KIA သို့ ထိုးစစ်ဆင်မှုတွင် အပြစ်မဲ့အရပ်သားများ သေဆုံးခဲ့ရခြင်း အပေါ် EUထုတ်ပြန်

တပ်မတော်မှ KIA သို့ ထိုးစစ်ဆင်မှုတွင် အပြစ်မဲ့ အရပ်သားများ သေဆုံးခဲ့ရခြင်းအပေါ် ဇန်န၀ါရီလ ၁၅ ရက်နေ့တွင် ကြေညာချက်ထုတ်ပြန်ခဲ့ပါသည်
ကချင်ပြည်နယ်အတွင်း တိုက်ပွဲများ ဆက်လက်ဖြစ်ပွားနေမှုနှင့် ပတ်သက်၍ စိုးရိမ်မကင်း ဖြစ်မိကြောင်း၊ လိုင်ဇာသို့ လက်နက်ကြီးများဖြင့် ပစ်ခတ်ခြင်းနှင့် ပတ်သက်သော နောက်ဆုံး အစီရင်ခံစာများတွင် အပြစ်မဲ့ အရပ်သားများ သေဆုံးရမှုသည် အလွန်ဆိုးရွားကြောင်း၊ အန္တရာယ်ကြီးမားစွာ အရှိန်မြင့်လာသော ပဋိပက္ခသည် ကချင်ပြည်နယ်နေ လူထုအတွက် ပိုမိုဆိုးရွားသော ဒုက္ခများဆီသို့ ဦးတည်နေကြောင်း EU ၏ အဆင့်မြင့်ကိုယ်စားလှယ် ကက်သရင်း အက်ရ်ှတန်၏ ပြောရေးဆိုခွင့်ရ ပုဂ္ဂိုလ်က ကြေညာချက်တွင် ရေးသားခဲ့သည်။
ရန်လိုမှုများ အဆုံးသတ်ရန်နှင့် ပြေလည်မှု ရရှိရေးကို အထူး အလေးအနက် ထား ဦးတည်လျက် ချက်ချင်း တွေ့ဆုံဆွေးနွေးခြင်းဖြင့် စေ့စပ်ညှိနှိုင်းရန် EU မှ တောင်းဆိုခဲ့ပါသည်။ထို့အပြင် နေရပ်ကို စွန့်ခွာခဲ့ကြရသော ပြည်သူလူထုအား လူသားချင်းစာနာ ထောက်ထားသော အကူအညီပေးရန်အတွက် အတားအဆီးမဲ့ ခွင့်ပြုရေးမှာ အရေးပေါ် လိုအပ်ချက်ဖြစ်ကြောင်းကြေညာချက်တွင် ပြောကြားခဲ့သည်။
ကချင်ပြည်နယ်အတွင်း ဖြစ်ပွားနေသော စစ်ပွဲများကြောင့် စစ်ဘေးရှောင် ဒုက္ခသည်များ ပိုမိုတိုးပွား လာလျက်ရှိနေပြီး KIO ထိန်းချုပ်နယ်မြေ အတွင်းရှိ ဒုက္ခသည် ၆၀၀၀၀ ကျော်အတွက် နိုင်ငံတကာမှ အကူအညီများ ရောက်ရှိလာခြင်း မရှိသေးကြောင်း သိရသည်။ UN အပါအ၀င် ဒုက္ခသည်များကို ကူညီသည့် နိုင်ငံတကာ အဖွဲ့အစည်းများအား ကြိုဆိုထားသော်လည်း အစိုးရဘက်မှ ကန့်သတ်ချက်များကြောင့် KIO ထိန်းချုပ်နယ်မြေအတွင်းရှိ စစ်ဘေး ဒုက္ခသည်များထံသို့ နိုင်ငံတကာမှ အကူအညီများ ရောက်ရှိလာခြင်း မရှိဟု KIO မှ ပြောဆိုထားပါသည်။
ပြန်ကြားရေး ၀န်ကြီးဌာန ဒုတိယ ၀န်ကြီး ဦးရဲထွဋ်ကမူ KIA ထိန်းချုပ် နယ်မြေအတွင်းရှိ ဒုက္ခသည်များထဲတွင် KIO၊ KIA အဖွဲ့ဝင်များ၊ မိသားစုဝင်များ မည်မျှပါဝင်နေသည်ကို စိစစ်သင့်ကြောင်း 7 Days News ဂျာနယ်နှင့် အင်တာဗျူးတွင် ပြောကြားခဲ့သည်။
"ကေအိုင်အေ ထိန်းချုပ်နယ်မြေထဲမှာ ရှိနေတဲ့ စစ်ဘေးရှောင် ဒုက္ခသည်တွေ ကူညီထောက်ပံ့ရေးနဲ့ ပတ်သက်ပြီး မပြောခင် သူတို့ ပြောနေတဲ့ ဒုက္ခသည် အရေအတွက်ထဲမှာ ကေအိုင်အို၊ ကေအိုင်အေ အဖွဲ့ဝင်တွေ၊ အဖွဲ့ဝင်တွေရဲ့ မိသားစုတွေ ဘယ်လောက် ပါနေသလဲဆိုတာ သေသေချာချာ စိစစ်သင့်တယ်လို့ ထင်ပါတယ်"ဟု ဦးရဲထွဋ်က 7Days News ဂျာနယ် အင်တာဗျူးတွင် ပြောပါသည်။