ဘာသာရေး အကြမ်းဖက်မှုတွေရဲ့ နောက်ကွယ်မှာ ကြိုးကိုင်မှုတွေ့

  မြန်မာနိုင်ငံမှာ ဖြစ်ခဲ့တဲ့ အကြမ်းဖက်မှုတွေထဲမှာ နောက်ကွယ်ကနေ မြှောက်ပေး ခဲ့တာတွေ ရှိတယ်လို့ နိုင်ငံတကာ လေ့လာမှုတခုမှာ တွေ့ရှိလိုက်ပါတယ်။ Justice Trust လို့ခေါ်တဲ့ နိုင်ငံတကာ လူ့အခွင့်အရေးအဖွဲ့အနေနဲ့ မန္တလေးမှာ မနှစ်ကဖြစ်ခဲ့တဲ့ အကြမ်းဖက်မှု ရုန်းရင်းဆန်ခတ်မှုကို လေ့လာသုံးသပ်ပြီးတော့ အခုလို ပြောဆိုလိုက်တာလည်း ဖြစ်ပါတယ်။ ဗွီအိုအေသတင်းထောက် Steve Herman ပေးပို့ထားတဲ့သတင်းလွှာကို ကိုဝင်းမင်းက တင်ပြပေးထားပါတယ်။

Justice Trust အဖွဲ့အနေနဲ့ မနှစ်က ဂျူလိုင်လမှာဖြစ်ခဲ့တဲ့ မန္တလေးက ဘာသာရေး၊ လူမှုရေးအကြမ်းဖက်မှုတွေကို မြန်မာနိုင်ငံက ရှေ့နေတွေ၊ တက်ကြွ လှုပ်ရှားသူတွေနဲ့အတူ သုတေသနပြုခဲ့ရာကနေ အခုလို တွေ့ရှိလိုက်တာပါ။ ဒီအစီရင်ခံစာကို “မြန်မာ ဘာသာရေး၊ လူမှုရေးအကြမ်းဖက်မှု နောက်ကွယ်က လက်များ၊ မန္တလေးရုန်းရင်းဆန်ခတ်မှုကို လေ့လာချက်” လို့ ခေါင်းစဉ်ပေးထားပါတယ်။ Justice Trust အဖွဲ့ရဲ့အကြီးအကဲ ရော်ဂျာနော်မန်က ဖြစ်ပျက်ခဲ့တဲ့ ဘာသာရေး၊ လူမှုရေး အကြမ်းဖက်မှုတွေဟာ မြန်မာနိုင်ငံမှာ ပွင့်လင်းလာလို့ ၊ ဖိနှိပ်မှုတွေဖွင့်ပေးလိုက်လို့၊ အောင်းနေတဲ့ ဘာသာရေးတင်းမာမှု တွေကြောင့် ဖြစ်တာလို့ အများက ထင်ထားတယ်၊ ဒါပေမယ့် အဓိက နောက်ကွယ်ကတချက်ကိုတော့ မေ့နေကြတယ်၊ အဲဒါက နောက်ကွယ်က မြှောက်ပေးတာဖြစ်တယ်လို့ အခုလို ပြောပါတယ်။

“ဒီလိုဂိုဏ်းတွေ၊ သွေးထိုးလှုံ့ဆော်တဲ့သူတွေသာ မရှိခဲ့ရင် ဒီလို ရုန်းရင်းဆန်ခတ်မှုတွေလည်း ရှိခဲ့မှာ မဟုတ်ပါဘူး။ သေချာတာကတော့ ရခိုင်ကနေ မိတ္ထီလာ၊ နောက် လားရှိုး၊ မန္တလေး- စတဲ့ ဖြစ်ခဲ့တဲ့ ပြင်းထန်လွန်းတဲ့အကြမ်းဖက်မှုတွေအဆင့်အထိလည်း ရောက်လာမှာ မဟုတ်ပါဘူး။”

Justice Trust အဖွဲ့ရဲ့ အမှုဆောင်ဒါရိုက်တာ နော်မန်ကပဲ မြန်မာနိုင်ငံသားတွေအနေနဲ့ ဘာသာရေးအခြိမ်းခြောက်ခံနေရတယ်လို့ မြင်လာတာကလည်း သူ့ဟာသူ ဖြစ်လာတာမဟုတ်ဘဲ ၉၆၉ လို့ခေါ်တဲ့ အစွန်းရောက်တဖွဲ့က လှုံ့ဆော်လိုက်တာဖြစ်တယ်လို့ ဆက်ပြောပါတယ်။

“မြန်မာနိုင်ငံသားတွေအနေနဲ့ ဗုဒ္ဓဘာသာဟာ အခြိမ်းခြောက်ခံနေရတယ်လို့ ခံစားနေကြရပါတယ်။ အဓိက ဘာကြောင့်ဖြစ်ရတာလဲဆိုတော့လည်း ၉၆၉ လှုပ်ရှားမှုနဲ့ ဒီအဖွဲ့က သတင်းမီဒီယာမှာ လိုသလို ပုံဖော်နေတဲ့အတွက်ကြောင့်ပါ။ နောက်တခုကတော့ အနောက်နိုင်ငံတွေဘက်မှာ မြင်နေတဲ့ အမြင်ကျပြန်တော့လည်း ဗုဒ္ဓဘာသာ သံဃာတော်တွေဟာ အစွန်းရောက်သူတွေ၊ မွတ်ဆလင်မုန်းတဲ့ဘုန်းကြီးတွေလို ဖြစ်နေပါတယ်။ တကယ်တော့ အခုလို အစွန်းရောက်တဲ့ဘုန်းကြီးတွေက လူနည်းစုဖြစ်ပါတယ်။”

Justice Trust အဖွဲ့ရဲ့လေ့လာမှုထဲမှာပဲ သုတေသနတွေကို သူတို့ ကျယ်ကျယ်ပြန့်ပြန့်လုပ်ထားပြီး မန္တလေးက ဘာသာရေးအဓိကရုဏ်းမှာဆိုရင် ရုတ်တရက် သူ့အလိုလိုထဖြစ်တယ်လို့ အပေါ်ယံ မြင်နိုင်ပေမယ့် လက်နက်တွေပါတဲ့ဂိုဏ်းတခုက မြှောက်ပေးခဲ့တာလို့ သုတေသန တွေ့ရှိချက်မှာ ဖော်ပြထားပါတယ်။ ဒါ့အပြင် မြှောက်ပေးတဲ့သူတွေဟာ မန္တလေးကလူတွေမဟုတ်ဘဲ အဝေးတနေရာကနေ ရောက်လာတာလို့ ဒီလေ့လာချက်မှာ ဆက်ပြီး ထောက်ပြခဲ့ပါတယ်။ Justice Trust အဖွဲ့ရဲ့ဒါရိုက်တာ နော်မန်က ဒီပြဿနာမှာ တာဝန်ရှိသူတွေက နှိမ်နင်းဖို့ အမိန့်မပေးခဲ့တာက အဓိကပြဿနာပဲလို့ အခုလို ထောက်ပြပါတယ်။

“ရဲတွေအနေနဲ့ကတော့ သူတို့အပြောအရ မတည်မငြိမ်ဖြစ်လာပြီဆိုရင် အမိန့်ရတာနဲ့ နှိမ်နင်းဖို့ ဝန်မလေးတတ်ပါဘူး။ ဒါပေမယ့် ဒီလို အရပ်ထဲမှာ ရုန်းရင်းဆန်ခတ်ဖြစ်တာမျိုးတွေ သူတို့မျက်စေ့ရှေ့မြင်ပေမယ့် သူတို့မနှိမ်နင်းခဲ့တာကတော့ အမိန့်ပေးမထားလို့ဆိုတာ သိသာပါတယ်။ ဒါကြောင့် မေးစရာဖြစ်လာတာကတော့ ဘာကြောင့် အမိန့်မပေးခဲ့သလဲဆိုတာပါပဲ။”

ဒါပေမယ့် Justice Trust အဖွဲ့ရဲ့လေ့လာချက်ထဲမှာပဲ မန္တလေးမှာဖြစ်ခဲ့တာနဲ့ အရင် ရခိုင်၊ မိတ္ထီလာ၊ လားရှိုးတို့မှာဖြစ်ခဲ့တဲ့ ဘာသာရေး၊ လူမှုရေး အကြမ်းဖက်မှုတွေနဲ့ ကွာတာရှိခဲ့တယ်၊ အဲဒါက မန္တလေးမြို့မှာက ဒေသခံပြည်သူတွေက ရုန်းရင်းဆန်ခတ်မှုတွေကို ကန့်ကွက်ခဲ့ကြတယ်။ လှုံ့ဆော်တာကိုလည်း လိုက်မလုပ်ဘဲ နေခဲ့ကြတယ်၊ ဒါ့ကြောင့် မြို့ပြင်ကလာပြီး လှုံ့ဆော်သူတွေဟာ ဘွားဘွားကြီး ပေါ်သွားခဲ့တာပါ-လို့ ထောက်ပြခဲ့ပါတယ်။

ဝင်းမင်း / ဗွီအိုအေ (မြန်မာပိုင်း)

မြန်မာ့စစ်ရေယာဉ်များ မာန်အောင်ကျွန်းအနောက်ဘက်တွင် စစ်ရေး လေ့ကျင့်မည်

ရန်ကုန်၊ မတ် ၂၃

၂၀၁၄ မတ်လ ၂၃ ရက်နေ့က တပ်မတော်ရေမှ ကိုကိုးကျွန်းအနီး
စစ်ရေးလေ့ကျင့်နေစဉ် (ဓါတ်ပုံ- တပ်မတော်ရေ)

တပ်မတော်(ရေ)မှ စစ်ရေယာဉ်များသည် ရခိုင်ပြည်နယ် မာန်အောင်ကျွန်း အနောက်ဘက်တွင် စစ်ရေး လေ့ကျင့်မှုများ ပြုလုပ်သွားမည်ဟု သတင်း ရရှိသည်။
စစ်ရေး လေ့ကျင့်မှု ပြုလုပ်စဉ် အတွင်း လက်နက်ကြီးများဖြင့် ပစ်ခတ်မှုများပြုလုပ်သွားမည်ဖြစ်ကြောင်း သက်ဆိုင်ရာမှ သတင်း ထုတ်ပြန်ထားသည်။
အဆိုပါစစ်ရေယာဉ်များသည် ပင်လယ်ပြင်လက်တွေ့လေ့ကျင့်ခန်းနှင့် လက်နက်များလေ့ကျင့်ပစ်ခတ်ခြင်းများကို မာန်အောင်ကျွန်းအနောက်ဘက်ရှိ ရေပြင်တွင် မတ်လ ၂၇ ရက်မှ ဧပြီ ၆ ရက်အတွင်းပြုလုပ်သွားမည်ဖြစ်ကြောင်း သိရသည်။
ယင်းသို့လေ့ကျင့်ဆောင်ရွက်နေစဉ်ကာလအတွင်း ဘေးအန္တရာယ်ကင်းရှင်းစေရေးအတွက် အဆိုိပါဧရိယာမှ ငါးမိုင်ပတ်လည်တွင် သင်္ဘောကြီး/ငယ်များ၊ ကုန်တင်စက်လှေများ၊ ငါးဖမ်းသင်္ဘောများ၊ စက်တပ်သမ္ဗာန်များဖြတ်သန်းသွားလာခြင်း၊ ကျောက်ချရပ်နားခြင်း၊ ငါးဖမ်းခြင်း၊ ငါးဖမ်းကိရိယာများချထားခြင်းမရှိစေရန်နှင့် လေယာဉ်နှင့် ရဟတ်ယာဉ်များအနေဖြင့်လည်း အမြင့်ပေ ၁၅ဝဝဝ အောက်ဖြတ်ကျော်ပျံသန်းခြင်းမပြုကြရန် သက်ဆိုင်ရာက အသိပေးထုတ်ပြန်ထားသည်။
နိရဉ္စရာ

ဒေါ်အောင်ဆန်းစုကြည် မွန်ပြည်နယ်ခရီးစဉ် ရက်ရွေ့ဆိုင်း

|Dawei Watch| မော်လမြိုင်၊ မတ်လ ၂၃
အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်၏ မွန်ပြည်နယ် ခရီးစဉ်ကို ရက်အကန့်အသတ်မရှိ ရွေ့ဆိုင်းလိုက်ကြောင်း မွန်ပြည်နယ် အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါက်တာ ခင်ဆောင်က ပြောသည်။
ဒေါ်အောင်ဆန်းစုကြည် မတ်လ ၂၇ ရက်နေ့နှင့် ၂၈ ရက်နေ့တို့တွင် မွန်ပြည်နယ်သို့ လာရောက်ရန် စီစဉ်ထား သော်လည်း ကျန်းမာရေးအခြေအနေနှင့် ရာသီဥတုပူပြင်းမှုကြောင့် ခရီးစဉ် ရွေ့ဆိုင်းလိုက်ခြင်းဖြစ်သည်ဟု ၄င်းက ပြောသည်။

“ဘယ်ရက် လာဖြစ်မလဲတော့ မသိသေးဘူး” ဟု ဒေါက်တာ ခင်ဆောင်က ပြောသည်။

မတ်လ ၁၉ ရက်နေ့ထုတ်  7 Days နေ့စဉ် သတင်းစာတွင်မူ ဒေါ်အောင်ဆန်းစုကြည်၏ ကျန်းမာရေး ကောင်းမွန်ပြီး ပုံမှန် ကျန်းမာရေးစစ်ဆေးမှုပြုလုပ်ခြင်းသာဖြစ်ကြောင်း မိသားစုဆရာဝန်၏ ပြောကြားချက်ကို ကိုးကားဖော်ပြသည်။

ကနဦးက စီစဉ်ထားသည့် ခရီးစဉ်အရ ဒေါ်အောင်ဆန်းစုကြည်သည် သံဖြူဇရပ်၊ မော်လမြိုင်၊ သထုံအပြင် အပြန်တွင် ကျိုက်မရောနှင့် ဘားအံဘက်သို့ သွားရောက်ရန် စီစဉ်ထားခဲ့သည်ဟု ၄င်းက ပြောသည်။

ဒေါ်အောင်ဆန်းစုကြည်သည် ဗိုလ်ချုပ်နှစ် ၁၀၀ ပြည့်မွေးနေ့ အထိမ်းအမှတ်အဖြစ် ဗိုလ်ချုပ်အောန်ဆန်း မိန့်ခွန်း ပြောကြားခဲ့ ဖူးသည့် သေမင်းတမန်စစ်သင်္ချိုင်းတွင် မိန့်ခွန်း ပြောကြားရန်လည်း စီစဉ်ထားခဲ့ကြောင်း သိရသည်။

သေမင်းတမန်စစ်သင်္ချိုင်းသည် ၁၉၄၆ ခုနှစ် ဒီဇင်ဘာလ ၈ ရက်နေ့တွင် ဖွင့်လှစ်ခဲ့ပြီး ၁၉၄၂ ခုနှစ်မှ ၁၉၄၅ ခုနှစ် အတွင်းက ဖောက်လုပ်ခဲ့သည့် မြန်မာ-ယိုးဒယားနယ်စပ် မီးရထားလမ်းဖောက်လုပ်စဉ် ဂျပန်များ၏ စစ်သုံ့ပန်း များအဖြစ် ခေါ်ဆောင်ခံရသည့် ဗြိတိသျှစစ်မှုထမ်းများ၊ သြစတြေလျစစ်မှုထမ်းများ၊ ဒတ်ခ်ျစစ်မှုထမ်းများနှင့် အာရှ ချွေးတပ်သားများ မြုပ်နှံထားသည့်နေရာ ဖြစ်သည်။

