ကာတွန်း ဆရာတွေကို ပွဲထုတ်ပြီ

Joke ဟာသ ဂျာနယ် တနှစ်ပြည့် အခမ်းအနားကို လာမယ့် ဇန်နဝါရီ ၁၇ ရက်နေ့ ၄ နာခွဲကနေ ၆ နာရီ အထိ ရွှေတိဂုံစေတီ ခြေရင်းက ကန်တော်မင် ပန်းခြံမှာရှိတဲ့ ဟက်ပီးဝေါလ် ကစားကွင်းမှာ ကျင်းပမယ်လို့ သိရပါတယ်။ 

Joke မှာ ပါဝင်ရေးသားနေတဲ့ စာရေးဆရာတွေ၊ ကာတွန်းဆရာတွေကို ဒီပွဲမှာ ဆုချီးမြှင့်မှာဖြစ်ပြီး ဒီအစီအစဉ်အတွက် အထူးစီမံထားတာတွေ ရှိတယ်လို့ အယ်ဒီတာချုပ် ကျော်ဇင်ကိုကိုက ဧရာဝတီ ကို ပြောပါတယ်။ 

“ကာတွန်းဆရာတွေထဲက တော်တီဆွေတို့လို လူပျိုလေးတွေ ဗန်းကိုင်မယ့်အစီအစဉ် ပါပါတယ်” လို့ သူကဆိုပါတယ်။ 

အခမ်းအနားမှူးအဖြစ် ကာတွန်း နိုင်လင်းက တာဝန်ယူဆောင်ရွက်မယ်လို့ သိရပါတယ်။ ဟာသ၊ ကာတွန်းတွေနဲ့ သရော်စာ အသားပေး ဖော်ပြတဲ့ ဒီမဂ္ဂဇင်းရဲ့ မျက်နှာဖုံးပုံတွေကလည်း ထူးခြားပါတယ်။ 

ဒီလထုတ် Joke ရဲ့ မျက်နှာဖုံးရှင်တွေကတော့ ကာတွန်း မောင်မောင်နဲ့ ခရစ္စတီးနားတို့ ဖြစ်ပါတယ်။ လာမယ့်လမှာတော့ မျက်နှာဖုံးရှင်တွေက ဧရာဝတီဘလော့ဂ်မှာ ကာတွန်းတွေ ရေးဆွဲပေးနေတဲ့ ကာတွန်းတော်တီဆွေနဲ့ မော်ဒယ်လ် လှလှလေးတယောက်လို့ သိထားပါတယ်။
ဧရာဝတီblog မှ