ထားဝယ်၊ မတ် ၁၁
မတ်လ ၇ရက်နေ့က ရဲတပ်ဖွဲ့၏
ရိုက်နှက်မှုကြောင့် အလုပ်သမားသေဆုံးခဲ့ရသည့် (ဟိုင်ယွမ်)ငါးအအေးခန်း စက်ရုံတွင် အလုပ်သမားများ
နိုင်ငံတော်မှ သတ်မှတ်ထားသည့် အခြေခံအနိမ့်ဆုံး လစာ ၃၆၀၀ ကျပ်နှုန်း
မရရှိသည့်ုအပြင် အလုပ်သမားအခွင့်အရေး အပြည့်အ၀မရခဲ့ကြောင်း ယင်းစက်ရုံ
အလုပ်သမားများထံမှ သိရသည်။
ငါးအအေးခန်းစက်ရုံတွင် အလုပ်ဝင်ချိန်
နံနက် ၈ နာရီအဖြစ် သတ်မှတ်ထားပြီး နေ့လယ်ထမင်းစားနားချိန်မှာ ပုံမှန်သီးသန့်
သတ်မှတ်ပေးထားခြင်းမရှိဘဲ ကုန်ကြမ်းဝင်သည့်အပေါ်မူတည်ကာ နေ့လယ် ၁ နာရီခန့်အထိ
အလုပ်လုပ်ကြရပြီး ထမင်းစားနားချိန်မှာလည်း မိနစ်သုံးဆယ်ခန့်သာရှိကြောင်း
အလုပ်သမားခေါင်းဆောင် ကိုဝေဖြိုးသူ ကဆိုသည်။
“အလုပ် ၀င်ချိန်ထွက်ချိန်ကို
တိတိကျကျသတ်မှတ်ပေးစေချင်တယ်” ဟု အလုပ်သမားခေါင်းဆောင် ကိုဝေဖြိုးသူ ကပြောသည်။
ယင်းစက်ရုံတွင် အလုပ်သမားများ၏ အဆိုအရ
အလုပ်သမား ၉၀ ၀န်းကျင်ရှိသော ယင်းအအေးခန်း စက်ရုံတွင် အလုပ်သမားများမှာ
ငါးအမျိုးအစားခွဲခြင်း၊ ငါးအရွယ်အစားခွဲခြင်း၊ အလေးချိန်ချိန်ကာ အအေးခန်းအတွင်း
ပို့ဆောင်ခြင်း၊ ထုပ်ပိုးခြင်းတို့ အဓိက လုပ်ဆောင်သည်။
ယင်းစက်ရုံတွင် ညနေပိုင်း အလုပ်ဆင်းရာတွင်လည်း
တစ်ပတ်လျှင် ၅ ရက်ခန့်မှာ ည ၁၁ နာရီ ခန့် အထိ အလုပ်ဆင်းရပြီး အချိန်ပိုကြေးမရရှိဘဲ
ငါးကုန်ကြမ်းဝင်သည့်အပေါ်မူတည်ကာ တစ်ကီလိုလျှင် ၁၅ ကျပ်နှုန်းဖြင့် အလုပ်ဆင်းသည့်
အလုပ်သမားများ ညီတူညီမျှ ခွဲဝေကြသည်ဟု ကိုဝေဖြိုးသူ ကဆက်ပြောသည်။
ယင်းစက်ရုံမှာ အလုပ်ပိတ်ရက်မရှိဘဲ ရက်မှန်ကြေးအဖြစ်
တစ်လလျှင် ငွေ ၈၀၀၀ ကျပ် ထပ်ဆောင်းပေးကာ နေ့တစ်ဝက်အလုပ်မဆင်းပါက တစ်ရက်စာ လုပ်အားခ
ဖြတ်တောက်ခဲ့သည့်အပြင် ရက်မှန်ကြေးမှ ၃၀၀၀ ကျပ် ထပ်မံဖြတ်တောက်ခံခဲ့ရပြီး ရက်မှန်ကြေး
ကုန်ပါက မူရင်းလစာထဲမှ ပြန်ဖြတ်သည်ဟု အဆိုပါစက်ရုံ၏ စာရေးဖြစ်သူ ကိုမျိုးဇော်အောင်
ကဆိုသည်။
“အလုပ်ရှင် အလုပ်သမား
ဥပဒေပါအတိုင်း ခံစားခွင့်ရချင်တယ်”ဟု စာရေးဖြစ်သူ ကိုမျိုးဇော်အောင်
ကပြောသည်။
