ဗုဒ္ဓသာသနာ - နိုင်ငံတကာ စာတမ်းဖတ်ပွဲ တောင်ကြီးမြို့ ဗုဒ္ဓတက္ကသိုလ်တွင် စတင်ကျင်းပ

An International Seminar on “ Buddhism, Higher Education and Vision ” ဗုဒ္ဓသာသနာ ၊ အဆင့်မြင့်ပညာရေးနှင့် အမြော်အမြင်  နိုင်ငံတကာ စာတမ်းဖတ်ပွဲ - ဆယ်မီနာကို တောင်ကြီးမြို့ ဗုဒ္ဓတက္ကသိုလ်တွင် ကျင်းပ ခဲ့သည် ။



ဆယ်မီနာကို ဖေဖော်ဝါရီလ ၆ ရက် နံနက် ၈ နာရီတွင်စတင်မည်ဖြစ်ပြီး ညနေ ၅ နာရီအထိကျင်းပမည်ဖြစ် ကြောင်း အစီအစဉ်တွင်ပါရှိပါသသည် ။ ပြည်တွင်းပြည်ပမှ စာသင်သံဃာတော်များ ၊ လေ့လာသူများ ၂၀၀ ၀န်းကျင် တက်ရောက်ခဲ့သည် ။


သျှမ်းပြည်သံဃာ့နာယက ဒေါက်တာပညာနန္ဒနှင့် သျှမ်းပြည်နယ် ဗုဒ္ဓတက္ကသိုလ်ဦးဆောင်တည်ထောင်သူ ဒေါက်တာဓမ္မသာမိတို့က နမောတဿ ၃ ကြိမ်ရွတ်ဆိုကာ ဆယ်မီနာ ဖွင့်ပေးခဲ့သည် ။ သျှမ်းပြည်နယ် သာသနာရေးဝန်ကြီး ဦးစိုးဝင်းလည်းတက်ရောက်အမှာ စကားပြောကြား ကြောင်း ဆိုပါသည် ။


ပြည်တွင်းပြည်ပမှ ပညာရှင်သံဃာတော် ၆ ပါးက ဗုဒ္ဓဘာသာတက္ကသိုလ်နှင့် သာသနာတော် ပျံ့ပွါးရေး ၊ သီရိလင်္ကာနိုင်ငံမှ ပါဠိနှင့်ဗုဒ္ဓတက္ကသိုလ် ၊ အမေရိကန်နှင့် ဥရောပနိုင်ငံများမှ ဗုဒ္ဓဘာသာဆိုင်ရာဘာသာရပ်ပို့ချ မှုအစရှိ စာတမ်းများကို  အင်္ဂလိပ်ဘာသာဖြင့် ဖတ်ကြားသွားခဲ့ကြောင်း သိရသည် ။


ဖေဖော်ဝါရီလ ရ ရက် သျှမ်းပြည်အမျိုးသားနေ့တွင်မူ ဘုရားဖြူရပ်ကွက် ဗောဓိကုန်းရှိ ဗုဒ္ဓတက္ကသိုလ်ဖွင့်ပွဲ ကျင်းပမည်ဖြစ်ပါသည် ။

သျှမ်းသံတော်ဆင့်

ဒေါ်စု သမ္မတဖြစ်ရေး တပ်နှင့် အပေးအယူလုပ်ဟု နယူးယောက်တိုင်းမ် ဖော်ပြ

အမျိုးသား ဒီမိုကရေစီအဖွဲ့ချုပ်(အန်အယ်လ်ဒီ) ဥက္ကဋ္ဌ ဒေါ်အောင်ဆန်းစုကြည် သမ္မတဖြစ်ခွင့် အလားအလာရှိတဲ့ သဘောတူညီမှု တခုကို စစ်တပ်နဲ့ ဆွေးနွေးနေတယ်လို့ အမေရိကန် နယူးယောက်တိုင်မ်းသတင်းက ဖေဖော်ဝါရီ ၅ ရက်က ရေးပါတယ်။
ဆွေးနွေးနေတဲ့ သဘောတူညီချက်ကတော့ အစိုးရသစ်မှာ အဆင့်မြင့် နေရာတချို့ကို စစ်တပ်ကို ပေးဖို့ အန်အယ်လ်ဒီ ပါတီက ကမ်းလှမ်းခဲ့သလို အပြန်အလှန်အနေနဲ့ ဒေါ်အောင်ဆန်းစုကြည်ကို သမ္မတ ဖြစ်ခွင့်ပေးရမယ်လို့ ပါတီက အမည်မဖော်လိုတဲ့ အဆင့်မြင့် အဖွဲ့ဝင် ၂ ဦးကို ကိုးကားပြီး သတင်းက ရေးပါတယ်။
စစ်တပ်နဲ့  ဒေါ်အောင်ဆန်းစုကြည်တို့ အစိုးရသစ် ဖွဲ့စည်းရေးကိစ္စ ဆွေးနွေး ညှိနှိုင်းနေသလို ဆွေးနွေးမှု အသေးစိတ်ကိုတော့ ထိခိုက်မခံတဲ့ အချိန်ဖြစ်လို့ ရှင်းရှင်းလင်းလင်းမသိရဘူးလို့ ဆိုပါတယ်။
ဒါအပြင် ရန်ကုန်၊ ရခိုင်၊ ရှမ်းစတဲ့ ပြည်နယ်နဲ့တိုင်းတွေမှာ ၀န်ကြီးချုပ်နဲ့ တခြားအဆင့်မြင့်ရာထူးတွေကို ကမ်းလှမ်းသွားဖို့လည်း စဉ်းစားနေတယ်လို့ အန်အယ်လ်ဒီ ထိပ်တန်း အဖွဲ့ဝင်တဦးကို ကိုးကားပြီး သတင်းက ဖော်ပြပါတယ်။
ဆွေးနွေးမှုတွေကို ပွဲစားတွေကတဆင့် လုပ်ဆောင်နေတယ်လို့လည်း သမ္မတရုံးမှာ ညွန်ကြားရေး တာဝန်ထမ်းဆောင်နေတဲ့ ဦးဇော်ဋ္ဌေးကို ကိုးကားပြီး သတင်းက ရေးပါတယ်။
နိုဝင်ဘာလက ကျင်းပခဲ့တဲ့ ရွေးကောက်ပွဲမှာ ဒေါ်အောင်ဆန်းစုကြည်ပါတီက အနိုင်ရရှိခဲ့ပေမယ့် ၂၀၀၈ ဖွဲ့စည်းပုံအခြေခံ ဥပဒေက  ဒေါ်အောင်ဆန်းစုကြည် သမ္မတဖြစ်ခွင့်ကို တားမြစ်ထားပါတယ်။
စစ်တပ်ရဲ့ သဘောဆန္ဒပါမှာသာ အခြေခံ ဥပဒေကို ပြင်ဆင်နိုင်မှာ ဖြစ်ပါတယ်။ ဒေါ်အောင်ဆန်းစုကြည်ရဲ့အစိုးရသစ်အောင်မြင်ရေးမှာ စစ်တပ်ဟာ အရေးပါတဲ့နေရာက နေရှိနေပါတယ်။
DVB

ထားဝယ်ဖွံ့ဖြိုးတိုးတက်ရေး အများပိုင်ကုမ္ပဏီကို ဒေသခံများ ဒုတိယအကြိမ်ဆန္ဒပြ

တနင်္သာရီတိုင်းဒေသကြီး လောင်းလုံးမြို့နယ် မောင်းမကန်ကျေးရွာ အများပိုင်မြေနေရာတွေမှာ တာဝန်ရှိသူတွေက ထားဝယ်ဖွံ့ဖြိုးတိုးတက်ရေးအများပိုင်ကုမ္ပဏီ (DDPC) ကို လုပ်ပိုင်ခွင်ပေ့းတာ မကျေနပ်လို့ ဒေသခံ ၂၀၀ လောက် ဒီနေ့ ကန့်ကွက်ဆန္ဒပြကြပါတယ်။
ဒီကုမ္ပဟာ ၂၀၁၂ ခုနှစ်ကနေစတင်ကာ မောင်းမကန်ကမ်းခြေရှိ တပ်သိမ်းမြေဧရိယာတွေ၊ သစ်တောကြိုးဝိုင်းဧရိယာတွေနဲ့ ဒေသခံတွေ လုပ်ကိုင်စားသောက်တဲ့  နေရာတွေမှာ ဟိုတယ်တွေ ဆောက်လုပ်ခဲ့သလို မြေနေရာတွေကိုလည်း အကွက်ရိုက်ရောင်းချခဲ့တာကို မကျေနပ်လို့ ဆန္ဒပြတာဖြစ်ကြောင်း ဆန္ဒပြပွဲကို ဦးဆောင်တဲ့ ဦးဆန်းက ပြောပါတယ်။
“ကျနော်တို့ ကျေးရွာတွေကို ကြိုးပြင်ကာကွယ်တော ဧရိယာလုပ်ထားတယ်လေ၊ အဲဒီအနေအထားမှာ အခုက DDPC ကုမ္ပဏီကိုပဲ လုပ်ပိုင်ခွင့်ချပေးထားတာကို ကျနော်တို့ ဒေသခံတွေက မခံနိုင်ဘူးလေ။ ဒေသခံတွေက အေးအေးချမ်းချမ်း လုပ်ပိုင်ခွင့်မရဘဲ DDPC ခိုင်ခံ့တဲ့ အဆောက်အဦတွေ မနားတမ်း လုပ်နေတာလေ။”
ဒီလိုဆောက်လုပ်နေတာတွေကို ဒေသခံတွေက လောင်းလုံမြို့နယ် အုပ်ချုပ်ရေးမှူးကို တိုင်ကြားခဲ့ပေမယ့် မရခဲ့ဘူးလို့ ပြောပါတယ်။
“ဒါဟာ လုပ်ပိုင်ခွင့်မရှိဘဲ လုပ်နေတဲ့သဘောဖြစ်တယ်။ တာဝန်ရှိသူတွေ ဒီကုမ္ပဏီကို ဘယ်လိုလုပ်ပိုင်ခွင့်ပေးထားလဲဆိုတာ ချပြဖို့ ကျနော်တို့ အကြိမ်ကြိမ်တောင်းဆိုခဲ့တယ်။ ဒါပေမယ့် ကျနော်တို့ကို ဘာမှချပြမှု မရှိခဲ့ဘူး အုပ်ချုပ်ရေးပိုင်းကရော၊ ကုမ္ပဏီဘက်ခြမ်းကရော။ သူတို့ ကျနော်တို့ကို ဘာအထောက်အထားမှလည်း မပြနိုင်ဘူး။ လုပ်ပိုင်ခွင့်မရဘဲ လက်ဦးရယူလုပ်နေတဲ့ ကုမ္ပဏီ။”
၂၀၁၅ ဒီဇင်ဘာလ ၁၆ ရက်နေ့ကလည်း ပထမအကြိမ် ဆန္ဒပြတောင်းဆိုခဲ့ပေမယ့် DDPC ကုမ္ပဏီက အရှိန်အဟုန်မြင့် ဆက်လက်လုပ်ဆောင်လာခဲ့သလို ဒေသခံတွေနဲ့ လာရောက်ညှိနှိုင်းတာ လုံးဝမလုပ်ဆောင်ခဲ့လို့ အခု ဒုတိယအကြိမ် ထပ်မံဆန္ဒပြခဲ့ကြတာလို့ဆိုပါတယ်။
မောင်းမကန်ဒေသခံတွေ ဆန္ဒပြတာနဲ့ပတ်သက်လို့ ထားဝယ်ဖွံ့ဖြိုးတိုးတက်ရေးအများပိုင်ကုမ္ပဏီ (DDPC) ကို ဆက်သွယ်မေးမြန်းခဲ့ပေမယ့် မရခဲ့ပါဘူး။
မောင်းမကန် ကမ်းခြေက ကျေးရွာတွေမှာ ၁၉၉၂ ခုနှစ်တုန်းက ကမ်းခြေဖွံ့ဖြိုးရေးစီမံကိန်းအကြောင်းပြုကာ တပ်မတော် ခလရ ၁၀၄ က မြေဧရိယာ ၃၅၄.၆၄ ဧကကို သိမ်းယူခဲ့တာဖြစ်ပါတယ်။
သိမ်းဆည်းခံခဲ့ရတဲ့ မောင်မကန်ကျေးရွာအုပ်စု၊ ပန်းတက်အင်းကျေးရွာအုပ်စု၊ ကျောက် ဆင် သဘော့ဆိပ်ကျေးရွာအုပ်စုတို့က ဒေသခံတွေဟာ အရင်မိဘ ဘိုးဘွားအစဉ်ဆက် မြေခွန်ပြေစာတွေထွက်ရှိပြီး မြေစာရင်းဌာန လုပ်ပိုင်ခွင့်ရှိခဲ့ပေမယ့် ၂၀၀၃  ခုနှစ်မှာ မောင်းမကန်သစ်တောကြိုးပြင် ကာကွယ်တောလို့ သတ်မှတ်ခဲ့တာဖြစ်ပါတယ်။
အခု အဲဒီသိမ်းဆည်းမြေနေရာတွေမှာ ထားဝယ်ဖွံ့ဖြိုးတိုးတက်ရေးအများပိုင်ကုမ္ပဏီက ဒေသခံတွေကို ပွင့်လင်းမြင်သာမှုရှိရှိ ချမပြဘဲ အုပ်ချုပ်ရေးအာဏာပိုင်တွေနဲ့ပူးပေါင်းကာ ဒေသဖွံ့ဖြိုးရေးအကြောင်းပြပြီး ဟိုတယ်တွေ ဆောက်လုပ်နေလို့ ဒေသခံတွေက နှစ်ကြိမ်မြောက် ဆန္ဒထုတ်ဖော်ခဲ့ကြတာ ဖြစ်ပါတယ်။
DVB

ပြည်နယ်တိုင်းလွှတ်တော် အကြီးအကဲစာရင်း ထွက်ပေါ်ခဲ့မှု အတည်မပြုဟု အဖွဲ့ချုပ်ပြော

ဖေဖော်ဝါရီ ၈ ရက်နေ့ စတင်တော့မယ့် ပြည်နယ်တိုင်းလွှတ်တော်အသီးသီးရဲ့ ဥက္ကဋ္ဌနဲ့ ဒုတိယဥက္ကဋ္ဌ အမည်စာရင်းတွေ အင်တာနက်အွန်လိုင်းတွေမှာ ထွက်ပေါ်ခဲ့တဲ့အပေါ် တရားဝင်အတည်မပြုနိုင်သေးဘူးလို့ အဖွဲ့ချုပ်ဗဟိုအလုပ်အမှုဆောင် ဦးဝင်းထိန်က ဒီဗွီဘီကို ပြောပါတယ်။
ရှမ်းနဲ့ ရခိုင်ပြည်နယ်တို့ကလွဲပြီး ကျန်ပြည်နယ်တိုင်း ၁၂ ခုက လွှတ်တော်ဥက္ကဋ္ဌနဲ့ ဒုဥက္ကဋ္ဌ အမည်စာရင်းတွေကို ဒီနေ့ ဆဲဗင်းဒေး သတင်းဌာနက အင်တာစာမျက်နှာပေါ် တင်လိုက်တာဖြစ်ပြီး ဘယ်က ပေါက်ထွက်တယ်ဆိုတာ မသိဘူးလို့ ဦးဝင်းထိန်က ပြောပါတယ်။
“ကျနော်တို့ မကြေညာပါဘူး၊ အဲ့သတင်း ပေါက်ထွက်သွားတာ ဘယ်သူ့လက်ချက်လဲဆိုတာ မပြောတတ်ဘူး။ ဒီကိစ္စနဲ့ပတ်သက်လို့ ကျနော်တို့ အတည်မပြုနိုင်သေးပါဘူး၊ တရားဝင်မကြေညာသေးဘူးဆိုရင် မှန်ပါတယ်။”
မန္တလေးတိုင်း လွှတ်တော်ဥက္ကဋ္ဌအဖြစ် နာမည်စာရင်းထွက်ပေါ်ခဲ့တဲ့ ပုသိမ်ကြီးမြို့နယ် အရွေးချယ်ခံကိုယ်စားလှယ် ဦးအောင်ကျော်ဦးက ခန့်မှန်းပြောဆိုမှုတွေ ရှိပေမယ့် သူကိုယ်တိုင် မသိဘူးလို့ ပြောပါတယ်။
“ကျနော်တို့ နေပြည်တော်မှာ သင်တန်းသွားတက်ကတည်းက အဲ့ဒီလို ထင်ကြေးပေးပြောနေကြတာပဲ။ ကျနော်က ဥက္ကဋ္ဌရတယ်၊ ဘယ်သူက ဒုဥက္ကဋ္ဌ ရတယ်၊ အဲ့ဒီလို အတိအကျတော့ ကျနော်တို့ မသိရသေးဘူး။”

DVB

ကန်ထရိုက်လုပ်ငန်းအချို့ စရန်ငွေအရှုံးခံ၍ ဆောက်လုပ်မှု ရပ်ဆိုင်း

အိမ်ခြံမြေဈေးကွက် ငြိမ်သက်နေမှုနှင့်အတူ တခြမ်းပေး တခြမ်းယူ ကန်ထ ရိုက်စနစ်ဖြင့် ဆောက်လုပ်ရန် သဘော တူစာချုပ်ချုပ်ဆိုမှုများကို ကန်ထရိုက်များ မှ စရန်ငွေများအရှုံးခံ၍ ရပ်ဆိုင်းမှုများရှိလာ ကြောင်း စုံစမ်းသိရသည်။

သာကေတ၊ တောင်ဥက္ကလာပ၊ မြောက်ဥက္ကလာပ၊ သင်္ဃန်းကျွန်းမြို့နယ် များတွင် ဆောက်လုပ်မှုများခဲ့သည့် တခြမ်းပေး တခြမ်းယူ ကန်ထရိုက်ဆောက် လုပ်မှုများသည် အိမ်ခြံမြေဈေးကွက် ငြိမ် သက်နေချိန်၌ မူလသဘောတူညီခဲ့သည့် စရန်ငွေများ အရှုံးခံကာ ဆောက်လုပ်မှုများ ရပ်ဆိုင်းခြင်းများရှိလာသည်ဟု သိရသည်။

''ပထမ ကျွန်မတို့အိမ်ကို ခြောက်ထပ်ဆောက်မယ်၊ တခြမ်းရမယ်၊ ပြောင်း ရွှေ့စရိတ်က သိန်း ၆၀၀ ဆိုပြီး စရန်ငွေ သိန်း ၁၀၀ ပေးတယ်။ ဒါနဲ့ နေလာလိုက် တာ တနှစ်လောက်ကျော်သွားတော့ ဘာမှ မထူးလို့ ကန်ထရိုက်နဲ့ စကားပြောတော့ ပေးထားတဲ့စရန်သိန်း ၁၀၀ အရှုံးခံတယ်။ ဆက်ပြီးမဆောက်တော့ဘူးလို့ပြော တယ်'' ဟု တောင်ဥက္ကလာပမြို့နယ်နေ မနွယ်နီက ၎င်းကြုံတွေ့ခဲ့ရသည်ကို ပြော သည်။
ကန်ထရိုက်စနစ်တွင် နေရာအချက် အချာကျမှုနှင့် အကျယ်အ၀န်းပမာဏပေါ် မူတည်၍ ပြောင်းရွှေ့နေထိုင်ရန် စရိတ် အဖြစ် ကျပ်သိန်း ၅၀ မှ ကျပ်သိန်းထောင် ဂဏန်းဝန်းကျင်အထိ ပေးလေ့ရှိကြောင်း သိရသည်။

''မြို့နယ်တခုကို ကန်ထရိုက်တွေ က စ၀င်တဲ့အချိန် သူတို့လုပ်ကွက်တွေ ချဲ့တဲ့အနေနဲ့ အများစုကိုလိုက်ပြီး စရန်ပေး ထား စာချုပ်ချုပ်ထားတယ်။ လေး၊ ငါးလုံး လောက် ဆောက်ကြည့်တယ်။ အခြေ အနေမကောင်းရင် အဲဒီစရန်ငွေ အရှုံးခံလိုက် တယ်။ ထပ်ပြီး မရင်းတော့ဘူး။ ဈေးကွက် က ငြိမ်နေတော့ ဆောက်ပြီးလို့ အရောင်း အ၀ယ်မရှိခဲ့ရင် ငွေအိပ်ကာ မလည်ပတ် တော့ဘူး။ ဒါကြောင့် ဆက်မလုပ်ကြတာ များတယ်''ဟု အိမ်ခြံမြေကျွမ်းကျင်သူ တဦးက သုံးသပ်ပြသည်။

ကန်ထရိုက်စနစ် တိုက်ခန်းများ ရောင်းဝယ်မှုသည် အမြင့်ပိုင်းဈေးနှုန်း တရပ်သို့ ရောက်ရှိခဲ့ရာမှ အရောင်းအ၀ယ် ငြိမ်သက်ခဲ့ကြောင်း သိရသည်။ ဈေးကွက် ငြိမ်သက်မှုနှင့်အတူ ဆောက်ပြီးတိုက်ခန်း များ အရောင်းမထွက်ခြင်း၊ ငွေလည်ပတ်မှု မရှိခြင်းများကြောင့် ဆောက်လုပ်ရန်လျာ ထားသည့်နေရာများအား အရှုံးခံကာ ရပ်ဆိုင်းခဲ့ကြခြင်းဖြစ်ကြောင်း သိရသည်။

''တချို့ကျတော့ ပြောင်းရွှေ့စရိတ် တွေ အများကြီးပေးတယ်။ သိန်း ၃၀၀၊ ၆၀၀ လိုမျိုး။ ဒါပေမဲ့ စရန်ပေးတော့ သိန်း ၂၀ လောက်ပဲပေးတယ်။ အိမ်ရှင်ကို ပြောင်းရွှေ့စရိတ်အများကြီးပေးပြီး မက်လုံး ပေးလိုက်တဲ့သဘော။ ဈေးကွက်ငြိမ်သွား တော့ ဆက်မဆောက်တာတို့ အချိန်ဆွဲ ထားတာတို့ လုပ်ကြရော။ ကျွန်တော်တို့ လမ်းထဲမှာလည်း အဲဒီလိုမျိုး သုံးလုံး လောက်ရှိတယ်။ အိမ်ရှင်က စာချုပ်စချုပ် တဲ့အချိန် သေချာမချုပ်ခဲ့တာလည်းရှိ တယ်။ ဒီတော့ ပိုက်ဆံမရှိတဲ့ အိမ်ရှင်တွေ ကျတော့ မဆောက်ဖြစ်ရင် သုံးဆလျော်ရ မှာလေ။ ဒီအတိုင်းပဲ နေနေရတယ်။ ကန်ထရိုက်တွေရဲ့ ဈေးကွက်ဦးယူထားမှု ကြောင့် ကြားထဲကအိမ်ရှင်တွေ နစ်နာ တယ်''ဟု သင်္ဃန်းကျွန်းမြို့နယ်နေ ကိုကျော်အောင်က ပြောသည်။

ကန်ထရိုက်များမှ စရန်ငွေအရှုံးခံ နောက်ဆုတ်မှုများရှိသကဲ့သို့ ဆောက်လုပ် ရန် ထပ်မံညှိနှိုင်းလာသည့် ကန်ထရိုက် များလည်းရှိကြောင်း သိရသည်။
လိုင်စင်ရကန်ထရိုက်တာများအနေ ဖြင့် ဥပဒေနှင့် ညီညွတ်မှုမရှိဘဲ ဆောက် လုပ်မှုကြောင့် သက်ဆိုင်ရာက ရာသက်ပန် လိုင်စင်ပိတ်သိမ်း၍ Black List ရေးသွင်း ခြင်း၊ ရာသက်ပန်ပိတ်သိမ်းခြင်း၊ ၃ နှစ် လုပ်ကိုင်ခွင့် ရုပ်သိမ်းခြင်းစသည် အရေး ယူမှုပြုလုပ်ခဲ့ကြောင်းနှင့် ၂၀၁၄ ခုနှစ်အ တွင်း လုပ်ငန်းပေါင်း ၁၁၉ ခုနှင့် ၂၀၁၅ ခုနှစ်အတွင်း လုပ်ငန်းပေါင်း ၁၆၂ ခုကို အရေးယူခဲ့ကြောင်း သိရသည်။

မင်းဗညား

News Watch(စောင့်ကြည့်သတင်းဂျာနယ်)

မြောက်ကိုရီယားဒုံးကျည် လွှတ်တင်ဖို့ အသင့်ဖြစ်နေ

မြောက်ကိုရီးယား ဒုံးကျည် လွှတ်တင်မည့် သတင်းကို ဖေဖော်ဝါရီလ ၃ရက်နေ့ က တောင်ကိုရီးယား နိုင်ငံ ဆိုးလ်မြို့တွင် ကြည့်ရှုနေကြစဉ်။

