန့်မှာ ကျောက်စိမ်းမှောင်ခို ကား ၁၁ စီး ဖမ်းဆီးရမိ

အခွန်မဆောင်ဘဲ မြန်မာနိုင်ငံမှ တရားမဝင် သယ်ဆောင်လာ တဲ့ ကျောင်းစိမ်းအရိုင်းတုံးများကို တရုတ်-မြန်မာနယ်စပ် ကြယ်ဂေါင်မှာတွေ့ရစဉ် (Photo: RFA)

ကချင်ပြည်နယ် ဖားကန့်မြို့နယ် လုံးခင်းကျေးရွာအုပ်စု လယ်ပြင်ကျေးရွာမှာ မနေ့ညနေပိုင်းက တရားမဝင် သယ်ဆောင်လာတဲ့ ကျောက်စိမ်းကား ၁၁ စီးကို တပ်မ ၆၆ လက်အောက်ခံ ခလရ ၃၅ တပ်ရင်းက ဖမ်းဆီးလိုက်ပြီး စစ်ဆေးနေတယ်လို့ ကချင်ပြည်နယ် ရဲတပ်ဖွဲ့မှူးရုံးက ပြောပါတယ်။
အဲ့ဒီကျောက်စိမ်းကား ၁၁ စီးကို ပိုင်ရှင်မဲ့အဖြစ် ဖမ်းဆီးလိုက်တာဖြစ်ပြီး အမှုဖွင့်အရေးယူဆောင်ရွက်ဖို့ စီစဉ်နေတယ်လို့ ကချင်ပြည်နယ်ရဲတပ်ဖွဲ့မှူးရုံးက ဒုတိယရဲမှူးကြီး ဦးဗညားဦးက ပြောပါတယ်။
"တပ်မ ၆၆ လက်အောက်ခံ ခလရ ၃၅က ၈ ရက်နေ့ ညနေ ၆ နာရီ ၁၅ မိနစ်မှာ တရားမဝင် ကျောက်စိမ်း ကား ၁၁ စီးကိုဖမ်းမိပါတယ်၊ ကျနော်တို့ အမှုဖွင့် မှာပေါ့နော်"

ဒီတရားမဝင် ကျောက်စိမ်းကား ၁၁ စီး ဖမ်းဆီးရမိကြောင်း ကို ကချင်ပြည်နယ်အစိုးရအဖွဲ့က အတည်ပြု ပြောပါတယ်။
အဲဒီ ကျောက်စိမ်းကား ၁၁ စီးပေါ်က ကျောက်စိမ်းတုံးတွေရဲ့ ကာလတန်ဖိုးပမဏကို မသိရှိရသေးကြောင်းနဲ့ မနေ့က ဖမ်းဆီးမိတာဟာ ဒီနှစ်ပိုင်းအတွင်း အများဆုံးလို့ ပြည်နယ်အစိုးရက ပြောပါတယ်။
RFA

NLD ရွေးကောက်ပွဲနိုင်ပြီး ကြံ့ခိုင်ရေး သမ္မတ ဖြစ်သွားနိုင်သော သမ္မတရွေးချယ်ပွဲ – လင်းထိုက် (Y.I.T)

NLD ပါတီအနေဖြင့် တိုင်းရင်းသားများနှင့် ညီညွတ်ရေးဗျူဟာ တည်ဆောက်မှု အားနည်းနေချိန်တွင် အဆိုပါ မိန့်ခွန်းများ၌ တိုင်းရင်းသားများ သဘောခွေ့မည့် စကားရပ်များ ပါဝင်နေသည်မှာ ၂၀၁၅ ရွေးကောက်ပွဲအတွက် တင်ကြိုစည်းရုံးခြင်း ဗျူဟာတစ်ရပ်ဖြစ်နိုင် . . .

ပုဒ်မ ၄၃၆ ပြင်မှာလား

ဖွဲ့စည်းပုံပြင်ဆင်ရေး (အထူးသဖြင့် ပုဒ်မ ၄၃၆၊ ပုဒ်မ ၅၉ (ဃ) (စ)) ဆန္ဒထုတ်ဖော်ပွဲများ နိုင်ငံအ၀န်းကျယ် ကျယ် ပြန့်ပြန့်ပေါ်ပေါက်လာချိန်နှင့်တစ်ပြိုင်တည်း ဆိုသလို သမ္မတဦးသိန်းစိန်နှင့် ကာ/ချုပ် ဗိုလ်ချုပ်မှူးကြီး မင်းအောင်လှိုင်တို့၏ မိန့် ခွန်းများ ပြည်သူများဆက်တိုက် နားဆင် လိုက်ရပြီး မိန့်ခွန်းများထဲမှ ထူးခြားချက် များကို နိုင်ငံရေးရပ်ဝန်းကြား ဝေဖန်သုံးသပ် သံများ ညံသွားခဲ့သည်။ ရာထူးသက်တမ်း သုံးနှစ်ပြည့် ပြည်ထောင်စု လွှတ်တော်၌ ပြောကြားသော သမ္မတ၏မိန့်ခွန်း၌ ““ အခြေခံဥပဒေ ပြင်ဆင်ရာတွင် အခန်း (၁၂) ပါ ပြဋ္ဌာန်းချက်များနှင့် အညီပြင်ဆင်ရန် အလေးထား လိုက်နာကြရမှာ ဖြစ်ကြေ၊ာင်း””ထည့် သွင်းပြောကြား ခဲ့သည်။ တပ်မတော်နေ့ အခမ်းအနား၌ ကာ/ချုပ် ပြောကြားသော မိန့်ခွန်း၌လည်း ““အခြေခံဥပဒေ ပြင်ဆင် ရန် လိုအပ်လာလျှင်လည်း အခန်း (၁၂) အခြေခံဥပဒေပြင်ဆင်ခြင်း အခန်းတွင် ပြဋ္ဌာန်းထားသော ဥပဒေနှင့်အညီ ဆောင် ရွက်သွားရမည်ဖြစ်ကြောင်း”” ထည့်သွင်း ပြောကြားခဲ့ပြန်သည်။

ဤနှစ်ချက်ကို ထောက်ရှုလျှင် အခန်း ၁၂ ပါ အခြေခံဥပဒေပြင်ဆင်ခြင်း ပုဒ်မ ၄၃၆ အား ဦးတည်ရည်ညွှန်း ကြောင်း အထင်အရှားပြဆိုနေပေသည်။ ပုဒ်မ၄၃၆ သည် အခြေခံဥပဒေပြင်ဆင်ရေး လမ်းကြောင်းတွင် သော့ခ လောက်သဖွယ် ဖြစ် နေသည်ရှိရာ အစိုးရနှင့် တပ်မတော်တို့ ၏ ဖွဲ့စည်းပုံပြင်ဆင်ရေး ဆန္ဒမထက်သန် ပုံကို အသေအချာ ရည်ညွှန်းနေပေသည်။ ထို့ပြင် ဖွဲ့စည်းပုံပြင်ဆင်ရေး ဆန္ဒထုတ်ဖော်ပွဲများ ဆက်တိုက်ဆိုသလို အင်တိုက် အားတိုက် ကျယ်ပြန့်လာခြင်းကို အဟန့် သဘောဆောင်တန်ပြန်ခြင်းဟု မှတ်ယူ နိုင်ပါသည်။…

တိုင်းရင်းသားလော်ဘီ

မိန့်ခွန်းနှစ်ရပ်လုံးတွင် တိုင်းရင်းသား အရေးနှင့် ပတ်သက်၍မူ အထူးဂရုထား လိုက်လျောမည့်သဘောများ ပါဝင်နေခဲ့ သည်။ တိုင်းရင်းသားများအားစည်းရုံးရေး ဗျူဟာခင်းသည့်မိန့်ခွန်းများဟုပင် ဆိုနိုင် သည်။ အတိုက် အခံပါတီကြီးဖြစ်သော NLD ပါတီအနေဖြင့် တိုင်းရင်းသားများနှင့် ညီ ညွတ်ရေးဗျူဟာတည်ဆောက်မှု အား နည်း နေချိန်တွင် အဆိုပါမိန့်ခွန်းများ၌ တိုင်းရင်းသားများ သဘောခွေ့မည့် စကားရပ်များ ပါဝင်နေသည်မှာ ၂၀၁၅ ရွေးကောက် ပွဲအတွက် တင်ကြိုစည်းရုံးခြင်း ဗျူဟာတစ် ရပ်ဖြစ်နိုင်သည်ဟု နိုင်ငံရေးရပ်ဝန်းမှ လေ့ လာသုံးသပ် ပြောဆိုလျက်ရှိကြသည်။

၂၀၁၅၊ လွတ်လပ်နိုင်သော်လည်း တရားမမျှတနိုင်

မတ်လ ၁၃ ရက်နေ့က ပြည်ထောင်စု ရွေးကောက်ပွဲကော်မရှင် ဥက်္ကဋ္ဌ ဦးတင် အေးက ၂၀၁၅ ရွေးကောက်ပွဲ အား ဟာကွက် မရှိအောင် အောင်အောင်မြင်မြင်ဖြင့် လွတ်လပ်၍ တရားမျှတစွာ ကျင်းပနိုင်ရေး ဆောင်ရွက် သွား မည်ဖြစ်ကြောင်း ပြောကြားခဲ့သည်။ စောင့်ကြည့်အဖွဲ့ (Observer) များဖြင့် စနစ်တကျ စီမံသွားမည် ဟုပင်ပြော ကြားခဲ့သည်။ မတ်လ ၆ရက် နေပြည်တော်တွင် မီဒီယာများနှင့် တွေ့ဆုံစဉ် ပြည်ထောင်စု လွှတ်တော် နာယက သူရဦးရွှေမန်းမှ ဘယ်ပါတီကိုမှ ရန်သူလို သဘောမထားဘဲ ဒေါ်စုအားလည်း လုပ်ဖော် ကိုင်ဖက်လို သဘော ထားကြောင်း၊ ပါတီအချင်းချင်း အပြုတ်တိုက်၊ အပြတ်ရှင်းစနစ်ကို လုပ်ဆောင်မည် မဟုတ်ကြောင်း။ သို့သော် ရွေးကောက်ပွဲကျင်းပသည့် အချိန်တွင်မူ ““NLD ကလည်း အလျှော့ပေးမှာမဟုတ် ဘူး။ ကိုယ်တို့ကလည်း အနိုင်မပေးနိုင်ဘူး။ တရားမျှတသန့်ရှင်းစွာ လုပ်ဆောင်မယ်””ဟု ပြောကြားခဲ့သည်။

ဤအချက်များကို ထောက်ရှု၍ စစ် သားဟောင်းကြီးများ ကတိတည်မည်ဆိုလျှင် ရွေးကောက်ပွဲအား မဲမလိမ်၊ မဲမညစ်ဘဲ နိုင်အောင် ပြိုင်မည်ဟု ကြုံးဝါးခြင်းပင် ဖြစ်သည်။ ဤရှုထောင့်မှ စဉ်းစားလျှင် မည်သို့နိုင်အောင် ပြိုင်မည်နည်းဟု စဉ်းစားစရာရှိလာသည်။ ကြံ့ခိုင်ရေးပါတီ အနေဖြင့် ၂၀၁၅ ရွေးကောက်ပွဲ၌ သန့်ရှင်းစွာ ယှဉ်ပြိုင်မည်ဆိုလျှင် NLD ပါတီအားနိုင်ဖို့ ရန် အကြောင်းမမြင်ပေ။ သို့သော် သမ္မတ ရွေးချယ်ပွဲ၌ တပ်မတော် ၂၅ ရာခိုင်နှုန်း အကူအညီဖြင့် သမ္မတဖြစ်ရန် အခွင့်အလမ်း တစ်ရပ်ရှိနေသည်ကို အထူးဂရုပြုသင့်သည်။

(၁) ကြံ့ခိုင်ရေးပါတီ (သို့) တပ်မတော်မှ တစ်ဦး သမ္မတဖြစ်ရန် ၂၀၁၅ အထွေ ထွေ ရွေးကောက်ပွဲ၌ မဲရာခိုင် နှုန်း ၃၄ ရာခိုင်နှုန်း (၃၃ ဒသမ ၅၃ ရာခိုင်နှုန်း) ရရန်လိုအပ်သည်။

(၂) NLD ပါတီမှ သမ္မတရွေးချယ်ပွဲတွင် သမ္မတဖြစ်ရန် ၂၀၁၅ အထွေထွေ ရွေးကောက်ပွဲ၌ အနည်းဆုံး မဲ ၆၇ ရာခိုင်နှုန်း ရရှိထားရန် လိုအပ်သည်။

(၃) သမ္မတရွေးချယ်ခြင်း ပုဒ်မ (၆၀) အရ NLD ပါတီအနေဖြင့် သမ်္မတဖြစ်ရန် နိုင်ငံအ၀န်း မဲရာခိုင်နှုန်း ၇၀ ရာခိုင်နှုန်း ခန့်ရရှိထားမှ စိတ်ချရမည့်သဘောဖြစ်သည်။

(၄) နိုင်ငံအ၀န်း တောင်ပြို၊ ကမ်းပြို အနိုင်ရရှိခဲ့သော ၁၉၉၀ ရွေးကောက်ပွဲတွင် ပင် ၈၀ ရာခိုင်နှုန်းကျော် အနိုင်ရ၍ ၉၀၊ ၁၀၀ စသည်ဖြင့် ရာနှုန်းပြည့်မနိုင်ခြင်းကို ထောက်၍ ၂၀၁၅ ရွေးကောက်ပွဲတွင် NLD ပါတီ ၇၀ ရာခိုင်နှုန်းရရန်မှာ ထင်သလောက် လွယ်ကူမည်ဟု ကြိုတင်တွက် ဆမထားသင့်ဟု သုံးသပ်ကြည့်ခြင်းဖြစ် သည်။

(၅) ပါတီကြီးဖြစ်သော NLD ပါတီ မပါဝင်ဘဲ တစ်ယောက်တည်းပြိုင်၊ တစ်ယောက်တည်းနိုင် သဘောမျိုးရှိခဲ့ပြီး မဲ မသာမာမှု များလည်းရှိသည်ဟု စွပ်စွဲဝေဖန် မှုများရှိခဲ့သော ၂၀၁၀ ရွေးကောက်ပွဲတွင် ပင် ပြည်ခိုင်ဖြိုးပါတီ အနေဖြင့် ၇၉ ရာခိုင် နှုန်းကျော်သာ အနိုင်ရရှိခဲ့သည်ကိုလည်း သတိချပ်သင့်သည်။

(ပြည်ခိုင်ဖြိုးမဟုတ်သော အခြားပါတီများမှ ပြည်သူ့လွှတ်တော်အမတ် ၆၆ ဦး နှင့် အမျိုးသားလွှတ်တော် အမတ် ၃၉ ဦး လွှတ်တော်တွင်း ရောက်ရှိလာခဲ့သည်။ လွှတ်တော်နှစ်ရပ် ရွေးကောက်ပွဲရလဒ်၏ ၂၁ ရာခိုင်နှုန်း ရှိသည်။

(၆) (သမ္မတ ရွေးချယ်ပွဲတွင် လွှတ် တော် နှစ်ရပ်သာပါဝင်၍ တိုင်းဒေသကြီး နှင့် ပြည်နယ်လွှတ် တော်အမတ် များ၏ မဲများ အကျုံးမ၀င်၊ မပါရှိသည်ကိုလည်း သတိချပ်သင့်သည်။)

(၇) ကြံ့ခိုင်ရေးပါတီအနေဖြင့် သမ္မတဖြစ်ရန် တပ်မတော် ၂၅ရာခိုင်နှုန်း အကူ အညီဖြင့် ၃၄ ရာခိုင်နှုန်းရရှိရန် လိုအပ် သည့်အလျောက်လွှတ်တော်တွင်း ရောက် ရှိလာနိုင်သည့် တိုင်းရင်းသားပါတီ အမတ် များ၊ NLD မဟုတ်သော ကြံ့ခိုင်ရေး မိတ်ဖက် ဒီမိုကရက်ပါတီ အမတ်များအား သမ္မတ ရွေးချယ်ရာ၌ မဲများရရှိရန် ကြိုတင် မဟာ မိတ်ပြုစည်းရုံးထားနိုင်သည်ကို သတိမူသင့် ပေသည်။ ဤသို့သာ မဟာဗျူဟာကျ စည်းရုံးထားနိုင်လျှင် ကြံ့ခိုင်ရေးပါတီအတွက် သမ္မတဖြစ်ရန် ၃၄ ရာခိုင်နှုန်းပင် လိုအပ်တော့မည် မဟုတ်ပေ။ အောက်ပါ ဥပမာများ အတိုင်း စဉ်းစားကြည့်မည်။

ဥပမာ – ကြံ့ခိုင်ရေး + ကြံ့ခိုင်ရေး မိတ်ဖက်တိုင်းရင်းသားပါတီများ + ကြံ့ခိုင် ရေးမိတ်ဖက် NLD မဟုတ်သော အခြား ပါတီများ = ၃၄ ရာခိုင်နှုန်း

ဥပမာ -

(၁) ၂၀ % + ၁၀ % + ၄ % = ၃၄ %

(၂) ၁၅ % + ၁၅ % + ၄ % = ၃၄ %

(၃) ၁၇ % + ၁၃ % + ၄ % = ၃၄ %

ဤရှုထောင့်မှ စဉ်းစားလျှင် ၁၇ %၊ ၁၅ %၊ ၂၀ % ခန့်ရရုံဖြင့် တပ် ၂၅ % အကူအညီဖြင့် ကြံ့ခိုင်ရေး (သို့) တပ်မှ သမ္မတဖြစ်ပြီဖြစ်သည်။

အထက်ပါ အချက်အလက်အထောက် အထားများအရ ၂၀၁၅ ရွေးကောက်ပွဲ သည် လွတ်လပ်၍ သန့်ရှင်း စေကာမူ တပ်မတော်မှ ၂၅ ရာခိုင်နှုန်းပါဝင် နေခြင်းကပင် တရားမမျှတဟု ကောက်ချက်ချရခြင်း ဖြစ်သည်။

- ကြံ့ခိုင်ရေး၏ မိတ်ဖက်ဆိုရာ၌ ဘာသာရေးနည်းဖြင့် ပါတီတစ်ခု ထူထောင်ခဲ့လျှင် ဗုဒ္ဓဘာသာမဲ များလည်း ရရှိနိုင်သေးသည်။

- PR စနစ်သာ ပြုလုပ်ခဲ့လျှင်မူ ကြံ့ခိုင်ရေးအတွက် သမ္မတဖြစ်ရန် ဤမျှမဲ ရာခိုင်နှုန်းပင် မလိုအပ်တော့ချေ။

- တိုင်းရင်းသားနှင့် အခြားပါတီများ သည် ၂၀၁၅ ရွေးကောက်ပွဲတွင် ကြံ့ခိုင် ရေးနှင့် NLD ပါတီတို့ဖြင့် မဟာဗျူ ဟာကျသော စည်းရုံးရေးအတွက် အလွန်အရေးပါသော ကဏ္ဍမှ ပါဝင်လာနိုင်သည်။

သုံးသပ်ချက်

NLD ပါတီအနေဖြင့် ၂၀၁၅ ရွေး ကောက်ပွဲ၌ ၇၀ ရာခိုင်နှုန်း နိုင်ထားလျှင် သမ္မတဖြစ်ရေး စိတ်ချရနိုင်သော် လည်း မှန်းချက်နှင့် နှမ်းထွက် မကိုက်လျှင် ဖြစ် တန်ဖွယ်ရာများမှာ-