Dawei Watch          

တနင်္သာရီတွင် သင်္ကြန်မတိုင်မီ လိုင်စင်မဲ့ယာဉ်များ ဖမ်းမည်

|Dawei Watch| ထားဝယ်၊ မတ် ၂၂
တနင်္သာရီတိုင်းတွင် ယာဉ်လိုင်စင်၊ ယာဉ်မောင်းလိုင်စင်နှင့်
လုပ်ငန်းလိုင်စင်မရှိသည့် မော်တော်ယာဉ်များကို သင်္ကြန်မတိုင်မီ လာမည့်
ဧပြီလ ၁ ရက်နေ့မှ စတင်၍ စီမံချက်ဖြင့် စစ်ဆေး အရေးယူသွားမည်ဖြစ်ကြောင်း
အမှတ်(၈) ယာဉ်ထိန်းရဲ ဒုတိယတပ်ဖွဲ့ခွဲမှူးရုံး(တနင်္သာရီ) ထံမှ သိရသည်။
ယင်းသို့ အရေးယူမှုများ စတင်မည့်အကြောင်းကို လူထုကို
အကြောင်းကြားခြင်းနှင့် မော်တော်ယာဉ် မောင်းနှင်ရာတွင် အထက်ပါ
လိုင်စင်များ တစ်ပါထည်း ယူဆောင်လာရန် အသိပညာပေးခြင်းကို မတ်လ ၂၁ ရက်နေ့မှ
၃၁ ရက်နေ့အထိ လုပ်ဆောင်သွားမည် ဖြစ်ကြောင်း အထက်ပါရုံးမှ
တာဝန်ရှိသူတစ်ဦးက ပြောကြားသည်။
“ပုံမှန်တော့ အရေးယူနေတာပဲ။ သင်္ကြန်ကာလအတွက် အရေးကြီးတယ် ထင်လို့ပါ”ဟု ၎င်းက ဆိုသည်။
စစ်ဆေးအရေးယူမှုများကို သင်္ကြန်ကာလအတွင်း ပြုလုပ်မည် မဟုတ်ဘဲ မတ်လ ၁
ရက်နေ့မှ မတ်လ၁၀ ရက်နေ့ထိနှင့် သင်္ကြန်ကာလ နောက်ပိုင်းတွင် ဆက်လက်
လုပ်ဆောင်သွားမည်ဖြစ်ကြောင်း အထက်ပါရုံးထံမှ သိရသည်။
အများပြည်သူသွားလာရာ လမ်းပေါ်တွင် မောင်းနှင်သည့် ဆိုင်ကယ်၊ မော်တော်ကား၊
ထော်လဂျီနှင့် သုံးဘီးဆိုင်ကယ်များ အားလုံး ယာဉ်မောင်းလိုင်စင်၊
ယာဉ်လိုင်စင်နှင့် အငှားယာဉ်ဖြစ်ပါက လုပ်ငန်းလိုင်စင်များ
ပါရှိရမည်ဖြစ်ကြောင်း တနင်္သာရီတိုင်းဒေသကြီး ယာဉ်စည်းကမ်း
ထိန်းသိမ်းရေးကြီးကြပ်မှုကော်မတီက ထုတ်ပြန်ထားသည်။
“ယာဉ်မောင်းလိုင်စင်မရှိပဲ မောင်းနေသူတွေက မကျွမ်းကျင်ရင်
အများပြည်သူအတွက် အန္တရာယ်ရှိနိုင်တယ်”ဟု အမှတ်(၈) ယာဉ်ထိန်းရဲ
ဒုတိယတပ်ဖွဲ့ခွဲမှူးရုံး(တနင်္သာရီ)မှ ရဲမှူး စိုးဝင်းက ပြောသည်။
ယာဉ်ထိန်းရဲများက လမ်းဆုံလမ်းခွများတွင်သာ အဓိက ဖမ်းဆီးလေ့ရှိသဖြင့်
အထောက်အထား မပြည့်စုံသည့် ယာဉ်မောင်းသူ အများစုမှာ လမ်းဆုံလမ်းခွများကို
ရှောင်ကွင်းသွားလာလေ့ရှိကြောင်း ထားဝယ်မြို့ခံ ဆိုင်ကယ်စီးလူငယ်တချို့က
ပြောသည်။
ယာဉ်မောင်းလိုင်စင်၊ ယာဉ်လိုင်စင်များမပါရှိသူများသည် မော်တော်ယာဉ် ဥပဒေ
၂၂ အရ တရားရုံးသို့ တရားစွဲတင်ခံရမည်ဖြစ်ပြီး ဒဏ်ငွေ ကျပ် ၁၅၀၀
ပေးဆောင်းရနိုင်ကြောင်း အထက်ပါရုံးထံမှ သိရသည်။
Dawei Watch

အကြမ်းဖက်မှုတွေဖြစ်အောင် လှုံ့ဆော်နေတဲ့အဖွဲ့များ ရှိနေ

မန္တလေးမြို့မှာ ၂ဝ၁၄ ခုနှစ် ဇူလိုင်လ ၁ ရက်နေ့ညကဖြစ်ခဲ့တဲ့ ဆူပူမှုအတွင်း ဖျက်ဆီးခံရတဲ့ ဈေးဆိုင်တချို့ကို တွေ့ရစဉ်။ Photo:Hset Paing Toe/RFA

မြန်မာနိုင်ငံက လူမှုအသိုင်းအ၀ိုင်းကြားမှာ အကြမ်းဖက် မှုတွေ ဖြစ်ပွားအောင် လှုံ့ဆော်နေတဲ့ အဖွဲ့အစည်း အုပ်စုတွေရှိနေကြောင်း အစီရင်ခံစာတစ်စောင်ကို Justice Trust အဖွဲ့က ထုတ်ပြန်လိုက်ပြီး ဒိီကနေ့ မနက်က ဘန်ကောက်မြို့ နိုင်ငံခြားသတင်းထောက်များ အသင်းမှာ သတင်းစာရှင်းပွဲပြုလုပ်ခဲ့ပါတယ်။

ဒီအစီရင်ခံစာဟာ လွန်ခဲ့တဲ့နှစ်များက မြန်မာနိုင်ငံ အတွင်းဖြစ်ပွားခဲ့တဲ့ ဘာသာရေး၊လူမှုရေး ပဋိပက္ခတွေ ကနေတဆင့် ဆူပူအကြမ်းဖက်မှုတွေ ဖြစ်ပွားခဲ့တာတွေ ကိုလေ့လာပြီး အစီရင်ခံစာကို ထုတ်ပြန်ခဲ့တာလို့ ဆိုပါတယ်။ Justice Trust အဖွဲ့ နဲ့ ပူးပေါင်းဆောင်ရွက် ခဲ့တဲ့  တရားလွှတ်တော်ရှေ့နေ ဦးသိန်းသန်းဦးက အစီရင်ခံစာနဲ့ပတ်သက်ပြီး  အခုလိုပြောပါတယ်။

"လေ့လာတဲ့အခါကျတော့ အချက်အလက် တည်ဆောက်တော့ တူညီတဲ့အချက်တွေ တော်တော် များများ သွားတွေ့ရတယ်ဗျ၊ အများအားဖြင့် နေရာတော်တော်များများမှာ ဗုဒ္ဓဘာသာဝင် အမျိုးသမီးတစ်ယောက် ကို စော်ကားတယ်ဆိုတဲ့ ဇတ်လမ်းတွေစလာပြီးတော့ ပြဿနာစဖြစ်နေပြီဆိုလို့ရှိရင် အမျိုးအမည်မသိတဲ့ လူတွေ ဒေသခံမဟုတ်တဲ့လူတွေ ဝင်ရောက်လာတယ်၊ ဝင်ရောက်လာပြီးတော့ ဗလီတွေဝင်အကြမ်းဖက်မယ်၊ အဲဒီ့ကနေ လူတွေအသက်အိုးအိမ် ဆုံးရှုံးရတဲ့အနေအထားတွေ ရောက်လာတယ်၊ နောက်တောကြောင်တွေ ပစ္စည်းတွေလုတယ်၊ ဒါကပုံသေနည်း ကျနော်တို့တွေ့ရတယ်ပေါ့နော်"

မြန်မာနိုင်ငံရဲ့ ဒီမိုကရေစီလမ်းကြောင်းကို ပြောင်းလဲသွေဖီအောင် တမင်ကြံစည်နေသူတွေက အခုလိုပဋိပက္ခတွေ ဖန်တီးလုပ်ဆောင်နေတာဖြစ်တယ်လို့လည်း ကောက်ချက်ဆွဲထားပါတယ်။

တဆက်တည်း အခုလိုအကြမ်းဖက်မှုတွေ၊ ပဋိပက္ခတွေကို ကာကွယ်နိုင်အောင် အရပ်ဘက်လူမှုအဖွဲ့အစည်းတွေက ပူးပေါင်းပြီး တုန့်ပြန်မှုများဆောင်ရွက်ဖို့ အကြံပြုထားသလို အစိုးရအနေနဲ့လည်း တရားဥပဒေစိုးမိုးရေးအတွက် ဘာသာလူမျိုးမခွဲခြားဘဲ လူသားအားလုံးတန်းတူညီစွာ ကာကွယ်ပေးနိုင်ရေးတာဝန်တွေကို မြှင့်တင်နိုင်အောင် တိုက်တွန်းထားပါတယ်။

RFA Burmese

ရခိုင်သင်္ဘော နစ်မြုပ်မှု စုံစမ်းရေး အစီရင်ခံ

ခရီးသည်တင် သင်္ဘော နစ်မြုပ် ပြီး လူ ၆ဝ ကျော် သေဆုံး ခဲ့ရ

မတ်လ ၁၃ ရက်နေ့က ကျောက်ဖြူ မြို့ နားမှာ ခရီးသည်တင် သင်္ဘော နစ်မြုပ် ပြီး လူ ၆ဝ ကျော် သေဆုံး ခဲ့ရတဲ့ ဖြစ်စဉ် နဲ့ ပတ်သက်လို့ ရခိုင် ပြည်နယ် စုံစမ်း စစ်ဆေးရေး ကော်မီတီ တွေ့ရှိချက် တွေကို ရခိုင် ပြည်နယ် အစိုးရ အဖွဲ့ ထံ တင်ပြ လိုက်ပြီ ဖြစ်ပါတယ်။

ဒီစစ်ဆေး တွေ့ရှိချက်နဲ့ ပတ်သက် လို့ လူနဲ့ ကုန် မတန်တဆ တင်လာတာ၊ သင်္ဘောရဲ့ ကြံ့ခိုင်မှု အားနည်းတာ၊ သက်ကယ် အင်္ကျီ ၃ဝ ပဲ ပါလာတာ၊ သင်္ဘောသား တွေရဲ့ တာဝန်ယူမှု အားနည်းတာ ၊ နောင်တော်ဝ မှာ လှိုင်းလေ ပြင်းထန်တာ စတဲ့ အချက်တွေ တွေ့ရှိ ရပြီး ပြည်တွင်း ရေကြောင်း ပို့ဆောင်ရေး ဌာနမှာ အဓိက တာဝန် ရှိတယ်လို့ စစ်ဆေးရေး ကော်မီတီ ဥက္ကဋ္ဌဌ ရခိုင်ပြည်နယ် ချင်းတိုင်းရင်းသား ရေးရာ ဝန်ကြီး ဦးကိုကိုနိုင်က ပြောပါတယ်။

အသက်မသေ လွတ်မြောက်လာသူ တွေ ပြောပြချက်နဲ့ အခြေခံ အကြောင်းတရား တွေကို အခြေခံ ထုတ်ပြန် ခဲ့တာ ဖြစ်ပြီး အရေးယူ အပြစ်ပေးမှု တွေနဲ့ ကော်မတီ မသက်ဆိုင်ဘူး လို့လည်း သိရပါတယ်။

အရေးပေါ် အခြေအနေ တွေမှာ ကယ်ဆယ်ရေး အတွက် ရေကြောင်း ဝန်ထမ်း တွေကို ဇာတ်တိုက် လေ့ကျင့်ဖို့၊ ကမ်းရိုးတန်းသွား သင်္ဘော တွေရဲ့ ကြံ့ခိုင်မှု ကို စစ်ဆေးဖို့ နဲ့ ခရီးသည် တင်နိုင်တဲ့ ပမာဏ ထိ ပိုမို မတင်ဆောင် စေဖို့ အထူး ကြပ်မတ် ကွပ်ကဲ သင့်ကြောင်း ကော်မတီက အကြံပြု တင်ပြ ခဲ့ပါတယ်။

BBC Burmese

KIA ကချင်တပ်အပေါ် အစိုးရတပ် လေကြောင်းနဲ့ ထိုးစစ်ဆင်

ကချင်လွတ်လပ်ရေးတပ်မတော် (KIA) တပ်ဖွဲ့ဝင်များ ရှေ့တန်းစခန်းမှာ တပ်စွဲနေစဉ်။ 

23.03.2015 

ဗန်းမော်ခရိုင်ထဲက ကချင်လွတ်မြောက်ရေးအဖွဲ့ရဲ့ လက်နက်ကိုင် KIA စခန်း တခုကို မြန်မာ အစိုးရတပ်တွေက စနေနေ့ကတည်းက စတင် ထိုးစစ်ဆင်နေပါတယ်။ ဗန်းမော်ခရိုင် မန်စီမြို့နယ်ထဲက KIA တပ်တွေရှိတဲ့ နေရာတွေအပေါ်လက်နက်ကြီးတွေ လေကြောင်းတိုက်ခိုက်မှုတွေနဲ့ တိုက်ခိုက်ခဲ့တယ်လို့ KIAဘ က်က VOA မြန်မာပိုင်းကို ပြောပါတယ်။ ကချင်လွတ်မြောက်ရေးအဖွဲ့ ကိုယ်စားလှယ်တွေနဲ့ မြန်မာ သမ္မတ၊ ကာကွယ်ရေး ဦးစီးချုပ်တို့ရဲ့
သမိုင်းဝင်တွေ့ဆုံပွဲ အပြီး ရက်ပိုင်းအကြာနဲ့ တိုင်းရင်းသားလက်နက်ကိုင် တပ်တို့နဲ့ မြန်မာအစိုးရ ငြိမ်းချမ်းရေး ကိုယ်စားလှယ် အဖွဲ့တို့ကြား တွေ့ဆုံ ဆွေးနွေးမှုတွေ လုပ်ဆောင်နေတဲ့ ကာလအတွင်းမှာ အခုလို တိုက်ပွဲတွေကြောင့် အပစ်ရပ်ရေး ဆွေးနွေးပွဲအပေါ်သက်ရောက်မှု ရှိနိုင်သလား ဆိုတာတွေကိုတော့ မသိင်္ဂီထိုက်က ဆက်သွယ်မေးမြန်းထားပါတယ်။

