တန်ပြန်မေးခွန်းမလုပ်သည့် စာမျက်နှာများမှ ပြောကြားနေမှုများ မီဒီယာဌာနများကြား ရပ်တည်ချက် အငြင်းပွားဖွယ်ရာဖြစ်

မြန်မာသံတော်ဆင့်ရုံးခန်း တွင်သတင်းစာပညာနှင့် စာနယ်ဇင်းကျင့်ဝတ် လာ ရောက်သင်ကြားခဲ့ကြ သော ၀ါရင့်သတင်းစာ ဆရာကြီးများ အနက် နိုင်ငံ ပိုင်သတင်းစာ စာတည်းမှူး ချုပ် (ငြိမ်း) ဦးရဲမြင့်ဖေ (စံတော်ချိန်အယ်ဒီတာချုပ် ဆရာရဲကျော်ခေါင်)နှင့် ယခင်စာနယ်ဇင်း ကောင် စီဝင် ဆရာဟိန်းလတ် (ပေါ်ပြူလာဂျာနယ်)တို့ သင်တန်းပို့ချခဲ့သော မှတ်တမ်းဓာတ်ပုံ။

ရန်ကုန်၊ စက်တင်ဘာ ၁

မြန်မာသံတော်ဆင့် သတင်းဂျာနယ်၊ အတွဲ(၂)၊ အမှတ်(၂၉) ပါ ဆောင်းပါးရှင် မောင်ရေစက်၏ ““အောက်တန်း ကျတဲ့နိုင်ငံရေးဟု ၀န်ကြီး ဦးစိုးသိမ်းပြောခဲ့သော်လည်း”” ဆောင်းပါးပါ အချက်အလက်အချို့ နားလည်မှု လွဲမှား နေကြောင်း နိုင်ငံတော်သမ္မတ၏ ပြောရေးဆိုခွင့် ရှိသူ ပြန်ကြားရေးဝန်ကြီးဌာန ဒုတိယ၀န်ကြီး ဦးရဲထွဋ်မှ တစ်ဆင့် ပြည်ထောင်စုဝန်ကြီး ဦးစိုးသိမ်းက ဆက်သွယ် ပြောကြားမှု ရှိခဲ့သော်လည်း အဆိုပါ သတင်းအချက် အလက်များနှင့် ပတ်သက်၍ လွဲမှားနေမှုများ အပေါ် လူတွေ့ တွေ့ဆုံ မေးမြန်းခန်း ပြုလုပ်ရန် ဦးရဲထွဋ် မှတစ်ဆင့် တောင်းဆို စီစဉ်ခဲ့ခြင်းအပေါ် တွေ့ဆုံမှု မပြုလုပ်နိုင်ကြောင်း ပြည်ထောင်စုဝန်ကြီး ဦးစိုးသိမ်းက ငြင်းဆိုခဲ့သည်။

မြန်မာသံတော်ဆင့် သတင်းပါ ဆောင်းပါးတွင် လက်ရှိ သမ္မတရုံးဝန်ကြီး ဦးစိုးသိမ်း စက်မှုဝန်ကြီး တာဝန် ယူစဉ်က ချယ်ရီကားပါမစ် ဦးဦးဖျားဖျား ပေးခဲ့သော သူနှစ်ဦးမှာ အမျိုးသမီး ပြည်သူ့လွှတ်တော် ကိုယ်စားလှယ် နှစ်ဦးဖြစ်သည့် တောင်ဒဂုံမြို့နယ် မဲဆန္ဒနယ်မှ ဒေါ်စုစုလှိုင် (ယခင်မြို့နယ် ပါတီအတွင်းရေးမှူး၊ ယခု ဒုဝန်ကြီး) နှင့် တာမွေ မဲဆန္ဒနယ်မှ ဒေါ်လဲ့လဲ့ဝင်းဆွေ (မြို့နယ်ပါတီ အတွင်းရေးမှူး)တို့ ဖြစ်ကြောင်း၊ မြန်မာ မီနီဆလွန်း ကားများကို စက်မှုဝန်ကြီးဌာနမှ စတင်တင်သွင်းစဉ် ပြင်ပပေါက်ဈေးနှင့် ၀န်ကြီးဌာနမှ ကားပါမစ် ထုတ်ဈေး အဆမတန် ကွာခြားလျက်ရှိကာ ကားပါမစ်ရရှိသူများ ပြန်လည် ရောင်းချရာတွင် အမြတ်အစွန်း အများအပြား ရရှိနေသဖြင့် ပြည်ခိုင်ဖြိုးပါတီ လွှတ်တော် ကိုယ်စားလှယ်အချို့က ကားပါမစ် လျှောက်ထားရန် လျှောက်လွှာများ ပေးအပ်စဉ်  ဦးစိုးသိမ်းက ပြင်းထန်သော ပြောဆိုမှုများ ပြုလုပ်ခဲ့သော်လည်း အဆိုပါ အမျိုးသမီး နှစ်ဦးကိုမူ ကားပါမစ်များ အလွယ်တကူ ခေါ်ယူ ပေးခဲ့ကြောင်း ဖော်ပြေခဲ့ခြင်းအပေါ် စက်တင်ဘာလ ၂၇ ရက်နေ့က မြန်မာသံတော်ဆင့် သတင်းဂျာနယ် တာဝန်ရှိသူ တစ်ဦးထံ နိုင်ငံတော် သမ္မတ၏ ပြောရေးဆိုခွင့်ရှိသူ ဦးရဲထွဋ်မှ ဖုန်းဖြင့် ဆက်သွယ်၍ ယင်း အချက်အလက်သည် နားလည်မှု လွဲမှား နေကြောင်း ပြောကြားခဲ့ခြင်း ဖြစ်သည်။ အဆိုပါ အမျိုးသမီးများကို ကားပါမစ် ပေးအပ်သည့် အချိန်က နှစ်ဦးတည်းသာ ပေးအပ်ခြင်း မဟုတ်ကြောင်း၊ ပြည်သူ့လွှတ်တော် ကိုယ်စားလှယ် ဦးသိန်းညွန့် အပါအ၀င် ပုဂ္ဂိုလ် ဆယ်ဦး ပါဝင်ကြောင်း၊ ပြည်ထောင်စုဝန်ကြီး ဦးစိုးသိမ်းက ထိုကိစ္စရပ်နှင့် ပတ်သက်၍ မိမိတွင် အထောက်အထား အခိုင်အလုံရှိသည်ဟု ပြောကြားကြောင်းလည်း ဦးရဲထွဋ်က ပြောသည်။ …

