Pages

Saturday, June 27, 2015

မြန်မာနိုင်ငံတွင် ဟီတာချီ ထရန်စဖော်မာ ထုတ်မည်


ဂျပန်နိုင်ငံ ဟီတာချီကုမ္ပဏီဟာ မြန်မာ့စွမ်းအင် လိုအပ်ချက်အတွက် မြန်မာကုမ္ပဏီတခုနဲ့ ပူးပေါင်းပြီး ထရန်စဖော်မာ ထုတ်လုပ်မှုလုပ်ငန်းတွေ လုပ်သွားဖို့ ရှိနေပါတယ်။
ဟီတာချီလက်အောက်ခံ ကုမ္ပဏီဟာ မြန်မာနိုင်ငံရဲ့ ဒုတိယအကြီးဆုံး ထရန်စဖော်မာ ထုတ်လုပ်မှုကုမ္ပဏီဖြစ်တဲ့ စိုးလျှပ်စစ်နဲ့ စက်မှုလုပ်ငန်းနဲ့ ဖက်စပ်လုပ်ကိုင်ဖို့ လာမယ့်ဇူလိုင်လမှာ သဘောတူညီမှု ရနိုင်မယ်လို့ မျှော်လင့်ထားပါတယ်။
ကနဦး မတည်ရင်းနှီးငွေ အမေရိကန်ဒေါ်လာ ၄၅ မီလီယံ ကုန်ကျမှာဖြစ်ပြီး ဟီတာချီက မတည်ရင်းနှီးငွေရဲ့ ၅၁ ရာခိုင်နှုန်းကို ထည့်ဝင်မှာဖြစ်ပါတယ်။
၂၀၁၁ ခုနှစ် ဒီမိုကရေစီ အသွင်ကူးပြောင်းမှု ကာလနောက်ပိုင်း ခုလို နိုင်ငံခြား ကုမ္ပဏီနဲ့ စွမ်းအင် အခြေခံအဆောက်အအုံလုပ်ငန်း ဖက်စပ်လုပ်ကိုင်တာဟာ အစိုးရအနေနဲ့ ပထမဆုံး ခွင့်ပြုလုပ်ကိုင်တဲ့ လုပ်ငန်းတခု ဖြစ်လာလိမ့်မယ်လို့ ဂျပန်နိုင်ငံအခြေစိုက် Nikkei သတင်းဌာနက ပြောပါတယ်။
စိုးလျှပ်စစ်နဲ့ စက်မှုလုပ်ငန်းပိုင် ထရန်စဖော်မာစက်ရုံနှစ်ရုံဟာ ဟီတာချီနဲ့ ပူးပေါင်းလိုက်တဲ့ ဖက်စပ်စက်ရုံတွေ ဖြစ်လာမှာဖြစ်ပြီး ဟီတာချီကတော့ သူ့ရဲ့ကိုယ်ပိုင်နည်းပညာတွေ လွှဲပြောင်းသွားဖို့ စီစဉ်ထားတယ်လို့ သိရပါတယ်။
နှစ်ဘက်လုပ်ငန်းရှင်တွေဟာ ဒီနှစ်မကုန်ခင်မှာဘဲ ထရန်စဖော်မာတွေကို အမြန်ဆုံး ထုတ်လုပ်သွားနိုင်ဖို့ ရည်ရွယ်ထားတာပါ။
ဟီတာချီနည်းပညာသစ်နဲ့ ထုတ်လုပ်မယ့် ထရန်စဖော်မာတွေဟာ စွမ်းအင်လျော့ကျမှုကို ၄၀ ရာခိုင်နှုန်းထိ လျှော့ချပေးနိုင်မယ့် ကဏ္ဍသစ်တခုအဖြစ် မိတ်ဆက်နိုင်မယ်လို့ ဆိုပါတယ်။
စိုးလျှပ်စစ်နဲ့ စက်မှုလုပ်ငန်းဟာ မြန်မာနိုင်ငံ ထရန်စဖော်မာဈေးကွက်ရဲ့ ၃၀ ရာခိုင်နှုန်း ရရှိထားတယ်လို့ ခန့်မှန်းထားပါတယ်။
သူ့ရဲ့စက်ရုံလုပ်ငန်းတွေ ပြန်လည်ပြင်ဆင်ပြီး လာမယ့်ငါးနှစ်အတွင်း ထုတ်လုပ်မှု နှစ်ဆတိုးတက်ဖို့နဲ့ သူ့ရဲ့ရှယ်ယာပမာဏ ၄၀ ရာခိုင်နှုန်းထိ တက်လာဖို့ မျှော်မှန်းထားတယ်လို့ ဆိုပါတယ်။ ၂ နှစ်အကြာမှာ အိမ်နီးချင်းတွေဖြစ်တဲ့ ကမ္ဘောဒီးယားနဲ့ လာအိုနိုင်ငံတွေကို တင်ပို့နိုင်ဖို့လည်း ဆုံးဖြတ်ထားတယ်လို့ ပြောပါတယ်။
ဟီတာချီလုပ်ငန်းစုဟာ မြန်မာနိုင်ငံတွင်း လျှပ်စစ်ဓာတ်အား၊ သတင်းအချက်အလက်နဲ့ ရထားလမ်းတည်ဆောက်ရေး လုပ်ငန်းတွေမှာ လုပ်ကိုင်နေပြီး လာမယ့်ငါးနှစ်အတွင်း သူ့ရဲ့လုပ်ငန်းကနေ ပမာဏ ယန်း ၃၀ ဘီလီယံ (အမေရိကန်ဒေါ်လာ ၄၂ မီလီယံ) ထိ တိုးတက်လာဖို့ မျှော်လင့်ထားတယ်လို့ အဲဒီသတင်းမှာ ဖော်ပြပါတယ်။
အာရှဖွံ့ဖြိုးရေးဘဏ် (အေဒီဘီ) ရဲ့ထုတ်ပြန်ချက်အရ မြန်မာနိုင်ငံရဲ့ ပြည်တွင်းအသားတင် ထုတ်လုပ်မှု (ဂျီဒီပီ) ဟာ အရှေ့တောင်အာရှမှာ အမြင့်ဆုံးအဖြစ် ၈ ဒသမ ၃ ရာခိုင်နှုန်းထိ ရှိလာမယ်လို့ ဆိုပါတယ်။
စွမ်းအင်လိုအပ်ချက်ဟာလည်း အရှိန်အဟုန်နဲ့ နှစ်ဆလောက် မြင့်တက်လာနိုင်ပြီး ထရန်စဖော်မာ ၀ယ်လိုအားအနေနဲ့ ခန့်မှန်းခြေ နှစ်စဉ် ၁၇ ရာခိုင်နှုန်းထိ တိုးတက်လာနိုင်ပါတယ်။
လက်ရှိဈေးကွက်မှာတော့ အကြမ်းဖျင်းအနေနဲ့ အမေရိကန်ဒေါ်လာ ၆၀ မီလီယံလောက်ရှိနေပြီး ဒါဟာ ငါးနှစ်အတွင်း နှစ်ဆလောက် တက်လာမယ်လို့ ဆိုပါတယ်။
မြန်မာစစ်အစိုးရ အုပ်ချုပ်မှုအတောအတွင်း တရုတ်ထုတ် ထရန်စဖော်မာတွေဟာ နိုင်ငံတွင်း စံတခုအနေနဲ့ ရှိနေပေမယ့် အရည်အသွေး ညံ့ဖျင်းမှုတွေကြောင့် နိုင်ငံ့လိုအပ်ချက်နဲ့ မကိုက်ညီဘူးလို့ ဆိုပါတယ်။
ဒါပေမယ့်လည်း ခုချိန်မှာတော့ အမေရိကန်က စီးပွားရေးပိတ်ဆို့မှုတွေကို ရုပ်သိမ်းပြီးတဲ့ နောက်မှာတော့ ဂျီအီးနဲ့ ဂျာမန်အခြေစိုက် ဆီးမန်းစ်တို့လို လုပ်ငန်းကြီးတွေဟာ ဒီဈေးကွက်ထဲကို ၀င်လာနေပါပြီ။
ဟီတာချီကတော့ ပြည်တွင်းအဓိကကုမ္ပဏီနဲ့ ပူးပေါင်းလုပ်ဆောင်ပြီး ဈေးကွက်ကြီးထွားလာစေဖို့နဲ့ ဦးဆောင်နိုင်ဖို့ ရည်ရွယ်ထားတာပါ။
ီDVB

၂၀၁၅ ရွေးကောက်ပွဲအတွက် နိုင်ငံရေးပါတီများနှင့်ကိုယ်စားလှယ်လောင်းများဆိုင်ရာကျင့်ဝတ်များကိုနိုင်ငံရေးပါတီ(၆၇)ပါတီလက်မှတ်ရေးထိုး (ရုပ်/သံ)


၂၀၁၅ ရွေးကောက်ပွဲအတွက် နိုင်ငံရေးပါတီများနှင့်ကိုယ်စားလှယ်လောင်းများဆိုင်ရာကျင့်ဝတ်များ
ကိုနိုင်ငံရေးပါတီ(၆၇)ပါတီလက်မှတ်ရေးထိုး ။  EMG
 

ဗီဇပြောင်းလဲမှု အဆင့် ၁၄ ရှိ ဆေးမတိုးသည့် HIV ပိုးသစ်ကို မြန်မာလူမျိုး ထရပ်ကားမောင်းသူထံတွင် စစ်ဆေးတွေ့ရှိ



အရှုပ်ထွေးဆုံးနှင့် အန္တရာယ်အပေးနိုင်ဆုံး HIV ဗိုင်းရပ်စ်ပိုးတစ်မျိုးကို တရုတ်- မြန်မာနယ်စပ်ဒေသတွင် ပုံမှန်သွားလာနေသည့် ထရပ်ကား ယာဉ်မောင်းတစ်ဦး၏ ခန္ဓာကိုယ်အတွင်း တွေ့ရှိခဲ့ရသည်ဟု တရုတ်သိပ္ပံ ပညာရှင်များ၏ သုတေသနတွင် ဖော်ပြသည်။ ထိုတွေ့ရှိခဲ့သည့် HIV ပိုး၏ မျိုးဗီဇတွင် ပြောင်းလဲမှုအမှတ် ၁၄ ခုရှိခဲ့ပြီး လက်ရှိ တွေ့ရှိဖူးသမျှတွင် အများဆုံးဖြစ်သည်ဟု AIDS သုတေသနဆေးပညာဂျာနယ်တွင်ဖော်ပြသည်။

မျိုးဗီဇပြောင်းလဲခြင်းမှာ ရောဂါပိုးရှိသူတစ်ဦး၏ ခန္ဓာကိုယ်အတွင်း မတူညီ သည့် ရောဂါပိုးများ ပေါင်းစပ်ရာမှ ဖြစ်ပေါ်ခြင်းဖြစ်ကြောင်း သုတေသန အဖွဲ့က တွေ့ရှိခဲ့သည်။ မျိုးဗီဇပြောင်းလဲမှုအမှတ် အများအပြားတွေ့ ရှိရခြင်းမှာ ထိုယာဉ်မောင်းသည် HIV ရောဂါပိုး ရှိသူ ပြည့်တန်ဆာ အများအပြားနှင့် အကာအကွယ်မဲ့ လိင်ဆက်ဆံမှု ပုံမှန်ပြုလုပ် ရာမှ ရောဂါပိုးမျိုးကွဲများ ကူးစက်ခံရပြီး ဖြစ်ပေါ်လာခြင်းဖြစ်ဖွယ်ရှိသည်ဟု သုတေသနအဖွဲ့၏ အစီရင်ခံစာတွင် ဖော်ပြသည်။

ထိုယာဉ်မောင်းမှာ မြန်မာနိုင်ငံမြောက်ပိုင်းဇာတိဖြစ်ပြီး တရုတ်နိုင်ငံ၊ ယူနန်တောင်ပိုင်းနှင့် အခြားဒေသများသို့ မကြာခဏ ဖြတ်ကျော် ၀င်ရောက်နေသူဖြစ်သည်။ အိမ်နီးချင်းအိန္ဒိယနိုင်ငံ တွင် ဒေသခံပြည့် တန်ဆာများနှင့် ဆက်ဆံလေ့ရှိသည့် ထရပ်ကားယာဉ်မောင်းများ မှာ နိုင်ငံအတွင်း HIV ပျံ့နှံ့စေသည့် တွန်းအားများဖြစ်သည်ဟု မှတ်ယူ ထားသည်။

ထိုသုတေသနကို တရုတ်သိပ္ပံအကယ်ဒမီ၊ ကူမင်းသတ္တဗေဒအင်စတီကျုမှ ပါမောက္ခ ဇန်ယောင်တန်က ဦးဆောင်ပြုလုပ်ခဲ့ခြင်းဖြစ်သည်။ မြန်မာ- တရုတ်နယ်စပ်မှာ HIV ရောဂါပိုးမျိုးဗီဇပြောင်းလဲသည့် အဓိကနေရာ တစ်ခုဖြစ်နေသည်ဟု သုတေသနအဖွဲ့ကဆိုသည်။

ကူမင်းမှာ ယူနန်ပြည်နယ်၏ မြို့တော်ဖြစ်သည်။ သုတေသန အဖွဲ့ဝင် တစ်ဦးက “တရုတ်နဲ့ မြန်မာအစိုးရကြား ပူးပေါင်းဆောင်ရွက်မှု နည်းပါး တာက ဒေသတွင်း HIV ထိန်းချုပ်မှုနဲ့ ကာကွယ်မှု ပြုလုပ်ရာမှာ ခက်ခဲစေ ပါတယ်” ဟု ပြောကြားခဲ့သည်။ “ကျွန်တော်တို့ အခုတွေ့ရှိ ခဲ့တာ က ရေခဲတောင်ရဲ့ ထိပ်ပိုင်းပဲရှိပါတယ်။ ဟိုပြီး ရှုပ်ထွေးတဲ့၊ အန္တရာယ်ပေးနိုင် တဲ့ HIV မျိုးကွဲတွေ ပျံ့နှံ့နေနိုင်ပါတယ်” ဟု ၄င်းက ထပ်လောင်းပြောကြား သည်။

တရုတ်- မြန်မာ နယ်စပ်ဒေသမှာ မူးယစ်ဆေး ထုတ်လုပ် တင်ပို့ ရာ ဒေသအဖြစ် လူသိများပြီး HIV ကူးစက်ရန် အလွယ်ကူဆုံး နည်းလမ်း တစ်ခုဖြစ်သည့် မူးယစ်ဆေးထိုးသွင်းမှုပြုလုပ်သူ များပြား သည့် ဒေသလည်းဖြစ်သည်။ ကူးစက်မှုအန္တရာယ်မြင့်မားသည့် အခြားအုပ်စု တစ်ခုမှာ လိင်လုပ်သားများဖြစ်သည်။ ၄င်းတို့အား ကမ္ဘာတစ်ဝန်းရှိ အဝေးပြေး လမ်းမများတစ်လျှောက် ဟိုတယ်များ၊ အင်းများတွင် အလွယ်တကူ မြင်တွေ့နိုင်သည်။ ၄င်းတို့မှာ ငွေကြေးပိုမိုရရှိပါက ကွန်ဒုံး မသုံးဘဲ ဆက်ဆံရန် သဘောတူလေ့ရှိခြင်းက ပြဿ နာကို ဆိုးဝါးစေသည်။

သို့သော် HIV ပျံ့နှံမှုကို ထိန်းချုပ်တားဆီးရာတွင် အခက်အခဲအတွေ့ဆုံးမှာ ထရပ်ကားယာဉ်မောင်းများဖြစ်သည်ဟုဆိုသည်။ ၄င်းတို့မှာ တစ်နေရာမှ တစ်နေရာ ခရီးသွားနေသည့် နေထိုင်မှုပုံစံကြောင့် စုံစမ်းစောင့်ကြည့်ရန် ခက်ခဲစေသည်။ သုတေသနပညာရှင်တစ်ဦးက “သူတို့က တရုတ်နိုင်ငံရဲ့ ဘယ်မြို့ကိုမဆို သွားနိုင်ပြီး ရောဂါပိုး သယ်ဆောင်လာတာကို ဘယ်သူမှ မသိနိုင်ပါဘူး။ သူတို့ရပ်နားတဲ့ နေရာတိုင်းမှာ အကာအကွယ်မဲ့ လိင်ဆက်ဆံ မယ်ဆိုရင် အကျိုးဆက်က အလွန်ဆိုးဝါးနိုင်ပါတယ်” ဟု ပြောကြားခဲ့သည်။

တရုတ်ကုမ္ပဏီအများအပြားက နိုင်ငံခြားသားများအား အလုပ်ခန့်ရန် အလုပ်ဗီဇာခွင့်ပြုရန်အတွက် HIV စစ်ဆေးမှုအပါအ၀င် ကျန်းမာရေး စစ်ဆေးမှုများ ပြုလုပ်ရန် လိုအပ်သော်လည်း တရုတ်နိုင်ငံသားများကို မဖြစ်မနေ HIV စစ်ဆေးရန် ဥပဒေပြဋ္ဌာန်းထားခြင်းမရှိပေ။ ရှုပ်ထွေးသည့် HIV ဗိုင်းရပ်စ်မျိုးစိတ်တွေ့ရှိခြင်းက နယ်စပ်ဒေသ၌ HIV ရောဂါပိုးများ၏ ဇီဝမျိုးကွဲများအကြောင်း ပိုမိုနားလည်ရန် အရေးတကြီး လိုအပ်နေကြောင်း ပြသနေသည်ဟု သုတေသနစာတမ်းတွင် ဖော်ပြသည်။

KHTun
Ref - SCMP
http://www.scmp.com/…/deadly-new-hiv-strain-found-myanmar-t…

မြန်မာအိမ်ဖော်မလေးကို အကြိမ်ကြိမ်ညှင်းပန်းနှိပ်စက်ခဲ့သည့် စင်ကာပူအိမ်ရှင်အား ထောင် ၁၅ လ ချမှတ်

အိမ်ဖော်ဖြစ်သူအား အပူခံထားသည့် သတ္ထုယောက်မဖြင့် အပူလောင်စေမှု၊ သတ္ထု အသားကြိတ် ကိရိယာဖြင့် ရိုက်နှက်မှုတို့ကြောင့် ဇွန်လ ၂၅ ရက် ကြာသပတေးနေ့တွင် စင်ကာပူနိုင်ငံသူ အမျိုးသမီးတစ်ဦးအား ထောင်ဒဏ် ၁၅ လ ချလိုက်သည်ဟု စင်ကာပူနိုင်ငံထုတ်သတင်းစာများ က ဖော်ပြပါရှိသည်။

အိမ်ဖော်ဖြစ်သူအား နှိပ်စက်ငြင်းပန်းသည့် စွဲချက် ၃ ခုအတွက် အပြစ်ရှိကြောင်း ထွက်ဆိုပြီးနောက် အသက် ၃၄ နှစ်အရွယ် ဆူဂန်သီ ဂျာယာရာမန်သည် အသက် ၂၉ နှစ်အရွယ် မြန်မာ နိုင်ငံသား မနော်မူသင်ပေါ အား ဒေါ်လာ ၄၉၀၀ လျော်ကြေးငွေ ပေးဆောင်ရန် အမိန့်ချမှတ်ခံရပါသည်။

အိမ်ဖော်အကူ ချက်ပြုတ်သည့် ဟင်းများကို စိတ်ကျေနပ်မှု မရှိသောကြောင့် ၂၀၁၃ စက်တင်ဘာ ၂၈ ရက်တွင် ၀ုလန်းအရပ်ရှိ သူမ၏ တိုက်ခန်းမီးဖိုချောင်အတွင်း အိမ်ဖော်ဖြစ်သူအား ဤသို့ အပူလောင်စေခြင်းဖြစ်သည်ဟု တရားရုံးက ကြားနာခဲ့ရသည်။ အိမ်ဖော်၏ ၀ဲဘက် ခြေသလုံးနှင့် ကျောတို့တွင် အပူမတိုက်ခင် ၁၈ စင်တီမီတာ ရှည်လျားသော သတ္တု ယောက်မကို သူမက အပူပေးခဲ့သည်ဟု ထွက်ဆိုပါသည်။

ဒဏ်ရာအား ဖုံးကွယ်ရန် မနော်မူသင်ပေါ အား ဘောင်းဘီရှည် ၀တ်ဆင်ရန် ပြောကြားခဲ့ပြီး မည်သည့် ဆေးဝါး ကုသမှုကိုမျှ မပြုလုပ်ခဲ့ချေ။

၂၀၁၃ စက်တင်ဘာ ၂၀ အစောပိုင်းအချိန်ကလည်း မတ်ပဲကြော်ကို အမြန် ကြော်ချက်နိုင်ခြင်း မရှိဟုဆိုကာ အိမ်ဖော်ဖြစ်သူ မနော်မူသင်ပေါ အား မကျေမနပ်ဖြစ်ခဲ့သေးပြီး ထိုစဉ်က ဆူဂန်သီသည် သတ္ထု ကျည်ပွေ့ဖြင့် အိမ်ဖော်အား ခေါင်းနောက်စေ့တွင်လည်းကောင်း၊ ယာဘက် မျက်ခုံးရိုး အနီးတွင်လည်းကောင်း ထုနှက်ခဲ့သည်ဟု ဆိုပါသည်။

မနော်မူသင်ပေါ မှာ သွေးအလွန်အကျွံ ထွက်ခဲ့သော်လည်း ကုသမှု မရရှိခဲ့ချေ။ ထိုသို့ ဖြစ်ပွားစဉ် ဆူဂန်သီ၏ ခင်ပွန်းဖြစ်သူမှာ အနီးအနားတွင် ရှိနေခဲ့သော်လည်း ၀င်ရောက်စွက်ဖက်ခြင်း မရှိခဲ့ချေ။

မနော်မူသဲပေါအား သွေးစွန်းနေသော သူမ၏ ရှပ်အင်္ကျီကို လွင့်ပစ်စေပြီး ဆက်လက် ကြော်လှော်ရန် စေခိုင်းခံခဲ့ရသည်။ ဒဏ်ရာများကို ဆေးလိမ်း သန့်စင်ခြင်းပင် မပြုစေပဲ မတ်မဲကြော်ကို အမြန် ပြီးအောင် ကြော်ရန်နှင့် ဆူဂန်သီနှင့် ခင်ပွန်းသည်တို့ ဖွင့်လှစ်ထားသည့် မီနီမတ်သို့ ရောင်းရန် မတ်ပဲကြော်များ ပို့ရန် ပြောကြားခဲ့သည်။

ထိုသို့ ဖြစ်ပွားပြီး ၈ ရက်မြောက်နေ့တွင် နှိပ်စက်ခံထားရသူ ချက်သည့် ဟင်းအပေါ် မကျေမနပ် ဖြစ်ကာ သူမ၏ ၀ဲဘက်နားနှင့် ဗလာကျင်းကျောပြင်တွင် ပူကျက်နေသော သတ္ထု ယောက်မဖြင့် အပူတိုက်ခဲ့ခြင်း ဖြစ်သည်။

နောက် ၂ ရက်ကြသောအခါ စက်တင်ဘာ ၃၀ ရက်နေ့တွင်လည်း အိမ်အလုပ်များ ပြီးစီးပြီး နံနက် ၄ နာရီတွင်မှ အလုပ်လက်စသတ်ပြီးမှ အိပ်စက်ခဲ့သည့်အတွက် ဆူဂန်သီ၏ သမီးအား နံနက် ၆ နာရီခွဲ အချိန်တွင် ကျောင်းမပို့နိုင်သည့်အတွက် မနော်မူသဲပေါ ၀ဲဘက် မျက်လုံးတွင် ရိုက်နှက်ခဲ့သေးသည်ဟု ဆိုပါသည်။

ထို့နောက် အောက်တိုဘာ ၃ ရက်နေ့တွင် မနော်မူသင်ပေါ ထွက်ပြေးခဲ့ပြီး ရဲသို့ တိုင်ကြားခဲ့သည်။

ဆူဂန်သီ၏ အပြုအမူများသည် ပိုဆိုးသထက် ဆိုးလာခဲ့ကြောင်း အိမ်ဖော်အား နာကျင်စေရန် ကျည်ပွေ့နှင့် အပူပေးထားသည့် ယောက်မအသုံးပြုခြင်းသည် အလွန်ရက်စက်ပြီး လူသား မဆန်ကြောင်း ခရိုင် တရားသူကြီး ခရစ္စတိုဖာ ဂိုက ပြောကြားသွားခဲ့သည်။

အနိုင်ကျင့်ခံထားရသူ ထွက်မပြေးမီ ၃ လအတွင်း မလျော်ညင်းပန်းမှုများ ဖြစ်ပွားခဲ့ခြင်းဖြစ်သည်ဟု တရားသူကြီးက မှတ်သားထားခဲ့သည်။

ဆူဂန်သီ၏ အပြုအမူများသည် ရည်ရွယ်ချက်ရှိရှိ လုပ်ဆောင်ခြင်း၊ နာကျင်စေလိုသော ဆန္ဒဖြင့် လုပ်ဆောင်ခြင်း၊ အိမ်ဖော်အမျိုးသမီး၏ အကျိုးခံစားခွင့်နှင့် ဂုဏ်သိက္ခာကို လေးစားမှု အလွန် ကင်းမဲ့ကြောင်း ပြသခြင်း စသည့် စွပ်စွဲချက်များကို တရားသူကြီးက သဘောတူညီခဲ့ပါသည်။

“ကျွန်တော့် အမြင်မှာတော့ ခင်ဗျားက အနိုင်ကျင့်ခံထားရသူကို လူသားအချင်းချင်း တစ်ယောက် ဆိုတာထက် ခင်ဗျားပိုင် ပစ္စည်းတစ်ခုလို သဘောထားလိုဟန် ရှိတယ်။”

“အလုပ်ရှင်တစ်ဦးဟာ သူတို့ရဲ့ အလုပ်သမားတစ်ဦးတစ်ယောက်အပေါ်မှာ နာကျင်မှု ပြုလုပ်သင့်ကြောင်း တရားဝင် ပြဌာန်းထားတဲ့ အကြောင်းတရား မရှိပါဘူး။ သူတို့တွေဟာ နိုင်ငံရပ်ခြား နိုင်ငံမှာ အလုပ်လုပ်နေကြတာ ဖြစ်တာကြောင့် အခွင့်အရေး နည်းပါးတဲ့ အလုပ်သမားတွေ အပေါ်လည်း ဒီလို ပြုမူဖို့ ခွင့်မပြုထားပါဘူး။” ဟု တရားသူကြီးက တရားခွင်တွင် ပြောကြားခဲ့သည်။

ညှင်းဆဲစော်ကားမှု ဖြစ်ပေါ်စေခြင်းသည် စင်ကာပူ လူ့အဖွဲ့အစည်း၏ ၀မ်းနည်းစရာ တန်ပြန် သက်ရောက်မှု ဖြစ်ကြောင်း တရားသူကြီးက ပြောကြားခဲ့ပြီး ဆူဂန်သီအား ထောင်ဒဏ် ၁၅ လ အပါအ၀င် ငွေဒဏ်ကိုပါ ပူးတွဲချမှတ်ခဲ့သည်။

PKT
Ref - Straits Times
The Ladies News Journal

ပါတီတွေ ကျင့်ဝတ်ဖောက်ဖျက်ရင် အရေးယူမယ်လို့ ဦးတင်အေး သတိပေး

နိုင်ငံရေးပါတီတွေနဲ့ ပြည်ထောင်စု ရွေးကောက်ပွဲကော်မရှင် ဥက္ကဌ ဦးတင်အေး၊ဇွန်လ ၂၆ ရက်နေ့က တွေ့ဆုံစဉ် Photo: Kyaw Htoon Naing/RFA


