ရှမ်းပြည်နယ်တိုက်ပွဲမှာ နေရပ်ပြန်သူတွေကို ကူညီပို့ဆောင်ရင်း သေနတ်ထိမှန် ဒဏ်ရာရရှိခဲ့တဲ့ ကြက်ခြေနီစေတနာလုပ်အားရှင် (၂) ဦးကို ကွမ်းလုံဆေးရုံကနေ လားရှိုးဆေးရုံကို ပြောင်းရွှေ့ကုသပေးနေတယ်လို့ မြန်မာနိုင်ငံကြက်ခြေနီအသင်းက ပြောပါတယ်။
မြန်မာနိုင်ငံကြက်ခြေနီအသင်း အမှုဆောင်ညွှန်ကြားရေးမှူး ဦးခင်မောင်လှက “သူတို့ကို ဒီကနေ့မနက်ကိုတော့ ကွမ်းလုံဆေးရုံကနေပြီးမှ လားရှိုးပြည်သူ့ဆေးရုံကြီးကို ပို့လိုက်ပြီလို့ သိရပါတယ်ဗျ။ စိုးရိမ်စရာအခြေအနေတော့ မရှိတော့ပါဘူး” လို့ ဒီဗွီဘီကို ပြောပါတယ်။
ရှမ်းပြည်မြောက်ပိုင်း လောက်ကိုင်ဒေသမှာ မနေ့က စစ်ရှောင်ဒုက္ခသည်တွေကို ဘေးလွတ်ရာ သယ်ဆောင်ရင်း လောက်ကိုင်နဲ့ ချင်းရွှေဟော်မြို့နယ်အကြားမှာ ယာဉ်တန်းရဲ့ ရှေ့ဆုံးကားကို ပစ်ခတ်ခံခဲ့ရတာပါ။
ဖြစ်စဉ်နဲ့ပတ်သက်လို့ မြန်မာနိုင်ငံကြက်ခြေနီအသင်း အမှုဆောင်ညွှန်ကြားရေးမှူး ဦးခင်မောင်လှက “ဖြစ်စဉ်ကတော့ ကွမ်းလုံမြို့နယ် ကြက်ခြေနီအသင်းပေါ့နော် အသင်းဝင်တပ်ဖွဲ့ဝင်တွေက လောက်ကိုင်မှာ သွားပြီးမှာ စစ်ရှောင်ဒုက္ခသည်တွေကို လားရှိုးဘက်ကို ပြန်ခေါ်လာတာပါ။ ပြန်ခေါ်လာရင်းနဲ့ ကျနော်တို့ လောက်ကိုင်နဲ့ ချင်းရွှေဟော်အကြားပေါ့နော် အဲဒီနေရာမှာ ကျနော်တို့ အဖွဲ့တွေ အပစ်ခံရတာပါ။ ဒီဖြစ်စဉ်ဖြစ်ပေမယ့် လိုအပ်ချက်အရတော့ ကျနော်တို့လုပ်ငန်းတွေကို ဆက်လက်ဆောင်ရွက်သွားမှာပါ” လို့ ဒီဗွီဘီကို ပြောပါတယ်။
ပစ်ခတ်ခံရတဲ့ ယာဉ်ပေါ်မှာလိုက်ပါလာတဲ့ ဒီဗွီဘီသတင်းထောက်က ကားတွေပေါ်မှာ ကြက်ခြေနီ အလံထောင်တဲ့အကြားက ပစ်ခတ်ခံရတာဖြစ်တယ်လို့ ပြောပါတယ်။ ကားရှေ့ခန်းမှာ လိုက်ပါလာတဲ့ ကွမ်းလုံမြို့နယ်က ကြက်ခြေနီနှစ်ဦးအနက် ယာဉ်မောင်းသူ ကိုဇော်မင်းထိုက်က မျက်စိမှာ မှန်စ၀င်ပြီး ကိုမိုးကျော်က ၀မ်းဗိုက်မှာ ထိမှန်ခဲ့ပါတယ်။ မျက်စိထိသူကို ခွဲစိတ်ကု သမှုခံယူခဲ့ရတယ်လို့ပါတယ်။
