‘၁က’ အက္ခရာ ကားဟောင်းများကို ဧပြီ ၄ ရက်မှစ၍ အပ်နှံခွင့်ပြုမည်

 Published on: April 2, 2014

 ‘၁က’ အက္ခရာ ကားဟောင်းများကို ယခုဧပြီလအတွင်း စတင်၍ အပ်နှံခွင့်ပြုမည်ဖြစ်ကြောင်း ရထားပို့ဆောင်ရေး ၀န်ကြီးဌာန၊ ကညန၏ တရားဝင် ထုတ်ပြန်ချက်များအရ သိရသည်။ ရထားပို့ဆောင်ရေး ၀န်ကြီးဌာန တာဝန်ရှိသူတစ်ဦးက “၁က အက္ခရာကားတွေက အခုဧပြီလမှာ ယာဉ်မှတ်ပုံတင်သက်တမ်း နှစ် ၂၀ ပြည့်ပြီဖြစ်တဲ့အတွက် အအပ်လက်ခံတော့မှာ ဖြစ်ပါတယ်” ဟု ဧပြီ ၁ ရက်က ပြောကြားသည်။
 ကညန၏ Facebook စာမျက်နှာတွင်လည်း ‘၁က’ အက္ခရာ ကားဟောင်းများကို ဧပြီ ၄ ရက်တွင် စတင်လက်ခံမည်ဖြစ်ပြီး ‘၂က’ အက္ခရာ ကားဟောင်းများကို အောက်တိုဘာ ၆ ရက်တွင် စတင်လက်ခံမည်ဖြစ်ကြောင်း သတင်းထုတ်ပြန်ထားသည်။

 ကားဟောင်းဈေးကွက် ကျွမ်းကျင်သူ ကိုအရည်ကျိုက “နေပြည်တော် ကညနကလည်း ၁ကအက္ခရာ ကားဟောင်းကို ဧပြီ ၄ ရက် စလက်ခံမယ်လို့ ပြောပါတယ်။ ၂က အက္ခရာ ကားဟောင်းတွေကိုလည်း အောက်တိုဘာ ၆ ရက်ကစပြီး လက်ခံမယ်လို့ ပြောပါတယ်” ဟု ပြောကြားသည်။

 ကားဟောင်းအပ်နှံခွင့်ပြုမည့် ရက်နှင့်အစီအစဉ်ကို တိကျစွာ ထုတ်ပြန်ခြင်း မပြုသည့်အတွက် အပ်ကားစလစ်ဈေးများမှာ ကျပ် ၁၁၅ သိန်းအထိ ထိုးတက်သွားခဲ့သည်။ ကားဝယ်ရောင်းလုပ်သူ ကိုထွဋ်ကလည်း “ဒီလိုမျိုး တစ်ခါတည်း ထုတ်ပြန်ထားရမှာ။ ဒါမှ အများပြည်သူ အနေနဲ့လည်း ကားဝယ်တဲ့အခါလည်း ဈေးတည်ငြိမ်သလို ကားဟောင်းနဲ့ လုပ်စားနေတဲ့သူတွေလည်း ပပျောက်သွားမှာ။ ဒီလို ပွင့်လင်းမြင်သာမှုရှိဖို့ လိုပါတယ်” ဟု ပြောကြားသည်။
Eleven Media Group