ခြောက်ပွင့်ဆိုင်တွေ့ဆုံရေး နှောင့်နှေးသွားနိုင်ကြောင်း ဒေါက်တာအေးမောင် ပြောကြား

ခြောက်ပွင့်ဆိုင်တွေဆုံ ဆွေးနွေးရေးဟာ မကြာခင်ရက်ပိုင်းတွေအတွင်း အလားအလာရှိနိုင်တယ်လို့ ပြည်ထောင်စုလွှတ်တော် နာယက သူရဦးရွေမန်းက ပြောထားပေမဲ့ ဒီနေ့ကျင်းပတဲ့ လွှတ်တော်မှာ တပ်မတော်ကတင်လာတဲ့ အရေးကြီးအဆိုကြောင့် ၆ ပွင့်ဆိုင်တွေ့ဆုံ ဆွေးနွေးရေးဟာ နှောင့်နှေးစရာ အလားအလာတွေမြင်တယ်လို့ အမျိုးသားလွှတ်တော် ကိုယ်စားလှယ် ဒေါက်တာအေးမောင်က သုံးသပ်လိုက်ပါတယ်။

ဒေါက်တာအေးမောင်ကို မသင်းသီရိက ဆက်သွယ်မေးမြန်းထားတာ နားဆင်နိုင်ပါတယ်
RFA Burmese
။

သမ္မတဦးသိန်းစိန် နဲ့ ဘီဘီစီ အင်တာဗျူး (အပိုင်း ၂)

နိုင်ငံရေးအပြောင်းအလဲတွေနဲ့ ပတ်သက်ပြီး သမ္မတရဲ့ ခံယူချက်သဘောထား

ဘီဘီစီရဲ့ မြန်မာနိုင်ငံဆိုင်ရာ သတင်းထောက် ဂျိုနာဖစ်ရှာ သမ္မတ ဦးသိန်းစိန်နဲ့ နေပြည်တော်မှာ တွေ့ဆုံပြီး မြန်မာ့နိုင်ငံရေး၊ ပြုပြင်ပြောင်းလဲရေး လုပ်ငန်းစဉ်တွေ၊ တပ်မတော်က နိုင်ငံရေးမှာ ပါဝင်ပတ်သက်နေတဲ့ အပိုင်း၊ ဒေါ်အောင်ဆန်းစုကြည် သမ္မတ ဖြစ်လာနိုင်မယ့် အလားအလာ၊ ကျောင်းသားဆန္ဒပြမှုတွေကို အကြမ်းဖက် နှိမ်နင်းမှု အကြောင်းတွေကို မေးမြန်းခဲ့ပါတယ်။

အပိုင်း ၂

ဂျိုနာဖစ်ရှာ -- ဒေါ်အောင်ဆန်းစုကြည် ရဲ့ သားတွေဟာ ဗြိတိသျှနိုင်ငံသားတွေ ဖြစ်နေလို့ဆိုပြီး သူ မြန်မာနိုင်ငံမှာ သမ္မတ ဖြစ်ခွင့်မရှိပဲ ဖြစ်နေပါတယ်။ တကယ်လို့ လာမယ့် နိုဝင်လာလမှာ လုပ်မယ့် ရွေးကောက်ပွဲမှာ လူထုက ဒေါ်အောင်ဆန်းစုကြည်နဲ့ သူ့ရဲ့ပါတီကို တခဲနက် ရွေးချယ်မဲပေးခဲ့ကြမယ် ဆိုရင် သမ္မတကြီး စောစောကပြောခဲ့သလို လူထုဆန္ဒအရ ဖွဲ့စည်းပုံကို ကျော်ပြီး သမ္မတ ဖြစ်ပိုင်ခွင့် မရသင့်ဘူးလား။

ဦးသိန်းစိန် -- လာမယ့် ၂၀၁၅ ရွေးကောက်ပွဲမှာ အနိုင်ရလာမယ့် ပါတီက အစိုးရဖွဲ့ နိုင်တဲ့ အင်အားရှိရင် အစိုးရ ဖွဲ့ရမှာဖြစ်ပါတယ်။ဘယ်ပါတီပဲ ဖြစ်ဖြစ် အနိုင်ရသူက အစိုးရဖွဲ့မယ်။ လွှတ်တော်ထဲမှာလည်း အများစုဖြစ်လာမယ်။ ဒေါ်အောင်ဆန်းစုကြည် သမ္မတ ဖြစ်ရေး မဖြစ်ရေးဟာ constitution နဲ့ ဆိုင်ပါတယ်။ Constitution အရလည်း တိုင်းပြည်ရဲ့အချုပ် အခြာ တည်တန့်ခိုင်မြဲဖို့ကျွန်တော်တို့ရဲ့ ခေါင်းဆောင်အဆက်ဆက်က ဟိုတုန်းကတည်းက ဒီမူဝါဒတွေကို ချခဲ့တာလို့ထင်ပါတယ်။ ကျွန်တော့် အနေနဲ့ ကတော့ မြန်မာနိုင်ငံသား တိုင်းရင်းသား ဘယ်သူ့ကို မဆို နိုင်ငံရေးမှာ အဟန့် အတား မရှိစေချင်ပါဘူး။ သို့သော်လည်းပဲမြန်မာပြည်ရဲ့အချုပ်အချာခိုင်မြဲဖို့ အထက်ကနေ ခေါင်းဆောင် အဆင့်ဆင့်ကနေ ချမှတ် ခဲ့တာ ဖြစ်လို့လွှတ်တော် ထဲမှာ အားလုံးသဘောတူပြီးလို့ပြင်ဆင်ကြလို့ဖြစ်တယ်ဆိုရင်လည်း ကျွန်တော်က ဘာမှ ပြောစရာ မရှိပါဘူး။ သူ့ကို မဖြစ်စေချင်တဲ့ဆန္ဒ မရှိပါဘူး။

ဖွဲ့စည်းပုံ အခြေခံ ပြင်ဆင်တဲ့နေရာ မှာ အပိုင်း နှစ်ပိုင်း ရှိပါတယ်။ တစ်ပိုင်းကတော့လွှတ်တော်ထဲမှာ ပြင်လို့ရတဲ့ ဥပဒေ တွေ ပါသလို တချို့ ကတော့ ပြည်သူတွေရဲ့သဘောဆန္ဒကို ရယူပြီးတော့မှ referendum လုပ်ပြီးတော့မှ ပြင်ရတာတွေ ပါပါတယ်။ ပြည်သူလူထုက သဘောတူတယ် ဆိုရင် ကျွန်တော်က ပြည်သူထဲက တစ်ဦးဖြစ်လို့ ဘာမှ ငြင်းကွယ် စရာ မရှိပါဘူး။ သို့သော်လည်းပဲ ခင်ဗျားသိဖို့က ကျွန်တော်တို့ အရှေ့တိုင်းသား တွေဟာ အနောက်တိုင်းသားတွေနဲ့ဓလေ့ စရိုက်မတူပါဘူး။ ကိုယ့်တိုင်းပြည်ကို အုပ်ချုပ်တဲ့သူက ကိုယ့်နိုင်ငံသားတွေပဲ ဖြစ်စေချင်ပါတယ်။ အမျိုးသားကလည်း ကိုယ့်နိုင်ငံသား၊ ကိုယ့်တိုင်းရင်းသားဖြစ်စေချင်တယ်။အမျိုးသမီးကလည်း ကိုယ့်နိုင်ငံသား ၊ ကိုယ့်တိုင်းရင်းသား ဖြစ်စေချင်တယ်။ ဥပမာ မလေးရှားကို ကြည့်ရင် မလေးရှား ဘုရင်ကလည်း မလေးရှားနိုင်ငံသားပါပဲ။ မိဘုရားကလည်း မလေးရှား နိုင်ငံသား ပါပဲ။ ဝန်ကြီးချုပ်ကလည်း မလေးရှားနိုင်ငံသားပါပဲ။ ဝန်ကြီးချုပ် ကတော်ကလည်း မလေးရှား နိုင်ငံသားပါပဲ။ အင်ဒိုနီးရှား နိုင်ငံကိုပဲ ကြည့်ကြည့်၊ စင်္ကာပူပဲကြည့်ကြည့်၊တရုတ်ပဲ ကြည့်ကြည့်၊အိန္ဒိယပဲ ကြည့်ကြည့် ဒါတွေ နမူနာ အားဖြင့် တွေ့ရမှာပါ။ ကျွန်တော်တို့ ပြည်သူလူထုရဲ့ဆန္ဒက အဲဒီလို ရှိနေပါတယ်။ ပြည်သူလူထုသဘောတူလို့ပြင်တယ်ဆိုရင် ကျွန်တော် ဘာမှ ပြောစရာ မရှိပါဘူး။

  မေး -- ဒီအခုဖွဲ့စည်းပုံမှာ သမ္မတ ဖြစ်ပိုင်ခွင့်နဲ့ ပတ်သက်ပြီးတော့ လူတစ်ဦး တစ်ယောက်ချင်းရဲ့ အရည်အချင်းသာမက သူတို့ရဲ့သားသမီးတွေ၊ ဇနီး ခင်ပွန်းတွေနဲ့ ပတ်သက်ပြီးတော့ ဖော်ပြထားတာဖြစ်လို့ တရားမျှတမှု ရှိနိုင်ပါ့မလား၊ ဒီတော့ လူထုဆန္ဒအတိုင်းဖြစ်အောင် လွှတ်တော်က လူထုဆန္ဒခံယူပွဲ ကျင်းပပြီးတော့ ဆုံးဖြတ်နိုင်အောင် လုပ်သင့်တယ်လို့ ထင်ပါသလား။ သမ္မတကြီးရဲ့ ကိုယ်ပိုင်အမြင်ကို သိပါရစေ။

  ဖြေ -- ကျွန်တော် ပြောချင်တာကတော့ ဒီပုဒ်မဟာ ဒေါ်အောင်ဆန်းစုကြည်ကို ရည်ရွယ်ပြီး ပြဌာန်းထားတာ မဟုတ်ပါဘူး။ သူရဲ့အဖေ လက်ထက် ၁၉၄၇ ခုနှစ် ဖွဲ့စည်းအုပ်ချုပ်ပုံ ကတည်းက ထည့်ထားတာ ဖြစ်ပါတယ်။ ဘာကြောင့်လည်း ဆိုတော့ ကျွန်တော်တို့နိုင်ငံက လူဦးရေ များတဲ့ တရုတ်နိုင်ငံ နဲ့အိန္ဒိယ နိုင်ငံ ကြားထဲမှာ နေနေရတာ။ တိုင်းပြည်ရဲ့အချုပ်အခြာကို ကာကွယ်ချင်လို့အဲဒါကို ထည့်ထားတာ။ နို့မို့ဆိုရင် ကျွန်တော်တို့ နိုင်ငံကို လူဦးရေ များတဲ့နိုင်ငံတွေက ဝါးမျိုသွားမှာပေါ့။ အောင်ဆန်းစုကြည်ကို ရည်ရွယ်ပြီးလုပ်ထားတာ မဟုတ်ပါဘူး။ ဟိုတုန်းက constitution မှာကတည်း အစဉ်အဆက် ကတည်းက ထည့်ခဲ့တာ ဖြစ်ပါတယ်။ ဒါပေမယ့် လွှတ်တော်ကလည်း ဒါကို ပြင်ခြင်တယ်။ လွတ်တော်ရဲ့ လုပ်ထုံးလုပ်နည်း အတိုင်း referendum လုပ်မယ်။ ပြည်သူလူထုကလည်း ပြင်ချင်တဲ့ဆန္ဒရှိလို့ပြင်မယ်ဆိုရင် ကျွန်တော် အနေနဲ့ သဘောတူရမှာပါ။ ဘာမှကန့်ကွက်စရာ မရှိပါဘူး။

ကျောင်းသား လှုပ်ရှားမှုကို ရဲတွေ အကြမ်းဖက် ဖြိုခွဲခြင်းအပေါ် သဘောထား
ရဲတွေက စည်းမျဉ်းနဲ့ အညီပဲ ကိုင်တွယ်ခဲ့တယ်လို့ ပြော

  မေး -- လက်ပံတန်းမှာ ဆန္ဒပြနေတဲ့ ကျောင်းသားတွေနဲ့ ကျွန်တော် စကားပြောခဲ့ ပါတယ်။ သူတို့ဟာ ရဲတွေရဲ့ ထိန်းသိမ်းခံနေရချိန်မှာ အရိုးကျိုးတဲ့သူ ကျိုး ဖြစ်ခဲ့ပါတယ်။ သမ္မတကြီးလည်း ဗီဒီယိုတွေ ကြည့်ရမယ် ထင်ပါတယ်။ ရဲတွေဟာ ကားမှန်တွေကို ရိုက်ခွဲ၊ ကျောင်းသားတွေနဲ့ ဘုန်းကြီးတွေကို လိုက်ရိုက်တာတွေ ရှိခဲ့ပါတယ်။ ဒါနဲ့ ပတ်သက်လို့ စုံစမ်းစစ်ဆေးမှု လုပ်မယ်ဆိုတဲ့ ကြေငြာချက်မျိုးတွေ မတွေ့ရသေးပါဘူး။ ရဲတွေရဲ့ လုပ်ရပ်တွေအပေါ် သမ္မတကြီး ဘယ်လို သဘောရပါသလဲ။

  ဖြေ -- ဒါနဲ့ပတ်သက်ပြီးတော့ ကျွန်တော်တို့ တစ်နိုင်ငံတည်း မဟုတ်ပါဘူး။ အနောက်နိုင်ငံတွေရဲ့ဖြစ်စဉ်ဖြစ်ရပ်တွေကိုလည်း ခင်ဗျားတို့တွေ့ မှာပါ။ ကျွန်တော်တို့ထက် ပိုဆိုးပါတယ် ကိုင်တွယ်တာ။ မကြာခင်ကပဲ အမေရိကန်မှာ ဖြစ်တဲ့ ကိစ္စမှာ ပစ်သတ်တာတောင်မှ ရှိပါတယ်။ ရဲလုပ်ငန်းမှာ အဆင့်ဆင့် ရှိပါတယ်။ အဲတော့ ဒီဟာကို အကြမ်းဖက် ဖြိုခွဲတယ် ဆိုပေမယ့်လည်း ကျွန်တော်တို့မှာ ဟိုက ရိုက်လို့ဒီကပြန်ပြီး ရိုက်ရတဲ့ သဘောပဲ ရှိတယ်။ ဟိုက ခဲနဲ့ပေါက်လို့ဒီက ကာကွယ်ရတဲ့သဘောပဲရှိတယ်။ တစ်ချက်မှ မျက်ရည်ယို ဗုံးတို့ဘာတို့နဲ့ပစ်ပြီး ဖြိုခွဲရတာတွေ၊ water canon နဲ့ ပစ်ပြီးတော့ဖြိုခွဲရတာတွေ၊ နောက်တခါ rubber bullet နဲ့ပစ်ပြီးတော့ ဖြိုခွဲရတာတွေ ဒါတွေ တစ်ခါမှ ကျွန်တော်တို့မရှိခဲ့ပါဘူး။ ဒါတွေဟာ ရဲလုပ်ငန်းမှာ အဆင့်ဆင့်ရှိပါတယ်။ ခင်ဗျားတို့ အီးယူကလည်း ရဲလုပ်ငန်းနဲ့ပတ်သက်ပြီးတော့ လာပြီးတော့ စနစ်တကျ သင်ကြားပေးနေတာတွေ ရှိပါတယ်။ အဲဒီတော့ ရဲဟာ နိုင်ငံတော် ကာကွယ်ရေး အတွက် တည်ငြိမ်အေးချမ်းရေး အတွက် သူရဲ့လုပ်ငန်းကို သူ အဆင့်ဆင့် လုပ်တာပဲ ဖြစ်ပါတယ်။ ဒါဟာ international practice ထက် ဘယ်ဟာ တစ်ခုမှ ကျော်လွန်ခြင်း မရှိပါဘူး။ ဒါထက် ဆိုးတဲ့ ထိန်းသိမ်းမှုတွေ အနောက်နိုင်ငံတွေမှာ ဒီကနေ့ထိ ဖြစ်နေတာပါပဲ။ နောက်တစ်ခု ကလည်း ခင်ဗျားတို့ကလည်း ရဲတွေ ဘက်က ဒီလို ဖြစ်တာကို တစ်ဖက်တည်း ကြည့်တာကိုး။ ဆန္ဒပြတဲ့သူတွေဘက်က ရဲတွေကို ခဲနဲ့ ပေါက်တာ ရဲအမျိုးသမီးတွေ ခေါင်းတွေ ကွဲသွားတာ၊ ရဲကားတွေ မှန်တွေ ကွဲသွားတာ၊ ရဲ အတားအဆီးတွေကို ရိုက်ချိုးပြီး ဖျက်ဆီးတာ ဒါတွေ အများကြီးပါပဲ။ ဒါတွေနဲ့ balance လုပ်ပြီး ကြည့်ဖို့ကောင်းတယ်။

  မေး -- အဲဒီလိုလက်ပံတန်းမှာ ရိုက်နှက်ဖြိုခွင်းမှုတွေကြောင့် တချို့ကလည်း သမ္မတကြီးရဲ့ ပြုပြင်ပြောင်းလဲရေးတွေဟာ အပေါ်ယံကြောပဲ၊ နက်နက်နဲနဲ မရှိဘူးလို့ မြင်ကြတာကို ဘာပြောချင်ပါသလဲ။

  ဖြေ -- ပြုပြင်ပြောင်းလဲစ နိုင်ငံတွေမှာ ပြည်သူတွေရဲ့မျှော်လင့်ချက်တွေဟာ များပါတယ်။ ပြည်သူတွေရဲ့မျှော်လင့်ချက်တွေကို အကုန်အပြည့်အဝ အစိုးရ သက်တမ်း တစ်ခုနဲ့ ဖော်ဆောင်ပေးဖို့ဆိုတာ ဘယ်အစိုးရ မှ လုပ်နိုင်တဲ့ အနေအထား မရှိပါဘူး။ ကျွန်တော်တို့ရဲ့လေးနှစ်တာ ကာလအတွင်းမှာ ကျွန်တော်တို့ရဲ့ပြုပြင်ပြောင်းလဲ ခဲ့တဲ့ ဖြစ်ရပ်တွေ၊ နောက် ကျွန်တော်တို့ရဲ့ တိုးတက် အောင်မြင်မှုတွေဟာ ဒါတွေကို ခင်ဗျားတို့ ကိန်းဂဏန်းနဲ့ ချကြည့်မယ် ဆိုရင် ကျွန်တော်တို့တွေဟာ ပြည်သူတွေရဲ့မျှော်လင့်ချက်တွေကို အပြည့်အဝ မဖန်တီးပေးနိုင်သော်လည်းပဲ ကျွန်တော်တို့ရဲ့ ပြုပြင်ပြောင်းလဲမှုတွေဟာ ပြည်သူတွေ အတွက် များစွာ အကျိုးတွေ ဖြစ်ထွန်းစေတယ် ဆိုတာ ခင်ဗျား သိမှာပါ။

တရုတ် မြန်မာ နယ်စပ်က တိုက်ပွဲတွေ

  မေး -- အခု တရုတ်မြန်မာ နယ်စပ်မှာ ကိုးကန့်တပ်ဖွဲ့တွေနဲ့ တိုက်ပွဲတွေ ဖြစ်နေပါတယ်။ အဲဒီမှာလည်း သူပုန်အဖွဲ့ သုံးဖွဲ့ထက်မနည်း ပါဝင်ပတ်သက် နေပါတယ်။ အဲဒီ ကိစ္စမှာ တရုတ်ရဲ့ ပါဝင်ပတ်သက်မှုနဲ့ ပတ်သက်ပြီး ဘာပြောနိုင်ပါသလဲ။ နယ်စပ်မှာ သူပုန်တွေ လှုပ်ရှားနေတာကို တရုတ်တို့ အနေနဲ့ ဒီ့ထက်ပိုပြီး တားဆီးပေးနိုင်တယ်လို့ ယူဆပါသလား။

  ဖြေ -- ဒီကိစ္စက ပြည်တွင်းမှာ ဖြစ်ပွားနေတဲ့ ပြည်တွင်းရေး ကိစ္စပါပဲ။ ကိုယ့်ပြည်တွင်းမှာ ဖြစ်နေတဲ့ပြဿနာမို့လို့ကိုယ်ပဲ ဖြေရှင်းရမှာ ဖြစ်ပါတယ်။ တရုတ်က ဝင်ပြီး ဖြေရှင်းပေးလို့မရပါဘူး။ ဒါ ကျွန်တော်တို့ဘာသာ ကျွန်တော်တို့ဖြေရှင်းရမယ့် ကိစ္စပဲဖြစ်တယ်။ တရုတ်ကလည်း တခြား နိုင်ငံတွေရဲ့ ပြည်တွင်းရေးမှာ ဝင်မစွက်ဘူးဆိုတဲ့ ရပ်တည်ချက်လည်း ရှိပါတယ်။

  မေး -- အဲဒီ သူပုန်အဖွဲ့တွေဟာ တရုတ်နယ်စပ်ကို ဖြတ်ကျော်ဝင်ထွက် နေကြတယ်၊ ကိုးကန့်ခေါင်းဆောင် ဖုန်ကြားရှင်ဆိုလည်း တရုတ်နိုင်ငံထဲမှာ အချိန်တော်တော်ကြာကြာ နေခဲ့တယ်။ ဆိုတော့ အဲဒီအဖွဲ့တွေ တရုတ်နိုင်ငံထဲမှာ လူပြန်စုပြီး မြန်မာနိုင်ငံကို ပြန်ဝင်မတိုက်နိုင်အောင် တရုတ်တို့ အနေနဲ့ တားဆီးချင်တယ်ဆို တားဆီးနိုင်လိမ့်မယ်လို့ မယူဆဘူးလား။

  ဖြေ -- ကျွန်တော်တို့နဲ့တရုတ်နိုင်ငံတို့ဟာ ရင်းနှီး ချစ်ကြည် ကြတဲ့ နိုင်ငံတွေဖြစ်ပါတယ်။ နယ်စပ်ဒေသတွေ မှာတော့ ဒီလိုပဲ လူမျိုးစုတွေက အသွင်သဏ္ဍန်အားဖြင့် တူကြပါတယ်။ ဟိုဘက်ကလည်း ဒီဘက်မှာလာပြီး အလုပ်အကိုင် လုပ် ၊ ဒီဘက်ကလည်း တရုတ်ဘက်မှာ အလုပ်သွားလုပ်တာ ရှိပါတယ်။ သို့သော်လည်းပဲ တရုတ်ကတော့ သူ့နိုင်ငံထဲမှာ အခြေချပြီးတော့မှ မြန်မာနိုင်ငံကို နှောင့်ယှက် တိုက်ခိုက်တာတွေကို လက်မခံဘူးလို့ပြောထားပြီး ဖြစ်ပါတယ်။ တရုတ်ကလည်း လက်ခံမှာ မဟုတ်ပါဘူး။ သို့သော်လည်း တချို့ ကိစ္စတွေက လူသားချင်း စာနာထောက်ထားတဲ့ အနေနဲ့သူတို့ အကူအညီ ပေးရတာတွေ ရှိပါတယ်။ ဥပမာ ထွက်ပြေးသွားတဲ့သူတွေ၊ ဒဏ်ရာရလာတဲ့ သူတွေ ကို တော့လူသားချင်းစာနာ ထောက်ထားတဲ့ အနေနဲ့ကူညီပေးတာပါ။ မြန်မာနိုင်ငံကို နှောင့်ယှက်ဖို့သူ့နိုင်ငံထဲမှာ ခြေကုပ် ယူပြီးတော့ ဒီလို လုပ်တာကို တရုတ်ကလည်း ခွင့်မပြု ပါဘူး။ ဒီကိစ္စတွေက ကျွန်တော်တို့ နှစ်နိုင်ငံ ညှိနှိုင်း ဆောင်ရွက်နေပါတယ်။ နှစ်နိုင်ငံ ညှိုနှိုင်း ဆောင်ရွက်ရင်းနဲ့ အဆင်ပြေသွားမယ့် ကိစ္စတွေ ဖြစ်ပါတယ်။ အဆင်ပြေချောမြေ့ သွားအောင်လည်း ကျွန်တော်တို့ ညှိနှိုင်း ဆောင်ရွက်နေပါတယ်။

သမ္မတဦးသိန်းစိန် နဲ့ ဘီဘီစီ အင်တာဗျူး (အပိုင်း ၁)

A+ A-

Print Email

နိုင်ငံရေးအပြောင်းအလဲတွေနဲ့ ပတ်သက်ပြီး သမ္မတရဲ့ ခံယူချက်သဘောထား

ဘီဘီစီရဲ့ မြန်မာနိုင်ငံဆိုင်ရာ သတင်းထောက် ဂျိုနာဖစ်ရှာ သမ္မတ ဦးသိန်းစိန်နဲ့ နေပြည်တော်မှာ တွေ့ဆုံပြီး မြန်မာ့နိုင်ငံရေး၊ ပြုပြင်ပြောင်းလဲရေး လုပ်ငန်းစဉ်တွေ၊ တပ်မတော်က နိုင်ငံရေးမှာ ပါဝင်ပတ်သက်နေတဲ့ အပိုင်း၊ ဒေါ်အောင်ဆန်းစုကြည် သမ္မတ ဖြစ်လာနိုင်မယ့် အလားအလာ၊ ကျောင်းသားဆန္ဒပြမှုတွေကို အကြမ်းဖက် နှိမ်နင်းမှု အကြောင်းတွေကို မေးမြန်းခဲ့ပါတယ်။

