မြစ်ဆုံဆည် စီမံကိန်း အပြီးရပ်ဆိုင်းရေး လှုပ်ရှားမှုအဖြစ် မြစ်ဆုံအထိ လမ်းလျှောက်ဆန္ဒထုတ်ဖော်မှုကို လူအင်အား ၁၀၀ ကျော် ဖြင့် မတ် ၂၃ရက် နံနက်ပိုင်းတွင် ရန်ကုန်မြို့မှ စတင်မည်ဟု မြစ်ဆုံဆည်စီမံကိန်း အပြီးရပ်ဆိုင်းရေး လှုပ်ရှားဆောင်ရွက်နေသူ နိုင်ငံရေးအကျဉ်းသားဟောင်းများ အင်အားစု ဗဟိုကော်မတီဝင် ဦးရဲထွဋ်ခေါင်က ဆိုသည်။
“မတ် ၂၃ ရက် နံနက်မှာ ရွှေတိဂုံအရှေ့ဘက်မုခ်ကနေ စတင်ထွက်ခွာမယ်။ လမ်းလျှောက်မယ့် လူစာရင်းက ၁၀၀ ကျော်ရှိတယ်။ စာရင်းပေးထားတဲ့ လူစာရင်းမှာ ရန်ကုန်မြို့ကလည်း ပါသလို အခြားသော မြို့နယ်တွေကလည်း ပါတယ်။ မန္တလေးမြို့ကို ရောက်တဲ့အချိန်မှာ လူအင်အားက ၅၀၀ ကျော် သွားလိမ့်မယ်။ မြစ်ကြီးနားရောက်တဲ့ အခါမှာတော့ လူအင်အားက ၃၀၀၀ ကနေ ၅၀၀၀ အကြားကို ကျွန်တော်တို့က မှန်းထားတယ်။ တန်ဖဲရွာကို ရောက်တဲ့အခါမှာ မြစ်ဆုံဆည် စီမံကိန်းဖျက်သိမ်းရေး ဟောပြောပွဲ လုပ်သွားမှာပါ။ ခရီးစဉ်က ရက်ပေါင်း ၆၀လို့ မှန်းထားပေမယ့် ရာသီဥတု ပူပြင်းတာရယ် လမ်းလျှောက်မယ့် သူတွေထဲမှာ သက်ကြီးရွယ်အိုတွေ အမျိုးသမီးတွေလည်း ပါမှာဖြစ်တဲ့အတွက် မှန်းထားတဲ့ ရက်ထက်ကျော်ရင်လည်း ကျော်သွားနိုင်တယ်”ဟု ဦးရဲထွဋ်ခေါင် က ပြောပြသည်။
မြစ်ဆုံဆည် စီမံကိန်းရပ်ဆိုင်းရေး လမ်းလျှောက်ဆန္ဒထုတ်ဖော်မည့်သူများ၏ စားဝတ်နေရေးအတွက် နိုင်ငံရေးအကျဉ်းသားဟောင်းများက လှူဒါန်း မ,တည်ထားသည့် ငွေကျပ် သိန်း ၂၅၀ ၀န်းကျင်ရှိကြောင်းနှင့် ရန်ကုန်မှ မြစ်ဆုံအထိ ငွေကျပ်သိန်း ၁၀၀၀ ကျော် ကုန်ကျမည်ဟု ခန့်မှန်းထားကာ ပြည်သူများ၏ လှူဒါန်းထောက်ပံ့ကူညီမှုများကို လက်ခံသွားမည် ဖြစ်သော်လည်း ခရိုနီ စီးပွားရေးလုပ်ငန်းရှင်များ၏ ထောက်ပံ့ကူညီမှုကိုမူ လက်ခံသွားမည် မဟုတ်ဟု ဦးရဲထွဋ်ခေါင်က ဆိုသည်။
နိုင်ငံတော်သမ္မတ ဦးသိန်းစိန်က ၎င်း၏ သမ္မတသက်တမ်းကာလအတွင်း မြစ်ဆုံစီမံကိန်းအား ရပ်ဆိုင်းကြောင်း တရားဝင် ထုတ်ပြန်ကြေညာထားသော်လည်း China Power Investment (CPI) ကုမ္ပဏီအနေဖြင့် မြစ်ဆုံစီမံကိန်းအား ပြန်လည်စတင်နိုင်ရေး ကြိုးပမ်းနေမှုများကြောင့် မြစ်ဆုံဆည်စီမံကိန်း အပြီးရပ်ဆိုင်းမှုအား လိုလားကြောင်း လှုပ်ရှားမှုများကို ပြည်သူများ၊ သဘာဝပတ်ဝန်းကျင် ပညာရှင်များအပါအ၀င် နယ်ပယ်အသီးသီး မှ ထင်ရှားကျော်ကြားသူများက မကြာခဏ ပြုလုပ်လျက်ရှိသည်။
မြစ်ဆုံဆည်စီမံကိန်းကို ဆက်လက်လုပ်ဆောင်ပါက မြစ်ဆုံဒေသသာမက ဆည်အောက် မိုင်ရာပေါင်းများစွာ အကွာအဝေးထိ မြစ်ကြောင်းတစ်လျှောက် နေထိုင်သူများ ထိခိုက်နိုင်ကြောင်း၊ စီမံကိန်းအရွယ်အစား ကြီးမားကာ အဆင့်များစွာပါဝင်သော ရေအားလျှပ်စစ် ထုတ်လုပ်ရေးအစီအစဉ်နှင့် ပတ်သက်၍ ပေါ်ပေါက်လာနိုင်သော အကျိုးသက်ရောက်မှု ဖြစ်လာနိုင်ခြေများအပေါ် ၂၀၁၁ ခုနှစ်အတွင်းက ထုတ်ပြန်ခဲ့သည့် China Power Investment ကုမ္ပဏီ၏ အစီရင်ခံစာ၌ တိတိကျကျဖော်ပြရန် ပျက်ကွက်ခဲ့ကြောင်း၊ ဧရာဝတီမြစ် အထက်ပိုင်းဒေသအတွင်း ရေအားလျှပ်စစ် ထုတ်လုပ်ရေးဆိုင်ရာ လုပ်ငန်းများနှင့် ပတ်သက်၍ သဘာဝပတ်ဝန်းကျင်ဆိုင်ရာ အကဲဖြတ် ဆန်းစစ်ချက် (EIA) အစီရင်ခံစာအား သုံးသပ်ကြည့်လျှင် အကဲဖြတ်ဆန်းစစ်ချက်၌ အားနည်းချွတ်ယွင်းမှုများနှင့် ပြည့်စုံမှုမရှိသော ကောက်ချက်ချမှုများကို တွေ့ရသည်ဟု ပြည်တွင်း ပြည်ပ ပညာရှင်များ ပါဝင်သည့် အဖွဲ့က ၂၀၁၃ နှစ်ကုန်ပိုင်းတွင် စာတမ်းတစ်စောင် ထုတ်ပြန်၍ ထောက်ပြထားသည်။
Ekeven Media Group