အလုပ်သမားများမှာ အနိမ့်ဆုံးလစာ ၄၅၀၀၀
ကျပ်မှ အများဆုံးလစာမှာ ၁ သိန်းခန့်သာ ရရှိခဲ့ပြီး လုပ်သက်တစ်နှစ်ပြည့်ပါက
တစ်သောင်းကျပ်သာ တိုးပေးကြောင်း လုပ်သက် ၁၀ နှစ်ရှိပြီဖြစ်သည့် အလုပ်သမား
ကိုငွေတိုးဦး ကဆိုသည်။
ကုန်ကြမ်းအ၀င်များသည့် ရက်များတွင်
ပိတ်ရက်မရှိ ဆက်တိုက်လုပ်ဆောင်စေပြီး ကုန်ကြမ်းရှားပါးသည့် အချိန်များတွင် ၇ ရက်ခန့်အထိအလုပ်နားရသည်များလည်း
ရှိကြောင်း အဆိုပါ ငါးအအေးခန်းစက်ရုံမှ မန်နေဂျာဖြစ်သူ ဦးအောင်စိုးနိုင် ကဆိုသည်။
“အချိန်ပိုကြေးကို
ပုံမှန်ပေးတာတော့မရှိဘူး၊ ကီလိုကြေး ပေးတာတော့ရှိတယ်” ဟု မန်နေဂျာ
ကိုအောင်စိုးနိုင် ကပြောသည်။
အလုပ်စ၀င်သည့် အလုပ်သင်
အလုပ်သမားများအားပေးသည့်လစာမှာ သတ်မှတ်ထားသည့် နှုန်းဖြစ်သည့် ၃၆၀၀ ကျပ်မပြည့်သော်လည်း
လုပ်ငန်းကျွမ်းကျင်လာသည့် အချိန်အတိုင်းအတာ တစ်ခုရောက်ရှိပါက
သတ်မှတ်နှုန်းထားအတိုင်းပေးဆော
ယင်းကိစ္စနှင့်ပတ်သက်၍
စက်ရုံအလုပ်သမားများမှ မတ်လ ၈ ရက်နေ့တွင် သက်ဆိုင်ရာ အလုပ်သမားရုံးသို့
သွားရောက်တင်ပြ တိုင်ကြားခဲ့ကြောင်း အလုပ်သမားများထံမှ သိရသည်။
အလုပ်သမား သေဆုံးမှု ကိစ္စရှင်းပြီးပါက
အလုပ်ရှင် အလုပ်သမား စာချုပ်ပါအတိုင်း ဖြစ်စေရန် အမြန်ဆုံးဆောင်ရွက်
စိစစ်ဆောင်ရွက်ပေးသွားမည်ဟု ထားဝယ်မြို့နယ် အလုပ်သမားညွှန်ကြားရေး ဦးစီးဌာနမှ
တာဝန်ရှိသူတစ်ဦး ကဆိုသည်။
“ဆိုင်ရာဥပဒေပါအတိုင်း
ဆောင်ကြဉ်းပေးသွားမယ်” ဟု အဆိုပါ တာဝန်ရှိသူ ဦးသန်းဦး ကပြောသည်။
အလုပ်ရှင်ဖက်မှ
စည်းကမ်းမလိုက်နာခြင်းမျိုး ရှိနိုင်သလို အလုပ်သမားဖက်မှလည်း စည်းကမ်း မလိုက်နာ
ခြင်းရှိနိုင်သည့်အတွက် သွားရောက်စည်းကြပ်ပေးသွားမည်ြ
အဆိုပါစက်ရုံမှာ မတ်လ ၇ ရက်နေ့
ညပိုင်းတွင် အလုပ်ရှင်နှင့် အလုပ်သမားအချို့ စကားများရန်ဖြစ်ကြသည့်အပေါ်
ရပ်ကွက်တာဝန်ရှိသူများမှ အကူအညီတောင်းံသဖြင့် ရဲတပ်ဖွဲ့မှ ၀င်ရောက်ဖျန်ဖြေစဉ်
ရုန်းရင်ဆန်ခတ်ဖြစ်ပွားခဲ့ပြီး ယင်းစက်ရုံမှ အလုပ်သမားတစ်ဦးမှာ
ရဲတပ်ဖွဲ့ဝင်တစ်ဦး၏ ရိုက်နှက်မှုကြောင့် သေဆုံးသွားခဲ့သည်။
Dawei
Watch၊