ဂျိုနာဖစ်ရှာ -- သမ္မတကြီးခင်ဗျား၊ သမ္မတကြီး နိုင်ငံတော်ကို တာဝန်ယူတာ လေးနှစ်ရှိပါပြီ။ အခုလုပ်နေတဲ့ ဒီမိုကရေစီကို ရှေ့ရှုတဲ့ ပြုပြင်ပြောင်းလဲရေးတွေ ဘာကြောင့် လုပ်ခဲ့သလဲဆိုတာ ဘယ်သူကမှ တိတိကျကျ ပြည့်ပြည့်စုံစုံ ပြောဆိုတာမျိုး မကြားခဲ့ရသေးပါဘူး။ လူတွေကတော့ ပြောကြပါတယ်၊ စီးပွားရေးကြောင့်၊ တရုတ်အပေါ် မှီခိုအားထားနေရတာတွေ လျော့နည်း သွားအောင် ဒီလို ပြင်ပကမ္ဘာနဲ့ ဆက်ဆံပြီး ဒီလို နိုင်ငံရေး ပြုပြင် ပြောင်းလဲရေးတွေ လုပ်တာလို့ တချို့ကပြောကြပါတယ်။ သမ္မတကြီး ဒီလို ပြုပြင်ပြောင်းလဲရေးတွေ လုပ်ခဲ့တာ ဘာကြောင့်ပါလဲ။

ဦးသိန်းစိန် -- ခင်ဗျားတို့သိတဲ့အတိုင်းပါပဲ။ ကျွန်တော်တို့နိုင်ငံမှာ တပ်မတော် အစိုးရ အနေနဲ့ အုပ်ချုပ်လာတာ နှစ်ပေါင်း ၄၀ ကျော် ကြာခဲ့ပါတယ်။ ပြည်သူတွေကလည်း ဒီမိုကရေစီ စနစ်ကို လိုလားနေကြာတာ ဖြစ်သည့်အတွက် တပ်မတော်က ဒီမိုကရေစီ ပြုပြင်ပြောင်းလဲရေး အစကို ပျိုးခဲ့ပါတယ်။ အစပျိုးခဲ့လာတာ ပြုပြင်ပြောင်းလဲရေး ၇ ချက်နဲ့တစ်ဆင့်ပြီးတစ်ဆင့် ပြောင်းလဲ လာတယ်။ စစ်တပ်အုပ်ချုပ်တဲ့ စနစ်ကနေ ပြည်သူကရွေးချယ်တဲ့ အရပ်သား အုပ်ချုပ်တဲ့စနစ်ကို သွေးထွက်သံယိုမှု နည်းနည်းနဲ့ သွေးထွက်သံယိုမှု မရှိဘဲနဲ့ ငြင်ငြင်သာသာ နဲ့ကျွန်တော်တို့ ကူးပြောင်း နိုင်ခဲ့တာဟာ ကျွန်တော်တို့ရဲ့ ကြီးမားတဲ့အောင်မြင်မှုတစ်ခု လုပ်ဆောင်မှု တစ်ခု ဖြစ်ပါတယ်။ အမှန်ကတော့ တရုတ်နိုင်ငံရဲ့လွမ်းမိုးမှု လျော့အောင်တို့ ဘာတို့ မဟုတ်ပါဘူး။ ကျွန်တော်တို့ရဲ့ ပြုပြင်ပြောင်းလဲမှုဟာ ပြည်သူတွေရဲ့ ပြုပြင်ပြောင်းလဲလိုတဲ့ ဆန္ဒကို ဖြည့်ပေးခြင်းပဲ ဖြစ်ပါတယ်။ ပြည်သူတို့ရဲ့ဆန္ဒကလည်း အဓိက ကျတာ နှစ်ခုပါပဲ။ တစ်ခုကတော့ တိုင်းပြည်မှာ အေးအေးချမ်းချမ်းနဲ့တည်တည်ငြိမ်ငြိမ် နဲ့ ရှိခြင်တယ်။ လှုမှုစီးပွား ဘ၀တွေ တိုးတက် ဖွံ့ဖြိုးလာချင်တယ်။ ပြည်သူ့ဆန္ဒကို အဓိက ထားပြီးတော့ပဲ ပြုပြင်ပြောင်းလဲမှု အဓိက လုပ်ခြင်းဖြစ်ပါတယ်။ ကျန်တဲ့ဟာတွေနဲ့သက်ဆိုင် ပတ်သက်ခြင်း မရှိပါဘူး။

မေး -- အခု ကျွန်တော်တို့ တွေ့နေရတဲ့ ပြုပြင်ပြောင်းလဲရေးတွေဟာ နောက်ကြောင်းပြန်မလှည့်တော့တဲ့ အနေအထားကို ရောက်နေပြီလား။ အခုရနေတဲ့ လွတပ်လပ်ခွင့် တွေဟာ စစ်တပ်ကြောင့် တစ်မျိုး တစ်ဖုံ ပြောင်းလဲပြီး နောက်ကြောင်းပြန်လှည့်တာမျိုး ဖြစ်သွားနိုင်ပါသေးလား။

ဖြေ -- ကျွန်တော် ပြောရဲပါတယ်။ ပြုပြင်ပြောင်းလဲရေးတွေဟာ နောက်ကြောင်းပြန်လှည့်စရာ အကြောင်း မရှိပါဘူး။ ကျွန်တော်တို့ ပြုပြင်ပြောင်းလဲရေးတွေကို wave by wave နဲ့ တစ်ဆင့်ပြီး တစ်ဆင့် သွားနေတာ ဖြစ်ပါတယ်။ နောက်ကြောင်းကိုပြန်ပြီး လှည့်စရာ မရှိပါဘူး။ လက်ရှိမှာလည်း ဒီမိုကရေစီ လမ်းကြောင်းပေါ်ကို ရောက်နေပါတယ်။ ပုံမှန်လည်း လျှောက်လှမ်းနေပြီ ဖြစ်ပါတယ်။

မေး -- ပြုပြင်ပြောင်းလဲမှုတွေဟာ ရပ်ဆိုင်းနေပြီလို့ တချို့က ပြောကြပါတယ်။ သမ္မတကြီးက ပြုပြင်ပြောင်းလဲရေးတွေ လုပ်နေပေမယ့် စစ်တပ်က လုပ်ပိုင်ခွင့် အာဏာတွေ ရှိနေတုန်းဆိုတော့ တပ်မတော်ဟာ ပြုပြင်ပြောင်းလဲရေးတွေ လုပ်မယ်လို့ သန္နိဋ္ဌာန်ချထားတဲ့ အနေအထားမှာ ရှိနေပါသလား။

ဖြေ -- ပြုပြင်ပြောင်းလဲရေးတွေဟာ ရပ်ဆိုင်းနေတယ် ဆိုတာ လုံးဝ မဟုတ်ပါဘူး။ ကျွန်တော်တို့ဟာ အရှိန်အဟုန်နဲ့ သွားနေခြင်းပဲ ဖြစ်ပါတယ်။ စောစောက ပြောသလိုပါပဲ။ ပြုပြင်ပြောင်းလဲရေးတွေကို အရှိန်အဟုန်နဲ့ တွန်းအားပေးပြီး တော့မှ ဆောင်ရွက်နေတာ ဖြစ်ပါတယ်။ ပထမ first wave မှာ သွေးထွက်သံယို မရှိဘဲ ဒီမိုကရေစီ စနစ်ကို ကူးပြောင်းနိုင်တယ်။ second wave ကတော့ပြည်သူတွေ လိုလားနေတဲ့ တည်ငြိမ်အေးချမ်းတဲ့ လူမှုစီးပွားဘ၀ ဖွံ့ဖြိုးရေး အတွက် နိုင်ငံရေး ပြုပြင်ပြောင်းလဲမှုတွေကို၊ စီးပွားရေးပြုပြင် ပြောင်းလဲမှုတွေ၊ အုပ်ချုပ်ရေး ပြုပြင်ပြောင်းလဲမှုတွေ၊ နောက် ပုဂ္ဂလိက ကဏ္ဍ မြှင့်တင်ရေးတွေ ကို အရှိန်အဟုန် နဲ့ ပြောင်းလဲ လာခဲ့တယ်။ အဲဒါတွေက second wave ပါ။ Third wave က အခုသွားနေတယ်။ အစိုးရ သက်တမ်း ကလည်း တစ်နှစ်လောက်ပဲ ကျန်တော့တယ်။ တစ်နှစ်လောက် ကျန်တဲ့ကာလမှာ ကျွန်တော်တို့လုပ်ထားတဲ့လုပ်ငန်းတွေရဲ့ အောင်မြင်မှု database ကို အခြေခံပြီးတော့မှ ပြည်သူလူထုကို လတ်တလော အကျိုးခံစားခွင့်ရမယ့် ဟာတွေ၊ နောက် ရေရှည် အတွက် အခြေအနေကောင်းတွေကို အုတ်မြစ်ကောင်းတွေကို ချထားမယ်။ ဒါတွေကို အင်တိုက်အားတိုက်နဲ့ လုပ်နေပါတယ်။ ပြုပြင်ပြောင်းလဲရေးတွေဟာ တုံ့ဆိုင်းသွားတယ် လုံးဝ ရပ်ဆိုင်း သွားတယ်ဆိုတာ လုံးဝ မမှန်ပါဘူး။ တပ်မတော်ကြောင့် ပြုပြင်ပြောင်းလဲရေးတွေ တုံ့ဆိုင်းသွားရတာ၊ နှေးကွေးသွားရတာ လုံးဝ မဟုတ်ပါဘူး။ တပ်မတော်က party politics ကို မလုပ်ပါဘူး။ အမျိုးသား နိုင်ငံရေးကို လုပ်တာပဲ ဖြစ်ပါတယ်။ အမျိုးသားနိုင်ငံရေးကို လုပ်တာ မို့လို့တပ်မတော် အနေနဲ့ ပြည်သူတွေအတွက် အကျိုးရှိတာ မှန်သမျှကို ဘယ်အဖွဲ့အစည်းနဲ့ မဆို ပူးပေါင်း ဆောင်ရွက် နိုင်တာ ဖြစ်ပါတယ်။ တပ်မတော်ကြောင့် နှေးကွေးသွားတာ၊ တုံ့ဆိုင်းသွားတာ မဟုတ်ပါဘူး။
လိုအပ်သမျှ နိုင်ငံရေးမှာ တပ်မတော်က ဆက်ပါနေမယ် လို့ဆို

လိုအပ်သမျှ နိုင်ငံရေးမှာ တပ်မတော်က ဆက်ပါနေမယ် လို့ဆို
မြန်မာ့နိုင်ငံရေးနဲ့ တပ်မတော်ရဲ့ အခန်းကဏ္ဍ

မေး -- ဒီလိုဆိုရင် မြန်မာ့ ဒီမိုကရေစီရေးမှာ စစ်တပ်ရဲ့ အခန်းကဏ္ဍဟာ ဘယ်လောက်ကြီးကြီးမားမား ဆက်ပြီးတော့ ရှိနေဦးမှာပါလဲ။ သမ္မတကြီးရဲ့ အမြင်ကို သိပါရစေ။

ဖြေ -- ဒီမိုကရေစီ စနစ်ကို ပြုပြင်ပြောင်းလဲ ဖို့တပ်မတော်က ပုံဖော်ပေးတာ ဖြစ်ပါတယ်။ ၂၀၀၃ ခုနှစ်ကတည်းက ဒီမိုကရေစီ စနစ်ကို ပြုပြင်ပြောင်းလဲဖို့ road map ၇ ချက်ကို ချပြီး တစ်ဆင့်ပြီး တစ်ဆင့် ဒီမိုကရေစီစနစ် ကို ပြောင်းလဲ လာတာဖြစ်ပါတယ်။ ဒီမိုကရေစီ စနစ်ကို ပြောင်းလဲတာမှာ တပ်မတော်က အဖက်ဖက် ကနေ အကူအညီ ပေးနေတာပဲ ဖြစ်ပါတယ်။

မေး -- မြန်မာ့နိုင်ငံရေးမှာ စစ်တပ်ရဲ့ အခန်းကဏ္ဍ လုံးဝ မပါတော့တဲ့ အထိ သမ္မတကြီး အနေနဲ့ လုပ်ဆောင်သွားဖို့ ရည်မှန်းချက် ရှိပါသလား။

ဖြေ -- မြန်မာနိုင်ငံရဲ့နိုင်ငံရေးမှာ တပ်မတော်ရဲ့အခန်းကဏ္ဍ ကို ချန်ထားခဲ့လို့ မရပါဘူး။ ဘာကြောင့်လဲ ဆိုတော့ တပ်မတော် က ပြည်သူလူထုနဲ့ လက်တွဲပြီးမှ တစ် အချက်က လွတ်လပ်ရေးကို ရယူပေးခဲ့တယ်။ နောက်တစ်ခုက တိုင်းပြည်မှာ အခက်အခဲတွေ ပြသနာတွေ တိုင်းပြည် ပြိုကွဲပျက်စီးမယ့် အခြေအနေမျိုး ကြုံတွေ့တိုင်းမှာ တပ်မတော်က ဝင်ရောက် ကယ်တင်ခဲ့ရတာပဲ ချည်းပဲဖြစ်ပါတယ်။ ဒါကြောင့် မြန်မာ့ရဲ့နိုင်ငံရေးမှာ တပ်မတ်ာက သူ့ကို ချန်ထားခဲ့လို့တော့ မရဘူး။ သို့သော်လည်းပဲ တပ်မတော် သားတွေဟာ ပါတီဝင် မဟုတ်ပါဘူး။ ပါတီ နိုင်ငံရေးကို မလုပ်ပါဘူး ။အမျိုးသား နိုင်ငံရေးကို တော့ ဆက်ပြီး လုပ်သွားမှာ ဖြစ်ပါတယ် ။ တိုင်းပြည်အတွက် အကျိုးရှိမယ့် အမျိုးသား နိုင်ငံရေး တိုင်းပြည် အတွက် လုပ်သွားတာပါ။ တိုင်းပြည်အတွက်ပဲ ဦးတည်ပြီးလုပ်သွားမှာပါ။သူတို့မှာ ပါတီနိုင်ငံရေး ဆိုတာ မရှိပါဘူး။ ပါတီဝင်တွေလည်း မဟုတ်ပါဘူး။ တပ်မတော် ရဲ့အဓိက အလုပ်က နှစ်ခုပါ။ တစ်ခုကတော့ တိုင်းပြည်မှာ လိုအပ်လာလို့ရှိရင် တိုင်းပြည်ကို ကာကွယ်ဖို့အတွက် စစ်တိုက်ဖို့က သူတို့ရဲ့ အဓိက အလုပ်တစ်ခုပါ။ စစ်တိုက်ဖို့မရှိဘူးဆိုရင် ပြည်သူလူထုရဲ့ အကျိုးစီးပွားတွေကို ပါဝင်ကူညီဆောင်ရွက်ဖို့ဖြစ်ပါတယ်။ ပြည်သူလူထုရဲ့ အကျိုးစီးပွားကို ပါဝင်ကူညီ ဆောင်ရွက်ခြင်းဟာ national politics ပဲ ဖြစ်ပါတယ်။

မေး -- အဲဒီတော့ တပ်မတော် လွှတ်တော်ထဲမှာ၂၅ ရာခိုင်နှုန်း ဆက်လက်ပါဝင်နေဦးမယ်၊ ဖွဲ့စည်းပုံ ပြင်ဆင်ရေး ကိစ္စတွေမှာ ဗီတိုသုံးပယ်ချခွင့် ဆက်ရှိနေဦးမယ်ဆိုတဲ့ သဘောလား။

ဖြေ -- မှန်ပါတယ် လွတ်တော် ထဲမှာ တပ်မတော်က ၂၅ ရာနှုန်းပါဝင်နေပါတယ်။ ၂၅ ရာနှုန်း ပါဝင်ရတဲ့အကြောင်းရင်းကလည်း စောစော က ပြောသလို မြန်မာ့နိုင်ငံရေးမှာ တပ်မတော်ကို ချန်လှပ် ထားခဲ့လို့မရလို့ ဖြစ်ပါတယ်။ သူလုပ်နေတာ ပါတီ တစ်ခုအတွက် မဟုတ်ပါဘူး။ နိုင်ငံအကျိုးအတွက်ကာ ကွယ်စောင့်ရှောက်ဖို့ပါဝင်ပေးနေခြင်းပဲ ဖြစ်ပါတယ်။ Balance ဖြစ်အောင်လုပ်ဖို့ ပါဝင်ပေးနေခြင်းပဲ ဖြစ်ပါတယ်။ သိတဲ့အတိုင်းပဲ ဒီမိုကရေစီ စနစ်ကိုပြောင်းတာ လေးနှစ်ပဲ ရှိသေးတယ်။ ဒီမိုကရေစီ အတွေ့အကြုံတွေကလည်း အင်မတန်မှ နည်းသေးတယ်။ အလေ့အကျင့်တွေကလည်း အင်မတန်မှ နည်းသေးတယ်။ ဒီမိုကရေစီ အတွေ့အကြုံတွေဒီမိုကရေစီ အလေ့အထ တွေ ပါတီတွေက ရင့် ကျက် လာတာနဲ့ အမျှ တပ်မတော်က သူရဲ့အခန်းကနေ တဖြည်းဖြည်း ပြောင်းလဲ သွားမှာဖြစ်ပါတယ်။

မေး -- တဖြည်းဖြည်းဆိုတာက ဘယ်လိုမျိုးလဲခင်ဗျ၊ လာမယ့် လွှတ်တော် သက်တမ်းမှာ တပ်မတော်က ကိုယ်စားပြုတဲ့ အရေအတွက် လျှော့ချတာ မြင်ရနိုင်ပါသလား၊ ဒါမှ မဟုတ် ဒီလို တဖြည်းဖြည်းချင်း လျှော့ချဖို့ အချိန်တော်တော် ယူရဦးမှာပါလား။

ဖြေ -- ကျွန်တော်ပြောချင်တာက ဒီမိုကရေစီ စနစ်ကို ပြောင်းလဲစမှာ တပ်မတော်ရဲ့ အခန်း ပါဝင်နေတာဟာ ကျွန်တော်တို့တစ် နိုင်ငံ တည်း မဟုတ်ပါဘူး။ အင်ဒိုနီးရှားလည်း ဒီမိုကရေစီ စနစ်ကို ပြောင်းတာ ကျွန်တော်တို့ ကမှ လွှတ်တော်ထဲမှာ ၂၅ ရာနှုန်းပဲ ပါတယ်။ အင်ဒိုနီးရှားဆို ၄၀ ရာနှုန်းထိပါ ပါတယ်။ တဖြည်းဖြည်းနဲ့သူဟာနဲ့ သူ လျှော့သွားတာပဲ ဖြစ်ပါတယ်။ နှစ်အကန့် အသတ်တော့ ပြောရတာ ခက်ပါတယ်။ သို့သော်လည်း တဖြည်းဖြည်းနဲ့ ဒီမိုကရေစီ အလေ့အထတွေ များလာတယ် ရင့်ကျက်လာတယ်ဆိုရင် တပ်မတော်ကလည်း တဖြည်းဖြည်းနဲ့လျော့သွားမှာ ဖြစ်ပါတယ်။ ဒါကလည်း ပြည်သူ့ဆန္ဒအပေါ် မူတည်ပါတယ်။

ဒေါ်အောင်ဆန်းစုကြည် သမ္မတဖြစ်ခွင့်ရှိမရှိ၊ ကျောင်းသားဆန္ဒပြသူတွေကို ရဲတွေက အကြမ်းဖက်ဖြိုခွဲခဲ့ခြင်း၊ တရုတ်နယ်စပ်က တိုက်ပွဲတွေအကြောင်းနဲ့ ပတ်သက်တဲ့ မေးခွန်းတွေကို ဖြေကြားထားတဲ့ ဒုတိယပိုင်းကို ဒီနေရာမှာ ဆက်လက် ဖတ်ရှုနိုင်ပါတယ်။

BBC Burmese

အာဏာခွဲဝေယူရေး အရေးကြီး အဆိုတင်

A+ A-

Print Email

တိုင်းရင်းသားတွေ တင်တဲ့ အဆိုတွေကို အစိုးရက ထိရောက်အောင်လုပ်တာ မရှိလို့ ဒေါ်ဒွဲဘူဆို
၂၀၀၈ ဖွဲ့စည်းပုံအရ သတ်မှတ်ထားတဲ့ ပြည်နယ်၊ တိုင်းတွေနဲ့ ကိုယ်ပိုင် အုပ်ချုပ်ခွင့်ရ ဒေသ တွေမှာ အာဏာ ခွဲဝေမှု၊ သယံဇာတ နဲ့ အခွန် အကောက်ခွဲဝေမှုတွေ ပီပီပြင်ပြင် ဖြစ်လာအောင် ဥပဒေ၊ နည်း ဥပဒေတွေကို လိုအပ်သလို ပြင်ဆင် ပြဌာန်းပေးဖို့ တိုက်တွန်းတဲ့ အရေးကြီး အဆိုကို ပြည်ထောင်စုလွှတ်တော်မှာ မတ်လ ၂၀ ရက်နေ့က တင်သွင်းခဲ့ပါတယ်။

ပြည်ထောင်စု လွှတ်တော်နဲ့ ပြည်ထောင်စု အစိုးရကို တိုက်တွန်း ထားတဲ့ ဒီအရေးကြီး အဆိုကို တိုင်းရင်းသား ဒေသတွေက ကိုယ်စားလှယ်တွေက တင်သွင်းတာ မဟုတ်ဘဲ တပ်မတော်သား ကိုယ်စားလှယ် ဗိုလ်မှူးချုပ် တင်ဆန်းက တင်သွင်းခဲ့တာ ဖြစ်ပါတယ်။

ဒီအဆိုကို ထောက်ခံ ဆွေးနွေးခဲ့သူ တစ်ယောက် ဖြစ်တဲ့ ကချင်ပြည် အင်ဂျန်းယန် မဲဆန္ဒနယ် ပြည်သူ့ လွှတ်တော် ကိုယ်စားလှယ် ဒေါ်ဒွဲဘူက ၂၀၀၈ ဖွဲ့စည်းပုံ အခြေခံ ဥပဒေမှာ ပါတဲ့ အာဏာ ခွဲဝေမှု၊ သယံဇာတ နဲ့ အခွန် အကောက်ခွဲဝေမှုတွေ နဲ့ ပတ်သက်လို့ တိတိကျကျ ပြဌာန်းထားတာ မရှိတဲ့ အတွက် သက်ဆိုင်ရာ ပြည်နယ်နဲ့တိုင်းဒေသတွေမှာ ဆောင်ရွက်ရတာ အခက်အခဲတွေ ရှိနေတယ်လို့ ပြောပါတယ်။

နည်းဥပဒေတွေ တိတိကျကျ မရှိတာကြောင့် အငြင်းပွားမှုတွေ ရှိနေလို့ အရေးကြီး အဆိုတင်ဖို့ လိုတယ်လို့ ယူဆတဲ့ အတွက် ထောက်ခံတာလို့ ဒေါ်ဒွဲဘူက ပြောပါတယ်။

လက်ရှိ အစိုးရ သက်တမ်း ၁၀ လလောက်ပဲ ကျန်တော့တဲ့ အခု အချိန်ကျမှ တပ်မတော်သား ကိုယ်စားလှယ် ဘက်က အခုလို တင်သွင်းတဲ့ အကြောင်းရင်းက တာကတော့ တိုင်းရင်းသား ငြိမ်းချမ်းရေး ဖြစ်စဉ် တိုးတက်လာတာနဲ့လည်း ပတ်သက်နိုင်တယ်လို့ မြင်ကြောင်း သူက ပြောပါတယ်။

အခု လက်ရှိ ငြိမ်းချမ်းရေး ဆွေးနွေးမှုမှာ အတိုင်းအတာ တစ်ခု အထိ တိုးတက်လာတဲ့ အတွက် တပ်မတော်သား ကိုယ်စားလှယ်တွေ ဘက်ကလည်း ခြေတစ်လှမ်း တိုးလာတာလို့ ဒေါ်ဒွဲဘူက မြင်ကြောင်း ပြောပါတယ်။

ဒီအဆို အကောင် အထည်ပေါ်လာစေဖို့ကတော့ ဥပဒေတွေ၊ နည်းဥပဒေတွေ ပြင်ဆင်မှု ဘယ်လောက်ကြာမယ် ဆိုတဲ့ အပေါ် မူတည်တယ်လို့လည်း ဒေါ်ဒွဲဘူက ပြောပါတယ်။

ဒီအဆိုကို ပြည်ထောင်စုလွှတ်တော်မှာ အားလုံးက ထောက်ခံခဲ့ကြပေမဲ့ အရေးကြီး အဆိုအဖြစ် သတ်မှတ်ဖို့ သင့်မသင့် မေးခွန်း ထုတ်သူတွေ ရှိခဲ့ပြီး ပြည်ထောင်စု လွှတ်တော် နာယက သူရ ဦးရွှေမန်းက အရေးကြီး အဆိုအဖြစ် သတ်မှတ်ခဲ့ပါတယ်။