မြောက်ကိုးရီးယားဟာ သူရဲ့ ပဲ့ထိန်းတပ် ဒုံးကျည်ကို ထင်ထားတာထက်စောပြီး လွှတ်တင်မယ့် အနေအထားမှာ ရှိနေတယ် လို့ တောင်ကိုးရီးယား ကာကွယ်ရေး ၀န်ကြီးဌာနက စနေနေ့မှာပြောပါတယ်။ ခုလို အစီအစဉ်ပြောင်းတဲ့အပေါ် အပြည်ပြည်ဆိုင်ရာ အဖွဲ့အစည်းတွေကို မြောက်ကိုးရီးယားဘက်က အကြောင်းကြားတာမရှိသလို ပဲ့ထိန်းဒုံးကျည်ကို တနင်္ဂနွေနေ့မှာ လွတ်တင်မယ် လို့ မျှော်လင့်ရတယ်လို့လည်း တောင်ကိုးရီးယားကာကွယ်ရေးဝန်ကြီးဌာန ပြောခွင့်ရ Moon Sang Gyun ကပြောပါတယ်။
မြောက်ကိုးရီးယားရဲ့  ပဲ့ထိန်းတပ် ဒုံးကျည်ကို ခုလို စမ်းသပ်ပစ်လွှတ်မယ့် အစီအစဉ်ဟာ ရန်စတဲ့သဘောဖြစ်သလို ဒေသတွင်း တည်ငြိမ်မှုတွေ ကိုလည်း ပျက်ပြားအောင်လုပ်တဲ့လုပ်ရပ်ဖြစ်တယ်လို့ အမေရိကန်သမ္မတ ဘရက်ခ် အိုဘားမားနဲ့ တရုတ်သမ္မတ ရှိကျင်းပင် တို့ကလည်း ပြောဆိုထားတာပါ။ ကိုးရီးယားကျွန်းဆွယ်အတွင်း နျူ ကလီးယား လက်နက် လုံးဝ ကင်းစင်သွားအောင် လုပ်ဆောင်သွားဖို့ သောကြာနေ့က တယ်လီဖုန်းဆက်ပြောဆိုဆွေးနွေးချိန်အတွင်း အမေရိကန်နဲ့ တရုတ် ခေါင်းဆောင်နှစ်ယောက်တို့ နောက်ထပ် သဘောတူညီမှု ရခဲ့ကြတယ် လို့ သမ္မတ အိမ်ဖြူတော်က ပြောပါတယ်။
ဂြိုလ်တုကနေ ရိုက်ယူထားတဲ့ဓာတ်ပုံတွေအရ မြောက်ကိုးရီးယားနိုင်ငံ အနောက်မြောက်ဘက်က Tongchang–ri စခန်းကနေ ပဲ့ထိန်းတပ်ဒုံးကျည်ပစ်လွှတ်ဖို့ တပ်ဆင်နေပုံရတယ်လို့ ဂျပန်သတင်းဌာနက မကြာသေးခင်ကပဲ ထုတ်ပြန်သွားပါတယ်။
မြောက်ကိုးရီးယားဘက်က လေးကြိမ်မြောက် နူကလီးယား လက်နက် စမ်းသပ် ပစ်လွှတ်မှုကို ဇန်န၀ါရီလ ၆ ရက်နေ့က ပြုလုပ်ခြဲ့ပီးတဲ့နောက် ဒီလုပ်ရပ်အတွက် ကင်ဂျုံအွန်းအစိုးရကို ဒဏ်ခတ်ပိတ်ဆို့မှုတွေချမှတ်ဖို့ အဆင့်မြင့် ဆွေးနွေးမှုတွေအပြီးမှာပဲ မြောက်ကိုးရီးယားဘက်က လက်နက် စမ်းသပ်ပစ်လွှတ်မှုတွေလုပ်နိုင်တယ်ဆိုတဲ့ သတင်းတွေထွက်ပေါ်လာ တာလည်းဖြစ်ပါတယ်။ မြောက်ကိုးရီးယားရဲ့ ပဲ့ထိန်းတပ် ဒုံးကျည်ပစ်လွတ်မှုတွေကို ကုလသမဂ္ဂလုံခြုံရေးကောင်စီရဲ့ ပြဌာန်းချက်က တားမြစ်ပိတ်ပင်ထားတာ လည်းဖြစ်ပါတယ်။
VOA

တနင်္သာရီမြစ်အတွင်း ရွှေဆက်မတူးဖော်ရေး ကြပ်မတ်ပေးရန် KNU ကို တိုင်းအစိုးရစာပို့

ရွှေတူးသင်္ဘောအားတွေ့ရစဉ်  ဓာတ်ပုံ - CSLD

|Dawei Watch| ထားဝယ်၊ ဖေဖော်ဝါရီ ၅

တနင်္သာရီမြစ်အတွင်း ရွှေထွန်းပေါက်ကုမ္ပဏီက ရွှေဆက်မတူးဖော်ရေး ထိန်းသိမ်းကြပ်မတ်ပေးရန် KNU တပ်မဟာ ၄ ကို တနင်္သာရီတိုင်းဒေသကြီးအစိုးရအဖွဲ့က ပြီးခဲ့သည့် အပတ်က စာပို့ အကြောင်းကြားထားကြောင်း တိုင်းအစိုးရအဖွဲ့ထံမှ သိရသည်။

ရွှေထွန်းပေါက် ကုမ္ပဏီက တရားဝင်ခွင့်ပြုချက်မရှိဘဲ ရွှေတူးဖော်နေခြင်းသည် ကရင်အမျိုးသားအစည်းအရုံး၏ ခွင့်ပြု ချက်ဖြင့် ဆောင်ရွက်နေခြင်းဖြစ်ပါက ဆက်လက်ဆောင်ရွက်ခွင့်မပြုစေရေး ထိန်းသိမ်းကြပ်မတ်ပေးရန် တိုင်းအစိုးရက ဇန်န၀ါရီလ ၂၇ ရက်တွင် စာပို့ အကြောင်းကြားထားခြင်း ဖြစ်သည်။

“အဓိကကတော့ တရားမ၀င်လုပ်နေတာဖြစ်တဲ့အတွက် ရပ်ခိုင်းတာပါ” ဟု တိုင်းဒေသကြီးအစိုးရအဖွဲ့ရုံးမှ ညွှန်ကြားရေးမှူး ဦးကျော်စွာထွန်းက ပြောကြားသည်။

တိုင်းအစိုးရက ပေးပို့သည့် စာတွင်ဖော်ပြသည့် “ကရင်အမျိုးသားအစည်းအရုံး(KNU)၏ ခွင့်ပြုချက်ဖြင့် ဆောင်ရွက်နေခြင်း ဖြစ်ပါက”ဟူသည့် အသုံးနှင့် ပတ်သက်ပြီး KNU ဘက်ကို မေးရာ ၎င်းတို့အနေဖြင့်လည်း ခွင့်ပြုချက်ပေးထားခြင်း မရှိဟု တပ်မဟာ ၄ ကရင်အမျိုးအသားအစည်းအရုံး(KNU) မြိတ်-ထားဝယ်ခရိုင် ဆက်ဆံရေးရုံးမှ တာဝန်ခံ ဖဒိုဝင်းခိုင်က ပြောသည်။

ခွင့်ပြုချက်နှင့်ပတ်သက်၍ သက်ဆိုင်ရာလူကြီး၏ ခွင့်ပြုချက်ဖြင့် လုပ်ကိုင်နေသည်ဆိုသည်မှ လွဲ၍ မည်သည့်လူကြီးထံတွင် ခွင့်ပြုချက်တောင်းဆိုထားသည်ဆိုသည်ကို ဒေသခံများက အကြိမ်ကြိမ်မေးမြန်းခဲ့သော်လည်း ကုမ္ပဏီဘက်မှ ထုတ်ဖော်ပြောဆိုခဲ့ခြင်း မရှိပေ။

တနင်္သာရီမြစ်အတွင်း ရွှေတူးနေသည့် ကိစ္စနှင့် ပက်သက်၍ ခွင့်ပြုချက်ရှိမရှိကို သတ္တုတွင်းဝန်ကြီးဌာန၊ နေပြည်တော်တွင် မေးမြန်းခဲ့ဖူးပြီး ခွင့်ပြုချက်ပေးထားခြင်းမရှိသည်ကို သိရှိခဲ့ရကြောင်း ကရင် အရပ်ဘက်အဖွဲ့အစည်း တစ်ခုဖြစ်သော တာကပေါအဖွဲ့မှ နော်ပီသလောက ပြောခဲ့ဖူးသည်။

ရွှေတူးဖော်ရာက စွန့်ပစ်မြေစာများကြောင့် ရေလမ်းကြောင်းပြောင်းလဲပြီး စက်လှေများ သွားလာရန် အခက်အခဲ ဖြစ်လာနိုင်ခြင်း၊ မြစ်ချောင်းများတိမ်ကောလာနိုင်ခြင်းနှင့် သဘာဝပတ်ဝန်းကျင်ထိခိုက်စေနိုင်ခြင်းတို့ကြောင့် ရွှေထွန်း ပေါက်ကုမ္ပဏီအား လုပ်ငန်းရပ်ဆိုင်းပေးရန်နှင့် ပစ္စည်းများ ဖြုတ်သိမ်းသယ်ဆောင်သွားရန် အကြောင်းကြားပြီးဖြစ်ကြောင်း တိုင်းအစိုးရက KNU သို့ ပေးပို့သည့် စာတွင် ဖော်ပြထားသည်။

“ဒေသခံတွေက လည်း သဘောမတူဘူး။ တိုင်းအစိုးရက လည်း ခွင့်မပြုဘူးဆိုတော့ ဘယ်လိုဆက်လုပ်လို့ ရမလဲ။ သူတို့အနေနဲ့ လုပ်ငန်းရပ်ပေးရမှာပေါ့”ဟု ဖဒိုဝင်းခိုင်က ပြောသည်။

KNU နှင့် ရွှေထွန်းပေါက် ကုမ္ပဏီတို့ တိုင်းအစိုးရစာပို့ပြီးချိန်မှ လက်ရှိအချိန်အထိ မတွေ့ဆုံရသေးသော်လည်း ရပ်နားခိုင်းရန် အစီအစဉ်ရှိကြောင်း ဖဒိုဝင်းခိုင်က ပြောသည်။

“တူးနေသေးတယ်လို့ တော့ကြားတယ်။ အတိအကျတော့ မသိသေးဘူး” ဟု တနင်္သာရီမြစ်ကမ်းနံဘေး ကျေးရွာ တစ်ရွာဖြစ်သည့် သာရဘွင် ကျေးရွာဒေသခံတစ်ဦးက ပြောသည်။

ဒေသခံများ သဘောမတူခြင်းကြောင့် ရွှေဆက်တူးဖော်ရန် အစီအစဉ်မရှိတော့ကြောင်း ရွှေထွန်းပေါက် ကုမ္ပဏီမှ တာဝန်ခံဖြစ်သူ ကိုချိုက ပြီးခဲ့သည့် ဇန်န၀ါရီလဆန်းပိုင်းက တနင်္သာရီမြစ်ကြောင်းတစ်လျှောက်ရှိ ဒေသခံများနှင့်တွေ့ဆုံစဉ် ပြောကြားခဲ့ဖူးသည်။

Dawei Watch

ယနေ့ ၁၇၄ ယဉ်မောင်းဝန်ထမ်းများ ၏ ဒဂုံတက္ကသိုလ် တွင်း မင်းမဲ့စရိုက်ဆန်ဆန်အပြုအမူ

ဇန်န၀ါရီလ ၆ ရက်

၁၇၄ ယဉ်လိုင်းမှ ၀န်ထမ်းများ နှင့် နယ်မြေလုံခြုံရေးများ ယနေ့ညနေ ၄နာရီအချိန်က ဒဂုံတက္ကသိုလ် တွင်း
ရန်ပွဲဖြစ်ပွားခဲ့သည် ။ ယင်းသို့ဖြစ်ပွားပုံမှာ နယ်မြေလုံခြုံရေးများ တာဝန်ထမ်းဆောင်ချိန် အပြန်အလှန်စကားများရာမှ ၁၇၄ ယဉ်မောင်းများ ၊ စပါယ်ယာများမှ အဖွဲ့လိုက် သံတုတ်များ ဖြင့် တက္ကသိုလ် တွင်း ပဋိပက္ခ ဖြစ်ပွားခဲ့သည် ။

ယင်းသို့ဖြစ်ပွားချိန်တွင် ကျောင်းသားသမဂ္ဂ အနေဖြင့် အရှေ့ဒဂုံရဲစခန်းသို့ အကြောင်းကြားပြီး နှစ်ဖက်အခြေအနေကို ထိန်းသိမ်းပေးခဲ့ရသည် ။

၁၇၄ ယဉ်လိုင်းရှိ ၀န်ထမ်းမျါးသည် ယဉ်လိုင်းပြေးဆွဲရာတွင် ကျောင်းသူများကို မကြားဝင့်မနာသာစကားများပြောဆိုခြင်း နှင့် ယခုကဲ့သို့ မင်းမဲ့စရိုက်ဆန်ဆန်အပြုအမူ များပြုမူခြင်းကြောင့် သက်ဆိုင်ရာအနေဖြင့်
ပြင်းပြင်းထန်ထန် အရေးယူရန် သမဂ္ဂမှတောင်းဆိုသည်။

ဒဂုံတက္ကသိုလ်ကျောင်းသားများသမဂ္ဂ

အက်မင် တုတ်ကြီး

မြောက်ကိုရီးယား လုပ်ရပ် ကန်-တရုတ် ရှုတ်ချ

တရုတ်သမ္မတ Xi Jinping နဲ့ အမေရိကန်သမ္မတ Barack Obama အိမ်ဖြူတော်သတင်းစာ ရှင်းလင်းပွဲ ။ (စက်တင်ဘာ၊ ၂၀၁၅)

06.02.2016 

မြောက်ကိုရီးယားက စီစဉ်ထားတဲ့ ဒုံးကျည်ပစ်ခတ်စမ်းသပ်မယ့် အစီအစဉ်ဟာ ရန်စတဲ့ သဘောနဲ့ ဒေသတွင်းတည်ငြိမ်မှု ပျက်ပြားအောင် လုပ်တဲ့ နောက်ထပ် လုပ်ရပ်ဖြစ်ကြောင်း သောကြာနေ့ တယ်လီဖုံး စကားပြောရာမှာ အမေရိကန်သမ္မတ Barack Obama နဲ့ တရုတ်သမ္မတ Xi Jinping တို့ သဘောတူခဲ့ကြတယ်လို့ သမ္မတ အိမ်ဖြူကပြောပါတယ်။
အခုလို စမ်းသပ်မှုဟာ ကုလသမဂ္ဂလုံခြုံရေး ကောင်စီက ချမှတ်ထားတာကို ထပ်ပြီး ချိုးဖေါက်တာလို့ ခေါင်းဆောင် ၂ ဦးက ပြောကြောင်း သမ္မတ အိမ်ဖြူရဲ့ ကြေညာချက် မှာ ဖေါ်ပြထားပါတယ်။ မြောက်ကိုရီးယား အစိုးရက ဇန်နဝါရီလ တုန်းက ဟိုက်ဒရိုဂျင်ဗုံး စမ်းသပ် ပစ်လွှတ်မှုဟာ အောင်မြင်မှု ရှိတယ်လို့ပြောကြား ခဲ့ပြီးတဲ့နောက်မှာ ရော့ကက် ဒုံးကျည် တခု လွှတ်တင်ဖို့ စီစဉ်နေတယ်လို့ မကြာသေးခင်ကပဲ မြောက်ကိုရီးယား က ကြေညာခဲ့တာ ဖြစ်ပါတယ်။
အမေရိကန်သမ္မတ အိုဘားမားနဲ့ တရုတ်သမ္မတ ရှီတို့ က မြောက်ကိုရီးယား ကို နျူကလီယားလက်နက် ပိုင်ဆိုင်တဲ့ နိုင်ငံတနိုင်ငံဖြစ်မှာ လက်မခံနိုင်ကြသလို ကိုရီးယားကျွန်းဆွယ်ဒေသကို လုံးဝ နျူကလီယားကင်းမဲ့ဇုံ အဖြစ်လုပ်ဆောင်ဖို့ တယ်လီဖုံးနဲ့ ပြောကြားကြစဉ်အတွင်း သံဓိဌာန် ချခဲ့ ကြတယ်လို့ သမ္မအိမ်ဖြူကပြောပါတယ်။
ကုလသမဂ္ဂ လုံခြုံရေးကောင်စီ ဆုံးဖြတ်ချက် ကနေတဆင့် လုပ်ဆောင်တာ အပါအဝင် မြောက်ကိုရီးယားရဲ့ ရန်စမှုတွေအတွက် တုန့်ပြန်ရာမှာ နိုင်ငံတကာနဲ့ ပူးပေါင်းပြီး ခိုင်ခိုင်မာမာ ဆောင်ရွက်သွားဖို့ အရေးပါကြောင်းလည်း ခေါင်းဆောင် ၂ ဦးက အလေးထား ပြောကြားခဲ့ကြတယ်လို့ လည်း သမ္မတအိမ်ဖြူ ထုတ်ပြန်ချက်မှာ ဖေါ်ပြထားပါတယ်။
VOA

တိုင်းရင်းသားအမတ်တွေ ရာထူးပေးရုံနဲ့ ဖယ်ဒရယ် မဖြစ်

အနိုင်ရပါတီ NLD အနေနဲ့ အရေးပါတဲ့ လွှတ်တော် ကော်မတီတွေမှာ တိုင်းရင်းသား လွှတ်တော်အမတ်တွေကိုပါ ရာထူးတာဝန်ကြီးတွေ ပေးအပ်ခဲ့တာဟာ အပြု သဘောဆောင်ပေမဲ့ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်လို့မရသေးသမျှ တိုင်းရင်းသားပြည်သူတွေ အပေါ် ဖိနှိပ်မှုတွေကို ဖြေရှင်းပေးလို့ မရနိုင်ဘူး လို့ ပြည်ပရောက် တိုင်းရင်းသားခေါင်းဆောင် တချို့ကပြောပါတယ်။ စုံစမ်းမေးမြန်း ထားတဲ့ မအင်ကြင်းနိုင်က အပြည့်အစုံကိုဆက်ပြီးပြောပြမှာပါ။
ပြည်သူ့လွှတ်တော် နဲ့ အမျိုးသား လွှတ်တော်နှစ်ရပ်လုံးအတွက် အရေးပါ တဲ့ ကော်မတီတွေ ကို မနေ့က စတင်ဖွဲ့စည်းရာမှာ ဥက္ကဋ္ဌ၊ ဒုဥက္ကဋ္ဌ အပါအ၀င် အခြား အရေးကြီးတဲ့နေရာတွေမှာ တိုင်းရင်းသားလွှတ်တော်ကိုယ်စားလှယ်တွေကို ထူးထူးခြားခြား ခန့်အပ်ခဲ့တာတွေ့ရပါတယ်။

အမျိုးသားလွှတ်တော် ဥက္ကဋ္ဌသစ် မန်းဝင်းခိုင်သန်းနဲ့ ဒုဥက္ကဋ္ဌသစ် ဦးအေးသာအောင်၊ ဒေါ်အောင်ဆန်းစုကြည်နဲ့ သူရဦးရွှေမန်း။

ဒါဟာ အနိုင်ရပါတီကြီးဖြစ်တဲ့ NLD ဥက္ကဋ္ဌ ဒေါ်အောင်ဆန်းစုကြည် အနေနဲ့ နိုင်ငံ အတွက် အကောင်းဆုံးဖြစ်အောင် ကြိုးစားဆောင်ရွက်နေတာလို့ သူတို့ မြင်ကြပေမဲ့လည်း ၂၀၀၈ဖွဲ့စည်းပုံ အခြေခံဥပဒေကို ပြင်ဆင်လို့ မရသေးသမျှ ကာလပတ်လုံး တိုင်းရင်းသားတွေရဲ့ မျှော်လင့်ချက်တွေ အကောင်အထည်ပေါ်လာမှာ မဟုတ်သေးဘူးလို့ အမေရိကန်ပြည်ထောင်စုမှာရှိတဲ့ တိုင်းရင်းသားခေါင်းဆောင် တချို့က ပြောပါတယ်။
" ပြည်သူလူထုကတော့ ဒေါ်စုကို Mandate ပေးလိုက်တာပဲ။ အကောင်းဆုံး မျှော်လင့်ချက် နဲ့ ဒါပေမဲ့ သူတို့ ၂၀၀၈ ဖွဲ့စည်းပုံအတိုင်းက ဘာမှ လုပ်နိုင်မှာ မဟုတ်ဘူး။ ဒီတပ်မတော်သား ၂၅% ကလည်း ဘာပဲလုပ်လုပ် ကန့်ကွက်နေမှာပဲ။ အဲ့ဒီ့တော့ သမ္မတ ဖြစ်ရေးတောင်မှ ဒီဆိုင်းငံ့ထားတဲ့ ဥပဒေတောင် သဘောမတူဘူးလေ။ အဲ့တော့ လူမျိုးစုတွေ ပါဝင်လာတာ ကြိုဆိုပါတယ်။ ဒါပေမဲ့ လူမျိုးစု တယောက်၊ နှစ်ယောက် ရတာနဲ့ လူမျိုးစုတွေရဲ့ အခွင့်အရေး အပြည့်အစုံမှ မရပဲ။ ကျနော်ကတော့ စောင့်ကြည့်တဲ့ အဆင့်မှာပဲ ရှိတယ်လေ။ "
ကရင်တော်လှန်ရေးသမားတဦးဖြစ်တဲ့ မန်းရောဘတ်ဇံက ပြောသွားတာပါ။

လွှတ်တော်ကိုယ်စားလှယ်များ

ဝါရှင်တန်ဒီစီ အခြေစိုက် ကချင်မဟာမိတ်အဖွဲ့ ဥက္ကဋ္ဌ Gum San ကလည်း ၂၀၀၈ ဖွဲ့စည်းပုံ အခြေခံဥပဒေကို ပြင်ဆင်မှသာလျှင် တိုင်းရင်းသားတွေအတွက် စစ်မှန်တဲ့ ကိုယ်ပိုင် အုပ်ချုပ်ခွင့်ရမယ်လို့မြင်ကြောင်း အခုလိုပြောပါတယ်။
"ကျနော်ကတော့ အပြုသဘောဆောင်တယ်လို့မြင်ပါတယ်။ ဒါပေမဲ့ ကျနော်တို့ရဲ့ ပကတိဖြစ်နေတဲ့ တိုင်းရင်းသားတွေရဲ့ အကျပ်အတည်းတွေကို ဖြေရှင်းနေတဲ့ အခြေအနေမဟုတ်ဘူး။ ကျနော်မြင်တာကတော့ တကယ်လိုအပ်တာက ၂၀၀၈ ဖွဲ့စည်းပုံ အခြေခံဥပဒေကို ပယ်ဖျက်ရင် ပယ်ဖျက်၊ မပယ်ဖျက်ရင် ဒီဟာကို ပြုပြင်ပြောင်းလဲရမယ်။ ဘာဖြစ်လို့လဲဆိုတော့ ကျေန်ာတို့ တိုင်းရင်းသားတွေ လိုချင်တာက တကယ့်စစ်မှန်တဲ့ ဖက်ဒရယ်ပြည်ထောင်စု ပေါ့နော်။ ကိုယ်ပိုင်ပြဋ္ဌာန်းနိုင်ခွင့်၊ လူမျိုးအနေဖြင့် ပြဋ္ဌာန်းနိုင်ခွင့်ကို ကျနော်တို့က လိုလားတာ။ ဘာဖြစ်လို့လဲဆိုတော့ လိုခဲ့တဲ့ အစိုးရအနေဖြင့် ကချင်ပြည်နယ်မှာ ဝန်ကြီးချုပ်ရှိခဲ့တယ်။ ဒါပေမဲ့ တကယ့်ကို ကချင်တိုင်းရင်းသား၊ ကချင်လူမျိုးတွေ အနေဖြင့် ဘာမှ ထိထိရောက်ရောက် ပြဋ္ဌာန်းနိုင်တဲ့ အာဏာမရှိဘူး။"

တိုင်းရင်းသားကိုယ်စားလှယ်တွေ

နယူးရောက်မြို့က ရခိုင်တိုင်းရင်းသား စာရေးဆရာ ဦးခိုင်အောင်ကျော်ရဲ့ အမြင် ကတော့-
" အခုလွှတ်တော်ထဲမှာ တိုင်းရင်းသားတွေထဲကဆိုရင်ပေါ့နော်။ ရခိုင်အမျိုးသားပါတီ က ဦးအေးသာအောင်ရယ်၊ ဦးဘရှင်၊ ဒေါ်ထုမေတို့ ရွေးချယ်ခံရတာနဲ့ပတ်သက်လို့ ဝမ်းသာပါတယ်။ ကြိုလည်း ကြိုဆိုပါတယ်။ ဒီလွန်ခဲ့တဲ့ ငါးနှစ်တာကာလ လွှတ်တော်ကိုယ်စားလှယ်တွေ တက်ခဲ့ကြတဲ့အခါတုန်းက သူတို့တွေမှာ မပြီးပြတ်ခဲ့တဲ့ ပြဿနာကြီးတခု ရှိတယ်။ အဲ့တာကတော့ ဖက်ဒရယ်ဒီမိုကရေစီနိုင်ငံ ဆိုပြီးတော့ လုပ်ချင်ကြတဲ့အခါမှာ သူတို့မှာ တာဝန်မပြီးပြတ်ခဲ့ဘူး။
အဲ့တာ ဘာဖြစ်လို့လဲဆိုတော့ ဖက်ဒရယ်နိုင်ငံတခုမှာ ဗဟိုအစိုးရရဲ့ ဖက်ဒရယ်အစိုးရခေါ်ရမှာပေါ့နော်။ ဗဟိုအစိုးရရဲ့ ၂၀၀၈ ဖွဲ့စည်းပုံ အခြေခံဥပဒေရှိတာကို ဟိုဟာပြင်မယ်၊ ဒီဟာပြင်မယ် ဆိုတဲ့ အပိုင်းတွေက အဲ့ဒီ့အချိန်တုန်းက တက်ရောက်ခဲ့တဲ့ တိုင်းရင်းသားကိုယ်စားလှယ်တွေ အများကြီး ပြောခဲ့ကြတယ်။
၂၀၀၈ ဖွဲ့စည်းပုံ အခြေခံဥပဒေဆိုတာက အဲ့တာက သပ်သပ်၊ မြန်မာနိုင်ငံအတွက် ဗဟိုအစိုးရက ရေးဆွဲထားခဲ့တာဖြစ်တယ်။ ကိုယ်ပိုင်ဥပဒေပြဋ္ဌာန်းပိုင်ခွင့်ဆိုတာကို ကိုယ့်ဟာကိုယ် ရေးဆွဲရမှာဖြစ်တယ်။ တိုင်းရင်းသားလူမျိုးတွေက။"