နိုင်ငံရေးပါတီများမှဥက္ကဋ္ဌများနှင့် ခေါင်းဆောင်များ လက်မှတ်ရေးထိုးကြစဉ် ။Photo-Lwintmgmg Daily News

လာမယ့်၂ဝ၁၅ ရွေးကောက်ပွဲမှာ နိုင်ငံရေးပါတီတွေနဲ့ လွှတ်တော် ကိုယ်စားလှယ်လောင်းတွေ လိုက်နာရမယ့် ကျင့်ဝတ်တွေကို နိုင်ငံရေးပါတီတွေနဲ့ ပြည်ထောင်စု ရွေးကောက်ပွဲကော်မရှင်တို့ ဒီနေ့ လက်မှတ်ရေးထိုး ထုတ်ပြန်လိုက်ပါတယ်။

လက်မှတ်ရေးထိုးပွဲကို ရန်ကုန်မြို့ နိုဗိုတယ်ဟိုတယ်မှာကျင်းပရာ ပြည်ထောင်စု ရွေးကောက်ပွဲကော်မရှင် ဥက္ကဌ ဦးတင်အေးက အခုထုတ်ပြန်လိုက်တဲ့ ကျင့်ဝတ်တွေကို ဖောက်ဖျက်ရင် တည်ဆဲဥပဒေတွေနဲ့ အရေးယူသွားမှာ ဖြစ်ကြောင်း ပြောခဲ့ပါတယ်။

"ပြောသင့်တာတွေပြောရမှန်း မပြောသင့်တာတွေ မပြောရမှန်း တားမြစ်ချက်လေးတွေပါတယ်၊ ဒါမျိုးကိုမလုပ်ပါနဲ့ ဒါမျိုးကိုလုပ်ပါဆိုတဲ့သဘောမှာ ဒီလိုဟာမျိုးတွေကို ကျနော်တို့က ကျင့်ဝတ်ပါပဲ၊ ဥပဒေဟာ ဥပဒေပေါ့ ဥပဒေကလည်းရှိပါတယ်နော်၊ ဒါတွေကို ကျင့်ဝတ် ကိုယ့်အသိစိတ်နဲ့ ယှဉ်ပြီးတော့မလုပ်ဘူး၊ အသိစိတ်ယှဉ်ပြီး ကောင်းနိုင်သလောက် ပူးပေါင်းပြီးလုပ်ကြပါဆိုတဲ့ နားလည်မှုကျင့်ဝတ်တွေပါပဲ၊ အဲ့ဒါကြောင့် သူတို့လိုက်နာပါ၊ ဒီလိုမလိုက်နာဘူးဆိုလို့ရှိရင်တော့ ဥပဒေကြောင်းနဲ့ငြိရင်တော့ တည်ဆဲဥပဒေအရ အရေးယူမှာပေါ့နော်"

ထုတ်ပြန်လိုက်တဲ့ ကျင့်ဝတ်တွေမှာ မဲဆွယ်စည်းရုံးတဲ့အခါ ပါတီအချင်းချင်း မပုတ်ခတ်ဖို့၊ အကြမ်းဖက်မှုဖြစ်အောင် မလှုံ့ဆော်ဖို့၊ လူ့အဖွဲ့အစည်းအကြား တင်းမာမှုတွေ အမုန်းပွားမှုတွေ မဖြစ်စေဖို့၊ ဘာသာရေးကို နိုင်ငံရေးအတွက် အလွဲသုံးစားမပြုဖို့၊ လူမျိုးရေး ခွဲခြားဆက်ဆံပြောဆိုမှုတွေ မလုပ်ဖို့ စတာတွေကို တားမြစ်ထားပါတယ်။

ဒါ့အပြင် အုပ်ချုပ်ရေးအဖွဲ့အစည်းတွေ၊ ဘာသာရေးအဖွဲ့အစည်းတွေနဲ့ ပုဂ္ဂလိကအဖွဲ့အစည်းတွေရဲ့ ငွေကြေးနဲ့ လူအင်အားကို အလွဲသုံးစားမပြုဖို့၊ မီးတုတ်၊ ခဲယမ်း၊ တုတ်၊ ဓား စတဲ့ လက်နက်တွေ မကိုင်ဆောင်ဖို့၊ ငွေကြေး သို့မဟုတ် လက်နက်နဲ့ မခြိမ်းခြောက်ဖို့၊ ရွေးကောက်ပွဲ စောင့်ကြည့်လေ့လာသူတွေနဲ့ သတင်းသမားတွေကို မတားမြစ်ဖို့ စတဲ့အချက်တွေ ပါဝင်ပါတယ်။

အဲ့ဒီကျင့်ဝတ်တွေကို နိုင်ငံရေးပါတီတွေကိုယ်တိုင် ပါဝင်ရေးဆွဲပြီး ထုတ်ပြန်တာဖြစ်တယ်လို့ သိရပါတယ်။

အခမ်းအနားကို တရားဝင်မှတ်ပုံတင်ထားတဲ့ အမျိုးသားဒီမိုကရေစီအဖွဲ့ချုပ်၊ ပြည်ထောင်စုကြံ့ခိုင်ရေးနဲ့ ဖံွ့ဖြိုးရေးပါတီ၊ တိုင်းရင်းသား စည်းလုံးညီညွတ်ရေးပါတီ၊ အမျိုးသား ဒီမိုကရေစီအင်အားစု၊ ဝ ဒီမိုကရက်တစ်ပါတီ၊ ရခိုင်အမျိုးသားပါတီ ၊ထားဝယ်တိုင်းရင်းသားများပါတီ စတဲ့နိုင်ငံရေးပါတီ ၆၇ ပါတီက ခေါင်းဆောင်တွေ တက်ရောက်လက်မှတ်ရေးထိုးခဲ့ပါတယ်။

RFA Burmese

ဇွန်လ ၂၇ ရက်နေ့ထုတ် သတင်းစာများနှင့် ဂျာနယ်များ

ဇွန်လ (၂၇)ရက်နေ့ ထုတ် အင်အား အားကစား ဂျာနယ် အတွဲ(၂၇) အမှတ်(၁၀)

ဇွန်လ (၂၇)ရက်နေ့ ထုတ် အင်အား အားကစား ဂျာနယ် အတွဲ(၂၇) အမှတ်(၁၀) ဂျာနယ် ဖတ်ရှုရန် ဒီနေရာကို နှိပ်ပါ

ဇွန်လ (၂၆)ရက်နေ့ ထုတ် 8 Days Journal Vol 7 No 11

ဇွန်လ (၂၆)ရက်နေ့ ထုတ် 8 Days Journal Vol 7 No 11 ဂျာနယ် ဖတ်ရှုရန် ဒီနေရာကို နှိပ်ပါ

ဇွန်လ (၂၇)ရက်နေ့ ထုတ် မြန်မာ့အလင်း နေ့ စဉ် သတင်းစာ

ဇွန်လ (၂၇)ရက်နေ့ ထုတ် မြန်မာ့အလင်း နေ့ စဉ် သတင်းစာ သတင်းစာ ဖတ်ရှုရန် ဒီနေရာကို နှိပ်ပါ

ဇွန်လ (၂၇)ရက်နေ့ ထုတ် ကြေးမုံ နေ့ စဉ် သတင်းစာ

ဇွန်လ (၂၇)ရက်နေ့ ထုတ် ကြေးမုံ နေ့ စဉ် သတင်းစာ သတင်းစာ ဖတ်ရှုရန် ဒီနေရာကို နှိပ်ပါ

ဇွန်လ (၂၇)ရက်နေ့ ထုတ် ပြည်ထောင်စု နေ့ စဉ် သတင်းစာ

ဇွန်လ (၂၇)ရက်နေ့ ထုတ် ပြည်ထောင်စု နေ့ စဉ် သတင်းစာ သတင်းစာ ဖတ်ရှုရန် ဒီနေရာကို နှိပ်ပါ

ဇွန်လ (၂၆)ရက်နေ့ ထုတ် The Messenger Daily Newspaper

ဇွန်လ (၂၆)ရက်နေ့ ထုတ် The Messenger Daily Newspaper သတင်းစာ ဖတ်ရှုရန် ဒီနေရာကို နှိပ်ပါ

Friday, June 26, 2015

ဒေါ်လာ ၂၄၄ သန်းကျော် တန်ဖိုးရှိ မူးယစ်ဆေးဝါးများ မြန်မာမီးရှို့ဖျက်ဆီး


ဇွန်လ ၂၆ ရက်မှာ ကျရောက်တဲ့ အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမ၀င်ရောင်းဝယ်မှု တိုက်ဖျက်ရေးနေ့ အထိမ်းအမှတ် မြန်မာနိုင်ငံမှာ အမေရိကန် ဒေါ်လာ ၂၄၄ သန်းကျော် တန်ဖိုးရှိ မူးယစ်ဆေးဝါးတွေ မီးရှို့ဖျက်ဆီးလိုက်ပါတယ်။
ရန်ကုန် မန္တလေးနဲ့ ရှမ်းပြည်နယ် ထောင်ကြီးမြို့တွေမှာ နိုင်ငံတ၀န်း ဖမ်းဆီးရမိထားတဲ့ မူးယစ်ဆေးဝါးတွေနဲ့ ဆက်စပ်ပစ္စည်းတွေကို အခမ်းအနားနဲ့ မီးရှို့ဖျက်ဆီးခဲ့တာဖြစ်ပါတယ်။
ရန်ကုန်မြို့မှာ မီးရှို့ဖျက်ဆီးတဲ့ မူးယစ်ဆေးဝါးပမာဏက အမေရိကန်ဒေါ်လာ ၁၅၅ ဒသမ ၈၃၉၂ သန်း၊ မန္တလေးမှာ ၆ ဒသမ ၇၃၀၉ သန်း၊ တောင်ကြီးမှာတော့ ၈၂ ဒသမ ၀၈၄၃ သန်း စုစုပေါင်း ဒေါ်လာ ၂၄၄ ဒသမ ၆၅၄၄ သန်း၊ မြန်မာကျပ်ငွေနဲ့ဆိုရင် ကျပ်သန်းပေါင်း ၂၇၇၆၈၂ ဒသမ ၈၃၄၀ တန်ဖိုးရှိတယ်လို့ မြန်မာနိုင်ငံ မူးယစ်ဆေးဝါး တားဆီးနှိမ်နင်းရေး ဌာနမှူး ရဲမှူးကြီးမြင့်ဦးက ဒီဗွီဘီကိုပြောပါတယ်။
“ကျနော်တို့ မနှစ်ကထက်စာရင် အမေရိကန်ဒေါ်လာ သန်း ၁၀၀ ကျော်ကျော်ဖိုးလောက် ကျနော်တို့ ပိုမိုဖျက်ဆီးနိုင်တယ်ပေါ့နော်။ တားဆီးနှိမ်နင်းအားလည်း တအားကောင်းလာတယ်ပေါ့နော်။ ထူးထူးခြားခြား ဒီနှစ်မှာတော့ တားဆီးနှိမ်နင်းရေးတွေကို ၂၀၁၃ မှာ ကျနော်တို့ရဲ့ မူးယစ်ဗဟိုရုံးနဲ့ မူးယစ်ဆေးဝါးပပျောက်ရေး ဌာနကြီးကို မူးယစ်ဆေးဝါး ထားဆီးနှိမ်နင်းရေး ရဲတပ်ဖွဲ့ဆိုပြီး တိုးချဲ့လိုက်တယ်။ တားဆီးနှိမ်နင်းရေး ၂၆ ဖွဲ့ကို ကျနော်တို့က ၅၀ အထိ တိုးချဲ့ပြီးတော့ တားဆီးနှိမ်နင်းရေးလုပ်ငန်းတွေ ပိုမိုကျယ်ကျယ်ပြန့်ပြန့် အရှိန်အဟုန်မြှင့် ဆောင်ရွက်တယ်။ ဆောင်ရွက်တဲ့နေရာမှာ မူးယစ်ဆေးဝါးကို နေရာအနှံ့ပေါ့၊ တားဆီးနှိမ်နင်းရေးကို စစ်ဆင်ရေးအသွင်နဲ့ ၂၀၁၃ ခုနှစ်ကနေ ၂၀၁၅ အထိ စစ်ဆင်ရေး ၁၁ ခုလုပ်ခဲ့တယ်။”
မီးရှို့ဖျက်ဆီးတဲ့ မူးယစ်ဆေးတွေထဲမှာ ဘိန်းကီလို ၁၂၅၀ ကျော်၊ ဘိန်းဖြူ ကီလို ၅၁၇ နီးပါး၊ အဆင့်နိမ့်ဘိန်း ကီလို ၁၀၀ နီးပါး၊ ဘိန်းဆီခဲ ၇၈ ကီလိုနီးပါး၊ ဆေးခြောက် ၁၂၈ ကီလိုနီးပါး၊ စိတ်ကြွရူးသွပ်ဆေးပြား ကီလို ၁၂၄၂ ကျော်၊ အိုက်စ် မူးယစ်ဆေးဝါး ကီလို ၁၄၅၀ ကျော် စသဖြင့် ပါဝင်ပါတယ်။
မြန်မာတနိုင်ငံလုံးမှာ ရှမ်းပြည်နယ်ဟာ ဘိန်းစိုက်ပျိုးမှုနဲ့ မူးယစ်ဆေးဝါးထုတ်လုပ်မှု အများဆုံးဖြစ်တယ်လို့ ရှမ်းပြည်နယ် မူးယစ်ရဲတပ်ဖွဲ့က ပြောပါတယ်။
ရှမ်းပြည်နယ်မှာ နယ်မြေတည်ငြိမ်အေးချမ်းမှု မရသေးတာကြောင့်ရယ်၊ ဝေးလံခေါင်ဖျား သွားရေးလာရေး ခက်ခဲတာကြောင့် ဘိန်းစိုက်ပျိုးမှုတွေ၊ မူးယစ်ဆေးဝါး ထုတ်လုပ်မှုတွေ များပြားနေတာလို့ မြန်မာနိုင်ငံ မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့ ရှမ်း၊ ကယား ဧရိယာ တပ်ဖွဲ့ခွဲမှူး ဒု-ရဲမှူးကြီး ရွှေညာမောင်က ဒီဗွီဘီကို ပြောပါတယ်။
“ဒီနှစ်ထဲမှာ ဖမ်းဆီးရရှိမှု အများဆုံးကတော့ ကျနော်တို့ဆီကပဲ ဖြစ်ပါတယ်။ အထူးသဖြင့် ရှမ်းပြည်နယ် ရွှေတြိဂံဒေသ၊ မိုင်းဆတ်ခရိုင်၊ တာချီလိတ်ခရိုင်၊ ရှမ်းပြည်တောင်ပိုင်း၊ ရှမ်းပြည်မြောက်ပိုင်း၊ လောက်ကိုင်ဒေသ အပါအ၀င်ပေါ့၊ ဘိန်းစိုက်ပျိုးမှုမှာ အများဆုံးကတော့ ရှမ်းပြည်တောင်ပိုင်းမှာ ဖြစ်ပါတယ်။ ဒုတိယက အရှေ့ပိုင်း၊ ပြီးမှ မြောက်ပိုင်း၊ အဓိကက နယ်မြေတည်ငြိ်မ်အေးချမ်းမှုမရှိတာ၊ သွားလာရေးခက်တဲ့ ဝေးလံခေါင်ဖျားဒေသနဲ့ ဘိန်းတောင်သူတွေက နှစ်ရှည်လများ မိရိုးဖလာ သက်မွေးဝမ်းကျောင်းစိုက်ပြီး ဘိန်းကလွဲလို့ တခြားဟာ မစိုက်တတ်တာလည်းပါတယ်။”
ဘိန်းစိုက်ပျိုးမှု ပပျေက်ရေးအတွက် ဘိန်းအစားထိုးသီးနှံ စိုက်ပျိုးရေး စီမံကိန်းတွေကို ရှမ်းပြည်တောင်ပိုင်း ဟိုပုန်း၊ လွိုင်လင်၊ ဆီဆိုင်၊ တာချီလိတ်၊ မိုင်းဆတ်၊ ကောင်းခါး၊ တာမိုးညဲ စတဲ့ဒေသတွေမှာ ဆောင်ရွက်နေပြီး အခြားဒေသတွေမှာပါ ဆောင်ရွက်နိုင်ဖို့ နိုင်ငံတကာရဲ့ အကူအညီနဲ့ ဆက်လက်ဆောင်ရွက်သွားမယ်လို့ သူကဆက်ပြောပါတယ်။
ဒီကနေ့ ကျရောက်တဲ့ အပြည်ပြည်ဆိုင်ရာ မူးယစ်ဆေးဝါး တိုက်ဖျက်ရေးနေ့မှာ ချင်း၊ ရှမ်း၊ ၀ စတဲ့ တိုင်းရင်းသားလက်နက်ကိုင်တပ်ဖွဲ့ ထိန်းချုပ်နယ်မြေတွေမှာလည်း ဖမ်းဆီးရမိ မူးယစ်ဆေးဝါးတွေ မီးရှို့ဖျက်ဆီးပစ်ခဲ့ကြပါတယ်။
DVB

ရွှေစင်စကြ်ာ Express အမြန်လမ်းမကြီးမှာ တစ်ပတ်လိမ့်ပြီး တိမ်းမှောက်



၂၀၁၅-ခုနှစ် ဇွန်လ ၂၆ ရက်နေ့ နံနက်(၀၅း၃၀)နာရီအချိန်ခန့် ရန်ကုန်-မန္တလေးအမြန်လမ်းမကြီး မိုင်တိုင်အမှတ် ၂၅၁/၁ နှင့် ၂၅၁/၂ ကြား နေပြည်တော်မှ မန္တလေးသို့ (အသွားလမ်း)၌ ဦးအေးမင်း၊ အသက်(၄၁) နှစ်(ဘ) ဦးမြသန်း ၊ (၁၅)ရပ်ကွက်၊ ရွှေပေါက်ကံ ၊ ရန်ကုန်နေသူ မောင်းနှင်လာသည့် ယာဉ်အမှတ် 5J/ 5623 ရွှေစင်စကြ်ာ Express (အစိမ်းရောင်) ယာဉ်သည် အရှိန်မထိန်းနိုင်ဘဲ လမ်းလယ်ကျွန်းရှိ Concrete Barrier တုံးနှင့် Road Curb တုံးများအား ဝင်တိုက်မိကာ တစ်ပတ်လိမ့်ပြီး လမ်းလယ်ကျွန်းပေါ်အတည့်ပြန်ကျ၍ ရပ်တန့်ခဲ့သော ယာဉ်မတော်တဆမှု ဖြစ်ပွားခဲ့ပါသည်။

အဆိုပါ (Express)ယာဉ်ပေါ်တွင် ကျား (၉)ဦး၊ မ(၁)ဦး၊ စုစုပေါင်း ခရီးသည်(၁၀)ဦး စီးနင်းလိုက်ပါခဲ့ရာတွင် ယာဉ်မတော်တဆမှုကြောင့် ကျား(၇)ဦး၊ မ(၁)ဦး အနည်းငယ်စီထိခိုက်ဒဏ်ရာရရှိခဲ့သဖြင့် ညောင်ကုန်းဆေးရုံသို့ ပို့ဆောင်ပေးခဲ့ပါသည်။ 5J/5623 ရွှေစင်စကြ်ာမှန်လုံယာဉ်မှာ ရှေ့လေကာမှန်ကွဲ၊ ရှေ့ခေါင်းပိုင်းတွန့်ကြေ၊ ကိုယ်ထည်ယာဘက်ခြမ်းပိန်ချိုင့်၊ ယာဘက်တံခါးမှန်များကွဲသွားခဲ့ပါသည်။

၎င်းယာဉ်မတော်တဆမှုကြောင့် Concrete Barrier တုံး(၁၂)တုံးနှင့် Road Curb (၁၅၀)'ပေ ပျက်စီးသွားပြီး အမြန်လမ်း ပေပင်လေးရဲစခန်းမှ အမှုဖွင့်ရေးယူဆောင်ရွက်လျက်ရှိပါသည်။

Yangon-Mandalay Expressway

Thursday, June 25, 2015

ဖမ်းဆီးထိန်းသိမ်းထားသော ဘင်္ဂလာဒေ့ရှ် ဘီဂျီဘီ အရာရှိကို လွဲပြောင်းလိုက်ပြီ



ရန်ကုန်၊ ဇွန်လ ၂၅

ယနေ့ မောင်တောမြို့တွင် ပြုလုပ်သော မြန်မာ-ဘင်္ဂလာဒေ့ရှ် နှစ်နိုင်ငံ တပ်မှူးအဆင့် အလံတင် အစည်းအဝေးတွင် မြန်မာဘက်က ဖမ်းဆီးထိန်းသိမ်းထားသော ဘီဂျီဘီ အရာရှိ မစ္စတာ နာယက် ရာဇက်ကို လွဲပြောင်း ပေးလိုက်ပြီ ဖြစ်သည်ဟု မောင်တောခရိုင် အထွေထွေ အတွင်းရေးမှူးက အတည်ပြု ပြောကြားသည်။

“ ဒီကနေ့ မောင်တောမြို့ ဒေ၀ါနဒီ ခန်းမမှာ ပြုလုပ်တဲ့ တပ်မှူး အဆင့် အလံတင် အစည်းအဝေးမှာ လွဲပြောင်းပေးအပ်လိုက်တာ ဖြစ်ပါတယ်” ဟု သူက ဆိုသည်။

မစ္စတာ နာယက် ရာဇက်ကို မြန်မာဘက်က ရှစ်ရက် ကြာထိန်းသိမ်းထားပြီးနောက် နှစ်နိုင်ငံ ချစ်ကြည် ရင်းနှီးမှု အရ တစ်စုံတစ်ရာ အရေးယူခြင်း မရှိဘဲ သူနှင့် အတူ ဖမ်းဆီးရမိသော လက်နက်ခဲယမ်းမီးကျောက်များနှင့် အတူ ပြန်လည် လွဲပြောင်း ပေးအပ်လိုက်ခြင်း ဖြစ်သည်။

ယနေ့ ပြုလုပ်သော အစည်းအဝေးသို့ ဘင်္ဂလာဒေရှ့်နိုင်ငံ တက်ကနက် အခြေစိုက် အမှတ် ၄၂ ဘီဂျီဘီ တပ်ရင်းမှူး ဗိုလ်မှူးကြီး Abu Jar al Zahid ဦးဆောင်သော ကိုယ်စားလှယ် ခုနှစ်ဦး အဖွဲ့က တက်ရောက်ခဲ့ပြီး မြန်မာဘက်ကတော့ အမှတ် (၂) နယ်ခြားစောင့်တပ်ဖွဲ့ ရဲမှူးကြီး သီဟန် ဦးဆောင်သော ကိုယ်စားလှယ် အဖွဲ့ တက်ရောက်ခဲ့သည်။

Narinjara

လူသတ်ရန် ကြိုးပမ်းမှုဖြင့် မြန်မာ ၃ ဦး အဖမ်းခံထားရပြီး တစ်ဦးမှာ လွတ်မြောက်နေဆဲ ဖြစ်ဟု စင်ကာပူရဲတပ်ဖွဲ့ ပြောကြား



စင်္ကာပူနိုင်ငံတွင် လွှဖြတ်စက်၊ အသားကြိတ်စက်၊ သားခုတ်ဓားများ၊ စဥ့်တီတုံးများ သိမ်းဆည်းရမိခြင်း နှင့်အတူ တစ်နိုင်ငံတည်းသားဖြစ်သူ တစ်ဦးကို သတ်ဖြတ်ရန် ကြံစည်မှုဖြင့် မြန်မာ အမျိုးသား ၃ ဦးအား ဗုဒ္ဓဟူးနေ့တွင် ဖမ်းဆီး စွဲချက်တင်လိုက်ကြောင်း စင်ကာပူ အေးရှားဝမ်း သတင်းစာက ယနေ့ ဖော်ပြခဲ့သည်။

စင်္ကာပူတွင် အမြဲတမ်းနေထိုင်ခွင့် ရရှိသူ အေးမောင်မောင်သက် (၂၈နှစ်) အား သတ်ဖြတ်ရန် ကြံစည်မှုဖြင့် မြန်မာနိုင်ငံသားများဖြစ်ကြသည့် ရဲဝင့်အုန်း (၃၂နှစ်)၊ ဖြိုးမင်းနိုင် (၃၁နှစ်)၊ စင်္ကာပူတွင် အမြဲတမ်း နေထိုင်ခွင့် ရထားသူ ဇော်မင်းလှိုင် (၃၇နှစ်) တို့ကို ခရိုင်တရားရုံးတွင် တရားစွဲ ဆိုလိုက်ခြင်း ဖြစ်သည်။


စတုတ္ထမြောက် သံသယရှိသူ အသက် ၂၉ နှစ်အရွယ် မြန်မာနိုင်ငံသား ၀င်းကျော်ကျော်အောင်မှာ တနင်္လာနေ့ နံနက်တွင် စင်္ကာပူနိုင်ငံမှ ထွက်ခွာ လွတ်မြောက်သွားကြောင်း ရဲတပ်ဖွဲ့က ပြောကြားခဲ့သည်။

လက်ရှိ ဖမ်းမိထားသည့် မြန်မာ အမျိုးသား ၃ ဦးကို ဤကျူးလွန် မှုကြောင့် ထောင်ဒဏ် ၁၄ နှစ်နှင့် ငွေဒဏ်ပြစ်ဒဏ်ချမှတ် ခံရနိုင်ကြောင်း သိရှိရသည်။

တနင်္ဂနွေ ညနေခင်းအချိန် မြို့စွန်ကားရပ်နားရာ နေရာတစ်ခုတွင် အဆိုပါ အမျိုးသား ၄ ဦးတို့က အေးမောင်မောင်သက်အား တစ်နေရာသို့ အတင်း အဓမ္မခေါ်ဆောင်ရန် ကြိုးစားခဲ့ကြရာတွင် ၎င်းတို့ထဲမှ နှစ်ဦးက သူ့အား လှုပ်ရှားမှု ရပ်တန့်စေနိုင် သည့် လျှပ်စစ်ကျင်စက်ဖြင့် တိုက်ခိုက် ခဲ့ကြောင်း တရားရုံးမှတ်တမ်းများက ဆိုထားပါသည်။

သို့သော် အေးမောင်မောင်သက်က အော်ဟစ် အကူအညီတောင်း သံကြောင့် ဖြတ်သွား ဖြတ်လာသူများ သတိပြုမိသောအခါ တွင် ထိုသူ လေးယောက် ထွက်ပြေးသွားကြသည်။

အခင်းဖြစ်ပွားပြီး နောက်တစ်နေ့တွင် ထိုသူတို့အား ဖမ်းဆီး လိုက်ခြင်းဖြစ် သည်။ ၎င်းတို့ထဲမှ နှစ်ဦးမှာ စင်္ကာပူအရှေ့ပိုင်း ပင်လယ်ကမ်းခြေ ရှိ ငှားရမ်းထားသော သစ်သားအိမ်ငယ်တစ်ခုတွင် အဖမ်းဆီး
ခံလိုက် ရခြင်းဖြစ်သည်။

