 |
| ယာစွန် ဗိုလ်ချုပ်ကြီးအန်ဘန်လ ၊ ဘယ်စွန် စစ်ဦးစီးချုပ် ဒုတိယဗိုလ်ချုပ်ကြီးဂမ်ရှောင် |
" ဒီကနေ့ ဇန်န၀ါရီလ ၂၁ မှာ အစည်းဝေး စနေပြီ " ဟု အဆိုပါ အမည်မဖော်လိုသည့် အကြံပေးပုဂ္ဂိုလ်က ပြောသည်။
ဌာနချုပ်လိုင်ဇာတွင် ကျင်းပသည့် ယင်းအစည်းဝေးသို့ ချင်းမိုင် UNFC တိုင်းရင်းသား တပ်ပေါင်းစု ရုံးသို့ နေရာခေတ္တ ပြောင်းရွှေ့ခံထားရသည့် ဗိုလ်ချုပ်ဂွန်မော်ပါ တက်ရောက်နေသည်ဟု သိရသည်။
လက်ရှိ ဥက္ကဋ္ဌဖြစ်သူ ဦးဇောင်းဟရားမှာ အသက်ရွယ် ကြီးမြင့်လှပြီ ဖြစ်သောကြောင့် မူလကတည်းက အနားယူရန် အစီအစဉ်ရှိသည်ဟု သိရပြီး ၄င်း၏နေရာကို မည်သူဆက်ခံမည် ဆိုသည်ကို ယခု အစည်းဝေးတွင် တရားဝင် ဆုံးဖြတ်သွားဖွယ်ရှိနေသည်။
ယင်းအပြင် မကြာသေးခင်က ကေအိုင်အေအတွက် စစ်ဦးချုပ်နှစ်ဦးကို ခန့်အပ်ခဲ့သည့် အတွက် လက်ရှိစစ်ဦးစီးချုပ် ဒုတိယ ဗိုလ်ချုပ်ကြီးဂမ်ရှောင်က မည်သို့ဖြစ်မည် ၊ ယခင် ဒုတိယ စစ်ဦးစီးချုပ်အဖြစ် တာဝန်ယူခဲ့သည့် ဗိုလ်ချုပ်ဂွန်မော်က မည်သည့် ရာထူးသို့ ပြောင်းရမည် ဆိုသည်ကို ယခုအစည်းဝေးတွင် ဆုံးဖြတ်ရမည် ဖြစ်သည်။
ဗိုလ်ချုပ် ဂွန်မော်မှာမူ ပေါင်းသင်း ဆက်ဆံရေးကောင်းမွန်မှု ၊ ပညာတတ်ဖြစ်မှုတို့ကြောင့် နောက်ပိုင်း နှစ်များအတွင်း ကချင်လူထုအတွင်း သြဇာကြီးမားလာသည့် ပညာတတ် ခေါင်းဆောင် တစ်ဦးဖြစ်ပြီး မြန်မာပြည်မ နိုင်ငံရေး အသိုင်းဝိုင်းတွင် သာမက နိုင်ငံတကာနှင့်ပါ ၀င်ဆံ့လာနိုင်သော ခေါင်းဆောင်တစ်ဦး ဖြစ်လာနေသူတစ်ဦးလည်း ဖြစ်သည်။
လွန်ခဲ့သည့် ရက်ပိုင်းအတွင်းကလည်း ကေအိုင်အေ ခေါင်းဆောင်ပိုင်း အတွင်းသဘောထား ကွဲလွဲမှုများ ရှိသည်ဆိုသည့် ကောလာဟလများ ထွက်ပေါ်ခဲ့ဖူးပြီး အဆိုပါ ကောလာဟလ ထွက်ပေါ်နေချိန်တွင် ကေအိုင်အို ဒုတိယ ဥက္ကဋ္ဌဗိုလ်ချုပ်ကြီးအန်ဘန်လမှာ “၀” ဌာနချုပ် ပန်ဆန်းတွင် ရှိနေသလို ဒုတိယ စစ်ဦးစီးချုပ်
ဗိုလ်ချုပ်ဂွန်မော်မှာ ထိုင်းနိုင်ငံ ချင်းမိုင်တွင် ရောက်ရှိနေခဲ့သည်။
