မေး။ ။ မနေ့က ပြည်သူ့လွှတ်တော်မှာ ကျေးသီးမြို့နယ် ကျားဖြူလွှတ်တော်ကိုယ်စားလှယ်က အရေးကြီးအဆိုတင်သွင်းတယ်လို့ ကြားရပါတယ်။ ကျေးဇူးပြုပြီးရှင်းပြပေးပါဦးခင်ဗျ။
ဖြေ။ ။ သျှမ်းပြည်တောင်ပိုင်း ကျေးသီးမြို့နယ်ထဲက နှစ်ဘက်ဖြစ်ပွားနေတဲ့ တိုက်ပွဲများရပ်တန့်ရေး၊ တပ်အင်အားဖြည့်တင်းမှုလျှော့ချရေး နဲ့ စစ်ဘေး ရှောင်ဒေသခံများအတွက် ပြန်လည်ထူထောင်ရေး လုပ်ငန်း အမြန်ဆုံးကူညီဖြေရှင်းအတွက် ပြည်ထောင် စုအစိုးရထံ တိုက်တွန်းတဲ့ အရေးကြီး အဆိုတရပ် ကို ၂၀၁၄ ခု ဂျူလိုင် ၁၅ ရက် နေ့ ကျားဖြူပါတီ ပြည်သူ့ လွှတ်တော်ကိုယ်စားလှယ် စိုင်းအွမ်ဆိုင်မှိုင်း က ပြည်သူ့လွှတ်တော်ကို အဆိုတင်သွင်း ခဲ့ပါတယ်။ ဝမ့်ဝပ်ကျေးရွာ တာ့ဖာဆောင်ကျေးရွာ ငူးလိမ် ကျေးရွာ လွယ်ခေါ်ကျေးရွာက စစ်ဘေးရှောင်ဒုက္ခသည် ၂၀၀ ကျော် ၊ သံဃာတော် အပါး ၅၀ ကျော် တို့ ရင်ဆိုင်နေရသော စားဝတ်နေရေး အခက်အခဲများ အစိုးရစာသင်ကျောင်းတွေမှာ တပ်မတော်က လာရောက်စခန်းချနေထိုင်တဲ့အတွက် ကျောင်းနေအရွယ် ကလေး များရင်ဆိုင်နေရတဲ့ အခက်အခဲတွေ အပြင် စစ်ရေးလှုပ်ရှားမှုကြောင့် ဝမ့်ဝပ်ကျေးရွာသား များရဲ့ လယ်ယာမြေဧက ၂၀၀ ကျော်ပျက်စီးခဲ့ရ တာတွေပါ အဆိုထဲမှာ ပါဝင်ပါတယ်။
မေး။ ။ ကျေးသီးမြို့နယ်ထဲက စစ်ပြေးဒုက္ခသည်တွေရဲ့အခြေအနေ ဘယ်လိုရှိပါသလဲခင်ဗျ။
ဖြေ။ ။ အစိုးရနဲ့ ပြည်ထောင်စုအဆင့် ငြိမ်းချမ်းရေးဆွေးနွေးထားတဲ့ သျှမ်းပြည်တိုးတက်ရေးပါတီနဲ့ မြန်မာ့ တပ်မတော်တို့က သျှမ်းပြည်တောင်ပိုင်း ကျေးသီးမြို့နယ် တာ့ဖာဆောင်တံတားကိစ္စ အငြင်းပွါးမှု ကနေ ဂျွန်လ ၂၆ ရက်နေ့ကနေ ယနေ့အထိ တိုက်ပွဲတွေ ဖြစ်ပွားတယ်။ စစ်ရေးလှုပ်ရှား မှုတွေ ဖြစ်ပွါးနေတယ်။ ကျေးသီးမြို့နယ်ပတ်ဝန်းကျင်မြို့နယ်တွေက ပြည်သူတွေလည်း များစွာထိခိုက် နစ်နာမှုတွေဖြစ်နေတယ်။ ကျေးသီးမြို့နယ်ထဲက ငူးလိမ်ရွာ လွယ်ခေါ်ရွာနဲ့ ဝမ့်ဝပ်ရွာထဲက စစ်ပြေး ဒုက္ခသည် ၂၀၀ ကျော် ဝမ့်ဝပ်ဘုန်းကြီးကျောင်း တွေမှာလာရောက်ခိုလှုံနေကြပါတယ်။ အဲဒီထဲမှာ အမျိုးသမီးနဲ့ကလေးတွေအများကြီးပါတယ်။ ဘုန်းကြီးတွေလည်းပါဝင်ပါတယ်။
မေး။ ။ ဆရာမ တို့အနေနဲ့ ဒီကိစ္စကို ဘယ်လိုသဘောထားရှိလို့အရေးကြီး အဆိုအဖြစ် တင်သွင်း ရပါသလဲ။
ဖြေ။ ။ အခုချိန်က လယ်ယာစိုက်ပျိုးရေးအချိန်ဖြစ်သည်နှင့်အညီ ခုလိုဖြစ်လာတော့လယ်ယာတွေ ပစ်ထားပြီး ထွက်ပြေး ရတာပေါ့နော်။ ရွာပြန်ပြီး အိုးအိမ်လယ်ယာတွေပြန်ကြည့်မယ်ဆိုရင်လည်း ပြန်ကြည့်ခွင့် မရဘူး ဖြစ်နေတယ်။ အစားအသောက်အသုံးအဆောင်ပစ္စည်းတွေပြန်ယူဖို့ လည်းပြန်ခွင့်မရခဲ့ဘူး။
ကလေးတွေလည်းပညာသင်ဖို့အခွင့်အရေးဆုံးရှုံးနေရတယ်။အဲဒီ ဒုက္ခသည်တွေ ရင် ဆိုင်နေရတဲ့ အခက်အခဲတွေကို ကူညီ ဖြေရှင်းပေးဖို့ပေါ့။ နောက်ပြီး ဒုက္ခသည်တွေ ကိုယ့်နေရပ်ကို အေးအေးချမ်း ချမ်းပြန်နေနိုင်ဖို့ အတွက်ပေါ့။ ဒီဟာတွေကို ရည်ရွယ်ပါတယ်။ သူ့ရဲ့ အရေးကြီး အဆိုကို ကျမ ထောက်ခံ ဆွေးနွေး ခဲ့ပါတယ်။
မေး ။ ။ ဘယ်လိုထောက်ခံဆွေးနွေးခဲ့ပါသလဲ။
ဖြေ။ ။ စစ်ဘေးရှောင်တွေ စားဝတ်နေရေး လိုအပ်ချက် တွေကို သျှမ်းပါတီ ၂ ခုနဲ့ ကြံ့ခိုင် ဖွံ့ဖြိုးရေးပါတီက ကူညီထောက်ပံ့မှုပေးပေမယ့် မလုံလောက်ဘူး ဆိုတဲ့အကြောင်း၊ နိုင်ငံတော်အစိုးရကနေ ရိုးသားဖြောင့် မတ်တဲ့ သဘောထားကို ဖော်ပြတဲ့အနေနဲ့ လူထုထိခိုက်နစ်နာမှုတွေကို ကူညီဖြေရှင်းပေးစေလိုပါတယ် ဆိုတဲ့ ထောက်ခံမှုအဆိုကို ကျမက ထောက်ခံတင်ပြခဲ့ပါတယ်။
မေး။ ။ ဒီအဆိုတွေကို အစိုးရဘက်က ဘယ်လိုတုန့်ပြန်ဖြေကြားခဲ့ပါသလဲ။