ယင်းကိစ္စနှင့် ပတ်သက်၍ မြန်မာသံတော်ဆင့် သတင်းဂျာနယ် အနေဖြင့် အချက်အလက် နားလည်မှု လွဲမှားမှု ရှိသည်ဟု ပြန်လည် ဖော်ပြ ပေးသင့်ကြောင်း ဦးရဲထွဋ်က ပြောသည်။

မြန်မာသံတော်ဆင့်မှ ထိုကိစ္စရပ်အပေါ် ပြန်လည် အဖြေပေးခြင်း မပြုလုပ်ခဲ့သေးဘဲ စက်တင်ဘာလ ၂၈ ရက်နေ့တွင် ဦးရဲထွဋ်ထံ ပြန်လည် ဆက်သွယ် အကြောင်းကြားမည် ဖြစ်ကြောင်းသာ အဖြေပေးခဲ့သည်။

စက်တင်ဘာလ ၂၈ ရက်နေ့ နံနက်ပိုင်းတွင် မြန်မာသံတော်ဆင့် အယ်ဒီတာအဖွဲ့၏ ဆုံးဖြတ်ချက်အရ ထိုသို့ နားလည်မှု လွဲမှားနေသည်ဟု ဆိုသော အချက်အလက်များအပေါ် ပြည်ထောင်စုဝန်ကြီး ဦးစိုးသိမ်းအား တွေ့ဆုံ မေးမြန်း၍ ၎င်း၏ ဖြေကြားချက်များကို ပြည်သူလူထု သိရှိစေရန် ဖော်ပြပေးမည် ဖြစ်ကြောင်း၊ တွေ့ဆုံ မေးမြန်းရာတွင်လည်း မကြာခင်ကပင် ပြည်ထောင်စုဝန်ကြီး ဦးစိုးသိမ်း၏ ဖြစ်ပေါ်ခဲ့သော ပြည်ပဘဏ်ငွေစာရင်း ကိစ္စရပ်နှင့် ပတ်သက်၍ Daily Eleven သတင်းစာမှ စာဖြင့် ဆက်သွယ် မေးမြန်းမှု ပြုလုပ်ခဲ့ပြီး ဖြစ်၍ မိမိတို့ အနေဖြင့်မူ လူတွေ့ မေးမြန်းမှုသာ ဆောင်ရွက်လိုကြောင်း၊ ယင်းသို့ တွေ့ဆုံမေးမြန်းနိုင်ရန် နိုင်ငံတော် သမ္မတ၏ ပြောရေးဆိုခွင့် ရှိသူ ဦးရဲထွဋ်က သမ္မတရုံးဝန်ကြီး ဦးစိုးသိမ်းထံဆက်သွယ် အကြောင်းကြား ပေးစေလိုကြောင်း တောင်းဆိုခဲ့သည်။

ထိုတောင်းဆိုချက်အပေါ် ဦးရဲထွဋ်က သမ္မတရုံးဝန်ကြီး ဦးစိုးသိမ်းထံ ဆက်သွယ် ပြောကြားပြီးနောက် ပြန်လည် အကြောင်းပြန်ကြားမည် ဖြစ်ကြောင်း ပြောသည်။

ထို့နောက် ယင်းစက်တင်ဘာလ ၂၈ရက်နေ့၊ နေ့လယ်ပိုင်းတွင်ပင် မြန်မာသံတော်ဆင့် တာဝန်ရှိသူထံ ဦးရဲထွဋ်က ပြန်လည် ဆက်သွယ်ခဲ့ပြီး သမ္မတရုံးဝန်ကြီး ဦးစိုးသိမ်းမှ အထက်ပါအတိုင်း တွေ့ဆုံ မေးမြန်းမှု ပြုလုပ်မည်ဆိုလျှင် မပြုလုပ်တော့ကြောင်းနှင့် နားလည်မှု လွဲမှားသည် ဆိုသည့်အချက် အလက် အပေါ် မိမိဘာသာ ဖြေရှင်း ဆောင်ရွက်သွားမည် ဖြစ်ကြောင်း ငြင်းဆို လိုက်သည်ဟု ပြန်လည် ပြောကြားသည်။