လွှတ်တော်တက်နေတဲ့ တိုင်းရင်းသားကိုယ်စားလှယ်များ

ပြည်သူ့လွှတ်တော်ရဲ့ အစိုးရအာမခံချက်များ၊ ကတိများ၊ တာဝန်ခံချက်များ စိစစ်ရေးကော်မတီမှာ ဥက္ကဋ္ဌက NLD လွှတ်တော် အမတ် ဒေါက်တာမေဝင်းမြင့်၊ အတွင်းရေးမှူးကို ဦးဇုန်းတိန့်အဖြစ် ခန့်အပ်ခဲ့ပါတယ်။ နောက် လွှတ်တော် အခွင့်အရေးကော်မတီရဲ့ ဥက္ကဋ္ဌ ကို ကြံ့ခိုင်ဖွံဖြိုးရေးပါတီ ကချင်လွှတ်တော်အမတ် ဦးတီခွန်မြတ်၊ အတွင်းရေးမှူးကိုတော့ NLD လွှတ်တော်အမတ် ဒေါက်တာလှမိုး တို့ကို ခန့်အပ်ခဲ့ပါ တယ်။ နောက် အမျိုးသားလွှတ်တော်မှာ ဆိုရင်လည်း ပြည်သူ့ငွေ စာရင်းကော်မတီ အဖွဲ့ဝင်တွေအဖြစ် ရခိုင်လွှတ်တော် အမတ်တွေဖြစ်တဲ့ ဦးဘရှင်၊ ဒေါ်ထုမေတို့ ပါဝင်ခဲ့ကြတာပါ။
အနိုင်ရပါတီ NLD လွှမ်းမိုးထားတဲ့ ဒီတကြိမ် လွှတ်တမ်း သက်တမ်း အတွင်း နောက်ထပ် ထူးခြားချက် ကတော့ စစ်တပ် ကိုယ်စားလှယ်တွေလည်း လွှတ်တော်ကော်မတီတွေမှာ အဖွဲ့ဝင်တွေအဖြစ် တာဝန်ယူဆောင်ရွက်ခွင့် ရလာတာဖြစ်ပါတယ်။ အရင်အာဏာရ ကြံခိုင်ဖွံဖြိုးရေးပါတီ လက်ထက်မှာတောင် စစ်တပ် ကိုယ်စားလှယ်တွေဟာ လွှတ်တော်ကော်မတီတွေရဲ့ လေ့လာသူတွေ အဖြစ်နဲ့ပဲ ပါဝင်ခွင့်ရကြတာပါ။

ပဋိပက္ခဒေသတွေမှာ တရုတ် drone တွေ တွင်ကျယ်

တရုတ် စစ်ရေးပြ အခမ်းအနားမှာ Drone တွေ တင်ဆောင်ပြသ။ 

အီရတ်၊ ဆီးရီးယား၊ ပါကစ္စတန်နဲ့ မြောက်ကိုရီးယား နိုင်ငံတွေက ပဋိပက္ခဖြစ်ပွါးနေ တဲ့ နေရာတွေမှာ တရုတ်လုပ် မောင်းသူမဲ့ ဒရုံးယာဉ်တွေက အဓိက နေရာယူနေကြ တာနဲ့အတူ တရုတ်နိုင်ငံရဲ့ ဒရုံးယာဉ် ထုတ်လုပ်မှုက အလျင်အမြန်ပဲ နိုင်ငံတကာမှာ ဦးဆောင်သူဖြစ်လာခဲ့ပါတယ်။

အီရတ်တပ်ဖွဲ့တွေက တရုတ်ထုတ် မောင်းသူမဲ့ လေယာဉ်တွေကို သုံးပြီး IS အစွန်းရောက်တွေကို ချေမှုန်းတိုက်ခိုက်ခဲ့ရာမှာ ပြီးခဲ့တဲ့ ဒီဇင်ဘာလယ်မှာ ထိခိုက်ကျဆုံးမှု အများအပြား ရှိခဲ့တယ်လို့စစ်ရေး လေ့လာစောင့်ကြည့် သူတွေက ပြောပါတယ်။

စစ်မြေပြင်မှာ ထောက်လှမ်းရေး လုပ်နိုင်တဲ့ မောင်းသူမဲ့ ဒရုံးယာဉ် အသေးလေးတွေ ကို တရုတ်တို့ ထုတ်လုပ်ရောင်းချနေပြီး အခုအချိန်မှာတော့ မောင်းသူမဲ့ ဒုံးယာဉ် တချို့မှာ ဒုံးကျည် တပ်ဆင်နိုင်နေပြီလို့လည်း အမေရိကန် အခြေစိုက် နိုင်ငံခြားရေး မူဝါဒဆိုင်ရာ သုတေသနအဖွဲ့ရဲ့ မောင်းသူမဲ့ ဒရုံးယာဉ် ဆိုင်ရာ ကျွမ်းကျင်သူ အကြီးတန်း ပညာရှင် Michael Boyle က ပြောပါတယ်။

အမေရိကန် မောင်းသူမဲ့ ဒရုံးယာဉ် တင်ပို့ ရောင်းချမှုကို အမေရိကန် လွှတ်တော်က တင်းတင်းကျပ်ကျပ် ထိန်းချုပ်လိုက်တာကြောင့် တရုတ်တို့ရဲ့ မောင်းသူမဲ့ ဒရုံးယာဉ် တင်ပို့ ရောင်းချရမှု အလားအလာက အတော်လေး ကြီးကြီးမားမား ရှိနေတယ်လို့လည်း သူက ပြောပါတယ်။

အမေရိကန် နည်းပညာတွေ မရနိုင်တဲ့ အာရှ၊ အရှေ့အလယ်ပိုင်း၊ တောင်အမေရိကနဲ့ အာဖရိကနိုင်ငံ အများအပြားမှာ တရုတ် မောင်းသူမဲ့ ဒရုံးယာဉ်တွေ ဈေးကွက်ကောင်း လာမယ်လို့လည်း ဆိုပါတယ်။

ဂျပန်တို့က အမေရိကန်ထုတ် Hawk မောင်းသူမဲ့ ဒုံးယာဉ်တွေကို အသုံးပြုမယ့် သဘောရှိတာကြောင့် မောင်းသူမဲ့ ဒရုံးယာဉ်တွေဟာ တောင်တရုတ် ပယ်လယ်ပြင်နဲ့ အရှေ့တရုတ်ပင်လယ်ပြင် အရေးကိစ္စတွေမှာလည်း အရေးပါလာနိုင်တယ်လို့ ကျွမ်းကျင်သူတွေက ယူဆကြပါတယ်။

ဗွီအိုအေ (မြန်မာပိုင်း)
http://burmese.voanews.com

ဖလောရီဒါပြည်နယ်တွင် ဇီကာဗိုင်းရပ်စ်ပိုး ပျံ့နှံ့နေမှုကြောင့် အရေးပေါ် သတိပေးချက် ထုတ်ပြန်

ဝါရှင်တန် ၊ ၅-၂-၂၀၁၆

အမေရိကန်နိုင်ငံ တစ်ဝန်း၌ ဇီကာ ဗိုင်းရပ်စ်ပိုး ပျံ့နှံ့နေမှုနှင့် ပတ်သက်၍ ဖလော်ရီဒါ ပြည်နယ်အတွင်း ကျန်းမာရေး သတိပေးချက် တစ်ခုကို ပြည်နယ် အုပ်ချုပ်ရေးမှူးက ထုတ်ပြန်ကြေညာ ခဲ့ကြောင်း သိရသည်။

ဖလော်ရီဒါ ပြည်နယ်အတွင်းရှိ မိုင်ယာမီ- ဒါဒီစီရင်စု၊ လီစီရင်စု၊ မော်လ်စ်ဘိုရော့ခ်ျ စီရင်စုနှင့် ဆန်တာရိုဆာစီရင်စု တို့တွင် ဇီကာ ဗိုင်းရပ်စ်ပိုး ကူးစက်ခံရသူ ကိုးဦးကို စစ်ဆေးတွေ့ရှိ ခဲ့ပြီးနောက် ၄င်းစီရင်စုများ အတွင်း အရေးပေါ် ကြေညာချက် တစ်ခုကို ပြည်နယ် အုပ်ချုပ်ရေးမှူး ရစ်ခ်စကော့တ် က ကြေညာခဲ့ခြင်း ဖြစ်သည်။

ဇီကာ ဗိုင်းရပ်စ်ပိုး ကူးစက်ခံရသူ များသည် လက်တင် အမေရိကနှင့် ကာရစ်ဘီယံ ကျွန်းဆွယ်များသို့ သွားရောက်ခဲ့ သူများ ဖြစ်ကြောင်း၊ သို့သော် ပြည်နယ်အတွင်း ရောဂါကူးစက် ပြန့်ပွားခြင်း မရှိစေရန် ပြင်ဆင်ရမည် ဖြစ်ကြောင်း ရစ်ခ်စကော့တ်က အစီရင်ခံစာ တစ်စောင်တွင် ပြောကြားထားသည်။ အမေရိကန်နိုင်ငံ တစ်ဝန်း၌ ဇီကာဗိုင်းရပ်စ်ပိုး ကူးစက်ခံရသူ ၄၈ ဦးရှိပြီး ၄င်းရောဂါပိုး သည် ကမ္ဘာ့နိုင်ငံပေါင်း ၃ဝ ကျော်တွင် ကူးစက် ပြန့်ပွားလျက် ရှိသည်။

မိခင်လောင်း တစ်ဦး အနေဖြင့် ဇီကာဗိုင်းရပ်စ်ပိုး သယ်ဆောင် လာသော ခြင်ကိုက်ခံ ရပါက သန္ဓေသားသည် ဦးခေါင်းပုံမှန် မဟုတ်ဘဲ ဦးနှောက် ဖွံ့ဖြိုးမှု အားနည်း သည့် ဝေဒနာဖြင့် မွေးဖွားလာနိုင် သောကြောင့် ၄င်းရောဂါပိုးနှင့် ပတ်သက်၍ ကြိုတင်ကာကွယ် ထားသင့်ကြောင်း ကမ္ဘာ့ ကျန်းမာရေး အဖွဲ့အစည်း WHO က သတိပေး ထားသည်။

PyiChitThar
http://www.pyichitthar.com

နမ်းရှုပ်ရုံနဲ့ Zika ကူးစက်နိုင်

ZIKA VIRUS ပိုးကူးစက်ခံရသူ ကလေးငယ်နဲ့မိခင်။ 

ဆီးနဲ့ တံတွေး နမူနာတွေထဲမှာ ဇီကာ ဗိုင်းရပ်စ်ပိုး ရှင်သန် လှုပ်ရှားနေ တာ တွေ့ရတယ် လို့ ဘရာဇီးလ် ကျန်းမာရေး အရာရှိတွေက ပြောပါတယ်။ သာမန် နမ်းရှုပ် တာကနေ တဆင့်လည်း ဇီကာဗိုင်းရပ်စ်ပိုး ကူးစက်နိုင်တဲ့ အန္တရာယ် ရှိတယ်လို့ အပူပိုင်းဒေသရောဂါများ သုတေသန သိပ္ပံ Oswaldo Cruz ဖေါင်ဒေးရှင်း - Fiocruz ဥက္ကဋ္ဌ Paulo Gadelha က -Fiocruz က သောကြာနေ့မှာ သတင်းစာ ရှင်းလင်းပွဲမှာ ပြောကြား ခဲ့ပါတယ်။ ဒါပေမယ့်လည်း မနမ်း၊ မရှုပ်ရဆိုတဲ့ မူဝါဒတော့ မထားသင့်ဘူးလို့လည်း တိုက်တွန်းခဲ့ပါတယ်။

ခန္ဓာကိုယ်တွင်း အရည်တွေကနေ ဇီကာရောဂါပိုး ကူးစက်နိုင်မှု ရှိမရှိ သိရအောင် ကြိုးစားနေတယ်လို့လည်း Fiocruz က သိပ္ပံပညာရှင်တွေက ပြောပါတယ်။ ဘရာဇီးလ် နိုင်ငံမှာ သောကြာနေ့ကစပြီး Carnival ပွဲတော် စတင်ပြီဖြစ် ပါတယ်။ဒီပွဲတော်ချိန်အတွင်း လမ်းတွေပေါ်မှာ ပျော်ပွဲရွှင်ပွဲတွေ နဲ့ ပြည့်နေတတ်ပြီး ပွဲတော်လာ ပရိတ်သတ်တွေဟာ တယောက်နဲ့ တယောက် မသိလည်း နမ်းရှုပ် နှုတ်ဆက်လေ့ရှိပါတယ်။

တချိန်တည်းမှာပဲ ဇီကာရောဂါ ဖြစ်ပွါးမှု ရှိနေတဲ့ နိုင်ငံတွေကနေ မကြာသေးခင် မှ ပြန်ရောက်လာသူတွေ ဆီက သွေးအလှူမခံဖို့ တာဝန်ှရှိသူတွေကို WHO ကမ္ဘာ့ကျန်းမာရေး အဖွဲ့ကြီးက ညွှန်ကြားထားပါတယ်။ ခြင်ကနေတဆင့် ကူးစက်တဲ့ ဒီဗိုင်းရပ်စ်ပိုး ပြန့်နှံ့ဖြစ်ပွါးမှုကို လက်တင်အမေရိက အထူးသဖြင့် ဘရာဇီးလ် နိုင်ငံမှာ ကျယ်ကျယ်ပြန့်ပြန့် တွေ့နေရပြီး ကိုယ်ဝန်ဆောင်မိခင်တွေအတွက် သိပ်ကို အန္တရာယ်ကြီးနေ တာပါ။

ဒီရောဂါပိုးဟာ microcephaly လို့ခေါ်တဲ့ အာရုံကြော ဆိုင်ရာရောဂါနဲ့ ကလေးငယ်တွေကို ပုံမှန်မဟုတ်ပဲ ခေါင်းသေးသေးလေးတွေနဲ့ မွေးဖွါးလာတာတွေနဲ့ ဆက်စပ်မှု ရှိနေမယ်လို့ ဆရာဝန်တွေက သံသယရှိနေကြပါတယ်။ ဘရာဇီးလ် နိုင်ငံမှာ အောက်တိုဘာလကစပြီး ဒီရောဂါ ဖြစ်ပွါးသူ ၄ ထောင်ကျော်နေပြီ ဖြစ်ပါတယ်။

ဗွီအိုအေ (မြန်မာပိုင်း)

လွှတ်တော်မှာ သတင်းထောက် အရေအတွက် ထိန်းချုပ်ကန့်သတ်

ပြည်သူ့လွှတ်တော်မှာ ဖေဖော်ဝါရီလ ၃ ရက်နေ့က သတင်းယူနေတဲ့ သတင်းထောက်များကို တွေ့ရစဉ်။ Photo: NLD Chairperson Facebook

နေပြည်တော် လွှတ်တော်အစည်းဝေးတွေကို သတင်းရယူတဲ့ မီဒီယာတွေအနေနဲ့ မီဒီယာတစ်ခုကို သတင်းထောက် ၅ ဦးအထိသာ အများဆုံး အမည်စာရင်းပေးသွင်းကြဖို့ ပြည်ထောင်စု လွှတ်တော်ရုံးက ညွှန်ကြားချက်ထုတ်ပြန် လိုက်ပါတယ်။

သတင်းမီဒီယာတွေက သတင်းထောက်အများအပြား အမည်စာရင်းပေးသွင်းထားမှုတွေ ရှိနေတာကြောင့် အခုလိုပြန်လည်စိစစ်ဖို့ အသိပေးတာဖြစ်တယ်လို့ ပြည်သူ့လွှတ်တော်ရုံး ညွှန်ကြားရေးမှူး ဦးကိုကိုနိုင် ကပြောပါတယ်။

အခုက ကျနော်တို့ဆီမှာပို့ထားတာ လူတွေက ၆ဝဝ ကျော် ၇ဝဝ လောက်ရှိတယ်၊ တကယ်လာတာလည်း မဟုတ်ဘူး၊ အဲ့ဒါလေးတွေ နည်းနည်းဖောင်းပွတာပေါ့၊ တကယ်လာတဲ့လူ ဖြစ်စေချင်တာပေါ့၊ ငါးယောက်ဆို လုံလောက်ပါတယ်၊ လဲချင်တယ်ဆိုရင်လည်း လဲပေးလို့ရပါတယ်"

သတင်းမီဒီယာတွေအနေနဲ့ လွှတ်တော်အဆောက်အဦအတွင်း သတင်းရယူစဉ်မှာ အဝတ်အစားကို သေသေ သပ်သပ်ဝတ်ဆင်ဖို့၊ သတင်းမီဒီယာတွေအတွက် သတ်မှတ်ပေးထားတဲ့နေရာမှာသာ သတင်းရယူဖို့နဲ့ လွှတ်တော်ဝင်းအတွင်းက ကန့်သတ်နေရာတွေမှာ ခွင့်ပြုချက်မရဘဲ ဓါတ်ပုံ၊ ဗီဒီယို မရိုက်ကူးကြဖို့ကိုလည်း သတိပေးလိုက်ပါတယ်။

သတင်းမီဒီယာတွေအနေနဲ့ ကိုယ်စားလှယ်တွေရဲ့ ဆွေးနွေးမှုတွေကို လွှတ်တော်အစည်းအဝေးခန်းမတွေမှာ တိုက်ရိုက်ရိုက်ကူးခွင့် ပြန်လည်ခွင့်ပြု၊ မပြုကိစ္စကို လွှတ်တော်ဥက္ကဌအသစ်တွေက ဆုံးဖြတ်ဆောင်ရွက် မှာဖြစ်တယ်လို့လည်း ပြောပါတယ်။

ဒါ့အပြင် လွှတ်တော်နားရက်တွေမှာ မီဒီယာသမားတွေအနေနဲ့ ကြိုတင်တင်ပြချက်မရှိဘဲ လွှတ်တော်ဝင်းအတွင်း မဝင်ရောက်ဖို့ကိုလည်း အသိပေးထားပါတယ်။

အဲ့ဒီစည်းကမ်းချက်တွေကို လွှတ်တော်ရုံးညွှန်ကြားရေးမှူးချုပ်တွေ အပါအဝင် ပြန်ကြားရေးဝန်ကြီးဌာန ညွှန်ကြားရေးမှူး ဦးသက်ဆွေ၊ မြန်မာနိုင်ငံ သတင်းမီဒီယာကောင်စီ အတွင်းရေးမှူး ( ၂ ) ဦးကျော်စွာမင်း နဲ့ မြန်မာနိုင်ငံ သတင်းစာဆရာအသင်းက ဦးရဲမင်းဦးတို့ တွေ့ဆုံညှိနှိုင်းပြီး ရေးဆွဲခဲ့တာလို့ သိရပါတယ်။

RFA Burmese

ဦးအေးသာအောင် ထောက်ခံ ကြိုဆိုပွဲ ကျောက်တော်မှာ ကျင်းပ

အမျိုးသားလွှတ်တော် ဒုတိယဥက္ကဌ ဦးအေးသာအောင် ကို ဖေဖော်ဝါရီလ ၅ ရက်နေ့က လွှတ်တော်မှာတွေ့ရစဉ်။ Photo: RFA

ရခိုင်အမျိုးသားပါတီ ANP ရဲ့ ဗဟိုကော်မတီဝင်တစ်ဦးဖြစ်သူ ဦးအေးသာအောင်ကို အမျိုးသားလွှတ်တော် ဒုတိယဥက္ကဌ တာဝန်ပေးအပ်တာကို ရခိုင်ပြည်နယ် ကျောက်တော်မြို့မှာ ဒီနေ့ ထောက်ခံကြိုဆိုပွဲ ကျင်းပခဲ့ပါတယ်။

အမျိုးသားလွှတ်တော် ဒုတိယဥက္ကဌအဖြစ် တာဝန်ပေးအပ်ခံရတဲ့ ဦးအေးသာအောင်ရဲ့နောက်မှာ ပြည်သူတွေ ရှိနေတယ်ဆိုတာကို ပြသလိုတဲ့အတွက် ဂုဏ်ပြုတာဖြစ်တယ်လို့ ကျောက်တော်မြို့ မြို့မိမြို့ဖအဖွဲ့ဝင် ဦးမောင်အေးစောက ပြောပါတယ်။

"ဒီကနေ့ ၁၂ နာရီအချိန်မှာ ကျောက်တော် သာသနာ့ဗိမာန်မှာ အမျိုးသားလွှတ်တော် ဒုတိယဥက္ကဌတာဝန် အကြီးကြီးကိုယူရတဲ့ ဦးအေးသာအောင် ထောက်ခံပွဲကို ကျနော်တို့လုပ်ကြပါတယ်၊ အဓိကကတော့ ရခိုင်လူမျိုးတွေထဲမှာ ပထမဦးဆုံး နိုင်ငံတာဝန် အကြီးအကဲကိုယူရတဲ့ ဦးအေးသာအောင်ရဲ့နောက် မှာ ပြည်သူတွေ အပြည့်အဝရှိတယ် ဆိုတဲ့သဘောကို ထောက်ခံချင်လို့ ဒီပွဲကိုလုပ်ရတာဖြစ်ပါတယ်"

တိုင်းရင်းသား လက်နက်ကိုင်တပ်ဖွဲ့တွေကို အသိအမှတ်ပြုပြီး နိုင်ငံရေးဆွေးနွေးပွဲတွေကို ချက်ချင်းဆောင်ရွက်ပေးဖို့နဲ့ လာမယ့်အစိုးရသစ်အနေနဲ့ တိုင်းရင်းသားဒေသတွေမှာ ထွက်ရှိတဲ့ သဘာဝသယံဇာတွေကို မျှမျှတတ သုံးစွဲခွင့်ရရှိအောင် ဆောင်ရွက်ပေးဖို့ စတာတွေကို တောင်းဆိုကြောင်းလည်း ထောက်ခံသူတွေက ကြေညာချက် ထုတ်ပြန်တောင်းဆိုလိုက်ပါတယ်။

အဲဒီထောက်ခံပွဲကို ဒေသခံတွေနဲ့ အရပ်ဘက်လူမှုအဖွဲ့အစည်းတွေ အဖွဲ့ဝင်တွေ လူဦးရေ ၅၀၀ လောက် တက်ရောက်ခဲ့ကြပါတယ်။

RFA Burmese

ဒေါ်စုလုပ်ကြံဖို့ ခြိမ်းခြောက်သူကို တရားစွဲဖို့ NLD ပြင်ဆင် ပြီ

ဒေါ်အောင်ဆန်းစုကြည် သမ္မတ မဖြစ်နိုင်အောင် တားဆီးပိတ်ပင်ထားတဲ့ ပုဒ်မ ၅၉ စ ကို ဆိုင်းငံ့မယ်ဆိုရင် ဒေါ် အောင်ဆန်းစုကြည်ကို လုပ်ကြံမယ်ဆိုပြီး ဖေ့ဘုတ် လူမှုကွန်ယက် စာမျက်နှာပေါ်မှာ ရေးသားခဲ့တဲ့သူကို ဥပဒေ ကြောင်းအရ ဘယ်လို အရေးယူနိုင်မလဲ ဆိုတာ အဖြေရှာနေတယ်လို့ အမျိုးသား ဒီမိုကရေစီအဖွဲ့ချုပ်ရဲ့ ဗဟိုအလုပ်အမှုဆောင် ဦးဝင်းထိန်က ပြောဆိုလိုက်ပါတယ်။ ဖွဲ့စည်းပုံ အခြေခံဥပဒေ ပုဒ်မ ၅၉ ( စ )ကို ယာယီ ဆိုင်း ငံ့မယ့် အရေးကြီးအဆိုကို လက်ရှိ လွှတ်တော်အသစ်မှာ တင်သွင်းမယ်လို့ သတင်းတွေ ထွက်ပေါ်နေတဲ့အချိန် မှာ ရဲလွင်မြင့် Ye Lwin Myint အမည်နဲ့  Facebook အသုံးပြုသူ က ဒေါ်အောင်ဆန်းစုကြည် ရဲ့ အသက်အန္တရာယ်ကို ခြိမ်းခြောက်ရေးသားခဲ့တာပါ။ သတင်းအပြည့်အစုံကိုတော့ ဗွီအိုအေသတင်းထောက် မြင့်မြင့်ခိုင် က တင်ပြပေးမှာပါ။

