မွန်ပြည်နယ်လွှတ်တော် သုံးလအတွင်း တိုင်စာပေါင်း ၈၀ ကျော်ရောက်ရှိ

Dawei Watch| မော်လမြိုင်၊ ဧပြီ ၂၆

ဒုတိယအကြိမ် မွန်ပြည်နယ်လွှတ်တော် စတင်ဖွဲ့စည်းခဲ့သည့်အချိန်မှ ၃ လနီးပါးသက်တမ်းအတွင်း ပြည်သူများထံမှ တိုင်ကြားလာသည့် တိုင်ကြားစာပေါင်း ၈၄ စောင်ရောက်ရှိကြောင်း မွန်ပြည်နယ်လွှတ်တော် ဥက္ကဋ္ဌ ဒေါ်တင်အိက ပြောကြားသည်။

ဒုတိယအကြိမ် မွန်ပြည်နယ်လွှတ်တော် အစည်းအဝေး စတင်ကျင်းပခဲ့သော ဖေဖော်ဝါရီ ၈ ရက်နေ့မှ ဧပြီလ ၂၆ ရက်နေ့အတွင်း ပြည်သူလူထုထံမှ တိုင်ကြားစာပေါင်း ၈၄ စောင် လက်ခံရရှိထားပြီး အများစုသည် လယ်ယာမြေသိမ်းဆည်းခံရမှူ၊ လယ်ယာမြေအရှုပ်အရှင်းပြဿနာများ ဖြစ်ကြောင်း ဒေါ်တင်အိက ဆိုသည်။

“Public နဲ့ဆိုင်တဲ့ဟာဆို ချက်ချင်းသွားဖြေရှင်းပေးတယ် ပုဂ္ဂိုလ်ရေးနဲ့ဆိုင်တာကျတော့ နောက်ကျချန်ထားတယ်၊ ပြန်လည်စိစစ်တယ် ဥပမာ ပေါင်က ကျောက်မိုင်းကိစ္စဆို ပြည်သူတွေရဲ့အသံကိုလည်း ကိုယ်တိုင်သွားနားထောင်တယ် တဘက်မှာလည်း ကုမ္ပဏီရဲ့အသံကို နားထောင်တယ် အဲဒါကို ဆောင်ရွက်နေဆဲပဲ” ဟု ၎င်းက ပြောသည်။

မွန်ပြည်နယ်လွှတ်တော်သို့ ရောက်ရှိလာသည့် တိုင်ကြားစာများတွင် လာဘ်ပေး လာဘ်ယူမှုကိစ္စ၊ အုပ်ချုပ်ရေးနှင့် ပတ်သက်ပြီး တိုင်ကြားထားသည့် တိုင်ကြားစာ မရှိသလောက်နည်းပါးပြီး မြေယာနှင့် ပတ်သက်သည့် ပြဿနာ၊ သဘာဝပတ်ဝန်းကျင်နှင့် ပတ်သက်သည့် ကျောက်မီးသွေးစက်ရုံ ကျောက်မိုင်းစက်ရုံကိစ္စ အများစုပါဝင်သည်ဟု ဒေါ်တင်အိက ပြောဆိုသည်။
လွှတ်တော်အနေဖြင့် ရောက်ရှိလာသည့် တိုင်ကြားစာများကို ရေးရာကော်မတီတို့နှင့် သက်ဆိုင်သည့် စာများကို ရေးရာကော်မတီက ကွင်းဆင်းစိစစ်ပြီးနောက် ဖြစ်ရပ်များ အပေါ်အခြေခံကာ ပြည်နယ်အစိုးရအဖွဲ့ရုံး၊ သက်ဆိုင်ရာတာဝန်ရှိအဖွဲ့တို့နှင့် ညှိနှိုင်းတိုင်ပင်ကာ ဖြေရှင်းပေးရန် စီစဉ်နေသည်ဟု မွန်ပြည်နယ် လွှတ်တော် ဒုတိယ ဥက္ကဋ္ဌ ဦးအောင်နိုင်ဦးက ပြောကြားသည်။
 “တိုင်ကြားစာတွေကို ကျွန်တ်ာတို့ တစ်လတစ်ကြိမ် စိစစ်ပြီးတော့ ဖြေရှင်းသွားပေးဖို့ စီစဉ်နေပါတယ်။ လောလောဆယ်ကတော့ ဖြေရှင်းပေးတာမရှိသေးဘူး။ စိစစ်နေဆဲပဲဖြစ်ပါတယ်။ တိုင်ကြားစာတွေက အရင်လွှတ်တော်က တိုင်ကြားခဲ့ဖူးတဲ့ကိစ္စတွေလည်းရှိတယ်။ အသစ်တက်လာတဲ့ကိစ္စတွေလည်းရှိတယ်” ဟု ၎င်းက ပြောသည်။
အများဆုံး တိုင်ကြားထားသည့် လယ်ယာမြေပြဿနာနှင့် ပတ်သက်သည့် တိုင်ကြားစာများကိုမူ အချိန်ယူ စိစစ်ပြီးမှသာ ဖြေရှင်းပေးနိုင်မည်ဖြစ်ကြောင်း ၎င်းက ဆက်ပြောသည်။
မွန်လွှတ်တော်ရေးရာကော်မတီတွင် ကိုယ်စားလှယ်စိစစ်ရေးကော်မတီ၊ တိုင်းရင်းသား လူမျိုးများရေးရာကော်မတီ၊ ဥပဒေအကြံပြုစီစစ်ရေးကော်မတီ၊ ဘဏ္ဍာရေး စီမံကိန်းနှင့် စီးပွားရေးကော်မတီ၊ သဘာဝပတ်ဝန်းကျင်ထိန်းသိမ်းရေးကော်မတီ၊ တိုင်ကြားစာနှင့် အသနားခံစာများ လေ့လာသုံးသပ်စီစစ်ရေးကော်မတီ စသည့် ကော်မတီ ၆ ရပ်ကို ဖွဲ့စည်းခဲ့သည်။
ပြီးခဲ့သည့် ပထမအကြိမ် မွန်ပြည်နယ်လွှတ်တော်သက်တမ်း ၅ နှစ်အတွင်း လွှတ်တော်သို့ ပြည်သူများမှ တိုင် ကြားလာသည့် တိုင်ကြားစာ စုစုပေါင်း ၁၆၆၁ စောင်ရှိခဲ့သည်ဟု ပြည်နယ်လွှတ်တော်ရုံးထံမှ သိရသည်။
အဆိုပါတိုင်ကြားစာများအနက်မှ အစိုးရနှင့် ညှိနှိုင်းတိုင်ပင်ပြီး တိုင်ကြားစာ ၃၇၀ စောင်ကို ဖြေရှင်းနိုင်ခဲ့သည်ဟု ပထမအကြိမ် မွန်ပြည်နယ်လွှတ်တော် မှတ်တမ်းအရ သိရသည်။