တိုင်းရင်းသား ၁၃၅ မျိုး အမည်စာရင်း ၂၀၁၄ သန်းခေါင်စာရင်း ရလဒ်ပေါ် မူတည်၍ အပြောင်းအလဲ ရှိမည်

မန္တလေး၊ ဒီဇင်ဘာ ၃

တပ်မတော် အစိုးရလက်ထက်က အတည်ပြု ပြဋ္ဌာန်းထားခဲ့သည့် တိုင်းရင်းသား လူမျိုး ၁၃၅မျိုး အမည်စာရင်းကို လာမည့် ၂၀၁၄ ခုနှစ် မတ်လတွင် ကောက်ယူမည့် သန်းခေါင်စာရင်း ရလဒ်ပေါ် မူတည်ပြီး အရေအတွက် အပြောင်းအလဲ ရှိမည်ဖြစ်ကြောင်း လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန ဒုတိယဝန်ကြီး ဦးဝင်းမြင့်က The Voice သို့ ပြောကြားသည်။

ပြည်တွင်းနေထိုင်သည့် တိုင်းရင်းသား လူမျိုးအမည် ၁၃၅ မျိုးတွင် မပါဝင်သည့် လူမျိုးများ ကိုလည်း ထည့်သွင်းသွားရန် အစီအစဉ်ရှိပြီး စာရင်းတွင်ပါပြီး အမှန်တကယ် လက်ရှိတွင် မရှိသည့် လူမျိုးများကိုလည်း စာရင်းမှ ပယ်ဖျက်ရန် အစီအစဉ်ရှိကြောင်း ဒုတိယဝန်ကြီး ဦးဝင်းမြင့်က ထပ်လောင်း ပြောကြားသည်။

"ကချင်လူမျိုး ဆိုတာ မရှိဘူးလေ။ ဒါပေမဲ့ လူမျိုးစုထဲမှာ ပါနေတယ်။ လချိပ်လူမျိုး ဆိုရင် လူမျိုးစုတွေထဲမှာ မပါဘူး။ အဲ့ဒါမျိုးဆို ထည့်သွားမယ်။ ရှမ်းမှာလည်း မပါတဲ့ တိုင်းရင်းသားတွေ ရှိတော့ အဲ့ဒါတွေလည်း ထည့်သွားဖို့ရှိတယ်။ သန်းခေါင်စာရင်း ကောက်ပြီးရင် ထွက်လာတဲ့ အဖြေအရ တိုင်းရင်းသားလူမျိုးစုတွေ ထပ်တိုး လာနိုင်တယ်" ဟု ၄င်းက ဆိုသည်။

တိုင်းရင်းသားလူမျိုးစု သတ်မှတ်ရာ၌ သန်းခေါင်စာရင်း ကောက်ယူပြီးသည့် အချိန်တွင် သတ်မှတ်ခြင်း ဖြစ်ရာ ၂၀၁၄ ခုနှစ် သန်းခေါင်စာရင်း ကောက်ယူပြီးသည့် အခါတွင်လည်း လူမျိုးစု ပြန်လည်ပြုစုမည် ဖြစ်ကြောင်း ဒုတိယဝန်ကြီးက ဆက်လက် ပြောကြားသည်။

"တိုင်းရင်းသား လူမျိုးတွေမှာ အမည်ထပ်နေတာတွေ ရှိတယ်၊ ဒီ ၁၃၅ မျိုး ဆိုတာကလည်း တပ်မတော်အစိုးရက တစ်ဖက်သတ် ထည့်သွင်းထားတဲ့ ကိစ္စ ဖြစ်တယ်။ အခု အမှန်အကန် လုပ်လာမယ်ဆိုရင် ကြိုဆိုရမှာပေါ့" ဟု မြစ်ကြီးနား အမျိုးသားလွှတ်တော် ကိုယ်စားလှယ် ဦးခက်ထိန်နန်က ဆိုသည်။

သန်းခေါင်စာရင်း ကောက်ယူခြင်း မှာ နိုင်ငံရေး၊ လူမျိုးရေး စသည့် အရေးအရာ များအတွက် ဆောင်ရွက်ခြင်း မဟုတ်ဘဲ ဖွံ့ဖြိုးရေးနှင့် စီမံကိန်းများအတွက် ဆောင်ရွက်ခြင်း ဖြစ်၍ လမ်းကြောင်း မလွဲချော်စေရန် ကူညီပေးစေလိုကြောင်း လူဝင်မှုကြီးကြပ်ရေး ဝန်ကြီးဌာန ပြည်ထောင်စုဝန်ကြီး ဦးခင်ရီက The Voice သို့ ပြောကြားထားသည်။

မြန်မာနိုင်ငံတွင် တစ်နိုင်ငံလုံး သန်းခေါင်စာရင်း ကောက်ယူခြင်းကို ၁၈၇၂ ခုနှစ်နှင့် ၁၈၈၁ ခုနှစ်တို့တွင် ဆောင်ရွက်ခဲ့ပြီး မြန်မာတစ်နိုင်ငံလုံး ဗြိတိသျှလက်အောက် ကျရောက်ပြီးချိန် နောက်ပိုင်း ၁၈၉၁ ခုနှစ်မှ စတင်ကာ သန်းခေါင်စာရင်းကို ၁၀ နှစ်တစ်ကြိမ် ကောက်ခံခဲ့ပြီး လွတ်လပ်ရေး ရပြီးနောက် သန်းခေါင်စာရင်းကို ၁၉၇၃ ခုနှစ် နှင့် ၁၉၈၃ ခုနှစ် တို့တွင်သာ ကောက်ယူနိုင်ပြီး နှစ်ပေါင်း ၃၀ အကြာ ၂၀၁၄ ခုနှစ်တွင် သန်းခေါင်စာရင်း ပြန်လည်ကောက်ယူမည် ဖြစ်သည်။

အဆိုပါ ၂၀၁၄ ခုနှစ် လူဦးရေနှင့် အိမ်အကြောင်းအရာ သန်းခေါင်စာရင်း ကောက်ယူရေး လုပ်ငန်းစဉ် ရှင်းလင်းပွဲကို ဒီဇင်ဘာ ၃ ရက်နေ့ နံနက် ၉ နာရီက မန္တလေး ပညာရေးကောလိပ်တွင် ကျင်းပခဲ့သည်။
The Voice Weekely