ဖွဲ့စည်းပုံအခြေခံ ဥပဒေ ပုဒ်မ ၅၉ စကို ယာယီဆိုင်းငံ့မယ့် အရေးကြီးအဆို လွှတ်တော်မှာ တင်ပြီး ဒေါ်အောင်ဆန်းစုကြည် သမ္မတဖြစ်ခွင့်ရအောင် ကြိုးပမ်း သွားမယ်လို့ သတင်းတွေ ထွက်ပေါ်နေချိန်မှာ ရဲလွင်မြင့် Ye Lwin Myint ဆိုတဲ့  Facebook အသုံးပြုသူက သူ့ရဲ့ လူမှုကွန်ယက်စာမျက်နှာမှာ "ပုဒ်မ ၅၉ စ ကို ဆိုင်းငံ့ရင် သေအောင်သတ်ပေးမယ်" ဆိုပြီး ဖေဖော်ဝါရီ ၃ရက်နေ့ က ဒေါ်အောင်ဆန်းစုကြည်ရဲ့ အသက်အန္တရာယ်ကို ခြိမ်းခြောက် ရေးသားခဲ့ပါတယ်။

ဒေါ်အောင်ဆန်းစုကြည်ရဲ့ အသက်အန္တရာယ်ကို ခြိမ်းခြောက်ရေးသားခဲ့သူကို အရေးယူဆောင်ရွက်ဖို့ ဥပဒေကြောင်းအရ အဖြေရှာနေပြီး အမျိုးသားဒီမိုကရေစီ အဖွဲ့ချုပ် အနေနဲ့ အခုလို အစိုးရအဖွဲ့ဖွဲ့စည်းနိုင်ရေး ကြိုး ပမ်းနေချိန်မှာ လုပ်ဆောင်ရမယ့် တာဝန်တွေ အင်မတန်များတာမို့ ဒီကိစ္စနဲ့ ပတ်သက်လို့ ချက်ချင်း အရေးယူ ဆောင်ရွက်နိုင်မှာတော့ မဟုတ်ဘူးလို့ NLD ပါတီရဲ့ ဗဟို အလုပ်အမှုဆောင် ဦးဝင်းထိန်က ပြောပါတယ်။

" ကျနော်တို့ ဥပဒေကြောင်းအရ ဘယ်လိုလုပ်ရင်ကောင်းမလဲဆိုတာ စိစစ်နေပါတယ်။ ဦးစားပေး လုပ်ကိုင်ရတာတွေ များနေတဲ့အတွက်ကြောင့် စဉ်းစားမယ် လို့ ပြောတာပါ။ ဘာအလုပ်မှ မရှိရင်တော့ ချက်ခြင်း အရေးယူရမှာပေါ့ဗျာ။ ဒေါ်အောင်ဆန်းစုကြည်ကို ပုတ်ခတ်ရေးသားနေ တာတွေကတော့ အခုမှ အဆန်းမဟုတ်ဘူးလေ။ ဟို နဝတ အစိုးရခေတ်၊ နအဖ အစိုးရခေတ် တို့ခေတ်တုန်းက ရစရာမရှိအောင် ပြောတာ ဘာဆန်းလို့လဲ။ ဘာမှမဆန်းဘူး။ ကျနော်တို့အတွက် ဒေါ်အောင်ဆန်းစုကြည်အတွက်လည်း မဆန်းသလို ကျနော်တို့အတွက်လည်း မဆန်းဘူး။ ဒါကို ရေးကြီးခွင်ကျယ် လုပ်ပြီးတော့ မလုပ်ချင်တော့ဘူး။ အလုပ်က နင်းကန်များနေလို့။"

ဒေါ်အောင်ဆန်းစုကြည်ကို လုပ်ကြံမယ်ဆိုပြီး လူမှုကွန်ယက် စာမျက်နှာပေါ်မှာ ရေးသားတာဟာ ဆက်သွယ်ရေးဥပဒေ၊ အီလက်ထရောနစ် ဥပဒေပါ ပြဌာန်းချက်တွေနဲ့ အကျုံးဝင်ပြီး လူသတ်ဖို့ ကြံစည်တာဖြစ်တဲ့ အတွက် ပြစ်မှုဆိုင်ရာဥပဒေနဲ့ပါ အရေးယူလို့ ရတယ်လို့ ဥပဒေပညာရှင်တွေက သုံးသပ်ကြပါတယ်။

တရားလွှတ်တော်ရှေ့နေ ဦးရောဘတ်စန်းအောင်ကတော့ ဒီအမှုဟာ ရဲအရေးပိုင်တဲ့ အမှုဖြစ်တာကြောင့် ရဲတပ်ဖွဲ့မှာ အပြည့်အဝ တာဝန်ရှိတယ်လို့ပြောပါတယ်။

" ကျနော်ပြောချင်တာက ဒီမိုကရေစီနဲ့ လူ့အခွင့်အရေး တက်ကြွလှုပ်ရှားတဲ့ သူတွေကိုကျတော့ အလျင်အမြန် ရှာဖွေပြီး ရိုက်နှက်ဖမ်းဆီးတယ်။ အခုဒီကိစ္စကျတော့ မရှာဖွေနိုင်ဘူး။ မဖမ်းဆီးနိုင်ဘူး ဆိုရင် ရဲတပ်ဖွဲ့ရဲ့ ဂုဏ်သိက္ခာ ကျတော့မှာပေါ့။ တပ်မတော်ကာကွယ်ရေးဦးစီးချုပ်ကလည်း အရေးပါတဲ့သူ တယောက်ဖြစ်သလို လူထုခေါင်းဆောင်ဒေါ်အောင်ဆန်းစုကြည်ကလည်း သန်းငါးဆယ်သော လူထုအတွက် အရေးပါသော ခေါင်းဆောင်ဖြစ်တဲ့အပြင် အရှေ့တောင်အာရှနဲ့တကွ နိုင်ငံတကာအတွက် အရေးပါ အရာရောက်တဲ့ ခေါင်းဆောင် တယောက်ဖြစ်တော့ ဒီဟာကျတော့ ရဲတပ်ဖွဲ့က အခုထက်ထိ တရားခံဖမ်းဆီးတာ ဘာတာ ဘာမှ မရှိသေးတာကိုက ထူးခြားချက်ဖြစ်နေတယ်။ ကျနော်တို့က စိုးရိမ်နေတယ်။"

ဒေါ်အောင်ဆန်းစုကြည်ရဲ့ အသက်အန္တရာယ်ကို ခြိမ်းခြောက်သူကို ဘယ်သူမဆို တရားစွဲဆိုမယ်ဆိုရင် ဥပဒေ ကြောင်းအရ ကူညီဆောင်ရွက်ပေးဖို့ အသင့်ရှိတယ်လို့ ဦးရောဘတ်စန်းအောင်က ပြောပါတယ်။

" ကျနော့်အနေနဲ့ကတော့ တရားစွဲဆိုမယ့်သူကို စားရိတ်ငြိမ်း အခမဲ့ ကူညီဆောင်ရွက်ပေးဖို့ အသင့်ရှိပါတယ်။ ဒါက ရဲကနေ ဖမ်းဆီးပြီး လုပ်ရမယ့်ကိစ္စပါ ။ ကျနော်တို့က ဟိုလူက တိုင်ရမယ်။ ဒီလူက တိုင်ရမယ်လို့ ရဲတပ်ဖွဲ့က ပြောတဲ့ဟာက တာဝန်မဲ့တဲ့ စကားဖြစ်နေတယ်။ "

တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီးမင်းအောင်လှိုင်ကို သရော်လှောင်ပြောင်တဲ့ ဓာတ်ပုံကို လူမှု ကွန်ယက် စာမျက်နှာတွေမှာ ဖြန့်ဝေခဲ့ တယ်ဆိုတဲ့ စွပ်စွဲချက်နဲ့ မချောစန္ဒီထွန်း ခေါ် ချစ်သမီး နဲ့ ကချင်တိုင်းရင်းသား ပတ်ထရစ်ကွန်ဂျာလီတို့ကို ဆက်သွယ်ရေးဥပဒေ ပုဒ်မ ၆၆ ဃအရ ထောင်ဒဏ် ၆လစီ မကြာသေးခင်က ချမှတ်ခဲ့တာမို့ အခု ဒေါ်အောင်ဆန်းစုကြည်ရဲ့ အသက်အန္တရာယ်ကို ခြိမ်းခြောက်ရေးသားသူကိုလည်း ဘယ်လို အရေးယူမလဲ ဆိုတာ လူထုက စိတ်ဝင်စားနေကြပါတယ်။

မြင့်မြင့်ခိုင် / ဗွီအိုအေ (မြန်မာပိုင်း)
http://burmese.voanews.com

ပုဒ်မ ၅၉ (စ) ဆိုင်းငံ့ရေး ဆောင် ရွက်နေကြောင်း ဥပဒေကြမ်းကော် မတီ ဥက္ကဌ ပြော

ဒေါ်အောင်ဆန်းစုကြည် သမ္မတဖြစ်ရေးကို အဟန့်အတားဖြစ်နေတဲ့ ဖွဲ့စည်းအုပ်ချုပ်ပုံအခြေခံဥပဒေပါ ပုဒ်မ ၅၉ (စ) ကိုဆိုင်းငံ့နိုင်ဖို့အတွက် NLD ခေါင်းဆောင်တွေ သိမ်သိမ်မွေ့မွေ့ ဆောင်လျက်ရှိတယ်လို့ ပြည်သူ့လွှတ်တော် ဥပဒေကြမ်းကော်မတီဥက္ကဌ အဖြစ်တာဝန်အပေးခံရသူ ဦးထွန်းထွန်းဟိန်က RFA ကို ပြောပါတယ်။
ဦးထွန်းထွန်းဟိန်ဟာ နောင်ချိုမြို့နယ်ကနေ ပြည်သူလွှတ်တော် ကိုယ်စားလှယ်အဖြစ်အရွေးခံရတဲ့ NLD ကိုယ်စားလှယ်ဖြစ်ပြီး၊ ပြည်သူ့လွှတ်တော် ဥပဒေကြမ်းကော်မတီဥက္ကဌအဖြစ် ဖေဖော်ဝါရီ ၄ ရက် လွှတ်တော်အစည်းအဝေးမှာ တာဝန်ပေးခံရတာပါ။ ဖွဲ့စည်းအုပ်ချုပ်ပုံ အခြေခံဥပဒေပါ ပုဒ်မ ၅၉ (စ) ဆိုင်းငံ့ရေးနဲ့ ပတ်သက်ပြီး ဦးထွန်းထွန်းဟိန်က ခုလို ပြောပါတယ်။
"ဆိုင်ငံ့နေတယ်ဆိုတာကတော့ ဖွဲ့စည်းအုပ်ချုပ်ပုံအခြေခံဥပဒေပဲ ရှိနေတယ်၊ သို့သော်လည်းပဲ ကျနော်တို့က ဒီလိုဆိုင်းငံ့တယ်ဆိုတဲ့ဥစ္စာမျိုးကို ကျနော်တို့ ၁၉၄၇ ခု ဖွဲ့စည်းအုပ်ချုပ်ပုံ အခြေခံဥပဒေမှာတုန်းက တခါ ဆောင်ရွက်ဖူးတယ်ဆိုတာကို တွေ့ရတယ်ပေါ့၊ အဲ့ဒီလိုတွေ့ရတော့ ကျနော်တို့က သမိုင်းမှာ ဒီလိုဆိုင်းငံ့တယ်ဆိုတာ ရှိဖူးပါတယ်လို့ ဒီလိုပြောလို့ရပါတယ်"
ဒါ့ပြင် ပြည်သူ့လွှတ်တော် ဥပဒေကြမ်းကော်မတီ ဥက္ကဌအဖြစ်တာဝန်ယူချိန်မှာ ခေတ်နဲ့မလျော်ညီတဲ့ ဥပဒေတွေပြင် ဆင်ဖို့၊ ပြဌာန်းသင့်တဲ့ ဥပဒေတွေပြဌာန်းဖို့အပြင် ဖွဲ့စည်းအုပ်ချုပ်ပုံ အခြေခံဥပဒေ ပြင်ဆင်ရေးအတွက် ဆောင်ရွက်သွားမယ် လို့ သူက ပြောပါတယ်။
ဦးထွန်းထွန်းဟိန်ကို RFA အဖွဲ့သား ဦးတင်အောင်ခိုင် ဆက်သွယ်မေးမြန်းထားတာ နားဆင်နိုင်ပါတယ်။

ဦးထွန်းထွန်းဟိန်နဲ့ မေးမြန်းချက်

RFA

ဦးရွှေမန်း ကော်မရှင် ရာထူးသစ် အရေးကြီး

 အရေးပါတဲ့ ကော်မရှင် တနေရာ ဦးရွှေမန်းကို ပေး

ယခင် လွှတ်တော်ဥက္ကဋ္ဌ ဟောင်း သူရ ဦးရွှေမန်း ကို ဥပဒေ ရေးရာနှင့် အထူး ကိစ္စရပ်များ လေ့လာ ဆန်းစစ် သုံးသပ်ရေး ကော်မရှင် ဥက္ကဌ အဖြစ် သောကြာနေ့မှာ ခန့်အပ် လိုက်ပါတယ် ။

ဒီကော်မရှင် ဟာ လွှတ်တော် ပေါ်မှာ ဩဇာညောင်းတဲ့ ကော်မရှင် တခု ဖြစ်လာဖို့ ရှိတယ်လို့ တိုင်းရင်း သား လွှတ်တော် ကိုယ်စားလှယ် တချို့က ပြောပါတယ် ။

ဒီနေရာကို ဦးရွှေမန်း ပေးလိုက်တာ ဟာ ဦးရွှေမန်း သမ္မတ ဖြစ် နိုင်တယ် ဆိုတဲ့ သတင်းတွေ က အဆုံးသတ်ပြီ လို့ ပြောလို့ရပါတယ် ။

ဒါပေမဲ့ ဒေါ်အောင်ဆန်းစုကြည် ဟာ ပြည်သူ့လွှတ်တော် ဥက္ကဋ္ဌ ကို အကြံပေးမယ့် အရေးပါတဲ့ ကော်မရှင် တနေရာမှာ ဦးရွှေမန်းကို ပေးလိုက်တာ ဖြစ်ပါတယ် ။

ဒီ ကော်မရှင် ဖွဲ့ ပြီး အုပ်ချုပ်ရေး အတွေ့အကြုံ ရှိသူတွေကို နေရာပေး ဖွဲ့စည်း ခဲ့တာဟာ နောက်ကနေ ညွှန်ကြား ချုပ်ကိုင် သွားမယ့်ပုံ ရှိတယ် လို့ ရခိုင် အမျိုးသား ပါတီ ပြည်သူ့ လွှတ်တော် ကိုယ်စားလှယ် ဦးဦးလှစော က ပြောသွား ပါတယ် ။

သူရဦးရွှေမန်း ဦးဆောင်တဲ့ ကော်မရှင်ဟာ တည်ဆဲ ဥပဒေ တွေကို လေ့လာ ဆန်းစစ်ပြီး ပြင်ဆင်ပယ်ဖျက်တာတွေ လုပ် နိုင်သလို ဥက္ကဋ္ဌ ကိုလည်း အကြံညဏ်တွေ ပေးနိုင်ပါတယ် ။

ဒေါ်အောင်ဆန်းစုကြည်က လွှတ်တော် ဘက်ကို ပိုပြီး လုံခြုံအောင် လည်း လုပ်လိုက်တာ ဖြစ်ပေမယ့် ဒီရာထူး လက်ခံ ပြီး ကော်မရှင် ဥက္တဋ္ဌ ဦးရွှေမန်း က ကော်မရှင် ဥက္ကဋ္ဌ တာဝန်အား လစာငွေ ရယူခြင်း မပြုဘဲ လက်ခံ ဆောင်ရွက် ပါမယ် လို့ အကြောင်းပြန်ခဲ့ ပါတယ် ။

ဦးရွှေမန်း အခုလို လစာ မယူတာဟာ လည်း ကော်မရှင် ရဲ့ သက်ရောက်မှု အားနည်း စေနိုင်တယ် ဆိုတဲ့ သုံးသပ်မှု တွေရှိပါတယ် ။

သူ့ကို ဒီနေရာပေး လိုက်တာဟာ ဖွဲ့စည်းပုံ အခြေခံ ဥပဒေ ပြင်ဆင်ရေး မှာ အထောက်အကူ ပို ဖြစ်လာနိုင်ပါတယ် ။

အခု တခေါက် လွှတ်တော် ကိုယ်စားလှယ် တော်တော် များများဟာ လွှတ်တော် အတွေ့ကြုံ မရှိတဲ့ လူသစ်တွေ များတာ ကြောင့် ဦးရွှေမန်း နဲ့ အမျိုးသား ဒီမိုကရေစီ အဖွဲ့ချုပ် ဟာ လွှတ်တော်က ဖွဲ့စည်း လိုက်တဲ့ ကော်မတီ တွေ ပေါ်မှာ နောက်က လွှမ်းမိုး ချုပ်ကိုင် တာ မလုပ်ဘဲ လွှတ်တော် ကော်မတီ တွေကို ပြည့်ပြည့်ဝဝ လုပ်ကိုင် ခွင့်ပေး ပြီး မျှမျှတတ လုပ်ကိုင် ဖို့ လိုတယ် လို့ လွှတ်တော် တွင်းက တိုင်းရင်းသား ပါတီ ကိုယ်စားလှယ် တွေ က ပြောပါတယ် ။

BBC Burmese

ဥပဒေမပြင်ဘဲ စနစ်ပြောင်းရန် မဖြစ်နိုင်ကြောင်း ဥပဒေရေးရာ လေ့လာဆန်းစစ်ရေး ကော်မရှင် ဥက္ကဋ္ဌ သူရဦးရွှေမန်းပြော

ယခင် လွှတ်တော် နာယကဟောင်း သူရဦးရွှေမန်းအနေဖြင့် ဥပဒေဆိုင်ရာ လေ့လာဆန်းစစ်ရေး ကော်မရှင် ဥက္ကဋ္ဌ အဖြစ် တာဝန်ပေးအပ်ပြီး ပထမဆုံးအကြိမ် အစည်းအဝေးကို နေပြည်တော် လွှတ်တော်ဝန်း အတွင်းရှိ ရေးရာကော်မတီ ဆောင် I-1 တွင် ကျင်းပပြုလုပ်ခဲ့သည်။

ယင်းအစည်းအဝေး အပြီးတွင် သူရဦးရွှေမန်းက “ ဥပဒေမပြင်ဘဲ စနစ်ပြောင်းဖို့ ဆိုတာ မဖြစ်နိုင်တဲ့ အတွက် ဥပဒေပြင်ရေးကိစ္စကို ဦးစားပေး ဆောင်ရွက်သွားမယ်” ဟု ပြောသည်။

ပထမအကြိမ် ပြည်သူ့လွှတ်တော် ဥက္ကဋ္ဌ ပြည်ထောင်စု လွှတ်တော် နာယက တာဝန် ထမ်းဆောင်ခဲ့သော သူရဦးရွှေမန်းသည် ၂၀၁၅ ရွေးကောက်ပွဲတွင် ဖြူးမြို့နယ် မဲဆန္ဒနယ်မှ ဝင်ရောက် ယှဉ်ပြိုင်ခဲ့သော်လည်း ရှုံးနှိမ့်ခဲ့သည်။

ဒုတိယအကြိမ် လွှတ်တော်တွင် ဥပဒေရေးရာနှင့် အထူးကိစ္စရပ်များ လေ့လာဆန်းစစ် သုံးသပ်ရေး ကော်မရှင် ဥက္ကဋ္ဌ အဖြစ် တာဝန်ပေးအပ်ခံရပြီး လစဉ်ချီးမြှင့်ငွေ ခြောက်သိန်းကျပ် ခံစားခွင့်ရရှိမည် ဖြစ်သည်။

သတင်း - ကိုပေါက်
The Ladies News
The Ladies News Journal

ဒုသမ္မတလောင်း အဆိုပြုအစည်းအဝေးရက် ဖေဖော်ဝါရီ ၈ ရက်ကြေညာမည်

၂၀၁၅ ရွေးကောက်ပွဲ အနိုင်ရ လွှတ်တော် ကိုယ်စားလှယ်တွေနဲ့ ပထမဆုံး အကြိမ်ခေါ်ယူကျင်းပမယ့် ဒုတိယအကြိမ် ပြည်ထောင်စုလွှတ်တော် အစည်းအဝေးကို ဖေဖော်ဝါရီလ ၈ ရက်နေ့မှာ စတင်ကျင်းပဖို့ ရှိနေပါတယ်။
ဒီအစည်းအဝေးပထမနေ့မှာ နိုင်ငံတော် သမ္မတနဲ့ ဒုသမ္မတတွေကို ရွေးချယ်တင်မြှောက်နိုင်ဖို့အတွက် သက်ဆိုင်ရာ လွှတ်တော်ကိုယ်စားလှယ်တွေ အစုအဖွဲ့အလိုက် ဒုသမ္မတလောင်း အဆိုပြုမယ့် အစည်းအဝေးတွေ ကျင်းပမယ့်နေ့ရက်ကို သတ်မှတ်ကြေညာဖို့ ရှိနေတယ်လို့ ပြည်ထောင်စု လွှတ်တော်ရုံးရဲ့ ကိုယ်စားလှယ်တွေထံပေးပို့တဲ့ ဖိတ်ကြားစာမှာဖော်ပြထားပါတယ်။
ဒီဖိတ်ကြားစာကို ဖေဖော်ဝါရီ ၄ ရက်နေ့စွဲနဲ့ ပြည်ထောင်စုလွှတ်တော် ကိုယ်စားလှယ်တွေ အားလုံးထံ ပေးပို့ထားတာဖြစ်ပြီး နိုင်ငံတော် သမ္မတနဲ့ ဒုသမ္မတတွေ ရွေးချယ်တင်မြှောက်ခြင်းဆိုင်ရာ နည်းဥပဒေတွေအရ ခုလိုဆောင်ရွက်တာလို့လည်း ဆိုပါတယ်။
၂၀၀၈ ဖွဲ့စည်းပုံအရ  သမ္မတ ရွေးချယ်တင်မြှောက်ရေးအဖွဲ့ကို ပြည်သူ့လွှတ်တော်အစုအဖွဲ့၊ အမျိုးသားလွှတ်တော် အစုအဖွဲ့၊ တပ်မတော်သားလွှတ်တော်ကိုယ်စားလှယ်  အစုအဖွဲ့ ဆိုပြီး  အစုအဖွဲ့ သုံးဖွဲ့နဲ့ ဖွဲ့စည်းပြီး တဖွဲ့စီက ဒုသမ္မတ တဦးစီကို လွှတ်တော်အမတ်ထဲက ဖြစ်စေ လွှတ်တော်ကိုယ်စားလှယ်မဟုတ်သူတွေထဲက ဖြစ်စေ ရွေးချယ်တင်မြှောက်ရမှာဖြစ်ပါတယ်။
DVB

၅၉(စ) ဆိုင်းငံ့ရေးနှင့် တပ်မတော်လိုလားသူအချို့ ၀န်ကြီးချုပ်ဖြစ်ရေး အပေးအယူ လုပ်နေဟု သတင်းထွက်ပေါ်

ဖေဖော်ဝါရီ ၁ ရက် လွှတ်တော်စတင်သည့်နေ့တွင် လွှတ်တော်လေ့လာရေးအတွက် ဖိတ်ကြားခံရသူများထဲတွင် NLD အစိုးရအဖွဲ့၌ ပါဝင်ဖွဲ့စည်းရန် ရွေးချယ်လျာထားသူများလည်း ပါဝင်ကြောင်း၊ ဒေါ်အောင်ဆန်းစုကြည်သမ္မတဖြစ်ရန် ၅၉ (စ) ဆိုင်းငံ့ရေးနှင့် တပ်မတော်လိုလားသူအချို့အားဝန်ကြီးချုပ်ရာထူးပေးရေးကိုအပေးအယူလုပ်ရန် ညှိနှိုင်းနေသည်ဟု NLD တာဝန်ရှိသူများ၏ သတင်းမီဒီယာ များသို့ ပြောကြားချက်အရ သိရသည်။

ပြည်ထောင်စုအဆင့်အစိုးရအဖွဲ့စာရင်းမပေါ်ထွက်မီ ပြည်နယ်တိုင်းဒေသကြီးများမှအစိုးရတာဝန်လွှဲပြောင်းရေးဆိုင်ရာသင်တန်းများတက်ရောက်လာကြသူများသည် သက်ဆိုင်ရာ အစိုးရအဖွဲ့ဝင် ၀န်ကြီးများ လွှတ်တော်ဥက္ကဋ္ဌ၊ ဒုဥက္ကဋ္ဌများ တာဝန်ထမ်းဆောင်မည့်သူများအဖြစ် လျာထားခံခဲ့ရသော ပုဂ္ဂိုလ်များစာရင်း ထွက်ပေါ်လာခဲ့သည်။