ယခုနောက်ပိုင်း နိုင်ငံတကာ ဆက်ဆံရေးနှင့် ပထ၀ီနိုင်ငံရေး အခြေနေအရ တရုတ်နှင့် နီးစပ်သော အုပ်စုနှင့် အမေရိကန် အပါအ၀င် အနောက်နှင့်နီးစပ်သော တိုင်းရင်းသားအုပ်စုဟူ၍ ရှိနေရာ ယခု ဗဟိုကော်မတီ အစည်းဝေးတွင်လည်း ကေအိုင်အေ အနေနှင့် ရေရှည်ရပ်တည်ရေးအတွက် မည်သည့် အုပ်စုနှင့် အဓိကထား ဆက်ဆံမည်ဆိုသည်ကို ဆုံးဖြတ်ဖွယ် ရှိသည်ဟု ကေအိုင်အိုနှင့် နီးစပ်သည့် တိုင်းရင်းသားအရေး လေ့လာနေသူတစ်ဦးက ပြောသည်။
"အခုနောက်ပိုင်းမှာ တရုတ်နဲ့နီးသူ အနောက်အုပ်စုနဲ့ နီးတဲ့အဖွဲ့ဆိုပြီး ရှိလာတယ် ။ “၀” ရဲ့ ကြွယ်ဝ မှုအခြေအနေအရ ပန်ဆန်းဗဟိုပြု တိုင်းရင်းသား လက်နက်ကိုင် အဖွဲ့တွေရဲ့ လှုပ်ရှားမှုကလည်း ရှိလာတယ်။ ပြီးတော့ ကေအိုင်အိုက တိုင်းရင်းသား တပ်ပေါင်းစု UNFC မှာခေါင်းဆောင်လည်းဖြစ်တော့ ကေအိုင်အို ခေါင်းဆောင် အပြောင်းအလဲက တိုင်းရင်းသားအရေး အတွက်ပါလာပြီး အဆုံးဖြတ်ပေးမယ့် သဘော ရှိနေတဲ့အပြင် သူတို့ထဲမှာတင်ဖြစ်တဲ့ လက်မှတ်ထိုးတဲ့ အုပ်စု မထိုးသေးတဲ့ အုပ်စုနှစ်စုအကြား သဘောထား ၊ အရှေ့အုပ်စုလား အနောက်အုပ်စုလား ဆိုတဲ့ သဘောထားတွေကို ဒီအစည်းဝေးက အဆုံးအဖြတ် ပေးသွားမယ်ထင်တယ် " ဟု အဆိုပါ အမည်မဖော်လိုသည့် ပုဂ္ဂိုလ်က ပြောသည်။
ကေအိုင်အေ ဒုတိယ စစ်ဦးစီးချုပ်အဖြစ် တာဝန်ထမ်းဆောင်ခဲ့သည့် ဗိုလ်ချုပ်ဂွန်မော်မှာ ၂၀၁၄ ခုနစ်က အမေရိကန် ပြည်ထောင်စုသို့ သွားရောက်ခဲ့ဖူးသည်။ ၂၀၀၅ခုနစ်က စစ်အစိုးရ၏ အမျိုးသား ညီလာခံကို လက်ခံပြီး တပ်ဖွဲ့အား နိုင်နင်း အောင်ကိုင်တွယ်နိုင်မှု မရှိဟုဆိုတာ ယင်းကာလတွင် ကေအိုင်အို ဥက္ကဋ္ဌ အဖြစ်
တာဝန်ထမ်းဆောင်နေသူ ဗိုလ်ချုပ်ကြီးဇော်မိုင် နှင့် အဖွဲ့အား ဗိုလ်ချုပ်အန်ဘန်လ ဦးဆောင်သည့် အဖွဲ့က အာဏာသိမ်းမှု ဖြစ်ပွားခဲ့ဖူးပြီး ယင်းနာက်ပိုင်းတွင် ရှေ့မီနောက်မီ ဖြစ်သည့် ဦးဇောင်းဟရားအား ကေအိုင်အို ဥက္ကဋ္ဌအဖြစ် အာဏာသိမ်းပွဲ ဦးဆောင်သူများမှ တင်မြှောက်ထားခြင်း ဖြစ်သည်။
သတင်း - ဇော်မင်းထွန်း
The Ladies News Journal