(က) ၅၉(ဃ)နှင့် ၅၉(စ) အား ကြံ့ခိုင်ရေးနှင့် တပ်မှပြင်ပေးမည်။

(ခ) ရွေးကောက်ပွဲ၊ လွှတ်တော်နှစ်ရပ် ၌ မဲ ၆၅ ရာခိုင်နှုန်းခန့် အနိုင်ရမည်။

(ဂ) ဒေါ်အောင်ဆန်းစုကြည် ဒု-သမ္မတ (သမ္မတလောင်း)အဖြစ် လွှတ်တော်တစ်ရပ်မှ အရွေးခံရမည်။

(ဃ) သမ္မတ ရွေးချယ်ရာတွင်မူ ရှုံးနိမ့်၍ ဒေါ်အောင်ဆန်းစုကြည် ဒု-သမ္မတသာ ဖြစ်မည်။

(င) ဒေါ်အောင်ဆန်းစုကြည် ဒု-သမ္မတဖြစ်လျှင် ပါတီနှင့်ကင်းကွာ၍ NLD ပါတီ အင်အားချည့်နဲ့နိုင်သည်။

ဤအခင်းအကျင်းအတိုင်း ဖြစ်လာခဲ့လျှင် တိုင်းပြည်အရေး ဘာဖြစ်နိုင်မည်ကို စာရှုသူများ ဆက်လက် စဉ်းစားပါ ကုန်။ NLD ပါတီ၏ အနိုင်ရနိုင်ခြေ တောင်ပြို ကမ်းပြိုသည် ၈၀ ရာခိုင်နှုန်း၊ ၉၀ ရာခိုင်နှုန်းခန့် တွက်ချက်ထားပါမူ အထက်ပါ တွက်ချက်မှုများအား ထည့်သွင်း စဉ်းစားရန် လိုမည်မထင်ပေ။

Myanmartandawsint Newspaper

သမ္မတအိုဘားမား မြန်မာနိုင်ငံ သွားမယ်

 
အမေရိကန် သမ္မတအိုဘားမား ဟာ မြန်မာနိုင်ငံကို ဒုတိယအကြိမ်အဖြစ် အခုလာမယ့် နိုဝင်္ဘာလအတွင်း သွားရောက်ပါလိမ့်မယ်။

နယူးယောက်မြို့မှာ အင်္ဂါနေ့က ကျင်းပတဲ့ (Asia Society Policy Institute) အာရှလူ့ဘောင်မူဝါဒသိပ္ပံ တရားဝင် စတင်ဖွင့်လှစ်တဲ့ အခမ်းအနားမှာ အမေရိကန် ဒုတိယနိုင်ငံခြားရေးဝန်ကြီး William Burns က လာ မယ့် ဆောင်းဦး ရာသီမှာ သမ္မတအိုဘားမားဟာ APEC ခေါ် အာရှ ပစိဖိတ်ဒေသ စီးပွါးရေးပူးပေါင်းဆောင်ရွက်မှုဆိုင်ရာ ထိပ်သီးညီလာခံ အပါအဝင် ဒေသဆိုင်ရာညီလာခံတချို့ကို တက်ရောက်ဖို့အတွက် မြန်မာ၊ တရုပ်နဲ့ သြစတေးလျနိုင်ငံတွေကို သွားရောက်မယ်လို့ ပြောကြားခဲ့ပါတယ်။ RFA ကရတဲ့ သတင်းအရ သမ္မတ အိုဘားမား ဟာ နေပြည်တော်မှာ လာမယ့် နိုဝင်္ဘာ ၉ ရက် သို့မဟုတ် ၁ဝ ရက်နေ့ စတင်ကျင်းပမယ့် အာဆီယံထိပ်သီးညီလာခံကို တက်ရောက် ရင်း မြန်မာခေါင်းဆောင်တွေ နဲ့ တွေ့ဆုံမှာဖြစ်ပါတယ်။ APEC ထိပ်သီးညီလာခံကိုလည်း အဲဒီရက်ပိုင်း အတွင်းမှာပဲ တရုပ်နိုင်ငံ ဘေဂျင်းမြို့မှာ ကျင်းပဖို့ ရှိပါတယ်။

သမ္မတအိုဘားမားဟာ မြန်မာနိုင်ငံကို ၂ဝ၁၂ ခုနှစ်နိုဝင်္ဘာလက ပထမအကြိမ် သွားရောက်ခဲ့ပြီး သမ္မတဦးသိန်းစိန်နဲ့ NLD ဥက္ကဌ ဒေါ်အောင်ဆန်းစုကြည် တို့ကို တွေ့ဆုံခဲ့ပါတယ်။
အခုလာမယ့် နိုဝင်္ဘာလ ခရီးစဉ်အတွင်း မြန်မာအစိုးရခေါင်းဆောင်တွေ နဲ့ တွေ့ဆုံရာမှာတော့ လတ်တလောဖြစ်ပွါးခဲ့တဲ့ လူမျိုးရေးနဲ့ ဘာသာရေး ဆိုင်ရာ မငြိမ်မသက်မှုတွေအပါအဝင် လူ့အခွင့်ရေးဆိုင်ရာပြသနာတွေကို အဓိက ထားဆွေးနွေး ပြောကြားမယ် လို့ မျှော်လင့်ရပါတယ်။

အမေရိကန် ဒုတိယနိုင်ငံခြားရေးဝန်ကြီး William Burns က မြန်မာပြည်က မငြိမ်မသက်မှုတွေ အထူးသဖြင့် ရခိုင်ပြည်နယ်က ပြသနာတွေကို အမေရိကန်ပြည်ထောင်စုအနေနဲ့ အထူးစိုးရိမ်ပူပန်နေကြောင်း နယူးယောက်မြို့ အခမ်းအနားမှာ ထည့်သွင်းပြောဆိုသွားခဲ့ပါတယ်။

RFA Burmese

မလေးရှားလေယာဉ်ပျောက် ရှာတွေ့ဖို့ နီးစပ်လာပြီလား

မလေးရှားလေယာဉ်ပျောက်ရဲ့ Black Box ရှာဖွေမှုဟာ မကြာသေးခင်က အိန္ဒိယ သမုဒ္ဒရာထဲမှာ ဖမ်းယူရမိတဲ့ အချက်ပေး မှု ၂ ခုထက်မနည်းရပြီးနောက်ပိုင်း အခု ကြာသပတေးနေ့မှာတော့ ရှာဖွေမှု နယ်ပယ် အရင်ကထက် တဖြည်းဖြည်း ကျဉ်းမောင်းလာနေပြီလို့ ဆိုပါတယ်။ ဒါဟာ လေယာဉ်ပျောက်ကို ရှာတွေ့ဖို့ နီးစပ်လာတာလို့ ပြောလို့ရနိုင်ပါတယ်။ 

မလေးရှားလေယာဉ်ပျောက်ရှာဖွေရေး ရေယာဉ်တစင်း၊ ဓာတ်ပုံ- အေအက်ပီ

သြစတြေလျး ရှာဖွေရေး ခေါင်းဆောင် က မနေ့က ပြောတာမှာတော့ Black Box ရဲ့ ဘက်ထရီကုန်ဖို့ အစပျိုးလာပေမယ့် ဒီရက်ပိုင်းအတွင်း သဲလွန်စတွေကို တွေ့ရလိမ့်မယ်လို့ ဆိုလာပါတယ်။ 

ဒါကြောင့် JACC ပူးပေါင်းရှာဖွေရေးအဖွဲ့က အခု ကြာသပတေးနေ့ ကြေညာရာမှာတော့ ရှာဖွေမှု ဧရိယာ ဟာ သြစတြေးလျ အနောက်ဘက် ကီလိုမီတာ ၅၇၈၂၃ စတုရန်း ကီလိုမီတာရှိနေရာကနေ အခုဆို စတုရန်း ကီလိုမီတာ ၂ သောင်းလောက် မှာပဲ လုပ်ဆောင်ရတော့မယ်လို့ ရိုက်တာသတင်းတပုဒ်က ဆိုပါတယ်။ 

အခု ရှာဖွေမှုကို သြစတြေးလျနိုင်ငံ ကမ်းခြေမြို့ ဖြစ်တဲ့ ပါ့တ်သ်မြို့ရဲ့ အနောက်မြောက်ဘက် ကီလိုမီတာ ၂၂၈ဝ အကွာ အိန္ဒိယ သမုဒ္ဒရာမှာ ရှာဖွေမှုတွေ လုပ်ဆောင်နေတာဖြစ်ပါတယ်။ 

ပြီးခဲ့တဲ့ အင်္ဂါနေ့က ထပ်မံရရှိတဲ့ မလေးရှားလေယာဉ် ပျောက်ရဲ့ Black Box ကလို့ယူဆရတဲ့ အချက်ပေး လှိုင်း ထုတ်လွှင့်မှုကြောင့် လေယာဉ်ပျက်ကျနိုင်ခြေရှိတဲ့ နေရာကို စုံစမ်း ရှာဖွေ ဖော်ထုတ်နေတာ လည်း 
ဖြစ်ပါတယ်။ 

ပျောက်ဆုံးနေတဲ့ မလေးရှား လေကြောင်းလိုင်းက  MH 370 လေယာဉ်ရှာဖွေရေးလုပ်ငန်းဟာ အမေရိကန် ဒေါ်လာ သန်း ရာနဲ့ချီ၍ ကုန်ကျရန် ရှိနေတာကြောင့် လေကြောင်းသမိုင်းတွင် ကုန်ကျစရိတ် အကြီးဆုံး ရှာဖွေမှုဖြစ်လာရန် ရှိနေပါတယ်။

ရှာဖွေရေးကာလ ၁ လ ပြည့်မြောက်တဲ့ အချိန်မှာ ရှာဖွေရေးလုပ်ငန်းအတွက် အနည်းဆုံး ဒေါ်လာ ၄၄ သန်း ခန့် သုံးစွဲပြီးဖြစ်တယ်လို့  Reuters သတင်းဌာနက ခန့်မှန်းပါတယ်။


ဒါပေမယ့် ပြီးခဲ့တဲ့ မတ်လ ၈ ရက်နေ့ကတည်းက ပျောက်ဆုံးသွားတဲ့ မလေးရှား လေယာဉ် MG 370 ဘိုးရင်း ၇၇၇ လေယာဉ်နဲ့ ပတ်သက်ပြီး အပျက်အစီး ဒါမှ မဟုတ် အစိပ်အပိုင်း သဲလွန်စဆိုတာ အခု ထိတော့ ဘာတခုမှ မတွေ့ရသေး ပါဘူး။ 

ပင်လယ်ပြင်ထဲမှာတော့ တချို့ လေယာဉ်ရဲ့ အစိပ်အပိုင်းလို့ ယူဆကြတဲ့ ပစ္စည်းတချို့ မျောနေတယ်ဆိုတဲ့ ဂြိုလ်တု ပုံရိပ် တွေ ရခဲ့ပေမယ့် ဘယ်လိုမှ အတည်ပြုလို့မရသေးပါဘူး။ 


အိမ့်သံစဉ်

အတာသင်္ကြန်၊ သရုပ်ပျက်ဝတ်စားဆင်ယင်မှု၊ သီးသန့်ခန်းနှင့် ပုဒ်မ ၁၈၈

၂၀၁၃ ခုနှစ် အတာသင်္ကြန် ကာလအတွင်း အချို့သော အမျိုးသမီးငယ်များမှာ မိမိခန္ဓာကိုယ်ပေါ်ရှိ အ၀တ်များကိုပင် ချွတ်၍ ရေကစားခြင်းများ၊ ရှိသင့်ရှိအပ် ၀တ်သင့်ဝတ်အပ်သည့် အတွင်းခံ အ၀တ်စားများပင် ၀တ်ဆင်ထားခြင်းမရှိဘဲ မဏ္ဍပ်များပေါ်၌ ရေကစားခြင်းများ ဖြစ်ပေါ်ခဲ့ . . .

ရန်ကုန်၊ ဧပြီ ၃

မကြာခင် ကျရောက်မည့် မြန်မာအတာသင်္ကြန် ပွဲတော်အတွင်း မြန်မာ့ယဉ်ကျေးမှု အစဉ်အလာကို ထိန်းသိမ်း မြတ်နိုးတတ်သော အများပြည်သူတို့၏ အမြင်အာရုံကို အနှောင့်အယှက် ဖြစ်စေ သည့် မြန်မာ့ယဉ်ကျေးမှုလွန် ၀တ်စားဆင်ယင်မှုများ မဖြစ်စေရေး ရှောင်ကြဉ်ကြရန်အတွက် ယဉ်ကျေးမှု ၀န်ကြီးဌာနမှ ထုတ်ပြန်ထားမှုနှင့် ပတ်သက်ပြီး ဝေဖန်မှုများ ဖြစ်ပေါ်လျက်ရှိသည်။

““မြန်မာ့ရိုးရာ ယဉ်ကျေးမှုနဲ့ ကိုက်ညီမှုမရှိတဲ့ ၀တ်စားဆင်ယင်မှုတွေ မလုပ်ဖို့ အဓိက ထုတ်ပြန်ထားတာပါ။ နှစ်တိုင်းလည်း ထုတ်ပြန်နေခြင်း ဖြစ်ပါတယ်။ သင်္ကြန်ရောက်လို့ရှိရင် သင်္ကြန်မှာ အကုန်လုံး သင်္ကြန်နဲ့ ပတ်သက်တဲ့ နှစ်စဉ် ကြေညာချက်ကို ထုတ်ပြန်ထားတာ ဖြစ်ပါတယ်။ အဲဒါပါပဲ””ဟု ယဉ်ကျေးမှုဝန်ကြီးဌာန ညွှန်ကြားရေးမှူး ဦးမင်းအေးကိုက မြန်မာသံတော်ဆင့်သို့ ပြောသည်။

သို့သော် ယဉ်ကျေးမှုဝန်ကြီးဌာန အနေဖြင့် မြန်မာ့ယဉ်ကျေးမှုလွန် ၀တ်စားဆင်ယင်မှု ဆိုသည်မှာ မည်ကဲ့သို့သော ၀တ်စားဆင်ယင်မှုမျိုးကို ဆိုလိုသနည်းဟု မေးခွန်းထုတ်မှုများ ရှိသလို မြန်မာ့ရိုးရာ ၀တ်စုံဝတ်၍ သင်္ကြန်ရေပက်ခံထွက်ရန် မဖြစ်နိုင်ကြောင်း ဆိုသူများလည်း ရှိသည်။

““ထဘီနဲ့တော့ ဘယ်လည်လို့ရမလဲ။ ယဉ်ကျေးမှုဝန်ကြီးဌာနက ထုတ်ထားတဲ့ သရုပ်ပျက် အ၀တ်အစားဆိုတာ ဘာကိုပြောတာလဲ။ ဘောင်းဘီရှည်နဲ့တော့ လည်မှာပေါ့။ အတိုမ၀တ်ရဘူးဆို မ၀တ်ဘူးပေါ့။ ဒါမှမဟုတ်လည်း အဖမ်းခံသင့်ရင် အဖမ်းခံလိုက်မယ်လေ”” ဟု ရန်ကုန်မြို့ ကမာရွတ်မြို့နယ်၊ လှည်းတန်းတွင် နေထိုင်သူ မသီရိက မြန်မာသံတော်ဆင့်သို့ ပြောသည်။

““ပုံမှန်ပဲ ကောင်းပါတယ်။ ဘောင်းဘီနဲ့ အင်္ကျီကတော့ လူတိုင်း ၀တ်ကြမှာပဲလေ။ အရမ်းကြီး ဟော့ရှော့ ဖြစ်နေတာတော့ မကောင်းဘူး။ ဒါပေမဲ့ ဘယ်လိုပြောမလဲ။ အရမ်းကြီး သရုပ်ပျက်ကတော့ သင်္ကြန်မှ မဟုတ်ပါဘူး။ ဘယ်နေရာမှ မကောင်းပါဘူး။ အရမ်းကြီး သရုပ်ပျက်ရင်လည်း မကောင်းသလို ထဘီကြီးဝတ်ပြီး တော့လည်း သီချင်းတက်ဆိုလို့ မရဘူးပေါ့။ အဲဒါမျိုးလေးတွေတော့ ရှိတာပေါ့””ဟု အမျိုးသမီး အဆိုတော် စန်္ဒီမြင့်လွင်က သင်္ကြန်တွင်း ၀တ်စားဆင်ယင်မှုနှင့် ပတ်သက်၍ သုံးသပ်သည်။

““ကျွန်တော်တို့ကတော့ အရေးယူမယ်လို့ မထုတ်ပြန်ပါဘူး။ အရေးယူမယ်၊ မယူဘူးက သက်ဆိုင်ရာ ဒေသကြီးကပဲ လုပ်လိမ့်မယ်လို့ ထင်ပါတယ်။ ကျွန်တော်တို့က မလုပ်ကြဖို့ ပန်ကြားတာပါ။ ကိုယ့်ယဉ်ကျေးမှုနဲ့ ကိုယ် ဘယ်လို ၀တ်စားဆင်ယင်သင့်တယ် ဆိုတာကို ကိုယ့်ဘာသာကိုယ် ချိန်ပြီးတော့ လုပ်ရမှာ။ ကျွန်တော်တို့က ကိုယ့်ဝတ်စားဆင်ယင်မှုနဲ့ ကိုက်ညီမှုမရှိတဲ့ ဟာလေးတွေ မ၀တ်ကြဖို့ပေါ့။ အဲဒါကို ပြောတာပါ။ အများမြင်လည်း မတင့်တယ်ဘူး။ မြန်မာ့ယဉ်ကျေးမှုနဲ့လည်း မကိုက်ညီဘူး””ဟု ယဉ်ကျေးမှုဝန်ကြီးဌာန ညွှန်ကြားရေးမှူး ဦးမင်းအေးကိုက မြန်မာသံတော်ဆင့်သို့ ပြောသည်။

ပြီးခဲ့သည့်နှစ် သင်္ကြန်ကာလအတွင်း မြန်မာ့ယဉ်ကျေးမှုလွန် ၀တ်စားဆင်ယင်မှုများနှင့် ပတ်သက်ပြီး အင်တာနက် စာမျက်နှာများပေါ်တွင် ဓာတ်ပုံများ၊ ဗီဒီယိုဖိုင်များ တက်လာခဲ့ပြီး မြန်မာ့ယဉ်ကျေးမှုနှင့် မကိုက်ညီမှုများကြောင့် ပြည်သူများအကြား ဝေဖန်ရှုတ်ချမှုများ ပြင်းထန်ခဲ့သည်။

၂၀၁၃ ခုနှစ် အတာသင်္ကြန် ကာလအတွင်း အချို့သော အမျိုးသမီးငယ်များမှာ မိမိခန္ဓာကိုယ်ပေါ်ရှိ အ၀တ်များကိုပင် ချွတ်၍ ရေကစားခြင်းများ၊ ရှိသင့်ရှိအပ် ၀တ်သင့်ဝတ်အပ်သည့် အတွင်းခံ အ၀တ်စားများပင် ၀တ်ဆင်ထားခြင်းမရှိဘဲ မဏ္ဍပ်များပေါ်၌ ရေကစားခြင်းများ ဖြစ်ပေါ်ခဲ့သည်။

အလားတူ အမျိုးသားအချို့မှာလည်း လူမြင်ကွင်းအတွင်း အမျိုးသမီးများနှင့် ပွေ့ဖက်နမ်းရှုံ့ခြင်း၊ မူးယစ် ရမ်းကားခြင်းများ ပြုလုပ်ခဲ့သည့်အတွက် မြန်မာ့ရိုးရာ သင်္ကြန်ပွဲတော်အား အကျည်းတန် စေခဲ့သည်။