“အသားကြိတ်စက်၊ လွှဖြတ်စက်၊ မီးဖိုချောင်သုံးဓားတွေ၊ ဂက်စ် မီးဖို၊ ဂက်စ်ဗူး၊ ကိရိယာ အစုံလိုက် တစ်စုံ၊ ဘီးတပ် ခရီးဆောင်အိတ်တွေ၊ ပလပ်စတစ်အပြားတွေ၊ ကေဘယ်ချည်ကြိုးတွေ၊ ဓားအကြီး၊ အပေါ်ဖုံးအ၀တ်တွေ၊ စဥ့်တီတုံးနှင့် ရာဘာ ဘွတ်ဖိနပ် စတာတွေကိုလည်း တွေ့ရှိရပြီး မှုခင်း
သက်သေခံတွေအဖြစ် သိမ်းဆည်းထားပါတယ်။” ဟု စင်ကာပူ ရဲတပ်ဖွဲ့က ဆိုသည်။

ယနေ့ ဗုဒ္ဓဟူးနေ့က တရားရုံးတွင် တရားစွဲဆိုမှုများကို ဗမာဘာသာဖြင့် စကားပြန်က ပြန်ဆိုပေးနေချိန်တွင် လက်ထိပ်ခတ်ထား သည့် အရပ်ဝတ်နှင့် လူ ၃ ဦးသည် ငြိုးငယ်စွာ ရှိနေကြသည်။

မည်သည့် လျှောက်လဲချက်မှ မရှိခဲ့ချေ။ စုံစမ်းစစ်ဆေးရေးများ ဆောင်ရွက်နိုင် ရန် အလို့ငှာ ၎င်းတို့ကို ရဲဘက် အချုပ်သို့ ရမန်တစ်ပတ် လွှဲပြောင်းထိန်းသိမ်းရန် အမိန့်ချမှတ်ခဲ့ပါသည်။

သို့သော် စင်္ကာပူနိုင်ငံတွင် ဖြစ်ပွားခဲ့သည့် ရက်စက်စွာ သတ်ဖြတ်ရန် ကြံစည်ရသည့် အကြောင်းရင်း ကိုတော့ ထုတ်ဖော်ပြောဆိုခြင်း မရှိသေးချေ။

နိုင်ငံခြားသား ၄၀ ရာခိုင်နှုန်းအပါအ၀င် လူဦးရေ ၅.၅ သန်းခန့်ရှိ လူဦးရေ သိပ်သည်းလှသည့် စင်္ကာပူနိုင်ငံတွင် လူမဆန်သည့် သတ်ဖြတ်မှုများက ဖြစ်တောင့်ဖြစ်ခဲဖြစ်ပါသည်။

PKT
Ref - AsiaONE

ဗိုလ်ချုပ်မှူးကြီးသန်းရွှေဆီပဲ သွားစရာရှိတော့တယ် – ချင်းအမတ် ဦးကျွန်းခဲန်း


ပုဒ်မ ၄၃၆ နဲ့ ပုဒ်မ ၅၉ စ အပါအ၀င် ပုဒ်မ ၆ ခုကို ပြည်ထောင်စုလွှတ်တော်မှာ ဒီကနေ့ မဲခွဲဆုံးဖြတ်ရာမှာ ဖွဲ့စည်းပုံပုဒ်မ ၅၉ ဃ မှာပါရှိတဲ့ သမ္မတ လုပ်မယ့်သူဟာ စစ်ရေးအမြင်ရှိရမယ် ဆိုတဲ့ဟာကို ကာကွယ်ရေးအမြင်ရှိရမယ်လို့ ပြင်ဆင်ချက်ကို ထောက်ခံမဲရခဲ့ပြီး ကျန် ငါးခုကို ပြင်ဆင်မှု မပြုဘူးလို့ အများစုက ဆန္ဒမဲပေးခဲ့ကြပါတယ်။
အဲဒီငါးခုကတော့ ပုဒ်မ ၅၉ စမှာ ‘သမ္မတ တာဝန်ထမ်းဆောင်မယ့်သူရဲ့ သားသမီးတွေရဲ့ဇနီးခင်ပွန်းတွေကို နိုင်ငံခြားသားဖြစ်နေရင် ဘာမှမဖြစ်ဘူး’ ဆိုတဲ့ ပြင်ဆင်ချက်၊ ပုဒ် ၆၀ ဂ မှာ ‘ဒုသမ္မတတွေ စပြီး ရွေးရင် ရွေးကောက်ခံ လွှတ်တော်အမတ်ဖြစ်ရမယ်’ ဆိုတဲ့ ပြင်ဆင်ချက်၊ ပုဒ်မ ၄၁၈ ခ မှာ ‘တာဝန်မှ ရပ်စဲတဲ့ကိစ္စမှာ အခြေခံဥပဒေက မည်သို့ပင်ဆိုစေကာမူ’ဆိုတာကိုဖျက်တာ။ ပုဒ်မ ၄၃၆ က မှာ ‘၇၅ ရာခိုင်နှုန်း ကျော်ဆိုတာကို ၇၀ ရာခိုင်နှုန်းကျော်’ လို့ ပြင်တာ။ ပုဒ်မ ၄၃၆ ခ မှာ ‘အစည်းဝေးတက်ရောက်ခွင့်ရှိသော ပြည်ထောင်စုလွှတ်တော်ကိုယ်စားလှယ် ၇၀ ရာခိုင်နှုန်းအောက် မလျှော့သော’ လို့ ပြင်တာတွေ ဖြစ်ပါတယ်။
ဒီလိုမဲမခွဲခင် လွှတ်တော်မှာ ကိုယ်စားလှယ်တွေ ဆွေးနွေးကြစဉ်က ကျန်လွှတ်တေ်ာ ကိုယ်စား များဆွေးနွေးချက်နဲ့ မတူပဲ ဖွဲ့စည်းပုံပြင်ဆင်ရေးအတွက် ဗိုလ်ချုပ်မှူးကြီးသန်းရွှေထံ ခွင့်ပြုချက် တောင်းယူဖို့ တင်ပြဆွေးနွေးသူကတော့ ချင်းတိုးတက်ရေးပါတီက အမျိုးသားလွှတ် တော်ကိုယ်စားလှယ် ဦးကျွန်းခဲန်းဖြစ်ပါတယ်။
ချင်းတိုးတက်ရေးပါတီက အမျိုးသားလွှတ်တော်ကိုယ်စားလှယ် ဦးကျွန်းခဲန်းကို ဒီဗွီဘီက ဆက်သွယ်မေးမြန်းထားပါတယ်။
ဦးကျွန်းခဲန်းရဲ့ ဆွေးနွေးချက်မှာ ဖွဲ့စည်းပုံပြင်ဆင်ရေးအတွက် ဗိုလ်ချုပ်မှူးကြီး သန်းရွှေထံ တွေ့ဆုံပန်ကြားရမယ်ဆိုပြီး တခြားလွှတ်တော်ကိုယ်စားလှယ်တွေနဲ့ မတူပဲ လိုရင်းကို တိုတိုတောင်းတောင်း တိုက်ရိုက်ပြောသွားတာ တွေ့ရတယ်။ ပြောပြပါလား။
“ဟုတ်ကဲ့ ကျနော်တို့ ၅၉ စ ကျတော့ ကျနော် သိပ်တော့ မဆွေးနွေးဘူး။ နည်းနည်းလေးပဲ အဖျားလောက်ပဲ ကျနော်ပြောသွားတာပါ။ ဆွေးနွေးတယ်လို့ ပြောလို့ရမလားမသိဘူး။ ၅၉ (စ) က ဥပဒေပြုတာကလည်း လူတဦးတယောက်ကို ညွှန်းပြီးမှ ရေးဆွဲထားသလို ဖြစ်နေတယ်လို့ ကျနော် ပြောတယ်။ နောက် အဲဒီ ၅၉ (စ) ကို ပြန်လည်ဆွေးနွေးတဲ့ ပုဂ္ဂိုလ်တွေကလည်း လူတဦးတယောက်ကို ညွှန်းပြီးမှ ဆွေးနွေးတဲ့ပုံစံတွေနဲ့ ဆွေးနွေးကြတယ်။ အဲဒါကိုတော့ တဖက်နဲ့တဖက် ညှိညှိနှိုင်းနှိုင်းလုပ်သင့်တယ်လို့ အဲလောက်ပဲ ကျနော် ဆွေးနွေးတာပါ။ ၅၉ (စ) ကျတော့။”
ဟုတ်ကဲ့ ပုဒ်မ ၄၃၆ နဲ့ ပတ်သက်လို့ကျတော့ ဗိုလ်ချုပ်မှူးBကီးဟောင်း ဦးသန်းရွှေနဲ့ပတ်သက်လို့ ဘယ်လို ဆွေးနွေးခဲ့ပါသလဲ။
“၂၀၀၈ ခုနှစ်အခြေခံဥပဒေဟာပေါ့နော်၊ ဖွဲ့စည်းပုံအခြေခံဥပဒေဟာပေါ့နော် တပ်မတော် အစိုးရ လက်ထက်က လုပ်တဲ့ဥစ္စာဆိုတော့ ကျနော်အဲဒီမှာ ဘာပြောလဲဆိုတော့ အခြေခံဥပဒေ ကိစ္စက တပ်မတော်ရဲ့ လက်စွဲစာအုပ် ဖြစ်နေတယ်။ ဒါပေမယ့် တပ်မတော် လက်စွဲစာအုပ်ဖြစ်နေ တဲ့ အထဲမှာ တပ်မတော်အားလုံးထဲကနေပြီးမှ အကြီးဆုံးဖြစ်တဲ့ ဗိုလ်ချုပ်မှူးကြီးသန်းရွှေရဲ့ မူပိုင်၊ လက်စွဲစာအုပ်ဖြစ်နေတယ်။ အဲဒါကြောင့် ကျနော်တို့ ၄၃၆ (က) ကို ပြင်ချင်သပဆိုရင်လည်းပဲ ကျနော်တို့ ဗိုလ်ချုပ်မှူးကြီး သန်းရွှေဆီသွားပြီးမှ၊ နည်းနည်းနစ်နာခံပြီးမှ ‘အဲလိုအဲလိုဖြစ်နေတယ်၊ ကျနော်တို့တိုင်းပြည် လေးနှစ်၊ ငါးနှစ်နီးပါးလောက် ချီတက်တဲ့အခါမှာ မဆက်စပ်တဲ့ ပုဒ်မလေးတွေရှိတယ်။ ဒါကို ပြင်လို့ရအောင် ၄၃၆ (က) ကို နည်းနည်း သတ်မှတ်တဲ့ ရာခိုင်နှုန်း ကို နည်းနည်းလျော့လို့ ရမလားဆိုပြီးတော့ ကျနော်တို့ ဗိုလ်ချုပ်မှူးကြီးသန်းရွှေဆီ သွားပြီးမှ အနစ်နာခံလိုက်လို့ရှိရင် ကောင်းမယ်။ တကယ်လို့သူက ခွင့်ပြုလိုက်လို့ရှိရင် တခါတည်း ကျနော်တို့ လုပ်ချင်တဲ့ဟာတွေပေါ့နော် ပြင်ချင်တာ အကုန်လုံး ပြင်လို့ရမယ်။ ဆိုတဲ့ အဲလိုပုံစံနဲ့ ကျနော် ဆွေးနွေးတင်ပြထားတာပါ။”
ပုဒ်မ ၄၃၆ (က) ကို လွတ်တော်အမတ် ၇၅ ရာခိုင်နှုန်းအထက်ကနေ ၇၀ ရာခိုင်နှုန်းအောက် မလျော့စေပဲလို့ ဥပဒေကြမ်းမှာ မဲခွဲတယ်ဆိုတော့ လွှတ်တော်လေးနှစ်သက်တမ်းမှာ ဘယ်လောက်ထိအောင် ပြင်ဆင်ရေးနဲ့ပတ်သက်လို့ သက်ရောက်မှု ရှိနေလဲ။
“အင်း အဲဒါကျတော့ လွှတ်တော်ကိုယ်စားလှယ်တွေ၊ တပ်မတော်မှအပပေါ့နော်။ ပြည်ခိုင်ဖြိုးဘက်ကလည်း အနည်းအကျဉ်းတော့ ပါကောင်းပါမယ်။ ဒါပေမယ့် တကယ့်တကယ်တမ်း ဆွေးနွေးတဲ့အခါကျတော့ ပြည်ခိုင်ဖြိုးပါတီဘက်ကလည်း အဲဒါလေးကို သွားပြင်ချင်တယ်ဗျ။ တဖက်ကလည်း ကျနော်တို့ ဒီကနေ့ အခုတလောဆွေးနွေးဖြစ်တာလည်း ပြည်ခိုင်ဖြိုးဘက်က အဆိုတင်သွင်းပြီးမှ ဆွေးနွေးဖြစ်တဲ့ဥစ္စာပါ။ ဒါပေမယ့် တခု စဉ်းစာစရာရှိတာကတော့ ဒီဥစ္စာကို မပြင်လောက်ဘူးဆိုတာကို သိသိကြီးနဲ့ ကျနော့်အထင်ပေ့ါနော် သိသိကြီးနဲ့ ပြည်ခိုင်းဖြိုးဘက်က အဆိုများလား၊ တမင်တကာ လုပ်တာလား။ မအောင်မြင်မယ်မှန်း သိလျက်သားနဲ့ တမင်တကာ မျက်နှာရအောင်ပေါ့နော် ၂၀၁၅ ရွေးကောက်ပွဲကလည်း နီးနေပြီဆိုတဲ့အခါကျတော့ ပြည်သူလူထုဆီကနေ မျက်နှာရအောင်ပေ့ါလေ၊ မဲရအောင်ပေါ့နော် အဲလိုပုံစံနဲ့ အဆိုလုပ်တာလား လို့တောင် ကျနော်သံသယ ၀င်လာတယ်။ ဘာဖြစ်လို့လဲဆိုတော့ ဒီဟာကြီးကိုတော့ မဖြစ်နိုင်တဲ့ဥစ္စာလေးကို ပြည်ခိုင်ဖြိုးဘက်က အဆိုသွင်းတယ်ဆိုတော့ တကယ်တော့ အံ့သြစရာကောင်းတယ်နော် (ရယ်မောလျက်)။”
ဒီကနေ့ လွှတ်တေ်ာမှာ မဲခွဲကြတယ်မဟုတ်လား။ ဘယ်ဟာတွေ အောင်မြင်ပြီး ဘယ်ဟာတွေ အတည်ဖြစ်သွားသလဲ။
“ကျနော်တို့အောင်မြင်တာက တခုပဲ အောင်မြင်တယ်။ အောင်မြင်တာက စစ်ရေးအမြင်နဲ့ ကာကွယ်ရေးအမြင်ဆိုတဲ့ ဟာလေးပါတဲ့ ၅၉ (ဃ) ထင်တယ်နော်။ အဲဒါလေးပဲ ကျနော်တို့ အောင်မြင်ဖို့ ထင်တယ်နော်။ ကျန်တဲ့ဟာတော့ တခုမှ မအောင်မြင်ဘူး။ ဒီနေ့ ခြောက်ခု မဲခွဲဆုံးဖြတ်ကြတယ်။ ကျန်တဲ့ငါးခုကတော့ မအောင်မြင်ဘူး။ အဲဒီ ၅၉ (ဃ) သမ္မတဖြစ်မယ့်လူဟာ ဘယ်လို ဘယ်လိုဖြစ်မယ်၊ စီးပွားရေး၊ နိုင်ငံရေးအမြင်ရှိရမယ်။ စစ်ရေးအမြင်ရှိရမယ်ဆိုတဲ့ဟာကို ကာကွယ်ရေးအမြင်ရှိရမယ်လို့ အဲလိုပဲ သူတို့ ပြောင်းထားတယ်။
“ကျနော့်အနေနဲ့ အဲဒါလည်း မနေ့က ဆွေးနွေးဖြစ်ပါတယ်။ အဲဒါကို ကျနော့်အနေနဲ့ တပ်မတော်သားဘက်ကနေမှ အသားယူလွန်းတယ်။ ကာကွယ်ရေးအမြင်ဆိုတဲ့ဟာကို ကျနော်တို့ ပယ်ဖျက်ရအောင်။ ကျနော်တို့ လိုချင်တာကတော့ နိုင်ငံတော်ရေးရာကို၊ နိုင်ငံတော်ရေးရာအားလုံးကို ကျွမ်းကျင်စွာကိုင်တွယ်ဖြေရှင်းနိုင်တဲ့ ပုဂ္ဂိုလ်ပဲ ကျနော်တို့ သတ်မှတ်ရအောင်’ ဆိုပြီး ကျနော် ဆွေးနွေးတာပါ။ ကျနော်ဆွေးနွေးတာက ကျနော့်ဆန္ဒ ရှိတဲ့ဟာပဲ ကျနော် ဆွေးနွေးတာပါ။ ဒါလည်း သူတို့ အတည်မယူပါဘူး။ ကျနော့်အမြင်က ဒီတပ်မတော်ကပဲ နိုင်ငံတော်သမ္မတလုပ်ရမယ့် ပုံစံ ဖြစ်နေတဲ့ဟာကို၊ သူများကနေပြီးမှ တပ်မတော်ကို ဝေဖန်တဲ့ဟာကိုလည်း ကျနော် မလိုချင်ဘူး။ အမြင်စောင်းမှာလည်း မလိုချင်ဘူး။ ဒါပေမယ့် ဒီနိုင်ငံတော်ရဲ့ အရေးအရာအားလုံး ကျွမ်းကျင်စွာ ဖြေရှင်းနိုင်တဲ့ ပုဂ္ဂိုလ်ဆိုရင်တော့ အဲဒီအထဲမှာလည်း အားလုံးထဲမှာ ကျနော်တို့ ကာကွယ်ရေးလည်းပါတယ်၊ စီးပွားရေးပါတယ်၊ အုပ်ချုပ်ရေးလည်း ပါတယ်။ အဲဒါကြောင့် ကျနော်လည်း အဲဒါနဲ့ပဲ လုပ်ရင် ပိုကောင်းမယ်ဆိုပြီးတော့ ဆွေးနွေးဖြစ်ခဲ့တယ် မနေ့က။ ဒါပေမယ့် သူက အတည်တော့ မယူပါဘူး။”
မနေ့က လွှတ်တော်မြင်ကွင်းကို တွေ့ရတာက တချို့က ပုဒ်မ ၄၃၆ ပြင်ချင်ရင် အမတ် ၇၅ ရာခိုင်နှုန်းကျော်၊ တချို့က သုံးပုံနှစ်ပုံ၊ တချို့က တ၀က်ကျော် စသဖြင့် ဆွေးနွေးကြတယ်။ ဦးကျွန်းခဲန်း တယောက်ပဲ ဗိုလ်ချုပ်မှူးကြီး သန်းရွှေနာမည်ကို တပ်ပြီးတော့ ပြောတာက တကယ်ပဲ ဗိုလ်ချုပ်မှူးကြီး သန်းရွှေက လုပ်လို့ရှိရင် ပြင်နိုင်မယ်ဆိုပြီးတော့ တကယ်ပဲ ယုံကြည်လို့လား။ ဘာဖြစ်လို့ ဦးကျွန်းခဲန်းက ကျန်သူတွေနဲ့ မတူဘဲ ကွဲလွဲပြီး ပြောရတာလဲ။
“အော်၊ ဟုတ်ကဲ့ ကျနော်လည်း အဲဒါတော့ ယုံလည်းယုံကြည်တယ်။ ဘာကြောင့်လည်းဆိုတော့ ဗိုလ်ချုပ်မှူးကြီးသန်းရွှေကလည်း သူ့မှာ စေတနာလည်း ရှိတဲ့သဘောလည်း မြင်တယ်။ ဘာဖြစ်လို့လည်းဆိုတော့ သူ့စစ်အာဏာကို၊ အဲလောက်ကြီး စစ်အာဏာကနေပြီးမှ စွန့်လွှတ်ပြီး ဒီမိုကရေစီလမ်းကြောင်းကို တွန်းပို့နိုင်တဲ့ ပုဂ္ဂိုလ် တယောက်အနေနဲ့၊ အမှန်ဆိုရင်တော့ အာဏာဆိုတာ ဘယ်သူမဆို မက်ကြမှာပဲ။ ဒါပေမယ့် အဲလောက် စွန့်လွှတ်ပြီးလုပ်တဲ့အခါကျတော့ သူ့မှာ စေတနာတော့ ရှိတယ်။ ဒါကြောင့် ကျနော်တို့ ရှေ့ဆက်သွားမယ့်နေရာမှာလည်း သူက သူ့သားသမီးများလည်းဖြစ်တယ်၊ ကျနော်တို့ မြန်မာပြည်သူပြည်သားအားလုံးလည်း သူ့သားသမီးများဖြစ်တဲ့အခါကျတော့ အဲလိုပဲ ကျနော်ခံယူတဲ့အခါကျတော့ သားသမီးရဲ့ ကောင်းရာကောင်းကြောင်းကိုတော့ သူက စဉ်းစားလိမ့်မယ်လို့ ကျနော် ခံယူပါတယ်။ အဲဒါကြောင့်မို့လို့ သူ့နာမည်ကို ကွင်းကွင်းကွက်ကွက် ဖော်ထုတ်ထားခြင်းဖြစ်ပါတယ်။
ဒီနေ့မဲခွဲတာမှာ ၅၉ (ဃ) တခုပဲ စစ်ရေးအမြင်ကနေ ကာကွယ်ရေးအမြင် ပြောင်းလဲမှုကို ထောက်ခံမှုအများဆုံးခဲ့တယ်။ ကျန်တာ မပြောင်းဘူး။ ဒီအတိုင်း တပ်မတော်သား ၂၅ ရာခိုင်နှုန်း ဆက်ရှိနေခြင်းက မဲခွဲတိုင်းမှာ ဒီလိုမျိုးရလဒ်တွေ ဖြစ်မလား။ ဒါမှမဟုတ် တပ်မတော်သားတွေက စိတ်ပြောင်းပြီးတော့ ၄၃၆ ပြင်ဆင်ရေးက ဖြစ်နိုင်လား။ ဒီကနေ့မြင်ကွင်းအရဘယ်လိုခန့်မှန်းလဲ။
“အဲဒါ ပြောရရင်တော့ ဘယ်လိုခေါ်မလဲ၊ နောက်ကြောင်းရာဇ၀င်ကို နည်းနည်း နည်းနည်းဖော်ထုတ်ရမယ်လိုလိုဖြစ်နေတယ်။ ဘာဖြစ်လို့လည်းဆိုတော့ တပ်မတော်သားတိုင်းက တပ်မတော်သားတိုင်းကပေါ့လေ ဒီအခြေခံဥပဒေကို အသေအလဲကာကွယ်မယ့်ပုံစံဖြစ်နေတယ်။ ဘာဖြစ်လို့ ဒီလောက်ကာကွယ်တာလဲ အားလုံးပေါ့နော် ပြည်သူပြည်သားအားလုံးက ကာကွယ်ချင်တာပဲ။ ဒါပေမယ့် သူတို့က ပိုပြီးမှ ကာကွယ်ထိန်းသိမ်းတဲ့ပုံစံနဲ့ ပြောနေကြတာက အဓိပ္ပာယ်တော့ရှိတယ်။ အဓိပ္ပာယ်ရှိတယ်ဆိုတာက မှန်ချင်မှမှန်မယ်။ ကျနော့်အမြင် အထင်က ဘာလဲဆိုတော့ ဒီပဲယင်းကိစ္စတုန်းကလေ ဒါက အောင်ဆန်းစုကြည်ကို သူတို့က လုပ်ကြံဖို့။ ဒါက ဘယ်ကနေ စလဲဆိုတော့ ဗိုလ်ချုပ်မှူးကြီးသန်းရွှေကနေပြီးတော့ ‘ဒီကောင်မ မမြင်ချင်ဘူး’ ဆိုတဲ့ စကားကနေ ထွက်လာပြီးမှာ အဲလိုဖြစ်တယ်လို့ ကျနော်တို့ ကြားသိကြရပါတယ်။ တကယ်လို့သာ ဗိုလ်ချုပ်မှူးကြီးသန်းရွှေက အသက်ရှင်နေတဲ့ကာလပတ်လုံးမှာ ဒေါ်အောင်ဆန်းစုကြည်ကနေမှ သမ္မတဖြစ်သွားလို့ရှိရင် အဲဒါများ သူတို့က ဂလဲ့စားချေမလားဆိုတဲ့ ကြောက်စိတ်နဲ့ပေါ့နော်၊ အဲဒီကြောက်စိတ်နဲ့ တပ်မတော်သားအားလုံးက ဗိုလ်ချုပ်မှူးကြီးကို သူတို့က ကာကွယ်ပေးတဲ့သဘောနဲ့ ရှိသမျှဖြစ်သမျှကိုလည်းပဲ သူတို့က ထိန်းသိမ်းထားပြီး ဒီအတိုင်းဒီအတိုင်းဥပဒေကိုလည်း ဒီအတိုင်းထားမယ်ဆိုတဲ့ သူတို့အသံနဲ့တသံတည်းထွက်တဲ့အခါကျတော့ အဲလိုပဲ ကျနော်သံသယ၀င်ပါတယ်။ ဘာလို့လည်းဆိုတော့ တကယ်လို့ အောင်ဆန်းစုကြည်သာ သမ္မတဖြစ်လို့ရှိရင် သူကိုယ်တိုင်က ဂလဲ့စားမချေရင်တောင်မှ သူ့လက်အောက်ကလူတွေက၊ နောက် ပြည်သူလူထုကနေပြီးတော့ ဆန္ဒပြတောင်းဆိုမှုရှိလာလို့ရှိရင်လည်း ဗိုလ်ချုပ်မှူးကြီးသန်းရွှေအတွက် အတော်လေး ခက်ခဲမယ်။ နောက် တိုင်းပြည်ကလည်း ဗရုတ်သုက္ခဖြစ်နိုင်တဲ့ အခြေအနေမှာရှိတဲ့အတွက်ကြောင့် သူတို့ အဲဒီ ကာကွယ်တဲ့သဘောအနေနဲ့ အဲလိုပဲ ခံယူပါတယ်။
ဒီကနေ့ ပြည်ထောင်စုလွှတ်တော်မဲခွဲမှုဟာ သမိုင်းမှတ်တိုင်ရက်မဟုတ်ပေမယ့် မှတ်မှတ်ရရရက်တခုဖြစ်တယ်ပေါ့၊ ဒီကနေ့ အမှတ်တရအဖြစ် ဘာပြောစရာရှိမလဲ။
“ကျနော့်သူငယ်ချင်းတွေလည်း နောက်တယ်။ ဒီနေ့မဲခွဲဆုံးဖြတ်တာ မအောင်မြင်တဲ့အခါကျတော့ ‘ဗိုလ်ချုပ်မှူးကြီးသန်းရွှေဆီပဲ သွားစရာရှိတော့တယ်’ လို့ နောက်ပြောင်ပြီးမှ ပြောပါတယ်။”
DVB

ဖွဲ့စည်းပုံအခြေခံဥပဒေ ပြင်ဆင်ရေးနှင့် ပတ်သက်၍ သူတို့၏ အသံများ

ဖွဲ့စည်းပုံအခြေခံဥပဒေ ပြင်ဆင်ရေး မဲခွဲဆုံးဖြတ်ခဲ့မှုအပေါ် နိုင်ငံရေးနယ်ပယ်မှ လူပုဂ္ဂိုလ်အချို့၏ သုံးသပ်ချက်များအား ဖော်ပြလိုက်ပါသည်

