ဖက်ဒရယ်ဖွဲ့စည်းပုံ အခြေခံ ဥပဒေရေးဆွဲဖို့ UNFC တိုက်တွန်း

ညီညွတ်သော တုိုင်းရင်းသားလူမျိုးများ ဖက်ဒရယ်ကောင်စီ UNFC ရဲ့ ဒုတိယအကြိမ် ညီလာခံကို ၂ဝ၁၅ ခုနှစ် ဒီဇင်ဘာလ ၈ ရက်နေ့က ထိုင်းနိုင်ငံ ချင်းမိုင်မြို့မှာ ကျင်းပစဉ်

Photo: Aung Moe Myint/RFA

စစ်မှန်တဲ့ ဖက်ဒရယ်ပြည်ထောင်စု ပေါ်ထွန်းဖို့အတွက် အရင်းခံပြဿနာဖြစ်တဲ့ ဖက်ဒရယ်ဖွဲ့စည်းပုံအခြေခံဥပဒေ ကို ရေးဆွဲပြဌာန်းရမှာဖြစ်ကြောင်း ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC က ၆၉ နှစ်ပြည့် ပြည်ထောင်စုနေ့ အထိမ်းအမှတ် သ၀ဏ်လွှာထုတ်ပြန်လိုက်ပါတယ်။
လက်ရှိ ၂၀၀၈ ဖွဲ့စည်းပုံအခြေခံဥပဒေမှာ ဖက်ဒရယ်ပြည်ထောင်စုပုံစံ ဖော်ဆောင်နိုင်မယ့် ပြဌာန်းချက်တွေ မပါဝင်ဘူးလို့ UNFC အထွေထွေအတွင်းရေးမှူး ခူးဦးရယ်က ပြောပါတယ်။
"၂ဝဝ၈ အခြေခံဥပဒေကို ကြည့်မယ်ဆိုရင် ပြည်ထောင်စု အလားသဏ္ဍန်တူတဲ့ အနေအထားမျိုးကို ဖော်ဆောင် ညွှန်းဆိုနိုင်တဲ့ ပုဒ်ထီး ပုဒ်မေ တွမရှိဘူးပေါ့နော်၊ တချို့ညွှန်းဆိုသလို ပုဒ်မတချို့ရှိပေမဲ့ တကယ်တန်း ထဲထဲဝင်ဝင် ဥပဒေကြောင်းအရ သုံးသပ်မယ်ဆိုရင် တကယ်ဖက်ဒရယ်ပြည်ထောင်စုကို သွားနိုင်တဲ့ အနေအထားမျိုး မဟုတ်ဘူးဗျ၊ ဒါကြောင့် ကျနော်တို့က ပြီးပြည့်စုံတဲ့ ပြည်ထောင်စုတစ်ခုကို ဖြစ်ပေါ်တည်ဆောက်ဖို့ ၂ဝဝ၈ အခြေခံဥပဒေကို ပြင်ရမယ်ဆိုတဲ့သဘောကို ဆိုလိုတာဖြစ်ပါတယ်"
ဖက်ဒရယ်ဖွဲ့စည်းပုံ အခြေခံဥပဒေတစ်ရပ် အမြန်ဆုံးပေါ်ပေါက်လာအောင် ၀ိုင်းဝန်းကြိုးပမ်းအားထုတ်ကြဖို့နဲ့ ဖွဲ့စည်းပုံအခြေခံဥပဒေ ပြဿနာကြောင့် ပေါ်ပေါက်နေတဲ့ ပြည်တွင်းစစ်ချုပ်ငြိမ်းနိုင်မှသာ ပြည်ထောင်စုကြီး တည်တံ့ခိုင်မြဲမှာဖြစ်တယ်လို့ UNFC သ၀ဏ်လွှာမှာ ပါရှိပါတယ်။
ဒါ့အပြင် လွန်ခဲ့တဲ့ ၁၉၄၇ ခုနှစ် ဖေဖော်ဝါရီလ ၁၂ရက်နေ့မှာ ဗိုလ်ချုပ်အောင်ဆန်းနဲ့ တိုင်းရင်းသားခေါင်းဆောင်တွေ ချုပ်ဆိုခဲ့တဲ့ ပင်လုံစာချုပ်ကို အကောင်အထည်ဖော်ဖို့ ပျက်ကွက်ခဲ့တာကြောင့် ပြည်ထောင်စုအနှစ်သာရ ပျောက် ကွယ်ပြီး နိုင်ငံရေးအကျပ်အတည်းနဲ့ ရင်ဆိုင်နေရဆဲဖြစ်ကြောင်း ဖော်ပြထားပါတယ်။
RFA

ဒေါ်အောင်ဆန်းစုကြည်နဲ့ တပ်မတော်ကြား အခက်ကြုံနေ

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် တို့ ဒီဇင်ဘာလ ၂ ရက်နေ့ နေ့လယ် ၂ နာရီက နေပြည်တော်ရှိ ဘုရင့်နောင်ရိပ်သာ ဧည့်ခန်းမဆောင်မှာ တွေ့ဆုံကြစဉ်

Photo: Myo Thant Khaing/RFA

ဒေါ်အောင်ဆန်းစုကြည်ကို သမ္မတရာထူး တာဝန်ယူခွင့်ပြုရေးအတွက် မြန်မာ့တပ်မတော် ခေါင်းဆောင်တွေနဲ့  အမျိုးသားဒီမိုကရေစီအဖွဲ့ချုပ်အကြား အာဏာခွဲဝေရေး ဆွေးနွေးပွဲတွေပြုလုပ်နေရာမှာ အခက်အခဲတချို့ ကြုံတွေ့နေရတယ်လို့ သတင်းရပါတယ်။
တပ်မတော်ဘက်က ရခိုင်ပြည်နယ်၊ ရှမ်းပြည်နယ်၊ ကချင်ပြည်နယ်နဲ့ ရန်ကုန်တိုင်း ဝန်ကြီးချုပ်ရာထူးတွေကို သူတို့စိတ်ကြိုက်ခန့်ဖို့ တောင်းဆိုနေကြောင်း မနေ့ကနေ့စွဲနဲ့ နေပြည်တော်ကလာတဲ့ ရိုက်တာသတင်းမှာ ပါရှိပါတယ်။
ဒါ့အပြင် သူရ ဦးရွှေမန်းကို ပြီးခဲ့တဲ့ အပတ်က ပြည်သူ့လွှတ်တော် ဥပဒေရေးရာနှင့် အထူးကိစ္စရပ်များ လေ့လာ သုံးသပ်ရေး ကော်မရှင် ဥက္ကဌအဖြစ် ခန့်အပ်လိုက်တဲ့ကိစ္စကိုလည်း လက်ရှိသမ္မတ ဦးသိန်းစိန် အစိုးရအဖွဲ့မှာ ပါဝင်ခဲ့သူအားလုံးဟာ စိုးရိမ်ထိတ်လန့်နေဟန်ရှိတယ်လို့  ကြံ့ခိုင်ဖွံ့ဖြိုးရေးပါတီက လွတ်တော်ကိုယ်စား လှယ်ဟောင်း  တစ်ဦးကပြောဆိုကြောင်း သတင်းမှာ ဖေါ်ပြထားပါတယ်။
အာဏာကြီးမားတဲ့ အဲ့ဒီကော်မရှင်အနေနဲ့ အစိုးရဟောင်း ချုပ်ဆိုခဲ့တဲ့ စာချုပ်တွေကို ပြန်လည်ဆန်းစစ်နိုင်သလို ဥပဒေတွေကို ပြင်ဆင်နိုင်ပါတယ်။  ဦးရွှေမန်းနဲ့အတူ အဲ့ဒီကော်မရှင်မှာ ပါဝင်သူတွေဟာ ဦးသိန်းစိန်အစိုးရမှာ ပါဝင်ခဲ့သူတွေရဲ့နောက်ကြောင်း အတွင်းသိတွေဖြစ်တဲ့အတွက် အစိုးရအဖွဲ့ဝင်ဟောင်းတွေဟာ သူတို့ကို အစိုးရသစ် အရေးယူခံရမယ့်ဘေးက အကာအကွယ်ပေးဖို့ စစ်တပ်ကို အားကိုးနေကြတယ်လို့ ဆိုပါတယ်။
ဥပဒေအရ သမ္မတဟောင်းကိုသာ အကာအကွယ်ပေးထားပြီး ဝန်ကြီးဟောင်းတွေကတော့ အကာအကွယ်မဲ့နေ တယ်လို့လည်း ဦးရွှေမန်းခေါင်းဆောင်တဲ့ အဲ့ဒီအဖွဲ့မှာပါဝင်သူ ကြံ့ခိုင်ဖွံ့ဖြိုးရေး ခေါင်းဆောင်ဟောင်း တစ်ဦးက ပြောပါတယ်။
ဒါပေမယ့်လည်း ဗိုလ်ချုပ်မှူးကြီးဟောင်း သန်းရွှေနဲ့ ဒေါ်အောင်ဆန်းစုကြည်တို့ ဒီဇင်ဘာလက တွေ့ဆုံရာ မှာတော့ ဒေါ်အောင်ဆန်းစုကြည်က အတိတ်ကအဖြစ်တွေကို NLD အနေနဲ့ နောက်ကြောင်းလှန်နေမှာ မဟုတ်ကြောင်း ကတိပြုခဲ့ပြီး အပြန်အလှန်အားဖြင့် ဦးသန်းရွှေက ဒေါ်အောင်ဆန်းစုကြည်ကို အနာဂတ် နိုင်ငံ့ခေါင်းဆောင်အဖြစ် အသိအမှတ်ပြုခဲ့တယ်လို့ သိရပါတယ်။
ဒီအတောအတွင်း တရုတ်အစိုးရကလည်း မဟာဗျူဟာအရ အရေးပါတဲ့ မြန်မာပြည်က သူတို့ အကျိုးစီးပွားတွေကို ကာကွယ်ဖို့အတွက် NLD အစိုးရသစ်ဆောင်ရွက်မယ့် အစီအစဉ်တွေကို  အထူးစိတ်ဝင်စားနေတယ်လို့ ဆိုပါတယ်။
တရုတ်အစိုးရ ကိုယ်စားလှယ်တွေနဲ့ တရုတ်စီးပွားရေးသမားတွေဟာ သူတို့ထံကိုလာပြီး သမ္မတသစ်အကြောင်းနဲ့ စီးပွားရေးစာချုပ်တွေအကြောင်း တချိန်လုံးလိုလို မေးမြန်းနေကြတယ်လို့ NLD ခေါင်းဆောင်တစ်ဦးဖြစ်တဲ့ ဦးဝင်းထိန်ကပြောဆိုကြောင်းလည်း Reuters  သတင်းမှာ ဖေါ်ပြထားပါတယ်။
RFA

တာချီလိတ်တွင် မူးယစ်ဆေးနှင့်လက်နက်များ ဖမ်းမိ

ရှမ်းပြည်နယ် တာချီလိတ်မြို့နယ်၊ မိုင်းကိုး ကျေးရွာထဲက အသက် ၄၆ နှစ်အရွယ် ဦးစိုင်းအေးရဲ့ နေအိမ်မှာ မူးယစ်ဆေးဝါးနဲ့ လက်နက်တွေ ဖမ်းဆီးရမိပါတယ်။
ဖေဖော်ဝါရီ ၁၂ ရက်နေ့က ဦးစိုင်းအေးရဲ့ နေအိမ်မှာ မြန်မာနိုင်ငံ ရဲတပ်ဖွဲ့ဝင်တွေနဲ့ တပ်မတော်သားတွေ ပူးပေါင်းဖမ်းဆီးခဲ့တာလို့ စစ်တပ်ပိုင် မြ၀တီသတင်းမှာ ဖော်ပြပါတယ်။
ဦးစိုင်းအေးကို စစ်ဆေး ဖမ်းဆီးဖို့ သွားရောက်ခဲ့ပေမယ့် ဇနီးဖြစ်သူ နန်းပိုးသာကို တွေ့ပြီး နေအိမ်ထဲက WY စာတန်းပါ စိတ်ကြွဆေးပြား ၁ သိန်း (ဒေသတန်ဖိုး ကျပ်သိန်း ၂၅၀၀)၊ ကဖင်း ၁၉ ကီလိုဂရမ်ခန့် (ဒေသတန်ဖိုးကျပ် ၁၅ သိန်းကျော်)၊ ဆူဒိုအက်ဖီဒရင်းဆေးပြား ၁၀၀၀ (ဒေသတန်ဖိုး ကျပ် ၁ သိန်းလောက်)၊ ပွိုင့်-၃၈ ပစ္စတိုတစ်လက်၊ တူမီးသေနတ်တစ်လက်၊ လေသေနတ် နှစ်လက်၊ အမ်-၉၁ လက်ပစ်ဗုံး တစ်လုံး၊ စိတ်ကြွဆေးပြား ထုတ်လုပ်ရာမှာ အသုံးပြုတဲ့ WY စာတန်းပါ သံမှို ၁၂ ချောင်းနဲ့ သံထည် ငါးခု၊ မော်တော်ယာဉ်မျိုးစုံ ငါးစီး၊ မော်တော်ဆိုင်ကယ် ခုနစ်စီးတို့ကို  သိမ်းဆည်းရမိခဲ့တယ်လို့ သတင်းမှာ ဖော်ပြထားပါတယ်။
ဒါ့အပြင် လေသေနတ် တစ်လက်၊ ကဖင်း ၃ ကီလိုခန့် (ဒေသတန်ဖိုးကျပ်နှစ်သိန်းကျော်ခန့်) နဲ့ စိတ်ကြွဆေးပြား ထုတ်လုပ်ရာ အသုံးပြုတဲ့ အဖြူရောင် အနံ့မှုန့် ၂ ကီလိုတို့ကိုလည်း ထပ်မံသိမ်းဆည်းရမိခဲ့သလို ထွက်ပြေးတိမ်းရှောင်နေတဲ့ ဦးစိုင်းအေးကိုလည်း ဖမ်းဆီးရမိဖို့ ကြိုးစားနေတယ်လို့ ဆိုပါတယ်။
DVB

ဖားကန့် ကျောက်စိမ်းကုမ္ပဏီကားများကို လုံခင်းဒေသခံများ ဆန္ဒပြ

ကချင်ပြည်နယ် ဖားကန့်မြို့နယ် လုံးခင်းကျေးရွာမှာ ကျောက်စိမ်းတူးဖော်ရေး ကုမ္ပဏီတွေရဲ့ မြေသယ်ယာဉ်ကြီးတွေ ဖြတ်သန်းသွားလာတာမပြုလုပ်ဖို့ ဒေသခံ ၆၀ လောက်က  ဒီကနေ့ ဆန္ဒပြခဲ့ကြပါတယ်။
ဖားကန့်ဒေသမှာ ကျောက်စိမ်းတူးဖော်ရေး ကုမ္ပဏီကြီးတွေရဲ့ စွန့်ပစ်မြေစာပုံတွေ မကြာခဏပြိုကျမှုတွေဖြစ်ခဲ့တာကြောင့် လူရာချီ သေဆုံးမှုတွေရှိခဲ့ပြီး မြေစာပုံတွေ ထပ်မံပြိုကျမှာကို စိုးရိမ်တဲ့အတွက် ဆန္ဒပြတာလို့ လုံးခင်းဒေသခံ ဦးလောခမ်းက ဒီဗွီဘီကိုပြောပါတယ်။
နယ်မြေခံတာဝန်ရှိသူတွေရဲ့ ခွင့်ပြုချက်နဲ့ ဒေသခံတွေက လုံးခင်းကျေးရွာ အလယ်နဲ့ ရွာအပြင်ဘက်တို့မှာ ၂ ဖွဲ့ခွဲပြီးတော့ မြေသယ်ယာဉ်ကြီးများ မဖြတ်ရ ဆိုတဲ့ ဆိုင်းဘုတ် ကိုင်ဆောင်ပြီး ငြိမ်းငြိမ်းချမ်းချမ်း လမ်းပိတ် ဆန္ဒပြခဲ့ကြတယ်လို့ ဆိုပါတယ်။
“သူတို့ ရည်ရွယ်ချက်ကတော့ မြေစာပုံပြိုမှာ ကြောက်တာရယ်၊ နောက်ပြီးတော့ ပြည်သူလူထုသွားတဲ့လမ်းကို အသုံးမပြုဖို့ ဖြစ်တယ်။”
မြဦးယာဉ်နဲ့ တစ်သုံးလုံး ကျောက်စိမ်းတူးဖော်ရေး ကုမ္ပဏီ ၂ ခုရဲ့ စွန့်ပစ်မြေစာသယ်နေတဲ့ ကားကြီးတွေဟာ လုံးခင်းကျေးရွာထဲ ဖြတ်သန်းသွားလာပြီး ရွာရဲ့အထက်ဘက်မှာ မြေစာတွေ ပုံထားတာကြောင့် မိုးတွင်ရောက်တဲ့အခါ ပြိုကျမှာကို ဒေသခံတွေက စိုးရိမ်နေကြတာလို့ ဦးလောခမ်းက ဆိုပါတယ်။
ဖားကန့်မှာ ကျောက်စိမ်းတူးဖော်ရေး ကုမ္ပဏီတွေက ဘက်ဟိုးကားကြီးတွေနဲ့  စွန့်ပစ်မြေစာတွေ သွန်ချတာကို ရေမဆေးကျောက်ရှာဖွေသူတွေက  မြေစာပုံတွေရဲ့ အောက်ဘက် ဆင်ခြေလျောတလျှောက်မှာ အသက်အန္တရာယ်ကို မစိုးရိမ်ကြဘဲ ၀မ်းစာအတွက် အလုအယက် ရှာဖွေနေကြတာ ဖြစ်ပါတယ်။
ပြီးခဲ့တဲ့ ၂၀၁၅ ခုနှစ် နိုဝင်ဘာ ၂၁ ရက်နေ့က ဖားကန့်မြို့နယ် ဆိပ်မူကျေးရွာအုပ်စု စုပေါင်းမြေစာပုံမှာ မြေစာပုံပြိုကျမှု ဖြစ်ပွားခဲ့ပြီး ရေမဆေးကျောက် ရှာဖွေသူ ၁၀၀ ကျော် သေဆုံးခဲ့သလို မကြာခဏ မြေစာပုံပြိုကျမှုတွေ ထပ်မံဖြစ်ပွားခဲ့ပါတယ်။
DVB

တနင်္သာရီတိုင်း ၊ပုလော မီးလောင်မှု ရပ်ကွက် ၃ ခု ပြာကျ (ရုပ်သံ)

တနင်္သာရီတိုင်း၊ ပုလောမြို့နယ်၊ ကျောက်က္ကာရွာမှာ ဒီကနေ့ မနက် ၈ နာရီခွဲလောက်ကစလို့ ၅ နာရီခန့်ကြာ မီးလောင်ကျွမ်းခဲ့မှုကြောင့် ရွာရှိ အိမ်ခြေ ထက်ဝက်ကျော် မီးလောင်သွားပါတယ်။
မွန်းလွဲ ၂ နာရီခွဲမှာ မီးငြိမ်းသတ်နိုင်ခဲ့ပြီး သေဆုံးဒဏ်ရာရသူတော့ မရှိဘူးလို့ မီးသတ်ရာမှာ ပါဝင်ကူညီနေတဲ့ ဒေသခံ လူငယ်တဦးက ပြောပါတယ်။
ကျောက်ကာရှိ ရပ်ကွက် ၄ ခုအနက် ၁ ရပ်ကွက်တခုပဲ ကျန်တယ်၊ ကျန်ရပ်ကွက် ၂၊ ၃ နဲ့ ၄ တို့ရှိ အဆောက်အဦတွေ မီးလောင်ကျွမ်းခဲ့ပြီး အိမ်ခြေ ၇၀၀ လောက်အနက် ထက်ဝက်ကျော် မီးလောင်ခံခဲ့ရတာလို့ သူက ပြောပါတယ်။
“ရပ်ကွက်ကတော့ ၂၊ ၃၊ ၄ အဲ့ဒါပါသွားတယ်ခင်ဗျ။ ရပ်ကွက်က ၄ ခု ရှိတာ၊ သူက မီးသတ်ကားနဲ့ ငြိမ်းလို့ မရဘူး၊ ပင်လယ်ထဲကပဲ ပတ်ပြီး ပက်ရတာခင်ဗျ၊ စက်လှေတွေ ၀ါးလတ် ၀ါတန်း လှေကြီးတွေရောနဲ့ ၀ိုင်းပြီး ဖျန်းကြရတာ၊”
မြိတ်ခရိုင်ပြန်ဆက်ရဲ့ သတင်းထုတ်ပြန်ချက်မှာ အမှတ် (၂) ရပ်ကွက်ရှိ ဦးသန်းနိုင် ဆိုသူ နေအိမ်မှာ ၀ါယာကြိုးရှော့ ဖြစ်ပြီး မီး စတင်လောင်ကျွမ်းတာ ဖြစ်ပါတယ်။
အမှတ် ၂၊ ၃၊ ၄ ရပ်ကွက်တို့ရှိ အိမ်ခြေ ၄၀၀ ကျော်၊ ကျောက္ကာကျေးရွာ အထက ခွဲ စာသင်ကျောင်းတို့ မီးလောင်ကျွမ်းခဲ့တယ်လို့ ဖော်ပြထားပါတယ်။
ဒေသခံတွေကို စက်လှေတွေနဲ့ မီးဘေးလွတ်ရာ ပို့ဆောင်ခဲ့ကြပြီး မီးဘေးသင့် ပြည်သူတွေကို ရာဇဂြိုဟ်ကျေးရွာမှာ ကယ်ဆယ်ရေးစခန်း ဖွင့်လှစ် အကူညီပေးနေတယ်လို့ ပြန်ဆက်သတင်းက ဆိုပါတယ်။
DVB

အန်အယ်လ်ဒီနှင့် စစ်တပ် အာဏာလွှဲပြောင်းရေး ဆွေးနွေးမှု တင်းမာမှုရှိဟုဆို

အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ဥက္ကဋ္ဌ ဒေါ်အောင်ဆန်းစုကြည်နဲ့ စစ်တပ်အကြား ဒီမိုကရက်တစ် အစိုးရအပြောင်းအလဲ ဆွေးနွေးမှုမှာ အခက်အခဲတွေ ရှိနေပါတယ်။
အာဏာခွဲဝေရေးနဲ့ ပတ်သက်တဲ့ဆွေးနွေးမှုတွေမှာ တင်းမာမှုတွေ ဖြစ်လာတယ်လို့ ရိုက်တာ သတင်းက ရေးပါတယ်။
ရခိုင်၊ ရှမ်း၊ ကချင်နဲ့ ရန်ကုန်တိုင်းဒေသကြီးတွေက ၀န်ကြီးချုပ် ရာထူးကို စစ်တပ်က တောင်းဆိုနေတယ်လို့လည်း ဆိုပါတယ်။
ရှမ်းနဲ့ ကချင်ပြည်နယ်တွေဟာ မူးယစ်ဆေးဝါး၊ ကျောက်စိမ်းမှောင်ခိုစတဲ့ တရားမ၀င်လုပ်ရပ်တွေမှာ ပါဝင်ပတ်သက်နေတဲ့ တိုင်းရင်းသား လက်နက်ကိုင်တွေ အခြေစိုက်ရာ ပြည်နယ်ဖြစ်ပါတယ်။
ဒီပြည်နယ်တွေကို ထိန်းချုပ်ခွင့်ရတာဟာ တိုင်းရင်းသား လက်နက်ကိုင်တွေနဲ့ အပစ်ခတ်ရပ်ရေး ဦးစားပေးလိုတဲ့ ဒေါ်အောင်ဆန်းစုကြည်အတွက်လည်း အရေးပါတယ်။
ဒါအပြင် ပြည်သူ့လွှတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေးကော်မရှင် ဥက္ကဋ္ဌအဖြစ် သူရ ဦးရွှေမန်းကို ခန့်အပ်လိုက်တာဟာ မယုံကြည်မှုကို ပိုမိုဖြစ်လာစေတယ်လို့ တချို့က ပြောဆိုတယ်လို့ သတင်းက ဖော်ပြပါတယ်။
ဒါဟာ အစိုးရဟောင်းအဖွဲ့ဝင်တွေအတွက် စိုးထိတ်မှုတခုဖြစ်လာနိုင်တဲ့အတွက် စစ်တပ်ရဲ့ အားကို အသုံးပြု ကာကွယ်ဖို့ကြိုးစားနေတယ်လို့ အမည်မဖော်တဲ့ ပြည်ထောင်စု ကြံ့ခိုင်ဖွံ့ဖြိုးရေး အမတ်တဦးကို သတင်းက ကိုးကားပါတယ်။
အန်အယ်လ်ဒီအနေနဲ့ ကော်မရှင်က ကျွမ်းကျင်သူတွေကို အသုံးပြုပြီး ဥပဒေတွေကို ပြန်လည် ပြင်ဆင်မယ်၊ အစိုးရရဲ့ သဘောတူညီချက်တွေကို ပြန်စစ်ဆေးမယ်ဆိုရင် ဒီရွေးချယ်မှုဟာ ဦးသိန်းစိန် အစိုးရဟောင်းအဖွဲ့ဝင်တွေကို ပြဿနာ ဖြစ်လာနိုင်တယ်လို့ အမတ်တွေက ပြောတယ်လို့ ဆိုပါတယ်။
ဒီဇင်ဘာလ စစ်အစိုးရခေါင်းဆောင်ဟောင်း ဦးသန်းရွှေနဲ့ တွေ့ဆုံစဉ်ကတော့ ဒေါ်အောင်ဆန်းစုကြည်က အတိတ်ကို အာရုံမစိုက်ဘူးလို့ အာမခံခဲ့တဲ့ အတွက် ဦးသန်းရွှေက ဒေါ်အောင်ဆန်းစုကြည်ဟာ အနာဂတ်တိုင်းပြည် ခေါင်းဆောင်အဖြစ် ထောက်ခံချက်ပေးခဲ့ပါတယ်။
သမ္မတတာဝန်ကို ထမ်းဆောင်ခဲ့သူတွေကို တစုံတရာ တရားစွဲဆိုခြင်းကနေ ကင်းလွှတ်တဲ့ ဥပဒေကို အရင်ရက်ပိုင်းအတွင်းကပဲ လွှတ်တော်က အတည်ပြုခဲ့ပါတယ်။ ဒါပေမယ့် ဒီဥပဒေဟာ သမ္မတတဦးတည်းသာ ကင်းလွှတ်ခွင့်ပေးထားတာ ဖြစ်ပြီး ၀န်ကြီးတွေကို ကင်းလွှတ်ခွင့် မပေးထားဘူးလို့ ဆိုပါတယ်။
ဒါအပြင် မြန်မာမှာ အရေးပါတဲ့ စီးပွားရေးနဲ့ မဟာဗျူဟာ အကျိုးစီးပွားတွေရှိတဲ့ တရုတ်ကလည်း သူရဲ့ သြဇာကို ကာကွယ်ဖို့ စိုးရွံမှုတွေ ရှိနေတယ်လို့ အန်အယ်ဒီခေါင်းဆောင် ဦးဝင်းထိန်ကို ကိုးကားရေးသားပါတယ်။
စီးပွားရေးကိစ္စတွေ သမ္မတအကြောင်းအရာတွေနဲ့ ပက်သက်ပြီး ပြောဆိုဆွေးနွေးဖို့ အတွက် တရုတ်အစိုးရ ကိုယ်စားလှယ်နဲ့ စီးပွားရေးအဖွဲ့တွေက သူတို့ဆီကို အလွန်အမင်း လာရောက်နေတယ်လို့ ပြောပါတယ်။
ဧပြီလ ၁ ရက်မှာ အစိုးရသစ်က စတင် တာဝန်ယူမှာဖြစ်ပြီး မတ် ၁၇ ရက်နေ့ကျရင် လွှတ်တော်တွေမှာ ဒု သမ္မတလောင်းတွေ တင်သွင်းဖို့အတွက် အစည်းအဝေးတွေကို  စတင်မှာ ဖြစ်ပါတယ်။
DVB

