မြိတ်တက္ကသိုလ်ကျောင်းသားအား ရိုက်နှက်ခဲ့သည့်ကိစ္စ သက်ဆိုင်ရာတာဝန်ရှိသူများက ဝန်ချတောင်းပန်

|Dawei Watch| မြိတ်၊ အောက်တိုဘာ ၁၆
မြိတ်တက္ကသိုလ်ကျောင်းသားတစ်ဦး

အား ဘုန်းတော်ကြီးကျောင်းဝင်းအတွင်း
ရဲတပ်ဖွဲ့ဝင်တစ်ချို့မှ လူမှားပြီးရိုက်နှက်ခဲ့မှုနှင့် ပတ်သက်ပြီး
အောက်တိုဘာ ၁၆ ရက်နေ့ ညနေ ၄ နာရီအချိန်ခန့်က
ယင်းဘုန်းတော်ကြီးကျောင်းတွင် မြို့နယ် ရဲတပ်ဖွဲ့မှူး ဒုရဲမှူးနှင့်
အုပ်ချုပ်ရေးဘက်မှ တာဝန်ရှိသူများက ဝန်ချတောင်းပန်ခဲ့ကြောင်း
ယင်းဘုန်းတော်ကြီးကျောင်းမှ သိရသည်။
ထို့အပြင် ရိုက်နှက်ရာတွင် ပါဝင်ခဲ့သည့် ရဲတပ်ဖွဲ့ဝင်(၃)ဦးကို ဥပဒေအရ
ထိရောက်စွာအရေးယူပေးရန်၊ ရဲသတင်းပေးများကိုလည်း
ခံဝန်ကတိလက်မှတ်ရေးထိုးပေးရန်၊ အရိုက်ခံခဲ့ရသည့် တတိယနှစ်အဝေးသင်
ဥပဒေကျောင်းသား၏ ကျန်းမာရေး ကုသမှုစရိတ်နှင့် ပညာရေးစရိတ်တို့ကိုလည်း
ထောက်ပံ့ရန် စသည့်အချက်များဖြင့် သဘောတူကျေနပ်ခဲ့ကြသည်ဟု
ဘုန်းတော်ကြီးကျောင်းမှ သိရသည်။
“အခုလိုမျိုး သံဃာတော်တွေကို ပြည်သူလူထုရှေ့တွင် ဝန်ချတောင်းပန်သည့်အတွက်
သဘောတူကျေနပ်ပါတယ်”ဟု ယင်းဘုန်းတော်ကြီးကျောင်းမှ ဦးဇင်းတစ်ပါးက
မိန့်ကြားသည်။
မြိတ်ခရိုင် ကျောင်းသားသမဂ္ဂအဖွဲ့နှင့် အရိုက်ခံရသူ ကိုညီညီစိုးမှလည်း
သဘောတူကျေနပ်သည့်အတွက် တရားစွဲတော့မည် မဟုတ်ဟု ၎င်းတို့က ပြောပြသည်။
မြိတ်မြို့နယ် ကလွင်ကျေးရွာအုပ်စု ရှားတောဝရပ်ရှိ
မဟာရံသီ(ရှားတောဝ)ဘုန်းတော်ကြီး ကျောင်းဝင်းအတွင်း အောက်တိုဘာ ၁၂ ရက်နေ့
မွန်းလွဲ ၂ နာရီခွဲအချိန်ခန့်က တတိယနှစ် ဥပဒေကျောင်းသားတစ်ဦးကို
ရဲတပ်ဖွဲ့ဝင်တစ်ချို့နှင့် ရဲသတင်းပေးများမှ လူမှားပြီး
ရိုက်နှက်ခံခဲ့ရသည်။
အဆိုပါကိစ္စအား ထိရာက်စွာအရေးယူပေးရန် အောက်တိုဘာ ၁၆ ရက်က
တိုင်းဒေသကြီးအစိုးရအဖွဲ့ ဝန်ကြီးချုပ်ဦးမြတ်ကို မြိတ်သို့
ရောက်ရှိနေစဉ် တက္ကသိုလ်ကျောင်းသားသမဂ္ဂအဖွဲ့က တိုင်ကြားခဲ့ကြောင်း
ယင်းသမဂ္ဂအဖွဲ့ဝင် တစ်ဦးက ပြောသည်။
လက်ရှိတွင် လူမှားပြီးရိုက်နှက်ခဲ့သည့် ရဲတပ်ဖွဲ့ဝင်(၂)ဦးနှင့်
နယ်ထိန်းခေါင်းဆောင် ဒုရဲအုပ် မြင့်ဌေးတို့ကို ဖမ်းဆီးထိန်းသိမ်းထားသည်ဟု
မြို့မရဲတပ်ဖွဲ့စခန်းမှ သိရသည်။
Dawei Watch