ဘိန်းစာမှုန့် သိမ်းကာ လာဘ်ယူသည့် ဒုရဲအုပ်နှင့် အဖော်သုံးဦး အဖမ်းခံရ

Dawei Watch | ကော့သောင်း ၊ စက်တင်ဘာ ၃

မြန်မာနိုင်ငံ တောင်ဘက်စွန်းရှိ ကျေးရွာတစ်ရွာမှ ရဲကင်းမှူး ဒုရဲအုပ်နှင့် အဖော် သုံးဦးတို့သည် ဖမ်းဆီးရမိသော ဘိန်းစာမှုန့်များကို သိမ်းဆည်းကာ ဘိန်းစာမှုန့် လက်ဝယ်တွေ့ရှိသူထံ လာဘ်ငွေတောင်း ပြန်လွှတ်ပေးခဲ့သဖြင့် ဘုတ်ပြင်းမြို့နယ် ရဲတပ်ဖွဲ့စခန်းမှ ဖမ်းဆီးထားကြောင်း ဒေသခံကျေးရွာသူရွာသားများထံမှ သိရသည်။

ကော့သောင်းခရိုင်၊ဘုတ်ပြင်းမြို့နယ် ရေငံကျွန်းအနီးရှိ ချောင်းကဖီး ကျေးရွာတွင် သြဂုတ်လ ၂၇ ရက်နေ့က ဘိန်းစာမှုန့် အထုတ် ၄၀၀ ခန့်ကို အထက်ပါ ဒု ရဲအုပ်နှင့် အဖွဲ့က ဖမ်းဆီးရမိခဲ့သော်လည်း သိမ်းဆည်းဘိန်းစာမှုန့်နှင့် တရားခံများကို သက်ဆိုင်ရာ ဌာနထံ မအပ်နှံဘဲ ငွေယူကာ  ပြန်လွှတ်ပေးခဲ့သည်ဟိုဆိုကာ ကျေးရွာသားတစ်ဦးက ရွာအုပ်ချုပ်ရေးမှူးမှတဆင့် တိုင်ကြားမှုကြောင့် ထိုသို့ ဖမ်းဆီးခံရခြင်းဖြစ်ကြောင်း သွားရောက်စစ်ဆေးရာတွင် ပါဝင်ခဲ့သည့် ကြိမ်နီတောင် ကျေးရွာ အုပ်ချုပ်ရေးမှူး ဦးပေါက်စ က ပြောကြားသည်။

ဘုတ်ပြင်းမြို့နယ် ရဲတပ်ဖွဲ့စခန်းမှ စခန်းမှူး အပါအ၀င် ချောင်းကဖီး ကျေးရွာ အုပ်ချုပ်ရေးမှူး၊  ယင်းကျေးရွာအနီးရှိ ကြိမ်နီတောင်ကျေးရွာမှ အုပ်ချုပ်ရေးမှူးတို့ သည် အခြား ရဲတပ်ဖွဲ့ဝင်များဖြင့် အခင်းဖြစ်ပွားပြီး လေးရက် အကြာ သွားရောက် စစ်ဆေးရာမှ ထိုသို့သော ဖြစ်ရပ် ပေါ်ပေါက်ခြင်းဖြစ်ပြီး လက်ရှိအနေအထားတွင် ဒုရဲအုပ် အပါအ၀င် လေးဦးကို ဘုတ်ပြင်းမြို့နယ် ရဲတပ်ဖွဲ့စခန်းတွင် ထိန်းသိမ်းစစ်ဆေးနေကြောင်း ၎င်းကဆိုသည်။