ရှေ့တန်းတိုက်ခိုက်ရေးသမားအဖြစ် ကလေးငယ်များအား အိုင်အက်စ်အဖွဲ့ဖြန့်ကြက်

ဒမတ်စကတ် ဖေဖော်ဝါရီ ၁၂

အိုင်အက်စ်စစ်သွေးကြွအုပ်စုက ဒေသခံကလေးငယ်များကို တစ်လတာ စစ်ရေးလေ့ကျင့်ပေးပြီးနောက် ရှေ့တန်းစစ်မျက်နှာ၌ တိုက်ခိုက်ရေးသမားများအဖြစ်ဖြန့်ကြက်လျက်ရှိကြောင်း ဆီးရီးယားပြည်တွင်းစစ်ကို စောင့်ကြည့်လေ့လာသည့် ဗြိတိန်အခြေစိုက်အဖွဲ့တစ်ဖွဲ့က ပြောကြားသည်။

ပြီးခဲ့သည့်အပတ်က လေ့ကျင့်မှု ပြီးစီးခဲ့သည့် တိုက်ခိုက်ရေးတပ်သား သစ်များ (အကြမ်းအားဖြင့် ၄၅ဝ အနက် ၁ဝဝခန့်)မှာ ကလေးငယ်များဖြစ်ကြောင်း ဆီးရီးယားလူ့အခွင့် အရေးဆိုင်ရာ စောင့်ကြည့်လေ့လာ ရေးအဖွဲ့က ပြောကြားသည်။ စစ်ရေး လေ့ကျင့်မှုအချိန်ကာလမှာ ယခင်က နှစ်လရှိရာမှ တစ်လသို့ သိသိသာသာ လျှော့ချလိုက်ကြောင်း ယင်းအဖွဲ့က ဆိုသည်။ လေ့ကျင့်ပေးပြီးသည့်တပ်သားသစ်များကို ၎င်းတို့၏မိသားစုများ နှင့်တွေ့ဆုံရန် သုံးရက်တာရွှေ့ဆိုင်းပြီးနောက် ရှေ့တန်းစစ်မျက်နှာသို့ ပို့ဆောင်ခဲ့ကြောင်း သိရသည်။ အမေရိကန်ဦးဆောင်သော ညွန့်ပေါင်းအဖွဲ့ က ဆီးရီးယားနိုင်ငံ၌ လေကြောင်းတိုက်ခိုက်မှုများလုပ်ဆောင်ပြီးနောက် ရုရှားနိုင်ငံက ပြီးခဲ့သည့်စက်တင်ဘာလတွင် ယင်းလေကြောင်းတိုက်ခိုက်မှုများ၌စတင်ပါဝင်လာခဲ့ရာ အိုင်အက်စ်အဖွဲ့မှာ ၎င်းတို့၏ထိန်းချုပ်မှု အောက်ရှိနယ်မြေများ ဆုံးရှုံးလျက်ရှိသည်။

နိုင်ငံခြားတပ်ဖွဲ့များ၏ လေကြောင်း တိုက်ခိုက်မှုများကြောင့် အိုင်အက်စ် တိုက်ခိုက်ရေးသမားအရေအတွက် မှာ ၂ဝ,ဝဝဝ ခန့်မှ ၁ဝ,ဝဝဝ နီးပါးထိ လျော့နည်းသွားပြီဖြစ်ကြောင်း အမေရိကန်ကာကွယ်ရေးဝန်ကြီးဌာနက ပြောကြားသည်။ ကလေးငယ်များအား လူသစ်စုဆောင်းမှုနှင့်တိုတောင်း သောလေ့ကျင့်မှုကာလတို့မှာ စစ်သွေးကြွအဖွဲ့၏ တိုက်ခိုက်ရေးသမားလျော့ နည်းလာမှုအတွက်တုံ့ပြန်မှုဖြစ်ကြောင်း စောင့်ကြည့်လေ့လာသူများက ဆိုသည်။

အင်န်အိတ်ခ်ျကေ။
The Mirror Daily

အလွှဲအပြောင်းကာလ နိုင်ငံတွင်းမှာပဲ ဦးသိန်းစိန် နေလို

 မြန်မာနိုင်ငံမှာ ၂၀၁၄ က ကျင်းပတဲ့ အရှေ့အာရှ ထိပ်သီးဆွေးနွေးပွဲကို သမ္မတ အိုဘာမား တက်ရောက်ခဲ့

မြန်မာ နိုင်ငံမှာ အစိုးရသစ်ကို တာဝန်လွှဲပြောင်းဖို့ ပြင်ဆင်နေတဲ့ အသွင် ကူးပြောင်းရေး ကာလမှာ နိုင်ငံတွင်းမှာ ရှိနေသင့်တယ်လို့ ယူဆတဲ့ အတွက် သမ္မတ ဦးသိန်းစိန်က ထိပ်သီးဆွေးနွေးပွဲ မသွားဖို့ ဆုံးဖြတ်တယ်လို့ သမ္မတရဲ့ ပြောခွင့်ရ ပုဂ္ဂိုလ် ပြန်ကြားရေး ဝန်ကြီး ဦးရဲထွဋ်က ဘီဘီစီကို ပြောပါတယ်။

လာမယ့် ဖေဖော်ဝါရီ ၁၅ နဲ့ ၁၆ မှာ အမေရိကန်ပြည်ထောင်စု ကယ်လီဖိုးနီးယား ပြည်နယ် ဆန်းနီးလန်းမှာ ကျင်းပမယ့် အမေရိကန် အာဆီယံ အထူး ထိပ်သီး ဆွေးနွေးပွဲကို ဒုတိယ သမ္မတ ဦးဉာဏ်ထွန်းပဲ တက်မှာလို့ အစိုးရ ဘက်က သတင်း ထုတ်ပြန်ထားပါတယ်။

အခုလို ကာလမှာ နိုင်ငံရေး တည်ငြိမ်မှုနဲ့ လူထု တည်ငြိမ်မှုကို ထိခိုက်အောင် လုပ်လာနိုင်တယ် ဆိုတဲ့ သတင်းတွေ မှန်းဆချက်တွေ တွေ့နေရတာကြောင့် ထိပ်သီး ဆွေးနွေးပွဲ သွားတက် တာထက် နိုင်ငံတွင်းမှာ ရှိနေဖို့က ပိုအရေးကြီးလို့ မသွားတာလို့ ဦးရဲထွဋ်က ပြောပါတယ်။

ဒါပေမဲ့ တည်ငြိမ်မှုကို ထိခိုက်အောင် လုပ်နိုင်တယ် ဆိုတာဘယ်လိုလဲ ဘယ်သူတွေကလုပ်နိုင်တာလဲ ဆိုတာကိုတော့ သူက အသေးစိတ် မပြောပါဘူး။

အခု ခရီးစဉ်မှာ ဒုတိယ သမ္မတ ဦးဉာဏ်ထွန်းနဲ့ အတူ နိုင်ငံခြားရေး ဝန်ကြီး ဦးဝဏ္ဏမောင်လွင်၊ အာဆီယံ စီးပွားရေး အသိုက်အဝန်းကို ကိုယ်စားပြုတဲ့ အနေနဲ့ ဝန်ကြီး ဦးကံဇော်၊ ပြန်ကြားရေး ဝန်ကြီး ဦးရဲထွဋ်တို့ လိုက်ပါသွားမှာ ဖြစ်ပါတယ်။

ကမ္ဘာ့ခေါင်းဆောင်တွေနဲ့ တွေ့တဲ့ အခါ မြန်မာနိုင်ငံမှာ ပြုပြင်ပြောင်းလဲရေး ဆောင်ရွက်မှုတွေကို ရှင်းပြပြီး မြန်မာနဲ့ အမေရိကန် ဆက်ဆံရေး တိုးမြှင့်ဖို့ ကိစ္စ၊ အာဆီယံနဲ့ အမေရိကန် ဆက်ဆံရေးက တဆင့် အာရှ ဒေသမှာ တည်ငြိမ်မှုနဲ့ စီးပွား ဖွံ့ဖြိုးမှု ဖော်ဆောင်နိုင်ရေး တွေကို ဆွေးနွေးကြမယ်လို့ ဦးရဲထွဋ်က ပြောပါတယ်။

BBC Burmese

ရက္ခိုင့်တပ်မတော်ကို လက်နက်ချ အလင်းဝင်ဖို့ ဖိတ်ခေါ်စာဖြန့်ဝေ

Arakan Army AA ခေါ် ရက္ခိုင့်တပ်မတော် တပ်ဖွဲ့ဝင် တချို့ကို တွေ့ရစဉ်။ Photo: Arakan Army

ရက္ခိုင့်တပ်မတော် AA တပ်ဖွဲ့ဝင်တွေကို လက်နက်ချပြီး အလင်းဝင်ကြဖို့ ဖိတ်ခေါ်တဲ့စာတွေကို ရခိုင်ပြည်နယ်အစိုးရ အဖွဲ့က မြို့နယ်အုပ်ချုပ်ရေးမှူးတွေကတစ်ဆင့် မနေ့က ဖြန့်ဝေလိုက်ပါတယ်။

လက်နက်ချ အလင်းဝင်လာသူတွေရှိရင် သူတို့ရဲ့ရပိုင်ခွင့်တွေရရှိအောင် ရခိုင်ပြည်နယ် အစိုးရအဖွဲ့က ဆောင် ရွက်ပေးသွားမယ်လို့ ရခိုင်ပြည်နယ်အစိုးရ သတင်းထုတ်ပြန်ရေးကော်မတီ ဥက္ကဌ ဦးလှသိန်းက ပြောပါတယ်။

"ထုတ်ပြန်တယ်ဆိုတဲ့ဟာက လက်နက်နဲ့ ငြိမ်းချမ်းရေး လဲလှယ်ဖို့ဆိုလို့ရှိရင် ရခိုင်ပြည်နယ်အတွက်ကလည်း အရေးယူဆောင်ရွက်ပြီးသားပဲလေ၊ တကယ်လို့ ဟိုဟာဖြစ်လို့ရှိရင် ကျနော်တို့က အပေါ်ကိုချိတ်ပြီးတော့ ရပိုင်ခွင့်တွေ ရအောင်လုပ်ပေးမှာပေါ့ဗျာ၊ အဲ့သဘောမျိုးပါပဲ၊ မြို့နယ်အုပ်ချုပ်ရေးမှူးတွေကနေတဆင့် ရပ်ကျေးတွေကိုဖြန့်မယ်၊ ၁၇ မြို့နယ် တစ်ပြည်နယ်လုံးကိုဖြန့်တာ"

အဲဒီစာတွေကို ရခိုင်ပြည်နယ် အစိုးရအဖွဲ့ ပြည်နယ်လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီးထိန်လင်း ဦးဆောင်တဲ့ တည်ငြိမ်ရေးနဲ့ တရားဥပဒေ စိုးမိုးရေးကော်မတီက ထုတ်ပြန်တာလို့ သိရပါတယ်။

ရက္ခိုင့်တပ်မတော် AA တပ်ဖွဲ့ဝင်တွေအနေနဲ့ လက်နက်ပါသည်ဖြစ်စေ၊ မပါသည်ဖြစ်စေ နီးစပ်ရာကျေးရွာအုပ်ချုပ်ရေး အဖွဲ့၊ ရဲစခန်း၊ တပ်မတော် စစ်ကြောင်းတွေထံဖြစ်စေ လာရောက်အလင်းဝင်ကြဖို့နဲ့ အလင်းဝင်ရောက်လာသူတွေကို ဖမ်းဆီးအရေးယူမှာ မဟုတ်ကြောင်းလည်း ပါရှိပါတယ်။

အစိုးရတပ်မတော်ထံမှာ လာရောက်အဖမ်းခံတဲ့ AA တပ်ဖွဲ့ဝင် သုံးဦးကို အလင်းဝင်သူတွေအဖြစ် သတ်မှတ်ပြီး စီစစ်မှုတွေပြုလုပ်ကာ အရေးမယူဘဲ ပြန်လွှတ်ပေးသွားမယ်လို့လည်း ပါရှိပါတယ်။

မြို့ရွာတွေမှာ တိမ်းရှောင်နေတဲ့ AA တပ်ဖွဲ့ဝင် ဒုတိယဗိုလ်မှူးကြီးအဆင့်နဲ့ တခြားအဆင့်ရှိသူတွေကို အစိုးရ တပ်မတော်ဘက်က ဖမ်းဆီးရမိထားပြီး ထောင်ဒဏ် ၃ နှစ်၊ သေဒဏ် ဒါမှမဟုတ် ထောင်ဒဏ် နှစ် ၂၀ နဲ့ညီမျှတဲ့ တစ်သက်တစ်ကျွန်းဒဏ်တွေကို ကျခံရမှာဖြစ်တယ်လို့လည်း သိရပါတယ်။

RFA Burmese
http://www.rfa.org/burmese

ပလောင်ဒေသမှာ အရပ်သားတွေ ခေါင်းဖြတ်ခံရတဲ့ အထိ ပစ်မှတ်ထား ခံနေရတယ်လို့ UNA ပြော

 ခေါင်းဖြတ် သတ်တာမျိုး ဘယ် လက်နက်ကိုင်တပ် က ကျူးလွန်တာ လဲ ဆိုတာ ကိုတော့ UNA ရဲ့ ထုတ်ပြန်ချက် ထဲ မှာ မတွေ့ရပါဘူး။

ပလောင် အုပ်ချုပ်ခွင့်ရ ဒေသထဲမှာ တအာင်း ပလောင် လက်နက်ကိုင် TNLA နဲ့ ရှမ်းပြည် တပ်မတော် တောင်ပိုင်း လို့လည်း ခေါ်တဲ့ ရှမ်းပြည် ပြန်လည် ထူထောင်ရေး တပ် RCSS တို့ အကြား လတ်တလော ဖြစ်ပေါ် နေတဲ့ တိုက်ပွဲ အတွင်း အရပ်သား တွေ ပါ ပစ်မှတ် ထား ဖမ်းဆီး ခံနေရ ပြီး ခေါင်းဖြတ် သတ် ခံရ တာ မျိုး အထိ ဖြစ် နေတယ် လို့ စည်းလုံး ညီညွတ်သော တိုင်းရင်းသား လူမျိုးများ မဟာမိတ် အဖွဲ့ UNA က ကြေညာချက် ထုတ် ကန့်ကွက် လိုက်ပါတယ်။

ဘယ် လက်နက်ကိုင်တပ် က ကျူးလွန်တာ လဲ ဆိုတာ ကိုတော့ UNA ရဲ့ ထုတ်ပြန်ချက် ထဲ မှာ မတွေ့ရပါဘူး။

UNA အဖွဲ့ ကို ၁၉၉၀ ရွေးကောက်ပွဲဝင် ခဲ့တဲ့တဲ့ တိုင်းရင်းသား နိုင်ငံရေး ပါတီ တွေ စုပေါင်း ဖွဲ့ခဲ့ ပြီး လက်ရှိ မှာ ရှမ်းတိုင်းရင်းသား များ ဒီမိုကရေစီ အဖွဲ့ချုပ် SNLD၊ မွန် အမျိုးသား ပါတီ ၊ ရခိုင် အမျိုးသားပါတီ အပါအဝင် မြေပေါ် တိုင်းရင်းသား နိုင်ငံရေး ပါတီ တွေ ရဲ့ ညွန့်ပေါင်း အဖွဲ့ တစ်ခု ဖြစ်ပါတယ်။

ရှမ်းပြည် တပ်မတော် တောင်ပိုင်း RCSS အနေနဲ့ တအောင်း ပလောင် ဒေသထဲ ထိ သွားရောက် ပြီး တိုက်ပွဲ တွေ ဖြစ်နေတာ ဟာ နောက်ကွယ်က ပယောဂ ပါနိုင်တယ် လို့ သံသယ ရှိတယ် ဆိုပြီး မွန် အမျိုးသား ပါတီ အတွင်းရေးမှုး နိုင်စိုးမြင့် က ဘီဘီစီ ကို ပြောပါတယ်။

RCSS ဟာ အစိုးရ စစ်တပ် နဲ့ ကြား တစ်နိုင်ငံ လုံး အပစ်ရပ် သဘောတူမှု စာချုပ် NCA ထဲ ပါဝင် လက်မှတ် ရေး ထိုး ထားတဲ့ အဖွဲ့ ဖြစ်ပြီး၊ TNLA ကတော့ NCA ထဲ မပါဝင်ဖို့ အစိုးရ ဘက်က ချန်လှပ် ထားတဲ့ အဖွဲ့ ဖြစ်ပါတယ်။

တအာင်း ပလောင် နယ် ထဲ က တိုက်ပွဲ တွေ ကြောင့် မိမိတို့ရဲ့ အိုးအိမ် တွေကို စွန့်ခွာ ထွက်ပြေး ကြရတဲ့ ဒုက္ခသည် အရေ အတွက် လည်း တဟုန်ထိုး များပြား လာနေတယ် ဆိုပြီး တော့လည်း UNA ရဲ့ ထုတ်ပြန်ချက် ထဲမှာ ပါဝင် ပါတယ်။

BBC Burmese

ZIKA ကာကွယ်ဆေး ထုတ်နိုင်ဖို့ ၁၈လ ကြာ စောင့်ရဦးမည်

ဇီကာဗိုင်းရပ်စ် ကာကွယ်ဆေးကို ကြီးကြီးမားမား စမ်းသပ်မှုတွေလုပ်နိုင်ဖို့ ၁၈ လထက် မနည်း ကြာဦးမယ်လို့ ကမ္ဘာ့ကျန်းမာရေး အဖွဲ့ WHO ကပြောလိုက်ပါတယ်။ ကာကွယ်ဆေး သုတေသနမှာ အစုအဖွဲ့ ဒါမှမဟုတ် ကုမ္ပဏီ ၁၅ ခုလောက်ပါဝင်ပြီး အလျင်အမြန် လုပ်နေတယ်လို့ WHO ပြောခွင့် ရ အမျိုးသမီး Marie-Paule Kieny က သတင်းထောက်တွေကို ပြောပါတယ်။

ဇီကာဗိုင်းရပ်စ်ပိုးနဲ့ ဦးနှောက်နဲ့ အာရုံကြောဆိုင်ရာ အခြေအနေနှစ်ရပ်ကြား ဆက်စပ်နေသလား ဆိုတာကို သီတင်းပတ်အနည်းငယ်အတွင်း အတည်ပြုနိုင်မယ်လို့ WHO က ယုံကြည်ထားတယ်ဆိုတာကိုလည်း သူကပြောပါတယ်။ ခြင်ကနေတဆင့် ကူးစက်တဲ့ ဇီကာဗိုင်းရပ်စ်ဟာ microcephaly ဆိုတဲ့ရောဂါနဲ့ ဆက်စပ်နေတယ်လို့ ယုံကြည်ထားကြတာပါ။

ဒီ ရောဂါကြောင့် မွေးကင်းစကလေးငယ်တွေမှာ ဖွံ့ဖြိုးမှုနိမ့်ကျတဲ့ ဦးနှောက်တွေ ပါလာသလို Guillian-Barre syndrome ဆိုတဲ့ ခန္ဓာ ကိုယ်ခုခံအားက အာရုံကျောတွေ ကို ဒုက္ခပေးတဲ့ အခြေအနေလည်း ပါလာပါတယ်။ ဒီ Guillian-Barre ရောဂါ လက္ခဏာဟာ ပုံမှန် အားဖြင့် အရွယ်ရောက်ပြီးသား လူတွေမှာ ဖြစ်တတ်ပြီး ကြွက်သားတွေ အားနည်းပြီးတော့ အာရုံကျောစနစ်ကို ထိခိုက် ပျက်စီးစေ တာပါ။ ဇီကာဗိုင်းရပ်စ် ကာကွယ်ဆေးနဲ့ပတ်သက်တာကို WHO ကဒီကနေ့ ဂျီနီဗာမှာ ထုတ်ပြန်တာပါ။
VOA

Al-Qaida အဓိက ကွန်ယက် တခုကို ပါကစ္စတန် ချေမှုန်း

Pakistan မှာ လုံခြုံရေးတင်းကျပ်။ (ဇန်နဝါရီ ၂၁၊ ၂၀၁၆)

12.02.2016 

တောင်အာရှဒေသက အယ်လ်-ကိုင်းဒါးအဖွဲ့ရဲ့ အဓိကွန်ယက် တခုကို ခြေမှုန်း လိုက်သလို အမေရိကန်သတင်းထောက် Daniel Pearl ကိုသတ်မှုမှာ ပါဝင်တဲ့ လူတယောက်ကို ထောင်ဖောက်ပြီးထုတ်ဖို့ အကြံအစည်ကိုလည်း တားဆီး လိုက်တယ်လို့ ပါကစ္စတန် က ကြေညာပါတယ်။
Musanna လို့လည်းသိကြတဲ့ Farooq Bhatti အပါအ၀င် စစ်သွေးကြွ ၉၇ ယောက်ကို ဖမ်းလိုက်တယ်လို့ ပါကစ္စတန်စစ်ဘက် ပြောခွင့်ရ ဒုတိယဗိုလ်ချုပ်ကြီး Asim Bajwa ကပြောပါတယ်။ အဲဒီလူဟာ အိန္ဒိယ တိုက်ငယ် အယ်လ်-ကိုင်းဒါးအဖွဲ့ (AQIS) ရဲ့ ဒုတိယအကြီးအကဲဖြစ်ပါတယ်။ ဒါ့အပြင် အဖွဲ့ကို ဘဏ္ဍာငွေကြေးထောက်ပံ့သူ ၁၂ ယောက်နဲ့ ဖောက်ခွဲရေးပစ္စည်းဆိုင်ရာ ကျွမ်းကျင်သူ ၁၅ ယောက်ကိုလည်း ဖမ်းလိုက်တာပါ။ ဒီ အယ်လ်-ကိုင်းဒါးအဖွဲ့ခွဲရဲ့ ခေါင်းဆောင်ကတော့ အာဖဂန်နစ္စတန်မှာ ရောက်နေတယ်လို့ Bajwa ကပြောပါတယ်။
တရားမ၀င်ကြေညာထားတဲ့ Lashkar e Jhangvi (LeJ) စစ်သွေးကြွအဖွဲ့ရဲ့ အကြီးတန်းခေါင်းဆောင်တွေကိုလည်း လက်လုပ် ဖောက်ခွဲရေးပစ္စည်း (IED) ဆိုင်ရာ ကျွမ်းကျင်သူ ၁၀ ဦး၊ အသေခံဗုံးခွဲသူ ခြောက်ဦးနဲ့အတူ ပါကစ္စတန်က ဖမ်းလိုက်တယ် လို့ ဒုဗိုလ်ချုပ်ကြီး Bajwa ကပြောပါတယ်။
ဒီအဖွဲ့ဟာ ပါကစ္စတန်နိုင်ငံ တ၀န်းမှာ တိုက်ခိုက်မှုတွေလုပ်ဖို့ AQIS အဖွဲ့နဲ့အတူ စီစဉ်နေပြီး ပါကစ္စတန် တာလီဘန်တွေဆီကနေ အထောက်အပံ့ရနေတဲ့ အချိတ်အဆက်တခုကိုလည်း ထူထောင်ထားပါတယ်။
တခြားဖမ်းဆီးလိုက်သူတွေထဲမှာ တိုက်ခိုက်မှုတွေလုပ်တဲ့အခါ သုံးလေ့ရှိတဲ့ လူအစုအဖွဲ့ထဲက စစ်သွေးကြွ ၄၇ ယောက် ပါဝင်ပါတယ်။
VOA

