ပဲခူးဆယ်မိုင်ကုန်းရှိ ပင်စင်စားစစ်ဗိုလ်ချုပ်များနှင့် ၀န်ကြီးများပိုင်ဆိုင်သည်ဆိုသော မြေဧကပေါင်းများစွာနှင့် နေအိမ်ခြံဝန်းကျယ်ကြီးများသို့ လွန်ခဲ့သော (၃)နှစ်ခန့်က ကိစ္စတစ်ခုနှင့် မတော်တဆရောက်ဖူးခဲ့သည်။
အနည်းဆုံး (၅)ဧကနှင့်အထက်ကျယ်ဝန်းသော ခြံဝန်းကြီးများထဲတွင်သီးပင်၊စားပင်များစွာ ဝေဆာလျှက် မြက်ခင်းစိမ်းစိမ်းများ၊ အလှစိုက်ပန်းခင်းကြီးများနှင့် ရေတံခွန်ငယ်လေးများအပြင်
ကျောက်ဆောင်ကျောက်တုံးများနှင့် စမ်းချောင်းငယ်လေးများကို ရင်သပ်ရှုမောဖွယ် တွေ့မြင်ခဲ့ရသည်။ ခြံဝန်းကျယ်ကြီးများနှင့်စာလျှင် အတန်ငယ်သေးငယ်သည်ဟု ထင်ရသော ဘန်ဂလိုသာသာ တိုက်အိမ်ငယ်လေး
များကိုလည်း တံခါးပိတ်လျှက်သားအနေအထားဖြင့် မြင်တွေ့ခဲ့ရသဖြင့် မေးမြန်းစပ်စုကြည့်ရာ အမြဲတမ်းနေသည့်အိမ်များမဟုတ်ဘဲ တစ်ခါတစ်ရံမှသာ စစ်ဗိုလ်ချုပ်ဟောင်းကြီးများနှင့် ၄င်းတို့၏ သားသီးများ လာရောက်
အပန်းဖြေအနားယူလေ့ရှိကြောင်း သိခဲ့ရသည်။ စိတ်ထဲတွင်လည်း " သြော်...သူတို့အတွက်တော့ အနားးယူဖို့ပန်းခြံတောင် VIP ပန်းခြံနဲ့ပါလား " လို့ မကျေမချမ်းနှင့်တွေးမိခဲ့ပါသေးသည်။
အခုတစ်ကြိမ်တွင်လည်း ပဲခူးသို့သွားရန်အကြောင်းတစ်ခုက ဖန်လာခဲ့ပြန်ပါသည်။ မကြာသေးခင်ရက်ပိုင်းအတွင်းက အင်တာနက်စာမျက်နှာများပေါ်တွင် လူသိများခဲ့သော တို့ဗမာအစည်းအရုံးဝင် အဘိုးသခင်လှကြိုင်အား
သွားရောက်တွေ့ဆုံ၍ဂျာနယ်အတွက် အင်တာဗျူးလေးတစ်ခုတင်ဆက်နိုင်ရန်ဖြစ်သည်။ အဖိုးသခင်လှကြိုင်အား ဖေ့စ်ဘုတ်စာမျက်နှာပေါ်သို့ ပထမဆုံးတင်ပေးခဲ့ပြီး ယခုအချိန်ထိလည်း အစစကူညီပေးနေသော ပဲခူးမြို့ခံ ကိုကြည်လင်းနှင့်
ကိုနေ၀င်းတို့၏အကူအညီဖြင့် အဘိုးနေထိုင်ရာ အိုးလေးစုရပ်သို့ရောက်ရှိခဲ့သည်။ မြောင်းငယ်လေးများရေခန်းနေချိန်မျိုးတွင် တွေ့ရတတ်သောရွှံ့ခြောက်များနှင့်ပြည့်နက်နေသည့် ခနော်နီခနော်နဲ့ မြေသား လမ်းငယ်လေးများကို လမ်းလျှောက်
