တနင်္သာရီတိုင်းအတွင်း မြို့နယ် ၄ ခုတွင် ကျောင်းပြင်ပ ပညာရေးကျောင်း ၂၂ ကျောင်း အကောင်အထည်ဖော်

|Dawei Watch| ထားဝယ်၊ ဇူလိုင် ၅

တနင်္သာရီတိုင်းဒေသကြီးအတွင်းရှိ မြို့နယ် ၄ မြို့နယ်၌ မူလတန်းအဆင့် ကျောင်းမပြီးသေးသောသူများကို ကျောင်းပြင်ပ ပညာရေးကျောင်း ၂၂ ကျောင်းတွင် ပြီးခဲ့သည့် လလယ်မှ စတင်သင်ကြားပေးလျက်ရှိကြောင်း ကျောင်းပြင်ပ ပညာရေး တိုင်းဒေသကြီး ကြီးကြပ်ရေးမှူး ဦးသန်းညွန့်က ပြောကြားသည်။

ယခုနှစ်အတွက် ဇွန်လ ၁၆ ရက်နေ့တွင် စတင် သင်ကြားပြီး ပညာရေးဝန်ကြီးဌာန၊ Unicef နှင့် အလှူရှင်တို့က ပူးပေါင်းကာ ထားဝယ်မြို့နယ်တွင် ၆ ကျောင်း၊ လောင်းလုံးမြို့နယ်တွင် ၃ကျောင်း၊ ပုလောမြို့နယ်တွင် ၆ ကျောင်း၊ မြိတ်မြို့နယ်တွင် ၇ကျောင်းတို့တွင် သင်ကြားပေးလျက်ရှိကြောင်း အထက်ပါ ကြီးကြပ်ရေးမှူးက ပြောသည်။

“ကျောင်းတက်မယ့် ကျောင်းသားဦးရေ စာရင်းပို့ထားတာ ၁၂၉ဦး ရှိတယ်”ဟု ဦးသန်းညွန့်က ဆိုသည်။

အဆိုပါ ကျောင်းပြင်ပပညာရေးကျောင်းများကို ထားဝယ်မြို့နယ်တွင် Unicef က လည်းကောင်း၊ ပုလောမြို့နယ်ကို
အမှတ်(၁) အခြေခံပညာဦးစီးဌာနက လည်းကောင်း၊ လောင်းလုံးမြို့နယ်နှင့် မြိတ်မြို့နယ်တို့တွင် အလှူရှင်များက လည်းကောင်း တာဝန်ယူပြီး ယင်းကျောင်းများတွင် ကျောင်းဆရာဆရာမနှင့် ပြင်ပမှ ဆရာဆရာများက သင်ကြားပေးလျက်ရှိသည်ဟု သိရသည်။

ကျောင်းပြင်ပပညာရေးကျောင်း တက်ရောက်မည့်သူသည် မူလတန်းအဆင့် ပညာရေး မပြီးဆုံးသေးသူ၊ အသက် ၁၀နှစ်မှ ၁၄
နှစ်အကြားရှိသူ ဖြစ်ရမည် ဖြစ်သည်။

ကျောင်းသား ကျောင်းသူများကို စာအုပ်၊ ထီး၊ ပိုးအိတ်၊ အင်္ကင်္ျီတို့ကို ထောက်ပံ့ပေးပြီး တနေ့လျှင်  ကျောင်းသားများ အားလပ်သည့်အချိန်တွင် ၂နာရီခွဲ၊ တပတ်တွင် ၆ ရက် သင်ကြားပေးလျက်ရှိသည်ဟု တိုင်းကြီး ကြပ်ရေးမှူး ဦးသန်းညွန့်က ရှင်းပြသည်။

ကျောင်းသားများက မိသားစုဝင်ငွေရှာဖွေရန်အတွက် ကျောင်းပျက်သည့်အခါ အုပ်ချုပ်ရေးမှူးများကို အကူအညီ တောင်းခံသော်လည်း လိုက်လံခေါ် မပေးခြင်း၊ အုပ်ချုပ်ရေးမှူးများ စိတ်ဝင်စားမှုနည်းခြင်းတို့ကြောင့် ကျောင်းသား ပျောက်သွားသည်မျိုး ကြုံတွေ့ရလေ့ရှိကြောင်း ဦးသန်းညွန့်က ပြောသည်။

တိုင်းအတွင်း ကျောင်းပြင်ပပညာရေးကို ၂၀၁၁ခုနှစ်မှစ၍ စတင်ဆောင်ရွက်ခဲ့ပြီး ပြီးခဲ့သည့်နှစ်က ၁၃၂ဦးတက်ရောက် သင်ကြားခဲ့ကာ ၉၂ရာခိုင်နှုန်း အောင်မြင်ခဲ့သည်ဟု သိရသည်။

Dawei Watch

ပြန်လည်ငြိမ်သက်လာတဲ့ မန္တလေး

မတည်မငြိမ်မှု ၄ ရက်ကြာ ဖြစ်ပွားအပြီးမှာတော့ မန္တလေးမြို့နဲ့ အနီးတဝိုက်ဟာ ဒီကနေ့ စနေနေ့မှာ  ငြိမ်သက်သွားပါပြီ။

 မန္တလေးမြို့လယ်တနေရာတွင် တွေ့ရသော လုံခြုံရေးတပ်ဖွဲ့ဝင်များ

ပဋိပက္ခတွေထပ်ဖြစ်လာမှာကိုတော့ စိုးရိမ်ပူပန်နေရတယ်လို့ ဒေသခံတို့က ဆိုပါတယ်။

ကျုံးရဲ့ အရှေ့တောင်ဘက် ပဋိပက္ခတွေဖြစ်ပွားခဲ့တဲ့လမ်းတချို့မှာတော့ ဆိုင်တွေ ပိတ်ထားတုန်းပဲ၊
လုံခြုံရေးတပ်ဖွဲ့ဝင်တွေကိုလည်း အဲဒီအနီးတဝိုက်မှာ ချထားပါတယ် လို့ ဧရာဝတီသတင်းတပုဒ်
 http://www.irrawaddy.org/burma/mandalay-quiet-residents-live-fear.html မှာ ရေးပါတယ်။ ရဲတပ်ဖွဲ့ကတော့ ပဋိပက္ခနဲ့ပတ်သက်နေတယ်လို့ယူဆရသူတချို့ကို ထိန်းသိမ်းထားကြောင်း ပြောပြပါတယ်။

မန္တလေးခရိုင်ရဲမှူးစိန်ထွန်းရဲ့အဆိုအရ ခုချိန်အထိ ဖမ်းဆီးစစ်ဆေးနေတာ ၁၁ ဦး ရှိပါတယ် တဲ့။

ဒေသလုံခြုံရေးအတွက် ရဲတပ်ရင်း ၃ ရင်း ချထားတယ်၊ စစ်တပ် အကူအညီတော့ မတောင်းသေးဘူးလို့ သူက ဒီညနေပိုင်းမှာ ပြောပြပါတယ်။

ရဲချုပ်၊ ပြည်ထဲရေးဝန်ကြီးတို့လည်း မန္တလေးရောက်နေတယ်လို့ ဆိုပါတယ်။

• ဆိုခဲ့သလိုပဲ ... ပြီးခဲ့တဲ့ရက်ပိုင်း ပဋိပက္ခကြီးထွားခဲ့တဲ့နေရာမှာတော့ ဆိုင်တွေ ပိတ်ထားတယ်၊ ဆိုင်ရှင်တယောက်ကတော့ အခြေအနေအရ ပိတ်ထားတာပဲ ပိုကောင်းပါတယ်၊ စီးပွားတော့ ထိခိုက်ပေမယ့် လုံခြုံရေးက အဓိကကျတာကြောင့် ပိတ်ထားကြတယ်လို့ ရှင်းပြပါတယ်။

မြို့လယ်ခေါင်ဈေးကြီးတွေကတော့ မပိတ်ပါဘူး။ သို့သော်လည်း ဈေးထဲကဆိုင်အများစုကတော့ ပိတ်ပါတယ်။ တရုတ်တန်းနားကဆိုင်တွေ အပါအ၀င်ပေါ့။

ရှေ့ဆက် ဘာဖြစ်လာဦးမလဲဆိုတာ ကျမတို့ သိနိုင်တာမဟုတ်ဘူး၊  တခုခု ထပ်ဖြစ်ရင်တော့ ဆိုင်က ရုတ်တရက် ပိတ်လိုက်လို့ ရတာမဟုတ်ဘူး၊
အိမ်ကိုလည်း ချက်ချင်းပြေးလို့မရဘူးလို့ ရှင်းပြပါတယ်။
ဧရာဝတီ

အမျိုးသမီးတစ်ဦးကို မြိတ်လေတပ်စခန်းဋ္ဌာနချုပ်မှ တပ်သားတစ်ဦးက ရိုက်နက်

ရိုက်နက်ခံရသူကို ဆေးရုံပေါ်တွင် တွေ့ရစဉ်
ဓာတ်ပုံ - ဇော်ဇော်/Dawei Watch

Dawei Watch| မြိတ်၊ ဇူလိုင် ၃


တနင်္သာရီတိုင်းဒေသကြီး၊ မြိတ်မြို့နယ်ရှိ မြိတ်လေတပ်စခန်းဋ္ဌာနချုပ်အနီးတွင် လုံခြုံရေးတပ်သားတစ်ဦးသည် မြိတ်တောင်ကျေးရွာအုပ်စု၊ တောထွက်ကြီးကျေးရွာမှ ကုန်းဖောက်ကျေးရွာသို့ ဈေးဝယ်လာသူ အသက်နှစ်ဆယ်ကျော်အရွယ် အမျိုးသမီးတစ်ဦးကို အကြောင်းမဲ့ရိုက်နှက်မှုတစ်ခုဖြစ်ပွားခဲ့ကြောင်း မြိတ်အထွေထွေရောဂါကုဆေးရုံးကြီးထံမှ သိရသည်။