လက်ပံတန်းသပိတ် ဖြိုခွင်းမှုရှုတ်ချဆန္ဒပြပွဲ မန္တလေးတွင် စတင်ပြီ

UPDATED.... ကျောင်းသားများအား အကြမ်းဖက်မှုကို ရှုတ်ချ ဆန္ဒပြသူများသည် မန္တလေးမြို့ ၈၄လမ်း၊ ၃၄ လမ်း နှင့် ၃၅ လမ်းကြားရှိ ဗိုလ်ချုပ် နှစ် ၁၀၀ပြည့် ခန်းမသို့ သွားကာ ဗိုလ်ချုပ်ရုပ်ထုရှေ့တွင် ကမ္ဘာမကျေသီချင်း သံပြိုင်သီဆို၍ အလေးပြုလျက်ရှိသည်။

အလေးပြုအပြီးတွင် ရတနာပုံတက္ကသိုလ် ကျောင်းသားသမဂ္ဂ ဥက္ကဋ္ဌ ကိုနိုင်ရဲဝေက ဟောပြောခဲ့သည်။

ထိုမှတစ်ဆင့် စတင်ထွက်ခွာလာရာ မြတောင်ကျောင်းတိုက်သို့ ဆက်လက်ထွက်ခွာမည် ဖြစ်သည်

မန္တလေး (မဇ္ဈိမ) ။ ။ လက်ပံတန်းကျောင်းသားသပိတ် အကြမ်းဖက် ဖြိုခွင်းကာ ဖမ်းဆီးခံရမှုကို ရှုတ်ချကာ မန္တလေးမြို့တိုင်း အတွင်းရှိ တက္ကသိုလ် အသီးသီးမှ ကျောင်းသားများ၊ နိုင်ငံရေး တက်ကြွ လှုပ်ရှားသူများ ၁၅၀ကျော်က မတ်လ ၂၁ရက် နံနက် ၉နာရီတွင် မန္တလေးမြို့ မြတောင်ကျောင်းတိုက်ရှေ့တွင် လူစုကာ ၉နာရီခွဲတွင် ထိုနေရာမှ စတင်ထွက်ခွာ ဆန္ဒပြပြီ ဖြစ်သည်။

မူလက မတ်လ ၁၆ ရက်တွင် အင်အား ၁,၀၀၀ ခန့်ဖြင့် ဆန္ဒပြရန် စီစဉ်ထားသော်လည်း မြို့မိမြို့ဖများနှင့် သံဃာတော်များ၏ မေတ္တာရပ်ခံမှုကြောင့် တက္ကသိုလ်ဝင်တန်းစာမေးပွဲ အပြီး မတ်လ ၂၁ရက်သို့ ပြောင်းရွှေ့ လိုက်ကြောင်း ဦးဆောင်သူ တစ်ဦးဖြစ်သည့် ကိုတိုးကြီးက မဇ္ဈိမကို ပြောသည်။

ကျောင်းသားသပိတ်ဖြိုခွင်းမှု ရှုတ်ချသည့် မန္တလေးဆန္ဒပြသူများသည် နံနက် ၁၀နာရီခန့်တွင် မန္တလေးမြို့ လမ်း ၈၀ နှင့် ၃၄ လမ်းကြားသို့ ရောက်ရှိပြိ ဖြစ်ကာ လမ်း ၈၀ထိပ်တွင် ဟောပြောလျက်ရှိသည်။

၎င်းတို့က မန္တလေး မြတောင်ကျောင်းတိုက်ရှေ့မှ စတင်ထွက်ခွာခဲ့ကာ ချမ်းအေးသာစံ၊ အောင်မြေသာစံနှင့် မဟာအောင်မြေမြို့နယ်များကို ဖြတ်သန်း၍ မြို့ပတ်ကာ ဆန္ဒပြသွားမည် ဖြစ်သည်။ သို့သော် ယခင် ခွင့်ပြုမိန့် တင်ထားသည့် လမ်းများအတိုင်း သွားမည်မဟုတ်ဘဲ မြို့တွင်းလမ်းများမှ ဖြတ်သန်းမည်ဟု သိရသည်။

ဆန္ဒပြသူ အင်အား ၂၀၀ခန့်ရှိပြီး သံဃာ ၁၀ပါးခန့် နှင့် တောင်သူများကလည်း ဝန်းရံကြသည်။ လုံခြုံရေး ရဲတပ်ဖွဲ့ဝင် အချို့လည်း လိုက်လံ စောင့်ကြည့်မှု ရှိသော်လည်း တားဆီးပိတ်ပင်မှု မတွေ့ရပေ။

(မဇ္ဈိမ)

အရွယ်မရောက်သေးသည့် လက်ပံတန်းက လူငယ်ကိုပြန်လွှတ်ရန် မိဘတောင်းပန်

သာယာဝတီအကျဉ်းထောင်က ပြန်လွှတ်ပေးလိုက်ပေမယ့် လက်ပံတန်းရဲက ဆက်လက် ထိမ်းသိမ်းထားတဲ့ အရွယ်မရောက်သေးသည့် လူငယ်တဦးကို အမြန်ဆုံး ပြန်လွှတ်ပေးဖို့ အုပ်ထိမ်းသူက မေတ္တာရပ်ခံတောင်းဆိုလိုက်ပါတယ်။

ပြီးခဲ့တဲ့ မတ်လ ၁၀ ရက်နေ့က လက်ပံတန်းမှာ သပိတ်မှောက်ကျောင်းသားတွေ ဖမ်းဆီးရိုက်နှက်ခံရချိန်မှာ သပိတ်နဲ့ပတ်သက်မှုမရှိတဲ့ လက်ပံတန်းဒေသခံ အသက် ၁၅ နှစ်အရွယ် ကိုချစ်ခေါ် မောင်ထွန်းထွန်းနိုင် ဖမ်းဆီးခံခဲ့ရတာပါ။

မိခင်ဖြစ်သူက ဒေါ်စန်းစန်းအေးက “သူ့ကို စိုက်ပျိုးရေးရှေ့မှာ ဖမ်းသွားတာ။  သာယာဝတီထောင်မှာ တညအိပ်ပြီးတော့ လက်ပံတန်းကိုလာပို့တာ ၁၁ ရက်နေ့က။  ခုသားလေးက လက်ပံတန်းစခန်းမှာပါ။ ခုထမင်းတွေ ဘာတွေသွားပို့တော့ ကလေးနဲ့ အတွေ့မခံဘူး၊ ဒီကလေးက အသက်မပြည့်လို့ အမှုတွေဘာတွေ တရားစွဲလို့ မရဘူးပြောတယ်။ အိမ်ပြန်လွှတ်ပေးဖို့ ဥက္ကဋ္ဌက အာမခံတာတောင် ပြန်လွှတ်မပေးဘူး”လို့ ပြောပါတယ်။

အလားတူ ဒေါ်စန်းစန်းအေးရဲ့တူတွေဖြစ်ကြတဲ့  ကိုစိုးဝင်းအောင်နဲ့ ကိုအောင်စန်းတို့ လည်း မတ်လ ၁၀ ရက်နေ့မှာ အလုပ်ကနေ စက်ဘီးနဲ့ အိမ်အပြန်လမ်းမှာ ရဲလုံခြုံရေးတွေရဲ့ ရိုက်နှက် ဖမ်းဆီးခံရပြီး လက်ရှိ သာယာဝတီထောင်မှာ ထိန်းသိမ်းခံနေရတယ်လို့ လည်းပြောပါတယ်။

လက်ပံတန်းရဲစခန်း တာဝန်ကျရဲဝန်ထမ်းတဦးကတော့  ဒေါ်စန်းစန်းအေးရဲ့ သားဖြစ်သူ ကိုချစ်ကို စခန်းမှူး ဒုရဲမှူး စန်းမြင့်ရဲ့ နေအိမ်မှာ  ထိန်းသိမ်းထားတယ်လို့ ဒီဗွီဘီကို ပြောပါတယ်။

‘“စခန်းမှူးက ထိန်းသိမ်းထားပါတယ်။  စခန်းမှူး အုပ်ထိန်းမှုအောက်မှာပေါ့၊  မလွှတ်သေးပါဘူး။ အသက်မပြည့်သေးလို့သာ မိဘအုပ်ထိန်းမှုအောက်ကို ပြန်ထည့်မပေး တာပါ” လို့ပြောပါတယ်။

ကျောင်းသားသပိတ်ကို အကြမ်းဖက်ဖြိုခွင်းခဲ့စဉ်မှာ ကျောင်းသားတွေနဲ့ သပိတ်ဝန်းရံပေးသူတွေ သာမက လက်ပံတန်း ဒေသခံတွေ လည်း ဖမ်းဆီးထိန်းသိမ်းခံခဲ့ရတာပါ။

နေအိမ်မှာဝင်ရောက်ဖမ်းဆီးခံခဲ့ရတဲ့ လက်ပံတန်းဒေသခံ ကိုအောင်သူရဲ့ မိခင် ဒေါ်အေးသောင်းက “သူက သူ့ရဲ့နှစ်မအိမ်ကိုသွားတာ။  အဲဒီနေ့ကျကာမှ အဲလို ကြီးကြီးမားမားနဲ့သွားတိုးသွားတာ။ တိုးတော့ သူကလည်း ကြောက်သွားပြီး သူ့ရဲ့ နှမအိမ်မှာဝင်ပြီးပုန်းတာပေါ့၊ အဲဒီအချိန်မှာ အနားမှာရှိတဲ့အိမ်တွေ အကုန်လုံးကို တံခါးပိတ်ခိုင်းထားတယ်၊ ရဲတွေကပေါ့နော်၊ တော်ကြာကျတော့ အကုန်လုံး တံခါးတွေ အတင်းဖွင့်ခိုင်းတယ်၊ ကလေးတွေက ကြောက်ပြီးတော့ ဖွင့်ပေးတော့ ကျမသားကို တွေ့သွားတာပေါ့။  အဲဒီမှာတင် ဖမ်းခေါ်သွားတာ အခုတော့ သာယာဝတီ အကျဉ်းစခန်းထဲမှာပေါ့။ အဒေါ်ပြောချင်တာက အခုလို အခက်အခဲဖြစ်တဲ့အချိန် သတင်းတွေကြည့်လိုက်တဲ့အခါမှာ သတင်းမီဒီယာတွေက သတင်းမီဒီယာတွေအတွက်ပဲ အရေးတယူ ဆွဲထုတ်သွားကြတယ်။  ကျောင်းသားကလည်း ကျောင်းသားဘက်ကဘဲ ဆွဲထုတ်သွားကြတယ်။ အဒေါ်တို့ အရပ်သားတွေဘက်က ဘယ်သူမှ ကယ်မယ့်သူမရှိဘူး”လို့ပြောပါတယ်။

ပဲခူးတိုင်းရဲတပ်ဖွဲ့ ရဲမှူးကြီး ဝင်းစိန်ကတော့ အမှုနဲ့ မပတ်သက်သူတွေ စိစစ်ပြီးပြန်လွှတ်ပေးမယ်လို့ ဒီဗွီဘီကိုပြောပါတယ်။

“တချို့လည်း လမ်းဘေးမှာရပ်ကြည့်ရင်းနဲ့ အဖမ်းခံရတဲ့ အထဲပါသွားတာရှိတယ်။ ဘုန်းကြီးကျောင်းတွေ ဘာတွေပေါ်မှာ ပစ္စည်းလေးဘာလေးတွေ သောက်စရာလေးတွေ လာလှူတာတို့ အဲလိုလူမျိုးတွေရှိတယ်။ နောက် သားသမီးတွေ လိုက်ခေါ်တဲ့ မိဘတွေရှိတယ်။ စသဖြင့် အမှုနဲ့ မပတ်သက်တဲ့လူတွေ စိစစ်ပြီးရင် ကျနော်တို့ အထက်ကို တင်ပြပြီးတော့ လွှတ်သင့်တဲ့သူကို လွှတ်ဦးမယ်။ ၀န်းရံတဲ့လူတွေထဲက နှစ်ပိုင်းကွဲသွားလိမ့်မယ်။ အာမခံ ပေးနိုင်တဲ့ အပိုင်းနဲ့ အာမခံ မပေးနိုင်တဲ့အပိုင်း၊ ပေးနိုင်တဲ့အပိုင်း ကျနော့် အာမခံနဲ့ လွတ်လာ နိုင်တယ်ပေါ့၊ အာမခံမပေးနိုင်တဲ့ အပိုင်းကျတော့ သူတို့လည်း နည်းနည်းပါးပါးတော့ ကျန်လိမ့် မယ်ထင်တယ်”လို့ပြောပါတယ်။

လက်ပံတန်းဖြစ်စဉ်နဲ့ ပတ်သက်ပြီး ဖမ်းဆီးထိန်းသိမ်းခဲ့သူ ၁၂၇ ဦးရှိတယ်လို့ အစိုးရက ထုတ်ပြန်ထားပြီး  ကျောင်းသား ၂၇ ဦးနဲ့ သတင်းထောက် ၂ ဦးကို ပြန်လွှတ်ပေး ခဲ့ပြီးဖြစ်တယ်။

By ဒီဗွီဘီ

အမျိုးသား ပညာရေး ဥပဒေ ပြင်ဆင်သည့် ဥပဒေကြမ်း ဆွေးနွေးရန်သဘောတူ

ဒေါ်ခင်စန်းရီ (ဓာတ်ပုံ - Hluttaw Channel)

သပိတ်မှောက် ကျောင်းသားတွေ ရိုက်နှက်ဖမ်းဆီး ထောင်ကျခံပြီး တောင်းဆိုခဲ့တဲ့ အမျိုးသား ပညာရေးဥပဒေကို ပြင်ဆင်သည့် ဥပဒေမူကြမ်းကို အမျိုးသား လွှတ်တော်မှာ ဆွေးနွေဖို့  အဆိုအောင်မြင်သွားပါတယ်။

မတ်လ ၂၀ ရက် အမျိုးသား လွှတ်တော် အစည်းအဝေးမှာ ပညာရေး ၀န်ကြီးဌာန ပြည်ထောင်စု ဝန်ကြီး ဒေါက်တာဒေါ်ခင်စန်းရီက အဆိုတင်သွင်းခဲ့တာဖြစ်ပြီး ဒီအဆိုကို  လက်ခံ သင့်၊ မသင့် အဆုံးအဖြတ်ရယူရာမှာ လွှတ်တော်ကိုယ်စားလှယ် အများစုက ထောက်ခံတဲ့ အတွက် အဆို အောင်သွားခဲ့တာပါ။

ဒီအဆိုကို ကြံ့ခိုင်ရေးနဲ့ဖွံ့ဖြိုးရေးပါတီက အမျိုးသားလွှတ်တော် ကိုယ်စားလှယ်  ဦးနုက လက်ခံစဉ်းစားသင့်ကြောင်း ထောက်ခံဆွေးနွေးပြီး  သင်္ကန်းကျွန်း အမျိုးသားလွှတ်တော် အမတ် ဦးဘုန်းမြင့်အောင်က ကန့်ကွက်ခဲ့တယ်လို့ အန်အယ်လ်ဒီအမတ် ဦးအောင်ကြည်ညွန့်က  ဒီဗွီဘီကို ပြောပါတယ်။

“ကန့်ကွက်တယ်ဆိုရင် မဲခွဲမယ်ဆိုပြီး ထိုင်ထနဲ့ပဲမဲခွဲတယ်။ မဲခွဲတော့ ၁၄၂ ယောက်က ထောက်ခံတယ်။ အစည်းအဝေးတက်ရောက်သူစာရင်းက ၁၄၆ ယောက်ရှိတယ်။ အများစုက လက်ခံဆွေးနွေးဖို့ ထောက်ခံလိုက်တယ်။ အဆိုအောင်သွားတယ်။”

အမျိုးသားလွှတ်တော် ဥပဒေကြမ်းကော်မတီဥက္ကဋ္ဌဦးခင်မောင်ရီနဲ့ ဒေါက်တာ မြတ်ဉာဏစိုးတို့က ဥပဒေကြမ်းကော်မတီရဲ့သုံးသပ်ချက်အစီရင်ခံစာကို ဖတ်ကြား တင်သွင်းသွားပြီး နိုင်ငံတော်ရဲ့ အနာဂတ်ပညာရေး အဆင့်မြင့်မားရေးအတွက် အမျိုးသားပညာရေးအမြင်ဖြင့် ရှုမြင်သုံးသပ်ပြီး ပညာရေးဝန်ကြီးတင်သွင်းတဲ့ ဥပဒေမူကြမ်းကို လက်ခံစဉ်းစားဖို့ တိုက်တွန်းသွားပါတယ်။

ဒီအစီရင်ခံစာမှာ အခမဲ့ မသင်မနေရ မူလတန်းပညာရေးကို အကောင် အထည်ဖော်ဆောင်ရွက်ပြီး အဆင့်ဆင့်တိုးချဲ့ဆောင်ရွက်သွားရန်နှင့် နိုင်ငံ၏ ပညာရေး အသုံး စရိတ်ကို  ၅ နှစ်အတွင်း တစ်နိုင်ငံလုံး အသုံးစရိတ်ရဲ့ ၂၀ ရာခိုင်နှုန်းအထိ တိုးမြင့်သုံးစွဲ သွားနိုင်ရန် ရည်မှန်းဆောင်ရွက်ရမည်ဟု   ပညာရေးဥပဒေကို အစားထိုးပြင်ဆင်ဖို့ပါရှိပါတယ်။

ဥပဒေပြင်ဆင်ဖို့ တင်ပြထားတဲ့ ပြဌားချက်ပေါင်း ၈၁ ချက်ရှိသည့်အနက်  တိုက်ရိုက်လက်ခံသင့် သည့် ပြဋ္ဌာန်းချက်  ၃၈ ချက်၊ မူရင်းဥပဒေကို အနှစ်သာရ မပျက်စေပဲ ဥပဒေရေးထုံးနဲ့အညီ စကားရပ် ပြုပြင်ရေးသားသင့်တာ ၂၄ ချက်နဲ့  ဖွဲ့စည်းပုံ၊ တည်ဆဲဥပဒေတွေနဲ့ မညီတဲ့အပြင် လိုအပ်ခြင်းလည်းမရှိ ထပ်ခါထပ်ခါပါနေတဲ့ အချက်က ၁၉ ချက်ရှိတယ်လို့ လည်းဆိုပါတယ်။

ဒီအစီရင်ခံစာအပေါ်မူတည်ပြီး လွှတ်တော်ကိုယ်စားလှယ်တွေအနေနဲ့  ဥပဒေကြမ်းပါ ပြဌာန်းချက်တွေကို လက်ခံ၊ မလက်ခံ ဆွေးနွေးကြရမှာလည်း ဖြစ်ပါတယ်။

အမျိုးသားလွှတ်တော် ဥက္ကဋ္ဌ ဦးခင်အောင်မြင့်က လာမယ့် မတ်လ ၂၃ ရက်နေ့ ညနေ ၄ နာရီ နောက်ဆုံးထားပြီး ဒီဥပဒေကြမ်းနဲ့ပတ်သက်ပြီး ဆွေးနွေးမည့်သူတွေ စာရေးပေးသွင်းကြဖို့ ဖိတ်ခေါ်ထားပါတယ်။

အမျိုးသားပညာရေး ဥပဒေကို ပြင်ဆင်သည့် ဥပဒေကြမ်းနဲ့ ပတ်သက်ပြီး အမျိုးသား လွှတ်တော်မှာ  မတ်လ ၅ ရက်နေ့ကနေ ၁၇ ရက်  အထိ နိုင်ငံရေးပါတီတွေ၊ ကျောင်းသားတွေနဲ့ ပညာရေးကွန်ရက်အပါအငင် အစုအဖွဲ့လိုက် လာရောက် ကြားနာခဲ့ပြီးနောက် ခု အမျိုးသား လွှတ်တော်မှာ  စတင်ဆွေးနွေးဖို့ လုပ်ဆောင်ခဲ့တာပါ။

ဒီဥပဒေကို ပြင်ဆင်ဖို့ စတင်သပိတ်မှောက် တောင်းဆိုခဲ့ကြတဲ့ ဒီမိုကရေစီပညာရေး ပင်မ သပိတ်စစ်ကြောင်းက ကျောင်းသားတွေကတော့ သာယာဝတီထောင်မှာ ဖမ်းဆီးခံထားရပြီး ရှေ့သီတင်းပတ်မှာ တရားရင်ဆိုင်ရဖို့ရှိနေပါတယ်။

By ဒီဗွီဘီ

ရွှေပြည်သာ ဆန္ဒပြအလုပ်သမားတွေ တရားစွဲ အလုပ်ထုတ်ခံရ

ရန်ကုန်တိုင်းဒေသကြီး ရွှေပြည်သာစက်မှုဇုန် ၃ က အလုပ်သမားတွေ ဖေဖော်ဝါရီလ ၁၇ ရက်နေ့က ဆန္ဒပြကြစဉ်။ Photo: Wai Yan Moe Myint/RFA

မတ်လ ၄ ရက်နေ့က ရန်ကုန်မြို့မှာ အကြမ်းဖက် ရိုက်နှက်ဖမ်းဆီးခံလိုက်ရတဲ့ ရွှေပြည်သာစက်မှုဇုန်က အလုပ်သမားအမျိုးသမီးငယ် ၁၃ ယောက်ကို အင်းစိန် နဲ့ ရွှေပြည်သာမြို့နယ်တွေမှာ တရားစွဲထားတဲ့အပြင် စက်ရုံကလည်း အလုပ်ကနေထုတ်လိုက်ပါတယ်။ သူတို့ကို အခုလက်ရှိကာလမှာ အာမခံနဲ့ ပြန်လွှတ်ထား တာဖြစ်ပြီး၊ မတ်လ ၂၄ ရက်နေ့မှာ တရားရုံးတက်ရ မှာဖြစ်ပါတယ်။

အာမခံမပေးဘဲ အင်းစိန်ထောင်ကိုပို့ထားတဲ့ အလုပ်သမားတွေဘက်က ကူညီပေးနေတဲ့သူ ၅ ယောက်ကိုလည်း ဆူပူအောင်လှုံ့ဆော်မှုတွေ၊ အားပေးကူညီမှုတွေနဲ့ ပုဒ်မတွေတပ် တရားစွဲထား ပါတယ်။

ဒီနေ့မတ်လ ၂၀ ရက်နေ့မှာတော့ အာမခံနဲ့လွှတ်ခဲ့တဲ့ အလုပ်သမားအမျိုးသမီးငယ်တွေက အဲဒီ့ထောင်ထဲက လူတွေအတွက် ဆူးလေဘုရားမှာ ဆုတောင်းပွဲပြုလုပ်မယ်လို့ အလုပ်သမားတစ်ဦးကပြောပါတယ်။ ဒါ့အပြင် သူတို့ကို အလုပ်ထုတ်လိုက်တဲ့ကိစ္စကို သက်ဆိုင်ရာကပြေလည်အောင် မဖြေရှင်းပေးနိုင်ရင် ခွင့်ပြုချက်တင်ပြီး၊ ဆန္ဒပြကြဦးမယ်လို့ဆိုပါတယ်။

RFA Burmese

အစိုးရက ပြည်သူကို မလိမ်ညာရန် သူရဦးရွှေမန်း သတိပေး

ရခိုင်ပြည်နယ်မှာ အောင်တံခွန်သင်္ဘောနစ်မြုပ်ပြီး လူတွေသေဆုံးခဲ့ရမှုနဲ့ ပတ်သက်ပြီး အစိုးရအနေနဲ့ ပြည်သူတွေကို လိမ်ညာပြောဆိုတာ မပြုလုပ်ဖို့  ပြည်သူ့လွှတ်တော် ဥက္ကဋ္ဌ သူရဦးရွေမန်းက သတိပေးပြောကြားလိုက်ပါတယ်။

မတ်လ ၁၉ ရက်နေ့က ကျင်းပတဲ့  ပြည်သူ့လွှတ်တော် အစည်းအဝေးမှာ   သင်္ဘောနစ်မြုပ်မှုနဲ့ ပတ်သက်ပြီး ပို့ဆောင်ရေး ဒုဝန်ကြီး ဦးဟန်စိန်က လာရောက်ရှင်းလင်းပြောဆိုခဲ့သလို ရခိုင်တိုင်းရင်းသား အမတ်တွေကလည်း ဝေဖန်ထောက်ပြဆွေးနွေးခဲ့ကြပြီးတဲ့နောက် လွှတ်တော်အကြီးအကဲက ပြောကြားလိုက်တာပါ။

