ဒုသမ္မတ ဦးမြင့်ဆွေ ဗိုလ်ချုပ်မှူးကြီးဟောင်း၏ဇနီး ဒေါ်ကြိုင်ကြိုင်တူဟု အီကိုနောမစ်ရေး

ဦးမြင့်ဆွေ
ပြည်ထောင်စုလွှတ်တော်မှာ အတည်ပြုခန့်အပ်လိုက်တဲ့ ဒုသမ္မတ ဦးမြင့်ဆွေဟာ အငြိမ်းစား ဗိုလ်ချုပ်မှူးကြီးဟောင်း ဦးသန်းရွှေ ဇနီးဒေါ်ကြိုင်ကြိုင်ရဲ့ တူလို့ အီကိုနောမစ် မဂ္ဂဇင်းက ရေးပါတယ်။
အစိုးရသစ်လက်ထက် သမ္မတသစ် ရွေးချယ်ခန့်အပ်မှုနဲ့ ပတ်သက်ပြီး “Changing Lanes” ဆိုတဲ့ ခေါင်းစဉ်နဲ့ လန်ဒန်အခြေစိုက် အီကိုနောမစ် အပတ်စဉ် သတင်းမဂ္ဂဇင်းရဲ့ မတ် ၁၉ ရက် အင်တာနက် စာမျက်နှာရဲ့ ဆောင်းပါးမှာ အခုလို ရေးသားထားတာ ဖြစ်ပါတယ်။

ဒါ့အပြင် သဘောထားတင်းမာတဲ့ ဦးမြင့်ဆွေဟာ အမေရိကန်ရဲ့ ပိတ်ဆို့ဒဏ်ခတ်တဲ့စာရင်းမှာ ရှိနေဆဲ ဖြစ်သလို စစ်အစိုးရက နှိမ်နှင်းခဲ့တဲ့ ၂၀၀၇ ခုနှစ် ရွှေဝါရောင်တော်လှန်ရေး ကာလမှာ စစ်ထောက်လှမ်းရေး အကြီးအကဲ အဖြစ် တာဝန်ယူခဲ့တယ်လို့ ဆိုပါတယ်။

ဦးမြင့်ဆွေကို ခန့်အပ်မှုကတော့ ဒေါ်အောင်ဆန်းစုကြည်အနေနဲ့ ကြီးမားတဲ့ အပြောင်းအလဲတွေကို ဖိအားပေးမလုပ်ဆောင်ဖို့ သတိပေးချက်တခု ဖြစ်တယ်လို့ သုံးသပ်ထားပါတယ်။

လက်ရှိအချိန်ထိ စစ်တပ်က အာဏာကြီးကြီးမားမားကို ကိုင်စွဲထားဆဲ ဖြစ်တယ်လို့လည်း ဆောင်းပါးက ထောက်ပြပါတယ်။

ဒေါ်အောင်ဆန်းစုကြည်ကိုလည်း နိုင်ငံခြားရေး ၀န်ကြီး ရာထူးကို ရယူနိုင်ချေရှိတယ်လို့ ဆောင်းပါးက ခန့်မှန်း ရေးသားထားပါတယ်။ ဒါမှလည်း ဒေါ်အောင်ဆန်းစုကြည်ဟာ အဖွဲ့ဝင် ၁၁ ဦး ပါဝင်တဲ့ နိုင်ငံတော် ကာကွယ်ရေးနဲ့ လုံခြုံရေး ကောင်စီမှာ ၀င်ရောက်ခွင့်ရရှိမယ့် တခုတည်းသော ရာထူးဖြစ်တယ်လို့လည်း ဆိုပါတယ်။
DVB

မုန်းဝန်း( ဗမာ ) လူမျိုးလို့ ထည့်သွင်းဖို့ သမ္မတ ညွှန်ကြား

ကွတ်ခိုင် တာမိုးညဲ ဒေသမှာ အစိုးရနဲ့ နီးစပ်တဲ့ ပြည့်သူ့စစ် အမာခံ တွေကို ပိုမို ဆက်လက် ခိုင်မာ စေလိုတဲ့ အတွက် အစိုးရ အပြောင်းအလဲ မဖြစ်ခင် အခုလို သတ်မှတ် ပေး လာတာ ဆိုပြီး သုံးသပ်မှုတွေ ရှိနေ။

ရှမ်းပြည် မြောက်ပိုင်း ကွတ်ခိုင် တာမိုးညဲ ဒေသက မုန်းဝန်း မျိုးနွယ်စု တွေကို မုန်းဝန်း( ဗမာ )လို့ သတ်မှတ် ဆောင်ရွက်ဖို့ သမ္မတ ဦးသိန်းစိန် အစိုးရ က ဆောင်ရွက် လာပါတယ်။

၁၉၈၂ နိုင်ငံသား ဥပဒေ၊ အခန်း (၂) ပုဒ်မ (၈) အရ နိုင်ငံတော် သမ္မတ ကို ပေးအပ် ထားတဲ့ လုပ်ပိုင် ခွင့် နဲ့ အညီ အခုလို ဆောင်ရွက် တာ ဖြစ်တယ် လို့ လူဝင်မှုကြီးကြပ်ရေးနဲ့ ပြည်သူ့အင်အား ဝန်ကြီး ဌာန အမြဲတမ်း အတွင်းဝန် ဦး မြင့်ကြိုင် က ဘီဘီစီ ကို ပြောပါတယ်။

နိုင်ငံသား စိစစ်ရေး ကတ်ပြားတွေ မှာ မုန်းဝန်း (ဗမာ) လူမျိုး ဆိုပြီး တပြေးညီ ထုတ်ပေးဖို့ သမ္မတ ဦးသိန်းစိန် က ညွှန်ကြား ခဲ့တာ ဖြစ်ပါတယ်။

ကွတ်ခိုင် တာမိုးညဲ ဒေသမှာ အစိုးရနဲ့ နီးစပ်တဲ့ ပြည့်သူ့စစ် အမာခံ တွေကို ပိုမို ဆက်လက် ခိုင်မာ စေလိုတဲ့ အတွက် အစိုးရ အပြောင်းအလဲ မဖြစ်ခင် သမ္မတ ဦးသိန်းစိန် အစိုးရက အခုလို သတ်မှတ် ပေး လာတာ ဖြစ်တယ် ဆိုပြီး သတင်းစာ ဆရာ စိုင်းထွန်းအောင်လွင် က သုံးသပ်ပါတယ်။

မြန်မာ နိုင်ငံ မှာ နောက်ဆုံး အကြိမ် သန်းခေါင် စာရင်း ကောက်ယူ ခဲ့တဲ့ ၂၀၁၄ တုန်းက တိုင်းရင်းသား မျိုးနွယ် မဟုတ် သူတွေ ဖြည့်ရတဲ့ နံပါတ် ၉၁၄ နဲ့ မုန်းဝန်း မျိုးနွယ်စု တွေ ဖြည့် ခဲ့ရတာပါ။

အဲဒီ့ မုန်းဝန်း ခေါင်းစဉ် အောက် က သူတွေ အတော်များများ ဟာ တရုတ် လူမျိုး တွေ ဖြစ်ကြတယ် လို့လည်း စိုင်းထွန်းအောင်လွင် က ဆိုပါတယ်။

တာမိုးညဲ ဒေသ မှာ ရှိတဲ့ မုန်းဝန်း ဆိုတဲ့ ရွာ နာမည် ကို အစွဲပြုပြီး အခုလို လူမျိုး နာမည် တစ်မျိုး အနေနဲ့ သုံးစွဲ လာတာ ဖြစ် နိုင်တယ် လို့လည်း ဆိုပါတယ်။

မုန်းဝန်း နာမည် နဲ့ ကွတ်ခိုင် တာမိုးညဲ ဒေသမှာ ဦးရေ ခြောက်သောင်း လောက် ရှိ ခဲ့ ပေမယ့် နောက်ပိုင်း ဝင်လာတဲ့ တရုတ် လူမျိုး တွေ လည်း မုန်းဝန်း နာမည် နဲ့ မူဆယ်- မန္တလေး လမ်း တလျှောက် မြို့ တွေ တိုင်း မှာ ရှိနေကြပြီ လို့ စိုင်းထွန်းအောင်လွင် က ဆိုပါတယ်။

ပြီးခဲ့တဲ့ ၂၀၁၅ ရွေးကောက်ပွဲ တုန်း ကလည်း ရွှေလီ ဘက်က တရုတ် လူမျိုး တွေကို ကားစင်းလိုက် တွေ နဲ့ ခေါ်လာကာ မုန်းဝန်း နာမည် နဲ့ နိုင်ငံသားကတ် တွေ ထုတ် ပေးပြီး မဲ ပေး ခိုင်း ခဲ့တယ် ဆိုတဲ့ ပြောဆိုမှု တွေ လည်း ရှိနေပါတယ်။

BBC Burmese
http://www.bbc.com/burmese/

ပြည်သူ့ရင်ပြင်အတွင်းရှိ မြေ ၃ ဒသမ ၂၈ ဧက တက်သုတ်ရိုက် ငှားရမ်းမှု ရပ်တန့်ပေးရန် တိုင်းလွှတ်တော်ဥက္ကဌမှ ရန်ကုန်တိုင်းဒေသကြီး အစိုးရအဖွဲ့ထံ စာပို့မည်

ပြည်သူ့ရင်ပြင်အတွင်းရှိ မြေဧက ၃ ဒသမ ၂၈ ဧကကို အငှားချမည့်ကိစ္စအား အစောတလျှင် မပြုလုပ်ရန် ရန်ကုန်တိုင်းဒေသကြီးအစိုးရအဖွဲ့ထံ တိုင်းလွှတ်တော်ဥက္ကဌ ဦးတင်မောင်ထွန်းမှ စာပေးပို့မည်ဖြစ်ကြောင်း NLD ရန်ကုန်တိုင်းဒေသကြီး လွှတ်တော်ကိုယ်စားလှယ်များထံမှ သိရသည်။

“လေးဧကနီးပါးရှိတဲ့မြေကွက်ကို တင်ဒါခေါ်လိုက်တယ်။ ကျွန်တော်တို့သိတဲ့အချိန် တစ်ရက်နှစ်ရက်ပဲရှိသေးတယ်။ ဦးမြင့်သိန်းဆိုတဲ့သူက တင်ဒါအောင်မြင်သွားတယ်လို့ သိရတယ်။ ဘယ်ကုမ္ပဏီကိုတော့ အတိအကျ မပြောနိုင်သေးဘူး။ အဲဒါကြောင့် ရန်ကုန်တိုင်းမှာရှိတဲ့ NLD လွှတ်တော်ကိုယ်စားလှယ်အားလုံးကလည်း ဒီကိစ္စကို ရပ်ထားဖို့ ဆန္ဒရှိတယ်။ ဥက္ကဌကြီးကလည်း ဒီကိစ္စကို အစောတလျှင်မလုပ်ဖို့ စာပို့မယ်လို့ ပြောတယ်”ဟု မင်္ဂလာတောင်ညွှန်မြို့နယ်၊ တိုင်းဒေသကြီးအမှတ် (၂) လွှတ်တော်ကိုယ်စားလှယ် ဦးရန်အောင်က ပြောသည်။

ပြီးခဲ့သည့်ပထမအကြိမ် ရန်ကုန်တိုင်းဒေသကြီးလွှတ်တော် အထူးအစဉ်း အဝေးအစီအစဉ်များတွင် အပန်းဖြေဥယျာဉ်အတွင်းရှိ စိးပွါးရေးအဆောက်အဦးများ၊ ဆိုင်ခန်းများကို အငှားချထားပေးသည့်အတွက် အများပြည်သူများ အပန်းဖြေမည့်နေရာများ ဆုံးရှုံးနေသည့်အပေါ် ဗဟန်းမြို့နယ် အမှတ် (၂) ကိုယ်စားလှယ် ဒေါက်တာ ညိုညိုသင်းက မေးခွန်းများမေးမြန်းခြင်း၊ အဆိုများ တင်သွင်းခြင်းတို့ ပြုလုပ်ခဲ့သည်။

“ဒီဟာကတော့ တကယ်တော့မဖြစ်သင့်ဘူး။ ပြည်သူ့ရင်ပြင်ဆိုတာ အထင်ကရနေရာပဲ။ ရန်ကုန်မြို့ရဲ့ အထင်ကရကျတဲ့နေရာ။ ဒီနေရာကို မလုပ်စေချင်ဘူး။ အခုသူတို့က တက်သုတ်ရိုက်ပြီး တင်ဒါခေါ်တဲ့ကိစ္စကတော့ တော်တော်ကို စိတ်မတတ်မသာခံစား ရတယ်။ အများနဲ့ သက်ဆိုင်တဲ့နေရတဲ့နေရာဖြစ်တယ်။ တကယ်ဆိုရင် လက်လွတ်စပယ် မလုပ်သင့်ဘူး”ဟု ဦးရန်အောင်က ပြောသည်။

ယင်းသို့ လေလံတင်အငှားချသည့် မြေဧက ၃ ဒသမ ၂၈ ဧက တွင် ပင်မအဆောက်အအုံတလုံး၊ ကားပါကင်၊ မုန့်ဖို ၊ ဂိုဒေါင်ဝင်းနှင့် တောင်ကုန်း ဧရိယာ ၀ ဒသမ ၇၆ ဧက ပါဝင်ကြောင်းသိရပြီး ရန်ကုန်တိုင်းဒေသကြီးအစိုးရအဖွဲ့မှ လေလံဆွဲလိုသူများအား မတ်လ ၁၆ ရက်နေ့က လေလံလျှောက်လွှာများ နောက်ဆုံး လက်ခံခဲ့ကြောင်း သိရသည်။

“အခု တင်ဒါကျသွားပြီလို့ သိရတယ်။ သူတို့ကလည်း လုပ်ကြမှာပဲလေ။ ကျွန်တော်တို့ဘက်ကလည်း လုပ်စရာရှိတာ လုပ်ရမှာပဲ”ဟု တာမွေမြို့နယ် အမှတ် (၁) တိုင်းလွှတ်တော်ကိုယ်စားလှယ် ဦးလှသိန်းက ပြောသည်။

လင်းလင်းအောင်
News Watch(စောင့်ကြည့်သတင်းဂျာနယ်)

ရုရှားတွင် လေယာဉ် ပျက်ကျမှု၌ ၆၀ ဦး သေဆုံး

Flydubai ပိုင် လေယာဉ်အား တွေ့ရစဉ် (ဓာတ်ပုံ- အင်တာနက်)

    မော်စကို၊ မတ် ၁၉ ရက် (ဆင်ဟွာ)

    ဒူဘိုင်းမှ ထွက်ခွာလာသည့် ဘိုရင်း ၇၃၇ ခရီးသည်တင်လေယာဉ် တစ်စီးသည် ရုရှားနိုင်ငံ အနောက်တောင် ပိုင်းရှိ လေဆိပ်သို့ ဆင်းသက်စဉ်မှာ ပျက်ကျခဲ့ပြီး လေယာဉ်ပေါ် လိုက်ပါလာသူ ၆၀ ဦးခန့် အားလုံး သေဆုံးခဲ့ ကြောင်း အရေးပေါ် အခြေအနေဆိုင်ရာ တာဝန်ရှိသူများနှင့် ဒေသခံ မီဒီယာ သတင်းဖော်ပြချက်များအရ သိရ သည်။

ရုရှားနိုင်ငံ Rostov-on-Don လေဆိပ်သို့ ဆင်းသက်မည့် ဖလိုင်းဒူဘိုင်းပိုင် လေယာဉ် ၉၈၁ သည် မြင်ကွင်း ဝေဝါးမှုကြောင့် ပြေးလမ်းကြောင်းပေါ် ရောက်ရန် မီတာ ၅၀ မှ ၁၀၀ အကွာ၌ ပျက်ကျခဲ့ခြင်း ဖြစ်ကြောင်း အမည်မဖော်လိုသူ အရေးပေါ် အခြေအနေဆိုင်ရာ တာဝန်ရှိသူ တစ်ဦး၏ ပြောကြားချက်အား ကိုးကား၍ RIA Novosti သတင်း အေဂျင်စီက ဖော်ပြထားသည်။

လေယာဉ်ပေါ် လိုက်ပါလာသူ အရေအတွက် အတိအကျနှင့် လေယာဉ် ပျက်ကျရခြင်း အကြောင်းကိုမူ သေချာ မသိရသေးကြောင်း၊ အချို့မီဒီယာများ၌ လေယာဉ်ပေါ်တွင် လိုက်ပါလာသူမှာ ကလေး လေးဦး နှင့် လေယာဉ်ဝန် ထမ်း ၇ ဦး အပါအဝင် ၅၅ ဦးမှ ၆၂ ဦး ရှိနိုင်ကြောင်း ဖော်ပြထားကြောင်း ခရီးသည်အများစုမှာ ရုရှားလူမျိုးများ ဖြစ်ကြောင်း သတင်းများအရ သိရသည်။

ရုတ်တရက် မိုးသည်းထန်စွာ ရွာသွန်းမှုကြောင့် မြင်ကွင်းဝေဝါးရခြင်း ဖြစ်နိုင်ကြောင်း အဆိုပါ အမည်မဖော် လိုသူ အရေးပေါ် အခြေအနေဆိုင်ရာ တာဝန်ရှိသူ တစ်ဦးက RIA Novosti သတင်းဋ္ဌာနသို့ ပြောသည်။

ဖလိုင်းဒူဘိုင်း သို့မဟုတ် ဒူဘိုင်း လေကြောင်း ကော်ပိုရေးရှင်းကလည်း ဘိုးရင်း ၇၃၇-၈၀၀ ခရီးသည်တင် လေယာဉ်မှာ ရုရှားနိုင်ငံ Rostov ဒေသ၌ ပျက်ကျခဲ့ကြောင်း အတည်ပြု ပြောကြားခဲ့သလို ဘိုးရင်းလေကြောင်း ပြောရေးဆိုခွင့်ရှိသူ Doug Alder ကလည်း ကုမ္ပဏီအနေဖြင့် လေယာဉ်ပျက်ကျရခြင်း အကြောင်းရင်းအား အသေးစိတ်စုံစမ်းနေကြောင်း Sputnik သတင်းအေဂျင်စီက ဖော်ပြထားသည်။

(Xinhua)

စည်းကမ်းပျက်ယာဉ်များကို သင်္ကြန်မတိုင်ခင် ဆယ်ရက်ကြို သတိပေး အရေးယူမည်

|Dawei Watch| ထားဝယ်၊ မတ် ၁၈

ထားဝယ်မြို့တွင် သင်္ကြန်ပွဲတော်ကာလအတွင်း ယာဉ်တိုက်မှုများ မဖြစ်ပွားစေရေးအတွက် စည်းကမ်းပျက်ယာဉ်များကို သင်္ကြန်မတိုင်မီ ၁၀ ရက်ကြိုတင်၍ သတိပေးအရေးယူသွားမည်ဖြစ်ကြောင်း အမှတ် (၁၁) ယာဉ်ထိန်းရဲ၊ ဒုတိယတပ်ဖွဲ့ခွဲ (တနသာင်္ရီ) မှ ထံမှ သိရသည်။

မူးယစ်သောက်စား ယာဉ်မောင်းနှင်ခြင်း၊ ဆိုင်ကယ်ဦးထုပ်မပါဘဲ စီးနင်းခြင်း၊ အိတ်ဇောပိုက် ဖြုတ်မောင်းခြင်း၊ အသံကျယ် လောင်စွာ မောင်းနှင်ခြင်း၊ နှစ်ယောက်ထက် ပိုမောင်းခြင်း၊ စသည့်ယာဉ်စည်းကမ်း လမ်းစည်းကမ်းဖြင့် ကိုက်ညီမှု မရှိသည့်   ယာဉ်များကို သတိပေး အရေးယူဆောင်ရွက်သွားမည် ဖြစ်ကြောင်း အထက်ပါယာဉ်ထိန်းရဲတပ်ဖွဲ့မှ ရဲမှူးစိုးဝင်းက ပြောသည်။

“မတော်တဆ ကျူးလွန်မိတဲ့သူမျိုးဆို သတိပေးမယ်။ တမင်တကာ ကျူးလွန်ရင် အရေးယူမယ်” ဟု ရဲမှူးစိုးဝင်းက ဆိုသည်။

ယာဉ်ထိန်းရဲ မရှိသော မြို့နယ်များ အတွက်  နယ်မြေရဲများဖြင့် ပူးပေါင်းကာ   နယ်မြေလုံခြုံရေး နှင့် မှုခင်း ကျဆင်းရေးအတွက် ထိထိရောက်ရောက် အရေးယူဆောင်ရွက်သွားရန်အစီအစဉ်ရှိကြောင်း ယင်းယာဉ်ထိန်းရဲတပ်ဖွဲ့ထံမှ သိရသည်။

ယမန်နှစ်သင်္ကြန် ကာလတွင် တိုင်းအတွင်းယာဉ် တိုက်မှု ၆မှု ဖြစ်ပွားခဲ့ပြီး ၄ဦးသေဆုံးကာ ၂၄ ဦးခန့် ဒဏ်ရာရရှိခဲ့ ကြောင်း ယင်းရုံးထံမှသိရသည်။

Dawei Watch

တနသာင်္ရီတိုင်းတွင် ကွန်ပျူတာပညာရှင်များအသင်း ဖွဲ့မည်

|Dawei Watch|ထားဝယ်၊ မတ်  ၁၈

တနင်္သာရီတိုင်းဒေသကြီးတွင် ပထမဆုံးအကြိမ်အဖြစ် ကွန်ပျူတာပညာရှင်များအသင်းကို 

ဖွဲ့စည်းရန်စီစဉ်နေကြောင်း ကွန်ပျူတာပညာရှင်များအသင်း ဖြစ်မြောက်ရေးကော်မတီထံမှ သိရသည်။

လက်ရှိတွင် တိုင်းတွင်းရှိ ကွန်ပျူတာပညာကို စိတ်ပါဝင်စားပြီး သတ်မှတ်အရည်အချင်းများနှင့် ကိုက်ညီသူ 