လေယာဉ်ပစ်ကျည်ဆန်များ ဘယ်လိုရောက်လာတာလဲ

ရန်ကုန်တိုင်းဒေသကြီး လှိုင်သာယာမြို့နယ်အတွင်း လေယာဉ် ပစ်ကျည်ဆန်များ ဖမ်းဆီးရမိမှုနှင့် ပတ်သက်၍ သတင်းများ ထွက်ပေါ်နေသော်လည်း တိုင်းဒေသကြီး ရဲတပ်ဖွဲ့အနေဖြင့် ဆက်လက်စစ် ဆေးနေသောကြောင့် သတင်းထုတ် ပြန်ပေးနိုင်မှုမရှိသေးကြောင်းရန်ကုန် တိုင်းဒေသကြီး ဒုတိုင်းရဲတပ်ဖွဲ့မှူး ရဲမှူးကြီးဝင်းဘိုက ပြာသည်။

ထွက်ပေါ်နေသည့်သတင်းများအရ တာမွေမြို့နယ်အတွင်း ညအချိန်စက်ဖွင့်ရပ်နားထားသည့် ယာဉ်ပေါ်မှ ပစ္စတိုသေနတ်တစ်လက်၊ ကျည် ၇၂တောင့်နှင့်အတူ တွေ့ရှိသူကို ဆက်လက်စစ်ဆေးခဲ့ရာ လေယာဉ် ပစ်ကျည်ဆန်များကို ယခုလ ၁ဝ ရက်က လှိုင်သာယာမြို့နယ်အတွင်းမှ ဆက်လက်သိမ်းဆည်း ရမိခဲ့ကြောင်း၊ ယင်းနေ့မွန်းလွဲ ၁၂ နာရီခွဲတွင် တာမွေမြို့မရဲစခန်းက (ပ)၁၁၇/၁၆ လက်နက်ဥပဒေပုဒ်မ ၁၉(စ)အရ အမှုဖွင့်အရေးယူထား သည့် အလုံမြို့နယ်နေ အောင်မြတ် ကျော်(ခ)ညီညီစိုး (ခ) မင်းခန့်(ခ) ညီညီ (၂၆နှစ်)ကို ရန်ကုန်တိုင်း ဒေသကြီး ရဲတပ်ဖွဲ့မှူးရုံးက ဆက်လက်စစ်ဆေးခဲ့ရာ ဒဂုံမြောက်ပိုင်း မြို့နယ်အတွင်းမှ စစ်သုံးလက်နက် ပစ္စည်းများနှင့်ဆက်သွယ်ရေးစက်၊ ဗုံး၊ လက်လုပ်မိုင်းပြုလုပ်ရာတွင် အသုံးပြုသည့် ပစ္စည်းများနှင့်အတူ မြောက်ဥက္ကလာပမြို့နယ်နေဝေသာ ထွန်း(ခ)မျိုးဇော် (၃၄နှစ်)ကို ကွင်း ဆက်အဖြစ် ဆက်လက် ဖမ်းဆီးစစ်ဆေးခဲ့ကြောင်း သိရသည်။

ထို့ပြင် ၄င်းတို့နှစ်ဦးကိုစစ်ဆေးချက်အရ လှိုင်သာယာမြို့နယ်အတွင်း ပဒံကျေးရွာ ရွှေကမ်းသာ အိမ်ရာဝင်း အတွင်းရှိ တိုက်အမှတ် ၁၂ တွင် လက်နက်ပစ္စည်းများထား ရှိကြောင်း ဆက်လက်ပေါ်ပေါက်ခဲ့သည်။ စုံစမ်းပေါ်ပေါက်ချက်အရ အဆိုပါအိမ်ရာ တိုက်အမှတ် ၁၂သို့ ရန်ကုန်တိုင်းဒေသကြီးရဲတပ်ဖွဲ့မှူး၏ ညွှန်ကြားမှုဖြင့် ဝင်ရောက်စစ်ဆေးခဲ့သည်။

အမှုတွင် ပါဝင်သူ ကျော်စိန် (စုံစမ်းဆဲ)နှင့်အေးချမ်း(စုံစမ်းဆဲ)တို့ နှစ်ဦးမှာ တိမ်းရှောင်သွားခဲ့ကြောင်း၊ အဆိုပါ နေအိမ်တိုက်ခန်းအတွင်း အသုံးအဆောင်၊ စာရွက်စာတမ်းများကိုလည်းကောင်း၊နေအိမ်အပေါ်ထပ် စတိုခန်းအတွင်းမှမြွေရေခွံ အိတ်ဖြင့်ထည့်ထားသည့် သေနတ်သုံးကျည်အတောင့် ၇ဝ၄ဝနှင့် ကျည် ဘောက်စ် ၁၉ ခု၊ ၁၂ ဒသမ ၇ အမျိုးအစားလေယာဉ်ပစ်သေနတ်ကျည် အတောင့်၄၄ဝ၊ ၄၇ အမျိုးအစား ကျည်ခါးပတ် ၁၃ ခုထည့်လျက် ကျည်အတောင့်၁ဝဝဝ၊ အမဲဆီများ ပေနေသည့် စက်လတ်ကျည် ၅ဝဝ ဆံ့ကျည်မပါခါးပတ်နှစ်ခု၊ လေ့ကျင့် ရေးကျည် ၁၉၅တောင့်၊ အဝိုင်းပုံ စက်လတ်ကျည်အိမ်နှစ်ခု၊ မီးခိုး ဗုံးလေးလုံး၊ လက်နက်ကြီးပို့ကျည် ၁၂လုံး၊ ယမ်းတောင့် ၅၆ ထုပ်၊ အရှည် ၉၄ ပေ ခြောက်လက်မခန့်ရှိ မီးရှို့စနက်တံကြိုးရိုးရိုးတစ်ချောင်း၊ စက္ကူဘူးဖြင့် ထည့်ထားသည့် စနက်တံ ၁၉၅ ချောင်းတို့ကို တွေ့ ရှိသိမ်းဆည်းခဲ့သည်။ လက်နက်များ တရားမဝင်ထားရှိသူ အောင်မြတ်ကျော်(ခ)ညီညီစိုး(ခ)မင်းခန့်(ခ) ညီညီ၊ ဝေသာထွန်း (ခ)မျိုးဇော်နှင့် တိမ်းရှောင်နေသူကျော်စိန်(စုံစမ်းဆဲ) နှင့်အေးချမ်း (စုံစမ်းဆဲ)တို့နှစ်ဦးကို အရေးယူပေးရန် တိုင်ကြားခဲ့သည်။ သောင်ကြီးနယ်မြေရဲစခန်းက (ပ) ၈ဝ/၁၆ လက်နက်ဥပဒေပုဒ်မ ၁၉(စ)အရ အမှုဖွင့်အရေးယူထား ကြောင်း သတင်းများထွက်ပေါ် ခဲ့သည်။

''စိစစ်ဆောင်ရွက်ဆဲဖြစ်ပါတယ်။ ဘာမှပြောလို့ မရသေးပါ ဘူး။ အဆင့်မြင့်အရာရှိတစ်ဦးက ပြောသည်။ ပြောသည်ဆိုပြီး အွန်လိုင်းပေါ်မှာတက်တက်လာတယ်။ ဘယ်သူမှမပေးသေးပါဘူး။တခြား ကိစ္စမေးရင်မေးပါ။ ဒီကိစ္စနဲ့ ပတ်သက်ပြီးစုံစမ်းစစ်ဆေးနေပါတယ်'' ဟု ရန်ကုန်တိုင်းဒေသကြီး ဒုတိုင်း ရဲတပ်ဖွဲ့မှူး ရဲမှူးကြီး ဝင်းဘိုက ပြောသည်။

တာမွေမြို့နယ်၌ရပ်ထားသော ယာဉ်ပေါ်မှ ပစ္စတိုတစ်လက်နှင့် ကျည်ဆန် ၇၂ တောင့် ကိုင်ဆောင်ထားသော အမျိုးသားတစ်ဦးကို ယခုလ ၆ရက်က ဖမ်းဆီးရမိခဲ့ပြီး ၄င်းအားစစ်ဆေးရာမှ မြောက်ဥက္ကလာပမြို့နယ်တွင် ယခုလ၁ဝရက် ကစိတ်ကြွရူးသွပ်ဆေးပြားသုံးသိန်းကျော် ထပ်မံဖမ်းဆီးရမိခဲ့သည်။
''အဲ့ဒါကတိုင်းကိုမေးရင်မေး၊ တိုင်းနဲ့ အခြားအဖွဲ့တွေ ပူးပေါင်း ဆောင်ရွက်တာ။ အားလုံးချပြသင့် တဲ့အချိန်ရောက်ရင် ချပြမှာပါ''ဟု ရန်ကုန်တိုင်းဒေသကြီး မြောက်ပိုင်း ခရိုင်ရဲတပ်ဖွဲ့မှူး ဒုရဲမှူးကြီးမြင့် လွင်က ပြောသည်။

တာမွေမြို့နယ်အတွင်း ကနဦး ဖမ်းဆီးရမိခဲ့သည့် ပစ္စတိုသေနတ်နှင့်အတူ တွေ့ရှိခဲ့သူမှာ ရခိုင် တိုင်းရင်းသား လက်နက်ကိုင်အဖွဲ့ အစည်းနှင့် ဆက်စပ်နေကြောင်း ရန်ကုန်တိုင်းဒေသကြီး လုံခြုံရေး နှင့်နယ်စပ်ရေးရာဝန်ကြီး ဗိုလ်မှူး ကြီးတင်အောင်ထွန်းကပြောသည်။

The Union Daily
http://uniondaily.net

အိမ်ရှင် မြန်မာ အပါအဝင် ၁၃ နိုင်ငံ ပါဝင်၍ ဒုတိယ အကြိမ်မြောက် အာရှ ခြင်းလုံးနှင့် ပိုက်ကျော်ခြင်း ချစ်ကြည်ရေး ပြိုင်ပွဲ ကျင်းပမည်

ပိုက်ကျော်ခြင်း အားကစားပြိုင်ပွဲ အားတွေ့ရစဉ် (ဓာတ်ပုံ-အားကစားဝန်ကြီးဌာန)

ရန်ကုန် ၊ ဖေဖော်ဝါရီ ၁၁ ရက် (ဆင်ဟွာ)
မြန်မာနိုင်ငံ၌ အိမ်ရှင် အဖြစ် ဒုတိယ အကြိမ်မြောက် အာရှ ခြင်းလုံးနှင့် ပိုက်ကျော်ခြင်း ချစ်ကြည်ရေး ပြိုင်ပွဲ 2nd Asian Chinlone Championship & Sepaktakraw Friendly Match အား ဖေဖော်ဝါရီလ ၁၆ ရက်မှ ၁၉ ရက် အထိ မန္တလေးတိုင်း ၊ အမရပူရမြို့၏ ဝေရောစန ကျောက်စိမ်း စေတီတော်မြတ်၌ ကျင်းပ ပြုလုပ်သွားမည် ဖြစ်ကြောင်း အားကစား ဝန်ကြီးဌာနမှ သိရသည်။

ထိုပြိုင်ပွဲအား အာရှ ခြင်းလုံး အဖွဲ့ ချုပ်နှင့် မြန်မာနိုင်ငံ ပိုက်ကျော်ခြင်း နှင့် ရိုးရာ ခြင်းလုံး အဖွဲ့ ချုပ်တို့ ပူးပေါင်း ကျင်းပခြင်း ဖြစ်ပြီး ရိုးရာ ခြင်းလုံး ပြိုင်ပွဲတွင် အိမ်ရှင် မြန်မာ အပါအဝင် ထိုင်း ၊ မလေးရှား ၊ အင်ဒိုနီးရှား ၊ ကမ္ဘောဒီးယား ၊ လာအို ၊ စင်ကာပူ ၊ ကိုရီးယား ၊ ဂျပန် ၊ အိန္ဒိယ ၊ သီရိလင်္ကာ ၊ အီရန် ၊ ပါကစ္စတန် စုစုပေါင်း ၁၃ နိုင်ငံမှ ပါဝင် ယှဉ်ပြိုင်ကြမည် ဖြစ်ပြီး  ပြိုင်ပွဲဝင် အမျိုးအစား Event ၁ ၊ ၂ ၊ ၃ ၊ ၄ မျိုး ကျင်းပမည် ဖြစ်ကြောင်း သိရသည်။
ထို့ ပြင် ပိုက်ကျော်ခြင်း ပြိုင်ပွဲတွင် အိမ်ရှင် မြန်မာ အပါအဝင် ကိုရီးယား ၊ လာအို ၊ ကမ္ဘောဒီးယား ၊ မလေးရှား စုစုပေါင်း ၅ နိုင်ငံ ပါဝင်ပြီး ၃ ယောက်တွဲ Regu အမျိုးအစားကို ချစ်ကြည်ရေး ပြိုင်ပွဲအဖြစ် ၀င်ရောက် ယှဉ်ပြိုင် ကစားကြမည် ဖြစ်ကြောင်း သိရသည်။  (Xinhua)

၂ဝ၁၅-၂ဝ၁၆ ပညာသင်နှစ် အခြေခံ ပညာသင်နှစ် အဋ္ဌမတန်း စာမေးပွဲ မေးခွန်းများ ထုတ်ပေးလျက်ရှိ

ရန်ကုန်၊ ဖေဖော်ဝါရီ ၁၂ ရက် (ဆင်ဟွာ)
၂ဝ၁၅-၂ဝ၁၆ ပညာသင်နှစ် အခြေခံပညာ သင်နှစ် အဋ္ဌမတန်း စာမေးပွဲ အတွက် မေးခွန်းများအား တိုင်းဒေသကြီး၊ ပြည်နယ်၊ ခရိုင်နှင့်မြို့နယ် ပညာရေးမှူးရုံး များသို့ စတင်ထုတ်ပေး နေပြီ ဖြစ်ကြောင်း ရန်ကုန်တိုင်း ဒေသကြီး ပညာရေးမှူးရုံးမှ သိရသည်။

Xinhua (http://www.xinhuamyanmar.com/myanmar )

ကျိုက်ထိုမြို့နယ်တွင် ဘုရားဖူးယာဉ် တိမ်းမှောက်မှုကြောင့် ၁၇ ဦး ဒဏ်ရာရရှိ

မွန်ပြည်နယ်၊ ကျိုက်ထိုမြို့နယ်၊ သဲဖြူချောင်းကျေးရွာအနီးရှိ ရွှေလက်ရာမိတ္တူဆိုင်ရှေ့ ရန်ကုန် - မော်လမြိုင် ကားလမ်း မိုင်တိုင် ၁၁၆/၆ တွင် လိုက်ထရပ် ဘုရားဖူးယာဉ် တိမ်းမှောက်မှုကြောင့် ၎င်း ယာဉ်ပေါ် လိုက်လာသူ ၁၇ ဦး ဒဏ်ရာရရှိကာ ငါးဦး ရန်ကုန်ဆေးရုံကြီးသို့ပို့ဆောင်ခဲ့ရပြီး ကျန်ဒဏ်ရာရရှိသူ ၁၂ ဦးကို ကျိုက်ထိုပြည် သူ့ဆေးရုံသို့ပို့ဆောင်ခဲ့ရ ကြောင်း ကျိုက်ထိုမြို့မရဲစခန်းထံမှ သိရသည်။

ဖေဖေါ်ဝါရီ ၁၂ ရက် မွန်းလွဲ ၂ နာရီ ၃၅ မိနစ်ခန့်က ရန်ကုန်ဘက်မှ မော်လမြိုင်ဘက်သို့ မောင်းနှင်လာစဉ် တိမ်းမှောက်ခဲ့ခြင်းဖြစ်သည်။

Hinthar Media Corporation
https://www.facebook.com/hintharmediacorporation

အမေရိကန်-အာဆီယံ ညီလာခံ သမ္မတ ဦးသိန်းစိန် မတက်

နေပြည်တော်မှာ ၂ဝ၁၄ ခုနှစ် နိုဝင်ဘာလ ၁၃ ရက်နေ့ကကျင်းပတဲ့ ၉ ကြိမ်မြောက် အရှေ့အာရှ ထိပ်သီးအစည်းအဝေးကို တက်ရောက်လာတဲ့ အမေရိကန်သမ္မတ အိုဘားမားကို သမ္မတ ဦးသိန်းစိန်နဲ့ အတူတွေ့ရစဉ်

Photo: RFA

အမေရိကန်ပြည်ထောင်စုမှာ ပထမဆုံးအကြိမ်ကျင်းပဖို့ စီစဉ်ထားတဲ့ အမေရိကန် အာဆီယံ အထူးထိပ်သီးဆွေးနွေး ပွဲကို သမ္မတ ဦးသိန်းစိန် ကိုယ်စား ဒုတိယသမ္မတ ဦးဥာဏ်ထွန်း တက်ရောက်မယ်လို့ သမ္မတရုံးက ကြေညာချက် ထုတ်ပြန်ပါတယ်။
အမေရိကန် အာဆီယံ အထူးထိပ်သီးဆွေးနွေးပွဲကို သမ္မတ အိုဘားမားက ကမကထပြုပြီး၊ အမေရိကန် ပြည်ထောင်စု ကယ်လီဖိုးနီးယားပြည်နယ် Rancho Mirage မြို့က Sunnylands စင်တာမှာ ဖေဖေါ်ဝါရီ လ ၁၅ ရက် နဲ့ ၁၆ ရက်၊ နှစ်ရက်ကျင်းပမှာ ဖြစ်ပါတယ်။
ဒါပေမဲ့ အဲဒီဆွေးနွေးပွဲကို တက်ရောက်မယ့် မြန်မာကိုယ်စားလှယ်အဖွဲ့မှာ ပါဝင်မယ့်အမည်စာရင်းနဲ့ ပတ်သက်ပြီး တစ်စုံတရာ သတင်းမထုတ်ပြန်ခဲ့ပါဘူး။ လေ့လာသူတွေကတော့ ဒီဆွေးနွေးပွဲဟာ သမ္မတ ဦးသိန်းစိန်အတွက် သမ္မတ အိုဘားမားနဲ့ အာဆီယံခေါင်းဆောင်တွေရှေ့မှာ သူ့ချန်ထားပေးခဲ့တဲ့ ပြုပြင်ပြောင်းလဲရေးအကြောင်း ပြော ဆိုနိုင်မယ့် နောက်ဆုံးအခွင့်အရေးအဖြစ် ရှုမြင်ကြပါတယ်။
အခုလို အမေရိကန် အာဆီယံ အထူးထိပ်သီး ဆွေးနွေးပွဲကို နိုင်ငံတော်သမ္မတကိုယ်စား ဒုတိယသမ္မတ ဦးဥာဏ်ထွန်း တက်ရောက်မယ့်ကိစ္စနဲ့ ပတ်သက်ပြီး၊ သမ္မတရုံးညွှန်ကြားရေးမှူး ဦးဇော်ဌေးက သမ္မတဦးသိန်းစိန် အနေနဲ့ တခြားကိစ္စတွေရှိနေတဲ့အတွက် မတက်ရောက်နိုင်တာဖြစ်ကြောင်း၊ ဒီလောက်သာပြောနိုင်ကြောင်း တယ်လီဖုန်းကတဆင့် ပြောဆိုခဲ့တယ်လို့ ရိုက်တာသတင်းက ဖေါ်ပြပါတယ်။
အခုအခါ မြန်မာ့တပ်မတော်ဟာ နိုင်ငံ့အသွင်ကူးပြောင်းကိစ္စတွေကို ဒေါ်အောင်ဆန်းစုကြည်နဲ့ ဆွေးနွေးနေပါတယ်။ ဘာတွေဆွေးနွေးနေတယ်ဆိုတာနဲ့ ပတ်သက်ပြီး အမျိုးမျိုးထင်ကြေးပေးနေကြချိန်မှာ အခုလို အမေရိကန် အာဆီယံ အထူးထိပ်သီးဆွေးနွေးပွဲကို သမ္မတ ဦးသိန်းစိန် မတက်ရောက်ဘူးဆိုတဲ့ ကြေညာချက်ကြောင့် ခန့်မှန်းဝေဖန် ချက်တွေ ပိုပြီးများပြားလာဖွယ်ရှိတယ်လို့လည်း ရိုက်တာသတင်းက ဖေါ်ပြပါတယ်။
ဒီအတွင်း အမေရိကန် အမျိုးသားလုံခြုံရေးအကြံပေး Susan Rice ဟာ အာဆီယံ ဆယ်နိုင်ငံက အရပ်ဘက် အဖွဲ့အစည်းကိုယ်စားလှယ်တွေနဲ့ မနေ့က တွေ့ဆုံခဲ့ပါတယ်။ အမေရိကန် အာဆီယံ အထူးထိပ်သီးဆွေးနွေးပွဲ မတိုင်ခင် တွေ့ဆုံခဲ့တာပါ။ အမေရိကန်အနေနဲ့ အရပ်ဘက်လူ့ဘောင်၊ အစိုးရကောင်း၊ လူ့အခွင့်အရေးကိစ္စတွေ အပေါ် ဗဟိုပြု ထောက်ခံအားပေးနေပြီး၊ အဲဒါတွေဟာ အမေရိကန် အာဆီယံ အထူးထိပ်သီးဆွေးနွေးပွဲအတွင်း သမ္မတအိုဘားမား အလေးထားဆွေးနွေးမယ့် အကြောင်းအရာတွေ ဖြစ်တယ်လို့ ပြောဆိုခဲ့ကြောင်း သမ္မတ အိမ်ဖြူတော်ရဲ့ ကြေညာချက်မှာဖေါ်ပြပါတယ်။ ဒါ့ပြင် စီးပွားရေး၊ ကုန်သွယ်ရေး၊ ရင်းနှီးမြှုပ်နှံမှု၊ ရာသီဥတုပြောင်းလဲမှု ၊ အကြမ်းဖက်မှု တိုက်ဖျက်ရေး၊ လူမှောင်ခိုကူးမှုတိုက်ဖျက်ရေး၊ တောင် တရုတ် ပင်လယ်ပြင်ပြဿနာ စတဲ့ ကိစ္စရပ်တွေ ကို ဆွေးနွေးကြမှာဖြစ်တယ်လို့လည်း အိမ်ဖြူတော်က ပြောပါတယ်။
RFA

UNFC အရေးပေါ် ထိပ်သီးအစည်းအဝေး ကျင်းပမည်

ညီညွတ်သော တုိုင်းရင်းသားလူမျိုးများ ဖက်ဒရယ်ကောင်စီ UNFC ရဲ့ ညီလာခံကို ထိုင်းနိုင်ငံ ချင်းမုိုင်မြို့မှာကျင်းပခဲ့စဉ်