သူရဦးရွှေမန်းက “ပြီးခဲ့တဲ့ အောင်တံခွန်နစ်မြုပ်ခြင်းကြောင့် အင်မတန်မှ တန်ကြေးရှိတဲ့ အသက်တွေဆုံးရှုံးသွားခဲ့ပြီ၊ ဒီလိုဆုံးရှုံးတာ ဖြစ်ရတာ ဘာကြောင့် အကြောင်းရင်း ဖော်ထုတ်နေတဲ့ ဒီလိုအချိန်အခါမျိုးမှာ အားလုံးတိတိကျကျမှန်မှန်ကန်ကန် ကိန်းဂဏန်း အချက်အလက်တွေ၊ သတင်းအချက်အလက်တွေ ရဖို့လိုပါတယ်။ ပြောမယ်ဆိုရင် လိမ်ညာပြောဆိုမှုတွေ မမှန်မကန်ပြောဆိုမှုတွေ ပြည်သူတွေမကြိုက်ဘူး၊ ရခိုင်တိုင်းရင်းသား တင်မဟုတ်ဘူး၊ ဘယ်တိုင်းရင်းသားပဲဖြစ်ဖြစ်၊ ဘယ်လူမျိုးဖြစ်ဖြစ် လိမ်ညာပြောဆိုနေတဲ့ဟာကို ဘယ်သူမှ မကြိုက်ဘူး။ အဖြစ်မှန် ဖော်ထုတ်တဲ့အခါမှာ အဖြစ်မှန်ကိုရရှိအောင် ဆောင်ရွက်သွားဖို့ ဆိုတဲ့ဟာ ဒီနေ့ဆွေးနွေးတဲ့အခါမှာရရှိတဲ့ သင်ခန်းစာပဲဖြစ်ပါတယ်

ရခိုင်တိုင်းရင်းသားကိုယ်စားလှယ်တွေကတော့ လူတွေရဲ့ အသက်ကို ဂရုမစိုက်ဘဲ ခရီးသည်တင်သင်္ဘာအဟောင်းနွမ်းတွေကို အနည်းငယ်ပြုပြင်ပြီး နှစ်ပေါင်းရှည်ကြာ အသုံးပြုနေမှု၊ ရေယာဉ်ပေါ်မှာ သင်္ဘောသားတွေက ၀န်ပိုတင်ဆောင်နေမှု၊  သင်္ဘော မထွက်ခင် စစ်ဆေးမှုတွေဆောင်ရွက်ဖို့ ပျက်ကွက်မှုနဲ့ အသက်ကယ်ပစ္စည်း ကိရိယာတွေ အလုံ အလောက်မရှိမှုတွေနဲ့ ပတ်သက်ပြီး ဝေဖန်ထောက်ပြဆွေးနွေးသွားခဲ့ကြပါတယ်။

ပြီးခဲ့တဲ့ မတ် ၁၃ ရက်က  အောင်တံခွန်-၃ သင်္ဘောဟာ  တောင်ကုတ်ကနေ စစ်တွေ အသွား မြေပုံမြို့  အရှေ့တောင်ဘက် ငပသုန်ကျေးရွာအနီးမှာ နစ်မြုပ်ခဲ့တာပါ။

အဆိုပါ သင်္ဘော နစ်မြုပ်ရတဲ့အကြောင်းရင်းနဲ့  ပတ်သက်ပြီး အစိုးရက ရာသီဥတုဆိုးရွားလို့ သင်္ဘောဦးပိုင်းရေဝင်ကာ သင်္ဘောနစ်မြုပ်ရတာလို့ သတင်းထုတ်ပြန်တဲ့အပေါ် ရခိုင်တိုင်းရင်းသားအမတ်တွေက  မေးခွန်းထုတ်ခဲ့ကြပါတယ်။

ဒီဖြစ်စဉ်မှာ ခရီးသည် ၁၆၉ ဦးကို ကယ်ဆယ်နိုင်ခဲ့ပြီး မတ် ၁၇ ရက် စာရင်းအရ အမျိုးသား၊ အမျိုးသမီး ၆၁ ဦးရဲ့ ရုပ်အလောင်းတွေ ဆယ်ယူရရှိခဲ့တယ်လို့ အစိုးရက နောက်ဆုံး ထုတ်ပြန်ထားပေမယ့် သေဆုံးသူအရေအတွက် ဒီထက်ပိုများနိုင်တယ်လို့ ဒေသခံတွေက ခန့်မှန်းနေကြတာပါ။

အမျိုးသားလွှတ်တော်မှာလည်း မနေ့က ဒီကိစ္စဆွေးနွေးခဲ့ပြီး ရခိုင်ပြည်နယ် မဲဆန္ဒနယ်အမှတ် (၁၀) လွှတ်တော်ကိုယ်စားလှယ် ဦးအုန်းတင်က သင်္ဘောနစ်မြုပ်မှုကြောင့် အသက်တွေ သေဆုံးခဲ့ရမှုအတွက် ၀မ်းနည်းကြောင်းနဲ့ လျော်ကြေးပေးဖို့ကိစ္စတွေ ဆောင်ရွက်ဖို့ စုံစမ်းစစ်ဆေးရေးကော်မရှင်ဖွဲ့စည်းပေးဖို့ အစိုးရကို တိုက်တွန်းကြောင်း အရေးအကြီး အဆိုတင်သွင်းခဲ့ပြီး  လွှတ်တော်က လက်ခံဆွေးနွေးဖို့ သဘောတူခဲ့ပါတယ်။

By ဒီဗွီဘီ

ရီမန် သမ္မတ အိမ်တော်ကို ဂျက်လေယာဉ် တိုက်ခိုက်

ရီမန်နိုင်ငံ ​တောင်ပိုင်း ​Aden ​မြို့မှာ ​ရှိတဲ့ ​သမ္မတ ​အိမ်တော်ကို ​တိုက်လေယာဉ် ​တစ်စင်းက ​ဝင်ရောက် ​တိုက်ခိုက်မှု ​လုပ်ခဲ့တဲ့အတွက် ​သမ္မတ ​Mansour ​Hadi ​က ​အိမ်တော်ကနေ ​ထွက်ပြေး ​တိမ်းရှောင် ​နေရပါတယ်။

သမ္မတအိမ်တော်အပြင် ​လေယာဉ်ကွင်း ​တစ်ခုမှာလည် ​တိုက်ခိုက်မှု ​ဖြစ်ခဲ့ရပါတယ်။

သမ္မတကို ​လုံခြုံတဲ့ ​နေရာကို ​ရွှေ့ပြောင်းထားပြီ ​ဖြစ်သလို ​သမ္မတဟာ ​ရီမန် ​နိုင်ငံ ​ပြည်တွင်းမှာပဲ ​ရှိနေသေးတယ်လို့ ​နီးစပ်သူတွေက ​ပြောပါတယ်။

သမ္မတ ​Abd-Rabbu ​Mansour ​Hadi ​ကတော့ ​ဒီလုပ်ရပ်ကို ​အရင် ​အစိုးရဟောင်းက ​လုပ်ဆောင်တာဖြစ်ပြီး ​အာဏာသိမ်းပိုက်ချင်တဲ့အတွက် ​ဖြစ်တယ်လို့ ​ပြောလိုက်ပါတယ်။

ဒီတိုက်ခိုက်မှုကို ​ကြည့်ခြင်းအားဖြင့် ​ရီမန်သမ္မတနဲ့ ​Shiite ​မွတ်စလင်တွေဖြစ်တဲ့ ​Huthi ​အဖွဲ့အကြား ​အုပ်ချုပ်ခွင့် ​အားပြိုင်မှုတွေ ​ပိုများလာတာတွေ ​တွေ့ရတယ်လို့ ​သုံးသပ်ကြပါတယ်။

အစိုးရဟောင်းအဖွဲ့ကို ​အီရန်က ​ကျောထောက်နောက်ခံ ​ပြုထားတယ်လို့လည်း ​ရီမန်သမ္မတက ​ပြောပါတယ်။

ရီမန်သမ္မတဟာ ​အရင်လတုန်းကပဲ ​Huthi ​အဖွဲ့ကနေ ​မြို့တော် ​Sanaa ​ကို ​သိမ်းပိုက်ပြီး ​သူ့ကို ​နေအိမ်အကျယ်ချုပ် ​ချထားရာကနေ ​သမ္မတက ​ထွက်ပြေးလွတ်မြောက်လာပြီး ​နိုင်ငံရဲ့ ​တောင်ပိုင်းမှာ ​နေထိုင်နေတာ ​ဖြစ်ပါတယ်။

သမ္မတကို ​ထောက်ခံတဲ့ ​စစ်တပ်နဲ့ ​Shiite ​မွတ်စလင်ရဲ့ ​Huthi ​တပ်တွေကလည်း ​အပြန်အလှန် ​တိုက်ခိုက်နေကြတယ်လို့ ​သိရပါတယ်။

ABC Radio Australia

ပျက်စီးသွားသည့် လယ်ယာမြေများအတွက် လျော်ကြေးမပေးဘဲ တချီလိတ် ခရိုင်အတွင်း ကုမ္မဏီများရွှေ ဆက်တူးဖော်နေ

မတ်ခ်ျလ ၁၈ ရက် ၂၀၁၅

သျှမ်းပြည်အရှေ့ပိုင်း တာချီလိတ်ခရိုင် တာလေမြို့နယ်ခွဲ နားဟိုင်းလုံဒေသတွင် ကုမ္မဏီမှ လျော်ကြေးပေးမည်ဆိုသည့် ကတိအတိုင်း ပြီးဆုံးအောင်မပေးဘဲ ရွှေဆက်လက် တူးဖော်နေ ကြောင်း ဒေသတွင်းသတင်းရပ်ကွက်ကဆိုပါသည်။

နားဟိုင်းလုံဒေသတွင် ရွှေတူးဖော်မှုကြောင့်ပျက်စီးသွားသော လယ်ယာမြေများ ပကတိ အတိုင်းပြန်လည်စိုက်ပျိုးနိုင်အောင် ရွှေတူးဖော်နေသော ကုမ္မဏီကြီးများမှပြန်လည်ပြုပြင် ပေးရန်၊ နှစ်နာဆုံးရှုံးသွားသော လယ်ယာမြေများအတွက် လျော်ကြေးပေးရန် သျှမ်းပြည်နယ်သတ္တုတွင်းဝန်ကြီး ဦးစိုင်းအိုက်ပေါင်း၏ မှာကြားချက်အတိုင်း ကုမ္မဏီများက မလိုက်နာဘဲ လယ်ယာပြုပြင်မှု ၁ ရာခိုင်နှုန်းခန့်မျှသာ ပြုလုပ်ပေးကြောင်း၊ လျော်ကြေးလည်း ပေးတော့မည်မဟုတ်တော့ကြောင်း ဒေသခံ စိုင်းခက်က သျှမ်းသံတော်ဆင့်အားပြောသည်။

“စိုင်းစိုင်းစိုက်ပျိုးရေး၊ လွယ်ခမ်းလုံ ကုမ္မဏီတို့က ရွှေတူးဖော်မှု ရပ်နားသွားပြီ။ စိုင်းတစ် ကုမ္မဏီလည်း ရပ်ထားတယ်လို့ကြားတယ်။ ကျန်တဲ့ကုမ္မဏီကြီး ၁၀ ခုလောက်က မရပ်ဘူး။ လယ်ယာမြေတွေထဲက သဲတွေကို စက်ကြီးနဲ့ကော်ပြီး လယ်ကွင်းထဲမှာဘဲပုံထားတယ်။ လယ်ပြင်တောင်မထုတ်ပေးဘူး။ ဒေသတခုလုံးနဲ့ကြည့်ရင် ၁ ရာခိုင်နှုန်းတောင်မရှိဘူး အဲလိုလုပ်ပေးတာ။ အခုအဲတာရပ်ထားပြီး ရွှေတွေဆက်တူးနေပြန်ပြီ၊ ပေးဖို့ကျန်တဲ့ လျော်ကြေးလဲ ပေးတော့မှာမဟုတ်တော့
ဘူးတဲ့” ဟု စိုင်းခက်က သျှမ်းသံတော်ဆင့်အားပြောပြသည်။

ထိုသို့ ကုမ္မဏီက ပြုလုပ်သည့်အပေါ် ဒေသခံများစုပေါင်းပြီး ဖေဖော်ဝါရီလ ၂၄ ရက်က တာချီလိတ်သို့သွားရောက် တင်ပြခဲ့ပြီးနောက် မတ်ခ်ျလ ၁၄ ရက်နေ့က မြို့နယ်ခွဲ အုပ်ချုပ် ရေးအာဏာပိုင် ဦးထွန်းထွန်းဝင်းနှင့်အတူ ဒေသတွင်း လ၀က ၊ စိုက်ပျိုးရေး၊ လုံခြုံရေး အာဏာပိုင်များ ကွင်းဆင်းစစ်ဆေးခဲ့သော်လည်း တစုံတရာပြောဆိုခြင်း မရှိခဲ့ပေ။

လယ်ယာမြေဆုံးရှုံးခဲ့ရသော လယ်သမားများအား ထိုက်တန်သောလျော်ကြေး ပေးဆောင်ရန်၊ ရွှေတူးဖေါ်မှု လုပ်ငန်းအားလုံးရပ်တန့် ရန် ယမန်နှစ်က ဦးစိုင်းအိုက်ပေါင်းက ဒေသတွင်း ကွင်းဆင်းစစ်ဆေးပြီး ညွှန်ကြားခဲ့သည်။

ကုမ္မဏီများက ၂၀၀၇ ခုနှစ် ကတည်းစ၍ နားဟိုင်းလုံဒေသ၌ ရွှေတူးဖော်မှုစတင်ခဲ့ရာ ဒေသခံများ၏ လယ်ယာမြေ ဧက ၃၀၀ ကျော် ပျက်စီးဆုံးရှုံးခဲ့သည်။

သျှမ်းသံတော်ဆင့်

တရုတ်လျော်ကြေးကိစ္စ မြန်မာအတည်မပြု

ကိုးကန့်ဒေသ စစ်ရေးပဋိပက္ခကြောင့် ပြီးခဲ့တဲ့ သီတင်းပတ်အတွင်း တရုတ်နိုင်ငံတွင်းကို လက်နက်ကြီးကျည် ကျရောက်ခဲ့ပြီး၊ တရုတ်နိုင်ငံသား ၅ ဦး သေဆုံးခဲ့ရတဲ့ဖြစ်ရပ်မှာ သေဆုံးသူ တရုတ်နိုင်ငံသားတွေရဲ့ မိသားစုတွေကို အမေရိကန်ဒေါ်လာ ၁ သောင်း ၁ ထောင်ကျော်ညီမျှတဲ့ တရုတ်ယွမ်ငွေ ၇ သောင်း လျော်ကြေးပေးဖို့ မြန်မာဘက်က ကမ်းလှမ်းအဆိုပြုထားတယ်ဆိုပြီး တရုတ်နိုင်ငံပိုင် Global Times သတင်းစာက ဖော်ပြခဲ့ပါတယ်။

တချိန်တည်းမှာပဲ ဒီဖြစ်ရပ်နဲ့ပတ်သက်ပြီး မြန်မာဘက်က ဖြစ်ရပ်မှန်စုံစမ်းပြီး တာဝန်ရှိသူတွေကို အရေးယူဖို့နဲ့ သေဆုံးထိခိုက်မှုတွေအတွက် တောင်းပန်ပေးဖို့ကိုလည်း တရုတ်စစ်ကော်မရှင် ဒုဥက္ကဌက မြန်မာကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ကို တယ်လီဖုန်းကဆင့် ပြောခဲ့တယ်လို့ တရုတ်စစ်ဘက် ပြောခွင့်ရသူက ပြောခဲ့ပါတယ်။

မြန်မာဘက်က လျော်ကြေးပေးမယ်ဆိုတဲ့ အဆိုပြုထားတဲ့ကိစ္စကို မြန်မာအစိုးရ ပြောခွင့်ရသူ ပြန်ကြားရေးဝန်ကြီး ဦးရဲထွဋ်က အတည်မပြုပါဘူး။ မြန်မာအစိုးရအနေနဲ့ ဒီဖြစ်ရပ်ကို တရုတ်အာဏာပိုင်တွေနဲ့ပေါင်းပြီး စုံစမ်းစစ်ဆေးနေတယ်လို့ ဗွီအိုအေကို တုံ့ပြန်ပါတယ်။ ကိုဝင်းမင်းက ဦးရဲထွဋ်ကို ဆက်သွယ်မေးမြန်းရာမှာ ဒီဖြစ်ရပ်နဲ့ပတ်သက်လို့ နှစ်ဘက် နိုင်ငံခြားရေးဌာနတွေ ညှိနှိုင်းနေတုန်းပဲလို့ ပြောသွားပါတယ်။

မေး။             ။ ဟုတ်ကဲ့ ဦးရဲထွဋ်၊ တရုတ်ဖက်ကနေပြီးတော့ မြန်မာအစိုးရကို ဖြစ်ခဲ့တဲ့ ပြဿနာအတွက် သေဆုံးခဲ့သူတွေရဲ့ မိသားစုတွေကို တောင်းပန်ပေးဖို့ စနေနေ့က တရုတ်စစ်ကော်မရှင်က ပြောထားတဲ့ ကိစ္စလေ။

ဖြေ။              ။ အဲဒါ ကျနော်တို့က လောလောဆယ် နိုင်ငံခြားရေး ၀န်ကြီးဌာနနဲ့၊ တရုတ်နိုင်ငံခြားရေး ၀န်ကြီးဌာနနဲ့ ဆက်သွယ် ဆွေးနွေးနေတုန်းပဲ ရှိသေးတယ်ခင်ဗျ။ အသေးစိတ် အချက်တွေကိုတော့ ကျနော်တို့ မသိရသေးဘူး။ နောက်တခုက မြေပြင်မှာ ကျတဲ့နေရာကို သွားကြည့်ပြီးတော့မှ ကျည်အမျိုးအစားကို ခွဲခြားနေတာ။ ဘာဖြစ်လို့လည်းဆိုတော့ နယ်စပ်ဒေသမှာ ဖြစ်တဲ့အခါကျတော့ ကိုးကန့် ဖုန်ကျားရှင်အဖွဲ့က ၂ ဘက်အကြား ပြဿနာဖြစ်အောင် လုပ်တာဖြစ်နိုင်တယ်ဆိုတဲ့ အလားအလာလည်း ရှိနေတော့ အဲဒါကိုသွားစစ်နေကြတယ်။ လက်ရှိအခြေအနေကတော့ အဲဒီလောက်ပဲ ကျနော်တို့လည်း သိသေးတယ်။

မေး။             ။ ဟုတ်ကဲ့ Global Times မှာတော့ ပါတာတခုက၊ မြန်မာအစိုးရဖက်ကနေပြီးတော့မှ လျော်ကြေးပေးဖို့အတွက် အတိအကျ ဒေါ်လာ တသောင်းတထောင်ကျော်လောက် ကမ်းလှမ်းလာတယ် ဆိုပြီးတော့ နီးစပ်တဲ့ ဆွေးနွေးသွားတဲ့ လူတယောက်ကို ကိုးကားပြီး ပြောထားတာ တွေ့ရတယ်။ အဲဒါရော ဘယ်လိုအနေအထားရှိလဲ မသိဘူး။

ဖြေ။              ။ ကျနော်မနက်ကအထိ နိုင်ငံခြားရေး ၀န်ကြီးဌာနကနေ သိထားတာကတော့ အဲဒီလိုမျိုး ကျနော်တို့ လျော်ကြေးငွေ ပမာဏကို ဆွေးနွေးတာ မရှိသေးဘူးဗျ။

မေး။             ။ တရုတ်အစိုးရဘက်ကနေပြီး အခုလိုမျိုး တောင်းပန်ဖို့ ပြောလာတဲ့အပေါ်မှာ ရှေ့မှာရော တွေ့ရှိချက်တွေအပေါ် မူတည်ပြီးတော့ ဘယ်လိုမျိုး ဖြေရှင်းသွားဖို့ စဉ်းစားထားလဲ မသိဘူး။

ဖြေ။              ။ အဲဒီကိစ္စကတော့ နိုင်ငံခြားရေးဌာန ၂ ခုက ဆွေးနွေးနေတဲ့ကိစ္စဖြစ်တယ်။ နောက်တခါ ရလဒ်တွေလည်း ကျနော်တို့ ဘာမှ စစ်ဆေးတွေ့ရှိချက်တွေကိုလည်း မသိရသေးတဲ့ အခါကျတော့၊ အခုအချိန်မှာတော့ ကျနော်တို့ ကြိုတင်ပြီးတော့ မှတ်ချက် မပေးနိုင်သေးဘူးခင်ဗျ။ အဲဒါလေးတော့ နားလည်ပေးစေချင်ပါတယ်။

ကိုးကန့်ဒေသ အခြေအနေနဲ့ ပတ်သက်လို့ မြန်မာကာကွယ်ရေးဝန်ကြီးဌာန ဒီကနေ့ ထုတ်ပြန်ချက်ထဲမှာတော့ ကိုးကန့်သူပုန်ဖွဲ့ဟာ လောင်ကိုင်မြို့အနီးအထိ ချီတက်လာစဉ် မြန်မာစစ်ကြောင်းတွေနဲ့ တွေ့ဆုံတိုက်ပွဲဖြစ်ခဲ့သလို၊ ကိုးကန့်အဖွဲ့ ထိန်းချုပ်ထားတဲ့ တောင်ကုန်းတွေကို စစ်တပ်က လေကြောင်းပစ်ကူယူပြီး တိုက်ခိုက်ရှင်းလင်းမှုတွေ လုပ်ခဲ့တယ်လို့ ဖော်ပြပါတယ်။

တိုက်ပွဲတွေကြောင့် မြန်မာစစ်တပ်က အရာရှိတဦးနဲ့ စစ်သည် ၁၃ ဦး ကျဆုံးပြီးတော့၊ စစ်သည် ၂၈ ဦး ထိခိုက်ဒဏ်ရာရခဲ့တယ်လို့ ဖော်ပြပါတယ်။ ကိုးကန့်တပ်ဖွဲ့ ပြောခွင့်ရသူ ဦးထွန်းမြတ်လင်းကတော့ လောင်ကိုင်အရှေ့ခြမ်းမှာ သူတို့ တပ်ဖွဲ့ဝင်တွေကို မြန်မာအစိုးရဘက်က ပြင်းပြင်းထန်ထန် ထိုးစစ်ဆင်နေရာမှာ မြန်မာဘက်က စစ်သည် ၇၀ ကျော် ကျဆုံးဖွယ်ရှိတယ်လို့ ဗွီအိုအေကို ပြောထားပါတယ်။ ဒါ့အပြင် မြန်မာအစိုးရတပ်ဘက်က ကိုးကန့်တပ်ဖွဲ့အပေါ် နိုင်ငံခြားကျူးကျော်စစ်သဘောထားပြီး စစ်ဆင်တိုက်ခိုက်နေတဲ့အပေါ် ဦးထွန်းမြတ်လင်းက ဝေဖန်ပါတယ်။

ကိုးကန့်လူမျိုးတွေဟာ ဖွဲ့စည်းပုံအရ တိုင်းရင်းသားလူမျိုးစုဝင်ဖြစ်ပြီး၊ အခု ဖြစ်နေတဲ့ ပြဿနာတွေကို နိုင်ငံရေးနည်းအရ ဖြေရှင်းလိုတယ်လို့လည်း ပြောပါတယ်။ တဘက် တရုတ်နိုင်ငံဘက်ခြမ်းမှာတော့ တရုတ်စစ်တပ်ကနေ စစ်ရေးအခြေအနေတွေကို စောင့်ကြည့်နေပြီး၊ မြန်မာဘက်က စစ်လေယဉ်တွေဟာ နယ်ခြားအနီး ပျံသန်း သွားလာမှုတွေ မရှိဘူးလို့ တရုတ်သတင်းတွေမှာ ဖော်ပြနေပါတယ်။ တရုတ်ဘက်ကို ဗုံးကျပြီး တရုတ်နိုင်ငံသားတွေ သေဆုံးခဲ့ရတဲ့ဖြစ်ရပ်နောက်ပိုင်း မြန်မာဘက်က လေကြောင်းစစ်ဆင်မှုတွေ ရပ်သွားတယ်လို့ ကိုးကန့်ဘက်က ပြောထားပါတယ်။  ဒါပေမဲ့ မြန်မာဘက်ကနေ ကိုးကန့်တပ်ဖွဲ့တွေကို စစ်ဆင်ရာမှာ ဒီကနေ့ပြန်ပြီး လေကြောင်းစစ်ဆင်မှုတွေ ပြန်လုပ်နေတယ်ဆိုတာကိုတော့ မြန်မာကာကွယ်ရေးဝန်ကြီးဌာန ထုတ်ပြန်ချက်အရ သိရပါတယ်။

ကိုဝင်းမင်း / ဗွီအိုအေ (မြန်မာပိုင်း)

ထားဝယ်ကျောင်းသား သပိတ်ခေါင်းဆောင် ၃ ဦး တရား စွဲဆိုခံရ

မော်လမြိုင်၊ ထားဝယ် ကျောင်းသားသပိတ် စစ်ကြောင်း ဖေဖော်ဝါရီလ ၉ ရက်နေ့က မော်လမြိုင် မြို့တွင်း မှာ ချီတက်နေကြစဉ်။ Photo: ကျောင်းသားသမဂ္ဂသတင်းလွှာ Facebook

အမျိုးသားပညာရေးဥပဒေကို သပိတ်မှောက်ခဲ့တဲ့ ထားဝယ်ကျောင်းသား သပိတ်စစ်ကြောင်း က ကျောင်းသား ခေါင်းဆောင် ၃ ဦးကို တရားမ၀င် စီတန်းလှည့်လည်မှု ပုဒ်မ ၁၈ နဲ့ ရေးမြို့နယ်ရဲစခန်းက တရားစွဲလိုက်ပါတယ်။