ဖြတ်သန်းရင်း တဲစုစုအ်ိမ်တန်းငယ်လေးများကြားမှ ထူးမခြားနားခြေတံရှည်တဲလေး တစ်လုံးဆီကျွန်တော်တို့ရောက်ရှိချိန်တွင် အသက် (၉၀)ကျော် မျက်လုံးတစ်ဖက်မမြင်ရှာသည့် အဖိုးအိုတစ်ဦးက အပြုံးများဝေေ၀ဆာဆာဖြင့် ဆီးကြိုနေလေသည်။
" အဘက မျက်စိကောင်းကောင်းမမြင်ရတော့ ဖျာတွေဘယ်နားရှိမှန်းမသိဘူးကွဲ့၊ ကိုယ့်ဟာကိုယ်သာ ကြည့်ယူပြီးထိုင်ကြနော်..." ဟုသောစကားဖြင့်လည်း ပဋိသံသာရပြုသည်။
ဝါးခြမ်းလေးများကျို့တို့ကျဲတဲခင်းထားသော အိမ်ငယ်ကလေးတွင် အဘိုးအနားယူ လှဲလျောင်းသည့် အိပ်ယာလေးမှအပ ကျန်နေရာများတွင် မည်သည့်ဖျာတစ်ချပ်ကိုမျှ မတွေ့ရသဖြင့် ၀ါးကြမ်းခင်းလေးများပေါ်တွင်ပင်ထိုင်ရင်း အဘိုးဘ၀ဇာတ်ကြောင်းများကို
မေးမြန်းကြည့်မိသည်။
ဟင်္သာတမြို့နယ်၊ ကရင်အင်းရွာဇာတိ သခင်လှကြိုင်ခေါ် ကိုလှကြိုင်ကို ဆန်စက်ပိုင်ရှင် ဦးအောင်ဖွင့်နှင့်ဒေါ်တိုး တို့မှ ၁၂၈၄ခု ၊ နတ်တော်လဆန်း (၇)ရက်တွင် မွေးဖွားခဲ့ပြီး မွေးချင်း(၅)ယောက်တွင် အကြီးဆုံးသားဖြစ်ကြောင်းနှင့် (၁၆)နှစ်သားအ၇ွယ်တွင်
ဗိုလ်ရန်နိုင်၊သခင်ထွန်းအုပ်တို့ ဟင်္သာတသို့ရောက်ရှိစဉ် တပ်မတော်ထဲသို့ ၀င်ရောက်ခဲ့ကြောင်းသိရသည်။ " အဲဒီအချိန်က အဘတို့နယ်မှာ ချစ်တီးတွေသိပ်ကိုသောင်းကျန်းနေကြတာ၊ အကြွေးမပေးနိုင်ရင် လယ်သိမ်း၊ယာသိမ်းလုပ်ရုံတင်မက သမီးပျိုလေးတွေကိုပါ
သိမ်းတဲ့အထိဖြစ်နေကြတာ၊ အဲဒါနဲ့အဘလလည်း မခံချင်ဖြစ်ပြီး ဒီကောင်တွေကို ပြန်တိုက်ချင်တာနဲ့ စစ်တပ်ထဲဝင်ခဲ့တာ။ အဲဒီတုန်းက ဟင်္သာတမြို့မှာ ဗိုလ်ရန်နိုင်တို့ရောက်နေတယ်ကြားတာကိုး...၊ ဒါကြောင့်ရွာဦးကျောင်းကဆရာတော်ရဲ့ အကူအညီနဲ့ ဗိုလ်ရန်နိုင်ရဲ့
တပ်ရင်း (၁)မှာဝင်ရောက်ပြီးစစ်မှုထမ်းခဲ့တာပါ " ဟုလည်း လေသံနှေးနှေးဖြင့်ခပ်ဖြေးဖြေးဆိုရှာသည်။ နောက်ပိုင်းမှာ တို့ဗမာအစည်းအရုံးဝင်ဖြစ်လာပြီး ၁၈နှစ်သားအရွယ်မှာ လွတ်လပ်ရေးသမိုင်းဝင်တိုက်ပွဲများစွာကို တိုက်ခဲ့တဲံအကြောင်းကိုလည်းပြောပြခဲ့သည်။