Photo: Aung Moe Myint/RFA

အစိုးရသစ်နဲ့ ငြိမ်းချမ်းရေးကိစ္စ တွေ့ဆုံဆွေးနွေးရေးအပါအဝင် တိုင်းရင်းသားလက်နက်ကိုင်အဖွဲ့တွေရဲ့ အရေးကိစ္စတွေကို ညှိနှိုင်းဆွေးနွေးနိုင်ဖို့အတွက် ဖေဖော်ဝါရီလ ၁၈ ရက်နေ့မှာ UNFC ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ ထိပ်သီးခေါင်းဆောင်တွေအနေနဲ့ အရေးပေါ်အစည်းအဝေး တစ်ရပ် ခေါ်ယူကျင်းပမယ်လို့ သိရပါတယ်။
UNFC အဖွဲ့ အရေးပေါ်ကောင်စီ အစည်းအဝေး ခေါ်ယူဖို့ စီစဉ်ရတာနဲ့ ပတ်သက်ပြီး UNFC ဒုဥက္ကဌ ဦးနိုင်ဟံသာက RFA ကို အခုလို ပြောပါတယ်။
"အခြေအနေပေါင်းစုံကို စဉ်းစားဖို့နဲ့ အခုအစိုးသစ်တက်မယ့် ဒီတွေ့ဆုံဆွေးနွေးရေးကိစ္စကိုလည်း စဉ်းစားမယ်၊ နောက်တစ်ချက် ဆက်စပ်တဲ့ကိစ္စတွေလည်းစဉ်းစားမှာမို့ ဥပမာ ပလောင်တို့ RCSS တို့ တိုက်ပွဲဖြစ်နေတဲ့ကိစ္စတွေ အပါအဝင်ပေါ့နော် အခြေအနေပေါင်းစုံ၊ ဒါကတော့ လောလောဆယ် အဓိကအားဖြင့်ကတော့ ဟို ၈ ဖွဲ့တို့ ပါဝင်ပြီးတော့မှ ဆွေးနွေးနေတဲ့ ဆွေးနွေးပွဲရဲ့အခြေအနေအပေါ်မှာ လည်း နည်းနည်းသုံးသပ်မှာပါ"
ဒီအရေးပေါ်အစည်းအဝေးမှာ တိုင်းရင်းသားဒေသတွေမှာဖြစ်ပွားနေတဲ့ တိုက်ပွဲတွေအတွက် ဖြေရှင်းမယ့် နည်းလမ်းတွေကိုလည်း ရှာဖွေသွားကြမယ်လို့ သိရပါတယ်။
တိုင်းရင်းသားလက်နက်ကိုင် တော်လှန်ရေး အဖွဲ့ ၉ ဖွဲ့နဲ့ ဖွဲ့စည်းထားတဲ့ UNFC ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီအဖွဲ့ဝင်တွေဟာ အစိုးရနဲ့ တစ်နိုင်ငံလုံး အပစ်အခတ်ရပ်စဲရေး NCA စာချုပ်ကို လက်မှတ်မရေးထိုးရသေးပါဘူး။
UNFC ၉ ဖွဲ့ထဲမှာ ကချင်လွတ်မြောက်ရေးအဖွဲ့၊ ရှမ်းပြည်တိုးတက်ရေးပါတီ၊ ကရင်နီအမျိုးသား တိုးတက်ရေးပါတီ၊ မွန်ပြည်သစ်ပါတီ၊ ရခိုင်ပြည်အမျိုးသားကောင်စီ၊ လားဟူဒီမိုကရက်တစ်ပါတီ၊ ဝ အမျိုးသားအဖွဲ့ချုပ်၊ ပလောင်ပြည်လွတ်မြောက်ရေးတပ်ဦး၊ မြန်မာအမျိုးသား ဒီမိုကရေစီမဟာမိတ် တပ်ဖွဲ့တို့ ပါဝင်ပြီး၊ ၂ဝ၁ဝ ခုနှစ် နိုဝင်ဘာလမှာ စတင်ဖွဲ့စည်းခဲ့တာ ဖြစ်ပါတယ်။
UNFC ဒုဥက္ကဌ ဦးနိုင်ဟံသာကို RFA အဖွဲ့သား ဦးတင်အောင်ခိုင် ဆက်သွယ်မေးမြန်းထားတာ နားဆင်နိုင်ပါတယ်။

UNFC ဒုဥက္ကဌ ဦးနိုင်ဟံသာနဲ့ မေးမြန်းချက်

RFA

ကျောင်းသားတွေကို ထပ်မံတရားစွဲဆို၊ မနီလာသိန်းကို တရားခံပြေးကြေညာ

၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက မနီလာသိန်းကို တွေ့ရစဉ်

၂ဝ၁၅ ခုနှစ်အတွင်းက ဆန္ဒပြခဲ့သူတွေနဲ့  ဆုတောင်းပွဲလုပ်ခဲ့သူ ကျောင်းသားတွေကို မရမ်းကုန်း၊ ကမာရွတ်နဲ့ ဆိပ်ကမ်းမြို့နယ် တရားရုံးတွေမှာ ဒီကနေ့ ရုံးထုတ်စစ်ဆေးပြီး ၈၈ မျိုးဆက်ငြိမ်း/ပွင့်က မနီလာသိန်းကို တရားခံပြေးအဖြစ် ကြေညာလိုက်ပါတယ်။ မနီလာသိန်းကတော့ တရားစွဲဆိုခံရတာကိုတာကို မသိရှိဘူးလို့ ဆိုပါတယ်။
ရုံးထုတ်သူတွေထဲက မဖြိုးဖြိုးအောင်၊ ကိုလင်းထက်နိုင်တို့ကို မရမ်းကုန်းတရားရုံး၊ ကိုကျော်ကိုကို ကိုနန္ဒာစစ်အောင်၊ မပိုပို၊ မဖြိုးဖြိုးအောင်အပါအဝင် ၇ ဦးကို ကမာရွတ်တရားရုံးတွေမှာ ရုံးထုတ်ပြီး၊ ကိုမိုးသွေးပါ ၄ ဦးကို ဆိပ်ကမ်း မြို့နယ် တရားရုံးမှာ ပုဒ်မ၁၈နဲ့ ဒီကနေ့စတင် တရားစွဲဆိုလိုက်ပါတယ်။
ဒီအကြောင်း မရမ်းကုန်းတရားက အခြေအနေကို ရှေ့နေ ဦးရောဘတ်စန်းအောင်က အခုလို ပြောပြပါတယ်။
"၁၅ ရက် ၂ လ ၂ဝ၁၅ နေ့တုန်းက ဘုရင့်နောင်နားက ဖြိုးရတနာဆေးခန်းရှေ့နားမှာ ဆန္ဒဖော်ထုတ်လို့ အဲ့ဒါကို အခုမှ ရဲအုပ်ဦးသန်းဝင်းကနေပြီး တရားလိုပြုလုပ်ပြီးတော့ အမှုဖွင့်တယ်၊ မရမ်းကုန်းမြို့နယ် တရားသူကြီး ဦးမြင့်ဆွေ ရုံးမှာပြစ်မှုကြီးအမှတ် ၁၇၇/၂ဝ၁၆ နဲ့ စွဲတင်တယ်၊ အဲ့ဒီတော့ အဲ့ဒီစွဲတင်တဲ့ အမှုမှာ ၈၈ မျိုးဆက်ငြိမ်း/ပွင့်က ဒေါ်နီလာသိန်း လည်းပါတယ်၊ ဒေါ်နီလာသိန်းက ရှိနေပါရဲ့သားနဲ့ တရားခံပြေးလုပ်ထားတယ်၊ အဲ့ဒီတော့ ကျနော်တို့နိုင်ငံမှာ လူတွေရှိနေရဲ့သားနဲ့ မျက်ကွယ်မှာ သူတို့မှာ သူတို့ စီစဉ်ပြီးတော့ တရားခံပြေးလုပ်နေတာတွေလည်း မကောင်းဘူးဗျ၊ အဲ့ဒီတော့ ဒီနေ့ ဒေါ်နီလာသိန်း မပါတဲ့အတွက် အမှုကိုစစ်လို့မရဘူး၊ ကျနော်တို့ကို ၂၄ ရက်နေ့ ပြန်ချိန်းလိုက်ပါတယ်"
အခုရုံးထုတ်စစ်ဆေးခံရသူတွေထဲမှာ သာယာဝတီအကျဉ်းထောင်မှာ ဖမ်းထားသူတွေပါဝင်ပြီး၊ သူတို့ကို မြို့နယ်တွေခွဲပြီး ရုံးထုတ်နေတာကြောင့် သွားလာရေးအခက်အခဲရှိတယ်လို့ ဦးရောဘတ်စန်းအောင် က ပြောပါတယ်။  သူတို့ကို စွဲဆိုထားတဲ့ အမှုတွေဟာ တူနေတာကြောင့် မြို့နယ်တစ်ခုထဲမှာပဲ စစ်ဆေးသင့် တယ်လို့ ဆိုပါတယ်။
ဆိပ်ကမ်းမြို့နယ်တရားရုံးက ပုဒ်မ ၁၈ နဲ့ တရားစွဲလိုက်တဲ့ ကိုမိုးသွေးအပါအဝင် ၄ ဦးကို ဒီကနေ့ ပထမအကြိမ် ရုံးထုတ်တာဖြစ်ပြီး၊၂ဝ၁၅ ခုနှစ် ဒီဇင်ဘာလက ဗိုလ်တထောင်ဘုရားမှာ ဆုတောင်းပွဲ ပြုလုပ်ခဲ့တဲ့အတွက်ဖြစ် ပါတယ်။ သူတို့ကို ကိုယ်တိုင်ဝန်ခံချက်နဲ့ အာမခံပေးလိုက်ပြီး ဖေဖော်ဝါရီလ ၁၈ ရက်နေ့မှာ ရုံးချိန်းရှိတယ် လို့ ရှေ့နေ ဦးကြည်သာဖုန်းမြင့်က ပြောပါတယ်။
RFA

လေးနှစ်အရွယ် ကလေးငယ်က လူလေးဦးကို ကားဗုံးဖောက်ခွဲ၍ သတ်ဖြတ်သည့်ဗီဒီယို ISIS ပြသ

လန်ဒန် ၊ ၁၂-၂-၂၀၁၆

အသက်လေးနှစ် အရွယ် ဗြိတိန်နိုင်ငံသား ကလေးငယ် တစ်ဦးသည် ISIS စစ်သွေးကြွ အဖွဲ့က သူလျှိုဟုစွပ်စွဲ၍ ဖမ်းဆီးထားသည့် လူလေးဦးအား ကားဗုံး ဖောက်ခွဲ၍ ကွပ်မျက်ထားသည့် ဗီဒီယိုဖိုင်ကို ISIS စစ်သွေးကြွ အဖွဲ့က ထုတ်ဖော်ပြသ ခဲ့ကြောင်း သိရသည်။

ဂျီဟက်ငယ်လေး ဟုခေါ်သော အဆိုပါ ကလေးငယ်သည် ISIS စစ်သွေးကြွ အဖွဲ့က သူလျှိုဟုစွပ်စွဲကာ ဖမ်းဆီးခဲ့သည့် လူလေးဦး ထိုင်နေကြသော အဖြူရောင် ကားတစ်စီးကို နောက်ခံ ထားပြီးနောက် အဝေးထိန်း ခလုတ်ဖြင့် ဖောက်ခွဲကွပ်မျက် ခဲ့ခြင်းဖြစ်သည်။


အဆိုပါ ကွပ်မျက်မှုကို ISIS စစ်သွေးကြွ အဖွဲ့ ထိန်းချုပ်ထားသော ရက်ကာမြို့၌ ရိုက်ကူး ခဲ့သည်ဟု ယူဆရပြီး ယင်းဗီဒီယို ခေါင်းစဉ်ကို ၄င်းတို့သည် ရန်သူများ ဖြစ်သည့် အတွက် ၄င်းတို့အား သတိထားကြဟု ယင်း အဖွဲ့က အမည်ပေး ထားကြောင်း သိရသည်။

ထို့ပြင် ISIS စစ်သွေးကြွ များကို အစိုးရတပ်များ အနေဖြင့် မည်သို့မျှ ချေမှုန်းသုတ်သင် နိုင်မည် မဟုတ်ကြောင်း၊ ၄င်းတို့အား စုံစမ်း ထောက်လှမ်းမည့် သူလျှိုများကိုလည်း ထပ်မံ သတ်ဖြတ်မည် ဖြစ်ကြောင်းနှင့် အစိုးရ အနေဖြင့် စစ်ဘက် တပ်ဖွဲ့ဝင်များကို ပြင်ဆင် နေသကဲ့သို့ မိမိတို့သည်လည်း လူသစ်များ စုဆောင်းနေပြီ ဖြစ်ကြောင်း ကွပ်မျက်မှု မပြုလုပ်မီ ISIS စစ်သွေးကြွ အဖွဲ့ခေါင်းဆောင် တစ်ဦးက ဗြိတိန်ဝန်ကြီးချုပ် ဒေးဗစ်ကင်မရွန်း အား ခြိမ်းခြောက် ပြောကြားခဲ့ သည်ဟု သိရသည်။

အစ္စဆာဒါရီ အမည်ရှိ ကလေးငယ် သည် လန်ဒန်မြို့ အရှေ့တောင်ပိုင်းရှိ မူဆလင်ဘာသာသို့ ကူးပြောင်းခဲ့သည့် ဂရေ့စ်ဒါရီ ဆိုသူ၏ သားဖြစ်ပြီး မိခင်ဖြစ်သူက လွန်ခဲ့သည့် သုံးနှစ်က ဆီးရီးယားနိုင်ငံသို့ ၄င်းအား ခေါ်ဆောင်ခဲ့ပြီးနောက် ဂျီဟက် အယူဝါဒများ ရိုက်သွင်းခဲ့ခြင်း ဖြစ်သည်။


PyiChitThar

ကိုယ်စားလှယ်လောင်း ၇ဝ နီးပါးကို အရည်အချင်းပျက်ယွင်းသူ အဖြစ် ကြေညာမည်

နေပြည်တော် ပြည်ထောင်စု ရွေးကောက်ပွဲကော်မရှင်ရုံးမှာ ဇူလိုင်လ ၂ ရက်နေ့က ပြည်ထောင်စု ရွေးကောက်ပွဲကော်မရှင် ဥက္ကဌ ဦးတင်အေးနဲ့ နိုင်ငံရေးပါတီ ၆၅ ပါတီတို့ တွေ့ဆုံစဉ်

Photo: Myo Thant Khaing/RFA

ပြီးခဲ့တဲ့ ရွေးကောက်ပွဲမဲဆွယ်စည်းရုံးရေး အသုံးစရိတ်တင်သွင်းဖို့ ပျက်ကွက်တဲ့ ကိုယ်စားလှယ်လောင်း ၁၇၅ ဦးထဲက ၇ဝ နီးပါးကို ကိုယ်စားလှယ်လောင်း အရည်အချင်း ပျက်ယွင်းသူအဖြစ် သတ်မှတ်ကြေညာဖို့ ပြည်ထောင် စုရွေးကောက်ပွဲ ကော်မရှင်က အမိန့်ချလိုက်ပါတယ်။
အဲ့ဒီကိုယ်စားလှယ်လောင်း ၇ဝ နီးပါးထဲမှာ ဧရာဝတီနဲ့ ရန်ကုန်တိုင်းဒေသကြီးက ကိုယ်စားလှယ်လောင်းတွေ များတယ်လို့ ပြည်ထောင်စုရွေးကောက်ပွဲကော်မရှင် အဖွဲ့ဝင် ဦးညွန့်တင် က ပြောပါတယ်။
"ရွေးကောက်ပွဲကုန်ကျငွေစရိတ် ငွေစာရင်းပျက်ကွက်တဲ့ကိစ္စက ဧရာဝတီဘက်က ၂ဝ ထင်တယ်၊ သူတို့ကို အကြောင်းပြခိုင်းတာပေါ့နော်၊ ဘာကြောင့် ငွေစာရင်းမတင်တာလဲဆိုတာ အကြောင်းကြားတဲ့အခါ ကျတော့ သူတို့က အကြောင်းကြားစာရရဲ့သားနဲ့ သူတို့က မလာကြဘူး တစ်ယောက်မှ မလာဘူးဆိုတော့ သူတို့မျက်ကွယ်မှာပဲ ပျက်ကွက်တဲ့အတွက် အားလုံးက အရည်အချင်းပျက်ယွင်းတယ်လို့ပဲ ဆုံးဖြတ် လိုက်ပြီ၊ အကြောင်းမပြတဲ့လူကတော့ စဉ်းစားစရာကိုမရှိတော့ဘူး၊ သူတို့က ငွေစာရာင်းကိုက ဟိုမှာတင်မှမတင်ဘဲ ရန်ကုန်က မလာတဲ့ဟာတော့ အမိန့်ချလိုက်ပြီပေါ့၊ သူတို့လည်း မငြင်းဘူးလေ၊ တင်ပါတယ်လို့မှ မပြောကြပဲ၊ ပျက်ကွက်ရင်တော့ နိုင်ငံတော်ပြန်တမ်းထဲမှာကိုက ထုတ်ပြန်ကြေညာပေးမယ်"
ချင်း၊ စစ်ကိုင်း၊ ပဲခူး၊ မန္တလေး၊ ရန်ကုန်နဲ့ ဧရာဝတီ စတဲ့တိုင်းဒေသကြီးနဲ့ ပြည်နယ်က ကိုယ်စားလှယ်လောင်း စုစုပေါင်း ၇ဝ နီးပါးကို အရည်အချင်းပျက်ယွင်းသူအဖြစ် သတ်မှတ်ပြီး မြန်မာနိုင်ငံပြန်တမ်းမှာ ထည့်သွင်းကြေညာ မှာဖြစ်ပါတယ်။
အရည်အချင်းပျက်ယွင်းကြောင်း ကြေညာခံရတဲ့ ကိုယ်စားလှယ်လောင်း ၇ဝ နီးပါးထဲမှာ အမျိုးသားဒီမိုကရေစီ အင်အားစုက အများဆုံးဖြစ်ပြီး အမျိုးသားတိုးတက်ရေးပါတီက ဒုတိယအများဆုံးဖြစ်ပါတယ်။
ပြီးခဲ့တဲ့ ဇန်နဝါရီလကစပြီး တိုင်းဒေသကြီးနဲ့ ပြည်နယ်အလိုက် အသုံးစရိတ်တင်သွင်းဖို့ ပျက်ကွက်တဲ့ ကိုယ်စားလှယ်လောင်းတွေကို နေ့စဉ်ခေါ်ယူစစ်ဆေးနေတာဖြစ်ပါတယ်။
တစ်နိုင်ငံလုံး အတိုင်းအတာအရ တိုင်းဒေသကြီးနဲ့ ပြည်နယ် ၁၂ ခုက ကိုယ်စားလှယ်လောင်း ၁၇ဝ ကျော်ဟာ မဲဆွယ်စည်းရုံးရေး အသုံးစရိတ်တင်သွင်းဖို့ ပျက်ကွက်ခဲ့ပြီး ကရင်ပြည်နယ်နဲ့ နေပြည်တော်ကောင်စီ မှာ ရွေးကောက်ပွဲအသုံးစရိတ် တင်သွင်းဖို့ ပျက်ကွက်တဲ့ ကိုယ်စားလှယ်လောင်း မရှိဘူးလို့ သိရပါတယ်။
အရည်အချင်း ပျက်ယွင်းတဲ့စာရင်းမှာ ပါသွားတဲ့သူတွေဟာ နောက်ရွေးကောက်ပွဲတစ်ကြိမ်မှာ ဝင်ရောက်ယှဉ်ပြိုင် ခွင့် မရှိတော့ဘူးလို့ ရွေးကောက်ပွဲဥပဒေမှာ ပါရှိပါတယ်။
RFA

ဘွဲ့ရအမျိုးသမီး ဗိုလ်လောင်းများလျှောက်ထားနိုင်

ဘွဲ့ရအမျိုးသမီး ဗိုလ်လောင်းများအလိုရှိသည်
************************************************
၁။ လျှောက်ထားသူသည်-
(က) ပြည်ထောင်စုသမ္မတမြန်မာနိုင်ငံသား အိမ်ထောင်မရှိဖူးသူ (အပျို) ဖြစ်ရမည်။
(ခ) အနည်းဆုံး အရပ်(၅)ပေ(၃)လက်မနှင့် ကိုယ်အလေးချိန်ပေါင်(၁၀၀)ထက်မနည်းရ၊ ပေါင်(၁၃၀)ထက် မကျော်ရ။
(ဂ) မျက်မှန်တပ်ဆင်ထားသူမဖြစ်စေရ။
(ဃ) တက္ကသိုလ်တစ်ခုခုမှ အောက်ပါဘွဲ့ရရှိသူများ ဖြစ်ရမည်-
(၁) ၀ိဇ္ဇာဘွဲ့များ (မြန်မာစာ၊ အင်္ဂလိပ်စာ၊ ပထ၀ီဝင်၊ သမိုင်း၊ စိတ်ပညာ၊ နိုင်ငံတကာဆက်ဆံရေး၊ စာကြည့်တိုက်နှင့်သုတပညာ၊ သတင်းအတတ်ပညာ၊ လုပ်ငန်းသုံးအင်္ဂလိပ်စာ)။
(၂) သိပ္ပံဘွဲ့များ (ဓာတုဗေဒ၊ ရူပဗေဒ၊ သင်္ချာ၊ သတ္တဗေဒ၊ ရုက္ခဗေဒ၊ အဏုဇီဝဗေဒ၊ ဇီဝဓာတုဗေဒ၊ ဇီဝနည်းပညာ၊ စာရင်းအင်း၊ ကုန်ထုတ်ဓာတုဗေဒ၊ အဏ္ဏ၀ါသိပ္ပံ၊ မိုးလေ၀သ၊ ဇလဗေဒ)။
(၃) ဥပဒေဘွဲ့
(၄) နိုင်ငံခြားဘာသာဘွဲ့များ ၀ိဇ္ဇာဘွဲ့(တရုတ်၊ အင်္ဂလိပ်၊ ပြင်သစ်၊ ဂျာမန်၊ ဂျပန်၊ ကိုရီးယား၊ ရုရှား၊ ထိုင်း)။
(၅) အမျိုးသားယဉ်ကျေးမှုနှင့်အနုပညာဆိုင်ရာဘွဲ့များ ၀ိဇ္ဇာဘွဲ့(ဂီတ၊ သဘင်၊ ရုပ်ရှင်နှင့်ပြဇာတ်)။
(၆) စီးပွားရေးဆိုင်ရာဘွဲ့များ ၀ိဇ္ဇာဘွဲ့(ဘောဂဗေဒ၊ စာရင်းအင်းပညာ၊ ၀ါဏိဇ္ဇ၊ စီးပွားရေးလုပ်ငန်းစီမံခန့်ခွဲမှု၊ စီးပွားရေးလုပ်ငန်းစီမံခန့်ခွဲမှုပညာ၊ ပြည်သူ့ရေးရာစီမံခန့်ခွဲမှု)။
(၇) ကွန်ပျူတာဆိုင်ရာဘွဲ့များ (ကွန်ပျူတာသိပ္ပံ၊ ကွန်ပျူတာနည်းပညာ)။
(၈) စိုက်ပျိုးရေးသိပ္ပံပညာဘွဲ့
( င ) ဘွဲ့လက်မှတ် (မူရင်း) နှင့် ဘွဲ့ရအမှတ်စာရင်း တင်ပြနိုင်ရမည်။
(စ) မဟာဘွဲ့တက်ရောက်ရန် အဆင့်မီသူ ဦးစားပေးမည်။ မဟာဘွဲ့ရရှိပြီးသူ၊ ပါရဂူဘွဲ့ရရှိပြီးသူများလည်း လျှောက်ထားနိုင်သည်။
(ဆ) ၂၀၁၆ခုနှစ်၊ ဇန်န၀ါရီလ ၁ ရက်နေ့တွင် အသက် ၂၅ နှစ်ထက် မကျော်လွန်စေရ။ မဟာဘွဲ့ရရှိပြီးသူများ အနေဖြင့် ၂၇ နှစ်ထိလည်းကောင်း၊ ပါရဂူဘွဲ့ရရှိပြီးသူများအနေဖြင့် ၃၀ နှစ်ထိလည်းကောင်း လျှောက်ထားနိုင်သည်။
(ဇ) ဗိုလ်လောင်းသင်တန်း တက်ရောက်အောင်မြင်ပြီးပါက ဒုတိယဗိုလ်အဆင့် စတင်ခန့်အပ်ခြင်းခံရမည်။ မဟာဘွဲ့ရရှိပြီးသူ၊ ပါရဂူဘွဲ့ရရှိပြီးသူများသည် ဗိုလ်အဆင့် စတင်ခန့်အပ်ခြင်းခံရမည်။
( ဈ ) တပ်မတော်မှလေ့ကျင့်သင်ကြားမှု စနစ်အတိုင်း လိုက်နာဆောင်ရွက်နိုင်သူ ဖြစ်ရမည်။
၂။ လျှောက်လွှာများကို မိမိတို့နှင့်နီးစပ်ရာ တိုင်းစစ်ဌာနချုပ်များတွင် အခမဲ့ ရယူနိုင်သည်။
၃။ လျှောက်လွှာနှင့်အတူ အကျင့်စာရိတ္တကောင်းမွန်ကြောင်း သက်ဆိုင်ရာပြည်နယ်၊ တိုင်းဒေသကြီး၊ မြို့နယ်ရဲတပ်ဖွဲ့ စခန်း တစ်ခုခုမှ ထောက်ခံစာ(မူရင်း)၊ ပတ်စ်ပို့အရွယ် ဓာတ်ပုံ ၃ ပုံနှင့် တပ်မတော်ဆေးရုံ/ပြည်သူ့ဆေးရုံတို့မှ ပဏာမ ဆေးစစ်အောင်မြင်ကြောင်း ထောက်ခံချက် ပူးတွဲတင်ပြရမည်။
၎။ အစိုးရ၀န်ထမ်းဖြစ်ပါက သက်ဆိုင်ရာဝန်ကြီးဌာန၏ ခွင့်ပြုချက်ပါရှိရမည်။
၅။ လျှောက်လွှာများကို ၂၀၁၆ခုနှစ်၊ ဇန်န၀ါရီလ ၁၀ ရက်နေ့တွင် စတင်ထုတ်ပေးမည်ဖြစ်ပြီး ဖေဖော်ဝါရီလ ၁၀ ရက်နေ့ နောက်ဆုံးထား၍ လျှောက်လွှာထုတ်ယူရရှိသော တိုင်းစစ်ဌာနချုပ်မှတစ်ဆင့် စစ်ရာထူးခန့်ချုပ်ရုံး၊ ကာကွယ်ရေးဦးစီးချုပ်ရုံး(ကြည်း)သို့ ပေးပို့ကြရမည်။
၆။ သတ်မှတ်ချက်နှင့်ပြည့်စုံပြီး အရည်အချင်းပြည့်မီသော လျှောက်လွှာရှင်များသာ တပ်မတော်ဗိုလ်ရွေးအဖွဲ့တွင် ၀င်ရောက်အစစ်ဆေးခံရမည်။ အစစ်ဆေးခံရန် အကြောင်းကြားစာများကို သက်ဆိုင်ရာ တိုင်းစစ်ဌာနချုပ်များ မှတစ်ဆင့် အချိန်မီပေးပို့သွားမည်။
၇။ သတ်မှတ်ထားသည့် အချက်အလက်များ တိကျပြည့်စုံစွာ ရေးသားဖော်ပြခြင်းမရှိသော လျှောက်လွှာများ၊ မမှန်မကန် ဖြည့်စွက်ရေးသားဖော်ပြသော လျှောက်လွှာများနှင့် အချိန်မီ မရောက်ရှိသော လျှောက်လွှာများအား ထည့်သွင်းစဉ်းစားမည် မဟုတ်ပါ။ မိမိတို့ လျှောက်လွှာတင်သွင်းသည့် တိုင်းစစ်ဌာနချုပ်တွင် ရွေးချယ်ခြင်းခံရသည် / မခံရသည်ကို သွားရောက်စုံစမ်း မေးမြန်းနိုင်သည်။