မြိတ်တောင်ကျေးရွာအုပ်စု၊ တောထွက်ကြီးကျေးရွာ၌ နေထိုင်သော ယင်းအမျိုးသမီးသည်  မြိတ်လေတပ်စခန်းဋ္ဌာနချုပ် လေယာဉ်ကွင်းတိုးချဲ့စီမံကိန်းတွင် လုပ်ကိုင်နေသော နေ့စားပန်းရံ အလုပ်သမားတစ်ဦးဖြစ်ပြီး ဇူလိုင်လ ၂ ရက်နေ့ ညနေပိုင်း ၄ နာရီအချိန်ခန့်က ဈေးဝယ်ရန် ထွက်လာချိန်တွင် လေတပ်စခန်းဋ္ဌာနချုပ်၏ လုံခြုံရေးတပ်သားတစ်ဦးက မူးယစ်ရမ်းကားပြီး တုတ်ချောင်းဖြင့် ရိုက်နှက်ခဲ့ကြောင်း ယင်း အမျိုးသမီး၏ မိသားစုဝင်များက ပြောကြားသည်။


အခင်းဖြစ်ပွားချိန်တွင် လေယာဉ်ကွင်းတိုးချဲ့စီမံကိန်း ဧရိယာအနီး ကင်းပုံးတွင် လုံခြုံရေးယူထားသည့် တပ်သားတစ်ဦးသည် အပေါ်ပိုင်းအရပ်ဝတ်အင်္ကျီနှင့် လေတပ်ယူနိဖောင်းဘောင်းဘီကို ၀တ်ဆင်ထားခြင်းဖြစ်ကြောင်း အဆိုပါ အမျိုးသမီး၏ ယောက္ခမတော်စပ်သူ အသက် ၄၀ ကျော် အမျိုးသားတစ်ဦးက ရှင်းပြသည်။


ထိုသို့ ရိုက်နှက်မှုကြောင့် အသက် ၂၂ နှစ် အရွယ် မထွေးငယ် ခေါ် မအိမိုး ၀ဲဖက် မျက်နှာ နှင့် မျက်လုံးတွင် ပြင်းထန်စွာဒဏ်ရာရှိပြီး မြိတ်ပြည်သူ့အထွေထွေရောဂါကုဆေးရုံကြီးတွင် ဆေးကုသခံနေရကြောင်း ယင်းဆေးရုံထံမှ သိရသည်။


"လေတပ်ကဖြစ်တဲ့ကိစ္စမို့ သူတို့ လေတပ်ကပဲ လိုက်လုပ်နေပါတယ်။ အခုထိတော့ စခန်းမှာ လာရောက်တိုင်ကြား အမှုဖွင့်ထားတာမျိုးတော့ မရှိသေးဘူး"ဟု မြိတ် မြို့နယ်ရဲစခန်းမှ တာဝန်ကျ အရာရှိတစ်ဦးကဆိုသည်။


အဆိုပါ ကိစ္စနဲ့ ပတ်သက်၍ မူးယစ်ရမ်းပြီး ပြင်ပ အရပ်သားတစ်ဦးကို အကြောင်းမဲ့ ရိုက်နှက်ခဲ့သူ တပ်သားကို မြိတ်လေတပ်စခန်းဋ္ဌာနချုပ်တွင် ချုပ်နှောင်ထားပြီး အမှုမှန်ပေါ်ပေါက်အောင် စစ်ဆေးဆောင်ရွက်သွားမည်ဖြစ်ကြောင်း ယင်းတပ်စခန်းမှ ဗိုလ်မှူး အဆင့်ရှိ အရာရှိတစ်ဦးက ဆိုသည်။


"ဟုတ်ရင်တော့ ကျွန်တော်တို့ တာဝန်အရ အရေးယူပေးသွားမှာဖြစ်တယ်။ လက်ရှိ အနေအထားအရ တပ်တွင်းကိစ္စမိုလို့ အသေးစိတ်ကိုတော့ ဖြေကြားပေးနိုင်မှာမဟုတ်ပါဘူး"ဟု ၎င်းကဆိုသည်။


မြိတ်ခရိုင်အတွင်း ပြီးခဲ့သည့် ရက်သတ္တပတ်များကလည်း တပ်မတော်သားများက အရပ်သားများကို ရိုက်နက်မှု နှစ်ကြိမ်ဖြစ်ပွားခဲ့သေးသည်။

Dawei Watch

မန္တလေးတိုင်းအစိုးရ သတင်းထုတ်ပြန်ချက် ဝေဖန်စရာဖြစ်

မန္တလေးတိုင်းဒေသကြီး အစိုးရအဖွဲ့က “မန္တလေးမြို့ပေါ် ရန်ပြုအကျိုးဖျက်ဆီးမှု အခြေအနေ ထိန်သိမ်းဆောင်ရွက်မှုသတင်း” ကို ဇူလိုင် ၃ ရက်နေ့စွဲနဲ့ ဖော်ပြပါတယ်။
တိုင်းဒေသကြီးအစိုးရအဖွဲ့ရဲ့ အင်တာနက်စာမျက်နှာပါ ဒီသတင်းဖော်ပြချက်မှာ အုပ်စုတအုပ်စုနဲ့ တအုပ်စု ရုန်းရင်းဆန်ခတ်ဖြစ်မှုတွေနဲ့ ပတ်သက်လို့ ရေးသားချက်ဟာ ရဲသတင်းမှတ်တမ်းပုံစံဖြစ်ပြီး ညွှန်းဆိုချက်တွေမှာ ဗမာလူမျိုးနဲ့ မွတ်စလင်လူမျိုးဆိုပြီး ရေးသားဖော်ပြခဲ့ပါတယ်။

တုတ်ဓားလက်နက် ကိုင်ဆောင်တာ၊ ဆိုင်ကယ်တွေအသုံးပြုပြီး  ရိုက်နှက်သတ်ဖြတ်လု ယက်မှုတွေကြောင့် လူ ၂ ဦး သေဆုံးပြီး ဒဏ်ရာရရှိသူ ၁၄ ဦး ရှိခဲ့တဲ့အကြောင်း ဖော်ပြ ထားပါတယ်။
ဒီရာဇ၀တ်မှုကြီးတွေ ကျူးလွန်သူတွေကို မဖမ်းမိပေမယ့် ရဲစခန်းဝင်းအနီးကို ခဲနဲ့ ပစ်ပေါက်တဲ့သူ အယောက် ၅၀ ထဲက ၄ ဦးကိုတော့ ရဲက ဖမ်းဆီးထားတယ်လို့ ဆိုပါတယ်။
ဇူလိုင် ၃ ရက်နေ့ညနေပိုင်းမှာ မန္တလေးက မြို့နယ်ခြောက်ခုမှာ ညကိုးနာရီကနေ မနက် ငါးနာရီထိ ညမထွက်ရ အမိန့်ထုတ်ပြန်ခဲ့ပြီးနောက် ဒီသတင်းဖော်ပြချက် ထွက်ပေါ်လာတာဖြစ်ပါတယ်။
ဒီသတင်းထုတ်ပြန်ချက်ရဲ့ စတင်တဲ့ စာပိုဒ်မှာ ဗမာတွေကို မွတ်စလင်အမျိုးသားတွေက ၀ိုင်းရိုက်လို့ ဒဏ်ရာရတယ်ဆိုတာနဲ့ အစပြုရေးသားပြီးနောက်ပိုင်းမှာ မွတ်စလင်နဲ့ ဗမာတွေ အပြန်အလှန်ကျူးလွန်တာတွေကို ရေးထားပါတယ်။
မြန်မာပြည်မှာ မွတ်ဆလင်လူမျိုးမရှိပေမယ့် ဒီလိုရေးသားချက်ဟာ မသင့်ကြောင်းနဲ့ ဆင်ခြင်သင့်ကြောင်း မန္တလေးမြို့က တရားလွှတ်တော်ရှေ့နေ ဦးသိန်းသန်းဦးက ပြောပါတယ်။
“ကျနော့်အယူအဆ ပြောရရင် ရခိုင်ကိစ္စမှာလည်း တကြိမ်ကြုံ ပြီးပြီခင်ဗျ။ နိုင်ငံပိုင်သတင်းစာကနေပြီးတော့လေ။ မွတ်စလင်ကုလားများဆိုတဲ့ အသုံးအနှုန်းပေါ့ဗျာ။ အခုချိန်က သိပ်ပြီးတော့ အထိခိုက်မခံတဲ့အချိန် ဖြစ်တဲ့အခါကျတော့ စကားလုံးအသုံးအနှုန်းကအစ သတိပြုသင့်ပါတယ်။ (hate speech (အမုန်းစကားပြောကြားခြင်း) ကို အားပေးတယ်ပေါ့ဗျာ။ လူမျိုးတမျိုးနဲ့ တမျိုး၊ ဘာသာ တခုနဲ့တခု သွေးထိုးလှုံ့ဆော်ရာကျတဲ့ စကားလုံးမျိုး မသုံးနှုန်းသင့်ဘူးဗျ။ နောက်ပြီးတော့ ကျနော်တို့မှာ မွတ်စလင်လူမျိုးဆိုတာလည်း မရှိဘူး။ အစ္စလာမ်ဘာသာ လိုက်နာသူ မွတ်ဆလင်ခေါ်တာပဲ။ အဲဒီလိုအသုံးအနှုန်းမျိုးကတော့ ခုလိုအခြေအနေမှာ မသုံးသင့်ဘူးလို့ ယူဆတာပဲဗျ။”
“ပြည်ထောင်စုလွှတ်တော် နာယကကြီး သူရဦးရွှေမန်းကိုယ်တိုင်က ဒီလိုအရေးအခင်းတွေမှာ ပရောဂါတွေ ပါတယ်လို့ ပြောထားတော့ ကိုယ်က အဲဒီပယောဂထဲ ၀င်မပါသင့်ဘူး”  လို့ ရှေ့နေ ဦးသိန်းသန်းဦးက ပြောပါတယ်။
မန္တလေးမြ်ို့မှာ မုဒိမ်းမှုဆိုင်ရာ စွပ်စွဲချက်တခုနဲ့ စတင်တဲ့ ရုန်းရင်းဆန်ခတ်မှုဟာ ဇူလိုင် ၁ ရက်နေ့ ညပိုင်းက စတင်ဖြစ်ပွားပြီး တုတ်ဓားကိုင်ဆောင်သူတွေက ယာဉ်တွေ၊ အိမ်တွေကို ဖျက်ဆီးခဲ့ကြပြီး နောက်ရက်တွေမှာ လူသတ်မှုတွေပါ ဆက်ဖြစ်လာတာဖြစ်ပါတယ်။
အေးနိုင် DVB

