လာမည့်
၂၀၁၅ ခုနှစ်တွင် ကျင်းပပြုလုပ်မည့် အထွေထွေ ရွေးကောက်ပွဲ အပြီးတွင်
ပြည်သူလူထုကို ကိုယ်စားပြုသည့် အစိုးရတစ်ရပ် ပေါ်ထွက်လာစေရန်အတွက်
နိုင်ငံရေးပါတီများ အနေနှင့် ဝိုင်းဝန်းကြိုးပမ်း ဆောင်ရွက်ရန်
နိုင်ငံတော်သမ္မတ ဦးသိန်းစိန်က တိုက်တွန်း ပြောဆိုလိုက်သည်။ရန်ကုန်တိုင်းဒေသကြီး အစိုးရအဖွဲ့ရုံးတွင် နိုဝင်ဘာလ ၂၆ ရက်နေ့ ညနေ ၃ နာရီဝန်းကျင်က ပြုလုပ်ခဲ့သည့် နိုင်ငံရေး ပါတီခေါင်းဆောင်များနှင့် တွေ့ဆုံစဉ်တွင် ၎င်းက ယင်းကဲ့သို့ ပြောဆိုလိုက်ခြင်း ဖြစ်သည်။
မြန်မာနိုင်ငံ၏ ဒီမိုကရေစီ အသွင်ကူးပြောင်းရေးအတွက် အဓိကကျသည့် အလှည့်အပြောင်း တစ်ခုဖြစ်သည့် အဆိုပါ ရွေးကောက်ပွဲကြီးကို အောင်အောင်မြင်မြင် ကျင်းပနိုင်ကာ ပြည်သူလူထုကို ကိုယ်စားပြုသည့် အစိုးရတစ်ရပ် ပေါ်ထွန်းလာရေးအတွက် နိုင်ငံရေးပါတီများ အနေနှင့် ဝိုင်းဝန်း ကြိုးပမ်း ဆောင်ရွက်သင့်ကြောင်း ၎င်းက ပြောဆိုသည်။
“အထူးပြောကြားချင်တဲ့ အချက်တစ်ချက် ရှိပါတယ်။ ဒီမိုကရေစီရဲ့ မူအရ နိုင်ငံမှာ ကျွန်တော်တို့ နိုင်ငံရေးအရ ယှဉ်ပြိုင်မှုတွေ၊ အားပြိုင်မှုတွေကို သဘာယကျကျ လက်ခံကြရမှာ ဖြစ်ပါတယ်။ သို့သော်လည်းပဲ ကျွန်တော်တို့ နိုင်ငံလို ဒီမိုကရေစီ တည်ဆောက်ရေး ကြိုးပမ်းနေတဲ့ နိုင်ငံလို နိုင်ငံရေး ပါတီတွေအနေနဲ့ ဒီမိုကရေစီအရေး ကြိုးပမ်းမှုများ အောင်မြင်ရေးအတွက် ရရှိထားတဲ့ ဒီမိုကရေစီ ဖြစ်ထွန်းမှုများ ဆက်လက် တိုးတက်ရေးအတွက် အခက်အခဲ အကျပ်အတည်းတွေကို နိုင်ငံရေးအရထက် တိုင်းပြည်ရဲ့ အသွင်ကူးပြောင်းရေး အောင်မြင်ရေးဆိုတဲ့ ကိစ္စတွေမှာ ပါဝင်စဉ်းစား၊ ဝိုင်းဝန်းကြိုးပမ်း ဆောင်ရွက်ပေးကြဖို့ လိုပါတယ်” ဟု ၎င်းက ပြောဆိုသည်။
ယင်းအပြင် အခြေခံဥပဒေ ပြင်ဆင်ရေး၊ ပြည်တွင်း ငြိမ်းချမ်းရေး၊ ဖက်ဒရယ် ပြည်ထောင်စု ပေါ်ထွန်းရေးများနှင့် ပတ်သက်၍လည်း သမ္မတဦးသိန်းစိန်က အဆိုပါ တွေ့ဆုံပွဲတွင် ထည့်သွင်း ပြောဆိုခဲ့သည့်အပြင် ပြီးခဲ့သည့် နေပြည်တော် ၁၄ ပွင့်ဆိုင် ဆွေးနွေးပွဲ ကဲ့သို့သော ထပ်သီး ခေါင်းဆောင်များ ပါဝင်သည့် ဆွေးနွေးပွဲ များကိုလည်း ဆက်လက်ပြုလုပ်သွားမည် ဖြစ်ကြောင်း ၎င်းက ပြောဆိုသည်။
