ဧရာဝတီတိုင်းဒေသကြီး ဒေးဒရဲမြို့နယ်မှာ ဒီရေကာတောစိုက်ပျိုးသူတွေနဲ့ လယ်သမားတွေကြား အဓိကရုဏ်းတွေ ဖြစ်လာနိုင်တဲ့ အခြေအနေ ရှိနေတယ်လို့ ဒေသခံတချို့က ပြောပါတယ်။
ဒေးဒရဲမြို့နယ် တောင်ဘက်ပိုင်း ရွာပေါင်း ၂၀ ကျော်က ဒေသခံ အများအပြားဟာ ဒီရေကာတောသစ်ပင်တွေကို ကိုယ်ထူကိုယ်ထ စိုက်ပျိုးခဲ့ကြပါတယ်။
လက်ရှိအချိန်အထိ ဒီရေကာတောစားကျက်မြေဧက ၁,၁၀၀ ကျော်မှာ အပင်ပေါင်း တသိန်းနီးပါး စိုက်ပျိုးပြီးဖြစ်တယ်လို့ ဒေသခံတွေကပြောပါတယ်။
ကျွန်းပင်ကျေးရွာမှာ ဒီရေကာတော စိုက်ပျိုးနေပုံ
တဖက်မှာလည်း ဒီစားကျက်မြေတွေမှာ ယာယီလယ်လုပ်ဖို့ ခွင့်ပြုပေးထားတာကြောင့် လယ်သမားတွေ ၀င်ပြီးလယ်ထွန်မှာပါ။
ဒါကြောင့် မကြာခင် ထိပ်တိုက်တွေ့ဆုံမှုတွေဖြစ်လာနိုင်တယ်လို့ ဒေသခံတယောက်ဖြစ်တဲ့ ကိုမောင်ဦးကပြောပါတယ်။
“ကျနော်တို့ဒေသဟာနာဂစ်မုန်တိုင်းနောက်ပိုင်း ပင်လယ်ရေတိုက်စားမှုဒဏ်ကို ဆိုးဆိုးဝါးဝါး ခံလာရတယ်။
ဒီရေကာတောတွေကိုခုတ်ထွင်ရှင်းလင်းပြီးလယ်စိုက်ခဲ့ကြတော့ အပင်တွေမရှိတော့ ပင်လယ်ကတိုက်စားတာပေါ့။
ဒါကြောင့် ကျနော်တို့ကဒီရေကာတောတွေ ပြန်လည်စိုက်ပျိုးဖို့ လိုအပ်တဲ့အတွက် စားကျက်မြေအဖြစ် ပြန်လည်သတ်မှတ်ပေးဖို့ လု ၁,၀၀၀ ကျော် လက်မှတ်ရေးထိုးတောင်းဆိုခဲ့တယ်။
အစိုးရကအဲဒါကိုခွင့်မပြုဘဲ စားကျက်မြေထဲမှာ လယ်လုပ်ခွင့်ပြုလိုက်တယ်။ အဲတော့ ကျနော်တို့ စိုက်ထားတဲ့အပင်တွေကို လယ်သမားက လယ်ထွန်ပစ်ရင်တော့ ပြဿနာ အကြီးကြီးတက်မှာပဲ”
တိုင်းအတွင်းမှာ ၁၉၉၇ ခုနှစ်က လယ်ယာမြေဧက တသန်း ဖော်ထုတ်ရေးစီမံချက်လုပ်တဲ့အခါ ဒေးဒရဲမြို့နယ်က ဒီရေကာတောစားကျက်မြေတွေကို လယ်ယာမြေလုပ်ခွင့်ပေးခဲ့ပါတယ်။
အဲတော့ လယ်သမားတွေကလည်းဒီရေကာတောတွေ ခုတ်ထွင်ရှင်းလင်းပြီး လယ်စိုက်ခဲ့ကြတာပါ။
