နိုင်ငံရေးအကျဉ်းသားများ မြန်မာနှစ်ဆန်းတရက်နေ့ လွတ်မည်

Written By Live100 on Sunday, April 17, 2016 | 8:02 AM

အင်းစိန်အကျဉ်းထောင်မြင်ကွင်း။

နှစ်သစ်ကူးအခါသမယမှာ အမျိုးသားရင်ကြားစေ့ရေးနှင် ပြည်သူလူထု နှလုံးစိတ်ဝမ်း ငြိမ်းချမ်းစေရေးတို့ကို ဦးတည်စေသောအားဖြင့် အကျင်းထောင်အသီးသီးမှာ ပြစ်ဒဏ် ကျခံနေရတဲ့ အကျဉ်းသား ၈၃ ဦးကို လွတ်ပေးမည်ဖြစ်ကြောင်း နိုင်ငံတော် သမ္မတရုံးက ဧပြီလ ၁၆ ရက်နေ့ ရက်စွဲနဲ့ ကြေညာချက် ထုတ်ပြန်လိုက်ပါတယ်။

တချိန်ထဲမှာပဲ ပခုက္ကူအကျဉ်းထောင်မှာ ဖမ်းဆီး ထိန်းသိမ်းခံထားရတဲ့ Unity ဂျာနယ်က ကိုလူမော်နိုင်အပါအ၀င် သတင်းသမား ၅ ဦးကို နှစ်ဆန်းတရက်နေ့မှာ လွတ်ပေးမည်ဖြစ်ကြောင်း ပခုက္ကူအကျဉ်းထောင် ဒုတိယထောင်မှူးက အသိပေး အကြောင်းကြားခဲ့တယ်လို့ ကိုလူမော်နိုင်ရဲ့ ဇနီးဖြစ်သူ မလွင်လွင်မြင့်က ဗွီအိုအေကို အခုလို ပြောခဲ့ပါတယ်။

ဗွီအိုအေ (မြန်မာပိုင်း)

Share this article :