အဖွဲ့ဝင်များ ဖိတ်ခေါ်ထားကြောင်း  ကွန်ပျူတာ ပညာရှင်များ အသင်းဖြစ်မြောက်ရေး ကော်မတီအဖွဲ့ဝင် 

ဦးချမ်းမြေ့က ပြောသည်။

“ဖွံ့ဖြိုးတိုးတက်မှု လုပ်ငန်းစဉ်တွေမှာ ကွန်ပျူတာသိပ္ပံပညာရပ်နဲ့ တစ်ဖက်တစ်လမ်းက ကူညီပေးဖို့၊ 

သက်ဆိုင်ရာ လုပ်ငန်းခွင်တွေမှာ ကွန်ပျူတာသိပံ္ပပညာ အသုံးချတတ်စေဖို့နဲ့ လူငယ်တွေကို အလုပ်အကိုင် 

အခွင့်အလမ်း ချိတ်ဆက်ပေးဖို့ ရည်ရွယ်ပြီး ဖွဲ့စည်းဖြစ်တာပါ” ဟု ဦးချမ်းမြေ့က ပြောသည်။

အဆိုပါအသင်း ဖြစ်မြောက်ရေးအတွက် မြန်မာနိုင်ငံ ကွန်ပျူတာပညာအသင်း(MCPA)မှ 

စီစဉ်ပေးခြင်းဖြစ်ပြီး 

သင်္ကြန်မတိုင်မီ ခရိုင်အလိုက် လူရွေးမည်ဖြစ်ကြောင်း သိရသည်။

အသင်းကို MCPAမှ လာရောက် ဖွဲ့စည်းပေးမည် ဖြစ်ပြီး ဖွဲ့မည် အချိန်ကိုမူ အတိအကျ မပြောနိုင်သေးဟု အထက်ပါ ကော်မတီမှ သိရသည်။

လျှောက်ထားသူများသည် နိုင်ငံတကာ IT ဒီပလိုမာဘွဲ့၊ နိုင်ငံတကာလက်မှတ်ရ (MCSE, MCSD, CNE) ၊ 

အစိုးရ IT ဒီပလိုမာဘွဲ့၊ မြန်မာနိုင်ငံ ကွန်ပျူတာပညာရှင်များအသင်း (MCPA) မှသင်ကြားသော 

သင်တန်းပြီးသူ(သို့) တက်ရောက်နေသူ စသည့် ဘွဲ့တခုခု (သို့) 

သင်တန်းလက်မှတ်ရရှိထားသူများ ဖြစ်ရမည်ဖြစ်ပြီး အသင်း ဖြစ်မြောက်ရေး ကော်မတီထံသို့ မတ်လ ၃၀ 

ရက် နောက်ဆုံးထားလျှောက်ထားနိုင်ကြောင်း သိရသည်။

Dawei Watch

ဒုဝန်ကြီး စကားကြောင့် ကျောက်မီးသွေးစက်ရုံကို ဒုတိယအကြိမ်ကန့်ကွက် ဆန္ဒပြမည်

၂၀၁၄ ဒီဇင်ဘာလ ၁၄ ရက် ကန့်ကွက် ဆန္ဒပြစဉ် ၊ဓာတ်ပုံ - ရဲထွဋ် / Dawei Watch

 ထားဝယ်၊ မတ် ၁၉

“လောင်းလုံးကျောက်မီးသွေး စက်ရုံစီမံကိန်းကို ဒေသခံများက ကန့် ကွက်ခြင်းမရှိ”ဟု လျှပ်စစ်စွမ်းအား ဝန်ကြီးဌာနမှ ဒုဝန်ကြီး ဦးမော်သာထွေး ၏ ပြောဆိုချက်ကြောင့် စီမံကိန်းကို ကန့်ကွက်ကြောင်း ဆန္ဒထုတ်ဖော်ရန် စီစဉ်နေကြောင်း ဦးဆောင်စီစဉ်သူများ ထံမှ သိရသည်။

လာမည့် မတ်လ ၂၅ ရက်နေ့တွင် လောင်းလုံးမြို့နယ်၊ သကျက်တော  ကျေးရွာတွင် လူအင်အား ၇၀၀ ဖြင့် ဆန္ဒထုတ်ဖော်ရန်အတွက် ငြိမ်းချမ်းစွာစီတန်းလှည့်လည်ခွင့်ပြုရန် မတ်လ ၁၈ ရက်နေ့တွင် လောင်းလုံးမြို့နယ် ရဲတပ်ဖွဲ့ထံသို့ ခွင့်ပြုချက် တောင်းခံ ထားကြောင်း  ဦးဆောင်ဆန္ဒထုတ် ဖော်မည့်သူများက ပြောသည်။

“ကျွန်မတို့က အရင်တခါက လည်းပြဖူးတယ်။ လျှပ်စစ်ဒုဝန်ကြီး ဦးမော်သာထွေးက ဒေသခံတွေ လိုချင် တယ်လို့ ပြောတာဟာ မဟုတ်ဘူး ဆိုတာပြချင်လို့ ဆန္ဒပြတာပါ”ဟု ဦးဆောင်စီစဉ်သူတစ်ဦးဖြစ်သည့် ဒေါ်သီတာမိုးက ပြောသည်။

မတ်လ ၁၇ ရက်က သကျက် တောကျေးရွာတွင် ကျောက်မီးသွေး စက်ရုံနှင့် ပတ်သက်၍ ဒေသခံများ အစည်းအဝေးတစ်ရပ်ပြုလုပ်ခဲ့ပြီး အစည်းအဝေးတွင် ဒုဝန်ကြီး၏ ပြောဆိုမှုကို ဒေသခံများအား ပြောပြသည့်အခါ အားလုံးက ဆန္ဒထပ်ပြမည်ဟု ဆိုခြင်းကြောင့် ဒုတိယအကြိမ် ဆန္ဒထပ်ပြရန် စီစဉ်ဖြစ်သွားသည်ဟု ဒေါ်သီတာမိုးက ဆိုသည်။

“အခုဆန္ဒပြတာက တက်လာမယ့် အစိုးရအသစ်ကို ပြတာမဟုတ်ပါဘူး။ အစိုးရအဟောင်းကို ပြတာပါ။ ဒါ ကြောင့် စပ်ကူးမတ်ကူးကာလမှာ အမြန် ပြ လိုက်ရတာ”ဟု ဦးဆောင်သူ တစ်ဦး ဖြစ်သူ ဦးစစ်ထွန်းက ပြောသည်။

ကျောက်မီးသွေးစက်ရုံစီမံကိန်း အကောင်အထည်ဖော်ရေးကို လူထုက ဆန့်ကျင်ကန့်ကွက်ခြင်းမရှိသည့်အပြင် ထောက်ခံကြောင်း ဆန္ဒထုတ်ဖော်မှုများ ပါပြုလုပ်ခဲ့သဖြင့် လူထုထောက်ခံမှု အပြည့်အဝရရှိခဲ့ကြောင်း ဒုတိယဝန်ကြီး ဦးမော်သာထွေးက ဖေဖော်ဝါရီလ ၂၇ ရက်က မြန်မာ့အသံနှင့် အင်တာဗျူးတွင် ပြောဆိုခဲ့ကြောင်း သိရသည်။

လောင်းလုံးမြို့နယ်၊ ရမ္မဇူဒေသ တွင် တည်ဆောက်မည့် ၅၀၀ မဂ္ဂါဝပ် ကျောက်မီးသွေးသုံး လျှပ်စစ် ဓာတ်အား ပေး စက်ရုံစီမံကိန်းကို ကန့်ကွက် ကြောင်း ဒေသခံအင်အား ၅၀၀ ခန့်ဖြင့် ၂၀၁၄ ဒီဇင်ဘာလ ၁၄ ရက်က သကျက် တော ကျေးရွာတွင် ဆန္ဒပြခဲ့ဖူးသည်။

ယင်းသို့ကန့်ကွက်ပြီးနောက် ၂၀၁၅ ခုနစ် ဖေဖော်ဝါရီလ ၁၉ ရက်နေ့တွင် စီမံကိန်းကို ထောက်ခံ ကြောင်း လူအင်အား ၅၀၀ ခန့်ဖြင့် တန်ပြန် ဆန္ဒထုတ်ဖော်ခဲ့သည်။

Dawei Watch

သမ္မတသစ် တင်သွင်းသည့် ၀န်ကြီးဌာန ၂၁ ခုနှင့် ၀န်ကြီးဦးရေကို လွှတ်တော်တွင် ဆွေးနွေး

ဒီနေ့မှာ ပြည်ထောင်စုလွတ်တော်မှာ ရွေးကောက်ခံ သမ္မတ ဦးထင်ကျော်က  အစိုးရဝန်ကြီးဌာန ၂၁ ခု  အမည်စာရင်းတွေ တင်သွင်းတာနဲ့ပတ်သက်ပြီးဆွေးနွေးခဲ့ပါတယ်။
မနေ့က နိုင်ငံတော်သမ္မတအဖြစ် ရွေးချယ်တင်မြှောက်ခံထားရသူ သမ္မတဦးထင်ကျော် တင်ပြတဲ့ ပြည်ထောင်စုအစိုးရဝန်ကြီးဌာန အရေအတွက်၊ အမည်နှင့် ပြည်ထောင်စုဝန်ကြီးဦးရေ သတ်မှတ်ခြင်းတို့နဲ့ ပတ်သက်ပြီး လွှတ်တော်ကိုယ်စားလှယ် ၅ ဦးက ဆွေးနွေးသွားခဲ့ပါတယ်။
ရွေးကောက်ခံ သမ္မတကတင်သွင်းတဲ့ ၀န်ကြီးဌာန ၂၁ ခုနဲ့ပတ်သက်ပြီး ဦးနိုင်ထူးအောင် (နွားထိုးကြီး မဲဆန္ဒနယ်၊ ဦးဂျေယောဝူ၊ ကချင်ပြည်နယ်မဲဆန္ဒနယ်အမှတ် ၁၊ ဦးသန့်စင်မောင်၊ မုံရွာမဲဆန္ဒနယ်၊ ဦးဘရှိန် ကျောက်ဖြူမဲဆန္ဒနယ် နဲ့ ဒေါက်တာအောင်သူ ရန်ကုန်တိုင်းဒေသကြီး မဲဆန္ဒနယ်အမှတ် ၆ တို့က ၀င်ရောက်ဆွေးနွေးခဲ့ကြပါတယ်။
ဆွေးနွေးခဲ့ကြတဲ့ ကိုယ်စားလှယ်အများစုဟာ ၀န်ကြီးဌာနတွေ လျော့ချပေါင်းစည်းခြင်းအပေါ်မှာ ထောက်ခံဆွေးနွေးကြပြီး ၀န်ကြီးဌာနတွေပေါင်းစည်းမှုမှာ အများပြည်သူတွေသိအောင် ရှင်းရှင်းလင်းလင်း ထုတ်ပြန်ဖို့နဲ့ ပေါင်းစည်းသွားတဲ့ ၀န်ကြီးဌာနတွေရဲ့ ၀န်ထမ်းတွေ အခြေအနေတွေကို မေးခွန်းထုတ် ဆွေးနွေးမှုတွေရှိခဲ့ပါတယ်။
ဒီကနေ့ ပြည်ထောင်စုလွှတ်တော်အစည်းအဝေးမှာ ရွေးကောက်ခံသမ္မတကိုယ်တိုင် တက်ရောက်ခဲ့ပါတယ်။ ဒီကနေ့ ကိုယ်စားလှယ်တွေ ဆွေးနွေးချက်အပေါ် လာမယ့် ၂၁ ရက် တနင်္လာနေ့မှာ သမ္မတက လွတ်တော်တွင်း လာရောက်ရှင်းလင်းဖြေကြားမှာဖြစ်ပြီး လွတ်တော်ရဲ့ အတည်ပြုချက်ကို ရယူမှာဖြစ်တယ်လို့ ပြည်ထောင်စုလွှတ်တော်ဥက္ကဋ္ဌ မန်းဝင်းခိုင်သန်းက ကြေညာပါတယ်။
DVB

မြောက်ကိုရီးယားက ဂျပန်အထိ ရောက်နိုင်သည့် ပဲ့ထိန်းဒုံးကျည် ပစ်လွှတ် (ရုပ်သံ)

မြောက်ကိုရီးယားဟာ မတ်လ ၁၈ ရက်နေ့မှာ ပဲ့ထိန်းဒုံးကျည် အနည်းဆုံးတစီးကို ပစ်လွှတ်စမ်းသပ်လိုက်လို့ ဒုံးကျည်ဟာ မိုင် ၅၀၀ ပျံသန်းအပြီး နိုင်ငံရဲ့ အရှေ့ဘက် ကမ်းရိုးတန်းက ကမ်းလွန်ပင်လယ်ပြင်ကို ထိမှန်ခဲ့တယ်လို့ တောင်ကိုရီးယားစစ်တပ်က ပြောပါတယ်။
ဒါဟာ ကုလသမဂ္ဂနဲ့ အမေရိကန်ရဲ့ ပိတ်ဆို့ဒဏ်ခတ်မှု အသစ်ကို ထပ်ပြီး ဖောက်ဖျက်လိုက်တာပါ။
ဒုံးကျည်ဟာ တာလတ်ပစ် ရိုဒွန်းဒုံးကျည် ဖြစ်ပုံရတယ်လို့ တောင်ကိုရီးယားရဲ့ ယုံဟပ်သတင်းဌာနက ပြောပါတယ်။
တကယ်လို့ အတည်ပြုခဲ့ရင် ဒါဟာ ဂျပန်နိုင်ငံအထိ ရောက်နိုင်တဲ့ တာလတ်ပစ် ဒုံးကျည်ဖြစ်ပြီး ၂၀၁၄ နောက်ပိုင်း ပထမဆုံး တာလတ်ပစ်ဒုံးကျည် စမ်းသပ်မှု ဖြစ်လာမှာပါ။
ဒုံးကျည်ကို မြို့တော် ပြုံယမ်းရဲ့ မြောက်ပိုင်းကနေ ပစ်လွှတ်ပြီး ကိုရီးယားကျွန်းဆွယ်ကို ကျော်ဖြတ်ရင်း အရှေ့ပင်လယ်ကမ်းလွန်ကို ကျရောက်ခဲ့တာလို့ တောင်ကိုရီးယား စစ်ဦးစီးအရာရှိချုပ်က ကြေညာချက် ထုတ်ပြန်ပါတယ်။
ဒီဒုံးကျည်ဟာ အမြင့် ၁၇ ကီလိုမီတာ အရောက်မှာ ရေဒါကနေ ပျောက်ကွယ်သွားခဲ့တယ်လို့လည်း ဆိုပါတယ်။
မြောက်ကိုရီးယားရဲ့ ရိုဒွန်းဒုံးကျည်ဟာ အဝေးဆုံးအနေနဲ့ ကီလိုမီတာ ၁၃၀၀ ထိ ပစ်ခတ်နိုင်တယ်လို့လည်း တောင်ကိုရီးယား ကာကွယ်ရေးဝန်ကြီးဌာနက ဆိုပါတယ်။
မြောက်ကိုရီးယား အစိုးရမီဒီယာ ကေအာတီက ၂၀၁၅ ခုနှစ်အတွင်း မြောက်ကိုရီးယား စစ်ရေးပြပွဲမှာ ဒုံးကျည်တွေကို သယ်လာတဲ့ပုံကို ထုတ်လွှင့်ပြသပါတယ်။
ဒါ့အပြင် ခေါင်းဆောင် ကင်မ်ဂျွန်အန်းက ၂၀၁၄ ဒုံးကျည်ပစ်လွှတ်စမ်းသပ်မှုကို စစ်ဆေးနေပုံကိုလည်း ပြသခဲ့ပါတယ်။
ဒီဒုံးကျည်ပစ်လွှတ်မှုကို ဂျပန်နဲ့ တောင်ကိုရီးယားတို့က အပြင်းအထန် ရှုတ်ချခဲ့ပါတယ်။
အမေရိကန်စစ်တပ်က တောင်ကိုရီးယားနိုင်ငံထဲမှာ အဆင့်မြင့် ဒုံးကျည်တိုက်ဖျက်ရေးစနစ် THAAD ကို ချထားဖို့ ဒီလထဲမှာ စတင် ဆွေးနွေးနေပါပြီ။
ဂျပန်ကလည်း သူ့နိုင်ငံ ကာကွယ်ရေးတိုးမြှင့်ဖို့ ဒီစနစ်ကို စဉ်းစားနေတယ်လို့ ပြောပါတယ်။
မြောက်ကိုရီးယားဟာ လေးကြိမ်မြောက် နျူကလီးယား စမ်းသပ်မှုကို ဇန်နဝါရီ ၆ ရက်နေ့က လုပ်ဆောင်ခဲ့ပြီး တာဝေးပစ်ဒုံးကျည် စမ်းသပ်မှုကိုတော့ ဖေဖော်ဝါရီ ၇ ရက်နေ့က ပစ်လွှတ် စမ်းသပ်ခဲ့ပါတယ်။
DVB

ထိုင်းဖွဲ့စည်းပုံ ရေးဆွဲမှု ခရီးမပေါက်

ထိုင်းဝန်ကြီးချုပ် Prayuth Chan-ochaနဲ့ ဒုတိယဝန်ကြီးချုပ် Prawit Wongsuwan။

ထိုင်းနိုင်ငံမှာ အသွင်ကူးပြောင်းရေး ငါးနှစ်တာကာလ အတွင်း ရွေးကောက် တင်မြှောက်ခြင်း မရှိတဲ့ အထက်လွှတ်တော်နဲ့ ခန့်အပ်ခံ ဝန်ကြီးချုပ် ထားရှိရေးကို စစ်အစိုးရက တောင်းဆိုနေတဲ့အတွက် စစ်အစိုးရနဲ့ ဖွဲ့စည်းပုံရေးဆွဲရေး ကော်မရှင်တို့ ထိပ်တိုက်တွေ့နေကြပါတယ်။ အစိုးရရဲ့ ဒီအဆိုပြုချက်တွေကို နိုင်ငံရေး ပါတီကြီးတွေက ပြင်းပြင်းထန်ထန် တုံ့ပြန်ကြပြီး ဖွဲ့စည်းပုံအသစ်မှာ ဒီလိုထည့်သွင်း လာရင် ပဋိပက္ခဖြစ်လာနိုင်တယ်လို့ သတိပေးထားကြပါတယ်။

ဖွဲ့စည်းပုံ ဥပဒေမူကြမ်းမှာ အမတ်ဦးရေ ၅၀၀ ပါ အောက်လွှတ်တော် ကို ရွေးကောက် တင်မြှောက်ပြီး အမတ်ဦးရေ ၂၀၀ ပါရှိတဲ့ အထက်လွှတ်တော်ကိုတော့ လူမှုရေး၊ စီးပွားရေး အဖွဲ့အစည်းတွေ အင်အားစုတွေ ရွေးကောက်တင်မြှောက်ဖို့ ခွင့်ပြုထားပါတယ်။ ဒါပေမဲ့ အစိုးရ ကတော့ အထက်လွှတ်တော်အမတ် ၂၅၀ ကို ခန့်အပ်ခံတွေ နဲ့ ဖွဲ့စည်းပြီး ကာကွယ်ရေးဌာန အမြဲတမ်းအတွင်းဝန် စစ်ဦးစီးချုပ် ကြည်း၊ ရေ၊ လေ ဦးစီးချုပ်တွေနဲ့၊ ရဲချုပ်တို့အတွက် သီးသန့်နေရာ ချန်ထားဖို့ အဆိုပြုထားတာပါ။

ဒုတိယဝန်ကြီးချုပ် Prawit Wongsuwon  ကတော့ ဒါဟာ စစ်အာဏာသိမ်းမှု မဖြစ်ရအောင် ကာကွယ်တာဖြစ်တယ်လို့ ဆိုပါတယ်။ ဒါပေမဲ့ သုံးသပ်သူတွေ၊ နိုင်ငံရေးသမားတွေ ကတော့ ဒါဟာ နိုင်ငံရေးပါတီတွေကို အားပျော့စေပြီး ဒီမိုကရေစီကို ထိပါးနေတယ်လို့ဆိုကြပါတယ်။

ဗွီအိုအေ (မြန်မာပိုင်း)

မြစ်ဆုံစီမံကိန်း ပြန်စဖို့ တရုတ်ကြိုးပမ်းမည်

ကန့်ကွက်ဆန္ဒပြမှုတွေနဲ့ အကြီးအကျယ် ကြုံခဲ့ရပြီးနောက် ရပ်ဆိုင်းထားခဲ့ရတဲ့ ကချင်ပြည်နယ်တွင်းက မြစ်ဆုံရေကာတာ စီမံကိန်းကို အစိုးရသစ် လက်ထက် မှာ ပြန်စနိုင်အောင် တရုတ်နိုင်ငံက ဆက်ကြိုးပမ်းသွားမယ့်အကြောင်း အဆင့်မြင့် သံတမန် တဦးက ဒီကနေ့ပဲ ထပ်မံပြောဆိုလိုက်ပါတယ်။ မကြာသေးခင် ရက်တွေအတွင်း စီမံကိန်းပြန်စနိုင်ရေး တရုတ်အစိုးရ အဆင့်မြင့် အရာရှိတွေ ဆက်တိုက် ဆိုသလို ပြောဆိုမှုတွေ ထွက်ပေါ်လာနေတဲ့အတွက် အမျိုးသား ဒီမိုကရေစီအဖွဲ့ချုပ် (NLD) ပါတီ ဦးဆောင်မယ့် အစိုးရအတွက် စိန်ခေါ်မှုတခု လည်း ဖြစ်လာနိုင်ပါတယ်။ အကြောင်းစုံကိုတော့ ကိုအောင်လွင်ဦး ကပြောပြပေးမှာဖြစ်ပါတယ်။

