ထိုင်းနိုင်ငံမှ အလိုရှိသည့် မူးယစ်ရာဇာများသတင်းနှင့်ပတ်သက်၍ ကလို့ထူးဘော ကရင်အမျိုးသားတပ်မတော်မှ သတင်းစာရှင်းလင်းပွဲပြုလုပ်

Thursday, 03 May 2012 14:30

၂၀၁၂ ခုနှစ် ဧပြီလ ၂၀ ရက်နေ့၊ ထိုင်းနိုင်ငံ အမှတ်(၃) ရုပ်သံလိုင်းမှ ထုတ်လွှင့်သည့် ထိုင်းနိုင်ငံမှ အလိုရှိနေသော မူးယစ်ရာဇာများသတင်းနှင့် ပတ်သက်၍ တိုးတက်သော ဗုဒ္ဓဘာသာ၊ ကရင်မျိုးသားတပ်မတော်၊ ကလို့ထူးဘော ဌာနချုပ်မှ ပြည်တွင်းပြည်ပ မီဒီယာများအား ဖိတ်ခေါ်ပြီး သတင်းစာရှင်းလင်းပွဲကို ထိုင်းမြန်မာနယ်စပ် ဆုံဆည်းမြိုင်ကျေးရွာတွင် မေလ ၁ ရက်နေ့က ကျင်းပပြုလုပ်ခဲ့ကြောင်း သတင်းရရှိသည်။ အဆိုပါသတင်း၌ ထိုင်းနိုင်ငံ ဒုတိယ၀န်ကြီးချုပ် ချလိမ့်ယူဘရုန်း၏ စွပ်စွဲချက်အရ ထိုင်းနိုင်ငံမှ အလိုရှိနေသော မူးယစ်ရာဇာ ၂၅ ဦးစာရင်းတွင် ကလို့ထူးဘောတပ်ဖွဲ့မှ စစ်ဦးစီးချုပ် ဗိုလ်ချုပ်စောလားပွယ်၏ အမည်စာရင်း အားဆုငွေနှင့်တကွ ပါဝင်ခဲ့ကြောင်း သိရသည်။ မေလ ၁ ရက်နေ့ ကျင်းပပြုလုပ်သည့် သတင်းစာရှင်းလင်းပွဲ ပြုလုပ်ရခြင်းနှင့်ပတ်သက်၍ စစ်ဦးစီးချုပ် ဗိုလ်ချုပ်စောလားပွယ်က ၂၀၁၂ ခုနှစ် ဧပြီလ ၂၀ ရက်နေ့ ထိုင်းနိုင်ငံ တီဗီ ၃ မှ ထုတ်လွှင့်သည့် မူးယစ်ဆေးဝါးနှင့် ပတ်သက်၍ ထိုင်းနိုင်ငံမှ အလိုရှိနေသော မူးယစ်ရာဇာ အမည်စာရင်းမှာ ကျွန်တော့်အမည် ပါဝင်နေပါကြောင်း၊ ဓာတ်ပုံနှင့်တကွ ဆုငွေဘတ်တစ်သန်း ပါရှိပါကြောင်း၊ ဒါ့ကြောင့် မူးယစ်ဆေးဝါးနှင့် ပတ်သက်ခြင်းမရှိဘူးဆိုတာကို အထောက်အထားနဲ့ ရှင်းပြလိုပါကြောင်း။ ယခင် ဒီကေဘီအေလက်ထက်မှာတုန်းကလည်း မူးယစ်ဆေးဝါးနှင့် ပတ်သက်ရင် အမိန့်ညွှန်ကြားချက် ၂/၂၀၁၀ အရထုတ်ပြန်ပြီး တားမြစ်ထားကြောင်း၊ ၂၀၁၁ ခုနှစ် ဒီဇင်ဘာ ၁၁ ရက်နေ့ ဘားအံမြို့တွင် နိုင်ငံတော်အစိုးရနှင့် အပစ်အခတ်ရပ်စဲရေး၊ ငြိမ်းချမ်းရေး သဘောတူလက်မှတ်ကိုလည်း မိမိကိုယ်တိုင် ရေးထိုးခဲ့ကြောင်း။ အစိုးရနှင့် လက်မှတ်ရေး ထိုးရာတွင် လည်း သဘောတူညီချက် အပိုဒ်(၅)တွင် ပါရှိသည့် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများတိုက်ဖျက်ရေးအား ပြည်ထောင်စုအစိုးရနှင့် ပူးပေါင်းဆောင်ရွက်ရန် သဘောတူသည် ဆိုသည့် အချက်လည်း ပါဝင်ခဲ့ကြောင်း၊ ထိုင်းနိုင်ငံ ဒုတိယ၀န်ကြီးချုပ် စွပ်စွဲသကဲ့သို့မူးယစ်ဆေးဝါး လုပ်ဆောင်ခြင်း မရှိသလို၊ ပတ်သက်ခြင်းလည်း မရှိကြောင်း၊ မူးယစ်ဆေးဝါးနှင့် ပတ်သက်ပြီး ကင်းရှင်းကြောင်း၊ မူယစ်ဆေးဝါး ထုတ်လုပ်ရောင်းချသည်ဟု သံသယရှိလျှင် လာရောက်စစ်ဆေးဖို့ ကမ်းလှမ်းခဲ့ကြောင်း၊ ဧပြီလ ၃၀ ရက်နေ့ နောက်ဆုံးထားပြီး လာရောက်ဖြေရှင်းဖို့ ဖိတ်ခေါ်ခဲ့သော်လည်း စွပ်စွဲသူများဘက်မှ လာရောက်စစ်ဆေးဖို့၊ ဖြေရှင်းဖို့ ပျက်ကွက်ခဲ့ကြောင်း၊ ခုလိုစွပ်စွဲခံရတာဟာ အဖွဲ့အစည်း၊ လူမျိုးနှင့် နိုင်ငံ၏ ဂုဏ်သိက္ခာ ညှိုးနွမ်းစေကြောင်း ပြောကြားခဲ့သည်။ ''ထိုင်း ဒုတိယ၀န်ကြီးချုပ်၏ စွပ်စွဲချက်အရ နိုင်ငံတကာ မူးယစ်ဆေးဝါး တိုက်ဖျက်ရေးအဖွဲ့ကို တင်ပြပြီး DEA ရဲ့ ဆုံးဖြတ်ချက်ကို တောင်းဆိုထားပါတယ်။ ထိုင်း ဒုတိယ၀န်ကြီးချုပ် သံသယရှိတဲ့ နေရာတွေကိုလည်း နိုငံတကာ DEA အဖွဲ့ လာရောက် စစ်ဆေးနိုင်ပါတယ်။ နိုင်ငံတကာ DEA ရဲ့ ဆုံးဖြတ်ချက်ကိုလည်း လိုက်နာဆောင်ရွက်ဖို့ ရှိပါတယ်။ အကယ်၍ ဟုတ်ခဲ့သည်ရှိသော်၊ တွေ့ရှိခဲ့သည်ရှိသော် နိုင်ငံတကာခုံရုံးမှာ အပြစ်ခံဖို့ ရှိပါတယ်။ ကျွန်တော်တို့ မြန်မာနိုင်ငံမှာ အချုပ်အခြာအာဏာဆိုတာ ရှိတယ်။ အခု လိုစွပ်စွဲတာဟာ နိုင်ငံတော် ဂုဏ်သိက္ခာ ထိခိုက်ရုံမက အချုပ်အခြာအာဏာကို ပါထိထိုက်စေနိုင်ကြောင်း'' ကလို့ထူးဘော တပ်ဖွဲ့မှ ဗိုလ်မှူးမောင်လေးက ပြောပါသည်။ ''ကျွန်တော်တကယ်လုပ်ခဲ့ရင် နိုင်ငံတကာခုံရုံးမှာ သွားရောက်ဖြေရှင်းမယ်။ လုပ်ခဲ့ရုံမက လုပ်ဆောင်ဖို့ ညွှန်ကြားခဲ့ရင်တောင် နိုင်ငံတကာခုံရုံးမှာ သွားရောက် အရေးယူခံဖို့၊ ကြီးလေးသော ပြစ်ဒဏ်ခံဖို့ အဆင်သင့်ရှိပါတယ်''ဟု စစ်ဦးချုပ် ဗိုလ်ချုပ်စောလားပွယ်က ဆိုပါသည်။ မေလ(၁)ရက်နေ့ သတင်စာရှင်းလင်းပွဲတွင် ထိုင်းနိုင်ငံမှ သတင်းထောက်များ လာရောက်သတင်းယူရန် အခက်အခဲများရှိ၍ အချို့သတင်းမီဒီယာမှ လာရောက်နိုင်ခြင်း မရှိခဲ့ကြောင်း၊ သို့ဖြစ်၍ လာမည့်မေလ ၁၀ ရက်နေ့ တွင် နိုင်ငံတကာ မူးယစ်ဆေးဝါးတိုက်ဖျက်ရေးအဖွဲ့၊ မြန်မာနိုင်ငံ မူးယစ်ဆေးဝါး တိုက်ဖျက်ရေးအဖွဲ့၊ ထိုင်းနိုင်ငံမှ တာဝန်ရှိသူများ၊ သတင်းမီဒီယာများနှင့် ပြည်တွင်း သတင်းမီဒီယာများကို ဖိတ်ခေါ်ပြီး ဒုတိယအကြိမ် ပြုလုပ်ရန်ရှိကြောင်း သိရသည်။