ယင်းကိစ္စနှင့် ပတ်သက်၍ မြန်မာသံတော်ဆင့် ဆောင်းပါးပါ ဖော်ပြချက်သည် လုံးဝ မမှန်ကန်ဟု ယတိပြတ် ငြင်းဆိုမှု မရှိခြင်း၊ နားလည်မှု လွဲမှားခြင်းသာ ဖြစ်ကြောင်းဆိုခြင်း၊ ထို့ပြင် ကာယကံရှင်ဖြစ်သူ သမ္မတရုံးဝန်ကြီး ဦးစိုးသိမ်းထံတွင် အထောက်အထား အခိုင်အမာရှိကြောင်း ဆိုခြင်းတို့ကြောင့် မြန်မာသံတော်ဆင့် အနေဖြင့် မည်သူမဆို သတင်း ကိစ္စရပ်တစ်ခု၌ ပြန်လည် ဖြေရှင်းခွင့် ရှိကြောင်းနှင့် ယင်းဖြေရှင်းချက်ကို ပြန်လည် ထည့်သွင်း ဖော်ပြပေးရန် တာဝန်ရှိကြောင်းကို ကျင့်ဝတ်ပိုင်းအား အလေးအနက် ထားသော သတင်း မီဒီယာတိုင်း သိရှိ လိုက်နာ ဆောင်ရွက်မှုအတိုင်း အထောက်အထား အခိုင်အလုံ ရှိသည်ဆိုသည့် ပြည်ထောင်စု ၀န်ကြီးထံ ၎င်း၏ ရှင်းလင်း ဖြေကြားချက်ကို တွေ့ဆုံမေးမြန်းပြီး ဖော်ပြ ပေးရန် ဆောင်ရွက်ခဲ့ခြင်း ဖြစ်သော်လည်း ၎င်းပြည်ထောင်စုဝန်ကြီး ကိုယ်တိုင်ကပင် ငြင်းဆိုခဲ့ခြင်း ဖြစ်သည်။

ထို စက်တင်ဘာလ၂၈ ရက်နေ့တွင်ပင် ထွက်ရှိခဲ့သော ယခင် နယက အစိုးရ၏ လက်ကိုင်တုတ်ဟု နိုင်ငံတကာနှင့် မြန်မာ့ ဒီမိုကရက်တစ်များ၊ မြန်မာ့မီဒီယာ အသိုင်းအ၀ိုင်းများက ပြောဆို သတ်မှတ်ချက်များ ရှိခဲ့သည့် မြန်မာနိုင်ငံ စာပေနှင့် စာနယ်ဇင်းအဖွဲ့ အတွင်းရေးမှူးတစ်ဦး ဖြစ်ခဲ့သူ ဦးကိုကို (စက်မှုတက္ကသိုလ်) ထုတ်ဝေသော ရန်ကုန်တိုင်းမ် နေ့စဉ် သတင်းစာတွင် ပြည်ထောင်စုဝန်ကြီး ဦးစိုးသိမ်းက မိမိအပါအ၀င်  သမ္မတရုံး ပြည်ထောင်စုဝန်ကြီး ဦးအောင်မင်း၊ လူဝင်မှုကြီးကြပ်ရေး ပြည်ထောင်စုဝန်ကြီး ဦးခင်ရီတို့ကို တိုက်ခိုက်လျှင် ဟတ်လိုင်နာ သွားချင်သူများ၊ ဒီမိုကရေစီ မသွားချင်သူများ ဖြစ်ကြောင်းနှင့် ထိုသို့ ဆောင်ရွက် လိုသည့် အုပ်စုများရှိကြောင်း ပြောကြားခဲ့သည်။

ပြည်ထောင်စုဝန်ကြီး ဦးစိုးသိမ်း ညွှန်းဆိုသည့် ၎င်းအပါအ၀င် ပြည်ထောင်စုဝန်ကြီး သုံးဦးလုံးမှာ ယခင်အစိုးရ လက်ထက်ကလည်း အာဏာပိုင် အစိုးရအဖွဲ့ဝင်များ ဖြစ်ကြသည်။