SSPP ဌာနချုပ်အနီး အစိုးရတပ်တိုးဖြည့် တာ့ဖါဆောင်ရွာခံများအားလုံး စစ်ဘေးရှောင်

ဂျူလိုင် ၅ ရက် ၂၀၁၄

ဂျူလိုင်လဆန်းပိုင်းမှစ၍ သျှမ်းပြည်တပ်မတော် SSPP/SSA ဌာနချုပ် အနီး အစိုးရတပ်များအင်အား တိုးဖြည့်လာနေသဖြင့် တိုက်ပွဲထပ်မံဖြစ်ပွားဖွယ်ရှိသည့် တာ့ဖါဆောင် (တံတား) တပ်စခန်း အနီး နေထိုင်သည့် တာ့ဖါဆောင်ရွာသားများ ရပ်ရွာမှစွန်ခွါကာ စစ်ဘေးရှောင်နေကြသည်ဟု စုံစမ်းသိရှိရပါသည်။

သျှမ်းပြည်တောင်ပိုင်း ကျေးသီးမြို့နယ် SSPP/SSA ဌာနချုပ်အနီးသို့ အစိုးရတပ်အင်အား ရာဂဏန်း က ထပ်မံအင်အားဖြည့်လာသည့်အတွက် (ကျေးသီးမြို့နယ်၊ ဝမ့်ဝပ်ကျေးရွာအုပ်စု) တာ့ဖါဆောင်ရွာ အိမ်ခြေ ၂၅ လုံး၊ လူဦးရေ ၈၀ ကျော် ရွာမှ တောပိုင်းသို့ တိမ်းရှောင်ကြသည်ဟု ကျေးသီးမြို့ရောက် ဝမ့်ဝပ်ရွာခံ စိုင်းဟောင်း(ဝ်)ခမ်း က ပြောပါသည်။

“ကျနော်တို့ ရွာလဲ တချို့တွေ စစ်ဘေးတိမ်းရှောင်နေတဲ့သူရှိတယ်။ ပြီးခဲ့တဲ့အပတ်က တိုက်ပွဲဖြစ်ပွား ခဲ့တဲ့ တာ့ဖါဆောင်ရွာ ဆို အကုန်လုံးတိမ်းရှောင်ကြပြီ။ မောင်းထုတ်လို့တော့မဟုတ်ဘူး။ စစ်သားတွေ အများကြီးရောက်လာလို့။ ကြောက်ကြတယ်လေ။” - ဟု သျှမ်းသံတော်ဆင့်သို့ပြောသည်။

ယမန်နေ့ညနေပိုင်းကလည်း သီပေါမြို့အခြေစိုက်အစိုးရတပ်များ မိုင်းရယ် ဟိုယ မှ တဆင့် ဝမ့်ဟိုင်းဌာနချုပ်ဘက်သို့ စစ်သည်အင်အား ၁၀၀ ခန့် ဆင်းလာကြောင်း၊ ဂျူလိုင် ၂ ရက်နေ့တွင် ရလခ စစ်တိုင်းရုံးလက်အောက်ခံ တပ်များက ကျေးသီးမြို့နယ်ဘက် စစ်ကား ၉ စီး၊ ကွန်ဟိန်း - ကာလိ မှ မိုင်းရှူးသို့ စစ်ကား ၉ စီး၊ ဂျွန် ၂၄ ရက်နေ့တွင် လားရှိုးမှတဆင့် တန့်ယန်း မန့်ကတ်ဘက် စစ်ကား အစီး ၅၀ စစ်အင်အားများတင်ဆောင်ကာ သျှမ်းပြည်တပ်မတော်နယ်မြေသို့ တိုးချနေကြောင်း ဝမ့်ဟိုင်း ဌာနချုပ် စစ်ရုံးအဖွဲ့က ထုတ်ပြန်ပါသည်။

လဲချားမြို့နယ် သျှမ်းပြည်နယ် လွှတ်တော်အမတ် စိုင်းကျော်ဇေယျ က ‘ စစ်အားအပြိုင်အဆိုင်တိုးချလို့ တာ့ဖါဆောင်ရွာသူရွာသားတွေ ထွက်ပြေးတိမ်းရှောင်နေရတယ်လို့ကျနော်ကြားရတယ်။ တကယ် ကို စိတ်မကောင်းဘူး။ ဒီလိုမျိုးကိစ္စတွေရှိလာတော့ ကျနော်တို့ လိုချင်တဲ့ ငြိမ်းချမ်းရေးရပါ့မလား’ - ဟု သျှမ်းသံတော် ဆင့်သို့ ပြောသည်။

အစိုးရတပ်မတော်ဘက်မှ သျှမ်းပြည်တပ်မတော် SSPP/SSA နယ်မြေဘက်သို့ အင်အားဖြည့်တိုးချဲ့ ချထားမှုကြောင့် နှစ်ဘက်စစ်ရေးတင်းမာနေသည့်အပေါ် နေပြည်တော် အစိုးရ ပြည်ထောင်စုငြိမ်း ချမ်းရေး ဖေါ်ဆောင်ရေးကော်မတီ ဒု-ဥက္ကဌ ဦးအောင်မင်း နှင့် ဦးသိန်းဇော်ထံ ဖုန်းဆက်အကြောင်း ကြား ထားကြောင်း၊ ထာဝရငြိမ်းချမ်းရေးဆီသို့ လျှောက်လှမ်းနေချိန် နှစ်ဘက်ကြား ယုံကြည်မှုတည် ဆောက် ရေး ထိခိုက်စေကြောင်းပါရှိသည်ဟု SSPP/SSA အထွေထွေအတွင်းရေးမှူး စဝ်ခွန်ဆိုင် ကပြောသည်။


သျှမ်းသံတော်ဆင့်

http://burmese.panglong.org/news/86-2008-08-01-03-20-45/4789-sspp-.html

ဗိုလ်ချုပ်မှူးကြီး မင်းအောင်လှိုင် ထိုင်းနိုင်ငံသို့ အလည်အပတ်ရောက်ရှိ

မြန်မာ့တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် မနေ့မနက်ပိုင်းကထိုင်းနိုင်ငံကို ချစ်ကြည်ရေး အလည်အပတ် ရောက်ရှိလို့လာခဲ့ပါတယ်။
ဗိုလ်ချုပ်မှူးကြီး မင်းအောင်လှိုင်ကို ထိုင်းဘုရင့်တပ်မတော် ဒုတိယ ကာကွယ်ရေး ဦးစီးချုပ် ဗိုလ်ချုပ်ကြီးဝိုရာပေါင် က လေဆိပ်မှာအခမ်းအနားဖြင့်သွားရောက်ကြိုဆို ခဲ့ပါတယ်။

တရုတ်နိုင်ငံရဲ့ အကျိုးစီးပွားရပ်တွေမှာ တရုတ်ဘက် မြန်မာရပ်မည်ဟု ဦးသိန်းစိန် ပြော

 June 28, 2014
RFA - 2014-06-28

တရုတ်နိုင်ငံ ပေကျင်းမြို့ ပြည်သူ့ခန်းမဆောင်မှာ ဇွန်လ ၂၇ ရက်နေ့က တရုတ်သမ္မတ ရှီကျင်ဖျင့် မြန်မာသမ္မတ ဦးသိန်းစိန်ကို ဂုဏ်ပြုကြိုဆိုစဉ် (Photo: President Office Website)

သမ္မတဦးသိန်းစိန်ဟာ တရုတ်နိုင်ငံကို ၃ ရက်ကြာ ခရီးရောက်ရှိနေပြီး ဒီကနေ့မှာ တရုတ်မြန်မာအိန္ဒိယ ငြိမ်းချမ်းစွာ အတူယှဉ်တွဲနေထိုင်ရေး မူ ၅ ချက် လက်မှတ်ရေးထိုးခဲ့တဲ့ အနှစ် ၆၀ ပြည့် အထိမ်း အမှတ်ပွဲတွေကို တက်ရောက်မယ်လို့ သိရပါတယ်။

