 |
| လေတပ်ဗိုလ်မှူး မောင်းသောကားမှောက်၍ မိဘနှစ်ပါးနှင့် ဇနီး ပွဲချင်းပြီး။ ဓါတ်ပုံ - ရဲဇာနည် |
ရန်ကုန်၊ အောက်တိုဘာ ၁
ဧရာဝတီတိုင်းဒေသကြီး ပုသိမ်မြို့တွင် တာဝန် ထမ်းဆောင်သော တပ်မတော်(လေ)မှ ဗိုလ်မှူး ဟိန်းထက်အောင် မောင်းနှင်သည့် ဟိုင်းလတ် ဆပ်(ဖ်)ကားသည် စက်တင်ဘာ ၂၉ ရက် မွန်းလွဲ ၂ နာရီခန့်တွင် ရန်ကုန်-မန္တလေး အမြန်လမ်းမကြီး (ပဲခူးအပိုင်) မိုင်တိုင် ၅၀ အနီး တိမ်းမှောက်ခဲ့ရာ အရှိန်ပြင်းထန်၍ ကား မှန်တံခါးများ ပွင့်ထွက်ပြီး ယာဉ်ပေါ်အတူ လိုက်ပါလာသော ဖခင်ဖြစ်သူ ဦးသန်းအေး အသက်(၆၃)နှစ်၊ မိခင် ဒေါ်မေစီလှ အသက် (၅၈) နှစ်နှင့် ဇနီးသည် မကေသီခိုင် အသက် (၂၄) နှစ်တို့ ၎င်းနေ့တွင်ပင် ပွဲချင်းပြီး သေဆုံး သွားခဲ့ကြောင်း၊ ယင်းဖြစ်စဉ်ကို ပဲခူး၊ ဘောနက်ကြီး၊ အမြန်လမ်း ရဲစခန်းက (ပ) ၈/၂၀၁၃၊ ပြစ်မှုပုဒ်မ ၃၀၄-က/၃၃၈ အရ အရေးယူထားကြောင်း သိရှိရသည်။
ဖြစ်စဉ်မှာ ဗိုလ်မှူးဟိန်းထက်အောင် အနေဖြင့် ကျန်းမာရေး မကောင်းသော ဖခင်ဦးသန်းအေးကို ရန်ကုန်မြို့ ဆေးရုံမှ နေပြည်တော် ဆေးရုံကြီးသို့ သွားရောက် တင်ပို့ ကုသနိုင်ရန်အတွက် မိသားစုနှင့်အတူ ကိုယ်တိုင် လိုက်ပါ ပို့ဆောင်စဉ် ထိုကဲ့သို့ အခင်းဖြစ်ပွားကြောင်း၊ အတူပါလာသော ၎င်း၏ ကိုးလသားအရွယ် သားတစ်ဦးမှာ.. ကံကောင်း ထောက်မပြီး လမ်းဘေးရှိ မြက်ပင်များအပေါ်သို့ ကျရောက်ကာ အသက်ရှင် ခဲ့ကြောင်း၊ ၎င်းဗိုလ်မှူးမှာလည်း ပြင်းထန်စွာ ဒဏ်ရာရရှိပြီး ရန်ကုန် စစ်ဆေးရုံကြီး၌ ဆေးကုသမှုခံယူ လျက်ရှိကြောင်း အောက်တိုဘာ ၁ ရက်နေ့တွင် ကွယ်လွန်သူများကို လိုက်ပါ ပို့ဆောင်ရာ၌ ပါဝင်ခဲ့သူ (ဦးသန်းအေး) ၏ မိတ်ဆွေများက မြန်မာသံတော်ဆင့်သို့ ပြောသည်။
(ဦးသန်းအေး) သည် ကျိုက်လတ်မြို့နယ် အသင်း တွဲဖက်အတွင်းရေးမှူး (၂) ဖြစ်ပြီး ရန်ကုန်မြို့တွင် အခြေချ နေထိုင်ခဲ့ကာ လွန်ခဲ့သောနှစ်က သားဖြစ်သူ ဗိုလ်မှူး ဟိန်းထက်အောင်နှင့် မကေသီခိုင်တို့၏ မင်္ဂလာပွဲကို ပုသိမ်မြို့တွင် မိတ်ဆွေများနှင့်အတူ သွားရောက်ကျင်းပ ပေးခဲ့ကြောင်း၊ (ဦးသန်းအေး)သည် ရန်ကုန်မြို့တွင် သတင်းစာနှင့် ဂျာနယ် ဖြန့်ချိရောင်းချခြင်းဖြင့် နှစ်ပေါင်းများစွာ အသက်မွေးခဲ့ပြီး မိတ်ဆွေ အပေါင်းအသင်း လွန်စွာများပြား၍ ၎င်းတို့၏ ဈာပနကို လာရောက်ကြသော သူများမှာ ကြက်ပျံမကျ ဖြစ်ပြီး မကြာသေးမီက စာရေးဆရာများ ကွယ်လွန်စဉ်ကဲ့သို့ ကားကြီး ကားငယ် အသွယ်သွယ်ဖြင့် ဧရာဝတီတိုင်း ဒေသကြီး ကျိုက်လတ်မြို့မှပင် လာရောက် ပို့ဆောင် ခဲ့သောကြောင့် ကြိတ်ကြိတ်တိုး စည်ကားခဲ့သည်။ နောက်ဆုံးရရှိ သော သတင်းများအရ ဖခင်မိခင်နှင့် ဇနီးသည်တို့၏ ဈာပနသို့ မလာရောက်နိုင်ခဲ့သော ဗိုလ်မှူး ဟိန်းထက်အောင် အနေဖြင့် စစ်ဆေးရုံကြီးတွင် သတိပြန်လည် ရရှိပြီဖြစ်ကြောင်း သိရှိရသည်။
တာတေ
Myanmartandawsint Newspaper