ထို့နောက် ယခုတစ်ပတ်အတွင်း ထွက်ရှိလာသည့် ယခင်စာပေ စာနယ်ဇင်း(ဗဟို) လူကြီးအချို့ ထုတ်ဝေ ဦးစီး ဆောင်ရွက်လျက်ရှိသည့် သတင်း စာစောင်များတွင် ပြည်ထောင်စုဝန်ကြီး ဦးစိုးသိမ်းက မိမိတို့အား ပုဂ္ဂိုလ်ရေး ထိုးနှက် တိုက်ခိုက်သူများသည် ဒီမိုကရေစီ မလိုလားသူများ ဖြစ်ကြောင်း ပြောကြားချက်များနှင့် ပြည်ထောင်စု ၀န်ကြီး ဦးစိုးသိမ်း၏ ပြည်ပဘဏ် ငွေစာရင်းကိစ္စ၊ မြန်မာသံတော်ဆင့် ဆောင်းပါးပါ အချက်အလက်များ ကိစ္စနှင့် ပြည်ထောင်စုဝန်ကြီး ဦးအောင်မင်း၏ အိမ်နီးချင်း ထိုင်းနိုင်ငံအား စကိုင်းနက် ရုပ်သံလိုင်းမှ ထုတ်လွှင့်ခဲ့သော စကိုင်းနက် တံခွန်စိုက် အငြိမ့်ပြိုင်ပွဲတွင် ယခင် အစိုးရ လက်ထက်က ကျောင်းသုံး အဖြစ်ပါ ပြဋ္ဌာန်းခဲ့သည့် အသုံးအနှုန်း တစ်ရပ်ဖြစ်သော ယိုးဒယားဟု ခေါ်ဝေါ် သုံးစွဲခဲ့ခြင်းအပေါ် နိုင်ငံ၏ အစိုးရ ၀န်ကြီးတစ်ဦး အနေဖြင့် သမိုင်းကြောင်းအရပင် နှစ်နိုင်ငံ ချစ်ကြည်ရေးကို ပျက်ပြားစေနိုင်သည့် သုံးနှုန်း ပြောဆိုမှုများ မပြု လုပ် သင့်ကြောင်း အသိပညာရှင်များ၏ သုံးသပ်မှုများ နှင့်အတူ မြန်မာသံတော်ဆင့်မှ ထောက်ပြ ဖော်ပြမှုတို့ ပြုလုပ် ခဲ့ပြီးနောက် ပြည်ထောင်စုဝန်ကြီး ဦးအောင်မင်း အပါအ၀င် ပြည်ထောင်စု ၀န်ကြီးအချို့ နောက်ကွယ်တွင် ရှိနေကြောင်း မြန်မာသံတော်ဆင့် အတွဲ (၂)၊ အမှတ်(၁၈)တွင်ပင် ဖော်ပြခဲ့သော Myanmar Egress အဖွဲ့မှ ထုတ်ဝေသည့် အောက်တိုဘာလ ၂ ရက်နေ့ထုတ် The Voice Daily သတင်းစာ အယ်ဒီတာ့ အာဘော်တွင် ပြည်ထောင်စုဝန်ကြီး ဦးစိုးသိမ်း၏ ပြောစကားများနှင့် အလားတူ   သဘော သက်ရောက်သည့် ရေးသား ဖော်ပြမှုများလည်း ရှိလာခဲ့သည်။ ထို့ပြင် ပြည်ထောင်စုဝန်ကြီး ဦးစိုးသိမ်း စက်မှုဝန်ကြီးဘ၀က မြန်မာ မီနီဆလွန်း ကားဝယ်ယူခွင့် ရရှိခဲ့သည့် ယခင်စာပေနှင့် စာနယ်ဇင်း(ဗဟို)မှ ဦးမြတ်ခိုင်နှင့် ပြည်ထောင်စုဝန်ကြီး ဦးစိုးသိမ်းတို့ တွေ့ဆုံမေးမြန်း၍လည်း သတင်း ဖော်ပြခဲ့သည်။