““မနှစ်က သင်္ကြန်မှာ ဘယ်လောက်ထိ သရုပ်ပျက်ခဲ့သလဲဆိုတာ အင်တာနက်ပေါ်မှာ သင်္ကြန်လို့ ရိုက်ရှာ လိုက်တာနဲ့ကို တွေ့နိုင်တယ်ဗျာ။ ကျွန်တော်တို့လည်း လူငယ်တွေပါပဲ။ ဒါပေမဲ့ အခု ဖြစ်ပျက်နေပုံတွေက တအားကို သရုပ်ပျက်လွန်းတယ်။ ကျွန်တော်တို့ ကြားထားတာ တစ်ခုဆိုရင် မဏ္ဍပ်တချို့ဆိုရင် သူတို့မဏ္ဍပ် လူစည်အောင်ဆိုပြီး အဲဒီလို ဖြစ်အောင်ကို လုပ်ထားတာတဲ့။ ဒီတော့ ခေတ်နဲ့အညီ ၀တ်စားဆင်ယင်မှုကိုတော့ ကျွန်တော်တို့လည်း လက်ခံပါတယ်။ မောင်နှသားချင်းတောင် မကြည့်ရဲအောင် ၀တ်နေတာတွေ မြင်နေရတော့ ဒါတွေကို တင်းတင်းကျပ်ကျပ် လုပ်စေချင်တယ်””ဟု ရန်ကုန်တိုင်း စမ်းချောင်းမြို့နယ်တွင် နေထိုင်သူ ကိုဘိုဘိုထွန်းက မြန်မာသံတော်ဆင့်သို့ ပြောသည်။

““အားလုံးက သင်္ကြန်ဆိုတော့ မိန်းကလေးတွေက ကာလာစုံတဲ့ မိန်းကလေးတွေချည်းပဲ ရှိမှာလေ။ အခုလိုမျိုး ကန့်သတ်တာတော့ မကောင်းပါဘူး။ အားလုံးက အဆင်ပြေနေတာပဲ။ အရေးယူမယ် ဆိုတာတော့ မကောင်းဘူး”” ဟု မြောက်ဥက္ကလာပ၌ နေထိုင်၍ မော်ဒယ်လ်သင်တန်း တက်ရောက် နေသူ ကိုကောင်းမြတ်က ပြောသည်။

လက်ရှိတွင် ယဉ်ကျေးမှုဝန်ကြီးဌာန အနေဖြင့် သင်္ကြန်ကဏ္ဍပ်များတွင် စောင့်ကြည့်ရေးကင်မရာ (CCTV) များ တပ်ဆင်၍ စောင့်ကြည့်မှုများ ပြုလုပ်သွားရန် အတွက်လည်း ရန်ကုန်တိုင်း ယဉ်ကျေးမှု ၀န်ကြီးဌာနမှ စီစဉ်ထား ပြီး ယဉ်ကျေးမှုလွန် ၀တ်စားဆင်ယင်မှုများကို ထိန်းသိမ်းသွားမည် ဖြစ်ကြောင်းလည်း ပြောဆိုထားသည်။

““မဏ္ဍပ်တိုင်းမှာ သရုပ်မပျက်စေဖို့ စောင့်ကြည်သူတွေကို ထားရှိမယ်။ မနှစ်က သင်္ကြန်မှာ အင်တာနက်တွေ ပေါ်အထိ သရုပ်ပျက် ၀တ်စားဆင်ယင်မှုတွေ ဖော်ပြတာ ခံရလို့ ဒီနှစ်မှာ အခုလို သတိပေးရတာ ဖြစ်ပါတယ်။ မြန်မာအမျိုးသမီးတွေအားလုံး ခေတ်နဲ့အညီ လိုက်လျာညီထွေစွာ ၀တ်တာကို မပြောလိုပါဘူး။ သို့သော် ယဉ်ကျေးမှုနဲ့ ကိုက်ညီမှုမရှိတဲ့ သရုပ်ပျက် ၀တ်ဆင်မှုတွေကိုတော့ တားမြစ်ရမှာ ဖြစ်ပါတယ်။ မဏ္ဍပ်ကြီး တွေမှာ စီစီတီဗွီကင်မရာတွေ ရှိပါတယ်။ အဲဒီကနေတစ်ဆင့်လည်း သရုပ်ပျက် ၀တ်စားသူတွေကို ခေါ်ယူ သတိပေးတာမျိုး၊ လဲလှယ်စေတာမျိုး ပြုလုပ်သွားမှာပါ။ အဲဒီအတွက် ရန်ကုန်တိုင်းဒေသကြီး အစိုးရအဖွဲ့ အနေနဲ့ မြန်မာ့ရိုးရာ ယဉ်ကျေးမှုနှင့် မဆီလျော်သော ၀တ်စားဆင်ယင်မှု ထိန်းသိမ်းရေး ကော်မတီကို ဆပ်ကော်မတီအနေနဲ့ ဖွဲ့စည်းထားပြီးသား ဖြစ်ပါတယ်”” ဟု ရန်ကုန်တိုင်းဒေသကြီး ယဉ်ကျေးမှုဝန်ကြီး ဒေါ်စန်း စန်းနွယ်၏ ပြောစကားကို ကိုးကား၍ နိုင်ငံပိုင် သတင်းစာများ၌ ဖော်ပြထားသည်။

ယင်းသို့ စောင့်ကြည့်နေရုံဖြင့် သရုပ်ပျက် ၀တ်စားဆင်ယင်မှုများအား ထိ်န်းသိမ်းနိုင်မည် မဟုတ်ဘဲ ဥပဒေအရ ထိန်းသိမ်းသွားရန် လိုအပ်ကြောင်းလည်း ဥပဒေပညာရှင်များက သုံးသပ်လျက် ရှိသည်။

““အရေးယူလို့ ရတယ်။ ပြစ်မှုဆိုင်ရာ ဥပဒေမှာ အများကြီး ပြဋ္ဌာန်းချက်တွေ ရှိတယ်။ ဥပဒေပုဒ်မတွေ အများကြီးရှိတယ်။ သင်္ကြန်ယဉ်ကျေးမှုကို ဖျက်ဆီးတာ။ အဲဒီလိုမှ အရေးမယူရင် ကျွန်တော်တို့ သင်္ကြန်က ပြောစရာကြီး ဖြစ်လာမယ်”” ဟု တရားလွှတ်တော်ရှေ့နေ ဦးရောဘတ်စန်းအောင်က မြန်မာသံတော်ဆင့်သို့ မှတ်ချက်ပေးသည်။

ယခုကဲ့သို့ ယဉ်ကျေးမှုလွန် ၀တ်စားဆင်ယင်မှုများအား မပြုလုပ်ကြရန် ယဉ်ကျေးမှုဝန်ကြီးဌာနမှ တားမြစ် နေချိန်မှာပင် တည်ဆောက်ဆဲ သင်္ကြန်မဏ္ဍပ်များ၌ အ၀တ်လဲခန်းမှအပ အခြားသော မလိုအပ်သည့် အခန်းများ ထည့်သွင်း တည်ဆောက်မှုများ မပြုလုပ်ရန်အတွက်လည်း ရန်ကုန်တိုင်း အစိုးရအဖွဲ့က တားမြစ်ထားသည်။

ယင်းတားမြစ်ချက်များအား လိုက်နာခြင်း ရှိ၊ မရှိနှင့် ပတ်သက်၍ ဧပြီလ ၁၁ နှင့် ၁၂ ရက်များတွင် စစ်ဆေး သွားမည်ဖြစ်ကြောင်းလည်း ရန်ကုန်တိုင်း ရဲတပ်ဖွဲ့ရုံးထံမှ သိရသည်။

အစိုးရဘက်မှ တားမြစ်ထားသော်လည်း ရန်ကုန်မြို့ရှိ အချို့သော မဏ္ဍပ်များတွင် အ၀တ်လဲခန်း မဟုတ်သည့် အထူးခန်းများ တည်ဆောက်မှုများ ရှိနေပြီး ယင်းအခန်းသို့ VIP လက်မှတ် ၀ယ်ထားသူများသာ ၀င်ရောက် နားနေခွင့်ပြုကြောင်း သိရသည်။

မဏ္ဍပ် လက်မှတ်များ ရောင်းချရာ၌ ရိုးရိုးတန်းနှင့် VIP တန်း ဟူ၍ ခွဲခြားထားပြီး VIP တန်း လက်မှတ် တစ်စောင်လျှင် သင်္ကြန်ရက်အားလုံး ရေကစားရန် ကျပ် ငါးသိန်းခန့် ဈေးပေါက်နေပြီး မဏ္ဍပ်ပေါ်သို့ အရက်ပုလင်း ယူဆောင်ခွင့်၊ အထူးနားနေခန်းအတွင်း အနားယူခွင့် စသည်တို့ ရရှိမည် ဖြစ်သည်။

““အဲဒါကျတော့ မိန်းကလေးနဲ့ ယောက်ျားလေး အလုံပိတ်ခန်းတွေမှာ မဟုတ်တာတွေ ဖြစ်မှာစိုးလို့ အ၀တ်အစား လဲတာလောက် ဘာညာ ပြဿနာ မရှိပါဘူး။ အလုံပိတ် အခန်းတွေ မဖြစ်အောင် လိုက်ပြီးတော့ ဖျက်ခိုင်းတာ။ ဘယ်မဏ္ဍပ်ရယ်လို့တော့ Target မထားဘူး။ အဘတို့က လိုက်မစစ် သေးဘူးလေ။ စစ်ဆေးမယ့် အဖွဲ့တွေ လာရင်လည်း အဲဒါမျိုးမဖြစ်ပါစေနဲ့။ သတင်းရမယ်ပေါ့။ အဲဒီ အခန်းတွေ ပါတဲ့မဏ္ဍပ်ကို လိုက်ကြည့် ခိုင်းပြီးတော့ အဲဒီလိုဟာတွေ လုပ်ထားရင် ဖြုတ်ပါ။ သွားပြီးတော့ စစ်မယ့်အဖွဲ့ကို ပြောထားပြီးသားပါ””ဟု ရဲမှူးကြီးမြင့်အေးက မြန်မာသံတော်ဆင့်သို့ ပြောသည်။

မည်သို့ပင်ဖြစ်စေ မကြာခင် ကျရောက်တော့မည့် သင်္ကြန်ကာလအတွင်း ရန်ကုန်တိုင်းအတွင်း၌ မဏ္ဍပ်အကြီး အသေးပေါင်း ၁၄၀ ကျော် ခွင့်ပြုထားပြီးဖြစ်ရာ အစိုးရအနေဖြင့် လိုက်လံစစ်ဆေးရာ၌ အခက်အခဲများ ရှိနိုင် ကြောင်း သုံးသပ်မှုများလည်း ရှိသည်။

ယဉ်ကျေးမှု ၀န်ကြီးဌာနနှင့် ရန်ကုန်တိုင်း ရဲတပ်ဖွဲ့မှ တားမြစ်ထားသော စည်းကမ်းများအား ချိုးဖောက်ပါ ဒေသဆိုင်ရာ အာဏာပိုင်၏ လိုအပ်၍ ထုတ်ပြန်ထားသော အမိန့်ကို ဆန့်ကျင်မှု ပြစ်မှုဆိုင်ရာ ဥပဒေပုဒ်မ ၁၈၈ အရ အရေးယူနိုင်ကြောင်းလည်း တရားရုံးချုပ် ဒုတိယညွှန်ကြားရေးမှူး (ငြိမ်း) ဦးသောင်းမြင့်က မြန်မာ သံတော်ဆင့်သို့ သုံးသပ်ပြောကြားသည်။

ပုဒ်မ ၁၈၈ ဆိုသည်မှာ ပြည်သူ့ဝန်ထမ်းက နည်းလမ်းတကျ ထုတ်ပြန်ကြေညာထားသော အမိန့်အား ဖီဆန်ခြင်း ဖြစ်ပြီး ပြစ်ဒဏ်အနေဖြင့် အလုပ်မဲ့ ထောင်ဒဏ် တစ်လဖြစ်စေ၊ ငွေဒဏ် ၂၀၀ ဖြစ်စေ၊ ဒဏ်နှစ်ရပ်စလုံး ဖြစ်စေ ချမှတ် နိုင်သည်။ ထို့ပြင် ယင်းဖီဆန်မှုသည် လူ့အသက်ကိုသော်လည်းကောင်း၊ ကျန်းမာရေးကိုသော်လည်း ကောင်း၊ လုံခြုံရေးကိုသော်လည်းကောင်း ဘေးဖြစ်စေခဲ့ပါက ထောင်ဒဏ် ခြောက်လအထိ ချမှတ်နိုင်ပြီး ငွေဒဏ် ကိုလည်း ၁၀၀၀ ကျပ်အထိ တိုးမြှင့်နိုင်သည်။ သို့မဟုတ်ပါကလည်း ပြစ်ဒဏ်နှစ်ရပ်စလုံးအား ချမှတ် နိုင်ကြောင်း ပြဋ္ဌာန်းထားသည်။

““ဒီလိုမျိုးကြေညာချက် ထုတ်တာကျတော့ ၁၈၈ နဲ့ ဆွဲလို့ မရဘူး။ ဒါက အမိန့်မဟုတ်ဘူးလေ။ သူတို့အားလုံးကို ကန့်သတ်ပြီးတော့ သတိပေးတာပဲ ရှိတယ်။ ထိန်းသိမ်းဖို့ဆိုတာက မိန်းကလေးကလည်း ထိန်းသိမ်းမယ်၊ ယောက်ျားလေးကလည်း ဆင်ခြင်မယ် ဆိုလို့ရှိရင် အဆင်ပြေသွားမှာပဲ။ ညင်သာစွာပဲ ကိုင်တွယ်ကြမှာပဲ။ အရေးယူမှု မရှိဘူး မဟုတ်ဘူး။ လွန်ကဲတာတွေကျတော့ ရာဇ၀တ်မှုနဲ့ ငြိစွန်းရင်တော့ ငြိမှာပဲ။ သာမန်ဖြစ်တဲ့ ဟာတော့ သတိပေး ဆုံးမတဲ့ အဖွဲ့တွေ ရှိတာပဲ။ စည်းကမ်းထိန်းသိမ်းရေး ကော်မတီတွေ ရှိတယ်။ သူတို့တွေက ဆောင်ရွက်သွားမှာ ဖြစ်တယ်။ ရဲတပ်ဖွဲ့ကတော့ ဥပဒေနဲ့ ငြိစွန်းလာရင်တော့ အရေးယူသွားမှာပဲ။ ယဉ်ကျေးမှုဌာနက ခေါ်ယူပြီး သတိပေးတယ် ဆိုတာကတော့ ကောင်းတာပေါ့။ ဒါပေမဲ့ ဥပဒေနဲ့ ငြိရင်တော့ အရေးယူမှာပဲ။ ကိုယ့်ဘက်က ကြည့်မယ်။ သူတို့ဘာသာသူတို့ သာမန်လောက် နမ်းတာ ရှုံ့တာလောက်ကို ရဲက သွားပြီးတော့ ပြဿနာ မရှာပါဘူး။ အဲဒါကို သတိပေးသင့်တဲ့အဖွဲ့က သတိပေးမှာပေါ့”” ဟု ရန်ကုန် အရှေ့ပိုင်းခရိုင် ရဲတပ်ဖွဲ့မှူး ရဲမှူးကြီးမြင့်အေးက မြန်မာသံတော်ဆင့်သို့ ပြောသည်။

Myanmartandawsint Newspaper

ယုဇနပလာဇာရှိ ဝေဒီဖိနပ်ဆိုင်တွင် ပေါက်ကွဲမှုဖြစ်ပွား

 

ယနေ့နံနက် ၉နာရီ ၅ မိနစ်ခန့်တွင် ယုဇနပလာဇာရှိ ဝေဒီဖိနပ်ဆိုင်တွင် ပေါက်ကွဲမှု တစ်ခု ဖြစ်ခဲ့ပြီး ဈေးသူ ဈေးသားများ အလန့်တကြား ပြေးဆင်း ခဲ့ကြသည်။

မိနစ် ၃၀ နီးပါခန့် အကြာတွင် Air Con gas ပေါက်ကွဲမှုသာ ဖြစ်ကြောင်း ဈေးအုပ်ချုပ်ရေး အဖွဲ့က ကြောငြာခဲ့သည်။

ပေါက်ကွဲမှုကြောင့် ဆိုင်၏နောက်ဘက်ရှိ မှန်တခါးချပ်အချို့ ပေါက်ကွဲထွက်ခဲ့သည်။ ထိခိုက်ဒါဏ်ရာရရှိခြင်း မရှိသော်လည်း ပထမထပ် တစ်ထပ်လုံး gas အနံ့များနှင့် ဖုံးလွှမ်းလျှက်ရှိနေသည်။

News Watch(စောင့်ကြည့်သတင်းဂျာနယ်)

စစ်တွေ အရေးအခင်း နှင့် ပတ်သက်၍ သတင်းထုတ်ပြန်

ရခိုင်ပြည်နယ် စစ်တွေမြို့၌ ဖြစ်ပွားခဲ့သည့် ဖြစ်စဉ်အပေါ် စုံစမ်းစစ်ဆေးရေးအဖွဲ့၏ အစီရင်ခံစာအရ ဆက်လက် ဆောင်ရွက်မည့် အစီအစဉ်များနှင့် ပတ်သက်၍ သတင်းထုတ်ပြန်ရေး အဖွဲ့က ယနေ့ သတင်းထုတ်ပြန်သည်။ 

 စစ်တွေမြို့ Malteser International ရုံးအနီးတွင် ရဲတပ်ဖွဲ့ လုံခြုံရေး ယူနေစဉ် (ဓာတ်ပုံ – Facebook / Tun Naing)

စုံစမ်းစစ်ဆေးချက်အရ INGO ၀န်ထမ်း Malteser International မှ အမေရိကန်နိုင်ငံသူ ဒေသ ညှိနှိုင်းရေး မှူး ည် သာသနာ့ အလံကို မဖွယ်မရာ ပြုလုပ်ခဲ့ခြင်း မရှိကြောင်း၊ အဖွဲ့အစည်း၏ မူအရ အလံကို ဖြုတ်သိမ်း ခဲ့ခြင်း ဖြစ်ကြောင်း၊ ဒေသခံ တိုင်းရင်းသားတို့ ဖျက်ဆီးမှုကြောင့် ကုသမဂ္ဂနှင့် INGO ၁၈ ဖွဲ့တို့၏ ရုံး ၁၄ ရုံး၊ နေအိမ် ၁၆ လုံး၊ သိုလှောင်ရုံ ၁၅ လုံး၊ မော်တော်ယာဉ် ၁၄ စီး၊ ရေယာဉ် ၂ စီး၊ မော်တော်ဆိုင်ကယ် ၂၉ စီးနှင့် ရုံးသုံးပစ္စည်းများ ခန့်မှန်းတန်ဖိုးငွေ ကျပ်သန်း ၄၃၀ ခန့်နှင့် အမေရိကန် ဒေါ်လာ ၄၃၀၀၀၀ ခန့် ပျက်စီးဆုံးရှုံးကြောင်း၊ ကုလသမဂ္ဂနှင့် နိုင်ငံတကာ NGO ၀န်ထမ်းများ လုံခြုံရေးနှင့် ပူးပေါင်းဆောင်ရွက်မှု များ ဆောင်ရွက်ပေးသွားမည် ဖြစ်ကြောင်း ထုတ်ပြန်ချက်တွင် ဖော်ပြထားသည်။ 
ဧရာဝတီ

ကမ်းလွန်ရေနံနှင့် သဘာဝဓာတ်ငွေ့ လုပ်ကွက်များတွင် လုပ်ကိုင်ခွင့်ရသည့် နိုင်ငံခြားကုမ္ပဏီများနှင့် တွဲဖက်လုပ်ကိုင်ရန် A1 Mining ကုမ္ပဏီ အပါအ၀င် ပြည်တွင်းကုမ္ပဏီရှစ်ခု ရွေးချယ်ခံရ