ဦးသိန်းစိန်ဟာ တရုတ်နိုင်ငံ ဘေကျင်းမြို့တော်ကို မနေ့က ရောက်ရှိလာတာဖြစ်ပြီး တရုတ်သမ္မတ ရှီကျင့်ဖျင်နဲ့ တွေ့ဆုံပြီး ၂ နိုင်ငံအကြား ဆက်ဆံရေး တိုးမြင့်နိုင်မယ့်ကိစ္စတွေကို ဆွေးနွေးခဲ့တယ်လို့ ဒီကနေ့ တရုတ်အစိုးရထုတ် တရုတ်ပြည်သူ့နေ့စဉ်သတင်း မှာ ရေးသားထားပါတယ်။

တရုတ်နိုင်ငံက မြန်မာနိုင်ငံအပေါ် စဉ်ဆက် မပြတ် ထောက်ခံအားပေးခဲ့တဲ့အတွက် ကျေးဇူး တင်ကြောင်း၊ မြန်မာနိုင်ငံအနေနဲ့ တရုတ်နိုင်ငံရဲ့ အဓိကအကျိုးစီးပွားကိစ္စရပ်တွေမှာ တရုတ်ဖက်က ဆက်လက်ရပ်တည်သွားမှာဖြစ်ကြောင်း သမ္မတဦးသိန်းစိန်က ပြောကြားခဲ့တယ်လို့လည်း သတင်းမှာရေးသားထားပါတယ်။

တရုတ်သမ္မတ ရှီကျင့်ဖျင်က တရုတ်နိုင်ငံအနေနဲ့ မြန်မာနိုင်ငံနဲ့ ပတ်သက်လို့ ချစ်ကြည်ရင်းနှီးတဲ့ မူဝါဒတွေ ဆက်ပြီးထားရှိမယ်လို့ ပြောပါတယ်။ နှစ်နိုင်ငံအကြား အဆင့်မြင့်အရာရှိတွေ အပြန်အလှန် ချစ်ကြည်ရေးခရီးတွေ တိုးမြင့်စေလွှတ်ဖို့၊ တရုတ်ကွန်မြူနစ်ပါတီနဲ့ မြန်မာနိုင်ငံက အာဏာရ ကြံ့ခိုင်ရေးပါတီတို့ အုပ်ချုပ်ရေး၊ ကာကွယ်ရေး၊ လုံခြုံရေးနဲ့ တရားဥပဒေစိုးမိုးရေးဆိုင်ရာ အတွေ့အကြုံဖလှယ်တာတွေ လုပ်ဆောင်ဖို့၊ အကြမ်းဖက်မှုနဲ့ နယ်စပ်မှုခင်းတွေ အတူတကွ တိုက်ဖျက်ဖို့ စတာတွေကို တရုတ်သမ္မတက အဆိုပြုခဲ့တယ်လို့ သိရပါတယ်။

၁၉၅၄ ခုနှစ်က မြန်မာ၊ တရုတ်၊ အိန္ဒိယ အိမ်နီးချင်း ၃ နိုင်ငံအကြားနယ်မြေနဲ့ အချုပ်အခြာ အာဏာပိုင်မှုကို အပြန်အလှန်လေးစားရေး ငြိမ်းချမ်းစွာ အတူယှဉ်တွဲနေထိုင်ရေး မူကြီး ၅ ချက်ကို ပူးတွဲ လက်မှတ်ရေးထိုးခဲ့ကြပါတယ်။
RFA 

မြစ်ဆုံဆည်စီမံကိန်းရဲ့ နောက်ဆက်တွဲ ဂယက်

တရုတ်မြန်မာ ၂ နိုင်ငံကြား ပူးပေါင်း ဆောင်ရွက်မှု တွေ ပိုလုပ်ကြမယ် ဆိုပြီး တရုတ်ပြည် ခရီးစဉ်အတွင်း သမ္မတ ဦးသိန်းစိန် လက်မှတ် ထိုးနေချိန်မှာပဲ၊ တရုတ်နိုင်ငံပိုင် CPI ကုမ္မဏီ ရဲ့ စီးပွားရေး လုပ်ငန်း တစ်ခုဖြစ် တဲ့ မြစ်ဆုံ ရေကာတာ စီမံကိန်း နဲ့ မလွတ်ကင်း လို့ ပြောင်းရွှေ့ ပေးခဲ့ရ တဲ့ ကျေးရွာတွေက ဒေသခံတွေ ဟာ၊ ပြောင်းရွှေ့ပြီး ၃ နှစ် ကြာတဲ့ အထိ၊ နေရာသစ် မှာ အခြေမကျပဲ အခက်အခဲ တွေနဲ့ ရင်ဆိုင် နေရပါတယ်။

တရုတ်ကုမ္မဏီ ရဲ့ မြစ်ဆုံ ရေကာတာ စီမံကိန်း ကြောင့် ပြောင်းရွှေ့ ပေးခဲ့ရတဲ့ ဒေသခံတွေ ကို စီမံကိန်းနဲ့ ဝေးတဲ့ နေရာတွေ မှာ စံပြကျေးရွာ တွေ တည်ဆောက်ပြီး နေရာချထား ပေးတာပါ။

၂၀၁၁ မှာ ဖျက်သိမ်းခံရတဲ့ မြစ်ဆုံ၊ တန်ဖရဲနဲ့ တချဲ့ပဒမ် ရွာသုံးရွာ ကို ပေါင်းပြီး နေရာ ပြန်ချပေးထားတဲ့ အောင်မြင်သာ စံပြကျေးရွာ မှာ မိသားစု သုံးရာကျော် ရှိပြီး၊ သိပ်မဝေးတဲ့ မလိယွန် စံပြ ကျေးရွာမှာတော့ အိမ်ထောင်စု တစ်ရာ ပတ်ဝန်းကျင် ရှိပါတယ်။ ရွှေ့ပြောင်းခံ ရွာသားတွေ အတွက် နေအိမ်တွေကို တရုတ်ကုမ္မဏီက ဆောက်လုပ် ပေးထားပါတယ်။

ဒါပေမယ့်၊ မိမိတို့ နေထိုင်ရာ အိုးအိမ်တွေကို သာမက၊ အသက်မွေး လုပ်ကိုင် စားသောက်ရာ တောင်ယာတွေ ကို စွန့်ခွာပြီး နေရာသစ်ကို ပြောင်းလာခဲ့ရ တဲ့ ရွာသားတွေဟာ အသက်ရှင် ရပ်တည်ရေးအတွက် လိုအပ်တဲ့ စိုက်ပျိုးမြေတွေ အခုထက်ထိ အစားထိုး မရသေး တာကြောင့် ရပ်တည်ရ ခက်ခဲနေတယ် ဆိုပြီး၊ မြစ်ဆုံရွာကနေ အောင်မြင်သာ စံပြကျေးရွာ ကို ပြောင်းရွှေ့လာ တဲ့ ဒေါ်ဂျာခေါင်န်က ပြောပါတယ်။

လုပ်ငန်းကိုင်ငန်း အဆင်မပြေတဲ့ ပြောင်းရွှေ့ခံ ရွာသားတွေကို CPI ကုမ္မဏီက ခွဲတမ်းနဲ့ ဆန်ထုတ် ပေးတယ်လို့ သိရပါတယ်။ ဒီလို တရုတ်ကုမ္မ ဏီက ထုတ်ပေးတဲ့ ဆန်ကို မှီခိုနေရတဲ့ အတွက်လည်း ရွာသားတွေဟာ ကုမ္မဏီက လိုသလို ထိမ်းချုပ်တာကို ခံနေရတယ်လို့ ဒေါ်ဂျာခေါင်န်က ဆိုပါတယ်။

မြစ်ဆုံရေကာတာ စီမံကိန်း လုံးဝရပ်တံ့ရေး လှုပ်ရှားမှုထဲမှာ ပါဝင်တဲ့ ဒေသခံ ရွာသားတွေကို၊ ဆန်ဖြတ်တောက်တာမျိုး CPI က အကြပ်ကိုင် ဆက်ဆံတယ်လို့ ဒေသခံတွေ အဆိုအရ သိရပါတယ်။ ပြောင်းရွှေ့ နေရာချပေးရာ ဝန်းကျင်မှာ လုပ်ကိုင် စားသောက်ဖို့ မဖြစ်နိုင်တော့တဲ့ အခါ၊ ဖားကန့်ကို သွားကြသူတွေ၊ တရုတ်ပြည်ထဲ သွားကြရသူတွေ နဲ့၊ ဒေသခံတွေဟာ ကိုယ့်နေရပ်ကို စွန့်ခွာပြီး အဝေးကို ထွက်သွား နေကြရပါတယ်။

ဘီဘီစီ (မြန်မာပိုင်း)

