 |
| ပီကာဆို၏လက်ရာတစ်ခု |
စုစုပေါင်း ၁၈၀ ကျော်လောက်ရှိမယ့် အဲဒီပန်းချီကားနဲ့ ကြွေထည် မြေထည် အနုပညာ လက်ရာတွေကို ပီကာဆိုဟာ အများပြည်သူကို မပြသခဲ့ဘဲ သူ့ရဲ့ဘ၀တလျှောက်လုံး စတူဒီယိုထဲမှာ သိမ်းဆည်းထားခဲ့တာပါ။
အသက် ၆၅ နှစ်အရွယ် မြေးဖြစ်သူ မာရီနာဟာ ပီကာဆိုရဲ့ သားအကြီးဆုံးဖြစ်တဲ့ ပေါ်လိုရဲ့ သမီးဖြစ်ပြီး သူ့ရဲ့နေထိုင်ရာနေအိမ် အပါအ၀င် အနုပညာလက်ရာ ၁ သောင်းနီးပါးကို ဆက်ခံရရှိခဲ့သူ ဖြစ်ပါတယ်။
ပြီးခဲ့တဲ့ ဇွန်လတုန်းကလည်း သူပိုင်ဆိုင်တဲ့ မြေနေရာထဲက ကြွေထည်မြေထည် လက်မှုအနုပညာလက်ရာ ၁၂၆ မျိုးကို စုစုပေါင်း စတာလင်ပေါင် ၁၂ ဒသမ ၃ သန်းနဲ့ လေလံတင် ရောင်းချခဲ့ပါသေးတယ်။
အခုရောင်းချမယ့် အနုပညာလက်ရာတွေကိုတော့ တခုချင်းစီအလိုက် တန်ဖိုးငွေ စတာလင်ပေါင် ၄၀၀၀ ကနေ ၁၈၀၀၀၀ ထိ ခန့်မှန်းထားတာဖြစ်ပြီး စုစုပေါင်း ရောင်းရငွေ ၉ ဒသမ ၈ သန်း ရရှိနိုင်မယ်လို့ ခန့်မှန်းထားတာပါ။
သည်ဝေါလ်စထရိဂျာနယ်နဲ့ အင်တာဗျူးမှာတော့ မာရီနာက “ဒါဟာ ကျမဘ၀သမိုင်းမှာ အစိတ်အပိုင်းတခုပါ။ ခုလက်ရှိ လေလံဈေးနှုန်းတွေကလည်း မာနေပါတယ်” လို့ ဖြေခဲ့ပါတယ်။
အဲဒီလေလံတင်ရောင်းချပွဲကို လာမယ့် ဖေဖော်ဝါရီ ၅ ရက်နေ့ လန်ဒန်မြို့ Sotheby’s လေလံပွဲမှာ ကျင်းပသွားမယ်လို့ သတင်းမှာ ဖော်ပြပါတယ်။
DVB