စစ်ရာထူးခန့်ချုပ်ရုံး
ကာကွယ်ရေးဦးစီးချုပ်ရုံး(ကြည်း)
=====================================
ဘွဲ့ရအမျိုးသမီးဗိုလ်လောင်းသင်တန်းဝင်ခွင့်လျှောက်လွှာနှင့် ပတ်သက်၍
စုံစမ်းမေးမြန်းနိုင်သည့်ဖုန်းနံပါတ်များ

၁။ ဘွဲ့ရအမျိုးသမီးဗိုလ်လောင်းသင်တန်းအတွက် လျှောက်လွှာများကို တိုင်းစစ်ဌာနချုပ်များတွင် ၂၀၁၆ ခုနှစ် ဇန်န၀ါရီလ ၁၀ ရက်နေ့မှ စ၍ အခမဲ့ထုတ်ပေးလျက်ရှိသည်။ လျှောက်ထားလိုသူများ အနေဖြင့် အောက်ပါ တိုင်းစစ်ဌာနချုပ်များ၏ ဖုန်းနံပါတ်များသို့ စုံစမ်းမေးမြန်းနိုင်သည်-

(က) နေပြည်တော်တိုင်းစစ်ဌာနချုပ် ၀၃၂-၃၀၀၈၀/၃၀၀၁၂
(ခ ) မြောက်ပိုင်းတိုင်းစစ်ဌာနချုပ် ၀၃၃-၄၀၀၃၅/၄၀၀၃၆
(ဂ ) အရှေ့မြောက်တိုင်းစစ်ဌာနချုပ် ၀၃၃-၃၆၀၃၅/၃၆၀၄၁
(ဃ) အရှေ့ပိုင်းတိုင်းစစ်ဌာနချုပ် ၀၃၄-၃၂၀၆၈/၃၂၀၇၀
(င ) အရှေ့အလယ်ပိုင်းတိုင်းစစ်ဌာနချုပ် ၀၃၄-၃၈၆၂၅/၃၈၆၇၇
(စ ) တြိဂံဒေသတိုင်းစစ်ဌာနချုပ် ၀၃၄-၃၃၁၀၆/၃၃၀၅၃
(ဆ) အရှေ့တောင်တိုင်းစစ်ဌာနချုပ် ၀၃၇-၃၀၀၅၂/၃၀၀၃၀
(ဇ ) ကမ်းရိုးတန်းဒေသတိုင်းစစ်ဌာနချုပ် ၀၃၇-၄၀၀၃၃/၄၀၀၆၇
(ဈ ) ရန်ကုန်တိုင်းစစ်ဌာနချုပ် ၀၃၁-၂၅၉၅၁/၂၅၉၃၇
(ည) အနောက်တောင်တိုင်းစစ်ဌာနချုပ် ၀၃၁-၂၁၀၄၉/၂၁၀၅၁
(ဋ ) အနောက်ပိုင်းတိုင်းစစ်ဌာနချုပ် ၀၃၂-၃၃၀၁၃/၃၃၀၀၄
(ဌ ) အနောက်မြောက်တိုင်းစစ်ဌာနချုပ် ၀၃၃-၃၂၃၃၁/၃၂၃၃၄
(ဍ ) အလယ်ပိုင်းတိုင်းစစ်ဌာနချုပ် ၀၃၃-၃၃၀၇၁/၃၃၀၈၀
(ဎ ) တောင်ပိုင်းတိုင်းစစ်ဌာနချုပ် ၀၃၂-၃၃၁၅၃/၃၃၁၅၇

၂။ အသေးစိတ်အချက်အလက်များ သိရှိလိုပါက အောက်ပါ Link တွင် ၀င်ရောက် လေ့လာ နိုင်ပါသည်-
(က) https://www.facebook.com/Cincds/posts/892432434210956

 တပ်မတော်ကာကွယ်ရေးဦးစီးချုပ်ရုံး (Facebook)

မြန်မာနိုင်ငံ တည်ငြိမ်စွာ အသွင်ပြောင်း

အမေရိကန်-အာဆီယံ ထိပ်သီးဆွေးနွေးပွဲ အကြို ဖေဖေါ်ဝါရီလ ၁၁ ရက်နေ့ ဝါရှင်တန်မြို့တော် Center for American Progress မှာ ပြုလုပ်တဲ့ သတင်းစာ ရှင်းလင်းပွဲ။

မြန်မာနိုင်ငံဟာ အရေးကြီးတဲ့ အခိုက်အတန့်မှာ ရောက်ရှိနေတယ်။ စစ်တပ်နဲ့ NLD တို့ လက်တွဲပြီး တည်တည်ငြိမ်ငြိမ် အသွင်ကူးပြောင်းရေးဆောင်ရွက်နေကြတယ်လို့ အမေရိကန် သမ္မတရဲ့ လက်ထောက်အမျိုးသား လုံခြုံရေးအကြံပေး ပုဂ္ဂိုလ်က ပြောကြား လိုက်ပါတယ်။ ဖေဖေါ်ဝါရီလ ၁၅-၁၆ ရက်တွေမှာ ကျင်းပမယ့် အမေရိကန်-အာဆီယံ ထိပ်သီးဆွေးနွေးပွဲ အကြို အဖြစ် မနေ့က ဖေဖေါ်ဝါရီလ ၁၁ ရက်နေ့ ဝါရှင်တန်မြို့တော် Center for American Progress မှာ ပြုလုပ်တဲ့ သတင်းစာ ရှင်းလင်းပွဲမှာ Ben Rhodes က အဲ့သလို ပြောကြားသွားတာပါ။ on-line က တိုက်ရိုက် စောင့်ကြည့်နေခဲ့ တဲ့ ဦးကျော်ဇံသာက အပြည့်အစုံ တင်ပြပေးထားပါတယ်။
ထိပ်သီးစည်းဝေးပွဲ အကြိုသုံးသပ်တဲ့ ဒီနေ့ အခမ်းအနားမှာ အဓိက ပြောကြား သွားသူ ကတော့ Ben Rhodes ဖြစ်ပါတယ်။ သူဟာ သမ္မတ အိုဘားမားရဲ့ မဟာဗျူဟာဆိုင်ရာ လက်ထောက် အမျိုးသားလုံခြုံရေး အကြံပေးပုဂ္ဂိုလ်ဖြစ်ပြီး မိန့်ခွန်းရေးသားပေး ရသူလည်းဖြစ်ပါတယ်။ နိုင်ငံရေးစနစ်တွေ အမျိုးမျိုး ကွဲပြားနေတဲ့ အာဆီယံနိုင်ငံတွေ အပေါ် အမေရိကန်ပြည်ထောင်စု အနေနဲ့ နိုင်ငံရေးအရ သူတို့စိတ်တိုင်းကျ သြဇာပေးမှာ မဟုတ်ပဲ နိုင်ငံတကာ စံနဲ့ ညီတဲ့ အခွင့်အရေးတွေ ပွင့်လင်း ရရှိရေးကိုသာ ဦးစားပေးဆောင်ရွက်မှာဖြစ်တယ်လို့ ဆိုပါတယ်။
မြန်မာနိုင်ငံမှာဆိုရင်လည်း အရပ်သား အဖွဲ့အစည်းတွေ အားကောင်းလာဖို့၊ မီဒီယာ လွတ်လပ်ခွင့်ရှိလာဖို့နဲ့ စွန့်ဦးတီထွင်တဲ့ စီးပွားရေးလုပ်ငန်းတွေ ပေါ်ထွက်လာရေး တို့ကိုသာ ဦးစားပေး ဆောင်ရွက်ခဲ့တာလို့ ဆိုပါတယ်။
မြန်မာနိုင်ငံရဲ့ အသွင်ကူးပြောင်းရေးဟာလည်း အင်ဒိုနီးရှား မှာလို ပဲ အောင်မြင်ချောမွေ့ လိုက်မယ်လို့ မျှော်လင့်ကြောင်း အခုလို ပြောကြားခဲ့ပါတယ်။
"မြန်မာနိုင်ငံဟာဆိုရင် သိပ်အရေးကြီးပြီး စိတ်ဝင်စားစရာကောင်းတဲ့ အခိုက်အတံ့ မှာ ရောက်နေပါတယ်။ ပြီးခဲ့တဲ့ နှစ်ပတ်က ပါလီမန်ခေါ်ယူခဲ့ပါတယ်။ အကြမ်းအားဖြင့် ဧပြီလဆန်းပိုင်းလောက်မှာ သမ္မတ တယောက်ရွေးချယ်ဖို့ ရှိနေပါတယ်။ ဒါဟာ စစ်တပ်က ဒေါ်အောင်ဆန်းစုကြည်ရဲ့ NLD နဲ့ လက်တွဲပြီး တည်ငြိမ်မှုရှိတဲ့ အသွင် ကူးပြောင်းရေး တရပ်ကို လုပ်နိုင်တယ်ဆိုတာ ပြသလိုက်တာပဲ ဖြစ်ပါတယ်။ ဒီလို စစ်တပ် အစိုးရဆီကနေ အရပ်သားအစိုးရတရပ် ဆီ ငြိမ်းချမ်းစွာ အာဏာ လွှဲပြောင်း နိုင် တယ်ဆိုတာ အင်ဒိုနီးရှား နိုင်ငံမှာလည်း ပြသခဲ့ပြီးဖြစ်ပါတယ်။"
တခါ အာဆီယံနိုင်ငံတချို့နဲ့ တရုတ်နိုင်ငံတို့အကြား တောင်တရုတ်ပင်လယ်မှာ နယ်မြေ အငြင်းပွားမှုတွေ ဖြစ်နေတဲ့အချိန် အာဆီယံနဲ့ အမေရိကန်တို့ အခုလို ပိုမိုနီးကပ်လာတဲ့အတွက် ဒေသတွင်း တင်းမာမှု မြင့်မားလာနိုင်စရာမရှိဘူးလို့လည်းပဲ သူက ဖြေကြားသွားပါတယ်။
" အမေရိကန်အနေနဲ့ ဘယ်လိုမူမျိုးကို ထောက်ခံတယ်ဆိုတာ အသိပေးလိုပါတယ်။ မကြာသေးမီ လတွေက ကျနော်တို့ လုပ်ဆောင်ခဲ့တဲ့ လွတ်လပ်စွာ ရေကြောင်း သွားလာမှု ဆိုတာဟာ တရုတ်ကိုသော်လည်းကောင်း၊ တနိုင်ငံငံကိုသော် လည်းကောင်း ရည်ရွယ်ပြီး လုပ်တာမဟုတ်ပါဘူး။ တောင်တရုတ်ပင်လယ်တွင်း ကုန်သွယ် ကူးသန်းရောင်းဝယ်မှု လွတ်လွတ်လပ်လပ် စီးဆင်းနေခြင်းဟာ ကျနော်တို့ရဲ့ အမျိုးသား အကျိုးစီးပွားပါ။ ကမ္ဘာ့စီးပွားရေးဟာလည်း ဒီအပေါ်မှာ ရပ်တည်နေပါတယ်။ ဒီမူဝါဒကို ကျနော်တို့ ဆက်လက်ထောက်ခံ သွားမှာဖြစ် ပါတယ်။
နောက်တချက်ကတော့ တင်းမာမှု ကြီးထွားလာတာကို ကျနော်တို့ မလိုလား ပါဘူး။ ဒေသတွင်း စစ်ရေး တပ်ဆင်မှုတွေ ဖြစ်နေရတာဟာလည်း ဘယ်သူ့အတွက်မှ အကျိုး မရှိပါဘူး။
တတိယအချက်ကတော့ ဒီနယ်မြေအငြင်းပွားမှုတွေကို ဖိလစ်ပိုင် ဆောင်ရွက်နေ သလို နိုင်ငံတကာ ဥပဒေနဲ့အညီ ဆောင်ရွက်စေလိုပါတယ်။ ဥပဒေနဲ့ အညီ ဆောင်ရွက် မှ အမျိုးသား အကျိုးစီးပွား ဖြစ်ထွန်းမှာပါ။ အင်အားကြီးတဲ့နိုင်ငံ က အင်အားငယ်တဲ့ နိုင်ငံတွေအပေါ် နိုင့်ထက်စီးနင်း လုပ်တာဟာ တောတွင်း ဥပဒေ သာ ဖြစ်ပါတယ်။ ဘယ်သူ့အတွက်မှ အကျိုး မရှိပါဘူး။ အာဆီယံရဲ့ ရည်ရွယ်ချက်ဟာလည်း ဒေသတွင်း ပဋိပက္ခ ရှောင်ရှားရေးဖြစ်ပါတယ်။"
တရုတ်နဲ့ အာဆီယံနိုင်ငံတွေ အကြား တင်းမာမှု ပိုမိုမြင့်မားလာမှာကို စိုးရိမ်စရာ မရှိပေမဲ့ အာဆီယံဒေသတွင်း အစွန်းရောက် အကြမ်းဖက် မှုတွေ ပြန်လည် ခေါင်းထောင် လာမယ့် အရေးကိုတော့ စိုးရိမ်ရတယ်လို့ ဆိုပါတယ်။
"ကျနော်တို့ တွေ့နေရတာက အာဆီယံနိုင်ငံအချို့မှာ အစွန်းရောက် အဖွဲ့တချို့ ရှိနေခဲ့တာပါ။ အင်ဒိုနီးရှားမှာဆိုရင် Jemaah Islamiah ရှိပါတယ်။ ဖိလစ်ပိုင်နိုင်ငံ နယ်တချို့မှာဆိုရင် အစွန်းရောက်လှုပ်ရှားမှု တချို့ ရှိပါတယ်။ မလေးရှားမှာ ဆိုရင်လည်း al-Qaeda အဆက်အနွယ်အချို့ ခြေကုတ်ယူဖို့ ကြိုးပမ်းကြတာ ရှိပါတယ်။ အခုဖြစ်နေတာက အာဖရိကပုံစံနဲ့ မတူပါဘူး။ IS တွေက အခြေချ စခန်းထောင်ဖို့ ကြိုးစားနေတဲ့ပုံစံ မဟုတ်ပါဘူး။ ရှိရင်းစွဲအုပ်စုတွေနဲ့ ဆက်သွယ်ပြီး IS အတွက် တပ်သားစုဆောင်းဖို့ လုပ်နေတာပါ။ ဒါဟာ စိုးရိမ်စရာကောင်းပါတယ်။
ဂျာကာတာမှာ အတိုက်ခိုက်ခံခဲ့ရပါပြီ။ ပြီးတော့ ဒီအရှေ့တောင်အာရှက တချို့ ဟာ ဆီးရီးယားကို သွားပြီးတော့ IS တွေနဲ့ လက်တွဲတိုက်နေတာကို ကျနော်တို့ တွေ့နေရ ပါပြီ။ ဒီလိုလူတွေ ဆီးရီးယားကိုသွား၊ အစွန်းရောက်တွေ ဖြစ် လာ၊ ဒေသကိုပြန်ပြီး အကြမ်းဖက်တိုက်ခိုက်မှုတွေ လုပ်လာနိုင်တဲ့ အရေး စိုးရိမ်ရပါတယ်။ ဆိုတော့ အရင်ရှိခဲ့ပြီးသား မှေးမှိန်နေတဲ့ အုပ်စုတွေ IS အလံအောက်မှာ ပြန်လည် လှုပ်ရှား လာနိုင်ပါတယ်။ ကျနော်တို့ဟာ ဒီကိစ္စကို အာဆီယံနဲ့ အလေးအနက် ဆွေးနွေး သွားမှာဖြစ်ပါတယ်။ "
အခုလို ပထမဆုံးအကြိမ် အမေရိကန်ပြည်ထောင်စု မှာ ကျင်းပမယ့် အာဆီယံ ထိပ်သီး စည်းဝေးပွဲကို သမ္မတ အိုဘားမား ကိုယ်တိုင် အိမ်ရှင်အဖြစ် လက်ခံ ကျင်းပမှာဖြစ်ပါတယ်။ အိုဘားမား အစိုးရဟာ အာရှ ပစိဖိတ် မဟာဗျူဟာ ချိန်ခွင်လျှာ ညှိရေးမှာ အာဆီယံနဲ့ဆက်ဆံရေးကို အဓိက မဏ္ဍိုင်တရပ်အဖြစ် ဦးစားပေး ထားပါတယ်။ အခုကျင်းပမယ့် ထိပ်သီးစည်းဝေးပွဲဟာ အမေရိကန် မူဝါဒအတွက် ဦးတည်ချက်သစ်ကို ပြသလိုက်တာလည်း ဖြစ်ပါတယ်။
အမေရိကန်-အာဆီယံ ဆက်ဆံရေးဟာ အာရှ ပစိဖိတ်ဒေသတွင်း အမေရိကန်တို့ရဲ့ စီးပွားရေး ယှဉ်ပြိုင်နိုင်စွမ်း၊ ဒေသတွင်း လုံခြုံရေး ၊ တောင်တရုတ်ပင်လယ် အငြင်းပွားမှု၊ နျူကလီးယား မပြန့်ပွားရေး၊ လူမှောင်ခို ဟန့်တားရေး၊ ရာသီဥတု ပြောင်းလဲလာမှု ဆိုင်ရာ ပြဿနာတွေအတွက်လည်း အရေးကြီးတဲ့ကိစ္စတရပ် ဖြစ်ကြောင်းပါ။
VOA

ဘရာဇီး သိပံ္ပပညာရှင်များသည် ဇီကာဗိုင်းရပ်စ် ရှိ၊မရှိ ၅နာရီအတွင်း ဖော်ထုတ်ပေးနိုင်သည့် စနစ်အားတီထွင်

ဇီကာဗိုင်းရပ်စ် ကူးစက်ခံထားရသူ ကလေးငယ် တစ်ဦးအားတွေ့ရစဉ် (ဓာတ်ပုံ-အင်တာနက်)

    ရီယို ဒီ ဂျန်နိုင်ရို၊ ဖေဖော်ဝါရီ ၁၁ ရက် (ဆင်ဟွာ)

    ဘရာဇီ သုတေသီ များသည် ဇီကာဗိုင်းရပ်စ်ပိုး ရှိ၊မရှိ ၅နာရီအတွင်း ဖော်ထုတ်ပေးနိုင် သည့် မော်လီကျူး စစ်ဆေးမှု တစ်ရပ်အား လုပ်ဆောင်နိုင်ခဲ့ကြောင်း ပညာရပ်ဆိုင်ရာ အရင်းအမြစ်များက ဖေဖော်ဝါရီ ၁၀ ရက်နေ့ တွင် ပြောကြားခဲ့သည်။

ဘရာဇီးနိုင်ငံ အရှေ့တောင်ပိုင်း ရှိ Unicamp တက္ကသိုလ် က ယင်း စမ်းသပ်မှုကို အသုံးပြု၍ သွေး၊ တံတွေးနှင့် ဆီး နမူနာများ တွင် ဇီကာဗိုင်းရပ်စ် ရှိ၊မရှိ စစ်ဆေးနိုင်ပြီဖြစ်ကြောင်း ပြောကြားခဲ့သည်။

အဆိုပါ ဇီကာဗိုင်းရပ်စ် စစ်ဆေးမှုအား Unicamp တက္ကသိုလ် မှ ကျွမ်းကျင်သူများ နှင့် University of Sao Paulo (USP) နှင့် Sao Paulo State University  (Unesp) တို့ ပူးပေါင်းကာ သုတေသန ပြုလုပ်ခဲ့ကြပြီး ဇီကာဗိုင်းရပ်စ် အား တိုက်ဖျက်နေသည့် ဆီနီဂေါ သုတေသီ များထံမှလည်း သတင်းအချက်အလက်များ ရယူခဲ့ကြောင်း သိရသည်။

လာမည့် ဖေဖော်ဝါရီ ၁၅ ရက်နေ့မှ စ၍ Sao Paulo ပြည်နယ် ရှိ Campinas ဆေးရုံ မှ ဇီကာဗိုင်းရပ်စ် ကူးစက်ခံထားရသည်ဟု ယူဆထားသည့် လူနာများ အား စတင် အဆိုပါ နည်းလမ်းဖြင့် စစ်ဆေးပေးနိုင်တော့မည်ဖြစ်ကြောင်း သိရသည်။

ဇီကာဗိုင်းရပ်စ်ပိုးရှိသည့် စစ်ဆေးချက် နမူနာများအား ဇီကာဗိုင်းရပ်စ် အားလေ့လာနေသည့် ဘရာဇီး ဓါတ်ခွဲခန်းများ သို့ ပို့ဆောင်ကာ ဗိုင်းရပ်စ်ပိုး နှိမ်နင်းနိုင်ရန် နှင့် ၄င်း၏ မျိုးဗီဇ ကို ဖော်ထုတ်ရာတွင် အသုံးပြုသွားမည်ဖြစ်ကာ ယင်း ဗိုင်းရပ်စ်ပိုး အား တိုက်ဖျက်နိုင်ရန် နည်းလမ်းသစ်များကို ပေးစွမ်းနိုင်မည်ဟု မျှော်လင့်ကြကြောင်း သိရသည်။

စစ်ဆေးမှု အသစ်သည် ရက်ပေါင်း များစွာ စောင့်ဆိုင်းရသည့် လက်ရှိ စစ်ဆေးမှု နှစ်ခု နေရာတွင် အစားထိုးနိုင်မည်ဖြစ်ကြောင်း သိရသည်။

ယခုလက်ရှိတွင် ဘရာဇီး ကျန်းမာရေးအာဏာပိုင်များသည် သွေးနမူနာများမှ ဇီကာဗိုင်းရပ်စ်ပိုး စစ်ဆေးရန် အချိန် ငါးရက် ယူရပြီး ဆီးနမူနာမှ အချိန် ၈ရက်အထိစောင့်ဆိုင်းရကြောင်း သိရသည်။

(Xinhua)

မြန်မာ့ကမ်းလွန်ရေနက်ပိုင်း လုပ်ကွက်အမှတ် AD-7 တွင် သဘာဝ ဓာတ်ငွေ့ ထပ်မံရှာဖွေတွေ့ရှိ

နေပြည်တော်၊ ဖေဖော်ဝါရီ ၁၁

စွမ်းအင်ဝန်ကြီးဌာန၊ မြန်မာ့ရေနံနှင့်သဘာဝဓာတ်ငွေ့လုပ်ငန်းနှင့် Daewoo International Corporation တို့သည် ဘင်္ဂလားပင်လယ်အတွင်းရှိ မြန်မာနိုင်ငံရေနက် ပိုင်းဒေသလုပ်ကွက် အမှတ် AD-7 ၌ ရေနံနှင့်သဘာဝဓာတ်ငွေ့တူးဖော်ရေးလုပ်ငန်းများ အား ၂၀၀၇ ခုနှစ် ဖေဖော်ဝါရီ ၂၅ ရက်တွင် ထုတ်လုပ်မှု အပေါ်ခွဲဝေခံစားရေး စာချုပ်(PSC)စာချုပ်ချုပ်ဆို၍ အကျိုးတူ ပူးပေါင်းဆောင်ရွက်လျက်ရှိသည်။