ငြိမ်းချမ်းရေး တည်တံ့ဖို့ မြန်မာ၊ တရုတ်၊ အိန္ဒိယခေါင်းဆောင်တွေ ကတိပြု

 
 တရုတ်နိုင်ငံဟာ ဘယ်လောက်ပဲ အင်အားကြီးနိုင်ငံဖြစ်လာပါစေ၊ ဗိုလ်ကျလွှမ်းမိုးတာ ဘယ်တော့မှ လုပ်မှာ မဟုတ်ဘူးလို့ တရုတ်သမ္မတ ရှီဂျင်းပင်က ပြောလိုက်ပါတယ်။ မြန်မာ၊ တရုတ်၊ အိန္ဒိယ ၃ နိုင်ငံကြား ငြိမ်းချမ်းစွာ အတူယှဉ်တွဲနေထိုင်နိုင်ရေး အခြေခံမူတွေကို သဘောတူခဲ့ကြတာ အနှစ် ၆၀ ပြည့်
အထိမ်းအမှတ်အခမ်းအနားမှာ တရုတ်သမ္မတက ခုလိုပြောကြားခဲ့တာဖြစ်ပါတယ်။ သမ္မတဦးသိန်းစိန်ကလည်း ဒီအခြေခံမူတွေကို နိုင်ငံတကာဆက်ဆံရေးရဲ့ စံနှုန်းတွေအဖြစ် ကျင့်သုံးသွားသင့်တယ်လို့ ဆိုခဲ့ပါတယ်။ အာရှဒေသမှာ တရုတ်ရဲ့ အင်အားကြီးမားလာမှုအပေါ် နိုင်ငံ တချို့က စိုးရိမ်နေကြချိန်မှာ တရုတ်သမ္မတက ငြိမ်းချမ်းစွာဖွံ့ဖြိုးတိုးတက်ရေးလမ်းကိုပဲ ရွေးချယ်သွားမယ်လို့ ပြောကြားခဲ့တဲ့အကြောင်း အပြည့်အစုံကို မစုမြတ်မွန်က ဆက်လက်တင်ပြပေးထားပါတယ်။

စစ်အေးစစ်ဖြစ်နေစဉ်ကာလမှာ မြန်မာ၊ တရုတ်နဲ့ အန္ဒိယ အိမ်နီးချင်းနိုင်ငံ ၃ ခုကြားမှာ ဘက်မလိုက်ရေးမူအဖြစ်နဲ့ ငြိမ်းငြိမ်းချမ်းချမ်း  အတူယှဉ်တွဲ နေထိုင်နိုင်ရေး အခြေခံမူ ၅ ချက်ကို ၁၉၅၄ ခုနှစ်မှာ ချမှတ်ခဲ့ကြပါတယ်။ ဒီလိုချမှတ်နိုင်ခဲ့တာ အနှစ် ၆၀ ပြည့်သွားတဲ့ အထိမ်းအမှတ် အခမ်းအနားကို စနေနေ့တုန်းက တရုတ်နိုင်ငံဘေဂျင်းမြို့တော်မှာ ကျင်းပခဲ့စဉ်မှာ ဒေသတွင်း ဆက်လက် ငြိမ်းချမ်းနေအောင် ဆောင်ရွက်သွားမယ်လို့ နိုင်ငံ ၃ နိုင်ငံလုံးက ခေါင်းဆောင်တွေက ကတိပြုခဲ့ကြပါတယ်။ ဒေသတွင်းမှာ တရုတ်နိုင်ငံဟာ စီးပွားရေးရော စစ်ရေးအရပါ အင်အားကြီးမားလာနေတဲ့ အပေါ် နိုင်ငံတချို့က စိုးရိမ်နေသလို တောင်တရုတ်ပင်လယ်ထဲက ရေပိုင်နက်အငြင်းပွားမှုနဲ့ ပါတ်သက်လို့ တရုတ်ဖက်က ဆောင်ရွက်မှုတွေအပေါ် ဝေဖန်စရာဖြစ်နေချိန်မှာ တရုတ်သမ္မတရှီဂျင်းပင်က သူ့နိုင်ငံအနေနဲ့ ဗိုလ်ကျလွှမ်းမိုးမှုမျိုးကို ဘယ်တော့မှလုပ်မှာ မဟုတ်ဘူးလို့ ပြောကြားသွားပါတယ်။

“တရုတ်နိုင်ငံ ဘယ်လောက်ပဲ အင်အားကြီးတဲ့ နိုင်ငံဖြစ်လာပါစေ၊ ကျနော့်အနေနဲ့ ဗိုလ်ကျလွှမ်းမိုးတာမျိုး ဘယ်တော့မှာလုပ်မှာ မဟုတ်ပါဘူး၊ တရုတ်နိုင်ငံလိုပဲ တခြားနိုင်ငံတွေကလည်း ငြိမ်းချမ်းစွာ ဖွံ့ဖြိုးတိုးတက်မှုလမ်းကို လျှောက်လှမ်းစေချင်ပါတယ်။ တရုတ်နိုင်ငံကတော့ ငြိမ်းငြိမ်းချမ်းချမ်းနဲ့ပဲ ဖွံ့ဖြိုးတိုးတက်အောင်လုပ်သွားမှာပါ။ ငြိမ်းချမ်းတဲ့ နည်းဟာ တရုတ်နိုင်ငံတခုထဲအတွက်တင် မဟုတ်ဘဲ အာရှဒေသအတွက်ရော ကမ္ဘာကြီးအတွက်ပါ ကောင်းမွန်တဲ့ နည်းလမ်းဖြစ်ပါတယ်။”

အခြေခံမူ ၅ ချက်ထဲမှာပါတဲ့ သူများနိုင်ငံရဲ့ ပြည်တွင်းရေးကို ဝင်ရောက် စွက်ဖက်ခြင်းမပြုဆိုတဲ့ မူကိုလည်း တရုတ်က ဆက်လက်ကျင့်သုံးသွားမယ် ဆိုတာကို ထပ်ပြီး ပြောသွားပါတယ်။ မြန်မာနိုင်ငံမှာ စစ်အစိုးရအုပ်ချုပ်ခဲ့စဉ် ကာလတလျှောက်လုံး တရုတ်က အဲဒီမူကို လက်ကိုင်ထားပြီး မြန်မာနဲ့
နိုင်ငံရေးအရရော စီးပွားရေးအရပါ ဆက်ဆံရေးကောင်းမွန်ခဲ့တဲ့အတွက် နိုင်ငံတကာမှာ ဝေဖန်စရာဖြစ်ခဲ့တာပါ၊ အချုပ်အခြာအာဏာနဲ့ပိုင်နက် တည်တံ့ခိုင်မြဲရေး အပေါ် အပြန်အလှန်လေးစားကြရေး၊ တနိုင်ငံနဲ့တနိုင်ငံ မကျူးကျော်ရေး၊ တဖက်ရဲ့ ပြည်တွင်းရေးကို ဝင်ရောက် မစွက်ဖက်ရေး၊ ၂ ဖက်အကျိုးအတွက် တန်းတူညီမျှရှိရေးနဲ့ ပူးပေါင်းဆောင်ရွက်ရေး၊ ငြိမ်းချမ်းစွာ အတူယှဉ်တွဲနေထိုင်ရေးစတဲ့ အခြေခံမူ ၅ ချက်ကို နိုင်ငံတကာ ဆက်ဆံရေးရဲ့ စံတွေအဖြစ် ကျင့်သုံးသင့်တယ်လို့ သမ္မတဦးသိန်းစိန်ကလည်း စနေနေ့က အခမ်းအနားမှာ ခုလို ပြောကြားခဲ့ပါတယ်။

“ဒီအောင်မြင်မှုတွေကို အခြေခံကာ တရုတ်၊ အိန္ဒိယ၊ မြန်မာ ဆက်ဆံရေးအတွက်သာမက ကမ္ဘာ့နိုင်ငံအားလုံး ဆက်ဆံရေးအတွက်ပါ ပိုမိုတောက်ပတဲ့ အကျိုးစီးပွားကို ဖွင့်လှစ်ပေးနိုင်ဖို့ ကျနော်တို့အားလုံး ဒီမူကြီးတွေကို နိုင်ငံတကာဆက်ဆံရေးရဲ့အခြေခံစံနှုန်းများအဖြစ် ကျင့်သုံးသွားဖို့ ကမ္ဘာ့နိုင်ငံသားများကိုလည်း တိုက်တွန်းလိုပါတယ်။”

ကမ္ဘာ့နိုင်ငံတွေ တခုနဲ့ တခု ဖြန့်ကြက်ဆက်သွယ်နေကြတဲ့ ခေတ်ကြီးမှာ ငြိမ်းချမ်းစွာ အတူတွဲ နေထိုင်သွားကြရေးဟာ အရေးကြီးတယ်လို့ အိန္ဒိယ ဒုသမ္မတ Mohammad Hamid Ansari က လည်း မိန့်ခွန်းပြောကြားသွားပါတယ်။

“နိုင်ငံတွေ တခုနဲ့တခုကြား အဖက်ဖက်က ဖြန့်ကြက် ယှက်နွယ် ဆက်သွယ်နေကြတဲ့ကမ္ဘာကြီးကို မဟတ္တမဂန္ဒီကြီး မျှော်မှန်းခဲ့တဲ့အတိုင်း တနိုင်ငံနဲ့ တနိုင်ငံ လွှမ်းမိုးမှုမရှိ အမြတ်ထုတ်မှုမရှိတဲ့၊ ရင်းနှီးပြီး အပြန်အလှန် အားထားကြတဲ့ အဖွဲ့ချုပ်ကြီးတခုဖြစ်အောင် အသွင်ပြောင်းသင့်တယ်လို့ အိန္ဒိယနိုင်ငံက ယုံကြည်ပါတယ်။”

အိန္ဒိယ ဒုသမ္မတ Ansari နဲ့ မြန်မာသမ္မတဦးသိန်းစိန်တို့ဟာ ဂျွန်လ ၃၀ ရက်နေ့အထိ တရုတ်နိုင်ငံမှာ ရှိနေကြမှာဖြစ်ပါတယ်။ သမ္မတဦးသိန်းစိန်ဟာ စနေနေ့ကပဲ ဘေဂျင်းမြို့စွန်မှာရှိတဲ့ ရှေးဟောင်း ကျောင်းတော်ကိုသွားရောက်ခဲ့ပါတယ်။ သက်တမ်း ၁,၂၀၀ ရှိတဲ့ Lingguang ကျောင်းတော်မှာ ဗုဒ္ဓရဲ့စွယ်တော်တစ်ဆူကို ပူဇော်ထားပါတယ်။ အဲဒီဗုဒ္ဓစွယ်တော်ဟာ ၂၀၁၁ ခုနှစ်တုန်းက မြန်မာနိုင်ငံကို လာရောက် အပူဇော်ခံခဲ့ဖူးပါတယ်ရှင်။

