မြန်မာနိုင်ငံနဲ့ ပတ်သက်ပြီး လူ့အခွင့်အရေးဆိုင်ရာ ဆုံးဖြတ်ချက်တွေ နှစ်စဉ်ချမှတ်နေတာကို ဆက်မလုပ်ပဲ ရပ်ဆိုင်းဖို့ ကုလသမဂ္ဂ အဖွဲ့ဝင်နိုင်ငံတွေကို အိန္ဒိယနိုင်ငံက တောင်း ဆိုလိုက်ပါတယ်။
ဧပြီ ၂၄ ရက်က နယူးယောက်မှာ ကျင်းပတဲ့ မြန်မာနိုင်ငံ ငြိမ်းချမ်းရေး၊ ဖွံ့ဖြိုးရေးနဲ့ ဒီမိုကရေစီရေးဆိုင်ရာ မိတ်ဖက်နိုင်ငံများဆွေးနွေးပွဲမှာ အိန္ဒိယရဲ့ ကုလသမဂ္ဂ ဆိုင်ရာ အမြဲတမ်းကိုယ်စားလှယ် သံအမတ်ကြီး အဆုတ်ကူးမားမူခါဂျီက တိုက်တွန်းလိုက်တာပါ။
မစ္စတာ မူခါဂျီက “ မြန်မာနိုင်ငံရဲ့ လူ့အခွင့်အရေးအခြေအနေအပေါ် နှစ်စဉ်ဆုံးဖြတ်ချက်တွေ ချနေတာ ဆက်မလုပ်ရေး သဘောတူဖို့ အဖွဲ့ဝင်နိုင်ငံတွေကို တောင်းဆိုပါတယ်၊ ဒီလိုလုပ်ခြင်းအားဖြင့် မြန်မာနိုင်ငံမှာ လုပ်နေပြီဖြစ်တဲ့ ပြုပြင်ပြောင်းလဲရေး ဆောင်ရွက်ချက်တွေ ကို ကမ္ဘာ့အသိုင်းအ၀န်းက အားပေးထောက်ခံ ရာရောက်လိမ့်မယ်လို့” ပြောပါတယ်။
ဒါ့အပြင် အိန္ဒိယအနေနဲ့ မြန်မာအစိုးရရဲ့ နိုင်ငံရေးစီးပွားရေးသိသာထင်ရှားတဲ့ အပြောင်းအလဲတွေ လုပ်ခဲ့တာ ကိုကြိုဆိုတယ်၊ ရှေ့ဆက်လုပ်ဖို့ ကုလသမဂ္ဂက ပိုပြီး လိုလို လားလားတုံ့ပြန်ရမယ်၊ ရင်းနှီးတဲ့ အိမ်နီးချင်းဖြစ် တာနဲ့ အညီ အိန္ဒိယဟာ မြန်မာပြည်မှာ အမျိုးသားရင်ကြားစေ့ရေးနဲ့ ဒီမိုကရေစီ ဖြစ်စဉ်ပိုအားကောင်း လာဖို့ ဖြစ်နိုင်တဲ့ အကူအညီတွေ အားလုံး ထပ်တိုးပေးဖို့ဆုံးဖြတ်ထားတယ်လို့ လည်း အိန္ဒိယ သံအမတ်က ပြောပါတယ်။
အိန္ဒိယအနေနဲ့ ရခိုင်ပြည်နယ်မှာ အဓိကရုဏ်းတွေက စဖြစ်ပြီးနောက် ပြန်လည်ထူထောင်ရေး
အတွက် အမေရိကန်ဒေါ်လာ ၂၄၀၀၀၀ ကူညီပေးခဲ့ပြီး နောက်ပိုင်းမှာ ပဋိပက္ခဖြစ်ရာ
နှစ်ဖက်စလုံးအတွက် စာသင်ကျောင်း ၁၀ ကျောင်း ဆောက်လုပ်ဖို့ ဒေါ်လာ ၁သန်း ကူညီခဲ့တယ်လို့ ဆိုပါတယ်။