ဒေးဒရဲမြို့နယ်ေ်ထွအုပ အပါအ၀င် ဌာနဆိုင်ရာတချို့တောင် စားကျက်မြေထဲက လယ်တွေကိုဌာနဆိုင်ရာအမည်ပေါက် လုပ်ထားပြီး
ဝန်ထမ်းသက်သာ ခေါင်းစဉ်နဲ့ လယ်သမားတွေကို ၁ ဧက ၅ တင်းနှုန်း သီးစားချခဲ့တာတွေရှိကြောင်း သိရပါတယ်။
ဒေးဒရဲမြို့နယ် ဒုအုပ်ချုပ်ရေးမှူး ဦးနိုင်ဝင်းက ဧရာဝတီကို ပြောပါတယ်။ “သီးစားချတာတွေ ဟိုတုန်းကရှိခဲ့ပါတယ်။ အခုတော့ အဲဒါတွေ မရှိတော့ပါဘူး”လို့ ဧရာဝတီသတင်းဌာနကို ပြောပါတယ်။
လယ်သမားတွေမှာ ၁၇ နှစ်တိုင်တိုင် စိုက်လာခဲ့တဲ့သူတွေရှိတော့ လက်ငုပ်မြဲနေတယ်။
ဒါကြောင့် စားကျက်မြေပယ်ဖျက်ဖို့အတွက် အဆင့်ဆင့် တင်ပြသွားမယ်။ လက်ရှိမှာ မြို့နယ်လယ်ယာမြေစီမံခန့်ခွဲမှုအဖွဲ့ အနေနဲ့ ယာယီစိုက်ပျိုးခွင့်လက်မှတ် ထုတ်ပေးဖို့ ဆုံးဖြတ်ထားတယ်”
ဒါ့အပြင် ဒေသတွင်း လယ်စိုက်တဲ့နေရာနဲ့ လွတ်ကင်းတဲ့မြေလွတ်တွေမှာ ဒီရေကာတောဧက ၃၀၀ စိုက်ပျိုးဖို့ စီမံချက်တွေ ရေးဆွဲနေပြီး အစိုးရအစီအစဉ်နဲ့ မကြာခင် စတင်စိုက်ပျိုးသွားမယ်လို့ ဦးနိုင်ဝင်းက ပြောပါတယ်။
ဒေသခံအများအပြားကတော့ ဒီရေကာတော စားကျက်မြေထဲမှာ အပင်တွေစိုက်ရေး အားသန်ပါတယ်။ ဒါမှ ပင်လယ်ရေတိုက်စားမှုကို ခုခံကာကွယ်နိုင်မှာလို့ ဆိုနေကြတာပါ။
ဒီရေတောကိစ္စနဲ့ ပတ်သက်ပြီး အစိုးရမှာ အစီအစဉ်တချို့ ရှိပေမယ့် အဲဒါက အလုပ်ဖြစ်မယ် မဟုတ်ဘူးလို့လည်း ဆိုပါတယ်။
ဒီအကြောင်း တော်ကနိ - ညောင်လိန်ကုန်းကျေးရွာ ရပ်မိရပ်ဖတဦးရဲ့ အသံကို နားထောင်ပါအုံး။
“ဟိုတလောက မြို့နယ်အုပ်ချုပ်ရေးမှူးအဖွဲ့ ဆင်းလာပြီး ချောင်းသစ်ပေါက်ကျေးရွာနားကသောင်ပြင်ပေါ်မှာ အလံတိုင်တွေ စိုက်သွားတယ်။
ဒီရေကာတောစိုက်မယ့်နေရာ သတ်မှတ်ခဲ့တာပေါ့။
ပင်လယ်နား ကပ်နေတဲ့ သဲသောင်ပြင်ပေါ်စိုက်လို့ ဘယ်လိုလုပ် အပင်ပေါက်ပါ့မလဲ။ ပြီးတော့ သူတို့ အခုစိုက်မယ့်နေရာဟာမကြာခင် သဲဖုံးတော့မယ့်နေရာတွေ။ ဘယ်လိုမှ အောင်မြင်မှာမဟုတ်ဘူး”