 April 9, 2014

မြန်မာနိုင်ငံ၏ ကမ်းလွန်ရေနံနှင့် သဘာဝဓာတ်ငွေ့ လုပ်ကွက်များတွင် လုပ်ကိုင်ခွင့်ရသည့် နိုင်ငံခြားကုမ္ပဏီများနှင့် တွဲဖက်လုပ်ကိုင်ရန် A1 Mining ကုမ္ပဏီ အပါအ၀င် ပြည်တွင်းကုမ္ပဏီရှစ်ခု ရွေးချယ်ခံရကြောင်း စွမ်းအင်ဝန်ကြီးဌာနမှ သိရသည်။

နိုင်ငံခြားကုမ္ပဏီများနှင့် တွဲဖက်လုပ်ကိုင်ရန် ရွေးချယ်ခံရသည့် ပြည်တွင်းကုမ္ပဏီ ရှစ်ခုမှာ A1 Mining Co.,Ltd.၊ United National Resources Development Services Co.,Ltd.၊ Myanmar Petroleum E&P Co.,Ltd.၊ Smart E&P Co.,Ltd.၊ Parami Energy Development Co.,Ltd.၊ Oil Star Management Services Co.,Ltd၊ Royal Marine Engineering Co., Ltd.၊ Lin Win Co.,Ltd တို့ဖြစ်ကြောင်း သိရသည်။

ကမ်းဝေးရေနံနှင့် သဘာဝဓာတ်ငွေ့လုပ်ကွက် ၂၀ အတွက် ရွေးချယ်ခံရသည့် ကုမ္ပဏီများအား စွမ်းအင်ဝန်ကြီးဌာနမှ ယခုနှစ် မတ် ၂၆ ရက်တွင် ထုတ်ပြန်ကြေညာခဲ့ပြီး  ယင်းကုမ္ပဏီများထဲတွင် ကမ္ဘာ့ထိပ်တန်း ရေနံကုမ္ပဏီများ ပါဝင်ကြောင်း သိရသည်။

စွမ်းအင်ဝန်ကြီးဌာနမှ ကမ်းနီး၊ ကမ်းလွန် လုပ်ကွက်များတွင် ရေနံနှင့် သဘာဝဓာတ်ငွေ့ ရှာဖွေ၊ တူးဖော်၊ ထုတ်လုပ်ရေး လုပ်ငန်းများ ဆောင်ရွက်နိုင်ရန်အတွက် ၂၀၁၃ ခုနှစ်တွင် တင်ဒါခေါ်ယူခဲ့ပြီး ပဏာမ ရွေးချယ်ခံရသည့် ကုမ္ပဏီများစာရင်းကို ၂၀၁၃ ခုနှစ် ဇူလိုင်လအတွင်း ထုတ်ပြန်ခဲ့ပြီးဖြစ်ကြောင်း သိရသည်။

ထိုသို့ ပဏာမ ရွေးချယ်ပြီးနောက် အပြီးသတ်ရွေးချယ်ခံရသည့် ကုမ္ပဏီများကို ၂၀၁၄ ခုနှစ် မတ် ၂၆ ရက်တွင် ထုတ်ပြန်ခဲ့ခြင်းဖြစ်သည်။

ရေနံနှင့် သဘာဝဓာတ်ငွေ့ကဏ္ဍ၌ ပြည်ပရင်းနှီးမြှုပ်နှံသူများနှင့် ပူးပေါင်းဆောင်ရွက်ရန် မှတ်ပုံတင်ထားသည့် မြန်မာနိုင်ငံသားပိုင် ကုမ္ပဏီ ၁၆၀ ကျော်အထိရှိကြောင်း စွမ်းအင်ဝန်ကြီးဌာနမှ သိရသည်။

မြန်မာထိပ်တန်း စီးပွားရေးလုပ်ငန်းများဖြစ်သော ရွှေတောင်၊ ဧဒင်နှင့် IGE ကုမ္ပဏီ၊ ကမ္ဘောဇ၊ အေ၀မ်း၊ ပတ္တမြားနဂါး၊ တာမိုးညဲချမ်းသာ အစရှိသည့် ကုမ္ပဏီများလည်း ရေနံနှင့် သဘာဝဓာတ်ငွေ့ကဏ္ဍ၌ ပြည်ပရင်းနှီးမြှုပ်နှံသူများနှင့် ပူးပေါင်းဆောင်ရွက်ရန် မှတ်ပုံတင်ထားကြောင်း သိရသည်။

မြန်မာနိုင်ငံ၏ ရေနံနှင့် သဘာဝဓာတ်ငွေ့ကဏ္ဍတွင် နိုင်ငံခြား ရင်းနှီးမြှုပ်နှံမှုပမာဏ အခြားကဏ္ဍများထက် ပိုမိုများပြားနေပြီး ၂၀၁၄ ခုနှစ် ဇန်န၀ါရီလကုန်အထိ ယင်းကဏ္ဍတွင် နိုင်ငံခြားရင်းနှီမြှုပ်နှံမှု ပမာဏမှာ အမေရိကန်ဒေါ်လာ ၁၄ ဘီလျံကျော်ဖြစ်ကြောင်း သိရသည်။

မင်းသီဟဇော်Eleven Media Group

ကေအိုင်အေက စစ်သားစုဆောင်းခံရသူများ ပြန်လွှတ်ပေးရန် ရှမ်းမျိုးနွယ်စုရေးရာအဖွဲ့နှင့် ကချင်ပြည်နယ်အခြေစိုက် ငြိမ်းချမ်းရေးအကျိုးဆောင်အဖွဲ့တို့ ဆွေးနွေး

Published on: April 8, 2014

ကေအိုင်အေ လက်နက်ကိုင်အဖွဲ့က အဓမ္မစစ်သားစုဆောင်းခံရသူများ ပြန်လွှတ်ပေးရေး ရှမ်းမျိုးနွယ်စုရေးရာအဖွဲ့နှင့် ကချင်ပြည်နယ်အခြေစိုက် ငြိမ်းချမ်းရေးအကျိုးတော်ဆောင်အဖွဲ့ (PCG) မှ အဖွဲ့ဝင်များ ဧပြီ ၆ ရက်က ဆွေးနွေးခဲ့ကြောင်း သတင်းရရှိသည်။

ယင်းဆွေးနွေးပွဲသို့ ဖမ်းဆီးခံရသူများ၏ မိဘငါးဦးကိုယ်တိုင် လိုက်ပါသွားပြီး စစ်သားအဖြစ် စုဆောင်းခံရသည့် အမျိုးသား အမျိုးသမီး ၃၃ ဦးကိုလည်း ပြန်လည်လွှတ်ပေးရန် ရှမ်းရေးရာအဖွဲ့က တောင်းဆိုခဲ့ကြောင်း သိရသည်။

ရှမ်းရေးရာအဖွဲ့မှ ခေါင်းဆောင် ဦးစိုင်းသာဇုံက "ကေအိုင်အိုင်နည်းပညာအကြံပေးအဖွဲ့ကိုဆွေးနွေးဖို့ ကမ်းလှမ်းတာက ကြာပါပြီ။ အခုမှ PCG အဖွဲ့နှင့် ဆွေးနွေးဖြစ်တာ၊ ငြိမ်းချမ်းရေးအကျိုးဆောင်အဖွဲ့ ကျွန်တော်တို့အဖွဲ့ကို အစိုးရရဲ့ လက်အောက်ခံအဖွဲ့လို့ထင်နေတာ၊၊ ကျွန်တော်တို့က ရှမ်းလူမျိုးအရေးကို ကိုယ့်အားကိုယ်ကိုးအဖွဲ့၊ အကြောက်တရားအောက်မှာ လုပ်နေရတဲ့အဖွဲ့ဆိုတာကိုပါ ရှင်းပြရတယ်။ ရှမ်းကချင်လူမျိုးရေး အတူယှဉ်တွဲနေထိုင်ရေးကိုလည်း ဆွေးနွေးခဲ့ပါတယ်။ ဒီနေ့အထိ သုံးယောက်တော့ ပြန်လွတ်လာတယ်။ မိဘတွေအကြောင်းကြားလာတယ်။ ကျွန်တော်တို့ကောက်ယူထားတဲ့ စာရင်းအရ  ရှမ်းလူမျိုး ၂၉ ယောက်ကျန်သေးတယ်။ တခြားလူမျိုးတွေက ဒီကိစ္စနှင့်တောင်းဆိုလာရင်လည်း ဆောင်ရွက်ပေးဖို့ရှိပါတယ်။ အမျိုးသမီးတွေလည်းပါတော့ မိဘတွေစိတ်ထဲ ဘယ်လိုနေမယ်ဆိုတာ စဉ်းစားကြည့်ပေါ့ဗျာ" ဟု ပြောကြားသည်။

ဝိုင်းမော်မြို့နယ် ရှငေါ်ကျေးရွာ ရွှေလုပ်ကွက်တွင် ၂၀၁၃ ခုနှစ် ဇန်န၀ါရီ ၁၂ ရက်က အဖမ်းဆီးခံသွားရသူ မောင်ထွန်းထွန်းနိုင်၏ မိခင်ဖြစ်သူ ဒေါ်စင်းဝယ်က "ကျွန်မက သားကို တစ်ခေါက်သွားတွေ့ပြီးပြီ။ လွှတ်ပေးမယ်ပြောပြီး ငွေတစ်သိန်းတောင်းတာ နှစ်သိန်းပေးလိုက်တယ်။ ပြန်လည်းရောက်မလာဘူး။ အမြန်လာခေါ်ဖို့ ခဏခဏဆက်သွယ်ပြောနေတယ်။ အမေတစ်ခုသားတစ်ခုပဲရှိတာ။ စစ်သားတွေတက်သွားပြီကြားရင် အိပ်မပျော်တော့ဘူး" ဟု The Daily Eleven ကို ပြောကြားသည်။

ငြိမ်းချမ်းရေးအကျိုးဆောင်အဖွဲ့မှ ဦးဆန်းအောင်က "အဲဒီကိစ္စကို ကေအိုင်အို (ဗဟို) ကို ဖုန်းဖြင့်အကြောင်းကြားထားပါပြီ။ စာနှင့်လည်း အကြောင်းကြားဖို့ ရေးနေပါပြီ။ တာဝန်ထမ်းနေတာကြာပြီဆို အားလုံးနဲ့ညှိရဦးမယ်ထင်တယ်။ အရင်ကလည်း ကျွန်တော်တို့နဲ့ ဆက်သွယ်ပြီး အများကြီးလွှတ်ပေးခဲ့ပါတယ်။ အခုလည်း သူတို့ဆန္ဒနဲ့အခြေအနေကို မေးမြန်းပြီး ဆောင်ရွက်မယ်ထင်ပါတယ်။ ရှမ်းရေးရာအဖွဲ့နှင့်တွေ့တာတော့ ပထမအကြိမ်ပါ" ဟု ပြောကြားသည်။

Eleven Media Group

ငြိမ်းချမ်းရေးခရီးလက်တွဲရန် UWSA ထံ ဒုဗိုလ်ချုပ်ကြီးယွက်စစ်ကမ်းလှမ်း

RCSS/SSA  ခေါင်းဆောင်ဒုဗိုလ်ချုပ်ကြီးယွက်စစ်

April 09, 2014

ဖြစ်ပွားနေသော တိုက်ပွဲများရပ်တန့်ရေး နှင့် အနာဂတ်တိုင်းပြည်ငြိမ်းချမ်းရေးအတွက် ဝ ပြည် သွေးစည်းညီညွတ်ရေးတပ်မတော် UWSA နှင့် RCSS/SSA တို့ လက်တွဲဖေါ်ဆောင်သင့်သည်ဟု ဒုတိယ ဗိုလ်ချုပ်ကြီးယွက်စစ်က ပြောကြားလိုက်ပါသည်။

၂၀၁၄ ဧပြီ ၂ ရက်မှ ၇ ရက်အထိ ဝ ပြည် သွေးစည်းညီညွတ်ရေးတပ်မတော် UWSA နှင့် သျှမ်းပြည် ပြန် လည် ထူထောင်ရေးကောင်စီ သျှမ်းပြည်တပ်မတော် RCSS/SSA တို့ကြား တိုက်ပွဲ အကြိမ်ကြိမ် ဖြစ်ပွားခဲ့မှုနှင့်ပတ်သက်၍ ဒုတိယ ဗိုလ်ချုပ်ကြီးယွက်စစ်က ပြောဆိုလိုက်ခြင်းဖြစ်ပါသည်။
“တိုက်ပွဲဖြစ်ခဲ့တာက အစီအစဉ်ရှိလို့ မဟုတ်ဘူး၊ ဝ အတွက် ပုံမှန်လှုပ်ရှားတဲ့ဒေသမဟုတ်တဲ့ သံလွင် အနောက်ခြမ်းကိုကူးလာတဲ့ကိစ္စ  ကျနော်တို့နဲ့ တိုင်ပင်ညှိနှိုင်းခဲ့ရင် ပြဿနာဘယ်ဖြစ်မလဲ။ ဝ နဲ့ ကျနော်တို့က ပြိုင်ဘက်မဟုတ်ဘူး။ ငြိမ်းချမ်းရေးမှာလဲ လက်တွဲလုပ်ရမှာ။ ငြိမ်းချမ်းရေးပျက်သွားခဲ့ ရင်တောင်မှ အတူလက်တွဲပြီး တိုက်ပွဲဝင်ရမှာ၊ ဒီကိစ္စ ဝ ခေါင်းဆောင်တွေကိုလဲ အကြောင်းကြား ပြီးပါပြီ” - ဟု RCSS/SSA ခေါင်းဆောင် ဒုတိယ ဗိုလ်ချုပ်ကြီးယွက်စစ် ကပြောသည်။

နှစ်ဘက် ဆွေးနွေး ညှိနှိုင်းမှုကြောင့် ဧပြီ ၉ ရက်နေ့က တိုက်ပွဲများရပ်တန့်နိုင်ခဲ့သည်ဟု နှစ်ဘက်တပ်မှူး များက ပြော သည်။

ဝ ပြည် သွေးစည်းညီညွတ်ရေးတပ်မတော် UWSA ၏ တောင်ပိုင်း ဝ တပ်ဖွဲ့ အမှတ် ၁၇၁ လက် အောက်ခံ ၊ အမှတ် ၇၇၂ တပ်မဟာမှူး ရန်ကော်ကျုံးက ‘ RCSS/SSA ကို တိုက်ချင်လို့ တော့မဟုတ် ဘူး။ အခုလိုဖြစ်ပွားတာဟာ ရွှေမှော် နဲ့ သစ်လုပ်ငန်းလုံခြုံရေးအတွက် တာဝန်ယူပေးတပ် ဖွဲ့တွေ နားလည်မှုလွှဲမှားလို့ ဖြစ်ရတာ ’ ဟု ပြောပါသည်။

သျှမ်းပြည်တောင်ပိုင်း မိုင်းပန်မြို့နယ် ဟိုပန် ဟိုခိန်း ဒေသ (သံလွင်မြစ်အနောက်ခြမ်း) အတွင်း သစ်ခုတ်ခွင့်ပါမစ် (သစ်တန်ချိန် သိန်းဂဏန်း)၊ သံလွင်မြစ်အတွင်း ရွှေကျင်ယူခွင့် တို့ကို မြန်မာ အစိုးရက  ဝ တပ်ဖွဲ့အား လုပ်ကိုင်ခွင့်ပေးရာမှ ဝ တပ်ဖွဲ့ နှင့် RCSS/SSA တို့ ထိပ်တိုက်ရင် ဆိုင်မှုဖြစ်ပွါးခဲ့ခြင်းဖြစ် သည်။

၎င်းတပ်ဖွဲ့နှစ်ခုလုံးသည် နေပြည်တော် အစိုးရနှင့် ပြည်ထောင်စုအဆင့် ငြိမ်းချမ်းရေးလက်မှတ်ထိုး ထားသည့် တပ်ဖွဲ့များဖြစ်ကြသည်။
သျှမ်းသံတော်ဆင့်

ဘီဘီစီညွှန်ချုပ် သမ္မတဦးသိန်းစိန်နဲ့ တွေ့

မြန်မာနိုင်ငံရောက် ဘီဘီစီညွှန်ချုပ် တိုနီဟောလ်

ဘီဘီစီ ညွှန်ကြားရေးမှူးချုပ် တိုနီဟောလ် ဦးဆောင်ပြီး၊ ဘီဘီစီ သတင်းဌာန အကြီးအကဲ၊ ဘေဂျင်းဗြူရို အကြီးအကဲ၊ မြန်မာနိုင်ငံ အခြေစိုက် ဘီဘီစီ သတင်းထောက် နဲ့ အတူ မြန်မာဌာနမှူး ဒေါ်တင်ထားဆွေ တို့ဟာ ဧပြီလ ၈ ရက်နေ့ က နေပြည်တော်မှာ သမ္မတ ဦးသိန်းစိန် နဲ့ တွေ့ဆုံခဲ့ပါတယ်။

ဒီအခါမှာ မြန်မာ့နိုင်ငံရေး၊ စီးပွားရေး နဲ့ နိုင်ငံတော် ဖွဲ့စည်းပုံအခြေခံဥပဒေ ပြင်ဆင်ရေး စတာတွေ အပြင်၊ သတင်း မီဒီယာ ကိစ္စရပ်တွေ ဆွေးနွေးကြပါတယ်။ မြန်မာ့အသံ ကို အများပြည်သူ ဝန်ဆောင်မှု ပြုနိုင်အောင် ကြိုးစား နေချိန်မှာ သတင်းထောက် တွေ ရဲ့ အရည်အသွေး လည်း မြှင့်တင်ဖို့ လိုတဲ့ အတွက်၊ သင်တန်း တွေ တက်ဖို့ လိုကြောင်း၊ ဒါ ကို ဘီဘီစီ အနေနဲ့ သင်တန်းပေးနိုင်ရေး ကို သမ္မတ ဦးသိန်းစိန် က တင်ပြ ဆွေးနွေးပါတယ်။

သမ္မတ ဦးသိန်းစိန် အနေနဲ့ လွတ်လပ်တဲ့ မီဒီယာ ကို လက်ခံနိုင်တဲ့ အနေအထားရှိတယ် လို့ ယူဆနိုင်ပေမဲ့၊ စနစ်တခု ကနေ စနစ်တခု ပြောင်းရာမှာ ခြေလှမ်းတိုင်း သတိထားရမဲ့ အချက် ကို ထောက်ပြကြောင်း၊ ဒေါ်တင်ထားဆွေ က ရှင်းပြပါတယ်။

ပြန်ကြားရေး ဝန်ကြီး ဦးအောင်ကြည် နဲ့ ဘီဘီစီ ညွှန်ကြားရေးမှူးချုပ် တိုနီဟောလ် တွေ့ဆုံရာ မှာလည်း မြန်မာ့ အသံမှ သတင်းထောက်တွေ ကို ဘီဘီစီ မှာ လေ့လာခွင့် ပြုစေတဲ့ အခါမှာ၊ စီမံခန့်ခွဲရေး အပိုင်း၊ သတင်း တင်ပြ တည်းဖြတ်မှု စတာတွေ အပါအဝင် ဖြစ်ကြောင်း ပြောဆိုပါတယ်။ ဘီဘီစီ ဘက်ကလည်း မြန်မာ့ အသံမှာ လာရောက်လေ့လာရင်၊ နှစ်ဘက်စလုံးနားလည်မှု၊ ယုံကြည်မှု တွေ ပိုမို တည်ဆောက် လာနိုင်ပုံတွေ ဆွေးနွေးကြောင်းလည်း ဒေါ်တင်ထားဆွေ က ပြောပါတယ်။
BBC

