နှစ်ပေါင်း(၅၀) အတွင်း ဒီမိုကရေစီနည်းကျ တင်မြှောက်လိုက်သည့် နိုင်ငံတော်သမ္မတသစ် ဦးထင်ကျော်နှင့် လက်တွဲလုပ်ဆောင်သွားလိုသည်ဟု ဗြိတိန်ဝန်ကြီးချုပ် ဒေးဗစ်ကင်မရွန်းက ၎င်း၏ တွစ်တာစာမျက်နှာတွင်ရေးသားထားသည်။
'နှစ်ပေါင်း(၅၀) ကျော်မှာပထမဆုံးအကြိမ်အဖြစ် သမ္မတကိုဒီမိုကရေစီနည်းလမ်းတကျ ရွေးချယ်နိုင်ခဲ့တဲ့ မြန်မာပြည်သူများအတွက် ဂုဏ်ယူပါတယ်။ ဦးထင်ကျော်နဲ့ လက်တွဲဆောင်ရွက်သွားဖို့လည်းမျှော်လင့်ပါတယ်' ဟု ဗြိတိန်ဝန်ကြီးချုပ် ဒေးဗစ်ကင်မရွန်းက ၎င်း၏ တွစ်တာစာမျက်နှာတွင် ရေးသားခဲ့ခြင်းဖြစ်သည်။
နိုင်ငံတော်သမ္မတရွေးချယ်ပွဲကိုယမန်နေ့က ပြည်ထောင်စုလွှတ်တော်တွင် ပြုလုပ်ခဲ့ခြင်းဖြစ်ပြီးမဲခွဲဆုံးဖြတ်ရာတွင် ဦးထင်ကျော်က (၃၆၀) မဲဖြင့်နိုင်ငံတော်သမ္မတရာထူးကိုထမ်းဆောင်ရတော့မည်ဖြစ်သည်။သမ္မတအဖြစ်အရွေးချယ်ခံရသည့် ဦးထင်ကျော်အနေဖြင့် မတ်လ ၃၁ရက်နေ့တွင်ကျင်းပသည့် ပြည်ထောင်စုလွှတ်တော်အစည်းအဝေးတွင် သမ္မတအဖြစ်တင်မြောက်ခြင်းကိုလက်ခံရယူမည်ဖြစ်ပြီးပထဦးဆုံးမိန့်ခွန်းကိုပြောဆိုမည်ဖြစ်သည်။
Messenger News Journal
https://www.facebook.com/Messenger-News-Journal