ပတ်ဝန်းကျင် နဲ့ ဒေသခံ လူမှုအသိုင်းအ၀ိုင်းကို ထိခိုက်နိုင်တယ်ဆိုပြီး ကန့်ကွက်မှုတွေ ပေါ်ပေါက်ခဲ့ပြီးနောက် သမ္မတဦးသိန်းစိန် အစိုးရက ၂၀၁၁ ခုနှစ်ကတည်းက ဆိုင်းငံ့ထားတဲ့ စီမံကိန်းကို ပြန်စဖို့ အစိုးရသစ်နဲ့ ဆွေးနွေးမယ်လို့ တရုတ်နိုင်ငံက ထပ်ပြောလိုက်တာ ဖြစ်ပါတယ်။ ဒေါ်လာသန်းပေါင်း ၃,၆၀၀ အကုန်အကျခံပြီး တရုတ်နိုင်ငံက ဆောက်လုပ်မယ့် စီမံကိန်းအတွက် သဘောတူညီချက်တွေဟာ အခုအချိန်အထိ မပျက်ပြယ်သေးဘူးလို့လည်း တရုတ်ဒုတိယနိုင်ငံခြားရေးဝန်ကြီး Liu Zhenmin က ဘေဂျင်းမြို့ သတင်းစာရှင်းလင်းပွဲမှာ ပြောဆိုလိုက်တာပါ။

“၂၀၁၁ ခုနှစ်မှာ မြန်မာအစိုးရက စီမံကိန်းကို ရပ်လိုက်တာဟာ အင်မတန်မှ စိတ်မကောင်းစရာပါ။ ဒါပေမဲ့လည်း စာချုပ်က အသက်ဝင်နေဆဲ ဖြစ်ပါတယ်။ စီမံကိန်း ရှေ့ဆက်နိုင်အောင် ပူးပေါင်းဆောင်ရွက်ဖို့က ၂ နိုင်ငံစလုံးအတွက် အရေးကြီးပါတယ်။ လက်ရှိအစိုးရအနေနဲ့ စီမံကိန်းကို ပြန်စဖို့ အချိန်မရှိတော့ဘူးလို့ ထင်ပါတယ်။ အစိုးရသစ် တက်လာတဲ့ အချိန်ကျရင်တော့ စီမံကိန်းပြန်စနိုင်အောင် တရုတ်အစိုးရက ဆက်ပြီးဆွေးနွေးသွားမှာပါ။”

မြစ်ဆုံရေကာတာ စီမံကိန်း ရပ်ဆိုင်းထားရတဲ့အတွက် နစ်နာမှုတွေ ရှိခဲ့တဲ့အကြောင်း တရုတ်နိုင်ငံခြားရေး ၀န်ကြီး Wang Yi ကလည်း ပြီးခဲ့တဲ့ သီတင်းပတ်ထဲ ကပဲ ပြောဆိုခဲ့သလို၊ ဒီမတိုင်ခင်မှာလည်း မြန်မာနိုင်ငံဆိုင်ရာ တရုတ် သံအမတ်ကြီး က ပြန်စနိုင်ဖို့ ပြောဆိုခဲ့တာပါ။ ဒါပေမဲ့လည်း ရွေးကောက်ပွဲမှာ တခဲနက် အနိုင်ရခဲ့တဲ့ NLD အစိုးရသစ် အနေနဲ့ကတော့ လူထုရဲ့ ဆန္ဒကို အလေးထား စဉ်းစားဆုံးဖြတ်မှာ ဖြစ်တဲ့ အကြောင်း NLD ပါတီရဲ့ ကချင်ပြည်နယ် ဖားကန့်မြို့နယ် အမျိုးသားလွှတ်တော် ကိုယ်စားလှယ် ဦးခင်မောင်မြင့် ကပြောပါတယ်။

“NLD က ပြောရေးဆိုခွင့်ရှိတဲ့ ဒေါက်တာဇော်မြင့်မောင် ကပြောပြီလေ၊ ပြည်သူတွေ ရဲ့ လိုလားချက်နဲ့သာ လုပ်ပါမယ်ဆိုတာ သူပြောပြီလေ။ ဘာကြောင့်လဲဆိုတော့ တရုတ်က လုပ်ချင်တိုင်း လုပ်လို့မရတော့ဘူးလေ။ ဘာကြောင့်လဲဆိုတော့ လူထုတွေက မကြိုက်ဘူးဆိုရင်တော့ ဒါကို လုပ်ဖို့တော့ NLD ကတော့ အစီအစဉ်ရှိမှာ မဟုတ်ပါဘူး။ တဖက်သတ် ကျနော်တို့ကိုတော့ ဒီလိုအနိုင်ကျင့်လို့ ရမယ်တော့ မထင်ပါဘူး။ ဘာဖြစ်လို့လဲဆိုတော့ နိုင်ငံတကာ ဥပဒေတွေလည်းရှိတယ်။ ကျနော်တို့ နောက်မှာလည်း ဟိုတုန်းကလို အစိုးရမဟုတ်တော့ဘူး၊ ကျနော်တို့ရဲ့ အစိုးရနောက်မှာလည်း ကမ္ဘာတခုလုံး ရပ်တည်နေပြီဆိုတော့ ကမ္ဘာတခုလုံး ကျနော်တို့ ဖြေရှင်းတဲ့အထဲမှာ ပါလာမှာပဲလေ။”

မြန်မာနိုင်ငံအပေါ် နိုင်ငံရေး၊ စီးပွားရေးအရ သြဇာညောင်းပြီး အရင်စစ်အစိုးရတွေနဲ့ ရင်းရင်းနှီးနှီးဆက်ဆံတယ်လို့ အများက ယူဆထားတဲ့ တရုတ်နိုင်ငံ အနေနဲ့ မကြာသေးခင် နှစ်တွေကစလို့ NLD နဲ့ ဆက်ဆံရေး တည်ဆောက်နိုင်ဖို့ ကြိုးပမ်းတဲ့ လက္ခဏာတွေလည်း တွေ့ရပါတယ်။ ပြီးခဲ့တဲ့နှစ်ထဲမှာ တုန်းကလည်း NLD ပါတီ ဥက္ကဋ္ဌ ဒေါ်အောင်ဆန်းစုကြည် ကို တရုတ်သမ္မတ Xi Jinping ဘေဂျင်းမြို့တော်မှာ လက်ခံတွေ့ဆုံခဲ့သလို၊ NLD က ရွေးချယ်ထားတဲ့ ဦးထင်ကျော် ကို ဒီသီတင်းပတ်ထဲ သမ္မတသစ်အဖြစ် လွှတ်တော်က တင်မြှောက်လိုက်တဲ့ အပေါ်မှာလည်း တရုတ်သမ္မတက ၀မ်းမြောက်ဂုဏ်ယူကြောင်း ပြောဆိုခဲ့တာပါ။ မြန်မာအစိုးရသစ်နဲ့ ဆက်ဆံရေး ခိုင်မာအောင် လုပ်ရမယ့် အချိန်မျိုးမှာ တရုတ်အစိုးရ အနေနဲ့ မြစ်ဆုံရေကာတာ စီမံကိန်း ပြန်စဖို့ ဖိအားပေးလာမယ်ဆိုရင်တော့ ထိခိုက်မှုတွေ ကြုံရနိုင်တယ်လို့ မြန်မာ့နိုင်ငံရေး သုံးသပ်သူ ဒေါက်တာရန်မျိုးသိမ်း က သတိပေးပါတယ်။

“ကျနော့်အမြင်ကတော့လေ၊ ဒေါ်အောင်ဆန်းစုကြည် ရဲ့ ခေါင်းဆောင်မှုအောက်မှာ ဖွဲ့စည်းခဲ့တဲ့ သမ္မတဦးထင်ကျော် ဦးဆောင်တဲ့ အစိုးရအဖွဲ့၊ တနည်းအားဖြင့် ပြော ရင်တော့ NLD အစိုးရအဖွဲ့ လက်ထက်မှာ တရုတ်ပြည်သူ့ သမ္မတနိုင်ငံ အပါအ၀င် နိုင်ငံတကာက စီမံကိန်းကြီးတွေကို စနစ်တကျ ပြန်လည် သုံးသပ်ပြီးတော့ ပြည်သူလူထုရဲ့ ဆန္ဒသဘောထားနဲ့အညီ ဖော်ဆောင်တာမျိုးကို စိစစ်ပြီးတော့လုပ်ဖို့ ပြင်ဆင်နေပြီလို့ ကျနော်နားလည်တယ်။ အဲဒီအတွက်ကြောင့်မို့လို့ တရုတ်ပြည်သူ့ သမ္မတနိုင်ငံ အစိုးရနဲ့ တရုတ်ပြည်သူ့ သမ္မတနိုင်ငံ ကုမ္ပဏီတွေ အနေနဲ့ ဒီစီမံကိန်း လုပ်ငန်းတွေကို အစိုးရသစ် လက်ထက်မှာ ဖိအားပေး၊ တွန်းအားပေး ဆောင်ရွက်လာမယ်ဆိုရင် ပထမအဆင့် အနေနဲ့တော့ မြန်မာပြည်သူ လူထု တရပ်လုံးနဲ့တော့ ထိပ်တိုက်တွေ့လာနိုင်တဲ့ အနေအထားမျိုး ရှိပြီးတော့၊ အဲဒီကနေ ဆက်စပ်ပြီး တရုတ်-မြန်မာ ဆက်ဆံရေးပါ ထိခိုက်ပွန်းရှ လာနိုင်တဲ့ အနေအထားမျိုး ရှိတယ်လို့ ကျနော်ကတော့ သုံးသပ်ပါတယ်။”

စစ်အစိုးရတွေ လက်ထက်မှာ သဘောတူညီချက် ရရှိခဲ့ကြတဲ့ မြစ်ဆုံစီမံကိန်း အပါအ၀င် မြန်မာနိုင်ငံတွင်း တရုတ်နိုင်ငံက ၀င်ရောက် လုပ်ကိုင်နေတဲ့ စီမံကိန်းတွေဟာ ပွင့်လင်းမြင်သာမှုတွေ အားနည်းတယ်လို့လည်း အများက ထောက်ပြနေကြတာပါ။ စစ်ကိုင်းတိုင်း မုံရွာခရိုင်က လက်ပံတောင်းတောင် ကြေးနီစီမံကိန်း၊ ရခိုင်ပြည်နယ် ကျောက်ဖြူဆိပ်ကမ်းကနေ တရုတ်နိုင်ငံ ယူနန်ပြည်နယ်ထဲကို ရေနံနဲ့ ဓာတ်ငွေ့ ပိုက်လိုင်း ဖောက်လုပ်မယ့် စီမံကိန်းတွေမှာလည်း မြေယာသိမ်းဆည်းမှုတွေ၊ ပတ်ဝန်းကျင် ထိခိုက်မှုတွေ ရှိတယ်ဆိုပြီး ဆန့်ကျင်ကန့်ကွက်မှုတွေနဲ့ ကြုံနေရဆဲ ဖြစ်ပါတယ်။

ကိုအောင်လွင်ဦး / ဗွီအိုအေ (မြန်မာပိုင်း)

---

---

ငွေမဲခဝါချမှု တိုက်ဖျက်ရေး မြန်မာ အစိုးရသစ်ကို FATF တိုက်တွန်း

ပြင်သစ်နိုင်ငံ ပါရီအခြေစိုက် ငွေကြေး ဆိုင်ရာစောင့်ကြည့်ရေးအဖွဲ့ FATF သတင်းစာရှင်းလင်းပွဲ။

မြန်မာနိုင်ငံဟာ ငွေကြေးဆိုင်ရာ ပြစ်မှုနဲ့ ငွေမဲခ၀ါချမှု တိုက်ဖျက်ရေး မဟာဗျူဟာ ကျကျ ဆောင်ရွက်ချက်တွေ ချို့ယွင်းအားနည်းမှုတွေ ရှိနေတဲ့ နိုင်ငံ အဖြစ် ပြင်သစ်နိုင်ငံ ပါရီအခြေစိုက် ငွေကြေးဆိုင်ရာစောင့်ကြည့်ရေးအဖွဲ့ FATF က ထုတ်ပြန်တဲ့ စာရင်းထဲမှာ ပါရှိနေပါတယ်။ မြန်မာနိုင်ငံအနေနဲ့ အဲ့ဒီ စာရင်းကနေ ပယ်ဖျက်နိုင်ဖို့ အတွက်ရာ တိုင်းပြည် ရဲ့ ငွေမဲခဝါချမှု စနစ် ထိရောက်ကြောင်းပြသဖို့ လာမယ့် အစိုးရသစ် အနေနဲ့ လုပ်စရာတွေ အများကြီးရှိတယ် လို့ ငွေကြေး စီမံခန့်ခွဲမှုဆိုင်ရာ အကြံပေးအဖွဲ့ GovRisk က ပြောဆိုလိုက်ပါတယ်။ ဒီနေ့လုပ်တဲ့ ဒီသတင်းစာ ရှင်းလင်းပွဲကို သွားရောက်သတင်းယူခဲ့တဲ့ ဗွီအိုအေ သတင်းထောက် မမြင့်မြင့်ခိုင်က အပြည့်အစုံ တင်ပြပေးပါလိမ့်မယ်။

လာမယ့် ၂၀၁၇ ခုနှစ်မှာ မြန်မာနိုင်ငံဟာ ငွေမဲခဝါချမှုနဲ့ အကြမ်းဖက်မှုတွေ အပေါ် ငွေကြေး ထောက်ပံ့မှု တိုက်ဖျက်ရေးအတွက် ချမှတ်ထားတဲ့ အပြည်ပြည်ဆိုင်ရာ စံနှုန်းတွေကို လိုက်နာဆောင်ရွက်တာ ရှိ၊ မရှိ သီးခြား လွတ်လပ်တဲ့ အကဲဖြတ်သုံးသပ်မှု ခံယူရမှာဖြစ်ပါတယ်။

မြန်မာအစိုးရအနေနဲ့ ငွေကြေးဆိုင်ရာ လှုပ်ရှားရေးတပ်ဖွဲ့ FATF ရဲ့ စံနှုန်းတွေကို လက်တွေ့မှာ တကယ် လိုက်နာ တယ်ဆိုရင် ငွေမဲခဝါချမှုဆိုင်ရာ နာမည်ပျက် စာရင်းကနေ ထွက်နိုင်ဖို့ အခွင့်အရေးရှိမယ်လို့ ငွေကြေး စီမံခန့်ခွဲ မှုဆိုင်ရာ အကြံပေးအဖွဲ့ GovRisk ရဲ့ ပြောရေးဆိုခွင့်ရှိသူ Nicolas Le Moignan က ပြောပါတယ်။

"ဗဟာဗျူဟာကျတဲ့ အားနည်းချက်တွေ" ဆိုတဲ့ အသုံးအနှုန်းက ငွေကြေး ဆိုင်ရာ လှုပ်ရှားရေး တပ်ဖွဲ့ FATF ရဲ့ အများပြည်သူ သိအောင်ကြေညာတဲ့ ထုတ်ပြန်ချက် မှာ ဖော်ပြထားတာပါ။ မြန်မာပြည်အနေနဲ့ ငွေကြေးခဝါချမှု တိုက်ဖျက်ရေး စနစ်မှာ အခုလို ဗဟာဗျူဟာကျတဲ့ အားနည်းချက်တွေ ကို ကျော်လွှားနိုင်ဖို့ အတွက်ဆိုရင် FATF နဲ့အတူ အကောင်ထည်ဖော်ရမယ့် လုပ်ငန်းစဉ်ဆိုတာ ရှိပါတယ်။ ငွေကြေး ခဝါချမှု တိုက်ဖျက်ရေးစနစ် အားနည်း တဲ့နိုင်ငံက အစိုးရမှာ သီးခြား အမျိုးသားအဆင့် ဗဟာဗျူဟာအစီအစဉ်ဆိုတာရှိရပါတယ်။ ဘာကြောင့်လဲဆို တော့ ဒါက ငွေကြေး ဆိုင်ရာ လှုပ်ရှားရေးတပ်ဖွဲ့ FATF ရဲ့ အပြည်ပြည်ဆိုင်ရာ စံနှုန်းတွေနဲ့ ကိုက်ညီဖို့ အတွက် အရေးကြီးတာကြောင့်ပါ။"

မြန်မာနိုင်ငံအနေနဲ့ ငွေမဲခဝါချမှုနဲ့ အကြမ်းဖက်မှုအပေါ် ငွေကြေးထောက်ပံ့မှုကို တိုက်ဖျက်ဖို့ အတွက် ကျယ် ပြန့်တဲ့ ဥပဒေ မူဘောင်တရပ် မဖြစ်မနေရှိဖို့ လိုအပ်ပြီး ငွေဖြူကနေ ငွေမဲအဖြစ် ပြောင်းတာကို တားဆီးနိုင်ဖို့ တောင့်တင်းခိုင်မာတဲ့ အစီအမံတွေ အပြင် စီးပွားရေးလုပ်ငန်းတွေအနေနဲ့ ဥပဒေကို လေးစား လိုက်နာမှုရှိစေဖို့ အားကောင်းတဲ့ အစီအမံတွေလည်း ရှိရမှာဖြစ်ပါတယ်။

အရင်ကတော့ မြန်မာပြည်ရဲ့ ဘဏ်လုပ်ငန်းမှာ ငွေမဲခဝါချတဲ့ ဖြစ်ရပ်တွေ အများကြီးရှိခဲ့ပြီး ဘိန်းရာဇာအဖြစ် နာမည်ထွက်ခဲ့တဲ့ ဦးအိုက်ထွန်းရဲ့ အာရှဓနဘဏ်၊ ရှမ်းတရုတ်အနွယ် ဦးကျော်ဝင်း တည်ထောင်တဲ့ May flower ဘဏ်နဲ့ ဝ-လက်နက်ကိုင်နဲ့အဆက်အသွယ်ရှိလို့ နာမည်ထွက်ခဲ့တဲ့ ဦးတင်စိန် တည်ထောင်ထားတဲ့ Universal ဘဏ်တွေ ပါဝင်ပါတယ်။

ဒီကနေ့အချိန်မှာတော့ မြန်မာပြည်အပါအဝင် နိုင်ငံတကာမှာ ငွေမဲတွေကို အိမ်ခြံမြေ လုပ်ငန်းမှာ အများဆုံး ခဝါချမှု ဖြစ်တယ်လို့ GovRisk က Nicolas Le Moignan က အခုလိုပြောပါတယ်။

"ငွေကြေးခဝါချမှု တိုက်ဖျက်ရေးအတွက် မြန်မာနိုင်ငံအနေနဲ့ National Risk Assessment လို့ခေါ်တဲ့ အမျိုး သားအဆင့် အန္တရာယ်ဖြစ်နိုင်ခြေ အကဲဖြတ်ခြင်း လုပ်ငန်းစဉ်ကို လုပ်ဆောင်နေပါတယ်။ ဒါက ဘယ်ကဏ္ဍမှာ ငွေကြေးခဝါချမှုတွေ အဖြစ်များသလဲဆိုတာ ဆန်းစစ်နိုင်ဖို့အတွက် FATF က သတ်မှတ်ထားတဲ့ ငွေကြေး ခဝါချ မှု တိုက်ဖျက်ရေးဆိုင်ရာ အစီအမံတွေထဲမှာ ပါဝင်လို့ပါပဲ။ မြန်မာနိုင်ငံတင် မဟုတ်ဘဲ နိုင်ငံတကာမှာလည်း ဘယ်ကဏ္ဍမှာ ငွေကြေးခဝါချမှု ဖြစ်နိုင်ခြေ များသလဲဆိုတာ ပြောရရင် အိမ်ခြံမြေလုပ်ငန်းပဲဖြစ်ပါတယ်။ ဒါ ကြောင့် ငွေကြေး ခဝါချမှုဖြစ်နိုင်ခြေရှိတဲ့ အိမ်ခြံမြေလုပ်ငန်းတွေကို ကြီးကြပ်ထိန်းသိမ်းရေး လုပ်ဖို့ လိုအပ် တာဖြစ်ပါတယ်။"

သမ္မတဦးသိန်းစိန် အစိုးရလက်ထက် ၂၀၁၄ မတ်လမှာ ငွေကြေးခဝါချမှု တိုက်ဖျက်ရေး ဥပဒေကို ပြဌာန်းခဲ့ပြီး ပြည်ထဲရေးဝန်ကြီးဌာနအနေနဲ့ ၁၅ဦး ပါဝင်တဲ့ ငွေကြေး ခဝါချမှုတိုက်ဖျက်ရေး ဗဟို ဘုတ်အဖွဲ့ကိုလည်း ၂၀၁၄ သြဂုတ်လ မှာ ဖွဲ့စည်းခဲ့သလို ဖမ်းဆီးရမိတဲ့ ငွေကြေးခဝါချမှု စုစုပေါင်း ၄၉မှုရှိပါတယ်။

ငွေကြေးဆိုင်ရာ လှုပ်ရှားရေးတပ်ဖွဲ့ FATF ထဲမှာပါဝင်တဲ့ အာရှ ပစိဖိတ်ဒေသ ငွေကြေးခဝါချမှု တိုက်ဖက်ရေး (APG) အဖွဲ့ဝင်နိုင်ငံဖြစ်တဲ့ မြန်မာပြည် အနေနဲ့ FATF စံနှုန်းတွေကို လိုက်နာကျင့်သုံးမယ်ဆိုပြီး ကတိပြု ထားရတာဖြစ်ပါတယ်။

မြင့်မြင့်ခိုင် / ဗွီအိုအေ (မြန်မာပိုင်း)