တစ်နိုင်ငံလုံး အပစ်ရပ် ပထမ မူကြမ်း သဘောတူကြပြီ

ဓာတ်ပုံ- ဂျေပိုင်/ ဧရာဝတီ
ရန်ကုန်မြို့ ငြိမ်းချမ်းရေး စင်တာမှာ ၄ ရက်ကြာ အစိုးရ၊ စစ်တပ်၊ တိုင်းရင်းသား လက်နက်ကိုင် အဖွဲ့ ကိုယ်စားလှယ်တွေရဲ့ တနိုင်ငံလုံး အတိုင်းအတာ အပစ်အခတ်ရပ်စဲရေးဆိုင်ရာ ပထမ မူကြမ်း ဆွေးနွေး ပွဲ အောင်မြင်စွာ ပြီးဆုံး ပြီး တနိုင်ငံလုံးဆိုင်ရာ အပစ်အခတ်ရပ်စဲရေး ပထမမူကြမ်း ကို သဘောတူလိုက်ပြီ
ဖြစ်ပါတယ်။


လာမယ့် မေလမှာတော့ ဆက်လက်တွေ့ဆုံမှုတွေ လုပ်ပြီး အပစ်အခတ်ရပ်စဲရေး အခြေခံ မူကြမ်းကို အချော သတ်နိုင်မှာလည်းဖြစ်ပြီး ဒီကနေ့ ဆွေးနွေးပွဲအပြီး ပူးတွဲကြေညာချက် တစောင် ထုတ်ပြန်ခဲ့ပါတယ်။

ပြောရမယ်ဆိုရင် အဓိက ကျတဲ့ အချက်တွေအတွက် သဘောတူညီမှုတွေ ရဖို့ လိုအပ်နေဆဲဖြစ်ပါတယ်။

                                                   ပူးတွဲသတင်းထုတ်ပြန်ချက်

                                 ၂၀၁၄ခုနှစ်၊ ဧပြီလ ၈ ရက် ၊ရန်ကုန်မြို့

၁။၂၀၁၄ခုနှစ်၊ဧပြီလ၅ရက်နေ့မှ၈ရက်နေ့အထိ မြန်မာနိုင်ငံငြိမ်းချမ်းရေးပြန်လည်ထူထောင်ရေး လုပ်ငန်းဗဟိုဌာန (MPC) ၌ ပြည်ထောင်စုငြိမ်းချမ်းရေး ဖော်ဆောင်ရေးလုပ်ငန်းကော်မတီ (UPWC) နှင့် “တစ်နိုင်ငံလုံးအပစ်အခတ်ရပ်စဲရေးဆိုင်ရာညှိနှိုင်းရေးအဖွဲ့” (NCCT) မှ ကိုယ်စားလှယ်များသည် ပွင့်လင်းရင်းနှီးစွာဖြင့် အကြေအလည် ဆွေးနွေးခဲ့ကြပါသည်။

၂။ ဆွေးနွေးပွဲသို့ သီးခြားဖိတ်ကြားထားသော အဖွဲ့ (၅) ဖွဲ့ဖြစ်သည့် ABSDF, NDAA, NSCN-K, RCSS-SSA, UWSA တို့မှကိုယ်စားလှယ်များ စုံညီစွာတက်ရောက်ခဲ့ကြကာ ၄င်းတို့၏သဘောထား များကို ဆွေးနွေးခဲ့ကြပါသည်။

၃။ အားလုံးသဘောတူညီသည့် တစ်ခုတည်းသော တစ်နိုင်ငံလုံးဆိုင်ရာ အပစ်အခတ်ရပ်စဲရေး သဘောတူညီချက်(Single Text)မူကြမ်း တစ်စောင် ရရှိရေးအတွက် ယခင်ဆွေးနွေးပွဲမှ အတည်ပြု ခဲ့သော ခေါင်းစဉ်များဖြစ်သည့်နိဒါန်းနှင့်အခန်း(၇)ခန်းကိုအသေးစိတ်အချိန်ယူဆွေးနွေး ခဲ့ ကြပါသည်။ တစ်ခုတည်းသော သဘောတူညီချက် (Single Text) (ပထမမူကြမ်း)ကို သဘောတူညီခဲ့ကြပါသည်။

၎။ နှစ်ဖက်ကိုယ်စားလှယ်များမှ၂၀၁၄ခုနှစ်၊ မေလပထမအပတ်တွင်ထပ်မံတွေ့ဆုံ ဆွေးနွေးရန် သဘောတူညီခဲ့ကြပါသည်။

၅။ နှစ်ဖက်ကိုယ်စားလှယ်များအားလုံးသည် တစ်နိုင်ငံလုံး အပစ်အခတ်ရပ်စဲရေး သဘောတူ စာချုပ်ကို လက်မှတ်ရေးထိုးနိုင်ရေး နှင့် နိုင်ငံရေးတွေ့ဆုံဆွေးနွေးပွဲများအမြန်ဆုံး ပေါ်ပေါက်လာအောင် ဆက်လက် ၀ိုင်းဝန်း ကြိုးပမ်းဆောင်ရွက်သွားကြရန် သဘောတူညီခဲ့ကြ ပါသည်။












ဧရာဝတီ

ရိုဟင်ဂျာအရေး ကန်အမတ်တွေ တောင်းဆိုမှု မြန်မာအစိုးရတုံ့ပြန်

 

26.03.2014

အမေရိကန် အောက်လွှတ်တော် အမတ်တွေက ရိုဟင်ဂျာတွေကို တိုင်းရင်းသားအဖြစ် အသိအမှတ်ပြုပြီး နိုင်ငံသားအဆင့်
ပေးဖို့ မြန်မာအစိုးရအပေါ် တောင်းဆိုတာဟာ မြန်မာပြည်ရဲ့ နောက်ခံ နိုင်ငံရေးသမိုင်းကို တိတိကျကျ လေ့လာမှုမရှိဘဲ ပြောဆိုတာသာ ဖြစ်တယ်လို့ မြန်မာ အစိုးရရဲ့ ပြောခွင့်ရသူက တုံ့ပြန်လိုက်ပါတယ်။

ဒီအရေးကိစ္စဟာ မြန်မာပြည်ရဲ့ ပြည်တွင်းရေး ကိစ္စဖြစ်တာကြောင့် ပြင်ပက ဖိအားပေး ဆောင်ရွက်တာမျိုးကိုလည်း လက်ခံမှာ မဟုတ်ဘူးလို့ ပြောပါတယ်။ အပြည့်အစုံကိုတော့ ရန်ကုန်အခြေစိုက် ဗွီအိုအေ (မြန်မာပိုင်း) အစီအစဉ် သတင်းထောက် ကိုမိုးဇော် က သတင်းပေးပို့ထားပါတယ်။

မြန်မာအစိုးရက ဘင်္ဂါလီ လို့ ခေါ်ဆိုသုံးစွဲနေတဲ့ ရခိုင်ပြည်နယ် မြောက်ပိုင်းဒေသက အစ္စလာမ် ဘာသာဝင်တွေကို တိုင်းရင်းသားအဖြစ် ချက်ချင်း အသိအမှတ်ပြုပြီး နိုင်ငံသားအဆင့် ပေးဖို့အတွက် အမေရိကန် အောက်လွှတ်တော် နိုင်ငံခြားရေး ဆက်ဆံရေးကော်မတီ ကြားနားပွဲမှာ အင်္ဂါနေ့က ဆွေးနွေး တောင်းဆိုခဲ့တာ ဖြစ်ပါတယ်။ ဒီတောင်းဆိုမှုအပေါ်မှာတော့ မြန်မာအစိုးရရဲ့ ပြောရေးဆိုခွင့်ရှိသူ ပြန်ကြားရေးဝန်ကြီးဌာန ဒုဝန်ကြီး ဦးရဲထွဋ်က အခုလို တုံ့ပြန် ပြောဆိုပါတယ်။

“အဲ့ဒီမှာ ပြဿနာက တိုင်းရင်းသား လူနည်းစုဆိုတဲ့ ကိစ္စနဲ့ နိုင်ငံသားဖြစ်မှုဆိုတဲ့ ကိစ္စနှစ်ခုကို လာပေါင်းလို့ မရဘူး။ ၈၂ ခုနှစ် နိုင်ငံသားဖြစ်မှုဥပဒေနဲ့ ကိုက်ညီတဲ့ ဘင်္ဂါလီ မှန်သမျှ နိုင်ငံသားဖြစ်ခွင့်အတွက် ဆောင်ရွက်ပေးမယ်ဆိုတာ ကျနော်တို့က အမြဲတမ်း ပြောခဲ့ပြီးသားပဲ။ တိုင်းရင်းသားဖြစ်ခွင့်ဆိုတာက ဗြိတိသျှလက်ထက်မှာ သန်းခေါင်စာရင်း ကောက်ကတည်းကိုက သူတို့ကို တိုင်းရင်းသားအဖြစ် သတ်မှတ်ခဲ့တာ မဟုတ်ဘူး။ အဲ့ဒီစကားလုံးဆိုတာလည်း ဒါ ၁၉၅၀ လောက်ကမှ စပြီး ပေါ်လာတဲ့ စကားလုံးကြီး။ အဲ့ဒီနှစ်ခုကို ခွဲခွဲခြားခြား နားမလည်ဘဲနဲ့ ပေါင်းပြီးတော့ ထည့်တာတော့ သူတို့ဟာသူတို့ ဒီ ပြည်တွင်းနိုင်ငံရေးအရ lobby group တွေရဲ့ အလိုကျ လိုက်လုပ်တာလို့ပဲ ပြောရမှာပဲ။ ကျနော်တို့ကတော့ ဘာမှ အလေးထားပြီး လိုက်လုပ်ပေးစရာ မလိုပါဘူး။ အမေရိကန်က လွှတ်တော်အမတ်တွေက သူများနိုင်ငံရဲ့အကြောင်းကို ပြောမယ်ဆိုရင် အဲ့ဒီနိုင်ငံမှာဖြစ်နေတဲ့ ပြဿနာတွေရဲ့ နောက်ကြောင်းတို့၊ အကြောင်းရင်းခံတို့ကို တိတိကျကျ လေ့လာပြီးမှ ပြောသင့်တာပေါ့ဗျာ။”

အမေရိကန် အောက်လွှတ်တော်အမတ်တွေက ရိုဟင်ဂျာ မူဆလင်တွေနဲ့ တခြားလူနည်းစုတွေအပေါ် ပြုမူဆက်ဆံတာတွေ တိုးတက်အောင်မလုပ်ရင်
မြန်မာပြည်ရဲ့ ပြုပြင်ပြောင်းလဲရေး ရည်မှန်းချက်ဟာ ပြည့်မီမှာမဟုတ်ကြောင်းနဲ့ လူ့အခွင့်အရေး အခြေအနေတွေ တိုးတက်ဖို့ နိုင်ငံတကာက လိုအပ်တဲ့ နည်းလမ်းတွေသုံးပြီး ဖိအားပေး ဆောင်ရွက်ဖို့ကိုလည်း တောင်းဆိုထားပါတယ်။

ဒီအပေါ်မှာတော့ ပြန်ကြားရေးဝန်ကြီးဌာန ဒုဝန်ကြီး ဦးရဲထွဋ်က အခုလို ပြောပါတယ်။

“နိုင်ငံတကာက ဖိအားပေးလို့လည်း မရပါဘူး။ ဒါ ကျနော်တို့ရဲ့ ပြည်တွင်းရေး ကိစ္စပဲ။ ကျနော်တို့ရဲ့ အချုပ်အခြာ အာဏာပိုင်တဲ့ကိစ္စပဲ။ အမေရိကန်နိုင်ငံမှာ လုပ်နေတဲ့ လူဝင်မှုကြီးကြပ်ရေး ပြဿနာကို ကျနော်တို့က ဖိအားပေးလို့ မရသလို၊ ကျနော်တို့နိုင်ငံက လူဝင်မှုကြီးကြပ်ရေး ပြဿနာ၊ နိုင်ငံသားဖြစ်မှု ဆိုင်ရာ ပြဿနာကို ဘယ်သူကမှ လာပြီးတော့ ဖိအားပေးလို့ မရပါဘူး။ ကျနော်တို့မှာ လူ့အခွင့်အရေးနဲ့ မညီလို့ အကြံပြုချင်တယ်ဆိုရင်တော့
ပြုလို့ရမယ်။ ဒါလောက်ပဲ။”

ရန်ကုန်တိုင်းဒေသကြီးက ရခိုင်တိုင်းရင်းသားရေးရာဝန်ကြီး ဦးဇော်အေးမောင်ကတော့ ပထ၀ီနိုင်ငံရေးအရ မြန်မာပြည်ရဲ့ တိုင်းရင်းသားအရေးဟာ အရေးကြီးကြောင်း အခုလို ပြောပါတယ်။

“ကျနော်တို့နိုင်ငံမှာ တိုင်းရင်းသားလူမျိုး ၈ မျိုးရှိတယ်။ အဲ့ဒီရဲ့အောက်မှာ တိုင်းရင်းသားလူမျိုး ၁၃၅ မျိုးရှိတယ်။ အဲ့ဒီထဲမှာ ရိုဟင်ဂျာဆိုတာလည်း မရှိဘူး။ ရိုဟင်ဂျာဆိုတာ ပါလည်းမပါဘူး။ ကျနော်တို့နိုင်ငံရဲ့ ပထ၀ီဝင် အနေအထားအရ အနောက်ဘက်မှာ ဧရိယာမိုင်အားဖြင့် မကွေးတိုင်းသာသာလောက်ပဲရှိတယ်။ လူဦးရေက သန်း ၁၆၀ ကျော်နေပြီ။ population က အရမ်းကို ကြီးထွားနေတယ်။ ပြီးတော့ အဲ့ဒီအထက်မှာ အိန္ဒိယရှိတယ်။ သန်း ၁၃,၀၀ ကျော်နေပြီ။ အရှေ့ဘက်မှာ တရုတ်နိုင်ငံရှိတယ်။ တရုတ်နိုင်ငံက သန်း ၁၆,၀၀ ကျော်ရှိတယ်။ အဲဒီလိုမျိုး လူဦးရေများပြားလွန်းတဲ့ နိုင်ငံကြီးတွေကြား ထဲမှာနေတဲ့ ကျနော်တို့ နိုင်ငံရဲ့ တိုင်းရင်းသားလူမျိုးတွေအရေးဟာ သိပ်ကို အရေးကြီးတယ်။ တနိုင်ငံနဲ့တနိုင်ငံ ပထ၀ီ နိုင်ငံရေးမတူဘဲနဲ့ သူတို့က ဒါမျိုး သေချာ မလေ့လာဘဲနဲ့ ဒါမျိုး မလုပ်သင့်ဘူးလို့ ကျနော် မြင်ပါတယ်။
နောက်တခုက ဒါဟာ တနိုင်ငံရဲ့ အချုပ်အခြာ အာဏာကို တနိုင်ငံက ၀င်ရောက် စွက်ဖက်တာဖြစ်နေတယ်။”

ဘူးသီးတောင်၊ မောင်တော မူဆလင်ဒေသခံတွေကို အခြေခံထားတဲ့ ဒီမိုကရေစီနဲ့ လူအခွင့်အရေးပါတီရဲ့ အတွင်းရေးမှူး ဦးကျော်စိုးအောင်ကတော့ သူတို့တွေဟာ မြန်မာပြည် လွတ်လပ်ရေးရပြီး ၁၉၄၇ ဥပဒေရေးဆွဲစဉ်ကတည်းက တိုင်းရင်းသားအဖြစ် ပါဝင်ခဲ့တာဖြစ်တယ်လို့ ပြောပါတယ်။

“ကျနော်တို့ တိုင်းပြုပြည်ပြု လွှတ်တော်မှာ ဗိုလ်ချုပ်အောင်ဆန်းက ဖွဲ့စည်းပုံအခြေခံဥပဒေ ရေးဆွဲဖို့ ခေါ်တဲ့နေရာမှာ တိုင်းရင်းသားလူမျိုးတွေနဲ့အတူတူ ကျနော်တို့ ရိုဟင်ဂျာဒေသကို ကိုယ်စားပြုတဲ့ ကျနော့်အဖေရယ်၊ နောက် မောင်တောက တယောက်ရယ်၊ တိုင်းရင်းသားလူမျိုးကိုယ်စားပြုတဲ့အထဲမှာ နှစ်ဦးပါတယ်။ ဖွဲ့စည်းပုံ အခြေခံဥပဒေ ရေးဆွဲတဲ့နေရာမှာ။ ဦးနေ၀င်း အာဏာတက်လာပြီး တတိုင်းပြည်လုံးမှာ လူတွေအားလုံး အခွင့်အရေး ဆုံးရှုံးတဲ့နေရာမှာ ကျနော်တို့ ရိုဟင်ဂျာလူမျိုးတွေကလည်း ထိပ်ဆုံးကနေ လူ့အခွင့်အရေး ဆုံးရှုံးခံရတယ်။ အဲ့ဒီနောက်ပိုင်း ၁၉၈၈၊ 88 နောက်ပိုင်းကျတော့ ၂၀၁၀ ပြည့်က အဆိုးဆုံးပေါ့ဗျာ။ နောက်ဆုံး အခု ရိုဟင်ဂျာက တိုင်းရင်းသားမဟုတ်ဘူး။ ရိုဟင်ဂျာဆိုတာ သမိုင်းမှာမရှိဘူးဆိုပြီးတော့ တချို့သော ပုဂ္ဂိုလ်တွေက ပြောနေတယ်။ အဲ့ဒါတွေကိုတော့ ကျနော်တို့က လက်မခံဘူး။”

ဦးကျော်စိုးအောင်က သူတို့ဒေသက လူထုတွေဟာ လက်ထပ်ထိမ်းမြားခွင့်၊ ခရီးသွားလာခွင့်၊ ပညာရေး၊ ကျန်းမာရေး၊ စီးပွားရေး စတဲ့ အခွင့်အရေးတွေ ဆုံးရှုံးနေရတယ်လို့ ပြောဆိုပေမဲ့  မြန်မာအစိုးရဘက်ကတော့ လူမျိုး၊ ဘာသာ ခွဲခြားပြီး ဆက်ဆံတာ မရှိကြောင်း ပြောပါတယ်။

လောလောဆယ်မှာတော့ မကြာမီ စတင်တော့မယ့် သန်းခေါင်စာရင်း
ကောက်ယူရာမှာ ရိုဟင်ဂျာလူမျိုးအမည် မထည့်သွင်းဖို့အတွက် ရခိုင်တိုင်းရင်းသားမျိုးနွယ်စု ၇ စုက တောင်းဆိုထားပါတယ်။

ဒီကနေ့ နေ့ခင်းပိုင်းမှာတော့ ဘူးသီးတောင်၊ မောင်တော နယ်တွေမှာ ပြည်သူ့ဆန္ဒ ကောက်ခံပြီး ဘင်္ဂလားဒေ့ရ်ှနဲ့ ပူးပေါင်းရေး အကြံပြု ရေးသားထားတဲ့ ဘင်္ဂလားဒေ့ရှ် နိုင်ငံထုတ် Dhaka Tribune သတင်းစာပါ ဆောင်းပါးနဲ့ပတ်သက်ပြီး ရန်ကုန်မြို့မှာ လူ ၂၀၀၀ လောက် ကန့်ကွက်ဆန္ဒပြခဲ့ပါတယ်။ 

ကိုမိုးဇော် VOA

DVB သတင်းထောက်နဲ့ သတင်းပေး ထောင် ၁ နှစ်စီချ

 မကွေးအခြေစိုက် ဒီမိုကရက်တစ်မြန်မာ့အသံ DVB ရဲ့ သတင်းထောက် ကိုဇော်ဖေ ခေါ် ကိုသူရသက်တင်နဲ့ သတင်းပေး ကိုဝင်းမြင့်လှိုင် ကို မကွေးမြို့နယ် တရားရုံးက ပုဒ်မ ၃၅၃၊ ဝတ္တရား နှောင့်ယှက်မှု၊ ပုဒ်မ (၄၄၈) ပိုက်နက် ကျူးလွန်မှုတွေနဲ့ ထောင်ဒဏ် ၁နှစ်စီ ချမှတ်လိုက်ပါတယ်။