 ဒုရဲအုပ်ဆုိုသူက ၎င်းတုို့ ဖမ်းဆီးထားသည့် ဘိန်းစာမှုန့် အထုတ် ၃၆၀ ဖြစ်ကြောင်းပြောဆိုပြီး ဖမ်းဘိန်းစာမှုန့်များကို သစ်ငုတ်တိုချောင်းတွင် ထားသိုထားသည်ဟု ဆိုသော်လည်း အထုတ် ၂၄၀ ခန့်သာ လက်ဝယ် ပြန်လည်သိမ်းဆည်းနုိုင်ခဲ့ကြောင်း၊ ပြစ်မှုကျူးလွန်သူများထံမှ ငွေဆယ်သိန်း ယူသည်မှာ မဟုတ်မှန်ဘဲ ငွေမပေးနုိုင်သဖြင့် ဘိန်းစာမှုန့် များကိုသာ ယူခဲ့ကြောင်း ဒုရဲအုပ်က ထွက်ဆိုခဲ့သည်ဟု ယင်းအုပ်ချုပ်ရေးမှူး ကဆိုသည်။

ဘိန်းစာမှုန့် သယ်ဆောင်လာသူများမှာ မြိတ်ခရိုင်၊ ကျွန်းစုမြို့နယ်၊ ချောင်းကြီးဝကျေးရွာတွင် နေထို်င်သူများဖြစ်ပြီး ဘုတ်ပြင်းမြို့နယ် ရေငန်းကျွန်း ရှိ ငါဖမ်းပိုက်လှေစခန်းသို့ လာရောက်ရောင်းချသဖြင့် ယင်းရွာသားမှ ချောင်းကဖီး ရဲကင်းမှူးထံ အသိပေး တုိုင်းကြား ခဲ့ကြောင်း ကျေးရွာသားများ၏ အဆိုအရ သိရသည်။

အဆုိုပါဖြစ်စဉ်နှင့် ပတ်သက်၍ ဘုတ်ပြင်းမြို့နယ် ရဲတပ်ဖွဲ့စခန်းသို့ ဆက်သွယ်မေး မြန်ရာ အထက်တာဝန်ရှိသူ၏ ခွင့်ပြုချက်ရမှသာ ဖြေကြားပေးနုိုင်မည်ဟုဆိုကာ ဖုန်း ချသွားခဲ့သည်။

ဘုတ်ပြင်းမြို့နယ်အတွင်း တွင် ရှိသည့် တံငါးလုပ်ငန်း လုပ်ကိုင်သည့် ပင်လယ်ရွာများတွင် ယခုကဲ့သို့ ဘိန်းစာမှုန့်လာရောက်ရောင်းချကြသည့်သူများကို တာဝန်ရှိ ရဲတပ်ဖွဲ့၊ ကျေးရွာ အုပ်ချုပ်ရေးတာဝန်ရှိသူများနှင့် ရွာသားများ ပူးပေါင်းကာ ဖမ်းဆီးဖော်ထုတ် အရေးယူနိုင်လေ့ရှိသော်လည်း ယခုကဲ့သို့ ဒုရဲအုပ်တစ်ဦး၏ တာဝန်ပျက်ကွက်မှု ကို မမြင်တွေ့ဖူးကြောင်း ကြိမ်နီတောင်ကျေးရွာတွင် ၁၅ နှစ်ခန့် နေထိုင် လာသည့် အသက် ၅၀ အရွယ် အမျိုးသားတစ်ဦး ကပြောကြားသည်။

ယင်း ဒုရဲအုပ်သည် ဘိန်းစားမှုန့် အပါအ၀င် ငွေကျပ်လေးသိန်း ပါ သိမ်းဆည်းခဲ့ပြီး အဖမ်းမခံလိုပါက ငွေ ၁၀ သိန်းပေးရမည်ဟုပြောသောကြောင့် ချေးငှားကာ ပေးလုိုက်ရကြောင်း ယင်းဖြစ်စဉ်အား မျက်မြင်သက်သေ တွေ့ရှိခဲ့ရသည်ဟုဆိုသည့် ပင်လယ်ပြင်တွင် ပုစွန် ပိုက်ချနေသည့် ကျေးရွာသားများက စွပ်စွဲပြောဆိုထားသည်။

Dawei Watch