၂၀၁၃ ခုနှစ်၊ ဇွန်လတွင် Woodside Energy (Myanmar) Co., Ltd. အစု ရှယ်ယာ ၄၀ ရာခိုင်နှုန်း ပါဝင်ရင်းနှီးမြှုပ်နှံလာခဲ့ပြီး Daewoo International Corporation မှ ၆၀ ရာခိုင်နှုန်းဖြင့် လုပ်ငန်း များကို ဆက်လက်ဆောင်ရွက်ခဲ့ရာ ၂၀၀၇ ခုနှစ်တွင် နှစ်ဖက်မြင်ဆိုက်စမစ်တိုင်းတာခြင်း ၂၈၈၇ ဒသမ ၁၇၅ ကီလိုမီတာ၊ ၂၀၀၈ ခုနှစ်တွင် သုံးဖက်မြင် ဆိုက်စမစ်တိုင်းတာခြင်း ၈၀၇ ဒသမ ၇၇ စတုရန်းကီလိုမီတာ ဆောင်ရွက်ခဲ့ပြီး Processing & Interpretation လုပ်ငန်းများကို ဆောင်ရွက် ခဲ့သည်။

အဆိုပါလုပ်ကွက်၏ ဘူမိလေ့လာမှုနှင့် ဆိုက်စမစ်တိုင်းတာခြင်းရလဒ်များကို အခြေခံ၍ ရှာဖွေရေး တွင်းအမှတ် သလင်း(၁)ကို တူးဖော်ရေးသင်္ဘော Deepwater Millennium (Drill Ship) ဖြင့် ၂၀၁၆ ခုနှစ် ဇန်နဝါရီ ၂၂ ရက်တွင် စတင်တူးဖော်ခဲ့ရာ အနက် ၃၀၃၄ မီတာအထိ တူးဖော်နိုင်ခဲ့ပြီး အနက် ၂၈၀၇ ဒသမ ၅ မီတာတွင် တွင်းတူးဖော်စဉ်တိုင်းတာမှုများပြုလုပ်ခဲ့ရာ ရည်မှန်း သဲကြောဖြစ်သော G 6 . 9 ၌ သဘာဝဓာတ်ငွေ့ခိုအောင်းနေကြောင်း တိုင်းတာတွေ့ရှိခဲ့သည်။

သို့ဖြစ်၍ Wireline Logging တိုင်းတာမှုဆက်လက်ဆောင်ရွက်ခဲ့ရာ အနက် ၂၈၀၅ မှ ၂၈၆၅ မီတာအကြား ၆၀ မီတာအထူရှိသဲကြောတွင် ၂၅ မီတာ အထူရှိ အဓိကသဲကြောတစ်ခုနှင့် ကျန် ၃၅ မီတာအတွင်းရှိ အခြားသဲကြောများတွင် သဘာဝ ဓာတ်ငွေ့ ဖြစ်တည်နေကြောင်း အတည်ပြု နိုင်ခဲ့သည်။

တွင်းအမှတ်သလင်း (၁) သည် မြန်မာနိုင်ငံကမ်းခြေမှ ၇၀ မိုင်ခန့်အကွာ ကမ်းလွန် ပင်လယ်ပြင်၏ ရေအနက် ၈၃၅ မီတာနေရာ၌ တည်ရှိပြီး တွင်းတူးဖော်ရာတွင် ပင်လယ် ကြမ်းပြင်အောက် အနက် ၂၈၀၅ မီတာခန့် ဘူမိသက်တမ်း (Pliocene)သက်တမ်းရှိ သဲကျောက်လွှာများအထိ တူးဖော် ခဲ့ခြင်းဖြစ်သည်။
အဆိုပါလုပ်ကွက်တွင် သဘာဝဓာတ်ငွေ့ဖြစ်တည် ခိုအောင်းနေကြောင်း တိုင်းတာ ရရှိပြီးနောက် ရှေ့လုပ်ငန်းစဉ်များအဖြစ် ရှာဖွေတူးဖော်တိုင်းတာရေးလုပ်ငန်းများကို ဆက်လက် ဆောင်ရွက် သွားမည်ဖြစ်ပြီး ရရှိလာသောအချက်အလက်များအပေါ်မူတည်ကာ စီးပွားဖြစ်ထုတ်လုပ်နိုင်မှု အခြေအနေကို ဖော်ထုတ်အတည်ပြုသွားမည်ဖြစ်သည်။

ထိုကဲ့သို့ ကမ်းလွန်လုပ်ကွက်အမှတ် AD-7 ရှိ တွင်းအမှတ် သလင်း(၁)နှင့် ကမ်းလွန်လုပ်ကွက် အမှတ် A-6 ရှိ ရွှေရည်ထွန်း တွင်းအမှတ်(၁) တို့တွင် သဘာဝ ဓာတ်ငွေ့ခိုအောင်းနေကြောင်း အတည်ပြုနိုင်ခဲ့ခြင်းကြောင့် ဘင်္ဂလားပင်လယ်အတွင်းရှိ မြန်မာ့ကမ်းလွန်ပေနက်လုပ်ကွက်များတွင် သဘာဝဓာတ်ငွေ့ စီးပွားဖြစ်ရှာ ဖွေတွေ့ရှိ နိုင်သည့် အလားအလာကောင်းများရှိနေပြီဖြစ်ကြောင်း သတင်းရရှိသည်။

MOI Webportal Myanmar

ဇီကာဗိုင်းရပ်စ် ရှိမရှိ ဖော်ထုတ်နိုင်မည့် ကိရိယာ စင်ကာပူ တီထွင် (ရုပ်သံ)

စင်ကာပူနိုင်ငံက သုတေသနပညာရှင်တွေက အမြန်ကူးစက်နေတဲ့ ဇီကာဗိုင်းရပ်စ်ကို ရောဂါအမျိုးအမည် ခွဲခြားဖော်ထုတ်နိုင်တဲ့ ကိရိယာကို တီထွင်နိုင်ခဲ့ပြီး ဆေးရုံတွေမှာ မကြာခင် သုံးနိုင်တော့မှာပါ။
ဇီကာဗိုင်းရပ်စ်ဟာ ဘရာဇီးနိုင်ငံက ထောင်နဲ့ ချီတဲ့ မွေးကင်းစကလေးတွေရဲ့ ဆိုးရွားတဲ့ ဦးနှောက်ချို့ယွင်းမှုနဲ့ ဆက်စပ်နေတယ်လို့ ကမ္ဘာ့ကျန်းမာရေးဌာနက ပြောထားပါတယ်။
အခုတော့ နိုင်ငံတကာကို အမြန်ပျံ့နှံ့ ကူးစက်နေပြီး ဖေဖော်ဝါရီ ၁၀ ရက်နေ့က တောင်အမေရိက နိုင်ငံကနေ ပြန်လာတဲ့ အမျိုးသားတဦးမှာ ဇီကာ ဗိုင်းရပ်စ် ကူးစက်ခဲ့တာကို ပထမဆုံးတွေ့ခဲ့တယ်လို့ တရုတ်အစိုးရက အတည်ပြုပါတယ်။
စင်ကာပူနိုင်ငံ အေစတား သုတေသန ဌာနက ပညာရှင် မာဆာဖုမိ အိနိုဥအဲက အရင်လတွေကတည်းက စမ်းသပ်မှုစခဲ့တာ ဖြစ်လို့ စမ်းသပ်ကိရိယာ တိုးတက်မှုက အရှိန်မြင့်နေပြီလို့ ပြောပါတယ်။
လူနာရဲ့ မျိုးဗီဇပါတဲ့ သွေးနမူနာကို အရင်စုပ်ယူပြီး ဗိုင်းရပ်စ် ရှိမရှိ စမ်းသပ်ရတာ ပိုလွယ်တယ်၊ လုပ်ငန်းစဉ် အားလုံး ၃ နာရီသာ ကြာပြီး ၉၉ ရာခိုင်နှုန်း တိကျ သေချာတယ်လို့ အိနိုဥအဲက ပြောပါတယ်။
သုတေသန ပညာရှင် စီဘတ်စ်တျန် မော်ရာ စတျောင်းကတော့ ဗိုင်းရပ်စ်တွေကို နှိုင်းယှဉ်လို့ မရနိုင်ပေမယ့် ကမ္ဘာ့ပျံ့နှံ့နှုန်းနဲ့ သေဆုံးနှုံးအရ ဇီကာကို အီဘိုလာနဲ့ နှိုင်းမရနိုင်ဘူးလို့ ပြောပါတယ်။
ဇီကာ စမ်းသပ်ကိရိယာကို မတ်လကုန်ကစပြီး ဆေးရုံတွေမှာ သုံးနိုင်မယ်လို့ သုတေသန ပညာရှင်တွေက ခန့်မှန်းထားပါတယ်။
DVB

မြန်မာ့တပ်မတော် လေယာဉ်ပျက်ကျ လိုက်ပါသူ ၅ ဦးလုံး သေဆုံး

နေပြည်တော်၊ ကြံ့ခင်းကျေးရွာအနီးမှာ ဖေဖော်ဝါရီလ ၁ဝ ရက်နေ့က ပျက်ကျခဲ့တဲ့ တပ်မတော်လေယာဉ်တစ်စီးကို တွေ့ရစဉ်

Photo: Win Ko Ko Latt/RFA

မြန်မာ့တပ်မတော် (လေ) က Beech-1900D အမျိုးအစား သယ်ယူပို့ဆောင်ရေး လေယာဉ်ပျံတစ်စင်းဟာ ဖေဖေါ်ဝါရီလ ၁ဝ ရက်နေ့က နေပြည်တော်လေယာဉ်ကွင်းက အတက်မှာ ပျက်ကျသွားခဲ့ပါတယ်။
တပ်မတော်ကာကွယ်ရေး ဦးစီးချုပ်ရုံးရဲ့ မနေ့က ထုတ်ပြန်ချက်မှာ အဲ့ဒီလေယာဉ်ပျံဟာ လေယာဉ်ပြေးလမ်းကနေ ပေ ၂ဝဝဝ မှာ ပျက်ကျသွားခဲ့တာဖြစ်ကြောင်းနဲ့  လေယာဉ်ပေါ်မှာ လိုက်ပါသွားခဲ့သူ ၅ ဦးအနက် လေသူရဲ ဗိုလ်မှူး အောင်ကျော်မိုး၊ တွဲဖက် လေယဉ်မှူး ဗိုလ်ကြီး ၂ ဦးနဲ့ တပ်ကြပ်ကြီးတစ်ဦးတို့က ပျက်ကျနေရာမှာပဲ အသက်ဆုံးခဲ့ပြီး ကျန် ဒု တပ်ကြပ် တစ်ဦးကတော့ ဆေးရုံမှာ သေဆုံးသွားကြောင်း ဖေါ်ပြထားပါတယ်။
Wikipedia စွယ်စုံကျမ်းအရဆိုရင် မြန်မာ့တပ်မတော်မှာ လူ ၁၉ ဦးလိုက်ပါနိုင်တဲ့ အဲ့ဒီ Beechcraft 1900D အမျိုးအစား သယ်ယူပို့ဆောင်ရေးနဲ့ အထွေထွေသုံး လေယာဉ်ပျံ ၂ စင်းရှိတဲ့အနက်က အခု တစ်စင်း ပျက်ကျသွားတာဖြစ်ပါတယ်။ အမေရိကန်ပြည်ထောင်စု Kansas ပြည်နယ်မှာအခြေစိုက်တဲ့ Beechcraft Corporation ကထုတ်လုပ်တဲ့ အဲ့ဒီ Beechcraft 1900D လေယာဉ်ပျံတွေကို အမေရိကန်ပြည်တွင်း လေကြောင်းတချို့နဲ့ အမေရိကန်တပ်မတော်မှာပါ အသုံးပြုနေသလို ကနေဒါ၊ တရုတ်၊ ထိုင်း၊ သြစတေးလျှား စတဲ့ တခြား ကမ္ဘာ့နိုင်ငံတွေမှာလည်း သုံးစွဲနေပါတယ်။
Beeachcraft 1900 လေယာဉ်ပျံတွေကို ၁၉၈၄ မှာ စတင်ပျံသန်းခဲ့ပြီး 1900D အမျိုးအစား လေယာဉ်ပျံတွေကိုတော့ ၁၉၉၁ ခုနှစ်မှာစတင် ထုတ်လုပ်သုံးစွဲခဲ့ပါတယ်။  ပြေးလမ်းတိုနဲ့ အတက်အဆင်းလုပ်နိုင်ပြီး တစ်စင်းကို အမေရိကန်ဒေါ်လာ ၅ သန်းခန့် တန်ဖိုးရှိတဲ့ Beechcraft 1900 လေယာဉ်ပျံအစင်း ၇ဝဝ နီးပါး အခုအချိန်ထိ ထုတ်လုပ်ခဲ့ရာမှာ 1900D အမျိုးအစားက ၄၃၉ စင်း ပါဝင်ပါတယ်။  ကမ္ဘာအရပ်ရပ်မှာ ၂ဝ၁၄ ဇူလိုင်လအထိ ပျံသန်းနေဆဲ 1900D လေယဉ်ပျံ ၂၂၁ စင်းပဲရှိရာကနေ အခုတော့ တစ်စင်းထပ်မံ လျှော့သွားပြီဖြစ်ပါတယ်။
အဲ့ဒီလေယာဉ်ပျံဟာ လူ ၁၉ ဦးအပြည့် တင်ဆောင်ပြီး မိုင် ၄ဝဝ ကျော်ခရီးကို အမြင့်ပေ ၂ သောင်းခွဲကနေ တစ်နာရီကို မိုင် ၃ဝဝ ကျော်နှုန်းနဲ့ မရပ်မနားပျံသန်းနိုင်ပါတယ်။  တကယ်လို့ ခရီးသည်နဲ့ ကုန်စည်မပါပဲ အပိုလေယာဉ်ဆီပါ သယ်ဆောင်ပျံသန်းမယ်ဆိုရင်တော့ မိုင် ၁၄ဝဝ ကျော်အထိ တဆက်တည်း ရောက်ရှိနိုင်တယ်လို့ ဆိုပါတယ်။
မြန်မာ့တပ်မတော်(လေ) မှာ လေယာဉ်ပျံ ၂၃ဝ ခန့်ရှိတဲ့အနက် တရုတ်နိုင်ငံထုတ် လေယာဉ်ပျံက ၆ဝ ကျော်နဲ့ ရုရှားနိုင်ငံ ထုတ်လေယာဉ်ပျံက ၅ဝ ကျော်ရှိပြီး အမေရိကန်ပြည်ထောင်စုထုတ် လေယာဉ်ပျံက ၂၁ စင်းပဲရှိရာကနေ အခု တစ်စင်း ဆုံးရှုံးသွားတာဖြစ်ပါတယ်။ အဲ့ဒီလေယာဉ်ပျံဟာ ကမ္ဘာတဝှမ်းမှာ အစင်း ၂ဝ မြောက်ပျက်ကျတဲ့ Beech 1900 လေယာဉ်ပျံဖြစ်ပါတယ်။
တပ်မတော်ကာကွယ်ရေးဦးစီးချုပ်ရုံးရဲ့ ထုတ်ပြန်ချက်မှာတော့ ဒီလေယာဉ်ဟာ စက်ချို့ယွင်းလို့ ပျက်ကျတာဖြစ်ကြောင်းနဲ့ အသေးစိပ်ကို စုံစမ်းနေဆဲဖြစ်ကြောင်း ဖေါ်ပြထားပါတယ်။
RFA

လွှတ်တော်ကော်မတီများ အချိန်ယူဖွဲ့စည်းနေဟု လွှတ်တော်နာယက ပြော

လွှတ်တော်ကော်မတီတွေ ဖွဲ့စည်းတဲ့နေရာမှာ အမျိုးသားရင်ကြားစေ့ရေးကို ဦးတည်ပြီး ဒေသစုံက လူမျိုးစုံပါဝင်နိုင်အောင် အချိန်ယူဖွဲ့စည်းနေတယ်လို့ ပြည်ထောင်စု လွှတ်တော် နာယက မန်းဝင်းခိုင်သန်းက ပြောပါတယ်။
လွှတ်တော်တွေကို တနေ့ နာရီဝက်လောက်ပဲ ကျင်းပပြီး ကော်မတီတွေကို နှစ်ရက်သုံးရက် အချိန်ယူပြီး ဖွဲ့နေတဲ့အပေါ် လွှတ်တော်နာယကဖြစ်သူထံ ဆက်သွယ်မေးမြန်းရာမှာ သူက ခုလို ပြောဆိုလိုက်တာ ဖြစ်ပါတယ်။
“ကျနော်တို့က အမျိုးသားရင်ကြားစေ့ရေးဆိုတဲ့ အခါကျတော့ ကော်မတီတွေမှာ လူမျိုးစုံ၊ ပါတီစုံ၊ ဒေသစုံ ပါဝင်စေချင်တာကိုး၊ ပါစေချင်တော့ နည်းနည်းလေး အချိန်ယူပြီး ဖွဲ့တာပါ။ တခြား ဘာမှတော့ မဟုတ်ပါဘူး။”
ပထမအကြိမ်နဲ့ ဒုတိယအကြိမ် လွှတ်တော်နှစ်ခုစလုံး တက်ရောက်တဲ့ မြေပုံမြို့နယ် ပြည်သူ့လွှတ်တော်ကိုယ်စားလှယ် ဦးဖေသန်းကတော့ ပထမအကြိမ်တုန်းကလည်း ခုလိုပဲ ဖြစ်ခဲ့တယ်လို့ ပြောပါတယ်။
“ပထမတကြိမ်လည်း အဲ့ဒီလို ဖြစ်ခဲ့ပါတယ်။ ၁၅ မိနစ် လွှတ်တော်ဆိုပြီးတော့လေ။ သမ္မတရွေးနိုင်တဲ့အချိန်ထိ လွှတ်တော်လုပ်ငန်းမှာ လုပ်စရာ သိပ်မရှိဘူး။ အဲ့ဒါကြောင့် ဒီလိုပဲ အချိန်မျှင်းပြီးတော့ လွှတ်တော်မရပ်နားထားဘဲ သွားနေတယ်လို့ မြင်တယ်။ ဖြစ်ချင်တာ ကတော့ မြန်မြန်ထက်ထက်လေး လုပ်စရာရှိတာ လုပ်ပြီးတော့ လွှတ်တော်ကို ရပ်နား လိုက်ရင် ပိုကောင်းမယ်။”
အစိုးရအဖွဲ့ တာဝန်လွှဲပြောင်းဖို့ လုပ်နေချိန်ဖြစ်လို့ လွှတ်တော်လုပ်ငန်းတွေဖြစ်တဲ့ ဥပဒေပြုတာ၊ အဆိုတင်တာ မေးခွန်းမေးတာတွေလည်း လုပ်လို့မရဘူး ဖြစ်နေတယ်လို့လည်း ပြောပါတယ်။
သင်္ကန်းကျွန်းမြို့နယ် ပြည်သူ့လွှတ်တော်ကိုယ်စားလှယ်ဟောင်း ဦးသိန်းညွန့်ကတော့ လွှတ်တော်ကို မောင်းနှင်နေတဲ့ အကြီးအမှူးတွေပေါ် မူတည်တယ်လို့ ပြောပါတယ်။
“သဘောကတော့ လွှတ်တော်က မေးခွန်း မေးမြန်းခြင်း၊ အဆို တင်သွင်းခြင်း၊ ဥပဒေကြမ်းကတော့ ထားပါတော့။ အဲ့ဒါတွေ တပြိုင်တည်း လုပ်လို့ရတာ ရှိပါတယ်။ အဲ့ဒါတွေကတော့ လွှတ်တော်အကြီးအမှူးတွေနဲ့ လွှတ်တော်ကို မောင်းနှင်နေတဲ့သူတွေရဲ့ အစီအစဉ်ပဲပေါ့။”
ဖေဖော်ဝါရီ ၁ ရက်က စတင်ခဲ့တဲ့ လွှတ်တော်အရပ်ရပ်အတွင်း ဒီနေ့ထိ အမြဲတမ်းကော်မတီ ၄ ခုနဲ့ ကော်မရှင် ၁ ခု ဖွဲ့စည်းပြီး ဖြစ်ပါတယ်။
DVB

အဂတိလိုက်စားမှုကြောင့် မြောက်ကိုရီးယားဗိုလ်ချုပ်တဦး ကွပ်မျက်ခံရ

မြောက်ကိုရီးယားအစိုးရက စစ်တပ်အကြီးအကဲကို အကျင့်ပျက်ခြစားမှု အပါအ၀င် တခြား စွဲချက်တွေနဲ့ အခုလအတွင်းမှာ ကွပ်မျက်လိုက် တယ်လို့ မြောက်ကိုရီးယား အရေးနဲ့ နီးစပ် ကျွမ်းကျင်သူတွေက ပြော ကြားကြောင်း တောင်ကိုရီးယားအခြေစိုက် Yonhap သတင်းမှာ ဖော်ပြထားပါတယ်။
မြောက်ကိုရီးယား စစ်ဦးစီးချုပ် ဗိုလ်ချုပ်ကြီး Ri Yong Gil အနေနဲ့ တခြား ကိုယ်ကျိုးဆိုင်ရာ ကိစ္စရပ်တွေကို လုပ်ဆောင်ခဲ့တယ်လို့ စွပ်စွဲခံခဲ့ရကြောင်းလည်း အမည်မဖော်လိုတဲ့ မြောက်ကိုရီးယားအရေး ကိစ္စတွေကို နီးစပ်ကျွမ်းကျင်သူပြောတာကို ကိုးကားပြီး Yonhap သတင်းမှာ ဖော်ပြထားပါတယ်။
တိုင်းပြည်ရဲ့အရေးပါတဲ့ ကိစ္စရပ်တွေ လုပ်ဆောင်တိုင်း မြောက်ကိုရီးယား သတင်းမီဒီယာတွေမှာ ထိပ်တန်းအရာရှိတွေရဲ့ အမည်တွေကို ရေးသား ဖော်ပြလေ့ ရှိပေမဲ့လည်း မြောက်ကိုရီးယားက ဖေဖော်ဝါရီလ (၇) ရက်နေ့တုန်းက တာဝေးပစ်ဒုံးယာဉ် လွှတ်တင်တုန်းက ဗိုလ်ချုပ်ကြီး Ri Yong Gil ရဲ့ နာမည်ကို ဖော်ပြခဲ့ခြင်း မရှိဘူးလို့ ဆိုပါတယ်။
မြောက်ကိုရီးယားခေါင်းဆောင် Kim Jong Un ဟာ သူတိုင်းပြည်ခေါင်းဆောင် ဖြစ်လာတဲ့ ၂၀၁၁ ခုနှစ်ကစလို့ သူ့အာဏာ တည်မြဲရေးအတွက် အစိုးရအရာရှိ အများအပြားကို အကျင့်ပျက်ခြစားမှု အပါအ၀င် တောင်ကိုရီးယားနိုင်ငံက ရုပ်သံစီးရီးတွေ ကြည့်ရှုမှုအဆုံး စွဲချက်မျိုးစုံနဲ့ အပြစ်ပေး အရေးယူပြီး ထုတ်ပစ်ခဲ့တာ ဖြစ်ပါတယ်။
မနှစ် ဇန်န၀ါရီလတုန်းကလည်း စစ်တပ်က စစ်ဆင်ရေး အကြီးအကဲ ဗိုလ်ချုပ်ကြီး Pyon In Son ကို ကွပ်မျက်ခဲ့ပါတယ်။
VOA

မြောက်ကိုရီးယားအပေါ် ဒဏ်ခတ်မှု ကန်လွှတ်တော်တခဲနက် အတည်ပြု

မြောက်ကိုရီးယားနိုင်ငံရဲ့ နျူကလီးယား၊ တိုက်ချင်းပစ် ဒုံးလက်နက်နဲ့ ဆိုက်ဘာစွမ်းပကားနဲ့ ပတ်သက်ပြီး အမေရိကန်နိုင်ငံရဲ့ ထိပ်တန်း စုံစမ်းထောက်လှမ်းရေး အရာရှိတွေက သတိပေးလိုက်ပြီးတဲ့နောက် တရက်အကြာမှာ အမေရိကန် အထက်လွှတ်တော်ဟာ မြောက်ကိုရီးယားအစိုးရနဲ့ သူ့ကို နိုင်ငံခြားက အထောက်အပံ့ ပေးနေသူတွေနဲ့ ပူးပေါင်း လုပ်ဆောင်နေသူတွေကို ပစ်မှတ်ထားပြီး  ဒဏ်ခတ်ပိတ်ဆို့မှုတွ ချမှတ်မယ့် ဥပဒေကြမ်းကို အတည်ပြုလိုက်ပါတယ်။

မကြာသေးမီက နျူကလီးယား ဖောက်ခွဲစမ်းသပ်ခဲ့တဲ့အပြင် တနင်္ဂနွေနေ့က တာဝေးပစ် ဒုံးလက်နက်ကို မြောက်ကိုရီးယားက ပြုလုပ်ခဲ့တဲ့နောက် ဗုဒဟူးနေ့က အထက်လွှတ်တော်ကနေ ထောက်ခံမဲ ၉၆ မဲ ကန့်ကွက်မဲမရှိ အတည်ပြုခဲ့တာ ဖြစ်ပါတယ်။

အထက်လွှတ်တော် နိုင်ငံခြားဆက်ဆံရေး ကော်မတီဥက္ကဌ ရီပတ်ဘလစ်ကန်ပါတီဝင်အမတ် Bob Corker က မြောက်ကိုရီးယားအပေါ် ချမှတ်ခဲ့တဲ့ ဆယ်စုနှစ်ချီရှိတဲ့ အမေရိကန်ပေါ်လစီဟာ မအောင်မြင်ခဲ့တဲ့အတွက် ပိုမိုတင်းကြပ်တဲ့ ဒဏ်ခတ်မှုတွေ ချမှတ်ဖို့လိုတယ်လို့ ပြောခဲ့ပါတယ်။

ဥပဒေကြမ်းမှာ မြောက်ကိုရီးယားနဲ့ ကုန်သွယ်ရာမှာ ဓာတ်သတ္တုတွေနဲ့ မြောက်ကိုရီးယားအစိုးရအတွက် ငွေမာကို ရရှိစေမယ့် အခြားလုပ်ငန်းတွေကို ပစ်မှတ်ထားပြီး၊ ပြုံးယမ်းနဲ့ လုပ်ကိုင်ဆောင်ရွက်နေတဲ့ တရုတ်နဲ့ အခြား အဖွဲ့အစည်းတွေကိုလည်း ပစ်မှတ်ထားတာ ဖြစ်ပါတယ်။

ဗွီအိုအေ (မြန်မာပိုင်း)

ပြည်ထောင်စုနေ့နှင့် ဗိုလ်ချုပ်အောင်ဆန်းမွေးနေ့ အန်အယ်လ်ဒီရုံးချုပ်တွင် ကျင်းပမည်

ဖေဖော်ဝါရီ ၁၂ ရက်မှာ ကျရောက်မယ့် (၆၉) နှစ်မြောက် ပြည်ထောင်စုနေ့ အခမ်းအနားနဲ့ ဖေဖော်ဝါရီ ၁၃ ရက်နေ့မှာ ကျရောက်မယ့် အမျိုးသားခေါင်းဆောင်ကြီး ဗိုလ်ချုပ် အောင်ဆန်းရဲ့ ၁၀၁ နှစ်မြောက် မွေးနေ့အထိမ်းအမှတ် အခမ်းအနားတွေကို ရန်ကုန်မြို့ ဗဟန်းမြို့နယ်က အမျိုးသား ဒီမိုကရေစီအဖွဲ့ချုပ်မှာ ကျင်းပမှာဖြစ်ပါတယ်။
ပြည်ထောင်စုနေ့ အခမ်းအနားကိုတော့ မနက် ၁၀ နာရီက စတင်ကျင်းပမှာဖြစ်ပြီး ကလေးများနေ့အဖြစ် သတ်မှတ်ထားတဲ့ ဗိုလ်ချုပ်မွေးနေ့မှာတော့ ကလေးတွေကို ပျော်ပွဲရွှင်ပွဲ လေးတွေ လုပ်ပေးမှာဖြစ်ပြီး ကလေးတွေကို ဗိုလ်ချုပ်အောင်ဆန်းနဲ့ ပတ်သက်တဲ့ ပန်းချီဆွဲ ပြိုင်ပွဲတွေ၊ မိန့်ခွန်းပြိုင်ပွဲတွေ၊ ကဗျာရွတ်ဆို ပြိုင်ပွဲတွေ ထည့်သွင်းကျင်းပ သွားဖို့ရှိနေပါတယ်။
DVB

မြင်းခြံဒေသခံရွာတချို့ သောက်သုံးရေမှီခိုနေရတဲ့ ဆည် ပျက်စီးမှာစိုးရိမ်

ဆည်ရေကန် ပျက်စီးစေနိုင်တဲ့အတွက် မြေတူးစက်ကြီးတွေကို ရပ်တန့်ဖို့ ကန့်ကွက်နေကြတဲ့ ဆားခါးရွာသားများ (ပုံ - ဒေါက်တာစိုးနိုင်)

မန္တလေးတိုင်း မြင်းခြံမြို့ ဆားခါးရွာ အပါအ၀င် ရွာ ၃ ရွာလောက်က သောက်သုံးရေအတွက် မှီခိုနေရတဲ့ မြနန္ဒာဆည်အနီးမှာ မြေလွတ်မြေရိုင်း ရှင်းလင်းပြီး စီမံကိန်းအတွက် မြေတူးစက်ကြီးတွေနဲ့ တူးဖော်နေတဲ့အတွက် ဆားခါးရွာက ဒေသခံ ၅၀၀ လောက်က ဆန္ဒပြခဲ့ပြီး ၃၀၀ လောက်က မြေတူးစက်တွေကို တားဆီးခဲ့ပါတယ်။ သောက်သုံးရေတင်မက သဘာဝပတ်ဝန်းကျင် ပျက်စီးဆုံးရှုံးမှုတွေပါ ဖြစ်နေပြီလို့ သဘာဝပတ်ဝန်းကျင်ထိန်းသိမ်းရေးလှုပ်ရှားတဲ့ Green for All အဖွဲ့ကလည်း ပြောပါတယ်။ အပြည့်အစုံကို ဗွီအိုအေသတင်းထောက် မအေးအေးမာ က သတင်းပေးပို့ထားပါတယ်။

မြင်းခြံခရို်င်အတွင်းက ဆားခါးရွာ၊ ရသေ့နှမ်းရွာ၊ ဂွေးပင်ရိုး စတဲ့ ကျေးရွာတွေက ထောင်နဲ့ချီရှိတဲ့ ဒေသခံတွေ သောက်သုံးရေအတွက် အမှီအခိုပြုနေရတဲ့ ဆည် ပျက်စီးမှာကိုစိုးရိမ်ပြီး ဒေသခံတွေက ကန့်ကွက်ဆန္ဒပြနေရတာ ဖြစ်တယ်လို့ သဘာဝပတ်ဝန်းကျင် ထိန်းသိမ်းရေးလှုပ်ရှားတဲ့ Green for All အဖွဲ့ရဲ့ တာဝန်ခံဒေါက်တာ စိုးနိုင် က ပြောပါတယ်။

“၁၉၅၀ ကျော်က တည်ခဲ့တဲ့ ဆားခါးရွာရဲ့ ရွာထိပ်က သောက်ရေကန်တွေကို ရေတဆင့်ဖြည့်ပေးနေတဲ့ ဆည် ပေါ့ဗျာ။ အဲဒီဆည်ကို ရေကျတဲ့ ရေလမ်းကြောင်းတွေကို မန္တလေးတိုင်းဒေသကြီးအစိုးရကနေ ပြောတာပဲ။ အဲဒါကို မြေလွတ်မြေရိုင်းနဲ့ မြေယာဖော်ထုတ်ရေးဆိုပြီးတော့ ဖော်ထုတ်ပြီးတော့ အဲဒါကို သိမ်းဖို့ကြိုးစားတဲ့အတွက်ကြောင့်မို့ ရွာသူရွာသားတွေက မကျေနပ်လို့ ဆန္ဒပြကြတာပါ။ ဧကရာချီပြီးတော့ ဆည်ထဲ ရေကျကောင်းတဲ့ လမ်းတွေကို ပိတ်ပြီးတော့ ရေလမ်းကြောင်းတွေကို ပိတ်ပြီးတော့ သူတို့ မြေကွက်ဖော်ပြီးတော့ ယူမယ့်သဘောရှိပါတယ်။ ဆည် ကို အဲ့လိုမျိုး ရေလမ်းကြောင်းတွေ ပိတ်လိုက်မယ်ဆိုရင် ဆည်ထဲကို ရေကျတွေ ရပ်သွားပြီးတော့ ရွာထိပ်မှာရှိတဲ့ ဘုန်းကြီးကျောင်းကန်တွေ၊ ရွာသုံးရေကန်တွေ၊ ရွာက အဲဒီကန်တွေက မိုးရေကိုပဲ အားကိုးရတာဗျ။ အဲဒီရွာမှာ ပေ ၈၀၀၊ ၁၀၀၀ လောက် တူးမှ ရေထွက်တာ။ အဲတော့ လူတိုင်း မတူးနိုင်ကြဘူး။ ဆည်ခမ်းသွားလို့ရှိရင် ရွာထိပ်က သောက်သုံးရေကန်တွေကို ပေးတဲ့ ကန်တွေကိုလည်း ဖြည့်ပေးနိုင်မှာ မဟုတ်တော့ဘူး။ အဲတော့ သူတို့အတွက် သောက်သုံးရေအခက်အခဲ ဖြစ်နိုင်တယ်ဆိုပြီးတော့ စီမံကိန်းကို ရပ်တန့်ဖို့ ဆန္ဒပြကြတာပါခင်ဗျ။ ဒီနေ့ ဆန္ဒပြကြတဲ့ လူအုပ်ထဲမှာ ပါတဲ့ အင်အားက ၅၀၀ လောက်ရှိပါတယ်။ ရွာမှာ မြေထိုးမြေကော်စက်တွေနားမှာ မြို့ပေါ်မှာ ဆန္ဒပြတဲ့အချိန်မှာ နောက်ကနေပြီးတော့ မြေကော်စက်တွေ၊ မြေထိုးစက်တွေနဲ့ ထိုးမှာစိုးလို့ ဆိုပြီးတော့ အဲဒီနားမှာ စောင့်ကြပ်နေတဲ့ အင်အားက ၃၀၀ လောက် ချန်ခဲ့ပါတယ် သူတို့။”

ဒေသခံအင်အား ၈၀၀ ခန့်လောက်က စီမံကိန်းဆက်မလုပ်ဖို့ မြေတူးစက်တွေကို ရပ်တန့်ဖို့ တောင်းဆိုနေပေမဲ့ အာဏာပိုင်တွေကတော့ ဆက်လုပ်မယ့် အခြေအနေရှိတယ်လို့လည်း သူက ဆက်ပြောပြပါတယ်။

“ဒီဟာကို စီမံကိန်းဖော်ထုတ်ဖို့အတွက် တိုင်းဒေသကြီးအစိုးရက ရန်ပုံငွေချပေးထားတာဖြစ်ပါတယ်။ ဒါဟာ သူတို့က သုံးဖို့အတွက်၊ လုပ်ဖို့အတွက် အမိန့်ရပြီးသား ဖြစ်တဲ့အတွက်ကြောင့်မို့ သူတို့ကတော့ ဆက်လုပ်ရမှာလို့ ပြောပါတယ်။”

အခုလို စီမံကိန်းလုပ်မယ့်ကိစ္စနဲ့ပတ်သက်လို့ သဘာဝပတ်ဝန်းကျင် ပျက်စီးမှာကို စိုးရိမ်ရပြီး အခုလောလောဆယ်မှာပဲ နှစ်ပေါင်းရာချီပြီး ရှိနေတဲ့ သစ်ပင်တွေ ပျက်စီးရတဲ့အတွက် မကြာခင်မှာပဲ သဘာဝဘေးဒဏ်ကို အဲဒီဒေသကလူတွေ ခံစားမှာ ဖြစ်တယ်လို့လည်း ဒေါက်တာ စိုးနိုင် က ဆိုပါတယ်။

“ဒီဆည်သာ တကယ်လို့ မရှိတော့ဘူးဆိုရင်၊ ခြောက်သွေ့ပြီးတော့ ရေမရှိတော့ဘူးဆိုရင် ရွာပတ်လည်မှာပေါက်နေတဲ့ ထန်းတောတွေရော၊ မန်းကျည်းပင်တွေရော၊ သစ်ကြီးဝါးကြီးတွေ ပေါက်နေတာတွေအားလုံး မိုးရေမသောက်ရတာနဲ့ပဲ ဆုံးရှုံးသွားနိုင်ပါတယ်။ အခုပဲ မြေထိုးထားတဲ့ ဧက ၁၄၀၊ ၅၀၊ ၂၀၀ လောက်မှာ သစ်ပင်တွေ အမြစ်ကပါ အကုန်လုံး တူးသွားတဲ့အတွက်ကြောင့်မို့ အခုလုံး ဖော်သွားတဲ့အတွက်ကြောင့်မို့ အဲဒီနားမှာ သလင်းခေါင်ကြီးဖြစ်နေပြီဗျ။ မိုးရွာလို့ရှိရင် သေချာတယ်။ အရင်တုန်းကတော့ သစ်ပင်တွေက မိုးရေတွေကို အကာအကွယ်ပေးထားပြီး မြေဆီလွှာကို အကာအကွယ်ပေးထားပြီး ဆည်တဲကိုချတဲ့ရေဟာ ကြည်လင်သန့်ရှင်းနေတာပဲ။ အခုတော့ အဲဒီသစ်ပင်တွေကို အကုန်လုံး ဂေါ်နဲ့ထိုးပစ်တဲ့အတွက်ကြောင့်မို့ သစ်ပင်တပင်ဖြစ်ဖို့ရာက နှစ်ပေါင်း ရာချီစောင့်ရတာ။ အဲဒီသစ်ပင်တွေ မရှိတော့တဲ့အတွက်ကြောင့်မို့ ပိုပြီးတော့ ပူလာနိုင်တယ်။ ပိုပြီးတော့ ခြောက်သွေ့လာနိုင်တယ်။”

ဒေသခံတွေကတော့ သောက်သုံးရေ ခက်ခဲတဲ့ ဒေသဖြစ်တဲ့အတွက် ဆည်ရေကန်ပျက်စီးမှာ စိုးရိမ်မှုရှိနေပြီး ဒီစီမံကိန်းကို ဆက်မလုပ်သင့်ဘူးလို့ ပြောဆိုနေကြပါတယ်။

မအေးအေးမာ / ဗွီအိုအေ (မြန်မာပိုင်း)

လှည်းတန်းဈေးသည်တွေကို စည်ပင်က မတရား အရေးယူ

လှည်းတန်းဈေးအပြင်ဘက် လမ်းဘေးဈေးတစ်နေရာကို တွေ့ရစဉ်။ Photo: RFA

ရန်ကုန်မြို့ လှည်းတန်းလမ်းနဲ့ ထန်းတပင်လမ်းထောင့်နားက လမ်းဘေးဈေးသည်တွေကို သက်ဆိုင်ရာ စည်ပင်သာယာ ဝန်ထမ်းတွေက ဈေးရောင်းခွင့်မရှိဘူးလို့ မနေ့ညနေက တားမြစ်တဲ့အခါမှာ၊ ဈေးဗန်းတွေပါမှောက်သွန်ပစ်တဲ့အတွက် ဆင်းရဲသားဈေးသည်တချို့ အရင်းအနှီးတွေ ထိခိုက်နစ်နာ သွားရတယ်လို့ သိရပါတယ်။

အဲ့ဒီကိစ္စနဲ့ ပတ်သက်လို့ မျက်မြင်တစ်ဦးဖြစ်တဲ့ မန္တလေးအခမဲ့စာကြည့်တိုက် တည်ထောင်သူ ပြည်သူ့ ဂုဏ်ရည်ဆုရှင် ကိုဇော်ဇော်က စည်ပင်ဝန်ထမ်းတွေအနေနဲ့ ဈေးရောင်းတဲ့နေရာခအတွက် ငွေမပေးနိုင်တဲ့ဈေးသည်တွေကို ဖမ်းလေ့ရှိတယ်လို့ RFA ကိုပြောပါတယ်။

"စည်ပင်သာယာက ဈေးသည်တွေကို မရောင်းရဘူးပေါ့နော်၊ ဒါပေမယ့် သူတို့က ကြမ်းကြမ်းတမ်းတမ်းပေါ့နော် ၊ ဈေးသည်တွေရဲ့ ပြောင်းဖူးဗန်းတွေတို့၊ မြေပဲတို့ နောက်တော့ ဟင်းသီးဟင်းရွက်ပေါ့လေ ဆွဲပြီးတော့ လွှင့်တယ်ပြု တယ်ပေါ့လေ၊ ငိုယိုပြီး တောင်းပန်တာပေါ့နော်၊ သူတို့မှာမရှိလို့ ဈေးရောင်းစားတယ်ပေါ့နော်၊ ခြေထောက်ကို ဖက်ပြီးတောင်းပန်တာတောင်မှ စောင်းမြောင်းပြီးတောင်မှ ပြောသွားတယ်ပေါ့ သူတို့က၊ လှည်းတန်းလမ်းမရော လှည်းတန်းဈေးရှိတဲ့နေရာကျတော့ လမ်းဘေးကကျဉ်းကျဉ်းလေးရယ်၊ ဒါပေမဲ့ စည်ပင်သာယာကို ဆိုင်တွေကနေ ပိုက်ဆံပေးထားတဲ့အတွက် အစောကြီးထွက်ခွင့်တယ်ခင်ဗျ၊ ဒီလိုပဲ ထန်းတပင်လမ်းထဲက ဈေးသည်တွေ ကျတော့ ငွေကြေးအသပြာမရတဲ့အတွက် ဖမ်းတယ်ဆီးတယ်ပေါ့"

အဲ့ဒီလှည်းတန်းတဝိုက် လမ်းဘေးဈေးသည်တွေဟာ စည်ပင်ဝန်ထမ်းတွေကို နေရာအတွက် နေ့စဉ်ငွေပေးပြီး ဈေးရောင်း လုပ်ကိုင်စားနေရသလို၊ ဝန်ထမ်းတွေကလည်း ငွေမပေးနိုင်တဲ့ ဈေးသည်တွေဆိုရင် မျက်နှာသာမပေးဘူးလို့ ပြောပါတယ်။

ကိုဇော်ဇော်ဟာ အဲ့ဒီလှည်းတန်းလမ်းဘေးမှာ ညဘက်ငါးကင်ရောင်းပြီး အခမဲ့စာကြည့်တိုက် တည်ထောင်ထားတဲ့ သူဖြစ်ပါတယ်။

RFA Burmese

လက်ပံတောင်းတောင် ဒေသခံများ သံဆူးကြိုးများ ဖယ်ရှားပြီး ဆန္ဒပြ

ဝမ်ပေါင်ကုမ္ပဏီရှေ့မှာ ဇန်နဝါရီလ ၁၆ ရက်နေ့က လက်ပံတောင်း ဒေသခံတောင်သူတွေ သီးနှံလျော်ကြေးရရှိဖို့ တောင်းဆို ဆန္ဒပြစဉ်

ဓါတ်ပုံ - ဒေသခံတစ်ဦး

စစ်ကိုင်းတိုင်းဒေသကြီး ဆားလင်းကြီးမြို့နယ်က လက်ပံတောင်းတောင်ကြေးနီ စီမံကိန်းအတွက် သိမ်းယူ ထားတဲ့မြေတွေကို သီးနှံလျော်ကြေးပေးဖို့ ဆန္ဒပြတောင်းဆို တဲ့ ဒေသခံတောင်သူ ၂၀၀ လောက်ဟာ မနေ့က ဝမ်ပေါင်ကုမ္ပဏီရှေ့မှာ ကာရံထားတဲ့ သံဆူးကြိုးတွေကို ဖယ်ရှားပြီး ကုမ္ပဏီရှေ့အထိ သွားရောက်ဆန္ဒပြကြပါတယ်။
ကုမ္ပဏီရှေ့မှာ ရဲဝန်ထမ်းတွေ သုံးထပ်စီပြီး တားထားတယ်လို့ ဆန္ဒပြရာမှာပါဝင်တဲ့ တုံရွာက တောင်သူ ဒေါ်အမာချို က ပြောပါတယ်။
"ခရိုင်အုပ်ချုပ်ရေးမှူးက မတားဘူးလို့တော့ပြောတာပဲ၊ ခုထိတော့ တားထားတာပဲ၊ အထဲကိုဝင်လို့မရပါဘူး၊ သံဆူးကြိုးတွေကာထားပါတယ်၊ တရုတ်နှစ်သစ်ကူးနေ့ ဆိုတော့ ဒီမှာတရုတ်တွေမရှိကြဘူး၊ ပြန်သွား ကြတယ်"
ဒေသခံတွေက အနက်ရောင်ဝတ်စုံတွေ ဆင်တူဝတ်ပြီး မြန်မာ့စီးပွားရေးဦးပိုင်၊ ဝမ်ပေါင် ကုမ္ပဏီနဲ့ ရဲတပ်ဖွဲ့ဝင်တွေရဲ့ ပုံစံစက္ကူရုပ်တွေကို ကုမ္ပဏီရှေ့မှာ မီးရှို့ခဲ့ကြပါတယ်။
ဆန္ဒပြပွဲမှာ တုံရွာ၊ မိုးကြိုးပြင်၊ ဖောင်းတကာကျေးရွာတွေက ဒေသခံတွေ ပါဝင်ပြီး လက်ပံတောင်းတောင်ကြေးနီ စီမံကိန်း ချက်ချင်းရုပ်သိမ်းဖို့၊ သိမ်းဆည်းခံထား ရတဲ့ လယ်ယာမြေတွေ ပြန်ရဖို့၊ သီးနှံလျော်ကြေးရရှိဖို့၊ ဒေါ်ခင်ဝင်းကို သတ်တဲ့တရားခံ ဖော်ထုတ်ပေးဖို့၊ မီးလောင်ဗုံးတရားခံ အမြန်ဆုံးဖော်ထုတ်ပေးဖို့ စတဲ့ကြွေးကြော်သံ တွေနဲ့ ဆန္ဒပြခဲ့ကြတာဖြစ်ပါတယ်။
လက်ပံတောင်းတောင် စီမံကိန်းကြောင့် တုံရွာ၊ မိုးကြိုပြင်၊ ဖောင်းတကာ စတဲ့ကျေးရွာအုပ်စုက လယ်ယာမြေတွေဟာ ၀မ်ပေါင်ကုမ္ပဏီခြံစည်းရုံးခတ်တဲ့အထဲ ပါသွားပြီး အခုချိန်အထိ လျော်ကြေးမရသေးတဲ့အတွက် ဆန္ဒပြတောင်းဆိုနေ တာလို့ သိရပါတယ်။
အခု တောင်သူတွေ တောင်းဆိုနေတာက ၂၀၁၅ ခုနှစ်အတွက် သီးနှံလျော်ကြေးဖြစ်ပြီး ၂၀၁၄ ခုနှစ်က သီးနှံလျော်ကြေး တစ်ဧကကို ကျပ် နှစ်သိန်း ကနေ လေးသိန်းအထိ ရရှိတယ်လို့သိရပါတယ်။
RFA

တအာင်းတပ်ဖွဲ့ TNLA နှင့် RCSS / SSA ရှမ်းတောင်တပ်ဖွဲ့တို့ တိုက်ပွဲများပြင်းထန်

တအာင်းအမျိုးသား လွတ်မြောက်ရေးတပ်ဖွဲ့ TNLA / PSLF နှင့် ရှမ်းပြည်တပ်မတော် တောင်ပိုင်းအဖွဲ့တို့ အကြား ယခုရက်ပိုင်း အတွင်း တိုက်ပွဲများ ပြင်းထန်စွာ ဖြစ်ပွားနေကြောင်း နှစ်ဖက်တပ်ဖွဲ့မှ သတင်းထုတ်ပြန်သည်။

နယ်မြေ အငြင်းပွားမှု ဖြစ်ပွားနေသော နှစ်ဖက်တပ်ဖွဲ့များ အကြား ကျောက်မဲမြို့နယ်တွင် တိုက်ပွဲများ ပြင်းထန်စွာ ဖြစ်ပွားနေခြင်းဖြစ်ပြီး နမ့်ခမ်းမြို့နယ်တွင်လည်း တိုက်ခိုက်မှုအချို့ ဖြစ်ပွားခဲ့သည်။

ဖေဖော်ဝါရီလ ၇ ရက်နေ့က ကျောက်မဲမြို့နယ် တော့စန်ကျေးရွာ အနီးတွင် တိုက်ပွဲများ ဖြစ်ပွားခဲ့ပြီး နမ့်ဆန်မြို့နယ် ပန်နင်းကျေးရွာအနီး ၊ နမ့်ခမ်းမြို့နယ်၊ လောနော်ကျေးရွာ အနီးတွင် တိုက်ပွဲများ ဖြစ်ပွားခဲ့ကြောင်း တအာင်းပလောင် တပ်ဖွဲ့မှ သတင်းထုတ်ပြန်သည်။

တိုက်ပွဲများနှင့် နှစ်ဖက်တပ်ဖွဲ့ဝင်များ၏ တင်းမာမှု ပဋိပက္ခများ အတွင်း ဒေသခံအချို့မှာ ဖမ်းဆီး သတ်ဖြတ် ခံရသည်ဟုလည်း သတင်းများ ထွက်ပေါ်နေသည်။

“ကျွန်တော်တို့က မဖမ်းပါဘူး။ အပြစ်မဲ့ ပြည်သူတွေကို ။ သတ်လည်း မသတ်ဘူး” ဟု တအာင်းပလောင် လွတ်မြောက်ရေးအဖွဲ့ TNLA / PSLF မှ ပြောခွင့်ရ တာအိုက်ကျော်က The Ladies News သို့ ပြောသည်။

ကျောက်မဲ ဒေသခံများကမူ တအာင်းတပ်ဖွဲ့များ ဖမ်းဆီး သတ်ဖြတ်မှုကြောင့် သံဃာတော် တစ်ပါး အပါအ၀င် စုစုပေါင်း ၈ ဦး သေဆုံးခဲ့ရကြောင်း အတည်ပြု ပြောဆိုထားသည်။

အလားတူ ရှမ်းတပ်မတော် တောင်ပိုင်း တပ်ဖွဲ့ဘက်မှလည်း တအာင်ပလောင်အချို့ကို ဖမ်းဆီးထားကြောင်း တအာင်းလူမှုရေး အသင်အဖွဲ့များက သတင်းမီဒီယာများကို ပြောဆိုထားပြီး ယခုအချိန်အထိ ပြန်လည် လွတ်မြောက်လာခြင်း မရှိသေးကြောင်း ဆိုကြသည်။

ကျောက်မဲမြို့နယ် အတွင်းရှိ တော့စန်ကျေးရွာတွင် ရွာမီးရှို့မှု ဖြစ်ပွားသည်ဟု ကျောက်မဲ ဒေသခံအချို့က ပြောသော်လည်း တော့စန်ကျေးရွာရှိ နေအိမ်များ မီးလောင်မှုမှာ တိုက်ပွဲများကြောင့် ဖြစ်ကြောင်း တအာင်းပလောင် တပ်ဖွဲ့ TNLA / PSLF က သတင်းထုတ်ပြန်ထားသည်။

တအာင်းပလောင် တပ်ဖွဲ့မှာ နိုင်ငံလုံးဆိုင်ရာ အပစ်ခတ် ရပ်စဲရေး ပြုလုပ်ထားခြင်း မရှိသည့် အဖွဲ့ဖြစ်ပြီး ပလောင်ပြည်နယ် သတ်မှတ်ပေးရေး အတွက် တောင်းဆိုနေသည့် အဖွဲ့လည့်းဖြစ်ပြီး နမ့်ခမ်း ၊ မူဆယ် စသည့် ဒေသများကိုပါ ၄င်းတို့၏ အခြေစိုက် ဒေသများအဖြစ် သတ်မှတ်ထားသည်။

RCSS / SSA ရှမ်းတပ်မတော် တောင်ပိုင်းမှာ အင်အား ၈,၀၀၀ ခန့် မှ ၁၀,၀၀၀ ကျော်အထိ ရှိနိုင်သည့် ရှမ်းလက်နက်ကိုင် အဖွဲ့အစည်းဖြစ်ပြီး နိုင်ငံလုံးဆိုင်ရာ အပစ်ခတ် ရပ်စဲရေးကို လက်မှတ် ရေးထိုးထားကာ မကြာမီ အစိုးရ တပ်မတော်နှင့် တပ်နေရာချထားရေး နယ်မြေ သတ်မှတ်ရေး ပြုလုပ်တော့မည့် အဖွဲ့အစည်းလည်း ဖြစ်သည်။

“ကျွန်တော်တို့က သူများကို တမင်သက်သက် မတိုက်ပါဘူး။ ကျွန်တော်တို့ကို ပြန်တိုက်ရင်တော့ တိုက်မှာပဲ။ တိုက်ပြီးရင်လည်း ရပ်ရခက်တယ်၊ တိုက်ပွဲဆိုတဲ့ သဘောက” ဟု RCSS / SSA မှ ပြောခွင့်ရ ဗိုလ်မှူးကြီးစိုင်းလှက ပြောသည်။

ယခု သတင်းရေးနေသည့် ဖေဖော်ဝါရီလ ၉ ရက်နေ့ ညနေပိုင်းတွင်လည်း ကျောက်မဲမြို့နယ်အတွင်း တိုက်ပွဲများ ပြင်းထန်စွာ ဖြစ်ပွားနေသည်ဟု ဒေသခံများက The Ladies News သို့ ပြောသည်။

The Ladies News

အသင့်ဖျော် ကော်ဖီမစ် စက်ရုံများသို့ ဝင်ရောက် စစ်ဆေး၊ ရလဒ်များကို နှစ်ပတ်အတွင်း သတင်း ထုတ်ပြန်မည်

အသင့်ဖျော် ကော်ဖီမစ် စက်ရုံများသို့ ဝင်ရောက် စစ်ဆေး၊ ရလဒ်များကို နှစ်ပတ်အတွင်း သတင်း ထုတ်ပြန်မည် 

    ရန်ကုန်၊ ဖေဖော်ဝါရီ ၉ ရက် (ဆင်ဟွာ)

    အသင့်ဖျော် ကော်ဖီမစ် ထုပ်များ ထုတ်လုပ်ရာ၌ အုန်းမှုတ်ခွံနှင့် မန်ကျည်းစေ့များ ကြိတ်၍ ထည့်သွင်းသည် ဟု သတင်းတချို့ ထွက်ပေါ် နေခြင်းကြောင့် ရန်ကုန်တိုင်း ဒေသကြီး အတွင်းရှိ ကော်ဖီ စက်ရုံ များသို့ ဝင်ရောက် စစ်ဆေးမှုများ ပြုလုပ်ခဲ့ပြီး ရလဒ်များကို နှစ်ပတ် အတွင်း သတင်း ထုတ်ပြန် သွားမည် ဖြစ်ကြောင်း အစား အသောက် နှင့် ဆေးဝါး ကွပ်ကဲမှု ဦးစီးဌာန (FDA) မှ တာဝန်ရှိသူ တစ်ဦးထံမှ သိရသည်။

စစ်ဆေးရာတွင် ပြည်တွင်းမှ နာမည်ကြီး ကော်ဖီ တံဆိပ်များ အပြင် တခြားကော်ဖီ ထုတ်လုပ်သော စက်ရုံ ၁၂ ရုံကို ဖေဖော်ဝါရီလ ၆ ရက်က အစားအသောက်နှင့် ဆေးဝါး ကွပ်ကဲမှု ဦးစီးဌာန FDA နှင့် ရန်ကုန် မြို့တော် စည်ပင် သာယာရေး ကော်မတီတို့ ပူးပေါင်းပြီး ရှောင်တခင် စစ်ဆေးခဲ့ကြောင်း သိရသည်။

ပြည်တွင်း ဈေးကွက် အတွင်း ရောင်းချနေသည့် အသင့်ဖျော် ကော်ဖီမစ် ထုပ်များ အတွင်း အုန်းမှုတ်ခွံ အမှုန့်၊ မန်ကျည်းစေ့ များကို ရောနှော ထုတ်လုပ် နေသဖြင့် ကျန်းမာရေး အတွက် အန္တရာယ် ရှိသည်ဟု သံသယရှိ သောကြောင့် ကော်ဖီ ထုတ်လုပ်ရာတွင် အသုံးပြုသည့် ကုန်ကြမ်းများကို စံချိန် စံညွှန်း နှင့် ညီ၊ မညီ၊ တခြား အရောအနှောများ ပါဝင်မှု ရှိ၊ မရှိ စစ်ဆေးရန် နမူနာ ပစ္စည်း များကို ကောက်ယူခဲ့ခြင်း ဖြစ်ကြောင်း ၎င်း တာဝန်ရှိသူက ဆိုသည်။

(Xinhua)

သက်ကြီးရွယ်အိုများအား သတ်ပစ်သည့် ဓလေ့ ကျင့်သုံးနေဆဲဖြစ်တဲ့ ဒေသ အိန္ဒိယနိုင်ငံ၌ ရှိနေ

လူသတ်မှုဟာ ပြစ်မှုမြောက်တယ်လို့ သတ်မှတ်ထားတဲ့ အိန္ဒိယနိုင်ငံမှာ သက်ကြီးရွယ်အိုတွေကို သတ်ပစ်တဲ့ဓလေ့ ရှိနေတယ်ဆိုတာဟာ အင်မတန်မှ အထိတ်တလန့်ဖြစ်စရာပါ။

အဲဒီဒေသမှာတော့ သက်ကြီးရွယ်အိုတွေကို သတ်ပစ်ခြင်းဟာ အစဉ်အလာတစ်ခုလို လက်ခံထားကြပြီး တချို့သော သက်ကြီးရွယ်အို မိဘတွေကလည်း သားသမီးတွေ စိတ်ပျော်ရွှင်အောင်ဆိုပြီး ကျေကျေနပ်နပ် အသတ်ခံကြပါတယ်လို့ ဆိုပါတယ်။

ဒီလိုဖြစ်ရတာဟာ သက်ကြီးရွယ်အိုတွေအတွက် အသုံးစရိတ်နဲ့ မိသားစုတွေရဲ့ လုပ်အားကိုလည်း သက်သာစေတယ်လို့ လက်ခံထားကြပြီး၊ သက်ကြီးရွယ်အိုကို သတ်တဲ့ ဓလေ့ထုံးစံဟာ အိန္ဒိယနိုင်ငံ တောင်ပိုင်းအဆုံး တမီးလ်နာဒူးမြို့ရဲ့ ဓလေ့ထုံးစံ အလေ့အကျင့် ဖြစ်နေပါတယ်။

ဒီမှာ ဆင်းရဲတဲ့ မိသားစုတွေများပြီးတော့ ငွေကြေးအင်အားလည်း မရှိသလို အသက်ကြီးသူကို ကြည့်ရှုစောင့်ရှောက်မယ့် လူအင်အားလည်း မလောက်တာကြောင့် သက်ကြီးရွယ်အိုတွေကို သတ်တဲ့နည်းလမ်းကို ရှာကြတာလို့ ဆိုပါတယ်။

သတ်နည်းကတော့မျိုးစုံရှိပြီး ဘိုးဘွားတွေကို အစာအဆိပ်သင့်အောင်လုပ်တာ၊ အသက်ရှူလမ်းကြောင်း ပိတ်စေတာစတဲ့ နည်းမျိုးစုံကို သုံးလေ့ရှိကြတယ်လို့ သိရပါတယ်။

ထုံးစံအရ လုပ်တာဆိုပေမဲ့ ဘယ်လိုများ သတ်ရဲသလဲ ဆိုတာကို ရွာသူရွာသားတွေကို မေးကြည့်တဲ့ အခါမှာတော့ “လူတွေကို တမင်တကာသတ်တာ မဟုတ်ပါဘူး။ အဲဒီဘိုးဘွားတွေဟာ သက်တမ်း သိပ်မကျန်တော့ဘူး။ ဘာဖြစ်လို့ သူတို့ကိုဆင်းရဲတဲ့ဘဝမှာ ခံစားခိုင်းနေတော့မှာလဲ” လို့ ပြောကြပါတယ်။

ရိုင်းစိုင်းပြီး ရက်စက်တဲ့ ဓလေ့ကို ကျင့်သုံးနေတဲ့ ဒီဒေသမှာ လယ်သမားနှင့် ရွှေ့ပြောင်းလုပ်သားတွေသာ အများစုဖြစ်တာကြောင့် ဘိုးဘွားတွေကိုစောင့်ရှောက်ဖို့ ပိုက်ဆံနှင့် အချိန်မရှိဘူးဆိုတာကို သူတို့ အမြဲပြောကြပါတယ်။

ဘယ်လိုပဲဖြစ်ဖြစ် သက်ကြီးရွယ်အိုတိုင်းကတော့ အသတ်ခံရတာကို မလိုလားပါဘူး။ ၂၀၁၀ ခုနှစ်တုန်းကဆို အသက်(၈၀)အရွယ် လူအိုတစ်ယောက်ကို မိသားစုတွေက သတ်ဖို့ကြံစည် ဆွေးနွေးနေတာကို မတော်တဆကြားမိတဲ့အတွက် အိမ်ကနေထွက်ပြေးပြီး အနီးနားမြို့ရွာတွေမှာ အော်ပြီး အကူအညီတောင်းနေခဲ့ရပါတယ်။

ဒါကြောင့်လည်း ရဲတပ်ဖွဲ့က ဒီအကြောင်းကို စစ်ဆေးရာကနေ ဒီဒေသက နှစ်စဉ်ပျောက်ကွယ်သွားနေတဲ့ သက်ကြီးရွယ်အို ရာဂဏန်းကျော်နေတဲ့ အကြောင်းကို ရဲတပ်ဖွဲ့က သိလာရတယ်လို့ DailyMailက ရေးသားဖော်ပြထားပါတယ်။

ဘာသာပြန်။ ။ ‪#‎နန်းမောက်ကွမ်‬
Ref; Shutterstock, daily mail
Tachileik News Agency
http://www.tachileik.net

ရှမ်းပြည်နယ်နှင့် ဧရာဝတီတိုင်း ဒေသကြီး တို့ ရှိ မီးဘေး အန္တရာယ် ကြုံခဲ့ရသည့် ပြည်သူများ အတွက် လွှတ်တော် ကိုယ်စားလှယ်များ အားလုံး နေ့ တွက်စရိတ် တစ်ရက်စာ ထည့်ဝင် လှူဒါန်းသွားရန် ဆုံးဖြတ်

ပြည်ထောင်စု လွှတ်တော် အစည်းအဝေး ကျင်းပစဉ် (ဆင်ဟွာ)

    ရန်ကုန် ၊ ဖေဖော်ဝါရီ ၈ ရက်(ဆင်ဟွာ)

    ရှမ်းပြည်နယ် မြောက်ပိုင်း နမ့်ဆန် မြို့ နှင့် ဧရာဝတီတိုင်း ဒေသကြီး လပွတ္တာ မြို့ တို့ တွင် မီးဘေး အန္တရာယ် ကြုံတွေ့ ခဲ့ရသည့် ပြည်သူများအတွက် ပြည်ထောင်စု လွှတ်တော် ကိုယ်စားလှယ်များက စုပေါင်း လှူဒါန်းငွေ အဖြစ် ကိုယ်စားလှယ် တစ်ဦးလျှင် နေ့ တွက် စရိတ် တစ်ရက်စာ ၂ သောင်းစီ ပါဝင် လှူဒါန်းသွားရန် ယနေ့ ဖေဖော်ဝါရီလ ၈ ရက်တွင် ကျင်းပ ပြုလုပ်ခဲ့သော ပြည်ထောင်စု လွှတ်တော် အစည်းအဝေးတွင် ဆုံးဖြတ်ခဲ့သည်။

ထိုသို့ ပြည်ထောင်စု လွှတ်တော် ကိုယ်စားလှယ်များ စုပေါင်း လှူဒါန်းငွေ အဖြစ် လှူဒါန်းနိုင်ရေး အတွက် ပြည်ထောင်စု လွှတ်တော် နာယက ဦးမန်းဝင်းခိုင်သန်းက အဆိုပြု တင်ပြခဲ့ပြီး လွှတ်တော်၏ သဘောဆန္ဒ ရယူရာတွင် သဘောတူသည့် အတွက် အဆိုပြုသည့် အတိုင်း ပါဝင် လှူဒါန်းနိုင်ရေး ဆက်လက် ဆောင်ရွက်သွားမည် ဖြစ်ကြောင်း ကြေညာခဲ့သည်။

ပြီးခဲ့သည့် ဖေဖော်ဝါရီလ ၄ ရက်တွင် ရှမ်းပြည်နယ် မြောက်ပိုင်း နမ့်ဆန် မြို့ နှင့် ဧရာဝတီတိုင်း ဒေသကြီး လပွတ္တာ မြို့ တို့ တွင် မီးဘေး အန္တရာယ် ကျရောက်ပြီး ပြည်သူ့ အချို့ အိုးအိမ်ပစ္စည်းများ ပျက်စီးဆုံးရှုံးမှု ဖြစ်ပေါ် ကြုံတွေ့ ခဲ့ရသည်။

ဧရာဝတီတိုင်း ဒေသကြီး လပွတ္တာ မြို့နယ်တွင် လောင်ကျွမ်းခဲ့သော မီးကြောင့် လူဦးရေ ၇၆၀ ကျော် အိုးမဲ့ အိမ်မဲ့ဖြစ်ကာ ငွေကျပ် သန်း ၃၂၀ ကျော် ဆုံးရှုံးခဲ့ရသည်။

ရှမ်းပြည်နယ် မြောက်ပိုင်း နမ့်ဆန် မြို့ တွင် လောင်ကျွမ်းခဲ့သော မီးကြောင့် နေအိမ်( ၂၀၉ )လုံးနှင့် ပစ္စည်းများ မီးလောင်ခံရပြီး ဆုံးရှုံးမှု တန်ဖိုး၂၆၅,၅၀၀,၀၀၀ ခန့်ရှိကြောင်း သိရသည်။

(Xinhua)

ဟားမတ်စ် စစ်သွေးကြွအုပ်စုက ၄င်း၏ အကြီးတန်း အဖွဲ့ဝင် တစ်ဦးအား ကွပ်မျက် အပြစ်ပေး

အစ္စလာမ်မစ် ဟားမတ်စ် စစ်သွေးကြွအုပ်စု၏ တပ်ဖွဲ့ဝင်များအား တွေ့ရစဉ် (ဓာတ်ပုံ-internet)

    ဂါဇာ ၊ ဖေဖော်ဝါရီ ၈ ရက် (ဆင်ဟွာ)

    အစ္စလာမ်မစ် ဟားမတ်စ် စစ်သွေးကြွ အုပ်စု၏ လက်အောက်ရှိ Al-Qassam တပ်မဟာ က ဂါဇာရှိ ၄င်းတို့၏ တပ်သားများထဲမှ တစ်ဦးဖြစ်သူ Rushdi Ishteiwi အား အကျင့် စာရိတ္တ နှင့် စစ်စည်းကမ်း ချိုးဖျက်မှု တို့ကြောင့် ကွပ်မျက် အပြစ်ပေးခဲ့ကြောင်း ဖေဖော်ဝါရီ ၇ ရက်က ပြောကြားခဲ့သည်။

စစ်သွေးကြွ အုပ်စု ၏ တရား စီရင်ရေး အဖွဲ့က Rushdi Ishteiwi အား အကျင့် စာရိတ္တ၊ အပြုအမူ နှင့် စစ်စည်းကမ်းများအား ချိုးဖောက်ကျုးလွန်ခဲ့ ကြောင်း တွေ့ရှိပြီးနောက် ကွပ်မျက်ခဲ့ကြောင်းသိရသည်။

ဟားမတ်စ် အုပ်စုက ထိုသူကျုးလွန်ခဲ့သည့် အကြောင်းအရာ အသေးစိတ်ကို ထုတ်ဖော် ပြောကြားခြင်း မရှိ သော်လည်း ကာယကံရှင်က ၄င်း၏ အပြစ်များကို ဝန်ခံခဲ့ကြောင်း ပြောကြားခဲ့သည်။

Ishteiwi သည် ဟားမတ်စ် စစ်သွေးကြွ အုပ်စု ၌ အကြီးတန်း စစ်သွေးကြွ တစ်ဦးဖြစ်ပြီး ၄င်းအား ၂၀၁၄ ခုနှစ် နွေရာသီတွင် ဂါဇာ ကမ်းမြောင် ဒေသ၌ ပြုလုပ်ခဲ့သည့် အစ္စရေး ၏ ရက် ၅၀ ကြာ စစ်ဆင်ရေး အပြီးတွင် ဖမ်းဆီးခဲ့ကြောင်း သိရသည်။

(Xinhua)
http://www.xinhuamyanmar.com

တိုင်းဒေသကြီးနှင့် ပြည်နယ် လွှတ်တော်များ စတင် ကျင်းပသည့် အနက် ပြည်နယ် နှစ်ခုတွင် လွှတ်တော် ဥက္ကဋ္ဌ နေရာ အကြိတ်အနယ် ရွေးချယ်ခဲ့ရ

ရန်ကုန်တိုင်း ဒေသကြီးလွှတ်တော် ကျင်းပနေစဉ် (ဆင်ဟွာ)

    ရန်ကုန်၊ ဖေဖောဝါရီ ၈ ရက် (ဆင်ဟွာ)

    ၂၀၁၅ ရွေးကောက်ပွဲ ရလဒ်အရ ဖြစ်ပေါ်လာသည့်  ဒုတိယ အကြိမ် လွှတ်တော် သက်တမ်း အတွက် နိုင်ငံ တစ်ဝန်းလုံးရှိ တိုင်းဒေသကြီးနှင့် ပြည်နယ် လွှတ်တော်များကို ဖေဖော်ဝါရီလ ၈ ရက်တွင် စတင်ကျင်းပခဲ့ပြီး ပြည်နယ် နှစ်ခု ဖြစ်သည့် ရှမ်းပြည်နယ် နှင့် ကချင်ပြည်နယ် တို့တွင် လွှတ်တော် ဥက္ကဋ္ဌ နေရာများ အတွက် အကြိတ်အနယ် ရွေးချယ်ခဲ့ရကြောင်း သိရသည်။

ကချင်ပြည်နယ် ဒုတိယအကြိမ် လွှတ်တော်အတွက် ပြည်ထောင်စု ကြံ့ခိုင်ရေး နှင့် ဖွံ့ဖြိုးရေး ပါတီမှ  ဦးရာဝမ်းဂျူံ (မချမ်းဘော မဲဆန္ဒနယ်) နှင့်  အမျိုးသား ဒီမိုကရေစီ အဖွဲချုပ် မှ ဦးထွန်းတင် (ဗန်းမော်မဲဆန္ဒနယ်) တို့ အဆိုပြုခြင်းခံရပြီး အဆိုပြုခြင်းခံရသူ၂ ဦးအတွက် ဥက္ကဋ္ဌ နေရာကို တက်ရောက်လာသည့် လွှတ်တော် ကိုယ်စားလှယ်များက ဆန္ဒမဲပေး ဆုံးဖြတ်ခဲ့ ရာ  အမျိုးသား ဒီမိုကရေစီ အဖွဲ့ချုပ် ကိုယ်စားလှယ် ဦးထွန်းတင်က မဲ (၃၀) ဖြစ် ရရှိခဲ့ပြီး  ဦးရာဝမ်ဂျူံးက (၂၂) မဲ ရရှိခဲ့၍ ကချင်ပြည်နယ် လွှတ်တော် ဥက္ကဋ္ဌ နေရာကို အမျိုးသား ဒီမိုကရေစီ အဖွဲ့ချုပ်မှ ဦးထွန်းတင်က အနိုင်ရ ရှိသွားခဲ့သည်။

ရန်ကုန်တိုင်း ဒေသကြီးလွှတ်တော် ကျင်းပနေစဉ် (ဆင်ဟွာ)

ရှမ်းပြည်နယ် လွှတ်တော် ဒုတိယအကြိမ် ပထမ ပုံမှန် အစည်းအဝေး တွင် လွှတ်တော် ဥက္ကဋ္ဌ အဖြစ် ပြည်ခိုင်ဖြိုး ပါတီ ကိုယ်စားပြု ကျိုင်းတုံ မဲဆန္ဒနယ် အမှတ် (၁) မှ ဦးစိုင်းလုံးဆိုင် နှင့် ရှမ်းတိုင်းရင်းသားများ ဒီမိုကရေစီ အဖွဲ့ချုပ် ကိုယ်စားပြု မူဆယ် အမှတ် (၁) မဲဆန္ဒနယ်မှ ဦးစိုင်းကျော်သိန်းတို့အား ကိုယ်စားလှယ်များက အသီးသီး အဆိုတင်သွင်းခဲ့ရာ တစ်ဦးထက် ပိုနေသဖြင့် မဲခွဲ ဆုံးဖြတ်ခဲ့ပြီးသည့် နောက် ပြည်ခိုင်ဖြိုး ပါတီ ကိုယ်စားပြု ကျိုင်းတုံ မဲဆန္ဒ နယ်မြေ အမှတ် (၁) မှ ဦးစိုင်းလုံးဆိုင် က ဆန္ဒမဲ ပေါင်း ၈၈ မဲ ဖြင့် အနိုင်ရရှိခဲ့သည့် အတွက် လွှတ်တော် ဥက္ကဋ္ဌ အဖြစ် ရွေးချယ်ခြင်း ခံခဲ့ရသည်။ လွှတ်တော် ဥက္ကဋ္ဌ အဖြစ် ရွေးချယ် ခံခဲ့ရသည့် ဦးစိုင်းလုံးဆိုင် သည် ပထမအကြိမ် ရှမ်းပြည်နယ် လွှတ်တော် အစည်းအဝေး ကျင်းပစဉ် ကလည်း ပြည်နယ် လွှတ်တော် ဥက္ကဋ္ဌ အဖြစ် တာဝန်ယူခဲ့သူ ဖြစ်ပြီး ဒုတိယ အကြိမ်မြောက် ပြန်လည် ရွေးချယ်ခံရခြင်း ဖြစ်သည်။

၎င်းပြည်နယ် နှစ်ခုတွင်  လွှတ်တော် ဥက္ကဋ္ဌ ရွေးချယ်သည့် နေရာ၌ အကြိတ်အနယ် ဖြစ်ခဲ့ပြီး ကျန်ပြည်နယ် နှင့် တိုင်းဒေသကြီးများတွင် ၎င်းပြည်နယ် နှစ် ခုလောက် အကြိတ်အနယ် မဖြစ်ခဲ့ဟု သိရသည်။

ရခိုင်ပြည်နယ် ဒုတိယအကြိမ် လွှတ်တော် ပထမပုံမှန် အစည်းအဝေးတွင် လွှတ်တော် ဥက္ကဋ္ဌနှင့် ဒုတိယ ဥက္ကဋ္ဌ တို့အား ရွေးချယ် တင်မြှောက်ခဲ့ရာ ရခိုင်အမျိုးသား ပါတီမှ  ဦးစံကျော်လှမှ  လွှတ်တော် ဥက္ကဋ္ဌ အဖြစ် ရွေးချယ်ခြင်း ခံရ၍ ဒုတိယ ဥက္ကဋ္ဌ  အဖြစ် ဦးဖိုးမင်း အား ရွေးချယ် တင်မြှောက်ခဲ့သည်။

(Xinhua)