ထားဝယ်ကနေ မော်လမြိုင်ကို ချီတက်ရာမှာ ရေးမြို့နယ် မှာ ခဏရပ်နားပြီး ဟောပြောခဲ့တာကြောင့်တရားစွဲ တာ ဖြစ်တယ်လို့ တရားစွဲခံရတဲ့ ထားဝယ်ခရိုင် တက္ကသိုလ်ကျောင်းသားသမဂ္ဂအဖွဲ့ဝင် ကိုမင်းလွင်ဦး က ပြောပါတယ်။

"မော်လမြိုင်မရောက်ခင် ရေးမှာကျနော်တို့ကို မြို့ခံလူတွေက အမျိုးသားပညာရေးနဲ့ ပတ်သက် လို့စကားနည်းနည်းပြောပေးပါဆိုတော့ ကျနော် တို့လဲ စကားနည်းနည်း ပြောဖြစ်တယ်၊ ကျနော် တို့တောင်းဆိုထားတဲ့ ၁၁ ချက်ကို ချပြတယ်၊ ကျနော်တို့ အဲ့ဒါပဲလုပ်တယ်၊ ကျန်တာဘာမှမလုပ် ဘူး၊ ရဲတပ်ဖွဲ့ အနေနဲ့ ကျနော်တို့ကို ဘာတစ်ခုမှ လာပြောတာမရှိဘူး၊ တရားစွဲထားတဲ့အခါကျတော့ သူတို့အနေနဲ့ တရားဝင်ခွင့်တောင်းပြီးမှ လုပ်ဆိုပြီးတော့ ကျနော်တို့ကျောင်းသားတွေကိုလက်မခံဘူး ဆိုတဲ့ပုံစံနဲ့ တရားစွဲတာပါ"

တရားစွဲခံရသူတွေကတော့ ထားဝယ်ခရိုင် တက္ကသိုလ်ကျောင်းသားသမဂ္ဂက ကိုမင်းလွင်ဦး၊ ကိုသူရနိုင် နဲ့ ကိုဇင်မောင်ဖြိုးတို့ ဖြစ်ပါတယ်။

ထားဝယ်ကျောင်းသားသပိတ်စစ်ကြောင်းဟာ မော်လမြိုင်ကျောင်းသားသပိတ်နဲ့ ပူးပေါင်းဖို့အတွက် ထားဝယ်မြို့ ကနေ မော်လမြိုင်မြို့ကို ပြီးခဲ့တဲ့ ဖေဖော်ဝါရီလ ၈ ရက်နေ့က ချီတက်ခဲ့တာဖြစ်ပါတယ်။

အခုလို ဒီမိုကရေစီပညာရေးသပိတ်မှောက်ကျောင်းသားတွေနဲ့ ဝန်းရံသူတွေကို အစိုးရက ပိုက်စိပ်တိုက်ဖမ်းဆီး နေတာ၊ သပိတ်မှောက်စစ်ကြောင်းက ဦးဆောင်သူတွေကို တရားမဝင်စီတန်းလှည့်လည်မှု ပုဒ်မ ၁၈ နဲ့ တရားစွဲ ဆိုတာတွေ ဟာ လေးပွင့်ဆိုင်ဆွေးနွေးပွဲက သဘောတူညီချက်တွေကို ချိုးဖောက်လိုက်တာဖြစ်တယ်လို့ သပိတ်မှောက်ကျောင်း သားတွေက ပြောပါတယ်။

RFA Burmese

မြန်မာပို့စ်အယ်ဒီတာများ ထောင်ဒဏ် ၂ လစီကျ

မြန်မာပို့စ်ဂျာနယ် အယ်ဒီတာချုပ်နဲ့ သတင်းထောက်ချုပ်တို့ကို တပ်မတော်သားတဦးက တရားစွဲဆိုပြီး မော်လမြိုင်တရားရုံးက ပုဒ်မ ၅၀၀ အသရေဖျက်မှုနဲ့ ထောင် ၂ လစီ ချမှတ်လိုက်ပါတယ်။

မတ်လ ၁၈ ရက်နေ့လယ်က မော်လမြိုင်မြို့နယ် တရားသူကြီး ဦးသန်းအောင်က အမိန့်ချမှတ်ခဲ့တာဖြစ်ပြီး မြန်မာပို့စ်ဂျာနယ် အယ်ဒီတာချုပ် ကိုသန်းထိုက်သူနဲ့ သတင်းထောက်ချုပ် ကိုဆန်းမိုးထွန်းတို့ကို မော်လမြိုင်အကျဉ်းထောင် ခေါ်ဆောင်သွားပြီလို့ ဂျာနယ်တာဝန်ခံအယ်ဒီတာ ကိုဇင်သော်နိုင်က ပြောပါတယ်။

ပြီးခဲ့တဲ့နှစ် ၁ လပိုင်း ၂၉ ရက်ထုတ် မြန်မာပို့စ်ဂျာနယ်မှာ ဖော်ပြခဲ့တဲ့ သတင်းတပုဒ်ကြောင့် ခုလို ထောင်ချခံရတာလို့ သူက ပြောပါတယ်။

“တရားစွဲတာက မွန်ပြည်နယ်တပ်မတော်သား လွှတ်တော်ကိုယ်စားလှယ်တယောက်ကပါ။ ရေးထားတဲ့သတင်းက လွှတ်တော်ထဲမှာ ပညာရည်နိမ့်ပါးမှုကြောင့် တပ်မတော်သားလွှတ်တော်ကိုယ်စားလှယ်တွေက ၀င်ပါနေရတယ်ဆိုတဲ့ သတင်းကို ဖော်ပြခဲ့ရာမှာ အဲ့ဒီကုတ်ကို ပြောခဲ့တဲ့ ဗိုလ်မှူးသိန်းဇော်က ကျနော်တို့ကို အသရေဖျက်မှု ပုဒ်မ ၅၀၀နဲ့ တရားစွဲခဲ့တာ ဖြစ်ပါတယ်။”

သတင်းရေးသားသူ နယ်ခံသတင်းထောက်က တရားလိုပြသက်သေလုပ်ခဲ့ပြီး သတင်းတည်းဖြတ်သူ သတင်းထောက်ချုပ်နဲ့ အယ်ဒီတာချုပ်တို့ကို တရားစွဲဆို ထောင်ချခဲ့တာ ဖြစ်ပါတယ်။

အခု ထောင်ကျသွားတဲ့ မြန်မာပို့စ်ဂျာနယ်က သတင်းထောက်တယောက်ဟာ မတ်လ ၁၀ ရက် လက်ပံတန်းအကြမ်းဖက်ဖြိုခွဲမှုအတွင်း ရိုက်နှက်ဖမ်းဆီးခံခဲ့ရပြီး ဒါကို ကန့်ကွက်တဲ့အနေနဲ့ မကြာသေးခင်ရက်ပိုင်းမှာ ဂျာနယ်မျက်နှာဖုံးကို အနက်ရောင်အုပ် ထုတ်ဝေခဲ့ဖူးပါတယ်။

အစိုးရက သတင်းမီဒီယာသမားတွေ သတင်းယူရင်း ခြိမ်းခြောက်ရိုက်နှက်ဖမ်းဆီးခံနေရတာကို လျစ်လျူရှုနေတုန်း အခုလို မီဒီယာသမား ၂ ယောက် ထောင်ကျခဲ့တာလည်း ဖြစ်ပါတယ်။

By ရွှေအောင်(ဒီဗွီဘီ)

မန္တလေးပဋိပက္ခဖြစ်စေတဲ့ လိမ်လည်တိုင်ကြားသူတွေကို ထောင် ၂၁ နှစ်စီချ

မန္တလေးမြို့မှာ ပြီးခဲ့တဲ့နှစ် ဇူလိုင်လက ပဋိပက္ခစတင်ဖြစ်ပေါ်စေခဲ့တဲ့ လိမ်လည်တိုင်တန်းမှုမှာ ပါဝင်ပတ်သက်သူ ၅ဦးကို ပျဉ်းမနားမြို့နယ်တရားရုံးက ထောင်ဒဏ် ၂၁နှစ်စီ ချမှတ်လိုက်ပါတယ်။

လိမ်လည်တိုင်တန်းမှုမှာ ပါဝင်ခဲ့တဲ့ ကိုရဲထွဋ် ခေါ် သူရရဲထွဋ်၊ မနုနုမြတ်၊ မဖြူဖြူမင်း ခေါ် ကတုံးမ၊ ကိုထွန်းထွန်းနဲ့ မအမာနီတို့ကို မမှန်မကန်တိုင်တန်းမှု ပုဒ်မ ၂၁၁၊ အရေးပေါ်စီမံချက်အက်ဥပဒေ ပုဒ်မ ၅(ဃ) (င) (ည)တို့နဲ့ တရားစွဲပြီး အမိန့်ချလိုက်တာဖြစ်ပါတယ်။

မန္တလေးမြို့ ပဋိပက္ခတွေမှာ အမျိုးသား နှစ်ဦးသေဆုံးပြီး ဘာသာရေးအဆောက်အအုံတွေ၊ ဆိုင်ခန်းတွေနဲ့ ကားတွေပျက်စီးခဲ့ပါတယ်။

RFA Burmese

ပုပ္ပါးတောင်နေရာအချို့ တောမီးလောင်

ဓာတ်ပုံ- ကျော်ဝင်းဆွေ

ဆေးဝင်တောင်၊ မြင်းကတောင် အပါအ၀င် ပုပ္ပါးတောင် နေရာတော်တော်များများမှာ  တောမီး ဆက်တိုက်လောင်နေခဲ့တာ သီတင်း  တပတ်လောက်ရှိနေပြီဖြစ်ပါတယ်။

“လောင်လိုက် ငြိမ်းလိုက်ဖြစ်နေတာက ၁ လလောက်ရှိပြီ။ မငြိမ်းပဲလောင်နေတာကတော့ တစ်ပတ်ရှိပြီ။ ဆေးဝင်တောင်ဆိုရင် တတောင်လုံးနီးပါး လောင်သွားတာ’’ လို့ သွားရောက်ကြည့်ရှုခဲ့တဲ့ မျက်မြင် ဒေသခံ ဦးကျော်ဝင်းဆွေက ပြောပါတယ်။

လက်ရှိအချိန်ထိတော့ သစ်ပင်ကြီးတွေ မလောင်သေးပဲ အောက်ခြေက အပင်ငယ်တွေပဲ လောင်နေတာပါ။ “မနေ့ညနေက ဆိုရင် ပုပ္ပါးတောင် အရှေ့မြောက်ဘက် မြင်းကတောင်ဆိုရင်လည်း တောင်ခြေဘက်လောင်ပြီး ခုဆိုရင် ထင်းရှူးတောဘက်ကိုတက်နေပြီ’’ လို့ သူက ဆက်ပြောပါတယ်။

ပုပ္ပါးတောင်ပတ်လည်က နေရာ ၁၀ နေရာကျော်လောက်မှာ  မီးလောင်နေတာဖြစ်ပြီး  ဘုရားဖူးတွေ သွားတဲ့ ပုပ္ပါးတောင်ကလပ်ဘက်ကိုတော့ မီးကူးစက်လောင်ကျွမ်းခြင်း မရှိသေးပါဘူး။

မီးလောင်မှု အခြေအနေနဲ့ပတ်သက်ပြီး ပုပ္ပါးချစ်သူများအသင်း နာယက ဆရာတော်  ဦးယုဇနက “ညဘက်တွေမှာဆိုရင်တော့ မီးတောက်တွေမြင်ရတယ် ၊ နေ့ခင်းပိုင်ကျတော့ မီးခိုးတွေ တအားထွက်နေတာပဲ မြင်ရတယ်လေ။ မီးကိုဘယ်လိုတားသလဲဆိုတော့ တတောင်နဲ့ တတောင် အောက်ခြေမှာ  အဆက်အစပ်နားလေးမှာ အမှိုတ်တွေ၊ သစ်ရွက်တွေ ယက်ထုတ်ပစ်လိုက်တဲ့ အခါကျတော့ ကူးမသွားနိုင်ဘူးလေ၊ သစ်ကိုင်းတွေခုတ်ပြီးတော့ သစ်ကိုင်းတွေနဲ့ လိုက်ရိုက်အဲလိုမျိုး၊ မီးလောင်တာ ခုတော့ တော်တော်ငြိမ်းသွားပါပြီ။ တနေရာတော့ ကျန်သေးတယ်၊ ဆေးဝင်းတောင်ထိပ် မရောက် တရောက်လေးမှာ မီးက နည်းနည်း အရှိန်ပါသေးတယ်ပေါ့၊  ကျန်တဲ့နေရာတော့ ပျော့သွားပြီ” လို့ ဒီဗွီဘီကို မိန့်ပါတယ်။

ပုပ္ပါးတောင် စိမ်းလန်းစိုပြည်ရေး အုပ်ချုပ်ရေးမှူး ဦးသန်းနိုင်ဦးကတော့  “မီးကငြိမ်းသွားပါပြီ။ အဲဒီလိုလည်း သတင်းပို့ထားပြီးသားပါ” လို့  ပြောပါတယ်။

အခုလောင်တာဟာ ပေါ့ဆမီးဖြစ်ပြီး ထင်းခုတ်သူတွေကို ဖမ်းဆီးလို့ မကျေနပ်ပဲ ရှို့တာလည်း ဖြစ်နိုင်တယ်လို့လည်း သူက ဆက်ပြောပါတယ်။ ဒါပေမယ့် မီးလောင်ရခြင်း အကြောင်းရင်းကိုတော့  မသိရသေးပါဘူး။

By ပိုင်စိုး(ဒီဗွီဘီ)

သမ္မတကတော် Michelle Obama အာရှနှစ်နိုင်ငံ ခရီးထွက်

18.03.2015 

အမေရိကန် သမ္မတကတော် Michelle Obama ဟာ ဒီကနေ့ မတ်လ ၁၈ ရက်နေ့ကနေ ၂၂ ရက်နေ့အထိ ၅ ရက်တာ အာရှခရီးစဉ်ကို စတင်မှာပါ။ ကမ္ဘာတ၀န်း မိန်းကလေး သန်းပေါင်းများစွာ ပညာသင်ခွင့်ရရှိရေး ထောက်ခံအားပေးဖို့ သမ္မတ အိုဘားမား အစိုးရရဲ့အရေးယူ ဆောင်ရွက်မှုကို အကောင်အထည်ဖော်ဖို့ ဖြစ်ပါတယ်။
ဂျပန်နဲ့ ကမ္ဘောဒီယားတို့ကို သွားရောက်မယ့် သူရဲ့ခရီးစဉ်မတိုင်ခင် သမ္မတကတော်က ကမ္ဘာတ၀န်း မိန်ကလေးငယ်ပေါင်း ၆၂ သန်း ကျောင်းတက်ခွင့် မရတဲ့ကိစ္စဟာ အမေရိကန်အစိုးရရဲ့ နိုင်ငံခြားရေးမူဝါဒ ဦးစားပေးတခုအဖြစ် ထားရှိမယ်လို့ ပြောဆိုခဲ့ပါတယ်။
မိန်းကလေးငယ် သန်းပေါင်းများစွာတို့ ပညာသင်ခွင့်မရရှိတာဟာ လူ့စွမ်းအားအရင်းအမြစ်ကို အလာဟသ ဖြုန်းတီးရာရောက်တဲ့အပြင် လူထုကျန်းမာရေး အကဲစမ်းမှုတရပ်ဖြစ်ပြီး နိုင်ငံတွေရဲ့ စီးပွားရေးကိုလည်း ကျဆင်းစေတဲ့အပြင် ကမ္ဘာတ၀န်း လုံခြုံရေးကိုလည်း ထိခိုက်စေတယ်လို့ သမ္မတကတော်က ပြောခဲ့ပါတယ်။
မိန်းကလေးငယ်တွေ ပညာသင်ကြားခွင့် လှုပ်ရှားမှုကို ဒီလ ၃ ရက်နေ့က စတင်ရာမှာ သမ္မတကတော်က ငြိမ်းချမ်းရေး စေတနာ့ဝန်ထမ်းအဖွဲ့အနေနဲ့ အဓိက ပါဝင်လုပ်ဆောင်မှာ ဖြစ်တယ်လို့ ပြောခဲ့ပါတယ်။ မစ္စစ် အိုဘာမားဟာ ဂျပန်မှာ ပထမရပ်နားတဲ့အခါ ၀န်ကြီးချုပ် Shinzo Abe နဲ့ သူ့ဇနီး Akie တို့နဲ့လည်း တွေ့ဆုံမှာဖြစ်ပြီး ဒီလှုပ်ရှားမှုမှာ အမေရိကန် စေတနာ့ဝန်ထမ်း အဖွဲ့နဲ့အတူ ဂျပန်ပြည်ပပူးပေါင်းဆောင်ရွက်မှု လုပ်အားပေးအဖွဲ့နဲ့လည်း အတူတကွ လက်တွဲ လုပ်ဆောင်ကြမှာ ဖြစ်ပါတယ်။
ကမ္ဘောဒီယားမှာ မစ္စစ် အိုဘာမားအနေနဲ့ ပွင့်လင်းတဲ့ နိုင်ငံရေးစနစ် လိုအပ်တဲ့အကြောင်းနဲ့ ပီပြင်တဲ့ အစိုးရအုပ်ချုပ်ရေး ရရှိဖို့ အရပ်ဘက် လူ့အဖွဲ့အစည်းရဲ့ အရေးကြီးတဲ့ အခန်းကဏ္ဍတို့ကို ဦးစားပေး ပြောဆိုလိမ့်မယ်လို့ မျှော်လင့်ရပါတယ်။ မိန်းကလေးငယ်များ ပညာသင်ခွင့် လှုပ်ရှားမှုမှာ ပါဝင်တဲ့ ၁၁ နိုင်ငံထဲ ကမ္ဘောဒီးယားလည်း ပါဝင်တာဖြစ်ပါတယ်။
ကမ္ဘောဒီးယားမှာ မစ္စစ် အိုဘာမားဟာ Siem Reap ကို သွားရောက်ပြီး ၀န်ကြီးချုပ် ဟွန်ဆင်ရဲ့ဇနီးနဲ့ တွေ့ဆုံပြီး ကျောင်းသားတွေ၊ လုပ်အားပေးတွေနဲ့ မိန်းကလေးငယ်တို့ ပညာသင်ကြားခွင့် တိုးချဲ့ရေး အစီအစဉ်တွေကြောင်း ဆွေးနွေးမှာဖြစ်ပါတယ်။ သူဟာ ၀ါရှင်တန်ကိုမပြန်ခင် Angkor Wat ရှေးဟောင်းစေတီပုထိုးတွေကို သွားရောက် ကြည့်ရှုမှာ ဖြစ်ပါတယ်။
VOA

၆ ပွင့်ဆိုင် ဆွေးနွေးပွဲ သောကြာနေ့မှာ လုပ်မယ်

အပစ်အခတ် ရပ်စဲရေးမူကြမ်း ဆွေးနွေးပွဲတစ်ခု ဓာတ်ပုံ - Nimrod Andrew  

မြန်မာနိုင်ငံမှာ ​၆ ​ပွင့်ဆိုင်တွေ့ဆုံဆွေးနွေးပွဲကို ​သောကြာနေ့မှာ ​လုပ်ဖြစ်မယ်လို့ ​သိရပါတယ်။

မြန်မာ ​သမ္မတ ​ဦးသိန်းစိန်၊ ​လွှတ်တော် ​ဥက္ကဌ ​၂ ​ဦး၊ ​ကာကွယ်ရေး ​စစ်ဦးစီးချုပ် ​ဗိုလ်ချုပ်မှူးကြီး ​မင်းအောင်လှိုင်၊ ​ဒေါ်အောင်ဆန်းစုကြည်နဲ့ ​တိုင်းရင်းသား ​ကိုယ်စားလှယ်ဖြစ်တဲ့ ​ဒေါက်တာ ​အေးမောင်တို့က ​တွေ့ဆုံကြမှာ ​ဖြစ်တယ်လို့ ​ဒေါက်တာ ​အေးမောင်က ​ပြောပြတဲ့အကြောင်း ​လွှတ်တော်အမတ် ​ဦးရဲထွန်းရဲ့ ​ဖေ့စ်ဘွတ်မှာ ​ရေးသားထားပါတယ်။

၆ ​ပွင့်ဆိုင် ​ဆွေးနွေးပွဲအတွင်း ​၂၀၀၈ ​ဖွဲ့စည်းပုံ ​အခြေခံ ​ဥပဒေ ​ပြင်ဆင်ရေးနဲ့ ​နိုင်ငံရေး ​ပြဿနာ ​ဖြေရှင်းရေးအကြောင်းတွေ ​ဆွေးနွေးလိမ့်မယ်လို့ ​မျှော်လင့်ရပါတယ်။

ဒေါ်အောင်ဆန်းစုကြည်ကတော့ ​သမ္မတ၊ ​လွှတ်တော်၊ ​စစ်ဦးစီးချုပ်တို့နဲ့ ​လေးပွင့်ဆိုင် ​ဆွေးနွေးရေးကို ​လိုလားကြောင်း ​ပြောခဲ့ပေမယ့် ​အစိုးရကတော့ ​လေးပွင့်ဆိုင်က ​ဘောင်ကျဉ်းတဲ့အတွက် ​လေးပွင့်ဆိုင်အစား ​ခြောက်ပွင့်ဆိုင် ​ဆွေးနွေးမှုလုပ်ဖို့ ​ပြင်ဆင်ခဲ့တာ ​ဖြစ်ပါတယ်။

ပါလီမန်မှာ ​တိုင်းရင်းသားပါတီ ​၁၄ ​ပါတီရှိတဲ့အထဲက ​ဒေါက်တာ ​အေးမောင်ကို ​ကိုယ်စားလှယ်အဖြစ် ​ရွေးချယ်ခဲ့ကြတာ ​ဖြစ်ပါတယ်။

တခြား ​ဖြစ်ရပ်တစ်ခုမှာတော့ ​မြန်မာ ​စစ်တပ်နဲ့ ​တိုင်းရင်းသား ​လက်နက်ကိုင်အဖွဲ့တွေအကြား ​တစ်နိုင်ငံလုံး ​အပစ်အခတ် ​ရပ်စဲရေး ​လက်မှတ် ​ရေးထိုးနိုင်ဖို့အတွက် ​ဆွေးနွေးမှုတွေ ​ပြန်လည်စတင်နေပြီလို့ ​သိရပါတယ်။

အဲဒီလို ​ဆွေးနွေးနိုင်ဖို့အတွက် ​မြန်မာ ​ငြိမ်းချမ်းရေးစင်တာအနေနဲ့ ​တိုင်းရင်းသား ​လက်နက်ကိုင်အဖွဲ့တွေနဲ့ ​ဒီကနေ့ ​တွေ့ဆုံနေပြီ ​ဖြစ်ပါတယ်။

ABC Radio Australia

သာသနာရေးပုဒ်မတွေနဲ့ စာရေးဆရာ ထင်လင်းဦးကို စွဲချက်တင်

(ဓာတ်ပုံ - စာရေးဆရာ ထင်လင်းဦး ဖေ့စ်ဘွခ်စာမျက်နှာ)

သံဃာတော်တွေကို ဝေဖန်ပြောဆိုခဲ့တဲ့ စာရေးဆရာ ထင်လင်းဦးကို ဘာသာရေး စော်ကားမှုဆိုင်ရာ ပုဒ်မ ၂ ခုနဲ့  အင်္ဂါနေ့မှာ ချောင်းဦးတရားရုံးက စွဲချက်တင်လိုက်ပါတယ်။

စွဲချက်တင်ခံရတဲ့ စာရေးဆရာ ထင်လင်းဦးကတော့ အခြေခံဥပဒေက ပေးအပ်ထားတဲ့ အခွင့်အရေးအရ ပြောဆိုခဲ့တာလို့ တရားရုံးအပြင်ဘက်မှာ တုံ့ပြန်ပြောဆိုခဲ့ပြီး တရားရုံးမှာ အပြည့်အ၀ လျှောက်လဲခွင့်ရရေးအတွက်လည်း မျှော်လင့်ထားတဲ့အကြောင်း ပြောဆိုခဲ့ပါတယ်။ အပြည့်အစုံကို မသိင်္ဂီထိုက်က တင်ပြထားပါတယ်။

စာရေးဆရာ ထင်လင်းဦးကို လူတစား၏ ဘာသာရေးစိတ်ကို နာကျည်းစေရန် တမင် မသမာသော အကြံဖြင့် စကား၊ စာ၊ ထင်ရှားသော ပုံသဏ္ဍာန်ဖြင့် ဘာသာ၊ သာသနာ ယုံကြည်မှုကိုသော်လည်းကောင်း၊ စော်ကားလျှင် သို့မဟုတ် စော်ကားရန် အားထုတ်မှုလို့ အဓိပ္ပါယ်ဖွင့်ထားတဲ့ ပုဒ်မ ၂၉၅ (က)၊ နောက် လူတဦးရဲ့ ဘာသာရေးစိတ်ကို နာစေရန် တမင် ကြံစည်လုပ်ဆောင်မှုဆိုင်ရာ ပုဒ်မ ၂၉၈ တို့နဲ့ စစ်ကိုင်းတိုင်း ချောင်းဦးမြို့နယ် တရားရုံးက စွဲချက်တင်လိုက်ပါတယ်။ စွဲဆိုချက်နဲ့ ပတ်သက်ပြီး ဦးထင်လင်းဦးရဲ့ ရှေ့နေ ဦးသိန်းသန်းဦးက အခုလို ပြောပြပါတယ်။