စုမြတ်မွန် / ဗွီအိုအေ (မြန်မာပိုင်း)

ဘရာဇီးနဲ့ ကိုလံဘီယာတို့ ကွာတားဖိုင်နယ်တက်

 ၂၀၁၄ ကမ္ဘာ့ဖလား ဒုတိယအဆင့် ရှုံးထွက်ပွဲတွေမှာ အိမ်ရှင်ဘရာဇီးက ချီလီကို ပယ်နယ်တီနဲ့ နိုင်ပြီး ကွာတားဖိုင်နယ်ကို တက်သွားပြီဖြစ်ပါတယ်။ စနေနေ့က Belo Horizonte မှာ ကစားခဲ့ကြတာမှာ အချိန်ပိုပြီးတဲ့အထိ ၁ ဂိုးစီ သရေဖြစ်နေတာကြောင့် ပယ်နယ်တီကန်တာမှာ ဘရာဇီးက ၃ ဂိုး ၂ ဂိုး နဲ့ အနိုင်ရသွားတာပါ။

(ACT – NAT SOUND) ဘရာဇီးအတွက် ပထမဂိုးကို ၁၈ မိနစ်မှာ David Luiz အနီးကပ်ပိတ်သွင်းပြီး ဘရာဇီးဦးဆောင်ခဲ့ပေမယ့် ၃၂ မိနစ်မှာ ဘရာဇီးနောက်တန်း အမှားကနေတဆင့် Alexis Sanchez က ချေပဂိုးသွင်းသွားခဲ့ပါတယ်။ ဒုတိယပိုင်းမှာ ဘရာဇီးရှေ့တန်းလူ Hulk တဂိုးသွင်းခဲ့ပေမယ့် လက်ထိတယ်ဆိုပြီး ဂိုးမပေးတဲ့အတွက် အငြင်းပွားစရာဖြစ်ခဲ့ပါတယ်။ ပွဲပြီးခါနီး မိနစ် ၁၂၀ မှာ ချီလီဘက်က ကန်သွင်းတာ ဘားတိုင်ထိသွားလို့ ဘရာဇီးကံကောင်းသွားခဲ့ပါတယ်။

ပယ်နယ်တီမှာတော့ ၄ လုံးစီပြီးတဲ့အထိ  တဘက် ၂ ဂိုးစီသရေဖြစ်နေခဲ့ပြီး ၅လုံးမြောက်မှာတော့ ဘရာဇီးက ဂိုးဝင်ပြီး  ချီလီက တိုင်ထိထွက်သွားတဲ့အတွက် နောက်ဆုံးမှာ အိမ်ရှင်ဘရာဇီးက ၃ ဂိုး ၂ ဂိုး နဲ့ ကွာတားဖိုင်နယ်ကို တက်သွားခဲ့တာဖြစ်ပါတယ်။

ဘရာဇီးနည်းပြ စကိုလာရီကတော့ ပြိုင်ဘက်တွေကို သူတို့ဘက်က အကောင်းဆုံးတုံ့ပြန်ဆက်ဆံပေမယ့် ဒီပွဲမှာ ချီလီဘက်က ရန်စတာတွေ ရှိတာကြောင့် နောက်ပိုင်းပွဲတွေမှာ သည်းခံမှာမဟုတ်တော့ကြောင်း ဒါ့အပြင် သူတို့ ချန်ပီယံဖြစ်ဖို့ဆိုရင် ဒီထက်ပိုကောင်းဖို့လိုပြီး ကမ္ဘာ့ဖလားရရမယ်လို့ ကတိပေးတဲ့အတွက် ချန်ပီယံခြေစွမ်းပြဖို့လိုတယ်လို့ ပြောလိုက်ပါတယ်။ ချီလီနည်းပြကတော့ အိမ်ရှင်ဘရာဇီးကို မိနစ် ၁၂၀ လုံးလုံးယှဉ်ကစားပြီး  ပယ်နယ်တီကျမှရှုံးတာဖြစ်တဲ့အတွက် သူ့ကစားသမားတွေအတွက် ဂုဏ်ယူတယ်လို့ ပြောလိုက်ပါတယ်။

ရီယိုမြို့က မာရာကနာကွင်းမှာကစားတဲ့ ကိုလံဘီယာ နဲ့ ဥရုဂွေးပွဲမှာ ကိုလံဘီယာက ၂ ဂို ၊ ဂိုးမရှိ နဲ့ အနိုင်ရပြီးတော့ ကွာတားဖိုင်နယ်ကို တက်သွားပါတယ်။

ကိုလံဘီယာအတွက် အနိုင်ဂိုးတွေကိုတော့ နံပါတ် ၁၀ ဟာမက်စ် ရိုဒရီဂတ်စ် (James Rodriguez) က ၂၈ မိနစ် နဲ့ မိနစ် ၅၀ တွေမှာ သွင်းခဲ့တာဖြစ်ပြီး သူ့ရဲ့ ပထမဂိုးဟာ ဒီကမ္ဘာ့ဖလားရဲ့ အကောင်းဆုံးဂိုးတွေထဲက တဂိုးဖြစ်ပါတယ်။ ဒီပွဲမှာ ၂ ဂိုးသွင်းတာကြောင့် ၅ ဂိုးနဲ့ ဂိုးအများဆုံးသွင်းထားတာပါ။ ကိုလံဘီယာအတွက်တော့ ဒါဟာ ကမ္ဘာ့ဖလားမှာ ပထမဆုံးအကြိမ် ကွာတားဖိုင်နယ်ကို တက်တာဖြစ်ပါတယ်။  ဒါကြောင့် လာမယ့် ဇူလိုင်လ ၄ ရက်နေ့မှာတော့ အိမ်ရှင် ဘရာဇီး နဲ့ ကိုလံဘီယာတို့ ကွာတားဖိုင်နယ်မှာ တွေ့ကြမှာဖြစ်ပါတယ်။

ဗွီအိုအေ (မြန်မာဌာန)

လကမ္ဘာပေါ်သွားမည်ဟု ပြောဆိုခဲ့သူ ဦးစိုးထွန်းရှိန်ပိုင် ကုမ္ပဏီနှင့် ဒေသခံများ အကြား မြေသြဇာစက်ရုံ မြေနေရာ အငြင်းပွားမှု ဖြစ်ပွား

 
ရန်ကုန်၊ ဇွန် ၂၄

 လကမ္ဘာပေါ်သို့ ဟန်းနီးမွန်း ခရီးထွက်မည်ဟု ပြောဆိုခဲ့သူ ဦးစိုးထွန်းရှိန်ပိုင် အမျိုးသားကြီးပွား တိုးတက်ရေး ကုမ္ပဏီမှ နတ်သြဇာ သဘာဝမြေသြဇာစက်ရုံ တည်ဆောက်ရန် ကရင်ပြည်နယ်၊ ဘားအံမြို့နယ်၊ လှာကဒေါင် ကျေးရွာအုပ်စု၊ ကွင်းအမှတ် (၁၁၇၅)၊ ဦးပိုင်အမှတ်(၃၂)မှ လယ်မြေ ၃ ဒသမ ၈၁ ဧကကို ၀ယ်ယူခြင်းနှင့် ပတ်သက်၍ အဆိုပါကုမ္ပဏီနှင့် ဒေသခံ လယ်သမားများအကြား အငြင်းပွားလျက် ရှိသည်။

အဆိုပါ လယ်မြေ ၃ ဒသမ ၈၁ ဧကကို အမျိုးသားကြီးပွား တိုးတက်ရေး ကုမ္ပဏီဥက္ကဋ္ဌ ဦးစိုးထွန်းရှိန်က နတ်သြဇာ သဘာဝ မြေသြဇာစက်ရုံ တည်ဆောက်ရန် အကြောင်းပြချက်ဖြင့် လယ်လုပ်နေဆဲ လယ်မြေများ ကို လျော်ကြေးမပေးဘဲ ပုဂ္ဂလိက အကျိုးစီးပွားအတွက် သိမ်းဆည်း ရယူသွားသည့်အတွက် ယင်းလယ်မြေ များအား သိမ်းဆည်းခံ လယ်သမားများသို့ ပြန်လည် စွန့်လွှတ်ပေးရန်အတွက် ဒေသခံ လယ်သမားအချို့က မြန်မာသံတော်ဆင့်သို့ တိုင်ကြားစာ ပေးပို့ထားသည်။

တိုင်ကြားစာ၌ အခင်းဖြစ် လယ်မြေသည် သိမ်းဆည်းခံရသည့် ၂၀၀၈ ခုနှစ် အချိန်တွင် စပါးစိုက်ပျိုးရန် ထွန်ယက် ပျိုးထောင်နေဆဲ အချိန်ကာလဖြစ်ခြင်း၊ လယ်သမားများက နိုင်ငံတော်သို့ နှစ်စဉ်မပျက်မကွက် ၂၀၁၁-၂၀၁၂ ခုနှစ်အထိ မြေခွန် ထမ်းဆောင်ဆဲဖြစ်ခြင်း၊ လယ်သမားများ၏ အမည်ပေါက် ဂရန်ရရှိအောင် ဆောင်ရွက်ပေးမည်ဟု လှည့်ဖြားပြီး လက်မှတ်ရယူခြင်း၊ နိုင်ငံတော် အစိုးရသည် နိုင်ငံတော် စီမံကိန်းနှင့် အများပြည်သူ အကျိုးအတွက် မြေသိမ်းဥပဒေနှင့်အညီ သိမ်းဆည်းသည့် လယ်မြေ မဟုတ်ခြင်းဟူ၍ ပါရှိသည်။