ထိုဂ္ဂိုလ်များတွင်ကချင်ပြည်နယ်နှင့်ရှမ်းပြည်နယ်မှပုဂ္ဂိုလ်များပါဝင်လာခြင်းမရှိ၍ တပ်မတော်မှလိုလားသည့်ပုဂ္ဂိုလ်များ ၀န်ကြီးချုပ်ဖြစ် ရေးနှင့် NLD ဥက္ကဋ္ဌ ဒေါ်အောင်ဆန်းစုကြည်သမ္မတမဖြစ်စေရန်ကန့်သတ်တားဆီးထားသည့်ဖွဲ့စည်းပုံအခြေခံဥပဒေပုဒ်မ၅၉(စ)အားဆိုင်းငံ့ရေးအပေးအယူတခုရှိလာနိုင်သည်ဟု လွှတ်တော်နှင့်နီးစပ်သူများအဆိုအရ သိရသည်။

''ရှမ်းနဲ့ကချင်ကကိုယ်စားလှယ်တွေကသူတို့က စောစောလာပြီး ပြန်သွားကြတယ်။ အခု သင်တန်းဆင်း တော့ပါတာ မတွေ့ရဘူး။ အခု ဒီမှာ ကြားနေတဲ့အတိုင်းပဲ အပေးအယူတော့လုပ်ရမယ်။

တိုင်းဒေသကြီး၊ ပြည်နယ် ၀န်ကြီးချုပ်တွေနဲ့ အပေးအယူလုပ်ရမယ်။ တပ်ကတောင်းတဲ့ လူတွေ NLD က လိုက်လျောရင် ၅၉ (စ)ကို ဆိုင်းငံ့ပေးမယ်။ အဲဒီလို ဖြစ်နေတယ်။

ရခိုင်ရယ်၊ ရှမ်းရယ်၊ ကချင်ရယ်၊ ရန်ကုန်ရယ် အဲဒီလေးခုလို့ ကြားတယ်''ဟု နေပြည်တော်ရောက် လွှတ်တော်ကိုယ်စားလှယ်တဦးက ဆိုသည်။

၅၉ (စ)ဆိုင်းငံ့ရေးကိစ္စကို ပြည်ခိုင်ဖြိုးပါတီမှ ထောက်ခံထားပြီးဖြစ်ကြောင်းနှင့် တပ်မတော်ကိုယ်စားလှယ်များပါဝင်ထောက်ခံရန်အတွက်အုပ်ချုပ်ရေးပိုင်းကိစ္စရပ်များကို NLD နှင့် တပ်မတော်တို့ ညှိနှိုင်းဆောင်ရွက်နေရကြောင်း လွှတ်တော်ကိုယ်စားလှယ်တဦး၏အဆိုအရ သိရသည်။

''၅၉ (စ)ဆိုင်းငံ့ရေးကို ပြည်ခိုင်ဖြိုးက ထောက်ခံပြီးပြီ။ ပြည်ခိုင်ဖြိုးက သဘောထားကြီးပြတယ်။ တပ်ပဲလိုတော့ တာ။ တပ်က သူတို့လိုချင်တာတွေ ရှိမှာပေါ့။ ဒါလည်း ပထမပိုင်းကညှိနေတယ်။ သိပ်တော့ မပြေလည်သေးဘူး။ အခုကျတော့ ဒီအပေးအယူအဆင်ပြေဖို့ အုပ်ချုပ်ရေးပိုင်းမှာ တချို့ကိစ္စတွေ ညှိနေရတယ်'' ဟု ၎င်းက ဆိုသည်။

NLD ၏ ပြည်နယ်၊ တိုင်းဒေသ ကြီးအစိုးရ အဖွဲ့ဝင်ဝန်ကြီးချုပ်များနှင့် ၀န်ကြီးများအဖြစ် ခန့်အပ်ရန်လျာထား သည့်စာရင်းတွင် နေပြည်တော်တွင် အစိုးရတာဝန်လွှဲပြောင်းရေးဆိုင်ရာ သင်တန်းတက်ရောက်နေသူ အများစု ပါဝင်သည်ဟု NLD ဗဟိုအလုပ်အမှုဆောင်အဖွဲ့ဝင် ဦးကျော်ခင်က RFA သတင်းမီဒီယာသို့ ပြောကြားထားပြီး NLD နာယက ဦးတင်ဦးကလည်း ဒေါ်အောင်ဆန်းစုကြည်အနေဖြင့် သမ္မတဖြစ်မည်ဟု တထစ်ချယုံကြည် လျက်ရှိကြောင်း သတင်းမီဒီယာများ၏ မေးမြန်းချက်တွင် ထည့်သွင်းပြောကြားထားသည်။

ကိုဗညား
News Watch(စောင့်ကြည့်သတင်းဂျာနယ်)

ဒေါ်အောင်ဆန်းစုကြည်ဆီက တိုင်းရင်းသားတွေရဲ့ မျှော်လင့်ချက်

အခု ၂၀၁၆ နှစ်သစ်မှာတော့ အစိုးရသစ်တာဝန်လွှဲပြောင်းမှုတွေကို လုပ်ဆောင်တော့မှာဖြစ်ပြီး ပြည်သူတွေ မျှော်လင့်တောင့်တနေကြတဲ့ ဒေါ်အောင်ဆန်းစုကြည် ဦးဆောင်တဲ့ အစိုးရ တက်လာတော့မှာ ဖြစ်ပါတယ်။

အစိုးရသစ်အနေနဲ့ သူတို့ရဲ့ အစောပိုင်း သက်တမ်းကာလမှာ ဖြေရှင်းရမယ့် ပြသနာတွေ အမြောက်အမြားရှိနေပြီး ကျန်းမာရေး၊ ပညာရေး၊ ငြိမ်းချမ်းရေး၊ လာဘ်စားမှု တိုက်ဖျက်ရေး စတာတွေ အပါအ၀င် ဖြေရှင်းစရာများစွာက စောင့်စားနေပါတယ်။

မြန်မာနိုင်ငံထဲက တိုင်းရင်းသားတွေကတော့ အစိုးရသစ်လက်ထက်မှာ ပြည်တွင်း ငြိမ်းချမ်းရေးရဖို့ကိုသာ အဓိက မျှော်လင့်နေကြတာဖြစ်ပြီး စစ်ရှောင်ဒုက္ခသည်တွေဘ၀ကနေ ကင်းလွတ်ချင်နေကြပါပြီ။

ရှမ်းပြည်နယ်နဲ့ ကချင်ပြည်နယ်ထဲက သေနတ်သံတွေ မတိတ်နိုင်သေးတာကတော့ ဒီအစိုးရ လက်ထက်မှာ ရပ်ထားနိုင်ဦးမယ် မထင်ပါဘူး။

ဦးသိန်းစိန်အစိုးရလက်ထက်မှာ တိုင်းရင်းသား လက်နက်ကိုင်တစ်ဖွဲ့ချင်းစီနဲ့ တွေ့ဆုံခဲ့ပြီး အပစ်အခတ်ရပ်စဲရေး စာချုပ်တွေ လက်မှတ်ရေးထိုးနိုင်ခဲ့တယ်ဆိုတာကလည်း သတင်းတွေထဲမှာပဲ ရှိနေဆဲ ဖြစ်ပြီး တကယ့် စစ်ပွဲတွေကတော့ ရပ်တန့်လို့မရနိုင်ခဲ့ပါဘူး။

ရွေးကောက်ပွဲမှာ အနိုင်ရပြီးတဲ့နောက် ဒေါ်အောင်ဆန်းစုကြည်အနေနဲ့ အမျိုးသား ပြန်လည်သင့်မြတ်ရေးကိုသာ အာရုံစိုက်ပြီး လုပ်ကိုင်သွားဖို့ရှိတယ်ဆိုပြီး စကားသံတွေ ထွက်ပေါ်လာခဲ့ဖူးပါတယ်။
တိုင်းရင်းသားတွေကတော့ အဲဒီ အသံတွေနောက်လိုက်ပြီး အစိုးရသစ်လက်ထက်မှာ သူတို့အနေနဲ့ ငြိမ်းချမ်းစွာ နေထိုင်ရဖို့ကို မျှော်လင့်ချက် ထားလာခဲ့ကြပါတယ်။

၂၀၁၄-၁၅ ခုနှစ်ရဲ့ စစ်တမ်းတွေအရ မြန်မာနိုင်ငံ လူဦးရေရဲ့ ၁၀ ရာခိုင်နှုန်းဟာ စစ်ပွဲဖြစ်ပွားတဲ့ ဒေသတွေမှာရှိနေကြတယ်လို့ သိရပြီး နောက်ထပ် လူဦးရေရဲ့ ၄၀ ရာခိုင်နှုန်းလောက်က စစ်ပွဲတွေရဲ့ အကျိုးသက်ရောက်မှုရှိတဲ့ ဒေသတွေမှာ နေထိုင်ကြသူတွေပါ။

တစ်နိုင်ငံလုံးအပစ်အခတ်ရပ်စဲရေး သဘောတူစာချုပ်ကို လက်မှတ်ရေးထိုးပြီးတဲ့နောက် ပြည်သူ တော်တော်များများအနေနဲ့ ငြိမ်းချမ်းရေးရဲ့ အသီးအပွင့်တွေကို အချိန်တိုတိုအတွင်း ခံစားကြရမယ်လို့ ဦးသိန်းစိန်က ဆိုခဲ့ပေမယ့်လည်း လက်တွေ့အကောင်အထည်ပေါ်လာခြင်းတော့ မရှိသေးပါဘူး။

ပအိုဝ်းအမျိုးသားလွတ်မြောက်ရေး အဖွဲ့ချုပ်ဥက္ကဌ ဦးခွန်ဥက္ကာကတော့ အစိုးရသစ်အနေနဲ့ သူတို့ရဲ့ ဦးစားပေးအလုပ်တွေထဲမှာ ငြိမ်းချမ်းရေးထက် အာဏာလွှဲပြောင်းနိုင်ရေးကသာ အဓိက ကျမယ်လို့ အင်တာဗျူး တစ်ခုမှာ ဖြေဆိုခဲ့ပြီး အခြားတိုင်းရင်းသား လက်နက်ကိုင်အဖွဲ့တွေအနေနဲ့လည်း အစိုးရသစ်ရဲ့ ခြေလှမ်းတွေကို စောင့်ကြည့်နေကြပါတယ်။

နေပြည်တော်မှာတော့ ပြီးခဲ့တဲ့ ဇန်န၀ါရီ ၁၂ ရက်နေ့က ၁၆ ရက်နေ့အထိ ပြည်ထောင်စု ငြိမ်းချမ်းရေး ညီလာခဲ့ကြီးကို ကျင်းပခဲ့ပါတယ်။

ဦးသိန်းစိန်၊ ဦးသူရရွှေမန်း၊ ဗိုလ်ချုပ်မှူးကြီးမင်းအောင်လှိုင်၊ ဒေါ်အောင်ဆန်းစုကြည်နဲ့ တိုင်းရင်းသားလက်နက်ကိုင်အဖွဲ့တွေရဲ့ခေါင်းဆောင် တဖြစ်လည်း KNU ကရင်အမျိုးသားအစည်းအရုံး ဥက္ကဌ စောမူတူးစေးဖိုးတို့ တက်ရောက်ခဲ့ကြပြီး အခြားတိုင်းရင်းသားခေါင်းဆောင် တော်တော်များများလည်း တက်ရောက်ခဲ့ကြပေမယ့် ဒီဆွေးနွေးပွဲက စစ်ပွဲတွေ ရပ်တန့်ဖို့ထက် နိုင်ငံရေး၊ စီးပွားရေ၊ လုံခြုံရေး၊ မြေယာနဲ့ သဘာဝ ပတ်ဝန်းကျင်ဆိုင်ရာ မူဝါဒတွေကိုပဲ ဆွေးနွေးခဲ့ကြလို့ တိုင်းရင်းသားတွေအတွက် တကယ်တမ်းအကျိုးရှိတဲ့ ဆွေးနွေးပွဲတစ်ခုတော့ မဟုတ်ခဲ့ပါဘူး။

ရွေးကောက်ပွဲမှာ အနိုင်ရထားတဲ့ ဒေါ်အောင်ဆန်းစုကြည်နဲ့ အန်အယ်လ်ဒီ က လက်ရှိအချိန်မှာ အစိုးရရဲ့ ငြိမ်းချမ်းရေးဖော်ဆောင်ရေးလုပ်ငန်းတွေမှာ ရေလိုက်ငါးလိုက် လိုက်ပါဆောင်ရွက်နေတဲ့ ပုံစံပါပဲ။ အဆင်ပြေအောင်သာ လိုက်ပါဆောင်ရွက်နေပြီး နောက်အစိုးရအဖြစ် ကူးပြောင်းမှုတွေ လုပ်ပြီးမှသာ သူတို့ လိုချင်တာတွေကို ပြန်လည်ပြင်ဆင်မယ့်၊ ပြုပြင်မယ့် စိတ်ဓာတ်နဲ့ ပူးပေါင်းဆောင်ရွက်နေတာကိုလည်း တွေ့နိုင်ပါတယ်။

တကယ်တော့ မြန်မာနိုင်ငံမှာ တိုင်းရင်းသားလက်နက်ကိုင်တွေနဲ့ ငြိမ်းချမ်းရေးရယူဖို့ဆိုတာ တကယ်မလွယ်တဲ့ ကိစ္စတွေထဲက တစ်ခုလို့ ပြောရမှာပါ။
အစိုးရနဲ့ လက်နက်ကိုင် တပ်ဖွဲ့တွေကြား၊ တိုင်းရင်းသား လက်နက်ကိုင်တွေရဲ့ မာကျောတဲ့ယုံကြည်ချက်တွေနဲ့ စစ်တပ်ရဲ့ အထိမခံမှုတွေအကြားက နားလည်မှုဆိုတာ အချိန်အကြာကြီး တည်ဆောက်ရမယ့် ကိစ္စတွေထဲက တစ်ခု ဖြစ်နိုင်ပါတယ်။

ဒေါ်အောင်ဆန်းစုကြည်ရဲ့ အစိုးရအဖွဲ့အနေနဲ့ တိုင်းရင်းသားတွေရဲ့ ယုံကြည်မှု၊ အားကိုးမှုတွေကို ရချင်တယ်ဆိုရင်တော့ ဒီ ခက်ခဲတဲ့ကိစ္စကြီးကိုပဲ မြန်နိုင်သမျှ မြန်အောင် ကိုင်တွယ်ရမှာဖြစ်ပြီး စစ်ပွဲတွေ အမြန်ဆုံးရပ်အောင် ကြိုးစားရမှာပါ။

တကယ်လို့ ဒေါ်အောင်ဆန်းစုကြည်ကသာ တိုင်းရင်းသားလက်နက်ကိုင်အဖွဲ့တွေကို နားလည်မှုထားပြီး ပူးပေါင်းဆောင်ရွက်နိုင်အောင် ကြိုးစားမယ်ဆိုရင် ဒါက တိုင်းရင်းသားတွေအတွက် ဒေါ်အောင်ဆန်းစုကြည်ရဲ့ နှစ်သစ်လက်ဆောင် ဖြစ်လာမှာဖြစ်ပြီး နှစ်ဦးနှစ်ဖက် အကျိုးရှိမယ့် အသွင်ကို ဆောင်လာမယ်ဆိုတာ အမှန်ဖြစ်ပါကြောင်း သုံးသပ်လိုက်ရပါတယ်။

Written by အယ်ဒီတာ
Kantarawaddy Times
http://www.ktimes.org

ပေးအပ်သည့်တာဝန်ကို လစာမယူဘဲ လုပ်မည်ဟု ဦးရွှေမန်းပြော

ဥပဒေရေးရာနဲ့ အထူးကိစ္စရပ်များ လေ့လာဆန်းစစ်သုံးသပ်ရေးကော်မရှင် ဥက္ကဋ္ဌ အဖြစ် တာဝန်ပေးအပ်လိုက်တာကို လက်ခံကြောင်းနဲ့ လစာမယူဘဲ လုပ်ဆောင်သွားမယ်လို့ ပြည်သူ့လွှတ်တော် ဥက္ကဋ္ဌဟောင်း သူရဦးရွှေမန်းက ပြောကြားလိုက်ပါတယ်။
ဒီကနေ့ ဖေဖော်ဝါရီလ ၅ ရက်နေ့မှာ ပြုလုပ်တဲ့ဒုတိယအကြိမ် ပြည်သူ့လွှတ်တော် ပထမပုံမှန်အစည်းအဝေး တတိယနေ့မှာ ပြည်သူ့လွှတ်တော်ဥက္ကဋ္ဌ ဦးဝင်းမြင့်က လွှတ်တော်ရဲ့အတည်ပြုချက်ရယူပြီး တာဝန်ပေးကမ်းလှမ်းခဲ့တဲ့အပေါ် ဦးရွှေမန်းက သူ့ဖေ့စ်ဘွတ်ခ်စာမျက်နှာက အခုလို ပြောကြားလိုက်ပါတယ်။
ဒီနေ့ နေ့လယ် ၁ နာရီအချိန်က ပြည်သူ့လွှတ်တော် ဥပဒေရေးရာနှင့် အထူးကိစ္စရပ်များလေ့လာဆန်းစစ်သုံးသပ်ရေးကော်မရှင်၏ လုပ်ငန်းညှိနှိုင်းအစည်းအဝေးကို လွှတ်တော်ဝန်းအတွင်းရှိ I-1 အဆောက်အဦမှာ ကျင်းပပြုလုပ်ခဲ့ရာ သူရဦးရွှေမန်း တက်ရောက်ခဲ့ပါတယ်။
ဒုတိယဥက္ကဋ္ဌနေရာကိုတော့ ရမည်းသင်းမဲဆန္ဒနယ်က ဦးကိုကိုနိုင်ကို တာဝန်ပေးအပ်လိုက်တာပါ။
ဒီကော်မရှင်ဟာ ပြည်သူ့လွှတ်တော်ဆိုင်ရာ ဥပဒေပုဒ်မ ၂ ပုဒ်မခွဲ (ဇ) အရ ပြည်ထောင်စု အဆင့် အဖွဲ့အစည်းလည်းဖြစ်ပါတယ်။
အဲ့ဒီကော်မရှင်ရဲ့တာဝန်တွေကတော့ တည်ဆဲဥပဒေများအား လေ့လာဆန်းစစ်သုံးသပ်ပြီး ပြင်ဆင်ရေး၊ ပယ်ဖျက်ရေး၊ အသစ်ပြဋ္ဌာန်းနိုင်ရေးတို့ကို ပြည်သူ့လွှတ်တော်ဥက္ကဋ္ဌကတဆင့် လွှတ်တော်သို့ တင်ပြရခြင်း၊ အထူးကိစ္စရပ်များပေါ်ပေါက်လာပါက ၎င်းကိစ္စရပ်များအား ဥပဒေအမြင်နှင့်ယှဉ်၍ လေ့လာဆန်းစစ်သုံးသပ်ပြီး လွှတ်တော်ဥက္ကဋ္ဌမှတစ်ဆင့် လွှတ်တော်သို့ အစီရင်ခံ တင်ပြရခြင်း၊ ပြည်သူ့လွှတ်တော်ဥက္ကဋ္ဌက သတ်မှတ်ပေးသည့် လုပ်ငန်းတာဝန်များကို သတ်မှတ် ကာလအတွင်းပြီးစီးအောင် ဆောင်ရွက်ရခြင်း၊ ပြည်သူ့လွှတ်တော်ဥက္ကဋ္ဌက ကဏ္ဍအလိုက် သီးခြားသတ်မှတ်ပေးသည့် အထူးကိစ္စရပ်များ အတွက် ကော်မရှင်အတွင်း တာဝန်ခွဲဝေသတ်မှတ် ဆောင်ရွက်ရခြင်း၊ ပြည်သူ့လွှတ်တော်ဥက္ကဋ္ဌက လုပ်ငန်းလိုအပ်ချက်အရ အကြံဉာဏ်တောင်းခံသည့်အခါ ကော်မရှင်အနေဖြင့် အကြံဉာဏ် ပေးရခြင်းတို့ကိုဆောင်ရွက်ရမှာဖြစ်ပါတယ်။
DVB

အမေရိကန်၏ မောင်းသူမဲ့လေယာဉ် တိုက်ခိုက်မှု ကြောင့် ယီမင်တွင် ထိပ်တန်း အယ်ကိုင်ဒါ ခေါင်းဆောင် သေဆုံး

ယီမင် အခြေစိုက် အယ်ကိုင်ဒါ အဖွဲ့ ထိပ်တန်း ခေါင်းဆောင် Jalal Baleidi အားတွေ့ရစဉ် (ဓာတ်ပုံ-အင်တာနက်)

    အဒမ်၊ ဖေဖော်ဝါရီ ၅ ရက် (ဆင်ဟွာ)

    ယီမင်နိုင်ငံ တောင်ပိုင်း Abyan ပြည်နယ်၏ ကန္တာရဒေသတွင် ဖေဖော်ဝါရီ ၄ ရက်နေ့ မနက်ပိုင်းက ယီမင် အခြေစိုက် အယ်ကိုင်ဒါ အဖွဲ့ ထိပ်တန်း ခေါင်းဆောင်စီးနင်းလာသည့် ကားအား အမေရိကန်နိုင်ငံ၏ မောင်းသူမဲ့ လေယာဉ် ဖြင့် တိုက်ခိုက်ခဲ့မှုကြောင့် ၄င်းအပါအဝင် ၄င်း၏အစောင့် နှစ်ယောက် တို့ သေဆုံး ခဲ့ကြောင်း အစိုးရ တာဝန်ရှိသူများကို ဆင်ဟွာ သို့ပြောကြားခဲ့သည်။

အယ်ကိုင်ဒါခေါင်းဆောင် Jalal Baleidi အား မကြာသေးမီက IS စစ်သွေးကြွ အုပ်စု၏လက်အောက်ခံ ယီမင် အခြေစိုက် စခန်း၏ ခေါင်းဆောင်အဖြစ် တင်မြောက်ထားကြောင်း သိရသည်။

Baleidi သည် ယီမင်တပ်ဖွဲ့၏ အခြေစိုက်စခန်းများအား တိုက်ခိုက်ရန် ကြိုးကိုင်ဆောင်ရွက်ခဲ့သူ တစ်ဦးဖြစ်ပြီး နိုင်ငံ၏ တည်ငြိမ်မှု မရှိသည့် တောင်ပိုင်းဒေသ ရှိ မြို့များတွင်လည်း အကြမ်းဖက်မှုများကို ဦးဆောင်ခဲ့ကြောင်း သိရသည်။

Baleidi သေဆုံးသည့် သတင်းနှင့် ပတ်သက်၍ အယ်ကိုင်ဒါဘက်က မှတ်ချက် ပေးခြင်းမရှိကြောင်း သိရသည်။

ယီမင်နိုင်ငံသည် အယ်ကိုင်ဒါ၊ IS နှင့် အခြား အစ္စလာမ်မစ် စစ်သွေးကြွအုပ်စုများ အခြေစိုက်ရာ နိုင်ငံဖြစ်ပြီး နိုင်ငံအတွင်း Shabwa၊ Abyan နှင့် al-Baydha ပြည်နယ်တို့ရှိ လူမျိုးစုဒေသများတွင် အကြမ်းဖက်လှုပ်ရှားမှု များ ပြုလုပ်လေ့ရှိကြောင်း သိရသည်။

(Xinhua)
http://www.xinhuamyanmar.com

ဥပဒေရေးရာ နှင့် အထူးကိစ္စရပ်များလေ့လာဆန်းစစ်သုံးသပ်ရေးကော်မရှင် ဥက္ကဋ္ဌ အဖြစ် သူရဦးရွှေမန်းကို အတည်ပြုခန့်အပ်

သူရ ဦးရွှေမန်း နေပြည်တော်၌ ဇန်နဝါရီလ ၂၉ ရက်က သတင်းစာ ရှင်းလင်းပွဲ ပြုလုပ်နေစဉ် (ဆင်ဟွာ)
    ရန်ကုန်၊ ဖေဖော်ဝါရီ ၅ ရက် (ဆင်ဟွာ)

    ဒုတိယအကြိမ် ပြည်သူ့လွှတ်တော် ပုံမှန်အစည်းအဝေး တတိယနေ့ ၌  ဥပဒေရေးရာနှင့် အထူးကိစ္စရပ်များလေ့လာဆန်းစစ်သုံးသပ်ရေးကော်မရှင် ဥက္ကဋ္ဌ အဖြစ် သူရဦးရွှေမန်းကို အတည်ပြုခန့်အပ်လိုက်သည်။

အဆိုပါ ကော်မရှင် ဒုတိယ ဥက္ကဋ္ဌ အဖြစ် ဦးကိုကိုနိုင်(ရမည်းသင်း မဲဆန္ဒနယ် )ကို ခန့်အပ်လိုက်ပြီး ဦးအေးမောက်၊ ဦးကြည်သာ၊ ဦးတင်မောင်ဦး၊ ဦးဝင်းသန်း၊ ဦးစောလှထွန်း၊ ဒေါက်တာ စိုးမိုးအောင်၊ ဦီးစိုးရယ် စသည့် ပြည်သူ့လွှတ်တော် ကိုယ်စားလှယ်များကို ထည့်သွင်းဖွဲ့စည်းထားသည်။