“ပြစ်မှုဆိုင်ရာ ဥပဒေပုဒ်မ ၂၉၅ (က) နဲ့ စွဲချက်တင်ပါတယ်။ စွဲချက်တင်တယ်ဆိုတာ အပြစ်ပေးတာတော့ မဟုတ်ဘူး။ ထုချေဖြေရှင်းဖို့ တာဝန်ရှိတယ်လို့ ယူဆတာပေါ့နော်။ အဲတော့ သူတို့က တရားလိုနဲ့ လိုပြသက်သေ ထွက်ချက်အရ တရားရုံးက တရားစွဲဖို့ တရားစွဲမယ့်အတွက် ဆရာထင်လင်းဦးမှာ ဖြေရှင်းဖို့ တာဝန်ရှိတယ်လို့ သူတို့က ယူဆတာပေါ့ဗျာ။ ကျနော်တို့ဘက်ကလည်း ဖြေရှင်းဖို့ တာဝန်ရှိတယ်။ ဘာလို့လဲဆိုတော့ ကျနော်တို့ ဟောပြောချက်တွေမှာ၊ ဝေဖန်ထောက်ပြချက်တွေမှာ သံဃာတော်တွေက ဒီလို၊ ဒီလို ဖြစ်တယ်လို့ စွပ်စွဲထားတဲ့အတွက် ဒါတွေကတော့ မဟုတ်ဘူး။ ကျနော်တို့က တရားဥပဒေနဲ့အညီ ပြောတာ၊ ကျနော်တို့ Freedom of Expression ကျင့်သုံးပြီးတော့ ဘာသာ သာသနာစော်ကားတာ မဟုတ်ဘူးဆိုတဲ့အချက် ဖြေရှင်းဖို့တော့ လိုတယ်။ ဒါကြောင့်မို့လို့ သူ စွဲချက်တင်တာပါ။”

တကယ်လို့ ပြစ်မှုထင်ရှားတယ် ဆိုရင်တော့ ပုဒ်မ ၂၉၅ (က) အရ ထောင်ဒဏ် ၂ နှစ်နဲ့ ငွေဒဏ် အမြင့်ဆုံး ကျခံရနိုင်ပြီး၊ ပုဒ်မ ၂၉၈ အရတော့ ထောင်ဒဏ် ၁ နှစ်နဲ့ ငွေဒဏ် ချမှတ်ခံရနိုင်တာ ဖြစ်ပါတယ်။ လတ်တလောမှာလည်း စာရေးဆရာ ထင်လင်းဦးကို အာမခံ မပေးဘဲ ချောင်းဦးမြို့နယ်မှာ  ဒီဇင်ဘာလ ၁၇ ရက်နေ့က စလို့ အချုပ်နဲ့ ထိန်းသိမ်းထားတာ ၃ လရှိခဲ့ပြီးလည်း ဖြစ်ပါတယ်။ ဒီကနေ့ တရားရုံးကြားနာမှုအပြီး တရားရုံးအပြင်မှာ စာရေးဆရာ ထင်လင်းဦးက လက်ထိပ်တန်းလန်းနဲ့ အခုလို ပြောဆိုခဲ့ပါတယ်။

“အခြေခံဥပဒေက လွတ်လပ်စွာ ဝေဖန်ပြောဆိုခွင့် ရှိပါတယ်လို့ ပေးထားတယ်။ ဒါပေမဲ့ လွတ်လပ်စွာ မှန်ရာမှန်ကြောင်း ဝေဖန်ပြောဆိုတော့ သာသနာညှိုးနွမ်းစေမှု ဆိုပြီးတော့ ဟုတ်လား အစိုးရကို အကြည်ညိုပျက်စေမှု ဆိုပြီးတော့ တရားစွဲတယ် ဆိုပြီးတော့ လုပ်နေသမျှတော့ ငါ့အိမ်မှာငါနေလည်း ငါ ထောင်ကျနေမှာပဲ။ ငါ့နိုင်ငံထဲမှာ ဘယ်နေရာမှာ ငါ နေနေ ထောင်ကျနေတာပဲ။ ငါ့လွတ်လပ်ခွင့်တွေ ဆုံးရှုံးနေသမျှ ငါ ထောင်ကျနေတာ။”

စာရေးဆရာ ထင်လင်းဦးက ပြီးခဲ့တဲ့နှစ် အောက်တိုဘာလ ၂၃ ရက်နေ့က ချောင်းဦးမြို့နယ်တွင်းက စာပေဟောပြောပွဲတခုမှာ သံဃာတော်တွေနဲ့ ပတ်သက်ပြီး ပြောဆိုခဲ့တာဟာ ဗုဒ္ဓသာသနာကို ညှိုးနွမ်းစေတယ်လို့ စွပ်စွဲပြီး ချောင်းဦးမြို့နယ် သံဃာ့မဟာနာယကအဖွဲ့က ပတ္တနိက္ကုဇန ကံဆောင် သပိတ်မှောက်ခဲ့သလို ချောင်းဦးမြို့နယ် လူဝင်မှုကြီးကြပ်ရေး ဦးစီးဌာနရဲ့ ဦးစီးအရာရှိက တရားလိုပြုလုပ် တိုင်ကြားခဲ့တာ ဖြစ်ပါတယ်။

ဦးထင်လင်းဦးက ချောင်းဦးသံဃာတော်တွေကို ၀န်ချတောင်းပန်ပြီး ဖြစ်တာကြောင့် သံဃာတော်တွေဘက်က သပိတ်ပြန်လှန်ပေးလိုက်ပြီဖြစ်ပေမဲ့ အာဏာပိုင်တို့ဘက်က စွဲချက်ကိုတော့ ဆက်ပြီး ရင်ဆိုင်နေရတာ ဖြစ်ပါတယ်။ ဒီလို ဟောပြောချက်တွေကြောင့်ဘဲ အမျိုးသား ဒီမိုကရေစီ အဖွဲ့ချုပ် NLD ကလည်း ဗဟိုပြန်ကြားရေးအဖွဲ့ဝင် အဖြစ်ကနေ ဆိုင်းငံ့ခံခဲ့ရတာ ဖြစ်ပါတယ်။

မသိင်္ဂီထိုက် / ဗွီအိုအေ (မြန်မာပိုင်း)

ပညာရေးဝန်ကြီးဌာန ကွန်မြူနစ်တစ္ဆေ ခြောက်ခံနေရဟု NNER ဝေဖန်

ပညာရေးဝန်ကြီးဌာန ကွန်မြူနစ်တစ္ဆေ ခြောက်ခံနေရဟု အန်အန်အီးအာ ဝေဖန်
ပညာရေး ၀န်ကြီးဌာနဟာ ကွန်မြူနစ်တစ္ဆေခြောက်ခံနေရပြီး ကျောင်းသား သမဂ္ဂအပေါ် အမြင်တိမ်းစောင်း နေတယ်လို့   လွှတ်တော်ကြားနားပွဲမှာ  ပညာရေးကွန်ရက် အန်အန်အီးအာက  ဝေဖန်ပြောကြား သွားပါတယ်။

မတ် ၁၇ ရက်က အမျိုးသား ပညာရေး ဥပဒေ ပြင်ဆင်ရေး လွှတ်တော်ကြားနာပွဲကို အမျိုးသား လွှတ်တော်မှာ ကျင်းပရာမှာ ပညာရေး ပြုပြင်ပြောင်းလဲမှု နိုင်ငံလုံးဆိုင်ရာ ကွန်ရက် (အန်အန်အီးအာ)  အဖွဲ့ဝင် ၂၈ ဦး တက်ရောက်ခဲ့ပြီး ဝေဖန်ပြောဆိုခဲ့ကြတာပါ။

အန်အန်အီးအာအဖွဲ့ဝင် ဒေါက်တာတင်အောင်က “ပညာရေး ၀န်ကြီးဌာနဟာ ကွန်မြူနစ်တစ္ဆေခြောက်ခံနေရတယ်လို့ ကျနော် ထင်ပါတယ်။ ဘာမှမဆိုင်တဲ့ သပိတ်မှောက်ရင် ကွန်မြူနစ် လှုပ်ရှားတာ၊ သမဂ္ဂဖွဲ့ရင် ကွန်မြူနစ်လှုပ်ရှားမှု ဆိုပြီး အဲ့လို အမြင်တိမ်းစောင်းနေတယ်လို့ ထင်ပါတယ်။ သမဂ္ဂအပေါ် အမြင်ကြည်လင်စေချင်လို့ ဒါကို ဆွေးနွေးတာပါ။ ကျောင်းသားလည်း အာဏာမသိမ်းနိုင်ပါဘူး။ ကျောင်းသား ကိုယ်စားလှယ်တွေပါတဲ့ အကျိုးကျေးဇူးက ဘာလဲဆိုတော့ ကျောင်းသားပြဿနာကို တလတကြိမ် ကျင်းပတဲ့ တက္ကသိုလ်ကောင်စီမှာ ပြဿနာတွေပေါ်တာနဲ့ တင်ပြ၊ ၀ိုင်းဝန်းဆွေးနွေးကြ၊ ဖြေရှင်းလိုက်ကြနဲ့ ပြဿနာမကြီးထွားခင်မှာ အလွန်ပြေလည်သွားနိုင်မယ့် သဘောဖြစ်ပါတယ်” လို့ လွှတ်တော်ကြားနာပွဲ အတွင်းမှာ ထည့်သွင်းဆွေးနွေးသွားခဲ့ပါတယ်။

ဒါ့အပြင် အခုကြားနာပွဲဟာ ကျောင်းသားတွေ ဖမ်းဆီးခံနေရပြီး မတက်ရောက်နိုင်တာကြောင့် ပြည့်စုံမှု မရှိဘူးလို့ အန်အန်အီးအာ အဖွဲ့ဝင် ဒေါက်တာသိန်းလွင်က ပြောပါတယ်။

“ဒီလိုကြားနာပွဲ ဖြစ်လာတာဟာ ဥပဒေကြမ်း ပြင်ဆင်ဖို့ ဖြစ်လာတာဟာ ကျောင်းသားတွေ သပိတ်မှောက် ဆန္ဒပြခဲ့လို့ ဖြစ်လာတာ။ ကျောင်းသားတွေ သပိတ်မှောက်ဆန္ဒပြမှုကြောင့် တွေ့ဆုံဆွေးနွေးပွဲ ဖြစ်လာတယ်။ ၄ ပွင့်ဆိုင်ဖြစ်လာတယ်။ လွှတ်တော်ကြားနာပွဲ ဖြစ်လာတယ်။ လက်ပံတန်းမှာ ကျောင်းသားတွေ ရိုက်နှက်ဖမ်းဆီး နှိပ်စက်ခံရတယ်။ ဒါဟာ မဖြစ်သင့်ဘူး။ ဒါကို အမြန်ဆုံး လွှတ်ပေးဖို့ ဆိုပြီးတော့ လွှတ်တော်ဘက်က ၀ိုင်းဝန်းဆောင်ရွက်ပေးဖို့ ကျနော်တို့ တင်ပြခဲ့ပါတယ်” လို့ လွှတ်တော်ကြားနာပွဲအပြီး ဒေါက်တာသိန်းလွင်က ဒီဗွီဘီကို ပြောပါတယ်။

လက်ပံတန်း အကြမ်းဖက်မှုမှာ ပညာရေးဝန်ကြီးဌာန ပယောဂ မကင်းဘူးလို့လည်း ရန်ကုန်တိုင်း လွှတ်တော် ကိုယ်စားလှယ် ဒေါက်တာ ညိုညိုသင်းက ပြောပါတယ်။

“လက်ပံတန်း အကြမ်းဖက်မှု ဘာကြောင့် ဖြစ်သွားလဲ၊ ပညာရေးဝန်ကြီးဌာန မသမာမှုကြောင့် ဖြစ်တာ၊ ဒီဟာအတွက် ဘယ်သူ့မှာ တာဝန်ရှိလဲ၊ တာဝန်ရှိမှုကို ကျမတို့ ပြတ်ပြတ်သားသား ပြောဖို့ရှိတယ်။ ကျမတို့က ကိုယ့်ကိုယ်ကိုယ် ပြန်ပြီး မေးခွန်းထုတ်တာ၊ လွှတ်တော်ရဲ့ ကြားနာပွဲမှာ အန်အန်အီးအာဟာ အသုံးချခံ ဖြစ်သွားလားလို့ ကျမ မေးခွန်းထုတ်ချင်ပါတယ်၊ လွှတ်တော်ရဲ့ ရလဒ်ကို ကျမ စောင့်ကြည့်ချင်ပါတယ်” လို့ သူက ပြောပါတယ်။

အခု ကြားနာပွဲမှာ အန်အန်အီးအာကိုယ်စားလှယ် တဦးကို ၁၅ မိနစ်ပဲ ကြားနာခွင့်ပေးတာကြောင့် အချိန်မလောက်ဘူးလို့ ဆိုပါတယ်။

ပညာရေး ဥပဒေ ပြင်ဆင်ရေး လွှတ်တော်ကြားနာပွဲဟာ ပြီးဆုံးသွားပြီ ဖြစ်ပြီး ကြားနာပွဲ အစီရင်ခံစာကိုတော့ လာမယ့်အပတ်ထဲ လွှတ်တော်ကို တင်သွင်းသွားမယ်လို့ ဥပဒေကြမ်း ကော်မတီ ဥက္ကဋ္ဌက ပြောပါတယ်။

By အောင်ကြီး (ဒီဗွီဘီ)

တရုတ်ဝန်ကြီး မြန်မာနဲ့နယ်စပ် ကြည့်ရှု

တရုတ်နိုင်ငံခြားရေးဝန်ကြီး Hong Lei ကို တွေ့ရစဉ်။ Photo: China Ministry of Foreign Affairs

တရုတ်မြန်မာနယ်စပ် ယူနန်ပြည်နယ်ကို တနင်္လာနေ့ က ရောက်ရှိခဲ့ပြီး၊ ဒေသအာဏာပိုင်တွေနဲ့ နယ်စပ် လုံခြုံ ရေးကိစ္စ၊ ဒေသခံတရုတ်လူမျိုးတွေရဲ့ အသက် အိုးအိမ်စည်းစိမ် လုံခြုံရေး ကိစ္စတွေ ဆွေးနွေးခဲ့ကြောင်း တရုတ်နိုင်ငံခြားရေးဝန်ကြီးဌာန ပြောခွင့်ရသူက မနေ့က ကျင်းပတဲ့ ပုံမှန်သတင်းစာရှင်းလင်းပွဲမှာ ပြောကြားခဲ့ ပါတယ်။

တရုတ် ပြန်မာနယ်စပ်မှာ ကိုးကန့်အဖွဲ့နဲ့ မြန်မာအစိုးရ တပ်တွေကြား တိုက်ပွဲတွေဖြစ်ပွားနေစဉ်အတွင်း မြန်မာ တိုက်လေယာဉ်တစ်စီးက ချလိုက်တဲ့ ဗုံးတစ်လုံး တရုတ်ပြည်ပိုင်နက်ထဲ ကျရောက်ခဲ့လို့ ဒေသခံတရုတ် လူမျိုး ငါးဦး သေဆုံးပြီး ၈ ဦး ထိခိုက်ဒဏ်ရာရရှိ ခဲ့ပြီးတဲ့နောက် အခုလို တရုတ်နိုင်ငံခြားရေးဝန်ကြီး ယူနန်ပြည်နယ်ကို ရောက်ရှိလာခဲ့တာပါ။

နိုင်ငံခြားရေးဝန်ကြီး ၀မ်ယီနဲ့ ဒေသဆိုင်ရာအဆင့်မြင့်အရာရှိတွေဟာ လက်ရှိအခြေအနေတွေအပေါ် သဘောထား အမြင် ဖလှယ်ခဲ့ကြပြီး၊ နယ်စပ်ဒေသ တည်ငြိမ်အေးချမ်းမှု ထိန်းသိမ်းကာကွယ်ရေး၊ တရုတ် မြန်မာ နှစ်နိုင်ငံကြား အပြန်အလှန် ဆက်ဆံဆောင်ရွက်ရေးနည်းလမ်းတွေ ဆွေးနွေးခဲ့ကြတယ်လို့ နိုင်ငံခြားရေးဝန်ကြီးဌာန ပြောခွင့်ရသူ က ပြောဆိုပါတယ်။ ဒါပေမဲ့ အသေးစိတ်ကိုတော့ မပြောခဲ့ပါဘူး။

တရုတ်ပြည်ပိုင်နက်အတွင်း ဗုံးကျပေါက်ကွဲပြီး သေကြေဒဏ်ရာရတာတွေ ဖြစ်ပွားခဲ့အပြီး၊ တရုတ်အစိုးရက မြန်မာနဲ့ နယ်စပ်တလျှောက် စစ်တပ်အင်အား တိုးချဲ့ချထားလိုက်ပြီး၊ တရုတ်တိုက်လေယယာဉ်တွေကိုလည်း နယ်စပ်ဖက် ကို စေလွှတ်ထားပါတယ်။ တရုတ်ပိုင်နက်အနီး ချဉ်းကပ်လာတဲ့ မြန်မာတိုက်လေယာဉ်တွေကို စောင့်ကြည့်၊ သတိပေး၊ မောင်းထုတ်ဖို့ တရုတ်တိုက်လေယာဉ်တွေ နယ်စပ်ကိုစေလွှတ်ထားကြောင်း တရုတ်လေတပ်ပြော ခွင့်ရသူက ပြောဆိုပါတယ်။

RFA Burmese

ဗုံးဆန်ကျရောက်မှုကြောင့် တရုတ်နိုင်ငံသားငါးဦး သေဆုံးခဲ့သည့် ဖြစ်စဉ်နှင့် စပ်လျဉ်း၍ မြန်မာ-တရုတ် နှစ်နိုင်ငံအကြား အရေးပေါ် အစည်းအဝေး ပြုလုပ်

တရုတ်နိုင်ငံ ယူနန်ပြည်နယ် အစိုးရ၏ ပြည်နယ်နိုင်ငံခြားရေးဌာန လက်ထောက်ညွှန်ကြားရေးမှူး ၀မ်ဝေနှင့် မြန်မာကောင်စစ်ဝန်ချုပ်တို့သည် ဗုံးဆန်ကျရောက်မှုကြောင့် တရုတ်နိုင်ငံသားငါးဦး သေဆုံးခဲ့သည့်ဖြစ်စဉ်နှင့် ပတ်သက်၍ ကိစ္စရပ်များကို ညှိနှိုင်းဆွေးနွေးရန် အရေးပေါ် အစည်းအဝေးတစ်ရပ်ကို မတ် ၁၅ ရက်က ပြုလုပ်ခဲ့ကြောင်း cctv.com ၌ ဖော်ပြထားချက်အရ သိရသည်။

မြန်မာနိုင်ငံ မြောက်ပိုင်းတွင် တိုက်ပွဲများ ဖြစ်ပွားလာကတည်းက တရုတ်နိုင်ငံ အနေဖြင့် ဒုက္ခသည်များကို လူသားချင်း စာနာထောက်ထားမှု အကူအညီများ ပေးခဲ့ကြောင်း ယူနန်ပြည်နယ် အစိုးရ၏ ပြည်နယ်နိုင်ငံခြားရေးဌာန လက်ထောက်ညွှန်ကြားရေးမှူး ၀မ်ဝေက ပြောကြားခဲ့သည်။ ထို့ပြင် ပဋိပက္ခများ ဆက်လက်ဖြစ်ပွားနေခြင်းကြောင့် တရုတ်နိုင်ငံနှင့် ထိစပ်နေသော နယ်စပ်ဒေသတွင် ထိခိုက်သေကျေမှုနှင့် ငွေရေးကြေးရေး ဆုံးရှုံးမှုများ အကြီးအကျယ် ဖြစ်ပွားခဲ့ကြောင်း ၎င်းက ထောက်ပြခဲ့သည်။ အလားတူ တရုတ်နိုင်ငံက မြန်မာအစိုးရအား ကန့်ကွက်ကြောင်း ပြောကြားခဲ့ပြီးဖြစ်သည်။

တရုတ်နိုင်ငံက ဖြစ်စဉ်ဖြစ်ပွားရသည့် အကြောင်းရင်းများကို သေချာစွာ စုံစမ်းစစ်ဆေးရန်လည်း မြန်မာအာဏာပိုင်များကို တိုက်တွန်းခဲ့ပြီး ပဋိပက္ခကို ဖြေရှင်းရန်လည်း ပြောကြားခဲ့သည်။ မြန်မာ-တရုတ် နယ်စပ်တစ်လျှောက် လေကြောင်းကင်းလှည့်မှုကို တိုးမြှင့်ရန် တိုက်ခိုက်ရေး ဂျက်လေယာဉ် အများအပြားကို စေလွှတ်ချထားကြောင်း တရုတ်လေတပ်က ပြောကြားခဲ့သည်။

တရုတ်နိုင်ငံ အတွင်းသို့ လမ်းလွဲရောက်ရှိလာသည့် လူသေဆုံးစေသော နောက်ထပ်ပစ်ခတ်မှုများ ဖြစ်ပေါ်လာမည် ဆိုပါက တရုတ်စစ်တပ်သည် ၎င်းတို့၏ ပြည်သူများ လုံခြုံရေးအတွက် ကာကွယ်ရန် တင်းမာပြတ်သားသော အရေးယူဆောင်ရွက်မှု လုပ်ဆောင်ရလိမ့်မည်ဟု တရုတ်အကြီးတန်း စစ်ဘက်ဆိုင်ရာခေါင်းဆောင် ဖန်ချန်လောင်းက မတ် ၁၄ ရက်တွင် မြန်မာနိုင်ငံအား ရာဇသံပေးခဲ့သည်။

    နယ်စပ်ဒေသ တည်ငြိမ်အေးချမ်းရေးနှင့် လုံခြုံရေးကို ငြိမ်းချမ်းစွာ အတူယှဉ်တွဲနေထိုင်ရေး မူကြီးငါးချက်နှင့်အညီ ဆောင်ရွက်မည်ဖြစ်ကြောင်း . . . . .

