သြဂုတ်လ ၁၅ ရက်နေ့က မန္တလေးတိုင်း ဒေသကြီး စဥ့်ကူး မြို့နယ် ညောင်ဝန်း ကျေးရွာမှာ ရဲတပ်ဖွဲ့ဝင် တွေနဲ့ ရွာသားတွေ အကြား ပဋိပက္ခ ဖြစ်ခဲ့ကြရာမှာ ရဲတပ်ဖွဲ့ဝင်တွေက သေနတ်ပစ် ဖေါက်ခဲ့တဲ့ အတွက် ကျေးရွာသားတချို့ ဒဏ်ရာရ ခဲ့တာကြောင့် စဥ့်ကူးမြို့နယ် လက်ပံလှ ရဲစခန်းမှာ ရွာသားတွေက သွားရောက်အမှု ဖွင့်ရာမှာ လက်မခံခဲ့ ဘူးလို့ သိရပါတယ်။
မနေ့က ရဲစခန်းမှာ အမှုသွားဖွင့်ရာမှာ ပါဝင်ခဲ့တဲ့ ညောင်ဝန်းရွာသူ မဌေးကြွယ်က RFA ကိုပြောပါ တယ်။
"အကြမ်းဖက်ပုံစံမျိုး ကျမတို့ရွာကို ဒီလိုဝင်လုပ်သွားတဲ့အတွက် ထိထိရောက်ရောက်လည်း အရေးယူစေချင်တယ်၊ ပစ်မိန့်ပေးတဲ့လူကိုလည်း ကျမတို့တွေက သိချင်ပါတယ်၊ ဘာအတွက်နဲ့ ကျမတို့ကို ပစ်မိန့်ပေးတာလဲဆိုတာကို ကျမတို့ဘက်က သိချင်ပါတယ်၊ အဲဒါကတော့ ကျမတို့ တစ်ရွာလုံးပါပဲ၊ အဲဒီရဲစခန်းကို ကျမတို့ဘက်က အမှုပြန်ဖွင့်မယ်၊ သူတို့ဘက်က အမှုဖွင့်တာ လက်မခံဘူးဆိုရင် မြို့နယ်တရားရုံးတက်ပြီးတော့ တရားစွဲဆိုသင့်ရင် တရားစွဲဆိုမှာပါရှင့်"
မန္တလေးတိုင်း ရဲမှူးတွေကိုယ်တိုင် ရဲတပ်ဖွဲ့ဝင်တွေနဲ့ ရွာသားတွေအကြား မနေ့က လာရောက်ညှိနှိုင်းပေးခဲ့စဉ်တုန်းက ပြေလည်မှုရရှိခဲ့ကြတယ်လို့ သိရပါတယ်။မြေယာပိုင်ဆိုင်မှု အငြင်းပွားနေတဲ့ လယ်ယာမြေတွေမှာ ၀င်ရောက်ထွန်ယက်ခဲ့တဲ့ တောင်သူ ၁၅ ဦးကို မြို့နယ်ရဲတပ်ဖွဲ့က ၀ရမ်းထုတ်ထားတဲ့အတွက် အဲဒီရွာသားတွေကို ရဲတပ်ဖွဲ့ဝင်တွေက သေနတ်ပစ်ဖောက် ၀င်ရောက်ဖမ်းဆီးရင်း ပဋိပက္ခတွေ ဖြစ်ပွားခဲ့ကြတာပါ။
ရဲတပ်ဖွဲ့ဝင်တွေ သေနတ်နဲ့ ပစ်ဖောက်ခဲ့တဲ့အတွက် ရွာသား ၄ ဦး ထိခိုက်ဒဏ်ရရှိခဲ့ကြသလို ညောင်ဝန်းကျေးရွာသူ အမျိုးသမီးတစ်ဦး ခြေထောက်မှာ ဒဏ်ရာရခဲ့တဲ့အတွက် မန္တလေးမြို့ ပြည်သူ့ဆေးရုံမှာ တင်ထားရပါတယ်။
RFA Burmese