ဥပဒေရေးရာနှင့် အထူးကိစ္စရပ်များလေ့လာဆန်း စစ်သုံးသပ်ရေးကော် မရှင်ကို အဖွဲ့ ဝင် ၂၃ ဦးနှင့် စတင်ဖွဲ့စည်းလိုက်ပြီး အဆိုပါ ကော်မရှင် သည် ဥပဒေကြမ်းကော်မတီကို အဓိက ပံ့ပိုးပေးမည့် အရေးပါသော ကော်မရှင်တစ်ခုဖြစ်သည်။

(Xinhua)

ဒေါ်စုကို လုပ်ကြံဖို့ ခြိမ်းခြောက်သူ ရဲလိုက်ရှာ

လူမှု အင်တာနက် ကွန်ယက် Facebook စာမျက်နှာမှာ ဒေါ်အောင်ဆန်းစုကြည်ကို ရည်ရွယ်ပြီး အသက်အန္တရာယ်ခြိမ်းခြောက်ရေးသားခဲ့သူကို သက်ဆိုင်ရာမြို့နယ် ရဲတပ်ဖွဲ့တွေက စုံစမ်းရှာဖွေမှုတွေ လုပ်ခဲ့ပေမဲ့ အခုချိန်ထိ အတည်ပြုနိုင်ခြင်း မရှိသေးဘူး လို့ ရဲဘက်က ဗွီအိုအေကို ပြောပါတယ်။ အခုလို ရဲတပ်ဖွဲ့ရဲ့ စုံစမ်းဆောင်ရွက်ချက်တွေကို NLD အနေနဲ့စောင့်ကြည့်နေကြောင်း ပါတီပြောခွင့်ရ ပုဂ္ဂိုလ်ကလည်း ဗွီအိုအေကိုပြောပါတယ်။ ဒေါ်အောင်ဆန်းစုကြည် သမ္မတ မဖြစ်အောင် ကန့်သတ်ထားတဲ့ ဖွဲ့စည်းပုံ အခြေခံ ဥပဒေ ပုဒ်မ (၅၉) (စ)ကို လွှတ်တော်မှာ ဆိုင်းငံ့ပြီး သမ္မတဖြစ်အောင် ဆောင်ရွက်မယ့် နည်းလမ်းကို NLD ကကြိုးစားနေတယ်ဆိုတဲ့ သတင်းတွေထွက်လာချိန်မှာဒေါ်အောင်ဆန်းစုကြည်ရဲ့ အသက်အန္တရာယ်ကိုခြိမ်းခြောက်တဲ့အသံထွက်ပေါ်လာတာကြောင့် သူရဲ့လုံခြုံရေး အတွက် ဘယ်လောက်အတိုင်းအတာ အထိစီစဉ်ဆောင်ရွက်နေသလဲ ဆိုတာ လူအများစိတ်ဝင်စားနေကြတာပါ။ စုံစမ်းမေးမြန်းထားတဲ့ မအင်ကြင်းနိုင်က အကြောင်းစုံကိုပြောပြမှာပါ။

"Ye Lwin Myint " ဆိုပြီး အင်္ဂလိပ်လိုပေါင်းထားတဲ့ အမည်ရင်း၊ ကိုယ်ပိုင်ဓါတ်ပုံနဲ့ ဖွင့်ထားတဲ့ Facebook မှာ ဒေါ်အောင်ဆန်းစုကြည်ကို ရည်ရွယ်ပြီး “ပုဒ်မ (၅၉) (စ)ကို ဆိုင်းငံ့မယ် ဆိုရင် သေနတ်ဖြင့် သေအောင်သတ်ပေးမည်” ဆိုပြီး ဖေဖေါ်ဝါရီလ (၃)ရက်နေ့က ရေးသားခဲ့တာပါ။ ဒါအပြင် ရဲလွင်မြင့်နာမည်နဲ့ ရန်ကုန်နေရပ်လိပ်စာနှစ်ခု အပါအ၀င် ဖုန်းနံပါတ်တွေလဲ နာရီပိုင်းအတွင်း Facebook အတော်များများမှာ ပျံနှံ့သွားခဲ့တာကြောင့် ဒီကိစ္စနဲ့ပတ်သက်လို့ လာရောက်တိုင်ကြား၊ အမှုဖွင့်သူ မရှိသေးပေမဲ့လည်း သက်ဆိုင်ရာမြို့နယ်ရဲတပ်ဖွဲ့တွေဘက်က လိုက်လံ စုံစမ်း စစ်ဆေးမှုတွေပြုလုပ်ခဲ့ကြပါတယ်။

တာမွေမြို့နယ်လိပ်စာနဲ့ဖေါ်ပြထားတာကြောင့် တာမွေရဲစခန်းဘက်က Facebook ပိုင်ရှင် ရဲလွင်မြင့် နေထိုင်ကြောင်း ဟုတ်၊ မဟုတ် သွားရောက် စုံစမ်းခဲ့ပေမဲ့ အတည်ပြုနိုင်ခြင်း မရှိကြောင်း ကိုယ်တိုင်လိုက်လံ စုံစမ်းစစ်ဆေးခဲ့တဲ့ ရဲအရာရှိတဦးက ဗွီအိုအေကို အခုလိုပြောပါတယ်။

"လိပ်စာ သွား အတည်ပြုဆောင်ရွက်ပါတယ်ခင်ဗျ။ မေတ္တာညွန့်ရပ်ကွက် ရာဇသင်္ကြန်လမ်းလို့ သိပါတယ်ခင်ဗျ။ တာမွေ၊ မေတ္တာညွန့်ရပ်ကွက်၊ ရာဇသင်္ကြန်လမ်းလို့ ရှိပါတယ်။ ဒါပေမဲ့ တိုက် ၆၈(A) အခန်း(၁၀၁) ဆိုတဲ့လိပ်စာက ရှိကို မရှိပါဘူးခင်ဗျ။ ရဲလွင်မြင့်ဆိုတာနဲ့ ပတ်သက်လို့ ရပ်ကွက် အုပ်ချုပ်ရေးမှူးကိုလည်း မေးကြည့်ပါတယ်ခင်ဗျ။ သူတို့လည်း ရဲလွင်မြင့် Facebook  ကို သိပါတယ်။ အဲ့တာ ကျနော်တို့စုံစမ်းကြည့်တာကတော့ ရပ်ကွက်ထဲမှာ ရဲလွင်မြင့်ဆိုတာ ကြားလည်း ကြားဖူးခြင်း မရှိပါဘူး။ သူ Facebook မှာ တင်တဲ့ လိပ်စာကလည်း မှားယွင်းနေပါတယ်ဗျ။ ရာဇသင်္ကြန်လမ်းလို့ ရှိပါတယ်။ ဒါပေမဲ့ တိုက် ၆၈(A) အခန်း(၁၀၁) ဆိုတဲ့လိပ်စာက  မရှိပါဘူးခင်ဗျ။ "

မေး။   ။ အခုလိုမျိုး Facebook မှာ တိုင်းပြည်ခေါင်းဆောင်တဦး ရဲ့ လုံခြုံရေးနဲ့ပတ်သက်ပြီး အဲ့သလို ခြိမ်းခြောက်ပြီး ရေးတာမျိုး ကျတော့ ဒါ တကယ် ဖြစ်နိုင် မဖြစ်နိုင် တာဝန်ရှိသူတွေဘက်က လုံခြုံရေးနဲ့ပတ်သက်ရင် ဘယ်လိုဆောင်ရွက်နေပါသလဲ ။

ရဲအရာရှိ။   ။ "အခု ကျနော်တို့က ပြည်သူလူထုက စိတ်ဝင်စားတဲ့ ပြစ်မှုတွေ ၊ Facebook မှာ တင်လာတဲ့ မှုခင်းတွေနဲ့ပတ်သက်ပြီးတော့ ကျနော်တို့ တာမွေအပိုင်းမှာ ပါလာတဲ့ဖြစ်စဉ်တွေ ပါလာလို့ရှိရင် ကျနော်တို့ ချက်ခြင်းပဲ လူကြီးတွေရဲ့ လမ်းညွှန်ချက်အရ ချက်ခြင်းပဲ အရေးယူဆောင်ရွက်ပါတယ်ခင်ဗျ။

အခုဆိုရင် ရဲလွင်မြင့် ဖုန်းနံပတ်တွေလည်း ရပါတယ်။ ကျနော်တို့ တာမွေအပိုင်းမှာ ကျတော့ ကိုယ့်အပိုင်းမှာ စုံစမ်းပါတယ်ခင်ဗျ။"

မေး။   ။ အဲ့တော့ မရှိဘူးဆိုတော့ ဘယ်လိုဆက်လုပ်ဖို့ရှိလဲရှင့်။

ရဲအရာရှိ။   ။ " ဟုတ်ကဲ့ပါ။ ကျနော်တို့ ဖော်ပြပါ လိပ်စာအတိုင်း စခန်းမှူး မြို့နယ်မှူးဆီ ကျနော်တို့သတင်းပို့ပါတယ်ခင်ဗျ။ ကျနော်တို့ ရဲတပ်ဖွဲ့အနေနဲ့ကတော့ ပုံမှန်အတိုင်း လှည့်ကင်းတွေ ဆောင်ရွက်ပါတယ်။ ပုံမှန်အတိုင်းပါပဲခင်ဗျ။"

အခုလို ဒေါ်အောင်ဆန်းစုကြည်ကို ရည်ရွယ်ပြီး ခြိမ်းခြောက်ရေးသားခဲ့သူနဲ့ ပတ်သက်လို့ အတည်ဖြစ်၊ မဖြစ်ဆိုတာ သက်ဆိုင်ရာရဲတပ်ဖွဲ့တွေက လိုက်လံ စုံစမ်းနေကြောင်း ရဲအရာရှိတွေကပြောပါတယ်။ လောလောဆယ်မှာတော့ အမှုဖွင့် လာရောက် တိုင်ကြားသူမ ရှိသေးဘူးလို့လည်းဆိုပါတယ်။

 ရဲလွင်မြင့် ဆိုသူဟာ သူရဲ့ Facebook မှာ ဒေါ်အောင်ဆန်းစုကြည်နဲ့ NLD ကို အမြဲ တိုက်ခိုက်ရေးသားနေသူဖြစ်တယ်လို့ ပြည်တွင်းသတင်းဌာနတချို့မှာဖေါ်ပြထားပါတယ်။

အခုလို ဒေါ်အောင်ဆန်းစုကြည်ကို ရည်ရွယ်ပြီး ခြိမ်းခြောက်ရေးသားချက်တွေနဲ့ ပတ်သက်လို့ သက်ဆိုင်ရာ ရဲတပ်ဖွဲ့ရဲ့ လိုက်လံ စုံစမ်းမှုတွေကို NLD ဘက်က ကြိုဆိုကြောင်း NLD ပါတီရဲ့ ဗဟိုအလုပ်အမှုဆောင်တဦးဖြစ်သူ ဦးထွန်းထွန်းဟိန်က ဗွီအိုအေကိုပြောပါတယ်။

" ဆောင်ရွက်ချက်တွေနဲ့ပတ်သက်လို့ သူတို့ရဲ့ တာဝန်တွေကိုသူတို့ ကြိုးစားပြီးဆောင်ရွက်နေတယ်လို့ ဒီလိုပဲ ကျနော်တို့ ယုံကြည်ပါတယ်။ ကျနော်တို့ကတော့ အမျိုးသားဒီမိုကရေစီအဖွဲ့ချုပ်ဘက်ကတော့ တရားဥပဒေစိုးမိုးရေးကို ကျနော်တို့က ယုံကြည်ပါတယ်ခင်ဗျ။ တရားဥပဒေစိုးမိုးရေးကို ယုံကြည်တဲ့ အတွက် ပြည်သူ့ရဲဟာ ဆောင်ရွက်သင့်တယ် ကိစ္စကို ဆောင်ရွက်မယ်လို့ ယုံကြည်ပါတယ်။ ဆောင်ရွက်နေတယ်ဆိုရင် အဲ့ဒီ့အချက်ကို အလေးထားပြီးတော့ ကျနော်တို့ စောင့်ကြည့်နေတယ် လို့ပြောရမှာပေါ့။ အများစိုးရိမ်နေကြတာက တော်တော်လေးကို စိုးရိမ်နေကြပါတယ်။ ကျနော်တို့ကို ပြောတဲ့သူလည်း ပြောပါတယ်။ NLD ဘက်ကလည်း တတ်နိုင်သမျှ အကာအကွယ်တွေ လုပ်ဆောင်ထားပါတယ်။ လုပ်ပါတယ်။"

အရင်ကတော့ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ကို လှောင်ပြောင်သရော်တဲ့ဓါတ်ပုံနဲ့ တပ်မတော်ရဲ့အစိမ်းနုရောင် စစ်ဝတ်စုံအသစ်ကို သရော်ထားတဲ့ ဓါတ်ပုံတွေကို ဖေ့စ်ဘုတ်ခ် အင်တာနက် စာမျက်နှာမှာ ဖြန့်ဝေခဲ့တယ်ဆိုပြီး ပက်ထရစ်ခွန်ဂျာလီနဲ့ မချောစန္ဒီထွန်းတို့ကို ဆက်သွယ်ရေးဥပဒေပုဒ်မ (၆၆) (ဃ)နဲ့ ထောင်ဒဏ် (၆)လစီပြစ်ဒဏ် ချမှတ်ထားပါတယ်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com

၅၉(စ)ဆိုင်းငံ့လျှင် ဒေါ်အောင်ဆန်းစုကြည်အား လုပ်ကြံမည်ဟု ဖေ့စ်ဘွတ်ခ်တွင် ခြိမ်းခြောက်သူကို အရေးယူနိုင်ရန် ပြင်ဆင်

By

အောင်သစ်လွင်

On  

Fri, 2016-02-05 06:30

Location

ရန်ကုန်

Issue No.

No.1000 Friday, February 5, 2016

(ဓာတ်ပုံ − စိုင်းဇော်)

၅၉(စ)ဆိုင်းငံ့လိုက်ပါ က ဒေါ်အောင်ဆန်းစုကြည်အား  လုပ်ကြံမည်ဟု ဖေ့စ်ဘွတ်ခ်တွင် ရေးသားသူကို အရေးယူနိုင်ရန် ဥပဒေပညာရှင်များနှင့် တိုင်ပင် နေပြီး ဒေါ်အောင်ဆန်းစုကြည် ၏ လုံခြုံရေးကိုလည်း အထူး သတိထားနေကြောင်းအမျိုးသား ဒီမိုကရေစီအဖွဲ့ချုပ်ဗဟိုအလုပ်အမှုဆောင်ဦးဝင်းထိန်က ပြောသည်။
ဒေါ်အောင်ဆန်းစုကြည် သမ္မတဖြစ်နိုင်ရန် လွှတ်တော် တွင် ပုဒ်မ ၅၉(စ)ကို ဆိုင်းငံ့ထား မည့် အရေးကြီးအဆိုတင်သွင်း မည်ဟု သတင်းများထွက်ပေါ် နေချိန်၌ ရဲလွင်မြင့်(Ye Lwin Myint)အမည်ဖြင့် ဖေ့စ်ဘွတ်ခ် အသုံးပြုသူတစ်ဦးက ‘‘ဖွ မဆိုစကောင်း ၅၉ (စ)ကြီး ဆိုင်းငံ့လိုက်တယ်ဆိုပါစို့။ AWM ဒါမှမဟုတ် AS 50 တစ်လက်လောက်ရယ် လေ့ကျင့်ချိန် တစ်လလောက်ရယ်ပဲပေးပါ။ သေအောင်သတ်ပေးပါ့မယ်။(အတည်ပြောတာပါ)’’ဟု ရေးသားခဲ့ခြင်းဖြစ်သည်။

AS 50 နှင့် AWM တို့မှာ လက်ဖြောင့်သေနတ်အမျိုးအမည်များဖြစ်သည်။ Ye Lwin Myint အမည်ဖြင့် ဖေ့စ်ဘွတ်ခ်သုံးစွဲသူက  ဖေဖော်ဝါရီ ၃ ရက် ည ၁၀ နာရီခန့်တွင် ယင်းသို့ ရေးသားခဲ့ခြင်းဖြစ်ပြီး အကောင့်ပိုင်ရှင်ကို အရေးယူရန် ဥပဒေ ပညာရှင်များနှင့် တိုင်ပင်နေကြောင်း ဦးဝင်းထိန်ကပြောကြားသည်။
ဦးဝင်းထိန်က ‘‘ဥပဒေနား လည်တဲ့သူတွေနဲ့ တိုင်ပင်နေပါ တယ်။ အီလက်ထရွန်နစ်ဥပဒေ တွေဘာတွေရှိတယ်ဆိုတော့ ဒါ ကအကျုံးဝင်ပါတယ်။ အကျုံးဝင် တယ်ဆိုတာက မအူပင် ကိစ္စနဲ့ ကန်ကြီးထောင့်က ကိစ္စ၊ အဲဒါ ထက်ဆိုးတာပေါ့’’ဟု ပြောသည်။ ထို့အပြင်ဒေါ်အောင်ဆန်းစုကြည် ၏ လုံခြုံရေးအတွက် အထူးသတိထားသွားမည်ဖြစ်ကြောင်း ၎င်းကပြောသည်။
ဒေါ်အောင်ဆန်းစုကြည်ကို ရည်ရွယ် ရေးသားသော ခြိမ်း ခြောက်စာရေးသားသူကို အရေး ယူရန် နိုင်ငံရေးအသိုင်းအ၀ိုင်းက တောင်းဆိုခဲ့သော်လည်း ဖေဖော် ၀ါရီ ၄ရက် ည ၉နာရီခန့်အထိ တ ရားလိုပြု တိုင်ကြားသူ မရှိသေးသောကြောင့် အမှုမဖွင့်ရသေးကြောင်း တောင်ဥက္ကလာပမြို့နယ်ရဲစခန်းမှူးဒုတိယရဲမှူးမြင့်လွင်သန်းက ပြောသည်။
တရားလွှတ်တော်ရှေ့နေဦး ရောဘတ်စန်းအောင်က အဆိုပါ အမှုသည် ရဲအရေးပိုင်အမှုဖြစ် သောကြောင့် ရဲတပ်ဖွဲ့က တရား လိုပြုလုပ်ကာ တရားခံကို စုံစမ်း ဖော်ထုတ်သင့်ကြောင်း ပြောကြား သည်။
‘‘ဒါက ကာယကံရှင်ဟုတ်၊ မဟုတ် အရင်ဆုံးစစ်ရမယ်။ တ ကယ်ဟုတ်ရင် အစိုးရက တရား လိုလုပ်စွဲရမယ်။ နေပြည်တော် မှုခင်းတပ်ဖွဲ့မှာ Cyber Crime Department ရှိတယ်လေ။ သူတို့ တာဝန်ယူလုပ်ရမယ်။ သတင်းရ ရင် ရချင်း အမှုဖွင့်ရမယ်ဆိုတာ ရဲတပ်ဖွဲ့ဥပဒေမှာ ပါပြီးသား။ ရဲ တာဝန်ရဲအလုပ်လုပ်ရမယ်။ ဒါ ရဲ အရေးပိုင်တဲ့အမှုပါ’’ဟု ဦးရော ဘတ်စန်းအောင်က ပြောကြားသည်။
ရဲလွင်မြင့် အကောင့်သုံးစွဲသူသည် ရန်ကုန်မြို့ တောင်ဥက္ကလာပမြို့နယ်တွင် ဖွင့်လှစ်ထားသော Bee Wash ကားရေဆေးလုပ်ငန်း၌ ရှယ်ယာ ထည့်ဝင်ထားသူတစ်ဦးဖြစ်ကြောင်း ဖေ့စ်ဘွတ်ခ်သုံးစွဲသူများက အချင်းချင်းမျှဝေအသိပေးထားကြသည်။
ထို့ကြောင့် အဆိုပါ ကား ရေဆေးလုပ်ငန်းမှ တာဝန်ရှိသူ များက ရဲလွင်မြင့်၏ လုပ်ရပ်မှာ လုပ်ငန်းနှင့် မသက်ဆိုင်ကြောင်း ရှင်းလင်းခဲ့သည်။
Bee Wash ကားရေးဆေး လုပ်ငန်းရှယ်ယာရှင်တစ်ဦးဖြစ်သူ ကိုလင်းထက်ရှိန်းကလည်း အ ကောင့်ပိုင်ရှင် ရဲလွင်မြင့်၏ လုပ် ရပ်သည် ကျန်ရှယ်ယာရှင်များနှင့်မသက်ဆိုင်ကြောင်း အလေးအနက်ပြောသည်။ ရဲလွင်မြင့်ကို  ၎င်းတို့လည်းဆက်သွယ်၍ မရတော့ ကြောင်းပြောကြားသည်။
ရဲလွင်မြင့် အကောင့်ပိုင်ရှင်၏ ဖုန်းနံပါတ်နှစ်ခုကို ၎င်းနှင့် သိကျွမ်းသူ အချို့က လူမှုကွန်ရက်တွင် တင်ခဲ့ပြီး ယင်းဖုန်းနံပါတ်များသို့ ဆက်သွယ်သော်လည်း စက်ပိတ်ထားသည်။
လက်ရှိအချိန်သည်အစိုးရ အကူးအပြောင်းကာလ ဖြစ်နေ သောကြောင့် နိုင်ငံရေးမတည်ငြိမ် အောင်ဖန်တီးသူများ၏ အန္တရာယ် အပြင် ဒေါ်အောင်ဆန်းစုကြည်၏ လုံခြုံရေးအထူးသတိထားရန်လို အပ်နေပြီး ရဲတပ်ဖွဲ့က အထူးတာ ၀န်ယူပေးရန်လိုအပ်ကြောင်း ဦး ရောဘတ်စန်းအောင်က တိုက် တွန်းသည်။
‘‘အာဏာ အလွှဲအပြောင်း ကာလ ဖြစ်တဲ့အတွက် ဆိုတော့ အာဏာ လက်မလွှတ်ချင်တဲ့သူ တွေရဲ့ အန္တရာယ်ကိုလည်းသတိ ထားရမယ်။ ဒေါ်အောင်ဆန်းစုကြည်က သာမန်ပုဂ္ဂိုလ် မဟုတ် ဘူး။ ဗိုလ်ချုပ်မှူးကြီးဟောင်းသန်း ရွှေကိုယ်တိုင်အသိအမှတ်ပြုထား တဲ့ တိုင်းပြည်ခေါင်းဆောင်သစ်။ အဲဒီတော့ ပြည်ထဲရေးဝန်ကြီးဌာန က တာဝန်ရှိတယ်။ ဒါကအရေး ကြီးတဲ့ကိစ္စ၊ ဟုတ်မှန်ရင် ပေါ့လို့ မရဘူး’’ ဟု ၎င်းက ဆက်လက်ပြောသည်။
ရဲလွင်မြင့်ကို အရေးယူပေးရန် နိုင်ငံရေးပါတီအသိုင်းအ၀ိုင်းနှင့် ပြည်သူလူထုက လူမှုကွန်ရက်မှ တစ်ဆင့် တောင်းဆိုနေကြသည်။ ရန်ကုန်တိုင်းဒေသကြီး လွှတ်တော်ကိုယ်စားလှယ်ဦးနေ ဘုန်းလတ်ကလည်း‘‘ဖေဖော်ဝါရီ ၄ ရက်က ယူနီဖောင်းအရောင်ကို ဒေါ် အောင်ဆန်းစုကြည်ရဲ့ ထဘီအရောင်နဲ့ တူတယ်လို့ နှိုင်းရေးပြီး လူမှုကွန်ရက်ကို တင်ခဲ့တဲ့ ချစ်သမီးကို ထောင်ဒဏ် ၆ လချပါတယ်။ တပ်ချုပ်ပုံကိုခြေထောက်နဲ့ နင်းထားတဲ့ ဓာတ်ပုံကို ‘‘ဒီပုံကို Share ရင် ထောင်ကျတတ်တယ်။ မShare ပါနဲ့’’ဆိုတဲ့ စာသားနဲ့တင် မိတဲ့ ကိုပက်ထရစ်ခွန်ဂျာလီကို လည်း ထောင် ၆ လချပြီးပါပြီ။ အ ခုဒေါ်အောင်ဆန်းစုကြည်ကို သေ နတ်နဲ့ပစ်သတ်လုပ်ကြံပေးမယ် လို့ အဓိပ္ပာယ်ရတဲ့ စာသားတွေသူ့ ရဲ့လူမှုကွန်ရက်စာမျက်နှာပေါ်မှာ တင်လာတဲ့ ရဲလွင်မြင့်(Ye Lwin Myint)အမည်ရ အကောင့်ပိုင်ရှင် ကို မြန်မာနိုင်ငံရဲ့ တရားစီရင်ရေး မဏ္ဍိုင်က ဘယ်လိုစီရင်ဆုံးဖြတ် မလဲဆိုတာ စောင့်ကြည့်ရပါမယ်’’ ဟု ၎င်း၏ဖေ့စ်ဘွတ်ခ်တွင် ရေး သားခဲ့သည်။
လက်ရှိ အချိန်တွင် ဒေါ် အောင်ဆန်းစုကြည် အပါအ၀င် လွှတ်တော်ကိုယ်စားလှယ်များလုံ ခြုံရေးကို သတင်းရဲတပ်ဖွဲ့ဝင်များ ကသာတာဝန်ယူထားပြီး သမ္မတ နှင့် ဒုသမ္မတ နာမည်စာရင်းများ ထွက်ပြီးမှသာ အထူးလုံခြုံရေးစ တင်ယူမည်ဖြစ်ကြောင်းလက်ရှိ နိုင်ငံတော် သမ္မတ၏ လုံခြုံရေး ဆောင်ရွက်နေသော အထူးတာ ၀န်ရဲတပ်ဖွဲ့မှ ရဲအရာရှိတစ်ဦးက ပြောသည်။
7Day Daily