ဖြေ။ ။ ဟုတ်ကဲ့ -လွှတ်တော်မှာတော့ ငြိမ်းချမ်းရေးနဲ့ပတ်သက်တဲ့ကော်မတီတခုတော့ ရှိတာပေါ့။အဲဒီကော်မတီမှာဦးသိန်းဇော်က ဥက္ကဌပါ။ ၈ ရက်၇ လ နေပြည်တော်မှာ သမ္မတရုံးဝန်ကြီး ဌာနမှာ ငြိမ်းချမ်းရေးဖော်ဆောင်ရေးခေါင်းဆောင် ဦးအောင်မင်း၊ ဦးသိန်းဇော်၊ ခွန်ထွန်းဦး၊ စဝ်ခွန်ဆိုင်၊ စဝ်ခေးမောဝ်တို့ကနေပြီးတော့ ဒီအကြောင်းနဲ့ပတ်သက်တာကို ဆွေးနွေး ခဲ့တယ်။ နှစ်ဖက်တပ်တွေ ထိပ်တိုက် တွေ့တာတွေမဖြစ်ဖို့ စစ်ရေးတင်းမာမှုတွေ မဖြစ်စေဖို့ အဲတာ တွေဆွေးနွေးခဲ့ကြတယ်။ အဲတာကြောင့် ကျမတို့ ရဲ့အဆိုကို - ဗဟိုကော်မတီအစည်းအဝေး ကျင်းပ နေတဲ့အတွက် အဖြေ ချက်ချင်းပြန်မပေးနိုင်ဘူး။ နောက်ပိုင်းအကြောင်းပြန်ပေးမယ်- လို့ပြောတယ်။ အခုချိန်မှာ နှစ်ဘက်တပ်တွေ တင်းမာမှုရှိနေသော်လည်း ထိန်းထားနိုင်ပါသေးတယ်လို့ ဦးသိန်းဇော် ကပြန်ဖြေပါတယ်။ ဒါအပြင် ကာကွယ်ရေးဌာနက ဒုဝန်ကြီး ကလည်း တပ်မတော် အကြီးအကဲတွေ တပ်မတော်သားတွေမှာလည်းဘဲ ငြိမ်းချမ်းရေးလိုချင်တဲ့ဆန္ဒရှိပါတယ်။ တိုင်းရင်းသားတွေဘက် ကလည်း ငြိမ်းချမ်းရေး သဘောတူညီချက်ကိုအမြတ်မထုတ်စေချင်ဘူး။ ၂၀၀၈ ဖွဲ့စည်းပုံထဲကို တိုင်းရင်းသားလက်နက်ကိုင်တပ်ဖွဲ့တွေပါဝင်လာဖို့။ တဖက်ကလည်း တိုင်းရင်းသားတပ်ဖွဲ့တွေဟာ နယ်မြေစိုးမိုးရေးလုပ်နေတယ်။ ဝမ့်ဟိုင်းကျေးရွာမှာနေဖို့ကို ဝမ့်ဝပ်အထိ လာပြီးတော့စခန်းချနေတဲ့ အတွက်ကြောင့် အစိုးရဘက်က စစ်အင်အားသုံးရလို့ တိုက်ပွဲတွေဖြစ်ပွါးနေရတာပါ - ဆိုပြီး ပြန်ဖြေ ပါတယ်။ ဒါကြောင့်အခု အဲဒီဒေသက ပြန်လည်ထူထောင်ရေးလပ်ငန်းကို လုပ်ဆောင် ပေးပါမယ်။ စစ်ရေးလှုပ်ရှားမှုကို အမြန်ဆုံးရပ်တန့်ပေးနိုင်အောင်ကြိုးစားပါမယ် - လို့ဖြေကြားသွားပါတယ်။
မေး။ ။ ဟုတ်ကဲ့ သျှမ်းပြည်တပ်မတော် ၂ ဖွဲ့စလုံးဟာ အစိုးရနဲ့ အပစ်ရပ်ပြီး ငြိမ်းချမ်းရေးဖော် ဆောင်ထား တာဖြစ်ပါတယ်။ သို့ပေမယ့် တိုက်ပွဲတွေ မရပ်တန့်သေးတဲ့အပေါ် တယောက်နဲ့တယောက် သူ့ကြောင့် ကိုယ့်ကြောင့်ဆိုပြီးတော့ အပြစ်ဖို့နေကြတာနဲ့ပတ်သက်ပြီးတော့ လွှတ်တော်အမတ် တယောက်နေနဲ့ ဘယ်လိုမြင်ပါသလဲ။
