ခြောက်ပွင့်ဆိုင်တွေ့ဆုံမှု မဖြစ်နိုင်ဟု ဦးရဲထွဋ်ဆို

 ခြောက်ပွင့်ဆိုင် တွေ့ဆုံမှုဟာ လက်တွေ့မကျ၊ မူဝါဒတွေ မတိုက်ဆိုင်လို့ လတ်တလောမှာ မဖြစ်နိုင်သေးဘူးလို့ နိုင်ငံတော်သမ္မတ ပြောရေးဆိုခွင့်ရှိသူ ပြန်ကြားရေး ဝန်ကြီးဌာန ဝန်ကြီးဦးရဲထွဋ်က ပြောပါတယ်။
 အစိုးရအဖွဲ့ရဲ့ ချဉ်းကပ်ပုံဟာ မဏ္ဍိုင်တွေ၊ အဖွဲ့အစည်းတွေအပေါ် အခြေခံပြီး ပြည်ထောင်စုလွှတ်တော်နဲ့ ဒေါ်အောင်ဆန်းစုကြည်တို့ရဲ့ ချဉ်းကပ်ပုံက လူပုဂ္ဂိုလ်အပေါ် အခြေခံတဲ့ ချဉ်းကပ်ပုံဖြစ်နေလို့ တွေ့ဆုံဖို့ မဖြစ်နိုင်သေးဘူးလို့ သူကဆိုပါတယ်။

ဒါ့အပြင် ခြောက်ပွင့်ဆိုင်မှာ ပါဝင်မယ့် တိုင်းရင်းသားလွှတ်တော် ကိုယ်စားလှယ်ဟာ တိုင်းရင်းသားလူမျိုးစုတွေကို ကိုယ်စားမပြုနိုင်လို့ ဒီတွေ့ဆုံမှုဟာ လက်တွေ့ မကျဘူးလို့လည်း သူက ဆိုပါသေးတယ်။
အမျိုးသားဒီမိုကရေစီ အဖွဲ့ချုပ် (NLD) ပါတီ ဗဟိုအလုပ်မှုဆောင် ကော်မတီ အဖွဲ့ဝင် ဦးဉာဏ်ဝင်းကတော့ ခုတွေ့ဆုံမှုဟာ လူတစ်ဦးတစ်ယောက်အတွက် လုပ်တာမဟုတ်ဘဲ တစ်နိုင်ငံလုံးအတွက် လုပ်ဆောင်တာသာ ဖြစ်တယ်လို့ ဆိုပါတယ်။
The Voice