ယခုကဲ့သို့ သတင်းမီဒီယာ ရပ်တည်ချက်နှင့် ပတ်သက်၍ အငြင်းပွားဖွယ်ရာ ကိစ္စရပ်များ ဖြစ်ပေါ်နေစဉ် နိုင်ငံတော်သမ္မတ ကိုယ်တိုင် အောက်တိုဘာလ ၁ ရက်နေ့၌ ပြည်သူလူထုထံ ပြောကြားသော မိန့်ခွန်း၌ ပါရှိသည့် မီဒီယာများအနေနှင့် ပုဂ္ဂိုလ်ရေး ပုတ်ခတ် တိုက်ခိုက်မှုများ ပြုလုပ်ခြင်းကို ရှောင်ရှားကြရန် တိုက်တွန်း ပြောဆိုမှု၊ ယခုသတင်းစာစောင် အချို့တွင် အထင်အရှား ဦးစားပေး ဖော်ပြလာသည့် ပြည်ထောင်စုဝန်ကြီး ဦးစိုးသိမ်း၏ ပုဂ္ဂိုလ်ရေး ထိုးနှက် တိုက်ခိုက်သူများသည် ဒီမိုကရေစီ မလိုလားသူများဟု ပြောဆိုမှုများသည် စတုတ္ထမဏ္ဍိုင်ဖြစ်သော သတင်းမီဒီယာ၏ ထောက်ပြဝေဖန် ဖော်ပြမှုများကို ကန့်သတ်သည့် သဘောမျိုး သက်ရောက်လျက် ရှိသည်။ သတင်းမီဒီယာများ အနေဖြင့် သာမန်လူ တစ်ဦးတစ်ယောက်၏ နေ့စဉ် လူမှုဘ၀အား ပြည်သူလူထုအပေါ် သက်ဆိုင် ထိခတ်မှု တစ်စုံတစ်ရာ မရှိဘဲ ဖော်ပြခြင်းကို ပုဂ္ဂိုလ်ရေး တိုက်ခိုက် ပုတ်ခတ်မှုဟု ပြောကြားပါက မှန်သော်လည်း နိုင်ငံ၏ အရေးကိစ္စ အ၀၀ကို တာဝန်ယူဆောင် ရွက်ရန် ပြည်သူလူထုက ယုံကြည်စွာ အပ်နှင်းထားသည့် အုပ်ချုပ်ရေး အာဏာကို စွဲကိုင်ထားသူများ၊ ပြည်သူလူထု အပေါ် သြဇာသက်ရောက်၍ ၎င်းတို့၏ ပြောကြား ဆောင်ရွက်မှုများသည် ပြည်သူ့ဘ၀နှင့် နိုင်ငံ့ အရေးကို အကျိုးသက်ရောက်မှု ရှိစေသည့် လူပုဂ္ဂိုလ်၊ အဖွဲ့အစည်း၊ ပါတီစသည့် မည်သည်တို့ မဆိုမှာ ၎င်းတို့၏ လုပ်ကိုင်ဆောင်ရွက် ပြောဆိုမှုနှင့် ပုဂ္ဂိုလ်ရေး ကိုယ်ကျင့်သီလ အပါအ၀င် မိသားစု အတွင်းရှိ မိသားစုဝင် တစ်ဦးဦး၏ ဆောင်ရွက် လုပ်ကိုင်မှု၊ စိတ်ဓာတ်၊ အကျင့်စရိုက် စသည် အားလုံး တို့သည်ပင် အများပြည်သူအပေါ် သက်ရောက် ခံစား ရစေကြောင်း၊ နိုင်ငံနှင့်ချီ၍ပင် ကြီးမားသော ကိစ္စရပ်ကြီးများ ဖြစ်ပေါ် လာနိုင်ကြောင်း၊ ယခင်စစ် အစိုးရများ လက်ထက် ဖြစ်ပေါ်ခဲ့သော ကိစ္စရပ်များစွာကို သုံးသပ်ခြင်းအားဖြင့် သိရှိနိုင်သည်။ တစ်ကိုယ်ရေ သက်ရောက်မှုသာ ရှိသော သူမျိုး မဟုတ်ဘဲ ထိုသို့အများနှင့် သက်ဆိုင်နေသော သူများအပေါ် ပြောကြားဝေဖန်၊ ထောက်ပြမှုများကို ပုဂ္ဂိုလ်ရေး ဝေဖန် တိုက်ခိုက်မှုများအဖြစ် ရှုမြင်ခြင်းသည် ဒီမိုကရေစီ အကျင့်နှင့် ကျင့်သား မရသေးသူများ၊ လူမှုအ၀န်းအ၀ိုင်း များတွင်သာ ရှုမြင် ကန့်ကွက်မှုများ ပြုလုပ်ကြခြင်း ဖြစ်သည်။ စံပြ ဒီမိုကရေစီ နိုင်ငံကြီး တစ်နိုင်ငံဖြစ်သလို မီဒီယာ လွတ်လပ်ခွင့် အပြည့်အ၀ ရရှိသော အမေရိကန် ပြည်ထောင်စုတွင် ဖြစ်ပေါ်ခဲ့သည့် သမ္မတ ဘီလ်ကလင်တန်၏ လူမှုရေး ရှုပ်ထွေးမှု ကိစ္စရပ်များ အပါအ၀င် နိုင်ငံ့တာဝန်ရှိသူများ၏ မရိုးမဖြောင့်မှုများ၊ လူမှု အကျင့်စာရိတ္တ ပျက်ပြားမှုများ အပါအ၀င် ၎င်းတို့ မိသားစုဝင်များ၏ ဆောင်ရွက် လုပ်ကိုင်မှုများကိုပါ ဖော်ထုတ် တင်ပြခြင်းကို ပုဂ္ဂိုလ်ရေး ထိုးနှက် တိုက်ခိုက်သည့် သတင်းမီဒီယာ၊ မရိုးဖြောင့်သော သတင်းမီဒီယာဟု ပြောဆို တားမြစ်မှုများကို စစ်မှန်သော ဒီမိုကရေစီစနစ် ကျင့်သုံးလျက်ရှိသော မည်သည့်နိုင်ငံကမဆို ပြုလုပ်ခဲ့မှု မရှိကြောင်း သိရှိ နိုင်သည်။