မြန်မာနိုင်ငံကြက်ခြေနီအသင်းရဲ့ထုတ်ပြန်ချက်မှာ ယခုတိုက်ခိုက်ခံရမှုနဲ့ ပတ်သက်လို့ ဘယ်သူ့မှာ တာဝန်ရှိတယ်ဆိုတာ မသိရှိရသေးကြောင်း၊ ဒဏ်ရာရကြက်ခြေနီ ၂ ဦး သက်သာကြောင်းနဲ့ အခင်းဖြစ်စဉ် ကားပေါ်လိုက်ပါတဲ့ စေတနာလုပ် အားရှင်တွေဟာ ကြက်ခြေနီအမှတ်အသားကို ထင်ထင်ရှားရှား ဝတ်ဆင်ထားကြကြောင်း ဖော်ပြခဲ့ပါတယ်။
မြန်မာနိုင်ငံကြက်ခြေနီအသင်းဥက္ကဋ္ဌ၊ ပါမောက္ခဒေါက်တာသာလှရွှေက တိုက်ခိုက်ခံရမှုနဲ့ပတ်သက်ပြီး “တိုက်ပွဲကြောင့် နေရပ်ပြန်သူများကို လူသားချင်းစာနာထောက်ထားတဲ့ အကူအညီတွေ ပေးနေ စဉ်မှာ အခုလို ဒဏ်ရာရရှိကြောင်းသိရတဲ့အတွက် အလွန်ပဲ ၀မ်းနည်းရပါတယ်။ ဒီလို အခက် အခဲတွေကြားထဲက ကူညီပေးနေတဲ့သူတို့ကို လေးစားရမှာဖြစ်ပြီး ပစ်မှတ်အဖြစ် မတိုက်ခိုက် သင့်ပါဘူး”လို့ အသင်းထုတ်ပြန်ချက်မှာ ပြောကြားထားပါတယ်။
တရုတ်ပြည် ယူနန်ပြည်နယ်နဲ့ လေးမိုင်ခန့်အကွာမှာ တည်ရှိတဲ့ ကိုးကန့် ကိုယ်ပိုင်အုပ်ချုပ်ခွင့်ရဒေသ လောက်ကိုင်ဧရိယာမှာ လွန်ခဲ့တဲ့သီတင်းပတ်ကစလို့ အစိုးရတပ်နဲ့ ဦးဖုန်ကြားရှင်ဦးဆောင်တဲ့ ကိုးကန့်တိမ်းရှောင်တပ်ဖွဲ့အကြား အပြင်းအထန် တိုက်ပွဲဖြစ်ပြီး ထောင်ပေါင်းများစွာသော အရပ်သားတွေ လောက်ကိုင်ဒေသကို စွန့်ခွာထွက်ပြေးကြပါတယ်။
ရှမ်းပြည်နယ်မြောက်ပိုင်းက ကြက်ခြေနီယာဉ်တန်းတိုက်ခိုက်ခံရပြီး တနာရီခန့်အကြာ မနေ့ညနေ လေးနာရီခွဲခန့်မှာ ပြည်ထောင်စုလွှတ်တော်ဒုတိယနာယက ပြည်သူ့လွှတ်တော်ဒုတိယဥက္ကဋ္ဌ ဦးနန္ဒကျော်စွာဟာ ဆွီဒင်ကြက်ခြေနီအသင်းဥပဒေအကြံပေးနှင့် အပြည်ပြည်ဆိုင်ရာ ညွန်ကြားရေးမှူး Mr.Dick Oskar Anders Clomen နှင့် Ms.Eva Ingela Holmertz တို့ ဦးဆောင်တဲ့ ကိုယ်စားလှယ် အဖွဲ့နဲ့ နေပြည်တော်မှာ နှစ်နိုင်ငံ ပူးပေါင်းဆောင်ရွက်ရေးဆိုင်ရာ ကိစ္စတွေ ဆွေးနွေးကြပါတယ်။
အစိုးရက ကိုးကန့်ဒေသမှာ အကြမ်းဖက်တိုက်ခိုက်မှုတွေ ဖြစ်ပေါ်နေတာကြောင့် ဖေဖော်ဝါရီ ၁၇ ရက်နေ့ကစပြီး ၃ လကြာ အရေးပေါ်အခြေအနေသတ်မှတ်ပြီး စစ်အုပ်ချုပ်ရေးနဲ့ အုပ်ချုပ်သွားတော့မယ်လို့ မနေ့ညက ထုတ်ပြန်ကြေညာထားပါတယ်။
အေးနိုင် DVB