ရခိုင်ပြည်နယ်သို့ ပို့ဆောင်မည့် ကျည်များနှင့် အတူ မူဂျာဟစ်ဒင် တစ်ဦးကို ဘင်္ဂလာဒေ့ရ်ှနယ်စပ်တွင် ဖမ်းမိ

နိရဉ္စရာ၊ ဇန်န၀ါရီ ၅

ရခိုင်ပြည်နယ်ထဲသို့ ပို့ဆောင်မည့် ကာတူ ကျည် အလုံး ၈၀ နှင့် အတူ မူဂျာဟစ်ဒင် တစ်ဦးကို မြန်မာနိုင်ငံနှင့် နယ်ချင်းကပ်နေသည့် ဘင်္ဂလာဒေ့ရ်ှနိုင်ငံ ကော့စ်ဘာဇား (ဖလောင်းချိတ်) ခရိုင် တက်ကနက်မြို့နယ်တွင် ဖမ်းမိသည်ဟု Coxsbazarnews  တွင် သတင်းဖော်ပြသည်။

အဖမ်းခံရသူမှာ မောင်တောမြို့နယ် ခူလ်လာမ်ဒေသမှ မိုဟာမတ် ဆာလမ် (၄၀) နှစ် ဆိုသူဖြစ်ကြောင်း၊ သူ့မှာ ရိုဟိန်ဂျာအာရကန် မူဂျာဟူဒိန် ဂျာမာ့စ်အီစ္စလာမ္မစ် မော်လဘာဒီ အဖွဲ့ဝင်တစ်ဦးဖြစ်ကြောင်း၊ ယင်းကျည်များကို  ကော့စ်ဘာဇားမြို့ ပါဟာရာတိုလီနေရာမှ ယူဆောင်လာပြီး မြန်မာနိုင်ငံ ဘက်တွင်ရှိသည့် အီစ်မိုင်လေ ဆိုသူထံသို့ ပို့ဆောင်ရန် ဖြစ်ကြောင်း ထွက်ဆိုသည်ဟု ရဲကို ကိုးကားပြီး သတင်းတွင် ဖော်ပြသည်။

ဖေဖော်ဝါရီလ (၃) ရက်ညနေပိုင်းက ကော့စ်ဘာဇားမြို့မှ မြန်မာ နယ်စပ် အနီးရှိ တက်ကနက်သို့ သွားသည့် ခရီးသည်တင်ကားတစ်စီးကို ဟာဘီဆားရာ စစ်ဆေးရေးဂိတ်တွင် ရပ်တန့် စစ်ဆေးစဉ် မူဟာမတ် ဆာလာမ်ကို ယင်းကျည် ၈၀  အပါအ၀င် အူရဒူဘာသာဖြင့် ရေးသားထားသည့် စာရွက် တစ်ချို့နှင့် အတူ  အတူဘင်္ဂလာနယ်ခြားစောင့်တပ်ဖွဲ့မှ ဖမ်းဆီး မိခြင်းဖြစ်သည်ဟု ဆိုသည်။

ယခုအခါ မိုဟာမတ် ဆာလမ်ကို လက်နက်ခဲယမ်းမီးကျောက်မှု၊ တရားမ၀င် နယ်စပ်ဖြတ်ကျော်မှု တို့ဖြင့် ရဲစခန်းတွင် တရားစွဲဆိုထားကြောင်း သိရသည်။

မောင်အေး
နိရဉ္စရာ

အစိုးရသစ်နှင့် ကေအဲန်ယူအကြား ငြိမ်းချမ်းရေးခရီး ဘယ်လိုဆက်သွားမလဲ

စောသိန်းမြင့် (ဖေဖော်ဝါရီ ၄ရက်၊ ၂၀၁၆)

၂၀၁၅ရွေးကောက်ပွဲကို အနိုင်ရတဲ့ အမျိုးသားဒီမိုကရေစီအဖွဲ့ချုပ် (NLD) ကိုယ်စားလှယ်အများစု ပါဝင်တဲ့ ဒုတိယအကြိမ် ပြည် သူ့လွှတ်တော်အစည်းအဝေးကို ဖေဖော်ဝါရီလ ၁ရက်နေ့က စတင်ကျင်းပနေပြီဖြစ်သလို ဒုတိယအကြိမ် အမျိုးသားလွှတ်တော် အစည်းအဝေးကိုလည်း ဖေဖော်ဝါရီလ ၃ရက်နေ့မှာ စတင်နေပြီဖြစ်ပါတယ်။ ပြည်တွင်းငြိမ်းချမ်းရေး၊ တရားဥပဒေစိုးမိုးရေးနှင့် အမျိုးသား ရင်ကြားစေ့ရေးတို့ကို အဓိက ဖော်ဆောင်သွားမယ်လို့ အစိုးရသစ်ကို ဦးဆောင်မယ့် NLD ပါတီက ပြောဆိုထားတာ ကြောင့် NLD အနေနဲ့ ယခင် ငြိမ်းချမ်းရေးလုပ်ငန်းစဉ်ကို လုပ်ဆောင်ခဲ့တဲ့ ကြံ့ဖွံ့အစိုးရက တာဝန်ရှိသူတွေနဲ့ ပူးပေါင်းလုပ်ဆောင် သွားမယ်လို့ ပြောဆိုနေပါတယ်။

ဖေဖော်ဝါရီ ၃ရက်နေ့က အမျိုးသားလွှတ်တော်ဥက္ကဋ္ဌဖြစ်လာသူ ကရင်ပြည်နယ်၊ မြ၀တီမြို့နယ် NLD ပါတီမှ မန်းဝင်းခိုင်သန်း က “ငြိမ်းချမ်းရေးရရှိဖို့၊ တရားဥပဒေစိုးမိုးမှု ရရှိဖို့၊ အမျိုးသားရင်ကြားစေ့ရေးရရှိဖို့ အထူးပဲ လိုအပ်ပါတယ်။ အဲဒီအတွက် ငြိမ်းချမ်း ရေး တရားဥပဒေစိုးမိုးရေးနဲ့ အမျိုးသားရင်ကြားစေ့ရေးတို့ကို ဖော်ဆောင်ပေးမဲ့ တရားဥပဒေတွေ လိုအပ်မှာဖြစ်ပါတယ်။ ကျနော် တို့ရဲ့ အမျိုးသားလွှတ်တော်ကြီးဟာ နိုင်ငံတော်ရဲ့ အာဏာကြီးသုံးသပ်ရဲ့ ဥပဒေပြုရေးအာဏာ ရရှိထားတဲ့အဖွဲ့ကြီး ဖြစ်တဲ့အား လျော်စွာ ငြိမ်းချမ်းရေး၊ တရားဥပဒေစိုးမိုးရေး၊ အမျိုးသား ရင်ကြားစေ့ရေးတို့အတွက် လိုအပ်တဲ့ ဥပဒေများကို ရေးဆွဲပြဋ္ဌာန်းဖို့၊ မလိုအပ်တဲ့ ဥပဒေများကို ပြင်ဆင်ပယ်ဖျက်ဖို့ ဆောင်ရွက်ကြရမှာဖြစ်ပါတယ်״လို့ ဒုတိယအကြိမ် အမျိုးသားလွှတ်တော် အစည်း အဝေးရဲ့ နှုတ်ခွန်းဆက်စကားမှာ ထည့်သွင်းပြောကြားခဲ့ပါတယ်။

ငြိမ်းချမ်းရေးဖော်ဆောင်မှုနဲ့ပတ်သက်ပြီး ကေအဲန်ယူရဲ့ ဥက္ကဋ္ဌဖြစ်သူ ဗိုလ်ချုပ်ကြီးစောမူးတူးစေးဖိုးကတော့ “ကျနော်တို့ ကေ အဲန်ယူအနေနဲ့ကတော့ ရှင်းပါတယ်။ နိုင်ငံရေးပဋိပက္ခဖြစ်တဲ့အတွက် နိုင်ငံရေးနည်းနဲ့ စားပွဲပေါ်မှာ ကျနော်တို့ဆက်သွားဖို့ပဲ ဖြစ် ပါတယ်။ နောက်တက်လာတဲ့ အစိုးရကတော့ သူတို့ရဲ့ ပေါ်လစီတော့ ကျနော်တို့ မသိသေးဘူး။ အဲဒါသူတို့အပေါ်မှာပဲ တည် တယ်။ ကျနော်တို့ကတော့ တွေ့ဆုံဆွေးနွေးရေးကို ဆက်ပြီးတော့သွားမယ်။״လို့ ဇန်န၀ါရီလ ၃၁ရက်နေ့က ကရင်အမျိုးသား လွတ်မြောက်ရေးတပ်မတော်-KNLA တပ်မဟာ(၇)ဋ္ဌာနချုပ်မှာ ကေအဲန်ယူ ဗဟိုအဆင့် ကျင်းပခဲ့တဲ့ (၆၇)နှစ်မြောက် ကရင့်အ မျိုးသားတော်လှန်ရေးနေ့မှာ သတင်းထောက်တွေကို ပြောကြားခဲ့ပါတယ်။

ကေအဲန်ယူဟာ ယခင် ဦးသိန်းစိန် ဦးဆောင်တဲ့ အစိုးရနဲ့ ငြိမ်းချမ်းရေးဖော်ဆောင်မှုကို တစ်နိုင်ငံလုံး အပစ်အခတ်ရပ်စဲရေးစာ ချုပ် လက်မှတ်ရေးထိုးခဲ့ပြီးအဆင့်ထိ သွားနိုင်ခဲ့သော်လည်း မကြာမီ တက်လာတော့မယ့် NLD အစိုးရသစ်နဲ့ ဆက်လက် တွေ့ဆုံ ဆွေးနွေးသွားနိုင်ဖို့က စိန်ခေါ်မှုအချို့ ကြုံတွေ့ရနိုင်တယ်လို့လည်း ဝေဖန်သုံးသပ်သူတွေ ရှိပါတယ်။

လာမယ့် NLD အစိုးရဟာ လုပ်ပိုင်ခွင့်တချို့တ၀က်သာရရှိတဲ့ အစိုးရတစ်ခုသာဖြစ်တဲ့အတွက် အပြည့်အ၀ မျှော်လင့်၍မရ ကြောင်း ကရင်အမျိုးသားလွတ်မြောက်ရေးတပ်မတော်(KNLA) ဒုစစ်ဦးစီးချုပ် ဒုတိယဗိုလ်ချုပ်ကြီးစောဘောကျော်ဟဲကလည်း ကေအိုင်စီ(ကရင်သတင်းဌာန)နဲ့ သီးသန့်တွေ့ဆုံမေးမြန်းစဉ်မှာ သူ့ရဲ့အမြင်ကို ယခုလို ပြောဆိုလိုက်ပါတယ်။

“စစ်အစိုးရက အနှစ် ၂၀အတွင်းမှာ စစ်တပ်ကနေ ကျေးရွာအဆင့်ထိ တသွေး၊ တသံ၊ တမိန့် အစီအစဉ်နဲ့ ကြိုတင်ပြင်ဆင်မှု တွေ လုပ်ထားခဲ့တဲ့အပေါ်မှာ ဒေါ်အောင်ဆန်းစုကြည် အစိုးရက ဘယ်လိုပဲ ပြင်ဆင်မှုတွေ လုပ်ချင်နေပလေ့စေ ရမှာမဟုတ်ဘူး။ ဥပဒေကို ပြောင်းလဲချင်တိုင်း ပြောင်းလဲလို့မရဘူး။ အခက်အခဲ အများကြီးရှိတယ်။ ကျနော်တို့ အနည်းအကျဉ်းလောက်ပဲ မျှော် လင့်လို့ရတယ်״လို့ KNLA ဒုဗိုလ်ချုပ်ကြီးစောဘောကျော်ဟဲက ကရင်လို ပြောပါတယ်။

ဒါ့အပြင် ဒေါ်အောင်ဆန်းစုကြည်အစိုးရကို စစ်အစိုးရက အခွင့်အရေးပေးရင်တောင်မှ အပေါ်ယံ ကြည့်ကောင်းရုံမျှသာ အခွင့်အ ရေးပေးမှာဖြစ်ပြီး အပြည့်အ၀ လုပ်ကိုင်နိုင်တဲ့အဆင့်အထိ ပေးအပ်မှာမဟုတ်ကြောင်းလည်း ဒုဗိုလ်ချုပ်ကြီးစောဘောကျော်ဟဲ က ဆက်လက် ထောက်ပြပြောဆိုပါတယ်။

အလားတူပဲ KNLA စစ်ဦးစီးချုပ် ဗိုလ်ချုပ်ကြီးစောဂျော်နီကလည်း ကရင်အမျိုးသားအစည်းအရုံး(ကေအဲန်ယူ)အနေနဲ့ စစ်အစိုးရ ပဲတက်တက်၊ ဒီမိုကရေစီ အစိုးရပဲတက်တက် မိမိတို့အနေနဲ့ မိမိတို့လူမျိုးရဲ့ အခွင့်အရေးကို တိုက်ယူသွားရမှာဖြစ်တယ်လို့ (၆၇) နှစ်မြောက် ကရင်တော်လှန်ရေးအခမ်းအနားရဲ့ နိဂုံးချုပ် အမှာစကားထဲမှာ ထည့်သွင်းပြောကြားခဲ့ပါတယ်။

၂၀၁၁ခုနှစ်၊ သြဂုတ်လ ၁၈ရက်မှာ စစ်တပ်နောက်ခံ အရပ်သားအစိုးရဖြစ်တဲ့ သမ္မတ ဦးသိန်းစိန်က တိုင်းရင်းသားလက်နက်ကိုင် တော်လှန်ရေးအဖွဲ့တွေကို ငြိမ်းချမ်းရေးလုပ်ငန်းစဉ်အတွက် ကမ်းလှမ်းခဲ့ပါတယ်။ ၂၀၁၂ခုနှစ်အစမှာ အစိုးရနဲ့ တိုင်းရင်းသား လက်နက်ကိုင် တော်လှန်ရေးအဖွဲ့အစည်းတို့ အပစ်အခတ် ရပ်စဲရေးတွေကို ပြည်နယ်အဆင့်၊ ပြည်ထောင်စုအဆင့် စသည်ဖြင့် အသီးသီး လက်မှတ်ရေးထိုးခဲ့ကြပါတယ်။ အပစ်အခတ်ရပ်စဲရေး ငြိမ်းချမ်းရေးဖော်ဆောင်မှု လုပ်ငန်းစဉ် လေးနှစ်တာ ကာလအ တွင်း ရလဒ်က NCA တစ်နိုင်ငံလုံး အပစ်ရပ်စာချုပ်ကို ကေအဲန်ယူ အပါအ၀င် တိုင်းရင်းသားလက်နက်ကိုင်အဖွဲ့ ၈ဖွဲ့က ၂၀၁၅ခု နှစ်၊ အောက်တိုဘာလ ၁၅ရက်နေ့တွင် လက်မှတ်ရေးထိုးခဲ့ပါတယ်။

အဲဒီ NCA စာချုပ်ရဲ့ သဘောတူညီချက်အရ ပြီးခဲ့တဲ့ ဒီဇင်ဘာ ၁၂ရက်က ၁၆ရက်နေ့အထိ ပထမအကြိမ် ပြည်ထောင်စုငြိမ်းချမ်း ရေးညီလာခံကို ကျင်းပခဲ့ပြီး နိုင်ငံရေးဆွေးနွေးပွဲအတွက် နိဒါန်းပျိုးထားခဲ့ပေမဲ့ တိုင်းရင်းသားလက်နက်ကိုင် အဖွဲ့အစည်းအားလုံး မပါဝင်တဲ့အပေါ် စစ်မှန်တဲ့ ငြိမ်းချမ်းရေးညီလာခံ မဟုတ်ဆိုတဲ့ ဝေဖန်သံတွေ မျိုးစုံ ထွက်ပေါ်လာပါတယ်။

NLD ပါတီဥက္ကဋ္ဌ ဒေါ်အောင်ဆန်းစုကြည်က စစ်မှန်တဲ့ ပြည်ထောင်စု ငြိမ်းချမ်းရေး ညီလာခံ (သို့မဟုတ်) နိုင်ငံရေးဆွေးနွေးပွဲကို NLD အစိုးရသစ်လက်ထက်ကျမှသာ ကျင်းပသွားမယ်လို့ ပြောဆိုခဲ့ပါတယ်။ ဒါကြောင့် NLD အစိုးရသစ်ဖြစ်လာရင် ကေအဲန်ယူ အနေနဲ့ အစိုးရသစ်ကို ဘယ်လိုပူးပေါင်းဆောင်ရွက်သွားမလဲဆိုတာ ကရင်လူထုတင်မကဘဲ တိုင်းရင်းသားပြည်သူတွေအားလုံး ကပါ သိချင်လှတဲ့ မေးခွန်းတစ်ခု ဖြစ်နေပါတယ်။

ကေအဲန်ယူ အထွေထွေ အတွင်းရေးမှူးချုပ် ပဒိုစောကွယ်ထူးဝင်းက “ကျနော်တို့ရဲ့အမျိုးသားအရေးကို ပြောဆိုဆွေးနွေးဖို့ ဘယ် အစိုးရအဖွဲ့ပဲဖြစ်ဖြစ် ပူးပေါင်းလုပ်ဆောင်မယ်။ ဦးသိန်းစိန်တက်လာလို့ ဆွေးနွေးမယ်ဆိုရင် ကျနော်တို့ဆွေးနွေးမယ်။ NLD ပါတီ တက်လာလည်း ကျနော်တို့ ဆွေးနွေးမှာပဲ။ ကျနော်တို့ ပူးပေါင်းဆောင်ရွက်ရမယ်။ မြန်မာပြည် ငြိမ်းချမ်းရေးနဲ့ မြန်မာပြည်ရေးရာ တွေအားလုံးဟာ ကျနော်တို့ တိုင်းရင်းသားအားလုံးနဲ့ ဆိုင်ပါတယ်״လို့ ကရင်သတင်းဌာန မေးမြန်းစဉ်က ပြောဆိုခဲ့ပါတယ်။

ကရင်အမျိုးသားတော်လှန်ရေးသမိုင်းကို ပြန်ကြည့်ရင် လက်နက်ကိုင်တော်လှန်ရေး စတင်လာခဲ့တာဟာ စစ်ကို မက်မောလို့မ ဟုတ်ဘဲ ကိုယ်ပိုင်ပြဋ္ဌာန်းခွင့်၊ တန်းတူအခွင့်အရေးကို တောင်းဆိုခဲ့ရာမှာ အုပ်စိုးသူအစိုးရအဆက်ဆက်က မသိကျိုးကျွံပြုကာ အင်အားသုံး အကြမ်းဖက်နှိမ်နင်းမှုကြောင့် လက်နက်ကိုင်လမ်းစဉ်ကို ရွေးချယ်လိုက်ရခြင်းဖြစ်တယ်လို့ ကရင်တော်လှန်ရေးဖခင် ကြီးတွေက ပြန်ပြောင်းပြောဆိုခဲ့ကြပါတယ်။

ကေအဲန်ယူရဲ့ မျှော်မှန်းချက်ဟာ နိုင်ငံရေးပြဿနာကို နိုင်ငံရေးနည်းဖြင့် ဖြေရှင်းဖို့ဆိုပေမဲ့ အချို့သော ကရင်အမျိုးသားခေါင်း ဆောင်တွေက ငြိမ်းချမ်းရေးဖော်ဆောင်မှုလုပ်ငန်းစဉ်ကို အချိန်မဆိုင်းဘဲ ဆက်လက် လုပ်ဆောင်သွားချင်ကြသလို အချို့ကရင် ခေါင်းဆောင်တွေကမူ ငြိမ်းချမ်းရေးဖော်ဆောင်မှုလုပ်ငန်း ဖြစ်စဉ်သွားနှုန်းဟာ မြန်ဆန်လွန်းတယ်လို့ ရှုမြင်နေကြပါတယ်။

မည်သို့ပင်ဖြစ်စေကာမူ မကြာခင် ဖြစ်လာတော့မယ့် ဒေါ်အောင်ဆန်းစုကြည် ဦးဆောင်တဲ့ အမျိုးသားဒီမိုကရေစီအဖွဲ့ချုပ်(NLD) အစိုးရအဖွဲ့နဲ့ ကရင်အမျိုးသားအစည်းအရုံး(KNU)တို့ ဆက်လက် ဖော်ဆောင်မယ့် ငြိမ်းချမ်းရေးလုပ်ငန်းစဉ်ဟာ ယခင် အစိုးရ လက်ထက်က လမ်းကြောင်းအတိုင်းပဲ ဆက်သွားမလား၊ ဒါမှမဟုတ် စိန်ခေါ်မှုများစွာနဲ့ လုပ်ထုံးလုပ်နည်းတွေ ပိုမို တင်းကြပ်များ ပြားလာဦးမလားဆိုတဲ့ ပြောင်းလဲမှုတွေကို “သို့လော”များစွာနဲ့ ဆက်လက် ရှုစားသွားရအုံးမှာ ဖြစ်ပါတယ်။