၂၀၁၂ ခုနှစ် ကတည်းက မြို့နယ် ပညာရေးမှုးကနေ စွဲဆိုထားတဲ့အမှုကို ၂နှစ် နီးပါး ရှိကာမှ အခုလို စီရင်ချက် ချလိုက်တာ ဖြစ်ပါတယ်။ ဂျပန်နိုင်ငံကပေးတဲ့ ပညာသင်ဆုနဲ့ ပတ်သက်ပြီး မကွေးမြို့နယ်ပညာရေးမှူး ရုံးကို ဝင်ရောက် သတင်းယူ ရိုက်ကူးခဲ့တာမှာ မြို့နယ် ပညာရေးမှူးက တရားလို လုပ်ပြီး အမှုဖွင့် တိုင်ကြားခဲ့တာ ဖြစ်ပါတယ်။

အခုလို သတင်းထောက် တစ်ဦးကို သတင်းယူမှု အတွက် ထောင်ဒဏ် ချမှတ် ခံရတာဟာ တရားမျှတမှု မရှိတဲ့ အတွက် ဥပဒေ ကြောင်းအရ အယူခံ အဆင့်ဆင့် ဝင်သွားမယ့်အကြောင်း ဒီဗီဘီ သတင်းဌာနရဲ့ မြန်မာပြည် တာဝန်ခံ ဦးတိုးဇော်လတ်က ပြောပါတယ်။

အခုနောက်ပိုင်း သတင်းထောက်တွေအပေါ် တရားစွဲဆို ထောင်ချတာတွေနဲ့ သတင်းရယူမှု ကန့်သတ် လာတာတွေဟာ ပြုပြင် ပြောင်းလဲရေးကို သွားနေပါတယ် ဆိုတဲ့ အစိုးရရဲ့ ပုံရိပ်ကို ထိခိုက်စေတယ် လို့လည်း ဦးတိုးဇော်လတ်က မှတ်ချက်ပြုခဲ့ပါတယ်။

မြန်မာနိုင်ငံက အာဆီယံ ဥက္ကဌလို တာဝန်မျိုးတွေ ယူနေတဲ့ အခုလို အချိန်မျိုးနဲ့ အထွေထွေ ရွေးကောက်ပွဲ ကာလ တဖြည်းဖြည်း နီးကပ်လာချိန်မှာ အစိုးရ အနေနဲ့ နိုင်ငံအတွင်း သတင်း လွတ်လပ်ခွင့်တွေ ရှိတယ်ဆိုတာ ပိုမို ပြသဖို့ လိုအပ်တယ် ဆိုပြီး ဦးတိုးဇော်လတ်က ပြောပါတယ်။

အခုဆိုရင် နိုင်ငံခြားသား သတင်းထောက်တွေကို ပြည်ဝင်ခွင့် ဗီဇာ သက်တမ်းတိုးမပေးတာ သတင်းလွတ်လပ်ခွင့်ကို ချုပ်ကိုင်လာတွေနဲ့ သတင်းထောက်တွေကို တရားစွဲဆို ထောင်ချမှုတွေဟာ တိုင်းပြည်ရဲ့ စတုတ္တ မဏ္ဍိုင် ဆိုတဲ့ သတင်း မီဒီယာရဲ့ ရရှိလာကာစ လွတ်လပ်ခွင့်ဟာ ပြန်လည် ဆုံးရှုံးလာ နေပြီလားလို့ မေးခွန်းထုတ်မှုတွေ ရှိနေပါတယ်။
BBC

နိုင်ငံဖွံ့ဖြိုးမှုနှုန်းသည် ပညာရေးဖွံ့ဖြိုးမှုအပေါ် အမှီပြုနေ၍ စာတတ်မြောက်ရေးလှုပ်ရှားမှုကို လူထုလှုပ်ရှားမှုအသွင်ဖြင့် တက်ကြွစွာ အကောင်အထည်ဖော်ရန် သမ္မတတိုက်တွန်း

စဥ့်ကိုင်မြို့နယ်၌ ကျင်းပသည့် အခြေခံစာတတ်မြောက်ရေး လှုပ်ရှားမှုဖွင့်ပွဲတွင် နိုင်ငံတော်သမ္မတက ဒေသခံများကို နှုတ်ဆက်နေစဉ်

  April 7, 2014
စာတတ်မြောက်ရေး လှုပ်ရှားမှုကို အမျိုးသားရေး တာဝန်တစ်ရပ်အဖြစ် ခံယူပြီး လူထုလှုပ်ရှားမှုအသွင်ဖြင့် တက်ကြွစွာ အကောင်အထည်ဖော် ဆောင်ရွက်ရန် ဧပြီ ၆ ရက်က မန္တလေးတိုင်းဒေသကြီး ကျောက်ဆည်ခရိုင်၊ စဥ့်ကိုင်မြို့နယ် မိုးကောင်းကျေးရွာအုပ်စု စံပြရွာ၌ ကျင်းပသည့် ၂၀၁၄ ခုနှစ် အခြေခံစာတတ်မြောက်ရေး လှုပ်ရှားမှုဖွင့်ပွဲ အခမ်းအနားတွင် နိုင်ငံတော်သမ္မတ ဦးသိန်းစိန်က တိုက်တွန်းပြောကြားခဲ့သည်ဟု ဧပြီ ၆ ရက်ညပိုင်းက မြန်မာ့ရုပ်မြင်သံကြားမှ သတင်းဖော်ပြချက်အရ သိရသည်။

နိုင်ငံတစ်နိုင်ငံ၏ ဖွံ့ဖြိုးတိုးတက်မှုနှုန်းသည် ယင်းနိုင်ငံ၏ စာတတ်မြောက်မှုနှုန်းနှင့် ပညာရေး ဖွံ့ဖြိုးတိုးတက်မှုပေါ်တွင် လုံးဝအမှီသဟဲ ပြုနေသည့်အတွက် ပညာရေးအဆင့်အတန်းနှင့် အရည်အသွေး မြင့်မားလာစေရန် ပညာရေးကဏ္ဍ ပြုပြင်ပြောင်းလဲရေး လုပ်ငန်းများကို ဆောင်ရွက်လျက်ရှိကြောင်း၊ နိုင်ငံတော် ဖွဲ့စည်းပုံအခြေခံဥပဒေတွင် မသင်မနေရ အခမဲ့ မူလတန်းပညာရေးကို အကောင်အထည်ဖော်ရန် ပြဋ္ဌာန်းထားပြီး ယင်းသို့ အကောင်အထည်ဖော်ရာတွင် လူတိုင်း အခြေခံစာတတ်မြောက်ရေး လုပ်ငန်းသည် တစ်ခုအပါအ၀င် ဖြစ်သည်ဟု နိုင်ငံတော်သမ္မတက ပြောကြားသည်။

စာတတ်မြောက်ရေး လှုပ်ရှားမှုသည် ကျေးလက်ဒေသ ဖွံ့ဖြိုးရေးနှင့် ဆင်းရဲမှုလျှော့ချရေး လုပ်ငန်းများတွင် အခြေခံအကျဆုံးနှင့် အရေးပါဆုံးအဖြစ် အလေးထားအားပေး မြှင့်တင်ဆောင်ရွက်ရမည် ဖြစ်သည်ဟု သမ္မတဦးသိန်းစိန်က ပြောကြားသည်။

မြန်မာနိုင်ငံသည် တိုင်းရင်းသား လူမျိုးပေါင်းစုံနှင့် ဖွဲ့စည်းထားသည့် ပြည်ထောင်စုနိုင်ငံတော်ကြီး ဖြစ်သည်နှင့်အညီ အမျိုးသားပညာရေး အဆင့်အတန်း မြင့်မားတိုးတက်အောင် ကြိုးပမ်းဆောင်ရွက်ရာတွင် တိုင်းရင်းသားလူမျိုး အသီးသီး၏ ယဉ်ကျေးမှု၊ ဓလေ့ထုံးစံ၊ ဘာသာစကားများကိုပါ ဖွံ့ဖြိုးတိုးတက်ခြင်း ဖြစ်ထွန်းလာအောင် အားပေးမြှင့်တင်ရမည် ဖြစ်သည်ဟုလည်း သမ္မတက ပြောကြားသည်။

မြန်မာနိုင်ငံတွင် စာမတတ်သူဦးရေ စာရင်းကောက်ယူပြီး အပိုင်းနှစ်ပိုင်းခွဲခြား ဆောင်ရွက်လျက်ရှိရာ အသက် ၁၅ နှစ်အောက် မူလတန်းကျောင်းနေအရွယ် ကလေးများအနက် အကြောင်းအမျိုးမျိုးကြောင့် ကျောင်းနေခွင့် မရရှိသူများအတွက် မူလတန်းပညာ ပြီးမြောက်အောင် သင်ယူခွင့် လမ်းဖွင့်ပေးထားသည့် ကျောင်းပြင်ပ မူလတန်းပညာရေး အကောင်အထည်ဖော် ဆောင်ရွက်ပေးလျက်ရှိကြောင်း၊ ကျောင်းနေအရွယ်လွန် စာမတတ်သူများအတွက် ကျောင်းပြင်ပပညာရေး အစီအစဉ်ဖြင့် အခြေခံစာတတ်မြောက်ရေး လုပ်ငန်းများကို အကောင်အထည်ဖော် ဆောင်ရွက်လျက်ရှိသည်ဟုလည်း သမ္မတဦးသိန်းစိန်က ပြောကြားသည်။
အောင်ဇော်ထွန်း Eleven Media group

အပစ်ရပ်စဲရေး ပထမမူကြမ်း အားရဖွယ်ရှိ

မြန်မာငြိမ်းချမ်းရေးစင်တာမှာ ကျင်းပနေတဲ့အပစ်ရပ်စဲရေး ဆွေးနွေးပွဲမြင်ကွင်း။ 
07.04.2014

အစိုးရနဲ့ တိုင်းရင်းသားလက်နက်ကိုင်အဖွဲ့အစည်းတွေရဲ့ တနိုင်ငံလုံးအပစ်အခတ်ရပ်စဲရေး စာချုပ်မူကြမ်းရေးဆွဲရေးဆွေးနွေးပွဲရဲ့ တတိယနေ့မှာ စာချုပ်ပါအခန်း အတော်များများကို ဆွေးနွေးပြီးစီးသွားပြီး မနက်ဖြန် နေ့ခင်းလောက်မှာတော့ ပထမမူကြမ်းကို အပြီးရေးဆွဲနိုင်မှာဖြစ်ကြောင်း ဒီကနေ့ သတင်းထုတ်ပြန်ပါတယ်။ ဒီကနေ့ထိ ပြီးဆုံးသွားတဲ့ ဆွေးနွေးပွဲအပေါ်မှာတော့ နှစ်ဖက် အားရကျေနပ်မှုရှိကြောင်းလည်း တိုင်းရင်းသား လက်နက်ကိုင် အဖွဲ့တွေရဲ့ ခေါင်းဆောင်က ပြောပါတယ်။ သတင်းအပြည့်အစုံကို ဗွီအိုအေ မြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

တပြည်လုံး အပစ်အခတ်ရပ်စဲရေးစာချုပ်မူကြမ်းရရှိရေး မူလက ၂ ရက်ဆွေးနွေးဖို့ သတ်မှတ်ခဲ့ပေမဲ့ ဒီကနေ့ ထိမပြီးပြတ်သေးဘဲ မနက်ဖြန်ထိ ဆက်လက် ဆွေးနွေးဖို့ ရှိနေတာဖြစ်ပါတယ်။ ဒီနေ့ မနက် ၉ နာရီကနေ ညနေ ၅ နာရီထိ ဆွေးနွေးပွဲအပြီးမှာတော့ စာချုပ်မူကြမ်းပါ အခန်း ၇ ခန်းအနက် ၅ ခန်း လောက်ကို နှစ်ဖက် ညှိနှိုင်းဆွေးနွေးနိုင်ခဲ့တယ်လို့ မြန်မာငြိမ်းချမ်းရေးစင်တာက အကြီးတန်းအကြံပေး ဦးလှမောင်ရွှေက သတင်းစာရှင်းလင်းပွဲမှာ အခုလို ပြောဆိုပါတယ်။

“စုစုပေါင်း နှစ်ဘက် ပြီးခဲ့တဲ့ အစည်းအဝေးတွေမှာ သဘောတူထားတာက နိဒါန်းရယ်၊ အခန်း (၇) ခန်းရယ် ရှိပါတယ်။ ဒီနေ့ကတော့ အခန်း (၅) ရဲ့ နောက်ဆုံးတပိုဒ်ပဲ ကျနော်တို့ ဆွေးနွေးဖို့ ကျန်ပါတော့တယ်။ မနက်ဖြန်မှာ အခန်း (၅) တပိုဒ်နဲ့ အခန်း (၆)၊ အခန်း (၇) ကို ဆက်ပြီး ဆွေးနွေးပါမယ်။ ဒီမူကြမ်းအနေနဲ့ မနက်ဖြန် နေ့လည်စာ စားချိန်လောက်မှာလည်း ဒီအစည်းအဝေးက ပြီးကောင်းလည်း ပြီးနိုင်ပါတယ်။ ဒီနေရာမှာတော့ နှစ်ဘက် သဘောတူထားတာက အခု ရထားတဲ့ဟာက နှစ်ဘက်သဘောတူတဲ့ မူကြမ်း ပထမအဆင့်ဖြစ်တဲ့အတွက် ဒါတွေထဲက တချို့အချက်အလက်တွေကိုတော့ ပြန်ပြီးတော့ ညှိနှိုင်းဖို့တော့ ကျန်ပါတယ်။ အဲဒီရက်တွေကိုတော့ မနက်ဖြန် ပြီးတဲ့အချိန်မှာ နှစ်ဘက် ခေါင်းဆောင်တွေက ထုတ်ပြန်ပါမယ်။”

ရရှိထားတဲ့ မူကြမ်းကို အချောသပ်ရေးဆွဲနိုင်ဖို့ အတွက် လိုအပ်ချက်ကိုတော့ ဦးလှမောင်ရွှေက အခုလို ဆက်ပြောပါတယ်။

“ဆွေးနွေးတဲ့ အခက်အခဲ ဘာတစ်ခုမှ မရှိပါဘူး။ ကျနော်တို့လိုအပ်တာကတော့ အချိန်ရယ်၊ နောက် သဘောထားကိုတော့ နှစ်ဘက်မှာ ညှိနှိုင်းဖို့ တချို့ဟာလေးတွေ ကျန်ပါတယ်။”

တိုင်းရင်းသားလက်နက်ကိုင်အဖွဲ့ ၁၆ ပါဝင်ဖွဲ့စည်းထားတဲ့ တနိုင်ငံလုံးအပစ်အခတ်ရပ်စဲရေးညှိနှိုင်းရေးအဖွဲ့ရဲ့ ဒု အဖွဲ့ခေါင်းဆောင် ပဒို စောကွယ်ထူးဝင်းကတော့ ဒီကနေ့ ပြီးဆုံးသွားတဲ့ ဆွေးနွေးပွဲအထိမှာ အားရကျေနပ်တယ်လို့ သတင်းစာရှင်းလင်းပွဲမှာ အခုလို ပြောပါတယ်။

“ပြန်လည်ပြီးတော့ ဆွေးနွေးရမယ့် အချက်တွေ ရှိနေတယ်။ သဘောမတူဘူးဆိုတဲ့ အနေအထားတော့ မဟုတ်ဘူး။ ပြန်လည်ဆွေးနွေးရမယ့်အနေအထားဆိုတော့ ကျနော်တို့ အားရဖို့ဖြစ်တဲ့၊ အားရမှုရှိတဲ့ ဆွေးနွေးညှိနှိုင်းမှုတခုပဲလို့  ကျနော်တို့ မြင်တယ်။ ဒါကို ကျနော်တို့က ဒီနေ့လုပ်ဆောင်မှုရဲ့ result ပေါ့လေ၊ အဖြေ။ အားရဖို့လည်းကောင်းတယ်၊ နောက်ပြီး မနက်ဖြန် ကျနော်တို့ ဆက်ပြီး ဆွေးနွေးသွားမယ်။ ကျနော်တို့ သဘောတူညီထားတဲ့ ခေါင်းစဉ် (၇) ခန်းလုံးကိုလည်း မနက်ဖြန်မှာ ပြီးစီးသွားမယ်လို့ ယုံကြည်ပါတယ်။”

တနိုင်ငံလုံးအပစ်ရပ်စဲရေးပထမမူကြမ်းအတွက် ဆွေးနွေးနေစဉ်။

ပါဝင်တက်ရောက်ခဲ့သူတဦးကတော့ ဖက်ဒရယ်လို၊ ပြည်တွင်းစစ်လို စတဲ့ စကားလုံးရွေးချယ်မှုအပိုင်းတွေမှာ နှစ်ဘက် ကျေလည်အောင် အချိန်ပေး ဆွေးနွေးခဲ့ရတယ်လို့  ပြောပါတယ်။ ဒီကနေ့ ဆွေးနွေးပွဲကိုတော့ တနိုင်ငံလုံးအပစ်အခတ်ရပ်စဲရေးညှိနှိုင်းရေးအဖွဲ့ ဖက်ကတော့ ဒု-အဖွဲ့ခေါင်းဆောင် ပဒိုစောကွယ်ထူးဝင်းက ဦးဆောင်ပြီး အခြားအဖွဲ့ဝင်တွေ ပါဝင်ဆွေးနွေးခဲ့ပါတယ်။ ပထမအဖွဲ့ခေါင်းဆောင် နိုင်ဟံသာနဲ့ ဒု-အဖွဲ့ ခေါင်းဆောင်တဦးဖြစ်တဲ့ ဗိုလ်ချုပ်ဂွမ်မော်တို့ ၂ ယောက်တော့ ဒီကနေ့ ဆွေးနွေးပွဲမှာ တက်ရောက်တာမရှိပါဘူး။ သူတို့ ပါဝင်မတက်ရောက်တဲ့အကြောင်းကိုတော့ NCCT အဖွဲ့ဝင် တဦးဖြစ်တဲ့ ဒေါက်တာ လျံမှုန်းဆာခေါင်းက အခုလို ပြောပါတယ်။

“ကျနော်တို့ မတက်တဲ့ အကြောင်းရင်းကတော့- ကျနော်တို့ အစကတည်းက ဆွေးနွေးထားတာကျနော်တို့ မတက်တဲ့အကြောင်းရင်းကတော့ ဦးဆောင်ဖို့က ပဒိုကွယ်ထူးကို လုပ်ခိုင်းတယ်လေ။ ဆိုတော့ ပထမ ၂ ရက်က ကျနော်တို့ အားလုံးနှစ်ဘက်စုံ တွေ့ဆုံတဲ့ပွဲ ဖြစ်တယ်။ ဒီနေ့ ဆွေးနွေးတဲ့အခါကျတော့ ပဒိုကွယ်ထူး ဦးဆောင်ပြီးတော့ ကျနော်တို့ ဒါရိုက်တာတွေနဲ့ပဲ သွားနေတဲ့ ပွဲဖြစ်နေတော့ ကျနော်တို့အနေနဲ့ တက်ဖို့ မလိုဘူးလေ။ ဆရာနိုင်ဟံသာကလည်း တခြားအလုပ် အရေးကြီးတဲ့ကိစ္စရှိတော့ ပြန်သွားပြီ။ ဗိုလ်ချုပ်ဂွမ်မော်ကလည်း တခြား အရေးကြီးတဲ့ ကိစ္စတွေ ဆောင်ရွက်နေလို့။”