ဦးရဲအောင် (ကော်မတီဝင်၊ နိုင်ငံရေး အကျဉ်းသားဟောင်းများအဖွဲ့)
ကျွန်တော့်ရဲ့ ပုဂ္ဂိုလ်ရေးအမြင်ကို ပြောချင်ပါတယ်။ အဓိကအားဖြင့်က ဒီ ၄၃၆ တို့ ၅၉(စ) တို့က လွှတ်တော်ထဲမှာ မဲခွဲဆုံးဖြတ်တဲ့အခါ အတိုက်အခံ ပါတီတွေဘက်က ရှုံးသွားတယ်ဆိုတာက ဒါထူးဆန်းတဲ့ကိစ္စ တစ်ခုတော့မဟုတ်ဘူး။ ဒါဟာ တကယ်ကို ဒီလိုပဲ မဲခွဲဆုံးဖြတ်ရင် ရှုံးမယ်ဆိုတာ ကျွန်တော်တို့က သိနေပြီးသားပါ။ ဘာလို့လဲဆိုရင် ဒီ ၂၀၀၈ အခြေခံဥပဒေရဲ့ ပင်မရေးဆွဲတဲ့ သူတွေက အဓိကလွှတ်တော်ထဲမှာ လွှတ်တော်ကိုယ်စားလှယ်အဖြစ် နေရာအများစု ရထားကြတာကို တွေ့ရပါတယ်။ ပြောရမယ်ဆိုရင် ပြည်ခိုင်ဖြိုးပါတီက ကိုယ်စားလှယ်တွေ၊ စစ်တပ်ကိုယ်စားလှယ်တွေ ဒါတွေဟာ တကယ်တော့ ၂၀၀၈ ပင်ရင်းက သူတို့ဆီက လာခဲ့တာဖြစ်တယ်။ သူတို့ရေးဆွဲထားတဲ့ အခြေခံဥပဒေတစ်ခုကို တစ်ခြားအတိုက်အခံ အင်အားစုက ပြင်မယ်ဆိုတဲ့အခါ သူတို့ကတော့ ကန့်ကွက်မှာပါပဲ။ ဒီလိုအခြေအနေမျိုးမှာ အခြေခံဥပဒေ တကယ့်အရေးကြီးတဲ့ ပုဒ်မတွေကို ပြင်ဆင်ဖို့ဆိုတာဟာ တကယ်ခက်ခဲတဲ့ အခြေအနေတစ်ခုပါ။ သာမန်အဓိကအားဖြင့် လက်ရှိရှိနေတဲ့ အစိုးရ ဒါမှမဟုတ် လက်ရှိရှိနေတဲ့ အာဏာရပါတီအနေနဲ့ မဲဆွယ်စည်းရုံးတဲ့ သဘောမျိုးရှိတဲ့ တချို့သော အရေးမကြီးတဲ့ ပုဒ်မတွေကိုတော့ ပြင်ဆင်ကောင်း ပြင်ဆင်နိုင်ပါတယ်။ ဥပမာအားဖြင့် တိုင်းနဲ့ပြည်နယ်ဒေသမှာ ၀န်ကြီးချုပ်တွေကို ဒေသကကိုယ်စားလှယ်တွေနဲ့ ပြောင်းလဲခန့်အပ်ဖို့ကိစ္စ ရွေးချယ်ဖို့ကိစ္စ ဒါမျိုးတွေတော့ အောင်နိုင်ပါတယ်။ တကယ့်ကို အရေးကြီးတဲ့ နိုင်ငံတစ်ခုလုံးနဲ့ ဆိုင်တဲ့ ကိစ္စတွေမှာတော့ ကျွန်တော်ထင်ပါတယ်။ အတိုက်အခံတွေရဲ့ တင်ပြချက်တွေဟာ အများဆုံး ရှုံးနိမ့်သွားမှာပါပဲ။ ဒါကတော့ ဒီလွှတ်တော်သက်တမ်းမှာ ဒီလိုပဲ တွေ့ကြုံရမယ်လို့  ကျွန်တော်တော့ မြင်တယ်ဗျ။ ဒါကိုကျွန်တော်တို့ ကျော်လွှားဖို့ဆိုရင် အခုလာမယ့် ၂၀၁၅ ရွေးကောက်ပွဲမှာ ကျွန်တော်တို့ ပြည်သူတွေဟာ ပြည်သူတွေကို တကယ်ကိုယ်စားပြုမယ့် ကိုယ်စားလှယ်တွေကို တခဲနက် ၀င်ရောက်ရွေးချယ်ပေးဖို့ လိုအပ်ပါလိမ့်မယ်။ အဲဒီလိုရွေးချယ်ပေးမှသာ တကယ့်ပြည်သူတွေရဲ့ အသံနဲ့ စစ်စစ်မှန် မှန်ပေါ်ထွက်လာပြီးမှ ဒီအပေါ်မှာ ပြောင်းလဲနိုင်မှာ ဖြစ်ပါတယ်။ ကျွန်တော်က ရိုးရိုးရှင်းရှင်းလေးပဲ မြင်တယ်။ ပြည်သူလူထု ငါးသန်းလောက်ပြင်ဆင်ဖို့ လက်မှတ်ထိုးထားတဲ့ ပုဒ်မ ၄၃၆  အပေါ်မှာ ဆရာခုနပြောသလို လွှတ်တော်ကိုယ်စားလှယ်တွေက ကန့်ကွက်ကြတာ ပြည်သူ့ဆန္ဒကို လျစ်လျူရှုရာ ရောက်ယ်လို့ မြင်သလို ကျွန်တော်မြင်တာကတော့  အဲဒီကိုယ်စားလှယ်တွေကိုယ်တိုင် ပြည်သူကိုကိုယ်စားပြုပြီး တက်လာတာ မဟုတ်ဘူး။

ဦးထွန်းထွန်းဟိန် (ဗဟိုအလုပ် အမှုဆောင်အဖွဲ့ဝင်၊ အမျိုးသားဒီမိုကရေစီအဖွဲ့ချုပ်)
ကျွန်တော်တို့က ဒီလိုပြောတာပါ။ ဒီပုဒ်မ ၄၃၆ ကို ပြင်တဲ့အခါမှာ ၇၅ ရာခိုင်နှုန်းကျော်ကို ပြင်ရမယ်။ နောက်တစ်ခါ ကျွန်တော်တို့က လူထုဆန္ဒခံယူပွဲ လုပ်ရမယ်ပေါ့။ အဲဒီမှာ ဘာတွေ့လာလဲဆိုရင် တပ်မတော်က မပြင်ချင်ဘူးလို့ ပြောရင် ၇၅ ရာခိုင်နှုန်းကျော် ဘယ်လိုမှမရနိုင်ဘူးပေါ့။ အခု လက်တွေ့မှာ ကျွန်တော်တို့က သိလိုက်ကြရတာပဲ။ လက်တွေ့လုပ်ကြည့်တဲ့အခါ ၇၅ ရာခိုင်နှုန်းကျော်ဆိုတာ ကျွန်တော်တို့ အစကတည်းက ပြောနေတာ ဒါဖြစ်ဖို့ဟာ ခဲယဉ်းပါတယ်။ ကျွန်တော်တို့က ဆက်ပြီးတော့ ကြိုးစားရမှာပေါ့။ အကျိုးအမြတ် ရှိနေတယ် ဆိုတဲ့လူပေါ့။ ဒါက မဲခွဲကြည့်လိုက်တဲ့အခါ ဒါက သိလာတာပါပဲ။ ဘယ်သူက အကျိုးအမြတ်ရှိတယ်။ အကျိုးအမြတ် ရှိတဲ့သူက မပြင်ချင်ဘူး။ အကျိုးအမြတ် မရှိတဲ့သူက ပြင်ချင်တယ်ပေါ့ဗျာ။ အဲဒီတော့ နိုင်ငံသူ နိုင်ငံသားက စဉ်းစားဖို့ပဲ ရှိတာပဲ။ ဘယ်သူက အကျိုးအမြတ်ရှိသလဲ။ ဒီ ၂၀၀၈ ဖွဲ့စည်းအုပ်ချုပ်ပုံ အခြေခံဥပဒေက စပြီးတော့ ပြဋ္ဌာန်းနေကတည်းက ဒါပြည်သူ့ဆန္ဒနဲ့ ပြဋ္ဌာန်းတာ မဟုတ်ဘူးပေါ့။ ပြည်သူတွေက ဘာဖြစ်နေလဲဆိုတော့ ဒါတွေကို မဲထည့်တယ်ဗျာ။ ဥပမာဆိုပါတော့ ၂၀၀၈ ဖွဲ့စည်းပုံအခြေခံ ဥပဒေ စပြီးတော့ အတည်ပြုမယ် ပြည်သူ့ဆန္ဒခံယူမယ် ဆိုကတည်းက မဲထည့်ကြရတာပေါ့။ တချို့ကလည်း ဒါကျွန်တော်တို့ ဆန္ဒမပါဘဲနဲ့ ပြင်သွားပါတယ်လို့ ဒီလိုပြောကြတာပေါ့။ တချို့ကလည်း ဘာဖြစ်လဲဆိုရင် ဒီအပေါ်မှာ အလေးပြု မထားဘူးပေါ့ဗျာ။ အလေးပြုမထားတဲ့သူလည်း ပါတာပေါ့။ ကျွန်တော်တို့က ပြောချင်တာက ဒီမိုကရေစီနိုင်ငံ တည်ဆောက်မယ်လို့ ပြောလို့ရှိရင် ပြည်သူတစ်ဦးချင်း တစ်ဦးချင်း ဆန္ဒကသိပ်ပြီးတော့ အရေးကြီးပါတယ်။ သိပ်အရေးကြီးတဲ့ဟာကို သတိထားပြီးတော့ သဘောတူတယ်၊ သဘောမတူဘူး ဒီလိုပြောပေးကြပါ။ အဲဒီလိုမှ မဟုတ်ဘဲ ဒါကအရေးမကြီးဘူး ငါတို့နဲ့ အဝေးကြီးပါလို့ ယူဆလိုက်တယ်ဆိုရင် ဒီဟာက ကိုယ်အပေါ်မှာ အများကြီး ဒုက္ခလာပေးတာတွေ ဖြစ်နိုင်ပါတယ်။

ဒေါက်တာညိုညိုသင်း (ရန်ကုန်တိုင်းဒေသကြီး လွှတ်တော်ကိုယ်စားလှယ်)
“ဒီမိုကရေစီစနစ် ဆိုတာက အများစုရဲ့ဆန္ဒကို အနည်းစုက လိုက်လျော ရတာကတော့ အမှန်ပါပဲ။ ဒါ ဒီမိုကရေစီစနစ်ရဲ့ အနှစ်သာရပဲ။ ဒါကြောင့်မို့လို့ မဲခွဲပြီးတော့ ဆုံးဖြတ်ကြရတယ်။ အများစုက ဆုံးဖြတ်တာကို အနည်းစုက လိုက်နာရတယ်ပေါ့လေ။ သို့သော်လည်းပဲ စစ်မှန်တဲ့ ဒီမိုကရေစီနိုင်ငံတွေမှာ ဆိုလို့ရှိရင် အနည်းစုရဲ့ဆန္ဒဖြစ်ပေမယ့်လည်း အများစုက အနည်းစုရဲ့ ဆန္ဒကို လေးစားသောအားဖြင့် ဖြည့်စွက်စဉ်းစားတဲ့နည်းနဲ့ အတိုးအလျော့ လုပ်ပေးတယ်။ ငါတို့က လူအများစုပဲ ငါတို့မဲခွဲလိုက်ရင် ငါတို့နိုင်မှာပဲ ဆိုပြီးတော့ အဲဒီလိုမဲနဲ့ တစ်ဖက်သတ် အနိုင်ကျင့်တယ်ဆိုရင် အဲဒါဒီမိုကရေစီ အနိုင်ကျင့်တယ်လို့ ခေါ်တယ်။  ဆိုတော့ အဲ့လိုမျိုးဟာတွေ မဖြစ်သင့်ဘူးပေါ့ ။ ဒီမိုကရေစီ နိုင်ငံဆိုတာက အများစုရဲ့မဲနဲ့ ဆုံးဖြတ်တာတော့ မှန်တယ်။ သို့သော်လည်းပဲ အနည်းစုရဲ့ ဆန္ဒကို အဲဒီဆုံးဖြတ်ချက်တွေ ထဲမှာပါအောင် လေးလေးစားစားနဲ့ ထည့်သွင်းပြီး ဆုံးဖြတ်ရတာ။ အဲဒီတော့ အခုလိုမျိုး မဲများလို့ မဲများတဲ့အုပ်စုရဲ့ သဘောအတိုင်း ဖြစ်သွားတယ် ဆိုတာကတော့ စစ်မှန်တဲ့ ဒီမိုကရေစီနိုင်ငံတွေမှာ မဖြစ်သင့်ဘူး။ စစ်မှန်တဲ့ ဒီမိုကရေစီနိုင်ငံဆိုရင် ဒါမျိုးဖြစ်မှာ မဟုတ်ဘူး။ ကျွန်မတို့နိုင်ငံကတော့ ဒီမိုကရေစီနိုင်ငံ မစစ်သေးလို့ ဒီလိုမျိုးဖြစ်တယ်လို့ပဲ ပြောရမှာပေါ့။ ကျွန်မကတော့ လွှတ်တော်ကြီးကို အများကြီး ပြည်သူလူထုရဲ့ ဆန္ဒကို ထည့်သွင်းစဉ်းစား စေချင်တယ်။ လွှတ်တော်ထဲမှာ ရှိတာက လူ ၆၀၀ ကျော်ပဲရှိတာ။ ပြည်ထောင်စု လွှတ်တော်ကြီးထဲမှာ ရှိတာက လူ ၆၀၀ ကျော်ပဲရှိ တယ်။ ဒီထဲက ပုဒ်မတွေ ပြင်ဆင်ဖို့အတွက် ပို့ထားတဲ့ ပြည်သူတွေရဲ့ လက်မှတ်တွေက ငါးသန်းကျော်ရှိတယ်။ အဲဒါကို ဒီပြည်သူလူထု ငါးသန်းရဲ့ဆန္ဒကို ထည့်သွင်းစဉ်းစား စေချင်တယ်။ အဲဒီလိုထည့်သွင်း မစဉ်းစားဘူးဆိုရင် လွှတ်တော်မှာရှိတဲ့ ပြည်သူ့အသံ လွှတ်တော်အသံ၊ ပြည်သူ့ဆန္ဒ လွှတ်တော်ဆန္ဒ၊ ပြည်သူတို့ရဲ့အကျိုး လွှတ်တော်က ဖော်ဆောင်ရွက်ဆိုတဲ့ ဆိုင်းဘုတ်ကြီးကို ဖြုတ်ချလိုက်ဖို့ပဲ ရှိတော့တယ်လို့ ပြောချင်ပါတယ်”

ဦးစောနိုင်းနိုင်း (၁၉၉၀ ပြည်သူ့လွှတ်တော် ကိုယ်စားလှယ် /နာယက-ညီညွတ်သောအမျိုးသားဒီမိုက ရေစီအဖွဲ့ (UNDO))
ကျွန်တော်မနေ့ကတည်းက ဆွေးနွေးချက်တွေကို တွေ့ပါတယ်။သိပ်တော့လည်း မအံ့သြသလို ဒီကိစ္စက အရင်ကတည်းကလည်း သိပ်စိတ်မ၀င်စားခဲ့ပါဘူး။ ပြင်ဖို့ခက်ခဲမယ် ဆိုတာလည်း သိနေပါတယ်။ ဒီဟာက လွှတ်တော်ထဲမှာရှိတဲ့ ကိုယ်စားလှယ်တွေရဲ့ ၇၅ ရာခိုင်နှုန်း အကုန်လုံးက မဲပေးတာတောင်မှ ပြင်ဖို့က မဖြစ်နိုင်ဘူး။၂၅ ရာခိုင်နှုန်းသော တပ်မတော်သား ကိုယ်စားလှယ်တွေကလည်း အခိုင်အမာ ရှိနေတယ်။ နောက်တစ်ခုက ပြည်သူတွေရဲ့ ဆန္ဒကိုကြည့်ရမှာပေါ့။ ၂၅ ရာခိုင်နှုန်းထဲက ပြည်သူတွေရဲ့ ဆန္ဒကိုထင်ဟပ်ဖို့ ခက်ခဲပါတယ်။ ဒီတော့ကျန်တဲ့ ပြည်သူရွေးကောက် တင်မြှောက်ထားတဲ့ ကိုယ်စားလှယ်တွေ၊ အချို့သော ကိုယ်စားလှယ်တွေ အနေနဲ့ ပြည်သူကို ထိထိရောက်ရောက် ကိုယ်စားပြုနိုင်ရဲ့လားဆိုတာ စဉ်းစားစရာပါပဲ။ မဲရလဒ်တွေအရဆိုရင် အချို့သော ပြည်သူ့ကိုယ်စားလှယ်တွေက ပြည်သူတွေရဲ့ဆန္ဒကို တကယ်ကို ဂရုစိုက်ရဲ့လား။ ကြည့်ရဲ့လားဆိုတာက အဖြေတွေကို ကြည့်တာနဲ့တင် သိသာနေပါတယ်။

Eleven Media Group

ယူ ၁၄ မြန်မာအမျိုးသမီး ထိုင်းကို ၆ ဂိုး ၁ ဂိုးဖြင့် ရှုံး


အာဆီယံဇုန် အုပ်စု (က) ရဲ့  တတိယပွဲစဉ်မှာ မြန်မာအမျိုးသမီးယူ ၁၄ အသင်းက ထိုင်းအသင်းကို ၆ ဂိုး ၁ ဂိုးနဲ့ ရှုံးနိမ့်သွားပါတယ်။
ဒီအတွက် ထိုင်းအသင်းက ၃ ပွဲကစား ၃ ပွဲနိုင် ၉ မှတ်နဲ့ အုပ်စု ပထမရရှိခဲ့သလို မြန်မာ အသင်းကတော့ ၃ ပွဲကစား ၂ ပွဲနိုင် ၁ ပွဲရှုံး ၆ မှတ်နဲ့ အုပ်စု ဒုတိယရရှိခဲ့ပါတယ်။
ဒီပွဲရှုံးနိမ့်သွားပေမယ့် မြန်မာအသင်းဟာ အုပ်စု ဒုတိယနဲ့ ဆီမီးဖိုင်နယ်ကို တက်ရောက်သွားသလို ဇွန် ၂၇ ရက်မှာ အုပ်စု (ခ) က ပထမရတဲ့ ဗီယက်နမ် အသင်းနဲ့ ကစားရမှာ ဖြစ်ပါတယ်။
ထိုင်းကတော့ အုပ်စု (ခ) မှာ အမှတ်တူနေတဲ့ ဖိလစ်ပိုင် ဒါမှမဟုတ်ရင် မလေးရှား အသင်းနဲ့ ကစားရမှာ ဖြစ်ပါတယ်။
DVB

ထိုင်းစွမ်းအင်ကုမ္ပဏီ မြန်မာ့သဘာဝဓာတ်ငွေ့လုပ်ငန်းတွင် ရင်းနှီးမြှုပ်နှံမည်


ထိုင်းနိုင်ငံ အကြီးဆုံး အစိုးရပိုင် ပီတီတီ စွမ်းအင်ကုမ္ပဏီဟာ အရှေ့တောင်အာရှမှာ လျှပ်စစ်ဓာတ်အားထုတ်လုပ်တဲ့ စက်ရုံနဲ့ မြန်မာ သဘာဝဓာတ်ငွေ့လုပ်ငန်းမှာ ရင်းနှီးမြှုပ်နှံဖို့ သဘောတူညီချက် လက်မှတ်ရေးထိုးလိုက်ပါတယ်။
ဒီအတွက် ရပ်ချဘူရီ လျှပ်စစ်ဓာတ်အားထုတ်လုပ်မှု ကုမ္ပဏီနဲ့ အကျိုးတူ ရင်းနှီးမြှုပ်နှံဖို့ သဘောတူညီ လက်မှတ်ရေးထိုးခဲ့တယ်လို့ ရိုက်တာသတင်းက ရေးပါတယ်။
သဘောတူညီချက်အရ ပီတီတီကုမ္ပဏီဟာ အရည်အဖြစ် ပြောင်းလဲထားတဲ့ သဘာဝဓာတ်ငွေ့ (အယ်လ်အန်ဂျီ) တွေကို မြန်မာမှာ သိုလှောင်နိုင်အောင် ရေပေါ် သိုလှောင်ထားနိုင်တဲ့ အရာတွေနဲ့ ဓာတ်ငွေ့အဖြစ် ပြန်လည်ပြောင်းလဲနိုင်တဲ့ ယူနစ် (အက်ဖ်အက်စ်အာယူ) တွေကို ဖွံ့ဖြိုးအောင် လုပ်ဆောင်သွားမယ်လို့ ရပ်ချဘူရီကုမ္ပဏီ အမှုဆောင်အရာရှိ ပေါင်ဒစ်ပေါ့ချနာက သတင်းထောက်တွေကို ပြောပါတယ်။
ပထမအဆင့် ရင်းနှီးမြှုပ်နှံမှုပမာဏ အမေရိကန်ဒေါ်လာ သန်း ၄၀၀ ရှိမယ်လို့ ခန့်မှန်းထားပြီး အက်ဖ်အက်စ်အာယူက တန် ၃ သန်း သိုလှောင်ထားနိုင်မယ်လို့ ဆိုပါတယ်။
ရပ်ချဘူရီကုမ္ပဏီက ၂၅ ကနေ ၃၀ ရာခိုင်နှုန်းထိ စီမံကိန်းကို ပိုင်ဆိုင်မယ်လို့လည်း ပြောပါတယ်။
ထိုင်းနိုင်ငံဟာ စွမ်းအင်အသုံးပြုမှုရဲ့ ၇၀ ရာခိုင်နှုန်းကို သဘာဝဓာတ်ငွေ့ကနေ ရယူ အသုံးပြုနေပြီး ဒီအထဲက ၅ ပုံ ၁ ပုံဟာ မြန်မာကရရှိတာ ဖြစ်ပါတယ်။
နောင်လာမယ့် ၆ နှစ်ကနေ ၇ နှစ်အတွင်းမှာ ထိုင်းဟာ နိုင်ငံတွင်းထုတ်လုပ်နိုင်မယ့် သဘာဝဓာတ်ငွေ့ ပြတ်တောက်နိုင်သလို ရေရှည်အသုံးပြုနိုင်ဖို့အတွက် စိန်ခေါ်မှုတွေ ရှိနေပါတယ်။
ပီတီတီနဲ့ ရပ်ချဘူရီ ကုမ္ပဏီဟာ ၆၀၀ မီဂါဝပ် လျှပ်စစ်ဓာတ်အား ထုတ်လုပ်နိုင်မယ့် ကျောက်မီးသွေးသုံး လျှပ်စစ်ဓာတ်အား စက်ရုံတရုံကို ကျိုင်းတုံမြို့မှာ တည်ဆောက်သွားမယ်လို့ ဆိုပါတယ်။
စက်ရုံအတွက် ခန့်မှန်းခြေ ဒေါ်လာ ၁.၃ ဘီလီယံ ရင်းနှီးမြှုပ်နှံမှာ ဖြစ်ပြီး လျှပ်စစ်ဓာတ်အား ၅၀၀ မဂ္ဂါဝပ်ကို ထိုင်းနိုင်ငံ တင်ပို့မယ်လို့ ပေါင်ဒစ်ပေါ့ချနာက ပြောပါတယ်။
DVB

မီဒီယာကို စိတ်ဆိုးဒေါသဖြစ်သူ


စစ်ထောက်လှမ်းရေး အကြီးအကဲ ဗိုလ်ချုပ်ကြီးဟောင်း ဦးခင်ညွှန့် နေအိမ်အကျယ်ချုပ်က လွတ်မြောက်ချိန် သတင်းထောက်များကို နှုတ်ဆက်နေစဉ်။ (ဇန်န၀ါရီလ ၁၃၊ ၂၀၁၂)
ဒီတပတ် မြန်မာ့မျက်မှောက်ရေးရာ ဆွေးနွေးခန်းမှာ မြန်မာနိုင်ငံ စစ်ထောက်လှမ်းရေးမှူးချုပ် ဦးခင်ညွန့်ဟာ သူ့ရဲ့အတိတ်လုပ်ရပ်တွေနဲ့ ပတ်သက်ပြီး လိပ်ပြာမသန့် ဖြစ်နေဟန်ရှိတယ်လို့ မီဒီယာသမားတွေက သုံးသပ်နေကြပါတယ်။ မီဒီယာတွေ နောက်ကြောင်းပြန် မဝေဖန်နဲ့လို့ ပြောကြားလိုက်တာနဲ့ ဆက်စပ်ပြီး ဝါရင့်မီဒီယာသမားတွေက ပြောကြားလိုက်တာပါ။ ဝါရင့်သတင်းသမားကြီးလည်းဖြစ် စာရေးဆရာလည်းဖြစ်တဲ့ ဦးကျော်ရင်မြင့်၊ မြန်မာသတင်းသမဂ္ဂ တည်ထောင်သူ ဦးမောင်မောင်မြင့်တို့နဲ့ ဦးကျော်ဇံသာ ဆွေးနွေးသုံးသပ်ထားပါတယ်။

ဦးကျော်ဇံသာ ။ ။ ကျနော် ဒီနေ့ ဆရာတို့နှစ်ယောက်ကို ဖိတ်ခေါ်ဆက်သွယ်ရတဲ့အကြောင်းကတော့ မြန်မာနိုင်ငံမှာ စစ်အစိုးရလက်ထက်က အရေးကြီးဆုံးတာဝန်ကို ထမ်းဆောင်ခဲ့တဲ့ ပုဂ္ဂိုလ်တယောက်က မီဒီယာသမားတွေက သူ့လက်ထက်မှာ ဆောင်ရွက်ချက်တွေနဲ့မေးတော့ မီဒီယာတွေကို ပြောချင်တယ် နောက်ကြောင်းပြန်ပြီး မမေးပါနဲ့၊ နောက်ကြောင်းပြန်ပြီး မဝေဖန်နဲ့လို့ ပြောသွားတာကို တွေ့လိုက်ရပါတယ်။

ဦးခင်ညွှန့်  “ဝေဖန်ရေးသက်သက် မလုပ်နဲ့။ နောက်ကြောင်းပြန်တဲ့ဟာတော့ မလုပ်နဲ့။ နောက်ကြောင်းပြန်တဲ့ဟာသည် တိုင်းပြည်တိုးတက်ရေး မဟုတ်ဘူး။ နောက်ကြောင်းပြန်တာသည် တိုင်းပြည်တိုးတက်တာ မဟုတ်ဘူး။ ဝေဖန်နေတာ။ ဝေဖန်ရေးသက်သက်လုပ်ရင် ကိုယ့်ကိုယ်ကို ဝေဖန်ရမယ်။ ကိုယ့်ကိုယ်ကို ဝေဖန်ပြီးမှ သူများကို ဝေဖန်ရမယ်။”

သတင်းထောက် “အဲဒါဆို မီဒီယာက ဝေဖန်ရေးလို့ဆိုရင် အန်ကယ်လက်ထက်တုန်းက ဝေဖန်လို့ မရတဲ့အခါမှာ အခုလက်ထက်မှာ …”

ဦးခင်ညွှန့် “ဒါကတော့ သူ့စနစ်နဲ့သူ စနစ်ချင်း မတူဘူးကွ။”

သတင်းထောက် “အဲဒါကြောင့် ထောက်ပြပြောဆိုမှုတွေအပေါ်မှာ အန်ကယ်က ဝေဖန်တယ်လို့ ဆိုတယ်ဆိုရင် အဲဒီအပေါ်မှာ ဟိုဟာဖြစ်ပါတယ်။ ပြန်ပြီးတော့ ရှယ်ရာလုပ်သင့်ပါတယ်။”

ဦးခင်ညွှန့် “မင်းတို့ ဝေဖန်နေကြတာပဲကွ။”