ဖြေ။ ။ အခုလက်ရှိမှာ တိုင်းရင်းသားလက်နက်ကိုင်အဖွဲ့နဲ့အစိုးရတို့ အချင်းချင်း ညှာတာတဲ့ စိတ် ငြိမ်းချမ်းရေးကို ရချင်တဲ့စိတ် နှစ်ဘက်စလုံးကပြည်သူအပေါ် ထောက်ထားညှာတာတဲ့စိတ် တဖက်ကို တဖက်ညှာတာတဲ့စိတ် နှစ်ဘက်စလုံး အောင်မြင်အောင် အကျိုးအမြတ်ရှိတဲ့ ပုံစဲနဲ့ ဆွေးနွေးညှိနှိုင်းတဲ့ နိုင်ငံရေးနည်းလမ်းနဲ့အမြန်ဆုံးဖြေရှင်းသွားမှ ကျမတို့နိုင်ငံရေးပြသနာကို ဖြေရှင်းနိုင်မှာ။ ဒီအတိုင်း မဟုတ်ဘဲနဲ့ တယောက်ကိုတယောက် အပြစ်ဖို့နေမယ်ဆိုရင်တော့ ဒီဇာတ်လမ်းက ပြဿနာဘယ် တော့မှ ဆုံးမှာမဟုတ်ပါဘူး။ တယောက်ကိုတယောက် ပြစ်ဖို့နေတာ နှစ်ပေါင်း ၆၀ ကျော်နေပါပြီ။ ဒီနှစ်ပေါင်း ၆၀ အတွင်းမှာလက်နက်နဲ့လည်းတိုက်လာပြီးပြီ။ လက်နက်နဲ့ တိုက်လာတဲ့ နှစ်ပေါင်း ၆၀ အတွင်းမှာ တကယ်တမ်း အမြစ်ပြတ်ချေမှုန်းနိုင်လားဆိုတော့လည်း အမြစ်ပြတ်မချေမှုန်းနိုင်ပါဘူး။ အားစမ်းနေကြတဲ့အနေအထားနဲ့ဘဲရှိနေကြတယ်။ ဒီအနေအထားမှာရှိမနေစေချင်ပါဘူး။ ပြည်သူ လူထုက ငြိမ်းချမ်းရေး ဖွံ့ဖြိုးတိုးတက်ရေး တအားလိုလားနေပြီ။ ဒါကြောင့် ၂ ဘက်စလုံးက နိုင်ငံ တော်အတွက် ပြည်သူလူထုအတွက် ဆိုတာကို ကြည့်ပြီးတော့ နိုင်ငံရေးအမြတ်မထုတ်ဘဲ ရိုးရိုးဖြောင့် ဖြောင့်နဲ့ နိုင်ငံတော်တိုးတက်ရေးအတွက် စစ်မှန်တဲ့ငြိမ်းချမ်းရေး အမှန်တကယ်လုပ်ပေးရင် သိပ်ကောင်း တာပေါ့။
နောက်ပြီးတော့တိုင်းရင်းသားတွေလိုလားနေတဲ့ ကိုယ်ပိုင်အုပ်ချုပ်ခွင့် ကိုယ်ပိုင်ပြဌာန်းခွင့် ဖယ်ဒရယ်။ ဒီဖယ်ဒရယ်ကို ကိုယ့်ရဲ့တိုင်းဒေသနဲ့ပြည်နယ်တွေမှာ ကိုယ့်ရဲ့စီမံခန့်ခွဲခွင့်အာဏာပြည့်အ၀ပေးထားမယ် ကိုယ်လိုချင်တဲ့ ဖယ်ဒရယ်ပုံစံအတိုင်းဖြစ်မယ်ဆိုရင်လည်း ငြိမ်းချမ်းရေးက အမြန်ဆုံးရနိုင် ပါတယ်။ ဒါကလည်း အခုလက်ရှိအနေအထားမှာ နိုင်ငံတော်အစိုးရက ချက်ချင်းလုပ်ပေးနိုင် တဲ့ အနေအထား ရှိတာဘဲ။ နှစ်ဘက်စလုံး ရိုးသားဖြောင့်မတ်စွာနဲ့ ဆွေးနွေးညှိနှိုင်းပြီးမှလုပ်မယ်ဆိုရင်တော့ ဘယ်လိုဘဲဖြစ်ဖြစ်အောင်မြင်နိုင်ပါတယ်။
မေး။ ။ လက်ရှိ သျှမ်းပြည်သားတွေခံစားနေရတဲ့အပေါ် ဘာတွေထပ်ဖြည့်စွက်ပြောပြချင်ပါသလဲ။
ဖြေ။ ။ သိရသလောက် ပြည်သူလူထုက ‘ တာ့ဖာဆောင်တံတားတခုကိုဘဲ ဘာကြောင့် လာလု နေကြသလဲ ’ ဆိုတာကိုဘဲမြင်ကြပါတယ်။ နောက်ပြီးတော့ အစိုးရကိုလည်း ‘တနိုင်ငံလုံးကိုအုပ်ချုပ်နေ တဲ့ အစိုးရ ဘာကြောင့်ဒီတံတားတခုတည်းကိုဘဲ လိုချင်မှုနဲ့ အင်အားသုံးပြီးလာတိုက်ခိုက်နေတာလဲ ’ ပေါ့။ နောက်ဆုံး သျှမ်းပြည်တပ်မတော်ကိုလည်း ‘ ပြည်သူလူထုက ဘယ်လိုမြင်လဲဆိုတော့ သူ ထိန်းချုပ် နယ်မြေ အကျယ်ကြီးထဲမှာမှဘာကြောင့် ဒီတာ့ဖာဆောင်တံတားက တပ်စခန်းအတွက် ခုခံတိုက် ခိုက်နေရတာလဲ’ ပေါ့။ လူထုဆိုတာက ရိုးရိုးရှင်းရှင်းဘဲတွေးတာကိုး။ ဒါကြောင့် ကျမ တခု ပြောချင် တာက ငြိမ်းချမ်းရေးဆွေးနွေးတဲ့အချိန်မှာ နိုင်ငံရေးဆွေးနွေးတဲ့အချိန်မှာ ပြည်သူလူထုက လည်း ပါဝင်ပြီးတော့မှ သူတို့ရဲ့ အတွေးအမြင်တွေ ကိုထည့်သွင်းဆွေးနွေး စေချင်တယ်။ ပြည်သူ တွေခံစား နေရတဲ့ အခက်အခဲ ၊ ဖြစ်စေချင်တဲ့ ဆန္ဒကို အစိုးရကို တိုက်ရိုက် ဖွင့်ပြောစေချင်တယ်။ ပြည်သူတွေ ကိုယ်တိုင်ပါဝင်တဲ့ စစ်မှန်တဲ့ငြိမ်းချမ်းရေး ဖော်ဆောင်မှုဖြစ်စေ ချင်တယ်။ နောက်ပြီး အားလုံးပါဝင်တဲ့ ဒီမိုကရေစီကြိုးပမ်းမှုနဲ့ ဖယ်ဒရယ် စနစ်အတွက် ပြည်သူဟာ မပါမဖြစ် အဓိက ပါဝင်နေတာကြောင့် ဒီပြောင်းလဲရေးမှာ ပြည်သူဘက်ကတတပ်တအား ပါဝင်ပါလို့တိုက်တွန်း ချင်ပါတယ်။
သျှမ်းသံတော်ဆင့်