မတ်လ ၁၇၊၁၈၊၁၉ ရက်နေ့ထုတ် သတင်းစာ၊ဂျာနယ်များ

---

---

မတ်လ (၁၉) ရက်နေ့ ထုတ် အင်အား အားကစား ဂျာနယ် အတွဲ ၂၇၊ အမှတ် ၄၈

မတ်လ (၁၉) ရက်နေ့ ထုတ် Inside Weekly Sports Vol 3 No 99

မတ်လ (၁၇) ရက်နေ့ ထုတ် အားကစားမြင်ကွင်း ဂျာနယ် အတွဲ ၅ ၊ အမှတ် ၁၁

မတ်လထုတ် Health Guide March 2016

မတ်လ (၁၈) ရက်နေ့ ထုတ် Auto World Journal အတွဲ - ၅၊ အမှတ် - ၁၂

မတ်လ (၁၈) ရက်နေ့ ထုတ် 8 Days Journal Vol 7 No 48

မတ်လ (၁၈) ရက်နေ့ ထုတ် Hot News Weekly Vol 6 No 286

မတ်လ (၁၈) ရက်နေ့ ထုတ် မြန်မာ့အလင်း နေ့ စဉ် သတင်းစာ

မတ်လ (၁၈) ရက်နေ့ ထုတ် ကြေးမုံ နေ့ စဉ် သတင်းစာ

MPC နှစ်ဖွဲ့ ကွဲတော့မလား

သမ္မတရုံး ဝန်ကြီး ဦးအောင်မင်း ခေါင်းဆောင်တဲ့ အဖွဲ့ မြန်မာ ငြိမ်းချမ်းရေး စင်တာ က နေခွဲထွက်ဖို့ ပြင်ဆင်နေတယ် ဆိုတဲ့ သတင်းတွေ ကြားနေရ ပါတယ်။

မြန်မာငြိမ်းချမ်းရေး စင်တာ MPC ကို ထူထောင်ခဲ့သူ တစ်ယောက်ဖြစ်တဲ့ ဦးတင်မောင်သန်းက ဦးအောင်မင်းနဲ့ အတူ ခွဲထွက်မယ့် အဖွဲ့မှာ ပါသွားမှာဖြစ်ပါတယ်။

ဦးအောင်မင်းနဲ့ အဖွဲ့က Centre for Peace and Development ဆိုနဲ့ နာမည်နဲ့ ပြည်ထဲရေးဝန်ကြီးဌာန မှအသင်းအဖွဲ့ မှတ်ပုံတင် လျှောက်ထားခဲ့ပြီး ဖြစ်တဲ့ အပြင် ရန်ကုန်မြို့ တော်ဝင်စင်တာမှာ ရုံးခန်းဖွင့်လှစ်ဖို့ ပြင်ဆင်နေတယ်လို့ MPC က လက်ရှိ တာဝန်ရှိသူ တစ်ယောက်က ဘီဘီစီကို ပြောပါတယ်။

ဒါပေမဲ့ ကျန်တဲ့ အဖွဲ့က အစိုးရသစ်နဲ့ လက်တွဲ ဖို့ရှိတယ်လို့ MPC ဘက်ကရော NLD ထိပ်ပိုင်း ခေါင်းဆောင်ပိုင်း ဘက်ကပါ လာတဲ့ သတင်းတွေ အရ သိရပါတယ်။

MPC မှာ ကျန်ခဲ့ပြီး အစိုးရ သစ်နဲ့ လက်တွဲ ဆောင်ရွက်မယ့် အဖွဲ့မှာတော့ ဦးလှမောင်ရွှေ၊ ဦးအောင်နိုင်ဦးနဲ့ ဒေါက်တာမင်းဇော်ဦးတို့ပါဝင် မယ်လို့ ဆိုပါတယ်။

လောလောဆယ်မှာ NLD ဘက်က ကမ်းလှမ်းတာ မရှိသေးပေမဲ့ ကမ်းလှမ်းလာရင်တော့ အစိုးရ သစ်ရဲ့ ငြိမ်းချမ်းရေး လုပ်ငန်းစဉ်တွေကို ဒေါက်တာ တင်မျိုးဝင်းနဲ့အတူ အကောင် ထည်ဖော် ဆောင်ရွက်ဖို့ အသင့် ရှိကြောင်း ဦးလှမောင်ရွှေက ပြောပါတယ်။

MPC က အစိုးရသစ်ရဲ့ ဦးဆောင်မှု လက်အောက်မှာ ငြိမ်းချမ်းရေး လုပ်ငန်းတွေကို ဆက်လက် လုပ်ဆောင် ကြမှာ ဖြစ်ပြီး ဝန်ကြီး ဦးအောင်မင်းနဲ့ အဖွဲ့ကတော့ အစိုးရသစ် လက်အောက်မှာ မဟုတ်ဘဲ သီးခြားလွတ်လပ်တဲ့ အဖွဲ့ အနေနဲ့ ငြိမ်းချမ်းရေးနဲ့ ဖွံ့ဖြိုးရေး လုပ်ငန်းတွေကို သီးခြား လုပ်လိုတဲ့ အတွက် အခုလို ခွဲထွက်တာ ဆိုတဲ့ သုံးသပ်မှု တွေလည်း ရှိနေပါတယ်။

BBC Burmese

---

---

MPC ရှေ့အလားအလာ

နှစ်ပေါင်း ၆၀ နီးပါးကြာ ပြည်တွင်းစစ်ဖြစ်ပွားနေတဲ့ မြန်မာနိုင်ငံမှာ အစိုးရတပ်တွေနဲ့ တိုင်းရင်းသားလက်နက်ကိုင်တွေအကြား ငြိမ်းချမ်းရေးရဖို့အတွက် ကြားဝင်ညှိနှိုင်းဆောင်ရွက်ပေးရတဲ့ MPC မြန်မာငြိမ်းချမ်းရေးစင်တာကို မတ်လ ၃၁ ရက်နေ့ကစပြီး - EU ဥရောပသမဂ္ဂ က ငွေကြေးထောက်ပံ့မှု ရပ်ဆိုင်းတော့မှာ ဖြစ်တယ်လို့ MPC နဲ့ နီးစပ်သူတစ်ဦးက ဗွီအိုအေကို ပြောပါတယ်။

၂၀၁၂ ခုနှစ် နှစ်ကုန်ပိုင်းမှာ စတင်ဖွဲ့စည်းခဲ့တဲ့ MPC ကို Peace Donor Support Group (PDSG) နဲ့ နော်ဝေအခြေစိုက် Myanmar Peace Support Initiative (MPSI) တို့က နှစ်စဉ် ဒေါ်လာသန်းနဲ့ချီ ထောက်ပံ့ကူညီနေတာဖြစ်ပြီး၊ PDSG အဖွဲ့ထဲမှာတော့ - EU ဥရောပသမဂ္ဂ၊ ကုလသမဂ္ဂ၊ သြစတြေးလျ၊ ဗြိတိန်နဲ့ ကမ္ဘာ့ဘဏ်တို့ ပါဝင်ကြတာပါ။

မြန်မာနိုင်ငံမှာ ၂၀၁၅ ရွေးကောက်ပွဲအနိုင်ရ NLD အမျိုးသားဒီမိုကရေစီအဖွဲ့ချုပ်ဦးဆောင်တဲ့ အစိုးရသစ်က ဧပြီလ ၁ ရက်နေ့မှာ တရားဝင် စတင် တာဝန်ယူရတော့မှာ ဖြစ်တာမို့ - ဦးသိန်းစိန်အစိုးရလက်ထက်မှာ ဖွဲ့စည်းခဲ့တဲ့ MPC အပေါ် EU ဥရောပသမဂ္ဂ ကနေ ဦးသိန်းစိန်အစိုးရ သက်တမ်း ကုန်ဆုံးမယ့် မတ်လ ၃၁ ရက်နေ့ကစပြီး ငွေကြေးထောက်ပံ့မှုတွေကို ရပ်ဆိုင်းဖို့ ဆုံးဖြတ်ခဲ့တာပါ။ ဒါပေမဲ့လည်း NLD ပါတီဥက္ကဌ ဒေါ်အောင်ဆန်းစုကြည် က - မကြာသေးခင်ကပဲ MPC အဖွဲ့ဝင်တချို့နဲ့ တွေ့ဆုံခဲ့ပြီး - MPC ရဲ့ ဆောင်ရွက်တွေကို အသိအမှတ်ပြု လက်ခံတဲ့အကြောင်း၊ NLD ဦးဆောင်တဲ့ အစိုးရသစ်လက်ထက်မှာ MPC ကို ဆက်လက် ထားရှိမှာဖြစ်တဲ့အကြောင်းနဲ့ MPC ရဲ့ လုပ်ငန်းတွေအားလုံးကို ပြန်လည် သုံးသပ်သွားမှာဖြစ်ကြောင်း ပြောဆိုခဲ့တယ်လို့လည်း MPC နဲ့ နီးစပ်သူတစ်ဦးက ဗွီအိုအေကို ပြောပါတယ်။

ဒါ့အပြင် တိုင်းရင်းသားလက်နက်ကိုင်တွေနဲ့ ငြိမ်းချမ်းရေးဆွေးနွေးဖို့ - ဦးသိန်းစိန်အစိုးရလက်ထက်မှာ ဖွဲ့စည်းပြီး ပြည်ထောင်စုဝန်ကြီး ဦးအောင်မင်း ဦးဆောင်ခဲ့တဲ့ UPWC ပြည်ထောင်စု ငြိမ်းချမ်းရေး ဖော်ဆောင်မှုကော်မတီနဲ့ UPCC ပြည်ထောင်စု ငြိမ်းချမ်းရေး ဖော်ဆောင်ရေး ဗဟိုကော်မတီ ကိုလည်း တရားဝင် ဖျက်သိမ်းရမှာဖြစ်ပါတယ်။ UPCC မှာတော့ သမ္မတ၊ လွှတ်တော်ဥက္ကဌတွေနဲ့ ကာကွယ်ရေးဦးစီးချူပ် တို့ ပါဝင်တာဖြစ်ပါတယ်။ တိုင်းရင်းသား လက်နက်ကိုင်အဖွဲ့အစည်းပေါင်း ၁၇ ဖွဲ့နဲ့ ဖွဲ့စည်းထားတဲ့ UNFC ခေါ် ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီနဲ့ အပစ်အခတ်ရပ်စဲရေး ဆွေးနွေးချိန်တိုင်း အဓိက အခန်းကဏ္ဍက ပါဝင်ခဲ့တဲ့ ပြည်ထောင်စုဝန်ကြီး ဦးအောင်မင်းကတော့ - UPWC နဲ့ UPCC တို့ကို တရားဝင် ဖျက်သိမ်းတဲ့ အချိန်ကျရင် - MPC မှာ ဆက်လက် လုပ်ဆောင်တော့မှာ မဟုတ်ဘူးလို့လည်း သတင်းတွေ ထွက်ပေါ်နေတာပါ။ NLD အစိုးရသစ် တက်လာတဲ့အခါကျရင်တော့ တိုင်းရင်းသားတွေနဲ့ ငြိမ်းချမ်းရေးဆွေးနွေးတဲ့အခါ - NLD ပါတီဝင် ဒေါက်တာ တင်မျိုးဝင်းက စေ့စပ်ညှိနှိုင်းရေးမှူး ဖြစ်လာနိုင်တယ်လို့လည်း သတင်းတွေ ထွက်ပေါ်နေပါတယ်။

လက်ရှိ သမ္မတဦးသိန်းစိန်အစိုးရသက်တမ်း ၅ နှစ်တာကာလအတွင်း - ပြည်ထောင်စုဝန်ကြီး ဦးအောင်မင်းဦးဆောင်တဲ့ UPWC နဲ့ တိုင်းရင်းသား လက်နက်ကိုင်အဖွဲ့ ၁၇ ဖွဲ့ ပါဝင်တဲ့ UNFC တို့အကြား တနိုင်ငံလုံး အပစ်အခတ်ရပ်စဲရေးရရှိဖို့ ဆွေးနွေးခဲ့ကြရာမှာ - အခုချိန်ထိတော့ တိုင်းရင်းသား လက်နက်ကိုင် ၈ ဖွဲ့နဲ့ပဲ တနိုင်ငံလုံး အပစ်အခတ်ရပ်စဲရေးကို လက်မှတ်ရေးထိုးနိုင်သေးတာလည်း ဖြစ်ပါတယ်။ ဒါကြောင့် NLD ဦးဆောင်တဲ့ အစိုးရသစ် လက်ထက်ကျရင်တော့ ကျန် တိုင်းရင်းသားလက်နက်ကိုင်အဖွဲ့တွေနဲ့ပါ တနိုင်ငံလုံး အပစ်အခတ်ရပ်စဲရေး လက်မှတ်ရေးထိုးနိုင်ပြီး - ငြိမ်းငြိမ်းချမ်းချမ်းရေး ကို အောင်အောင်မြင်မြင် ဖော်ဆောင်နိုင်ဖို့အတွက် အများက မျှော်လင့်နေကြတာလည်း ဖြစ်ပါတယ်ရှင်။

 ဗွီအိုအေ (မြန်မာပိုင်း)

ပြန်ပေးတဲ့ သိမ်းဆည်းမြေ စာရင်းထုတ်ပြန်

သိမ်းဆည်းခံ လယ်ယာမြေတွေ ပြန်ရရေးအတွက် ဆန္ဒထုတ်ဖော်ခဲ့ကြ

ဦးသိန်းစိန် အစိုးရ လက်ထက်မှာ ဖွဲ့စည်းခဲ့တဲ့ မြေယာ အသုံးချမှု စီမံခန့်ခွဲရေး ဗဟိုကော်မတီက မြေယာ သိမ်းဆည်းမှုနဲ့ ဖြေရှင်း ပေးအပ်ပြီး စာရင်းတွေကို ထုတ်ပြန် ကြေညာလိုက်ပါတယ်။

တိုင်းနဲ့ ပြည်နယ် အသီးသီးမှာ ရှိတဲ့ သိမ်းဆည်းမြေဧက ၄သိန်းခွဲကို မူလ ပိုင်ရှင်တွေထံ ပြန်လည်စွန့်လွှတ်မှာ ဖြစ်ပြီး ၂၀၁၆ခုနှစ် ဖေဖော်ဝါရီလ ၂၉ရက်နေ့အထိ မြေဧက ၄သိန်းနီးပါးလောက် လွှဲပြောင်း ပေးအပ်ခဲ့ပြီး ဖြစ်တယ်လို့ ဆိုပါတယ်။

ဒါပေမယ့်လည်း တောင်သူလယ်သမားအခွင့်အရေးနဲ့ ဖွံ့ဖြိုး တိုးတက်ရေးအတွက် မြေယာ ဥပဒေသင်တန်း ပို့ချပေးနေတဲ့ မကွေးတိုင်း တောင်သူလယ်သမား သမဂ္ဂ အကြံပေး ဦးအောင်ကျော်ကျော်ကတော့ မြန်မာတနိုင်ငံလုံးမှာ စစ်တပ်နဲ့ အဖွဲ့အစည်းပေါင်းစုံက သိမ်းဆည်းထားတဲ့ မြေဧက စုစုပေါင်း ၅ဒဿမ၂သန်း ရှိတယ်လို့ လန်ဒန်အခြေစိုက် PNI ဆိုတဲ့ နိုင်ငံခြား အဖွဲ့အစည်းတခုရဲ့ စစ်တမ်း ကောက်ယူချက်အရ သိရကြောင်းနဲ့ အခု ထုတ်ပြန်လိုက်တဲ့ စာရင်းဇယားတွေအတိုင်း ဆိုရင် ကျန်တဲ့ မြေဧက အမြောက်အများကို ပြန်မစွန့်လွှတ်တော့ဘူး ဆိုတဲ့ သဘော တွေ့ရကြောင်း ဘီဘီစီကိုပြောပါတယ်။

စစ်အစိုးရခေတ် မြေယာတွေ သိမ်းဆည်းခဲ့စဉ်တုန်းက ၁၈၉၄ခုနှစ် မြေသိမ်း အက်ဥပဒေအရ မြေစာရင်းဉီးစီးမှူးတွေက မြေပုံမြေညွှန်းတွေနဲ့ စနစ်တကျ တွက်ချက် သိမ်းယူခဲ့တာ မဟုတ်ပဲ အမိန့်အာဏာနဲ့ လက်ညှိုးထိုး သိမ်းခဲ့တာ ဖြစ်တဲ့အတွက် ပြန်စွန့်လွှတ်တဲ့အခါ ဘယ်လို ပြန်ပေးရမလဲ ဆိုတာ မသိတော့သလို မြေပိုင်ရှင်တွေကိုယ်တိုင်လည်း သူတို့မြေ ဘယ်နားမှာ ရှိခဲ့တာလဲ ဆိုတာကို မမှတ်မိတော့တဲ့ ပြဿနာမျိုးတွေ ကြုံနေရတယ်လို့လည်း သူက ပြောပါတယ်။

ပြီးခဲ့တဲ့ မြေအသုံးချမှု စီမံခန့်ခွဲရေး ဗဟိုကော်မတီ ဖွဲ့စည်းခဲ့တုန်းက အစိုးရ အာဏာပိုင်တွေ၊ ဌာနဆိုင်ရာ ဝန်ကြီးတွေနဲ့ပဲ ဖွဲ့ခဲ့တာ ဖြစ်ကြောင်း၊ တကယ်ဆိုရင် လွတ်လပ်ပြီး ဘက်မလိုက်တဲ့ မြေယာအငြင်းပွားမှု ဖြေရှင်းရေး ယန္တရား ဆိုတာကို ဖွဲ့သင့်ကြောင်းနဲ့ အစိုးရ အာဏာပိုင်တွေရော၊ လွတ်လပ်တဲ့ ပညာရှင်တွေနဲ့ တောင်သူလယ်သမား ခေါင်းဆောင်တွေပါ ပါဝင်ခွင့် ပြုပြီး လုပ်ပိုင်ခွင့် အာဏာ အပြည့်ပေးမှသာ အောင်မြင်မှာ ဖြစ်ကြောင်း မကွေးတိုင်း တောင်သူလယ်သမား သမဂ္ဂ အကြံပေး ဦးအောင်ကျော်ကျော်က ပြောပါတယ်။

BBC Burmese

မန်ကျီးချောင်းဝရွာ စစ်တပ်အရာရှိလူသတ်မှု ရဲသို့မကြာမီလွှဲပြောင်းမည်ဟုဆို

 မွန်ပြည်နယ်၊ ရေးမြို့နယ်တောင်ပိုင်း၊ မကျီးချောင်းဝရွာသား (၂) ဦးကို မတ်လ (၈) ရက်နေ့ သန်းခေါင်ယံအချိန်၌ သေနတ်ဖြင့် မှားယွင်းပစ်သတ်ခဲ့သည်ဟုဆိုသော အမှတ် (၂၈၀) တပ်ရင်းမှ ဗိုလ်ကြီး ဇော်မျိုးထက် အမှုအား မကြာမီ ရေးမြို့နယ်ရဲစခန်းသို့ လွှဲပြောင်းလိမ့်မည်ဟု ရေးမြို့နယ် ရဲတပ်ဖွဲ့မှူးမှ သိရသည်။

အဆိုပါ ဗိုလ်ကြီး ဇော်မျိုးထက် အား လူသတ်မှုပုဒ်မ (၃၀၂) ဖြင့် အမှုဖွင့်ထားကြောင်း ရဲမှူးက မွန်သတင်းအေဂျင်စီသို့ ယနေ့ (မတ် ၁၇ ရက်) တွင် အတည်ပြု ပြောကြားခဲ့သည်။

ရေးမြို့နယ်ရဲတပ်ဖွဲ့မှူး ရဲမှူးမြင့်သော် က“ကျတော်တို့ ဥပဒေအကြောင်းအရ အရေးယူရမှာဆိုတော့ မကြာပါဘူး။ လွှဲမှာပါ။ လူသတ်မှုဆိုတော့ ကြေးအေးလို့တော့ မရနိုင်ဘူး” ဟု ပြောသည်။

သို့ရာတွင် တပ်မတော်သား အရာရှိဖြစ်သောကြောင့် စစ်ခုံရုံး(သို့မဟုတ်) အရပ်ဘက်တရားရုံးဖြင့် အရေးယူမည်ကို အတိကျမသိသေးကြောင်း၊ လက်ရှိတွင် ၄င်းလူသတ်မှုကျူးလွန်ခဲ့သော အရာရှိအား သက်ဆိုင်သော တပ်ရင်းတွင် စစ်ဆေးနေသည်ဟု ရဲမှူးက ဆက်ပြောသည်။

အသတ်ခံရသူ ၂ ဦး အသုဘအခမ်းအနား(Mi Hong SA)

အဆိုပါလူသတ်မှုနှင့်ပတ်သက်၍ ကမ်းရိုးတန်းဒေသတိုင်း ဒုတိုင်းမှူး ဗိုလ်မှူးချုပ်ကြည်လွင်၊ ခမရ ၂၈၀ တပ်ရင်းမှူး ဒုတိယဗိုလ်မှူးကြီး ဖြိုးဝေဒွေးနှင့် ဒုတပ်ရင်းမှူး ဗိုလ်မှူးအောင်ကိုဝင်း တို့က သေဆုံးသူ ဦးမိုး(အသက် ၄၀ နှစ်)နှင့် ဦးချစ်စိုး(အသက် ၂၃ နှစ်) တို့၏ ကျန်ရစ်သူ မိသားစုအတွက် ထောက်ပံ့ငွေများ၊ ဆန်နှင့် စားသုံးဆီများ မန်ကျီးချောင်းဝ ရွာသို့ ကိုယ်တိုင်သွားရောက်ထောက်ပံ့ခဲ့သည်ဟု သိရသည်။

“မိသားစုစားဝတ်နေရေးအတွက်ဆိုပြီးတော့ မတ်လ (၁၄) ရက်နေ့မှာ လာရောက်ထောက်ပံ့သွားတာပါ။ နှစ်ယောက်လုံးအတွက် ငွေသား (၁၀) သိန်း၊ ဆန် (၄) အိတ်နှင့် ဆီ (၄) ပုံး ထောက်ပံ့ခဲ့တယ်” ဟု ကျန်ရစ်သူ မိသားစုဝင် မိဒါဦးက မွန်သတင်းအေဂျင်စီကို ပြောသည်။

မိဒါဦးက “တပ်မတော်ဘက်က ခြိမ်းချောက်တာ၊ အတင်းအဓမ္မ ကြေးအေးလက်မှတ်ရေးထိုးခိုင်းတာ မရှိပါဘူး။ လာရောက် ထောက်ပံ့ခဲ့တဲ့နေ့မှာပဲ တကယ်ပစ်ခဲ့ခတ်တာလား၊ ပစ်တဲ့နေရာတွေကို စစ်ဆေးပြီးတော့ မှတ်တမ်းရေးပါတယ်။ အဲသည့် မှတ်တမ်းကို ဖတ်ပြပြီးတော့ ကျွန်မတို့ရဲ့ ထွက်ဆိုချက်အနေနဲ့ အဲဒီစာရွက်ပေါ်မှာ လက်မှတ် ထိုးခဲ့တယ်” ဟု ဆိုသည်။