သတင်းထောက် “အန်ကယ်အနေနဲ့ အခုအချိန်မှာ မီဒီယာ ပွင့်လင်းလာမှုအပေါ် ဝေဖန်တယ်လို့ မမြင်ဖို့ကိုလဲ အဲဒီအပေါ်မှာ …”

ဦးခင်ညွှန့် “ဝေဖန်နေကြတာပဲလေ။ ဝေဖန်နေလို့ မမြင်လို့ မရဘူးလေ။”

သတင်းထောက် “ထောက်ပြခဲ့တာ၊ ထောက်ပြမှုတွေအပေါ် အရင်တုန်းက ဒီလိုရှိတယ်၊ အခုအချိန်မှာ ဒီလိုရှိတယ်။ မီဒီယာ နှိပ်ကွပ်မှုတွေ အခုအချိန်အထိ ရှိနေသေးတယ် အန်ကယ်။”

ဦးခင်ညွှန့် “အဲဒါ စနစ်အပေါ်မှာ မူတည်တယ်ကွ။”

ဦးကျော်ဇံသာ ။ ။ တကယ်တော့ ဒီပုဂ္ဂိုလ်ဟာ သူ့လက်ထက်မှာ သူ ဘာတွေလုပ်ခဲ့တယ်ဆိုတာ နောက်ကြောင်းပြန်ပြီး ရေးထားတဲ့ စာအုပ်ကလဲ သူ့လုပ်ဆောင်ချက်တွေကို ရွှန်းရွှန်းဝေအောင် ညွှန်ထားတာ ဖြစ်ပါတယ်။ သူ့ရေးတဲ့ စာအုပ်ရဲ့  အမှာ,မှာတော့ သမိုင်းကြောင်းအမှန်ကို သိစေလိုလို့ ရေးတာလို့ဆိုတယ်။ ကောင်းတာကြီးပဲ မဖြစ်နိုင်ဘူး။ အဆိုးအကောင်း ဒွန်တွဲနေပါတယ်လို့ ပြောပေမယ့် ဆိုးတာတော့ ပြောထားတာ မတွေ့ရဘူး။ သူက အဲဒီလို သူ့နောက်ကြောင်းကို ရေးထားပေမယ့် မီဒီယာက ဒီဟာတွေကို ထောက်ပြီးမေးတဲ့အခါကြတော့ သူက ဒေါသအမျက်ချောင်းချောင်းထပြီးတော့ တုံ့ပြန်ခဲ့ပါတယ်။ ဒီကိစ္စနဲ့ ပတ်သက်လို့ ဆရာဦးကျော်ရင်မြင့်ရဲ့  အဖြေကို ပထမဦးဆုံး ကြားချင်ပါတယ်။ မြန်မာနိုင်ငံမှာရှိတဲ့ သတင်းလောက,က ဒီကိစ္စနဲ့ ပတ်သက်ပြီး ဘယ်လို တုံ့ပြန်ပြီးပြောကြလဲ။ မီဒီယာလောက အများရဲ့  ခံစားချက်က ဘယ်လို ရှိကြပါလဲ။

ဦးကျော်ရင်မြင့် ။ ။ အများရဲ့  ခံစားချက်က သူက သူ့ရဲ့ အတိတ်ကို ကြောက်နေလို့ ကာတယ်လို့ မြင်ကြပြောကြပါတယ်။ အတိတ်က အိပ်မက်ဆိုးကြီးကို ဗိုလ်ချုပ်ခင်ညွှန့်ကိုယ်တိုင်လည်း မက်နေဆဲပါ။ နိုင်ငံတကာ စစ်ခုံရုံးကို အတင်ခံရမယ်ဆိုပြီးတော့ နံမည်စာရင်း အတို့ခံထားရတဲ့လူဆိုတော့ သူ့သမိုင်းကို သူသိနေပါတယ်။ ဒါကြောင့်မို့ သူ့ရဲ့ အတိတ်ကို ဇွတ်မိတ်ပြီးတော့မှ တံခါးပိတ်နေတယ်လို့ ကျနော်က အဲဒီလို မြင်ပါတယ်။ ကျနော်တို့မိတ်ဆွေတွေကလည်း အဲဒီလို မြင်ပါတယ်။

ဦးကျော်ဇံသာ ။ ။ ဦးမောင်မောင်မြင့် က မြန်မာပြည်ပမှာ နေပေမယ့် မြန်မာနိုင်ငံရဲ့  ဖြစ်ရပ်တွေ၊ မီဒီယာလောကကို တချိန်လုံး စောင့်ကြည့်နေတဲ့ ပုဂ္ဂိုလ်ဖြစ်ပါတယ်။ မြန်မာနိုင်ငံ သတင်းသမဂ္ဂကို တည်ထောင်ခဲ့သူလည်း ဖြစ်ပါတယ်။ ဘယ်လိုပြောလိုပါလဲ။

ဦးမောင်မောင်မြင့် ။ ။ သူကိုယ်၌က နောက်ကြောင်းပြန်တဲ့ကိစ္စတွေကို စာအုပ်ထုတ်ခဲ့တယ်။ သူ့အကြောင်း ရွှန်းရွှန်းဝေ ရေးခဲ့တယ်။ ဒါပေမဲ့လို့ ခေတ်သစ်လူငယ်တွေနဲ့ ခေတ်သစ်မြန်မာနိုင်ငံကလူတွေ သူ့ရဲ့ နောက်ကြောင်းကို ပြန်မသိစေချင်တဲ့သဘော အဲဒီသဘောမျိုး တားနေတာကို တွေ့ရပါတယ်။ ဒီနေရာမှာ သူ့အနေနဲ့ သတိလွတ်ခဲ့တာက သမိုင်းကို ပြန်ကြည့်တယ်။ အတိတ်ကို ပြန်ကြည့်တယ်။ နောက်ကြောင်းကို ပြန်ကြည့်တယ်ဆိုတာ လက်စားချေဖို့ထက် သင်ခန်းစာယူဖို့ သဘောမျိုး ရှိသင့်တယ်ဆိုတဲ့ အတွေးမျိုး ရှိသင့်တယ်ဆိုတာကို သူ့အနေနဲ့ သတိမထားမိဘူးလို့ ကျနော် ထင်ပါတယ်။

ဦးကျော်ဇံသာ ။ ။ သူ ဒီလို ဒေါသတကြီး တုံ့ပြန်တာကို အရင်တခါလည်း တွေ့ဖူးပါတယ်။ သတင်းထောက်တယောက်ကပဲ မေးခဲ့ပါတယ်။ အမျိုးသမီးထောက်တယောက် မြန်မာနိုင်ငံမှာ ရှေးဟောင်းပစ္စည်းတွေကို ပြုပြင်သွားတာနဲ့ ပတ်သက်ပြီးတော့ Archeological ရှေးဟောင်းသုတေသန ရှုထောင့်ကမေးတာကို ပညာရှင်ဆန်ဆန် မေးတာဖြစ်ပါတယ်။ သူက ဒေါသတကြီးနဲ့ အလားတူ တုံ့ပြန်ခဲ့ပါတယ်။ အခုလဲပဲ အဲဒီလို ဒေါသမျိုးကို တွေ့နေရတော့ သူကိုယ်တိုင်က သူလုပ်ခဲ့တာတွေကို ဖုံးကွယ်ရုံသက်သက်လား။ တကယ် မှန်နေတယ်လို့များ ထင်ပြီးတော့ ဒေါသနဲ့ တုံ့ပြန်နေတာလားဆိုတာကို ကျနော် စဉ်းစားမိပါတယ်။ ဆရာဦးကျော်ရင်မြင့် ဘယ်လို သဘောရပါလဲ။

ဦးကျော်ရင်မြင့် ။ ။ ကိုယ်လုပ်ခဲ့တာ မှန်တယ်ထင်လို့ရှိရင် သူမှာ စိတ်ခံစားမှု ရှိစေမလိုဘူးလေ။ ကျေကျေနပ်နပ်နဲ့ ကျနော်တို့က ဥပမာ ပုဂံဘုရားတွေ ပြင်တာဆိုရင်လဲ တကယ့်ကို လုပ်ခဲ့တာဆိုပြီး သူ ပြောပြလို့ရတယ်။ ဒေါသတကြီးနဲ့ တုံ့ပြန်တယ်ဆိုတာကိုက အမှန်ကတော့ ကန်တာပဲ။ သူကိုယ်တိုင် သိပါတယ်။ သူ လုပ်ခဲ့တာတွေက မမှန်ဘူး၊ မှားတယ်ဆိုတာ သိလို့ အဲဒီလို ကန်တယ်လို့ ကျနော် မြင်ပါတယ်။

ဦးကျော်ဇံသာ ။ ။ ဒီနေရာမှာ ဆက်စပ်ပြီးတော့ BBC World Service ကို ယူကရိုင်နိုင်ငံ သမ္မတဟောင်း Viktor Yanukovych က ပထမဦးဆုံးအကြိမ် နိုင်ငံခြားမီဒီယာနဲ့ အင်တာဗျူးပေးတာကို တွေ့ရပါတယ်။ ဒါပေမဲ့ သူဟာ သူ့ရဲ့ မှားယွင်းမှုခဲ့တာ တိုင်းပြည်ရဲ့  အခြေအနေက သူ့ကို အပြစ်တင်နေကြတယ်။ အဲဒီထဲမှာ သူဟာ တစိတ်တဒေသ တာဝန်ရှိတယ်ဆိုတာကို ဝန်ခံတယ်။ ဒါပေမဲ့ သူ့ရဲ့  ချမ်းသာကြွယ်ဝမှုတွေကိုမေးတော့ ဒေါသတကြီး မတုံ့ပြန်ပါဘူး။ သူက အေးအေးဆေးဆေးပဲ ပြောတယ်။ ကျနော်တို့ဆီက ဒီပုဂ္ဂိုလ် ဒီလောက် တာဝန်ကြီးကြီး ထမ်းဆောင်ခဲ့တဲ့ ပုဂ္ဂိုလ်။ အခု ဘာသာတရားကိုလည်း လေ့လာလိုက်စားနေလို့ ဘဝရဲ့  ကျန်တဲ့အခြေအနေကို ဒါတွေနဲ့ပဲ ကုန်လွန်စေတော့မယ်လို့ ပြောနေတဲ့ပုဂ္ဂိုလ်က ဘာဖြစ်လို့ ဒေါသတကြီးနဲ့ ဒီလောက်တောင် တုံ့ပြန်ရသလဲ။ အဲဒါကြောင့် ဒီမေးခွန်းကို မေးရတာ ဖြစ်ပါတယ်။ သူဟာ မှန်တယ်ထင်နေလို့ သူလုပ်ခဲ့တဲ့ တကယ့်အမှန်တရားကို စော်ကားတယ်လို့ ထင်နေသလား။ ဆရာဦးမောင်မောင်မြင့်ရဲ့  သဘောထားကို သိပါရစေ။

ဦးမောင်မောင်မြင့် ။ ။ တချို့ ကိစ္စတွေမှာတော့ သူ့ကိုယ်သူ မှန်တယ်လို့ ထင်ပြီးတော့ ကာကွယ်တာမျိုး ရှိကောင်းရှိနိုင်ပါတယ်။ ဒါပေမဲ့လို့ DVB က လုပ်တဲ့အင်တာဗျူးမှာတော့ ကျနော် မြင်တာကတော့ သူဟာ သူ့လုပ်ရပ်တွေအတွက်ကို တာဝန်မယူဘဲနဲ့ စနစ်ကို ပုံချခဲ့တာကို တွေ့ရပါတယ်။ စစ်အစိုးရခေတ်က စစ်အစိုးရရဲ့  စနစ်မို့လို့ သူလုပ်ခဲ့ရပါတယ်သဘောနဲ့ သူ့မှာ တာဝန်မရှိဘူး။ စနစ်မှာ တာဝန်ရှိပါတယ်သဘောနဲ့ ပုံချသွားတာကို တွေ့ရပါတယ်။ ဒါကို ကြည့်ချင်အားဖြင့် သူဟာ တချို့ ကိစ္စတွေမှာ သူ့ကိုယ်သူ ဝန်ခံရဲတဲ့ ကိစ္စမျိုး ရှိကောင်းရှိပေမယ်လို့ တချို့ ကိစ္စတွေမှာတော့ ပုခုံးရှောင်တဲ့သဘောမျိုး လုပ်ခဲ့တာကို အခုဆို ထင်ထင်ရှားရှား မြင်ရပါပြီ။

ဦးကျော်ဇံသာ ။ ။ အဲဒါ ကျနော်လည်း တွေ့မိပါတယ်။ သူ ရေးခဲ့တဲ့ စာအုပ်ထဲမှာလည်း ကောင်းတဲ့အလုပ်ဆိုရင် သူ ဘယ်လို လုပ်ခဲ့တယ်ဆိုတဲ့ ပုံစံမျိုး တွေ့ပြီးတော့၊ အမှားအယွင်း တစုံတရာဆိုလို့ရှိရင် စုပေါင်းခေါင်းဆောင်မှုဖြစ်တယ်။ အထက်အမိန့်ကို လိုက်နာပြီး လုပ်ရတာဖြစ်တယ် စသဖြင့် တွေ့ရပါတယ်။ ဆရာဦးကျော်ရင်မြင့် ဘာပြောချင်ပါလဲ။

ဦးကျော်ရင်မြင့် ။ ။ အထူးသဖြင့် သူ့စာအုပ်ထဲမှာလည်း ဖော်ပြထားပါတယ်။ စစ်အာဏာ ဒုတိယအကြိမ်သိမ်းအောင် သူ ဘယ်လို လှုပ်ရှားခဲ့တယ်။ ကြိုးကိုင်ခဲ့တယ်ဆိုတာကို သူ့စာအုပ်ထဲမှာ တပိုင်းတစ ဖော်ပြထားပါတယ်။ အဲဒီတော့ စစ်အာဏာသိမ်းမှုကြီး ဖြစ်လာအောင် ဖန်တီးတာက သူပဲလေ။ စနစ်မဟုတ်ဘူး။ အဲဒီတော့ ကျနော် ထင်ပါတယ် သူ့အလုပ် သူ့တာဝန် သူ့အမှားတွေကို သူ သိပုံရပါတယ်။

ဦးကျော်ဇံသာ ။ ။ သူ့စာအုပ်ဆိုလို့ သူက ဘယ်လို တည်ဆောက်ရေးလုပ်ငန်းတွေကို လုပ်ခဲ့တယ်။ ဘယ်နေရာ သွားခဲ့တယ်။ ဓါတ်ပုံတွေနဲ့ ရွှန်းရွှန်းဝေ ပြထားတာပါ။ တကယ်သိချင်တာက ရွေးကောက်ပွဲရလဒ်ကို ဘာကြောင့် သူတို့ မလိုက်နာခဲ့သလဲ။ ဘာကြောင့် အာဏာ မလွှဲခဲ့တာလဲ။ ၈၈ နှိပ်ကွပ်တာ။ ဆန္ဒပြပွဲတွေကို နှိပ်ကွပ်တာ။ Heavy handed ပေါ့။ လိုအပ်တာထက် အင်အားသုံးပြီးတော့ နိုင်ငံတကာမှာလဲ ဖြစ်နေတာပဲ၊ ဒီလောက်တောင် သူတို့ ပစ်သတ်ခဲ့ရတာလဲဆိုတာနဲ့ ပတ်သက်ပြီး ဘာမှ ရှင်းရှင်းလင်းလင်း ပြောတာလဲ မတွေ့ဘူး။ မှားတယ်လို့ ယူဆဟန်လဲ ဘာမှ မတွေ့ပါဘူး။ ဆရာဦးမောင်မောင်မြင့် ဘာပြောစရာ တွေ့ပါလဲ။ အဲဒီကိစ္စနဲ့ ပတ်သက်ပြီးရေးတဲ့ အချက်အလက်တွေကို။

ဦးမောင်မောင်မြင့် ။ ။ သူ့စာအုပ်ထဲမှာတော့ စောစောက ဆရာဦးကျော်ဇံသာ ပြောသလို သူ့ကိစ္စကိုသာ ရွှန်းရွှန်းဝေ ပြောသွားတာကို တွေ့ရပါတယ်။ နောက်ပြီးတော့ အရေးကြီးဆုံး အကြောင်းအရာတွေဖြစ်တဲ့ ၈၈ သပိတ်တုန်းက တုန်ပြန်သပိတ်ကိစ္စမှာ သူ ဦးဆောင်ပြီးတော့ နှိမ်နှင်းခဲ့တယ်ဆိုတဲ့ ကိစ္စမျိုးတွေနဲ့ ပတ်သက်ပြီးတော့လဲ အရိပ်အမြွက်တောင် ပြောခဲ့တာ မတွေ့ရဘူး။ နောက်ပြီးတော့ သူဟာ နဝတ အစိုးရအဖွဲ့မှာ၊ နအဖ အစိုးရအဖွဲ့မှာ အတွင်းရေးမှူး (၁) ဆိုတဲ့ တာဝန်ကို ယူပြီးတော့ တကယ်တမ်း ပြောမယ်ဆိုရင် တဖွဲ့လုံးကို ထိန်းချုပ်နိုင်တဲ့ တာဝန်ကို ယူထားခဲ့တယ်။ ထောက်လှမ်းရေးမှုးချုပ်အနေနဲ့လည်း လူတွေကို ဖမ်းဆီးနှိပ်စက်တာတွေ၊ ညှဉ်းပန်းတာတွေ၊ သတ်ဖြတ်တဲ့ကိစ္စအထိ ကျူးလွန်ခဲ့တယ်။ ဒါတွေနဲ့ ပတ်သက်ပြီးတော့ သူ့ဆင်ခြေတွေကို တစုံတရာတောင်မှ မတွေ့ရဘူး။ လူအများက မျှော်လင့်ခဲ့ကြတာတော့ သူ့စာအုပ်ထွက်လာရင် သူဟာ အနည်းဆုံးတော့ သူ ကျူးလွန်ခဲ့တဲ့ ပြစ်မှုတွေအတွက်ကို တောင်းပန်စကား ပြောမယ်လို့ လူတွေ မျှော်လင့်ခဲ့ကြပေမယ့် ဒါတွေကို မတွေ့ရတဲ့အပြင် သူက တဖန် သူများကို စွပ်စွဲတဲ့ကိစ္စမျိုးတွေ အဲဒီစာအုပ်ထဲမှာ တွေ့ရပါတယ်။ ကျနော် ထင်တာကတော့ သူက တခုခု ထုတ်ပြောလိုက်မယ်ဆိုရင် ဝန်ခံတဲ့သဘော သက်ရောက်မယ်။ ဝန်ခံတဲ့သဘော သက်ရောက်မယ်ဆိုရင် တချိန်ချိန်မှာ အနာဂတ်မြန်မာနိုင်ငံမှာဖြစ်ဖြစ်၊ စောစောကပြောတဲ့ နိုင်ငံတကာ ခုံရုံးမှာဖြစ်ဖြစ် သူကို အမှုစစ်တဲ့အခါမှာ သူကိုယ်တိုင် ဝန်ခံတယ်ဆိုတဲ့ အချက်တွေက သူကို ပြန်ပြီးတော့ ချည်နှောင်နိုင်တယ်၊ တုပ်နှောင်နိုင်တယ်ဆိုတဲ့ သဘောမျိုးထားတာလဲ ဖြစ်နိုင်ပါတယ်။

ဦးကျော်ဇံသာ ။ ။ အဲဒါနဲ့ ပတ်သက်ပြီး ဆရာဦးကျော်ရင်မြင့် ဆရာက သတင်းသမားလည်းဖြစ်တယ်။ စာရေးဆရာလည်း ဖြစ်တယ်ဆိုတော့ ဆရာတို့ စာပေအသိုင်းအဝိုင်းက ပုဂ္ဂိုလ်တွေက ဘယ်လို သဘောထားကြပါလဲ။

ဦးကျော်ရင်မြင့် ။ ။ ပထမဦးဆုံး ကျနော်တို့အချင်းချင်း ပြောဖြစ်ကြတာက ဝယ်ဖတ်တာ ရှစ်ထောင်မတန်ဘူးဆိုတာ ပြောဖြစ်တယ်။ ဘာဖြစ်လို့လဲဆိုတော့ စောစောက ဆရာဦးမောင်မောင်မြင့် ပြောသွားသလို ကျနော်တို့ မျှော်လင့်ထားတာ မပါသလောက်ပဲ။ တခုတော့ရှိပါတယ် ကျနော် ဆရာဦးမောင်မောင်မြင့်ကို ဆန့်ကျင်ပြီး ပြောတာမဟုတ်ပါဘူး။ အဲဒီစာအုပ်ထဲမှာ သူ့လက်အောက်ကလူတွေ အလွန်အကျွံလုပ်ခဲ့တာနဲ့ ပတ်သက်ပြီးတော့ sorry ဆိုတာလေးတော့ အရိပ်အရောင်လောက် ရေးသွားပါတယ်။ အဲဒီ sorry ပြောရုံလောက်နဲ့ ပြီးသွားပြီ၊ တာဝန်ကျေပြီလို့ ထင်သလားတော့ မသိဘူး။ အဲဒါလေးတချက်တော့ တွေ့မိပါတယ်။ လိုရင်ပြန်ပြောရရင်တော့ မျှော်လင်ထားတာနဲ့ သူ့စာအုပ်က တခြားဆီပါပဲ။ သူ့နံမည် ရောင်းစားတယ်လို့ လူတွေက ပြောကြပါတယ်။ သူ့စာအုပ်နဲ့ ပတ်သက်ပြီး နည်းနည်းလောက် ပြန်ပြောရရင် သူ ရေးတယ်လို့ မထင်ကြပါဘူး။ တယောက်ယောက်က ရေးပါရတယ်လို့ ဆိုကြတယ်။ ဘယ်သူ ရေးပေးတယ်လို့ ကျနော်တို့လောကမှာ ပြောတဲ့လူတော့ ရှိကြတယ်။ ဒါက အရေးမကြီးပါဘူး။ ဒီ စာအုပ်ရေးပေးတဲ့လူက သူ့အကြိုက်တွေပဲ ရေးပေးရတယ်။ သူ့မကြားရဲ ဝန်မခံရဲတာ၊ မပြောရဲတာကို ချန်ထားရတယ်လို့ ထင်ပါတယ်။ လိုရင်ပြန်ပြောရရင်တော့ ဆရာဦးမောင်မောင်မြင့်နဲ့ သဘောတူပါတယ်။ သူရဲဘောကြောင်တာ ဒီစာအုပ်ကြီးက ပေါ်လွှင်တယ်။ အခု သူပြောနေတာတွေလည်း ပေါ်လွှင်တယ်လို့ မြင်ပါတယ်။

ဦးကျော်ဇံသာ ။ ။ ဒါပေမဲ့ နိုင်ငံတကာမှာ တောင်အာဖရိက trend လိုပေါ့။ Truth and Reconciliation Commission အမှန်တရား ဖော်ထုတ်ပြီးတော့ ပြန်လည်သင့်မြတ်ရေး လုပ်နေကြတာပဲ။ မြန်မာနိုင်ငံမှာ အင်အားကြီးတဲ့ အတိုက်အခံပိုင်းကလည်း ဒီစကားမျိုးကို ပြောနေကြတာ။

ဦးကျော်ရင်မြင့် ။ ။ ဟုတ်ပါတယ်။ ဒေါ်အောင်ဆန်းစုကြည် က အတိတ်ကို သင်ပုန်ချေပြီးပြီ။ ပြန်ပြီးတော့ မသွားဘူးလို့ အကြိမ်ကြိမ် ပြောနေတာ။ ဒါပေမဲ့ ကိုယ့်စိတ်နဲ့မနှိုင်း မရိုင်းဆိုသလို တချို့ ဗိုလ်ချုပ်ကြီးတွေက အဲဒါကို မယုံရဲဘူးထင်တယ်။ သူတို့စိတ်နဲ့ပဲ နှိုင်းနေသလား မသိဘူး။ အမှန်တကယ်ကတော့ နောက်ကဟာတွေကို ပြန်ပြီးတော့ သင်ပုန်ချေပြီးတော့ ရှေ့ ကိုဆက်သွားရမယ့် စိတ်ဓါတ်တွေကို ဗိုလ်ချုပ်ကြီးတွေ၊ အတိုက်အခံတွေ ထားနိုင်ရင်တော့ တိုင်းပြည်က ရွေ့ မယ်လို့ မြင်ပါတယ်။

ဦးကျော်ဇံသာ ။ ။ ကျနော် နောက်ဆုံး ပြောလိုတာက အဲဒီမေးတဲ့ အမျိုးသမီးသတင်းထောက် နှစ်ဦးကို ချီးကျူးလိုပါတယ်။ သူတို့က တဖတ်က ဒေါသတကြီး တုံ့ပြန်နေပေမယ့် သူတို့က သူတို့မေးချင်တဲ့ မေးခွန်းကို တည့်တည့်မတ်မတ် ဆက်ပြီးတော့ မေးသွားနိုင်တယ်။ ဆရာဦးမောင်မောင်မြင့် အဲဒီ အမျိုးသမီးသတင်းထောက်တွေကို ဘယ်လို မြင်ပါလဲ။

ဦးမောင်မောင်မြင့် ။ ။ ကျနော်လည်း အင်မတန် အံ့သြမိပြီး အင်မတန်လည်း လေးစားမိပါတယ်။ ဘာဖြစ်လို့လဲဆိုတော့ ကျနော်တို့ မြန်မာနိုင်ငံမှာ သတင်းလောကကို ဖိနှိပ်ထားတာ နှစ်ပေါင်း အဲဒီလောက် ကြာခဲ့သည်တိုင်အောင် အဲဒီလိုမျိုး သတ္တိရှိတဲ့ သတင်းသမားတွေ၊ ကိုယ့်အလုပ်ကို စိတ်အေးအေးနဲ့ လုပ်နိုင်တဲ့ သတင်းသမားတွေ ရှိတယ်ဆိုတာ ကျနော်တို့ မီဒီယာလောကအတွက်တော့ အားရစရာလို့ မြင်ပါတယ်။

ဦးကျော်ဇံသာ ။ ။ ဆရာဦးကျော်ရင်မြင့် မှတ်ချက်ကို ပြောပါအုံး။

ဦးကျော်ရင်မြင့် ။ ။ ကျနော်လည်း အတူတူပါပဲ။ အထူးသဖြင့် ကျနော်တို့ မြန်မာသတင်းလောကမှာ လူငယ်သတင်းသမားတွေ အခု အများကြီး နေရာယူလာတယ်။ အလုပ်တွေ လုပ်လာတယ်။ အဲဒီအထဲမှာ အမျိုးသမီးလေးတွေ ပိုပြီးတော့ ထူးချွန်တယ်၊ ပိုပြီးတော့ ကြိုးစားတယ်။ ပိုပြီးတော်ကြတယ်။ ပိုပြီးတော့ သတ္တိမွေးပြီးတော့ လုပ်ကြနေပါတယ်။ အဲဒီတော့ လူငယ်တွေအားလုံး၊ အမျိုးသမီး၊ အမျိုးသားတွေအားလုံးကို အသိအမှတ်ပြုတယ်။ ချီးကျူးတယ်။ လေးစားတယ်။ အထူးသဖြင့် အမျိုးသမီးလူငယ် သတင်းထောက်တွေကို ပိုပြီးလေးစားချီးကျူးတယ်ဆိုတာကို ပြောလိုပါတယ်။

