(၁) ထားဝယ်စီမံကိန်း ဧရိယာအတွင်း တနေရာ
ဓာတ်ပုံ - အောင်သူ / Dawei Watch
ထားဝယ်၊ အောက်တိုဘာ ၉
မကြာခင် ပြန်စမည်ဟု စီမံကိန်း တာဝန်ရှိသူများက ပြောနေသည့်
ထားဝယ်စီမံကိန်းတွင် ဒေသခံများ၏ ပါဝင်ခွင့်ကို အာမခံရန်
ထားဝယ်ဖွံ့ဖြိုးတိုးတက်ရေးအဖွဲ
တောင်းဆိုလိုက်သည်။
ထိုင်းဝန်ကြီးချုပ် ပရာယု ချန်အိုချာ၏ ယနေ့ စတင်သည့် မြန်မာနိုင်ငံ
ခရီးစဉ်နှင့် အချိန်ကိုက် ထုတ်ပြန်လိုက်သည့် ထားဝယ်ဖွံ့ဖြိုးရေးအဖွဲ့၏
ကြေညာချက်တွင် ထားဝယ်စီမံကိန်းကို ပြန်မစခင် ပြီးခဲ့သည့် သုံးနှစ်
အီတာလျံ-ထိုင်း အကောင်အထည်ဖော်စဉ်က ဖြစ်ခဲ့သည့် ပြဿနာများကို
ဖြေရှင်းပေးရန်၊ ဒေသခံများ၏ ပါဝင်ပူးပေါင်းမှုကို အာမခံရန်၊ အတင်းအကျပ်
ခြိမ်းခြောက် ပြောင်းရွှေ့နေရာချထားခြင်း မပြုရန် အပါအ၀င် အချက် ၈
ချက်ကို တောင်းဆိုခဲ့သည်ကို ယင်းအဖွဲ့၏ ကြေညာချက်အရ သိရသည်။
ထားဝယ်စီမံကိန်းကို အီတာလျံ- ထိုင်း ကုမ္ပဏီက တာဝန်ယူအကောင်အထည်ဖော်သည့်
၂၀၁၀ ခုနှစ်မှ ၂၀၁၃ ခုနှစ်ကြား ကာလတွင် စီမံကိန်း အကောင်အထည်ဖော်သူနှင့်
ဒေသခံလူထုကြားတွင် ယုံကြည်မှု ကျိုးပျက်ခဲ့သည့် အခြေအနေ ဖြစ်သည့်အတွက်
စီမံကိန်းကို လက်ရှိတာဝန်ယူ အကောင်အထည်ဖော်မည့် မြန်မာနှင့်
ထိုင်းအစိုးရများအနေဖြင့် ဒေသခံများ၏ ယုံကြည်မှုကို ရရန် ကနဦးအနေဖြင့်
စဉ်းစားရန်လိုကြောင်း ထားဝယ်ဖွံ့ဖြိုးရေးအဖွဲ့၏ ရန်ကုန် ညှိနှိုင်းရေးမှူး
ဦးဘိုဘိုအောင်က ပြောသည်။
“ဖွံ့ဖြိုးဆဲနိုင်ငံက စီမံကိန်းတွေကို သုတေသနပြုပြီး သီအိုရီတစ်ခု
ထွက်လာတာရှိတယ်။ အဲဒါက ဘာလဲဆိုတော့ လူထုထောက်ခံမှု မရတဲ့ စီမံကိန်းတွေက
အမြဲတမ်း အရုံးနဲ့ ရင်ဆိုင်ရမယ်”ဟု ဦးဘိုဘိုအောင်က ဆိုသည်။
ယင်းသုတေသနကို ယခုနှစ် မေလက Queenland တက္ကသိုလ်နှင့် Harvard Kennedy
တက္ကသိုလ်နှစ်ခု က အိန္ဒိယ၊ ချီလီ၊ ပီရူး၊ သြစတေးလျနှင့် အာဂျင်တီးနား
နိုင်ငံ ငါးနိုင်ငံမှ သတ္တုတွင်း၊ ရေနံနှင့် သဘာဝဓာတ်ငွေ့ စီမံကိန်းပေါင်း
၅၀ ကျော်ကို ပူးတွဲ ပြုလုပ်ခဲ့ကြောင်း ဦးဘိုဘိုအောင်က ရှင်းပြသည်။
လူထု ထောက်ခံမှု မရသည့် စီမံကိန်းများသည် နှောင့်နှေးခြင်း၊
