တရုတ်နိုင်ငံ ရွှေလီမှ တဆင့် ရှမ်းပြည်နယ် တာချီလိတ်ကို ဆိုင်ကယ် ကယ်ရီသမားများနှင့် အတူ ခိုးဝင်လာသော တူရကီနိုင်ငံသား (၅) ဦးကို ရှမ်းပြည်နယ် အရှေ့ပိုင်း ကျိုင်းတုံမြို့မှာ အောက်တိုဘာလ ၁၆ ရက်နေ့က နံနက်က ဖမ်းမိခဲ့ကြောင်း The Voice Weekly သတင်း ဖေါ်ပြထားသည်။
၎င်းတူရကီ နိုင်ငံသား (၅) ဦးသည် ရွှေလီမြို့တွင်နေထိုင်သူ ဆိုင်ကယ်ကယ်ရီ ခေါင်းဆောင် မြင့်နိုင်(ခေါ်) နူဒူး ဦးဆောင်သော ဆိုင်ကယ်ကယ်ရီ ငါးစီးနှင့် အတူ အောက်တိုဘာလ ၁၁ ရက်နေ့က စတင် ၀င်ရောက် လာခဲ့သည်ဟု ဆိုသည်။
တူရကီနိုင်ငံသား ငါးဦးကို တရုတ်နိုင်ငံ ရွှေလီကနေ တာချီလိတ်ကို တစ်ဦး ကျပ် ခုနစ်သိန်းနှုန်းနှင့် ဆိုင်ကယ် ကယ်ရီခေါင်းဆောင် မြင့်နိုင်(ခေါ်) နူဒူးက ဦးဆောင် ခေါ်လာကြောင်း၊ သူတို့သည် မန္တလေးမြို့နှင့် အေးသာယာ မြို့သစ်များကို ရောက်ရှိခဲ့ပြီး ယင်းမြို့များသို့ အရောက်တွင် မြို့ဝင်လမ်းဘေး တောတွင်းတွင် ညအိပ်ရပ်နားခဲ့ကြောင်း၊ အေးသာယာကို ရောက်သောအခါ ရွှေလီကနေ ငှားလာသော ဆိုင်ကယ်ကယ်ရီ လေးစီးကို တစ်စီး ကျပ် တစ်သိန်းခွဲ နှုန်းဖြင့် တာချီလိတ်မြို့သို့ ထပ်ငှားခဲ့ကြောင်း ကျိုင်းတုံမြို့မ ခေတ္တရဲစခန်းမှူး ရဲအုပ်ဝင်းမင်းသန့်က ပြောကြောင်း သတင်းတွင် ဖေါ်ပြသည်။
တူရကီနိုင်ငံသား ငါးဦးကို ကျိုင်းတုံမြို့ အမှတ်၂ ရပ်ကွက် လက်ဘက်ရည်ဆိုင်တွင် မသင်္ကာဖွယ် တွေ့ရသောကြောင့် ခေါ်ယူစစ်ဆေးရာမှ အထောက်အထားမဲ့ ခိုးဝင်လာသည်ကို သိရှိရသဖြင့် ဖမ်းဆီးခဲ့ကြောင်း ပြည်နယ်လူဝင်မှု ကြီးကြပ်ရေး ဦးစီးဌာနမှူး ဦးကိုကိုသော်ကိုကိုးကားပြီး သတင်းတွင် ဖေါ်ပြသည်။
တူရကီ နိုင်ငံသားများမှာ အသက် ၁၇ နှစ်အရွယ်ကနေ အသက် ၂၉ နှစ်အရွယ်ကြား ရှိသူများ ဖြစ်ကြပြီး တူရကီနိုင်ငံ အစ္စတန်ဘူလ်မြို့မှာ နေထိုင်ကြသူများဟု သိရသည်။ သူတို့အား မည်သည့်အတွက်ကြောင့် ခိုးဝင်လာသည်ကို စစ်ဆေးနေသည်ဟု ဆိုသည်။
ဆိုင်ကယ်ကယ်ရီ ခေါင်းဆောင် မြင့်နိုင်(ခေါ်) နူဒူးမှာ မြန်မာနိုင်ငံသား တောင်ငူမြို့ ဇာတိ ဖြစ်ပြီး တရုတ်နိုင်ငံ ရွှေလီမြို့တွင် နေထိုင်သူ ဖြစ်ကြောင်း သိရသည်။
တူရကီနိုင်ငံသားငါးဦးနှင့် မြန်မာနိုင်ငံသား ဆိုင်ကယ် ကယ်ရီသမားများကို (ပ)၁၂၀/၂၀၁၄၊ ၁၉၄၇ ခုနှစ် လူဝင်မှုကြီးကြပ်ရေး (လတ်တလော ပြဌာန်းချက်) အက်ဥပဒေ ပုဒ်မ ၁၃(၁)/၁၃(၅) အရ အမှုဖွင့် အရေးယူထားပြီး ကျိုင်းတုံမြို့မ ရဲတပ်ဖွဲ့စခန်းတွင် ဖမ်းဆီးထားကြောင်း သိရသည်။
နိရဉ္စရာ