တော်ကနိညောင်လိန်ကုန်းကျေးရွာအနီးက ကျုံကနပ်စားကျက်မြေမှာ ဒီရေကာတောစိုက်ပျိုးကြသူများ
စားကျက်မြေထဲလယ်စိုက်နေတဲ့ လယ်သမားတွေကတော့ မိုးရာသီရောက်ပြီဖြစ်လို့ ထွန်ဖို့ယက်ဖို့အတွက် ပြင်ဆင်နေကြပါပြီ။ အစိုးရကလည်းခွင့်ပြုထားပြီ ဆိုတော့ မကြာခင် စိုက်ပျိုးမှု စတင်ပါတော့မယ်။
တခြား တဘက်မှာလည်း ဒေသခံတချို့က မုန်တိုင်းဘေး၊ ဆူနာမီရေလှိုင်းဘေး၊ ပင်လယ်ရေတိုက်စားမှုဘေးကို ကြောက်ကြလို့ အပင်ပန်းခံပြီး စိုက်ပျိုးထားတဲ့ ဒီရေကာတောအပင်တွေကို လယ်သမားတွေက ထွန်ယက်ဖျက်ဆီးပစ်ရင်တော့ တုတ်တပြက်၊ ဓားတပြက် အခြေအနေတွေ ဖြစ်သွားမလား ဆိုတာ ဘယ်သူမှ မပြောနိုင်ပါဘူး။
ယခင် အဓိကရုဏ်းများ
ဧရာဝတီတိုင်းမှာကလည်း ၂၀၁၂ ခုနှစ် စက်တင်ဘာလက ကျုံပျော် ရှားခဲအင်း အဓိကရုဏ်းဖြစ်ခဲ့ပြီး ၂၀၁၃ ဖေဖော်ဝါရီလမှာ မအူပင်မလက်တိုအဓိကရုဏ်းတွေ ဖြစ်ခဲ့ပါတယ်။
အဓိကရုဏ်း ၂ ခုစလုံးတိုင်းသိပြည်သိ ဖြစ်ခဲ့တာပါ။
ရှားခဲအင်းကိစ္စမှာလူ ၃ ဦး သေဆုံးခဲ့သလို မလက်တိုကိစ္စမှာ ရဲတပ်သား ၁ ဦးသေပြီး ၄၉ ဦး ဒဏ်ရာရခဲ့ပါတယ်။
ရှားခဲအင်းကိစ္စဆိုရင် ဒေသခံရေလုပ်သားတွေနဲ့ ၀ိုင်းဝိုင်းလည် သမအသင်းတို့ရဲ့ အားပြိုင်မှုမှာ ဧရာဝတီတိုင်းအစိုးရက ၀ိုင်းဝိုင်းလည်အသင်းကို ရှားခဲအင်းလုပ်ပိုင်ခွင့် ချထားပေးရာက စတင်ခဲ့တဲ့ ပဋိပက္ခ ဖြစ်ပါတယ်။
အခုလည်း ဒေးဒရဲမှာ ဘာတွေဆက်ဖြစ်လာမလဲဆိုတာ ရင်တမမနဲ့ ဆက်လက်စောင့်ကြည့်ရမယ့် အခြေအနေပါပဲ။
ဒေးဒရဲ ဒီရေကာတော စိုက်တဲ့ ကျေးရွာများထဲမှာ တော်ကနိ - ညောင်လိန်ကုန်း၊ ချောင်းသစ်ပေါက်၊ သြဥလမ်း၊ ကျောင်းဆိပ်၊ အလယ်ကုန်းစတဲ့ကျေးရွာတွေ ပါဝင်နေကြောင်း တင်ပြလိုက်ရပါတယ်။
ဆလိုင်းသန့်စင်(ဧရာဝတီ blog)
