ပုသိမ်ခရိုင် ငရုတ်ကောင်းမြို့နယ်ခွဲအတွင်း ဆင်တစ်ကောင် ခေါင်းပြတ်၍ သေဆုံးနေကြောင်း သိရသည်။
ပုသိမ်ခရိုင် ငရုတ်ကောင်းမြို့နယ်ခွဲအတွင်းတွင် ဆင်ရိုင်းကျူးကျော်သောင်းကျန်းမှုများနှင့် ဆင်သတ်ခြင်း ၊ ဆင်စွယ်ဖြတ်ခြင်းဖြင့် စီးပွားရှာနေသော လူအုပ်စုများကြောင့် ဆင်သေဆုံးမှုများ မကြာခဏ ဖြစ်ပေါ်လျက်ရှိရာ ယခုလ ဇန်န၀ါရီလ(၃)ရက်နေ့ မွန်းလွဲ(၂)နာရီခွဲအချိန်ခန့်က ငရုတ်ကောင်းမြို့နယ်ခွဲအတွင်း ခေါင်းပြတ်သေဆုံးနေသော ဆင်တစ်ကောင်တွေ့ရှိခဲ့ခြင်းဖြစ်သည်။
“ ငရုတ်ကောင်းက ဆင်းမှုံသစ်တောကြိုးဝိုင်း အကွက်အမှတ်(၂)မှာ ခေါင်းပြတ်သေဆုံးတဲ့ ဆင်ထီး စွယ်စုံတော ဆင်ရိုင်းတစ်ကောင်တွေ့တာပါ။ ငရုတ်ကောင်းတောအုပ်ဦးကွန်ချစ်က သွားရောက် စစ်ဆေးပြီး ခရိုင်သစ်တောဦးစီးက စာနဲ့ ရဲစခန်းမှာ အမှုဖွင့်ထားပါတယ်” ဟု ပုသိမ်ခရိုင်သစ်တော ဦးစီးဌာနမှ ၀န်ထမ်းတစ်ဦးက ပြောသည်။
ပုသိမ်ခရိုင်သည် ရခိုင်ရိုးမနှင့် ဆက်စပ်တည်ရှိနေသော ခရိုင်တစ်ခုဖြစ်သောကြောင့် လည်းကောင်း ယခုရာသီသည် ဆင်များကြိုက်နှစ်သက်သော ဗောကိုင်းပင်များ အဖူးပွင့်သောအချိန်ဖြစ်နေသဖြင့် ပုသိမ်ခရိုင်၏ အနောက်ဘက် ကမ်းခြေဒေသများတွင် ဆင်းရိုင်းအုပ်များ လာရောက်ကျက်စားနေရာ အဆိုပါ ဒေသရှိ ရွာများမှာလည်း ဆင်အန္တရာယ်နှင့် တွေ့ကြုံနေရပြီး တရားမ၀င် ဆင်သတ် ၊ အစွယ် ဖြတ်မှုများလည်း ဖြစ်ပေါ်နေကြောင်း ဒေသခံများထံမှ သိရှိရသည်။
“ရွာတွေမှာ လင့်စင်တွေထိုးထားပြီး ညဘက်ဆင်တွေဆင်းလာရင် အဲ့အပေါ်ကို တက်ပြေးကြရတယ်။ အလုပ်လဲ ကောင်းကောင်းမလုပ်ရဘူး။ ဒါပေမဲ့ ဒေသခံတွေကတော့ ဆင်ကိုမသတ်ရဲကြပါဘူး။ ဆင်ကို သတ်တာ လူသတ်တာထက် ပိုအပြစ်ကြီးတယ်လို့ သိထားကြတယ်” ဟု ငရုတ်ကောင်း မြို့နယ်ခွဲ ပျဉ်းကတိုးကုန်းရွာသားတစ်ဦးက ပြောသည်။
ယမန်နှစ်အတွင်းကလည်း ငွေဆောင်မြို့နယ်ခွဲ ဥတုချောင်းဖျားတွင် ဆင်သတ် ၊ ဆင်စွယ် ဖြတ်နေ သူတစ်ဦးကို ဖမ်းဆီးရမိခဲ့ပြီး စက်တင်ဘာလအတွင်းက ငပုတောမြို့နယ်တွင် တွေ့ရှိ သေဆုံးနေ သော ဆင် (၂)ကောင်အနက် တစ်ကောင်အား သတ်ဖြတ်ခဲ့သူများကို ဖမ်းဆီးရမိခဲ့ကြောင်း ပုသိမ် ခရိုင်ရဲတပ်ဖွဲ့မှ သိရှိရသည်။
ယခုတွေ့ရှိသော ဆင်သေဆုံးမှုအတွက်ကလည်း မသမာသူများ၏ လက်ချက်ကြောင့်ဟု ပုသိမ်ခရိုင် လက်ထောက်ညွှန်ကြားရေးမှူး (သစ်တော)မှ စာဖြင့်တိုင်ကြားမှုကြောင့် ငရုတ်ကောင်း ရဲစခန်းမှ (ပ)”၂-၁၃/၁၉၉၄” တောရိုင်းတိရိစ္ဆာန်နှင့် သဘာဝအပင်များ ကာကွယ်ရေးဥပဒေပုဒ်မ ၃၇(က)ဖြင့် စုံစမ်းစစ်ဆေးနေကြောင်း သိရှိရသည်။
မြန်မာနိုင်ငံတွင် ဆင်ကောင်ရေထောင်ဂဏန်းကျော်သာ ကျန်ရှိတော့ပြီး ယခုကဲ့သို့ တရားမ၀င် ဆင်သတ် ၊ ဆင်စွယ်ဖြတ်မှု များပြားလာခြင်းကြောင့် မကြာမီ မြန်မာ့ဆင်များ မျိုးတုံးပျောက်ကွယ်သွားနိုင်ကြောင်း သစ်တော ဦးစီးဌာနမှ တာဝန်ရှိသူတစ်ဦးက မှတ်ချက်ပြုပြောကြားသည်။
မျိုးမင်းထွန်း (မြစ်မခ) by Myit Makha Mediagroup on 7 Jan, 2013