အစိုးရ ကိုယ်စားလှယ်ဖက်ကတော့ ပြည်ထောင်စုငြိမ်းချမ်းရေးဖော်ဆောင်ရေးလုပ်ငန်းကော်မတီအဖွဲ့ ဒုဥက္ကဋ္ဌ ဖြစ်ကြတဲ့ ပြည်ထောင်စုဝန်ကြီး ဦးအောင်မင်း၊ ဦးသိန်းဇော်နဲ့အတူ တပ်မတော်ကိုယ်စားလှယ်တွေဖြစ်တဲ့ ဒုတိယဗိုလ်ချုပ်ကြီး သက်နိုင်ဝင်း၊ ဒုတိယဗိုလ်ချုပ်ကြီး မြထွန်းဦး၊ ဒုတိယဗိုလ်ချုပ်ကြီး သိန်းဌေးတို့ ပါဝင်တက်ရောက်ခဲ့ပါတယ်။

ကိုမိုးဇော် VOA

မြန်မာစာကို ရုံးသုံးအဖြစ်ထားရှိရန် တိုင်းရင်းသားတပ်ဖွဲ့များအား ဗိုလ်ချုပ်မှူးကြီးမင်းအောင်လှိုင်ပြော

April 07, 2014

၂၀၁၄ ဧပြီလ ၆ ရက်နေ့က ‘တိုင်းရင်းသားများပြားသည့်မြန်မာနိုင်ငံအတွက် ဘုံဘာသာစာ​ပေမှာ မြန်မာ ဘာသာ စာပေသာဖြစ်သင့်သည်’ ဟု သျှမ်းပြည်အတွင်းရှိ တိုင်းရင်းသားလက်နက်ကိုင်တပ်ဖွဲ့ များအား လက်ခံတွေ့ဆုံစဉ် ဗိုလ်ချုပ်မှူးကြီး မင်းအောင်လှိုင်က ပြောကြားလိုက်သည်။

ဧပြီလ ၆ ရက် ယမန်နေ့နံနက်ပိုင်း က သျှမ်းပြည်မြောက်ပိုင်း လားရှိုးမြို့ရှိ အရှေ့မြောက်ပိုင်းတိုင်း စစ် ဌာနချုပ် (ရမခ) စစ်တိုင်းရုံး ရွှေလီရိပ်သာ၌ ပြည်သူ့စစ်တပ်ဖွဲ့များ၊ အပစ်ရပ်တပ်ဖွဲ့များအား စစ်ဦးစီး ချုပ်ဗိုလ်ချုပ်မှူးကြီးမင်းအောင်လှိုင်က သီးခြားစီလက်ခံတွေ့ဆုံရာ မြန်မာ့တပ်မတော်မှချမှတ်ထားသည့် မူ ၆ ရပ်အပြင် တိုင်းရင်းသားလက်နက်ကိုင်တပ်ဖွဲ့အားလုံး မြန်မာစာပေ စကားသာ ဘုံအဖြစ် အသုံးပြု ဖို့ တိုက်တွန်းခဲ့ခြင်းဖြစ်သည်။

SSPP/SSA နှင့် တပ်မတော်စစ်ဦးစီးချုပ်တို့ လားရှိုးမြို့၌တွေ့ဆုံကြစဉ်

“စဝ်လွယ်မောဝ်း၊ စဝ်ကိုင်ဖ တို့ ပြည်သူ့စစ်တပ်ဖွဲ့နဲ့  အရင်တွေ့တယ်။ သူတို့လဲ သီးသန့်ဘဲ မိနစ် ၂၀ လောက်ပဲကြာတယ်။ ပြီးတော့ ကျနော်တို့ SSPP/SSA က ၈. ၄၅ ကနေ ၉. ၃၀ နာရီအထိ သီးခြားတွေ့ တယ်။ တခြားတပ်ဖွဲ့တွေလဲ သီးခြားစီဘဲတွေ့ကြတယ်၊ အဓိက ကတော့ တပ်မတော်မူ ၆ ချက် ပြော တယ်။ နောက်ပိုတာက ဗမာစာပေစကားပဲ ဘုံအဖြစ် အဓိကထားအသုံးပြုဖို့ ပြောတယ်” - ဟု လိုက်ပါ တွေ့ဆုံသည့် အရာရှိတဦးက ပြောသည်။

ဗိုလ်ချုပ်မှူးကြီးမင်းအောင်လှိုင်က   ဗိုလ်ချုပ်ခေးတိုင်းဦးဆောင်သည့် သျှမ်းပြည်တိုးတက်ရေးပါတီ ကိုယ်စားလှယ် ၅ ဦးအား ‘ ၎င်းတပ်မှူးဘ၀ က SSPP/SSA ဌာနချုပ်ဘက် အခြေချ လှုပ်ရှားခဲ့ဘူး ကြောင်း၊ တပ်မတော်မူခြောက်ရပ်ကို တဦးတဖွဲ့အတွက် ရည်ရွယ်ပြောဆိုခြင်းမဟုတ်ဘဲ၊ တွေ့သည့် အဖွဲ့တိုင်းအား ရှင်းပြခြင်းဖြစ်ကြောင်း’  ပြောခဲ့သည်ဟုဆိုပါသည်။

‘တရုတ်ပြည်မှာလဲ တိုင်းရင်းသားများတယ်။ ဒါပေမယ့်ဘုံက တရုတ်စာပဲသုံးတယ်။ အန္ဒိယ မှာလဲ အဲဒီသလိုဘဲ။ ထိုင်းမှာလဲ တိုင်းရင်းသားများတာဘဲ။ ဒါပေမယ့် ထိုင်းစာ ထိုင်းစကားကိုဘဲ ဘုံသုံး သုံးတယ် ။ ဒါကြောင့် တိုင်းရင်းသားများတဲ့ ကျနော်တို့နိုင်ငံမှာလဲ မြန်မာစာ မြန်မာစကားဘဲ ဘုံအဖြစ်အသုံး ပြုရလိမ့်မယ်” - ဟု ဗိုလ်ချုပ်မှူးကြီးမင်းအောင်လှိုင်မှ ပြောကြားသွားသည်ဟု ဝမ့်ဟိုင်းအရာရှိတဦး ကပြောသည်။

ဗိုလ်ချုပ်မှူးကြီးမင်းအောင်လှိုင်ပြောကြားသည့် တပ်မတော် မူ ၆ ရက်မှာ - တပ်သားသစ်မစုဆောင်းရ၊ အခွန်မကောက်ရ၊ ခွင့်ပြုချက်မရဘဲ တပ်စခန်း သစ်တိုးချဲ့ဆောက်လုပ်ခြင်းမပြုရ၊ ခွင့်ပြုချက်မရဘဲ သွားလာလှုပ်ရှားခွင့်မရ၊ အစိုးရအုပ်ချုပ်ရေးပိုင်း နှင့် ဝင်ရောက်စွက်ဖက်ခြင်းမပြုရ၊ ပြည်သူ့စစ် တပ်ဖွဲ့အားရန်ရှာတိုက်ခိုက်ခြင်းမပြုရ စသည်တို့ဖြစ်သည်။

ဗိုလ်ချုပ်မှူးကြီးမင်းအောင်လှိုင်၏ သျှမ်းပြည်ခရီးစဉ်တွင် လားရှိုးမြို့တွေ့ဆုံမှု အပြင် သျှမ်းပြည်မြို့ တော် တောင်ကြီးတွင်လည်း သျှမ်းပြည်တောင်ပိုင်း ပြည်သူ့စစ်တပ်ဖွဲ့ ၂၇ ဖွဲ့မှ  ခေါင်းဆောင် များနှင့်  တွေ့ဆုံခဲ့ကြောင်း သိရပါသည်။

သျှမ်းသံတော်ဆင့်

ကြားဖြတ်ရွေးကောက်ပွဲတွင် ငြိမ်းချမ်းရေးမရသေးသည့် နေရာများနှင့် အခြေစိုက်ပါတီအဖွဲ့အစည်း မရှိသည့် နေရာများမှလွဲ၍ နေရာအများစုတွင် တစညပါတီ ၀င်ရောက်ယှဉ်ပြိုင်မည်

 April 2, 2014

ကြားဖြတ်ရွေးကောက်ပွဲတွင် ငြိမ်းချမ်းရေး မရသေးသည့်နေရာများနှင့် အခြေစိုက်ပါတီ အဖွဲ့အစည်းမရှိသည့် နေရာများမှလွဲ၍ ကျန်သည့်နေရာ အများစုတွင် ၀င်ရောက်ယှဉ်ပြိုင်သွားမည်ဟု တိုင်းရင်းသားစည်းလုံးညီညွတ်ရေးပါတီ ဗဟိုအလုပ်အမှုဆောင် အဖွဲ့ဝင် ဦးဟန်ရွှေက ပြောကြားသည်။

ပြည်သူ့လွှတ်တော်၊ အမျိုးသားလွှတ်တော်နှင့် တိုင်းဒေသကြီးပြည်နယ်လွှတ်တော် ၃၁ နေရာ လစ်လပ်နေပြီး အဆိုပါနေရာများအတွက် တည်ငြိမ်အေးချမ်းမှု မရှိသည့်နေရာများမှလွဲကာ ကြားဖြတ်ရွေးကောက်ပွဲကို ၂၀၁၄ ခုနှစ်မကုန်မီ ပြုလုပ်သွားမည်ဟု ပြည်ထောင်စုရွေးကောက်ပွဲကော်မရှင် ဥက္ကဋ္ဌ ဦးတင်အေးက ပြောကြားထားသည်။

“ဘယ်နေရာတွေ ၀င်ပြိုင်မယ်ဆိုတာတော့ ပြည်နယ်နဲ့ တိုင်းတွေနဲ့ ညှိနှိုင်းပြီးမှ သဘောထားထုတ်မယ်။ ကျွန်တော်တို့ရဲ့ အခြေစိုက်ပါတီ အဖွဲ့အစည်းမရှိတဲ့နေရာတွေမှာ ၀င်မပြိုင်ဘူး။ နောက်ပြီး တချို့နေရာတွေမှာ လက်နက်ကိုင်အဖွဲ့အစည်းတွေ ရှိတဲ့နေရာမျိုးတွေဖြစ်တဲ့ ကရင်ပြည်နယ်တို့၊ ကချင်ပြည်နယ်တို့ဆိုရင် စဉ်းစားရမယ်။ သင်္ကြန်ပြီးမှ သေချာဆွေးနွေးမယ်။ အများစုတော့ ၀င်ပြိုင်မယ်”ဟု ဦးဟန်ရွှေက ပြောကြားသည်။

တိုင်းရင်းသားစည်းလုံးညီညွတ်ရေးပါတီသည် ၂၀၁၀ ပြည့်နှစ် ရွေးကောက်ပွဲတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ပြီးနောက် ဒုတိယမြောက် မဲဆန္ဒနယ် အများဆုံးဝင်ရောက်ယှဉ်ပြိုင်ခဲ့သည့် ပါတီတစ်ခုဖြစ်ကြောင်း သိရသည်။

 ၂၀၁၀ ရွေးကောက်ပွဲတွင် ၉၉၅ နေရာ ၀င်ရောက်ယှဉ်ပြိုင်ခဲ့ရာ၌ ပြည်သူ့လွှတ်တော် ၁၂ နေရာ၊ အမျိုးသားလွှတ်တော် ငါးနေရာ၊ တိုင်းဒေသကြီး/ပြည်နယ် လွှတ်တော် ၄၅ နေရာ၊ တိုင်းရင်းသားလူမျိုးကိုယ်စားလှယ် နှစ်နေရာ စုစုပေါင်း ၆၄ နေရာ အနိုင်ရရှိခဲ့ကြောင်း သိရသည်။

Eleven Media Group

ပြည်တွင်းစစ်ရပ်စဲရေးကို လက်ရှိကာလတွင် မလုပ်ဆောင်နိုင်ပါက အနာဂတ်တွင် ပိုမိုခက်ခဲသွားမည်ဟု NCCT အဖွဲ့ခေါင်းဆောင် ပြောကြား

ရန်ကုန်မြို့တွင် ဧပြီ ၅ ရက်က စတင်ပြုလုပ်သည့် အစိုးရနှင့် တိုင်းရင်းသားလက်နက်ကိုင် အဖွဲ့များ၏ အပစ်အခတ်ရပ်စဲရေးဆိုင်ရာ ညှိနှိုင်းဆွေးနွေးပွဲကို တွေ့ရစဉ် (ဓာတ်ပုံ-အောင်ဇော်ထွန်း)

  April 6, 2014
နှစ်ပေါင်းများစွာ ကြာရှည်စွာ ဖြစ်ပွားခဲ့သည့် ပြည်တွင်းစစ်ရပ်စဲရေးကို လက်ရှိကာလတွင် မလုပ်ဆောင်နိုင်ပါက အနာဂတ်တွင် ပိုမိုခက်ခဲသွားမည်ဟု ဧပြီ ၅ ရက်တွင် စတင်ပြုလုပ်ခဲ့သည့် အစိုးရနှင့် တိုင်းရင်းသားလက်နက်ကိုင် အဖွဲ့များ၏ တစ်နိုင်ငံလုံး အပစ်အခတ်ရပ်စဲရေး ညှိနှိုင်းမှု ဆွေးနွေးပွဲ၌ NCCT အဖွဲ့ခေါင်းဆောင် ဦးနိုင်ဟံသာက ပြောကြားသည်။

ပြည်တွင်းလက်နက်ကိုင် ပဋိပက္ခကို ပြန်သုံးသပ်ပါက ယခင်ဖြေရှင်းမှုများတွင် လက်နက်ဖြုတ်သိမ်းရေးနည်းလမ်း လက်နက်ကိုင်အင်အားစုအားလုံး ကုန်သွားရေးနည်းလမ်းများကို နှစ်ဖက်လုံးမှ သုံးစွဲခဲ့ကြောင်း၊  လက်နက်ကိုင်တော်လှန် ပုန်ကန်မှုများ မည်သည့်အတွက်ကြောင့် ဖြစ်လာသည်ဆိုသည်ကို နိုင်ငံရေးအရ နည်းလမ်းရှာပြီး ဖြေရှင်းရမည့် အခြေခံကို မစဉ်းစားခဲ့ကြောင်း ထို့ကြောင့် လက်နက်ကိုင်အဖွဲ့ အချို့အား လက်နက်ဖြုတ်သိမ်း နိုင်ခဲ့သော်လည်း ထပ်မံပေါ်ပေါက်လာကြောင်း၊ ထိုသို့ ဖြေရှင်းနည်းသည် မပြေလည်နိုင်သည့်အတွက် အဓိကဖြစ်သည့် နိုင်ငံရေးအရ၊ စစ်ဘက်ရေးရာအရ အားလုံးပြေလည်မယ့် နည်းလမ်း ရှာဖွေရန် အစပြုနေခြင်းသည် များစွာကောင်းမွန်သည်ဟုမြင်ကြောင်း ဦးနိုင်ဟံသာက ပြောကြားသည်။

“အခု သမ္မတဦးသိန်းစိန် ဦးဆောင်တဲ့ အစိုးရခေတ်မှာမှ အခုလို ပြောင်းလဲလာတာ ဖြစ်ပါတယ်။ အခု အဲဒီလိုပြောင်းလဲမှု ဖြစ်ပေါ်လာတဲ့ ကာလမျိုးမှာဆိုရင် ကျွန်တော်တို့က အခုဒီမှာဒီလို နည်းလမ်းရှာတဲ့အခါမှာ အရင်ကာလရဲ့ ဖြတ်သန်းမှု အတွေ့အကြုံတွေက ကျွန်တော်တို့ကြားမှာ မယုံကြည်မှုတွေ တော်တော်လေးများများ ရှိနေပါတယ်။ သံသယတွေ အတော်များများ ရှိနေပါတယ်။ ဒါက အရင်က မှားယွင်းတဲ့ကိုင်တွယ်မှု၊ ဖြေရှင်းမှုကြောင့်ပါပဲ။ ဒီလိုဖြစ်လာတဲ့ အပေါ်မှာ ကျွန်တော်တို့ကတော့ ဒါကိုနားလည်ပြီးတော့ စိတ်ရှည်ရှည်နဲ့ သည်းခံမှုရှိရှိနဲ့ ကျွန်တော်တို့က ဖြတ်ကျော်သွားမယ်” ဟု ပြောကြားသည်။

“ပြည်တွင်းစစ် ချုပ်ငြိမ်းပြီးတော့ ကျွန်တော်တို့နိုင်ငံ အေးချမ်းဖို့အတွက် နည်းလမ်းရှာဖို့ဆိုတဲ့ နေရာမှာ ကျွန်တော်တို့မှာ တာဝန်ကြီးကြီးမားမား ရှိပါတယ်။ ဒီတော့ ကျွန်တော်တို့ခေတ်မှာရော၊ ကျွန်တော်တို့ရဲ့ သားမြေးမြစ်ခေတ်မှာပါ ကျွန်တော်တို့နိုင်ငံကို တိုးတက်ဖွံ့ဖြိုးအောင် ကျွန်တော်တို့အားလုံး ကြိုးစားဖို့ တာဝန်ရှိတယ်။ ကျွန်တော်တို့ ကြိုးစားသွားကြပါစို့လို့လည်း တစ်ဖက်က ပန်ကြားလိုပါတယ်” ဟု ဦးနိုင်ဟံသာက ပြောကြားသည်။

ဦးနိုင်ဟံသာ၏ ပြောကြားမှုနှင့် ပတ်သက်၍ ပြည်သူ့လွှတ်တော်ကိုယ်စားလှယ် ဦးသိန်းဇော်က “ကျွန်တော်တို့တစ်တွေ ပြည်တွင်းစစ်ရဲ့ ဒဏ်ရာဒဏ်ချက်များကို အများကြီး ခံစားခဲ့ပြီး ဖြစ်ပါတယ်။ ခုနတုန်းက ဥက္ကဋ္ဌကြီး ဦးနိုင်ဟံသာလည်း အများကြီး ပြောကြားခဲ့ပြီး ဖြစ်ပါတယ်။ ပြောကြားချက်များ အားလုံးကို ကျွန်တော်အလေးအနက် ထောက်ခံပါတယ်။ အဲဒီတော့ ကျွန်တော်တို့တစ်တွေ ဒီဒဏ်ရာဒဏ်ချက်တွေကို ကုစားကြရတော့မှာ ဖြစ်ပါတယ်” ဟု ပြောကြားသည်။

အောင်ဇော်ထွန်း၊ ဇာလီမြင့်ဦး Eleven Media Group

တရုတ်ဝမ်ပေါင်ကုမ္ပဏီမှ ဒေသခံ မြန်မာလုပ်သားများ၏ အခြေခံလစာ တိုးမြှင့်ပေးရန် တောင်းဆိုမှုအား လက်မခံနိုင်ကြောင်း တရုတ်ဝမ်ပေါင်မှ ဦးဆောင်ညွှန်ကြားရေးမှူး Mr.Geng Yi ပြောကြား

 April 7, 2014

ဝမ်ပေါင်ကုမ္ပဏီနှင့် မြန်မာယန်စီကုမ္ပဏီ ပူးပေါင်းလုပ်ဆောင်သည့် စံပါယ်တောင် ကြေးစင်တောင်စီမံကိန်းမှ မြန်မာလုပ်သားများကို တွေ့ရစဉ်

  လက်ပံတောင်းတောင် စီမံကိန်းအား လုပ်ဆောင်နေသော တရုတ်ကုမ္ပဏီ တစ်ခုဖြစ်သည့် မြန်မာဝမ်ပေါင်ကုမ္ပဏီမှ ဒေသခံ မြန်မာလုပ်သားများ၏ အခြေခံလစာ တိုးမြှင့်ပေးရန် တောင်းဆိုလာမှုအား လက်မခံနိုင်ကြောင်း မြန်မာဝမ်ပေါင်ကုမ္ပဏီ၏ ဦးဆောင်ညွှန်ကြားရေးမှူး Mr.Geng Yi က ပြောကြားသည်။