အစည်းအဝေး သဘာပတိ ကုလသမဂ္ဂ အတွင်းရေးမှူးချုပ် ဘန်ကီမွန်းကတော့ ကုလသမဂ္ဂရဲ့ လူ့အခွင့်အရေး မဟာမင်းကြီးရုံးကို လုပ်ပိုင်ခွင့် အပြည့်အ၀နဲ့ မြန်မာနိုင်ငံမှာ ဖွင့်လှစ်ရင် မြန်မာအစိုးရ ကတိပြုလုပ်ဆောင်နေ တဲ့ လူ့အခွင့်အရေး ကာကွယ်မြှင့်တင် ရေးလုပ်ငန်းတွေ ပိုအားကောင်းလာအောင် အကူအညီဖြစ်စေ လိမ့်မယ်လို့ ပြောပါတယ်။
ဒီအစည်းအဝေးမှာ မြန်မာအစိုးရ ပြည်ထောင်စုဝန်ကြီးတွေဖြစ်တဲ့ ဦးစိုးသိန်း၊ ဦးခင်ရီတို့ အပြင် ရှေ့နေချုပ်နဲ့ ရခိုင်ပြည်နယ်ဝန်ကြီး ဦးမောင်မောင်အုန်းတို့လည်း တက်ရောက်ပါတယ်။
မြန်မာပြည်ဆိုင်ရာ လူ့အခွင့်အရေးဆုံးဖြတ်ချက်တွေကို ကုလသမဂ္ဂ အထွေထွေညီလာခံ တတိယကော်မတီ က ဥရောပသမဂ္ဂနဲ့ တခြား မြန်မာ့အရေး ဆောင်ရွက်တဲ့ နိုင်ငံတွေက ဦးဆောင်ပြီး ဆုံးဖြတ်ချက် မူကြမ်း ရေးဆွဲကာ နှစ်စဉ် မဲခွဲ ဆုံးဖြတ်ချက်တွေချလေ့ရှိတာပါ။
မနှစ် ဒီဇင်ဘာလဆုံးဖြတ်ချက်မှာတော့ မြန်မာပြည်ရဲ့ နိုင်ငံရေး၊ စီးပွားရေး၊ ဒီမိုကရေစီရေး ပြုပြင်ပြောင်းလဲရေး အားထုတ်မှုတွေကို ကြိုဆိုခဲ့ပြီး ရိုဟင်ဂျာတွေကို နိုင်ငံသားဖြစ်ခွင့်ပေးဖို့ နဲ့ ခွဲခြားဆက်ဆံတာတွေ အဆုံးသတ်ဖို့ တွေ ပါဝင်ပါတယ်။
မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်ကတော့ တိုင်းပြည်မှာ လူ့အခွင့်အရေး အခြေအနေတွေ တိုးတက်လာလို့ လူ့အခွင့်အရေးကောင်စီနဲ့ ကုလသမဂ္ဂ အထွေထွေညီလာခံ တတိယကော်မတီရဲ့ဆွေးနွေး မယ့် အစီအစဉ်မှာ မထည့်တော့ဖို့ ပြီးခဲ့တဲ့ အထွေထွေ ညီလာခံ မိန့်ခွန်းမှာပြောပါတယ်။
သမ္မတဦးသိန်းစိန်ကလည်း မြန်မာ့လူ့အခွင့်အရေးအခြေအနေကို ကုလသမဂ္ဂအထွေထွေ ညီလာခံ တတိယကော်မတီမှာ နှစ်စဉ်အဆိုတင်သွင်းနေမှုကို ရပ်ဆိုင်းပေးဖို့ အီတလီနိုင်ငံ မီလန်မြို့မှာ ပြီးခဲ့တဲနှစ် အောက်တိုဘာလက ကျင်းပတဲ့ အာရှ-ဥရောပထိပ်သီး အစည်း အဝေးမှာ ဥရောပ သမဂ္ဂကို တောင်းဆိုပါတယ်။
DVB