တရုတ်ဗဟိုစစ် ကော်မရှင်၏ ဒုတိယဥက္ကဋ္ဌ ဖန်ချန်လောင်းက မတ် ၁၃ ရက်တွင် မြန်မာစစ်လေယာဉ်တစ်စင်းက ကြဲချခဲ့သော ဗုံးတစ်လုံးသည် တရုတ်နိုင်ငံ အနောက်တောင်ပိုင်း ယူနန်ပြည်နယ်ရှိ တရုတ်နိုင်ငံသားငါးဦးကို သေဆုံးစေခဲ့ပြီးနောက် မြန်မာတပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်အား တယ်လီဖုန်းမှတစ်ဆင့် ထိုသို့ပြောကြားခဲ့ခြင်း ဖြစ်သည်။

မတ် ၁၃ ရက် ညနေပိုင်း ကိုးကန့်ဒေသအတွင်း ကိုးကန့်သောင်းကျန်းသူများနှင့် ဖြစ်ပွားခဲ့သော ဖြစ်စဉ်များအတွင်း တရုတ်ပြည်သူ့သမ္မတနိုင်ငံ၊ ယူနန်ပြည်နယ်၊ လင်းချန်းခရိုင်၊ မုန်တိမ်မြို့၊ တာ့ရွှေရှန်းတု ကျေးရွာအနီး ကြံခင်းတွင် တရုတ်နိုင်ငံသားငါးဦး သေဆုံးခဲ့ပြီး ရှစ်ဦး ဒဏ်ရာရရှိခဲ့ကြောင်း၊ အဆိုပါဖြစ်စဉ်နှင့် ပတ်သက်၍ တရုတ်နိုင်ငံနှင့် မြန်မာနိုင်ငံ နိုင်ငံခြားရေးဝန်ကြီးဌာနများ အချင်းချင်းနှင့် တပ်မတော်များအချင်းချင်း ဆက်သွယ်ဆောင်ရွက်လျက် ရှိပါကြောင်း၊ မြန်မာ့တပ်မတော်သည် အထက်ပါကိစ္စနှင့် ပတ်သက်၍ ပဏာမ စုံစမ်းစစ်ဆေးမှုများကို ပြုလုပ်ခဲ့ပါကြောင်း၊ မြန်မာ့တပ်မတော် အနေဖြင့် နှစ်နိုင်ငံချစ်ကြည်ရေးကို ရှေးရှုပြီး တစ်ဖက်နယ်နိမိတ်ကို ကျော်လွန်ခြင်း မရှိစေရန် ပစ်ခတ်တိုက်ခိုက်မှုများကို မိမိတို့နိုင်ငံ နယ်နိမိတ်အတွင်း၌သာ အထူးအလေးထား ထိန်းသိမ်းကြပ်မတ် ဆောင်ရွက်ခဲ့ပါကြောင်း၊ သို့ရာတွင် တိုက်ခိုက်မှုများကြောင့် နယ်နိမိတ်နှင့် နီးကပ်စွာ တည်ရှိသော တရုတ်နိုင်ငံတွင်းမှ ပြည်သူအချို့ သေဆုံးထိခိုက်ဒဏ်ရာရရှိမှု ဖြစ်ပေါ်ခဲ့ခြင်းအတွက် စိတ်မကောင်းဖြစ်ရကြောင်း မြန်မာအစိုးရက မတ် ၁၅ ရက်တွင် သတင်းထုတ်ပြန်ခဲ့သည်။

ဖြစ်စဉ်အသေးစိတ်နှင့် ဖြစ်ရပ်မှန် ပေါ်ပေါက်ရေးအတွက် မြေပြင်တွင် ပဏာမစစ်ဆေးမှုများ ပြုလုပ်ရန် မတ် ၁၅ ရက်တွင် မြန်မာ့တပ်မတော်မှ ကိုယ်စားလှယ် အဖွဲ့တစ်ဖွဲ့နှင့် တရုတ်နိုင်ငံဘက်မှ ဒေသခံအာဏာပိုင် အဖွဲ့တစ်ဖွဲ့သည် လည်းကောင်း၊ တရုတ်နိုင်ငံ၊ ယူနန်ပြည်နယ်၊ ပြည်နယ်နိုင်ငံခြားရေးဌာနမှ တာဝန်ရှိသူများနှင့် ကူမင်းမြို့ရှိ မြန်မာကောင်စစ်ဝန်ချုပ်တို့သည် လည်းကောင်း အခင်းဖြစ်ပွားရာ နေရာသို့ သွားရောက်စစ်ဆေး ကြည့်ရှုလျက် ရှိပါကြောင်း၊ လိုအပ်မည့် အသေးစိတ် စုံစမ်းစစ်ဆေးမှုများကို ဆက်လက်ပြုလုပ်သွားမည် ဖြစ်ပါကြောင်း၊ အထက်ပါဖြစ်စဉ်တွင် မြန်မာ-တရုတ် ချစ်ကြည်ရေးနှင့် နယ်စပ်တည်ငြိမ်ရေးကို ပျက်ပြားစေလိုသော ကိုးကန့်သောင်းကျန်းသူများ၏ ပါဝင်မှု ရှိ၊ မရှိကိုလည်း စိစစ်ဖော်ထုတ်သွားမည် ဖြစ်ပါကြောင်း သတင်းထုတ်ပြန်ချက်တွင် ဖော်ပြထားသည်။

မြန်မာနိုင်ငံတော် အစိုးရ အနေဖြင့် နှစ်နိုင်ငံ နိုင်ငံခြားရေးဝန်ကြီးဌာန အချင်းချင်း သံတမန်လမ်းကြောင်းမှ နီးကပ်စွာပူးပေါင်း ဆောင်ရွက်လျက်ရှိပြီး မြန်မာ့တပ်မတော်မှလည်း နှစ်နိုင်ငံ တပ်မတော်များ အချင်းချင်း နီးကပ်စွာ ပူးပေါင်းဆောင်ရွက်မှုများ ဆောင်ရွက်လျက် နယ်စပ်ဒေသ တည်ငြိမ်အေးချမ်းရေးနှင့် လုံခြုံရေးကို ငြိမ်းချမ်းစွာ အတူယှဉ်တွဲနေထိုင်ရေး မူကြီးငါးချက်နှင့်အညီ ဆောင်ရွက်မည်ဖြစ်ကြောင်း သတင်းထုတ်ပြန်ချက်တွင် ဖော်ပြထားသည်။
Eleven Media Group

ဗုဒ္ဓပုံတော်မှာ နားကြပ်တပ်သူများကို အလုပ်ကြမ်းနှင့် ထောင်ဒဏ် ၂ နှစ်ခွဲစီချမှတ်

ဗုဒ္ဓပုံတော်မှာ နားကြပ်တပ်ဆင်ထားတဲ့ ပုံစံဒီဇိုင်းပြုလုပ်ပြီး ပါတီပွဲကြော်ငြာခဲ့တဲ့ V Grastro.bar ဆိုင်ပိုင်ရှင် ဦးထွန်းသူရိန်၊ မန်နေဂျာ ဦးထွဋ်ကိုကိုလွင်နဲ့ နယူးဇီလန်နိုင်ငံသား Mr.Philip၊ တို့ကို ဗဟန်းတရားရုံးက ဒီကနေ့ အလုပ်ကြမ်း ထောင်ဒဏ် ၂ နှစ်ခွဲစီ ချမှတ်လိုက်ပါတယ်။

ဘာသာသာသနာဆိုင်ရာပြစ်မှု ပုဒ်မ ၂၉၅ (က)နဲ့ ထောင်ဒဏ် ၂ နှစ်၊ ပုဒ်မ ၁၈၈ နဲ့ ထောင်ဒဏ် ၆ လချမှတ်လိုက်တာ ဖြစ်ပါတယ်။

ဗဟန်းမြို့နယ်၊ ရွှေတောင်ကြားလမ်းမှာ ဖွင့်လှစ်ထားတဲ့ V Grastro.bar, Buddha.bar ပါတီပွဲအတွက် ဗုဒ္ဓပုံတော်ကိ်ု မလျော်မကန်သုံးပြီး လူမှုကွန်ရက်မီဒီယာတွေကဆင့် ကြေညာခဲ့တဲ့အတွက် တာဝန်ရှိတဲ့ ၃ ဦးကို ဒီဇင်ဘာလ ၁၀ ရက်က ဖမ်းဆီးပြီး အင်းစိန်ထောင်မှာ ထိန်းသိမ်းထားတာဖြစ်ပါတယ်။

By ဒီဗွီဘီ

UWSA ထိန်းချုပ်နယ်မြေ တွင် စစ်ပြေးဒုက္ခသည် ၆၀၀ ကျော်အကူအညီလိုအပ်နေ

သျှမ်းပြည်မြောက်ပိုင်း UWSA ထိန်းချုပ်နယ်မြေ ဟိုပန်မြို့နယ် နမ့်တစ်မြို့နယ်ခွဲတွင်ကိုး ကန့်ဒေသ စစ်ဘေးဒုက္ခသည် ၆၀၀ ကျော် နေရပ်မပြန်နိုင်သေးဘဲ အကူအညီလို အပ်နေ သည်ဟု ဝ တပ်ဖွဲ့ ကပြောသည်။

ကိုးကန့်စစ်ပြေးဒုက္ခသည် 

နယ်မြေတည်ငြိမ်အေးချမ်းမှု မရှိသေးသည့်အတွက် UWSA ထိန်းချုပ်နယ်မြေ နမ့်တစ်မြို့ နယ်ခွဲတွင်ရောက်ရှိနေသည့် စစ်ဘေးဒုက္ခသည်များအတွက် တလ ထောက်ပံ့ငွေ တယောက် ယွမ် ၃၀၀ အပြင် ဆန်၊ ဆီ၊ ဆား များအား ဝ ရဲဘော်များကဲ့သို့ ထောက်ပံ့မှုပေးသော် လည်း ထောက်ပံ့မှုများထပ်မလိုအပ်နေသေးကြောင်း ပြောခွင့်ရ ပုဂ္ဂိုလ် ဦးအောင်မြင့် ကပြော သည်။

စစ်ပြေးဒုက္ခသည်များသည် ကလေးငယ်နှင့် သက်ကြီးရွယ်အိုများ အမျိုးသမီးများ များပြားကြောင်း ဆိုပါသည်။

“ကျနော်တို့ ထောက်ပံ့တာမလုံလောက်သေးဘူး။ ကလေးတွေ ကျောင်းတက်နိုင်ဖို့လုပ် တယ်။ သူတို့ စားဝတ်နေရေးအတွက် လုပ်ပေးရတယ်။ ဝ တပ်ဖွဲ့ရဲ့ ရဲဘော်လစာ လောက် ကိုပေးတယ်။  ဝိုင်းဝန်းကူ ညီပေးနေတာက ဝ အမျိုးသမီးအဖွဲ့တွေပေါ့။ တခြား ပြင်ပ အထောက်အပံ့တော့ မရှိဘူး။ လိုအပ်မှုတော့ ရှိနေဆဲပဲ” - ဟု ဦးအောင်မြင့်က ပြောသည်။

ကိုးကန့်ကိုယ်ပိုင်အုပ်ချုပ်ခွင့်ရဒေသ အတွင်း မြန်မာအစိုးရတပ်နှင့် ဖုန်ကြားရှင်း ဦးဆောင် သည့် တပ်ဖွဲ့အကြား ဖေဖေါ်ဝါရီ ၉ ရက်နေ့ တိုက်ပွဲ စတင်လာသည့်နောက်ပိုင်း ကိုးကန့် ဒေသခံ တသိန်းခန့် နေရပ်မှ စွန့်ခွါခဲ့ရသည်။

ကိုးကန့်ဒေသအတွင်း ရွှေ့ပြောင်းအလုပ်သမားဘ၀ ဖြင့် ရောက်ရှိနေထိုင်သည့် အောက် ပြည်မှ မြန်မာအလုပ်သမား တသောင်းကျော်လည်း ဇာတိမြေသို့ ပြန်ခဲ့ရသည်။

သို့သော် ၂၀၀၉ ခုနှစ် ဖုန်ကြားရှင်းတပ်ဖွဲ့အား တိုက်ထုတ်သည့် မြန်မာစစ်တပ်နှင့်အတူ ရွှေ့ပြောင်း ရောက်ရှိလာသည့်သူများကိုမူ စစ်ဘေးဒုက္ခသည်အဖြစ် ဝ တပ်ဖွဲ့က လက်မခံကြောင်း ကွန်လုံဒေသခံ ညီနပ် ကပြောသည်။

၂၀၀၉ ခုနှစ်က ဖုန်ကြားရှင်းသည် ၎င်းလက်အောက်ခံ ပိုင်ဆုံချိန်က ပုန်ကန်၍ မြန်မာအစိုး ရနှင့် ပူးပေါင်းကာ ကိုးကန့်ခေါင်းဆောင်ဖုန်ကြားရှင်း နေရပ်မှ စွန့်ခွါခဲ့ရသည်။ ဖေဖေါ်ဝါရီ လဆန်းပိုင်း အတွင်း ဇာတိမြေ၌ပြန်လည်အခြေရန် ကြိုးစားရာမှာ မြန်မာစစ်တပ်နှင့် တိုက်ပွဲများဖြစ်ပွားသောကြောင့် ဒေသခံများ သိန်းကျော် နေရပ်မှ စွန့်ခွါခဲ့ရသည်။

သျှမ်းသံတော်ဆင့်

ဖမ်းဆီးခံရသူတွေ လွတ်မြောက်ရေး လွတ်လာသူတွေ ကြိုးပမ်းမည်

ကျောင်းသားသပိတ်က ဖမ်းဆီးထားသူတွေကို လက်ပံတန်းမြို့မှာ မတ်လ ၁ဝ ရက်နေ့က ရုံးထုတ်လာစဉ်။ Photo: Aung Ko Ko/RFA

သာယာဝတီ အကျဉ်းထောင်က လွတ်မြောက်လာတဲ့ ဗမာနိုင်ငံလုံးဆိုင်ရာ ကျောင်းသား သမဂ္ဂများ အဖွဲ့ချုပ် (ဗကသ) အဖွဲ့ဝင် ကျောင်းသား ကျောင်းသူ သုံးဦးက မန္တလေးမြို့မှာ မနေ့က သတင်းစာရှင်းလင်းပွဲ ကျင်းပခဲ့ ပါတယ်။

သာယာဝတီ အကျဉ်းထောင်မှာ ဆက်လက်ဖမ်းဆီးခံ ထားရတဲ့ ကျောင်းသား ကျောင်းသူတွေ လွတ်မြောက်ရေး အတွက် ကြိုးစားသွားမယ်လို့ လွတ်မြောက်လာ သူ ကျောင်းသားတစ်ဦးဖြစ်တဲ့ ကျောက်ဆည်မြို့ နည်းပညာတက္ကသိုလ်ကျောင်းသား ကိုအောင်မင်းခန့် က ပြောပါတယ်။

"ကျနော်တို့ လက်ရှိလွတ်လာတဲ့သူတွေအနေနဲ့ တခြားနိုင်ငံရေးအင်အားစုတွေရော တခြား ခုချိန်ထိ စေတနာပါပါနဲ့ဝန်းရံပေးတဲ့ အဖွဲ့ အစည်းပေါင်းစုံနဲ့ ဖမ်းဆီးခံကျောင်းသား တွေ၊ ဝန်းရံသူတွေ၊ ပြည်သူတွေလွတ်မြောက်သွားဖို့ရယ်၊ ပြီးတော့ ကျနော်တို့ မပြီးဆုံး သေးတဲ့တိုက်ပွဲ၊ အမျိုးသားပညာရေး ဥပဒေပြင်ဆင်ဖို့ပေါ့၊ ကျနော်တို့ ၁၁ ချက်တောင်း ထားတာရှိတယ်၊ အဲ့ ၁၁ ချက်နဲ့ ကျနော်တို့လမ်းပေါ်ထွက်လာတယ်ပေါ့၊ အဲ့ ၁၁ ချက်ကို ရရှိဖို့ ကျနော်တို့ ဆက်ပြီးတိုက်ပွဲဝင်သွားမှာပါ"

သတင်းစာရှင်းလင်းပွဲကို မန္တလေးနည်းပညာတက္ကသိုလ်ကျောင်းသား ကိုကောင်းဇော်ဟိန်း၊ မန္တလေးရတနာပုံ တက္ကသိုလ်ကျောင်းသူ မခိုင်ဇင်သက် နဲ့ ကျောက်ဆည်နည်းပညာတက္ကသိုလ် ကျောင်းသား ကိုအောင်မင်းခန့် တို့က ကျင်းပခဲ့ပါတယ်။

ဒါ့အပြင် မတ်လ ၁၀ရက်နေ့က လက်ပံတန်း ကျောင်းသားသပိတ်စစ်ကြောင်း အကြမ်းဖက်ဖြိုခွင်းခံရချိန်မှာ ထွက်ပြေး လွတ်မြောက်ခဲ့သူတချို့လည်း တက်ရောက်ခဲ့ပါတယ်။

RFA Burmese

တ​နိုင်ငံ​လုံး အပစ်​ရပ် သဘောတူ​ရေး ဆွေးနွေး​ပွဲ ပြန်စပြီ

တနိုင်ငံလုံး အပစ်ရပ် သဘောတူမှု ရရေး ၇ ကြိမ်မြောက် တွေ့ဆုံကြမယ်။

တနိုင်ငံလုံး အပစ်ရပ် သဘောတူ ရေး စာချုပ် ချုပ် ဆိုနိုင်ရေး ဆွေးနွေး ဖို့ တိုင်းရင်းသား လက်နက် ကိုင် တွေ ရဲ့ တပ် ပေါင်း စု အဖွဲ့ NCCT နဲ့ အစိုး ရ ရဲ့ UPWC တို့ အင်္ဂါနေ့ မနက် ရန်ကုန် က မြန်မာ ငြိမ်းချမ်းရေး စင်တာ မှာ တွေ့ဆုံ ကြပါလိမ့်မယ်။

အစိုးရ နဲ့ တိုက်ပွဲတွေ ဖြစ်လာ နေခဲ့တဲ့ ကချင် လက်နက်ကိုင် KIA အဖွဲ့ လည်း NCCT အဖွဲ့ဝင် အနေနဲ့ ပါဝင် ဆွေးနွေး ဖို့ ကြိုတင် ရောက် ရှိနေခဲ့ပြီး တနင်္လာနေ့ က တော့ နေပြည်တော် မှာ သမ္မတ ၊ ကာကွယ်ရေး ဦးစီးချုပ် တို့နဲ့ သီးခြားစီ တွေ့ဆုံ ထားပါတယ်။

အရင် ဆွေးနွေးပွဲ တွေ မှာ လေ့လာသူ အဖြစ် တက်ရောက် လေ့ ရှိတဲ့ ဝပြည် သွေးစည်း ညီညွတ် ရေး တပ်မတော် UWSA က တော့ တက်ရောက် မှာ မဟုတ်ပါဘူး။

ဒေသတွင်း လုပ်ကိုင် စရာ တွေ နဲ့ တိုက်ဆိုင် နေချိန် ဖြစ်လို့ မတက် ရောက်နိုင်တာ ဖြစ်သလို ကိုးကန့် စစ်ပွဲနဲ့ ပတ်သက်လို့ အစိုးရ ရဲ့ ပြောဆို မှု တွေ အပေါ် အဆင်မပြေ တာတွေ အနည်း ငယ်ရှိခဲ့တယ် လို့ UWSA ပြောခွင့်ရ ဦးအောင်မြင့် က ဘီဘီစီ ကို ပြောပါတယ်။

အခု လတ်တလော မှာ ဖြစ်ပေါ်ခဲ့တဲ့ ကိုးကန့် ဒေသ စစ်ပွဲ တွေ မှာ ဝ တပ်တွေ လည်း ဦးဖုန်ကြားရှင် အဖွဲ့တွေ နဲ့ ပူးပေါင်း တိုက် ပေးခဲ့တယ် ဆိုပြီး အစိုးရ စစ်တပ် က စွပ်စွဲ မှုတွေ ပြုလုပ်ခဲ့ ပါတယ်။

ဒါပေမယ့် နောက်ပိုင်းမှာ အစိုးရ စစ်ဘက် ကနေ UWSA ရဲ့ ဗဟိုကော်မတီ ဝင် တစ်ယောက် ကို သူတို့ အနေနဲ့ သတင်း မှား တွေ ရခဲ့လို့ မှားယွင်း ပြောဆိုခဲ့ကြောင်း ခေါ်ယူ ရှင်းပြထားတယ် လို့ ဦးအောင်မြင့် က ဆိုပါတယ်။

BBC Burmese

ကုလလူ့အခွင့်အရေး အစီရင်ခံစာ မြန်မာဝေဖန်

မြန်မာနိုင်ငံဆိုင်ရာ ကုလသမ္မဂအထူးကိုယ်စားလှယ် မစ္စ် Yanghee Lee 

17.03.2015 

ကုလသမဂ္ဂလူ့အခွင့်အရေးကောင်စီရဲ့ ၂၈ ကြိမ်မြောက် ညီလာခံကိုတင်သွင်းမယ့် ကုလသမဂ္ဂ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် Yanghee Lee ရဲ့အစီရင်ခံစာကို FIDH ခေါ် အပြည်ပြည်ဆိုင်ရာ လူ့အခွင့်အရေးအဖွဲ့ချုပ်က ကြိုဆိုလိုက်ပါတယ်။ ဒီအစီရင်ခံစာဟာ မြန်မာနိုင်ငံမှာ မဖြေရှင်းဘဲ ကျန်ရှိနေသေးတဲ့ စိုးရိမ်ဖွယ်ရာ လူ့အခွင့်အရေးပြဿနာတွေရှိနေသေးတယ်ဆိုတာကို အမှတ်ရစေတယ်လို့ ဆိုပါတယ်။
မကြာသေးမီက ကျောင်းသားတွေရဲ့ဆန္ဒပြမှုအပေါ် အကြမ်းဖက်ဖြိုခွင်းခဲ့မှုဟာ ငြိမ်းချမ်းစွာ ဆန္ဒထုတ်ဖေါ်မှုကိုနှိပ်ကွက်ရာရောက်ပြီး မြန်မာနိုင်ငံမှာ ဥပဒေ ချိူးဖောက်သူတွေကို အရေးယူခြင်းမရှိသေးတာတွေ့ရတဲ့အကြောင်း FIDH ရဲ့ တနင်္လာနေ့ကထုတ်ပြန်တဲ့ကြေညာချက်မှာ ထောက်ပြထားပါတယ်။ ဒါ့အပြင်ပြီးခဲ့တဲ့နှစ်က မြန်မာနိုင်ငံမှာ လူ့အခွင့်အရေးနောက်ပြန်ဆုတ်တာကိုတွေ့ရတဲ့အကြောင်းနဲ့ နိုင်ငံရေးအကျဉ်းသားတွေအားလုံးကို လွှတ်ပေးမယ်လို့ သမ္မတ ဦးသိန်းစိန်ကတိပေးထားပေမယ်လို့ အခုချိန်ထိ နိုင်ငံရေးအကျဉ်းသား ဒါဇင်ပေါင်းများစွာရှိနေပြီး အရေအတွက်ဟာ မှန်မှန်ကြီး တိုးလာနေတာ တွေ့ရတယ်လို့ ဖေါ်ပြထားပါတယ်။
ဒါကြောင့် နိုင်ငံရေးအကျဉ်းသားအားလုံးကို ခြွင်းချက်မရှိ လွှတ်ပေးဖို့ FIDH အဖွဲ့အနေနဲ့ တောင်းဆိုထားသလို၊ လယ်မြေသိမ်းမှုအပေါ် ငြိမ်းချမ်းစွာ ဆန္ဒပြသူတွေကို ဖမ်းဆီးနှောင့်ယှက် အကျဉ်းချနေတာတွေကို စိုးရိမ်မကင်းဖြစ်တဲ့အကြောင်းနဲ့ပြစ်မှုကျူးလွန်သူတွေကို အရေးယူဖို့လည်း တိုက်တွန်းထားပါတယ်။
နိုင်ငံတဝန်း ရဲဘက်စခန်းတွေမှာ ဖမ်းဆီးထားသူ (၁၀,၀၀၀) ကျော်တို့ရဲ့နေထိုင်မှုအခြေအနေနဲ့ပတ်သက်ပြီးတော့လည်း စိုးရိမ်မကင်းဖြစ်တဲ့အကြောင်း၊ သေဆုံးခဲ့သူ (၁,၁၀၀) ကျော်ရှိတဲ့အတွက်ကြောင့် ပျှမ်းမျှသုံးရက်မှာ တဦးကျသေဆုံးနေတာတွေ့ရတယ်လို့ ထောက်ပြထားပါတယ်။
စောစောပိုင်း မတ်လ (၁၀) ရက်နေ့ကတော့ မြန်မာအစိုးရအနေနဲ့ Yanghee Lee အစီရင်ခံစာပါအချက်တွေ ကန့်ကွက်ကြောင်း ကြေညာချက်ကို မြန်မာနိုင်ငံခြားရေးဌာနက လူ့အခွင့်အရေးကောင်စီထံတင်သွင်းခဲ့ပါတယ်။
ဇန်နဝါရီလ (၇) ရက်နေ့ကနေ (၁၆) ရက်နေ့ထိသွားခဲ့တဲ့ လူ့အခွင့်အရေး အထူးကိုယ်စားလှယ်ရဲ့မြန်မာနိုင်ငံခရီးစဉ်အတွင်း တွေ့ဆုံလိုသူတွေနဲ့ လွတ်လပ်စွာတွေ့ဆုံခွင့်ပေးခဲ့ပေမယ်လို့ သူရဲ့အစီရင်ခံစာမှာ ဘက်လိုက်မှုများ ရှိနေတာတွေ့ရတဲ့အကြောင်း ဝေဖန်ထားပါတယ်။
လွတ်လပ်စွာစုရုံးခွင့်နဲ့ ဆန္ဒထုတ်ဖေါ်ခွင့် မြန်မာနိုင်ငံမှာပေးထားတဲ့အကြောင်း၊ မြန်မာပြည်သူတွေအနေနဲ့ အင်တာနက်အသုံးပြုမှုနဲ့ပတ်သက်ပြီးတော့ လွတ်လပ်စွာ အသုံးပြုခွင့်ရှိကြတဲ့အကြောင်း၊ ပုံနှိပ်ထုတ်ဝေတဲ့ဥပဒေမှာလည်း မှတ်ပုံတင်ဖို့လိုပေမယ့် ဆင်ဆာဖြတ်တောက်မှုတွေ မရှိတဲ့အကြောင်း တုံ့ပြန်ထားပါတယ်။
သတင်းထောက်တွေအနေနဲ့ သတင်းယူရာမှာ ကန့်သတ်အဆောက်အဦးတွေကို ဝင်ရောက်ခဲ့တာဟာ တရားဥပဒေချိူးဖောက်တဲ့အတွက် အရေးယူရတာဖြစ်ကြောင်းဖေါ်ပြထားပါတယ်။
နိုင်ငံရေးအကျဉ်းသားတွေအနေနဲ့ ပြန်လည်စီစစ်ရေးကော်မတီကို
 မြန်မာအစိုးရအနေနဲ့ဖွဲ့စည်းပြီးလွတ်ငြိမ်းချမ်းသာခွင့် (၁၄) ကြိမ် သမ္မတက ပေးခဲ့တဲ့အကြောင်း ထောက်ပြထားပါတယ်။
၂၀၁၄ ခုနှစ် ဒီဇင်ဘာလက လက်ပံတောင်းကြေးနီစီမံကိန်း ကန့်ကွက်ဆန္ဒပြမှုအတွင်း လယ်သူမကြီးဒေါ်ခင်ဝင်းသေဆုံးခဲ့မှုကို မြန်မာအမျိုးသား လူ့အခွင့်အရေးကော်မရှင်က စုံစမ်းစစ်ဆေးပြီး အကြံဉာဏ်များပေးခဲ့ကြောင်း၊ ဆလင်းကြီးမြို့နယ်တရားရုံးမှာ အမှုကိုကြားနာနေတဲ့အကြောင်း ရှင်းပြထားပါတယ်။
ဒါ့အပြင် ယာယီသက်သေခံ အဖြူရောင်ကဒ် ရထားသူတွေအနေနဲ့ ဖွဲ့စည်းပုံအခြေခံဆိုင်ရာခုံရုံးက လူထုဆန္ဒခံယူပွဲမှာ မဲပေးပိုင်ခွင့်မရှိကြောင်း ဆုံးဖြတ်ခဲ့တာဖြစ်တယ်လို့ စသဖြင့် ထောက်ပြထားပါတယ်။ ရိုဟင်ဂျာအသုံးအနှုန်းနဲ့ပတ်သက်ပြီးတော့ မြန်မာတိုင်းရင်းသားသမိုင်းမှာ မရှိတဲ့ အတွက်ကြောင့် Ms. Lee ရဲ့သုံးနှုန်းမှုကို မြန်မာအစိုးရက ကန့်ကွက်ထားပါတယ်။
ဗွီအိုအေ (မြန်မာဌာန) VOA