ကချင်ပြည်နယ်၊ ဗန်းမော်ခရိုင် မန်စီမြို့နယ်ကနေ ကိုက်ထိပ်၊ မန်ဝင်းကို ဆက်သွယ်ထားတဲ့ လမ်းမကြီးရဲ့ အနောက်ဘက်ခြမ်း နထက်ကျေးရွာက ကချင်လွတ်မြောက်ရေးတပ် KIA တပ်မဟာ (၃) ရဲ့ ရှေ့တန်းစခန်းကို မြန်မာ အစိုးရက စနေနေ့နဲ့ တနင်္ဂနွေနေ့ ၂ ရက်တိတိ ထိုးစစ်ဆင်ခဲ့ပြီး တနင်္ဂနွေနေ့မှာတော့ ကေအိုင်အေ တပ်စခန်းရှိရာ နေရာ ၂ နေရာကို ထိုးစစ်ဆင်ခဲ့တယ်လို့ ကချင်လွတ်မြောက်ရေး အဖွဲ့ ကေအိုင်အိုရဲ့ တွဲဖက် အတွင်းရေးမှူး ဦးလနန်က ပြောပါတယ်။
“KIA တပ်မဟာ (၃) တပ်ရင်း (၁) ရှေ့တန်းစခန်း နထက်ကျေးရွာမှာရှိတဲ့ စခန်းတွေကို တပ်မ (၈၈) ကနေပြီး စစ်ကြောင်းတွေကဝင်လာပြီး ထိုးစစ် ဆင်တာပါ။ အဲလို လုပ်ရင်းနဲ့ပဲ တိုက်ပွဲဖြစ်သွားတယ်။ မနေ့ကလည်း တိုက်ပွဲဖြစ်တယ်၊ ဒီနေ့မနက်ပိုင်းမှာလည်း စပြီးတော့ တိုက်ပွဲဖြစ်တယ်။ နေ့လည်ပိုင်းကစပြီးတော့ သူတို့ လက်နက်ကြီးတွေ အသုံးပြုလာတယ်။ မွန်းလွဲပိုင်း သုံးနာရီအချိန်မှာ သူတို့ လေယာဉ်နဲ့လာပြီးတော့ ပစ်ခတ်တယ်။ ဗုံးကြဲတာတွေလုပ်တယ်။ (၃) နာရီ ကျော်ကျော်မှာတကြိမ်၊ (၄) နာရီခွဲမှာတကြိမ်၊ ဂျက်တိုက်လေယာဉ် နှစ်စင်းနဲ့ နှစ်ကြိမ်လာပြီးတော့ ပစ်ခတ်တာတွေ လုပ်တယ်။ ဒီနေ့မနက်ရဲ့ဖြစ်စဉ်မှာတော့ နထက်ကျေးရွာမှာ စစ်ကြောင်းတကြောင်း၊ နောက်ပြီးတော့ နထက်ကျေးရွာရဲ့အနောက်ဘက်ခြမ်းမှာရှိတဲ့ …ကျေးရွာမှာစစ်ကြောင်းလည်း စစ်ကြောင်းတကြောင်းဝင်လာတယ်။ အဲဒီမှာ တိုက်ပွဲတွေ နှစ်နေရာဖြစ်တယ်။ ဖြစ်ရင်းနဲ့ပဲ အဲဒီစစ်ကြောင်း နှစ်ကြောင်း ကလည်း သူတို့အချင်းချင်း ပစ်ခတ်မှားယွင်းမှုလည်း ရှိပုံရတယ်။ အဲဒီတော့ ထိခိုက်မှုက များသွားတယ်။ နောက်ဆုံးကျတော့ လေယာဉ်ကို သူတို့သုံးတဲ့ အဆင့် ဖြစ်လာရတယ်ခင်ဗျ။
“ထိခိုက်မှုက ကျနော်တို့ဘက်မှာတော့ မရှိဘူးခင်ဗျ။ ဒါပေမယ့် တဘက်မှာ အစိုးရစစ်ကြောင်းတွေမှာ ထိခိုက်မှုတစုံတရာ ရှိနိုင်တယ်ခင်ဗျ။ ထိခိုက်မှုရှိတဲ့ အခါမှာ သူတို့ဟာ အဲလိုမျိုး လက်နက်ကြီးရော၊ သဲကြီးမဲကြီး လက်တုံ့ပြန် တိုက်ခိုက်တာမျိုး လုပ်လေ့လုပ်ထရှိတယ်ခင်ဗျ။ အဲဒီကျတော့ တဘက်မှာ ထိခိုက်မှုရှိတယ်လို့ အပေါ်ယံသတင်းရတယ်။ ဒါပေမယ့် ဘယ်လောက် အရေအတွက်ရှိတယ်၊ ဘယ်အဆင့်တွေ ထိတယ်ဆိုတာတော့ မသိရသေးဘူး ခင်ဗျ။”
စစ်ရေးမဟာဗျူဟာအရ သိပ်ပြီးအရေးမပါလှတဲ့ နထက်ရွာက ကေအိုင်အေတို့ရဲ့ တပ်စခန်းကို မြန်မာ့တပ်မတော်ဘက်က အင်အား ၁ဝဝ နီးပါး အသုံးပြုပြီး သဲကြီးမဲကြီး တိုက်ခိုက်နေတာလို့လည်း ဦးလနန်က ပြောပါတယ်။ ကေအိုင်အို ကိုယ်စားလှယ်အဖွဲ့နဲ့ မြန်မာအစိုးရ အကြီးအကဲ၊ တပ်မတော်ကာကွယ်ရေး ဦးစီးချုပ်တို့နဲ့ သမိုင်းဝင်အပစ်ရပ်ရေး ငြိမ်းချမ်းရေးစကားပြောဆိုမှုအပြီး ရက်ပိုင်းအကြာ၊ နောက် လက်ရှိ ရန်ကုန်မှာ ကေအိုင်အို အပါအဝင် တိုင်းရင်းသား လက်နက်ကိုင်တို့နဲ့ မြန်မာအစိုးရ ငြိမ်းချမ်းရေး ကိုယ်စားလှယ်အဖွဲ့တို့ကြား တနိုင်ငံလုံး အပစ်ရပ်ရေး ဆွေးနွေးနေကြချိန်ကို အခွင့်ကောင်းယူပြီး မြန်မာ့တပ်မတော်က ထိုးစစ်ဆင်လာတာလို့လည်း ပြောခွင့်ရ ဦးလနန်က သုံးသပ်ပါတယ်။
“KIO ကိုယ်စားလှယ်အဖွဲ့နဲ့ ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီ ဆွေးနွေးပွဲ ရှိတိုင်း၊ ရှိတိုင်း ကျနော်တို့ရဲ့ ရှေ့တန်းစခန်းငယ် တွေကို အမြဲတမ်း အစိုးရစစ်တပ်ကနေပြီးတော့ ဝင်သိမ်းတာမျိုး၊ ပစ်ခတ်တာမျိုး အမြဲတမ်းလုပ်တယ်ဗျ။ လုပ်ရိုးလုပ်စဉ်တခုပါ။ ဒါကြောင့်မို့ အခုလည်းဆွေးနွေးပွဲက ၁၇ ရက်နေ့ စတယ်ခင်ဗျ။ ဒီစစ်ဆင်ရေးက ၁၆ ရက်၊ ၁၇ ရက်မှာ စပြီးတော့ …… လှုပ်ရှားမှုကို စပြီးတော့ လုပ်လာတယ်။ တပ်မ (၈၈) က နေပြီး တော့၊ ဗျူဟာတခုကနေပြီးတော့ အဲဒီစစ်ဆင်ရေးအတွက် ပြင်ဆင်လာတာမျိုး လုပ်တယ်။ ၁၇ ကနေပြီးတော့ သိသိသာသာ အဲဒီ စစ်ကြောင်းတွေက ကျနော်တို့ရဲ့တပ်စခန်းတွေကို ချဉ်းကပ်လာတာတယ်။ အဲဒီကျတော့ ၂၁ ရက်နေ့မှာစပြီးတော့ ကျနော်တို့ရဲ့စခန်းကို ဝင်တိုက်တဲ့ အခါမှာ တိုက်ပွဲတွေက ဖြစ်ပွားရတာပါ။ အဲဒီကျတော့ ဒီ ဆွေးနွေးပွဲကာလအတောအတွင်းမှာ အမြဲတမ်းလိုလို လုပ်ခဲ့တဲ့အဖြစ်အပျက်တွေကို ကျနော်တို့ ပြန်ပြီးတော့ တိုက်ဆိုင်ကြည့်တဲ့အခါမှာ ဆွေးနွေးပွဲရှိတိုင်း စခန်းငယ်တွေကို ဝင်သိမ်းတဲ့ဖြစ်စဉ်တွေရှိတော့ ဒီတခေါက်မှာလည်း ရန်ကုန်မှာ ဆွေးနွေးပွဲ ရှိတာကို အခွင့်ကောင်းယူပြီး ကျနော်တို့ရဲ့စခန်းငယ်တွေကို ဝင်သိမ်းတဲ့ပုံစံမျိုးပဲ သတ်မှတ်လို့ရပါတယ်။ ဆွေးနွေးပွဲကို ဖျက်လိုဖျက်ဆီး ရည်ရွယ်ချက်တော့ ရှိဟန်မတူဘူးခင်ဗျ။”
အစိုးရစစ်တပ်က ကေအိုင်အေကို ထိုးစစ်ဆင်ဖို့ စတင်ပြင်ဆင်ချိန်ကတည်းက နေ့စဉ် ထိုးစစ်ဆင်တဲ့အနေအထားတွေကို လက်ရှိ ရန်ကုန်မှာ ဆွေးနွေး နေတဲ့ တနိုင်ငံလုံး အပစ်ရပ်ရေးဆွေးနွေးပွဲမှာ ကေအိုင်အိုဘက်က မြန်မာအစိုးရကို အလွတ်သဘောပြောကြားခဲ့ပေမယ့် ထိုးစစ်တွေကတော့ ရပ်မသွားဘူးလို့လည်း ဦးလနန်က ပြောပါတယ်။ အခု မြန်မာအစိုးရ ထိုးစစ်ဆင်နေတဲ့ ကေအိုင်အေ ရှေ့တန်းစခန်းကိုတော့ မြန်မာ့တပ်မတော်က အလုံးအရင်းနဲ့ ထိုးစစ်ဆင်နေတာကြောင့် စစ်ဗျူဟာအရအပြောင်းအလဲ လုပ်ကောင်းလုပ်နိုင်တယ်လို့လည်း ပြောခွင့်ရဦးလနန်က ပြောပါတယ်ရှင်။
VOA

ဖမ်းဆီးခံလက်ပံတန်း ဆန္ဒပြသူတွေ ကျန်းမာရေးဆိုးရွား

 
 ပင်မကျောင်းသားသပိတ် လက်ပံတန်းမှာ ဖြိုခွဲခံရပြီး ဒဏ်ရာရကျောင်းသားတွေကို အကျဉ်းထောင်ပို့စဉ် မြင်ကွင်း (မတ်လ ၁၁၊ ၂၀၁၅)

3.03.2015
ပဲခူးတိုင်း၊ လက်ပံတန်းကျောင်းသားသပိတ်ကို အာဏာပိုင်တို့ အကြမ်းဖက်ဖြိုခွဲပြီး သာယာဝတီအကျဉ်းထောင်အတွင်းမှာ ဖမ်းဆီးထားခံရတဲ့ ကျောင်းသား တချို့မှာ ဖြိုခွဲခံရမှုအတွင်း ဦးခေါင်းကို ရိုက်နှက်ခံထားခဲ့ရမှုကြောင့် နာကျင်မူးဝေတာတွေ ခံစားနေကြရဆဲဖြစ်သလို တချို့ဆိုရင် မျက်စေ့မမြင်ရတဲ့ အဖြစ်မျိုးတွေနဲ့လည်း ရင်ဆိုင်နေရပါတယ်။ ဖမ်းဆီးခံကျောင်းသားတွေ လုံလောက်တဲ့ ဆေးဝါးကုသမှု မရဘူးလို့လည်း မိသားစုဝင်တွေက သံသယ ရှိနေကြတာပါ။ ဒီကနေ့မှာလည်း ဖမ်းဆီးခံထားရသူတွေကို ထောင်ဝင်စာတွေ့ခွင့် အာဏာပိုင်တို့က ပိတ်လိုက်ပြန်ပါတယ်။ အပြည့်အစုံကိုတော့ ထိုင်း အခြေစိုက် ဗွီအိုအေသတင်းထောက် မအေးအေးမာက သတင်းပေးပို့ထားပါတယ်။
လက်ပံတန်းမြို့မှာ ရိုက်နှက်ဖမ်းဆီးခံခဲ့ရတဲ့ ပင်မသပိတ်စစ်ကြောင်းက ကျောင်းသားနဲ့အရပ်သားတွေဟာ သာယာဝတီထောင်မှာ လုံလောက်တဲ့ ဆေးဝါးကုသခွင့်မရတဲ့အတွက် ဦးခေါင်းနဲ့မျက်စေ့ ထိခိုက်ဒဏ်ရာရခဲ့ကြသူ ကျောင်းသားတွေဟာ စိုးရိမ်ရတဲ့အခြေအနေမှာ ရှိနေပါတယ်။ ပြည်တက္ကသိုလ် အဝေးသင်ကျောင်းသားတဦးဖြစ်တဲ့ မောင်သန်းဆွေကို စနေနေ့က ထောင်ဝင်စာသွားတွေ့ချိန်မှာ သားဖြစ်သူရဲ့မျက်လုံးတဘက် မမြင်ရတော့တဲ့ အကြောင်း ဖခင်ဖြစ်သူ ဦးခင်မောင်ကြည်က ပြောပြပါတယ်။
“သူက အရင်ရောက်နေနှင့်တာပေါ့။ အထဲလည်း ဝင်လည်းဝင်သွားရော ကျနော်ဝင်သွားမှ သူက မျက်စိကပ်ထားတဲ့ဟာကို ခွာလိုက်တာ။ ခွာလည်းခွာလိုက်ကော မျက်စေ့တခုလုံး ရဲနေတာကို ကျနော် မြင်လိုက်ရတယ်ပေါ့။ ဘယ်ဘက်မျက်လုံးက၊ ရဲနေတာမြင်တော့ ကျနော် လှမ်းမေးတယ်။ သား- မင်းမျက်စေ့က ဘယ်လိုလဲ၊ မသက်သာဘူးလားပေါ့။ ‘အဖေ-တဲ့၊ သူက ဒီအတိုင်းကြည့်ရင်တော့ ကောင်းတယ်လို့ ထင်ရတာပေါ့-တဲ့။ မြင်ရတယ်လို့ပဲ အောက်မေ့ရတယ်-တဲ့။ ဒါပေမယ့် ကောင်းတဲ့မျက်လုံးကို ပိတ်လည်း ကြည့်လည်းကြည့်ရော ဟိုဘက်က မမြင်ရဘူး-တဲ့။’ ကုမပေးဘူးဆိုတဲ့သဘောကို ကျနော် သိသွားတာပေါ့နော်။ ဟုတ်ကဲ့၊ သူတို့အထဲမှာ ကုမပေးဘူးဆိုတော့ ထောင်ထဲမှာကုပေးလည်းပဲ အာကတံ၊ ပါကတံပဲကုပေးမယ်ဆိုတာ ကျနော်တို့က သဘောပေါက်ပါတယ်။ ကျနော်တို့အနေနဲ့တော့ အပြင်မှာ ကုချင်တာပေါ့နော်၊ သူလုပ်ချင်တာကို မျက်စေ့ကောင်းသွားအောင် ကျနော်တို့က ကုပေးချင်တာပေါ့။ ကုချင်ပေမယ့် အခုနကပြောသလို အထဲမှာနေတော့ ကျနော်တို့က ဘာမှ လုပ်ပေးလို့ မရဘူး။ သူတို့မှ မလွှတ်တော့။ သူတို့က လွှတ်ပေးပြီဟေ့ဆိုရင်တော့ ကျနော်တို့က အပြင်မှာ ကုသပေးရမှာပါ။ အဲလိုပဲ လုပ်ရမှာပေါ့။ အဓိကအရေးကြီးတာက မျက်စေ့၊ မျက်စေ့ဖြစ်သွားတယ် ဆိုတော့ ကိုယ်က တော်တော်လေး စိုးတော့ စိုးရိမ်လိုက်တာပေါ့။ စိုးရိမ်တော့လည်း ဖြစ်ပြီးပြီဆိုတော့ သူတို့လက်ထဲရောက်နေတော့ ကျနော်တို့က ဘာမှလုပ်ပေးလို့ မရတော့ဘူးလေ။”
ဆေးကုသခွင့်ရနိုင်ဖို့ ဘယ်လိုလုပ်ဆောင်ရမလဲဆိုတာ စုံစမ်းနေဆဲဖြစ်ကြောင်း အမြန်ဆုံးပြန်လွှတ်ပေးမှသာ ဆေးကုပေးနိုင်မှာဖြစ်ကြောင်းလည်း ဦးခင်မောင်ကြည်က ပြောပါတယ်။ ရိုက်နှက်ဖမ်းဆီးခံထားရသူကျောင်းသား နောက်တဦးဖြစ်တဲ့ မင်းသူရှိန်ကို ထောင်ဝင်စာတွေ့ခဲ့တဲ့ မိခင်ဖြစ်သူကလည်း အခုလို ပြောပြပါတယ်။
“ပထမရက်တွေတုန်းကတော့ ခေါင်းတွေမူးတယ်-တဲ့။ ခေါင်းကို ရိုက်ထားတဲ့အတွက်ကြောင့်။ သူ့ကိုမေးတော့ အထဲထဲမှာတော့ မရိုက်တော့ဘူး-တဲ့။ အပြင်မှာတုန်းကတော့ ခေါင်းကို နှစ်ချက်ရိုက်တယ်-ပေါ့။ လက်နဲ့ကျောကုန်းကို သုံးချက်ရိုက်တယ်-တဲ့။ အဲလိုပြောပါတယ်။”

ဆယ်တန်းကျောင်းသား မောင်အောင်မင်းခိုင်ကို လက်ပံတန်း ပင်မကျောင်းသားသပိတ် ဖြိုခွဲချိန် ရဲတပ်ဖွဲ့ဝင်တွေ အုပ်စုလိုက်ဝိုင်းဝန်းရိုက်နှက်နေစဉ်။ (မတ်လ ၁၁၊ ၂၀၁၅)
အလားတူပဲ အသက် ၁၆ နှစ်အရွယ် ၁၀ တန်းကျောင်းသား မောင်အောင်မင်းခိုင်နဲ့ ကျောင်းသားငါးဦးခန့်ဟာ ဦးခေါင်းမှာ ပြင်းထန်တဲ့ဒဏ်ရာတွေ ရထားခဲ့တာကြောင့် ခေါင်းမူး၊ ခေါင်းကိုက်တာတွေဖြစ်နေတဲ့အတွက် အပြင်မှာ ဆေးဝါးကုသဖို့လိုအပ်နေတယ်လို့ ကျောင်းသားခေါင်းဆောင် ကိုမင်းသွေးသစ်က သူ့မိသားစုနဲ့ ထောင်ဝင်စာတွေ့ဆုံချိန်မှာ ပြောဆိုထားတာပါ။ ခေါင်းနဲ့မျက်စေ့နေရာမျိုးတွေကို အရိုက်ခံထားရတာဟာ စိုးရိမ်စရာ ကောင်းတဲ့အကြောင်း သာယာဝတီအကျဉ်းထောင်ကို ထောင်ဝင်စာသွားပို့ခဲ့တဲ့ ကျောင်းသားခေါင်းဆောင် ကိုဒီငြိမ်းလင်းက ပြောပါတယ်။
“မျက်လုံးဆိုတာ လူတယောက်ရဲ့အရေးကြီးတဲ့အစိတ်အပိုင်းဗျာ။ အထဲမှာ အတွင်းကြေနေတာ ဘယ်သူမှ မသိနိုင်ဘူး။ မျက်စေ့ဟာ ဘယ်လို ဖြစ်သွားလဲဆိုတာကို ပွင့်ပွင့်လင်းလင်း လုပ်ဆောင်သင့်တယ်လို့ ကျနော်မြင်တယ်ဗျာ။ အခုဟာက တကယ်အရေးပေါ်ကြောင့် ကုသရမယ့်လူနာကို အပြင်ထုတ်ပြီး ကုသပေးလို့ရတာပဲ။”
ဒီနေ့မှာတော့ သာယာဝတီထောင်က ကျောင်းသားတွေအတွက် အပြင်လူတွေ ထောင်ဝင်စာပေးခွင့် ပိတ်ပင်လိုက်ကြောင်း ကိုဒီငြိမ်းလင်းက ဆက်ပြောပြပါတယ်။
“ဘာမှကို မရဘူးဗျာ။ အရင်တုန်းကဆို ထောင်ဝင်စာပစ္စည်းတွေကို ထောင်ဝင်စာဧည့်တွေ့တာမဟုတ်ဘဲနဲ့
 ထောင်ဝင်စာပစ္စည်းဆိုပြီး လွတ်လွတ်လပ်လပ် တင်ပို့ခွင့်ရှိတယ်ဗျာ။ အခုဟာက ကျနော်တို့က ဒီမတိုင်ခင်မှာလည်း ၁၃ ရက်နေ့ကလည်း တခေါက်တင်ပေးခဲ့သေးတယ်။ အဲဒီတုန်းကကျ အေးအေးဆေးဆေးပဲ ပစ္စည်းတင်ပို့ခွင့်ရခဲ့တယ်။ ဒီတခေါက်က ဒုတိယအကြိမ်ပါ။ ဒုတိယအကြိမ်မှာကျတော့ မရတော့ဘူး၊ ခွင့်ပြုချက်တွေ တောင်းခံရမယ်ဆိုပြီး ကျနော်တို့ကို အကြောင်းပြတယ်။ အကြောင်းပြပြီး ကျနော်တို့ ပစ္စည်းတင်ခွင့် မရခဲ့ဘူးပေါ့။ ထောင်ဝင်စာလာပို့တဲ့မိသားစုတွေ စိတ်ပင်ပန်း ဒုက္ခရောက်အောင်လုပ်မယ်၊ သူငယ်ချင်းမိတ်ဆွေတွေ စိတ်ပင်ပန်း ဒုက္ခရောက်အောင် လုပ်မယ်။ ထောင်ထဲမှာရှိတဲ့လူတွေကို စိတ်ပင်ပန်း ဆင်းရဲကြီးအောင်လုပ်မယ်ပေါ့။ ဒါ သူတို့သုံးခဲ့တဲ့ဟာတွေပဲ။”
ဖမ်းဆီးခံထားရတဲ့ ကျောင်းသားတွေနဲ့ မိသားစုတွေရဲ့ ထောင်ဝင်စာတွေ့ဆုံခွင့်ကို အင်္ဂါနဲ့ ကြာသပတေး နှစ်ရက်သာ တွေ့ခွင့်ပေးခဲ့ပြီး သူတို့ကိုတော့ လာမယ့် ၂၅ ရက်နေ့ကျရင် လက်ပံတန်းတရားရုံးမှာ ပုဒ်မ ၅ ခုနဲ့ ရုံးထုတ်စစ်ဆေးမယ်လို့ မိသားစုဝင်တွေက ပြောပြပါတယ်ရှင်။
 VOA

မန်စီ မြို့ နယ် အတွင်း တိုက်ပွဲ ပြင်းထန်

ငြိမ်းချမ်းရေး ဆွေးနွေးမှုတွေ လုပ်နေတဲ့ကြားက ကချင်မှာ တိုက်ပွဲတွေ ပြင်းထန်

ကချင် ပြည်နယ် မန်စီ မြို့နယ် အတွင်း KIA ကချင် လွတ်လပ်ရေး အဖွဲ့ တပ်တွေနဲ့ အစိုးရတပ်တို့ တိုက်ပွဲတွေ ပြင်းထန်နေ ပါတယ်။

တပ်မတော် ဘက်က လေကြောင်း တိုက်ခိုက်မှုတွေ လည်း ရှိခဲ့ပြီး မတ်လ ၂၃ ရက် မနက် အထိ တိုက်ပွဲတွေ ဖြစ်နေတယ်လို့ ကေအိုင်အိုက ပြောပါတယ်။

တရုတ် နိုင်ငံဘက်ကို ဦးတည်တဲ့ သစ်တွေ တင်ဆောင် လာတဲ့ ကားတန်းကို အစိုးရ ဘက်က လာရောက် တားဆီးစဉ် ဗန်းမော် ကနေ နန့်ခမ်းကို သွာတဲ့ တောင်ပေါ်လမ်း ပေါ်က မထက် ရွာမှာ KIA အဖွဲ့နဲ့ အစိုးရ တပ်ဘက်က ခမရ ၃၁၇၊ တပ်မ၈၈ လက်အောက်ခံ တပ်တွေနဲ့ တိုက်ပွဲတွေ ဖြစ်တာလို့ ကေအိုင်အို ဘက်က ပြောပါတယ်။

အစိုးရ ဘက်ကတော့ သစ်မှောင်ခို ရှင်းလင်းရေး လုပ်ဆောင်တာလို့ သူတို့ ဘက်ကို အကြောင်းကြားခဲ့တယ်လို့ ကေအိုင်အေ နည်းပညာ အထောက်အကူ အဖွဲ့က ဦးဒေါင်ခါးက ပြောပါတယ်။

မတ်လ ၂၀ ရက်နေ့က ထပ်မံ ဖြစ်လာခဲ့တဲ့ အဲဒီ တိုက်ပွဲ တွေနဲ့ ပတ်သက်လို့ ရန်ကုန်မှာ ကျင်းပတဲ့ အစိုးရနဲ့ တိုင်းရင်းသား အဖွဲ့တွေကြား ငြိမ်းချမ်းရေး ဆွေနွေးပွဲမှာ တင်ပြ ဆွေနွေး ခဲ့ကြပေမဲ့ တိုက်ပွဲတွေက ဆက်ဖြစ်နေတုန်းပဲလို့ ကေအိုင်အို ဘက်က ပြောပါတယ်။

အခုလို အခင်းအကျင်းမျိုးက ညှိနှိုင်း ဆွေးနွေးမှုတွေ စတင် ကတည်းက ဖြစ်နေကျ ဖြစ်တယ်လို့လည်း ဆိုပါတယ်။

ငြိမ်းချမ်းရေး ဆွေးနွေးပွဲ လုပ်တိုင်း အစိုးရ ဘက်က ထိုးစစ်ဆင်ပြီး ကြီးမားတဲ့ စစ်ရေး လှုပ်ရှားမှု ပြုလုပ်လေ့ ရှိပေမဲ့ အခု တစ်ကြိမ်ကတော့ အစိုးရ ဘက်က တိုက်လေယာဉ်တွေ နဲ့ပါ တိုက်တဲ့ အဆင့် ရောက်လာတယ်လို့ ဦးဒေါင်ခါးက ပြောပါတယ်။

တနဂင်္နွေနေ့ မတ်လ ၂၂ ရက်နေ့ အထိ အစိုးရဘက်က တိုက်လေယာဉ် တွေနဲ့တိုက်ခိုက် ခဲ့လို့ အစီး၂၀ဝ ကျော်ပါတဲ့ သစ်ကားတန်း ရပ်နေပြီလို့သိရပေမဲ့ အစိုးရ ဘက်ကတော့ ဒီတိုက်ပွဲ သတင်းနဲ့ ပတ်သက်လို့ တစုံတရာ တရားဝင် ထုတ်ပြန်တာ မတွေ့ရသေးပါဘူး။

BBC Burmese

အစိုးရ မီဒီယာ သတင်းထုတ်လွှင့်မှု ငြိမ်းချမ်းရေးနှင့် ယုံကြည်မှုပျက်ပြားစေ RCSS/SSA ပြော

RTV  မြန်မာ့အသံရုပ်မြင်သံကြား မှ မတ်လ(၁၄) ရက်နေ့တွင်ထုတ်လွှင့်ခဲ့သော" RCSS/SSA  က သတ္တု စမ်းသပ် တူးဖော်နေသောကုမ္ပဏီ ပိုင်ယာဉ်များနှင့် ပစ္စည်းများအား မီးရှို့ဖျက်ဆီး " ဟူသည့်သတင်းသည်    အစိုးရနှင့်တိုင်းရင်းသားကြား လက်ရှိဖော်ဆောင်နေသော ငြိမ်းချမ်းရေး လုပ်ငန်းစဉ်များ ကိုထိခိုက်စေပြီး တစ်ဖက်နှင့်တစ်ဖက် ယုံကြည်မှု ပျက်ပြားစေကြောင်း RCSS/SSA  က ပြောသည်။

MOI ဖေ့စ်ဘုမှ ထုတ်ပြန်သော သတင်းနှင့်ဓါတ်ပုံ

" အစိုးရမီဒီယာကအဲ့ဒီသတင်းအရင်းအမြစ်ကိုသေချာကောင်းမွန်စွာ မစီစစ်ပဲ ထုတ်လွှင့်တယ်၊ ဒါဟာတစ်ဖက် သတ်စွပ်စွဲ ပြောဆိုခြင်းဖြစ်တယ်၊ ခုလိုငြိမ်းချမ်းရေးဖော်ဆောင်နေတဲ့အချိန်မှာ အစိုးရဘက်က အဲ့လို သတင်း မျိုးကို နိုင်ငံတော်ပိုင်မီဒီယာကနေထုတ်လွင့်လိုက်ခြင်းဟာ ငြိမ်းချမ်းရေးနဲ့ ယုံကြည်မှုပျက်ပြား စေပါတယ် " ဟု RCSS မှပြောရေးဆိုခွင့်ရှိသူ ဒုဗိုလ်မှူးကြီးစိုင်းမိန်း ကပြောသည် ။

မတ်လ (၁၂) ရက်နေ့ညနေပိုင်းက သျှမ်းပြည်နယ် အရှေ့ပိုင်း မိုင်းယောင်းဒေသတွင် ခဲသတ္တုစမ်း သပ်တူးဖော် လျက်ရှိသော စက်ဝိုင်းအင်အားစု ကုမ္ပဏီ လုပ်သား (၇)ဦး   ဖမ်းဆီးချည်နှောင်ခြင်းခံရပြီး   ကုမ္ပဏီ ၏ စက် ယန္တရားယာဉ်များ မီးရှို့ဖျက်ဆီးခြင်းခံကြရသည် ။ ၄င်းတို့မှာ  RCSS/SSA မှ အင်အား (၁၀) ယောက်ခန့် ၏ လက်ချက်ဖြစ်ကြောင်း (MRTV) မြန်မာ့အသံ ရုပ်မြင်သံကြားမှ မတ်လ(၁၄) ရက်နေ့ကထုတ်လွှင့်ခဲ့သည်။

  ဖမ်းဆီးခံလုပ်သားများက ကြိုးများဖြည်ကာထွက်ပြေးပြီး မိုင်းယောင်းတပ်နယ် နယ်မြေခံတပ်ရင်းသို့ သတင်းပို့ သဖြင့်   ဆုတ်ခွာ သွားသော RCSS/SSA အဖွဲ့နောက် သို့ တပ်မတော် စစ်ကြောင်းများ လိုက်လံ ပိတ်ဆို့ ရှင်းလင်းခဲ့သည်ဟုဆိုသည်။

" အဲ့ကုမ္ပဏီက ဘယ်သူရဲ့ခွင့်ပြုချက်နဲ့လုပ်နေလည်းဆိုတာကိုတော့ ကျနော်တို့ပြည်သူတွေဘာမှ မသိရဘူး ၊သစ်ခိုးထုတ်မှုတွေလည်းအများကြီးရှိတယ် ဘယ်အဖွဲ့ရဲ့ခွင့်ပြုချက်နဲ့ လုပ်နေကြလည်း မသိဘူး၊ဒီဒေသမှာ အစိုးရတပ်မတော် ၊ ပြည်သူ့စစ် နဲ့ RCSS/SSA အဖွဲ့တွေလှုပ်ရှားရာနေ ရာဖြစ်တယ်  " ဟု မိုင်းယောင်းဒေသခံ ရပ်မိရပ်ဖ တစ်ဦးကပြောသည်။

လွန်ခဲ့သော တစ်နှစ်ခန့်က သျှမ်းပြည်(တောင်ပိုင်း) လင်းခေးမြို့နယ်သစ်တောဝန်ထမ်းများ အသတ်ခံရ မှုတွင် လည်း အစိုးရသည် RCSS အားစွပ်စွဲခဲ့ပြီးတရားခံအစစ်နှင့် အမှုမှန်ပေါ်ပေါက်အောင်  ပြန်လည်ဖြေရှင်းပေးခြင်း မရှိခဲ့ကြောင်း ဖေဖော်ဝါရီ (၂၀) ရက်နေ့ ကတောင်ကြီးမြို့တွင် RCSS /SSA နှင့်သတင်းမီဒီယာတွေ့ဆုံ ပွဲတွင် ဗိုလ်ချုပ်ကြီးယွက်စစ်ဖြေကြားခဲ့ဖူးသည်။
သျှမ်းသဲတော်ဆင့်

ရွေး​ကောက်​ပွဲ​စောင့်​ကြည့်​ရေး NLD နဲ့ တိုင်း​ရင်း​သား​ပါ​တီ​တွေ ပူးတွဲ​လု​ပ်မယ်

၂၀၁၅ ရွေးကောက်ပွဲ မှာ မဲ မသမာ မှု လို ကိစ္စတွေ မဖြစ်ပေါ် စေရေး နဲ့ လိုအပ် တဲ့ သတင်း အချက်အလက် တွေ ကို ဒီမိုကရက်တစ် အင်အားစု နိုင်ငံရေး ပါတီ တွေ အချင်းချင်း ကြားထဲ ဝေမျှ နိုင်ဖို့ အတွက် ရည်ရွယ်ပြီး အမျိုးသား ဒီမိုကရေစီ အဖွဲ့ချုပ် NLD နဲ့ တိုင်းရင်းသား ပါတီ တွေ ပူးပေါင်း ကာ နိုင်ငံ တဝှမ်း တိုင်းဒေသ ပြည်နယ် အသီးသီး မှာ အဖွဲ့တွေ ဖွဲ့ မယ် ဆိုပြီး သဘော တူလိုက် ပါတယ်။

အဲဒီ့ အဖွဲ့တွေ ကို လာမယ့် မေလ မှာ စတင် ဖွဲ့သွား မှာ ဖြစ်ပြီး အရပ်ဖက် လူမှု အဖွဲ့ တွေ နဲ့လည်း ချိတ်ဆက် ဆောင်ရွက် မယ် လို့ လားဟူ အမျိုးသား ဖွံ့ဖြိုး တိုးတက်ရေး ပါတီ ဥက္ကဌ ဦးယောသက် က ဘီဘီစီ ကို ပြောပါ တယ်။

ရှမ်းတိုင်းရင်းသားများ ဒီမိုကရေစီ အဖွဲ့ချုပ်၊ မွန် အမျိုးသားပါတီ၊ လားဟူ အမျိုးသား ဖွံ့ဖြိုး တိုးတက်ရေး ပါတီ၊ ရခိုင် အမျိုးသား ပါတီ စတဲ့ တိုင်းရင်းသား ပါတီ ၁၉ ပါတီ က ကိုယ်စားလှယ် တွေ နဲ့ NLD ကိုယ်စားလှယ် တွေ ၂ ရက်ကြာ တွေ့ဆုံ ခဲ့ကြပြီး အခုလို ၂၀၁၅ ရွေးကောက်ပွဲ အတွက် ပူးပေါင်း ဆောင်ရွက် ကြဖို့ သဘောတူ ခဲ့ကြတာ ဖြစ်ပါတယ်။

ရွေးကောက်ပွဲ ကော်မရှင် စည်းကမ်း အရတော့ ရွေးကောက်ပွဲ စောင့်ကြည့်ရေး အဖွဲ့တွေဟာ နိုင်ငံရေး ပါတီ တွေ နဲ့ မသက်ဆိုင်ရ ပဲ ဘက်လိုက်မှု ကင်းရှင်း ရမယ် လို့ ဆိုထားပါတယ်။

BBC Burmese

အမျိုးသမီး ရိုက်သတ်ခံရတာကို ဘာမှ မလုပ်ခဲ့တဲ့ ရဲ ၈ ဦး အဖမ်းခံရ

အလောင်းကို အမျိုးသမီးတွေကပဲ သယ်ဆောင်သွားတာဖြစ်ပြီး အမျိုးသားတွေ ကြီးစိုးတဲ့ နိုင်ငံမှာ အမျိုးသမီးတွေက အံတုတဲ့ နမူနာ တခုဖြစ် (Credit: AFP) 

ကိုရမ် ​ကျမ်းစာကို ​မီးရှို့ခဲ့တယ်လို့ ​စွပ်စွဲခံရပြီး ​ရိုက်သတ်ခံလိုက်တဲ့ ​ကိစ္စနဲ့ ​ပတ်သက်ပြီး ​လူ ​၁၃ ​ယောက် ​ဖမ်းဆီးခံရပြီး ​ဖမ်းဆီးခံရသူတွေထဲမှာ ​ရဲ ​၈ ​ဦး ​ပါဝင်ပါတယ်။

အသက် ​၂၇ ​နှစ်အရွယ် ​Farkhunda ​ဟာ ​ကိုရမ်ကျမ်းစာကို ​မီးရှို့တယ်ဆိုပြီး ​ဒေါသထွက်နေတဲ့ ​လူအုပ်က ​သူ့ကို ​ဝိုင်းဝန်း ​ရိုက်သတ်ခဲ့ကြတာ ​ဖြစ်ပါတယ်။ ​ရဲအရာရှိ ​Mahammad ​Zahir ​ရဲ့အဆိုအရ ​အဲဒီ ​အမျိုးသမီးက ​ကိုရမ်ကျမ်းစာကို ​မီးရှို့ခဲ့တဲ့ ​သက်သေအထောက်အထားတွေ ​မတွေ့ ​ခဲ့ရဘူးလို့ ​ပြောပါတယ်။

ကြာသပတေးနေ့မှာ ​ဖြစ်ခဲ့တဲ့ ​ဖြစ်ရပ်ကို ​လက်ကိုင်ဖုန်း ​ဗီဒီယိုမှာ ​ပြသချက်အရ ​အဲဒီအမျိုးသမီး ​တိုက်ခိုက်ခံနေရတာကို ​ရဲတွေက ​ဘာမှ ​မလုပ်ပဲ ​နေခဲ့ကြတာကို ​တွေ့ခဲ့ရပါတယ်။

အဲဒီအမျိုးသမီး ​သေဆုံးမှုအတွက် ​လူ ​၁၃ ​ယောက်ကို ​အာဏာပိုင်တွေကဖမ်းဆီးထားပြီး ​အဲဒီအထဲမှာ ​ရဲအမှုထမ်း ​၈ ​ယောက်ပါဝင်ပါတယ်။

တနင်္ဂနွေနေ့မှာ ​ပြုလုပ်တဲ့ ​သေဆုံးသူ ​အမျိုးသမီးရဲ့ ​အသုဘ ​အခမ်းအနားကို ​လူပေါင်း ​ရာနဲ့ချီ ​လာရောက်ခဲ့ကြပါတယ်။

အာဖဂန်နစ္စတန် ​သမ္မတကလည်း ​ဒီလို ​ရိုက်သတ်မှု ​လုပ်ခဲ့တဲ့အပေါ် ​ဝေဖန်ရှုတ်ချလိုက်ပြီး ​ဒီကိစ္စကို ​စုံစမ်းဖို့ ​စုံစမ်းစစ်ဆေးရေး ​ကော်မရှင်ဖွဲ့မယ်လို့ ​ပြောဆိုထားကြောင်း ​Stephanie ​March ​က ​သတင်းပေးပို့ထားပါတယ်။

အဲဒီ ​အမျိုးသမီးရဲ့ ​အသုဘ ​အခမ်းအနားမှာ ​အမျိုးသားတွေလည်း ​အများအပြား ​ရှိပေမယ့် ​အလောင်းကို ​အမျိုးသမီးတွေကပဲ ​သယ်ဆောင်သွားတာဖြစ်ပြီး ​ဒါဟာ ​အမျိုးသားတွေ ​ကြီးစိုးတဲ့ ​နိုင်ငံမှာ ​အမျိုးသမီးတွေက ​အံတုတဲ့ ​နမူနာ ​တခုဖြစ်တယ်လို့ ​သိရပါတယ်။

ABC Radio Australia
http://www.radioaustralia.net.au/burmese

သမိုင်းဝင် ဝန်ကြီးများရုံးမှာ မွေးနေ့ပါတီ ကျင်းပတဲ့အတွက် ဝေဖန်မှုတွေဖြစ်နေ

 
 ရန်ကုန်မြို့ သိမ်ဖြူလမ်းနဲ့ ဗိုလ်အောင်ကျော်လမ်းမှာရှိတဲ့ ဝန်ကြီးများရုံး (အတွင်းဝန်ရုံး) ကို ပြီးခဲ့တဲ့ မတ်လ ၂၁ ရက်နေ့ညက မွေးနေ့ပါတီပွဲ ကျင်းပတဲ့အတွက် ဝေဖန်မှုတွေ ဖြစ်နေပါတယ်။

အရင်က ဗိုလ်ချုပ်ထွန်းကြည် (အငြိမ်းစား)ရဲ့သမီးဖြစ်သူ မသီသီထွန်းရဲ့ မွေးနေ့ပါတီပွဲလို့ လူမှုရေးစာမျက်နှာမှာ ဖေ့စ်ဘွတ်မှာ ရေးသားနေကြပါတယ်။

  ပြည်ထောင်စုဝန်ကြီး ဦးရဲထွဋ်က ဒီကိစ္စကို Yangon Heritage Trust (YHT) အနေနဲ့ ပြန်လည်စိစစ်သင့်တယ်လို့ သူ့ရဲ့ဖေ့စ်ဘွတ်မှာ ရေးသားထားပါတယ်။

မနေ့ညက RFA က အနီးနားမှာရှိနေသူတွေကို မေးမြန်းရာမှာ ပါတီပွဲကျင်းပခဲ့တာ သေချာကြောင်း ပြောပါတယ်။

ဒီသမိုင်းဝင် အဆောက်အဦးကို မူလက အနော်မာကုမ္ပဏီကို ဟိုတယ်အဖြစ် နှစ်ရှည်ငှားရမ်းခဲ့ပြီး အများပြည်သူတွေက ကန့်ကွက်တာကြောင့် ပြတိုက်အဖြစ်သာ အသုံးပြုရန် မြန်မာနိုင်ငံ ရင်းနှီးမြှုပ်နှံမှုကော်မရှင်ကပြောင်းလဲခဲ့တယ်လို သိရှိရပါတယ်။

ရန်ကုန်မြို့ပြအမွေအနှစ် ထိန်းသိမ်းစောင့်ရှောက်ရေးအဖွဲ့ YHT ဟာ နည်းပညာဆိုင်ရာ အကြံဥာဏ်ပေးတဲ့အဖွဲ့သာဖြစ်ပြီး စီမံခန့်ခွဲပိုင်ခွင့်ရတဲ့ အဖွဲ့အစည်းမဟုတ်ဘူးလို့ ဒီနေ့ ကြေငြာချက်ထုတ်ပြန်လိုက်ပါတယ်။

အတွင်းဝန်ရုံး ပြုပြင်မွမ်းမံရေးဆိုင်ရာကို တစ်ချိန်က နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့ (နဝတ) ဗိုလ်ချုပ် ထွန်းကြည် (အငြိမ်းစား) မိသားစုဝင်တွေက လုပ်ပိုင်ခွင့် (ကန်ထရိုက်) ရရှိထားတာာလို့ နီးစပ်သူတစ်ဦးက ပြောပါတယ်။ သူတို့မိသားစုပိုင်တဲ့ ကုမ္ပဏီက အနော်မာ ကုမ္ပဏီလို့ ဆိုပါတယ်။

RFA Burmese

Houthi သူပုန်တွေ ယီမန်အလယ်ပိုင်းမြို့သိမ်းပိုက်

Houthi ဆန့်ကျင်ရေးသမားတွေ တိုင်ဇ်မြို့က ဆန္ဒပြပွဲအတွင်း ဒဏ်ရာရသူတဦးကို သယ်ဆောင်လာစဉ်။ (မတ်လ ၂၂၊ ၂၀၁၅)

23.03.2015 

ယီမင်နိုင်ငံအလယ်ပိုင်းက တိုင်ဇ် မြို့(Taiz) ကို ရှီယာ Houthi ဟူသီသူပုန်တွေက သိမ်းပိုက်လိုက်တဲ့အတွက် အာရေဗျကျွန်းဆွယ်ဒေသမှာ
ပဋိပက္ခတွေ တကျော့ပြန် ကြီးထွားလာခဲ့ပါတယ်။

အမေရိကန်ရဲ့ မဟာမိတ် - Yemen ယီမင်သမ္မတ အဘ် ရာဘူ မန်ဆွာ ဟေဒီ (Abd-Rabbu Mansour Hadi) ကို ဆန့်ကျင်တဲ့ ဟူသီသူပုန်တွေကတော့
စနေနေ့နှောင်းပိုင်းမှာပဲ ဒေသခံအာဏာပိုင်တွေရဲ့ ခုခံမှုနဲ့ မကြုံရဘဲ -တိုင်ဇ်မြို့က စစ်လေယာဉ်ကွင်းကို သိမ်းပိုက်ခဲ့တာပါ။ မနေ့ တနင်္ဂနွေမှာတော့
တိုင်ဇ် မြို့ရဲ့ တချို့နေရာတွေကို ဟူသီသူပုန်တွေ ကင်းလှည့်စစ်ဆေးခဲ့ကြပြီး သူတို့ကို ဆန့်ကျင်ဆန္ဒပြသူတွေ လူစုကွဲအောင်လို့ လေထဲကို သေနတ်တွေ ပစ်ဖောက်ခဲ့ကြပါတယ်။

မြို့ကိုသိမ်းပိုက်ပြီး နာရီပိုင်းအကြာမှာ - ဟူသီသူပုန်ခေါင်းဆောင် အဘ်ဒဲလ် မာလစ်ခ် အယ်လ် ဟူသီ (Abdel-Malik al-Houthi) က လက်ရှိသမ္မတ ဟေဒီ
ခိုလှုံနေတဲ့ တောင်ပိုင်းကို သူ့တပ်ဖွဲ့ဝင်တွေစေလွှတ်မယ်လို့ ပြောဆိုခဲ့ပါတယ်။ ရုပ်မြင်သံကြားကထုတ်လွှင့်ခဲ့တဲ့ မိန့်ခွန်းတခုမှာ ဟူသီသူပုန် ခေါင်းဆောင်က သမ္မတဟေဒီဟာ နိုင်ငံတကာနဲ့ ဒေသတွင်းက အင်အားကြီးအစိုးရတွေကြိုးဆွဲရာ ရုပ်သေးရုပ်ဖြစ်သလို လစ်ဗျားနိုင်ငံက ပုံစံမျိုး
ယီမင်နိုင်ငံမှာဖြစ်လာအောင် လုပ်နေတယ်လို့လည်း စွပ်စွဲခဲ့ပါတယ်၊

အမေရိကန်၊ အစ္စရေးလ်၊ ဆော်ဒီ အာရေးဘီးယား၊ ကာတာ နိုင်ငံတွေဟာ ယီမင်နဲ့ တခြားဒေသတွင်း နိုင်ငံတွေကိုဆန့်ကျင်ဖို့ ပူးပေါင်း ကြံစည်နေကြတဲ့
နိုင်ငံတွေ ဖြစ်တယ်လို့ သူက ပြောဆိုခဲ့ပါတယ်။

သူပုန်တွေထိန်းချုပ်ထားတဲ့ မြို့တော် Sanaa က ဗလီနှစ်ခုကို အသေခံဗုံးဖောက်ခွဲမှုကြောင့် အနည်းဆုံး လူ ၁၃၇ ဦး သေဆုံးခဲ့တဲ့အထိ
ပြဿနာတွေ ကြီးထွားလာနေတဲ့အတွက် နောက်တရက် စနေနေ့မှာပဲ အမေရိကန်ပြည်ထောင်စုကနေ ယီမင်မှာရှိတဲ့ အမေရိကန် ၀န်ထမ်းတွေအားလုံးကိုပြန်ရုပ်သိမ်းခဲ့ပါတယ်။

VOA

စင်္ကာပူဝန်ကြီးချုပ်ဟောင်း လီကွမ်ယုကွယ်လွန်

စင်ကာပူနိုင်ငံ တည်ထောင်သူ လီကွမ်ယု

23.03.2015 

ခေတ်မီစင်္ကာပူနိုင်ငံကို တည်ထောင်ခဲ့သူ ၀န်ကြီးချုပ်ဟောင်း Lee Kwan Yew လီကွမ်ယုဟာ ဒီကနေ့ တနင်္လာနေ့မနက်ပိုင်းမှာ ကွယ်လွန်သွားပါတယ်။ ကွယ်လွန်ချိန်မှာ အသက် ၉၁ နှစ်ရှိပါပြီ။ လီကွမ်ယုဟာ သာမန်ခြောက်ကပ်ကပ် ပင်လယ်ဆိပ်ကမ်းတည်ရှိရာ စင်္ကာပူကျွန်းနိုင်ငံလေးကို ကမ္ဘာပေါ်မှာ အချမ်းသာဆုံးနိုင်ငံတနိုင်ငံဖြစ်အောင် ကြိုးပမ်းအားထုတ်ခဲ့သူ ဖြစ်ပါတယ်။
ဝန်ကြီးချုပ်ဟောင်း လီကွမ်ယုဟာ စင်္ကာပူကို အာရှမှာ စီးပွားရေးအင်အားကြီးဖြစ်အောင် ဦးဆောင်ခဲ့ရုံမက နိုင်ငံရဲ့အခြေခံအဆောက်အဦးတွေ ခိုင်မာ ခေတ်မီအောင်နဲ့ ပညာရေးစနစ်ကို ကမ္ဘာမှာရင်ဘောင်တန်းနိုင်တဲ့အဆင့်ဖြစ်အောင် ဆောင်ရွက်ခဲ့ဖြစ်ပါတယ်။ ဒါပေမဲ့ ၁၉၅၉ကနေ ၁၉၉၀ အထိ နှစ်ပေါင်း ၃၀ ကျော် အုပ်ချုပ်ခဲ့စဉ်အတွင်း နိုင်ငံရေးအတိုက်အခံတွေအပေါ် ဖိနှိပ်တဲ့လုပ်ရပ်တွေကြောင့် အာဏာရှင်ဆန်တယ်ဆိုတဲ့ ဝေဖန်မှုတွေလည်း ခံခဲ့ရပါတယ်။
ဒီဝေဖန်မှုတွေအပေါ် မစ္စတာ Lee Kuan Yew ကတော့ ခုလိုတုံ့ပြန်ခဲ့ဖူးပါတယ်။

စင်္ကာပူနိုင်ငံကို အုပ်ချုပ်တဲ့သူတိုင်းဆီမှာ သံမဏိစိတ်ဓာတ် ရှိကို ရှိရပါမယ်၊ မရှိဘူးဆိုရင် ခေါင်းဆောင် မလုပ်သင့်ပါဘူး၊ ဝှက်ဖဲကစားနေကြတာ
မဟုတ်ပါဘူး။ ခင်ဗျားတို့ဘဝ ကျနော့်ဘဝနဲ့ဆိုင်နေတဲ့ ကိစ္စဖြစ်ပါတယ်။ ဒီနိုင်ငံဒီလိုဖြစ်လာဖို့ ကျနော့တသက်လုံးကြိုးစားခဲ့တာမို့ ကျနော် ခေါင်းဆောင်ဖြစ်နေသမျှတော့ ယိုင်လဲသွားအောင် ဘယ်သူမှလုပ်လို့ရမှာမဟုတ်ပါဘူးလို့ စင်္ကာပူ ဝန်ကြီးချုပ်ဟောင်းလီကွမ်ယုက
ပြောကြားခဲ့တာ ဖြစ်ပါတယ်၊ အခုအချိန်အထိလည်း စင်္ကာပူဟာ လွတ်လပ်စွာထုတ်ဖော်ပြောဆိုမှုကို ထိန်းချုပ်ထားတဲ့နိုင်ငံအဖြစ်ရှိနေဆဲဖြစ်ပါတယ်။ လီကွမ်ယုတည်ထောင်ခဲ့တဲ့ PAP ပါတီဟာလဲ ခုချိန်ထိ လွှတ်တော်မှာ အများစုလွှမ်းမိုးနေဆဲဖြစ်ပါတယ်။
၂၀၀၉ ခုနှစ် အမေရိကန်သမ္မတ အိမ်ဖြူတော်တွေ့ဆုံပွဲအပြီး စင်္ကာပူဝန်ကြီးချုပ်ဟောင်း Lee Kwan Yew ကို ၂၀ ရာစု နဲ့ ၂၁ ရာစုအတွင်း အာရှတိုက် သမိုင်းမှာ အစဉ်လာကြီးမားတဲ့ အထင်ကရ ခေါင်းဆောင်ကြီးတွေထဲက တဦးဖြစ်ပါတယ်လို့ သမ္မတ Barack Obama က ပြောဆိုခဲ့ပါတယ်။
၁၉၂၃ ခုနှစ် စက်တင်ဘာလ ၂၃ ရက် နေ့မှာ မွေးဖွားခဲ့တဲ့ မစ္စတာလီကွမ်ယုဟာ ဗြိတိသျှကိုလိုနီအုပ်ချုပ်ရေး အစိတ်အပိုင်းတခုဖြစ်ပြီး အင်္ဂလိပ်ဘာသာ စကားပြောတဲ့ စင်္ကာပူမှာ ကြီးပြင်းခဲ့ပါတယ်။ Raffles College မှာ ကျောင်းပြီးခဲ့ပြီးနောက် England ကို ဆက်လက် သွားရောက်ပြီး Cambridge တက္ကသိုလ်မှာ ဥပဒေပညာကို ဆက်လက် သင်ယုခဲ့ပါတယ်။
Lee Kwan Yew မှာ သား နှစ်ယောက် သမီးတယောက်ရှိပြီး သားထဲက တယောက်ဖြစ်တဲ့ Lee Hsien Loong ဟာ ယ္ခုလက်ရှိ စင်္ကာပူနိုင်ငံရဲ့ဝန်ကြီးချုပ် တာဝန်ယုထားသူဖြစ်ပါတယ်။ Lee Kwan Yew ဇနီးဖြစ်သူကတော့ ၂၀၁၀ ခုနှစ်မှာ ကွယ်လွန်သွားခဲ့ပါတယ်။
Lee Kwan Yew ရဲ့ ဈာပန အခမ်းနားကျင်းပမယ့်ရက်နဲ့ ပြည်သူတွေအတွက် နောက်ဆုံးဂါရ၀ပြုနိုင်ဖို့ အစီအစဉ်တွေကို နောက်ပိုင်းမှာ ကြေညာမယ်လို့ စင်္ကာပူဝန်ကြီးချုပ်ရုံးက ထုတ်ပြန်ထားပါတယ်။

စုံစမ်းရေး ကော်မရှင်ရဲ့ ဖိတ်ခေါ်မှု အဖမ်းခံကျောင်းသားများ ငြင်းပယ်

ရန်ကုန်မြို့ မြို့တော်ခန်းမရှေ့အကြမ်းဖက်မှုမှာ ရိုက်နှက်ဖမ်းဆီးခံခဲ့ရတဲ့ ကျောင်းသား ကျောင်းသူ ငါး ဦးနဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်း က သုံး ဦး စုစုပေါင်း ရှစ် ဦးက စုံစမ်းစစ်ဆေးရေး ကော်မရှင်ရဲ့ ဖိတ်ခေါ်မှုကို ငြင်းပယ်လိုက်ပါတယ်။

ဆန္ဒပြသူတွေကို အကြမ်းဖက်ရိုက်နှက်ခဲ့တဲ့ ပြည်ထဲရေးဝန်ကြီးဌာနက စစ်ဆေး မေးမြန်းမှာဖြစ်တဲ့အတွက် ကော်မရှင်ရဲ့ ခေါ်ယူစစ်ဆေးမှုကို ငြင်းလိုက် တာဖြစ်တယ်လို့ ခေါ်ယူခံရတဲ့ ပထမနှစ် ကျောင်းသား ကိုပြည့်ဇော်ထက် ကပြောပါတယ်။

"ပြည်ထဲရေးပါတဲ့ကိစ္စမှာ ပြည်ထဲရေးကပြန်စစ်မယ်ဆိုတာ ကျနော်တို့လုံးဝလက်မခံနိုင် တဲ့ကိစ္စပါ၊ ကျနော်တို့လိုချင်တဲ့ကိုယ်စားပြုမှုမရလို့ ကျနော်တို့လုံးဝ သွားမတွေ့တာ"

၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက မနီလာသိန်း၊ မနုနုအောင်၊ ကိုမျိုးသန့်၊ ကျောင်းသား ကျောင်းသူတွေဖြစ်တဲ့ ကိုပြည့်ဇော်ထက်၊ ကိုဇင်မင်းဖြိုး၊ ကိုဇော်လင်းထွဋ်၊ ကိုဟိန်းထက်အောင် နဲ့ မတင်မေသော်တို့ကို ရန်ကုန်တိုင်းဒေသကြီး အစိုးရအဖွဲ့ရုံးကို   ဒီနေ့ လာရောက်ပြီး စစ်ဆေးမေးမြန်းခံဖို့ စုံစမ်းစစ်ဆေးရေးကော်မရှင် က ဖိတ်ခေါ်ထားတာဖြစ်ပါတယ်။

အဲဒီ ရှစ် ဦးဟာ အခုလ ၅ ရက်နေ့က ရန်ကုန်မြို့ မြို့တော်ခန်းမရှေ့မှာ လက်ပံတန်းမြို့ကျောင်းသားသပိတ်စစ်ကြောင်းကို အကြမ်းမဖက်ဖို့ ဆန္ဒပြတောင်းဆို ရာမှာ ပါဝင်ခဲ့ပြီး ရဲတပ်ဖွဲ့ဝင်တွေနဲ့ လက်ပတ်နီဝတ်ထားသူတွေရဲ့ ရိုက်နှက်ဖမ်းဆီးမှုကို ခံခဲ့ရတာပါ။

အဲဒီဆန္ဒပြမှုကို  အကြမ်းဖက်ခဲ့တာနဲ့ပတ်သက်ပြီး စုံစမ်းစစ်ဆေးဖို့အတွက် ပြည်ထောင်စုအစိုးရက ဒီလ ၁၀ ရက်နေ့မှာ စုံစမ်းစစ်ဆေးရေးကော်မရှင် ဖွဲ့စည်းခဲ့တာဖြစ်ပါတယ်။

ကော်မရှင်မှာ ပြည်ထဲရေးဝန်ကြီးဌာန ဒုတိယ၀န်ကြီး ဗိုလ်မှူးချုပ် ကျော်ကျော်ထွန်းက ဥက္ကဌ အဖြစ်တာဝန်ယူထားပြီး အတွင်းရေးမှူးအဖြစ် ကရင်တိုင်းရင်း သားရေးရာဝန်ကြီး ဦးစောထွန်းအောင်မြင့်နဲ့ အဖွဲ့ဝင် ၃ ဦး စုစုပေါင်း ၅ ဦးနဲ့ ဖွဲ့စည်းထားတာ ဖြစ်ပါတယ်။

အဲဒီကော်မရှင်က တွေ့ရှိချက်အစီရင်ခံစာကို ဒီလ ၃၁ရက်နေ့မှာ နိုင်ငံတော်သမ္မတထံ တင်ရမှာဖြစ်ပါတယ်။

RFA Burmese
http://www.rfa.org/burmese

တောင်သူလယ်သမား သမဂ္ဂစတင်ဖွဲ့စည်း

 မြန်မာနိုင်ငံ တောင်သူလယ်သမားသမဂ္ဂတရားဝင်ဖွဲ့စည်းခြင်းအခမ်းအနား (ဓာတ်ပုံ- တောင်သူလယ်သမားသမဂ္ဂ fb/မတ် ၂၂၊ ၂၀၁၅)

22.03.2015 

မြန်မာနိုင်ငံတွင်း အဓမ္မလယ်ယာမြေသိမ်းဆည်းခံရမှု၊ တောင်သူလယ်သမားတွေ တရားစွဲဆိုခံနေရမှုစတဲ့ ချိုးဖောက်ခံနေရတဲ့ လယ်သမား အခွင့်အရေးတွေကို တောင်းဆိုဖြေရှင်းနိုင်ဖို့အတွက် တောင်သူလယ်သမားထုကို ကိုယ်စားပြုတဲ့ တောင်သူလယ်သမားသမဂ္ဂအဖွဲ့ အမြန်ဆုံး ဖွဲ့စည်းနိုင်ဖို့ အရေးကြီးတယ်လို့ လွှတ်တော် တောင်သူလယ်သမားရေးဆောင်ရွက်နေတဲ့ ကော်မရှင်တာဝန်ရှိသူက တိုက်တွန်းပြောဆိုလိုက်ပါတယ်။ ဒီကနေ့မှာပဲ ပြည်နယ်နဲ့တိုင်းအသီးသီးမှာ လယ်သမားသမဂ္ဂအဖွဲ့တွေ ပေါင်းစည်းပြီး မြန်မာနိုင်ငံ တောင်သူလယ်သမားသမဂ္ဂ (ဗဟို)ကို တည်ဆဲဥပဒေနဲ့ အညီ တရားဝင် မှတ်ပုံတင်နိုင်ဖို့အတွက် သမဂ္ဂဗဟိုကို တရားဝင် ဖွဲ့စည်းလိုက်ကြပါတယ်။ အပြည့်အစုံကိုတော့ မဆုမွန် စုစည်းတင်ပြထားပါတယ်။
စိုက်ပျိုးရေးနိုင်ငံဖြစ်တဲ့ မြန်မာနိုင်ငံမှာ တောင်သူလယ်သမားတွေရဲ့ နိမ့်ကျနေဆဲ လူမှုဘဝတွေကို မြှင့်တင်နိုင်ဖို့၊ လယ်သမားအကျိုးစီးပွား ကာကွယ် စောင့်ရှောက်နိုင်ဖို့နဲ့ တောင်သူလယ်သမားတွေ ကိုယ့်ရပိုင်ခွင့်တွေကို ကိုယ်တိုင်တောင်းဆိုနိုင်ဖို့ တောင်သူလယ်သမားထုကို ကိုယ်စားပြုတဲ့အဖွဲ့ တရားဝင် ရှိဖို့က သိပ်-အရေးကြီးတယ်လို့ လွှတ်တော်တွင်း မြေယာသိမ်းဆည်းခံရမှုတွေကို ဖော်ထုတ်ပေးနေတဲ့ ကော်မရှင်တာဝန်ရှိသူလည်းဖြစ်၊
 တောင်သူလယ်သမားအရေး ဆောင်ရွက်နေတဲ့ ပြည်သူ့လွှတ်တော် ကိုယ်စားလှယ်လည်းဖြစ်တဲ့ ဦးဖေသန်းက ပြောဆိုပါတယ်။

မြန်မာနိုင်ငံ တောင်သူလယ်သမားသမဂ္ဂတရားဝင်ဖွဲ့စည်းခြင်းအခမ်းအနား (ဓာတ်ပုံ- တောင်သူလယ်သမားသမဂ္ဂ fb/မတ် ၂၂၊ ၂၀၁၅)
"တနိုင်ငံလုံး လယ်သမားသမဂ္ဂ၊ ပြည်နယ်အလိုက်၊ တိုင်းဒေသကြီးအလိုက် တနိုင်ငံလုံး လယ်သမားသမဂ္ဂကို ကျနော်တို့ ဖွဲ့ဖို့က တော်တော့်ကို အရေးကြီးပါတယ်။ ဘာဖြစ်လို့လဲဆိုတော့ လယ်သမားဆိုတာ ကျနော်တို့နိုင်ငံရဲ့ ၇၀ % ခန့်ရှိတယ်။ လယ်သမားတွေက တစုတစည်းတည်း စုစည်းပြီးတော့ သမဂ္ဂလိုဟာမျိုး၊ အဖွဲ့အစည်းတခု ထူထောင်မယ်ဆိုရင် အဲ့ဒီ့သမဂ္ဂရဲ့နောက်မှာ၊ အဲ့ဒီ့အဖွဲ့အစည်းရဲ့နောက်မှာ လယ်သမားတွေအားလုံးကို စုပေါင်းမိပြီဆိုရင်တော့ ဘယ်အစိုးရဖြစ်ဖြစ်၊ အဲ့ဒီလယ်သမားကို ပမာမခန့်လုပ်လို့မရတော့ဘူး။ ခုနကလို လယ်သမားရဲ့အားကို လယ်သမားက ရယူတတ်ဖို့ လိုပါတယ်။ ဒါကြောင့် တနိုင်ငံလုံးရှိတဲ့ လယ်သမားတွေဟာ တခုတည်းသော အဖွဲ့အစည်း ဖွဲ့စည်းပြီးတော့ ကျနော်တို့ နိုင်ငံတော်အစိုးရကို ဖိအားပေးဖို့လိုပါတယ်။"
ဒါ့အပြင် လယ်သမားတွေအနေနဲ့ မြေယာဥပဒေပိုင်းဆိုင်ရာနဲ့ လယ်သမားအခွင့်အရေးတွေကို နားလည်သိရှိဖို့လိုအပ်တယ်လို့လည်း ဦးဖေသန်းက ပြောပါတယ်။
"အားနည်းချက် ဘယ်မှာရှိလဲဆိုရင်တော့ လယ်သမားတွေလက်ထဲမှာ အထောက်အထားတွေ မရှိတာပဲ။ လုပ်ငန်းရှင်တွေမှာ ဒါမှမဟုတ် မြေသိမ်းတဲ့ သူတွေကျတော့ လက်ထဲမှာ အထောက်အထားတွေ သူတို့မှာ ရှိကြတယ်။ ဒါပေမယ့် လက်ရှိ လက်ငုတ်ထက် မူလလက်ငုတ်ကို ကျနော်တို့ ကော်မရှင်အနေနဲ့ကတော့ ပိုပြီးတော့ ဂရုစိုက်ပါတယ်။"
လယ်သမားတွေဟာအဓမ္မ လယ်ယာမြေသိမ်းဆည်းခံရမှုတွေကို ကြုံနေယုံတင်မကဘဲ မြေယာသိမ်းခံရတဲ့ လယ်သမားတွေက သူတို့လယ်ယာမြေထဲ ပြန်ဝင်ပြီး ထွန်ယက်စိုက်ပျိုးတဲ့အခါ ပိုင်နက်ကျူးလွန်မှု၊ ဝတ္တရားနှောင့်ယှက်မှု စတဲ့ တရားစွဲဆိုမှုတွေနဲ့ ရင်ဆိုင်နေရတာလည်း ဖြစ်ပါတယ်။ မြန်မာနိုင်ငံ တောင်သူလယ်သမားသမဂ္ဂ ဖွဲ့စည်းရေး ဆောင်ရွက်နေတဲ့ လယ်သမားအရေး လှုပ်ရှားသူ မစုစုနွေးက တောင်သူလယ်သမားတွေ လက်ရှိ ရင်ဆိုင်နေရတဲ့ အခက်အခဲပြဿနာတွေကို ရှင်းပြပါတယ်။
"လောလောဆယ်ပေါ့နော်။ သူတို့မြို့နယ် အသီးသီးမှာ အဓိက ၄၄၇၊ ၄၂၇ ပုဒ်မတွေနဲ့ တရားစွဲထားတာရှိတယ်။ လယ်ယာမြေတွေကို သိမ်းထားတာကို တရားမျှတစွာနဲ့ ဖြေရှင်းဆောင်ရွက်ပေးမှုတွေ မရှိသေးတာတွေရှိတယ်။ အခု လယ်သမားတွေ စိုက်ပျိုးရေး စားရိတ်တွေကို ချေးတဲ့အခါမှာလည်း မိုးတွင်း ချေး၊ နွေပြန်ဆပ်တာမျိုး မဟုတ်ဘဲနဲ့ နှစ်စဉ်စီမံကိန်းနဲ့ ချေးဖို့အတွက် နောက်ပြီးတော့ လယ်ယာသုံးစက်ပစ္စည်းတွေကို အစိုးရက အရစ်ကျပေးတယ် ဆိုပေမယ့် လယ်သမားစစ်စစ်တွေလက်ထဲ မရောက်ဘဲနဲ့ မြို့နယ် ထွေအုပ်တွေနဲ့ ရပ်ကွက် အုပ်ချုပ်ရေးမှူးတွေ အကြောင်းပေါင်းသင့်တဲ့ တကယ့်ကို ပိုက်ဆံရှိတဲ့ လုပ်ငန်းရှင်တွေလက်ထဲကိုပဲ ရောက်သွားတယ်။ နိုင်ငံတော်ကနေပြီးတော့ ဒီစက်တွေကို လယ်သမားစစ်စစ်တွေ လက်ထဲရောက်အောင် ပေါ့နော် အစိုးရအနေနဲ့ တာဝန်ယူဆောင်ရွက်ဖို့ရယ်၊ ဦးစီးဌာနတွေရဲ့ တာဝန်မဲ့မှုတွေကြောင့် တောင်းဆိုနေရသလိုဖြစ်တယ်။ အဲ့ဒီ့ဥစ္စာတွေက အများဆုံး အခက်အခဲ တိုင်းနဲ့ပြည်နယ်တွေမှာ ပေါ်ပေါက်နေတယ်။"
အခုလို လယ်သမားတွေ ကြုံနေရတဲ့ အခက်အခဲတွေ၊ မပြေလည်မှုတွေကို အစိုးရဌာနတွေအပြင် လွှတ်တော်နဲ့ပါ တရားဝင် ရင်ဆိုင်ဖြေရှင်းနိုင်ဖို့အရေး ပြည်နယ်နဲ့တိုင်းအသီးသီးမှာ တောင်သူလယ်သမားသမဂ္ဂအဖွဲ့တွေ ပေါင်းစည်းပြီး သမဂ္ဂဗဟိုကို မတ်လ ၂၂ ရက်နေ့ ရန်ကုန်မှာ တရားဝင် ဖွဲ့စည်းလိုက်ကြ ပါတယ်။ မြန်မာနိုင်ငံ တောင်သူလယ်သမားသမဂ္ဂ (ဗဟို)ကို တည်ဆဲဥပဒေနဲ့ အညီ တရားဝင်မှတ်ပုံတင်နိုင်ဖို့အတွက်လည်း ဆက်လက် ဆောင်ရွက်သွားမှာဖြစ်တယ်လို့ တောင်သူလယ်သမားသမဂ္ဂ (ဗဟို) ရဲ့ ဥက္ကဋ္ဌအဖြစ် တာဝန်ယူလိုက်တဲ့ မစုစုနွေးက ပြောပါတယ်။

မြန်မာနိုင်ငံ တောင်သူလယ်သမားသမဂ္ဂတရားဝင်ဖွဲ့စည်းခြင်းအခမ်းအနား (ဓာတ်ပုံ- တောင်သူလယ်သမားသမဂ္ဂ fb/မတ် ၂၂၊ ၂၀၁၅)

"ဗဟိုအလုပ်အမှုဆောင်ဖွဲ့ပြီးတော့ နေပြည်တော်ကို အမတို့ ဖွဲ့စည်းပုံ မူကြမ်းတွေ၊ တောင်သူလယ်သမားသမဂ္ဂရဲ့ Logo (အမှတ်တံဆိပ်) ဘယ်လိုထားလဲ။ ဘာအရောင်တွေက ဘာကြောင့်ရွေးတယ်။ နောက် အလံပေါ့။ အလံက ဘာကိုကိုယ်စားပြုထားတယ်-ဆိုတာမျိုး လုပ်ငန်းစဉ်တွေပေါ့နော်။ အခန်း (၈) ခန်း အနေနဲ့ ဖွဲ့စည်းပုံမူကြမ်းကို ဆွဲတယ်။ မူကြမ်းကို ဆွဲပြီးတော့ မတ်လ ၂၁ ရက်နေ့မှာ တိုင်းနဲ့ပြည်နယ်အသီးသီးကတက်လာတဲ့ တောင်သူလယ်သမား သမဂ္ဂ ခေါင်းဆောင်တွေနဲ့ ဖွဲ့စည်းပုံမူကြမ်းကို ဘယ်ဟာတွေပြင်သင့်တယ်။ ဘယ်ဟာတွေကို ကြိုက်တယ် ဆိုတာမျိုးတွေနဲ့ အကြိတ်အနယ် ဆွေးနွေး တယ်။ ဆွေးနွေးပြီးတော့ လယ်သမားတွေရဲ့သဘောတူညီမှုနဲ့ ပြင်ဆင်စရာရှိတာတွေကို ပြင်ဆင်တယ်။ ပြင်ဆင်ပြီးတော့ အားလုံးပေါ့။ ဖွဲ့စည်းပုံ မူကြမ်းကို အတည်ပြုလိုက်တယ်။ ဒီနေ့မနက် မတ်လ ၂၂ ရက် ဗဟိုအလုပ်အမှုဆောင်အဖွဲ့ဝင် (၃၂) ယောက်ကို ဗဟိုအလုပ်အမှုဆောင်အဖြစ် ရွေးချယ်တယ်။"
တောင်သူလယ်သမား အကျိုးစီးပွား ကာကွယ်ရေးနှင့် မြှင့်တင်ရေးဥပဒေကို သမ္မတ လက်မှတ်ရေးထိုးပြဌာန်းပြီးဖြစ်ပေမဲ့ ထည့်သွင်းရန် ကျန်နေသေးတဲ့ နည်းဥပဒေတွေထဲမှာ တောင်သူလယ်သမားတွေအတွက် အကျိုးစီးပွားမြှင့်တင်ရေးအတွက် အဓိကလိုအပ်တဲ့ စိုက်ပျိုးချေးငွေ၊ ရင်းနှီးမတည်မှုတွေအပြင် သဘာဝ ဘေးအန္တရာယ်ကြုံကြိုက်လာတဲ့အခါမှာ လယ်သမားတွေရင်ဆိုင်ရမယ့် အခက်အခဲတွေ ပြေလည်နိုင်ဖို့အပါအဝင် တရားရင်ဆိုင်နေရဆဲ တောင်သူလယ်သမားတွေအတွက်ပါ အမှန်တကယ် ဥပဒေပိုင်းဆိုင်ရာ အကျိုးစီးပွား ကာကွယ်နိုင်ဖို့အရေး တောင်သူလယ်သမားတွေဘက်က တောင်းဆိုနေကြတာဖြစ်ပါတယ်။
မဆုမွန် VOA

စစ်ကိုင်းတိုင်း ဒေသကြီးအတွင်း အရေးကြီးကာလ ကြေညာ

စစ်ကိုင်းတိုင်း ဒေသကြီး အတွင်းမှာ အခုလ ၁၁ ရက်နေ့ ကနေ ဧပြီလ ၇ ရက်နေ့အထိ ရက်ပေါင်း ၂၈ ရက်ကို အရေးကြီး ကာလအဖြစ် ကြေညာထားပြီး လုံခြုံရေး တိုးမြှင့်ထားတယ်လို့ တိုင်းဒေသကြီး ရဲတပ်ဖွဲ့က ကြေညာ လိုက်ပါတယ်။

နယ်စပ်လမ်းကြောင်းတွေကနေ အကြမ်းဖက်သမားတွေ ၀င်ရောက်လာနိုင်တယ်ဆိုတဲ့ သတင်းတွေကြောင့် အရေး ကြီးကာလအဖြစ် သတ်မှတ်ပြီး လုံခြုံရေးအင်အားတိုးမြှင့် ထားတာဖြစ်တယ်လို့ စစ်ကိုင်းတိုင်းဒေသကြီး ရဲတပ်ဖွဲ့ ဒုတိယ-ရဲမှုးကြီး တင့်လွင်က ပြောပါတယ်။

"သတ်မှတ်ထားတဲ့ အကြောင်းအရာကတော့ လတ်တလောဖြစ်ပေါ်နေတဲ့ အခြအနေတွေ ရယ် နောက်ပြီးတော့အကြမ်းဖက်သမားတွေ ကျနော်တို့ နယ်စပ်လမ်းကြောင်းတွေက ဝင်ရောက်လာနိုင် တယ်၊ အဓိကကတော့ အဲ့ဒါပါဘဲ၊ ခရိုင်မြို့နယ်တွေမှာတော့ ကျနော်တို့ရဲအင်အားတွေအသင့်ပေါ့၊ စုဖွဲ့ထားဖို့လုပ်ထားပြီးပြီ၊ ကျန်တာကတော့ အင်အားကတော့ဒီတိုင်းပါပဲ၊ ပိုမိုပြီးတော့လှည့် ကင်းတွေဆောင်ရွက်တယ်၊ နောက်တစ်ခါ ရှောင်တခင် ပိတ်ဆို့ရှာဖွေတာတွေလုပ်တယ်၊ ကျန်တဲ့ ဝင်ပေါက်တွေမှာတော့ နဂိုကထက် ရှာဖွေမှု၊ စစ်ဆေးမှုတွေ ဆောင်ရွက်ပါတယ်"

အဲဒီကြေညာချက်ဟာ တက္ကသိုလ်ဝင်တန်းစာမေးပွဲတွေ၊ တက္ကသိုလ်စာမေးပွဲတွေ အေးချမ်းစွာ ဖြေဆိုနိုင်ဖို့နဲ့ ရပ်ရွာအေးချမ်းသာယာရေးနဲ့ တရားဥပဒေစိုးမိုးရေးအတွက် ထုတ်ပြန်တာဖြစ်တယ်လို့လည်း သိရပါတယ်။

အဲဒီကာလအတွင်း ခရိုင်၊ မြို့နယ်၊ ရပ်ကျေးအဆင့်ဆင့်မှာ ကွပ်ကဲရေးရုံးတွေ ဖွင့်လှစ်ပြီး အုပ်ချုပ်ရေးမှူးတွေ နဲ့ ထွေ-အုပ်ဝန်ထမ်းတွေအားလုံး လုံခြုံရေးတာဝန်ယူ ရမှာဖြစ်ပါတယ်။

RFA Burmese
http://www.rfa.org/burmese

မြန်မာ့လူ.အဖွဲ.အစည်းမှာ အပြန်အလှန် ယဉ်ကျေးမှုတွေ၊ အသိတရားတွေ အားနည်းလာနေခြင်းများကို တွေ.မြင်ရလေသောအခါ...

မနေ.က (၂၁-၃-၂၀၁၅) မန်းလေမှာ ကျောင်းသားများသပိတ်စစ်ကြောင်းအား လက်ပံတန်းမြို.တွင် အကြမ်းဖက်ဖြို့ခွဲခံရမှု အတွက် တရားဝင်ခွင့်ပြုမိန်.နဲ.ကန်.ကွက်ရှံချပွဲပြုလုပ်ပြီး
ချီတက်နေစဉ်မှာ ရဲမေတွေ ရဲတွေစီလာတဲ့ကားဆန္ဒပြနေတဲနေရာမှာပျက်တော့ လမ်းပိတ်နေလို့ဆန္ဒပြသူတွေ ဘုန်းဘုန်းတွေ ပါမကျန်မနေနိုင်ကြပဲ ကားကို ကူညီ ၀ိုင်းတွန်းပေး
ကြလေရဲ.။

ဒါပေမယ့် အများပြည်သူတွေ သံဃာတော်တွေပါမကျန် ကားဝိုင်းကို ၀ိုင်းဝန်းကူညီတွန်းပေးနေချိန်မှာကားပျက်တဲ့ ကားပေါ်က ရဲမေတွေက ခန့်သားကြီး ကားပေါ်က
မဆင်းကြပဲ ဆက်လက်ထိုင်နေခြင်းကို မြင်ရတော့ မြန်မာ့လူ.အဖွဲ.အစည်းမှာ အပြန် အလှန် ယဉ်ကျေးမှုတွေ၊ အသိတရားတွေ အားနည်းလာနေခြင်းများလားဟု
  တွေးထင်မိပါလေသည်။

သတင်းဓါတ်ပုံ- April Maung Maung via အစုံသုတ် မီဒီယာ

နိုင်ငံရေးမူဘောင်ရေးဆွဲဖို့ အစိုးရနဲ့ တိုင်းရင်း သား ခေါင်းဆောင်တွေ ဆွေးနွေး

 
အစိုးရနဲ့ တိုင်းရင်းသား လက်နက်ကိုင်အဖွဲ့တွေရဲ့ တစ်နိုင်ငံလုံး အပစ်အခတ်ရပ်စဲရေး လက်မှတ်ရေးထိုးနိုင် ဖို့အတွက် ကျင်းပတဲ့ ဒီနေ့ ၅ ရက်မြောက် ဆွေးနွေးပွဲမှာ နိုင်ငံရေးမူဘောင်ရေးဆွဲရေးနဲ့ တစ်နိုင်ငံလုံး အပစ်ခတ်ရပ်စဲရေး ဆွေးနွေးပွဲပုံစံ သတ်မှတ်ရေးကိစ္စတွေကို ဆွေးနွေးခဲ့ကြပါတယ်။
ရန်ကုန်မြို့ မြန်မာငြိမ်းချမ်းရေးစင်တာမှာ ဒီနေ့ ပြုလုပ်တဲ့ ဆွေးနွေးပွဲအပြီး သတင်းစာ ရှင်းလင်းပွဲမှာ ဦးနိုင်ဟံသာက အခုလို ပြောကြားခဲ့တာပါ။
"လုပ်ငန်းစဉ်တွေကိ်ု တဆင့်ပြီးတဆင့် ဘာတွေလုပ်သွားမယ်ဆိုတဲ့ကိစ္စလည်း အဲ့ဒီမှာကတော့ အရေးကြီးတဲ့အပိုင်းက အရင်ကအစိုးရဖက်က တင်ပြထားတဲ့လူမှုရေးဆိုင်ရာ ပြန်လည်ပေါင်းစည်းခြင်း ကို ဘယ်လိုသီးသန့်ဆွေးနွေးသွားမလဲ၊ ဘယ်လိုနည်းနဲ့ ဖြတ်ကျော်မလဲဆိုတဲ့အပိုင်းတွေ အဲ့ဒီကိစ္စတွေ အပါအဝင် နောက်ဒီဆုံးဖြတ်ချက်တွေကို လွှတ်တော်ကိုဘယ်လိုတင်မယ် စသည်ဖြင့်အဲ့ဒီင်္မှာ အဲ့ဒါတွေ အားလုံးပါတယ်"
ဒါ့အပြင် ပြည်ထောင်စုတပ်မတော်နဲ့ တပ်နေရာချထားရေးကိစ္စတွေကို နိုင်ငံရေးဆွေးနွေးပွဲတွေမှာ ဆွေးနွေးသွားဖို့ လည်း သဘောတူခဲ့ကြပါတယ်။
တစ်နိုင်ငံလုံး အပစ်အခတ်ရပ်စဲရေး လက်မှတ်ရေးထိုးပြီးနောက်ပိုင်း ရက်ပေါင်း ၆ဝ အတွင်း နိုင်ငံရေး ဆွေးနွေး ပွဲတွေ ကျင်းပသွားမှာ ဖြစ်ပါတယ်။
ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီနဲ့ တစ်နိုင်ငံလုံးအပစ်ခတ်ရပ်စဲရေး ညှိနှိုင်းရေးအဖွဲ့ဟာ ကြားကာလအစီအစဉ်ပိုင်းမှာ တိုင်းရင်းသားတွေရဲ့ ရပ်တည်မူကို အာမခံပေးနိုင်ရေး၊ မတရားအသင်း ပုဒ်မ ၁၇ ပြင်ဆင်ရေးနဲ့ ယုံကြည်မူတည်ဆောက်ရေး စတဲ့ကိစ္စရပ်တွေကို မနက်ဖြန် ဆက်လက်ဆွေးနွေးသွားမှာ ဖြစ်ပါတယ်။
တစ်နိုင်ငံလုံးအပစ်ခတ်ရပ်စဲရေး ညှိနှိုင်းရေးအဖွဲ့ NCCT အဖွဲ့ဝင် ဒေါက်တာဆလိုင်းလျှန်မှုန်းဆာခေါင်ကို RFA သတင်းထောက် ကိုကျော်ဇောဝင်း တွေ့ဆုံမေးမြန်းထားတာ နားဆင်နိုင်ပါတယ်။

 

ဒေါက်တာဆလိုင်းလျှန်မှုန်းဆာခေါင်နဲ့ မေးမြန်းချက်

 RFA

ကျောင်းသားထုတောင်းဆိုတဲ့ ပညာရေးဥပဒေမှာ အရေးကြီးတဲ့အချက်တွေကန့်သတ်ခံရပြီး အတော်များများပယ်ဖျက်ခံရ

၂၀.၃.၂၀၁၄အမျိုးသားလွှတ်တော်တွင်ဥပဒေကြမ်းကော်မတီဥက္ကဌဦးခင်မောင်ရီမှ တင်သွင်သည့်အစီရင်ခံစာတွင်ကျောင်းသားကိုယ်စားလှယ်များ။NNERမှတင်ပြသည့်အချက် အတော်များများပယ်ဖျက်ခံရသည်ဟုလွှတ်တော်ကိုယ်စားလှယ်ဦးဖုန်းမြင့်အောင် အတည်ပြုပြောဆိုပါသည်။

1အမျိုးသားပညာရေးကော်မရှင်ပယ်ဖျက်သည်ကိုပုံစံအသစ်ဖြင့်ပြန်ဖွဲ့ပါသည်။
အစိုးရပြည်သူလွှတ်တော်အမျိုးသားလွှတ်တော်ဥက္ကဌများမှရွေးချယ်သူများပါဝင်ပြီး။
ဆရာများနှင့်ကျောင်းသားကိုယ်စားလှယ် ၄ဦးသာပါဝင်သည်။

2.ဆရာများပါတီဝင်ခွင့်ပယ်ဖျက်

3.ကျောင်းသားသမဂ္ဂများကိုတက္ကသိုလ်ပဋိဥာဉ်အတိုင်းဖွဲ့စည်းခွင့်ကန့်သတ်သည်။
(တက္ကသိုလ်ပဋိဉာဉ်မဖော်ပြ)

4.တက္ကသိုလ်များတွင်တက္ကသိုလ်ရံပုံငွေဖြင့်သမဂ္ဂအဆောက်အအုံတည်ဆောက်ခွင့်ပါယ်ဖျက်သည်။

5.အဆင့်မြင့်ပညာရေးအတွက်လွတ်လပ်စွာဘာသာရပ်များရွေးချယ်ခွင့်ပါယ်ဖျက်သည်။
6.ကျောင်းသားများထုတ်ဖော်ခွင့်။စုဝေးတိုင်ပင်ခွင့်ပယ်ဖျက်သည်။

7.ကျောင်းအုပ်ချုပ်ရေးတွင်သမဂ္ဂများပါဝင်ခွင့်ပယ်ဖျက်သည်။

8.ဆရာများသမဂ္ဂကိုလွတ်လပ်စွာဖွဲ့စည်းခွင့်ပယ်ဖျက်သည်။

9.ကျောင်းအုပ်ချုပ်ရေးတွင်ကောင်စီတွင်ဆရာများသမဂ္ဂ။ကျောင်းသားသမဂ္ဂကိုယ်စားလှယ်ပါဝင်
  ခွင့်ပယ်ဖျက်သည်။

10.ကျောင်းသားသမဂ္ဂများကိုကျောင်းသားသူများကိုယ်တိုင်တည်ထောင်ခွင့်ပယ်ဖျက်သည်။

11.ကျောင်းသားများလွတ်လပ်စွာသုတေသနပြုခွင့်ပယ်ဖျက်သည်။
(လွှတ်တော်ကိုယ်စားလှယ်များတနင်္လာနေ့နောက်ဆုံးထားစာရင်းပေးသွင်နိုင်)

ကိုးကန့်ဒေသ တောင်ကုန်း ၃ ခု အစိုးရတပ်သ်ိမ်းယူ

လက်နက်တွေ စစ်ဆေးနေတဲ့ ကိုးကန့်လက်နက်ကိုင် MNDAA တပ်ဖွဲ့ဝင်များ။ (မတ်လ ၁၀၊ ၂၀၁၅)

ကိုးကန့်လက်နက်ကိုင်တပ်တို့နဲ့ မြန်မာ့တပ်မတော်တို့ကြား ဒီကနေ့ တိုက်ပွဲတွေအတွင်း မြန်မာ့တပ်မတော်ဘက်က တောင်ကုန်း ၃ ခုကို သိမ်းပိုက်နိုင်ခဲ့ပြီး တပ်သား ၁၁ ဦး ကျဆုံးခဲ့တယ်လို့သတင်းထုတ်ပါတယ်။ ကိုးကန့်လက်နက်ကိုင်တပ်ဘက်ကတော့ မြန်မာစစ်တပ်က လက်နက်အသစ်တွေ တိုးပြီး အသုံးပြုလာပြီး ဒီကနေ့ တိုက်ပွဲမှာတော့ မူလနေရာကနေ နောက်ကို အနည်းငယ် ဆုတ်ခဲ့ရတယ်လို့ ဆိုပါတယ်။ ကိုးကန့်ဒေသ စစ်ရေး အခြေအနေတွေကို မသိင်္ဂီထိုက် စုစည်းတင်ပြထားပါတယ်။

တရုတ် မြန်မာ နယ်စပ် ကိုးကန့် ဒေသတဝိုက်မှာ ဒီကနေ့ ကိုးကန့်လက်နက်ကိုင်တပ်တို့နဲ့ မြန်မာ့ တပ်မတော်ကြား တိုက်ပွဲတွေ ပြင်းထန်ခဲ့ပြီး ကိုးကန့် တပ်ဘက်က လောင်ချာ၊ စက်သေနတ်ကြီး၊ လက်ပစ်ဗုံး၊ တိုက်မိုင်းတို့ အသုံးပြု တိုက်ခိုက်ခဲ့သလို မြန်မာ့တပ်မတော်ဘက်ကတော့ လက်နက်ကြီးနဲ့ပစ် လေကြောင်းကနေလည်း ဗုံးကြဲခဲ့ပါတယ်။ ဒီကနေ့ တိုက်ပွဲတွေအတွင်း ပါစင်ကျော်မြို့အနီး ရှင်ခုတ်ထန်ဒေသက တောင်ကုန်းတခု၊ လော်ကွာကျိုင်းဒေသ တဝိုက်က တောင်ကုန်းနှစ်ခုကို မြန်မာ့တပ်မတော်က သိမ်းဆည်းနိုင်ခဲ့တယ်လို့လည်း မြန်မာအစိုးရ စစ်တပ်က သတင်းထုတ်ပါတယ်။ တိုက်ပွဲအတွင်း စစ်သည် ၁၁ ဦး ကျဆုံးပြီး ၁၁ ဦး ဒဏ်ရာရခဲ့ပါတယ်။ ဒီကနေ့ ရှင်ခုတ်ထန်ဘက်ကတိုက်ပွဲ အခြေအနေကိုတော့ ကိုးကန့်တပ်ရဲ့ပြောခွင့်ရ ဦးထွန်းမြတ် လင်းက အခုလို ပြောပါတယ်။

“ခုတ်ထန်မှာပါ။ အခုရက်ပိုင်း ဖြစ်ဖြစ်နေတဲ့နေရာမှာပါ။ ဒီနေ့ ဟယ်လီကော့ပတာ တစီးလာတယ်။ ဗုံးကြဲတယ်၊ ပြီးတော့ စက်သေနတ်နဲ့ပစ်တယ်။ ကျနော်တို့ အဓိကစခန်းချထားတာတော့ မရှိပါဘူး။ ဒါပေမယ့် ကျနော်တို့ စခန်းသေးသေးလေးရှေ့မှာ တိုက်ပွဲမဖြစ်တဲ့နေရာမှာ ကျနော်တို့ နောက်ကို နည်းနည်းလေး ပြန်ဆုတ်ထားတာ ရှိပါတယ်။ တိုက်ပွဲဖြစ်တဲ့နေရာမှာတော့ ကျနော်တို့ ဖယ်လိုက်တာ မရှိပါဘူး။ အဲဒီနေရာကနေ နောက်ကို နည်းနည်းလေး ပြန်ဆုတ်တဲ့နေရာမှာ ပြန်ဆုတ်တာပဲရှိပါတယ်။ ဒါပေမယ့် သူတို့က လက်နက်တွေတော့ ပိုပိုသုံးလာပါတယ်။ ပြီးခဲ့တဲ့ရက်ပိုင်းဆို နှစ်ဆင့်ကွဲတဲ့ဗုံးလည်း သုံးလာတယ်။ ပြီးတော့ မနေ့တုန်းကထင်တယ်။ ဟိုဗုံးအကြီးကြီး ၂၅၀ ကီလိုဂရမ်လားမသိဘူး၊ ပြီးတော့ လက်နက်အသစ်ပေါ့၊ အဲဒါတွေလည်း သုံးလာတာတွေ့ပါတယ်။ ဒါပေမယ့် ကျနော်တို့လည်း တတ်နိုင်သလောက် ခုခံသွားပါမယ်။”

ကိုးကန့်ကိုယ်ပိုင်အုပ်ချုပ်ခွင့်ရဒေသ တိုက်ပွဲတွေ သတင်း ၅ ပတ်ကျော်လာပြီဖြစ်ပြီး စစ်ရေးတင်းမာနေဆဲမို့ တရုတ်ဘက်မှာ ရှောင်နေတဲ့ ဒုက္ခသည်တွေလည်း နေရပ်ရင်းတွေကို မပြန်နိုင်သေးတဲ့အကြောင်း တရုတ်-မြန်မာ နယ်စပ်မှတ်တိုင်း ၁၂၅ ဒုက္ခသည်စခန်းမှာ ကူညီပေးနေတဲ့ ကိုတောမတ်စ်က ပြောပါတယ်။

“ဒုက္ခသည်ကတော့ အခု ၁ ထောင်ကျော်လောက်ပဲ ရှိတော့မယ်။ တချို့ကတော့ အိမ်ပြန်သွားတာပေါ့နော်။ တချို့ကျတော့လည်း တရုတ်ပြည်ဘက် ဝင်သွားတာရှိတယ်။ လောက်ကိုင်က တောရွာတွေပေါ့နော်၊ အထူးသဖြင့် ပလောင်တွေ၊ ရှမ်းတွေ၊ အဲဒါတွေ များတယ်ဗျ။ အခုက လားရှိုးဆင်းတဲ့အဖွဲ့ကျတော့ သူတို့က ….ကနေ ပတ်ပြီးတော့ သွားတယ်။ စင်ကျော်ကနေ လောက်ကိုင်ကျ သွားလို့မရသေးဘူး။ ကြံခုတ်သမားတွေကတော့ သူတို့ လမ်းလျှောက်သွားတာတော့ ရတယ်လို့ပြောတယ်။ ဗမာပြည်က သူတို့သွားတဲ့အဖွဲ့တွေတော့ သူတို့က စင်ကျော်ကနေ လောက်ကိုင်တော့သွားလို့မရသေးဘူးပေါ့။ သူတို့က တရုတ်ပြည်ကနေပတ်ပြီးတော့ ပြန်သွားတာရှိတယ်။ အခု လောက်ကိုင်ကျတော့ တချို့ကျတော့ ပြန်တာရှိတယ်။ ဒါပေမယ့် တချို့ကျတော့ ပြန်ထွက်လာနေသေးတယ်။”

ကိုးကန့်နယ်နဲ့ ဆက်နေတဲ့ တရုတ်နယ်စပ်တလျှောက် နေရာ အတော်များများမှာ စစ်ပြေးဒုက္ခသည်တွေ ခိုလှုံနေကြပြီး လတ်တလောမှာတော့ တရုတ် အစိုးရဘက်က ပြည့်စုံအောင် ထောက်ပံ့ပေးထားတယ်လို့လည်း ကိုတောမတ်စ်က ပြောပါတယ်။ မြန်မာပြည်တွင်းက အလုပ်လာလုပ်နေသူတွေကတော့ လမ်းကြောင်းအသီးသီးကနေ ဌာနေပြန်နေနိုင်ပြီဖြစ်ပေမယ့် ကိုးကန့်ဒေသခံတွေကတော့ စစ်ရေးတင်းမာနေဆဲမို့ အိမ်မပြန်နိုင်ကြသေးဘဲ ဒုက္ခသည် စခန်းတွေမှာ သောင်တင်နေကြရဆဲ ဖြစ်ပါတယ်ရှင်။

သိင်္ဂီထိုက် / ဗွီအိုအေ (မြန်မာပိုင်း)

ဟိုကရိုက်၍ ဒီကပြန်ရိုက်ခြင်းကိစ္စနှင့် ပတ်သက်၍

လက်ပံတန်း ကျောင်းသားသပိတ်အကြမ်းဖက်ဖြိုခွဲမှုတွင် မြန်မာနိုင်ငံရဲတပ်ဖွဲ့မှ နိုင်ငံတကာ လုပ်ထုံးလုပ်နည်းများကို ကျော်လွန်ခြင်းမရှိသည့်အပြင် “ဟိုကရိုက်လို့ ဒီကပြန်ပြီး ရိုက်ရတဲ့သဘော” ဟု မတ် ၂ဝ ရက်က ထုတ်လွှင့်ခဲ့သော BBC နှင့် တွေ့ဆုံမေးမြန်းခန်းတွင် သမ္မတဦးသိန်းစိန်က ဖြေကြားခဲ့သည်။ လက်ပံတန်းကျောင်းသားသပိတ် ဖြိုခွဲမှုဖြစ်စဉ်အတွင်း အကြမ်းဖက်မှုများ ရှိခဲ့ခြင်းနှင့် ပတ်သက်၍ သမ္မတဦးသိန်းစိန်က “ရဲလုပ်ငန်းမှာ အဆင့်ဆင့်ရှိပါတယ်။ အဲဒီတော့ ဒီဟာကို အကြမ်းဖက်ဖြိုခွဲတယ် ဆိုပေမယ့်လည်း ကျွန်တော်တို့မှာ ဟိုကရိုက်လို့ ဒီကပြန်ပြီးရိုက်ရတဲ့သဘောပဲ ရှိတယ်။ ဟိုက ခဲနဲ့ပေါက်လို့ ဒီက ကာကွယ်ရတဲ့သဘောပဲ ရှိတယ်။ တစ်ချက်မှ မျက်ရည်ယိုဗုံးတို့ ဘာတို့နဲ့ ပစ်ပြီးဖြိုခွဲရတာတွေ၊ Water Canon နဲ့ ပစ်ပြီးတော့ ဖြိုခွဲရတာတွေ၊ နောက်တစ်ခါ Rubber Bullet နဲ့ ပစ်ပြီးတော့ ဖြိုခွဲရတာတွေ ဒါတွေတစ်ခါမှ ကျွန်တော်တို့ မရှိခဲ့ပါဘူး။ ဒါတွေဟာ ရဲလုပ်ငန်းမှာ အဆင့်ဆင့်ရှိပါတယ်။ ခင်ဗျားတို့ EU ကလည်း ရဲလုပ်ငန်းနဲ့ ပတ်သက်ပြီးတော့ လာပြီး စနစ်တကျသင်ကြားပေးနေတာတွေ ရှိပါတယ်။ အဲဒီတော့ ရဲဟာ နိုင်ငံတော်ကာကွယ်ရေးအတွက် တည်ငြိမ်အေးချမ်းရေးအတွက် သူ့ရဲ့လုပ်ငန်းကို သူအဆင့်ဆင့် လုပ်တာပဲဖြစ်ပါတယ်။ ဒါဟာ International Practice ထက် ဘယ်ဟာတစ်ခုမှ ကျော်လွန်ခြင်း မရှိပါဘူး” ဟု ပြောကြားခဲ့သည်။ ထို့အပြင် အကြမ်းဖက်သည်ဟု စွပ်စွဲမှုများသည် တစ်ဖက်တည်းက ကြည့်၍ပြောဆိုခြင်းများဖြစ်ကြောင်းနှင့် ဆန္ဒပြကျောင်းသားများဘက်မှ ခဲဖြင့်ပေါက်သောကြောင့် ရဲမေအချို့ခေါင်းကွဲခြင်း၊ ရဲကား မှန်ကွဲခြင်းများလည်း ရှိခဲ့ကြောင်း သမ္မတဦးသိန်းစိန်က ဆက်လက်ပြောကြားခဲ့သည်။

ဤနေရာ၌ ဦးစွာပြောလိုသည်မှာ “ဟိုကရိုက်လို့ ဒီကပြန်ပြီးရိုက်ရတဲ့ သဘောပဲရှိတယ်” ဟူသည့် စကားဖြစ်သည်။ ဖြစ်ရပ်မှန်ကို ခေတ္တဘေးဖယ်ထားလိုက်လျှင်ပင် “ဟိုကရိုက်၍” “ဒီက ပြန်ရိုက်ခြင်း” သည် ဥပဒေပြင်ပမှ စကားဖြစ်သည်ကို သတိပြုမိကြမည် ဖြစ်ပါသည်။
ဟိုကရိုက်၍ ဒီကပြန်ရိုက်လျှင် အပြစ်မရှိဘူးဟူသည့် အတွေးမျိုးက ကလေးကလားနိုင်လွန်းလှသည်။ ဘောလုံးပွဲ၌ပင်လျှင် ဟိုကချ၍ ဒီကပြန်ချလျှင် နှစ်ဦးစလုံး အနီကတ် ပြခံရမည်ဖြစ်သည်။

လက်ပံတန်းသပိတ်အား ဖြိုခွဲခဲ့မှုနှင့် ပတ်သက်၍ ဓာတ်ပုံမှတ်တမ်း၊ ဗီဒီယိုမှတ်တမ်းများစွာရှိပြီး အွန်လိုင်း၌ မည်သူမဆို အလွယ်တကူ ကြည့်ရှုနိုင်သည်။ ယင်း၌ မည်သို့မျှ မခုခံနိုင်သည့် လူတစ်ဦးကို ရဲအယောက် ၂ဝ ခန့်က အငြိုးတကြီး ဝိုင်းရိုက်ကြခြင်း၊ ရဲများက ကားကို အငြိုးတကြီးဝိုင်း၍ ဖျက်ဆီးကြခြင်းနှင့် ကျောင်းသားတို့၏ အလံများကို ရဲများက ဒေါသတကြီး ဖနောင့်ဖြင့် ဝိုင်းပေါက်ကြခြင်းတို့သည် International Practice လားဟု မေးခွန်းထုတ်ရမည် ဖြစ်သည်။ လုပ်ပိုင်ခွင့်အာဏာထက် များစွာကျော်လွန်လျက် အငြိုးတကြီး လုပ်ဆောင်ခဲ့သည်ကို သက်သေအထင်အရှား ရှိနေသည့်တိုင် နိုင်ငံတော်သမ္မတက တစ်စုံတစ်ရာ အရေးယူဆောင်ရွက်ပေးပါမည်ဟု မပြောဘဲ ကာကွယ်ပြောကြားနေခြင်းမှာ မည်သို့မျှ မသင့်လျော်သည့်ကိစ္စ ဖြစ်သည်။

တရားဥပဒေ၏ သဘောသဘာဝအရ အတိုင်းအတာတစ်ခုကို ကျော်လွန်၍ ခုခံကာကွယ်၍ မရသည်ကို နိုင်ငံတော်၌ တာဝန်အရှိဆုံးသူက မသိခြင်းမှာ လွန်စွာဆိုးရွားလှသော ကိစ္စဖြစ်သည်။ နိုင်ငံတော်၌ တာဝန်အရှိဆုံးသူသည် ဖြစ်စဉ်အပြည့်အစုံကို အသေအချာ သုံးသပ်လေ့လာရမည်ဖြစ်ပြီး လက်လွတ်စပယ်ပြောကြားခြင်း မပြုအပ်ပါ။ အကယ်၍သာ လွတ်လပ်၍ တရားမျှတသော တရားစီရင်ရေး ဖြစ်ခဲ့မည်ဆိုပါက ရဲတပ်ဖွဲ့၏ ဥပဒေဘောင်ကို ကျော်လွန်လျက် အင်အားအလွန်အကျွံ သုံးစွဲခဲ့မှုကို တရားစွဲဆိုခွင့် ရှိရမည်ဖြစ်ကြောင်းနှင့် တရားစီရင်ရာ၌လည်း တရားသူကြီးအဖွဲ့က လွတ်လွတ်လပ်လပ် ဆုံးဖြတ်ကာ ဥပဒေအရအပြစ်ရှိကြောင်း တွေ့ရှိရပါက တာဝန်ရှိသူများကို လိုအပ်သလို အပြစ်ပေးအရေးယူရမည်ဖြစ်ပါကြောင်း The Daily Eleven သတင်းစာက ရေးသားအပ်ပါသည်။

============

Eleven Media Group

မတ်လ ၂၂ ရက်နေ့ထုတ် The Daily Eleven သတင်းစာ၏ အယ်ဒီတာ့အာဘော်