" ၁၈ နှစ်သားမှာ ဗြိတိသျှအစိုးရကိုတော်လှန်တဲ့ တိုက်ပွဲတွေတိုက်ခဲ့ရတာပေါ့၊ ရွှေတောင်တိုက်ပွဲကတော့ နာမည်ကြီးပဲလေ...ဂျပန်တွေနဲ့အတူ အင်္ဂလိပ်ကိုတော်လှန်ခဲ့တာ၊ အဲဒီတိုက်ပွဲက ဂျပန်စစ်ဗိုလ် ဗိုလ်မုတ်ဆိတ်ကြောင့်အနိုင်ရခဲ့တယ်လို့ပြောရမယ်...နောက်ဆုံးမှာ
လက်ပစ်ဗုံး(၆)လုံးကို သူကိုယ်မှာချိတ်ပြီး အသက်စွန့်ခဲ့တာ။ ဂျပန်တွေက တစ်ကယ့်ကိုအသေရက်စက်တယ်၊ " ဟူသောစကားများကိုလည်း အတိတ်ကိုပြန်လွမ်းသည့် မျက်ဝန်းများဖြင့်ပြန်ပြောပြနေသည်။
ဖက်ဆစ်တော်လှန်ရေးတွင်လည်း သာယာဝတီအနောက်ခြမ်းရှိ စံရွေးဖိုးခေါင်အရပ်တိုက်ပွဲနှင့်မော်လမြိုင်ဒေသတိုက်ပွဲများတွင် ပါဝင်ခဲ့ပြီး ဖက်ဆစ်ဂျပန်တို့ကို အမိမြေပေါ်မှမောင်းထုတ်ခဲ့သည်။ ဘယ်ဘက်လက်ဖျံနှင့်ညာခြေမျက်စိတို့တွင်သေရာပါဒဏ်ရာကြီးများကို
တိုင်းပြည်အတွက်ပေးဆပ်စတေးခဲ့ပြီး ၀မ်းလိုင်း သရီးစတား (ထိုစဉ်က တပ်ကြပ်ကြီး) ရာထူးဖြင့် တော်လှန်ရေးကြီးအပြီးတွင် ဗိုလ်ထွန်းလှတပ်ရင်းမှ အငြိမ်းစားယူခဲ့သည်။ ထို့နောက်တွင် မော်လမြိုင်သူ ဒေါ်ဝက်နှင့်သားသမီးနှစ်ဦးထွန်းကားခဲ့ပြီး တာမွေမြို့နယ်
မေတ္တာညွှန့်ရပ်ကွက်နှင့် မြောက်ဥက္ကလာပတို့တွင် နေထိုင်ခဲ့ကာ နောက်ဆုံးတွင် ယခုနေထိုင်ရာပဲခူးမြို့သို့ ရောက်ရှိလာခဲ့ရကြောင်း သူ့ဘ၀ဟောင်းကို ပြန်ပြောပြခဲ့သည်။ " အစကတော့ ဆေးဆိုးပန်းရိုက်လုပ်တာပေါ့၊ တစ်နှစ်လောက်အကြာမှာ ပုသိမ်ညွှန့်မီးလောင်လို့
ရှိတာတွေအကုန်ပါသွားတယ်၊ အဘ ဘ၀ရဲ့အမှတ်တရ ဗိုလ်ချုပ်အောင်ဆန်းကိုယ်တိုင် လက်မှတ်ထိုးထားတဲ့ တပ်ထွက်ခွင့်လက်မှတ်တွေလည်း မီးထဲပါသွားတယ်၊ အဲဒီကနေ မြောက်ဥက္ကလာပ (ဈ)ရပ်ကွက်ကိုပြောင်းတယ်၊ အဘက ဇာတ်လည်းဝါသနာပါတာမို့
"အောင်လင်း တက်ခေတ်စိန် " ဇာတ်ထဲမှာ ငှက်တော်ဆိုတဲ့ နာမည်နဲ့ လူရွှင်တော်လုပ်ခဲ့သေးတာ၊အဲဒီနောက်ပိုင်းမှ အိုးလေးစုကိုပြောင်းသွားပြီး လုပ်ငန်းတွေလည်းအစဉ်မပြေ ၊သားသမီးတွေကလည်း ဒုက္ခတွေရောက်ကြလို့ အခုလို ပဲခူးတံတားပေါ်မှာ