တကသ နဲ့ ဗကသ အဖွဲ့ဝင်များ လွှတ်ပေးပုံ နည်းလမ်းမကျဟု ဆို

အမျိုးသား လွှတ်တော်မှာ မတ်လ ၁၆ ရက်နေ့ကပြုလုပ်တဲ့ အမျိုးသား ပညာရေး ဥပဒေပြင်ဆင်ရေး ကြားနာပွဲကို ကျောင်းသား ကိုယ်စားလှယ်တချို့ တက်ရောက်စဉ်။ Photo: Myo Thant Khaing, Win Naung Toe/RFA

အမျိုးသား ပညာရေး ဥပဒေကို သပိတ်မှောက်နေတဲ့ ကျောင်းသား ကျောင်းသူချင်း အတူတူ ဗမာနိုင်ငံလုံးဆိုင်ရာ ကျောင်းသား သမဂ္ဂများ အဖွဲ့ချုပ် (ဗကသ) အဖွဲ့ဝင်တွေကို ဖမ်းဆီးထားပြီး တက္ကသိုလ်ကျောင်းသားများသမဂ္ဂ (တကသ) အဖွဲ့ဝင်တွေကို လွှတ်ပေးနေတာဟာ အစိုးရက စိတ်ဝမ်း ကွဲအောင်လုပ်နေသလို ဖြစ်နေကြောင်း တကသ ကျောင်းသား ခေါင်းဆောင်တွေက ပြောပါတယ်။

အမျိုးသားလွှတ်တော်မှာ ဒီနေ့ကျင်းပတဲ့ ကြားနာပွဲကို တက်ရောက်လာတဲ့ ဒီမိုကရေစီ ပညာရေးလှုပ်ရှားမှု ဦးဆောင်ကော်မတီဝင် ရန်ကုန်စီးပွားရေး တက္ကသိုလ် ကျောင်းသား ကိုဇေယျာလွင်က ကြားနာပွဲရပ်နားထားစဉ်မှာ သတင်းမီဒီယာတွေကို ပြောကြားခဲ့တာဖြစ်ပါတယ်။

ဖမ်းဆီးထားတဲ့ ကျောင်းသူ ကျောင်းသားတွေထဲက အမှန်တကယ် ပညာသင်ကြားနေသူတွေကိုသာ မိဘတွေထံ ပြန်လည်အပ်နှံတာဖြစ်ကြောင်း အစိုးရက ကြေညာထားပါတယ်။

ဒီမိုကရေစီပညာရေးလှုပ်ရှားမှု ဦးဆောင်ကော်မတီဝင် ၁၅ ဦးမှာ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်(ဗ.က.သ) အဖွဲ့ဝင် ၆ ဦး၊ တက္ကသိုလ်ကျောင်းသားများသမဂ္ဂ (တ.က.သ) အဖွဲ့ဝင် ၉ ဦး ပါဝင်ပါတယ်။

မတ်လ ၁၀ ရက်နေ့က လက်ပံတန်းမြို့ကျောင်းသားသပိတ်စခန်း အကြမ်းဖက်ဖြိုခွင်းမှုမှာ မဖြိုးဖြိုးအောင်၊ ကိုအောင်မှိုင်းဆန်း၊ ကိုမင်းသွေးသစ် စတဲ့ ဗကသခေါင်းဆောင်တွေ ဖမ်းဆီးခံထားရတဲ့အတွက် ဒီနေ့ ကျင်းပတဲ့ ကြားနာပွဲကို တက်ရောက်နိုင်ခြင်းမရှိပါဘူး။

ဒီနေ့ အမျိုးသားလွှတ်တော်က ကြားနာပွဲမှာ အမျိုးသားပညာရေးကော်မရှင်ကို ကျောင်းသားကိုယ်စားလှယ်၊ ဆရာ ဆရာမကိုယ်စားလှယ်၊ တိုင်းရင်းသားကိုယ်စားလှယ်တွေ၊ ပညာရှင်တွေနဲ့ဖွဲ့စည်းဖို့ သဘောတူညီချက်ရခဲ့သလို ကျောင်းသားသမဂ္ဂများဖွဲ့စည်းဖို့ကိုလည်း သဘောတူညီခဲ့ပါတယ်။

RFA Burmese

NLD ပါတီမှ white card ကိုင်သူ ၂၀,၀၀၀ ထုတ်ပယ်

White Card ကိုင်ဆောင်ထားသူ တစ်ဦးကို မြင်ရစဉ်။ Photo: Min Thein Aung/RFA

 အမျိုးသား ဒီမိုကရေစီ အဖွဲ့ချုပ်မှာ ယာယီ သက်သေခံ လက်မှတ် ကိုင်ဆောင်ထားတဲ့ ပါတီဝင် ၂ သောင်းကျော် ကို ပါတီကနေ ထုတ်ပယ်လိုက်ပြီး ထုတ်ပယ်လိုက်တဲ့ စာရင်းကို ရွေးကောက်ပွဲ ကော်မရှင်ထံ ပေးပို့လိုက် ပါတယ်။

ရွေးကောက်ပွဲကော်မရှင်ကချမှတ်တဲ့ စည်းမျဉ်းဥပဒေ အတိုင်းလိုက်နာတာဖြစ်တယ်လို့ အမျိုးသားဒီမိုကရေစီ အဖွဲ့ချုပ်ရဲ့ ပြောရေးဆိုခွင့်ရှိသူ ဦးဉာဏ်ဝင်း က ပြောပါတယ်။

"ကျနော်တို့ တိုင်းနဲ့ပြည်နယ် ၁ဝ ခုလောက်က ရတဲ့ စာရင်းတွေကို တင်ထားပြီးပြီ၊ နောက်ထပ် လာနေသေးတော့ မစုံသေးဘူး၊ နှစ်သောင်းလောက် ရှိတယ်ထင်တယ် ပါတီဝင်အဖြစ်ကနေ ပယ်ဖျက်လိုက် တာ၊ ဒါကဥပဒေအရ ပြင်သွားတဲ့ကိစ္စပဲ၊ ဝှိုက်ကတ် မပါရဘူး၊ မဲမပေးရဘူးလို့ ဥပဒေပြဌာန်းရင် ကျနော်တို့ ဒီဥပဒေကိုလိုက်နာရမယ်"

အဲဒီ အဖွဲ့ဝင်ဟောင်းတွေဟာ ပြည်နယ်နဲ့တိုင်းဒေသကြီး ၁၀ ခုက အဖွဲ့ဝင်တွေဖြစ်တယ်လို့ သိရပြီးစစ်ကိုင်းတိုင်းနဲ့ မကွေးတိုင်းကို ဆက်လက်စစ်ဆေးဖို့ရှိသေးတယ်လို့ ပြောပါတယ်။

ယာယီသက်သေခံလက်မှတ်ကိုင်ဆောင်ထားသူတွေကို နိုင်ငံရေးပါတီဝင်အဖြစ်ကနေ ထုတ်ပယ်ဖို့နဲ့ ညွှန်ကြားချက် ကိုလိုက်နာမှုမရှိရင် ပါတီဖျက်သိမ်းတဲ့အထိ အရေးယူသွားမှာဖြစ်ကြောင်း ပြည်ထောင်စု ရွေးကောက်ပွဲကော်မရှင်က ပြီးခဲ့တဲ့နှစ်က ကြေညာထားတာဖြစ်ပါတယ်။ အမျိုးသားဒီမိုကရေစီအဖွဲ့ချုပ် မှာ ပါတီဝင်အင်အား ၃ သန်းနီးပါးရှိတယ် လို့ သိရပါတယ်။

RFA Burmese

ကိုမင်းသွေးသစ် ကျန်းမာရေး ကောင်းမွန်ကြောင်း ရဲတပ်ဖွဲ့ အာမခံ

 
သာယာဝတီ အကျဉ်းထောင်မှာ ရိုက်နှက်ဖမ်းဆီး ထိန်းသိမ်း ခံထားရတဲ့  သပိတ်မှောက် ကျောင်းသား ခေါင်းဆောင်တစ်ဦးဖြစ်သူ ကိုမင်းသွေးသစ်ရဲ့ လက်ရှိ ကျန်းမာရေး အခြေအနေ ကောင်းမွန်တယ်လို့  ပဲခူးတိုင်း ရဲတပ်ဖွဲ့က  အာမခံပြောကြားလိုက်ပါတယ်။

အမျိုးသားပညာရေးဥပဒေကို ဆန့်ကျင်ကန့်ကွက် သပိတ်မှောက်ခဲ့ကြတဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် (ဗကသ) တွဲဖက် အတွင်းရေးမှူး ကိုမင်းသွေးသစ်ရဲ့ ကျန်းမာရေး အခြေအနေ စိုးရိမ်ရတယ်ဆိုတဲ့ သတင်းတွေအပေါ်မှာ ရဲတပ်ဖွဲ့တာဝန်ရှိသူက  တုံ့ပြန်ပြောကြား လိုက်တာပါ။

ကိုမင်းသွေးသစ်ရဲ့ လက်ရှိကျန်းမာရေးအခြေအနေနဲ့ပတ်သက်ပြီး ပဲခူးတိုင်းရဲတပ်ဖွဲ့ ရဲမှူးကြီး ၀င်းစိန်က  ‘အာမခံပါတယ်၊ အဲဒီမှာ ကျန်းကျန်းမာမာနဲ့ နေတယ်”လို့  ဒီဗွီဘီကိုပြောပါတယ်။

ဒါ့အပြင် ဖမ်းဆီးထားသူတွေထဲမှာ  ဆေးရုံတက်ရောက် ဆေးကုသမှုခံယူနေသူ တစ်ယောက်မှ မရှိတော့ ကြောင်းလည်းပြောပါတယ်။

“ပြင်ပဆေးရုံမှာလည်းမရှိသလို ထောင်ဆေးရုံမှာလည်း တယောက်မှ မရှိတော့ဘူး။ ဖြစ်တဲ့နေ့ကလည်း မင်းသွေးသစ်က ဆေးရုံမတက်ရပါဘူး။ ထိခိုက်ဒဏ်ရာလည်း ဘာမှ မရှိပါဘူး။ တချို့က ထင်နေတာပေ့ါလေ၊ နည်းနည်းပါးပါး ခေါင်းမှာ အဖုလေးကျသွားတာတို့  သေးသေးပေါက်သွားတာတို့ အဲဒါမျုိးရှိတဲ့လူကိုသာ ထောင်က ဆေးရုံအုပ်က ၂၄ နာရီ စောင့်ကြည့်တာပေါ့။ ၂၄ နာရီဆိုတော့ တစ်ညအိပ် ၂ ရက်လိုဖြစ်သွားတာပေါ့။ အဲဒီဆေးရုံမှာတက်ရတာ ၂ ရက်လောက်ပေ့ါ၊ နောက် တစ်ရက်ကျတော့ ဆေးရုံက စိတ်ချရပြီဆိုတော့ ဆင်းလိုက်တာပေါ့၊ ခေါင်းဒဏ်ရာဆိုတော့ ဘာဖြစ်ဖြစ် သေးသေးလေးပေါက်လဲ စိုးရိမ်လို့ ဂရုစိုက်ပြီးတော့လုပ်တာပေါ့”လို့  ရဲမှူးကြီး ၀င်းစိန်ကပြောပါတယ်။

မတ်လ ၁၀ ရက်နေ့က လက်ပံတန်းမှာ  သပိတ်မှောက် ကျောင်းသားတွေကို ရဲလုံခြုံရေးတွေက အကြမ်းဖက်ရိုက်နှက်ဖြိုခွင်းပြီး ကျောင်းသားတွေအပါအ၀င် ၀န်းရံကူညီပေးခဲ့ကြတဲ့ ပြည်သူတွေ ပါ စုစုပေါင်း ၁၂၇ ဦးကို ဖမ်းဆီးခံခဲ့ရတာပါ။

ပြီးခဲ့တဲ့ သီတင်းပတ်အတွင်းမှာ ကျောင်းသား ၂၇ ဦးနဲ့ သတင်းထောက် ၂ ဦး စုစုပေါင်း ၂၉ ဦးကို သာယာဝတီ အကျဉ်းထောင်က ပြန်လွှတ်ပေးခဲ့ပြီး ဒီကနေ့တော့ ထပ်မံလွတ်မြောက်လာသူ မရှိသေးပါဘူး။

ထောင်မှာ ကျန်ရှိတဲ့သူတွေထဲက တချို့ကို တရားစွဲဆို ရုံးထုတ်ဖို့ရှိနေပြီး လမ်းဘေးမှာ ရပ်ကြည့်ရင်း အဖမ်းခံခဲ့ရသူတွေ၊ သားသမီးတွေကိုလိုက်ခေါ်ရင် ဖမ်းဆီးခံခဲ့ရတဲ့ ကျောင်း သားမိဘတွေ အပါအ၀င်  အမှုနဲ့ မပတ်သက်တဲ့ သူတွေအားလုံးကို စိစစ်ပြီး မကြာခင် ပြန်လွှတ်ပေးမယ်လို့ ရဲတပ်ဖွဲ့ တာဝန်ရှိသူက ပြောပါတယ်။

By DVB

ကိုးကန့်နဲ့ မြန်မာစစ်တပ် တိုက်ပွဲဆက်ဖြစ်

 ကိုးကန့်တပ်ဖွဲ့ဝင် တချို့ကို ရှေ့တန်းစစ်မျက်နှာမှာ တွေ့ရစဉ်၊ မတ်လ ၁၀၊ ၂၀၁၅

16.03.2015

တရုတ်နယ်နိမိတ် အတွင်း မြန်မာဘက်ကကြဲချတဲ့ဗုံး ကျရောက်ပေါက်ကွဲပြီး ၂ ရက်အကြာ ဒီနေ့မှာတော့ ကိုးကန့်လက်နက်ကိုင်တပ်အပေါ်မြန်မာ့ တပ်မတော်က ထိုးစစ်တွေကို ပြန်ပြီး အရှိန်မြှင့်တိုက်ခိုက်နေပါတယ်။ တချိန်တည်းမှာပဲ ဒီကနေ့မှာ ဗုံးပေါက်ကွဲခဲ့တဲ့ တရုတ်နိုင်ငံတွင်းက ဒေသကိုလည်း မြန်မာနဲ့တရုတ်အစိုးရ ပူးပေါင်းအဖွဲ့က စစ်ဆေးမှုတွေလုပ်နေတဲ့တချိန်တည်းမှာပဲ တရုတ်နိုင်ငံတွင်းကို ကျရောက်ပေါက်ကွဲခဲ့တဲ့ဗုံးဟာ မြန်မာစစ်တပ် တိုက်လေယာဉ်ကနေ ကြဲချခဲ့တဲ့ဗုံးဖြစ်တယ်လို့လည်း တရုတ်နိုင်ငံခြားရေးဝန်ကြီးဌာနက တရားဝင်ပြောဆိုလိုက်ပါတယ်။ ကိုးကန့်ဒေသ စစ်ရေး အခြေအနေနဲ့ တရုတ်မြန်မာနှစ်နိုင်ငံတို့ကြား နယ်စပ်လုံခြုံရေး ဆိုင်ရာ အခြေအနေတွေကို မသိင်္ဂီထိုက် စုစည်းတင်ပြထားပါတယ်။
တရုတ်နိုင်ငံ ယူနန်ပြည်နယ် လင်ချန်းခရိုင်တွင်းက တာ့ရွှေရှန်းတုကျေးရွာအနီးမှာ ပြီးခဲ့တဲ့သောကြာနေ့ကမြန်မာဘက်ကနေ ကြဲချခဲ့တဲ့ ဗုံးပေါက်ကွဲပြီး တရုတ်အရပ်သား ၅ ဦး သေဆုံး၊ ၈ ဦးဒဏ်ရာရခဲ့တာပါ။ ဒီကိစ္စဖြစ်အပြီး ၂ ရက်တိတိ မြန်မာ့တပ်မတော်နဲ့ ကိုးကန့်လက်နက်ကိုင်တို့ကြား တိုက်ပွဲတွေ ငြိမ်သက်နေခဲ့ပြီး ဒီကနေ့ တနလာင်္နေ့မှာတော့ တိုက်ပွဲတွေ ပြန်ပြီးပြင်းထန်လာပါတယ်။ တရုတ်နယ်စပ်နဲ့ ၃ မိုင်လောက်ပဲဝေးတဲ့ လောက်ကိုင်မြို့ အရှေ့တောင်ဘက် တုန်ရှန်းဒေသတောင်ကုန်းတခုကို မြန်မာအစိုးရက တနလာင်္နေ့ တနေ့လုံးနီးပါး ထိုးစစ်ဆင်နေတာဖြစ်တယ်လို့ ဖုန်းကြားရှင် ဦးဆောင်တဲ့ ကိုးကန့် လက်နက်ကိုင်အဖွဲ့ MNDAA ပြောခွင့်ရ ဦးထွန်းမြတ်လင်းက ပြောပါတယ်။
“မနက် ဆယ်နာရီလောက်ကနေ စဖြစ်ပါတယ်ခင်ဗျ။ အဲဒီ တုန်းရှန်းဒေသမှာပါ။ ဧရိယာတခုအနေနဲ့ပြောတာပေါ့နော- တုန်းရှန်းကတော့။ တောင်ကုန်း ဒေသပေါ့နော၊ အဲဒီမှာက ၁၄၀ ပတ်ဝန်းကျင်လောက်ဖြစ်မယ်။ လောက်ကိုင်နဲ့ပြောရင် အရှေ့တောင်ပေါ့။ လောက်ကိုင်ရဲ့ အရှေ့တောင်ဘက်ပေါ့။ လောက်ကိုင်ရဲ့အရှေ့မြောက်ဘက်မှာလည်း ရံဖန်ရံခါ သူတို့က လက်နက်ကြီးနဲ့လှမ်းပစ်ပါတယ်။ ဒီနေ့တော့ လေကြောင်း မတွေ့ရသေးဘူး။ ”
ဒီတောင်ကုန်းဟာဆိုရင် ပြီးခဲ့တဲ့ သောကြာနေ့တုန်းက မြန်မာစစ်တပ်လေကြောင်းကနေ ဗုံးကြဲတိုက်ခိုက်ခဲ့တဲ့ ဒေသတဝိုက်လည်းဖြစ်ပါတယ်။ မြန်မာဘက်က တိုက်ပွဲတွေကနေ တရုတ်ဘက်ခြမ်းကို ဗုံးကျရောက်ပေါက်ကွဲခဲ့ပြီးနောက်မှာတော့ တရုတ် မြန်မာနယ်စပ်အနီးကို တရုတ်ဘက်က စစ်အင်အား အလုံးအရင်းချထားတာကြောင့် အခု ကိုးကန့်လက်နက်ကိုင်အဖွဲ့ရဲ့ အနေအထားက တရုတ်စစ်တပ်နဲ့ မြန်မာစစ်တပ်ကြား ပိတ်မိနေတဲ့ အခြေအနေလည်း ဖြစ်တယ်လို့ ဦးထွန်းမြတ်လင်းက ပြောပါတယ်။
တချိန်တည်းမှာပဲ သောကြာနေ့တုန်းက မြန်မာဘက်က ကျရောက်ပေါက်ကွဲခဲ့တဲ့ ဗုံးဟာ မြန်မာ့တပ်မတော် လေယာဉ်ကနေ ကြဲချခဲ့တဲ့ ဗုံးဖြစ်တယ်လို့ တရုတ်နိုင်ငံခြားရေးဌာနက ပြောဆိုလိုက်ပါတယ်။ တရုတ်နိုင်ငံခြားရေးဌာန ပြောခွင့်ရ ဟုန်းလေကအခုလို ပြောဆိုပါတယ်။
“မြန်မာ့တပ်မတော် လေယာဉ်က ကျဲချခဲ့တဲ့ ဗုံးတလုံးကြောင့် တရုတ်ပြည်သူတွေ သေကြေခဲ့ကြရတယ်ဆိုတာကတော့ ရှင်းပါတယ်။အခုတော့ တရုတ် မြန်မာ နယ်စပ်မှာ ပူးတွဲ စုံစမ်းစစ်ဆေးရေး လုပ်ဖို့ တရုတ်ဘက်က တောင်းဆိုထားတဲ့ အတိုင်း မြန်မာဘက်က စုံစမ်းရေး အဖွဲ့တဖွဲ့ကို စေလွှတ်ပေးပြီး ဖြစ်ပါတယ်။ အခု စုံစမ်းစစ်ဆေးမှုတွေ စနေပါပြီ။”
တရုတ် မြန်မာနယ်စပ် ကိုးကန့်ဒေသတွင်းမှာ တိုက်ပွဲတွေဆင်နွှဲနေကြသူတွေအနေနဲ့ တရုတ်နိုင်ငံရဲ့ စိုးရိမ်မှုကိုအလေးထားပြီး ဒေသတွင်းမှာ တည်ငြိမ် အေးချမ်းရေးကို အမြန်ဆုံး ဖော်ဆောင်ကြဖို့ကိုလည်း ထပ်ပြီး တိုက်တွန်းတယ်လို့ တရုတ်နိုင်ငံခြားရေးဌာန ပြောခွင့်ရဟုန်လေးက ပြောခဲ့တယ်။ ဒီကိစ္စနဲ့ ပတ်သက်ပြီး တနင်္ဂနွေနေ့တုန်းကလည်း တရုတ်ဝန်ကြီးချုပ် လီခကျင်းကလည်း တရုတ်ပြည်သူတွေရဲ့ အသက်အိုးအိမ်စည်းစိမ်ကို အကာအကွယ်ပေးဖို့ တရုတ်အစိုးရအနေနဲ့တာဝန်ရှိသလို နှစ်နိုင်ငံနယ်စပ်ဒေသ တည်ငြိမ်အေးချမ်းရေးအတွက် တရုတ်အစိုးရမှာတာဝန်ရှိသလို လုပ်နိုင်စွမ်းလည်းရှိပါတယ်လို့ ပြောဆိုခဲ့ပါတယ်။
မြန်မာအစိုးရဘက်ကတော့ တရုတ်ဘက်ကို ကျရောက်ပေါက်ကွဲခဲ့တဲ့ဗုံးဟာ မြန်မာအစိုးရ စစ်တပ်လေယာဉ်ကနေ ကြဲချခဲ့တဲ့ ဗုံးဖြစ်တယ်လို့ ယတိပြတ် ဝန်ခံထားတာမျိုး မရှိသေးပါဘူး။ မြန်မာနိုင်ငံတွင်းက တိုက်ပွဲတွေကြောင့် တရုတ်ဘက်ကို ဗုံးကျရောက်ပေါက်ကွဲပြီး အရပ်သားတွေ သေဆုံးဒဏ်ရာရတဲ့ အပေါ်မှာ စိတ်ထိခိုက်ရကြောင်း မြန်မာအစိုးရကပြောဆိုထားပြီး ဒီကိစ္စမှာ ကိုးကန့်လက်နက်ကိုင်တပ်ဘက်က ပါဝင်ပတ်သက်မှုရှိမရှိကို တရုတ်အစိုးရ ကိုယ်စားလှယ်အဖွဲ့နဲ့ ပူးပေါင်းပြီး စုံစမ်းဖော်ထုတ်မယ်လို့ သတင်းထုတ်ပြန်ပါတယ်။ မလေးရှားနိုင်ငံမှာ ၃ ရက်ကြာကျင်းပနေတဲ့ အာဆီယံကာကွယ်ရေး ဆိုင်ရာ ညီလာခံမှာလည်း မြန်မာကာကွယ်ရေးဝန်ကြီး ဒုတိယဗိုလ်ချုပ်ကြီးဝေလွင်က တရုတ်နိုင်ငံတွင်းကို မြန်မာဘက်က ဗုံးကျပေါက်ကွဲခဲ့တဲ့ဖြစ်ရပ်ကို စုံစမ်းစစ်ဆေးနေတယ်လို့ ပြောဆိုခဲ့ပါတယ်။
ဒီကိစ္စနဲ့ပတ်သက်ပြီး အစိုးရဘက်ကရော မြန်မာ့တပ်မတော်ဘက်ကတော့ တရားဝင်ဖြေကြားမယ့်သူလည်း မရှိပါဘူး။ မြန်မာ ပြည်တွင်းစစ်ကြောင့် တရုတ်ဘက်ကို ၂ ကြိမ်တိုင်တိုင် ဗုံးကျပေါက်ကွဲခဲ့ပြီးနောက်မှာတော့ တရုတ်ဘက်က နယ်စပ်ဒေသမှာ စစ်အင်အား အလုံးအရင်းချထားပြီးဖြစ်သလို တရုတ်ဝန်ကြီးချုပ်၊ တရုတ်နိုင်ငံခြားရေးဌာန၊ တရုတ်ကာကွယ်ရေးဌာနတို့က မြန်မာအစိုးရကို အသီးသီး သတိပေးခဲ့ကြပြီးလည်း ဖြစ်ပါတယ်ရှင်။

သိင်္ဂီထိုက်  VOA