မြန်မာ့ သတင်းမီဒီယာလောက၊ ဒီမိုကရက်တစ် အ၀န်းအ၀ိုင်းနှင့် ကမ္ဘာကပါ လေးစားဂရုပြုသော  ၀ါရင့် သတင်းစာဆရာကြီး ဟံသာဝတီ ဦးဝင်းတင်က ယခုခေတ် မြန်မာနိုင်ငံ၏ သတင်းမီဒီယာများမှ သတင်း ဖော်ပြမှုများနှင့် ပတ်သက်၍ ““သတင်းစာဆိုတာ တကယ့် ပညာတတ်ကြီးတွေ လုပ်တယ်။ ပညာတတ်ကြီး တွေက ထိုင်ပြီးတော့ စဉ်းစားပြီးတော့ ဝေဖန်ချက်တွေ၊ သုံးသပ်ချက်တွေ၊ သဘောထားတွေ ရေးတယ် ဆိုတာနဲ့ မလုံလောက်ဘူး။ ဒီခေတ်ဟာ ခေတ်ကြီးကို တူးဆွ ရှာဖွေတဲ့ခေတ်၊ သို့မဟုတ်လည်း အမှန်တရား ဘက်ကို၊ ကိုယ်ယုံကြည်ရာဘက်ကို ရပ်တဲ့ ခေတ်ပေါ့။ စူးစမ်းတယ်၊ ရှာဖွေတယ်၊ အမှန်တရားကို ဖော်ထုတ်တယ်။ နောက်တစ်ခုက ယုံကြည်ရာ ဘက်ကရပ်ပြီး တိုက်တာ။ အဲဒါက ဘာလဲဆိုတော့ ခရူးဆိတ်ပေါ့။ ခရူးဆိတ် စစ်ပွဲမှာ မွတ်ဆလင်တွေနဲ့ ခရစ်ယာန်တွေနဲ့ တိုက်တာ။ အဲဒီကနေ ခရူးဆိတ်ဆိုတဲ့ စကားပေါ်လာတယ်။ ကိုယ်ယုံကြည်ရာ ဘက်က တိုက်တာ။ အဲဒီမှာ ခရူးဆိနယူး(စ်) ဂျာနယ်လစ်ဇင်ဆိုတာ ပေါ်လာတယ်။ ပထမတော့ ကျွန်တော်တို့ ငယ်ငယ်တုန်းက အမှန်တရား ဘက်က ရပ်ရမယ်။ သတင်းစာဆိုတာ မှန်ရမယ်။ သတင်းစာဆိုတာ စတုတ္ထမဏ္ဍိုင်၊ သတင်းစာဆိုတာ တိုင်းပြည်ကို ပြုပြင်တာ စသည်ဖြင့်ပေါ့။ ဒီလိုလေး ယုံပြီး လာရာကနေ စစ်ပြီးခေတ် ၁၉၅၀ ကျော် ရောက်လာတဲ့အခါ စူးစမ်းရှာဖွေ သတင်းစာပညာဆိုတာ ပေါ်လာ တယ်။ အမှန်တရားကို ဒါအမှန်တရားပဲဆိုပြီး ကိုယ့်ဘာသာ ဆုံးဖြတ်တာနဲ့ ကျောင်းက သင်ပေးလိုက်တာနဲ့ မတူတော့ဘူး။ ရှာဖွေ တူးဆွပြီးတော့ အမှန်တရားကို ဖော်တယ်။ ရာဇ၀တ်မှု ကျူးလွန်တာကို ဆိုရှယ်လော်ဂျီ စာအုပ်တွေထဲမှာ ဘယ်လိုရေးတယ် ဆိုတာနဲ့ မတွက်တော့ဘူး။ စူးစမ်းရှာဖွေရမယ်။ သူတို့တွေ ဘယ်လို လူတွေလဲ၊ ဒီလူတွေ ငွေဘယ်ကရသလဲ။ ဘယ်သူ့ကို ငွေပေးတာလဲ။ သူတို့ရဲ့ သြဇာ ဘယ်လောက်ကြီးတယ် ဆိုတာ ရှာဖွေစူးစမ်း ဖော်ထုတ် ရတယ်။ အဲဒီကနေ မှတစ်ဆင့် ၁၉၇၀၊ ၈၀ပေါ့။ သူများနိုင်ငံတွေမှာ ပြောတာ။ ကျွန်တော် တို့ကတော့ အမြဲတမ်း နောက်ကျတာပေါ့။ ၁၉၇၀ ခုနှစ် အကျော်လောက်က စပြီးတော့ ခရူးဆိတ်တင်း ဂျာနယ်လစ်ဇင် ဆိုတာ ပေါ်လာတယ်။ အမှန်တရားကို ယုံကြည်တဲ့အတိုင်း ရပ်ပြီး တိုက်တာပေါ့။ ဒီတော့ကျွန်တော်တို့က အမှန်တရားဘက်က ရပ်တယ် ဆိုတာနဲ့တော့ မလုံလောက်ဘူး။ အမှားတရားတွေကို တူးဆွပြီး ဖော်ထုတ်ပြီး ကျွန်တော်တို့က ဘာလို့ မတိုက်ဝံ့ ရမှာလဲ။ အမှန်တရားဘက်က ရပ်သလို အမှားတရားတွေကို တူးဖော်ပြီးတော့ တိုက်ရမယ်။ဒါသာလျှင် ခရူးဆိတ်တင်းဂျာနယ် လစ်ဇင်ဆိုတဲ့ ကမ္ဘာမှာ ကျင့်သုံးနေတဲ့ နည်းအတိုင်း ဖြစ်မယ်။ ဒီနေ့ ဂျာနယ်လစ်ဇင်ကို ကြည့်တဲ့ အခါကျတော့ အခုသတင်း ဂျာနယ်တွေ ပေါ်လာတယ်။ ဒီသတင်းဂျာနယ်တွေဟာ အခုထိ ခရူးဆိတ်နယူး(စ်)ကို မရောက်သေးဘူး။ အမှန်တရားကို ရှာဖွေတူးဆွတဲ့ ဟာလောက်ပဲ ရောက်ဖို့ကို ကြိုးစားနေဆဲ ရှိသေးတယ်။ အစိုးရကနေ ဟိုဒီ ဥပဒေတွေထုတ်၊ ဟိုဟာ ဒီဟာ လုပ်တဲ့အခါ တော်ကြာ ဆုတ်သွားလိုက်၊ တော်ကြာ တိုးလာလိုက်နဲ့ စာနယ်ဇင်း လောကမှာ ကိုယ်တိုင်က အာဏာရှင် အသိုင်းအ၀ိုင်းနဲ့ ခရိုနီတွေက လုပ်နေတဲ့ ဂျာနယ်မဂ္ဂဇင်း တွေကလည်း အများကြီး ပေါ်လာတဲ့အခါ ကျတော့ ဒီအမှန်တရားကို တူးဆွမယ်ဆိုတဲ့ အဆင့်တောင် မရောက်သေးဘူး။ ဒီတော့ ကျွန်တော်ကတော့ ကျွန်တော့် တိုင်းပြည်မှာ အာဏာရှင် အသိုင်းအ၀ိုင်းက မျိုးဆက်လိုက် မျိုးဆက်လိုက် နှစ်ပေါင်းများစွာ မတော်တရားလုပ်ပြီး လွှမ်းမိုးတုန်းပဲ။ ကျွန်တော်က ပြောတယ်။ ဦးသိန်းစိန် အစိုးရကို ဒီမိုကရေစီ အစိုးရထင်နေတာ။ ဦးသိန်းစိန် အစိုးရဆိုတာ စစ်အစိုးရပဲ။ စစ်တစ်ပိုင်း အစိုးရပဲ။ ဒီတော့ ဒီလို လူမျိုးတွေကိုတောင် တကယ့်ဒီမိုကရေစီ ခေါင်းဆောင်ကြီးတွေ၊ သူရဲကောင်းကြီးတွေလို့ ပြောဆိုနေကြတဲ့ ခေတ်။ တိုင်းပြည်ဟာ နှစ်ပေါင်းများစွာ အာဏာရှင်တွေ လက်ထဲမှာ နစ်မွန်းနေတုန်းပဲ။ ကျွန်တော်ကတော့ အဲဒါကို မတိုက်လို့ မရဘူးလို့ ခံယူတယ်။ ကျွန်တော်က အဲသလို ဦးသိန်းစိန် အစိုးရဟာ စစ်အစိုးရ တစ်ပိုင်းပဲလို့ ပြောတဲ့အခါ တချို့လူတွေက ခင်ဗျားအာဃာတ ကြီးတယ်လို့ ထင်ကြတယ် မဟုတ်ဘူး။ တကယ့်ကို ပြောသင့်လို့ ပြောတာပဲ။ တိုက်သင့်လို့ တိုက်တာပဲ။ လက်ပံတောင်းတောင် ကိစ္စကိုကြည့်။ အဲဒီတော့ ဒါတွေကို လူထုက မကြိုက်ဘူး။ ဒါတွေကို မီဒီယာက ရေးရမယ်။ ဖော်ပြရမယ်။ မီဒီယာကတွေ့တဲ့ သူတွေကိုလည်း ကျွန်တော် ပြောတယ်။ မီဒီယာမှာ အမှန်တရားဘက်က ရပ်တယ် ဆိုတာတင် ကျွန်တော် လက်မခံဘူး။ အမှန်တရား ဘက်က ရပ်တယ်ဆို အမှားတရားကျတော့ ကြည့်နေကြမှာလား။ အမှားတရားတွေ ဘာတွေ ဖြစ်နေလဲ အဲဒါတွေကို ရေးရမယ်၊ တိုက်ရမယ်၊ တူးဆွရမယ်””ဟု ယခုကဲ့သို့ အငြင်းပွားဖွယ်ရာ ကိစ္စရပ်များ မပေါ်ပေါက်မီကပင် ပြောကြားထားမှု ရှိသည်။

