 |
| ကျောက်စိမ်းအရိုင်းတုံးများ |
ငြိမ်းချမ်းရေး ယူထားသော ပြည်သူ့စစ် အဖွဲ့တစ်ဖွဲ့ သယ်ဆောင်လာသော ကျပ်သိန်း ၆၀၀ ကျော် တန်ဖိုးရှိသည့် ကျောက်စိမ်းအရိုင်းတုံး များကို တရုတ်-မြန်မာနယ်စပ် မူဆယ်မြို့တွင် ဖမ်းဆီး ရမိခဲ့ကြောင်း မူဆယ်-မန္တလေး လမ်းကြောင်း ရွေ့လျားစစ်ဆေးရေး အဖွဲ့ ဒုတိယညွှန်ကြား ရေးမှူး ဦးအောင်သူရက ပြောကြားသည်။
အဆိုပါ ပြည်သူ့စစ်အဖွဲ့ သယ်ဆောင် လာသည့် ကျောက်စိမ်းများကို ဧပြီလ ၁၃ ရက်မှ ၁၇ ရက်အထိ ငါးရက်အတွင်း ကျောက်စိမ်း အရိုင်းတုံး ၉၁၉ ကီလိုဂရမ်နှင့် ကျောက်စိမ်းလက်ကောက် အကြမ်းအကွင်း ၃၀၀၀၊ ကျောက်စိမ်းဖြတ်စ ၁၀၉ ကီလိုဂရမ် တို့ကို ဖမ်းဆီးရမိခဲ့သည်ဟု ၄င်းကဆိုသည်။
အဆိုပါ ဖမ်းဆီးရမိသည့် ကျောက်စိမ်း များ၏ တန်ဖိုးမှာ ကျပ်၆၅၉သိန်းကျော် တန်ဖိုး ရှိပြီး မြန်မာနိုင်ငံတွင် သွားလာရေး အဆင်ပြေရန်အတွက် ယခင်အစိုးရ လက်ထက်က ကျေးရွာချင်းဆက်၊ ခရိုင်ချင်း ဆက်လမ်းများ ဖောက်လုပ်ခဲ့ရာ ယင်းလမ်းများကို တရားမဝင် ကုန်သွယ်သူများ က မော်ဒယ်လ်မြင့် မော်တော်ယာဉ်များကို အသုံးပြု၍ မှောင်ခိုရှောင်ကွင်းလမ်းများ အဖြစ် အသုံးပြုလျက်ရှိကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ တာဝန်ရှိသူ တစ်ဦးက ပြောကြားသည်။