ရှာဖွေစားသောက်နေရတာပေါ့..." ဟု သူ့ဘ၀၏ ခါးသီးဖွယ်နေ့ရက်များကို မှတ်မှတ်ရရပြန်ပြောနေခဲ့သည်။
အဘိုး သခင်လှကြိုင်ပြောပြနေသော ရင်နင့်ခါးသီးဖွယ် ဒုက္ခများကို နားထောင်နေရင်း ကျွန်တော်တို့ရောက်ရှိနေသော တဲသာသာအိမ်အိုကလေးမှနေ၍ ကျွန်တော့်စိတ်အစဉ်တို့က လွန်ခဲ့သော(၃)နှစ်ခန့်က ရောက်ရှိခဲ့ဖူးသည့် ဧကများစွာကျယ်ဝန်းသော ပန်းခြံများနှင့်
အိမ်လှလှလေးများကိုလည်းကောင်း စားဝတ်နေရေးအတွက် ပန်းရောင်းစားခဲ့ရပါတယ် ဟုဆိုသော သဇင်၊သစ်ခွခြံများနှင့်ရွှေချထားသော ကုလားထိုင်များပေါ်မှ အငြိမ်းစားဗိုလ်ချုပ်ကြီးတစ်ဦး၏ ပုံရိပ်များကိုလည်းကောင်း ပြန်လည်မြင်ယောင်နေမိသည်။ ထို့အတူ တိုင်းပြည်ကို နည်းမျိုးစုံဖြင့်ဖိနှိပ်အုပ်ချုပ်ခဲ့သော စစ်အာဏာရှင်ဟောင်းကြီးတစ်ဦး နန်းတော်ကြီးတမျှ ထည်ဝါလှသော အိမ်ကြီးထဲတွင် အေးအေးလူလူစာဖတ်ခွင့်ရနေသည့် အချိန်တွင် တိုင်းပြည်လွတ်လပ်ရေးအတွက် အသက်စွန့်ခဲ့ပြီး မည်သည့်အခွင့်အရေးမှ မရရှိခဲ့ရှာသော အဘိုးသခင်လှကြိုင်တစ်ယောက်မှာတော့ လူစည်ကားရာ ပဲခူးတံတားပေါ်တွင် လောကဓံကြမ်ကြမ်းများကို အံတုခုခံလျှက် ၀မ်းရေးအတွက်တောင်းရမ်းနေခဲ့ရပေလိမ့်မည်။
တာဝန်သိပြည်သူများ၏ ၀ိုင်းဝန်းဖော်ထုတ်ကူညီခဲ့မှုကြောင့် ယခုအချိန်တွင် အဖိုးသခင်လှကြိုင်တစ်ယောက် အနည်းငယ်အသက်ရှုချောင်ခွင့်ရခဲ့သော်လည်း တဲအိမ်အိုလေးအတွင်းကတော့ ဒီစာရေးနေသည့်အချိန်အထိ ထွက်ခွာခွင့်မရနိုင်ရှာသေးပေ။ ဘာပဲဖြစ်ဖြစ်
မစွန့်ဘဲစားနေကြသည့် နန်းတော်တမျှအိမ်ကြီးများထဲမှ တန်ဖိုးမဲ့ရွှံ့ခဲများနှင့်စာလျှင် ကျွန်တော်တို့ပြန်ရှာတွေ့ခဲ့သော အဘိုးသခင်လှကြိုင်သည် တဲအိမ်ငယ်လေးထဲမှ စိန်တစ်ပွင့်သာဖြစ်ကြောင်း ပြည်သူအပေါင်းက ယုံကြည်နေကြမည်သာ...။
လင်းအောင်ပြည့် (အာရှအလင်းဂျာနယ်၊ အတွဲ (၁) အမှတ် (၃၃)