ထို့ပြင် ယခင်ကရင်ပြည်နယ် (ပယက)က ၁၁-၈-၂၀၁၀ ရက်စွဲပါ စာအမှတ်၊ ၅/၁-၂၀/ဦး-၆ ဖြင့် နတ်သြဇာ သဘာဝမြေသြဇာစက်ရုံ တည်ဆောက်ရန် လ/န (၃၉) ခွင့်ပြု ပေးခဲ့သော်လည်း သတ်မှတ်ထားသည့် ၆ လ အတွင်း စက်ရုံ တည်ဆောက်ခြင်း မရှိသည့်အပြင် အိမ်၊ ခြံမြေ ၁၉ ကွက် ဖော်ထုတ် နေရာ ချထား ပေးသည့် အတွက် ဦးစိုးထွန်းရှိန် (ဥက္ကဋ္ဌ၊ အမျိုးသား ကြီးပွားတိုးတက်ရေး ကုမ္ပဏီ)သည် ယခင် ၁၉၅၃ ခုနှစ်၊ လယ်ယာမြေ နိုင်ငံပိုင် ပြုလုပ်ရေး ဥပဒေပုဒ်မ(၄၈)နှင့် တည်ဆဲ လယ်ယာမြေဥပဒေ ပုဒ်မ(၃၁)တို့ ကိုကျူးလွန် ဖောက်ဖျက်ရာ ရောက်ကြောင်း လည်း ပါရှိသည်။

ယင်းကဲ့သို့ တိုင်ကြားမှုနှင့် ပတ်သက်၍ အမျိုးသား ကြီးပွားတိုးတက်ရေး ကုမ္ပဏီမှ အထွေထွေ မန်နေဂျာ မဖြိုးဖြိုးအောင်က ““မြေစာရင်းက နေပြီးတော့ လယ်သမားတွေကို ပြန်ပေးထားတဲ့ အကွက်တွေရှိတယ်။ စက်ရုံကတော့ အခု လောလောဆယ် လုပ်လည်း လုပ်နေတယ်။ ထရန်စဖော်မာတွေ လည်း လျှောက် ထားတယ်။ အိမ်ခြံမြေ အကွက်ဖော်တာက မြေစာရင်း က ဖော်တာပဲဖြစ်မှာပါ။ ကျွန်မတို့ ကုမ္ပဏီဘက်က သွားလုပ်လို့မရဘူးလေ။ သူတို့ဘာသာသူတို့ အကွက်ဖော်ပြီး မြေစာရင်းကနေ လယ်သမားတွေ ကို ပြန်ပေး တယ်လို့တော့ သိထားတယ်။ ကုမ္ပဏီဘက်က ရောင်းဖို့ အတွက်လည်း အကွက်ချထားခြင်း လုံးဝမရှိပါဘူး။ တချို့ လယ်သမားတွေဆို သူတို့ကို ပြန်ပေးထားတဲ့ အကွက်တွေကို ကျွန်မတို့ကို ပြန်ရောင်း တာတွေတောင် ရှိတယ်။ လယ်ကွက်တွေကို ပိုင်ခဲ့ပါတယ်ဆိုတဲ့ လယ်သမားတွေရဲ့ လက်မှတ်တွေရော၊ ပြီးတော့ သူတို့ကို ပြန်ပေးတဲ့ အကွက်တွေရော အဲဒါတွေနဲ့ပတ်သက်ပြီး စာရွက်စာတမ်းတွေ အကုန်လုံး ကျွန်မတို့ မှာရှိပါတယ်”” ဟု ပြန်လည် ဖြေကြားခဲ့သည်။

အဆိုပါ လယ်ယာမြေများကို မြေစာရင်းမှ အကွက်ရိုက်၍ ပြန်လည် ပေးအပ် ခဲ့သည်ဟု အမျိုးသား ကြီးပွား တိုးတက်ရေး ကုမ္ပဏီမှ ဖြေကြား ထားသည့်အတွက် ဘားအံမြို့နယ် မြေစာရင်းရုံးသို့ ဆက်သွယ် မေးမြန်း ခဲ့သော်လည်း ဆက်သွယ် မေးမြန်း၍ မရရှိခဲ့ပေ။

အမျိုးသားကြီးပွားတိုးတက်ရေး ကုမ္ပဏီဥက္ကဋ္ဌ ဦးစိုးထွန်းရှိန်သည် ဇွန် ၉ ရက်တွင် အသက် ၂၂ နှစ် အရွယ်ရှိ သရုပ်ဆောင် ချမ်းမီမီကိုနှင့် ဆူးလေရှန်ဂရီလာ ဟိုတယ်တွင် မင်္ဂလာဧည့်ခံပွဲ ကျင်းပခဲ့ပြီး ၎င်းတို့ နှစ်ဦးသည် ဟန်းနီးမွန်း ခရီးအား ဒေါ်လာ ၁၅ သန်းတန် လကမ္ဘာခရီးစဉ် သွားရောက်မည် ဖြစ်ကြောင်းကို ““ဟန်းနီးမွန်းက တော့ ကျွန်တော်တို့က လကမ္ဘာသွားမယ်””ဟု ဦးစိုးထွန်းရှိန်၏ ပြောဆိုမှုကြောင့် ဝေဖန်မှုများစွာ ထွက်ပေါ်ခဲ့သည်။

အမျိုးသား ကြီးပွားတိုးတက်ရေး ကုမ္ပဏီသည် မန္တလေးတိုင်း၊ ရမည်းသင်းမြို့နယ်အတွင်း မိုးထိ မိုးမိဒေသရှိ ရွှေလုပ်ကွက်များကို လုပ်ကိုင်သည့် ကုမ္ပဏီတစ်ခုဖြစ်ပြီး ယင်းကုမ္ပဏီသည် ရွှေလုပ်ကွက်များ လုပ်ကိုင်ခွင့်နှင့် ပတ်သက်ပြီး လုပ်သားများ၏ ဆန္ဒပြခြင်းများကို ခံနေရသည့် ကုမ္ပဏီဖြစ်သည်။

သဉ္ဇာဆွေ  -  မြန်မာသံတော်ဆင့်သတင်းဌာန
 

အပန်းမကြီးဘူးဆိုရင်ကြော်ငြာများကိုကလစ်ခဲ့ပါ။ကျေးဇူး

နေထီးဆောင်းဖြစ်စဉ်နောက်ဆက်တွဲ အစိုးရအဖွဲ့ အပြောင်းအလဲဖြစ်ပေါ်နိုင်

 
 ရန်ကုန်၊ ဇွန်-၂၆

မြန်မာနိုင်ငံတွင် လတ်တလော ဖြစ်ပေါ်နေသော နိုင်ငံရေး၊ အုပ်ချုပ်ရေး ဆိုင်ရာ ထူးခြား ဖြစ်စဉ်များသည် မေလ အတွင်းက ဖြစ်ပေါ်ခဲ့သော နေထီးဆောင်းမှု ဖြစ်စဉ်နှင့် ယှဉ်တွဲ ဆက်စပ်နေပြီး ယင်းဖြစ်စဉ် ကြောင့်ပင် အစိုးရ အဖွဲ့အတွင်း အပြောင်းအလဲများ ထပ်မံ ဖြစ်ပေါ် လာနိုင်ကြောင်း မြန်မာနိုင်ငံ နက္ခတ်သိပ္ပံ အဖွဲ့ အမှုဆောင် အရာရှိချုပ် ဦးဇေယျာကိုက ဇွန် ၂၅ ရက်၌ ပြောဆိုခဲ့သည်။

နေထီးဆောင်းမှု ဖြစ်စဉ်သည် မြန်မာ နိုင်ငံတွင် မကြာခဏမြင်တွေ့ရ လေ့မရှိဘဲတစ်ကြိမ်နှင့် တစ်ကြိမ်နှစ်များစွာ ကွာခြားပြီးမှသာ ဖြစ်ပေါ် လေ့ရှိပြီး ယင်းဖြစ်စဉ်နောက်ပိုင်းတွင်နိုင်ငံရေး ၊အုပ်ချုပ်ရေးဆိုင်ရာ ထူးခြား ဖြစ်စဉ်များ ဆက်လက်ဖြစ်ပေါ်လေ့ရှိကြောင်း သိရသည်။

“ပြီးခဲ့တဲ့ ၂၀၁၀ ပြည့်နှစ်က နေထီးဆောင်းမှု တစ်ကြိမ်ဖြစ်ခဲ့ပြီး ၂၀၁၁ မှာ လက်ရှိအုပ်ချုပ်နေတဲ့ ဒီမို ကရေစီ အစိုးရသစ်ဆိုပြီး ပေါ်ပေါက် လာခဲ့တယ်။ ပြီးခဲ့တဲ့ မေလမှာဖြစ်ပေါ် ခဲ့တဲ့ နေထီးဆောင်းမှုဖြစ်စဉ်ကြောင့်ပဲ မကြာသေး ခင်ကပဲ အစိုးရအဖွဲ့ထဲမှာဝန်ကြီး အပြောင်းအလဲတွေ ဖြစ်ခဲ့တယ်။ ဒီဖြစ်စဉ်ကြောင့်ပဲ တစ်လအတွင်း အစိုးရအဖွဲ့ထဲမှာ အပြောင်းအလဲတွေ ထပ်ဖြစ်လာဖို့ရှိ နိုင်တယ်”ဟု ဦးဇေယျာ ကိုက ပြောဆိုသည်။