ဖျက်သိမ်းရခြင်းတို့ကို ကြုံရပြီး တကယ့် စံနှုန်းများအတိုင်း
လိုက်နာလုပ်ဆောင်သည့် ကုန်ကျစရိတ်ထက် ပိုများသည်ဟု သီအိုရီထုတ်ထားကြောင်း
၎င်းက ပြောသည်။
“မြန်မာအစိုးရအနေနဲ့ ပြောင်းသင့်ပြီ”ဟု ဦးဘိုဘိုအောင်က ဆိုသည်။
ဒေသခံများ၏ ပါဝင်ပူးပေါင်းမှုရရန် ဆောင်ရွက်ရာတွင် စီမံကိန်း
အစီအစဉ်များကို သတင်းအချက်အလက်ထုတ်ပြစဉ်တွင် ဒေသခံ လူထုနားလည်နိုင်အောင်
ထုတ်ပြန်ရမည်ဖြစ်ပြီး နားလည်မှသာ ပါဝင်ပူးပေါင်းနိုင်မည်ဟု သိရသည်။
ထို့အပြင် စီမံကိန်းနှင့် ပတ်သက်ပြီး ဒေသခံများ ထောက်ပြပြောနိုင်
ပါဝင်နိုင်သည့် အခင်းအကျင်းကိုလည်း ဖန်တီးပေးရန် လိုကြောင်း ပြောသည်။
ထားဝယ်စီမံကိန်းစတင်ချိန်က ခြံထဲ ဘူဒိုဇာလာထိုးသည့်အချိန်မှ ထိုင်းသို့
ဖောက်မည့် လမ်းအတွက်ဟုသိရသည်မျိုးရှိခဲ
ပြောင်းရွှေ့နေရာချထားရေးနှင့် ပတ်သက်ပြီး မည်သည့်နေရာသို့
ပြောင်းရွှေ့မည်၊ မည်သို့ နေရာချထားမည်၊ သက်မွေးဝမ်းကျောင်းမှုအတွက်
အဆင်ပြောသည့် နေရာမဖြစ်မဖြစ် လူထုကို ညှိနှိုင်းခြင်းမရှိခဲ့ဟု
ထားဝယ်ဖွံ့ဖြိုးရေးအဖွဲ့၏ ထားဝယ်ညှိနှိုင်းရေးမှူး ဦးသန့်ဇင်က ပြောသည်။
“အခုက မိသားဖသားပီပီတောင်းရမ်းဖို့ မကြိုးစားဘဲ ကားတင်ပြေးမယ်ဆိုတဲ့
အချိုးမျိုးဖြစ်နေတယ်”ဟု ဦးသန့်ဇင်က ပြောသည်။
စီမံကိန်းကို ပြန်စသည့်အခါ လူထူ၏ ပါဝင်ပူးပေါင်းမှုနှင့်
အခြားလိုက်နာရမည့် စံနှုန်းများကို မလိုက်နာပါက ပြဿနာများဖြင့်သာ
ရင်ဆိုင်ရမည်ဖြစ်သည့်အတွက် ယခင်က ပြုလုပ်ထားသည့် ပြဿနာများကို
အမြန်ဆုံးဖြေရှင်းရန်လိုကြောင်း ဦးသန့်ဇင်က ပြောသည်။
ထိုင်းနိုင်ငံ အခြေစိုက် ကုမ္ပဏီတစ်ခုဖြစ်သည့် အီတာလျံ - ထိုင်းက ကနဦး
တာဝန်ယူ အကောင်အထည်ဖော်ခဲ့သည့် ထားဝယ်စီမံကိန်းကို ၂၀၁၃ နိုဝင်ဘာတွင်
ထိုင်းနှင့် မြန်မာအစိုးရချင်း ပူးပေါင်းလုပ်ကိုင်သည့် စီမံကိန်းအဖြစ်
ပြောင်းလဲလိုက်သည်။
ထားဝယ်စီမံကိန်းကြောင့် ရွာပေါင်း ၂၀ မှ ၃၆ ရွာကြား အိမ်ထောင်စု ၄၃၈၄ မှ
၇၈၀၇ ကြား၊ လူဦးရေ ၂၂၀၀ မှ ၄၃၀၀၀ကြား ထိခိုက်မည်ဟု
ထားဝယ်ဖွံ့ဖြိုးရေးအဖွဲ့၏ ထုတ်ပြန်ချက်တွင် ဖော်ပြသည်။
|Dawei Watch|