ဦးကျော်ဇံသာ / ဗွီအိုအေ (မြန်မာပိုင်း)
http://burmese.voanews.com

ထိုင်းနယ်စပ် ဒုက္ခသည်တွေအတွက် အမေရိကန် ပြန်လည် နေရာချရေး ဆက်လုပ်နေ


မယ်လ စခန်းကို ထိုင်းနိုင်ငံဆိုင်ရာ အမေရိကန် သံရုံး ယာယီ တာဝန်ခံ W Patrick Murphy သွားရောက်ခဲ့စဉ် 
ထိုင်း မြန်မာ နယ်စပ်က မြန်မာနိုင်ငံသား ဒုက္ခသည်တွေဟာ မကြာခင် နေရပ်ရင်း ပြန်ပို့ခံရတော့မယ်၊ အမေရိကန် အပါအ၀င်၊ တတိယ နိုင်ငံတွေကို သွားပြီး အခြေချ လို့လည်း မရတော့ဘူး ဆိုတဲ့ သတင်းတွေ ထွက်နေလို့ စိုးရိမ် ပူပန်နေကြချိန်မှာပဲ ဗုဒ္ဓဟူးနေ့က ထိုင်းနိုင်ငံ ဆိုင်ရာ အမေရိကန် သံအရာရှိက မယ်လစခန်းကို ရောက်လာပြီး ဒုက္ခသည်တွေအတွက် အမေရိကန်အစိုးရက ပြန်လည် နေရာချထားရေး အစီအစဉ် ဖွင့်ထားကြောင်း ပြောခဲ့ပါတယ်။

ထိုင်း မြန်မာ နယ်စပ်တလျှောက်က မြန်မာနိုင်ငံသား ဒုက္ခသည် ပြဿနာ ဖြေရှင်းရေးနဲ့ ပတ်သက်ပြီး အမေရိကန်နိုင်ငံအနေနဲ့ လက်ရှိ ဒုက္ခသည်တွေရဲ့ စားဝတ်နေရေး၊ ကျန်းမာရေး၊ ပညာရေး ကိစ္စတွေကို ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံး(UNHCR) အပြင် ပရဟိတအဖွဲ့တွေနဲ့ ဆောင်ရွက်နေပြီး ဒုက္ခသည်တွေ တည်ငြိမ်အေးချမ်းတဲ့ နေရပ်ရင်းကို ပြန်နိုင်ကြဖို့ အတွက် မြန်မာနိုင်ငံမှာ ငြိမ်းချမ်းတဲ့နည်းနဲ့ ပဋိပက္ခတွေကို ဖြေရှင်းနိုင်ဖို့နဲ့ ပြဿနာကို အပြီးသတ် ဖြေရှင်းတာ မဟုတ်ပေမယ့် ရွေးချယ်စရာအဖြစ်နဲ့ ဘယ်ကိုမှ သွားစရာမရှိ ဖြစ်နေသူတွေကို အမေရိကန်မှာ ပြန်လည် နေရာချထားပေးဖို့ ကိစ္စရပ် ၃ ခုဟာ အမေရိကန် အစိုးရရဲ့ မူဝါဒ ဖြစ်တယ်လို့ ထိုင်းနိုင်ငံဆိုင်ရာ အမေရိကန်သံရုံး ယာယီ တာဝန်ခံ မစ္စတာ W Patrick Murphy က ပြောပါတယ်။

ဒုက္ခသည်တွေရဲ့ ရွေးချယ်စရာ နိုင်ငံအဖြစ် အမေရိကန်မှာ နေရာချထားရေး အစီအစဉ်ကို ဆက်ဆောင်ရွက်နေတုန်း ဖြစ်ကြောင်း၊ လိုအပ်တဲ့ အချက်အလက်တွေနဲ့ ပြည့်စုံတဲ့သူတွေ အမေရိကန်ကို သွားလို့ ရနေသေးကြောင်းနဲ့ တခြားသွားစရာ နိုင်ငံ မရှိတဲ့သူတွေအတွက် အမေရိကန်က တံခါးဖွင့်ပေးထားကြောင်း ထိုင်းနိုင်ငံဆိုင်ရာ အမေရိကန်သံရုံး၊ ယာယီ တာဝန်ခံ မစ္စတာ W Patrick Murphy က ဘီဘီစီကို ပြောပါတယ်။

မစ္စတာ W Patrick Murphy ဟာ ထိုင်းအာဏာပိုင်တွေ၊ ဒုက္ခသည်တွေကို အကူအညီ ပေး နေတဲ့ ပရဟိတအဖွဲ့တွေနဲ့ လည်း တွေ့ဆုံပြီး မြန်မာနိုင်ငံသား ဒုက္ခသည်တွေရဲ့ စားဝတ်နေရေး ကိစ္စတွေကို ညှိုနှိုင်း ပြောဆိုခဲ့ပါတယ်။

ညနေပိုင်းမှာတော့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး(UNHCR) တာဝန်ရှိသူတွေနဲ့ မဲဆောက် လေဆိပ် စည်းဝေးခန်းမမှာ ဆွေးနွေးခဲ့ပါသေးတယ်။ဘာတွေ ဆွေးနွေးခဲ့သလဲ ဆိုတာကိုတော့ ထုတ်ဖော် ပြောဆိုတာမျိုး မရှိပါဘူး။

ဒုက္ခသည်တွေ စိုးရိမ်နေသလို အချိန်မတန်သေးပဲ နေရပ်ရင်း ပြန်ပို့တာမျိုး၊ ဆန္ဒမပါပဲ နေရပ်ရင်း ပြန်ပို့မှာမျိုးတွေ လုပ်မှာ မဟုတ်တဲ့ အကြောင်း၊ အကယ်၍ အခြေအနေတွေ အားလုံးကောင်းပြီး ဒုက္ခသည်တွေ ပြန်ဖို့ အချိန် တန်ပြီ ဆိုရင်တောင် မိမိဆန္ဒနဲ့ ပြန်တာမျိုးပဲ ဖြစ်ရမှာ ဖြစ်ပြီး ဒါဟာ အမေရိကန် အစိုးရရဲ့ မူဝါဒ ဖြစ်ကြောင်း သူက ပြောပါတယ်။

BBC Burmese
http://www.bbc.com/burmese

တအာင်းပလောင်အမျိုးသား ပါတီခေါင်းဆောင်နှစ်ဦးကို RCSS/SSA တပ်က ဖမ်းဆီး


ရှမ်းပြည်တောင်ပိုင်းတပ်မတော် RCSS/SSAမှ တပ်သားတချို့ကိုတွေ့ရစဉ် Photo: RFA
ရှမ်းပြည်နယ် မိုင်းကိုင်မြို့နယ် တအာင်းပလောင် အမျိုးသား ပါတီ ဥက္ကဌ မိုင်အောင်ခမ်းနဲ့ အတွင်းရေးမှူး တို့ကို ရှမ်းပြည်တောင်ပိုင်း တပ်မတော် RCSS/SSA အမှတ် ၁၃၇ တပ်ရင်းက ပြီးခဲ့တဲ့ဇွန်လ ၂၀ရက်နေ့က ဖမ်းဆီး ခေါ်ဆောင်သွားတယ်လို့ ပါတီတာဝန် ရှိသူတွေက ပြောပါတယ်။

မိုင်းကိုင်မြို့နယ်မှာ ပါတီရုံးဆိုင်းဘုတ်သွားတင်တာကို မကျေနပ်လို့ ခေါ်သွားတာ ဖြစ်ကြောင်း တအာင်းပလောင် အမျိုးသားပါတီ အထွေထွေအတွင်းရေးမှူး ကိုမိုင်းဝင်းထူး က ပြောပါတယ်။

"၂၀ ရက်နေ့ မနက် ၈ နာရီခွဲလောက်က ခေါ်သွားတာဖြစ်ပါတယ်၊ ခေါ်သွားပြီးမှ နောက်ဆုံးရထားတဲ့အချက် အလက်ကတော့ မိုင်းကိုင်မြို့မှာ ပါတီဆိုင်းဘုတ်ထောင် တာကို မလိုလားဘူးပေါ့၊ ပြောမယ်ဆိုရင်တော့ မိုင်းကိုင်မြို့တောင်ပေါ်ဒေသမှာ သွားပြီးတော့မှ ဖြစ်တဲ့အခြေအနေတွေကို ဒေသခံတွေ၊ ဘုန်းကြီးတွေကို မှတ်တမ်းတင် သွားရိုက်တာကိုလည်း သူတို့သဘောမကျဘူး"

သူတို့နှစ်ဦး ဖမ်းဆီးခံရတာကို ပါတီတာဝန်ရှိသူတွေက ရှမ်းပြည်နယ်ဝန်ကြီးချုပ်နဲ့ တောင်ကြီးမြို့မှာရှိတဲ့ RCSS/SSA ရုံးထံ အကြောင်းကြားထားတယ်လို့ သိရပါတယ်။

မိုင်းကိုင်မြို့နယ်အနီးမှာ အခြေစိုက်တဲ့ အမှတ် ၃၃၇ တပ်ရင်းက ဒုတပ်ရင်းမှူး စစ်ဂျာန်ဟန် ဦးဆောင်တဲ့အဖွဲ့ က ခေါ်ဆောင်သွားတာဖြစ်တယ်လို့ သတင်းတွေ ထွက်နေပေမယ့် တောင်ကြီးမြို့မှာရှိတဲ့ RCSS/SSA ဆက်ဆံရေး ရုံး တာဝန်ရှိသူတစ်ဦးက ငြင်းဆိုထားပါတယ်။

RFA Burmese

မဘသ ရေဒီယို အသံလွှင့်ရုံ တည်ထောင်မယ်


သူများဘာသာကို တိုက်ခိုက်မှာ မဟုတ်ပဲ ကိုယ့်ဘာသာ သာသနာကို ကာကွယ်ဖို့
မဘသက ရေဒီယို အသံလွှင့်ရုံ ထောင်မှာလို့ မိန့် 
မြန်မာနိုင်ငံက အမျိုး ဘာသာ သာသနာ စောင့်ရှောက်ရေး အဖွဲ့ မဘသကို ထိုင်းနိုင်ငံက သံဃာအဖွဲ့ တခုက ရေဒီယို အသံလွှင့်ရုံ တည်ထောင်နိုင်ရေးအတွက် အကူအညီပေးမယ်လို့ သိရပါတယ်။

အကူအညီပေးတဲ့ ထိုင်းသံဃာ အဖွဲ့ဟာ National Thai Buddhism and Cultural Mass Media Association ထိုင်း ဗုဒ္ဓဘာသာ နဲ့ ယဉ်ကျေးမှုဆိုင်ရာ လူထုမီဒီယာ အဖွဲ့ ဖြစ်တယ်လို့ AFP သတင်းထဲမှာ ဖေါ်ပြ ထားပါတယ်။

အဲဒီသံဃာ့ အဖွဲ့ဘက်က စကမ်းလှမ်းလာတာ ဖြစ်ပြီး ငွေသိန်း၇၀၀ နဲ့ သိန်း ၁၀၀၀ အကြား လှူဒါန်းမယ်လို့ မဘသ ဗဟို အလုပ်အမှုဆောင် ဆရာတော် ဦး ပါမောက္ခ က ဘီဘီစီကို မိန့်ပါတယ်။

ကိုယ့်လူမျိုး၊ ကိုယ့်ဘာသာ၊ ကိုယ့်သာသနာကို ကာကွယ် စောင့်ရှောက်ဖို့ မဘသရဲ့ လုပ်ဆောင်ချက်တွေ၊ ကိုယ့်လူမျိုး၊ ကိုယ့်ဘာသာ၊ ကိုယ့်သာသနာ ကြီးပွားရာ ကြီးပွားကြောင်း ကိစ္စတွေ၊ မဘသ ဗဟိုက ရေးသားတဲ့ ဇာတိသွေး ဆောင်းပါးတွေ၊ ကောက်နုတ်ချက်တွေကို ထုတ်လွှင့်သွားမှာ ဖြစ်တယ်လို့ သိရပါတယ်။

သူများ ဘာသာကို တိုက်ခိုက်မှာ မဟုတ်ဘဲ ကိုယ့်ဘာသာ သာသနာကို ကိုယ်ကာကွယ်သွားမှာ ဖြစ်ကြောင်းနဲ့ မဘသအဖွဲ့ရဲ့ မူဝါဒထဲမှာ အကြမ်းဖက်မှု ဖြစ်လာရင် ငြိမ်းချမ်းစွာ အဖြေရှာရမယ် ဆိုတာ ပါထားပြီး ဖြစ်တာမို့ ပြဿနာတွေ ဖြစ်လာစရာ မရှိဘူးလို့ ယူဆကြောင်း ဆရာတော် ဦး ပါမောက္ခ က မိန့်ပါတယ်။

မဘသ အဖွဲ့ထဲမှာ ရဟန်းသံဃာတွေရော၊ လူပရိသတ်ပါ ပါတဲ့အတွက် သံဃာတွေအနေနဲ့ ခွင့်ပြုမိန့် မရရင် ဝံသာနု ရက္ခိတ အဖွဲ့အနေနဲ့ လုပ်ရင်ရမယ်လို့ မျှော်လင့်ကြောင်းလည်း မိန့်ပါတယ်။

BBC Burmese

ရခိုင်နှင့်ချင်း ရေကြီး မြေပြို ဖြစ်နိုင်ဟု မိုးဇလ သတိပေး


ဓာတ်ပုံ - မင်းဟန်ဖေ့စ်ဘွတ်ခ်

အခုရက်ပိုင်း မိုးကြီးပြီး နောက်ဆက်တွဲ မြေပြို ရေကြီးဖြစ်ပေါ်နိုင်ရာမှာ အထူးသဖြင့် ရခိုင်ပြည်နယ်နဲ့ ချင်းပြည်နယ်တို့မှာ နေထိုင်သူတွေ သတိပြုနေထိုင်ကြဖို့ မိုးလေ၀သဌာနက ဒုတိယညွှန်ကြားရေးမှုးချုပ် ဦးကျော်မိုးဦးက ပြောပါတယ်။
ရခိုင်ပြည်နယ်အတွင်းရှိ မြစ်ချောင်းငယ်တွေ ရုတ်တရက် ရေကြီးရေလျှံတာဖြစ်ပေါ်နိုင်ပြီး ချင်းပြည်နယ်ထဲမှာတော့ မိုးကြီးပြီး မြေပြိုတာ ဖြစ်ပေါ်နိုင်တယ်လို့ သူက သတိပေး ပြောပါတယ်။
“ရခိုင်ပြည်နယ်တို့ ချင်းပြည်နယ်တို့ အဓိက ပိုသတိထားရမယ်။ ချင်းပြည်နယ်က မိုးတအား ကောင်းတဲ့အခါ မြေပြိုတာ ဖြစ်တတ်တယ်။ ရခိုင်ပြည်နယ်ကျတော့ ချောင်းငယ်မြစ်ငယ်လေးတွေ ရှိတဲ့အခါကျတော့ ဒီ ချောင်းငယ်မြစ်ငယ်လေးတွေကနေ ရေကြီး ရေလျှံမှုတွေ ဖြစ်နိုင်တယ်။”
ဧရာဝတီတိုင်းမှာလည်း ချောင်းငယ်မြစ်ငယ်တွေရှိလို့ အနည်းငယ် သတိထားဖို့ လိုတယ်လို့ ပြောပါတယ်။
မြန်မာပြည်အတွင်း မုတ်သုံလေ အားကောင်းနေရာက အားအလွန်ကောင်းနေတာက တကြောင်း၊ ဘင်္ဂလားဒေ့ရ်ှကုန်းပေါ်မှာ တည်ရှိနေတဲ့ လေဖိအားနည်းရပ်ဝန်းက တိမ်တိုက်ကြီး ရခိုင်ပြည်နယ်ပေါ် ရောက်နေတာက တကြောင်းတို့ကြောင့် အခုလို ပြည်နယ်တိုင်းဒေသတချို့ မိုးကြီးနိုင်တာ ဖြစ်ပါတယ်။
မုတ်သုံလေ အားအလွန်ကောင်းနေတာကြောင့် မြန်မာ့ကမ်းရိုးတန်းမှာ လှိုင်းလေပြင်းထန်နေတဲ့အတွက် ငါးဖမ်းစက်လှေ အပါအ၀င် လှေသင်္ဘောတွေ ခုတ်မောင်း သွားလာခြင်း မလုပ်ကြဖို့လည်း မိုးဇလနဲ့ မြန်မာ့ရေကြောင်းဌာနတို့က အသိပေး နှိုးဆော်ထားပါတယ်။
ဒါ့အပြင် ရုတ်တရက် မိုးကြီးတဲ့အချိန် လေယာဉ်အဆင်းအတက် လုပ်တဲ့အခါ သတိထား ဆင်းသက်ကြဖို့လည်း သတိပေးထားပါတယ်။
ဇွန်၂၄၊ ၂၅၊ ၂၆ နဲ့ ၂၇ ရက်တို့မှာ  ပဲခူးတိုင်း၊ ရန်ကုန်တိုင်း၊ ဧရာဝတီတိုင်း၊ တနင်္သာရီတိုင်း၊ ချင်းပြည်နယ်၊ ရခိုင်ပြည်နယ်၊ ကရင်ပြည်နယ်နဲ့ မွန်ပြည်နယ်တို့မှာ နေရာအနှံ့အပြားမိုးရွာပြီး ဒေသအလိုက် မိုးကြီးနိုင်တယ်လို့ မိုးလေ၀သဌာနက သတင်းထုတ်ပြန်ထားပါတယ်။
DVB

ဒုတိယသမ္မတ တစ်ဦးစီကို ပြည်သူက ရွေးကောက်တင်မြှောက်သော ပြည်ထောင်စုလွှတ်တော် ကိုယ်စားလှယ်များထဲမှသာ ရွေးချယ် တာဝန်ပေးအပ်သင့်ကြောင်း ပြည်ခိုင်ဖြိုးပါတီမှ လွှတ်တော်ကိုယ်စားလှယ် သူရဦးအောင်ကို ဆွေးနွေး



ဒုတိယသမ္မတ တစ်ဦးစီကို ပြည်သူက ရွေးကောက်တင်မြှောက်သော ပြည်ထောင်စုလွှတ်တော် ကိုယ်စားလှယ်များထဲမှသာ ရွေးချယ် တာဝန်ပေးအပ်သင့်ကြောင်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ပြည်ထောင်စုလွှတ်တော် ကိုယ်စားလှယ် သူရဦးအောင်ကိုက ဆွေးနွေးတင်ပြသည်။

သူရဦးအောင်ကိုက နေပြည်တော်၌ ဇွန် ၂၄ ရက်က ပြုလုပ်သည့် ပထမအကြိမ် ပြည်ထောင်စုလွှတ်တော် (၁၂) ကြိမ်မြောက် ပုံမှန်အစည်းအဝေးတွင် ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေကို ပြင်ဆင်သည့် ဥပဒေမူကြမ်း ပုဒ်မ ၄၃၆၊ ပုဒ်မခွဲ (က) နှင့်ပတ်သက်၍ ဆွေးနွေးရာတွင် အထက်ပါကဲ့သို့ ထည့်သွင်းပြောကြားခဲ့ခြင်း ဖြစ်သည်။

“နိုင်ငံတော်နှင့် နိုင်ငံသားများ၏ အကျိုးစီးပွားကို အမှန်တကယ် ရှေးရှုမည်ဆိုပါက နိုင်ငံတော်သမ္မတကို ပြည်သူက တိုက်ရိုက်ရွေးချယ် တင်မြှောက်သော စနစ် ကျင့်သုံးသင့်ကြောင်း ထပ်လောင်း အကြံပြုလိုပါတယ်။ သို့ဖြစ်၍ အခြေခံဥပဒေ ပုဒ်မ ၆၀၊ ပုဒ်မခွဲ (ဂ) ပြဋ္ဌာန်းချက်ဖြစ်သော “သမ္မတရွေးချယ်တင်မြှောက်ရေး အဖွဲ့တစ်ဖွဲ့စီက ဒုတိယသမ္မတ တစ်ဦးစီကို လွှတ်တော်ကိုယ်စားလှယ်များထဲမှ ဖြစ်စေ၊ လွှတ်တော်ကိုယ်စားလှယ် မဟုတ်သူများထဲမှဖြစ်စေ ရွေးချယ်တင်မြှောက်ရမည်” ဟု ပြဋ္ဌာန်းချက်ကို လုံးဝပယ်ဖျက်သင့်ပါကြောင်းနှင့် ပြည်သူက ရွေးကောက်တင်မြှောက်သော ပြည်ထောင်စုလွှတ်တော် ကိုယ်စားလှယ်များထဲမှသာ ရွေးချယ် တာဝန်ပေးအပ်သင့်ပါတယ်” ဟု သူရဦးအောင်ကိုက ဆွေးနွေးတင်ပြသည်။

အင်အား ၅၀၀ ခန့်ရှိသော ပြည်ထောင်စုလွှတ်တော် အရွေးချယ်ခံ ကိုယ်စားလှယ်များ၌ အလွှာပေါင်းစုံမှ တတ်သိပညာရှင်များ ပါဝင်နေရာ နိုင်ငံတော်သမ္မတနှင့် ဒုတိယသမ္မတတာဝန် ထမ်းဆောင်ရန် အရည်အချင်း ပြည့်မီသူများစွာ ပါဝင်မည်ကို သံသယမဖြစ်သင့်ကြောင်း၊ ထို့ကြောင့် ရွေးကောက်တင်မြှောက်ခြင်း ခံရသော ပြည်သူ့ကိုယ်စားလှယ်များထဲမှသာ ခန့်အပ်တာဝန်ပေးသင့်ကြောင်း အလေးအနက် တင်ပြသည်ဟု ၎င်းက ဆက်လက်ပြောကြားသည်။

၂၀၀၈ ဖွဲ့စည်းပုံအခြေခံဥပဒေကို ပြည်သူ့ဆန္ဒနှင့်အညီ ကျယ်ကျယ်ပြန့်ပြန့် ပြင်ဆင်ခြင်း မပြုနိုင်ပါက အမျိုးသားပြန်လည်သင့်မြတ်ရေးနှင့် ထာဝရငြိမ်းချမ်းရေး ရရှိရန် လွန်စွာခက်ခဲနိုင်ကြောင်း၊ အပစ်အခတ်ရပ်စဲရေးစာချုပ် ရေးဆွဲလက်မှတ်ရေးထိုးရန်ပင် ခက်ခဲနိုင်ကြောင်း ပြည်ထောင်စုလွှတ်တော်ကိုယ်စားလှယ် သူရဦးအောင်ကိုက ဆွေးနွေးတင်ပြသည်။

၂၀၀၈ ဖွဲ့စည်းပုံအခြေခံဥပဒေသည် ပြင်ဆင်ရန် လွန်စွာခက်ခဲသော၊ ပြင်ဆင်၍ မရနိုင်သော ဥပဒေဖြစ်ရာ တင်းမာလွန်းသော ဥပဒေဟု ခေါ်ဆိုနိုင်ကြောင်း သူရဦးအောင်ကိုက ဆိုသည်။

ပုထုဇဉ်လူသားတို့ ရေးဆွဲခဲ့သည့် ဥပဒေ ဖြစ်သောကြောင့် ထာဝရမှန်ကန် တည်မြဲနေမည့် ဥပဒေ မဟုတ်ကြောင်း၊ အခြေခံဥပဒေကို ကျယ်ပြန့်စွာ ပြင်ဆင်ပေးရန် ပြည်သူတို့က လိုလားတောင်းဆိုနေကြပြီဖြစ်ကြောင်း ၎င်းက ဆက်လက်ပြောကြားသည်။   

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီသည် နိုင်ငံတော်ဖွဲ့စည်းပုံအခြေခံဥပဒေ ပုဒ်မ ၄၃၆ (က) နှင့် (ခ) တို့နှင့် ပတ်သက်၍ ယခုပြင်ဆင်ရန် တင်ပြချက်သည် လက်ရှိပကတိ အနေအထားအရ ဖြစ်သင့်သည့် အခြေအနေကို အဘက်ဘက်မှ တွက်ဆပြီး ဆောင်ရွက်ထားသည်ကို တွေ့ရမှာဖြစ်ကြောင်း ယင်းပါတီမှ လွှတ်တော်ကိုယ်စားလှယ် ဦးသိန်းထွန်းဦးက ဆွေးနွေးပြောကြားသည်။

“ဒီမိုကရေစီနိုင်ငံကို ချီတက်နေလျှင် ဒီမိုကရေစီစံနှုန်းကိုတော့ မမေ့သင့်ပါ။ ဒီမိုကရေစီစံနှုန်းကို စဉ်းစားရာတွင် အတိုင်းအတာ ပမာဏကို သေချာစွာ ရွေးချယ်သတ်မှတ်ရန်လည်း အထူးလိုအပ်လှပါတယ်” ဟု ဦးသိန်းထွန်းဦးက ပြောကြားသည်။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ လွှတ်တော်ကိုယ်စားလှယ် ဦးသိန်းဇော်က ပြည်ထောင်စုလွှတ်တော်သို့ တင်သွင်းခဲ့သည့် ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေကို ပြင်ဆင်သည့် ဥပဒေကြမ်းအပေါ် NLD လွှတ်တော်ကိုယ်စားလှယ်များက ဖွဲ့စည်းပုံပြင်ဆင်ရေးကို လက်ခံသဘောတူသော်လည်း ပြင်ဆင်ပုံ ပြင်ဆင်နည်းလမ်းကို လက်မခံကြောင်း ထည့်သွင်းဆွေးနွေးခဲ့ကြသည်။
Writer:
စိုးမင်းထိုက်၊ ကျော်ဇင်ဝင်း၊ မျိုးမင်းထက်
EMG

နှစ် ၄၀ ရှိတဲ့ အသားတွေကို တရုတ် ဖမ်းဆီးမိ


စားဖို့ မသင့်တဲ့ အသားတွေကို ပြည်ပကနေ မှောင်ခို တင်သွင်းလာပြီး ဈေးတွေမှာ ရောင်းနေကြတယ်လို့ တရုတ် အာဏာပိုင်တွေက ပြော။
တရုတ် နိုင်ငံမှာ နှစ်ပေါင်း ၄၀ လောက် အေးခဲထားတဲ့ အသားတွေ အပါအဝင် မှောင်ခို တင်သွင်းလာတဲ့ အသား တန်ချိန်ပေါင်း တစ်သိန်းလောက်ကို ဖမ်းမိခဲ့တယ်လို့ တရုတ် အာဏာပိုင်တွေက ပြောပါတယ်။

ခန့်မှန်းခြေ ကာလတန်ဖိုး ဒေါ်လာ သန်း ၅၀၀ နီးပါး တန်ကြေး ရှိမယ့် အေးခဲထားတဲ့ အဲဒီ အသားတွေကို နိုင်ငံ အနှံ့မှာ ဖမ်းမိခဲ့တာပါ။

အဲဒီ အသား အများစုကို ဗီယက်နမ်ကနေ တဆင့် တင်သွင်းလာတာ ဖြစ်ပြီး၊ ဟူနန် ပြည်နယ်မှာ ဖမ်းမိတဲ့ အသားတွေထဲမှာ သယ်ယူ ပို့ဆောင်ခ သက်သာအောင် အခဲ အရည်ပျော်ခဲ့ပြီးမှ နောက်တဖန် အေးခဲခဲ့တဲ့ အသားတွေ ပါဝင်နေတယ်လို့ သတင်းတွေက ဆိုပါတယ်။

ဗီယက်နမ် နယ်စပ်က ဂွမ်ရှီး ပြည်နယ်မှာ ဖမ်းမိတဲ့ အသားတွေ ဆိုရင် ၁၉၇၀ ပြည့်လွန် နှစ်တွေတုန်းက အသားတွေ ဖြစ်နေတယ်လို့ တရုတ်ပိုင် China Daily သတင်းစာမှာ ဖော်ပြပါတယ်။

