ရန်ကုန် ဇန်နဝါရီ ၁၉
ရန်ကုန်တိုင်းဒေသကြီးအတွင်းတွင် ယာဉ်ရပ်ရန် မိမိပိုင်ဆိုင်သည့် ကိုယ်ပိုင်နေရာရှိမှသာ ပြည်ပမှ ကားတင်သွင်းခွင့်ပြုနေသည့်စနစ်ကို ဆက်လက်ကျင့်သုံးသွားမည်ဖြစ်ကြောင်း သိရသည်။
ပြည်ပမှ ယာဉ်အသစ်များ တင်သွင်းရာတွင် ယာဉ်ရပ်နားရန် နေရာရှိမှသာ တင်သွင်းခွင့်ပြုသည့်စနစ် (ကားပါကင်ထောက်ခံချက်ပါရှိမှသာ) တင်သွင်းခွင့်ပြု လျက်ရှိရာ ယင်းစနစ်ကို ဆက်လက်ကျင့်သုံးသွား မည်ဖြစ်ပြီး ကားပါကင်ထောက်ခံချက်နှင့်ပတ်သက်၍ အဂတိလိုက်စားမှုများရှိပါက ရန်ကုန်တိုင်းဒေသကြီး အစိုးရအဖွဲ့သို့ တိုင်ကြားပါက ထိရောက်စွာ အရေးယူသွားမည်ဟု စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ဒုတိယဝန်ကြီး ဒေါက်တာပွင့်ဆန်းက ပြည်သူ့လွှတ်တော် ၁၃ ကြိမ်မြောက် ပုံမှန်အစည်းအဝေး ၂၇ ရက်မြောက်နေ့တွင် ရေဖြူမြို့နယ် လွှတ်တော် ကိုယ်စားလှယ် ဦးဝင်းဦး၏ မေးမြန်းမှုကို ပြန်လည်ဖြေကြားရာတွင် ထည့်သွင်းဖြေကြားခဲ့သည်။
ရန်ကုန်တိုင်းဒေသကြီးအစိုးရအနေဖြင့် ကားပါကင် ထောက်ခံချက်များကို ခရိုင်၊ မြို့နယ် အဆင့်ဆင့် စိစစ်ဆောင်ရွက်လျက်ရှိပြီး ခွင့်ပြုမိန့် လျှောက်ထားခြင်းအတွက် တိုင်းဒေသကြီးအစိုးရအဖွဲ့မှ အခကြေးငွေ ကောက်ခံခြင်း၊ လျှောက်လွှာပုံစံ ရောင်းချခြင်းများ လုံးဝမရှိဘဲ ခရိုင်၊ မြို့နယ် စိစစ်ရေးအဖွဲ့များကို တင်းကျပ်စွာ ထိန်းကွပ်ဆောင်ရွက်လျက်ရှိသည့်အတွက် အခကြေးငွေ တောင်းခံမှုများရှိပါကလည်း တိုင်းဒေသကြီး အစိုးရ အဖွဲ့သို့ တိုင်ကြားပါက ထိရောက်စွာ အရေးယူသွားမည်ဟု ဒေါက်တာပွင့်ဆန်းက ပြောသည်။
''ကိုယ့်ခြံကိုယ့်ဝင်းနဲ့ ကိုယ်ပိုင်အမည်ပေါက် ကားလေးလိုချင်လို့ ကားပါကင်လျှောက်တာ အဆင်မပြေဘူး။ ဝယ်သုံးရတာမျိုးတွေရှိတယ်။ ကားပါကင်ပါမစ်ကလည်း အပြင်မှာ ဈေးအမျိုးမျိုးပေါက်တယ်။ တကယ်လို့ မှန်မှန်ကန်ကန်စစ်ဆေးတယ်ဆိုရင် ကျွန်တော်တို့လို ခြံဝင်းထဲ ကားထားဖို့နေရာရှိသူတွေ ဘာကြောင့်ကားပါကင် လျှောက်တာအဆင်မပြေတာလဲ။ ပွဲစားနဲ့လုပ်ရင် ဘာလို့ရတာလဲ။ ပိုက်ဆံပိုကုန်မှ ဘာလို့ပါမစ်ရတာလဲ။ဘယ်လိုစံနှုန်း၊ ဘယ်လိုအချက်အလက်၊ ဘယ်လိုမူဝါဒ တွေနဲ့ ရွေးချယ်လဲဆိုတာကို အများပြည်သူကို ပွင့်လင်းမြင်သာမှုရှိရှိ ဖော်ပြပေးသင့်တယ်။ မဟုတ်ရင် ဌာနတစ်ခုကနေ နောက်တစ်ခုပြောင်း၊ စနစ်တစ်ခုကနေတစ်ခု ပြောင်းလည်းပဲ ပွင့်လင်းမြင်သာမှုမရှိရင်၊ အဂတိလိုက်စားမှု တွေရှိနေရင် အများပြည်သူအတွက် ဘယ်လိုမှ အဆင်မပြေနိုင်ဘူး''ဟု မြောက်ဥက္ကလာပမြို့နယ်တွင် နေထိုင်သူ ဝန်ထမ်းဟောင်းတစ်ဦးက ကားပါကင်စနစ်နှင့် ပတ်သက်၍ ၎င်း၏ အတွေ့အကြုံကို ပြောကြား
သည်။
ပြည်သူ့လွှတ်တော်တွင် ယင်းကိစ္စအား မေးမြန်းသွားရာတွင် အဂတိလိုက်စားမှုများရှိပါက တိုင်ကြားနိုင်ပြီး ထိရောက်စွာ အရေးယူသွားမည်ဖြစ်သည့်အပြင် မော်တော်ယာဉ်ဝယ်ယူအသုံးပြုသူတစ်ဦးအနေဖြင့်လည်း မိမိပိုင်ဆိုင်သည့် ဧရိယာအတွင်း မော်တော်ယာဉ်ထားရှိရန် နေရာရှိမှသာ ကားဝယ်ယူသင့်သဖြင့် ကားပါကင် ခွင့်ပြုမိန့်အား ရန်ကုန်တိုင်းဒေသကြီးအစိုးရအနေဖြင့် ဆက်လက်ဆောင်ရွက်သွားမည်ဟု စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီးဒေါက်တာ ပွင့်ဆန်းက ဖြေကြားသွားခဲ့သည်။
The Mirror Daily