အခင်းဖြစ်ပွားသည့်ညတွင် တံငါသည် ဦးမိုးနှင့် ဦးချစ်စိုးတို့ (၂) ဦးသည် ဒီရေတက်ချိန် ပင်လယ်ပြင်သို့သွားရန် နေအိမ်မှထွက်လာစဉ် ရွာလယ်လမ်းမကြီးတွင် ဗိုလ်ကြီး ဇော်မျိုးထက် ပစ်ခတ်သောကြောင့် ၂ ဦးလုံး သေဆုံးသွားသည်ကို မှားယွင်းပစ်ခတ်မှုဟု သတင်းများထွက်ပေါ်နေသည်။

မွန်သတင်းအေဂျင်စီ

အရပ်သားနှစ်ဦးကို ပစ်သတ်ခဲ့တဲ့ ဗိုလ်တစ်ဦးကို အမှုဖွင့်ထား

ဓါတ်ပုံ - အင်တာနက်

မွန်ပြည်နယ် ရေးမြို့နယ် ခေါဇာမြိုနယ်ခွဲ မကျည်းကျောင်းဝကျေးရွာမှာ ပြီးခဲ့တဲ့ရက်ပိုင်းက ဒေသခံ နှစ်ဦးကို သေနတ်နဲ့ပစ်သတ်ခဲ့တဲ့ ခလရ ၂၈၀ က ဗိုလ်ကြီး ဇော်မျိုးထက် ကို လူသတ်မှုနဲ့အမှုဖွင့်ထားတယ်လို့ ခေါဇာမြို့နယ်ခွဲရဲစခန်းမှူး က ပြောပါတယ်။

ခလရ ၂၈၀က စစ်ဆင်ရေးလုပ်နေတုန်းမှာ ဓားပြနဲ့ မှားပြီးပစ်ခတ်မိတာဖြစ်ကြောင်း စစ်ဆေးတွေ့ရှိထားတယ်လို့ ခေါဇာရဲစခန်းမှူး ရဲအုပ်ကျော်မြင့် က ပြောပါတယ်။

ခေါဇာမြိုနယ်ခွဲဖက်မှာ လက်နက်ကိုင်တပ်ဖွဲ့တွေများပြီး ဓားပြတိုက်တာ၊ ပြန်ပေးဆွဲတာနဲ့ ဆက်ကြေးတောင်းတာတွေ မကြာခဏဖြစ်ပွားနေတယ်လို့လည်း ခေါဇာရဲစခန်းမှူးက ပြောပါတယ်။

သေနတ်နဲ့ပစ်သတ်ခံရသူ ၂ ဦးမှာ တစ်ဦးက ခြေတစ်ဖက်ပြတ်နေသူ တံငါသည်ဖြစ်ပါတယ်။

ပြီးခဲ့တဲ့ မတ်လ ၈ရက်နေ့ညက မကျည်းချောင်းဝကျေးရွာသား တံငါသည် ကိုမိုးနဲ့ ကိုချစ်စိုးတို့ဟာ ပင်လယ်ထဲအသွားမှာ ခရလ ၂၈၀ က ဗိုလ်ကြီး ဇော်မျိုးထက်က ကိုမိုး ကို သေနတ်နဲ့ ပစ်ခတ်တာဖြစ်ပြီး ကိုချစ်စိုးက အော်ဟစ်အကူအညီတောင်းတာကြောင့် ကိုချစ်စိုးကိုပါ သေနတ်နဲ့ပစ်ခဲ့တာဖြစ်တယ်လို့ သေဆုံးသူ ကိုချစ်စိုးရဲ့ မိသားစုဝင်တွေက ပြောပါတယ်။

ပြီးခဲ့တဲ့ နှစ်ရက်လောက်က ကမ်းရိုးတန်းစစ်ဌာနချုပ် ဒုတိယတိုင်းမှူး ဗိုလ်ချုပ် ကြည်လွင်နဲ့ ပုလောပလောက်က တပ်ရင်း ၂၉၀ တပ်ရင်းမှူးတွေက သေဆုံးသူ နှစ်ဦးရဲ့မိသားစုတွေထံ ထောက်ပံ့ကြေးအဖြစ် တစ်မိသားစုကို ငွေကျပ် ၅သိန်း၊ ဆန် ၂အိတ်နဲ့ ဆီ၂ပုံးစီ ပေးခဲ့ပါတယ်။

RFA Burmese

IS အဖွဲ့ ၁၅လ အတွင်း နယ်မြေ ၂၂ ရာခိုင်နှုန်း ဆုံးရှုံး

ဆီးရီးယားမြင်ကွင်း ( ဖေဖော်ဝါရီ ၂၆၊ ၂၀၁၆)

ဆီးရီးယားနဲ့ အီရတ်နိုင်ငံတွေက IS စစ်သွေးကြွအဖွဲ့ကို စစ်ရေးအရ တိုးမြှင့်တိုက်ခိုက်ခဲ့တာကြောင့် လွန်ခဲ့တဲ့ ၁၅ လအတွင်း IS အဖွဲ့ရဲ့နယ်မြေ ၂၂% ဆုံးရှုံးသွားပါတယ်။ ဒါ့အပြင် ဒီနှစ်စကတည်းကဆိုရင် နယ်မြေ ၈% ဆုံးရှုံးတာရှိပါသေးတယ်။

ဒါဟာ IHS Jane စောင့်ကြည့်လေ့လာရေးအဖွဲ့ရဲ့ လေ့လာသုံးသပ်ချက်အရ သိလာတဲ့ရလဒ်ပါ။ စစ်သွေးကြွတွေဟာ ပိုပြီး သီးခြားဖြစ်လာနေပြီးတော့ လျော့နည်း ကျဆင်းလာနေပုံရတယ်လို့ IHS Jane အဖွဲ့ကပြောပါတယ်။

IS အဖွဲ့က မြို့တော်အဖြစ်သတ်မှတ်ထားတဲ့ Raqqa နဲ့ တူရကီနယ်စပ်အကြား ဆီးရီးယားမြောက်ပိုင်းဒေသကို IHS အဖွဲ့က ထောက်ပြပါတယ်။ အဲဒီဒေသမှာ ရုရှားနဲ့ အမေရိကန်ဦးဆောင်တဲ့ ညွန့်ပေါင်း အဖွဲ့ရဲ့ လေကြောင်းတိုက်ခိုက်မှုတွေ အပြင် မြေပြင် မှာ ကာ့ဒ်နဲ့ဆွန်နီတပ်ဖွဲ့တွေရဲ့ တိုက်ခိုက်မှုကြောင့် စစ်သွေးကြွတွေကို မောင်းထုတ်လိုက်နိုင်ပြီး နယ်စပ်ဖြတ်တဲ့ အဓိကနေရာတွေ IS လက်အောက်ကလွတ်သွားပါတယ်။

အခုဆိုရင် IS အဖွဲ့ဟာ ဆီးရီးယားနယ်မြေ အစိတ်အပိုင်းလေးတခုကိုပဲ ထိန်းသိမ်းထား နိုင်ပြီးတော့ အဲဒီကနေပြီး ထောက်ပံ့ရေးပစ္စည်းတွေနဲ့ တိုက်ခိုက်သူတွေကို တူရကီနိုင်ငံကနေ ခိုးသွင်းနေပါတယ်။

ရုရှားနိုင်ငံရဲ့ လေကြောင်းတိုက်ခိုက်မှုကတော့ အငြင်းပွားဖွယ်ဖြစ်ခဲ့တာပါ။ ရုရှား IS စစ်သွေးကြွအဖွဲ့ကို ပစ်မှတ်ထား တိုက်ခိုက် တာမဟုတ်ဘဲ သမ္မတ ဘာရှာ အယ်လ်-အာဆဒ်ကို အထောက်အပံ့ပေးတဲ့အနေနဲ့ သူပုန်တွေကို ပစ်မှတ်ထားပြီး ပိုတိုက်ခဲ့တယ် လို့ အနောက်နိုင်ငံတွေက စွပ်စွဲထားပါတယ်။

ဒါပေမဲ့ ပြီးခဲ့တဲ့နှစ် စက်တင်ဘာလ ၃၀ ရက်နေ့မှာ ရုရှားလေကြောင်းတိုက်ခိုက်မှု စတင်ခဲ့ကတည်းကဆိုရင် လေကြောင်းကနေ တိုက်ခိုက်မှုတစုံးလုံးဟာ သိသိသာသာကို တိုးတက်သွားခဲ့တာပါ။

VOA (မြန်မာပိုင်း)

အစိုးရသစ် ဝန်ကြီးဌာန စာရင်း လွှတ်တော် တင်သွင်း

အစိုးရသစ်ဝန်ကြီးဌာနများ ဒီကနေ့ပြည်ထောင်စု လွှတ်တော်မှာ တင်သွင်း။

ပြည်ထောင်စုလွှတ်တော်ကနေ ရွေးချယ်တင်မြှောက်လိုက်တဲ့  အရပ်သား သမ္မတသစ် ဦးထင်ကျော်ကနေ အစိုးရဖွဲ့စည်းပုံကို ဒီကနေ့ လွှတ်တော်ကို တင်ပြခဲ့တာမှာ သမ္မတဦးသိန်းစိန် အစိုးရ လက်ထက်တုန်းက ထားရှိထားတဲ့ ဝန်ကြီးဌာန ၃၆ခု ထဲကနေ ဝန်ကြီးဌာန ၂၁ခု အထိ လျှော့ချထားတာတွေ့ရပါတယ်။ ဒီအထဲမှာ တိုင်းရင်းသားရေးရာဝန်ကြီးဌာနဆိုပြီး ဝန်ကြီးဌာနအသစ်တခုကိုတော့ ထပ်တိုးထားပါတယ်။ နိုင်ငံတော်သမ္မတသစ်ရဲ့ ဝန်ကြီးဌာနသစ် အဆိုပြုချက်နဲ့ ပတ်သက်တဲ့ ဒီသတင်း အပြည့်အစုံကို ဗွီအိုအေမြန်မာပိုင်းကမေခကပေးပို့ ထားပါတယ်။

မကြာခင် တာဝန်လွှဲပြောင်းယူတော့မယ့် သမ္မတသစ် ဦးထင်ကျော်က သူဖွဲ့စည်းမယ့် အစိုးရသစ်လက်ထက်မှာ ဝန်ကြီးဌာန ၂၁ခုသာ ထားရှိမယ်လို့ ဒီကနေ့ ပြည်ထောင်စု လွှတ်တော်မှာ တင်ပြသွားပါတယ်။ လက်ရှိ သမ္မတ ဦးသိန်းစိန် လက်ထပ်မှာ ဝန်ကြီး ဌာန ၃၆ခု ထားရှိထားပါတယ်။ ဒီထဲမှာ ဝန်ကြီးဌာန ၁၆ခုကို သက်ဆိုင်ရာ ဌာန အလိုက် ပေါင်းစည်းမှုတွေ လုပ်ဖို့ ဒီကနေ့ ပြည်ထောင်စု လွှတ်တော်ကို ပေးပို့ခဲ့တာဖြစ်ပါတယ်။

ပေါင်းစည်းမယ့် ဝန်ကြီးဌာနများကတော့ သာသနာရေးဝန်ကြီးဌာနကို ယဉ်ကျေးမှုဝန်ကြီးဌာနတို့ကိုပေါင်းကာ ယဉ်ကျေးမှုနဲ့သာသနာရေးဝန်ကြီးဌာန၊ ပို့ဆောင်ရေးဝန်ကြီးဌာန ၊ ရထားပို့ဆောင်ရေးဝန်ကြီးဌာန နဲ့ ဆက်သွယ်ရေး ဝန်ကြီးဌာနတို့ကို ပို့ဆောင်ရေးဝန်ကြီးဌာန၊ လျှပ်စစ်စွမ်းအား ဝန်ကြီးဌာနနဲ့ စွမ်းအင်ဝန်ကြီးဌာနပေါင်းကာ လျှပ်စစ်နဲ့စွမ်းအင်ဝန်ကြီးဌာန၊ဘဏ္ဍာရေးနဲ့ အခွန်ဝန်ကြီးဌာနနဲ့ အမျိုးသားစီမံကိန်းစီးပွားရေးဝန်ကြီးဌာနကို ပေါင်းကာ စီမ့ကိန်းနဲ့ဘဏ္ဍာရေး ဝန်ကြီးဌာန၊ အလုပ်သမားဝန်ကြီးဌာနနဲ့ လူဝင်မှုကြီးကြပ်ရေး နဲ့ ပြည်သူ့အင်အား ၀န်ကြီးဌာနကိုပေါင်းကာ အလုပ်သမား လူဝင်မှုကြီးကြပ်ရေး နဲ့ ပြည်သူ့အင်အား ၀န်ကြီးဌာန၊ လယ်ယာစိုက်ပျိုးရေး ဆည်မြောင်း ဝန်ကြီးဌာနနဲ့ မွေးမြူရေး၊ ရေလုပ်ငန်းကျေးလက်ဒေသ ဖွံ့ဖြိုးရေး ၀န်ကြီးဌာန ကိုပေါင်းကာ စိုက်ပျိုးရေးမွေးမြူရေးနဲ့ ဆည်မြောင်း ဝန်ကြီးဌာန ၊ သတ္ထုတွင်းနဲ့ သစ်တောဝန်ကြီးဌာန ၂ခုကိုပေါင်းကာ သယံဇာတနဲ့ သဘာဝပတ်ဝန်းကျင် ဝန်ကြီးဌာန ဆိုပြီး ပေါင်းစည်းလိုက်ပါတယ်။

ဒီပြင် အားကစားဝန်ကြီးဌာန ကို ကျန်းမာရေးဝန်ကြီးဌာနအောက်ကို ပေါင်းလိုက်ပြီး သိပ္ပံနဲ့နည်းပညာ ဝန်ကြီးဌာနကိုလည်း ပညာရေးဝန်ကြီးဌာန၊ သမဝါယမ ဝန်ကြီးဌာန ကိုလည်း စီးပွားရေးနဲ့ ကူးသန်းရောင်းဝယ်ရေးဝန်ကြီးဌာန လက်အောက်တို့ကို ပေါင်းလိုက်တယ်လို့ ထုတ်ပြန်လိုက်ပါတယ်။

ဝန်ကြီးဌာန ၆ခု ထားရှိထားတဲ့ သမ္မတရုံးဝန်ကြီး ဌာနကိုလည်း တခုတည်းထဲသာ ပေါင်းပြီး ထားရှိသွားတော့မှာပါ။ အစိုးရသစ်လက်ထက် ထားရှိမယ့် ဝန်ကြီးဌာနတွေနဲ့ ပတ်သတ်ပြီး ပြည်ထောင်စုလွှတ်တော် နာယက မန်းဝင်းခိုင်သန်းက ခုလိုလွှတ်တော်မှာ ပြောဆိုခဲ့ပါတယ်။

"နိုင်ငံတော်သမ္မတအဖြစ် ရွေးချယ် တင်မြှောက်ခံထားရသူထံမှ ပြည်ထောင်စု အစိုးရဝန်ကြီးဌာန အရေအတွက်ကို ၂၁ ဌာနအဖြစ် လည်းကောင်း၊ ပြည်ထောင်စု ဝန်ကြီး ဦးရေကို  ၁၈ဦးအဖြစ် လည်းကောင်း၊ သတ်မှတ်နိုင်ရေးအတွက် ဖွဲ့စည်းပုံအခြေခံဥပဒေပုဒ်မ ၂၀၂၊ ပြည်ထောင်စုလွှတ်တော် ဆိုင်ရာ နည်းဥပဒေ ၂၄တို့နဲ့အညီ ၂၀၁၆ခုနှစ် မတ်လ ၁၆ရက် ရက်စွဲပါ စာဖြင့် ပြည်ထောင်စု လွှတ်တော်ကို တင်ပြထားပါတယ်။"

လက်ရှိတည်ဆဲ ဖွဲ့စည်းပုံ ဥပဒေပုဒ်မ ၂၀၂ အရနိုင်ငံတော်သမ္မတ အနေနဲ့ ပြည်ထောင်စုဝန်ကြီးဌာနများနဲ့ပြည်ထောင်စုဝန်ကြီးဦးရေကို လိုအပ်သလို ပြင်ဆင်ဖြည့်စွက် နိုင်တယ်လို့ပြဌာန်းထားပါတယ်။

လတ်တလောသတင်းတွေအရ အသစ်ဖွဲ့စည်းမယ့် အစိုးရအဖွဲ့အစည်းမှာ NLD ပါတီက ၈ဦး ခန့်သာ ပါဝင်ပြီး ကျန်သူတွေကို တတ်သိပညာရှင်တွေကို ခန့်အပ်ကာ ဖွဲ့စည်းသွားမယ်လို့ NLD ပါတီနဲ့နီးစပ်သူတွေကပြောဆိုနေတာတွေရှိပေမယ့် NLD ပါတီထိပ်ပိုင်း ခေါင်းဆောင်တွေကတော့ ဒါကိုအတည်ပြုချက် မပေးသလို ငြင်းဆိုတာလဲ မလုပ်ပါဘူး။

ဝန်ကြီးဌာနတွေကို ပေါင်းစည်းလိုက်ပေမယ့် ဝန်ထမ်းတွေကို လျော့ချသွားဖို့ လုပ်ဆောင်မှာ မဟုတ်တာကြောင့် ဝန်ထမ်းတွေအနေနဲ့ မစိုးရိမ်ကြဖို့ ဒေါ်အောင်ဆန်းစုကြည် က ပြောဆိုထားပါတယ်။

အမည်မဖော်လိုသူ ဝန်ထမ်းတဦးကတော့ ဒီလိုဝန်ကြီးဌာနတွေပေါင်းစည်းလိုက်တဲ့ အပေါ် ဘာမှ ထိခိုက်နိုင်ဖွယ်မရှိတာကြောင့် ကြိုဆိုကြောင်း၊ အစိုးရသစ်လက်ထက်မှာ လုပ်သလောက် အကျိုးခံစားခွင့်ကို စစ်မှန်စွာ ရရှိစေလိုကြောင်း အခုလို ဗွီအိုအေက မေးမြန်းမှုကိုဖြေဆိုခဲ့ပါတယ်။

"အရင်တုန်းကတော့ လုပ်သက် ၁၅နှစ်၊ အနှစ် ၂၀ ရှိတဲ့သူ ဘာမှ မတက်ပဲနဲ့ ဟေ့ကောင်တွေ ဒါလုပ်ဆို လုပ်သာလုပ်ရတယ်။ ကြောက်လို့သာ လုပ်ရတယ်။ ရာထူးကျတော့လည်း မိုးနဲ့မြေလို ကွာနေတော့ တာဝန်ဆိုပြီး လုပ်တာ၊ တင်ပြတာကိုလည်း လက်မခံတော့ လုပ်ရတာ ကိုင်ရတာ  ခရီးမတွင်ဘူးဗျ။ အရင်တုန်းက အခြေအနေကို ပြောပြတာပါ။ အခုအရပ်သားအစိုးရတက်လာတယ်။ တက်လာတဲ့အခါမှာ အရင်တုန်းက မိုးကျရွှေကိုတွေ အရင်ပုံစံတွေ ကို ဖျောက်ဖျက်ပြီးတော့ ဒီအရပ်သားအစိုးရလက်ထက်မှာတော့ အဲ့တာလေးတွေ ဆန်ကာတင်စိစစ်ပြီးတော့  ကြွက်ချေးတွေကို ရွေးထုတ်ပြီးတော့ လုပ်လိုက်မယ်လို့ ကျနော်ကတော့ ထင်မိပါတယ်ဗျ။ "

အစိုးရသစ်လက်ထက်မှာ တိုင်း ရင်းသားဝန်ကြီးဌာနအနေနဲ့ အသစ်ထပ်မံဖွဲ့စည်းဖို့ လုပ်ဆောင်ထားတဲ့ အပေါ် တိုင်းရင်းသားတွေက ကြိုဆိုလိုက်ကြပါတယ်။ ဒီအသစ် ဖွဲ့မယ့် ဝန်ကြီးဌာနမှာ တိုင်းရင်းသားအရေးကို ထဲထဲဝင်ဝင်လုပ်ဆောင်နိုင်ဖို့ တိုင်းရင်းသားတဦးက ဦးဆောင်နိုင်ဖို့ မျှော်လင့်တယ်လို့ ရှမ်းတိုင်းရင်းသားများ ဒီမိုကရက်တစ်က ဒေါ်နန်းဝါနုက ခုလိုပြောပြပါတယ်။

"တိုင်းရင်းသားရေးရာဝန်ကြီးဌာနရဲ့လက်အောက်မှာကျတော့ သက်ဆိုင်ရာ တိုင်းရင်းသားတွေလည်း ရှိစေချင်ပါတယ်။ အဲ့ဒီ့ဌာနတွေကတဆင့် တိုင်းရင်းသားတွေရဲ့ စာပေယဉ်ကျေးမှု၊ အခွင့်အရေးပေါ့။ ရပိုင်ခွင့်၊ လုပ်ပိုင်ခွင့် အမျိုးသားရင်ကြားစေ့ရေးကို ဦးတည်သွားနိုင်တဲ့ အထိရောက်အောင် ဒီဝန်ကြီးတယောက်က တကယ် အလုပ်လုပ်နိုင်တဲ့ပုဂ္ဂိုလ်ဖြစ်တယ်။ တိုင်းရင်းသားတွေအပေါ်မှာ တကယ်စိတ်စေတနာရှိတဲ့  ပုဂ္ဂိုလ်ဖြစ်ဖို့ လိုတယ်ပေါ့နော်။ ဖြစ်နိုင်လို့ရှိရင် တိုင်းရင်းသားပါတီထဲကနေ ရွေးချယ်ပေးစေချင်ပါတယ်ရှင့်။"

အစိုးရအသစ် အနေနဲ့ ဝန်ကြီးဌာနတွေကို ပေါင်းစည်းတာတွေ လုပ်ကာ ဝန်ကြီး ဌာန ၂၁ခုသာထားဖို့ ဒီကနေ့လွှတ်တော်မှာ တင်ပြခဲ့သလို ပြည်ထောင်စုဝန်ကြီးဦးရေ ကို ၁၈ ဦးသာထားရှိမယ်လို့လည်း တင်ပြခဲ့ပါတယ်။ ဒီတင်ပြမှုကို မနက်ဖန် လွှတ်တော်မှာ ဆက်လက်ဆွေးနွေးသွားမှာပါ။

မေခ / ဗွီအိုအေ (မြန်မာပိုင်း)

မြစ်ဆုံစီမံကိန်း ပြန်စဖို့ NLD အစိုးရသစ်ကို တွန်းအားပေးမယ်လို့ တရုတ်အစိုးရပြော

ကချင်ပြည်နယ် မြစ်ကြီးနားမြို့နယ် မေခ-မလိခ ဧရာဝတီမြစ်ဆုံမှာ ၂ဝ၁၆ ခုနှစ် မတ်လ ၁၄ ရက်နေ့ကပြုလုပ်တဲ့ အပြည်ပြည်ဆိုင်ရာမြစ်ချောင်းများနေ့ အခမ်းအနားကို တွေ့ရစဉ်။ Photo: Kyaw Myo Min/RFA

ဧရာဝတီမြစ်ဆုံဆည် တည်ဆောက်ရေးလုပ်ငန်းတွေ ပြန်လည်စတင်နိုင်ရေးအတွက် မြန်မာအစိုးရသစ်ကို တွန်းအားပေးသွားမယ်လို့ တရုတ် နိုင်ငံခြားရေး ဒုတိယဝန်ကြီး လျူဇန်မင်းက ဒီကနေ့ ပြောကြားလိုက်ပါတယ်။

မြန်မာနိုင်ငံနဲ့ တရုတ် နှစ်နိုင်ငံ သဘောတူညီထားတဲ့ လုပ်ငန်းစာချုပ်ဟာ အသက်ဝင်နေဆဲပဲလို့ တရုတ်ဒုဝန်ကြီးက သတင်းထောက်တွေကို ပြောပါတယ်။

မြစ်ဆုံဆည်စီမံကိန်းဟာ တရုတ်နိုင်ငံအတွက် အလွန်အရေးကြီးကြောင်း၊ စီမံကိန်း ရပ်နားထားရတာဟာ အင်မတန်ဝမ်းနည်းစရာကောင်းကြောင်း ရှေ့သီတင်းပတ်ကျင်းပမယ့် တရုတ်ဝန်ကြီးချုပ်နဲ့ အရှေ့တောင်အာရှ ၅ နိုင်ငံခေါင်းဆောင်တွေ တွေ့ဆုံပွဲမတိုင်ခင် ဒုတိယ နိုင်ငံခြားရေးဝန်ကြီးက သတင်းထောက်တွေကို ထုတ်ဖော်ပြောဆိုလိုက်တာပါ။

လက်ရှိ ဦးသိန်းစိန် အစိုးရအနေနဲ့ မြစ်ဆုံစီမံကိန်းကို ပြန်စတင်ဖို့ အချိန်မလုံလောက်တော့တာကြောင့် အစိုးရသစ်တက်လာတာနဲ့တပြိုင်နက် ဒီစီမံကိန်းပြန်စနိုင်အောင် တွန်းအားပေးပြောဆိုသွားမယ်လို့ သူက သတင်းစာရှင်းလင်းပွဲမှာ ပြောသွားခဲ့ပါတယ်။

တရုတ်နိုင်ငံအနေနဲ့ မြန်မာနိုင်ငံမှာ ဆောင်ရွက်နေတဲ့ စီမံကိန်းကြီးတွေမှာ ပြဿနာတွေ ပေါ်ပေါက်နေပါတယ်။ လက်ပံတောင်းတောင် ကြေးနီစီမံကိန်းမှာ ဒေသခံတွေရဲ့ ဆန့်ကျင်မူတွေနဲ့ ရင်ဆိုင်နေရသလို၊ ရခိုင်ပြည်နယ် ကနေ တရုတ်နိုင်ငံ ယူနန်ပြည်နယ်ကို သွယ်တန်းတဲ့ ဓါတ်ငွေပိုက်လိုင်း စီမံကိန်းမှာလည်း ပြဿနာတွေရှိနေ တာ ဖြစ်ပါတယ်။

တရုတ်ဝန်ကြီးချုပ်နဲ့ အရှေ့တောင်အာရှ ခေါင်းဆောင်တွေ တွေ့ဆုံဆွေးနွေးပွဲကို တရုတ်နိုင်ငံတောင်ပိုင်း ဟိုင်နန်အပမ်းဖြေကျွန်းမှာ ပြုလုပ်ဖို့ စီစဉ်ထားပြီး မြန်မာအစိုးရ တက်ရောက်မလားဆိုတာတော့ အတိအကျ မသိရသေးပါဘူး။

RFA Burmese

အင်္ဂါနေ့ ပဏာမရွေးပွဲ ကလင်တန်နဲ့ Trump တို့ အနိုင်ရ

Donald Trump နဲ့ Hillary Clinton တို့ အကြီးအကျယ် အနိုင်ရ

အမေရိကန်ပြည်ထောင်စုက ပြည်နယ်ကြီး ၅ ခုမှာ အင်္ဂါနေ့က ကျင်းပခဲ့တဲ့ သမ္မတလောင်း ပဏာမရွေးပွဲတွေမှာ Republican ပါတီဖက်က Donald Trump နဲ့ Democratic ပါတီဖက်က Hillary Clinton တို့ အကြီးအကျယ် အနိုင်ရခဲ့ကြပါတယ်။

Florida ပြည်နယ်မှာ Donland Trump အနိုင်ရသွားပြီးနောက် ပြိုင်ဘက် Florida ပြည်နယ်ရဲ့ အထက်လွှတ်တော်အမတ် Marco Rubio ဟာသမ္မတလောင်းပြိုင်ဆိုင်မှုတွေကနေ နှုတ်ထွက်သွားခဲ့ပါတယ်၊ Ohio ပြည်နယ်အုပ်ချုပ်ရေးမှူး John Kasich ကတော့ သူ့ပြည်နယ်မှာ အနိုင်ရခဲ့တဲ့အတွက် သူ့ရဲ့သမ္မတလောင်း ဖြစ်ရေး မျှော်လင့်ချက်ကို ဆက်ပြီးထားနိုင်ခဲ့ပါတယ်၊ အရေးပါတဲ့ အင်္ဂါနေ့က သမ္မတလောင်း ပဏာမ ရွေးချယ်ပွဲတွေနဲ့ပတ်သက်လို့ VOA သတင်းထောက် Jim Malone ရဲ့ သတင်းဆောင်းပါးကို မစုမြတ်မွန်က တင်ပြပါမယ်။

“This was an amazing evening. A great evening.”

အမေရိကန်ပြည်ထောင်စုက Florida, Ohio, Illinois, Missouri နဲ့ မြောက် Carolina စတဲ့ပြည်နယ်ကြီး ၅ ခုမှာ မတ်လ ၁၅ ရက်နေ့ အင်္ဂါနေ့က ကျင်းပခဲ့တဲ့ သမ္မတလောင်း ပဏာမရွေးချယ်ပွဲတွေအတွင်း Republican ပါတီဖက်က ရှေ့ပြေးနေတဲ့ Donald Trump က ပြည်နယ် ၄ ခုမှာ အနိုင်ငံရခဲ့တာကြောင့် သူ့အတွက် နောက်ထပ် အောင်ပွဲခံစရာဖြစ်ခဲ့ပါတယ်။

“အောင်မြင်မှုကြီးရဖို့ မဝေးတော့ဘူးလို့ ကျွန်တော်ထင်ပါတယ်၊ နောက်အဆက်ဆက် ထပ်ပြီး နိုင်လိမ့်ဦးမယ်ထင်ပါတယ်၊ အမေရိကန်နိုင်ငံအနေနဲ့ ပြန်ပြီး အောင်မြင်မှုတွေရမယ်၊ နောက်ထပ်အောင်မြင် အနိုင်ရစရာ မရှိတော့တဲ့အထိကို အောင်မြင်မှုတွေရပါလိမ့်မယ်။”

Florida ပြည်နယ်မှာ Donald Trump တယောက် မဲအများဆုံးနဲ့ အနိုင်ရခဲ့ပြီးနောက် ပြည်နယ်အထက်လွှတ်တော်အမတ်ဖြစ်တဲ့ Marco Rubio ဟာ သမ္မတလောင်းဖြစ်ရေး ပြိုင်ဆိုင်မှုတွေကနေ နှုတ်ထွက်သွားခဲ့ပါတယ်။ သူ့ရဲ့ နှုတ်ဆက်မိန့်ခွန်းမှာ Donald Trump ကိုရည်ညွှန်းပုံရတဲ့ သတိပေးစကားကို ခုလို ပြောကြားသွားခဲ့ပါတယ်။

“အမေရိကန်ပြည်ထောင်စုမှာ တက်ကြွအသက်ဝင်နေတဲ့ conservative လှုပ်ရှားမှုတွေလိုပါတယ်၊ ဒါပေမဲ့ အခြေခံမူတွေ၊ အတွေးအခေါ်တွေကို အခြေခံတဲ့ လှုပ်ရှားမှုတွေဖြစ်ရပါမယ်၊ အကြောက်တရားတွေ၊ ဒေါသတွေ၊ သူတပါးရဲ့ မကျေနပ်ချက်ကို ဆွပေးတဲ့လှုပ်ရှားမှုမျိုး မဖြစ်ရပါဘူး။”

အင်္ဂါနေ့က သမ္မတလောင်း ပဏာမရွေးပွဲတွေမှာ အနိုင်ရခဲ့သူနောက်တယောက်ကတော့ Ohio ပြည်နယ် အုပ်ချုပ်ရေးမှူး John Kasich ဖြစ်ပါတယ်။ သူ့ရဲ့ ပြည်နယ်မှာ အနိုင်ရသွားတဲ့ Kasich အတွက် July လမှာ ကျင်းပမဲ့ Republican ပါတီညီလာခံရောက်တဲ့အထိ သမ္မတလောင်း ဖြစ်ရေးပြိုင်ဆိုင်မှုတွေ ဆက်ပြီးရှင်သန်နေအောင် လုပ်နိုင်ခြေရှိတယ်လို့ မျှော်လင့်စရာဖြစ်ခဲ့ပါတယ်။

 “ကျွန်တော်တို့ ရှေ့ကို ခြေတလှမ်းထပ်တိုးနိုင်ခဲ့ပါပြီ၊ ဒီနိုင်ငံရဲ့ အမြင့်ဆုံး တာဝန်ကို ရဖို့အတွက် နိမ့်ကျတဲ့လမ်းကြောင်းကနေတော့ ကျွန်တော်သွားမှာ မဟုတ်ဘူးဆိုတာကို ဒီညမှာ ကျွန်တော်ထပ်ပြီး ပြောလိုက်ချင်ပါတယ်။”

အခုဆိုရင် Republican ပါတီဘက်မှာ သမ္မတလောင်းဖြစ်ဖို့ ကြိုးစားသူ ၃ ယောက်ပဲကျန်တော့တဲ့ထဲမှာ နောက်တယောက်ကတော့ အင်္ဂါနေ့က ဘယ်ပြည်နယ်မှာမှ အနိုင်မရခဲ့တဲ့ Texas ပြည်နယ်အထက်လွှတ်တော်အမတ် Ted Cruz ဖြစ်ပါတယ်၊ Donald Trump ကို အဓိကပြိုင်ဆိုင်နိုင်မဲ့သူလို့ သူ့ကိုယ်သူ ယူဆနေသူလဲဖြစ်ပါတယ်။

“ရှေ့ကို ဆက်သွားဖို့အတွက် ရွေးချယ်စရာက ရှင်းပါတယ်၊ ခင်ဗျားတို့အနေနဲ့ ကိုယ်တန်ဖိုးထားတဲ့စံတွေကို သဘောတူလက်ခံသူကို လိုလားသလား၊ ဒါမှမဟုတ် ကိုယ့်ရဲ့ စံတန်ဖိုးတွေကို ဆယ်စုနှစ်တွေနဲ့ချီကြာအောင် ဆန့်ကျင်လာတဲ့သူကို လိုချင်ပါသလား”

Democratic ပါတီဖက်မှာတော့ ရှေ့ပြေးနေတဲ့ Hillary Clinton က ပြည်နယ် ၄ ခုမှာ လောလောဆယ်အနိုင်ရထားပြီး ပြိုင်ဖက် အထက်လွှတ်တော်အမတ် Bernie Sanders ထက် သမ္မတလောင်းရွေးချယ်ခွင့်ရှိတဲ့ ပါတီကိုယ်စားလှယ်အရေအတွက်အများအပြားကို ရရှိလိုက်ပါတယ်၊ Missouri ပြည်နယ်က မဲရလာဒ်ကိုတော့ ခုချိန်မသိရသေးပါဘူး၊ Florida ပြည်နယ်မှာ ထောက်ခံသူတွေကို နိုင်ငံခြားရေးဝန်ကြီးဟောင်းဖြစ်တဲ့ Hillary Clinton က မိန့်ခွန်းပြောစဉ်မှာ Republican ပါတီဖက်က Donald Trump နဲ့ နှိုင်းယှဉ်ပြီး ခုလို ပြောကြားသွားပါတယ်။

“ကျွန်မတို့ တယောက်ကို တယောက် တဖက်သတ် ငါ့တကောကောပြီး လေလုံးထွားနေမဲ့အစား လေးစား ကြင်နာမှုနဲ့ ဆက်ဆံမယ်၊ တယောက်ကို တယောက် တိုက်ခိုက်နေမဲ့အစား ဖေးမကူညီမယ်ဆိုရင် ကျွန်မတို့အားလုံး လိုရာပန်းတိုင်ရောက်အောင် မလုပ်နိုင်စရာအကြောင်း မရှိပါဘူး။”

Hillary Clinton ထက် အများကြီး နောက်ကျန်နေတဲ့ ပြိုင်ဘက် Bernie Sanders ဖက်ကလဲ သမ္မတလောင်းပြိုင်ဆိုင်မှုကို နောက်ဆုတ်သွားမှာ မဟုတ်ဘူးလို့ ပြောကြားခဲ့ပါတယ်။

“ အောင်နိုင်ရေးအတွက် ပံ့ပိုးနေတဲ့ လူချမ်းသာတွေရဲ့ အသံကိုပဲ မဟုတ်ဘဲ၊ အမေရိကန်ပြည်သူတွေ ဘာဖြစ်ချင်သလဲဆိုတာကို နားထောင်နေတဲ့ ကျွန်တော်တို့ရဲ့ အောင်နိုင်ရေးလှုပ်ရှားမှုတွေ အခြေအနေကောင်းပါတယ်။”

ဒါပေမဲ့လဲ ပါတီညီလာခံကျရင် မဲပေးခွင့်ရှိတဲ့ ပါတီကိုယ်စားလှယ်လောင်းတွေကို အခုအချိန်အထိ ကျင်းပပြီးခဲ့တဲ့ သမ္မတလောင်း ပဏာမရွေးချယ်ပွဲတွေမှာ Bernie Sanders ထက် Hillary Clinton ကအများကြီး ပိုရရှိထားတာကြောင့် Democratic ပါတီဖက်မှာတော့ Clinton ရဲ့ သမ္မတလောင်း ဖြစ်ရေးခြေလှမ်းတွေက အတော်ကို ခိုင်မာနေပြီဖြစ်ပါတယ်။

စုမြတ်မွန် / ဗွီအိုအေ (မြန်မာပိုင်း)

ရှမ်းတိုင်းရင်းသူ ကလေးငယ်ကို အဓမ္မရိုက်နက်သော တရုတ်လင်မယားအား ရဲတပ်ဖွဲ့က ဖော်ထုတ်အရေးယူ

မန္တလေး မတ် ၁၆ မန္တလေး ချမ်းမြသာစည်မြို့နယ်၊ မြို့သစ် (၁)ရပ်ကွက်၊ ခြံအမှတ် တ-၂/၉၀ နေအိမ်အတွင်း ရှမ်းတိုင်ရင်သူ အရွယ်မရောက်သေးသည့်ကလေးငယ်ကို အိမ်ရှင်က ဝဲလက်မောင်း တုတ်နှင့်ရိုက်ခြင်း၊ စားသောက်သည့်တူဖြင့် နားအတွင်းထိုး၍ အလုပ်ခိုင်းခြင်း၊ လူမမြင်ရသောနေရာတွေတွင် ရိုက်ထားခြင်းသတင်း လှုပ်လှုပ်ရှားရှား မန္တလေးသတင်း အွန်လိုင်းပေါ်တွင် ပျံ့နှံ့လာ၍ မတ်လ ၁၆ ရက် ၁ နာရီက စတင်၍ ရဲတပ်ဖွဲ့က ဖော်ထုတ်အရေးယူခဲ့သည်။

"အရွယ်မရောက်သေသည့် ရှမ်းတိုင်ရင်းသူပါ အသက်က ၁၆ နှစ်လို့သိရတယ်။ စကားပြန်ကပြောတာ သူက မြန်မာစကားမတတ်ဘူး။ ဒီအိမ်ရောက်တာ လေးနှစ်ရှိပြီ။ တန့်ယန်း-လှိုင်မော်- မန်းပန်း ရှမ်းပြည်မြောက်ပိုင်းကလို့ သိရတယ်။ သူအမည်က မအေးနန်း၊ အိမ်ရှင်က လူမျိုးခြားသူဌေးတွေ အိမ်ရှင်ရဲ့အစ်မက ခေါ်လာပြီး အိမ်အကူအဖြစ် ပို့ပေးထားတာလို့ သိရတယ်။ အသက်မပြည့်တဲ့ ကလေးငယ်ကို နှိပ်စက်တာ အွန်လိုင်းတက်လာလို ဖော်ထုတ်အရေယူတာ”ဟု အမှတ် ၁၁ စခန်းမှူးရဲအုပ်ဝင်းဗိုလ်က ပြောသည်။

“အရွယ်က ၁၆၊ လွန်ခဲ့တဲ့ လေးနှစ်ကဆိုတော့ ၁၂ နှစ်အရွယ်ပဲ ရှိသေးတယ်။ အဲဒီမှာ သူအဖေကို ငွေ ၁၀ သိန်းပေးခဲ့တယ်။ ၇ နှစ်စာ အိမ်အကူလုပ်ဖို့လို့ အိမ်ရှင်က ပြောလို့သိရတယ်။ တိုင်းရင်းသားတိုင်းရင်းသူတွေက စာလဲမတတ် မြန်မာစကားလည်း မတတ်ဆိုတော့ ဘယ်သူ့ကိုမှ မပြောရဲဘူး။ အခုလိုခံနေရတာကို တခြားသူတွေမြင်လို့ လှုပ်လှုပ်ရှားရှားမန္တလေးသတင်း တက်လာလို့ အရေးယူတာ။ အခုလို ကလေးတွေ မန္တလေးသူဌေးအိမ်တွေမှာ အများကြီးရှိတယ်”ဟု စကားပြန်ပေးသူ အမျိုးသမီးက ပြောသည်။

စိုင်းထူးခန့်
News Watch(စောင့်ကြည့်သတင်းဂျာနယ်)

သမ္မတ ဦးထင်ကျော် ကို နိုင်ငံတကာ ကြိုဆို

သမ္မတအသစ် ဦးထင်ကျော် ကို တွေ့ရစဉ်။ Photo: NLD Facebook

မြန်မာနိုင်ငံမှာ ၁၉၆၂ ခုနှစ် စစ်တပ်က အာဏာသိမ်းချိန်ကနေ အခု (၅၄) နှစ်အကြာမှာ အမျိုးသားဒီမိုကရေစီ အဖွဲ့ချုပ်က တင်မြှောက်တဲ့ အရပ်သားစစ်စစ် ဦးထင်ကျော်ကို ဒီမိုကရေစီနည်းကျ သမ္မတသစ်အဖြစ် ပြည်ထောင်စု လွှတ်တော်မှာ မတ်လ ၁၅ ရက် မနေ့က ရွေးကောက်တင်မြှောက်လိုက်တဲ့အတွက် ကမ္ဘာ့အင်အားကြီးနိုင်ငံတွေ နဲ့ ပြည်တွင်းပြည်ပအဖွဲ့တွေက ဂုဏ်ပြုကြိုဆိုလိုက်ကြပါတယ်။

အမေရိကန်သမ္မတ ဘရက်အိုဘားမားနဲ့ အမေရိကန်နိုင်ငံခြားရေးဌာနတို့က မနေ့က ဝမ်းမြောက်ကြိုဆိုလိုက်ပြီး၊ ဒါဟာ မြန်မာ့ဒီမိုကရေစီ အသွင်ကူးပြောင်းရေးအတွက် အရေးပါတဲ့အဆင့်တဆင့်ကို တက်လှမ်းလိုက်တာဖြစ် တယ်လို့ ပြောဆိုလိုက်ပါတယ်။

ဦးထင်ကျော်ကို သမ္မတသစ်အဖြစ် ရွေးချယ်လိုက်တဲ့အတွက် အမေရိကန်နိုင်ငံခြားရေးဝန်ကြီးဌာနက ဂုဏ်ယူဝမ်းမြောက်ကြောင်း ပြောခွင့်ရပုဂ္ဂိုလ် John Kirby က မနေ့ကပြုလုပ်တဲ့ သတင်းစာရှင်းလင်းပွဲမှာ အရင်ဆုံးပြောဆိုလိုက်ပါတယ်။

အရပ်သားတစ်ဦးကို ဒီမိုကရေစီနည်းကျ ရွေးချယ်လိုက်တာဟာ မြန်မာ့ဒီမိုကရေစီ အသွင်ကူးပြောင်းရေးမှာ အရေးကြီးတဲ့အဆင့်တဆင့်ကို တက်လှမ်းလိုက်တာဖြစ်သလို၊ ငြိမ်းချမ်းစွာ အသွင်ကူးပြောင်းတာဖြစ်တဲ့အတွက် အလွန်ထူးခြားတဲ့ကာလဖြစ်ကြောင်း၊ ဒီမိုကရေစီနဲ့ လူ့အခွင့်အရေး၊ အမျိုးသား ပြန်လည်သင့်မြတ်ရေးနဲ့ စီးပွားရေးဖွံ့ဖြိုးတိုးတက်ရေးတွေအတွက် မြန်မာအစိုးရသစ်နဲ့ လက်တွဲဆောင်ရွက်နိုင်မယ့်နည်းလမ်းတွေ ဆက်ပြီးရှာဖွေသွားမှာဖြစ်ကြောင်း ပြောသွားတာဖြစ်ပါတယ်။

အလားတူ တရုတ်အစိုးရကလည်း သမ္မတသစ်ဦးထင်ကျော်ကို ဂုဏ်ပြုကြိုဆိုလိုက်ပြီး၊ မြန်မာအစိုးရသစ်နဲ့ဆက်ပြီး တိုးမြှင့်လက်တွဲဆောင်ရွက်ဖို့နည်းတွေ ရှာဖွေသွားမယ်လို့ တရုတ်နိုင်ငံခြားရေးဌါန ပြောခွင့်ရသူ Lu Kang က မနေ့ကပြောလိုက်ပါတယ်။ မြန်မာနဲ့ တရုတ်ဟာ ဆွေမျိုးပေါက်ဖေါ်နိုင်ငံတွေဖြစ်တဲ့အတွက် မြန်မာနိုင်ငံ တည်ငြိမ်ရေး၊ ဖွံ့ဖြိုးရေးနဲ့ တိုင်းရင်းသားတွေနဲ့ ပြန်လည်သင့်မြတ်ရေးအတွက်ကိုလည်း ဆက်လက်ပံ့ပိုးကူညီ မယ်လို့ ဆိုပါတယ်။

တပြိုင်နက်တည်းမှာပဲ အိန္ဒိယဝန်ကြီးချုပ် နရိန္ဒြာမိုဒီကလည်း မြန်မာနိုင်ငံမှာ ဦးထင်ကျော်ကို သမ္မတသစ် အဖြစ် ရွေးချယ်တင်မြှောက်တာကို ဂုဏ်ပြုကြိုဆိုလိုက်ပြီး၊ အိန္ဒိယ-မြန်မာဆက်ဆံရေး တိုးမြှင့်ဖို့ အတူ လက်တွဲဆောင်ရွက်သွားမယ်လို့ ဆိုပါတယ်။

အလားတူ ပြင်သစ်အစိုးရကလည်း မြန်မာသမ္မတသစ်အတွက် ဂုဏ်ယူကြောင်းနဲ့ ဒီမိုကရေစီရေးကို ဆက်လက်ကူညီဖို့ အဆင်သင့်ရှိကြောင်း ပြင်သစ်နိုင်ငံခြားရေးနဲ့ နိုင်ငံတကာဖွံ့ဖြိုးတိုးတက်ရေး ဝန်ကြီးဌာနက မနေ့က ကြေညာချက်ထုတ်ပြန်လိုက်ပါတယ်။ အလားတူ ဗြိတိန်ဝန်ကြီးချုပ် ဒေးဗစ်ကင်မရွန်၊ သြစတြေးလျ ဝန်ကြီးချုပ် မဲလ်ကွန် တန်းဘူးလ်နဲ့ ဂျပန်ဝန်ကြီးချုပ် ရှင်ဇိုအာဘေး တို့ကလည်း ဝမ်းမြောက်ဂုဏ်ယူကြောင်း နဲ့ နှစ်နိုင်ငံဆက်ဆံရေးတိုးမြှင့်ဖို့ ဆောင်ရွက်ကြမယ့်အကြောင်း ထုတ်ဖေါ်ပြောဆိုလိုက်ပါတယ်။

ဒီအတောအတွင်းမှာပဲ ပြည်တွင်းအဖွဲ့အစည်းတွေဖြစ်တဲ့ ၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့အစည်း ကလည်း  ပြည်သူ့ကိုယ်စားလှယ်တွေက သမ္မတသစ်ရွေးချယ်တင်မြှောက်နိုင်ခဲ့တဲ့အတွက် လွန်စွာဝမ်းမြောက် ဂုဏ်ယူကြောင်း မနေ့က သဝဏ်လွှာပေးပို့လိုက်ပါတယ်။

ဒါ့အပြင် စာရေးဆရာတွေနဲ့ ဖွဲ့စည်းထားတဲ့ Pen Myanmar အဖွဲ့လည်း၊ မြန်မာ့သမိုင်းမှာ ပထမဆုံး စာရေးဆရာတစ်ဦး သမ္မတဖြစ်လာတဲ့အတွက် သမ္မတဦးထင်ကျော် (ခေါ်) စာရေးဆရာ ဒလဘန်း ကို လှိုက်လှိုက်လှဲလှဲ ဝမ်းမြောက်ကြိုဆိုဂုဏ်ယူကြောင်း မနေ့က ကြေညာချက်ထုတ်ပြန်လိုက်ပြီး၊ သမ္မတသစ်အနေနဲ့ လွတ်လပ်စွာရေးသားထုတ်ဖေါ်ခွင့်နဲ့ အခြေခံလူ့အခွင့်အရေးတွေကို မြန်မာနိုင်ငံသားတွေအတွက် အစွမ်းကုန် ကြိုးပမ်းလိမ့်မယ်လို့ ယုံကြည်မျှော်လင့်ကြောင်း ကြေညာလိုက်ပါတယ်။

RFA Burmese

သမ္မတသစ်နှင့် ပူးပေါင်းလုပ်ဆောင်မည်ဟု စစ်တပ်ကြေညာ

ဦးထင်ကျော်ကို နိုင်ငံတော်သမ္မတအဖြစ် ရွေးချယ်တင်မြှောက်မှုအတွက် တပ်မတော် အနေနဲ့ ဂုဏ်ယူဝမ်းမြောက်ပြီး သမ္မတသစ်နဲ့ ပူးပေါင်းလုပ်ဆောင်သွားမယ်လို့ တပ်မတော် ကာကွယ်ရေးဦးစီးချုပ်ရုံးက သတင်းထုတ်ပါတယ်။
တပ်မတော်ကာကွယ်ရေးဦးစီးချုပ်ရုံး အင်တာနက်စာမျက်နှာမှာ ဒီနေ့ ဖော်ပြထားတာ ဖြစ်ပြီး “ရှေ့ဆက်လှမ်းရမည့် ကိစ္စအရပ်ရပ်တွင် တည်ငြိမ်အေးချမ်းရေး၊ စည်းလုံးညီညွတ်ရေး၊ ဖွံ့ဖြိုးတိုးတက်ရေးအတွက် ဆက်လက်ပူးပေါင်း ဆောင်ရွက်သွားမည်ဖြစ်ကြောင်း ကြေညာ အပ်ပါသည်။” လို့ ဖော်ပြထားပါတယ်။
နိုင်ငံတော်သမ္မတအဖြစ် ရွေးကောက်ခံထားရသူ ဦးထင်ကျော်ကို လွှတ်တော်တွင်း သမတအရည်အချင်းစိစစ်ခဲ့တုန်းက တပ်ကိုယ်စားလှယ်က ဦးထင်ကျော်ဟာ ရွေးကောက်ခံ ကိုယ်စားလှယ် မဟုတ်လို့ ထောက်ခံခြင်းမပြုသလို ကန့်ကွက်တာလည်း မလုပ်ခဲ့ပါဘူး။
ရွေးကောက်ပွဲအနိုင်ရ အန်အယ်လ်ဒီပါတီက တင်ပြီး ပြည်ထောင်စုလွှတ်တော်က ရွေးကောက်ထားသူ သမ္မတဦးထင်ကျော်ကို မတ်လ ၁၅ရက်မှာ လက်ရှိသမ္မတဦးသိန်းစိန်က ဂုဏ်ယူဝမ်းမြောက်ကြောင်း သ၀ဏ်လွှာပေးပို့ခဲ့ပြီး ဒီနေ့မှာ တပ်ရဲ့ ကြေညာချက် ထွက်ပေါ်လာတာ ဖြစ်ပါတယ်။
DVB

ဒေါ်အောင်ဆန်းစုကြည် ရဲ့ အောင်ပွဲအဖြစ် ဦးထင်ကျော် ပြောကြား

သမ္မတအဖြစ် ရွေးချယ်ခံရတဲ့ ဦးထင်ကျော် ကို မတ်လ ၁၅ ရက်နေ့က တွေ့ရစဉ်။ Photo: AFP

သမ္မတအဖြစ် ရွေးချယ်ခံရတာဟာ ပြည်သူတွေနဲ့ ဒေါ်အောင်ဆန်းစုကြည်ရဲ့ အောင်ပွဲဖြစ်တယ်လို့ သမ္မတသစ် ဦးထင်ကျော်က မနေ့ကပြောလိုက်ပါတယ်။

ပြည်ထောင်စုလွှတ်တော်မှာ သမ္မတသစ် ရွေးချယ်တင်မြှောက်ပွဲအပြီး ပြန်အထွက်မှာ ပြည်သူတွေကို ဘယ်လိုသတင်းစကားပါးချင်ပါသလဲလို့ သတင်းထောက်တွေက မေးမြန်းတာကို သမ္မတ ဦးထင်ကျော် က အခုလိုပြန်လည်ပြောဆိုလိုက်တာဖြစ်ပါတယ်။

"ပြည်သူတွေရဲ့ စေတနာ မေတ္တာနဲ့ ဖြစ်တာပါ၊ ပြည်သူတွေရဲ့အောင်ပွဲ၊ အမ ဒေါ်အောင်ဆန်းစုကြည် ရဲ့ အောင်ပွဲပါ၊ ကျေးဇူးအများကြီးတင်ပါတယ်"

သမ္မတရွေးချယ်တင်မြှောက်ပွဲမှာ လွှတ်တော်ကိုယ်စားလှယ် ၆၅၂ ဦး ဆန္ဒမဲပေးခဲ့ကြပြီး၊ ဦးထင်ကျော် က မဲအရည်အတွက် (၃၆၀)၊ ရန်ကုန်တိုင်းဝန်ကြီးချုပ် အငြိမ်းစားဒုတိယဗိုလ်ချုပ်ကြီး ဦးမြင့်ဆွေက (၂၁၃) မဲနဲ့၊ ဦးဟင်နရီ ဗန်ထီးယူက (၇၉) မဲရရှိခဲ့တာဖြစ်ပါတယ်။

ဒါကြောင့် မဲအများဆုံးရရှိတဲ့ ဦးထင်ကျော်ကို သမ္မတသစ်အဖြစ် ရွေးချယ်တင်မြှောက်ကြောင်း ပြည်ထောင်စု လွှတ်တော်နာယက ဦးမန်းဝင်းခိုင်သန်းက ကြေညာခဲ့ပါတယ်။

သမ္မတ ဦးထင်ကျော်ဟာ ၁၉၉၂ ခုနှစ်လောက်ကတည်းက အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်း စုကြည်နဲ့အတူ နုိုင်ငံရေးတာဝန်တွေထမ်းဆောင်ခဲ့ပြီး၊ ဒေါ်ခင်ကြည်ဖေါင်ဒေးရှင်းမှာ ဦးဆောင်တာဝန်ယူနေ သူဖြစ်ပါတယ်။

သူဟာ ကဗျာဆရာကြီး မင်းသုဝဏ်ရဲ့  သားဖြစ်ပြီး သူရဲ့ငယ်နာမည်ဖြစ်တဲ့ “ဒလဘန်း” ကလောင် အမည်နဲ့  စာရေးဆရာအဖြစ် ရပ်တည်ခဲ့ပါတယ်။ ၁၉၆၈ ခုနှစ်မှာ ရန်ကုန်တက္ကသိုလ်ကနေ စီးပွါးရေး ဘွဲ့လွန်ရခဲ့ပြီး၊ ၁၉၇၄-၇၅ မှာ ကွန်ပျူတာမဟာသိပ္ပံဘွဲ့ရရှိ ခဲ့ပါတယ်။ ဒါ့အပြင် ဗြိတိန်နိုင်ငံ လန်ဒန်တက္ကသိုလ်နဲ့ အမေရိကန်ပြည်ထောင်စု မန်ဆာချူးဆက်ပြည်နယ် ကမ်းဘရစ်ခ်ျတက္ကသိုလ်တွေမှာပညာဆည်းပူးခဲ့ပါတယ်။

RFA Burmese
http://www.rfa.org/burmese

ထိုင်းတောင်ပိုင်း ဆေးရုံကို လက်နက်ကိုင်အဖွဲ့ စီးနင်း (ရုပ်သံ)

ထိုင်းနိုင်ငံတောင်ပိုင်း နာရာသီဝပ်ခရိုင် ဂျော်အိုင်ရောင့်မြို့နယ်ထဲမှာ လက်နက်ကိုင်အဖွဲ့နဲ့ ထိုင်းတပ်မတော် အမှတ် ၄ စစ်တိုင်းဒေသ လက်အောက်ခံ တပ်ဖွဲ့ဝင်တွေကြား ပစ်ခတ်မှု ဖြစ်ပွားပြီးတဲ့နောက် နယ်မြေချင်းဆက်စပ်နေတဲ့ မြို့နယ် ၃ ခုကို သက်ဆိုင်ရာက လုံခြုံရေး တင်းကျပ်ထားတယ်လို့ အိုင်အန်အန် ထိုင်းသတင်းမှာ ဖော်ပြပါတယ်။
ပြီးခဲ့တဲ့ မတ်လ ၁၃ ရက်နေ့ ညနေပိုင်းက လက်နက်ကိုင်အဖွဲ့ဝင်ပေါင်း ၄၀ ကျေ်ဟာ ဂျော်အိုင်ရောင့်ဆေးရုံထဲဝင်ေရာက်ပြီး ဆေးရုံအဆောက်အဦနဲ့ ၀န်ထမ်းတွေ၊ လူနာတွေကို အကာအကွယ်ယူကာ ထိုင်းတပ်ဖွဲ့ဝင်တွေကို တိုက်ခိုက်ခဲ့တာဖြစ်ပါတယ်။
လက်နက်ကိုင်အဖွဲ့တွေဟာ ဆေးရုံဝန်ထမ်း ကိုယ်ဝန်ဆောင်အမျိုးသမီးတယောက်ရဲ့လက်ကို ကြိုးတုတ်ခဲ့သလို ဆေးရုံကိုအကာအကွယ်ယူပစ်ခတ်မှုကြောင့် အဆောက်အဦနဲ့ တံခါးပေါက်မှန် တချို့လည်း ပျက်စီးခဲ့ပါတယ်။
ပစ်ခတ်မှုပြီးတဲ့နောက် တာဝန်ရှိသူတွေက နယ်မြေပြန်လည်ရှင်းလင်းရေး လုပ်ဆောင်ရာမှာ ကျည်ဆန်ခွံပေါင်း ၂၀၀၀ ကျော်တွေ့ရှိတယ်လို့ ချနယ် ၃ တီဗွီ သတင်းမှာ ဖော်ပြပါတယ်။
ကြိုးတုတ်ခံရသူအမျိုးသမီးကတော့ သူမဟာ ကိုယ်ဝန်နဲ့မို့ အကြမ်းမဖက်ဖို့ တောင်းဆိုခဲ့ပြီး လက်နက်ကိုင်တွေ ထွက်ခွါပြီးတဲ့နောက် ကြိုးတွေကို သူ့ဖာသာ ပြန်ဖြည့်နိုင်ခဲ့တယ်လို့ ချနယ် ၃ သတင်းထောက်ကို ပြောပါတယ်။
ထိုင်းတောင်ပိုင်း အမှတ် ၄ စစ်တိုင်းဌာနချုပ်  တိုင်းမှူး ဒုဗိုလ်ချုပ်ကြီး ၀ိဝပ် ပထုမ်ဖတ်ကတော့ အဆိုပါလက်နက်ကိုင်အဖွဲ့ဟာ ဘီအာရ်အန် အမည်ရှိ  တောင်ပိုင်းအကြမ်း ဖက်ခေါင်းေ ဆာင် လုကမန် လာတေ့ပို့ရင်းနဲ့ ဆေ့တီ ပူတေ့ ဦးဆောင်သော အဖွဲ့ကဖြစ်ပြီး၊ သူတို့အဖွဲ့ ထူထောင်ခြင်း ၅၆ နှစ်မြောက် နှစ်ပတ်လည် လှုပ်ရှားမှုတစ်ခု ဖြစ်နိုင်ကြောင်း၊ သူတို့ဟာ ဂျော်အိုင်ရောင့်နဲ့ ဂျနယ့်မြို့နယ်ကြား တောတောင်တွေထဲမှာ ထွက်ပြေးပုန်းရှောင်နေတယ်လို့ လည်း ခန့်မှန်းပြောဆိုပါတယ်။
အကြမ်းဖက်လက်နက်ကိုင်အဖွဲ့တွေ ဖမ်းဆီးရမိနိုင်ဖို့ ထိုင်းတပ်မတော် အမှတ် ၅၆  နဲ့ အမှတ် ၄၈ ကွန်မန်ဒိုတပ်ဖွဲ့တို့ ပူးပေါင်းပြီး အဆိုပါနေရာတ၀ိုက် ပိုက်စိပ် တိုက်ရှာဖွေနေသလို ဆက်စပ်နယ်မြေဖြစ်တဲ့ ယလားခရိုင် ဘန်နန်ဆဒါး ၊ ထန်တို နဲ့ ရာမန်း စတဲ့မြို့နယ် ၃ ခုကိုလည်း လုံခြုံရေးကြပ်မတ်ပြီး လာမယ့် မတ်လ ၂၀ ရက်နေ့ကစ အရေးပေါ်အခြေအနေနယ်မြေအဖြစ် သတ်မှတ်တယ်လို့  အမှတ် ၄ စစ်ဌာချုပ် တိုင်းမှူး ရဲ့ပြောဆိုချက်ကို ကိုးကားပြီး အိုင်အန်အန် သတင်းမှာ ဖော်ပြပါတယ်။
ထိုင်းတောင်ပိုင်း   ဆုန်ခလာ၊  ပတ္တနီ နဲ့  နရာသီဝပ် စတဲ့ ခရိုင် ၃ ခုဟာ အစ္စလမ်ဘာသာဝင် မာလာယုလူမျိုးတို့  နေထိုင်ရာဒေသဖြစ်ပြီး ရှေးခေတ် ထိုင်းဘုရင်များ လက်ထက်မှာ အပြန်အလှန် နယ်မြေလုတိုက်ပွဲဖြစ်ခဲ့ပါတယ်။ လွန်ခဲ့တဲ့နှစ်ပေါင်း တစ်ရာကျော် နှစ်ရာနီးပါး ထိုင်းကျက္ကရီးဘုရင် ပထမမင်း ဆက်လက်ထက်မှာတော့ အဆိုပါနယ်မြေကို သိမ်းပိုက်နိုင်ခဲ့ပြီး ထိုင်းနိုင်ငံအဖြစ် စုစည်းအုပ်ချုပ်ခဲ့ပါတယ်။
ဒါပေမယ့် ထိုင်းအာဏာစက်အောက် မနေလိုတဲ့ ခွဲထွက်ရေးအဖွဲ့တွေကတော့ ဆက်လက် တိုက်ပွဲဝင်နေတဲ့အတွက် တောင်ပိုင်းဒေသမှာ မကြာခဏ ဗုံးခွဲတိုက်ခိုက်မှုတွေ ဖြစ်ပွားနေတာ ဖြစ်ပါတယ်။
iframe width="560" height="315" src="https://www.youtube.com/embed/qX1GAdACsH8" frameborder="0" allowfullscreen> DVB

ကသာတွင် လူသတ်၊ ပစ္စည်းယူသွားသည့် တရားခံကို ရွှေထည်များနှင့်အတူ ဖမ်းမိ

ကသာမြို့နယ်မှာ မတ်လ ၁၂ ရက်က ဖြစ်ပွားခဲ့တဲ့ လူသတ်ပြီးပစ္စည်းယူသွားတဲ့ တရားခံကို ရွှေထည်ပစ္စည်းတွေနဲ့အတူ မတ်လ ၁၅ ရက်နေ့က ဖမ်းမိခဲ့ပါတယ်။

စစ်ကိုင်းတိုင်းဒေသကြီး ကသာမြို့နယ် ကျောက်ထုံးကြီး ကျေးရွာအုပ်စု နွယ်နီကျေးရွာ
သစ်ကွက်အမှတ် ၁၃ မှာ နေထိုင်တဲ့ အသက် ၅၂ နှစ်အရွယ်  ဒေါ်ပွေးကိုသတ်ပြီး ပစ္စည်းတွေ ယူသွားမှု မတ်လ ၁၂ ရက်နေ့မှာ ဖြစ်ပွားခဲ့ရာ လူသတ်တရားခံ ကျော်လင်းထွန်းကို မတ်လ ၁၅ ရက်နေ့မှာ ဖမ်းမိရမိခဲ့တာပါ။

မတ် ၁၂ ရက်နေ့ မနက်အစောပိုင်းက ကျောက်ထုံးကြီးကျေးရွာအုပ်စု နွယ်နီကျေးရွာ သစ်ကွက်အမှတ် ၁၃ မှာ နေထိုင်တဲ့  သေဆုံးသူဒေါ်ပွေးနေအိမ်မှာ တဦးတည်းရှိနေစဉ် လူသတ်သမားက သတ်ဖြတ်ပြီး ငွေနဲ့ ပစ္စည်းတွေကို ယူဆောင်သွားတာကြောင့် ကသာမြို့နယ်ရဲတပ်ဖွဲ့မှူး ရဲမှူးကျော်အောင်မြင့် ဦးစီးတဲ့အဖွဲ့ဟာ   မတ်လ ၁၅ ရက်နေ့ ညနေ ၅ နာရီမှာ ကိုကျော်လင်းထွန်းကို ဖမ်းမိခဲ့ပါတယ်။

ကိုကျော်လင်းထွန်းကို စစ်ဆေးခဲ့ရာ  ဒေါ်ပွေးအား သတ်တာ ၀န်ခံပြီး ယူဆောင်သွားတဲ့ ရွှေထည်အလေးချိန် ၂၂ ကျပ်သားကျော်လောက်နဲ့ သက်သေခံဓားတို့ကို ပေးအပ်ခဲ့ပါတယ်။
ကသာမြို့နယ်  နွယ်နီကျေးရွာနေ အသက် ၁၈ နှစ်အရွယ် ကိုကျော်လင်းထွန်းကို ကသာမြို့မရဲစခန်းက (ပ)၆၉/၂၀၁၆ ပြစ်မှုပုဒ်မ ၃၀၂ အရ အရေးယူဆောင်ရွက်နေတယ်လို့ သိရပါတယ်။
သတင်းဓာတ်ပုံ – ကိုကိုလင်း (အင်းတော်)
DVB

သမ္မတကတော် ဒေါ်စုစုလွင်၏ ကိုယ်ရေးအကျဉ်း

၂၀၁၆ ဧပြီလတစ်ရက်နေ့တွင် သမ္မတတာဝန်ကို စတင်ထမ်းဆောင်မည့် နိုင်ငံတော်သမ္မတ ဦးထင်ကျော်၏ ဇနီး ဒေါ်စုစုလွင်မှာ သမ္မတကတော် ( First Lady ) အဖြစ် ပြည်သူ့ရှေ့မှောက် ရောက်ရှိလာတော့မည် ဖြစ်သည်။

ဒေါ်စုစုလွင်ကို ဦးလွင်၊ ဒေါ်တင်မမလေးတို့က မွေးဖွားခဲ့သည်။ သမီးနှစ်ဦးအနက် အကြီးဆုံး ဖြစ်သည်။ ငယ်စဉ်က အထက ၃ ၊ မော်လမြိုင်၊ အထက ၂ ကမာရွတ်၊ အမေရိကန်နိုင်ငံ၊ ၀ါရှင်တန်မြို့၊ Radnor Elementary School မက်သဒစ် အင်္ဂလိပ်အထက်တန်းကျောင်း တို့တွင် ပညာသင်ကြားခဲ့သည်။

ပညာရေးတက္ကသိုလ်မှ မဟာဝိဇ္ဇာဘွဲ့ကို အင်္ဂလိပ်စာ အဓိကဖြင့်ရရှိခဲ့ကာ မြန်မာနိုင်ငံ ပညာရေး သုတေသီအဖွဲ့တွင် ၁၃ နှစ် ကျော်ကြာ တာဝန် ထမ်းဆောင်ခဲ့သည်။ ၁၉၇၃ ခုနှစ်တွင် ဦးထင်ကျော်နှင့် လက်ထပ်ခဲ့သည်။

သြစတြေးလျနိုင်ငံ၊ ဆစ်ဒနီတက္ကသိုလ်တွင် သင်ခန်းစာ ရေးသားခြင်းဆိုင်ရာ ဘွဲ့လွန်သင်တန်း တက်ရောက်ခဲ့သည်။ ထို့နောက် ရန်ကုန်တက္ကသိုလ် ကထိကရာထူးမှ နုတ်ထွက်ခဲ့သည်။

၁၉၈၉ အမျိုးသား ဒီမိုကရေစီ အဖွဲ့ချုပ် ဖွဲ့စည်းပြီးနောက်ပိုင်း ဒေါ်အောင်ဆန်းစုကြည်၏ ခြံဝင်းအတွင်း၌ အင်္ဂလိပ်စာသင်တန်းများ ပို့ချပေးခဲ့သည်။ ၁၉၉၀ ခုနှစ်မှစ၍ UNICEF တွင် ပညာရေး စီမံကိန်းအရာရှိအဖြစ် ထမ်းဆောင်ခဲ့ခြင်း၊ လူအခွင့်အရေး အခြေပြု စီမံကိန်းရေးဆွဲခြင်း တာဝန်များ ထမ်းဆောင်ကာ အပြည်ပြည်ဆိုင်ရာ ဆွေးနွေးပွဲများ၊ သင်တန်းများကို ဖိလစ်ပိုင်၊ ထိုင်း၊ အင်ဒိုနီးရှား၊ ဗီယက်နမ်၊ မော်ရိုကို တို့တွင် တက်ရောက်ခဲ့သည်။

၁၉၉၉-၂၀၀၀ မှစ၍ သုံးခွမြို့နယ်တွင် ကျောင်းနေအရွယ် အားလုံး ကျောင်းနေရေး စီမံကိန်းနှင့် စဉ်ဆက်မပြတ် အကဲဖြတ် အတန်းတင် စီမံရေးအရာရှိအဖြစ် UNICEF ဘက်မှ ဆောင်ရွက်ခဲ့ကာ ၂၀၀၅ ခုနှစ်တွင် ဘုန်းတော်ကြီးသင် ပညာရေးကျောင်း လုပ်ငန်းများတွင် ယခုတိုင် စေတနာ့ဝန်ထမ်းအဖြစ် ဆောင်ရွက်လျက်ရှိသည်။

အမေ့အိမ်အခမဲ့ ပညာဒါနကျောင်းများဖွင့်ကာ စေတနာ့ဝန်ထမ်း ဆရာ၊ ဆရာများအား ကလေးဗဟိုပြု ချဉ်းကပ် သင်ကြားနည်းများ ပို့ချ ဆွေးနွေး ပေးလျက်ရှိသည်။

ဒေါ်စုစုလွင်သည် သုံးခွမြို့နယ် ပြည်သူ့လွှတ်တော် အမျိုးသား ဒီမိုကရေစီ အဖွဲ့ချုပ်၏ အမတ်တစ်ဦးဖြစ်ပြီး ပြည်သူ့လွှတ်တော် နိုင်ငံတကာ ဆက်ဆံရေးကော်မတီ ဥက္ကဋ္ဌ အဖြစ် တာဝန်ယူ ဆောင်ရွက်လျက်ရှိသည်။

The Ladies News

နေပြည်တော် စုံတွဲ လူသတ်မုဒိမ်းပြုကျင့်ခံရမှု ကျုးလွန်သူ ၄ ဦးအနက် ၃ ဦးအား မသေမချင်း ကြိုးကွင်းစွပ်သတ်ရန် အမိန့်ချ

နေပြည်တော် ဒက္ခိဏသီရိမြို့နယ် Junction Center အနောက်တွင် ဖြစ်ပွားခဲ့သော အသက် ၁၆ နှစ်အရွယ် လင်မယားစုံတွဲမှ ခင်ပွန်း အသတ်ခံရပြီး အမျိုးသမီး အဓ္ဓမပြုကျင့်ခံရမှုဖြစ်စဉ်တွင် ကျုးလွန်သူ ၄ ဦးအနက် ၃ ဦးအား ဒက္ခိဏခရိုင်တရားရုံးက သေဒဏ်ချမှတ်လိုက်ကြောင်း သတင်းရရှိသည်။

ပြစ်မှုကျုးလွန်သူ ၄ ဦးမှာ ဇမ္ဗူသီရိမြို့ နယ်၊ သာယာကုန်းကျေးရွာနေ ကျော်မောင် (ခ) ဇော်ဇော်အောင် (အသက် ၁၉) ၊ ရွှေကြာပင်ရပ်ကွက်နေ အောင်ပိုင် (ခ) အောင်တင်မျိုး (အသက် ၂၁ နှစ်) ၊ ဇော်မျိုးသူ (ခ) ဇော်လေး (အသက် ၂၂ နှစ်ခန့်) နှင့် မျိုးဇော်ဝင်း (ခ) ကောင်လေး (အသက် ၁၅ နှစ်ခန့်) တို့ဖြစ်ကြောင်း သိရသည်။

၎င်းတို့ လေးဦးအနက် အသက် ၁၈ နှစ်ပြည့်ပြီးသူ သုံးဦးအား ဒက္ခိဏခရိုင်တရားရုံး၌ ဒုတိယတရားသူကြီးက ပြစ်မှုဆိုင်ရာ ဥပဒေပုဒ်မ ၃၆၆ အရ ထောင်ဒဏ် (၅) နှစ်၊ ပြစ်မှုဆိုင်ရာ ဥပဒေပုဒ်မ ၃၀၂ (၁) (ခ) အရ မသေမချင်း ကြိုးကွင်းစွပ်သတ်စေအမိန့် ချမှတ်ခဲ့ပြီး မျိုးဇော်ဝင်း (ခ) ကောင်လေးမှာ အသက် ၁၅ နှစ်နှင့် ၁၆ နှစ်ကြားဖြစ်၍ ဇမ္ဗူသီရိမြို့နယ် ကလေးသူငယ်တရားရုံးတွင် ဆက်လက် စစ်ဆေးဆဲဖြစ်ကြောင်း သိရသည်။

ယင်းအပြင် ကျော်မောင် (ခ) ဇော်ဇော်အောင်အား ပြစ်မှုဆိုင်ရာ ဥပဒေပုဒ်မ ၃၇၉ အရ ထောင်ဒဏ် (၂) နှစ် ထပ်မံချမှတ်ခဲ့ကြောင်း သိရသည်။

ဖြစ်စဉ်မှာ ၂၀၁၅ စက်တင်ဘာ ၂၉ ရက် ည ၁၁ နာရီအချိန်ခန့်တွင် မ---- (အသက် ၁၆ နှစ်) နှင့် မောင်ချစ်နိုင်ဦး (အသက် ၁၆ နှစ်) တို့ ဇနီးမောင်နှံ ၂ ဦး ဆိုင်ကယ်စီးထွက်ခဲ့ကြပြီး ည ၁၂ နာရီ ၃၀ မိနစ်ခန့်တွင် ဒက္ခိဏသီရိမြို့နယ် Junction Center အကျော်တွင် ဆိုင်ကယ်ကိုကွေ့ပြီးပြန်အထွက် ဆိုင်ကယ် ၂ စီးဖြင့် အမည်မသိ လူ ၄ ဦးနှင့်တွေ့ပြီး ခြိမ်းခြောက်ပြောဆို၍ ၎င်းတို့စီးလာသောဆိုင်ကယ်အား လူ ၄ ဦး ဆိုင်ကယ် ၂ စီးမှ ညှပ်၍ခေါ်ဆောင်လာပြီး Junction Center နောက် သံတမန်ဇုံ B လမ်း လမ်းသွယ်အရောက်တွင် ဇနီးမောင်နှံ၏ဆိုင်ကယ်အား တွန်းလှဲပြီး ခင်ပွန်းဖြစ်သူ ချစ်နိုင်ဦးအား အမည်မသိလူ ၂ ဦးမှ ဆွဲခေါ်သွားပြီး ဆိုင်ကယ်အိတ်ဇော်ပိုက်ဖြင့်ရိုက်၊ ဓါးဖြင့်ထိုးပြီး လူလေးဦး စလုံးမှ မ---- အား သားမယားပြုကျင့်ခဲ့ကြခြင်း ဖြစ်သည်။

ထွန်း (နေပြည်တော်)
News Watch(စောင့်ကြည့်သတင်းဂျာနယ်)

အစိုးရသစ် အတွက် ဝန်ကြီးဌာန နှင့် ဝန်ကြီးများ၏ အမည်စာရင်း/အရေအတွက်များကို မတ် ၁၇ ရက် လွှတ်တော် အစည်းအဝေးတွင် တင်ပြမည်

ပြည်ထောင်စုလွှတ်တော်အစည်းအဝေးမြင်ကွင်းအား တွေ့ရစဉ် (ဆင်ဟွာ)

    နေပြည်တော် ၊ မတ် ၁၅ ရက် (ဆင်ဟွာ)

    ပြည်ထောင်စု အစိုးရ ဝန်ကြီးဌာန အရေအတွက် နှင့် အမည် စာရင်း ၊ ပြည်ထောင်စု ဝန်ကြီး ဦးရေ သတ်မှတ်ခြင်းများကို မတ် ၁၇ ရက်တွင် ပြုလုပ်မည့် ပြည်ထောင်စု လွှတ်တော် အစည်းအဝေးတွင် ပြည်ထောင်စု လွှတ်တော် နာယက ဦးမန်းဝင်းခိုင်သန်းက လွှတ်တော်သို့ တင်ပြမည် ဖြစ်ကြောင်း အစည်းအဝေး အစီအစဉ် လျာထားချက်အရ သိရသည်။

နိုင်ငံတော် သမ္မတ အဖြစ် ရွေးချယ် တင်မြှောက်ခံထားရသူ ဦးထင်ကျော်က တင်ပြသော ပြည်ထောင်စု အစိုးရ ဝန်ကြီးဌာန အရေအတွက် နှင့် အမည် စာရင်း ၊ ပြည်ထောင်စု ဝန်ကြီး ဦးရေ သတ်မှတ်ခြင်းများကို ပြည်ထောင်စု လွှတ်တော် နာယက က လွှတ်တော်သို့ တင်ပြပြီးနောက် ယင်းကိစ္စနှင့် စပ်လျဉ်း၍ ဆွေးနွေးလိုသည့် လွှတ်တော် ကိုယ်စားလှယ်များ ရှိပါက အမည်စာရင်း တင်သွင်းနိုင်ကြောင်း ကြေညာသွားမည် ဖြစ်ကြောင်း သိရသည်။

ယနေ့ မတ် ၁၅ ရက်တွင် ပြုလုပ်သော နိုင်ငံတော် သမ္မတ ရွေးချယ်တင်မြှောက်ပွဲတွင် နိုင်ငံတော် သမ္မတ အဖြစ် ဦးထင်ကျော် ၊ ဒုတိယ သမ္မတ (၁) အဖြစ် ဦးမြင့်ဆွေ နှင့် ဒုတိယ သမ္မတ(၂) အဖြစ် ဦးဟန်နရီ ဗန်ထီးယူ တို့ အား ရွေးချယ်တင်မြှောက်ခဲ့သည်။

ဖွဲ့ စည်းပုံ အခြေခံဥပဒေ အခန်း ၅ ၊ ပုဒ်မ ၂၀၂ တွင် နိုင်ငံတော် သမ္မတ၏ တာဝန်နှင့် လုပ်ပိုင်ခွင့်တွင် နိုင်ငံတော် သမ္မတသည် ပြည်ထောင်စု လွှတ်တော်၏ သဘောတူညီချက်ဖြင့် (က)ပြည်ထောင်စု အစိုးရ ဝန်ကြီးဌာနများကို လိုအပ်သလို သတ်မှတ်နိုင်သည်။ ထို့ ပြင် ဝန်ကြီးဌာနများကို ပြင်ဆင် သတ်မှတ်ခြင်း ၊ ဖြည့်စွက်ခြင်း ပြုနိုင်သည်။(ခ) ပြည်ထောင်စု ဝန်ကြီး ဦးရေကို လိုအပ်သလို သတ်မှတ်နိုင်သည်။ထို့ ပြင် သတ်မှတ် ဦးရေကို တိုးခြင်း ၊ လျှော့ခြင်း ပြုနိုင်သည်ဟု ဖော်ပြထားသည်။

(Xinhua)

---

---

သမ္မတအသစ် ဦးထင်ကျော်ထံ သမ္မတဦးသိန်းစိန် သဝဏ်လွှာပို့

နိုင်ငံတော်သမ္မတအဖြစ် ရွေးချယ်တင်မြှောက်ခံရတဲ့ ဦးထင်ကျော်ထံပေးပို့တဲ့ သမ္မတဦးသိန်းစိန်ရဲ့ သဝဏ်လွှာကို တွေ့ရစဉ်။ Photo: Myanmar President Office

နိုင်ငံတော်သမ္မတအဖြစ် ရွေးချယ်တင်မြှောက်ခံရတဲ့ ဦးထင်ကျော်ထံကို လက်ရှိ နိုင်ငံတော်သမ္မတ ဦးသိန်းစိန်က ဂုဏ်ယူဝမ်းမြောက်ကြောင်း သ၀ဏ်လွှာ ပေးပို့လိုက်ပါတယ်။

သ၀ဏ်လွှာမှာ နိုင်ငံတော်အစိုးရတာဝန်တွေ လွှဲပြောင်းပေးဖို့အတွက် စီစဉ်ထားရှိပြီးဖြစ်တယ်လို့ ပါရှိပါတယ်။ အလားတူ ၈၈ မျိုးဆက် ငြိမ်းချမ်းရေး နဲ့ ပွင့်လင်းလူ့အဖွဲ့အစည်းက ကိုမင်းကိုနိုင်ကလည်း ဦးထင်ကျော် သမ္မတ အဖြစ် တင်မြှောက်ခံရတဲ့အတွက် ဂုဏ်ယူဝမ်းမြောက်ကြောင်း ပေးပို့ပါတယ်။

အမျိုးသားဒီမိုကရေစီ အင်အားစုပါတီက နှစ်ပေါင်း ၅၀ ကျော်အတွင်း ပြည်သူ့ကိုယ်စားပြု အရပ်သားသမ္မတ သစ် ပေါ်ထွန်းလာတဲ့အတွက် ဂုဏ်ယူကြောင်း ကြေညာချက်ထုတ်ပြန်ပါတယ်။

ဂျပန်ဝန်ကြီးချုပ် မစ္စတာ ရှင်ဇိုအာဘေးက နှစ်နိုင်ငံဆက်ဆံရေး ပိုမိုတိုးမြှင့်နိုင်ဖို့အတွက် နီးကပ်စွာပူးပေါင်း လုပ်ဆောင်သွားမှာဖြစ်ကြောင်း ဦးထင်ကျော်ထံ သ၀ဏ်လွှာပေးပို့လိုက်တယ်လို့ မြန်မာနိုင်ငံ ရန်ကုန်မြို့ရှိ ဂျပန်သံရုံးက သတင်းထုတ်ပြန်ပါတယ်။

သြစတြေးလျဝန်ကြီးချုပ် Malcolm Turnbull က ဦးထင်ကျော် နိုင်ငံတော်သမ္မတအဖြစ် ရွေးချယ်ခံရတဲ့အတွက် ဂုဏ်ယူကြောင်း၊ တချိန်တည်းမှာလည်း ဒေါ်အောင်ဆန်းစုကြည်ရဲ့ ဦးဆောင်မှုဟာ မြန်မာ့နိုင်ငံရေးအတွက် အရေးကြီးတဲ့အခန်းကဏ္ဍက ရှိမယ်ဆိုတာ ယုံကြည်ကြောင်း သ၀ဏ်လွှာမှာ ပါရှိပါတယ်။

ဒါ့အပြင် ၂၀၁၁ ခုနှစ်ကစပြီး နိုင်ငံတော်သမ္မတ ဦးသိန်းစိန်ရဲ့ ပြုပြင်ပြောင်းလဲရေးနဲ့ ဦးဆောင်မှုအခန်းကဏ္ဍကို လည်း အသိအမှတ်ပြုကြောင်းနဲ့ အမျိုးသားဒီမိုကရေစီအဖွဲ့ချုပ် အစိုးရထံ တာဝန်လွှဲပြောင်းပေးဖို့ ဆောင်ရွက်ခဲ့ တာတွေကိုလည်း ဂုဏ်ယူမိကြောင်း သြစတြေးလျအစိုးရက ပြောကြားလိုက်ပါတယ်။

RFA Burmese

သမ္မတသစ်ဦးထင်ကျော်နှင့် လက်တွဲလုပ်ဆောင်သွားလိုဟု ဒေးဗစ်ကင်မရွန်းဆို

နှစ်ပေါင်း(၅၀) အတွင်း ဒီမိုကရေစီနည်းကျ တင်မြှောက်လိုက်သည့် နိုင်ငံတော်သမ္မတသစ် ဦးထင်ကျော်နှင့် လက်တွဲလုပ်ဆောင်သွားလိုသည်ဟု ဗြိတိန်ဝန်ကြီးချုပ် ဒေးဗစ်ကင်မရွန်းက ၎င်း၏ တွစ်တာစာမျက်နှာတွင်ရေးသားထားသည်။

'နှစ်ပေါင်း(၅၀) ကျော်မှာပထမဆုံးအကြိမ်အဖြစ် သမ္မတကိုဒီမိုကရေစီနည်းလမ်းတကျ ရွေးချယ်နိုင်ခဲ့တဲ့ မြန်မာပြည်သူများအတွက် ဂုဏ်ယူပါတယ်။ ဦးထင်ကျော်နဲ့ လက်တွဲဆောင်ရွက်သွားဖို့လည်းမျှော်လင့်ပါတယ်' ဟု ဗြိတိန်ဝန်ကြီးချုပ် ဒေးဗစ်ကင်မရွန်းက ၎င်း၏ တွစ်တာစာမျက်နှာတွင် ရေးသားခဲ့ခြင်းဖြစ်သည်။

နိုင်ငံတော်သမ္မတရွေးချယ်ပွဲကိုယမန်နေ့က ပြည်ထောင်စုလွှတ်တော်တွင် ပြုလုပ်ခဲ့ခြင်းဖြစ်ပြီးမဲခွဲဆုံးဖြတ်ရာတွင် ဦးထင်ကျော်က (၃၆၀) မဲဖြင့်နိုင်ငံတော်သမ္မတရာထူးကိုထမ်းဆောင်ရတော့မည်ဖြစ်သည်။သမ္မတအဖြစ်အရွေးချယ်ခံရသည့် ဦးထင်ကျော်အနေဖြင့် မတ်လ ၃၁ရက်နေ့တွင်ကျင်းပသည့် ပြည်ထောင်စုလွှတ်တော်အစည်းအဝေးတွင် သမ္မတအဖြစ်တင်မြောက်ခြင်းကိုလက်ခံရယူမည်ဖြစ်ပြီးပထဦးဆုံးမိန့်ခွန်းကိုပြောဆိုမည်ဖြစ်သည်။

Messenger News Journal
https://www.facebook.com/Messenger-News-Journal