ဒေသခံများ၏ လယ်ယာမြေဧက ၆၄၉၀ ကျော်အား လက်ပံတောင်းတောင် စီမံကိန်း လုပ်ဆောင်ရန် သိမ်းယူခဲ့ပြီးနောက် အလုပ်လက်မဲ့ဖြစ်လာသည့် ဒေသခံ မိရိုးဖလာ လယ်ယာလုပ်ကိုင်သူများ အနေဖြင့် မြန်မာဝမ်ပေါင်ကုမ္ပဏီတွင် လစာငွေ အလွန်နည်းပါးစွာဖြင့် အလုပ်လုပ်ကိုင်နေရသဖြင့် မတ်လ ၂၂ ရက်က အလုပ်မဆင်းဘဲ ဆန္ဒဖော်ထုတ်မှု ဖြစ်ပွားခဲ့ကြောင်း သိရသည်။

“ကျွန်တော်တို့ အမှန်အတိုင်း ပြောရမယ်ဆိုရင် ဆန္ဒပြတယ်လို့ သုံးလို့မရပါဘူး။ သူတို့က ကျွန်တော်တို့ဝန်ထမ်း မဟုတ်သေးပါဘူး။ အလုပ်သင် သင်တန်းသားအဆင့်ပဲ ရှိပါသေးတယ်။ သူတို့က ကျွန်တော်တို့ တရားဝင်ဝန်ထမ်း မဟုတ်သေးပါဘူး။ သူတို့ သင်တန်းတက်နေတာ ငါးလရှိပါပြီ။ သင်တန်းပြီးသွားမှ အလုပ်ခန့်ရမှာပါ။ ဒီလို မခန့်ခင်မှာ သူတို့ရဲ့ဆန္ဒပြမှု ဖြစ်လာတာပါ။ သူတို့ရဲ့ တောင်းဆိုမှုကို လက်မခံနိုင်ပါဘူး။ ကိုယ်ကလည်း သူတို့ကို ကြိုက်မှခန့်မယ်။ သူတို့ကလည်း ကိုယ့်ကိုကြိုက်မှ လာလုပ်ပေါ့။ တဖြည်းဖြည်းနဲ့ ဒေါ်လာ ၁၈၀ လောက်အထိ ရလာနိုင်ပါတယ်။ သင်တန်းတက်နေရင်းနဲ့လည်း ထောက်ပံ့ကြေး ကျပ်တစ်သိန်းကျော် ပေးထားပါတယ်။ ကုမ္ပဏီအနေနဲ့ ပိုက်ဆံရင်းထားတာ ရှိပါတယ်။ သင်တန်းပြီးသွားရင်လည်း လုပ်ငန်းခွင်မှာ ပြန်ဝင်ဖို့ မျှော်လင့်ပါတယ်” ဟု Mr.Geng Yi က ဆိုသည်။

မြန်မာဝမ်ပေါင်ကုမ္ပဏီ အနေဖြင့် အလုပ်မဆင်းဘဲ ဆန္ဒပြသူ အငယ်တန်းလုပ်ငန်းအော်ပရေတာ သင်တန်းသားများအား ဦးဆောင်ညွှန်ကြားရေးမှူး Mr.Geng Yi လက်မှတ်ရေးထိုးထားသည့် အကြောင်းကြားစာအား မတ် ၂၉ ရက်ရက်စွဲဖြင့် သင်တန်းသားဝန်ထမ်းများထံ ပေးပို့ခဲ့သည်။

အဆိုပါ ပေးပို့စာတွင် လုပ်သားများအတွက် ရွေးချယ်စရာ နည်းလမ်းသုံးခုအား ဖော်ပြထားကြောင်း သိရသည်။  
ဖြိုးဝေ  Eleven Media Group

သံလွင်အနောက်ခြမ်း မိုင်းပန်မြို့နယ်အတွင်း UWSA နှင့် RCSS တို့ ဆက်တိုက် တိုက်ပွဲဖြစ်

April 07, 2014 Posted by YL

သျှမ်းပြည်တောင်ပိုင်း မိုင်းပန်မြို့နယ် (သံလွင်အနောက်ခြမ်း) အတွင်း ဝင်ရောက်လှုပ်ရှားသွားလာ သည့်  ၀ တပ်ဖွဲ့ နှင့် သျှမ်းပြည်တပ်မတော် RCSS/SSA တို့  ဆက်တိုက် တိုက်ပွဲဖြစ်ပွားနေသည်ဟု ဒေသတွင်း သတင်းရပ်ကွက်က ပြောသည်။

မတ်လဆန်းပိုင်းကတည်းက သျှမ်းပြည်တောင်ပိုင်း မိုင်းပန်မြို့နယ် သံလွင်မြစ်အနောက်ဘက်ခြမ်း  ဟိုပန် ဟိုခိန်းဒေသ (သံလွင်မြစ် စက်တော် ဟန်းဟုန့်ကူးတို့ဆိပ် နှင့် မျက်နှာချင်းဆိုင်) ရှိ ရွှေကျင် လုပ်ငန်းအား လုံခြုံရေးယူပေးရန် သွားသည့် ဝ ပြည်သွေးစည်းညီညွတ်ရေးတပ်မတော် အမှတ် ၁၇၁ စစ်ဒေသလက်အောက် ခံတပ်ဖွဲ့နှင့် သျှမ်းပြည်တပ်မတော် RCSS/SSA တို့ ရင်ဆိုင် တိုက်ပွဲဖြစ်ပွား ခဲ့သည်။

သျှမ်းပြည်တပ်မတော် RCSS/SSA နှင့် ဝ ပြည်သွေးစည်းညီညွတ်ရေးတပ်မတော် UWSA

ထိုစဉ်ကတည်းက ဧပြီ ၆ ရက်နေ့အထိ တပ်အင်အားအပြိုင်ဖြည့်ကာ အထပ်ထပ် ဝိုင်းရံ ပိတ်ဆို့ကြပြီး တိုက်ပွဲများလည်း ပြင်းထန်နေဆဲဖြစ်ပါသည်။

“သူတို့က သံလွင်အရှေ့ ခြမ်းမှာဘဲ လှုပ်ရှားတာလေ။ အခုသံလွင်အနောက်ခြမ်းအထိလာပြီး ရွှေကျင် တယ်။ သစ်တွေခုတ်တယ်။ ပြဿနာမကြီးရအောင် အစိုးရ ဘက်ကိုကော၊ UWSA ဘက်ကိုရော   အကြောင်းကြားထားတယ်။ လတ်တလောအ​ခြေအနေကတော့ တပ်အင်အားအပြိုင်ဖြည့်နေတယ်” - ဟု အမည်မဖေါ်လိုသည့် ဒေသအတွင်း RCSS အရာရှိတဦးကပြောသည်။

“အဖွဲ့ရဲ့ ရွှေကျင်လုပ်ငန်းကို လုံခြုံရေးယူဖို့သွားတာပါ၊  သံလွင်အနောက် ဘက်ခြမ်း မြစ်ကမ်းပေါ်မှာဘဲ။  တပ်စခန်းကြီး တည်ဆောက်တာလည်းမရှိပါဘူး၊ RCSS ဘက်က အရင်လာတိုက်လို့ ကျနော်တို့လည်း ပြန်ချရတာပေါ့” - ဟု ၀ အရာရှိတဦးကလည်းပြောသည်။

ထိပ်တိုက်ရင်ဆိုင်မှုများ​ကြောင့် မိုင်းကျွတ်ဘက်မှ ဝ တပ်များလည်း ယမန်နေ့က စစ်ကား ၁၀ စီး ထက်မနည်း လူသူလက်နက်များ ထပ်မံပို့ဆောင်သည်ဟု  သိရသည်။

၁၉၉၀ နှောင်းပိုင်းက သံလွင်အရှေ့ခြမ်း တာချီလိတ်ခရိုင်၊ မိုင်းဆတ်ခရိုင် ထိုင်းနယ်စပ်တလျှောက် နယ်မြေများအား ခွန်ဆာဦးဆောင်သည့် MTA တပ်ဖွဲ့ထံမှ တိုက်ယူနိုင်သမျှ အပိုင်ပေးမည်ဟု န၀တ (ဒု)စစ်ခေါင်းဆောင် ဗိုလ်ချုပ်ကြီးမောင်အေးက ကတိပေးပြောကြားခဲ့သောကြောင့် တရုတ်နယ်စပ်နေ ဝ တပ်ဖွဲ့များ အင်အားအလုံးအရင်းဖြင့် တောင်ဘက်ပိုင်းသို့ ဆင်း၍အခြေချနေထိုင်ခဲ့သည်။ ၁၉၉၆ MTA တပ်ဖွဲ့ မြန်မာစစ်တပ်ထံ လက်နက်ချလိုက်သောကြောင့် MTA တပ်စခန်းနေရာအား
 ဝ တပ်ဖွဲ့က ဝင်ရောက် နေရာယူခဲ့သည်။ ထို့နောက်ပိုင်း ဝ စစ်သည်များ၊ မိသားစုများ တသိန်း ထက်မနည်း ထိုင်းနယ်စပ်သို့ ပြောင်းရွှေ့အခြေချကာ တောင်ပိုင်း ၀ နယ်နှင့် မြောက်ပိုင်း ၀ နယ်တို့ တွဲ၍ ပြည်နယ်သတ်မှတ်ပေးရန် မြန်မာအစိုးရထံ အကြိမ်ကြိမ်တောင်းဆိုခဲ့သည်။

၂၀၀၈ ဖွဲ့စည်းပုံအရ အပစ်ရပ်တိုင်းရင်းသားတပ်ဖွဲ့များ နယ်ခြားစောင့်တပ်အသွင်ပြောင်းရန် အစိုးရဖိအားပေးလာချိန် ဝ တပ်ဖွဲ့က လက်မခံသောကြောင့် မြောက်ပိုင်း ၀ နယ် သို့ တပ်ရုပ်ပြန်ရန် အစိုးရက အကြိမ်ကြိမ်ပြန်လည်ညွှန်ကြားခဲ့သော်လည်း ယနေ့တိုင် အထမမြောက်ခဲ့ပေ။

RCSS/SSA မှာမူ MTA လက်နက်ချစဉ် (ထိုစဉ်) ဒုဗိုလ်မှူးကြီးယွက်စစ် ဦးဆောင်သည့် စစ်ကြောင်းက ပါဝင်လက်နက်ချခြင်းမရှိပဲ ကျန်ရှိလူအင်အားစုဆောင်းကာ သျှမ်းပြည်တပ်မတော် SSA (တောင်) အမည်ဖြင့် ထိုင်းနယ်စပ် လွယ်တိုင်းလျဲန်း၌  အခြေချနေထိုင်သည်။ ၂၀၀၁ - ၂၀၀၂ နှင့် ၂၀၀၅ က လည်း လွယ်တိုင်းလျဲန်းဌာနချုပ်အား ဝ တပ်ဖွဲ့ နှင့် မြန်မာတပ်တို့ ပူးပေါင်းပြီး အပြင်းအထန် တိုက် ခိုက်ခဲ့ပါသည်။

လက်ရှိမှာမူ ဝ တပ်ဖွဲ့ UWSA နှင့် သျှမ်းပြည်တပ်မတော် RCSS/SSA မှာ ဦးသိန်းစိန်အစိုးရ နှင့် ပြည်ထောင်စုအဆင့် ငြိမ်းချမ်းရေးလက်မှတ်ရေးထိုးထားသည့် တပ်ဖွဲ့များဖြစ်ကြသည်။

သျှမ်းသံတော်ဆင့်

ရုပ်ရှင်နှင့် ဗီဒီယို သရုပ်ဆောင် ရဲတိုက်အား ကျောက်တံခါးမြို့နယ် တရာရုံးမှ ထောင် ၆ နှစ်ချမှတ်

 

ပဲခူးတိုင်း ဒေသကြီး ၊ ကျောက်တံခါး မြို့ နယ်တရားရုံး၊ မြို့ နယ် တရားသူကြီးရုံးတွင် ရုပ်ရှင်နှင့် ဗီဒီယို သရုပ်ဆောင် ရဲတိုက်(ခ)လင်းထွန်းဦး အား ယနေ့ ဧပြီလ(၇)ရက်နေ့ မှာ ထောင်ဒဏ်(၆)နှစ် ချမှတ်လိုက်ကြောင်း သစ်ထူးလွင် မှ သတင်းရရှိပါသည်။

မြောက်ကိုရီးယား ဒုံးရန်ကာကွယ်ဖို့ အမေရိကန်စစ်သင်္ဘောတွေ စေလွှတ်မည်

 အမေရိကန်ပြည်ထောင်စု ကာကွယ်ရေးဝန်ကြီး Chuck Hagel (ဝဲ) နဲ့ ဂျပန်ကာကွယ်ရေးဝန်ကြီး Itsunori Onodera (ယာ)
06.04.2014

မြောက်ကိုရီးယားရဲ့ ခြိမ်းခြောက်လုပ်ရပ်တွေကို တန်ပြန်နိုင်ဖို့အတွက် ဒုံးလက်နက်ရန်ကာကွယ်ရေး စစ်သင်္ဘော ၂ စင်းကို ဂျပန်ကို ပို့ဖို့
အမေရိကန်အစိုးရက စီစဉ်နေတယ်လို့ အမေရိကန်ကာကွယ်ရေးဝန်ကြီး Chuck Hagel က ပြောလိုက်ပါတယ်။

ကုလသမဂ္ဂလုံခြုံရေးကောင်စီရဲ့ ဆုံးဖြတ်ချက်ကို ချိုးဖောက်ပြီး Missile ဒုံးပစ်လွှတ်မှုအပါအဝင် မြောက်ကိုရီးယားအစိုးရရဲ့ ရန်စတဲ့လုပ်ရပ်နဲ့
မတည်မငြိမ်ဖြစ်အောင်လုပ်နေတဲ့ လုပ်ရပ်တွေကို တုံ့ပြန်နိုင်ဖို့အတွက် အမေရိကန်က ပဲ့ထိန်းထပ်ဒုံးခွင်းစနစ်တပ်ဆင်ထားတဲ့ အီးဂျစ် စ် (AEGIS)
စစ်သင်္ဘော နောက်ထပ် ၂ စင်းကို 2017 ခုနှစ်မတိုင်ခင် ဂျပန်မှာထားရှိဖို့ စီစဉ်နေပါတယ်လို့ ကာကွယ်ရေးဝန်ကြီး Hagel ပြောခဲ့တာပါ၊

ဂျပန်ကာကွယ်ရေးဝန်ကြီး Itsunori Onodera နဲ့ Tokyo မြို့တော်မှာ ဒီကနေ့ တနင်္ဂနွေနေ့မှာ တွေ့ဆုံခဲ့ပြီးနောက် ခုလို ကြေညာခဲ့တာဖြစ်ပါတယ်။
မြောက်ကိုရီးယားက ဒုံးကျည် ပြစ်လွှတ်မှုတွေ Nuclear စမ်းသပ်မှုတွေကို အဆက်မပြတ်လုပ်ပြီး အိမ်နီးချင်းနိုင်ငံတွေနဲ့ တင်းမာမှုတွေတိုးအောင်
လုပ်နေချိန်မှာပဲ ခုလို အမေရိကန်က ဂျပန်မှာနောက်ထပ် စစ်သင်္ဘော ၂ စင်းထားရှိဖို့ ကြေညာခဲ့တာဖြစ်ပါတယ်။

တရုတ်နိုင်ငံကို ခရီးဆက်သွားမဲ့ အမေရိကန် ကာကွယ်ရေး ဝန်ကြီးက တရုတ်နိုင်ငံအနေနဲ့လဲ ဒေသတွင်းဆက်ဆံရေးနဲ့ ပိုင်နက်အငြင်းပွားမှုတွေအတွက် သူ့ရဲ့အင်အားကို တာဝန်သိသိ အသုံးပြုဖို့ တိုက်တွန်းပါတယ်။

အမေရိကန်ကာကွယ်ရေးဝန်ကြီး Chuck Hagel ဟာ အာရှ Pacific
နိုင်ငံတွေဆီကို ၁၀ ရက်ကြာခရီးထွက်နေပြီး ဒေသတွင်းမှာ အပြန်အလှန် သဘောတူထားတဲ့ ကာကွယ်ရေးဆိုင်ရာ သဘောတူချက်တွေအတိုင်း
အမေရိကန်ပြည်ထောင်စုက အခိုင်အမာ ကိုင်စွဲထားတယ်ဆိုတာကို ထပ်ပြီး အာမခံချက်ပေးနေပါတယ်။

လှည်းကူးမြို့တွင်ခိုက်ရန်ဖြစ်ပွားမှုမှတစ်ဆင့် လူစုလူဝေးဖြင့်ဆူပူမှုဖြစ်ပေါ်သောကြောင့်ပုဒ်မ(၁၈၈)ထုတ်ပြန်

မြန်မာ့ရိုးရာ မဟာသင်္ကြန် ပွဲတော်ကာလ MPT ရဲ့ အထူးအစီအစဉ်

ဆက်သွယ်ရေး နှင့် သတင်းအချက်အလက် နည်းပညာဝန်ကြီးဌာန ၊ မြန်မာ့ဆက်သွယ်ရေး လုပ်ငန်းမှ မိုဘိုင်းတယ်လီဖုန်း သုံးစွဲသူ မိဘပြည်သူများ အတွက် မြန်မာ့ရိုးရာ မဟာသင်္ကြန် ပွဲတော် ကာလ အထူးအစီအစဉ်အဖြစ် သင်္ကြန်ရုံးပိတ်ရက် များတွင် အပိုငွေ ထပ်ဆောင်း ဖြည့်စွက်ပေးရန် အစီအစဉ် ပြုလုပ်ထားပါကြောင်း အသိပေး တင်ပြ အပ်ပါသည်။

မြန်မာ့ရိုးရာ မဟာသင်္ကြန် ပွဲတော်ကာလ အထူးအစီအစဉ်

၁။      မဟာသင်္ကြန် ရုံးပိတ်ရက်ကာလ  (၁၂.၄.၂၀၁၄) နေ့မှ  (၂၁.၄.၂၀၁၄)  နေ့ အတွင်း ကြိုတင် ငွေဖြည့်သော  (GSM / WCDMA / CDMA ) မိုဘိုင်းတယ်လီဖုန်းများ အတွက် ငွေဖြည့်ကတ် တန်ဖိုး၏ (၂၀%)  ကို လက်ဆောင် (Bonus)  အဖြစ် ထပ်ဆောင်းဖြည့်ပေး မည် ဖြစ်ပါသည်။

၂။      မိုဘိုင်းဖုန်း သုံးစွဲသူအတွက် ရရှိသော (Bonus)  ငွေပမာဏ ကို  Bonus Account တစ်ခု ထပ်မံ ဖွင့်လှစ်ထိန်းသိမ်း ပေးသွားမည် ဖြစ်ပြီး အဆိုပါ Account ရှိ ငွေများကို နောက်ဆုံး ငွေဖြည့်သည့် ရက်မှစ၍ နောက်ထပ် (၁၀)ရက် အတွင်း ပြည်တွင်း Call ခေါ်ဆိုမှု များအတွက် သုံးစွဲနိုင်မည် ဖြစ်ပါသည်။

၃။      ထို့ကြောင့် နောက်အကျဆုံး  (၂၁.၄.၂၀၁၄) ရက်နေ့တွင်  ငွေဖြည့်သော မိုဘိုင်းဖုန်းများ၏ Bonus Account ရှိ Balance ငွေကို (၃၀.၄.၂၀၁၄) ရက်နေ့ (၂၄:၀၀) နာရီအထိ သုံးစွဲ နိုင်မည်ဖြစ်ပြီး ကျန်ရှိသော Bonus Account Balance ငွေလက်ကျန် များသည် (၁.၅.၂၀၁၄) ရက်နေ့ တွင်ပိတ်သိမ်း သွားမည် ဖြစ်ပါသည်။

မြန်မာ့ဆက်သွယ်ရေးလုပ်ငန်း

သတင်းနှင့်ဓာတ်ပုံ - http://www.mcit.gov.mm