တရုတ် နိုင်ငံမှာ စားဖို့ စိတ်မချရတဲ့ သားငါးတွေ အကြောင်း သတင်းတွေ မကြာခဏ ထွက်ပေါ်လေ့ရှိပါတယ်။

BBC Burmese

ဗိုလ်ချုပ်မှူးကြီးဟောင်း ဦးသန်းရွှေ ထံက သဘောထားယူဖို့ ချင်းအမတ် တိုက်တွန်း


ဇွန်လ ၂၄ ရက်နေ့ကကျင်းပတဲ့ ပြည်ထောင်စုလွှတ်တော်အစည်းအဝေးကို တွေ့ရစဉ် Photo: RFA
၂၀၀၈ ဖွဲ့စည်းပုံအခြေခံဥပဒေ ပြင်ဆင်တဲ့ ပုဒ်မ ၄၃၆(က) ကို ပြင်ဆင်ဖို့ အကြတ်အတည်းဖြစ်နေတာကို ဗိုလ်ချုပ် မှူးကြီးဟောင်း ဦးသန်းရွှေထံက နှုတ်ထွက် စကား တောင်းခံပြီး သဘောထားကို ယူသင့်ကြောင်း အမျိုးသား လွှတ်တော်ကိုယ်စားလှယ် ဦးကျွန်ခဲန်းက ပြည်ထောင်စုလွှတ်တော်မှာ ဒီနေ့ ဆွေးနွေးခဲ့ပါတယ်။

ပုဒ်မ ၄၃၆၊ ပုဒ်မ ၅၉၊ ပုဒ်မ ၆၀ နဲ့ ပုဒ်မ ၄၁၈ တို့ကို ပြင်ဆင်ထားတဲ့အပေါ် လွှတ်တော်ကိုယ်စားလှယ် ၁၇ ယောက် က ဒီနေ့ ပြည်ထောင်စုလွှတ်တော် မှာ ဆွေးနွေးရာ ချင်းတိုးတက်ရေးပါတီက အမျိုးသားလွှတ်တော် ကိုယ်စားလှယ် ဦးကျွန်ခဲန်းက အခုလိုဆွေးနွေးခဲ့တာဖြစ်ပါတယ်။

"ပုဒ်မ ၄၃၆ ( က )ကို ပြင်ဆင်လို့တဲ့ အခါမှာ ကျနော်တို့ အခြေခံဥပဒေမူပိုင်ဖြစ်တဲ့ ဗိုလ်ချုပ်မှူးကြီးဟောင်း သန်းရွှေထံကိုသွားပြီးမှ ကျနော်တို့အဲ့လို အခြေအနေ ဖြစ်နေတယ်၊ ကျနော်တို့ဆွဲထားတဲ့ ဥပဒေဟာ လက်တွေ့ အကောင်အထည်ဖော်တဲ့ အခါမှာ နည်းနည်းမကိုက်ညီဘူးဆိုပြီးတော့မှ ကျနော်တို့ ဘဘဆီ က မေတ္တာစေတနာနှုတ်ထွက်စကားကို ကျနော်တို့ခံယူပြီးမှ ပြုပြင်ရင် ကျနော်တို့အားလုံး ပြင်ဆင်လို့ရမယ်လို့ ယုံကြည်ပါတယ်"

အန်အယ်လ်ဒီကိုယ်စားလှယ်တွေက ပုဒ်မ ၅၉(စ) ကို ပယ်ဖျက်ပေးဖို့ ဆွေးနွေးကြပြီး တပ်မတော်သားကိုယ်စား လှယ်တစ်ဦးနဲ့ ပြည်ခိုင်ဖြိုးပါတီ ကိုယ်စားလှယ်တွေက မပယ်ဖျက်ဖို့ ဆွေးနွေးကြပါတယ်။

အဲဒီပုဒ်မ ၄ ခုကို တပ်မတော်သားကိုယ်စားလှယ် ၁ ဦး၊ အန်အယ်လ်ဒီကိုယ်စားလှယ် ၆ ဦး၊ ပြည်ခိုင်ဖြိုးပါတီက ၅ ဦး အပါအ၀င် ၁၆ ဦးက ဆွေးနွေးခဲ့တာပါ။

၂၀၀၈ ဖွဲ့စည်းပုံအခြေခံဥပဒေ ပြင်ဆင်တဲ့ မူကြမ်းကို မနေ့ကစပြီး ပြည်ထောင်စု လွှတ်တော်မှာ ဆွေးနွေးရာ ဒီနေ့အထိ ၃၂ ဦး ဆွေးနွေးပြီးဖြစ်ပါတယ်။ မနက်ဖြန် မှာ ကိုယ်စားလှယ် ၅ ဦး ဆက်လက်ဆွေးနွေးမှာဖြစ်ပြီး မဲခွဲဆုံးဖြတ်မှာဖြစ်ပါတယ်။

RFA Burmese

သမ္မတ အရည်အချင်းပုဒ်မ လွှတ်တော်မှာဆွေးနွေး


ပြည်ထောင်စု လွှတ်တော်အစည်းအဝေး
သမ္မတ အရည်အချင်း သတ်မှတ်ချက် ဖြစ်တဲ့ပုဒ်မ၅၉( စ ) လုံးကို အမျိုးသား ညီလာခံမှာ ဆွေးနွေးစဉ်တုန်းက အမျိုးသား ဒီမိုကရေစီ အဖွဲ့ချုပ် ဥက္ကဋ္ဌဌနဲ့ အတွင်းရေးမှူးတို့ ရှိနေပေမဲ့ မကန့်ကွက်ခဲ့ တာကြောင့် အခုလို ပါလာတာ ဖြစ်တယ်လို့ ပြည်ခိုင်ဖြိုးပါတီ အမျိုးသားလွှတ်တော် ကိုယ်စားလှယ် ဦးမြငြိမ်းက ဆွေးနွေးခဲ့ပါတယ်။

ဒါနဲ ပတ်သက်လို့ အမျိုးသား ဒီမိုကရေစီ အဖွဲ့ချုပ် ကိုယ်စားလှယ်တွေက လက်မခံပဲ ဒီပုဒ်မကို အဖွဲ့ချုပ် ကိုယ်စားလှယ်တွေ အမျိုးသား ညီလာခံက ထွက်ခဲ့ပြီး ၁၉၉၅ ခုနှစ်ကျမှ ဆွေးနွေး ပြဌါန်းခဲ့တာဖြစ် တယ်လို့ပြန်လည် ချေပခဲ့ပါတယ်။

သမ္မတ အရည်အချင်း သတ်မှတ်ချက် နောက်တစ်ခုဖြစ်တဲ့ သမ္မတဟာ စစ်ရေး အမြင်ရှိရမယ် ဆိုတဲ့ စကားရပ် အစား ကာကွယ်ရေး အမြင်ရှိရမယ်ဆိုတဲ့ အမျိုးသား ဒီမိုကရေစီ အဖွဲ့ချုပ်ရဲ့ ပြင်ဆင်ချက်ကို တိုင်းရင်းသား ပါတီတွေနဲ့ တပ်မတော်ကိုယ်စားလှယ်တွေက ထောက်ခံခဲ့ပါတယ်။

ပြည်ခိုင်ဖြိုးပါတီ ပြည်သူ့လွှတ်တော် ကိုယ်စားလှယ်သူရ ဦးအောင်ကိုကတော့ အခြေခံဥပဒေဟာ တစ်ဦးတစ်ယောက် အဖွဲ့အစည်းတစ်ခုကို ရည်ရွယ်ဖိနှိပ် ရေးဆွဲထားခြင်းမျိုး မဖြစ် သင့်သလို လူတစ်စု အကျိုးစီးပွားကိုသာ ကာကွယ်ပေးတဲ့ ဥပဒေမျိုး မဖြစ်သင့်ဘူးလို ဆွေးနွေးခဲ့ပါတယ်။

ပုဒ်မ ၅၉ ( စ )လုံးကိုတော့ မူလ ပြဌါန်းချက် အတိုင်းသာထားဖို့ တပ်မတော်သားလွှတ်တော် ကိုယ်စားလှယ် ဗိုလ်ချုပ်တင်စိုးက ဆွေးနွေးခဲ့ပါတယ်။ ဖွဲ့စည်းပုံပြင်ဆင်ရေးပုဒ်မ ၄၃၆ ( က ) နဲ့ပတ်သက်လို့ ပြည်ထောင်စုလွှတ်တော်မှာ မဲခွဲဆုံးဖြတ်မှာဖြစ်ပါတယ်။

တပ်မတော်သား ကိုယ်စားလှယ်တွေရဲ့ ၂ ရက်တာဆွေးနွေးချက်ကို ကြည့်ခြင်းအားဖြင့် သူတို့အနေနဲ ဖွဲ့စည်းပုံ ပြင်ဆင်ရေးပုဒ်မ ၄၃၆ ( က ) ကိုပြင်ဆင်ချင်တာကိုမတွေ့ရပါဘူး။

ဒီအခက်အခဲကိုကျော်လွန်နိုင်ဖို့အငြိမ်းစားဗိုလ်ချုပ်မှူးကြီး သန်းရွှေထံအကြံဉာဏ် ယူသင့်တယ်လို့ ချင်းတိုးတက်ရေးပါတီ အမျိုးသား လွှတ်တော် ကိုယ်စားလှယ် ဦးကျွန်ခဲန်းက အကြံပြု ဆွေးနွေးသွားတယ်။ ဒါ့အပြင် ဖွဲ့စည်းပုံ ပြင်ဆင်ရေးနဲ့ ပတ်သက်ပြီး တပ်မတော်က မထောက်ခံခဲ့ပါက လက်ရှိတပ်မတော် ကာကွယ်ရေးဦးစီးချုပ် ဆောင်ရွက်နေတဲ့စစ်ဖက် အရပ်ဖက် ဆက်ဆံရေးဟာလည်း အောင်မြင်နိုင်ပါမလား ဆိုတာ သံသယရှိစရာ ဖြစ်တယ်လို့လွှတ်တော် ကိုယ်စားလှယ်တွေက သုံးသပ်နေပါတယ်။

BBC Burmese

ဖွဲ့စည်းပုံပြင်ဆင်နိုင်ရေး လွှတ်တော်မှာ အကြိတ်အနယ် ဆွေးနွေး



 ပြည်ထောင်စု လွှတ်တော်မှာ ဖွဲ့စည်းပုံ အခြေခံဥပဒေရဲ့ ပုဒ်မ ၄၃၆ ပုဒ်မခွဲ (က) ပတ်သက်တဲ့ လတ်တလော ပြင်ဆင်သင့်တဲ့ ပုဒ်မတွေကို မနေ့က ဆက်လက် ဆွေးနွေးရာမှာ ပုဒ်မ ၄၃၆ နဲ့ ပုဒ်မ ၅၉ (စ) ကို မပြင်ဆင်နိုင်ရင် လာမယ့် ရွေးကောက်ပွဲဟာ ဘယ်လိုမှ လွတ်လပ်ပြီး တရားမျှတမှု မရှိနိုင်ဘူးလို့ လွှတ်တော်ကိုယ်စားလှယ်တဦးက တင်ပြ ဆွေးနွေးခဲ့ပါတယ်။

မြန်မာပြည် ပြုပြင်ပြောင်းလဲရေးအတွက် အရေးကြီးတယ်လို့ သတ်မှတ်ထားတဲ့ ၂၀၁၅ ရွေးကောက်ပွဲအပေါ် ဖွဲ့စည်းပုံပြင်ဆင်ရေးက ဘယ်လို သက်ရောက်မှုတွေ ရှိနိုင်မလဲဆိုတာကို ဗွီအိုအေ သတင်းထောက် ကိုမိုးဇော်က သတင်းပေးပို့ထားပါတယ်။

ဖွဲ့စည်းပုံအခြေခံဥပဒေ ပြင်ဆင်ရေးနဲ့ ပတ်သက်ပြီး ပြည်ထောင်စုလွှတ်တော်မှာ ဆွေးနွေးနေကြရာမှာ ပုဒ်မ ၅၉(ဃ)၊ ပုဒ်မ ၅၉ (စ)၊ ပုဒ်မ ၆၀ (ဂ)၊ ပုဒ်မ ၄၁၈ (ခ)၊ ပုဒ်မ ၄၃၆ (က) စတဲ့ ပုဒ်မတွေကို အဓိက ဆွေးနွေးနေကြတာ ဖြစ်ပါတယ်။

လက်ရှိ အာဏာရပါတီဖြစ်တဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီက ဒီပုဒ်မတွေထဲက အချက်တချို့ကို ဖြေလျော့နိုင်ဖို့ တင်ပြဆွေးနွေးနေပြီး အဓိက အတိုက်အခံပါတီဖြစ်တဲ့ အမျိုးသားဒီမိုကရေစီအဖွဲ့ချုပ်ကတော့ ပုဒ်မတချို့ကို ပယ်ဖျက်ဖို့ တောင်းဆိုသလို ပြည်ခိုင်ဖြိုးပါတီရဲ့ တင်ပြချက်တွေဟာ မလုံလောက်ကြောင်း တင်ပြတာတွေလည်း ရှိနေတာ ဖြစ်ပါတယ်။ တချိန်တည်းမှာတော့ တပ်မတော်သား ကိုယ်စားလှယ်တွေက လုံးဝမပြင်ဖို့ ဆွေးနွေးတာတွေလည်း ရှိနေတာ ဖြစ်ပါတယ်။

“ပြည်ထောင်စုသမ္မတ မြန်မာနိုင်ငံတော်အနေနဲ့ နိုင်ငံရေးစနစ်ဟောင်းတခုမှ ဒီမိုကရေစီစနစ်သို့ အသွင်ကူးပြောင်းဆဲ ကာလအတွင်း နိုင်ငံတော် တည်ငြိမ် အေးချမ်း လုံခြုံရေးနဲ့ အမျိုးသားအကျိုးစီးပွားအတွက် ဒီမိုကရေစီ အလေ့အကျင့်များ မရင့်ကျက်သေးတဲ့အချိန် ဒီမိုကရေစီသက်တမ်း နုနယ်သေးတဲ့အချိန်မှာ ၂၀၀၈ ခုနှစ် ဖွဲ့စည်းပုံ အခြေခံဥပဒေ အခန်း ၁၂ ပုဒ်မ ၄၃၆ (က) နဲ့ (ခ) အပါ ရာခိုင်နှုန်းများကို ပြင်ဆင်ရန်မသင့်ဘဲ မူလအတိုင်းသာ ထားရှိသင့်ကြောင်း ဆွေးနွေးတင်ပြအပ်ပါသည်။”

တပ်မတော်သား ဗိုလ်မှူးချုပ် တင်ဆန်းနိုင် က တင်ပြခဲ့တာဖြစ်ပါတယ်။ ပုဒ်မ ၄၃၆ နဲ့ ပုဒ်မ ၅၉ (စ) ကို မပြင်ဆင်ရင် လာမယ့် ရွေးကောက်ပွဲဟာ လွတ်လပ်ပြီး တရားမျှတမှု မရှိနိုင်ဘူးလို့ NLD ပါတီက ပြည်သူ့လွှတ်တော် ကိုယ်စားလှယ် ဦးနိုင်ငံလင်းက လွှတ်တော်အတွင်း ဆွေးနွေးစဉ်မှာ တင်ပြခဲ့ပါတယ်။

“၄၃၆ လို ပုဒ်မမျိုးနဲ့ ၅၉ (စ) လို ပုဒ်မမျိုးတွေကို လုံလုံလောက်လောက် မပြင်ဘဲနဲ့တော့ ၂၀၁၅ ခုနှစ် အထွေထွေ ရွေးကောက်ပွဲကြီးဟာ ဘယ်လိုမှ လွတ်လပ်ပြီး တရားမျှတဖို့ဆိုတာ မဖြစ်နိုင်တော့ပါဘူး။ ဘာလို့လဲဆိုတော့ မပြိုင်ခင်ကတည်းက အသာစီးယူထားတယ်။ ပြီးတော့ ဒီမိုကရေစီခေါင်းဆောင်ကို သမ္မတမဖြစ်အောင် ကြိုတင် ပိတ်ထားတယ်။ ဒါ မျှတလား၊ ဒါ လွတ်လပ်လား၊ မေးနေဖို့တောင် မလိုတော့ပါဘူး။”

ဒီတင်ပြချက်အပေါ်မှာတော့ နိုင်ငံရေးလေ့လာသုံးသပ်သူ ဒေါက်တာ ရန်မျိုးသိမ်းက သူ့အမြင်ကို အခုလို ပြောပါတယ်။

“ကျနော့်ရဲ့ အမြင်ကတော့ပေါ့လေ အဓိကကပေါ့လေ ပုဒ်မ ၄၃၆ ကို မပြင်ဘူးဆိုလို့ရှိရင် ဖွဲ့စည်းပုံ အခြေခံဥပဒေ ပြင်ဆင်ရေးဟာ အကျပ်အတည်း ဆက်ပြီး ဖြစ်နေမယ်ပေါ့လေ။ အဲဒီအခါကျတော့ မြန်မာနိုင်ငံရဲ့ ဒီမိုကရေစီ အပြောင်းအလဲဟာလည်းပဲ အကျပ်အတည်းမှာ ဆက်ပြီး ရှိနေမယ်လို့ မြင်တယ်။ အဲတော့ ပုဒ်မ ၄၃၆ နဲ့ ပုဒ်မ ၅၉ ကို မပြင်လို့ ၂၀၁၅ ရွေးကောက်ပွဲဟာ လွတ်လပ်ပြီး တရားမျှတတဲ့ ရွေးကောက်ပွဲ မဖြစ်နိုင်ဘူးလို့တော့ ယတိပြတ် ပြောဖို့တော့ ခက်တယ်လို့ ကျနော်က မြင်တယ်။ တကယ်တမ်းပြောမယ်ဆိုရင်တော့ ပုဒ်မ ၄၃၆ ပြင်ဆင်ရေးကတော့ ပိုပြီး အရေးကြီးတယ်လို့ မြင်တယ်။ ပုဒ်မ ၄၃၆ ကို ပြင်ဆင်ပြီးတော့ ရွေးကောက်ပွဲကို လုပ်နိုင်မယ်ဆိုရင်တော့ မြန်မာ့ဒီမိုကရေစီ အပြောင်းအလဲအတွက် ပိုမိုကောင်းမွန်တဲ့ အနာဂတ်ကို မြင်တွေ့ရမယ်လို့ မြင်တယ်ဗျ။”

လွတ်လပ်ပြီး တရားမျှတတဲ့ ရွေးကောက်ပွဲဖြစ်ဖို့ဟာ ရွေးကောက်ပွဲကော်မရှင် အဆင့်ဆင့်ရဲ့ ဥပဒေ၊ နည်းဥပဒေတွေအပေါ် အဓိက မူတည်လိမ့်မယ်လို့ ယူဆကြောင်းလည်း ဆက်ပြောပါတယ်။ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ဦးမြအေးကတော့ လက်ရှိ လွှတ်တော်အတွင်းမှာ ဖွဲ့စည်းပုံပြင်ဆင်ရေး ဆွေးနွေးနေတဲ့အပေါ် အခုလို သုံးသပ်ပါတယ်။

“အမှန်တော့ ဒီဖွဲ့စည်းပုံဟာ တိုင်းရင်းသားစည်းလုံးညီညွတ်ရေးနဲ့ ပြည်တွင်းငြိမ်းချမ်းရေး အစရှိတဲ့ ဖော်ဆောင်ရေး ကိစ္စရပ်တွေနဲ့ ပတ်သက်ပြီး တိုင်းပြည်တကယ်လိုအပ်တာတွေ ဖော်ဆောင်ဖို့အတွက် ဘယ်လိုမှ သုံးလို့ရတဲ့ ဖွဲ့စည်းပုံ မဟုတ်ပါဘူး။ အဲတော့ ကျနော်တို့ ဒီဘက်ကလည်း ပြောနေတာက အမျိုးသားပြန်လည်သင့်မြတ်ရေးကို ရှေးရှုပြီးတော့မှ စိတ်ရှည်လက်ရှည်နဲ့ တဆင့်ချင်း တဆင့်ချင်း ပြင်ဖို့ ပြောနေတာပါ။ တဆင့်ချင်း တဆင့်ချင်း ပြင်ဖို့ပြောနေတဲ့ အတိုင်းအတာတောင်မှ လိုရာမရောက်နိုင်တဲ့ ဖွဲ့စည်းပုံ ပြင်ဆင်မှုမျိုးကိုတောင် ကန့်ကွက်တယ်ဆိုတော့ ကျနော်တို့ဟာ အခြေအနေ အရပ်ရပ်ကို အများကြီး ပြန်လည် သုံးသပ်ရမယ့် အခြေအနေတွေ ဖြစ်လာပါလိမ့်မယ်။ မကောင်းပါဘူး ဒါတွေက။”

ဖွဲ့စည်းပုံပြင်ဆင်ရေးအတွက် ဆောင်ရွက်နိုင်တာ မရှိဘူးဆိုရင် လွှတ်တော်အပေါ်မှာ လူထုက အယုံအကြည် ကင်းမဲ့လာမယ်လို့လည်း ဦမြအေးက ဆက်ပြောပါတယ်။

“အဲဒါကတော့ဗျာ လွှတ်တော် နိုင်ငံရေးအပေါ်မှာ သံသယဖြစ်စရာတွေ ဖြစ်လာမှာပေါ့ဗျာ။ ဆိုလိုချင်တာက လွှတ်တော်သည် လွှတ်တော်အလုပ်ကို စစ်တပ်ရဲ့ လွှမ်းမိုးမှု မရှိဘဲနဲ့ လွတ်လွတ်လပ်လပ် လုပ်လို့ရတဲ့ အခြေအနေ မရှိဘူးဆိုတာ ထင်သာမြင်သာရှိတယ်၊ ထင်းကတည်း လင်းကတည်း ရှိတဲ့ အခြေအနေ ဖြစ်သွားမှာပေါ့လေ။ ဒါကတော့လေ။ ဒါ မသိတာ မဟုတ်ပါဘူး။ သိပါတယ်။ ပြောချင်တာကဗျာ လွှတ်တော်လမ်းကြောင်းဟာ လိုအပ်တဲ့ ကိုယ်လုပ်ချင်တဲ့ လုပ်ကိုင် ဆောင်ရွက်မှုအတွက်ကို ဖြစ်နိုင်ဖွယ်ရာ ရှိ မရှိ ဆိုတဲ့ဟာကို ပြန်ပြီး သုံးသပ်ရမယ့် အခြေအနေတော့ ရောက်သွားမှာပါ။”

ပြည်ထောင်စုလွှတ်တော်မှာ ပုဒ်မ ၄၃၆ ပုဒ်မခွဲ (က) ပတ်သက်တဲ့ ပုဒ်မတွေကို ပြင်ဆင်ဖို့အတွက် ဒီလ ၂၃ ရက်နေ့က ကိုယ်စားလှယ် ၁၅ ဦး ပါဝင်ဆွေးနွေးခဲ့ပြီး၊ ဒီကနေ့မှာတော့ ၁၈ ဦး ဆွေးနွေးခဲ့ပါတယ်။ မနက်ဖြန်မှာ ၄၃၆ (ခ) နဲ့ ပတ်သက်တဲ့ ပုဒ်မတွေကို ဆက်လက်ဆွေးနွေးပြီး ဆွေးနွေးတာတွေ ပြီးဆုံးချိန်မှာ ဥပဒေမူကြမ်း တပိုဒ်ချင်းစီကို လွှတ်တော်ရဲ့ အဆုံးအဖြတ် ရယူမှာ ဖြစ်ပါတယ်။

ကိုမိုးဇော် / ဗွီအိုအေ (မြန်မာပိုင်း)

ရှင်ဂျန်းမှာ ရဲဂိတ်ကို တိုက်ခိုက်မှု ၁၈ ဦး သေဆုံး


ရှင်ဂျန်း ပြည်နယ်မှာ အာဏာပိုင်တွေနဲ့ ဝီဂါ မွတ်ဆလင်တွေ အကြား မကြာခဏ ထိပ်တိုက်တွေ့ခဲ့။ 
တရုတ် နိုင်ငံ၊ ရှင်ဂျန်း ပြည်နယ်က ရဲတပ်ဖွဲ့ စစ်ဆေးရေး ဂိတ်တစ်ခုမှာ ဖြစ်ခဲ့တဲ့ တိုက်ခိုက်မှု အတွင်း အနည်းဆုံး လူ ၁၈ ဦး သေဆုံးခဲ့တယ်လို့ အမေရိကန် သတင်းမီဒီယာ တစ်ခုက ဆိုပါတယ်။

အမေရိကန် အခြေစိုက် RFA သတင်းဌာနရဲ့ အဆိုအရ လူနည်းစု ဖြစ်တဲ့ ဝီဂါ မျိုးနွယ်စု မွတ်ဆလင်တွေက ကက်ရ်ှဂါမြို့ အပြင်ဘက်မှာ တနင်္လာနေ့က ရဲတွေကို တိုက်ခိုက်ခဲ့တာလို့ သိရပါတယ်။

ဒီအဖြစ်အပျက်နဲ့ ပတ်သက်ပြီး တရုတ် အစိုးရက မှတ်ချက်ပေးဖို့ ငြင်းဆို ခဲ့ပေမယ့် ကက်ရ်ှဂါမြို့က ဆေးရုံ ဝန်ထမ်းတွေကတော့ ဒဏ်ရာရထားတဲ့ ရဲတပ်ဖွဲ့ဝင် တချို့ ဆေးကုသမှု ခံယူခဲ့ကြတယ်လို့ ဘီဘီစီကို ပြောပါတယ်။

တိုက်ခိုက်သူတွေဟာ တနင်္လာနေ့ ညမှာ စစ်ဆေးရေး ဂိတ်ထဲကို တဟုန်ထိုး ဝင်ရောက်လာပြီး ရဲတပ်ဖွဲ့ဝင်တွေကို ဗုံးတွေ၊ ဓားတွေနဲ့ တိုက်ခိုက် ခဲ့ကြတာလို့ RFA က ဆိုပါတယ်။

ရာမာဒန် ဥပုသ်လအတွင်း ဝီဂါ မွတ်ဆလင်တွေ အပေါ် ချမှတ်ထားတဲ့ တင်းကျပ်တဲ့ ကန့်သတ်မှုတွေက ခုလို တိုက်ခိုက်ရတဲ့ အကြောင်းရင်း တစ်ရပ် ဖြစ်နိုင်တယ်လို့ ယူဆရပါတယ်။

ရှင်ဂျန်း ပြည်နယ်မှာ တရုတ် အာဏာပိုင်တွေနဲ့ ဝီဂါ မွတ်ဆလင်တွေ အကြား တိုက်ခိုက်မှုတွေ မကြာခဏ ဖြစ်ပွားလေ့ ရှိခဲ့ပြီး၊ လွန်ခဲ့တဲ့ ၃ နှစ် အတွင်းမှာ လူ ရာနဲ့ချီ သေဆုံးခဲ့ပြီး ဖြစ်ပါတယ်။

BBC Burmese

Wednesday, June 24, 2015

အပူလှိုင်းကြောင့် ပါကစ္စတန်မှာ သေဆုံးသူ ၈၀၀ ကျော်



ပါကစ္စတန်နိုင်ငံ တောင်ပိုင်း ဆင်းဒ်ပြည်နယ်မှာ အပူလှိုင်းရိုက်ခတ်မှုကြောင့် သေဆုံးသူပေါင်း ၈၀၀ ကျော် ရှိသွားပြီလို့ ဆေးရုံဝန်ထမ်းတွေက ပြောကြားပါတယ်။