စောသိန်းမြင့်
KIC - ကေအိုင်စီ
http://kicnews.org

၅၉(စ) ဆိုင်းငံ့ရေးအပေါ် လွှတ်တော်ကိုယ်စားလှယ်တွေ အမြင်

ဒေါ်အောင်ဆန်းစုကြည် သမ္မတဖြစ်ရေး တားဆီးထားတဲ့ ပုဒ်မ ၅၉(စ) ဆိုင်းငံ့ရေး အဆိုကို NLD ပါတီ ကိုယ်စားလှယ်တွေက ပြည်ထောင်စုလွှတ်တော်ကို တင်ပြဖို့ ရှိနေတယ်လို့ သတင်းတွေ ထွက်ပေါ်နေတဲ့ အပေါ် တပ်မတော်သား ကိုယ်စားလှယ်တွေ ကတော့ လက်ရှိဖွဲ့စည်းပုံ အခြေခံဥပဒေအတိုင်းပဲ သူတို့ဘက်က တုန့်ပြန်သွားမယ်လို့ ပြောနေပါတယ်။ တချိန်တည်းမှာတော့ ၅၉(စ) အပါအ၀င် ဖွဲ့စည်းပုံ အခြေခံဥပဒေပြင်ဆင်ရေးအတွက် အမျိုးသားဒီမိုကရေစီအဖွဲ့ချုပ်က ကြိုးပမ်းခဲ့ရာမှာ ဦးဆောင်သူဖြစ်တဲ့ ဦးထွန်းထွန်းဟိန်ကိုတော့ ပြည်သူ့လွှတ်တော်ရဲ့ ဥပဒေကြမ်းကော်မတီ ဥက္ကဋ္ဌအဖြစ် ဒီကနေ့ ခန့်အပ်ခဲ့ပါတယ်။ ဒီအကြောင်းတွေ ကိုတော့ နေပြည်တော် လွှတ်တော်မှာ သတင်းယူနေတဲ့ မမေခက စုံစမ်း မေးမြန်း သတင်းပေးပို့ထားပါတယ်။
ဒီကနေ့မှာ NLD ပါတီက ဦးဆောင် ကျင်းပတဲ့ လွှတ်တော်အစည်းအဝေးတွေကို စတင်ကျင်းပနေပြီဖြစ်ပါတယ်။ လက်ရှိချိန်မှာ လွှတ်တော်တွေ စတင် ကျင်းပနေတာ မှာ NLD ပါတီက ကိုယ်စားလှယ် အများဆုံးတက်ရောက်နေကြတာပါ။
ဒီပြင် လက်ရှိမှာလည်း အစိုးရဖွဲ့နိုင်လောက်တဲ့ အထိအနိုင်ရထားတာကြောင့် သမ္မတ တင်မြောက်ရေးမှာ ဒေါ်အောင်ဆန်းစုကြည်ကို သမ္မတဖြစ်ဖို့မျှော်မှန်းနေကြပါတယ်။
ဒါပေမယ့် လက်တွေ့မှာ အခြေခံဥပဒေမှာ ပါတဲ့ ပုဒ်မ ၅၉(စ)ကြောင့် သမ္မတ ဖြစ်လို့ မရနိုင်ပါဘူး။ ဒီမှာဒေါ်အောင်ဆန်းစုကြည် သမ္မတဖြစ်ရေး တားဆီးထားတဲ့ ပုဒ်မ ၅၉ (စ) ဆုိုင်းငံ့ရေး ကို လုပ်ဆောင်ဖို့ NLD ပါတီဝင်တွေက ပြင်ဆင်နေကြ တယ်လို့ သတင်းတွေ ထွက်ပေါ်နေပါတယ်။
ဒီသတင်းတွေအပေါ်မှာ တပ်မတော်သား ကိုယ်စားလှယ် ဗိုလ်ချုပ်တောက်ထွန်းက အခုလိုပြောဆိုခဲ့ပါတယ်။
" ကျနော်တို့ လက်တွဲဆောင်ရွက်သွားမှာဖြစ်ပါတယ်။ ဖွဲ့စည်းပုံ ၊ ဖွဲ့စည်းပုံ အခြေခံဥပဒေအတိုင်းပါပဲ။ ဒီအတိုင်းပဲ ကျနော်တို့ ဆောင်ရွက်သွားမှာဖြစ်ပါတယ်။:
ပုဒ်မ ၅၉ စ ဆိုင်းငံ့ရေး ပြင်ဆင်ရေးနဲ့ပတ်သက်လို့ ဗွီအိုအေမေးမြန်းမှုကို ဗိုလ်ချုပ်တောက်ထွန်းက အခုလိုဖြေကြားခဲ့တာပါ။
ဒီ ၅၉(စ) ပြင်ဆင်ရေးနဲ့ပတ်သတ်ပြီး တပ်မတော်ကိုယ်စားလှယ်တွေဘက်က အခုလိုပြောဆိုခဲ့သလို မကြာသေးခင်ကလည်း တပ်မတော်ကထုတ်ပြန်တဲ့ မြ၀တီ သတင်းစာတွင် ပုဒ်မ ၅၉ (စ) မပြင်ဆင်သင့်ဆုိုသည့် ဆောင်းပါးများကို ထည့်သွင်းဖော်ပြပြီး သဘောထားဖော်ပြမှုတွေရှိခဲ့ပါတယ်။
၅၉(စ) ဆိုင်းငံ့ရေးအပေါ် တိုင်းရင်းသားတွေမှာလည်း အမြင်အမျိုးမျိုးရှိနေပါတယ်။
ရှမ်းတိုင်းရင်းသားများ ဒီမိုကရေစီအဖွဲ့ချုပ် က စိုင်းသီဟကျော် က ၅၉(စ) ဆိုင်းငံ့ရေး၊ ပြင်ဆင်ရေးနဲ့ပတ်သက်ပြီး အခုလိုပြောပါတယ်။
" ကျနော်တို့ နိုင်ငံအတွက်ပေါ့နော် နိုင်ငံအတွက် ရှေ့ဆက်သွားရမယ့် ခရီးလမ်းကြောင်း ဖြောင့်ဖြူးဖို့အတွက် အဓိက ဦးစားပေး စဉ်းစားရမှာ။ ကောင်းမွန်တဲ့ အချက်ဖြစ်မယ်ဆိုရင် ကျနော်တို့ အားလုံး ဝိုင်းစဉ်းစားပြီးတော့ ထောက်ခံ သင့်ရင် ထောက်ခံပေးရမှာဖြစ်ပါတယ်။
တကယ်တမ်း ကျနော့်သဘောထား ကျနော့်တဦးတည်းရဲ့ သဘောထားကကျတော့ ဖွဲ့စည်းပုံ အခြေခံဥပဒေကို ပြဋ္ဌာန်းပြီးတဲ့နောက် မလိုအပ်တဲ့ ပုဒ်မတွေကို ဆိုင်းငံ့တဲ့ ကိစ္စကတော့  ကျနော်တို့ နည်းနည်းစဉ်းစားသင့်တယ်လို့ပေါ့နော် နောက်ပိုင်းတွေမှာ တကယ်လို့ တခြားသောအစိုးရ တခြားသော အစုအဖွဲ့တခုက ထပ်ပြီး တက်လာမယ် ဥပဒေအရ ကန့်သတ်တားမြစ်ထားတဲ့ ကိစ္စရပ်ကို ကျော်လွှားချင်တယ်ဆိုရင် အလွယ်တကူပေါ့နော် ဒီလိုကိစ္စရပ်တွေကို ဆက်လက်ဆောင်ရွက်သွားမှာကိုတော့ ကျနော်တို့ နည်းနည်း စိုးရိမ်တာပေါ့နော်။ "
ရခိုင်အမျိုးသားပါတီက ဦးဦးလှစောကလည်း သူ့ထင်မြင်ချက်ကို အခုလိုပေး ခဲ့ပါသေးတယ်။
" အဲ့တော့ ကျနော်တို့ကတော့ ဝေဖန်ရခက်ပါတယ်နော်။ ဒါပေမဲ့ တခုတော့ ပြောချင်တာ ကတော့ ကျနော်တို့ ပုဂ္ဂိုလ်အရ အမြင်ကတော့ ၅၉ စ တွေ ဘာတွေတော့ ကျနော်ကတော့ မဝေဖန်ချင်ဘူး။ ဒေါ်အောင်ဆန်းစုကြည်ကတော့ သမ္မတဖြစ်ထိုက်ပါတယ်နော်။ ကျနော်တို့ ပုဂ္ဂိုလ်ရေးဆန္ဒပေါ့။
အခု ကျနော်တို့သွားတဲ့ အလှည့်အပြောင်းဆိုတာက ဘယ်လောက်ပဲ ဆန္ဒရှိရှိပေါ့နော်။ ဒါ တပ်မတော်ရဲ့ အခန်းကဏ္ဍနဲ့ ညှိနှိုင်းသွားမယ့် လုပ်ရပ်ပေါ့လေ။ အဲ့ဒီ့ သိပ်ပြီးတော့ Risk များတဲ့ လုပ်ရပ်ကိုတော့ လူကြီးတွေ လုပ်မယ်တော့ မထင်ပါဘူး။"
NLD ပါတီကနေ ၄၃၆ ဥပဒေနဲ့ အခြားသော ဖွဲ့စည်းပုံအခြေခံဥပဒေတွေပြင်ဆင်ရေး ကြိုးပမ်းခဲ့တာမှာ ဦးဆောင် ပါဝင်ခဲ့သူ NLD ပါတီ ဗဟိုအလုပ် အမှုဆောင် ဦးထွန်းထွန်းဟိန်ကို ဒီကနေ့မှာ ပြည်သူ့လွှတ်တော် ဥပဒေကြမ်းကော်မတီ ဥက္ကဋ္ဌအနေနဲ့  ခန့်အပ်လိုက်ပါတယ်။ ဥပဒေကြမ်းကော်မတီ ဥက္ကဋ္ဌ ဖြစ်သူ ဦးထွန်းထွန်းဟိန်က ၅၉(စ) ပြင်ဆင်ရေး ဒါမှမဟုတ် ဆိုင်းငံ့ရေး နဲ့ အပေါ် အခုလိုပြောထားပါတယ်။
" ဒီပုဒ်မ ၅၉ (စ) ကို အန်ကယ်လ်တို့က ဆိုင်းငံ့တယ် ဆိုတာပေါ့နော်။ နိုင်ငံသမိုင်းမှာ ဒီလိုဆိုင်းငံ့တဲ့သာဓကများ ရှိဖူးပါတယ်။ ၅၉ (စ) ကို ပြည်သူအများ စိတ်ဝင်စားတယ် ဆိုတာကိုလည်း အန်ကယ်လ်တို့ သိနေပါတယ်။ ကြားလည်း ကြားနေတာပေါ့လေ။ ဒီအကူးအပြောင်း transition အချိန်ပေါ့လေ  ညှိနှိုင်းရေးက အတော်လေးကို complicated ဆိုတာကိုလည်း အန်ကယ်လ်တို့ သဘောပေါက်ပါတယ်။ "
တည်ဆဲဥပဒေတွေအရ လွှတ်တော်တွင်းက ၇၅ရာခိုင်နှုန်းအထက်ရှိတဲ့ လွှတ်တော်ကိုယ်စားလှယ်တွေသဘောတူမှသာ ဖွဲ့စည်းပုံအခြေခံ ဥပဒေတွေကိုပြင်ဆင်နိုင် ဆိုင်းငံ့နိုင်မှာပါ။ အခုလက် ရှိချိန်မှာတော့ NLD ပါတီကိုယ်စားလှယ်အများစု လွှတ်တော်တက်နေရပေမယ့် ၇၅ရာခိုင်နှုန်း အထက်မရှိသေးတာကြောင့် ဒီဥပဒေကို ပြင်ဆင်ဖို့ ဒါမှမဟုတ် ဆိုင်းငံ့ ဖို့အတွက်က အခြားသော တိုင်းရင်းသားကိုယ်စားလှယ်တွေနဲ့ တပ်မတော်က ပါဝင်မှသာ ပြင်ဆင် ဒါမှမဟုတ် ဆိုင်းငံ့နိုင်မှာပါ။
ပြင်ဆင်လိုတဲ့ ၅၉(စ) ဥပဒေဟာ သမ္မတဖြစ်နိုင်ဖို အရည်အချင်း သတ်မှတ်ထားတဲ့ဥ ပဒေတခုဖြစ်ပါတယ်။ သမ္မတ ဖြစ်မယ့်သူအနေနဲ့ ကိုယ်တိုင် ဒါမှမဟုတ် မိဘ၊ဆွေမျိုး၊သားသမီး၊ ခင်ပွန်း၊ ဇနီး စတဲ့သူတွေက နိုင်ငံခြားသား တိုင်းတပါးသား ခံယူသူ မဖြစ်စေရလို့ ဖော်ပြထားတာပါ။
လက်ရှိမှာ ဒေါ်အောင်ဆန်းစုကြည်ရဲ့ သား၂ဦးစလုံးဟာ ဗြိတိန် နိုင်ငံသားအဖြစ်သာ ရှိနေပါသေးတာကြောင့် ဒီဥပဒေအရ ညှိစွန်းနေတဲ့ အတွက် ဒေါ်အောင်ဆန်းစုကြည် ဟာ သမ္မတဖြစ်ဖို့ ခက်ခဲနေတာဖြစ်ပါတယ်။ လက်ရှိမှာ NLD ပါတီဘက်ကနေ ၅၉(စ)ကို ပြင်ဆင်ဖို့ ဆိုင်းငံ့ဖို့ လုပ်ဆောင်နေတယ် လို့ သတင်းတွေထွက်ပေါ်နေပေ မယ့် NLD ပါတီကတော့ ဒါကိုငြင်းဆိုတာ ထောက်ခံတာ ဒီဟာကို လုပ်ဆောင်နေတာ ဟုတ် မဟုတ်ကို လည်း တိကျစွာပြောဆိုခြင်း မရှိသေးပါဘူး။

VOA

ပုဒ်မ ၅၉(စ) ပြင်ဆင်မှုကို ဖွဲ့စည်းပုံအခြေခံဥပဒေ အတိုင်းသာ ဆောင်ရွက်မည်ဟု တပ်မတော်သား ကိုယ်စားလှယ် ဗိုလ်ချုပ်တောက်ထွန်း ပြော

ဒေါ်အောင်ဆန်းစုကြည် သမ္မတ တာဝန် ထမ်းဆောင်နိုင်ရေး အတားအဆီးတစ်ခု ဖြစ်စေသည့် ၂၀၀၈ ဖွဲ့စည်းပုံ အခြေခံဥပဒေပါ ပုဒ်မ ၅၉(စ) ပြင်ဆင်လိုမူအား ဖွဲ့စည်းပုံ အခြေခံဥပဒေ အတိုင်းသာ ဆောင်ရွက်သွားမည်ဟု ပြည်သူ့လွှတ်တော် တပ်မတော်သား ကိုယ်စားလှယ် ဗိုလ်ချုပ်တောက်ထွန်းက ဖေဖော်ဝါရီ ၃ ရက်နေ့တွင် ပြောသည်။

“ပုဒ်မ ၅၉(စ) ပြင်ဆင်ရေးနဲ့ပတ်သက်ပြီး ဖွဲ့စည်းပုံ အခြေခံဥပဒေအတိုင်းပဲ ဆောင်ရွက်သွားမှာ ဖြစ်ပါတယ်။ ဥပဒေအတိုင်း ဆောင်ရွက်သွားမှာ ဖြစ်ပါတယ်" ဟု ၎င်းကဆိုသည်။

ဖေဖော်ဝါရီ ၃ ရက်နေ့ ပြည်သူ့လွှတ်တော် အစည်းအဝေး ပြီးဆုံးချိန်တွင် မီဒီယာများးက ပုဒ်မ၅၉(စ) ပြင်ဆင်မှုနှင့် ပတ်သက်ပြီး မေးမြန်းခြင်းကို ဗိုလ်ချုပ်တောက်ထွန်းက အထက်ပါအတိုင်း ပြောခြင်းဖြစ်သည်။

ယင်းအပြင် ယခုလွှတ်တော်တွင် အမျိုးသားဒီမိုကရေစီ အဖွဲ့ချုပ်ပါတီ ကိုယ်စားလှယ် အများအပြား ရှိသော်လည်း နိုင်ငံအတွက် ကောင်းစားမည်ဆိုပါက အတူတကွ လက်တွဲဆောင်ရွက်သွားမည် ဖြစ်ကြောင်းလည်း ၄င်းက ထပ်လောင်း ပြောသည်။

အမျိုးသားဒီမိုကရေစီ အဖွဲ့ချုပ်ပါတီ နာယကဖြစ်သူ ဦးတင်ဦးကလည်း ဒေါ်အောင်ဆန်းစုကြည် သမ္မတ ဖြစ်ရမည်ဟု ကြွေးကြော်ထားပြီး ပုဒ်မ ၅၉(စ) သည် အဟန့်အတား တစ်ခုသဖွယ် ဖြစ်နေသော်လည်း မည့်သည့်အရာမျှ တည်မြဲခြင်းမရှိဟု ပြောဆိုထားသည်။

၂၀၁၄ ခုနှစ်အတွင်း ပြုလုပ်ခဲ့သည့် ပုဒ်မ ၅၉(စ) ပြင်ဆင်ရေး ဆွေးနွေးမှုများတွင် တပ်မတော်သား ကိုယ်စားလှယ်များက တညီတညွတ်တည်း ကန့်ကွက်ခဲ့ကြပြီး ယင်းပုဒ်မမှာ လွှတ်တော်အတွင်း ဆွေးနွေးမှုများ အောင်မြင်ခဲ့ပါက လူထုဆန္ဒခံယူပွဲများပါပြုလုပ်၍ ပြင်ဆင်ရန် လိုအပ်ကြောင်း အခြေခံဥပဒေတွင် ဖော်ပြထားသည်။

သတင်း - ကိုပေါက်
Photo - httpswww.article19.org
The Ladies News Journal

နမ့်ဆန်မြို့တွင်းတွင် မွန်းလွဲ ၁ နာရီမှ စ၍ မီးလောင်ကျွမ်းမှုဖြစ်ပွား ည ၈ နာရီဝန်းကျင်ထိ ဆက်လက်လောင်နေဆဲဟု သိရ

မားနဂါး၊ လားရှိုး ၊ ၂ဝ၁၆ ခုနှစ် ဖေဖော်ဝါရီ ၄ ရက်။

ရှမ်းပြည်နယ်မြောက်ပိုင်း ပလောင်ကိုယ်ပိုင်အုပ်ချုပ်ခွင့်ရဒေသ နမ့်ဆန်မြို့တွင် ၂ဝ၁၆ ခု ဖေဖော်ဝါရီလ ၄ ရက် မွန်းလွဲ ၁ နာရီမှ စ၍ မီးလောင်ကျွမ်းမှုတစ်ခု ဖြစ်ပွားခဲ့ပြီး ယခုအချိန်ထိ (ည ၇ နာရီ ၄ဝ မိနစ်) နာရီအထိ မီးငြိမ်းသတ်နိုင်ခြင်း မရှိသေးဘဲ အိမ်ခြေ ၁ဝဝ ကျော် မီးလောင်ကျွမ်းသွားပြီ ဖြစ်ကြောင်း မီးဆက်များသည် ဆက်လက်လောင်နေဆဲ ဖြစ်သည်ဟု သိရသည်။

မြို့တွင်းရှိ မင်္ဂလာရပ်ကွက်တွင် နေထိုင်သော လက်ဖက်ပွဲရုံ ဦးပန်းစိန်၏ နေအိမ်မှ စတင်လောင်ကျွမ်းခဲ့ပြီး ယခုအချိန်(ည ၇နာရီ ၄ဝမိနစ်) အချိန်တွင် ရွှေဖီတောင်တန်းတည်းခိုခန်းနှင့် မီးများနီးကပ်လာပြီး မီးလောင်ကျွမ်းခဲ့ သည့် အကြောင်းအရင်းကို မသိရှိရသေးပဲ မီးသတ်ကားများက လာရောက် ငြိမ်းသတ်နေသော်လည်း ဆက်လက်လောင်နေဆဲ ဖြစ်ကြောင်း သိရသည်။

နမ့်ဆန်မြို့ဒေသခံဖြစ်သူ ဦးဘသောင်းက “မီးကတော့ လောင်လို့ကောင်းနေတုန်းပဲ ဝဲယာဘက်ကို လောင်နေတာ ပွဲစား ဦးပန်းစိန်အိမ်ကနေ စလောင်တယ်လို့ ပြောတာပဲ။ ရပ်ကွက် ၄၊ ၅ ရပ်ကွက်လောက် ကုန်သွားပြီ ခုမြို့ လယ်ထဲကို လောင်နေပြီ ဆက်လောင်နေရင်တော့ ရဲစခန်းထိ ကူးမှာပဲ မနက်မိုးလင်းရင်တော့ ရေမရှိတော့ ရပ်ကြည့် နေရုံက လွဲပြီး ဘာမှမလုပ်နိုင်ဘူး” ဟု ပြောပါသည်။

အဆိုပါ လောင်ကျွမ်းနေသည့် မီးများကို ငြိမ်းသတ်ရန်အတွက် ကျောက်မဲ၊ သီပေါ၊ လားရှိုးမြို့နယ်မှ မီးသတ် ကားများ ရောက်ရှိနေသော်လည်း လောင်ကျွမ်းခဲ့သည့် နေအိမ်၏ တိုင်များ၊ မီးတိုင်များသည် မြို့ဝင်လမ်းတွင် ပိတ်ဆို့နေ သည့်အတွက် မြို့တွင်းသို့ဝင်ရောက်နိုင်ခြင်းမရှိဘဲ မီးသတ်ကားများကို မြို့ဝင် ပြည်သူ့ဆေးရုံတွင်သာ ထားရှိရသည်ဟု ၎င်းက ဆိုသည်။

၂ဝ၁၂ ခုနှစ် နိုဝင်ဘာ ၂ ရက်နေ့တွင်လည်း နမ့်ဆန်မြို့မှာ မီးလောင်မှု တစ်ခုဖြစ်ပွားခဲ့ရာ အိမ်ခြေ (၅ဝ) ကျော်သာ မီးလောင်ပါသွားခဲ့ပြီး ကာလတန်ဖိုး သိန်း ၈ဝဝဝ ကျော် ပျက်ဆီးဆုံးရှုံးခဲ့သဖြင့် ယခုနှစ် ၂ဝ၁၆ ခု ဖေဖော်ဝါရီ ၄ ရက်နေ့တွင် ဖြစ်သွားခဲ့သည် မီးလောင်ကျွမ်းမှုသည် ယခင်တစ်ခေါက် ဆုံးရှုံးမှုထက် များပြားသည်ဟု သိရသည်။

Marnagar Journal

လူထုခေါင်းဆောင်ကို အသေသတ်မည်ဟု ဖေ့စ်ဘွတ်ပေါ်တွင် ခြိမ်းခြောက်သူအား တိုင်ကြားမှု ရှိပါက အရေးယူမည်ဟုဆို

 လူထုခေါင်းဆောင်ကို အသေသတ်မည်ဟု ဖေ့စ်ဘွတ်ပေါ်တွင် ခြိမ်းခြောက်သူ

 လူထုခေါင်းဆောင်ကို အသေသတ်မည်ဟု ဖေ့စ်ဘွတ်ပေါ်တွင် ခြိမ်းခြောက်သူ

လူမှုကွန်ယက် စာမျက်နှာ (Facebook) ပေါ်တွင်ဖေဖော်ဝါရီ လ ၃ ရက်နေ့ ညပိုင်းက Ye Lwin Myint ဆိုသူ အကောင့်မှ နိုင်ငံရေး ခေါင်းဆောင် တစ်ဦးအား အသေသတ်မည်ဟု ခြိမ်းခြောက်ရေးသားခဲ့မှုကို တိုင်းကြားမှု ရှိပါက အရေုးယူဆောင်ရွက်သွားမည်ဖြစ်ကြောင်း ရန်ကုန်တိုင်းဒေသကြီး ရဲတပ်ဖွဲ့ ၊ ဒုတိုင်းမှူး ရဲမှူးကြီး က News Watch သို့ပြောသည်။
“ကျွန်တော်တို့ကတော့ မဖတ်ရသေးဘူးဗျ။ လောလောဆယ်တော့ ကျွန်တော်တို့ဆီကို မရောက်သေးဘူး။ တိုင်ကြားလို့ရှိရင် အရေးယူမလားဆိုတော့ ဒါကတော့ အရင်ကလည်း အင်တာနက် ပေါ်မှာ ရေးသားမှုတွေ ဖြစ်စဉ်တွေ ရှိခဲဖူးတယ်။ ယခင်ဖြစ်စဉ်မှာလည်း တိုင်ကြားတဲ့သူက အမှုလာဖွင့်ရင် ကျွန်တော်တို့က ဆောင်ရွက်ပေးတာပေ့ါ။ သူကို ဆက်သွယ်ရေး ဥပဒေပုဒ်မနဲ့အရေးယူမှာပေ့ါဗျာ။ ကာယကံရှင်ဘက်က တိုင်ကြားဖို့တော့ လိုတာပေ့ါဗျ။ မတိုင်ရင်တော့ မသိဘူးပေ့ါ။ စခန်းကို လာတိုင်ပြီလား မတိုင်ဘူးလားဆိုတာ မသိသေးဘူး။ ကျွန်တော်တို့က တခြား အလုပ်တွေနဲ့ ရှုပ်နေလို့ အဲ့ဒါတွေလည်း မဖတ်ဖြစ်ပါဘူး။” ဟု ရဲမှူးကြီးကပြောသည်။

Ye Lwin Myint အကောင့် ပိုင်ရှင်သည် ၄င်း၏ Facebook ပေါ်၌ ဖေဖော်ဝါရီလ ၃ ရက်နေ့ ညပိုင်းတွင် “ပုဒ်မ ၅၉ (စ) ကို ဆိုင်းငံ့လိုက်ပြီ ဆိုပါက AWM သို့မဟုတ် AS 50 သေနက် တစ်လက် နှင့် လေ့ကျင့်ချိန် ၁ လသာ လိုအပ်ကြောင်း ၊ အသေသတ်မည်ဖြစ် ကြောင်း၊ အတည်ပြောတာပါ ”ဟု စသည့် စာသားများ ရေးသားခဲ့ခြင်းဖြစ်သည်။ အဆိုပါ စာသားများသည် လက်ရှိ လွှတ်တော်တွင် ပုဒ်မ ၅၉ (စ) အား ဆိုင်းငံ့မည်ဟု သတင်းများ ထွက်ပေါ်နေခြင်းနှင့် အမျိုးသားဒီမိုကရေစီအဖွဲ့ချုပ် အနိုင်ရပါတီ ဥက္ကဌ ဒေါ်အောင်ဆန်းစုကြည်အား ရည်ညွန်းသည်ဟု ထင်မြင်ကာ အင်တာနက် အသုံးပြုသူများက Facebook ပေါ်တွင် ဝေဖန်မှုများပြုလုပ်ခဲ့သည်။

ယခင်ကလည်း အင်တာနက် စာမျက်နှာပေါ်တွင် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် အား လှောင်ပြောင် သရော်ထားသည့် ဓါတ်ပုံကို လူမှုကွန်ရက် စာမျက်နှာ (Facebook) ပေါ်တွင် မျှဝေခဲ့သည့်အတွက် ဦးပက်ထရစ်ခွန်ဂျာလီကို ဆက်သွယ်ရေး ဥပဒေ ပုဒ်မ ၆၆ ဃ ဖြင့် ဖမ်းဆီး စစ်ဆေးလျှက်ရှိသည်။ ယင်းပြင် မအူပင်မြို့နယ် တွင် နေထိုင်သူ အသက် ၂၅ နှစ် အရွယ် မချောစန္ဒီထွန်းသည် ဒေါ်အောင်ဆန်းစုကြည် အ၀တ်အစားအရောင်နှင့် တပ်မတော်၏ အစိမ်းနုရောင် စစ်ဝတ်စုံ အသစ်ကို နှိုင်းယှဉ်ထားသည့် ဓါတ်ပုံကို လူမှုကွန်ယက် စာမျက်နှာ (Facebook) ပေါ် တွင် မျှဝေပြီး ဝေဖန်သရော်စာရေးသားခဲ့သည့်အတွက် ဆက်သွယ်ရေး ဥပဒေ ပုဒ်မ ၆၆ ဃ နှင့် ထောင်ဒဏ် ၆လ ပြစ်ဒဏ်ချမှတ်ခြင်းခံခဲ့ရသည်။ အလားတူ ကဗျာဆရာမောင်းဆောင်းခ သည် လည်း သမ္မတ ကြီးအား သရော်သည့် ကဗျာ ရေးသားခဲ့သည့်အတွက် ယင်းဥပဒေဖြင့် ရေးယူခြင်းခံခဲ့ရပြီး ကိုဇော်မျိုးညွန့်သည်လည်း တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် အား လှောင်ပြောင် သရော်ထားသည့် ဓါတ်ပုံ တင်ခဲ့သည့်အတွက် အဆိုပါ ဥပဒေဖြင့်ပင် အရေးယူခံခဲ့ရသည်။

နေမင်းခ
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal