ကြက်တူရွေး ဆံပင်ပုံစံကြောင့် မိသားတစုလုံးကို ဖခင်ဖြစ်သူ သတ်ဖြတ်

ရုရှားနိုင်ငံက နေအိမ်တခုမှာ ၆ နှစ်အရွယ် သားဖြစ်သူကို ကြက်တူရွေးပုံစံ ဆံပင်ညှက်ပေးတာ မကြိက်တဲ့ ခင်ပွန်းဖြစ်သူက သူ့ရဲ့မိသားစုဝင် ၈ ဦး စလုံးကို သတ်လိုက်ပါတယ်။
အိုလက်ဘီလော့လို့ ခေါ်တဲ့ ဖခင်ဖြစ်သူဟာ သားသမီး ၆ ဦး၊ အသက် ၃၂ နှစ်အရွယ် ကိုယ်ဝန်ဆောင်ထားတဲ့ သူ့အမျိုးသမီးနဲ့ မိခင်တို့ကို သတ်ခဲ့တာလို့ ဒီဇင်ဘာ ၁၈ ရက်နေ့ အင်္ဂလန် အခြေစိုက် mirror သတင်းမှာ ဖော်ပြထားပါတယ်။
ရဲတွေကလည်း အခင်းဖြစ်ပွားတဲ့နေရာကို သွားရောက်ခဲ့ပြီး သေဆုံးနေတဲ့ ကလေးတွေဟာ အသက် ၁ နှစ်ကနေ ၇ နှစ်အရွယ်တွေ ဖြစ်ကြတယ်လို့ ဆိုပါတယ်။
မိသားစုဝင် အားလုံးကို ၁၀ မိနစ် အတွင်းမှာပဲ သတ်လိုက်တာဖြစ်ကြောင်း၊ ဘာလို့လဲဆိုတော့ မိန်းမက အသက် ၆ နှစ်အရွယ်လောက်ရှိတဲ့ သူ့ရဲ့ ကလေးကို ကြက်တူရွေး ပုံစံ ဆံပင် ညှပ်ပေးလိုက်လို့ အခုလို သတ်ဖြတ်တာဖြစ်ကြောင်း ဘီလော့က တရားရုံးမှာ  ထွက်ဆိုထားပါတယ်။
ဒီသတင်းကိုကြားသိတဲ့ ရုရှား နိုင်ငံသားတွေကလည်း ထိတ်လန့်နေကြောင်း သတင်းက ဆိုပါတယ်။
ဒီအမှုနဲ့ ပတ်သက်ပြီး သူ့ကိုလည်း တရားရုံးက အမိန့်ချဖို့ စီစဉ်နေပြီး ပြစ်မှုထင်ရှားပါက ထောင်ဒဏ် တသက်တကျွန်း ကျနိုင်ကြောင်း သိရပါတယ်။
DVB

တရုတ်နယ်စပ်မှ အိုင်အက်စ်အကြမ်းဖက်သမားများဝင်လာမည့် သတင်းကြောင့် ရန်ကုန်မြို့အတွင်း လုံခြုံရေးတင်းကြပ်ထား

တရုတ်-မြန်မာ နယ်စပ်မှတဆင့် အိုင်အက်စ် အကြမ်းဖက်သမား ၁၁ ယောက် မြန်မာပြည်ထဲဝင်လာနိုင်သည် ဆိုသော သတင်းများကြောင့် ရန်ကုန်မြို့အတွင်း လုံခြုံရေးတင်းကြပ်စွာချထားကြောင်း ရန်ကုန်တိုင်းဒေသကြီး အစိုးရအဖွဲ့ လုံခြုံရေးနှင့် နယ်စပ်ရေးရာဝန်ကြီးဗိုလ်မှူးကြီးတင်အောင်ထွန်းက News Watch ဂျာနယ်သို့ ပြောသည်။

''အဲဒီ သတင်းနဲ့ပတ်သတ်ပြီး ရထားဘူတာ၊ သင်္ဘောဆိပ်၊ ကားဂိတ်၊ လေဆိပ်စတဲ့ ရန်ကုန်မြို့ထဲ ၀င်လာတဲ့ လမ်းကြောင်းအကုန်လုံးကို လုံခြုံရေးတင်းတင်းကြပ်ကြပ်ချထားဆောင်ရွက်နေပါတယ်။ တရုတ်ပြည်က ပြေးစရာကလည်း အများကြီးပဲလေ၊ သို့သော်လည်း သတင်းဆိုတာ အင်တာနက် အွန်လိုင်းကရတာပဲ ဖြစ်ဖြစ်၊ ဆက်သွယ်ရေးစနစ်ကရတာပဲ ဖြစ်ဖြစ်၊ တယ်လီဖုန်းကရတာပဲ ဖြစ်ဖြစ်၊ အထက်ဌာနက ချပြတာပဲ ဖြစ်ဖြစ်၊ အောက်က ဥပမာ ကျွန်တော်တို့ရပ်ကွက်တွေထဲက သတင်းပေးတာပဲ ဖြစ်ဖြစ် သတင်းမှန်သမျှ မှားသည် ဖြစ်စေ၊ မှန်သည်ဖြစ်စေ၊ လုံခြုံရေးနဲ့ပတ်သတ်ပြီးတော့ အမြဲတမ်းသတိထားပြီး စောင့်ကြည့်နေပါတယ်။ လုံခြုံရေးဆိုတာ ပိုတယ်မရှိပါဘူး'' ဟု ၀န်ကြီးက ဆိုသည်။

တရုတ်-မြန်မာနယ်စပ်တလျှောက်တွင် နှစ်နိုင်ငံ နယ်ခြားစောင့်ရဲတပ်ဖွဲ့များ ပူးပေါင်း၍ လုံခြုံရေးတိုးမြှင့် ဆောင်ရွက်နေသည့်အပြင် ရန်ကုန်မြို့အတွင်းသို့ အကြမ်းဖက်သမားများ ၀င်ရောက်နိုင်သည့် ၀င်ပေါက်များ အားလုံးတွင် လုံခြုံရေးအား တင်းတင်းကြပ်ကြပ်ချထားကြောင်း ၀န်ကြီးက ဆိုသည်။
''လုံခြုံရေးကို ၂၄ နာရီပါပဲ၊ လှည့်ကင်း၊ ပတ်ကင်း အကုန်လုံးနဂိုအတိုင်းပဲ ဆောင်ရွက်နေပါတယ်။ ဒီအကြမ်းဖက် သတင်းနဲ့ပတ်သက်ပြီး ဖြစ်နိုင်မဖြစ်နိုင်ဆိုတာ ပြောလို့မရဘူး။ ဘာဖြစ်လို့လဲဆိုတော့ သတင်းဆိုတာ မှန်တာမှားတာ ဘာမှ အတည်ပြုပေးလို့လဲမရဘူး။ ကျွန်တော်တို့ကိုလည်း ညွှန်ကြားထားတာလည်း မရှိဘူး။ သို့သော်လည်း လုံခြုံရေးနဲ့ပတ်သက်ပြီး အုပ်ချုပ်ရေးပိုင်းကတော့ တည်းခိုခန်း တွေ နောက်ပြီးတော့ ရပ်ကွက်ထဲမှာ လာတည်းတဲ့ သူစိမ်းတွေ ဒါတွေအကုန်လုံးနဲ့ ပတ်သက်ပြီးတော့ ထူးခြား မှုရှိရင် မသင်္ကာတာရှိရင် အချိန်မရွေး ကျွန်တော်တို့ကို ဆက်သွယ်သတင်းပို့ဖို့အားလုံးကို မှာထားပါတယ်''ဟု နယ်/လုံဝန်ကြီး ဗိုလ်မှူးကြီးတင်အောင်ထွန်းက ဆိုသည်။

ရန်ကုန်တိုင်းဒေသကြီးအတွင်း လုံခြုံရေးအား ရွေးကောက်ပွဲအလွန်ကာလ လုံခြုံရေး စီမံချက်အတိုင်း တင်းတင်းကြပ်ကြပ်ဆောင်ရွက်လျက်ရှိကြောင်း နယ်/လုံ ၀န်ကြီးက ဆိုသည်။


(News Watch)

ဘီ-၅၂ ဗုံးကြဲလေယာဉ် တောင်တရုတ် ပင်လယ်အတွင်းရှိ ကျောက်တန်းပေါ် ပျံသန်းခဲ့ပြီးနောက် တရုတ်က အမေရိကန်ကို ပြင်းထန်စွာ ဝေဖန်

အမေရိကန် ရေတပ်ဗိုလ်ချုပ်ကြီး ဟာရီဟားရစ်ဂျူနီယာက တောင်တရုတ် ပင်လယ်အတွင်းရှိ တရုတ် တည်ဆောက်နေသော ကျွန်းကို ရိုက်ကူးထားသည့် ဓာတ်ပုံအား စက်တင်ဘာ၁၇ ရက်က ပြသနေစဉ် (Photo : AP)

တောင်တရုတ် ပင်လယ်အတွင်းရှိ အငြင်းပွားနေသော နယ်မြေပေါ်သို့ အမေရိကန်၏ ဘီ-၅၂ ဗုံးကြဲလေယာဉ် တစ်စင်း ပျံသန်းခဲ့ပြီးနောက် ပြင်းထန်သော စစ်ရေးအရ ရန်စမှုဟု တရုတ်က အမေရိကန်ကို စွပ်စွဲခဲ့သည်။

တရုတ် ကာကွယ်ရေး ၀န်ကြီးဌာနမှ ထုတ်ပြန်သော ကြေညာချက် တစ်စောင်တွင် အမေရိကန်သည် အငြင်းပွားနေသည့် နယ်မြေအတွင်း တင်းမာမှုများ မြင့်တက်လာစေရန် တမင် လုပ်ဆောင်ခဲ့ခြင်း ဖြစ်ကြောင်း ဖော်ပြထားသည်။ ယင်းအစီရင်ခံစာတွင် အမေရိကန် အစိုးရအနေဖြင့် ယင်းကဲ့သို့သော ဖြစ်ရပ်များနှင့် နှစ်နိုင်ငံ စစ်ဘက်ဆိုင်ရာ ဆက်ဆံရေး ပျက်စီးမှုကို ကာကွယ်ရန် ချက်ချင်း အရေးယူ ဆောင်ရွက်မှုများ ပြုလုပ်ရေးကို တောင်းဆိုထားသည်။

ပင်တဂွန် စစ်ဌာနချုပ်မှ အရာရှိများက ၎င်းတို့သည် ဘီ-၅၂ လေယာဉ်၏ ပျံသန်းရာ လမ်းကြောင်းကို စုံစမ်း စစ်ဆေးနေသည်ဟု ဝေါစထရိဂျာနယ်သို့ ပြောကြားခဲ့သည်။ အမေရိကန်၏ စစ်လေယာဉ်သည် စပရက် တလီကျွန်းစုရှိ ကူအာတီရွန် ကျောက်တန်းနှင့် နီးကပ်စွာ ပျံသန်းခဲ့သည်ဟု ဆိုသည်။  အမေရိကန် ကာကွယ်ရေး ၀န်ကြီးဌာနမှ အကြီးတန်း အရာရှိတစ်ဦးက ရာသီဥတု ဆိုးရွားမှုကြောင့် လေယာဉ်သည် လမ်းကြောင်းလွဲကာ အငြင်းပွားနေသော ပိုင်နက်အတွင်းသို့ ရောက်ရှိသွားခြင်း ဖြစ်နိုင်ကြောင်း ပြောကြားခဲ့သည်။

အောက်တိုဘာလ အတွင်းကလည်း အမေရိကန် ရေတပ်သင်္ဘောတစ်စင်းသည် တောင်တရုတ် ပင်လယ်အတွင်းရှိ အငြင်းပွားနေသည့် ကျွန်းစု၏ ရေမိုင် ၁၂ မိုင်အတွင်း ၀င်ရောက်ခဲ့သေးသည်။ ပဲ့ထိန်းဒုံးကျည် တပ်ဆင်ထားသော အမေရိကန်ဖျက် သင်္ဘော USS Lassen က ဆူဘီ ကျောက်တန်းတစ်ဝိုက် ၀င်ရောက်လာမှုကို တရုတ် အာဏာပိုင်များက သတိပေးခဲ့သည်။ 

ယင်းအချိန်က အမေရိကန် ရေတပ်အာဏာပိုင်များသည် တရုတ်တို့၏ လူလုပ်ကျွန်းစု တစ်ဝိုက်ကို ရေပြင်ပိုင်နက်ဟု သတ်မှတ်ခြင်း မပြုနိုင်သောကြောင့် သင်္ဘော ဖြတ်သန်းသွားမှုသည် အမေရိကန်၏ အနေအထားကိုသာ လိုက်နာရန် လိုအပ်သည်ဟု ပြောကြားခဲ့သည်။ လွန်ခဲ့သည့် လအတွင်းကလည်း အမေရိကန်က ဘီ-၅၂ ဗုံးကြဲလေယာဉ် နှစ်စင်းသည် တရုတ်တို့၏ လူလုပ်ကျွန်းစု အနီး ပျံသန်းခဲ့သေးသည်။

“ကမ္ဘာကြီးရဲ့ ဒီအပိုင်းမှာရှိတဲ့ နိုင်ငံတကာ ဝေဟင်အတွင်းမှာ ဘီ-၅၂ ပျံသန်းမှုတွေကို ကျွန်တော်တို့ တစ်ချိန်လုံး လုပ်နေတာပဲ”  ဟု ပင်တဂွန်မှ ပြောရေးဆိုခွင့်ရှိသူ ပီတာကွက်က ပြောကြားခဲ့သည်။ သို့သော် မကြာသေးမီက ဘီ-၅၂ ပျံသန်းမှုများကို စီစဉ်ထားခြင်း မရှိဟု ဆိုသည်။

EMG

အမေရိကန်က ၂၄ နာရီ စောင့်ကြည့်နိုင်ဟု ဦးဝီရသူ မိန့်ကြား

မြန်မာနိုင်ငံအတွင်း ဘာသာရေးနဲ့ တိုင်းရင်းသား လူမျိုးရေး အကြမ်းဖက်မှုတွေကို လှုံ့ဆော်နှိုးဆွတဲ့ တဦးချင်းနဲ့ အဖွဲ့အစည်းတွေကို အကူအညီမပေးဖို့ အမေရိကန်ပြည်ထောင်စုက တားမြစ်လိုက်ပါတယ်။
ခုရက်ပိုင်းအတွင်း အမေရိကန်လွှတ်တော် နှစ်ရပ်လုံးက အတည်ပြုပေးလိုက်တဲ့ ၂၀၁၆ ခုနှစ် သုံးစွဲငွေ ဥပဒေကြမ်းမှာ အခုလို ဖော်ပြထားတာ ဖြစ်ပါတယ်။
လူကုန်ကူးမှု တိုက်ဖျက်ရေးအတွက် အရေးပါတဲ့ ဆောင်ရွက်ချက်တွေနဲ့ အရှေ့အလယ်ပိုင်း ခရစ်ယာန်တွေနဲ့ မြန်မာက ရိုဟင်ဂျာတွေအပေါ် ကျူးလွန်တဲ့ ညှဉ်းပန်းနှိပ်စက်မှုတွေအတွက် အိုဘားမား အုပ်ချုပ်ရေးအဖွဲ့က အရေးယူဆောင်ရွက်ဖို့ ဖိအားပေးနိုင်တဲ့အချက်တွေ ဥပဒေမှာ ပါတဲ့အတွက် ၀မ်းသာတယ်လို့ အမေရိကန်အောက်လွှတ်တော် နိုင်ငံခြားရေးရာကော်မတီ ဥက္ကဋ္ဌ Ed Royce က ကြေညာချက်ထုတ်ပြန်ပြောဆိုလိုက်ပါတယ်။
ဒီဥပဒေမှာ  မန္တလေး မစိုးရိမ်တိုက်က ဆရာတော် ဦးဝီရသူနဲ့ ပတ်သက်ပြီး အမေရိကန်နိုင်ငံခြားရေးဝန်ကြီးဌာနက အသေးစိတ် ပြန်လည်သုံးသပ်ဖို့လည်း ရေးသားထားပါတယ်။
ဒီသတင်းနဲ့ပတ်သက်လို့ ဆရာတော် ဦးဝီရသူကို ဒီဗွီဘီက ဆက်သွယ်မေးမြန်းရာမှာ သူ့ကို ၂၄ နာရီစောင့်ကြည့်ဖို့ မိန့်ပါတယ်။
“ဦးဇင်းကျောင်းရှေ့မှာ ရုံးခန်းလေးတခုဖွင့်ပြီးတော့ ဦးဇင်း အိပ်ရာထကနေ အိပ်ရာဝင်တဲ့ထိလာပြီး စောင့်ကြည့်ပေးဖို့၊ အဲ့ဒီလို စောင့်ကြည့်ပြီးတော့ နေ့စဉ်တွေ့ရှိရတဲ့ အချက်အလက်တွေကိုလည်း အိမ်ဖြူတော်ကို ပေးပို့ဖို့ပေါ့။ နောက် လစဉ် သုံးသပ်ချက်တွေကိုလည်း ကမ္ဘာကြီးကို ချပြပေးဖို့ပေါ့၊ အဲ့ဒီလို ၂၄ နာရီစောင့်ကြည့်ပြီး ကမ္ဘာကြီးကို မှန်မှန်ကန်ကန်ချပြပေးပါလို့ ဦးဇင်းပြောချင်တယ်။”
ဒါ့အပြင် ထုတ်ပြန်ချက်မှာ အစ္စလာမ္မစ်နိုင်ငံတော် (အိုင်အက်စ်) ကို တိုက်ဖျက်ရာမှာ အရေးပါတဲ့ ငွေကြေးတွေ ထောက်ပံ့ပေးဖို့ စတာတွေလည်း ထည့်သွင်းရေးဆွဲထားပါတယ်။
ဥပဒေမူကြမ်းအရ အမေရိကန်အစိုးရဟာ အခုဘဏ္ဏာရေးနှစ်အတွက် ငွေသန်းပေါင်း ဘီလီယံ ၁၀၀၀ ကျော် သုံးစွဲခွင့်ရရှိမှာဖြစ်ပါတယ်။ ဒီဥပဒေကြမ်းကို လွှတ်တော်နှစ်ရပ်လုံး အတည်ပြုပြီးဖြစ်တာကြောင့် သမ္မတ လက်မှတ်ထိုးပြီးရင် ဥပဒေ အတည်ဖြစ်လာမှာပါ။
DVB

မြန်မာပြည်တွင်း ဆူပူလှုံ့ဆော် သူတွေကို ထောက်ပံ့ခြင်းမပြုဖို့ ကန် လွှတ်တော်ပြဌာန်း

အမေရိကန်လွတ်တော်နှစ်ရပ်လုံးက မနေ့က မဲခွဲထောက်ခံအတည်ပြုလိုက်တဲ့ ၂ဝ၁၆ ခုနှစ်အတွက် သုံးစွဲငွေ ဥပဒေမူကြမ်းမှာ မြန်မာနိုင်ငံအတွင်း လူမျိုးရေးနဲ့ ဘာသာရေးဆိုင်ရာ ဆူပူအကြမ်းဖက်မှုတွေ ဖြစ်ပွားအောင် သွေး ထိုးလှုံ့ဆော်တဲ့ အဖွဲ့အစည်းတွေကိုဖြစ်စေ၊ တသီးပုဂ္ဂလတွေကိုဖြစ်စေ အမေရိကန်ပြည်ထောင်စုရဲ့ ဘဏ္ဏာငွေနဲ့ တစုံတရာ ကူညီထောက်ပံ့ခြင်း မရှိစေရလို့ ပြဌာန်းထားပါတယ်။

ဒါ့အပြင် အဲ့ဒီကိစ္စနဲ့စပ်လျဉ်းပြီး ဆုံးဖြတ်လုပ်ကိုင်ရာမှာ  အမေရိကန်နိုင်ငံခြားရေးဝန်ကြီးအနေနဲ့ မစိုးရိမ်တိုက် ဆရာတော် အရှင်ဝီရသူကို လေ့လာသုံးသပ်ဖို့လည်း အတိအကျထည့်သွင်း ညွှန်ကြား ထားတယ်လို့ဆိုပါတယ်။

လာမယ့် စက်တင်ဘာလကုန်အထိ အကျုံးဝင်တဲ့ အဲ့ဒီ ၂ဝ၁၆ ခုနှစ် နိုင်ငံတော်သုံးစွဲငွေ ဥပဒေမူကြမ်းမှာ သမ္မတ အိုဘားမား အစိုးရအနေနဲ့ ရခိုင်ပြည်နယ်က ရိုဟင်ဂျာတွေနဲ့ အရှေ့အလယ်ပိုင်းဒေသက ခရစ်ယာန် ဘာသာဝင်တွေ ညင်းပန်းနှိပ်စက်ခံနေရတာတွေကို အရေးယူဆောင်ရွက်ဖို့ တောင်းဆိုပြဌာန်းထားတဲ့ အတွက်  ကျေနပ်အားရမိတယ်လို့ အမေရိကန်အောက်လွှတ်တော် နိုင်ငံခြားရေးရာကော်မတီ ဥက္ကဌ Ed Royce က ကြေညာချက်တစောင် မနေ့က ထုတ်ပြန်ပြောဆိုလိုက်ပါတယ်။

အဲ့ဒီ ဥပဒေမူကြမ်းအရ အမေရိကန်အစိုးရဟာ အခုဘဏ္ဏာရေးနှစ်အတွက် ငွေ သန်းပေါင်း ဘီလီယံ တစ်ထောင့် တစ်ရာခန့် သုံးစွဲခွင့်ရရှိမှာဖြစ်ပါတယ်။ လွှတ်တော်နှစ်ရပ်လုံးက မူကြမ်းကို အခု အတည်ပြုလိုက်ပြီဖြစ်တဲ့အတွက် သမ္မတ အိုဘားမားလက်မှတ်ထိုးပြီးရင် ဥပဒေဖြစ်လာပါလိမ့်မယ်။ အစွန်းရောက်မွတ်စလင်တွေ နှိမ်နှင်းရေးနဲ့ လူကုန်ကူးမှုတိုက်ဖျက်ရေးကိစ္စတွေအတွက် ငွေကြေးပိုမိုသုံးစွဲဖို့နဲ့ နှစ် ၄ဝ ကြာပိတ်ပင်ထားတဲ့ ပြည်ပရေနံ တင်ပို့ခွင့် ပြန်လည်ခွင့်ပြမှု စသဖြင့် စာမျက်နှာ နှစ်ထောင်ကျော် ပါဝင်တဲ့ အဲ့ဒီမူကြမ်းကို လွှတ်တော်နှစ်ရပ်လုံးက အခုလို အချိန်ယူဆွေးနွေးပြီး အတည်ပြုနိုင်ခဲ့တဲ့အတွက် သမ္မတ အိုဘားမားက လွှတ်တော်ခေါင်းဆောင်တွေကို တယ်လီဖုန်းဆက်ပြီး ချီးကျူးစကား ပြောကြားခဲ့တယ်လို့လည်း သိရပါတယ်။


(RFA)

http://www.rfa.org/burmese/

ပြည်ထောင်စု ငြိမ်းချမ်းရေးညီလာခံ ကျင်းပမည့်ရက် ကြေညာ

Myanmar Peace Center's Page

မြန်မာဌာန | သတင်းများ အရပ်ဘက်လူမှုအဖွဲ့များ ဆွေးနွေး ပွဲ ကျောက်ဖြူမြို့နယ်မှာ ကျင်းပ

ရခိုင်ပြည်နယ်လုံးဆိုင်ရာ အရပ်ဘက်လူမှုအဖွဲ့အစည်းများ ဆွေးနွေးပွဲကို  ကျောက်ဖြူမြို့နယ်မှာ ဒီနေ့စတင်ကျင်းပရာ မှာ အရပ်ဘက်အဖွဲ့အစည်းတွေရဲ့ အခန်းကဏ္ဍနဲ့ ဖက်ဒရယ်ဒီမိုကရေစီအကြောင်းကို ဥပဒေပညာရှင်တွေ ၊ နိုင်ငံရေးလေ့လာသူတွေနဲ့ အရပ်ဘက်လူမှုအဖွဲ့အစည်း ကိုယ်စားလှယ်တွေက ဆွေးနွေးကြပါတယ်။
ဆွေးနွေးပွဲကို သုံးရက်ကြာ ကျင်းပမှာ ဖြစ်တယ်လို့ ဝံလက် ဒေသ ဖွံ့ဖြိုးတိုးတက်ရေးဖောင်ဒေးရှင်း ဒါရိုက်တာ ဦးခိုင်ကောင်းဇံက ပြောပါတယ်။
"မြန်မာနိုင်ငံ တည်ဆောက်မှုမှာ အရပ်ဘက်အဖွဲ့အစည်းများရဲ့ အခန်းကဏ္ဍဆိုတဲ့ ခေါင်းစဉ်နဲ့ ဆွေးနွေးကြ ပါတယ်၊ အခုဒီ ဒုတိယပိုင်းမှာတော့ မြန်မာ့နိုင်ငံရေး လက်ရှိအခြေအနေနဲ့ ဖက်ဒရယ်နဲ့ ဒီမိုကရေစီစနစ် ဆိုတဲ့ ခေါင်းစဉ်နဲ့ ဆွေးနွေးမှာဖြစ်ပါတယ်၊ ဒီနေ့ ပထမနေ့ဆိုတော့ ဒုတိယ၊ တတိယနေ့တွေမှာလည်း တက်လာတဲ့မြို့နယ်အသီးသီးက အရပ်ဘက်အဖွဲ့အစည်း ၁ဝဝ ပေါ့လေ၊ အဲ့ဒါနဲ့ ဆွေးနွေးတိုင်ပင်ပြီးတော့မှ ကျနော်တို့ ရခိုင်ပြည်ရဲ့ အနာဂတ်ကို ဘယ်လိုပုံဖော်ကြမလဲပေါ့၊ နောက်ဆုံးနေ့မှာတော့ အဖြေတစ်ခုရမှာပါ"
မြန်မာ့သယံဇာတနဲ့ လယ်ယာမြေခွဲဝေမှုဆိုင်ရာ အခွင့်အရေး၊ လူငယ်၊ မူးယစ်ဆေးဝါးနဲ့ အမျိုးသမီးတွေရဲ့ အခွင့်အရေး ကာကွယ်စောင့်ရှောက်ရေးကိစ္စတွေကို ဆက်လက် ဆွေးနွေးကြမှာဖြစ်တယ်လို့လည်း သိရပါတယ်။
အဲဒီဆွေးနွေးပွဲကနေ ရရှိလာတဲ့ အကြံပြုချက်တွေ၊ ဆွေးနွေးချက်တွေကို လာမယ့် အစိုးရသစ်ထံ အစီရင်ခံစာတစ်စောင် ပေးပို့သွားမှာဖြစ်ပါတယ်။
ရခိုင်အမျိုးသမီးအစည်းအရုံး၊ ဝံလက်ဒေသ ဖွံ့ဖြိုးရေးဖောင်ဒေးရှင်း၊ ကျောက်ဖြူလူမှုကွန်ရက်၊ ရွှေဂက်စ် သဘာဝ လှုပ်ရှားမှုအဖွဲ့၊ ပြည်သူ့သယံဇာတ စတဲ့ အဖွဲ့အစည်းပေါင်း ၁၀၀ ကျော် က ကိုယ်စားလှယ်တွေ ဆွေးနွေးပွဲက တက်ရောက်ကြတယ်လို့ သိရပါတယ်။
ဒါ့အပြင် စာရေးဆရာမ ဒေါ်သန်းမြင့်အောင်၊ ဦးမောင်မောင်သန်း၊ ဦးမင်းဇင်၊ ဦးဦးလှစော စတဲ့ ပညာရှင်တွေလည်း တက်ရောက်ဆွေးနွေးနေကြပါတယ်။
RFA

ရွေးကောက်ပွဲ အတွေ့အကြုံ ပါတီတွေ ဆွေးနွေးဖလှယ်

နိုင်ငံရေးပါတီတွေရဲ့ အတွေ့အကြုံနဲ့ အခက်အခဲတွေ ဆွေးနွေးဖလှယ်ပွဲကို ဒီဇင်ဘာလ ၁၇ ရက်နေ့က ရန်ကုန်မြို့ Novotel Hotel မှာ ကျင်းပစဉ်

Photo: Zarni Htun/RFA

ပြီးခဲ့တဲ့ ရွေးကောက်ပွဲမှာ ၀င်ရောက်ယှဉ်ပြိုင်ခဲ့ကြတဲ့ နိုင်ငံရေးပါတီတွေရဲ့ အတွေ့အကြုံတွေ၊ အခက်အခဲတွေ ကို ဆွေးနွေးဖလှယ်တဲ့ အခမ်းအနားမှာ နိုင်ငံရေးပါတီငယ်တွေက ရန်ပုံငွေ အခက်အခဲရှိခဲ့တာတွေ ဆွေးနွေးခဲ့ ကြပါတယ်။
အဲဒီဆွေးနွေးပွဲကို ဒိန်းမတ်အခြေစိုက် Danish Institute for Parties and Democracy (DIPD) က ဦးစီးပြီး ရန်ကုန်မြို့ Novotel Hotel မှာ နှစ်ရက်ကြာ ကျင်းပနေတာဖြစ်ပါတယ်။
တိုင်းရင်းသားပါတီငယ်တွေမှာ ရန်ပုံငွေ မပြည့်စုံတဲ့အတွက် ပါတီဝင်စုဆောင်းရာမှာ အခက်အခဲရနေ တာတွေ ဆွေးနွေးခဲ့ကြတယ်လို့ ရခိုင်အမျိုးသားပါတီရဲ့ ဗဟိုကော်မတီဝင် ဦးကျော်လွင်က ပြောပါတယ်။
"ပါတီကြီးတွေကလွဲပြီးတော့ တိုင်းရင်းသားပါတီအများစုက ငွေကြေးအခက်အခဲရှိကြောင်းကို ဆွေးနွေးကြ ပါတယ်၊ ကျနော်တို့ဒေသမှာ တိုင်းရင်းသားပါတီအများစုက လူမျိုးစုပါတီအများစုက ပါတီဝင်ကြေးကို ကောက် ရတာ အခက်အခဲရှိပါတယ်၊ ပါတီကြီးတွေမှာ နောက်ခံရန်ပုံငွေ ရှိတဲ့အတွက်ကြောင့် ပါတီဝင်တွေကို ပါတီဝင် ကတ်တွေ အလကားထုတ်ပေးနိုင်တယ်၊ သူတို့ သွားတာလာတာ စားတာကအစ ပါတီက ပံ့ပိုးပေးနိုင်ပါတယ်၊ ကျနော်တို့ပါတီဝင်တွေကို အဲ့လိုပံ့ပိုးမပေးနိုင်ပါဘူး၊ ကျနော်တို့ဒေသ အင်မတန် ဆင်းရဲတဲ့အတွက်ကြောင့် သူတို့အတွက်လည်း ပြန်လည်စဉ်းစားပေးရပါတယ်"
အဲဒီဆွေးနွေးပွဲမှာ ရွေးကောက်ပွဲကာလအတွင်း နိုင်ငံရေးပါတီတွေရဲ့ ပါဝင်မှု၊ ပါတီတွေရဲ့လုပ်ဆောင်ချက်၊ ရန်ပုံငွေ သုံးစွဲမှု စတဲ့ ခေါင်းစဉ်တွေနဲ့ ဆွေးနွေးခဲ့ကြပါတယ်။
နိုင်ငံရေးပါတီတွေရဲ့ အပြန်အလှန် သုံးသပ်ချက်တွေအပြင် ပြည်ထောင်စု ရွေးကောက်ပွဲကော်မရှင်၊ ပြည် တွင်း ပြည်ပ လေ့လာစောင့်ကြည့်ရေးအဖွဲ့တွေနဲ့၊ ရွေးကောက်ပွဲမှာ လူငယ်တွေ၊ အမျိုးသမီးတွေရဲ့ ပါဝင် မှုတွေကိုလည်း ပြန်လည်သုံးသပ်မှာဖြစ်ပါတယ်။
အဲဒီ့သုံးသပ်ချက်တွေကို နိုင်ငံရေးပါတီတွေကို ဖြန့်ဝေပေးမှာဖြစ်ပြီး၊ လာမယ့်နှစ် ဖေဖော်ဝါရီလမှာ ပြည်ထောင် စု ရွေးကောက်ပွဲကော်ရှင်ထံ တင်ပြမယ်လို့ သိရပါတယ်။
ဆွေးနွေးပွဲကို အမျိုးသားဒီမိုကရေစီအင်အားစု၊ တိုင်းရင်းသားစည်းလုံးညီညွတ်ရေးပါတီ၊ ရခိုင်အမျိုးသားပါတီ၊ ကြံ့ခိုင်ဖံွ့ဖြိုးရေးပါတီ၊ အမျိုးသားဒီမိုကရေစီအဖွဲ့ချုပ် စတဲ့ နိုင်ငံရေးပါတီ ၃၇ ပါတီ က ခေါင်းဆောင်တွေ တက်ရောက်ခဲ့ကြပါတယ်။

DIPD က စီစဉ်ခဲ့တဲ့ ရွေးကောက်ပွဲ အတွေ့အကြုံ ဆွေးနွေးဖလှယ်ပွဲနဲ့ ပတ်သက်ပြီး၊ RFA သတင်းထောက် မဇာဏီထွဏ်းက တင်ပြထားပါတယ်။

အသံဖိုင် နားဆင်ရန်နှင့် ရယူရန်

RFA

ရခိုင်ပြည်နယ်မှာ ကုမ္ပဏီအချို့ မူးယစ်ဆေးရောင်းချမှု အဓိကလုပ်

ရခိုင်ပြည်နယ် စစ်တွေမြို့ ပြည်နယ်ရဲတပ်ဖွဲ့မှူးရုံးမှာ ဒီဇင်ဘာလ ၁၈ ရက်နေ့ကလုပ်တဲ့ တွေ့ဆုံဆွေးနွေးပွဲကို တွေ့ရစဉ်

Photo: Min Thein Aung/RFA

ရခိုင်ပြည်နယ်အတွင်း ပမာဏကြီးမားတဲ့ မူးယစ်ဆေးဝါး ရောင်းဝယ်ဖောက်ကားနေသူတွေဟာ စီးပွားရေး လုပ်ငန်းတွေကို အခြေခံပြီး ဆောင်ရွက်နေကြတာကို တွေ့ရတယ်လို့ ရခိုင်ပြည်နယ်ရဲတပ်ဖွဲ့မှူး  ရဲမှူးကြီးနေမျိုးက ပြောပါတယ်။
စစ်တွေမြို့ ပြည်နယ်ရဲတပ်ဖွဲ့မှူးရုံးမှာ ဒီနေ့ ဒေသခံတွေနဲ့ တွေ့ဆုံရာမှာ ရဲမှူးကြီးနေမျိုးက ပြောခဲ့တာဖြစ်ပါတယ်။
"မူးယစ်ဆေးဝါးတွေကို အလုံးလိုက်အခဲလိုက် သယ်နိုင်ဖို့ဆိုရင် စီးပွားရေးလုပ်ငန်းတစ်ခုအနေနဲ့ ထဲထဲဝင်ဝင်လုပ်ပြီးတော့မှ ကျနော်တို့ ဥပမာပေးရမယ်ဆိုရင် နောက်ဆုံးဖမ်းဆီးရမိတဲ့ သန်းနဲ့ချီတဲ့ ဒီစိတ်ကြွဆေးပြားတွေရဲ့ ကွင်းဆက်သည် ကုလားတန်စီမံကိန်းဆိုပြီးတော့ အမည်ခံထားတဲ့ ကုမ္ပဏီတစ်ခုကနေပြီးတော့ ဒီဟာကိုလုပ်တာ သွားတွေ့ရတယ်"
ရန်ကုန်မြို့ ဇေကမ္ဘာဝင်းထဲမှာ စံချိန်တင်ဖမ်းဆီးရမိခဲ့တဲ့ မူးယစ်ဆေးဝါးသယ်ဆောင်မှုဟာ ရခိုင်ပြည် နယ် ပေါက်တော မြို့နယ်အခြေစိုက် Kaladan Data Project ကုမ္ပဏီအမည်ခံ ဆောင်ရွက်ခဲ့သူတွေဖြစ်ပြီး ဖမ်းမိထားသူတွေကို စစ်ဆေးချက်အရ သူတို့ဟာ ရေလမ်းကြောင်းကို အဓိကအသုံးပြုပြီး ဆောင်ရွက်နေ တာကို တွေ့ရတယ်လို့ ရဲမှူးကြီး က ပြောပါတယ်။

ရခိုင်ပြည်နယ်ထဲကို ရောက်ရှိလာတဲ့ မူးယစ်ဆေးဝါးတွေဟာ ရှမ်းပြည်နယ်ကနေ သယ်ဆောင်လာတာဖြစ်ပြီး  မောင်တောနယ်စပ်ကနေ တစ်ဆင့် ပြည်ပနိုင်ငံတွေကို အများဆုံး ပို့ဆောင်တာဖြစ်တယ်လို့ သိရပါတယ်။

ရခိုင်ပြည်နယ်မှာ ပြီးခဲ့တဲ့ ၂၀၁၂ ခုနှစ်ကနေ ဒီနေ့အထိ WY စိတ်ကြွဆေးပြားပေါင်း ၁၈ သိန်းကျော်ဖမ်းဆီး ရမိခဲ့ပြီး လူပေါင်း ၁၈၀ ကျော်ကို ဖမ်းဆီးခဲ့ရတယ်လို့ သိရပါတယ်။

အဲဒီအထဲမှာ ထိုင်းနိုင်ငံအတွင်းက ငါးဖမ်းစက်လှေတွေပေါ်မှာ ရောင်းစားခံရတာတွေနဲ့ တရုတ်နိုင်ငံထဲမှာ
ရောင်းစားခံရတာတွေ အများဆုံးဖြစ်တယ်လို့လည်း သိရပါတယ်။
RFA

၂၀၁၅ မှာ ထင်ရှားတဲ့ တိုင်းပြည် အဖြစ် မြန်မာကို Economist မဂ္ဂဇင်း ရွေးချယ်

ရန်ကုန်ရှု့ခင်း။

၂၀၁၅ ခုနှစ်အတွက် ထူးခြားထင်ရှားနိုင်ငံအဖြစ် မြန်မာနိုင်ငံကို The Economist မဂ္ဂဇင်းက ရွေးချယ်လိုက်ပါတယ်။ ကမ္ဘာ့ ထိပ်တန်းသတင်းတွေထဲမှာ မကြာခန ပါလေ့ရှိတဲ့ နိုင်ငံတွေနဲ့ အဖွဲ့အစည်းတွေထဲကမှ မြန်မာနိုင်ငံကို ရွေးချယ်တာပါ။ ကမ္ဘာကြီး ကို ပိုမိုကောင်းမွန်တဲ့ နေရာတခုဖြစ်စေခဲ့တဲ့ နိုင်ငံတနိုင်ငံကို အသိအမှတ်ပြုချင်ပါတယ်လို့ The Economist မဂ္ဂဇင်းမှာ ဒီဇင်ဘာလ ၁၉ ရက်နေ့စွဲနဲ့ ဖော်ပြထားပါတယ်။

လွန်ခဲ့တဲ့ငါးနှစ်ကဆိုရင် မြန်မာနိုင်ငံဟာ အာဏာရှင် အုပ်ချုပ်တဲ့ နိုင်ငံ တခုဖြစ်ပြီး ဒေါ်အောင်ဆန်းစုကြည်ရဲ့ ပုံတွေကိုတောင်မှ စာနယ်ဇင်းတွေထဲ မှာ ဖော်ပြခွင့် မရှိခဲ့ပါဘူးလို့ The Economist က ရေးပါတယ်။ ပြီးခဲ့တဲ့ နိုဝင်ဘာလ မှာတော့ ဒေါ်အောင်ဆန်း စုကြည်ရဲ့ ပါတီဟာ ရွေးကောက်ပွဲတွေမှာ ၇၀ ရာခိုင်နှုန်း ကျော် အနိုင်ရခဲ့တာကို ဖော်ပြထားပါတယ်။ အထူးအခွင့်အရေးကြီးတွေ ရထား တဲ့ စစ်တပ်ကလည်း အာဏာကို ခွဲဝေပေးဖို့ အဆင်သင့်ရှိနေပုံရတယ်လို့ The Economist က ဆိုပါတယ်။

ဆိုးရွားတဲ့ အခြေအနေမျိုး ရောက်သွားနိုင်ဆဲရှိပြီး ရိုဟင်ဂျာတွေနဲ့ လူနည်းစုတွေကို ဆိုးဆိုးရွားရွား ပြုမူဆက်ဆံတာတွေကတော့ ရှိနေတုန်းပဲလို့ ထောက်ပြထားပါတယ်။

ဒါပေမဲ့လည်း ဒီမိုကရေစီနဲ့ အလားတူပုံစံတခုဆီ အသွင်ကူးပြောင်းသွားတာကတော့ ဘယ်သူမဆို တွေးထင်နိုင်တာထက် ပိုမြန်နေတာကြောင့် မြန်မာနိုင်ငံဟာ ဒီ အသိအမှတ်ပြုမှုကို ရသွားပါတယ်လို့ The Economist မဂ္ဂဇင်းက ရေးထားပါတယ်။

ဗွီအိုအေ (မြန်မာပိုင်း)

တအာင်းတပ်နှင့် အာစီအက်စ်အက်စ် တိုက်ပွဲပြန်ဖြစ်

ရှမ်းပြည်တပ်မတော်မြောက်ပိုင်း တပ်ဖွဲ့ဝင်များ (ဓာတ်ပုံ - SSPP/SSA)

ရှမ်းပြည်နယ် ကွတ်ခိုင်၊ ကျောက်မဲနဲ့ မန်တုံမြို့နယ်တွေအတွင်း ဒီဇင်ဘာ ၁၆ ရက်ကစပြီး တအာင်းတပ်မတော်နဲ့ ရှမ်းပြည်တပ်မတော်တောင်ပိုင်း (အာစီအက်စ်အက်စ်/ အက်စ်အက်စ်အေ) တပ်ဖွဲ့တို့အကြား တိုက်ပွဲတွေ ပြန်လည်ဖြစ်ပွားနေပါတယ်။
တအာင်းနယ်မြေအတွင်းကို ရှမ်းပြည်တပ်မတော်တောင်ပိုင်းက ကျူးကျော် ၀င်ရောက်လာတဲ့အတွက် တိုက်ပွဲဖြစ်ပွားရတာလို့ တအာင်းအမျိုးသားလွတ်မြောက်ရေး တပ်မတော် (တီအန်အယ်လ်အေ) ပြောခွင့်ရ မိုင်အိုက်ကျော်က ပြောပါတယ်။
“ဘာကြောင့် ဖြစ်ရတာလဲဆိုရင် အာစီအက်စ်အက်စ်က မူလ ကျနော်တို့ဆီမှာ လှုပ်ရှားမှု မရှိဘူး။ အန်စီအေ လက်မှတ်ထိုးပြီးနောက်ပိုင်း ကျနော်တို့ဒေသမှာ ကျော်ပြီး ရောက်လာတာပေါ့နော်။ ကျနော်တို့ လှုပ်ရှားတဲ့ဒေသတွေကို သူတို့က တက်လာတယ်။ တက်လာပြီးမှ သီပေါ၊ ကျောက်မဲကနေတဆင့် ၀င်လာတယ်။ ကျနော်တို့က မ၀င်လာဖို့ မေတ္တာရပ်ခံတယ်။ တားမြစ်တယ်။ ဒါပေမယ့် သူတို့ အတင်းဝင်လာတယ်။ နောက်ဆုံး သူတို့တပ်ဖွဲ့ နမ်းခမ်းမိုင်းဝီးဒေသအထိ ရောက်သွားတယ်။ အဲမှာစပြီး ကျနော်တို့တပ်ဖွဲ့ ထိတွေ့တိုက်ပွဲဖြစ်တာ။”
နိုဝင်ဘာ ၂၇ ရက်ကနေ ဒီဇင်ဘာ ၉ ရက်နေ့အထိ နှစ်ဘက်အကြား နမ့်ခမ်းမြို့နယ်၊ မိုင်းဝီးဒေသမှာ တိုက်ပွဲ ၁၀ ကြိမ်ကျော်ဖြစ်ပွားပြီး  ကျောက်မဲမြို့နယ်၊ ညောင်ပန်လှကျေးရွာ အနီးမှာ ဒီဇင်ဘာ ၁၆ ရက်နဲ့ ၁၇ ရက်နေ့တွေမှာ ၂ ကြိမ် ထိတွေ့တိုက်ခိုက်မှု ပြန်လည် ဖြစ်ပွားခဲ့တယ်လို့ တအာင်းဘက်က သတင်းထုတ်ပြန်ထားပါတယ်။
ရှမ်းပြည်တပ်မတော်တောင်ပိုင်းကို မေးမြန်းရာမှာလည်း တိုက်ပွဲဖြစ်တာကို အတည်ပြုပြောဆိုထားပြီး သူတို့တပ်ဖွဲ့ကို တအာင်းပလောင်တပ်တွေက လာတိုက်တာကြောင့် တိုက်ပွဲဖြစ်တာလို့  ရှမ်းပြည်တပ်မတော်တောင်ပိုင်း ပြောခွင့်ရသူ ဗိုလ်မှူးစိုင်းလက  ပြောပါတယ်။
“သူတို့ဟာ ကျနော်တို့ရဲ့ ရန်သူလည်း မဟုတ်ပါဘူး။ ဘယ်တိုင်းရင်းသား လက်နက်ကိုင်တပ်ဖွဲ့မဆို ကျနော်တို့ရဲ့ မဟာမိတ်လို့ပဲ ကျနော်တို့ မြင်တယ်၊ သတ်မှတ်တယ်။ ရန်သူလို့ ဘယ်အဖွဲ့အစည်းကိုမှ မသတ်မှတ်ဘူး၊ မမြင်ဘူး။ ဆိုတော့ ကျနော်တို့ကို မတိုက်ရင် တိုက်ပွဲက ဖြစ်စရာမရှိဘူး။ ကျနော်တို့ကို လာတိုက်ရင်တော့ ကျနော်တို့ကိုယ်ကို ကာကွယ်ရတာပေ့ါ။ နမ့်ခမ်းဆိုတာလည်း ကျနော်တို့နေခဲ့ဖူးတဲ့ နေရာပဲ။ နေနေတာပဲ။ အဲဒါလည်း ပလောင်တပ်ဖွဲ့တွေ သိပါတယ်။ ကချင်လည်း သိတယ်။ ရှမ်းမြောက်တွေလည်း သိတယ်။ အစိုးရတွေလည်း သိတယ်။ ကျနော်တို့ပြန်သွားတော့ လမ်းခုလတ်မှာ ချုံခိုတိုက်ခိုက်ခံရတော့ ကျနော်တို့တပ်သား ၃ ဦး ကျဆုံးတယ်။ ၅ ဦး ဒဏ်ရာရတယ်။ ဆိုတော့ သူများလာတိုက်တာကို ကျနော်တို့က ငုံ့ခံပေးရမှာလားဆိုတာ စစ်ရဲ့ထုံးစံ မဟုတ်ဘူးလေ။ ကိုယ့်ကိုယ်ကိုယ် ပြန်ကာကွယ်ရတာပေါ့။ ကိုယ့်နေရာကို ပြန်သွားဖို့လည်း သူတို့ကို အကြောင်းကြားတာပဲ။ အဲဒါ ဘာကြောင့် ဒီလိုဖြစ်ရသလဲဆိုတာ ရှင်းလင်းဖို့လည်း လိုအပ်တာပေါ့။ တိုက်ပွဲမဖြစ်အောင် ရှေ့တန်းတပ်တွေလည်း အချင်းချင်းညှိကြပါ။ အရင်တုန်းကလည်း အတူတူနေခဲ့ဖူးတဲ့ နေရာတွေပဲ။ အပြန်အလှန် ဆက်ဆံရေးတွေရှိတယ်။ ရိုင်းပင်းကူညီမှုတွေ ရှိတယ်။ အခုမှ ကျနော်တို့ကို ရန်သူလို ဆက်ဆံပြီးတော့ တိုက်ခိုက်တာက ဘာသဘောလဲဆိုတာ ကျနော်တို့ နားမလည်သေးဘူး။ အဲဒီကိစ္စကိုလည်း ရှင်းလင်းပေးဖို့ ကျနော်တို့ တောင်းဆိုထားတယ်။ ကျဆုံးသွားတဲ့ ရဲဘော်အတွက်လည်း ပြန်တာဝန်ယူပေးဖို့ ကျနော်တို့ တောင်းဆိုထားပါတယ်။”
တိုက်ပွဲဖြစ်ပွားတာနဲ့ပတ်သက်ပြီး နှစ်ဘက်ညှိနှိုင်းဖို့ အစီအစဉ်ရှိမရှိ မေးမြန်းကြည့်ရာမှာတော့ နှစ်ဘက်စလုံးက ကမ်းလှမ်းလာရင် တွေ့ဆုံမယ်လို့ ပြောဆိုပေမယ့် ဘယ်အဖွဲ့ကမှ စတင်ကမ်းလှမ်းဖို့ အစီအစဉ်မရှိဘူးလို့ နှစ်ဘက်အဖွဲ့က ပြောပါတယ်။

DVB

ပေါက်ကွဲကျောက်မီးသွေးတွင်းထဲ ပိတ်မိနေသည့် အလုပ်သမားများ ရှင်နိုင်ခွင့်နည်း

တရုတ် ကျောက်မီးသွေးတွင်း ပေါက်ကွဲမှုအပြီး အထဲမှာပိတ်မိနေတဲ့ အလုပ်သမား ၁၉ ဦးအတွက် ရှင်သန်နိုင်တဲ့အခွင့်အရေး မရှိသလောက် နည်းတယ်လို့ ကယ်ဆယ်ရေးသမားတွေက ပြောကြောင်း အစိုးရမီဒီယာမှာ ဒီဇင်ဘာ ၁၇ ရက်နေ့က အစီရင်ခံပါတယ်။
တရုတ်အရှေ့မြောက်ပိုင်း ဟေလောင်ကျန်းပြည်နယ်မှာ ဒီဇင်ဘာ ၁၆ ရက် မွန်းလွဲပိုင်းက တွင်းသား ၅၂ ဦး မြေအောက် ကျောက်မီးသွေးတွင်းထဲမှာ အလုပ်လုပ်နေတုန်း ပေါက်ကွဲမှု ဖြစ်ခဲ့တာပါ။
မတော်တဆဖြစ်အပြီး တွင်းသား ၃၃ ဦးက လွတ်ထွက်လာအောင် စီမံနိုင်ခဲ့ပါတယ်။
ပေါက်ကွဲမှုအပြီး မီးလောင်မှုဟာ မြေအောက်အပူချိန် ၁၀၀၀ ဒီဂရီ စဲလ်စီးယပ်စ်ထိ မြင့်တက်ခဲ့တာကြောင့်ရော ကာဗွန်မိုနော့ဆိုဒ်ဓာတ်ငွေ့ သိပ်သည်းဆကြောင့်ပါ ရှင်သန်ဖို့ မဖြစ်နိုင်သလောက် ဖြစ်လိမ့်မယ်လို့ စီစီတီဗွီက ပြောပါတယ်။
လတ်တလောမှာ မြေအောက် ဓာတ်ငွေ့သိပ်သည်းမှုက လူတွေ တချက်ရှူမိရင်တောင် သေတဲ့အထိ မွန်းကျပ်သွားစေနိုင်တယ်လို့ ကယ်ဆယ်ရေး အရာရှိရုံး ပြောခွင့်ရက ပြောပါတယ်။
ကနဦး စုံစမ်းစစ်ဆေးမှုအရ ဓာတ်ငွေ့ပေါက်ကွဲမှုကြောင့် မီးလောင်ခဲ့တာပါ။ တရုတ်နိုင်ငံတွင်း ကျောက်မီးသွေးတွင်းတွေဟာ ဘေးကင်းမှုစံချိန် ညံ့ဖျင်းတာနဲ့ ကမ္ဘာ့ ဒုတိယအကြီးဆုံး စီးပွားရေးနိုင်ငံအတွက် စွမ်းအင်ဝယ်လိုအားကို ပြည့်မီအောင် အမြန် လုပ်ဆောင်တာတွေကြောင့် ကမ္ဘာ့လူသေမှု အများဆုံးလည်း ဖြစ်နေပါတယ်။
DVB

NLD ပါတီထောက်ခံမှုဖြင့် အတည်ပြုလိုက်သော နိုင်ငံရေးမူဘောင်ကြောင့် ညောင်နှစ်ပင် ကဲ့သို့ ညီလာခံသာ ဖြစ်လာနိုင် ဟု ခွန်ထွန်းဦးပြော

December 16, 2015 Posted by Han Lu

NLD ပါတီ၏ ထောက်ခံမှုဖြင့် ဒီဇင်ဘာလ ၁၅ ရက်နေ့က သဘောတူနိုင် ခဲ့သည့် နိုင်ငံရေးဆွေးနွေးမှု ဆိုင်ရာ မူဘောင်ကြောင့် စစ်မှန်သော နိုင်ငံရေးဆွေးနွေးပွဲ ဖြစ်မလာနိုင်ပဲ ယခင်စစ်အစိုးရလက်ထက်က ကျင်းပခဲ့သည့် အမျိုးသား ညီလာခံကဲ့သို့ သော ညီလာခံမျိုးသာ ဖြစ်လာနိုင်ကြောင်း သျှမ်းတိုင်းရင်းသား ခေါင်းဆောင် ခွန်ထွန်းဦးက ဝေဖန်ပြောကြား လိုက်ပါသည် ။

“ အခု ဒီပုံအတိုင်းဆိုရင် အရင်စစ်အစိုးရလက်ထက်က ညောင်နှစ်ပင်မှာ ကျင်းပခဲ့တဲ့ အမျိုးသား ညီလာခံ လိုမျိုးလို ဆွေးနွေးပွဲမျိုးတွေ သာ ပေါ်ပေါက် လာဖို့ ရှိနေတယ် ” ဟု သျှမ်းတိုင်းရင်းသားများ ဒီမိုကရေစီ အဖွဲ့ချုပ် ဥက္ကဌ ဦးခွန်ထွန်းဦး က နေပြည်တော်တွင် သဘောတူခဲ့သည့် နိုင်ငံရေးဆွေးနွေးမှုဆိုင်ရာ မူဘောင်နှင့် ပတ်သက်ပြီး ပြောဆိုသည် ။


အခြေခံ ဥပဒေပြင်ဆင်ရေးနှင့်အနာဂတ် ပြည်ထောင်စု တည်ထောင်ရေးတို့ အတွက် အရေးပါသည့် နိုင်ငံရေးဆွေးနွေးပွဲများအတွက် နိုင်ငံရေး မူဘောင်ရေးဆွဲရေး အစည်းဝေးကို နေပြည်တော်တွင် ပြီးခဲ့သည့် ရက်ပိုင်းက ကျင်းပ ခဲ့ခြင်းဖြစ်ပြီး ကိုယ်စားလှယ် ဦးရေ ရ၀၀ နှင့် အစိပ် ( ရ ) စိပ်ပါဝင်သည့် နိုင်ငံရေးဆွေးနွေးမှု ဆိုင်ရာ မူဘောင်ကို NLD ပါတီ၏ ထောက်ခံ ချက်ဖြင့် အတည်ပြုခဲ့ခြင်း ဖြစ်သည် ။


အတည်ပြုခဲ့သော မူဘောင်အရ အစိုးရ ဘက်မှ ရ၅ ဦး ၊ လွှတ်တော်မှ ရ၅ ဦး ၊ တိုင်းရင်းသား လက်နက် ကိုင် အဖွဲ့များ ဘက်မှ ၁၅၀ ဦး ၊ တပ်မတော်မှ ၁၅၀ ဦး ၊ နိုင်ငံရေးပါတီအားလုံးမှ ၁၅၀ ဦး ၊ လက်နက်ကိုင် မဟုတ် ပါတီမဟုတ် သည့် တိုင်းရင်းသားခေါင်းဆောင် ၅၀ ဦး ၊ အခြားဖိတ်ကြားသင့်သူများ ၅၀ ဦးဖြင့် နိုင်ငံရေးဆွေးနွေးပွဲကို ကျင်းပရမည်ဖြစ်သည် ။


နိုင်ငံလုံးဆိုင်ရာ အပစ်ရပ်စဲရေးလက်မှတ်ရေးထိုးထားခြင်း မရှိသော လက်နက်ကိုင် အဖွဲ့များ တက်ရောက် နိုင်ခြင်း မရှိခဲ့သည့် အဆိုပါ အစည်းဝေး များတွင် အတိုက်အခံ တိုင်းရင်းသားပါတီ အချို့မှ အစိုးရတပ်မ တော် လွှတ်တော် စုစုပေါင်း  ၁ စိပ် ၊ တိုင်းရင်းသားလက်နက်ကိုင် ၁ စိပ် ၊ နိုင်ငံရေးပါတီများ ၁ စိပ် စသဖြင့် ယခင် တပ်မတော်အစိုးရ လက်ထက်က အတိုက်အခံများ တောင်းဆိုခဲ့သည့်အတိုင်း သုံးပွင့်ဆိုင် နိုင်ငံရေးဆွးနွေးရန် တောင်းဆိုခဲ့သည် ။ သို့သော်  တပ်မတော် ဘက်မှ လက်မခံခဲ့သောကြောင့် အစည်းအဝေးမှာ အခြေအတင်ဖြစ်နေသဖြင့် ရွေးကောက်ပွဲ အနိုင်ရ NLD ပါတီ၏ အဆုံး အဖြတ်ဖြင့် အစိပ် (၇) စိပ်နှင့် ကိုယ်စားလှယ်ဦးရေ (၇၀၀) တက် ရောက်မည့် မူဘောင်ကို အတည်ပြုခဲ့ခြင်း ဖြစ်သည် ။


ယခင်တပ်မတော်အစိုးရ လက်ထက်က အမျိုးသားညီလာခံတွင် အဓိက ကျသည့်နိုင်ငံရေးပါတီများနှင့် တိုင်းရင်းသား ကိုယ်စားလှယ်များ ၊ အစိုးရ တာ ၀န်ရှိသူများသာမက ခေါင်းစဉ်အမျိုးမျိုးဖြင့် အစိုးရနှင့် နီးစပ် သော လူများကို ၁၀၄ မူဖြင့် ထည့်သွင်းခဲ့ပြီး ပြည်သူ့ကိုယ်စားလှယ်များ၏ လိုလားချက်များ မပါဝင်သည့် ၂၀၀၈ ခုနှစ် ဖွဲ့စည်းပုံ အခြေခံ ဥပဒေကိုသာ ရေးဆွဲနိုင်ခဲ့သည် ။


လက်ရှိ မူဘောင်ပါ ကိုယ်စားလှယ် အရေအတွက်အရ တပ်မတော်ကိုယ် စားလှယ် ၁၅၀ မှာ တသံတည်း ထွက်နိုင်ပြီး တပ်မတော်မှာ လွှတ်တော် အစုတွင်လည်း နေရာအနည်းငယ် ၊ အစိုးရ အစုတွင်လည်း နေရာ အနည်း ငယ် ရရှိဦးမည် ဖြစ်ကာ နိုင်ငံရေးပါတီများတွင်လည်း လက်ရှိအစိုးရ (သို့မဟုတ် ) တပ်မ တော် နှင့်နီးစပ်သည့် ပါတီများ ပါဝင်နေသဖြင့် တပ်မတော် အသာစီး ရယူထားသည့် မူဘောင်ဖြစ်နေ သည်ဟု လေ့လာသူများက ဆိုသည် ။


ယင်းအပြင် နိုင်ငံရေးပါတီ နှင့် လက်နက်ကိုင်အဖွဲ့မဟုတ်သည့် တိုင်းရင်း သားခေါင်းဆောင် ၅၀ ဦးဆိုသည့်အရေအတွက်မှာ မြန်မာနိုင်ငံ၏ လက်ရှိ အခြေနေအရ ယင်းအရေအတွက် မရှိပဲ ၊ အခြားဖိတ်ကြားသင့်သည့် ကိုယ်စားလှယ် ၅၀ ဦးဆိုသည့် အချက်မှာလည်း အဓိပ္ပာယ်ဖွင့်ဆိုမှု အတွက်ထောက်ပြစရာ ဖြစ်နေခဲ့သည် ။


ယင်းကဲ့သို့ အသာစီးရယူထားမှုများကြောင့် ဖွဲ့စည်းပုံ အခြေခံ ဥပဒေ ပြင်ဆင်ရေးကဲ့သို့ ကိစ္စရပ်များတွင် ခက်ခဲနိုင်သည် ဟု နိုင်ငံရေးလေ့လာ သူ ဒေါက်တာရန်မျိုးသိမ်းက သုံးသပ်သည် ။


၂၀၀၈ ခုနှစ် ဖွဲ့စည်းပုံအခြေခံ ဥပဒေအောက်မှာ လုပ်တဲ့ ၁၉၉၃ - ၂၀၀၇ အမျိုးသားညီလာခံ ပုံစံတူပဲ ဖြစ်လာဖို့ များပါတယ် ။ ဒီမိုကရေစီ ဖက်ဒရယ်ပြည်ထောင်စုကို ဦးတည်နိုင်မယ့် နိုင်ငံရေး ဆွေးနွေးမှု ကို ဖော်နိုင်လောက်တဲ့ မူဘောင် ကိုယ်စားလှယ်ရွေးချယ်တာ မဖြစ်လာနိုင်ပါဘူး - ဟု ဒေါက်တာရန်မျိုးသိမ်းက သုံးသပ်သည် ။


ညောင်နှစ်ပင်ညီလာခံမှ  ဖွဲ့စည်းပုံကို လက်မခံသောကြောင့် သျှမ်းပြည်အတိုင်ပင်ခံ ကောင်စီကို ဖွဲ့စည်းရန် ပြင်ဆင်သည့် SNLD ပါတီ ဥက္ကဌ ခွန်ထွန်းဦးနှင့် သျှမ်းခေါင်းဆောင်တချို့အား ၂၀၀၅ ခုနှစ်က စစ်အစိုးရက ဖမ်းဆီးကာ နှစ်ရှည်ထောင်ဒဏ်ချ ခဲ့ဖူးသည် ။

သျှမ်းသံတော်ဆင့်

သမ္မတရဲ့ ဆင်းရဲသား ပပျောက်ရေး စီမံကိန်းက အိမ်တွေ ထောင်ချီပြီး အဖျက်ခံရ

လှည်းကူးမြို့နယ် စခန်းကြီး ကျေးရွာအတွင်း ရှိ ကျူးကျော်အိမ်များအား စက်ယန္တရားကြီးများဖြင့် ဖယ်ရှားနေစဉ် (ဆင်ဟွာ)

ရန်ကုန်တိုင်း လှည်းကူးမြို့နယ် ထဲက ရတနာအောင် ဆိုတဲ့ ကျေးရွာသစ်မှာ ရောင်းချထားတဲ့ မြေဧက ၆ ထောင်ကျော်ဟာ တရားမဝင် ဘူး ဆိုပြီး၊ အဲဒီ မြေတွေပေါ် ဆောက်ထားတဲ့ အိမ်တွေ ကို ကျူးကျော် တွေ အဖြစ် အာဏာပိုင်တွေက ဘူလ်ဒိုဇာတွေ နဲ့ ဒီဇင်ဘာ ၁၇ ရက် ကြာသာပတေးနေ့ မနက် အစောပိုင်း ကပဲ စတင် ဖျက်စီး ခဲ့ ပါတယ်။

လောလောဆယ် ပျက်စီး သွားတဲ့ အိမ်ခြေ ပေါင်း တစ်ထောင်ကျော် လောက် ရှိပြီး အဲဒီ့ မြေ နေရာတွေကတော့ အစိုးရနဲ့ ငြိမ်းချမ်းရေးယူ ထားတဲ့ ကရင် လက်နက်ကိုင် အဖွဲ့ တစ်ခု ဖြစ်တဲ့ KNU/ KNLA (PC)က နေ ရောင်းချ ထားတဲ့ မြေ တွေ ဖြစ်ပါတယ်။

ရောင်းချ ထားတဲ့မြေကွက် ပေါင်း တစ်သောင်း ကျော်ရှိတယ် ဆိုပြီး ကိုယ်တိုင် မြေကွက် ဝယ်ထားသူ တစ်ဦးက ဘီဘီစီ ကို ပြောပါတယ်။

မြေကွက်တွေ ကို ကရင် အဖွဲ့ ခေါင်းဆောင်တွေ ကိုယ်တိုင် ရောင်းချ ခဲ့တုန်းက သမ္မတ ဦးသိန်းစိန်ရဲ့ ဆင်းရဲသား လျှော့ချရေး အစီအစဉ်နဲ့ ရောင်းချ ပေးခဲ့တာ ဖြစ်တယ် ဆိုပြီး ပြေစာ တွေ ထုတ် ပေးခဲ့ ကာ နောက်ပိုင်း ဂရံ ရအောင် လုပ်ပေးမယ် လို့လည်း ကတိ ပေးပြောဆို ခဲ့တယ် လို့ မြေဝယ် ထားသူ ဦးကျော်နိုင် က ဆိုပါတယ်။

ဒါ့ကြောင့် အိမ် ဖျက် ခံရသူတွေ အနေနဲ့ သမ္မတ ဆီ စာတင်မယ် ဆိုပြီး ပြောနေကြ သလို၊ ရွေးကောက်ပွဲ နိုင်ထားတဲ့ အမျိုးသား ဒီမိုကရေစီ အဖွဲ့ချုပ် NLD ပါတီ ရဲ့ လှည်းကူး ရုံး ကိုလည်း အကူအညီ တောင်းခံ မယ်လို့ ဆိုပါတယ်။

BBC Burmese

လှည်းကူးမြို့နယ်တွင်း ကျူးကျော် အိမ်အလုံး ၁၅၀၀ ကျော် ဖယ်ရှားရှင်းလင်း

လှည်းကူးမြို့နယ် စခန်းကြီး ကျေးရွာအတွင်း ရှိ ကျူးကျော်အိမ်များအား စက်ယန္တရားကြီးများဖြင့် ဖယ်ရှားနေစဉ် (ဆင်ဟွာ)

ရန်ကုန်၊ ဒီဇင်ဘာ ၁၇ ရက် (ဆင်ဟွာ)
လှည်းကူးမြို့နယ် စခန်းကြီး ကျေးရွာအတွင်း ရှိ စိုက်ပျိုးရေးဦးစီးဌာန နှင့် စက်မှုသီးနှံ့ဖွံ့ဖြိုးရေး ဦးစီးဌာနပိုင် မြေဧက ၁၆၀ ဧက ကျော်၌ ကျူးကျော် တည်ဆောက် ထားသော အိမ်အလုံး ၁၅၀၀ ကျော်ကို ယနေ့ နံနက် ဖယ်ရှား ရှင်းလင်းခဲ့ကြောင်း လှည်းကူးမြို့နယ် သက်ဆိုင်ရာ အာဏာပိုင်များထံမှ သိရသည်။

အဆိုပါ ကျေးရွာရှိ ကွင်းအမှတ် ၉၇၈/၉၈၉ပေါ်ရှိ တဲအလုံးရေ ၁၅၃၈ လုံး နှင့် ခြံကွက် ၂၂၅၅ ကွက်ကို ယနေ့ နံနက်ပိုင်းမှ စတင်ပြီး သက်ဆိုင်ရာ အာဏာပိုင်များက စက်ယန္တရားကြီးများဖြင့် ဖယ်ရှား ရှင်းလင်းခဲ့သည်။
ယင်း ကျူးကျော်နေထိုင်သည့် မြေများသည် ကရင်ငြိမ်းချမ်းရေး ကောင်စီ KNU/KNLA(PC) မှ ဆက်လက်အကောင် အထည်ဖော်ဆောင်ရွက်မည့် ကျေးရွာဆိုင်းဘုတ်များ ချိတ်ပြီး ရောင်းချထားသော မြေများဖြစ်သည်။  (Xinhua)

လေးနိုင်ငံ ဖိတ်ခေါ် ပြိုင်ပွဲဝင်ရန် မြန်မာ့ လက်ရွေးစင် ဖူဆယ်အသင်း တရုတ် နိုင်ငံသို့ ထွက်ခွာ

ရန်ကုန်၊ ဒီဇင်ဘာ ၁၇ ရက် (ဆင်ဟွာ)
တရုတ်နိုင်ငံ ကျန်ရှူးမြို့တွင် အိမ်ရှင်နိုင်ငံအဖြစ် လက်ခံကျင်းပမည့် နိုင်ငံကိုယ်စားပြု လက်ရွေးစင် အသင်းများ ၏ လေးနိုင်ငံဖိတ်ခေါ် ဖူဆယ်ပြိုင်ပွဲသို့ ဝင်ရောက်ယှဉ်ပြိုင်ရန် မြန်မာ့ လက်ရွေးစင် ဖူဆယ် အသင်းသည် ဒီဇင်ဘာ ၁၆ ရက် မွန်းလွဲ ၁ နာရီတွင် လေကြောင်းခရီးဖြင့် ရန်ကုန် အပြည်ပြည်ဆိုင်ရာ လေဆိပ်မှ ထွက်ခွာသွားပြီဖြစ်ကြောင်း မြန်မာနိုင်ငံ ဖူဆယ် နှင့် သဲသောင်ပြင် ဆပ်ကော်မတီဥက္ကဋ္ဌ ဦးကြည်မင်းသိန်းက ပြောသည်။
(ဆင်ဟွာ)

ဗဟိုဘဏ်၏ သတ်မှတ်ဒေါ်လာလဲနှုန်း ဆက်လက် တိုးမြှင့်သတ်မှတ်လျက်ရှိပြီး တစ်ဒေါ်လာလျှင် ၁၃၀၄ ကျပ်အထိ ရှိလာ

Thu, 17/12/2015 

ဗဟိုဘဏ်၏ သတ်မှတ်ဒေါ်လာလဲနှုန်း ဆက်လက်တိုးမြှင့် သတ်မှတ်လျက်ရှိပြီး တစ်ဒေါ်လာလျှင် ၁၃၀၄ ကျပ်အထိ ရှိလာကြောင်း သိရသည်။

 

ဗဟိုဘဏ်၏ ရည်ညွှန်းငွေလဲနှုန်းတွင် ဒေါ်လာသတ်မှတ်နှုန်းသည် ဒီဇင်ဘာ ပထမပတ် ၁ ရက်တွင် တစ်ဒေါ်လာလျှင် ကျပ် ၁၃၀၀၊  ၂ ရက်တွင် တစ်ဒေါ်လာလျှင် ၁၂၉၉ ကျပ်၊ ဒီဇင်ဘာ ၃ ရက်တွင် တစ်ဒေါ်လာလျှင် ၁၂၉၇ ကျပ်၊ ဒီဇင်ဘာ ၄ ရက် မှ ၈ ရက်အထိ တစ်ဒေါ်လာလျှင် ၁၂၉၅ ကျပ် သတ်မှတ်ထားပြီး ဒီဇင်ဘာ ဒုတိယပတ် ၉ ရက်တွင် တစ်ဒေါ်လာလျှင် ၁၂၉၈ ကျပ်၊ ဒီဇင်ဘာ ၁၀ မှ ၁၅ ရက်အထိ တစ်ဒေါ်လာလျှင် ၁၂၉၉ ကျပ် သတ်မှတ်ထားကြောင်း သိရသည်။ ဒီဇင်ဘာ ၁၆ ရက် ဗဟိုဘဏ်သတ်မှတ် တစ်ဒေါ်လာလဲနှုန်းသည် ၁၃၀၁ ကျပ်၊ ဒီဇင်ဘာ ၁၇ ရက်တွင် တစ်ဒေါ်လာ ၁၃၀၄ ကျပ်သို့ တစ်ရက်လျှင် နှစ်ကျပ်နှုန်းဖြင့် သုံးရက်အတွင်း ခြောက်ကျပ် တိုးမြှင့်သတ်မှတ်ခဲ့သည်။

 

ဒီဇင်ဘာ ၁၇ ရက် နိုင်ငံခြားငွေကြေး လေလံတွင် ဗဟိုဘဏ်မှ တစ်ဒေါ်လာလျှင် ၁၃၀၄ ကျပ်နှုန်းဖြင့် အမေရိကန်ဒေါ်လာ တစ်သန်းကို ရောင်းချခဲ့သည်။

 

မြန်မာနိုင်ငံတော် ဗဟိုဘဏ်မှ နေ့စဉ်သတ်မှတ်ပေးနေသည့် ရည်ညွှန်း နိုင်ငံခြားငွေလဲနှုန်းနှင့် ပြင်ပဈေးကွက်တွင် ဖြစ်ပေါ်နေသည့် နိုင်ငံခြားငွေဈေးကွက်မှာ ကွာဟချက်များနေခြင်းကြောင့်ဟုဆိုကာ ဗဟိုဘဏ်၏ နေ့စဉ်ရည်ညွှန်း နိုင်ငံခြားငွေလဲနှုန်းကို ဇူလိုင် ၁၃ ရက် တစ်ဒေါ်လာ သတ်မှတ်နှုန်း ကျပ် ၁၂၀၀ မှစ၍ တိုးမြှင့်သတ်မှတ်ခဲ့ပြီးနောက် ငါးလအကြာ ဒီဇင်ဘာ ၁၇ ရက်တွင် တစ်ဒေါ်လာလျှင် ၁၃၀၄ ကျပ်အထိ ၁၀၄ ကျပ် မြင့်တက်လာခဲ့ခြင်းဖြစ်သည်။

 

ပြင်ပဈေးကွက်ရှိ ဒေါ်လာလဲနှုန်းသည် ဗဟိုဘဏ်၏ တိုးမြှင့်သတ်မှတ်ခြင်းနှင့် အတူ ဒီဇင်ဘာ ၁၄ ရက်မှ ၁၆ ရက်အထိ လိုက်ပါမြင့်တက်ခဲ့ပြီး ဒီဇင်ဘာ၁၇ ရက်တွင် သိသာစွာ ငွေလဲနှုန်းပြောင်းလဲခြင်းမရှိဘဲ ရောင်းဈေး ၁၃၀၃ ကျပ် ၀န်းကျင်၊ ၀ယ်ဈေး ၁၃၀၆ ကျပ် ၀န်းကျင်တွင် ရှိနေကြောင်း ပြင်ပဈေးကွက် အသိုင်းအ၀ိုင်းမှ သိရသည်။

 

ဒီဇင်ဘာ ၁၇ ရက်တွင် ဖြစ်ပေါ်နေသော နိုင်ငံခြားငွေလဲနှုန်းများမှာ ဗဟိုဘဏ်၏ ရည်ညွှန်းငွေလဲနှုန်းတွင် တစ်ဒေါ်လာလျှင် ၁၃၀၄  ကျပ် သတ်မှတ်ထားပြီး ပြင်ပငွေလဲနှုန်းတွင် တစ်ဒေါ်လာလဲနှုန်းမှာ ရောင်းဈေး ၁၃၀၆ ကျပ်ဝန်းကျင်၊ ၀ယ်ဈေး ၁၃၀၃ ကျပ် ၀န်းကျင်တွင် ရှိနေသည်။ ပြင်ပဈေးကွက်တွင် စင်ကာပူတစ်ဒေါ်လာလျှင် ရောင်းဈေး ၉၂၅ ကျပ်ဝန်းကျင်၊ ၀ယ်ဈေး ၉၁၉ ကျပ်ဝန်း ကျင်နှင့် ယူရိုလဲနှုန်းမှာ တစ်ယူရိုလျှင် ရောင်းဈေး ကျပ် ၁၄၂၀  ၀န်းကျင်၊ ၀ယ်ဈေး ကျပ် ၁၄၁၀ ၀န်းကျင်တွင် ရှိနေသည်။  ပြည်တွင်းပုဂ္ဂလိက ဘဏ်များ၏ ငွေလဲကောင်တာများ၌ တစ်ဒေါ်လာလျှင် ရောင်းဈေး ၁၃၁၂ ကျပ် ၀န်းကျင်၊ ၀ယ်ဈေး ၁၂၉၇ ကျပ် ၀န်းကျင်ရှိခဲ့သည်။ 

 

Writer: 

အောင်မြတ်ကို EMG

ဖားကန့်ဒေသတွင် ကျောက်စိမ်းတူး လုပ်ကွက်ယာဉ်များ သွားလာမှု ဆန္ဒပြသူများကို ကေအိုင်အေ/ကေအိုင်အိုမှ ဖမ်းဆီးခေါ်ဆောင်မှုဖြစ်ပေါ်ခဲ့ကြောင်း သတင်းများထွက်ပေါ်

18/12/2015 

ပြည်သူပိုင်လမ်းပေါ်တွင် ကျောက်မျက် ကုမ္ပဏီများ၏ မြေသယ်ကားများ သွားလာနေခြင်းအပေါ် ဖားကန့် ဒေသခံများ ကန့်ကွက်ဆန္ဒ ထုတ်ဖော်နေစဉ်

ဖားကန့်ဒေသတွင် ကျောက်စိမ်းတူး လုပ်ကွက်ယာဉ်များ သွားလာမှု ဆန္ဒပြသူများကို ကေအိုင်အေ/ကေအိုအိုမှ ဖမ်းဆီးခေါ်ဆောင်မှု ဖြစ်ပေါ်ခဲ့သည်ဟု သတင်းများ ထွက်ပေါ်ခဲ့ကြောင်း သိရသည်။ 

 

ဖားကန့်ဒေသတွင် ရွေးကောက်ပွဲပြီးနောက်ပိုင်း လက်ရှိအစိုးရ၏ လက်ကျန်သက်တမ်းအတွင်း ဖားကန့်ဒေသတွင် မြေသယ်ကားကြီးများ၊ စက်အင်အား ယန္တရားများ အဆမတန် တိုးချဲ့မှု၊ အရှိန်အဟုန်ဖြင့် ကျောက်စိမ်းတူဖော်မှု၊ ကျောက်စိမ်းတူးဖော်မှု လုပ်ကွက်နှင့် ကျေးရွာရပ်ကွက်များအတွင်း ယာဉ်များဝင်ရောက်မှုအပေါ် ဒေသခံများက တားဆီးကန့်ကွက် ဆန္ဒဖော်ထုတ်ခြင်းများ ပေါ်ပေါက်ခဲ့သည်။ ယင်းကဲ့သို့ ဖားကန့်ဒေသသို့ ယာဉ်ကြီးများ အများအပြား ၀င်ရောက်ခဲ့ပြီး လုပ်ငန်းလုပ်ကိုင်မှုများအပေါ် ဒေသခံများက ကန့်ကွက်ဆန္ဒဖော်ထုတ်မှု ပြုလုပ်ပြီးနောက် ၄င်းတို့ကို ကေအိုင်အေ/ကေအိုင်အိုမှ ဖမ်းဆီးခေါ်ဆောင်မှု ဖြစ်ပေါ်ခဲ့သည်ဟု သတင်းများ ထွက်ပေါ်ခဲ့ခြင်းလည်းဖြစ်သည်။

 

သို့သော် ယင်းဖြစ်စဉ်နှင့် ပတ်သက်၍ ကချင်ငြိမ်းချမ်းရေးအကျိုးဆောင်အဖွဲ့မှ ဦးဆန်းအောင်က '' ဖမ်းဆီးသွားတာ မဟုတ်ဘူး။ ကေအိုင်အေနဲ့ မဆိုင်ပါဘူး။ ကျွန်တော်တို့ စုံစမ်းချက်အရ ဘာသာရေးအစည်းအဝေး သွားကြတာပါ။ ဘာသာရေးက နယ်အလိုက် ခွဲထားတော့ ဘာသာရေးအချင်းချင်းပဲ ခေါ်တာပါ။ ဘာအတွက်ဆိုတာတော့ မသိပါဘူး။ ကေအိုင်အိုက ဓမ္မဆရာတွေလည်း ပါနိုင်တော့ ကေအိုင်အေက ဖမ်းတယ်ဆိုပြီး အထင်မှားကြတာဖြစ်မှာပါ။ ဆန္ဒပြသူတွေသာမက တခြားသူတွေလည်း ပါပါတယ်။ လူဘယ်လောက်လဲ ဆိုတာလည်း မသိသေးဘူး။ကျွန်တော်တို့လည်း ဒီမနက်မှ သိရတာပါ။ အိမ်ပြန်ရောက်ပြီလား မရောက်သေးဘူးလားဆိုတာ မကြားမိသေးပါဘူး။ ဆန္ဒပြတဲ့ကိစ္စတွေနဲ့ ဆွေးနွေးကြပြီး ဘယ်လို ထိန်းထိန်းသိမ်းသိမ်း လုပ်သင့်တယ်ဆိုတာလည်း ပါနိုင်တာပေါ့''ဟု ပြောကြားသည်။

 

ယင်းသတင်း အချက်အလက်များနှင့် ပတ်သက်ပြီး ကေအိုင်အို/ကေအိုင်အေအဖွဲ့ထံ ဆက်သွယ်မေးမြန်းသော်လည်း ဆက်သွယ်မှု့မရရှိခဲ့ပေ။ ဖားကန့်မြို့မရဲစခန်းနှင့် မြိုနယ်ရဲတပ်ဖွဲ့များက ယင်းသတင်း အချက်အလက်များကို ကြားသိထားခြင်း မရှိသေးကြောင်း ဖြေကြားသည်။ ယင်းဖြစ်စဉ်အား ဝေခါကျေးရွာဒေသခံများသို့ ဆက်သွယ်မေးမြန်းသော်လည်း အတည်ပြုပြောကြားနိုင်သူ မရှိသေးသည်ကို တွေ့ရသည်။ ထို့ပြင် ဖားကန့်ဒေသ နှစ်ခြင်းအသင်းတော်များ၏ အကြီးအကဲ

ဦးဘီတူဂျာအား ဆက်သွယ်မေးမြန်းသော်လည်း ယင်းမှာ ခရီးလွန်နေပြီး ကြားသိရသေးခြင်း မရှိကြောင်း ပြောကြားသည်။

 

ဖားကန့်ဒေသတွင် ကျောက်စိမ်းတူးသည့် ကုမ္ပဏီကား မြေသယ်ကားကြီးများ ကျေးရွာအတွင်းနှင့် မြို့တွင်းလမ်းများပေါ်တွင် ၂၄ နာရီပတ်လုံး ဖြတ်သန်းနေမှုကြောင့် ဒီဇင်ဘာလဆန်းပိုင်းမှ စတင်ကာ ကျေးရွာရပ်ကွက်အတွင်း ဖြတ်သန်းခြင်းမပြုရေးအတွက်

ကချင်မျိုးနွယ်စု အများစုပါဝင်သည့်အဖွဲ့များက လမ်းပိတ်ဆန္ဒပြမှု့များ ဖားကန့်ဒေသအချို့တွင် ဖြစ်ပွားခဲ့သည်။ ထို့ပြင် ပြီးခဲ့သည့် တစ်နှစ်ကျော်ကာလအတွင်း မြေသယ်ယာဉ်တိုက်မှု့ကြောင့် သေဆုံးသူ အရေအတွက်မှာလည်း ခုနှစ်ဦးအထိ ရှိလာကြောင်း သိရသည်။

 

ဖားကန့်ဒေသတွင် ရွေးကောက်ပွဲပြီး နောက်ပိုင်းကာလတွင် စက်အင်အားယန္တရားများ အဆမတန် တိုးချဲ့မှု့များ မြေစာပုံပြိုကျ သေဆုံးမှု့များ ရှိနေသည့်အတွက် ဒေသခံများက ၀ိုင်းဝန်းကန့်မှု့များ ၊ဆန္ဒဖော်ထုတ်မှု့များ ဖြစ်ပေါ်ခဲ့သည်။ ခွင့်ပြုမြေစာပုံ ၁၁ ပုံအနက် ငါးပုံမှာ အန္တရာယ်ဖြစ်နိုင်သော အနေအထားတွင်ရှိကြောင်း လေ့လာကွင်းဆင်းသည့် အစိုးရနှင့် ရပ်မိရပ်ဖ ပူးပေါင်းအဖွဲ့က ပြောကြားထားသည်။

EMG

ဒေါ်အောင်ဆန်းစုကြည်နှင့် တိုင်းရင်းသားလက်နက်ကိုင် ၈ ဖွဲ့ တွေ့ဆုံ

ဓာတ်ပုံ - Centre for Development and Ethnic Studies

အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်နဲ့ အန်စီအေ လက်မှတ်ထိုးထား တဲ့ တိုင်းရင်းသားလက်နက်ကိုင် တော်လှန်ရေးအဖွဲ့ ၈ ဖွဲ့က ခေါင်းဆောင် ၈ ဦးတို့ ဒီကနေ့ နေပြည်တော် လွှတ်တော်ရုံးခန်းမှာ တနာရီကြာ တွေ့ဆုံဆွေးနွေးခဲ့ကြပါတယ်။
ဒီတွေ့ဆုံပွဲမှာ ဒေါ်အောင်ဆန်းစုကြည်က တနိုင်ငံလုံးပစ်ခတ်တိုက်ခိုက်မှုစာချုပ်(အန်စီအေ) အန်စီအေနဲ့ပတ်သက်တဲ့ သူ့ရဲ့အမြင်ဘောထားကို ပြောဆိုဆွေးနွေးခဲ့တယ်လို့ ဆွေးနွေးပွဲမှာ ပါဝင်တဲ့ ရခိုင်ပြည်လွတ်မြောက်ရေးပါတီ ဗဟိုအလုပ်အမှုဆောင် ကော်မတီဝင် ဒေါ်စောမြရာဇာလင်း ပြောပါတယ်။
“သူကတော့ တိုင်းရင်းသားအားလုံးမပါတဲ့ အပေါ်မှာ၊ လက်မှတ်မထိုးသေးတဲ့ အပိုင်းတွေ ရှိတယ်။ အဲလိုလက်မှတ်မထိုးသေးရတဲ့ အကြောင်းအရင်းက ဆိုရင် တိုင်းရင်းသားတွေကြား ထဲမှာ စိတ်ဝမ်းကွဲပြားမှု မရှိစေချင်ဘူး ဆိုတဲ့အချက်ကိုတော့ သူ့ဖက်က ပြောပါတယ်။ ပြီးလို့ရှိရင် ဒီအန်စီအေမှာ ကျမတို့ ချုပ်ဆိုထားတဲ့ အန်စီအေဟာဆိုရင် စေတနာပါပါနဲ့ ချုပ်ဆိုတဲ့ စာချုပ်ဖြစ်ဖို့လိုတယ်။ အခြေခံမူထဲမှာ ဆိုလို့ရှိရင်လည်း အမျိုးဘာသာ သာသနာ မခွဲခြားဘဲ အားလုံးတန်းတူတန်းမျှဖြစ်ဖို့ အရေးကြီးတယ်ဆိုတဲ့ အပိုင်းတွေကို သူ့ဖက်က ပြောတာရှိပါတယ်။ နောက်သူက ငြိမ်းချမ်းရေးဟာ အရေးကြီးတယ်။ ဒီငြိမ်းချမ်းရေး မရှိဘဲနဲ့တော့ ဘယ်တော့မှ တိုင်းပြည်ကို ကောင်းမွန်စွာ တည်ဆောက်လို့ မရဘူးဆိုတာ သူအခိုင်အမာ ယုံကြည်ထားတဲ့အကြောင်း၊ ဒီငြိမ်းချမ်းရေးကို ဆက်သွားဖို့လိုတဲ့ အကြောင်းပေါ့လေ အဲဒါတွေကို ပြောပါတယ်။ ”
ဒါ့အပြင်တိုင်းရင်းသားလက်နက်ကိုင်အဖွဲ့ ၈ဖွဲ့က ကိုယ်စားလှယ်တွေကလည်း အန်စီအေမှာ ပါဝင်လက်မှတ်ထိုးရတဲ့အကြောင်းတွေကို ရှင်းလင်း ပြောပြခဲ့တယ်လို့ ဒေါ်စောမြရာ ဇာလင်းက ပြောပါတယ်။
“အခု ကျမတို့ ၈ ဖွဲ့ လက်မှတ်ရေးထိုးတာဆိုလို့ရှိရင် အန်စီအေအပေါ်မှာ အားလုံး မပါဝင်သေးဘူးဆိုပေမယ့်လို့ အားလုံးကဟာ ကျမတို့ တိုင်းရင်းသားလက်နက်ကိုင် အဖွဲ့ ၁၆ ဖွဲ့ကနေပြီး တော့မှ ဒီ အန်စီအေစာချုပ်ကို အတူတကွရေးဆွဲခဲ့ကြတာဖြစ်တယ်။ တချိန်ချိန် တနေ့နေ့မှာ ကျမတို့အားလုံးအတူတကွဖြစ်လာဖို့အတွက် မျှော်လင့်ဆိုတဲ့ အကြောင်း အပါအ၀င်ပေါ့လေ ကျမတို့ အန်စီအေကို ချောချောမွေ့မွေ့နဲ့ ရှေ့ကို ခရီးသွားနိုင်ဖို့အတွက် အားလုံးက ၀ိုင်းဝန်းဆွေးနွေးကြတဲ့သဘောပဲ။”
ဒီတွေ့ဆုံပွဲကို မွန်းလွဲ ၁၂ နာရီခွဲကနေ ၁ နာရီခွဲလောက်အထိ တွေ့ဆုံဆွေးနွေးခဲ့ တာဖြစ်ပါတယ်။
DVB

ရေးတွင် ရပ်ကွက်အုပ်ချုပ်ရေးမှူးထံမှ လက်နက် ခဲယမ်းများ ဖမ်းမိ

 ရေး ၊ ဒီဇင်ဘာ ၁၇

ရေးမြို့နယ်၊ ခေါဇာမြို့၊ မြို့မ ၁ ရပ်ကွက် အုပ်ချုပ်ရေးမှူးအိမ်သို့ တပ်မတော် စစ်ကြောင်းများက သတင်းအရ ၀င်ရောက်ရှာဖွေရာ လက်နက်နှင့် ခဲယမ်းများ ဖမ်းဆီးရမိခဲ့ကြောင်း ရေးမြို့နယ် ရဲတပ်ဖွဲ့မှူးရုံးမှ သိရသည်။

နယ်မြေခံ စကခ(၁၉)၊ ခလရ(၃၁)တို့အနေဖြင့် သတင်းအရ အဆိုပါမြို့မ (၁) ရပ်ကွက်အုပ်ချုပ်ရေးမှူး အိမ်သို့ ဒီဇင်ဘာလ ၁၅ ရက်က ၀င်ရောက် ရှာဖွေရာမှ တွေ့ရှိခဲ့ခြင်းဖြစ်သည်ဟု ရေးမြို့နယ်ရဲတပ်ဖွဲ့မှူး ရဲမှူးမြင့်သော်က ပြောသည်။

“ခြောက်လုံးပြူးတစ်လက်နဲ့ ကျည် ၁၉ တောင့် မိပါတယ်။ အမာခံ သတင်းပေးတွေရဲ့ သတင်းပေးမှုနဲ့ ဆက်စပ်သတင်းတွေအရ အခုလို ၀င်ရောက်ရှာဖွေရာက တွေ့ရှိခဲ့ရခြင်းပါ”ဟု ၄င်းက ပြောသည်။

အဆိုပါ ဖြစ်စဉ်နှင့်ပတ်သက်ပြီး ရပ်ကွက် ၁ အုပ်ချုပ်ရေးမှူးအား ရေးမြို့နယ်ရဲစခန်းတွင် ဖမ်းဆီး ထိန်းသိမ်းစစ်ဆေးနေပြီ
ခေါဇာရဲစခန်းက ပြစ်မှုပုဒ်မ၊ (ပ) ၂၈/၂၀၁၅၊ လက်နက်ခဲယမ်းဥပဒေ ၁၉ (စ) ဖြင့် အမှုဖွင့်ထားကြောင်း  ရဲမှူး မြင့်သော်က ပြောသည်။

ခေါဇာမြို့သည် ရေးမြို့နယ်တောင်ပိုင်း မိုင် ၂၀ ခန့်အကွာတွင်တည်ရှိသော မြို့တစ်မြို့ဖြစ်ပြီး မွန်ချမ်းအမည်ရသည့် တောတွင်း လက်နက်ကိုင်အဖွဲ့မှ ကျက်စားရာဒေသတစ်ခုဖြစ်ကာ အခါအားလျော်စွာ ပြန်ပေးဆွဲ၊ ဆက်ကြေးကောက်လေ့ရှိသည်ဟု ဒေသခံများက ပြောသည်။ 

 Dawei Watch|

အန်စီအေ လက်မှတ်မထိုးသည့် အဖွဲ့များကို ငြိမ်းချမ်းရေးညီလာခံတက်ရန် ဖိတ်ကြားမည်

နိုင်ငံရေးဆွေးနွေးမှုဆိုင်ရာ မူဘောင်သဘောတူညီချက်အား နိုင်ငံတော် သမ္မတထံ ပေးအပ်ခြင်းအခမ်းအနား မစတင်မီ။ (ဓာတ်ပုံ - ပိုင်စိုး)

တနိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (အန်စီအေ) ကို လက်မှတ်မထိုးသေးတဲ့ အဖွဲ့တွေကို ဇန်န၀ါရီလကျင်းပမယ့် ပထမအကြိမ် ပြည်ထောင်စု ငြိမ်းချမ်းရေးညီလာခံမှာ အထူးဧည့်သည်တွေအနေနဲ့ ဖိတ်ကြားသွားဖို့ ရှိနေပါတယ်။
မြန်မာနိုင်ငံ ငြိမ်းချမ်းရေး ပြန်လည်ထူထောင်ရေး ဗဟိုဌာန အထူးအကြံပေးပုဂ္ဂိုလ် ဦးလှမောင်ရွှေက “ဒီနေ့မနက် တိုင်းရင်းသားခေါင်းဆောင်များ၊ အစိုးရ၊ တပ်မတော်၊ လွှတ်တော်ခေါင်းဆောင်များ ဆွေးနွေးတဲ့ ဆွေးနွေးပွဲမှာ လက်မှတ်မရေးထိုးရသေးတဲ့ တိုင်းရင်းသား ခေါင်းဆောင်တွေကိုလည်း အထူးဧည့်သည်တော်အနေနဲ့ ဖိတ်ကြားဖို့ ဆွေးနွေးတာ ရှိပါတယ်။ သူတို့တက်ရောက်နိုင်ဖို့အတွက်ကတော့ ဆက်ပြီး ဆောင်ရွက်ရဦးမှာပါ”  လို့ ပြောပါတယ်။
အန်စီအေကို လက်မှတ်ထိုးပြီးတဲ့နောက် စာချုပ်ပါ အချက်တွေကို အချိန်ဇယားအတိုင်း ဆက်ပြီး အကောင်အထည်ဖော်တဲ့အနေနဲ့ ပထမအကြိမ် ပြည်ထောင်စု ငြိမ်းချမ်းရေးညီလာခံကို ဇန်န၀ါရီလ ၁၃ ရက်နေ့ မတိုင်ခင်မှာ ကျင်းပဖို့ လျာထားတာ ဖြစ်ပါတယ်။
ဒီညီလာခံမှာ ဆွေးနွေးမယ့် မူဘောင်သဘောတူညီချက်တွေကို ပူးတွဲကော်မတီရဲ့ တတိယအကြိမ် အစည်းအဝေးကနေ ဆုံးဖြတ်ပြီး ဒီဇင်ဘာ ၁၆ ရက်နေ့မှာ နိုင်ငံတော် သမ္မတကို ပေးအပ်ခဲ့ပါတယ်။
အဲဒီညီလာခံကို အစုအဖွဲ့ ကိုယ်စားလှယ်အနေနဲ့ အစိုးရနဲ့ လွှတ်တော်က အယောက် ၁၅၀၊ တပ်မတော်၊ တိုင်းရင်းသားလက်နက်ကိုင်အဖွဲ့တွေနဲ့ နိုင်ငံရေးပါတီတွေက အယောက် ၁၅၀ စီနဲ့ တိုင်းရင်းသားခေါင်းဆောင် ၅၀၊ တခြား ဖိတ်ကြားသင့်တဲ့သူ ၅၀ တက်ရောက်ဖို့ ဆုံးဖြတ်ထားပါတယ်။
အမျိုးသားဒီမိုကရေစီအဖွဲ့ချုပ် အနေနဲ့ ငြိမ်းချမ်းရေးမရမချင်း ဆက်လက် ဆောင်ရွက်သွားမှာဖြစ်ပြီး ပြုပြင်ပြောင်းလဲသင့်ရင် ပြောင်းလဲမှာဖြစ်ပေမယ့် လက်ရှိအနေအထားကနေ အသစ်ပြန်လုပ်မှာ မဟုတ်ဘူးလို့ အဖွဲ့ချုပ် ပြောရေးဆိုခွင့်ရှိသူ ဦးဉာဏ်ဝင်းက ဒီဗွီဘီကို ပြောပါတယ်။
DVB

လူထုဗဟိုပြု စီမံကိန်းအား ပြည်နယ် နှင့် တိုင်းဒေသကြီးများရှိ မြို့နယ် (၆၃) မြို့နယ်တွင် ဖြန့်ကျက် ဆောင်ရွက် သွားမည်

ရန်ကုန် ၊ ဒီဇင်ဘာ ၁၇ ရက် (ဆင်ဟွာ)
ကျေးလက်နေ ပြည်သူများ ဆင်းရဲမှု လျော့ကျစေရန် ရည်ရွှယ်၍ ကမ္ဘာ့ဘဏ်၏ ထောက်ပံ့ရန်ပုံငွေဖြင့် အကောင်အထည်ဖော် ဆောင်ရွက်လျက်ရှိသော လူထုဗဟိုပြု စီမံကိန်း အတွက် ယခု အခါ နှစ်ရှည် ချေးငွေများအား ကမ္ဘာ့ဘဏ် နှင့် အီတလီ အစိုးရ တို့ မှ ကမ်းလှမ်းခဲ့ပြီး ယင်းချေးငွေများဖြင့် ပြည်နယ် နှင့် တိုင်းဒေသကြီးများမှ မြို့နယ် (၆၃) မြို့နယ်တွင် ဖြန့်ကျက် ဆောင်ရွက်သွားမည် ဖြစ်ကြောင်း မွေးမြူရေး၊ ရေလုပ်ငန်း နှင့် ကျေးလက် ဒေသ ဖွံ့ဖြိုးရေး ဝန်ကြီးဌာနမှ သိရသည်။

နိုင်ငံရေး ဆွေးနွေးပွဲ မူဘောင်တွေကို SNLD စိုးရိမ်

  စစ်မှန်တဲ့ ငြိမ်းချမ်းရေး ဖြစ်ဖို့ အားလုံးပါဝင်ဖို့ လိုကြောင်း SNLD က ပြော

ဒီဇင်ဘာလ ၁၆ ရက်နေ့မှာ ပြည်ထောင်စု ငြိမ်းချမ်းရေး ဆွေးနွေးမှု ကော်မတီက အပစ်ရပ် အဖွဲ့တွေနဲ့ နိုင်ငံရေး ဆွေးနွေးတဲ့ အခါ ကိုင်စွဲရမယ့် မူဘောင်တွေကို သမ္မတ ဦးသိန်းစိန်ကို ပေးအပ်ခဲ့ပါတယ်။

အဆိုပါ မူဘောင်တွေ ရေးဆွဲခဲ့ရာမှာ တိုင်းရင်းသား အဖွဲ့တွေ အားလုံး မပါဝင်ခဲ့တဲ့ အတွက် စိုးရိမ်ပူပန်မှုတွေ ဖြစ်မိကြောင်း ရှမ်းတိုင်းရင်းသားများ ဒီမိုကရေစီ အဖွဲ့ချုပ် SLND ပါတီက ပြောပါတယ်။

နောင်လာမဲ့ အစိုးရနဲ့ ငြိမ်းချမ်းရေး ဆွေးနွေးမယ်လို့ KIA နဲ့ ဝတပ်မတော်တို့က ထုတ်ဖော် ပြောကြားခဲ့တဲ့ အတွက် ပိုမို အဆင်ပြေဖို့ အလားအလာရှိတယ်လို့ SNLD ပါတီ က ပြောပါတယ်။

အင်အားအကြီးဆုံး ဆိုလို့ KNU နဲ့ RCSS/SSA တို့ အဖွဲ့လောက်သာ ပါခဲ့ပြီး အခြား အင်အားကြီး အဖွဲ့တွေ ဖြစ်တဲ့ KIA တို့ ဝ တပ်မတော် တို့ မပါဝင်ခဲ့တဲ့ အတွက် ငြိမ်းချမ်းရေး ဟာ အဆင်ပြေပါ့မလားလို့ စိုးရိမ်မိကြောင်း ပါတီ ဥက္ကဋ္ဌ ဦးခွန်ထွန်းဦး က ပြောပါတယ်။

တိုင်းရင်းသား လက်နက်ကိုင် အဖွဲ့တွေ အနေနဲ့ လူထု ထောက်ခံမှု ရရှိခဲ့လို့သာ ဒီနေ့ အချိန်ထိ ရပ်တည်နေတာ ဖြစ်ပြီး နယ်မြေခြင်း ထိစပ်နေတဲ့ နိုင်ငံတွေကလည်း နောက်ကွယ်ကနေ ထောက်ပံပေးနေတာကြောင့် ငြိမ်းချမ်းရေး အတွက် စိုးရိမ်မိတယ်လို့ ဦးခွန်ထွန်းဦးက ဆက်ပြောပါတယ်။

နောင်လာမဲ့ NLD အစိုးရ အနေနဲ့ နောက်ဆက်တွဲ ရိုက်ခတ်မှုတွေကို ချိန်ဆ တွေးတောပြီး အလုံးစုံပါဝင်တဲ့ ငြိမ်းချမ်းရေးကို ပါးပါးနပ်နပ် ကိုင်တွယ်ဖို့ လိုအပ်တယ် လို့လည်း ဆက်လက် ပြောကြားခဲ့ပါတယ်။

BBC Burmese

ဖားကန့်ကျောက်စိမ်း တူးဖော်ရေးလုပ်ငန်း ကန့်ကွက်ဆန္ဒပြခံရ

ဖားကန့် ကျောက်စိမ်း လုပ်ငန်းခွင်နဲ့ စွန့်ပစ် မြေစာပုံ

ဖားကန့်မြို့နယ်အတွင်း မကြာသေးခင်ရက်ပိုင်းကစလို့   ကျောက်စိမ်းတူးဖေါ်ရေးကုမ္ပဏီတွေက အင်အားအလုံးအရင်းသုံးပြီး တူးဖေါ်ရေး လုပ်လာတဲ့အတွက် ဒေသခံတွေ ဆန္ဒပြခဲ့ကြပါတယ်။ ကျောက်စိမ်းတူးဖေါ်ရေး လုပ်ငန်းတွေကြောင့် မြေစာပုံပိပြီး သေဆုံးမှုအပါအဝင် မတော်တဆ သေဆုံးမှုတွေ ဆက်တိုက်ဖြစ်လာပြီးနောက်ပိုင်း ဒေသခံတွေ အခုလို ဆန္ဒပြလာကြတာပါ။ဆက်သွယ်စုံစမ်းထားတဲ့ကိုဉာဏ်ဝင်းအောင်က တင်ပြပါတယ်။

ကျောက်စိမ်းတူးဖေါ်ရေးကုမ္ပဏီတွေက မြေစာသယ်တဲ့ ထရပ်ကားကြီးတွေသုံးပြီး အခုရက်ပိုင်းအတွင်းမှာ နေ့မအား ညမအား ကျောက်စိမ်း တူးဖေါ်ရေးတွေ လုပ်နေကြတာပါ။ ကျောက်စိမ်းတွင်းရှိရာ မှော်တွေနဲ့ မြေစာပုံတဲ့ နေရာကြားက ရွာတွေကို ယန္တရားစက်တွေနဲ့ မြေသယ် ထရပ်ကားကြီးတွေ   ဖြတ်မောင်းနေတာကြောင့် ဒေသခံတွေအတွက် ဆိုးကျိုးဖြစ်လာတဲ့အပေါ် ဖားကန့်မြို့နဲ့ လုံးခင်းမြို့နယ်ကြား ရွာတချို့မှာ ဒေသခံရွာသား အနည်းဆုံး ၄၀ လောက် ဒီကနေ့ ဆန္ဒပြခဲ့ကြတယ်လို့ ဖားကန့်မြို့ခံ ကိုဇော်မိုးထက်က ပြောပါတယ်။

“မြေစာပစ်တဲ့ကားတွေက ရွာတွေထဲကို ၂၄ နာရီသွားနေတာကိုး၊ နေ့ဆိုင်း ညဆိုင်းနဲ့ကိုး။ အဲလိုမျိုးသွားနေတော့ ရွာထဲလမ်းကနေ မဖြတ်နဲ့ ဆိုပြီးတော့ ဆန္ဒဖေါ်ထုတ်တာပေါ့နော်၊ ဒီရွာထဲ လမ်းတွေက သွားခြင်းအားဖြင့် ဒေသခံပြည်သူတွေအတွက် ၂၄ နာရီ ဖုံတွေနဲ့ပဲ နေနေရတယ် ဗျာ။ နောက်တချက်က အိပ်ရေး၀၀ မအိပ်ရဘူး၊ နောက်တခါ ဆိုင်ကယ်တွေကြိတ်ပြီး သေသွား လူတွေကြိတ်ပြီးသေသွား အဲဒါနေ့စဉ်နဲ့အမျှလို ဖြစ်နေတာ … တမှော်လုံးအတိုင်းအတာပေါ့နော်။ အဲဒီရှုထောင့်ကနေ တားတာပေါ့နော် ”

အခုလို ဆန္ဒပြတာကြောင့် လုံခြုံရေး ယူပေးခဲ့ရတယ်လို့ ဖားကန့် မြို့နယ်ရဲစခန်း တာဝန်ကျ ရဲအရာရှိတဦးက VOA ကိုပြောပါတယ်။

“ဖားကန့်နဲ့ လုံးခင်းဖက်ကြား ဖြစ်တာပါ။ အဲဒီတော့ ကျနော်တို့ ဒီမြို့မကနေ သွားပြီးတော့ ဒီနယ်ထိန်း ဆိုက်ကနေ သွားပြီးတော့မှ လုံခြုံရေး သွားပေးရတာပါ”

‘မြေစာသယ်တဲ့ကားတွေ ရွာထဲကို ဖြတ်သန်းခွင့်မပြု’ ၊ ‘လူသတ်နေတဲ့ ကျောက်စိမ်းတူးဖေါ်ရေး ကုမ္ပဏီတွေ ဖားကန့်မြို့နယ်က ထွက်သွား’ စတဲ့ဆိုင်းဘုတ်တွေ ကိုင်ဆောင်ပြီး ဆန္ဒပြခဲ့ကြတယ်လို့ ဆိုပါတယ်။ လုံးခင်းမြို့နယ်အုပ်စု ၀ိုင်းတောင် ကုဋေရွာ စတဲ့ဒေသတွေမှာ ဆန္ဒပြခဲ့ ကြတာပါ။ ဒေသခံတွေ အခုလို ဆန္ဒပြရတဲ့အခြေအနေကို သူ့အနေနဲ့ ကိုယ်ချင်းစာနားလည်မိကြောင်း NLD ပါတီ ကချင်ပြည်နယ်လွှတ်တော် ကိုယ်စားလှယ်အဖြစ် အရွေးချယ်ခံရတဲ့ ဦးဒါရှီလာဆိုင်းက ပြောပါတယ်။

“နိုင်ငံတော် အကျိုးတူဆိုတဲ့ ကုမ္ပဏီအတော်များများဟာ - ဒီ အဖွဲ့အစည်းပိုင်ပေါ့နော်။ အဲဒီကုမ္ပဏီ တော်တော်များများဟာ ဒေသခံတွေရဲ့ အကျိုးကို မကြည့်တဲ့ ကုမ္ပဏီက များတဲ့အတွက်ကြောင့်မို့၊ နောက်ပြီးတော့ သဘာဝပတ်ဝန်းကျင် ပျက်စီးယိုယွင်းတဲ့ အပိုင်းကလဲ တော်တော်လေး များတဲ့ အနေထားတွေပေါ်မှာ ပြည်သူလူထုက ဆန္ဒပြတယ်လို့ ကျနော်ကတော့ ဒီလိုမြင်တယ်လေ နော့”

ကျောက်စိမ်းတူးဖေါ်ရေး ကုမ္ပဏီတွေအနေနဲ့ ၂၀၁၆ မှာတက်လာမယ့် အစိုးရသစ်လက်ထက် မတိုင်ခင် တူးဖေါ်ရေးလုပ်ငန်းတွေကို အလျှင်စလို လုပ်မယ့်သဘော ရှိတယ်လို့ ကိုဇော်မိုးထက်က သုံးသပ်ပါတယ်။

“ဒီ ၂၀၁၀ စတက်ကတည်းက ဒီလက်ရှိအစိုးရသက်တမ်းမှာ အကုန်တူးမှာတဲ့။ ဟို အကုန်တူးမယ်ဆိုတာက ရသလောက်တူးမှာပေါ့ဗျာ။ ကျနော်ထင်ပါတယ် သူတို့နောက်ကွယ်က ငြိမ်းချမ်းရေးအဖွဲ့အစည်းတွေပါမယ်၊ နောက်တခုက ခရိုနီအုပ်စုရှိမယ်။ နောက်တခုကကျတော့ ဒီစစ်ဗိုလ်ချုပ် အသိုင်းအဝိုင်းနဲ့ ပတ်သက်တဲ့ ကုမ္ပဏီတွေရှိမယ်။ အဲဒီနောက်မှာ ဒါတွေပဲရှိမှာ”

ရာကျော်တဲ့ ကျောက်စိမ်းတူးဖေါ်ရေး ကုမ္ပဏီတွေထဲမှာ တိုင်းရင်းသား လက်နက်ကိုင်အဖွဲ့တွေနဲ့ အပစ်ရပ် ငြိမ်းချမ်းရေးယူထားတဲ့ အဖွဲ့တွေ ပါဝင်ပြီး၊ NDAK ဦးစခုန်တိမ့်ရိမ်းရဲ့ကချင်အဖွဲ့ ၊ KDN ဦးမထုနော်ရဲ့အဖွဲ့နဲ့ ပအို့ဝ်လက်နက်ကိုင် အဖွဲ့တွေဖြစ်တဲ့ PLA/ PNO အဖွဲ့တွေ၊ UWSA ၀တပ်ဖွဲ့ရဲ့ ရာဇဌာနေ၊ မြန်မာတကောင်း စတဲ့ကုမ္ပဏီတွေက ကျောက်စိမ်းတူးဖေါ်နေကြပြီး ဒေသခံတွေအကျိုးကို ဘာမှ လုပ်ဆောင်ပေးခြင်း မရှိဘူးလို့ ဦးဒါရှီလာဆိုင်းက ပြောပါတယ်။ အဲဒီကုမ္ပဏီတွေဟာ ပွင့်လင်းမြင်သာမှုရှိရှိ လုပ်ဆောင်မယ့် နောင်တက်လာမယ့် NLD အစိုးရ လက်ထက်မတိုင်ခင်မှာ အခုလို အလျှင်စလို လုပ်နေကြတာလို့ဦးဒါရှီလာဆိုင်းက သုံးသပ်ပါတယ်။

“ကျနော်တို့ ဒီ အများပြည်သူလူထုက ထောက်ခံတဲ့ အစိုးရသစ်တရပ်က မကြာခင်ပေါ့နော်၊ ၃-၄-၅ လအတောတွင်း ပေါ်ပေါက်လာတော့မယ် ဆိုတဲ့အချိန်မှာ သူတို့အနေနဲ့ဒီလို ပြည်သူလူထုဖက်ကနေ ရပ်တည်မယ့် အစိုးရပေါ်ပေါက်ခဲ့ရင် ဒီလုပ်ငန်းတွေကို သူတို့ ကောင်းကောင်း မွန်မွန် လုပ်ခွင့်ရတော့မှာ မဟုတ်ဘူးဆိုတဲ့ အတွေးနဲ့ အခုလက်ရှိကာလမှာ မကျန်တော့တဲ့ကာလ ၃လ ၄ လအတောတွင်းမှာပေါ့နော် လက်ငုတ်လက်ကျန် လေးတွေကို အပြီးပြတ် သူတို့အနေနဲ့ လုပ်ဆောင်ချင်တဲ့ အနေအထားကြောင့်လို့ပဲ ကျနော့်အမြင်ရော အများပြည်သူရဲ့ အမြင်မှာလဲ အဲလိုပဲ မြင်နေကြတာပေါ့နော်။ တကယ်လဲ ကျနော်တို့လဲ အဲလိုပဲ သုံးသပ်တယ်”

ဒီဇင်ဘာလ ၁၅ ရက်နေ့တုန်းကလဲ ဖားကန့်မှာ မြေစာပုံပြိုပြီး အနည်းဆုံးလူ ၅ ဦးသေဆုံးခဲ့ရပေမယ့် သက်ဆိုင်ရာ ကျောက်စိမ်းတူးဖေါ်ရေး ကုမ္ပဏီက တာဝန်ယူ ပြန်လည်ဖေါ်ထုတ်ပေးတာမျိုး မရှိခဲ့ပါဘူး။

ကိုဉာဏ်ဝင်းအောင် / ဗွီအိုအေ (မြန်မာပိုင်း)

၂၀၁၅ နိုင်ငံရေး အောင်မြင်မှုတွေမှာ မြန်မာပါဝင်

ကုလသမဂ္ဂ အတွင်းရေးမှူးချုပ် ဘန်ကီမွန်းဟာ ၂၀၁၅ ခုနှစ်အတွက် သတင်းစာရှင်းလင်းပွဲကို မနေ့က ပြုလုပ်ခဲ့ရာမှာ နိုင်ငံတကာရေးရာနဲ့ ပတ်သက်လို့ အကဲစမ်းမှုတွေ၊ စိုးရိမ်မှုတွေ၊ အောင်မြင်မှုတွေကို မီးမောင်းထိုးပြခဲ့ရာမှာ မြန်မာနိုင်ငံမှာလည်း အစိုးရ၊ စစ်တပ်နဲ့ နိုဝင်ဘာ ရွေးကောက်ပွဲမှာ အပြတ်အသတ် အနိုင်ရခဲ့တဲ့ NLD ခေါင်းဆော်င ဒေါ်အောင်ဆန်းစုကြည်တို့ကြား တည်ငြိမ်တဲ့ အာဏာလွှဲပြောင်းရေးအတွက် ဆွေးနွေးမှုကို စတင်နေတဲ့အကြောင်းအပြင် ခွဲခြားဆက်ဆံခံနေရတဲ့ လူနည်းစုတွေအရေးလည်း ဆောင်ရွက်ပေးဖို့ တိုက်တွန်းပြောကြားသွားပါတယ်။ အသေးစိတ်ကို ဒေါ်လှလှသန်းက တင်ပြထားပါတယ်။

၂၀၀၇ ခုကစလို့ ကုလသမဂ္ဂ အတွင်းရေးမှူးချုပ်ရာထူးကို စတင်ထမ်းဆောင်ခဲ့တဲ့ မစ္စတာ ဘန်ကီမွန်းက ကုလသမဂ္ဂရဲ့ နှစ် ၇၀ ပြည့် အထိမ်းအမှတ်ကို ဆင်နွှဲခဲ့တဲ့ ၂၀၁၅ နှစ်ချုပ်အဖြစ် ဗုဒ္ဓဟူးနေ့က ကျင်းပခဲ့တဲ့ သတင်းစာရှင်းလင်းပွဲမှာ ဒီနှစ်အတွင်း ကုလသမဂ္ဂအနေနဲ့ အောင်မြင်မှုတွေနဲ့ အကဲစမ်းမှုတွေကို ရင်ဆိုင်ခဲ့ရတယ်လို့ အခုလို ပြောခဲ့ပါတယ်။

“ဒီနှစ် ၂၀၁၅ ခုနှစ်ဟာ အောင်မြင်မှုတွေလည်း  ရှိခဲ့သလို ထိတ်လန့် တုန်လှုပ်စရာတွေနဲ့လည်း ရင်ဆိုင်ရတဲ့ နှစ်ဖြစ်ပါတယ်။  ကုလသမဂ္ဂအနေနဲ့ ငြိမ်းချမ်းရေး ဖော်ဆောင်မယ့် ကျယ်ပြန့်တဲ့ လေ့လာဆန်းစစ်မှုတွေ၊ ငြိမ်းချမ်းရေးထိန်း လုပ်ငန်းစဉ်တွေနဲ့  အနာဂတ်မှာ ပါဝင်မယ့် အခန်းကဏ္ဍတွေ အပါအဝင် အဖွဲ့စည်းကြီးကို အားဖြည့်ဖို့ ဆက်လက် ဆောင်ရွက်နေပါတယ်။”

နိုင်ငံတကာမှာ အောင်မြင်မှုတွေကို မီးမောင်းထိုးပြခဲ့ရာမှာတော့ တိုးတက်မှုရရှိခဲ့တဲ့ မြန်မာနိုင်ငံ အခြေအနေကို အတွင်းရေးမှူးချုပ်က ထောက်ပြခဲ့ပါတယ်။

“မြန်မာနိုင်ငံမှာ ငြိမ်းချမ်းစွာ အာဏာလွှဲပြောင်းနိုင်ရေးအတွက် အစိုးရနဲ့ စစ်တပ်တို့ဟာ ဒေါ်အောင်ဆန်းစုကြည်နဲ့ ပူးပေါင်းဆောင်ရွက်နေပါတယ်။  တချိန်တည်းမှာပဲ ခွဲခြား ဆက်ဆံခံနေရတဲ့ တိုင်းရင်းသား အုပ်စုတွေကို အခုလို အသွင်ကူးပြောင်းရေး ဖော်ဆောင်မှုမှာ ပါဝင်လာစေဖို့နဲ့  အုပ်စုအားလုံး ပါဝင်တဲ့ အချေအတင် ဆွေးနွေးမှု စတင်နိုင်ဖို့ ဆက်လက် ကြိုးပမ်းသွားဖို့ လိုပါတယ်။ ဒီဖော်ဆောင်မှုကို ကုလသမဂ္ဂအပြင် ကျနော်ကိုယ်တိုင်ကလည်း နှစ်ပေါင်းများစွာပဲ ထောက်ခံ အားပေးလာခဲ့တာ ဖြစ်ပါတယ်။ ကျနော်တို့ ဆက်လက်ပြီးတော့လည်း အကူညီတွေ ပံ့ပိုးသွားမှာ ဖြစ်ပါတယ်။”

မစ္စတာ ဘန်ကီမွန်းအနေနဲ့ သူ့ရဲ့အတွင်းရေးမှူးချုပ် သက်တမ်းအတွင်း မြန်မာနိုင်ငံကို နာဂစ်တိုက်ခိုက်စဉ် ၂၀၀၈ ခုနှစ်က တခါ သွားရောက်ခဲ့ပြီး ၂၀၁၂ ခုနှစ်မှာ တခါ သွားရောက်ခဲ့တာလည်း ဖြစ်ပါတယ်။ ဒါ့အပြင် မြန်မာနိုင်ငံအရေးနဲ့ ပတ်သက်လို့ ကူညီဆောင်ရွက်ဖို့ အထူးအကြံပေးပုဂ္ဂိုလ် မစ္စတာ ဗွီဂျေ နမ်ဘီးယားကို  ၂၀၁၀ က ခန့်အပ်ခဲ့ပြီး မြန်မာနိုင်ငံ အပစ်အခတ်ရပ်စဲရေးနဲ့ ပတ်သက်လို့ ဆွေးနွေးပွဲတွေကို လေ့လာသူအဖြစ် တက်ရောက်စေခဲ့သလို၊ ရခိုင်ပြည်နယ်ရှိ ရိုဟင်ဂျာတွေအရေးနဲ့ ကချင်ပြည်နယ် ဒုက္ခသည်အရေး စသည်တို့မှာလည်း ပါဝင် ဆောင်ရွက်ခဲ့ဖို့ မြန်မာနိုင်ငံကို မကြာခဏ စေလွှတ်ခဲ့တာလည်း ဖြစ်ပါတယ်။

တချိန်တည်းမှာပဲ ကုလသမဂ္ဂအနေနဲ့ မြန်မာနိုင်ငံဆိုင်ရာ လူ့အခွင့်အရေးအခြေအနေနဲ့ ပတ်သက်လို့ လက်ရှိ အထွေထွေ ညီလာခံကြီးရဲ့ တတိယကော်မတီက ကန့်ကွက်မဲမရှိဘဲ နိုဝင်ဘာလ ၁၈ ရက်နေ့က အဆိုပြုချက်မူကြမ်းကို အတည်ပြုပေးခဲ့တာလည်း ဖြစ်ပါတယ်။ အဲဒီ အတည်ပြုခဲ့တဲ့ မူကြမ်းမှာ ပြီးခဲ့တဲ့ ရွေးကောက်ပွဲမှာ အပြတ်အသတ် အနိုင်ရရှိခဲ့တဲ့ ဒေါ်အောင်ဆန်းစုကြည် ဦးဆောင်တဲ့ အမျိုးသားဒီမိုကရေစီအဖွဲ့ချုပ်က ၂၀၁၆ မှာ အစိုးရသစ်အဖြစ် တက်လာရေးအတွက် လက်ရှိ သမ္မတ ဦးသိန်းစိန်အစိုးရအနေနဲ့ ချောမွေ့စွာ အာဏာလွှဲပြောင်းပေးဖို့အပြင် လူ့အခွင့်အရေးနဲ့ အခြေခံ လွတ်လပ်ခွင့်တွေအပြင် တရားဥပဒေစိုးမိုးရေးကိုလည်း လေးစားလိုက်နာဖို့ တိုက်တွန်းထားတာ တွေ့ရပါတယ်။

ဒါ့အပြင် ရခိုင်ပြည်နယ်ရှိ ရိုဟင်ဂျာတွေအရေးနဲ့ တခြားကိုးကွယ်တဲ့ ဘာသာဝင်တွေအပြင် တိုင်းရင်းသားလူနည်းစုတွေ ခွဲခြားဆက်ဆံ ခံနေရမှုအပေါ်မှာလည်း အလွန် စိုးရိမ်မကင်း ဖြစ်တဲ့အကြောင်း အဆိုပြုချက် မူကြမ်းမှာ ဖော်ပြထားတာ တွေ့ရပါတယ်။ တချိန်တည်းမှာပဲ တိုင်းရင်းသားလက်နက်ကိုင် ၈ ဖွဲ့နဲ့ မြန်မာအစိုးရကြား အပစ်ရပ် သဘောတူညီမှု ချုပ်ဆိုနိုင်ခဲ့တာကို ကြိုဆိုလိုက်ပေမဲ့ အဲဒီကတဆင့် တခြား လက်မှတ်ရေးထိုးထားခြင်း မရှိတဲ့ အဖွဲ့တွေနဲ့လည်း ဆက်လက် ဆွေးနွေးသွားဖို့ တိုက်တွန်းထားပါတယ်။ မြန်မာနိုင်ငံမှာ လူ့အခွင့်အရေးဆိုင်ရာ မဟာမင်းကြီးရုံး ဖွင့်ခွင့်ကိုလည်း အဆိုပြုချက်မှာ တိုက်တွန်းထားသလို၊ ကုလသမဂ္ဂအနေနဲ့ မြန်မာနိုင်ငံမှာ ၂၀၁၆ အတွက် ဆက်လက် ကူညီဆောင်ရွက်ရာမှာ ဒေါ်လာ ၁ သန်းကျော် လျာထားဖို့ကိုလည်း ဖော်ပြထားတာ တွေ့ရပါတယ်။ ဒီအဆိုပြုချက်ကိုလည်း အခုလအတွင်း အထွေထွေ ညီလာခံကြီးက အတည်ပြုပေးရမှာ ဖြစ်ပါတယ်။

၂၀၀၇ ခုကစလို့ ကုလသမဂ္ဂ အတွင်းရေးမှူးချုပ်ရာထူးကို စတင် ထမ်းဆောင်ခဲ့သူ မစ္စတာ ဘန်ကီမွန်းအနေနဲ့ ဒီနှစ်အတွင်း ကုလသမဂ္ဂ က ရရှိခဲ့တဲ့ အောင်မြင်မှုတွေကို ထောက်ပြခဲ့ရာမှာ အရေးကြီးဆုံးကတော့ ရာသီဥတုပြောင်းလဲမှုနဲ့ ပတ်သက်လို့ ပဲရစ်မှာရရှိခဲ့တဲ့ နိုင်ငံတကာ သဘောတူညီမှုပဲ ဖြစ်ပါတယ်။ ဒီနှစ်အတွက် ကမ္ဘာကြီးအနေနဲ့ အဆိုးရွားဆုံး ရင်ဆိုင်ခဲ့ရတဲ့ အချက်တွေအနက် တခုကတော့ ဆီးရီးယားပဋိပက္ခကြောင့် ဒုက္ခသည်တွေ ဒီနှစ်အတွင်း တိုးလာတဲ့ အခြေအနေတွေနဲ့ IS, ဘိုကိုဟာရမ်း၊ အယ်ရှာဘတ် အစရှိတဲ့ အကြမ်းဖက်အုပ်စုတွေရဲ့ ခြိမ်းခြောက်မှုတွေပင် ဖြစ်ပါတယ်။

မစ္စတာ ဘန်ကီမွန်းအနေနဲ့ ၂၀၁၆ နှစ်ကုန်ပိုင်းမှာ ရာထူးသက်တမ်း ကုန်ဆုံးမှာ ဖြစ်တဲ့အတွက်ကြောင့်လည်း ၂၀၁၇ ခုနှစ်ကျရင် သူ့ရဲ့နေရာမှာ အစားထိုး ခန့်အပ်နိုင်ဖို့အတွက်လည်း ကုလသမဂ္ဂအနေနဲ့ အရည်အချင်း ပြည့်မီသူတွေကို အင်္ဂါနေ့ကပဲ လျှောက်လွှာ စတင်ခေါ်ယူနေပြီ ဖြစ်ပါတယ်။


ဒေါ်လှလှသန်း / ဗွီအိုအေ (မြန်မာပိုင်း)

မောင်းမကန်ကမ်းခြေအနီး မြေကွက် ရိုက်ရောင်းချမှု ဒေသခံတွေ ဆန္ဒပြကန့်ကွက်

တနသာင်္ရီတိုင်းဒေသကြီး ထားဝယ်ခရိုင် လောင်းလုံမြို့နယ်က မောင်းမကန်ကမ်းခြေအနီးမှာရှိတဲ့ မြေလွတ်မြေ ရိုင်းတွေကို  ထားဝယ်ဖွံ့ဖြိုးတိုးတက်ရေး အများပိုင်ကုမ္ပဏီ DDPC က မြေကွက်ရိုက်ပြီး ရောင်းချနေတာကို ဒေသခံ ၃၀၀ ကျော်က ဒီနေ့ ကန့်ကွက်ဆန္ဒပြကြပါတယ်။

DDPC ကုမ္ပဏီက မြေလွတ်မြေရိုင်း ဧက ၂၅၀ ကျော်ကို လုပ်ပိုင်ခွင့်မရဘဲ မြေကွက်ရိုက်ပြီး ရောင်းချနေ တာ ဖြစ်တယ်လို့ ဆန္ဒပြရာမှာ ပါဝင်တဲ့ မောင်းမကန်ကျေးရွာသား ကိုနိုင်နိုင်ဝင်းက ပြောပါတယ်။
"ဒေသခံတွေက အကြိမ်ကြိမ်လက်မှတ်ထိုးပြီး ကန့်ကွက်ထားတာများကြီးရှိတယ်၊ ကန့်ကွက်ထားတာလည်း အပိုပဲ၊ ၂၅၄ ဧက လုပ်ပိုင်ခွင့်မရဘဲ အဲ့အကွက်တွေ ရောင်းနေတာပေါ့နော်"
အဲဒီမြေလွတ်မြေရိုင်းတွေမှာ မောင်းမကန်ရွာခံတွေက အုန်းခြံ၊ ရာဘာခြံနဲ့ သီဟိုဠ်ခြံတွေ စိုက်ပျိုးလုပ်ကိုင်နေ တာဖြစ်တယ်လို့လည်း သိရပါတယ်။
ဆန္ဒပြသူတွေဟာ မောင်းမကန်ကမ်းခြေအနီးမှာရှိတဲ့ DDPC ကုမ္ပဏီရှေ့မှာ  တရားဝင်မြေယာ လုပ်ပိုင်ခွင့်ရရှိဖို့၊ ဒေသအတွက်  အကျိုးမပြုတဲ့ ကုမ္ပဏီတွေကို အလိုမရှိကြောင်း စာသားပါ ပိုစတာတွေ ကိုင်ဆောင်ပြီး ဆန္ဒပြတောင်းဆိုခဲ့တာဖြစ်ပါတယ်။
RFA

မူးယစ်ဆေးဝါးမှုမှာ စသုံးလုံးအရာရှိတွေနဲ့ တိုင်းရင်းသား လက်နက်ကိုင်အဖွဲ့တွေ ပါဝင်နေ

ရှမ်းပြည်နယ် တောင်ကြီး၊ တာချီလိတ်နဲ့ ပင်လောင်းမြို့နယ်တွေမှာ ငွေကျပ်သိန်းပေါင်း တစ်သိန်း နှစ်သောင်း နီးပါး တန်ဖိုးရှိတဲ့ မူးယစ်ဆေးဝါး ဖမ်းဆီးရမိမှုမှာ အထူးစုံစမ်း စစ်ဆေးရေး (စ သုံးလုံး) အဖွဲ့က အရာရှိတချို့ ပါဝင်နေပြီး အဲဒီအမှုမှာ အဓိက ပါဝင်ပတ်သက်သူတွေ လွတ်မြောက်နေဆဲဖြစ်တယ်လို့ နေပြည်တော် မူးယစ်ဆေးဝါး တားဆီးနှိမ်နင်းရေးဌာန တာဝန်ရှိသူက ပြောပါတယ်။
အဲဒီအမှုနဲ့ပတ်သက်သူ ၇ဦးကို ဖမ်းဆီး စစ်ဆေးနေတယ်လို့  မြန်မာနိုင်ငံရဲတပ်ဖွဲ့က မူးယစ်ဆေးဝါး တားဆီးနှိမ်နှင်းရေး ဌာနမှူး ရဲမှူးကြီး ရွှေညာမောင်က ပြောပါတယ်။
"ကျနော်တို့ အရေးယူထားတာ အနည်းဆုံး ၇ ယောက်ရှိပြီပေါ့နော်၊ ပိုင်ရှင်ရဲ့ တာချီလိတ်က သူ့နေအိမ်ကို ဝင်ရောက်ရှာဖွေတာရှိတယ်၊ မူးယစ်ဆေးဝါးနဲ့ ပတ်သက်လို့ ဘိန်းဖြူဘလောက်တုံး တစ်တုံးရယ် နောက်ကျန်တဲ့ မူးယစ်ဆေးဝါးရောင်းချပြီးတော့ ရတယ်လို့ယူဆရတဲ့ ဘတ်ငွေ ၂၅ သိန်းရယ်၊ ကျန်တဲ့ဆက်စပ်ပစ္စည်းတွေ ကျနော်တို့ သိမ်းထားပါတယ်၊ လူကထွက်ပြေးတိမ်းရှောင်နေပါတယ်"
ဒါ့အပြင် အမှုနဲ့ အဓိကပတ်သက်တဲ့ ထွက်ပြေးလွတ်မြောက်နေသူဟာ လက်နက်ကိုင်အဖွဲ့အစည်းတစ်ခု ကဖြစ်ကြောင်း ဖမ်းဆီးရမိထားသူတွေက ထွက်ဆိုထားတယ်လို့လည်း ရဲမှူးကြီး ရွှေညာမောင်က ပြောပါတယ်။
လက်ရှိ ဖမ်းဆီးခံထားရသူ ၇ဦးထဲမှာ ရှမ်းပြည်နယ်နဲ့ နေပြည်တော်က စသုံးလုံး အရာရှိ ၂ ယောက် ပါဝင်ပါတယ်။
ပြီးခဲ့တဲ့ နိုဝင်ဘာလ ၂၁ ရက်နေ့က ရှမ်းပြည်နယ် မူးယစ်တပ်ဖွဲ့စု (၂၆) ပင်လောင်း တပ်ဖွဲ့က စသုံးလုံးအရာရှိ သူရ၀င်း မောင်းနှင်းလာတဲ့ မော်တော်ကားကို ရှာဖွေရာမှာ ဘိန်းညိုမှုန့် ၄၈၂ ကီလို၊ ပွိုင့် ၂၂ ပစ္စတိုသေနတ် တစ်လက်နဲ့ ကျည် ထောင့် ၁၃ ထောင့်တို့ကို ဖမ်းဆီးရမိခဲ့တာ ဖြစ်ပါတယ်။
ပြီးခဲ့တဲ့ရက်ပိုင်းက ကုလသမဂ္ဂ မူးယစ်ဆေးဝါးနဲ့ ရာဇဝတ်မှု တိုက်ဖျက်ရေးဌာန UNODC က ထုတ်ပြန်တဲ့ ဘိန်းစိုက်ပျိုးထုတ်လုပ်မှုစစ်တမ်းမှာ မြန်မာနိုင်ငံဟာ ဘိန်းထုတ်လုပ်မှု ဒုတိယ အများဆုံးဖြစ်တယ် လို့ ဖော်ပြထားပါတယ်။
RFA

သာသနာ ညှိုးနွမ်းစေမှု၊ သစ်မှုနှင့် ကျောက်မျက်မှုတို့ဖြင့် တရားစွဲဆို ခံထားရသော ရေပူကျောင်း ဆရာတော်အား ပြင်ဦးလွင်မြို့နယ် တရားသူကြီး ဒေါ်သီတာမျိုးသန့်က သစ်တောဥပဒေ ပုဒ်မ ၄၂ (ခ) ဖြင့် စွဲချက်တင် အမိန့်ချ

Wed, 12/16/2015 - 21:11

ဒီဇင်ဘာ ၁၆ ရက် ရုံးချိန်းတွင် သစ်တော ဥပဒေပုဒ်မ ၄၂ (ခ) ဖြင့် စွဲချက်တင် အမိန့်ချမှတ်ခံခဲ့ရသော ရေပူဆရာတော်က ရှင်းလင်းဖြေကြားနေစဉ် (ဓာတ်ပုံ-အောင်သူ)

သစ်မှု၊ သာသနာ ညှိုးနွမ်းစေမှုနှင့် ကျောက်မျက်မှုတို့ဖြင့် တရားစွဲဆို ဖမ်းဆီး ထိန်းသိမ်းခံထားရသော မိုးကုတ်မြို့ ရေပူကျောင်း ဆရာတော်အား သစ်တောဥပဒေ ပုဒ်မ ၄၂ (ခ) ဖြင့် ပြင်ဦးလွင်မြို့နယ် တရားရုံးမှ မြို့နယ်တရားသူကြီး ဒေါ်သီတာမျိုးသန့်က ဒီဇင်ဘာ ၁၆ ရက်တွင် စွဲချက်တင် အမိန့်ချလိုက်ကြောင်း သိရသည်။

ယင်းပုဒ်မ သုံးခုဖြင့် တရားရင်ဆိုင်နေရသော ရေပူကျောင်း ဆရာတော်အား ဒီဇင်ဘာ ၁၆ ရက်က ကျောက်မျက်မှုနှင့် ပတ်သက်၍ ပြင်ဦးလွင်ခရိုင် တရားရုံးတွင် ရုံးထုတ်ခဲ့ရာ စစ်ဆေးမှု တစ်စုံတစ်ရာ မရှိဘဲ ရုံးချိန်းရက်ယူရုံသာ ပြုလုပ်ခဲ့ပြီး သစ်တောမှုနှင့် သာသနာ ညှိုးနွမ်းစေမှု ပုဒ်မများအတွက် ပြင်ဦးလွင်မြို့နယ် တရားရုံးတွင် ရုံးထုတ်ခဲ့ရာ ရေပူဆရာတော်ကို မြို့နယ် တရားသူကြီးက သစ်မှုနှင့် စွဲချက်တင် အမိန့်ချခဲ့သည်။
မြို့နယ် တရားသူကြီးမှ စွဲချက်တင် အမိန့်ချလိုက်ကြောင်း ပြောကြားခြင်းနှင့် အတူ အပြစ်ရှိသလား၊ အပြစ်မရှိဘူးလားဟု ရေပူဆရာတော်ကို မေးမြန်းရာ ဆရာတော်က “လုံးဝ အပြစ်မရှိပါဘူး” ဟု ပြန်လည်ဖြေကြားခဲ့ပြီး ဆရာတော်က သစ်မှုနှင့် ပတ်သက်၍ စစ်ဆေးပြီးခဲ့သော တရားလိုပြ သက်သေများအနက် မိုးကုတ်မြို့နယ် သစ်တောဦးစီး ဦးအောင်လွင်နှင့် မြို့နယ်ဒုရဲမှူး ဦးသိန်းဝင်းတို့အား ပြန်ခေါ်သက်သေအဖြစ် ပြန်လည် စစ်ဆေးခွင့်ပြုရန် တရားရုံးတော်သို့ လျှောက်ထားခဲ့ကြောင်း သိရသည်။

“သစ်မှုနဲ့ ဆရာတော်ကို တရားရုံးတော်က အပြစ်ရှိတယ်လို့ စွဲချက်တင်တဲ့အပေါ် ဆရာတော် အနေနဲ့ အပြစ်မရှိဘူးဆိုတဲ့ အကြောင်း ပြန်လည်ခုခံ ချေပသွားမယ့် အခြေအနေကို ရောက်နေပါပြီ။ သာသနာ ညှိုးနွမ်းစေမှုကို အမှုတွဲ ချေဖျက်ပေးဖို့နဲ့ ကျောက်မျက်မှု ရုံးပြောင်းစစ်ဆေးဖို့ကို မန္တလေးတိုင်း တရားလွှတ်တော်မှာ တင်ပြထားမှုကလည်း နှစ်ဖက်ကြားနာဖို့ပဲ ကျန်တော့တယ်” ဟု ရေပူဆရာတော်၏ အကျိုးတော်ဆောင် တရားလွှတ်တော် ရှေ့နေ ဒေါ်မြနီလာစိုးက ပြောကြားသည်။

မန္တလေးတိုင်းဒေသကြီး မိုးကုတ်မြို့ရှိ ရေပူကျောင်း ဆရာတော်သည် ကျောင်းဝင်းအတွင်းရှိ ရှေးဟောင်းစေတီ ဘုရားများကို ရှင်းလင်း၍ ဓာတ်ပေါင်းစုစေတီတစ်ဆူ တည်ထားကိုးကွယ်ရန် မြေညှိရှင်းလင်းခြင်းတို့ ဆောင်ရွက်ရာမှ တရားမ၀င် ကျောက်မျက်တူးဖော်သည်ဟုဆိုကာ ကျောက်မျက်ဌာနမှ အမှုဖွင့် တရားစွဲဆိုခဲ့ပြီး သာသနာ ညှိုးနွမ်းစေသည်ဟုဆိုကာ စေတီဟောင်းများ၏ အလှူ ရှင်ဟု ဆိုသူ ဦးဖေစိန်မှ တရားစွဲဆိုခဲ့ကြောင်း၊ ယင်းအမှု နှစ်ခုအပြင် ဆရာတော်၏ ကျောင်းဝင်းအတွင်း ကျောင်းဆောက်လုပ်ရန် ၀ယ်ယူ စုဆောင်းထားသည့် သစ်များနှင့် ပတ်သက်၍ သစ်တောဌာနမှ သစ်တောဥပဒေ ပုဒ်မဖြင့် အမှုဖွင့် တရားစွဲဆိုခဲ့ခြင်းဖြစ်သည်။

ဒီဇင်ဘာ ၁၆ ရက် ရုံးချိန်းတွင် သစ်တောဥပဒေပုဒ်မ ၄၂ (ခ) ဖြင့် စွဲချက်တင် အမိန့်ချမှတ်ခံခဲ့ရသော ရေပူဆရာတော်ကို တွေ့ရစဉ်  (ဓာတ်ပုံ-အောင်သူ)
အဆိုပါ အမှုသုံးခုဖြင့် ဇွန် ၉ ရက် ညပိုင်းက ဆရာတော်အား လူဝတ်လဲ၍ ၀င်ရောက် ဖမ်းဆီးခဲ့ပြီး စေတီများ ဖြိုဖျက်မှုနှင့် ပတ်သက်၍ (ပ)၆၄/၂၀၁၅ ပြစ်မှုပုဒ်မ ၂၉၅ ဖြင့် လည်းကောင်း၊ မြေစာများအား ရေပိုက်များဖြင့် ထိုးပတ်မှုကို (ပ)၆၃/၂၀၁၅ မြန်မာ့ကျောက်မျက်ရတနာ ဥပဒေပုဒ်မ ၄၁ (က) (ခ)အရ လည်းကောင်း၊ သစ်စုပုံထားခြင်းနှင့် ပတ်သက်၍ သစ်တောပုဒ်မ ၄၂(ခ)ဖြင့် အမှုဖွင့် အရေးယူထားရှိရာ ဆရာတော် အနေဖြင့် တရားရင်ဆိုင်ခဲ့ရသည်မှာ ခြောက်လတာ ကြာမြင့်ခဲ့ပြီဖြစ်ကြောင်း၊ စေတီဟောင်းများ ရှင်းလင်းရာတွင် အသုံးပြုသည့် စက်ယန္တရားမောင်းသူ အရပ်သား လေးဦးမှာလည်း ဆရာတော်နှင့်အတူ သာသနာညိုးနွမ်းစေမှု၊ တရားမ၀င် ကျောက်မျက်တူးဖော်မှုတို့ဖြင့် တရားရင်ဆိုင်နေရကြောင်း သိရသည်။

ရေပူကျောင်း ဆရာတော်ကို ဇွန် ၂၃ ရက် နံနက်ပိုင်းက မိုးကုတ်မြို့နယ် တရားရုံးတွင် ပထမအကြိမ် ရုံးထုတ်မှု ပြုလုပ်ခဲ့ရာ ဒုတိယအကြိမ် ရုံးထုတ်မှုကို ဇူလိုင် ၇ ရက်က ပြင်ဦးလွင်ခရိုင် တရားရုံးသို့ စတင်ပြောင်းရွှေ့ ရုံးထုတ်ခဲ့ပြီး ယင်းနောက် ကျောက်မျက် ဥပဒေနှင့် ပတ်သက်၍ ပြင်ဦးလွင်ခရိုင် တရားရုံးတွင် လည်းကောင်း၊ သစ်စုပုံထားခြင်းနှင့် သာသနာ ညှိုနွမ်းစေမှုတို့ကို ပြင်ဦးလွင်မြို့နယ် တရားရုံးတွင် လည်းကောင်း နှစ်ရုံးခွဲကာ ရုံးထုတ်စစ်ဆေးလျက်ရှိကြောင်း သိရသည်။

စွဲဆိုထားသည့် ပုဒ်မသုံးခုအနက် ကျောက်မျက်မှုနှင့် ပတ်သက်၍ လာမည့် ဒီဇင်ဘာ ၃၀ ရက်တွင် ပြင်ဦးလွင်ခရိုင် တရားရုံး၌ ဆက်လက်ရုံးထုတ်သွားမည်ဖြစ်ပြီး သစ်မှုနှင့် သာသနာ ညှိုးနွမ်းစေမှုအတွက် ပြင်ဦးလွင်မြို့နယ် တရားရုံးတွင် ဒီဇင်ဘာ ၂၃ ရက်တွင် ထပ်မံရုံးထုတ် စစ်ဆေးသွားမည်ဖြစ်ကြောင်း သိရသည်။

ယခင်က ရေပူကျောင်း ဆရာတော်ကို မိုးကုတ်မြို့ တောင်ကချင်ရပ်ရှိ အချုပ်ထောင်တွင် ထားရှိရာမှ ဇူလိုင် ၂ ရက်တွင် ပြင်ဦးလွင်သို့ ပြောင်းရွှေ့ခဲ့ပြီး ဇူလိုင် ၇ ရက်မှ စတင်၍ ယနေ့အချိန်ထိ မန္တလေးအိုးဘို အကျဉ်းထောင်သို့ ပြောင်းရွှေ့ထားရှိကြောင်း သိရသည်။
EMG

ကမ်းခြေမြေကွက်များ အကွက်ရိုက် ရောင်းသည့် ထားဝယ်အများပိုင်ကို ဒေသခံများ ဆန္ဒပြ

 ထားဝယ်၊ ဒီဇင်ဘာ ၁၆

ထားဝယ်ခရိုင်၊ လောင်းလုံးမြို့ နယ်၊ မောင်းမကန်ကမ်းခြေရှိ မြေကွက်များအား အကွက်ရိုက် ရောင်းချလာခြင်းကြောင့် ထား
ဝယ်ဖွံ့ဖြိုးတိုးတက်ရေး အများပိုင်ကုမ္ပဏီ(DDPC) အား ကန့်ကွက်သည့် ဆန္ဒထုတ်ဖော်ပွဲကို ဒီဇင်ဘာလ ၁၅ရက်က ပြု လုပ်ခဲ့သည်။

ယင်းဟိုတယ်ဇုန် စီမံကိန်းအတွက် မောင်းမကန်ကမ်းခြေမြေများအား အသုံးပြုခွင့်ရရှိရန်  DDPC ကုမ္ပဏီက လျှောက်ထားစဉ်က ဒေသခံများက အကြိမ်ကြိမ် ကန့်ကွက်နေသော်လည်း DDPC ကုမ္ပဏီက မြေကွက်ရိုက်ကာ ရောင်းချခဲ့ခြင်းကြောင့် ဆန္ဒထုတ် ဖော်ရခြင်း ဖြစ်ကြောင်း ဆန္ဒပြခေါင်းဆောင်များက ပြောသည်။

"ဟိုတယ်ဇုန် စီမံကိန်း အကောင်အထည် မဖော်ဘဲနဲ့ မြေယာ တလွှဲအသုံးချနေသ၍ ကန့်ကွက်သွားမယ်"ဟု ဆန္ဒပြပွဲ ပြုလုပ်ရန် စီစဉ်ရာ၌ ဦးဆောင်ပါဝင်သူတစ်ဦးဖြစ်သော မောင်းမကန်ရွာခံ ဦးစိုးထိုက်က ဆိုသည်။

မောင်းမကန်ကမ်းခြေတွင် DDPC ကုမ္ပဏီက လုပ်ကိုင်ခွင့်ရရှိထားသော မြေဧရိယာ ၁၄၈ ဧကတွင် ထားဝယ်ဒေသခံ စီးပွားရေးလုပ်ငန်းရှင်များက ဘန်ဂလို လိုချင်သည်ဟု ပြောဆိုလာခြင်းကြောင့် (၈၀×၈၀) ပေ မြေကွက်တစ်ကွက်ကို သိန်း ၆၀၀ကျပ်ဖြင့် ကွက်ရိုက်ပေးခြင်းဖြစ်ကြောင်း DDPC ကုမ္ပဏီမှ အမှုဆောင်ဒါရိုက်တာ ဦးလေပြေအေးက ပြောဆိုသည်။

ကျပ်သိန်း ၆၀၀ သတ်မှတ်ထားခြင်းသည် ယင်းနေရာတွင် လမ်း၊ သစ်ပင်၊ ရေ၊ ရေကူးကန်၊ မီး၊မီးကြိုးများ သွယ်တန်းနိုင်ရန် အတွက် သတ်မှတ်ထားခြင်းဖြစ်ပြီး ရောင်းသည်ဟု အမှတ်မမှားစေချင်ဟု ဦးလေပြေအေးက ဆိုသည်။

“သူတို့ ပြောသလို ရောင်းစားချင်တဲ့ စိတ်တစ်ခုတည်းနဲ့ဆို ဒေသခံတွေကိုမဟုတ်ဘဲ တခြားနေရာက လူတွေကို ရောင်းမှာပေါ့။ အဲလိုဆို ပိုရတာပေါ့”ဟု ဦးလေပြေအေးက ဆိုသည်။

သို့သော် ဒေသခံများဘက်က သုံးသည့် ရောင်းချခြင်းနှင့် ကုမ္ပဏီဘက်က ပြောသည့် ပိုက်ဆံကောက်ခြင်းဟူသည့် အသုံးနှင့် ပတ်သက်ပြီး ရှင်းရှင်းလင်းလင်း မရှိ ဖြစ်နေသည်။

၂၀၁၂ ခုနှစ်တွင် DDPC ကုမ္ပဏီက မောင်းမကန်ကမ်းခြေတွင် ဟိုတယ်ဇုန်စီမံကိန်း ဖော်ဆောင်ရန် မြေဧရိယာ ၁၄၈.၄၀ဧက ကို
မြေယာအသုံးပြုခွင့်ရရှိပြီး ၂၀၁၅ခုနှစ် ဇွန်လတွင် ယင်းမြေနှင့် တဆက်စပ်တည်း မြေ ၂၅၄.၈၀ဧကကို ထပ်မံ၍ မြေယာ အသုံးပြု ခွင့် ရရှိရန် လျှောက်ထားသည်ဟု ဒေသခံများထံမှ သိရသည်။

ယင်းဟိုတယ်ဇုန် စီမံကိန်းပြုလုပ်မည့် နေရာတွင် ကနဦး DDPC ကုမ္ပဏီက ၀င်းခြံရိုးကာရံလိုက်ခြင်းကြောင့် ခြံစည်းရိုးအတွင်းရှိ
သီဟိုပင်များမှ သီဟိုသီးများနှင့် သားငါး၊ပုဇွန်၊ကဏန်း စသည့်ရေနေသတ္တ၀ါများ ၀င်ရောက်ရှာဖွေရန် အခက်အခဲ့ကြုံ တွေ့ရပြီး ပင်လယ်ကမ်းခြေသို့သွားသည့် ဖြတ်လမ်း ပိတ်ဆိုခံခဲ့ရကြောင်း မောင်းမကန်ကျေးရွာအုပ်စု၊ ကဗီးနှစ်ပင်ရွာမှ ဒေသခံများက ပြောဆိုသည်။

မောင်မကန်ကျေးရွာရှိ အိမ်ယာဥယျာခြံမြေများသည် သစ်တောကြိုးဝိုင်း/ကြိုးပြင်ကာကွယ်တော ဧရိယာအတွင်း ကျရောက် လျှက်ရှိသည်ကို တနင်္သာရီတိုင်းဒေသကြီးအစိုးရအဖွဲ့နှင့် သက်ဆိုင်ရာဌာနများသို့ အကြိမ်ကြိမ်တင်ပြခဲ့သော်လည်း မျက် ကွယ်ပြုထားခဲ့သည်ဟု မောင်မကန်ဒေသခံများက ပြောဆိုသည်။

"ကြိုးပြင်ကာကွယ်တောက လွှတ်ပေးတယ်၊ မြေယာပိုင်ဆိုင်ခွင့်တွေ လုပ်ပေးမယ်ဆိုရင် စောင့်ကြည့်ရမယ်၊ လုပ်ဆောင်ချက် တွေကြည့်ပြီးမှ ပြ(ဆန္ဒပြ)သင့်ရင် ပြန်ပြမယ်"ဟု ဆန္ဒပြခေါင်းဆောင်တစ်ဦးဖြစ်သူ ဦးဇော်ဝင်းက ဆိုသည်။

ဟိုတယ်ဇုန်ဆောက်မည့်မြေနရာတွင် လက်ရှိအချိန်တွင် ဘန်ကလိုများသာ တည်ဆောက်ပြီးစီးကာ ယင်းဘန်ကလိုများကို ကုမ္ပဏီက မလုပ်ကိုင်ပဲ အခြားသူများအား ဌားရမ်းထားကြောင်း မောင်းမကန်ဒေသခံများက ပြောဆိုသည်။

ဆန္ဒထုတ်ဖော်သူ ၃၀၀ဦးကျော်က တရားဝင်မြေယာပိုင်ဆိုင်ခွင့်ရရှိရေး -ဒို့အရေး၊ ဒေသအကျိုးမပြု ကိုယ်ကျိုးစီးပွားရှာ ကုမ္ပဏီ များ-အလိုမရှိ၊ လူတစ်စုကောင်းစားရေးလုပ်ငန်းများ - အလိုမရှိဟု ကြွေးကြော်ပြီး အများပြည်သူနှင့် သက်ဆိုင်သော မြေများကို ရောင်းစားသည့်ကုမ္ပဏီအလိုမရှိဟု ကြွေးကြော်ကာ မောင်းမကန်ကျေးရွာ အခြေခံပညာအလယ်တန်း ကျောင်းဟောင်းနေရာမှ DDPC ကုမ္ပဏီခြံထိပ်သို့  ချီတက်ခဲ့သည်ဟု သိရသည်။

ဆက်လက်၍ ဆန္ဒထုတ်ဖော်သူများက ဖွံ့ဖြိုးရေးအကြောင်းပြ ကိုယ်ကျိုးစီးပွားမရှာပါနှင့်၊ ဒေသခံအကျိုးကို မျက်ကွယ်ပြု သော
လူတစ်စုကောင်းစားရေး လုပ်ငန်းများ ချက်ချင်းရပ်၊ ဒေသခံများ၏ တရားဝင်မြေယာပိုင်ဆိုင်မှုဆောင်ရွက်ပေး စသည့် ဆိုင်ဘုတ်များကို ကိုင်ဆောင်၍ ဆန္ဒထုတ်ဖော်ခဲ့ကြသည်ဟု သိရသည်။

 သတင်း- |Dawei Watch|

ဓာတ်ပုံ - Than Swe (Facebook)

ပညာရေးကို အသုံးပြုပြီး အစွန်းရောက်မှု တိုက်ဖျက်ရန် မာလာလာ တိုက်တွန်း

နိုဘယ်လ်ဆုရှင် ဆယ်ကျော်သက်မိန်းကလေး မာလာလာ ယူဆဲ့ဖ်ဇိုင် (Malala Yousafzai) က အစွန်းရောက်မှု တိုက်ဖျက်ရေးအတွက် ပညာရေးကို အသုံးပြုဖို့ ပါကစ္စတန် အစိုးရကို ဒီဇင်ဘာ ၁၅ ရက်နေ့က တိုက်တွန်းလိုက်ပါတယ်။
အင်္ဂလန်က ဘာမင်ဟမ်မှာ ကျင်းပတဲ့ ပွဲတခုအတွင်း မိန့်ခွန်းပြောရင်း ပါကစ္စတန်နိုင်ငံ ပက်ရ်ှဝါမြို့က တပ်တွင်းကျောင်းကို တာလီဘန် စစ်သွေးကြွတွေ တိုက်ခိုက်မှု တနှစ်ပြည့် နှစ်ပတ်လည်နေ့နဲ့ တိုက်ဆိုင်ပြီး ခုလို တိုက်တွန်းလိုက်တာပါ။
တပ်တွင်းကျောင်း ပစ်ခတ်မှုအတွင်း ခါးရိုးကို ကျည်ဆံထိမှန်ခဲ့တဲ့ အသက် ၁၄ နှစ်အရွယ် ယောက်ျားလေးက အခင်းဖြစ်ပုံ ပြန်ရှင်းပြတာကို မာလာလာက နားထောင်ခဲ့ပါတယ်။
တိုက်ခိုက်မှုဖြစ်ချိန်က အဆောက်အဦအတွင်းမှာ အသက် ၁၀ နှစ်ကနေ ၂၀ ကြား ကျောင်းသား အနည်းဆုံး အယောက် ၅၀၀ ရှိနေခဲ့တာပါ။
တာလီဘန်တွေနဲ့ ပါကစ္စတန် စစ်တပ်တို့ကြား အပြန်အလှန် ပစ်ခတ်နေတုန်း စစ်သွေးကြွ အနည်းဆုံး ၃ ဦးက သူတို့ကိုယ်သူတို့ ဖောက်ခွဲခဲ့ကြပါတယ်။
အာမဒ်နဝပ်ဇ်က သေနတ်နဲ့ အပစ်ခံရလို့ သေချင်ယောင်ဆောင်ခဲ့ပြီး သူ့ဆရာကို စစ်သွေးကြွတွေက အရှင်လတ်လတ် မီးရှို့သတ်တာ ကြည့်ခဲ့ရတယ်လို့ ဆိုပါတယ်။
ဒါ့အပြင် သူ့ရဲ့ညီလည်း ဒီတိုက်ခိုက်မှုအတွင်း သေဆုံးခဲ့တာပါ။
သူကလည်း ပညာရေးဟာ အလားတူ မတော်တဆမှုတွေကို တားနိုင်တဲ့ အဓိကအချက် ဖြစ်နိုင်တယ်လို့ ပြောပါတယ်။
ဒီတိုက်ခိုက်မှုတွေဟာ ပါကစ္စတန်ကို အမြဲတမ်း ပြောင်းလဲသွားစေတယ်၊ နိုင်ငံရေး ခေါင်းဆောင်တွေ စည်းလုံးသွားတယ်၊ ဒါပေမယ့် အနာဂတ် မျိုးဆက်သစ်တွေရဲ့ ပညာရေးကို သူတို့ မေ့နေခဲ့ကြတယ်၊ စစ်ရေးအရ အရေးယူမှုကို သူတို့ သဘောတူခဲ့ပေမယ့် အမုန်းတရား အကြမ်းဖက်မှုနဲ့ အစွန်းရောက်မှု တိုက်ဖျက်ရေး အနာဂတ် မျိုးဆက်သစ်တွေကို ပညာပေးဖို့ လိုတယ်ဆိုတာ ဘယ်သူကမှ ရည်ညွှန်းမပြောခဲ့ကြဘူးလို့ မာလာလာက ပြောပါတယ်။
ပါကစ္စတန် ခေတ်သစ်သမိုင်းမှာ အဆိုးရွားဆုံး တိုက်ခိုက်မှုတွေထဲက တခုဖြစ်တဲ့ ပက်ရ်ှဝါ တပ်တွင်းကျောင်း တိုက်ခိုက်မှုကြောင့် ကလေး ၁၃၄ ဦး အပါအဝင် လူအယောက် ၁၄၀ ကျော် သေဆုံးခဲ့ပါတယ်။
DVB

ရဲတပ်ဖွဲ့အတွက် စစ်တပ်အကူအညီနှင့် ခေတ်မီလက်နက်တပ်ပေးထားဟုဆို

မြန်မာနိုင်ငံရဲတပ်ဖွဲ့တွင် အသုံးပြုဖို့အတွက် စစ်တပ်အကူအညီနဲ့ ခေတ်မီလက်နက်များ တပ်ဆင်ပေးထားသလို ဆက်လက်တပ်ဆင်ဖို့ လုပ်ဆောင်နေတယ်လို့ ပြည်ထဲရေး ဒုဝန်ကြီး ဗိုလ်မှူးချုပ်ကျော်ကျော်ထွန်းက ဒီနေ့ကျင်းပတဲ့ ပြည်သူ့လွှတ်တော်မှာ ပြောကြား လိုက်ပါတယ်။
ဒီဇင်ဘာလ ၁၆ ရက်နေ့ ကျင်းပတဲ့ ပြည်သူ့လွှတ်တော် အစည်းအဝေးမှာ ရွှေပြည်သာ မဲဆန္ဒနယ်က ဦးတင်မောင်ဦးက မြန်မာနိုင်ငံ ရဲတပ်ဖွဲ့ဝင်များ လက်နက်တပ်ဆင်ကိုင်ဆောင် အသုံးပြုခွင့်ကို ဥပဒေ၊ နည်းဥပဒေများနှင့် ခေတ်မီလက်နက် တပ်ဆင်ပစ်ခတ် ဖမ်းဆီး အသုံးပြုခွင့် ပြု မပြု မေးမြန်းချက်ကို ပြန်လည်ဖြေကြားရာမှာ ဒုဝန်ကြီးက ခုလို ပြောကြားခဲ့တာ ဖြစ်ပါတယ်။
ဒုဝန်ကြီးက “မြန်မာနိုင်ငံရဲတပ်ဖွဲ့ ဖွဲ့စည်းပုံအရ ချေမှုန်းရေးလက်နက်နှင့် အဓိကရုဏ်း နှိမ်နင်းရေး လက်နက်များဟူ၍ ခွဲခြားသတ်မှတ်ထားပြီး ချေမှုန်းရေးလက်နက်များအား သောင်းကျန်းသူနယ်မြေများနှင့် အရေးကြီးတာဝန်ထမ်းဆောင်နေရသည့် တပ်ဖွဲ့များအတွက် တပ်မတော်၏ အကူအညီဖြင့် ခေတ်မီမောင်းပြန် လက်နက်များ တပ်ဆင်အသုံးပြု လျက်ရှိပါ ကြောင်း၊ ကျန်ဒေသများတွင် လက်ရှိကိုင်တွယ်အသုံးပြုလျက်ရှိသော ပစ္စတိုအုပ်စုဝင် ဖြစ်သည့် (.၃၈) ခြောက်လုံးပြူးလက်နက်များမှာ ခေတ်ဟောင်းလက်နက်များ ဖြစ်နေ၍ ခေတ်မီပစ္စတိုလက်နက်များနှင့် အစားထိုးတပ်ဆင် အသုံးပြုနိုင်ရေးအတွက် တပ်မတော်၏ အကူအညီဖြင့် တပ်ဆင်နိုင်ရေးစီစဉ်ဆောင်ရွက်လျက်ရှိကြောင်း” ပြောကြားခဲ့တာ ဖြစ်ပါတယ်။
ဒါ့အပြင် မြန်မာနိုင်ငံရဲတပ်ဖွဲ့ဝင်များအား လိုအပ်သည့် ခေတ်မီလက်နက်များ တပ်ဆင်အသုံးပြုခွင့် ပေးထား ပြီးဖြစ်တယ်လို့ ပြောသွားခဲ့ပါတယ်။
မကြာသေးခင်က ရန်ကုန်တိုင်း၊ သန်လျင်မြို့နယ်မှာ တရားခံပြေးသွားဖမ်းတဲ့ ရဲနှစ်ယောက် ဓားထိုးအသတ်ခံခဲ့ရပြီး မနေ့တနေ့ကလည်း ပျဉ်းမနားမြို့က ကာရာအိုကေတခုမှာ ရဲအုပ် ၃ ယောက် ၀ိုင်းရိုက်ခံခဲ့ရပါတယ်။
ဒီဖြစ်ရပ်တွေအရ မြန်မာနိုင်ငံက ရဲတပ်ဖွဲ့ဝင်တွေမှာ လုံလောက်တဲ့ ခေတ်မီလက်နက် တပ်ဆင်ပေးထားခြင်း မရှိဘူးလို့ အများက ဝေဖန်နေကြတာ ဖြစ်ပါတယ်။
DVB

တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးစာချုပ်ပါ နိုင်ငံရေးဆွေးနွေးမှုဆိုင်ရာ မူဘောင် သဘောတူညီချက်အား နိုင်ငံတော်သမ္မတထံ ပေးအပ်

Photo - MPC

ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) ၏ တတိယအကြိမ် စုံညီအစည်းဝေးတွင် အောင်မြင်စွာ အချောသတ်သဘောတူ ရေးဆွဲနိုင်ခဲ့သည့် နိုင်ငံရေးဆွေးနွေးမှုဆိုင်ရာမူဘောင်အား နိုင်ငံတော်သမ္မတထံသို့ ၂၀၁၅ ခုနှစ် ဒီဇင်ဘာလ ၁၆ ရက်တွင် နေပြည်တော် MICC2 ခန်းမ၌ ပေးအပ်ခဲ့သည်။

နိုင်ငံရေးဆွေးနွေးမှုဆိုင်ရာမူဘောင်အား နိုင်ငံတော်သမ္မတထံ ပေးအပ်သည့် အခမ်းအနားတွင် နိုင်ငံတော်သမ္မတဦးသိန်းစိန်မှ မိန့်ခွန်းပြောကြားခဲ့ပြီး၊ UPDJC ဥက္ကဌ၊ ဒုတိယသမ္မတ ဒေါက်တာစိုင်းမောက်ခမ်းမှ UPDJC လုပ်ငန်းဆောင်ရွက်မှုများနှင့် နိုင်ငံရေးဆွေးနွေးမှုဆိုင်ရာ မူဘောင်လုပ်ငန်း ဆောင်ရွက်မှုများကို ရှင်းလင်းတင်ပြခဲ့သည်။ အဆိုပါ တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ်ပါ နိုင်ငံရေးဆွေးနွေးမှုဆိုင်ရာ မူဘောင်သဘောတူညီချက်အား ပေးအပ်ခြင်းအခမ်းအနားတွင် နိုင်ငံတော်သမ္မတ၊ ဒုတိယသမ္မတအပါအ၀င် အစိုးရ၊တပ်မတော်နှင့် လွှတ်တော်မှ တာဝန်ရှိသူများ၊ တိုင်းရင်းသားလက်နက်ကိုင်အဖွဲ့အစည်းများမှ ခေါင်းဆောင်များ၊ နိုင်ငံရေးပါတီများမှ ခေါင်းဆောင်များနှင့် မြန်မာနိုင်ငံငြိမ်းချမ်းရေး ပြန်လည်ထူထောင်ရေး လုပ်ငန်းဗဟိုဌာန (MPC) မှ တာဝန်ရှိသူအသီးသီးမှ တက်ရောက်ခဲ့ကြသည်။

အဆိုပါ နိုင်ငံရေးဆွေးနွေးပွဲမူဘောင်အား အစိုးရ၊ လွှတ်တော်နှင့် တပ်မတော်တို့ပါဝင်သည့် အစုအဖွဲ့၊ တိုင်းရင်းသားလက်နက်ကိုင် အဖွဲ့အစည်းများ အစုအဖွဲ့နှင့် နိုင်ငံရေးပါတီများအစုအဖွဲ့ စသည့် ၁၆ ဦးကျစီပါဝင်သည့် အစုအဖွဲ့သုံးစုမှ ကိုယ်စားလှယ်များမှ ဆွေးနွေး သဘောတူညီခဲ့ကြခြင်းဖြစ်သည်။ NCA ကို အောက်တိုဘာ ၁၅ ရက်နေ့တွင် လက်မှတ်ရေးထိုးခဲ့သည့်အတွက် NCA Timeline အရ ဒီဇင်ဘာလ ၁၅ ရက်နေ့တွင် နိုင်ငံရေးမူဘောင်မူချောကို အပြီးသတ်ရေးဆွဲနိုင်ရမည်ဖြစ်ပြီး ၂၀၁၆ ခုနှစ်၊ ဇန်နဝါရီ ၁၅ ရက်နေ့ မတိုင်မီတွင် နိုင်ငံရေးဆွေးနွေးပွဲများကို စတင်ရမည်ဖြစ်သည်။ ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) ၏ တတိယအကြိမ် စုံညီအစည်းဝေးကို ၂၀၁၅ခုနှစ်၊ ဒီဇင်ဘာလ ၁၄ ရက်နှင့် ၁၅ ရက်များတွင် နေပြည်တော် Horizon Lake View Hotel တွင် နှစ်ရက်ကြာ ကျင်းပပြုလုပ်ခဲ့ပြီး အစည်းအဝေးဒုတိယနေ့တွင် နိုင်ငံရေးဆွေးနွေးမှုဆိုင်ရာမူဘောင်အား အချောသတ်သဘောတူ ရေးဆွဲနိုင်ခဲ့သည်။

ယင်းနောက် သဘောတူညီပြီးဖြစ်သည့် အဆိုပါ နိုင်ငံရေးဆွေးနွေးမှုဆိုင်ရာမူဘောင်အား ၂၀၁၅ ခုနှစ် ဒီဇင်ဘာလ ၁၆ ရက် နံနက်ပိုင်းတွင် ပြုလုပ်ခဲ့သည့် တတိယအကြိမ် တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ် အကောင်အထည်ဖော်မှုဆိုင်ရာ ညှိနှိုင်းအစည်းအဝေး (JICM) က အတည်ပြုပေးနိုင်ခဲ့သည်။

ရရှိလာသည့် မူချောကို နိုင်ငံတော်သမ္မတမှ ၂၀၁၆ ဇန်နဝါရီ ၁၅ မတိုင်မီ ပထမအကြိမ် ပြည်ထောင်စု ငြိမ်းချမ်းရေးညီလာခံကို ခေါ်ယူကျင်းပပြီး အမျိုးသားအဆင့် နိုင်ငံရေးဆွေးနွေးပွဲများကို ကျင်းပ ပြုလုပ်သွားရမည်ဖြစ်မည်။

Myanmar Peace Center   http://www.myanmarpeace.org

အာဏာလွှဲပြောင်းရေးကိစ္စ ဒေါ်အောင်ဆန်းစုကြည် ဦးဆောင်ညှိနှိုင်း

နိုင်ငံတော်အကြီးအကဲတာဝန်နဲ့ အစိုးရအဖွဲ့တာဝန်တွေ လွှဲပြောင်းရာမှာ အဆင်ပြေစေဖို့ အသေးစိတ် ညှိနှိုင်းအစည်းအဝေးကို အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် ဦးဆောင်ဆွေးနွေးတယ်လို့ ပြန်ကြားရေးဝန်ကြီး ဦးရဲထွဋ်က ထုတ်ပြန်ပါတယ်။
ဒီကနေ့ညှိနှိုင်းမှုဟာ ဒီဇင်ဘာ ၂ ရက်နေ့တုန်းက ဒေါ်အောင်ဆန်းစုကြည်နဲ့ သမ္မတ ဦးသိန်းစိန်တို့ တွေ့ဆုံဆွေးနွေးပွဲရလဒ်ရဲ့နောက်ဆက်တွဲ ဖြစ်ထွန်းမှု ဖြစ်ပါတယ်။
နေပြည်တော်မှာကျင်းပတဲ့ ဒီကနေ့ ဆွေးနွေးပွဲမှာ အစိုးရဘက်က နိုင်ငံတော် အကြီးအကဲတာဝန် လွှဲပြောင်းမှု အထောက်အကူပြုကော်မတီ အဖွဲ့ဝင်တွေဖြစ်တဲ့ ပြည်ထောင်စုဝန်ကြီး ဦးရဲထွဋ်၊ ဆောက်လုပ်ရေးဝန်ကြီးဌာန ဒုတိယညွှန်ကြားရေးမှူးချုပ် ဦးမောင်မောင်အုန်း၊ နိုင်ငံတော်သမ္မတရုံး ညွှန်ကြားရေးမှူး ဦးဇော်ဌေးတို့ တက်ရောက်ပါတယ်။
အဖွဲ့ခေါင်းဆောင် ပြည်ထောင်စုဝန်ကြီး ဦးလှထွန်းကတော့ တက်ရောက်ခြင်း မရှိပါဘူး။
အမျိုးသားဒီမိုကရေစီအဖွဲ့ချုပ် အသွင်ကူးပြောင်းရေးအဖွဲ့က ဗဟိုအလုပ်အမှုဆောင်အဖွဲ့ဝင် ဦးဝင်းထိန်၊ ဗဟိုအလုပ်အမှုဆောင်အဖွဲ့ဝင် ဒေါက်တာ မျိုးအောင်နဲ့ ရန်ကုန်တက္ကသိုလ် ပါမောက္ခချုပ် (အငြိမ်းစား) ဒေါက်တာ အောင်သူတို့ တက်ရောက်ကြပါတယ်။
ဒီတွေ့ဆုံမှုနဲ့ပတ်သက်လို့ နှစ်ဘက်စလုံးက အသေးစိတ် ထုတ်ပြန်ပြောဆိုခြင်းတော့ မရှိသေးပါဘူး။
နိုဝင်ဘာလ ၈ ရက်နေ့ ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ်က အပြတ်အသတ် အနိုင်ရရှိခဲ့ပါတယ်။
ရွေးကောက်ပွဲအပြီးမှာ ဒေါ်အောင်ဆန်းစုကြည်က သမ္မတ ဦးသိန်းစိန်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်၊  ပြည်ထောင်စုလွှတ်တော် နာယက သူရဦးရွှေမန်း၊ ဗိုလ်ချုပ်မှူးကြီး (ငြိမ်း) ဦးသန်းရွှေတို့နဲ့ သီးခြားစီ တွေ့ဆုံခဲ့ပါတယ်။
RFA

အင်ဒိုနီးရှားတွင် လူကုန်ကူးခံရသည့် မြန်မာများ အလုပ်ရှင်ကိုတရားစွဲ (ရုပ်သံ)

အင်ဒိုနီးရှားနိုင်ငံ ဗန်ဂျီးနားကျွန်းမှာ  လူကုန်ကူးခံရတဲ့ မြန်မာအလုပ်သမား ၁၃ ယောက်ဟာ နစ်နာဆုံးရှုံးမှုတွေအတွက် အင်ဒိုနီးရှားနိုင်ငံ မာလူကာ ပြည်နယ်တရားရုံးမှာ အလုပ်ရှင်ကို တရားစွဲဆိုထားပါတယ်။
လူကုန်ကူးခံရပြီး အလုပ်လုပ်ကိုင်ခဲ့ကာလအတွင်း မရရှိခဲ့တဲ့လုပ်ခလစာတွေနဲ့ စိတ်ပိုင်းဆိုင်ရာ ထိခိုက်ခံစားခဲ့ရမှုတွေအတွက် လျှော်ကြေးငွေတောင်းဆိုခဲ့ကြတာလို့ လူကုန်ကူးခံရသူတဦးဖြစ်တဲ့  ကိုသန့်ဇင်ထွန်းက ပြောပါတယ်။
နစ်နာဆုံးရှုံးမှုတွေအတွက် အင်ဒိုနီးရှားနိုင်ငံက အလုပ်ရှင်နဲ့ လှေသူကြီးကို တရားစွဲဆိုထားတာဖြစ်ပြီး တရားစွဲဆိုနိုင်ဖို့အတွက် အင်ဒိုနီးရှားနိုင်ငံ လူကုန်ကူးမှု တားဆီးရေး ရဲတပ်ဖွဲ့နဲ့ မြန်မာနိုင်ငံလူကုန်ကူးမှု တားဆီးရေးရဲတပ်ဖွဲ့တို့က ပူးပေါင်း ဆောင်ရွက်ခဲ့တာပါ။
အခုတရားစွဲဆိုထားတဲ့ အမှုအတွက် တရားရုံးကာလ ၆လတာကြာမြင့်နိုင်မယ်လို့ ခန့်မှန်း ထားပါတယ်။
အခုလိုတရားစွဲဆိုလိုက်တဲ့ မြန်မာအလုပ်သမားတွေအပါအ၀င်  မြန်မာရေလုပ်သား ၅၀၀ ကျော်ဟာ ၂၀၁၅ မေလထဲမှာ အစိုးရအကူအညီနဲ့ မြန်မာနိုင်ငံကို ပြန်လည်ရောက်ရှိ လာနိုင်ခဲ့တာပါ။
သတင်း – ဟိန်းကိုDVB

နန်းခင်ဇေယျာနှင့် တွေ့ဆုံခြင်း

သရုပ်ဆောင် အဖြစ်မှ ဂီတလောက အတွင်းသို့ ကူးပြောင်း ရောက်ရှိလာသူ အနုပညာရှင် များစွာ ရှိပါသည်။ အဆိုပါ အနုပညာရှင်များတွင် ပါဝင်လာသူ တစ်ဦးက သရုပ်ဆောင် အလှမယ် နန်းခင်ဇေယျာပင် ဖြစ်သည်။ နန်းခင်ဇေယျာက ပထမဆုံး တစ်ကိုယ်တော် တေးစီးရီး ‘Non-Stop’ ကို ခရစ်စမတ်နေ့တွင် စတင်ဖြန့်ချိရန် စီစဉ်ထားခဲ့သည်။ ဖန်တီးမှု အနုပညာ အသစ်တစ်မျိုးအား ၂၀၁၅ နှစ်ကုန်ပိုင်းတွင် ပရိသတ်နှင့် မိတ်ဆက်နိုင်ရန် ကြိုးပမ်းလာခဲ့သူ နန်းခင်ဇေယျာနှင့် တွေ့ဆုံ၍ တစ်ကိုယ်တော် တေးစီးရီး ပြင်ဆင်ဖြစ်ပုံ အပါအ၀င် သိလိုသည်များအား မေးမြန်းဖြစ်ခဲ့ပါသည်။

မေး- မကြာခင် တစ်ကိုယ်တော် စီးရီးထွက်ဖို့ ပြင်ဆင်နေတယ်ဆိုတော့ သီချင်းဆိုဖြစ်တဲ့ အကြောင်းလေး အရင် ပြောပြပေးပါလား။
ဖြေ- ပရိသတ်ကို နန်းခင် အနုပညာ ဖန်တီးမှု အသစ်တစ်ခု တင်ပြချင်တဲ့ ရည်ရွယ်ချက်နဲ့ လုပ်ဖြစ်တာပါ။ ကိုရီးယားမှာ ဖျော်ဖြေရေးခရီး သွားဖြစ်ခဲ့တုန်းကလည်း သီချင်းဆိုတဲ့ အခါမှာ ပရိသတ်တွေက နန်းခင်ကို တစ်ကိုယ်တော် စီးရီးထုတ်ပါလားလို့ အားပေးကြတယ်။ အဲဒီကနေ အားတွေရှိလာပြီး အခွေထုတ်ဖို့ စီစဉ်ဖြစ်သွားတာပါ။

မေး- နန်းခင်ရဲ့ တစ်ကိုယ်တော် စီးရီးမှာ ဆိုဖြစ်တဲ့ ဂီတ အမျိုးအစားကရော။
ဖြေ- နန်းခင်က နယ်မှာနေတုန်းကလည်း သီချင်းဆိုဖူးတဲ့ အခါကျတော့ ဆိုနေကျ သီချင်းပုံစံလေးတွေလည်း ရှိတယ်။ အခု စီးရီးမထွက်ခင်မှာလည်း ဆရာမနဲ့ သီချင်းဆို သင်တဲ့အခါ နန်းခင်ရဲ့ အသံက Pop နဲ့ R&B ဘက်ကို အားသန်တယ်လို့ ကောက်ချက်ချခဲ့ပါတယ်။ ဒါကြောင့် အဲဒီ ဂီတ အမျိုးအစား သီချင်းလေးတွေကိုပဲ ရွေးချယ် သီဆိုဖြစ်တာပါ။

မေး- တေးရေးတွေက ဘယ်သူတွေ ရေးပေးထားလဲ။
ဖြေ- တေးရေးတွေကို ကိုရွှေဂျော်ဂျော်၊ ကိုဇ၀ါ၊ ကို R ခိုင်၊ ကိုဆလိုင်း၊ ကိုဝေလ၊ ကိုသားသားတို့ ရေးပေးထားတာပါ။ စုစုပေါင်း သီချင်း ၁၂ ပုဒ် ပါဝင်ပါမယ်။

မေး- စီးရီး Title ကို Non-Stop လို့ ပေးဖြစ်တာကရော။
ဖြေ- နန်းခင်အတွက် ကိုရွှေဂျော်ဂျော် ရေးပေးထားတဲ့ သီချင်းထဲမှာ ဘယ်တော့မှမရပ် ဆိုတဲ့ သီချင်းလေးလည်း ပါပါတယ်။ ဒါကြောင့် စီးရီးခေါင်းစဉ် ရွေးတဲ့အခါ နန်းခင်ရဲ့ အနုပညာ ဖန်တီးမှုတွေ ဘယ်တော့မှ မရပ်ဘူးဆိုတဲ့ အဓိပ္ပာယ်မျိုးလည်းဖြစ်အောင် Non-Stop လို့ ပေးဖြစ်သွားတာပါ။

မေး- စီးရီးကိုရော ဘယ်တော့ ဖြန့်ချိဖြစ်မလဲ။
ဖြေ- နန်းခင်ရဲ့ စီးရီးလေးကို ဒီဇင်ဘာ ၂၅ ရက် မန္တလေးမှာ စတင်ဖြန့်ချိပါမယ်။ အဲဒီနေ့မှာ မန္တလေး Ocean မှာ ပရိသတ်တွေနဲ့ တွေ့ဆုံပြီး အခွေဝယ်ယူ အားပေးသူတွေကို အမှတ်တရ လက်မှတ် ရေးထိုးပေးပါမယ်။ နန်းခင်ရဲ့ နာမည်တံဆိပ်ပါတဲ့ ဦးထုပ်တွေ၊ ၂၀၁၆ ပြက္ခဒိန်တွေ၊ ရှပ်အင်္ကျီတွေ လက်ဆောင်ပေးသွားပါမယ်။ ရန်ကုန်မှာတော့ ဒီဇင်ဘာ ၂၇ ရက်မှာ ဖြန့်ချိသွားပါမယ်။

မေး- ဒီအခွေ စီစဉ်နေတဲ့ အကြောင်းကို ဖြန့်ခါနီးမှပဲ သိရတယ်။ ပရိသတ်တွေ အံ့အားသင့်အောင် လျှို့ဝှက်ထားတာလား။
ဖြေ- ဟုတ်ပါတယ်။ နန်းခင် အခု ဒီအခွေ ဖြန့်တော့မယ်ဆိုတော့ ပရိသတ်တွေကလည်း အရမ်း အံ့သြကြတယ်။ အနုပညာ မောင်နှမတွေကလည်း အံ့အားသင့်တယ်။ နန်းခင်က တမင်ကြိတ်ပြီး လုပ်ဖြစ်ခဲ့တာပါ။ ပရိသတ်တွေအတွက် အနုပညာ ဖန်တီးမှု အသစ်လေးကို အံ့အားသင့်စရာဖြစ်အောင် တင်ပြပေးချင်တယ်။ အဲဒါကြောင့် ဘယ်သူ့ကိုမှ အသိမပေးဘဲ လျှို့ဝှက်ထားတာပါ။

မေး- အခု ဒီအခွေလေးကို ပရိသတ်လက်ထဲ ထည့်တော့မယ့် အချိန်မှာ ကျေနပ်အားရမှု ရှိလား။
ဖြေ- နန်းခင် ဒီအခွေလေးကို ပြင်ဆင်နေတဲ့ အချိန်မှာ အကောင်းဆုံး ဖြစ်အောင်လည်း ကြိုးစားခဲ့တယ်။ အနုပညာဖန်တီးမှု အသစ်တစ်ခု ဖြစ်အောင်လည်း အားထုတ်ခဲ့တယ်။ အခု ဒီအခွေလေးကို ကြိုးစားအားထုတ်ထားသလောက် ကျေနပ်ပါတယ်။

မေး- အခု ရိုက်နေတဲ့ ‘ယက္ကန်းတစ္ဆေ’ ဇာတ်ကားအကြောင်းလေး ပြောပြပေးပါဦး။
ဖြေ- အခု ရိုက်နေတဲ့ ဇာတ်ကားက ဒါရိုက်တာ ကိုညိုမင်းလွင်ပါ။ ‘ယက္ကန်းတစ္ဆေ’ ဆိုတဲ့ ဇာတ်ကားပေါ့လေ။ နန်းခင် တစ်ခါမှ မလုပ်ဖူးတဲ့ ဇာတ်ကောင်စရိုက်မျိုး လုပ်ခွင့်ရပါတယ်။

မေး- ၂၀၁၆ မှာ အပြောင်းအလဲတွေ အများကြီး ဖြစ်လာမယ်လို့ မျှော်လင့်နေကြတယ်။ နန်းခင်ကရော ၂၀၁၆ အတွက် ဘယ်လိုမျှော်လင့်ထားလဲ။
ဖြေ- နန်းခင်တို့ မြန်မာတစ်နိုင်ငံလုံးက ၂၀၁၆ အပြောင်းအလဲအတွက် မျှော်လင့်နေကြပါပြီ။ ပြောင်းလဲချိန်လည်း တကယ် တန်နေပါပြီ။ ဒီ အပြောင်းအလဲကစပြီး မဝေးတော့တဲ့ အချိန်မှာ နန်းခင်တို့ မြန်မာနိုင်ငံက နိုင်ငံတကာနဲ့ ရင်ပေါင်တန်းနိုင်တဲ့ နိုင်ငံတစ်ခု ဖြစ်လာမယ်လို့ မျှော်လင့်ပါတယ်။ အဲဒီအတွက် လူငယ်ပညာတတ်တွေရဲ့ အခန်းကဏ္ဍကလည်း အရေးပါတယ်လို့ ထင်ပါတယ်။

EMG

အိုင်အက်စ် သတင်းကြောင့် မြန်မာ-တရုတ်နယ်စပ်လုံခြုံရေးတိုးမြှင့်

တရုတ်-မြန်မာနယ်စပ်ကတဆင့် အိုင်အက်စ် အကြမ်းဖက်သမား ၁၁ယောက် မြန်မာပြည်ထဲ ၀င်လာနိုင်တယ်ဆိုတဲ့သတင်းကြောင့် နယ်စပ်တလျှောက်မှာ နှစ်နိုင်ငံနယ်ခြားစောင့်ရဲ တပ်ဖွဲ့တွေ ပူးပေါင်းပြီး လုံခြုံရေးလုပ်ဆောင်နေတယ်လို့ မူဆယ်ခရိုင်ရဲတပ်ဖွဲ့ထံက စုံစမ်းသိရပါတယ်။
လွန်ခဲ့တဲ့တပတ်လောက်ကစပြီး အထက်က သတင်းဝင်လာတာကြောင့် အခုလို လုံခြုံရေးတိုးမြှင့်လုပ်ဆောင်နေတာလို့ မူဆယ်ခရိုင်ရဲတပ်ဖွဲ့က ရဲမှူးကြီးမင်းမင်းဦး ကပြောပါတယ်။
“ကျနော်တို့နိုင်ငံကိုလှမ်းပြောလို့ ကျနော်တို့က ဒီကစောင့်ကြည့်ဖို့ပေါ့၊ သတင်းပါပဲ၊ တိတိကျကျတော့ မဟုတ်ပါဘူး။ မြန်မာပြည်ထဲ ၀င်ရောက်နိုင်တယ်ပေါ့။ တရုတ်နယ်ခြားစောင့်ရဲတပ်ဖွဲ့နဲ့ ညှိနှိုင်းထားတယ်။ သူတို့ဘက်ကလည်း ပိုက်စိတ်တိုက်ပြီး နယ်စပ်တလျှောက် တချို့တောတွေ၊ ချောင်းတွေ၊ မြောင်းတွေ ဆက်စပ်နေတဲ့ နေရာတွေ ကနေ ၀င်ထွက်သွားလာမှာစိုးလို့ သူတို့သေချာလေးစောင့်ကြည့်ဖို့ပြောထားတယ်။”
နှစ်နိုင်ငံနယ်ခြားစောင့်တပ်ဖွဲ့ချင်းနေ့စဉ် သတင်းဖလှယ်ပြီး လုပ်ဆောင်နေတယ်လို့လဲ ပြောပါတယ်။ အခုချိန်ထိတော့ အိုင်အက်စ် ၁၁ ယောက်နဲ့ ပတ်သက်လို့ မသင်္ကာစရာနဲ့ ဖမ်းဆီးမိတာမျိုး မရှိသေးပါဘူး။
တရုတ်-မြန်မာနယ်စပ် မူဆယ်တ၀ိုက်မှာ မြန်မာနိုင်ငံရဲတပ်ဖွဲ့အနေနဲ့ ၂၀၁၅ခုနှစ်ကထဲက လုံခြုံရေးတိုးမြှင့်လုပ်ဆောင်နေပြီး အခု အိုင်အက်စ်သတင်းကြောင့်လည်း လုံခြုံရေးကို ပိုမို တိုးမြှင့် လုပ်ဆောင်လာနေတာပါ။
လားရှိုးမြို့ခံ ဦးထွန်းရှင်က အိုင်အက်စ်သတင်းကို ဖေ့စ်ဘွတ်ကကြားထားပြီး သူတို့ မြို့မှာ အရင်ထက် လုံခြုံရေး ပိုဂရုစိုက်တာ တွေ့တယ်လို့ ပြောပါတယ်။
“ခါတိုင်းထက်ပိုပြီးတော့ တာဝန်ရှိသူတွေက လုံခြုံရေး အာရုံစိုက်တာ တွေ့ရတယ်။ ရှုတ်ယှက်ခတ်နေတဲ့သဘော မရှိပါဘူး။ အရေးတကြီး လုပ်နေတဲ့သဘော မရှိပါဘူး။ စောင့်ကြည့်တဲ့ သဘောပေါ့။”
ရှမ်းပြည်မြောက်ပိုင်း မူဆယ်မြို့မှာ ပေါက်ကွဲမှုတွေ မကြာခဏဖြစ်ပွားပြီး လူသေဆုံးတဲ့ ပေါက်ကွဲမှုတွေရှိခဲ့ဘူးပေမယ့် အိုင်အက်စ်အဖွဲ့တွေနဲ့ ဆက်နွှယ်တဲ့ အကြမ်းဖက် တိုက်ခိုက်မှု တွေကတော့ ဖြစ်ပွားခဲ့တာ မရှိပါဘူး။
DVB

ပျဉ်းမနား ချယ်ရီမေ KTV တွင် ရဲအုပ်သုံးဦး ဓါးခုတ်ခံရ

ပျဉ်းမနား ပေါင်းလောင်း (၂) ရပ်ကွက် ချယ်ရီမေ KTV တွင် ဒီဇင်ဘာ ၁၅ ရက် နံနက် ၁ နာရီအချိန်ခန့်က ယခင်က သိကျွမ်းဖူးသော ဇမ္ဗူသီရိမြို့နယ်နေသူ ရန်နောင်စိုး(အသက် ၃၃နှစ်) နှင့် စကားများရန်ဖြစ်ရာမှ နေပြည်တော်တိုင်းရဲတပ်ဖွဲ့မှူးရုံး ဦးစီး (၁) မှ ရဲအုပ် ၃ ဦး ဓါးဖြင့်အခုတ်ခံခဲ့ရကြောင်း သိရသည်။

ဖြစ်စဉ်မှာ ပျဉ်းမနားမြို့ ဘောဂ၀တီရပ်ကွက် ၁၉ လမ်းတွင်ရှိသော ချယ်ရီမေ ကေတီဗီဆိုင်တွင် ရဲအုပ်ထွန်းမင်းလတ်၊ ရဲအုပ်စိုးမိုးဝင်း၊ ရဲအုပ်ဇော်သောင်းထိုက်တို့ ရောက်ရှိနေစဉ် ရန်နောင်စိုးက လာရောက်စကားပြောကြောင်း၊ ယင်းသို့စကားပြောရာမှ ရန်နောင်စိုးမှ ရဲအုပ် ဇော်သောင်းထိုက်အား ပုလင်းဖြင့်ရိုက်မည်ပြုရာ အနားရှိ ရဲအုပ်ထွန်းမင်းလတ်၊ ရဲအုပ်စိုးမိုးဝင်း၊ ရဲဒုတပ်ကြပ် သက်ထွန်းအောင်တို့က ဖြန်ဖြေပေးခဲ့ကြောင်း၊ ရန်နောင်စိုးမှ စိန်ခေါ်ကာ အပြင်ထွက်သွားခဲ့ပြီး မကြာမီ ရဲအုပ် ဇော်သောင်းထိုက်တို့ရှိရာ ကေတီဗီအခန်း အမှတ် ၂၁၄ သို့ ရန်နောင်စိုးနှင့် အမည်မသိ လူ ၇ ဦးတို့ တုတ်များဓါးများဖြင့် ၀င်ရောက်တိုက်ခိုက်မှုပြုခဲ့ကြကြောင်း သိရသည်။

“စဖြစ်တာကတော့ ရန်နောင်စိုးနဲ့ ရဲအုပ် ဇော်သောင်းထိုက်တို့ စကားများရန်ဖြစ်ကြတယ်။ စကားများပြီး ရန်နောင်စိုး အပြင်ကို ထွက်သွားတယ်။ သိပ်မကြာဘူး ဓါးတွေ တုတ်တွေနဲ့ လူငယ် ရှစ်ယောက် ပြန်ရောက်လာပါတယ်။ အစောင့်ကို ရဲကိုအကြောင်းမကြားနဲ့ပြောပြီး ကေတီဗီထဲဝင်ပြီး တံခါးတွေ မှန်တွေကို တုတ်တွေနဲ့ ရိုက်ပြီး ရဲအုပ်သုံးယောက်ကို ဓါးနဲ့ဝင်ခုတ်တာပါ”ဟု ၎င်းက ပြောသည်။

ဓါးခုတ်ခံရသူ ရဲအုပ်သုံးဦး ဒဏ်ရာပြင်းထန်စွာရရှိခဲ့ပြီး နေပြည်တော် ခုတင် ၁၀၀ ဆေးရုံ၌ ဆေးကုသမှုခံယူလျက်ရှိကြောင်း၊ တရားခံများမှာ ထွက်ပြေးလွတ်မြောက်နေဆဲဖြစ်ကြောင်းနှင့် လက်ရှိတွင် အဆိုပါအမှုအတွက် (ပ)၅၉၆/၂၀၁၅ ပုဒ်မ ၃၂၅/၃၂၆ နဲ့ အမှုဖွင့်ထားပြီး ထွက်ပြေးလွတ်မြောက်နေသူများကို ဖမ်းဆီးရမိရေးအတွက် ပိတ်ဆို့ရှာဖွေမှုများ ပြုလုပ်လျက်ရှိကြောင်း ဒုရဲမှူးတင်ဌေးထံမှ သိရသည်။

( News Watch : စောင့်ကြည့်သတင်းဂျာနယ် )

ဘိန်းထုတ်များမှု အစိုးရသစ် ဖြေရှင်း ဖို့ ကုလပြောကြား

ဘိန်းစိုက်ခင်းတစ်ခုမှ ဘိန်းပင်များကို တွေ့ရစဉ် Photo: Nay Thwae/ RFA

 မြန်မာနိုင်ငံမှာ ဘိန်းစိမ်းထုတ်လုပ်မှု ဆက်လက်မြင့်မားနေတဲ့ ပြသနာဖြေရှင်းရေး ကိစ္စဟာ ဒေါ်အောင်ဆန်းစုကြည် ဦးဆောင်မယ့် အစိုးရသစ်အတွက် အကြီးမားဆုံး စိန်ခေါ်မှုတစ်ခု ဖြစ်လိမ့်မယ်လို့ ကုလသမဂ္ဂ မူးယစ်ဆေးဝါးတိုက် ဖျက်ရေးအဖွဲ့ UNODC က ဒီကနေ့ ပြောကြားလိုက်ပါတယ်။ အခု ၂ဝ၁၅ ခုနှစ်အတွင်း မြန်မာပြည်ကနေ ဘိန်းစိမ်း တန်ချိန် ၆၅ဝ ခန့်ထွက်မယ်လို့ ကုလက ခန့်မှန်းထားပါတယ်။ ဒါဟာ ကမ္ဘာပေါ်မှာ အာဖဂန်နစ္စတန်နိုင်ငံပြီးရင် အများဆုံးထွက်တဲ့ပမာဏဖြစ်ပါတယ်။ မြန်မာပြည်တဝှမ်း ဘိန်းစိုက်မြေ ပမာဏကတော့ မနှစ်ကနည်းတူ ဟက်တာ ၅ သောင်းခွဲကျော်ရှိတယ်လို့ ဆိုပါတယ်။ ဘိန်းစိုက်တောင်သူတွေအနေနဲ့ တခြားအစားထိုးသီးနှံ စိုက်ပျိုးစရာလည်း မရှိဘူးလို့ ကုလအရာရှိတစ်ဦးကပြောပါ တယ်။ မြန်မာပြည်ဟာ ဘိန်းတင်မက Methamphetamine စိတ်ကြွဆေးဝါးလည်း အဓိကထုတ်လုပ်နေတဲ့ နိုင်ငံ တစ်ခုဖြစ်ပါတယ်။

ဝန်ကြီးနဲ့ အမတ်တွေ တလုံးတခဲ ချီးမြှင့်ငွေရမည်

ပြည်ထောင်စုလွှတ်တော် အစည်းအဝေး ကျင်းပနေပုံ

Photo: RFA

ပြည်ထောင်စုဝန်ကြီး၊ ဒုတိယ၀န်ကြီးတွေ၊ ပြည်ထောင်စုအဆင့်အဖွဲ့ဝင်တွေနဲ့ လွှတ်တော်ကိုယ်စားလှယ်တွေ ကို နိုင်ငံရေး ပင်စင် ချီးမြှင့်ငွေကို လာမယ့် အစိုးသစ်မတိုင်ခင် ပေးအပ်ချီးမြှင့်ဖို့ စီစဉ်နေတယ်လို့ သိရပါတယ်။
နိုင်ငံရေးပင်စင်လို့ ခေါ်နိုင်တဲ့ ချီးမြှင့်ငွေဟာ လက်ရှိ ရရှိနေတဲ့ လစာချီးမြှင့်ငွေ နဲ့ တာဝန်ထမ်းဆောင်ခဲ့တဲ့ သက်တမ်းကို တွက်ချက်ပြီး တလုံးတခဲတည်း ပေးအပ် ချီးမြှင့်မယ့်ငွေ ဖြစ်တယ်လို့ ပြည်ထောင်စုလွှတ်တော် ဥပဒေကြမ်းကော်မတီ တွဲဖက်အတွင်းရေးမှူး ဒေါက်တာမြတ်ဥာဏစိုးက ပြောပါတယ်။
"ဘယ်လိုနှုန်းနဲ့ တွက်တာလဲဆိုတော့ နောက်ဆုံးရတဲ့လစာကို တာဝန်ထမ်း ဆောင်ခဲ့တဲ့ခုနှစ်၊ ၅ နှစ်သက်တမ်း ဆိုရင် ချီးမြှင့်ငွေက ငွေကျပ် ၁ဝ ဆိုတော့ တာဝန် ထမ်းဆောင်ခဲ့တဲ့နှစ်က ၅ နှစ်ဖြစ်ချင်ဖြစ်မယ်၊ တချို့က ကြားဖြတ်ရွေးကောက်ပွဲ ထဲကဝင်လာတယ်ဆိုရင် ၃ နှစ်ဖြစ်ချင်ဖြစ်မယ်၊ အဲ့ဒါနဲ့မြှောက်လိုက်ရင် ကျပ်သိန်း ၅ဝ၊ ကျပ်သိန်း ၃ဝ၊ အဲ့တော့ အားလုံးဟာ တလုံးတခဲထဲ နိုင်ငံပင်စင်ပေါ့နော်၊ ဒါပဲရပါလိမ့်မယ်"
အဲဒီချီးမြှင့်ငွေ ပေးအပ်ဖို့အတွက် လွှတ်တော်ကိုယ်စားလှယ်တွေကို မနေ့ကစပြီး ပြည်ထောင်စုလွှတ်တော်မှာ လက်မှတ်ရေးထိုးခိုင်းနေတယ်လို့ သိရပါတယ်။
တစ်လ လစာ ချီးမြှင့်ငွေ ကျပ်သိန်း ၃၀ ရရှိနေတဲ့ ၀န်ကြီးတစ်ဦးဟာ လုပ်သက် ၅ နှစ်ရှိရင် ကျပ်သိန်း ၁၅၀၊ တစ်လ လစာ ချီးမြှင့်ငွေ ကျပ်၂၅ သိန်း ရရှိနေတဲ့ ဒုတိယ၀န်ကြီး တစ်ဦးဟာ ငွေကျပ် ၇၅ သိန်း၊ တစ်လ ကျပ် ၁၀သိန်း ခံစားခွင့်ရရှိနေတဲ့ လွှတ်တော် ကိုယ်စားလှယ်တဦးဟာ ငွေကျပ် သိန်း ၅၀ တလုံးတခဲတည်း ရရှိမှာဖြစ်ပါတယ်။
ပြည်ထောင်စုအဆင့်အဖွဲ့ဝင်တွေထဲမှာ ပြည်ထောင်စုစာရင်းစစ်ချုပ်၊ ပြည်ထောင်စု ရှေ့နေချုပ်၊ ဖွဲ့စည်းပုံအခြေခံဥပဒေ ဆိုင်ရာခုံရုံးအဖွဲ့၊ ပြည်ထောင်စုရွေးကောက် ပွဲ ကော်မရှင် အဖွဲ့ဝင်တွေနဲ့ တိုင်းဒေသကြီး နဲ့ ပြည်နယ် လွှတ်တော် ကိုယ်စားလှယ်တွေ လည်း ပါဝင်ပါတယ်။
နိုင်ငံတော်သမ္မတနဲ့ ဒုတိယသမ္မတ နှစ်ဦးကတော့ လစဉ် ပင်စင်ချီးမြှင့်ငွေ ရရှိနေမှာ ဖြစ်ပြီး အခုချီးမြှင့်မယ့် နိုင်ငံရေး တလုံးတခဲတည်း ပင်စင်ငွေလည်း ရရှိမှာဖြစ်တယ်လို့ သိရပါတယ်။
တပ်မတော်ကာကွယ်ရေးဦးစီးချုပ်က တိုက်ရိုက်ခန့်အပ်ထားတဲ့ ကာကွယ်ရေးဝန်ကြီး၊ နယ်စပ်ရေးရာဝန်ကြီး၊ ပြည်ထဲရေး ၀န်ကြီးနဲ့ လွှတ်တော်မှာ တက်ရောက်နေတဲ့ တပ်မတော်သားကိုယ်စားလှယ်တွေက အစိုးရအဖွဲ့နဲ့ လွှတ်တော် က ပေးအပ်တဲ့ ချီးမြှင့်ငွေ လစာခံစားတာမဟုတ်တဲ့အတွက် တလုံးတည်း တခဲတည်း ချီးမြှင့်ငွေ ရရှိမှာမဟုတ်ဘူးလို့ လည်း သိရပါတယ်။
လွှတ်တော်ကိုယ်စားလှယ်တွေအပါအဝင် ပြည်ထောင်စုအဆင့်အဖွဲ့ဝင်တွေကို နိုင်ငံရေး ပင်စင် လို့ခေါ်တဲ့ တလုံးတည်း တခဲတည်း ပင်စင် ချီးမြှင့်ငွေကို လာမယ့်အစိုးရသစ် မတက်ခင်မှာ ချီးမြှင့်ဖို့ စီစဉ်နေပါတယ်။ အဲဒီလိုနိုင်ငံရေး ပင်စင် ပေးအပ်မယ့် အစီအစဉ် အပေါ် လွှတ်တော်ကိုယ်စားလှယ်တွေအကြား သဘောထားကွဲလွဲမှုတွေ ရှိနေပါတယ်။ RFA သတင်းထောက် ကိုဝင်းကိုကိုလတ်က စုစည်းတင်ပြထားပါတယ်။
လက်ရှိ လွှတ်တော်ကိုယ်စားလှယ်တွေကို နိုင်ငံရေးပင်စင်ကဲ့သို့ တလုံးတခဲထဲချီးမြင့်ငွေ ခံစားခွင့် ပေးလိုက်မယ် ဆိုရင် ငွေစက္ကူတွေရိုက်နှိပ်ပြီး ပေးရ မှာမို့ ငွေကြေးဖောင်းပွပြီး အခြေခံလူထုအတွက် အခက်အခဲတွေပိုလာနိုင်တယ်လို့ စာရေးဆရာ ကျော်ရင်မြင့်က ပြောပါတယ်။ ဦးကျော်ရင်မြင့်ကို မခက်မာ ဆက်သွယ်မေးမြန်းထားပါတယ်။

 

ကိုဝင်းကိုကိုလတ် တင်ပြချက်

မခက်မာ မေးမြန်းချက်

RFA