အဆိုပါ သမ္မတနှင့် နိုင်ငံရေးပါတီများ တွေ့ဆုံရာတွင် ညီနောင် တိုင်းရင်းသားများ ဖက်ဒရေးရှင်း (NBF)၊ အင်းအမျိုးသားပါတီ၊ ရခိုင်အမျိုးသားပါတီ၊ ချင်းအမျိုးသား ဒီမိုကရေစီပါတီ စသည့် တိုင်းရင်းသား ပါတီအချို့က ပြည်ထောင်စု လွှတ်တော်က အတည်ပြု ဆုံးဖြတ်ထားသည့် ခြောက်ပွင့်ဆိုင် ဆွေးနွေးရေးအပေါ် ထောက်ပြ ဝေဖန်ခဲ့ကြပြီး ခြောက်ပွင့်ဆိုင်ထက် တိုင်းရင်းသား ပေါင်းစုံ ကိုယ်စားပြုသည့် ကိုယ်စားလှယ်များ ပါဝင်နိုင်ရေးကို ဆွေးနွေး တင်ပြခဲ့ကြသည်။
“ခြောက်ပွင့်ဆိုင် ဆွေးနွေးရေး ဆိုတာမှာ တိုင်းရင်းသား (Sector) မှာ ဗမာ၊ မွန်၊ ရခိုင် စသဖြင့် ရှိတာဆိုတော့ အနည်းဆုံး တိုင်းရင်းသား ခုနစ်ဦးထက်မနည်း ထည့်သွင်း ဆွေးနွေးပေးဖို့ မေတ္တာရပ်ခံ လိုပါတယ်” ဟု ရခိုင်အမျိုးသားပါတီမှ ဦးဇော်အေးမောင်က တင်ပြဆွေးနွေးခဲ့သည်။
သို့သော် အဆိုပါ တင်ပြဆွေးနွေးချက်များနှင့် ပတ်သက်ပြီး နိုင်ငံတော်သမ္မတက တစ်စုံတစ်ရာ မှတ်ချက်ပေး တုံ့ပြန်ခဲ့ခြင်း မရှိပေ။ အဆိုပါ တွေ့ဆုံပွဲတွင် နိုင်ငံရေး ဆွေးနွေးပွဲများကို အချိန်မဆိုင်းစေရန်အတွက် အပစ်အခတ်ရပ်စဲရေး စာချုပ် မချုပ်ဆိုမီကပင် စတင်ကျင်းပခဲ့ သင့်ကြောင်း ပါတီအချို့ကလည်း ထောက်ပြ အကြံပြုခဲ့သည်။
အဆိုပါ တွေ့ဆုံပွဲသို့ မြန်မာနိုင်ငံရှိ တရားဝင် မှတ်ပုံတင်ထားသည့် ပါတီပေါင်း ၆၀ ကျော် တက်ရောက် ခဲ့သော်လည်း အမျိုးသား ဒီမိုကရေစီ အဖွဲ့ချုပ် (NLD)၊ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၊ ရှမ်းတိုင်းရင်းသားများ ဒီမိုကရေစီ အဖွဲ့ချုပ် စသည့် အင်အားကြီး ပါတီများက ဝင်ရောက် ဆွေးနွေးခြင်း မပြုခဲ့ပေ။
တွေ့ဆုံပွဲသို့ နိုင်ငံတော်သမ္မတ အပါအဝင် သမ္မတရုံးဝန်ကြီး ဦးအောင်မင်း၊ ဦးအောင်သိန်း၊ ရန်ကုန်တိုင်းဒေသကြီး လွှတ်တော်ဥက္ကဋ္ဌများလည်း တက်ရောက်ခဲ့သည်။
The Voice