ထို့ပြင် လက်ရှိ သတင်းမီဒီယာများနှင့် ပတ်သက်၍ အာဏာရှင် ခေတ်အဆက်ဆက် သတင်းစာဆရာ၊ ဒီမိုကရေစီ အခွင့်အရေး တက်ကြွ လှုပ်ရှားသူ တစ်ဦးအဖြစ် ကျင်လည်ခဲ့ရသော အတွေ့အကြုံပေါ် မူတည်၍ လက်ရှိ အစိုးရ အနေဖြင့် သတင်းမီဒီယာ လောကတွင် ၎င်းတို့ စိတ်ကြိုက်သူများနှင့် နွားနို့အတွင်း ရေရော ပစ်သည့် ပုံစံမျိုးဆောင်ရွက်နေပြီး ထိုသူများသည်လည်း ၎င်းတို့၏ အကျိုးစီးပွားအတွက် ခိုင်းဖက်အဖြစ် မီဒီယာ အလုပ်ကို ဆောင်ရွက်နေခြင်း ဖြစ်ကြောင်း သုံးသပ် ပြောကြားမှုလည်း ရှိသည်။

““အခု လုပ်နေတာတွေက အစိုးရက သတင်းလောကထဲ ရေရော ပစ်လိုက်တာပဲ။ ဒါက အာဏာရှင်ရဲ့ နည်းပဲ။ ဒီမှာ တကယ့် မီဒီယာသမား၊ သတင်းစာသမား ဇွဲနဲ့မာန်နဲ့ အလုပ်လုပ်တဲ့ သူတွေကို ပေးမယ်ဆို ဒီလူတွေက ဆူးလိုပဲ။ နောက်သိပ်ထက် လာရင် ဆူးမှာပဲ။ ဒီတော့ ရေရော ပစ်တာပေါ့။ သူတို့ ရေရောတဲ့ အထဲမှာ သူတို့ စိတ်ကြိုက်လူတွေ ပါမယ်။ မီဒီယာရဲ့ မှန်မှန်ကန်ကန် ရေးနေတဲ့ သူတွေကို ဆန့်ကျင်ဖို့ သူတွေလည်းပါမယ်။ သူတို့ ကိုယ်တိုင်က မီဒီယာကို စိတ်ဝင်စားတာ မဟုတ်ဘူး။ သူတို့ ကိုယ်ကျိုးစီးပွား အတွက်ဆိုတဲ့ လူတွေလည်း ပါလာမယ်။ အစိုးရရဲ့ ခိုင်းဖတ်တွေ၊ အစိုးရ ရဲ့ အလိုတော်ကျတွေ ပါမယ်။ နောက် သတင်းစာ သက်သက် လုပ်ချင်တဲ့ သူတွေလည်း ပါလာမယ်ပေါ့။ အဲဒီလို ရေရောခြင်းအားဖြင့် တိုင်းပြည်မှာ ပေါ်ထွက်လာမယ့် ရလဒ်က ဒီလူတွေ ဖန်တီး တည်ဆောက်လိုက်တဲ့ မီဒီယာဟာ မီဒီယာလောက တစ်ခုလုံးဟာ သူဌေးရဲ့ ခိုင်းဘက်တွေ၊ အာဏာရှင်တွေရဲ့ ဆွေမျိုးသားချင်းတွေ၊ ခိုင်းတဲ့သူတွေချည်းပဲ ဖြစ်အောင် လုပ်တာပဲ။ အရင် ကလည်း ဒီလိုလူတွေ မီဒီယာလောကမှာ ရှိနေတာပဲ။ ပေါ်ပေါ်ထင်ထင် လုပ်လို့မရလို့သာ လူထုရဲ့အသံနဲ့ တစ်ပြေးညီချင် ယောင်ဆောင်ပြီး တစ်ဘက်လှည့်နဲ့ လုပ်နေကြတာ။ ဒါကြောင့် ဒီဒိုင်လူးရှင်းဟာ တိုင်းပြည်အတွက် အန္တရာယ်ကြီးတယ်။ သမိုင်းမှာလည်း ဒါမျိုးတွေ ရှိတာပဲ။ ဒါပေမဲ့ သိသာလာမှာပဲ”” ဟု ၀ါရင့်သတင်းစာ ဆရာကြီး ဟံသာဝတီ ဦးဝင်တင်က ပြောသည်။ မြန်မာသံတော်ဆင့် အနေဖြင့်မူ မီဒီယာတာဝန် ကျေပွန်စွာ အမှန်ကို ဖော်ထုတ်နိုင်ရန် ကြိုးပမ်းခြင်းသာ ဖြစ်ပြီး ကျင့်ဝတ်ပိုင်းတွင်လည်း ရှေးယခင်ကပင် တည်ရှိနေသည့် ပုံနှိပ် မဖော်ပြရသေးမီ နောက်ဆုံး အချိန်အထိ အချက်အလက် မှန်ကန်စေရန် ဆောင်ရွက်နိုင်စွမ်း ရှိသည့် အနေအထားအထိ အစွမ်းကုန် စစ်ဆေးရမည် ဆိုသည်ကို လိုက်နာ ကျင့်သုံးမှု ရှိခဲ့ကြောင်း သမ္မတရုံး ညွှန်ကြားရေးမှူးဆိုသော ရာထူးအဆင့်ကို ဆက်သွယ် မေးမြန်းထားချက်မှာ သက်သေ ခံလျက်ရှိသည်။ ယနေ့အချိန်အထိ ယခင်အစိုးရ၏ အာဏာရှင် သဘောတရားများ မကုန်ဆုံးသေးသဖြင့် သမ္မတရုံး ပြည်ထောင်စုဝန်ကြီးဆိုသော အစိုးရထိပ်ပိုင်း အရာရှိကြီးတစ်ဦးကို ၎င်းနှင့်ကျွမ်းဝင် သင့်မြတ်မှု မရှိသည့် မည်သည့် မီဒီယာမှ တွေ့ဆုံဆက်သွယ်၍ အတည်ပြုချက် မရနိုင်သော သဘောတရားများကို ကိုယ်တွေ့ကြုံဆုံ ရင်ဆိုင်ကြရသော သတင်းမီဒီယာသမားတိုင်း သိရှိနိုင်သည်ဖြစ်ရာ အစွမ်းကုန် ဆောင် ရွက်နိုင်စွမ်း ရှိသလောက် သမ္မတရုံး ညွှန်ကြားရေးမှူး ဆိုသောအဆင့်အထိ မေးမြန်းခဲ့သော်လည်း ထိုသို့ အရာရှိကြီး တစ်ဦးကပင် မည်သည့်မှတ်ချက်မှ မပေးဘဲရှောင်လွှဲ ခဲ့သည်မှာ အစိုးရယန္တရား၏ ပွင့်လင်း မြင်သာမှုနှင့် တာဝန်ယူ၊ တာဝန်ခံမှု အမှန်တကယ် မရှိသေးကြောင်း သိစေနိုင်သော အချက်ဖြစ်ကြောင်းလည်း ဂရုပြုနိုင်ကြသလို ပြည်သူလူထုအနေဖြင့် သတင်းအမှန်တို့ကို ပြည့်စုံစွာ သိရှိနိုင်ခွင့် မရှိသေးသည့် ကုသိုလ် ကံသာ ဖြစ်ပေတော့သည်။

အံ့ခေါင်မင်း

မြန်မာသံတော်ဆင့်
Via ဒေါင်းမာန်ဟုန်