ကရာချိမြို့ပေါ်မှာ အနည်းဆုံး လူ ၇၈၀ သေဆုံးခဲ့တယ်လို့ ဘီဘီစီ သတင်းထောက်က ပြောဆိုပြီး ကျန်သေဆုံးသူ ၃၀ ကတော့ ပြည်နယ်တွင်းရှိ တခြားဒေသတွေက ဖြစ်တယ်လို့ ပါကစ္စတန် သတင်းဌာနက ဆိုပါတယ်။

ဒါ့အပြင် ဆေးရုံအအေးတိုက်တွေမှာ အလောင်းတွေနဲ့ ပြည့်နေတယ်လို့ Edhi လူမှုဖူလုံရေးအဖွဲ့က အေဖက်ပီ သတင်းဌာနကို ပြောပါတယ်။

အခုလို ပြင်းထန်တဲ့ အပူလှိုင်းဒဏ်ကြောင့် လူတွေသေဆုံးနေရမှု နဲ့ပတ်သက်ပြီး ထိရောက်စွာ ကိုင်တွယ်မှုမရှိဘူးဆိုပြီး ပါကစ္စတန် အာဏာပိုင်တွေအပေါ် ဝေဖန်မှုတွေ ထွက်ပေါ်နေသလို မီးမလာလို့ လေအေးစက်နဲ့ ပန်ကာတွေ သုံးမရလို့ ဒေသခံတွေက အာဏာပိုင်တွေအပေါ် မကျေမနပ် ဖြစ်နေကြတယ်လို့လည်း သတင်းထောက်တွေက ပြောပါတယ်။

အင်္ဂါနေ့က ကရာချိ မြို့မှာ အပူချိန် ၄၅ ဒီဂရီ ဆဲလ်ဆီးယပ်စ် (၁၁၃ ဒီဂရီ ဖာရင်ဟိုက်) အထိ ရောက်ရှိခဲ့တဲ့အတွက် ဝန်ကြီးချုပ် နာဝက်ဇ် ရှာရစ်ဖ်က အရေးပေါ် အစီအစဉ်တွေ လုပ်ဆောင်ဖို့ ညွန်ကြားထားပြီး ကယ်ဆယ်ရေးစခန်းတွေ ဖွင့်ဖို့ စစ်တပ်က ကူညီလျက် ရှိတယ်လို့ သိရပါတယ်။

BBC Burmese

ဒုက္ခသည်နဲ့ နယ်ခြားစောင့်တပ်ဖွဲ့ဝင်ကိစ္စ မရောယှက်ဖို့ ဘင်္ဂလားဒေ့ရှ် ပြော


မြန်မာဘက်ကဖမ်းဆီးထားတဲ့ ဘင်္ဂလားဒေ့ရှ် နယ်ခြားစောင့်တပ်ဖွဲ့ဝင် Nayek Abdur Razzak ကို တွေ့ရစဉ် Photo: MOI

ကပ္ပလီပင်လယ်ပြင်က မြန်မာရေပိုင်နက်အတွင်း မြန်မာရေတပ်က တွေ့ရှိကယ်တင်ထားတဲ့ လှေစီးရွှေ့ပြောင်းသူ ငါးရာကျော်ကို ဘင်္ဂလားဒေ့ရ်ှနိုင်ငံက ပြန်လည်လက်ခံမှ၊ ဖမ်းဆီးထားတဲ့ ဘင်္ဂလားဒေ့ရ်ှနယ်ခြားစောင့်တပ်ဖွဲ့ဝင် ကို ပြန်လွှဲပြောင်းပေးမယ်ဆိုတဲ့ မြန်မာဘက်က တောင်းဆိုခဲ့ကြောင်း ဘင်္ဂလားဒေ့ရှ် သတင်းမီဒီယာတွေ က ဖေါ်ပြခဲ့ပါတယ်။ အဲဒီ့တောင်းဆိုချက်ကို လက်မခံပယ်ချလိုက်ကြောင်း ဘင်္ဂလားဒေ့ရှ် နယ်ခြားစောင့်တပ်ဖွဲ့ က ပြောဆိုတယ်လို့ ရိုက်တာသတင်းက ဖေါ်ပြပါတယ်။

ဇွန်လ ၁၇ ရက်နေ့မနက်က နတ်မြစ်အတွင်း မြန်မာ့ရေပိုင်နက်ထဲမှာ မြန်မာနဲ့ဘင်္ဂလားဒေ့ရှ် နယ်ခြားစောင့် တပ်ဖွဲ့တွေကြား အပြန်အလှန်ပစ်ခတ်မှုဖြစ်ပွားခဲ့ရာမှာ အဗ္ဗဒူ ရာဇက် ဆိုသူ ဘင်္ဂလားဒေ့ရှ် နယ်ခြားစောင့် တပ်ဖွဲ့ဝင်တစ်ဦးကို မြန်မာဘက်က ဖမ်းဆီးမိခဲ့ပါတယ်။

အခင်းဖြစ်ပွားပြီး နောက်တနေ့မှာပဲ ဘင်္ဂလားဒေ့ရ်ှနိုင်ငံဆိုင်ရာ မြန်မာသံအမတ်ကြီးကို ဘင်္ဂလားဒေ့ရ်ှအစိုးရက ဆင့်ခေါ်ပြီး နယ်ခြားစောင့်တပ်ဖွဲ့ဝင်ကို ပြန်လွှတ်ပေးဖို့ တောင်းဆိုခဲ့ပါတယ်။ ဒါပေမဲ့ မနေ့ကတော့ လှေစီးဒုက္ခ သည်တွေကို ပြန်လက်ခံမှ အဗ္ဗဒူ ရာဇက် ကို ပြန်လွှတ်ပေးမယ်လို့ မောင်တောမြို့နယ် နယ်ခြားစောင့်တပ်မှူးက ကမ်းလှမ်းခဲ့တယ်လို့ ဘင်္ဂလားဒေ့ရှ် နယ်ခြားစောင့်တပ်က ပြောဆိုကြောင်း သတင်းမီဒီယာတွေက ဖေါ်ပြခဲ့ ကြပါတယ်။

နယ်ခြားစောင့်တပ်ဖွဲ့ဝင် ရာဇက်နဲ့ လှေစီးရွှေ့ပြောင်းသူတွေကိစ္စဟာ သီးခြားစီဖြစ်တာကြောင့် တောင်းဆိုချက်ကို လက်မခံခဲ့ဘဲ၊ ဒီကိစ္စပြေလည်ဖို့ နှစ်နိုင်ငံအလံတင်ဆွေးနွေးပွဲ ဆောင်ရွက်ဖို့ကိုသာ အဆိုပြုခဲ့တယ်လို့ ဘင်္ဂလားဒေ့ရ်ှနယ်ခြားစောင့်တပ်ဖွဲ့တပ်မှူးက ရိုက်တာသတင်းကို ပြောဆိုပါတယ်။

ပြည်နယ် ပြည်ထဲရေးဝန်ကြီး Khan Kamal ကလည်း မနေ့က နှစ်နိုင်ငံ နယ်စပ်ပုံမှန်တွေ့ဆုံပွဲမှာ၊ မြန်မာက ဖမ်းဆီးထားတဲ့ နယ်ခြားစောင့်တပ်ဖွဲ့ဝင် လွှဲပြောင်းပေးရေးကိစ္စကိုပါ ထည့်သွင်းညှိနှိုင်းခဲ့ကြောင်း၊ ဒုက္ခသည်တွေကို မိမိတို့ နိုင်ငံသားတွေ ဟုတ်မဟုတ် ရာနှုန်းပြည့် စိစစ်ပြီးရင်၊ ခြွင်းချက်မရှိပြန်ခေါ်မယ်ဆိုတာ အကြိမ်ကြိမ် ပြော ဆိုပြီးဖြစ်ပါလျက်နဲ့ မြန်မာဘက်က ဒီကိစ္စနှစ်ရပ်ရောထွေးပစ်ကြောင်း၊ ဒါပေမဲ့ မိမိတို့ဘက်က ယဉ်ယဉ်ကျေးကျေး ရှင်းပြခဲ့တဲ့အတွက် ဒီကိစ္စကို ခွဲခြားဆောင်ရွက်ဖို့ မြန်မာဘက်က သဘောတူညီခဲ့ကြောင်း ပြောဆိုခဲ့တယ်လို့ bdnews24 ဘင်္ဂလားဒေ့ရ်ှသတင်းက ဖေါ်ပြပါတယ်။

ဒီကိစ္စနဲ့ပတ်သက်ပြီး ပြန်ကြာေးရးဝန်ကြီး ဦးရဲထွဋ်က ဒုက္ခသည်တွေပြန်ခေါ်မှ ဘင်္ဂလားဒေ့ရ်ှနယ်ခြားစောင့် တပ်ဖွဲ့ဝင်ကို ပြန်လွှတ်ပေးမယ်ဆိုတာ မဟုတ်မှန်ကြောင်း ဘီဘီစီသတင်းကို ပြောဆိုခဲ့ပြီး၊ နှစ်နိုင်ငံအလံ တင်ဆွေးနွေးပွဲတွေ ပြီးတဲ့အခါ ပြန်ပို့မှာဖြစ်ကြောင်း၊ ဒါပေမဲ့ နေ့ရက်အတိအကျ မပြောနိုင်သေးကြောင်း ပြော ကြားခဲ့တယ်လို့ ဖေါ်ပြထားပါတယ်။

RFA Burmese

ဂူဂယ်လ်၏ အန်ဒရော့ ၀မ်း ပရိုဂရမ် ထည့်သွင်းနိုင်သည့်နိုင်ငံထဲ မြန်မာပါဝင်


ဂူဂယ်လ် (Google) နဲ့ ချယ်ရီမိုဘိုင်းတို့ ပူးပေါင်းပြီး ဂူဂယ်လ်ရဲ့ အန်ဒရော့ ၀မ်း ပရိုဂရမ် (Android One Program) ထည့်သွင်းရရှိနိုင်တဲ့ နိုင်ငံတွေ စာရင်းမှာ မြန်မာနိုင်ငံပါ ပါဝင်လာပြီလို့ ဂူဂယ်လ်က ထုတ်ပြန်လိုက်ပါတယ်။
အန်ဒရော့ ၀မ်း ဖုန်းတွေလို ဂူဂယ်လ်က စမ်းသပ်ထားတဲ့ နောက်ဆုံးပေါ် Android Version (Lollipop 5.1.1) ရဲ့ စွမ်းဆောင်ရည်တွေ အစုံအလင်ပါဝင်ပြီး အရည်အသွေးကောင်းတဲ့ ဟာ့ဒ်ဝဲအစိတ်အပိုင်းတွေ ပါဝင်တယ်လို့ ဆိုပါတယ်။
စွမ်းဆောင်ရည် အသစ်တွေထဲမှာ ဂူဂယ်လ်ရဲ့ ရုပ်ဝတ္ထုမြင်ကွင်း ဒီဇီုင်းဆန်းတွေ၊ ၂ ဆ ပိုကောင်းတဲ့ စွမ်းဆောင်ရည်၊ ဖုန်းဘက်ထရီ ချွေတာနိုင်တာ၊ ပိုမိုတိကျတဲ့ အသိပေးချက်တွေ ပါဝင်တယ်လို့လည်း ဖော်ပြထားပါတယ်။
ဒါ့အပြင် အန်ဒရော့ ၀မ်း ဖုန်းတွေဟာ နောက်ထပ် ဗားရှင်းအသစ် ထွက်သမျှကို အလိုလို ရရှိမှာ ဖြစ်တယ်လို့ သိရပါတယ်။
အန်ဒရော့ ၀မ်း ပရိုဂရမ်ကို အိန္ဒိယမှာ ပထမဆုံး ဖြန့်ချိခဲ့ပြီး ဘင်္ဂလားဒေ့ရှ်၊ နီပေါ၊ သီရိလင်္ကာ၊ အင်ဒိုနီးရှား၊ ဖိလစ်ပိုင်နဲ့ တူရကီနိုင်ငံတွေမှာ ဖြန့်ချိခဲ့ပြီးဖြစ်ပါတယ်။
DVB

အစိုးရအဆိုပြုနှုန်းနှင့်အလုပ် သမားများတောင်းဆိုမှုနှုန်း နှစ်ခုစလုံးပြေလည်မှုမရရှိ


အနိမ့်ဆုံးလုပ်ခလစာသတ်မှတ် ရန် အလုပ်ရုံဆွေးနွေးပွဲ နှစ်ရက်ကြာ ပြုလုပ်ခဲ့ရာ အစိုးရမှ အဆိုပြုသော ဈေးနှုန်းနှင့် အလုပ်သမားများ တောင်းဆိုသော ဈေးနှုန်းနှစ်ခုစလုံး ကို CMP လက်ခစားကုန်ထုတ် လုပ်ငန်းရှင်များကပေးချေရန် မဖြစ် နိုင်ကြောင်း အလုပ်ရုံဆွေးနွေးပွဲ အပြီး သတင်းစာရှင်းလင်းပွဲမှ သိရ သည်။

တစ်နိုင်ငံလုံးအတိုင်းအတာဖြင့် လွှမ်းခြုံသော အနိမ့်ဆုံးလုပ်ခလစာ သတ်မှတ်ရန် အလုပ်သမားဝန်ကြီး ဌာနမှ အလုပ်ရုံဆွေးနွေးပွဲတစ်ရပ် ကို ရန်ကုန်မြို့ကုန်သည်စက်မှု အသင်းချုပ် UMFCCI ၌ပြု လုပ်ခဲ့သည်။ အခြားသော ကုန် ထုတ်လုပ်ငန်းများနှင့် စီးပွားရေး လုပ်ငန်းရှင်များက တစ်ရက်အ လုပ်ချိန် ရှစ် နာရီအပေါ်အနိမ့်ဆုံး လုပ်ခ ၄ဝဝဝ ပေးချေနိုင်ရန်သ ဘောတူညီခဲ့သော်လည်း CMP လုပ်ငန်းရှင်များအတွက် ခက်ခဲ လျက်ရှိကြောင်း အထည်ချုပ်လုပ် ငန်းရှင်များအသင်းမှ ပြောကြား သည်။

CMP တစ်ခုတည်းကိုသာ ခွဲ ခြားသတ်မှတ်ခြင်းမျိုးကို အလုပ် သမားကိုယ်စားလှယ်များက ကန့် ကွက်ခဲ့ပြီး နောက်ဆုံးအဆင့်လျှော့ ချမှုအဖြစ်တစ်ရက်လုပ်ခကျပ်၎ဝဝဝ ကိုတောင်းဆိုခဲ့ကြောင်း''အစိုးရက တောင်းဆိုတဲ့ကျပ်၃၂ဝဝနဲ့အလုပ်သ မားကိုယ်စားလှယ်တွေကတောင်း ဆိုတဲ့ ၄ဝဝဝ ကိုဘယ်လိုမှပေးဖို့ မတတ်နိုင်ပါဘူး။ အများဆုံးပေး နိုင်တဲ့ နောက်ဆုံးပမာဏ ၂၅ဝဝ ပါပဲ''ဟု အထည်ချုပ်လုပ်ငန်း ရှင်များအသင်းဥက္ကဋ္ဌဦးမြင့်စိုးက ဆိုသည်။

CMP လက်ခစားလုပ်ငန်းများ ၏ အခြေအနေမှာ ယခုနှစ်အတွင်း မှာသာ ဖွံ့ဖြိုးခါစအခြေအနေတွင် ရှိနေပြီး လုပ်ခအနိမ့်ဆုံးအခြေခံ နှုန်းထားကို ကျပ်၂၅ဝဝ ထက် ကျော်လွန်အောင်ပေးအပ်နိုင်ခြင်း မရှိကြောင်း ၄င်းဆက်ပြောသည်။

''အော်ဒါတွေလက်ခံထားတာမှန် ပါတယ်။ဒါပေမယ့် ၆ လစာနဲ့တစ် နှစ်စာပဲရှိတယ်။ အလုံးအရင်းနဲ့ အော်ဒါရတဲ့အခြေအနေ မဟုတ် သေးတော့ ဈေးကွက်ကိုလည်း ကြိုမှန်းဆလို့မရသေးပါဘူး''ဟု အထည်ချုပ်လုပ်ငန်းရှင်များအသင်း မှ ဦးကျော်ဝင်းကပြောသည်။

ဥရောပနှင့် အမေရိကမှ အပ် ထည်များ ရရှိခါစဈေးနှုန်းနည်း ပါးသောအခြေအနေတွင်ရှိပြီး ဂျပန်၊ကိုရီးယား စသော အရှေ့ တိုင်းနိုင်ငံများ၏ အပ်ထည်များဖြင့် သာ CMP လက်ခစားလုပ်ငန်း များလည်ပတ်နေရကြောင်းသိရ သည်။

''နိုင်ငံရေးအပြောင်းအလဲတွေ၊ ပြည်တွင်းစီးပွားရေးမတည်ငြိမ်တာ တွေနဲ့ထုတ်လုပ်မှုစရိတ်မြင့်တက် လာတာတွေက လုပ်ခလစာပေး နိုင်စွမ်းလျှော့ကျသွားတာပါ''ဟု အထည်ချုပ်လုပ်ငန်းရှင်များအသင်း ဥက္ကဋ္ဌဦးမြင့်စိုးကပြောသည်။

ကျွမ်းကျင်မှု နည်းပါးသော လုပ်သားများနှင့်လုပ်ငန်းခွင်ရွှေ့ ပြောင်းများသောမြန်မာလုပ်သား ဈေးကွက်ကြောင့် အော်ဒါများကို အချိန်မီထုတ်လုပ်ရန် ခက်ခဲပြီး အချိန်ပိုများကို ဦးစားပေးနေရဆဲ ဖြစ်ကြောင်း ကိုရီးယားအထည် ချုပ်လုပ်ငန်းရှင်များအသင်းဥက္ကဋ္ဌ ကပြောသည်။

အထည်ချုပ်လုပ်ငန်းများနည်း တူ အခြားသောလက်ခစား CMP အီလက်ထရွန်နစ်လုပ်ငန်းများမှာ ရှုန်းကန်နေရဆဲဖြစ်သောကြောင့် အနိမ့်ဆုံးလုပ်ခလစာကိုကျပ်၂၅ဝဝ ထက်ပိုမိုမပေးနိုင်ကြောင်းလုပ်ငန်း ရှင်မရည်နွယ်မြင့်ကပြောသည်။

အနိမ့်ဆုံးလုပ်ခလစာသတ်မှတ် မှုမှာ အလုပ်သမားဝန်ကြီးဌာန၏ ဆုံးဖြတ်ချက်အပေါ်မူတည်ပြီး အလုပ်သမားများတောင်းဆိုသော ကျပ် ၄ဝဝဝကို သတ်မှတ်နိုင်ရန် ဟိုတယ်လုပ်ငန်းနှင့်စားသောက် ဆိုင်လုပ်ငန်းရှင်များ၊ CMP လက် ခစားလုပ်ငန်းရှင်များက ဦးဆောင် ကန့်ကွက်လျက်ရှိသည်။

ပြည့်ဖြိုးကျော်
The Union Daily

U14 မြန်မာအမျိုးသမီးအသင်း လာအိုကို ၄-၁ ဂိုးဖြင့် အနိုင်ရပြီး အကြိုဗိုလ်လုပွဲတက်


ဗီယက်နမ်မှာ ကစားနေတဲ့ အာရှဒေသတွင်း အမျိုးသမီးယူ ၁၄ ချန်ပီယံရှစ်ပြိုင်ပွဲ အာဆီယံဇုန် အုပ်စု (က) ရဲ့  ဒုတိယပွဲစဉ်မှာ မြန်မာအမျိုးသမီးယူ ၁၄ အသင်းက လာအုို အသင်းကုို ၄ ဂိုး ၁ ဂိုးနဲ့ နုိုင်ပြီး အကြိုဗုိုလ်လုပွဲကုို တက်ရောက်သွားပါတယ်။
အခု ပွဲစဉ်ကုို ဇွန်လ ၂၄ ရက်နေ့မှာ ယှဉ်ပြိုင်ခဲ့တာပါ။ မြန်မာအမျိုးသမီး လူငယ်အသင်းဟာ ဇွန်လ ၂၃ ရက်နေ့က အုပ်စုအဖွင့်ပွဲမှာ ကမ္ဘောဒီးယားအသင်းကုို ၃ ဂိုးပြတ်နဲ့ အနုိုင်ရထားပါတယ်။
အုပ်စု (က) မှာ ပါဝင်နေတဲ့ မြန်မာအမျိုးသမီးယူ ၁၄ အသင်းဟာ အုပ်စုတွင်းမှာ လောလောဆယ် ၂ ပွဲကစား ၆ မှတ်နဲ့ ထုိုင်းယူ ၁၄ အသင်းနဲ့ အမှတ်ခြင်းတူပြီး ဒုတိယနေရာမှာ ရပ်တည်နေပါတယ်။
မြန်မာယူ ၁၄ အသင်းဟာ အုပ်စုနောက်ဆုံး ပွဲစဉ်အဖြစ် ထုိုင်းအသင်းနဲ့ ဇွန်လ ၂၅ ရက်နေ့  မြန်မာစံတော်ချိန် နေ့လယ် ၁ နာရီခွဲမှာ ယှဉ်ပြိုင်ရမှာပါ။
အာဆီယံဇုန်က အမျိုးသမီးယူ ၁၄ ချန်ပီယံရှစ်ပြိုင်ပွဲရဲ့ ဆီမီးဖုိုင်နယ် ပွဲစဉ်တွေကုို ဇွန်လ ၂၇ ရက်နေ့မှာ ယှဉ်ပြိုင်ရမှာ ဖြစ်ပါတယ်။
အာဆီယံဇုန်မှာ အုပ်စု (က) နှင့် (ခ) နှစ်အုပ်စု ရှိပြီး အုပ်စု (က) မှာ  မြန်မာ၊ ထိုင်း၊ လာအိုနဲ့ ကမ္ဘောဒီးယားတို့ ပါဝင်ပါတယ်။ တဖက် အုပ်စု (ခ) မှာ ဗီယက်နမ်၊ စင်ကာပူ၊ မလေးရှားနှင့် ဖိလစ်ပိုင်အသင်းတို့ ပါဝင်ပါတယ်။
DVB

Tuesday, June 23, 2015

တိုင်းရင်းသားတွေရဲ့ အဖွဲ့အသစ်ကို အစိုးရဘက်က လက်မခံသေး



ရန်ကုန်မြို့ Green Hill Hotel မှာ ဇွန်လ ၂၃ ရက်နေ့ကကျင်းပတဲ့ သတင်းစာရှင်းလင်းပွဲမှာ NCCT အဖွဲ့ခေါင်းဆောင် ဦးနိုင်ဟံသာကို တွေ့ရစဉ် Photo: Kyaw Lwin Oo/ RFA
အစိုးရနဲ့ အပစ်ခတ်ရပ်စဲရေး ဆွေးနွေးနိုင်ဖို့အတွက် တိုင်းရင်းသားလက်နက်ကိုင် အဖွဲ့တွေဘက်က အသစ်ဖွဲ့စည်း လိုက်တဲ့ "တစ်နိုင်ငံလုံး အပစ်အခတ်ရပ်စဲရေး ဆိုင်ရာ အဆင့်မြင့်ညှိနှိုင်းရေး ကိုယ်စားလှယ်အဖွဲ့" ကို အစိုးရဘက် က လက်မခံသေးကြောင်း တိုင်းရင်းသားကိုယ်စားလှယ်တွေက ပြောပါတယ်။

ဒီနေ့ ရန်ကုန်မြို့ Green Hill ဟိုတယ်မှာ ပြုလုပ်တဲ့ သတင်းစာရှင်းလင်းပွဲမှာ တိုင်းရင်းသားလက်နက်ကိုင်အဖွဲ့တွေနဲ့ ဖွဲ့စည်းထားတဲ့ NCCT အဖွဲ့ခေါင်းဆောင် တစ်ဦးဖြစ်သူ ဦးနိုင်ဟံသာက ပြောခဲ့တာပါ။

"သူတို့ကတော့ အခုလို အဖွဲ့သစ်ဖွဲ့လိုက်တဲ့အပေါ်မှာ အမြင်မရှင်းဘူး၊ ဘာကြောင့်ဖွဲ့လဲ အရင် NCCT အနေနဲ့ ဆက်ဆွေးနွေးရင် သူတို့အတွက် ပြဿနာမရှိဘူး၊ အခုလို အဖွဲ့သစ်ဖွဲ့လိုက်တဲ့အခါမှာတော့ သူတို့အထက် ကခေါင်းဆောင်တွေ အမြင်မရှင်းဘူး၊ လက်ခံသင့်၊ မသင့်ဆိုတာ အဆုံးအဖြတ်မပေးနိုင်သေးဘူး၊ ဆိုပြီးတော့ အဲ့ဒါပြောတယ်"

အစိုးရနဲ့ တစ်နိုင်ငံလုံး အပစ်ခတ်ရပ်စဲရေး သဘောတူညီချက်ရဖို့အတွက် တိုင်းရင်းသား လက်နက်ကိုင်အဖွဲ့တွေရဲ့ ကိုယ်စား NCCT ခေါ် တစ်နိုင်ငံလုံး အပစ်ခတ်ရပ်စဲရေး ညှိနှိုင်းရေးအဖွဲ့က တာဝန်ယူခဲ့တာဖြစ်ပါတယ်။

နောက်ဆုံးကျင်းပခဲ့တဲ့ ကရင်ပြည်နယ် လော်ခီးလာညီလာခံကနေ နောက်ထပ် ကိုယ်စားလှယ်အဖွဲ့အသစ်ကို ဖွဲ့စည်းခဲ့ပြီး အဆင့်မြင့်ကိုယ်စားလှယ်အဖွဲ့အဖြစ် အစိုးရနဲ့ ဆက်လက်ဆွေးနွေးဖို့ ဖွဲ့စည်းခဲ့တာဖြစ်ပါတယ်။

အဲဒီ့အဖွဲ့မှာ အဖွဲ့ခေါင်းဆောင်တွေက KNU ဒုတိယဥက္ကဌ နော်စီဖိုးရာစိန်၊ KIO အထွေထွေအတွင်းရေး မှူး ဒေါက်တာလဂျာ၊ CNF အထွေထွေအတွင်းရေးမှူးချုပ် ပူးဇင်ကျုံး တို့ဖြစ်ပြီး အဖွဲ့ဝင်တွေအဖြစ် ဦးနိုင်ဟံသာ၊ ဗိုလ်ချုပ်ဂွမ်မော်၊ စောမြရာဇာလင်း၊ ဗိုလ်မှူးကြီး ခွန်ဥက္ကာ စတဲ့ ၁၂ ဦးနဲ့ ဖွဲ့စည်းထားတာဖြစ်ပါတယ်။

ဒါ့အပြင် လော်ခီးလာညီလာခံကနေ ပြင်ဆင်ဖြည့်စွက်လိုက်တဲ့ အပစ်ခတ်ရပ်စဲရေးစာချုပ်မူကြမ်းကို အစိုးရက လက်မခံဘဲ ပြီးခဲ့တဲ့မတ်လ ၃၁ ရက်နေ့ က နိုင်ငံတော်သမ္မတကိုယ်တိုင် ပါဝင်လက်မှတ်ရေးထိုးခဲ့တဲ့ NCA မူကြမ်း အတိုင်းသာထားရှိလိုတဲ့ ဆန္ဒရှိတယ်လို့လည်း ဦးနိုင်ဟံသာက ပြောပါတယ်။

RFA Burmese