တရားသူကြီး Jerry Baxter
အမေရိကန်ပြည်ထောင်စု၊ အက်တလန်တာမြို့မှာ အစိုးရကျောင်းစာမေးပွဲ မသမာမှုတွေမှာ ပါဝင် ပတ်သက်တဲ့ ကျောင်းဝန်ထမ်း ၉ ဦးကို ဧပြီ ၁၄ ရက်နေ့က ထောင်ဒဏ် အသီးသီး ချမှတ်ခဲ့ပါတယ်။
မြို့မှာဖြစ်ပျက်ခဲ့ သမျှထဲမှာ စိတ်ပျက်စရာ အကောင်းဆုံးလို့ အမိန့်ချမှတ်စဉ် တရားသူကြီး Jerry Baxter က ပြောဆိုပါတယ်။
၉ ဦးထဲမှာ ၃ ဦးကတော့ ထောင်ဒဏ် အနှစ် ၂၀ အချခံရပြီး ပြည်နယ်က သတ်မှတ်ထားတဲ့ ပြစ်ဒဏ်ထက်တောင် ပြင်းထန်ပါတယ်။ ကျန်တဲ့သူတွေကိုတော့ ထောင်ဒဏ် ၅ နှစ်ချခဲ့ပါတယ်။
အစိုးရကျောင်း ၄၄ ကျောင်းမှာ ကျောင်းဝန်ထမ်း အားလုံး ၁၈၀ လောက် ဒီမသမာမှုတွေမှာ ပါဝင်ပတ်သက်နေတာ စုံစမ်းဖော်ထုတ်ခဲ့ပြီး အမေရိကန်ပြည်ထောင်စုမှာ အကြီးဆုံးစာမေးပွဲ မသမာမှုဖြစ်ခဲ့တာပါ။
ကျောင်းသားတွေ အဆင့်မြင့်မြင့်နဲ့အောင်အောင် ကျောင်းဆရာ၊ ဆရာမတွေကို ဒီကျောင်းဝန်ထမ်းတွေက အဖြေလွှာ အမှားပြင်ခိုင်းခဲ့တယ်လို့ စုံစမ်းရေးအရာရှိတွေက တွေ့ရှိခဲ့ပါတယ်။
ထောင်ဒဏ်အနှစ် ၂၀ ချခံရသူတွေကတော့ ထောင်ထဲမှာ ၇ နှစ်ပဲ နေရမှာဖြစ်ပြီး ကျန်တဲ့ ၁၃ နှစ်ကတော့ ခံဝန်ချက်နဲ့နေရမယ်လို့ ဆိုပါတယ်။
ထောင်ဒဏ် ၅ နှစ်ချခံရသူတွေကတော့ ထောင်ထဲမှာ ၁ နှစ်၊ ၂ နှစ်ပဲ နေရမှာဖြစ်ပြီး ကျန်တဲ့နှစ်တွေကို အပြင်မှာ ခံဝန်ချက်နဲ့နေရမယ်လို့ ဆိုပါတယ်။
ဒါဟာ ပညာရေးဝန်ထမ်းတွေကို ချမှတ်တဲ့ထဲမှာ အပြင်းထန်ဆုံးချတဲ့ ပြစ်ဒဏ်တွေလည်း ဖြစ်ပါတယ်။
တရားသူကြီးအမိန့်ချချိန်မှာ ရှေ့နေတွေနဲ့ တရားသူကြီးတွေ အပြန်အလှန်ငြင်းခုံမှုတွေလည်း ဖြစ်ခဲ့ပါတယ်။
လာမယ့်လတွေအတွင်း ထောင်ဒဏ်ချခံရသူတွေ အယူခံဝင်မယ်လို့ သိရပါတယ်။
By ဒီဗွီဘီ