အဆိုပါ ဖြစ်စဉ်နှင့် ယှဉ်တွဲ၍ လာမည့်သြဂုတ်လအတွင်း၌လည်း နက္ခတ်ပိုင်းဆိုင်ရာတွင်ဂြိုဟ်များ၏ ရပ်တည်မှုမှာလည်း ထူးခြားမှုများ ရှိနေ ကြောင်း သိရသည်။ လာမည့် သြဂုတ် ၁၈ ရက် မြန်မာစံတော်ချိန် နံနက် ၁၀ နာရီ ၃၇ မိနစ်တွင် ကြာသပတေးဂြိုဟ် နှင့် သောကြာ ဂြိုဟ်တို့သည် မြန်မာနိုင်ငံ၏ နိုင်ငံရေးနှင့် အုပ်ချုပ်ရေးပိုင်း ဆိုင်ရာကို ကိုယ်စားပြုသောမွန်းတည့် မိုးကောင်းကင်၌ နီးနီးကပ်ကပ် ပူးယှဉ် စစ်ထိုးရမည်ဖြစ်ရာ ယင်းအနေအထားကြောင့် သောကြာနေ့နံပါ သူနှင့်သောကြာသားသမီးများ ကံဇာတာ မှေးမှိန်ညှိုးနွမ်းသည့် အခြေအနေမျိုး ဖြစ်ပေါ်လာနိုင်ပြီး ကြာသပတေးနေ့နံ ပါသူနှင့် ကြာသ ပတေးသား ၊ သမီးများမှာ နိုင်ငံအုပ်ချုပ်ရေးကဏ္ဍ၌ ရာထူး ဘုန်းကံမြင့်မား
လာမည့် အနေအထားမျိုး ရှိနေကြောင်းသိရသည်။

“နောက်တစ်ခုက သြဂုတ် ၂၇ ရက်မှာ အင်္ဂါဂြိုဟ်နဲ့ စနေဂြိုဟ်တွေ တူရာသီမှာ စစ်ထိုးမယ်။ဒီအတွက် တိုင်းပြည်မှာ နိုင်ငံရေး၊ အုပ်ချုပ်ရေး ပိုင်းဆိုင်ရာနဲ့ ပတ်သက်တဲ့ အတိုက်အခံ ပဋိပက္ခတွေ ထူးခြားဖြစ်စဉ်တွေဖြစ် ပေါ်လာနိုင်တယ်။ အစိုးရပိုင်းဆိုင်ရာ မှာလည်း ၀န်ကြီးအဆင့်ရှိတဲ့ ပုဂ္ဂိုလ်တွေ တာဝန်ကနေ နုတ်ထွက်တဲ့ ထူးခြားဖြစ် စဉ်တွေ ထပ်ဖြစ်နိုင်တယ်။ တိုင်းပြည်ရဲ့ဂြိုဟ်ရပ်တည်မှုက သြဂုတ်လအတွင်း မှာ ထူးခြားချက်တွေ ရှိနေတယ်” ဟု ၎င်းကဆိုသည်။

အလားတူ ကြာသပတေးဂြိုဟ် သည် ဇွန် ၂၀ ရက်မှ စတင်၍ မြန်မာ နိုင်ငံ၏ ကောင်းသည့်နေရာသို့ ရောက် ရှိလာမည်ဖြစ်သောကြောင့် ပြည်သူ လူထု၏ ကံဇာတာမှာ မြင့်မားလာမည့်အနေအထားရှိကြောင်း သိရသည်။ အဆိုပါကာလအတွင်း ပုဒ်မ -၄၃၆ ပြင်ဆင်ရေးကဲ့သို့သော ပြည်သူလူထု၏ တောင်းဆိုမှုများအပေါ် အစိုးရက ငြင်းဆန်၍ မရ နိုင်သည့် အနေအထားမျိုးရှိလာနိုင်ပြီး ယင်းအနေအထားမှ တစ်ဆင့် နိုင်ငံရေးပိုင်းနှင့် အစိုးရ အဖွဲ့အစည်းပိုင်းတွင်အပြောင်းအလဲ များ ဆက်လက်ဖြစ်ပေါ် လာနိုင်ကြောင်း သိရသည်။

အောင်မြင်ရဲဇော်
စံတော်ချိန် နေ့စဉ်သတင်းစာ

အပန်းမကြီးဘူးဆိုရင် ကြော်ငြာများကိုကလစ်ပေးပါ ။ကျေးဇူးတင်ပါတယ်။

ဂျယ်ဂေါင်သျှမ်းဒေသခံများအား တရုတ်အစိုးရတပ်မှစစ်ပညာသင်ပေး

Saturday, June 28, 2014
သျှမ်းပြည်မြောက်ပိုင်း မူစယ်မြို့တဘက်ကမ်း ဂျယ်ဂေါင်မြို့အတွင်းမှ သျှမ်းဒေသခံများအား တရုတ် အစိုးရတပ်မတော်မှဆင့်ခေါ်ကာ စစ်ပညာသင်ကြားပေးနေသည်ဟု သိရသည်။

ဂျွန်လနောက်ဆုံးပတ်မှစ၍ ဂျယ်ဂေါင်ဒေသခံ သျှမ်းအမျိုးသား အမျိုးသမီးများအား အုပ်ချုပ်ရေးမှူး များမှတဆင့် ဆင့်ခေါ်ကာ တရုတ်နိုင်ငံ နယ်စပ်လုံခြုံရေး (ရဲ) စခန်းဝင်း၌ စစ်ပညာသင်ကြားပေး ခဲ့ သည်။ တက်ရောက်သူ နယ်စပ်ဒေသခံများအနက် ဂျယ်ဂေါင်ဒေသခံ သျှမ်းအမျိုးသား၂၄ ဦး၊ အမျိုး သမီး ၈ ဦး ပါဝင်သည်။

တရုတ်အစိုးရမှ စစ်ပညာသင်တန်းပေးနေသော ဂျယ်ဂေါင်မှ ဒေသခံများ

သင်တန်းချိန်အား နံနက် ၈ နာရီမှ ၁၁ နာရီ တကြိမ်၊ မွန်းလွဲ ၃ နာရီ မှ ညနေ ၅ နာရီအထိ တရက် နှစ်ကြိမ် ရှိသည်ဟုဆိုပါသည်။

“ကျမညီမသွားတက်ရတာ အခု ၅ ရက် ရှိသွားပြီ။ ဘာလုပ်ဖို့လဲမသိဘူး။  လိုအပ်တဲ့အခြေခံစစ်ပညာ သင်တန်းပေါ့။ သေနတ်လဲ ပစ်ကျင့်ရတယ်။ လူတွေကို အလဲထိုးတဲ့ ကိုယ်ခံနည်းပညာလဲသင်ရတယ်။ ရှေ့အပတ်ထဲ ဖမ်းချုပ်တဲ့ နည်းတင်ပေးမယ်တဲ့။ ဒီစနေ တနင်္ဂနွေတော့ နားတယ်။ တနင်္လာနေ့ ပြန် စရ မယ်။ သင်တန်းက ဘယ် နှစ်ရက်ဆက်ကြာမယ် ဆိုတာမသိသေးဘူး” - ဟု ဆောင်တိုင်းမောဝ်း က ပြောသည်။

“အခုပေးတဲ့သင်တန်းက အရင်ကလည်းပေးဖူးတယ်။ အဲဒီတုန်းက ဗမာလိုပြောရရင် ပြည်သူ့စစ်ပေါ့။ အခုဟာလဲ မိမိရပ်ရွာအတွင်း ဒုစရိုက်တွေပေါ်လာရင်၊ နယ်စပ်ဖြတ်ကျော်မှု ဒုစရိုက်သမားတွေကို ဝိုင်း ဝန်းနှိမ်နှင်းဖို့ပါ၊ သင်တန်းက အချိန်ပိုင်းဘဲဆိုတော့ ရက် ၂၀ တလလောက်ပေါ့” - ဟု တရုတ်နယ်စပ် လုံခြုံရေးအရာရှိနှင့်နီးစပ်သည့် ထွန့်မောဝ်းဒေသခံ စိုင်းကောက သျှမ်းသံတော်ဆင့်အား ပြောသည်။

မြန်မာနိုင်ငံနယ်စပ် (တရုတ်နိုင်ငံ) ရွှေလီခရိုင် ဂျယ်ဂေါင် နှင့် ရွှေလီမြို့တို့တွင် တရုတ်အာဏာပိုင်များ က အကြောင်းအမျိုးမျိုးပြကာ မြန်မာနိုင်ငံသား ၆၀၀ ကျော်ဖမ်းဆီးထားကြောင်း၊ သီးခြားအတည်ပြု ချက်မရသေးသည့် သတင်းအရ အဆိုပါဖမ်းဆီးခံရသူ မြန်မာနိုင်ငံသားများအား တရုတ် - မြန်မာ မီးရထားလမ်း (တရုတ်ဘက်ခြမ်း) ဖေါက်လုပ်ရေးအတွက် အဓမ္မလုပ်အား စေခိုင်းခြင်းခံရသည်ဟု ဆိုသည်။
သျှမ်းသံတော်ဆင့်