မန္တလေး ဒီဇင်ဘာ ၂၆
မြန်မာနိုင်ငံအတွင်းမှ စားသောက်ကုန်လုပ်ငန်း ဖွံ့ဖြိုးတိုးတက်စေရန် အတွက် ဂျပန်နိုင်ငံစားသောက်ကုန် ပညာရှင်များ၏ အကူအညီအရ စားသောက်ကုန် ထုတ်လုပ်တင်ပို့ ရောင်းချသူများအသင်းမှ စားသောက် ကုန် လုပ်ငန်းရှင်များအား စားသောက်ကုန် အမျိုးမျိုးကို စမ်းသပ်မှု ပြုလုပ် ကာ ကုန်ထုတ်လုပ်သူုများ၏ ကုန်ပစ္စည်း အရည်အသွေးကို စစ်ဆေးနိုင်ပြီး စားသုံးသူအတွက် အန္တရာယ်ကင်းသော စားသောက် ကုန်များကို ဈေးကွက် အတွင်း မတင်ပို့မီ သိရှိနိုင်ရန် စစ်ဆေးနိုင်မည့် (Incubator) ဗက်တီးရီးယားမွေးသောစက် အပါအ၀င် ဆက်စပ်ပစ္စည်း များဖြင့် စစ်ဆေးမှုများ ပြုလုပ်နိုင်မည်ဖြစ်သည်။
ဗက်တီးရီးယားများကို မွေးမြူကာ မိမိတို့ထုတ်လုပ်သည့် ထုတ်ကုန်များ၏ သန့်ရှင်းမှုကို စစ်ဆေးနိုင်ပြီး မည်မျှအထိ ဗက်တီးရီးယားပါဝင်သည် စသည့် စစ်ဆေးချက်များနှင့် စားသုံးသူလက်သို့ အန္တရာယ်ရှိသော စားသောက်ကုန် များ ဖြစ်မဖြစ် ဖြန့်ဖြူးမှု မပြုလုပ်ခင် စစ်ဆေးနိုင်မည်ဖြစ်ပြီး အဆိုပါစက်နှင့် ဆက်စပ်ပစ္စည်းများကို ဂျပန်နိုင်ငံမှ တင်သွင်းကာ ငွေကျပ် ၆ သိန်းကျော် ၇ သိန်း ၀န်းကျင်ဖြင့် စားသောက်ကုန် ထုတ်လုပ်တင်ပို့ရောင်းချ သူများ အသင်းက တပ်ဆင်ပေးလျက်ရှိကြောင်း အသင်းတာဝန်ခံ တစ်ဦးက ပြောကြားသည်။
ထိုသို့ စက်များတပ်ဆင်ခြင်းကို ဒီဇင်ဘာ ၂၁ ရက် နံနက် ၉ နာရီက မန္တလေးမြို့ ၈၄ လမ်း (အောင်ဆန်းလမ်း)၊ ၃၁ လမ်းနှင့် ၃၂ လမ်းကြားရှိ လကမ္ဘာမုန့်တိုက်တွင် အသင်းမှတာဝန်ရှိသူများက စက်များကိုလာရောက် တပ်ဆင်ပေးခြင်းနှင့် အသုံးပြုရမည့် နည်းစနစ်များကို လက်တွေ့ လုပ်ဆောင်ရှင်းလင်းပြသသည်။
လုပ်ငန်းရှင်များအနေဖြင့် အဆိုပါ စက်ပစ္စည်းနှင့် ဆက်စပ်ပစ္စည်းများကို ထားရှိရန်အတွက် ဓာတ်ခွဲခန်း လိုအပ်မည်ဖြစ်ပြီး အလျား ၈ ပေ၊ အနံ ၉ ပေနှင့်အမြင့် ၆ ပေခန့်ရှိ မှန်လုံခန်းတစ်ခန်း လိုအပ်မည်ဖြစ်သည်။ အဆိုပါအခန်းသည် အငယ်ဆုံးအနေအထားတွင်ရှိမည်ဖြစ်ပြီး လုပ်ငန်း အခြေအနေအရ ထိုထက်ကြီးမားသော အခန်းများဖြင့် လုပ်ဆောင်ကြရမည်ဖြစ်သည်။
မန္တလေးတိုင်း ဒေသကြီးတွင် အဆိုပါ စက်ပစ္စည်းအသုံးပြုကာ အန္တရာယ်ကင်းသော စားသောက်ကုန်များ ဖြစ် ကြောင်း စစ်ဆေးနိုင်မည့် စက်ပစ္စည်းအသုံးပြုသည့် လုပ်ငန်းရှင် ၃၀ ရှိပြီး စက်ပစ္စည်းတပ်ဆင် ထားသော အရေအတွက်မှာ ၃၀ ရှိပြီဖြစ်သည်။ ရန်ကုန်တိုင်းဒေသကြီးတွင် လုပ်ငန်းရှင်ကြီးများ အနေဖြင့် ကိုယ်ပိုင်ဓာတ်ခွဲ ခန်းကြီးများ ရှိသောကြောင့် အသင်း၏ အကူအညီမလိုဘဲ ကိုယ်ပိုင်ဓာတ်ခွဲခန်းများထားရှိကြောင်း သိရသည်။ တစ်နိုင်ငံလုံး အတိုင်းအတာအနေဖြင့် ယခုမှစတင် လုပ်ဆောင်ခြင်းဖြစ်သောကြောင့် စက်အလုံးရေ ၅၀ သာ တပ်ဆင် အသုံးပြုလျှက်ရှိကြောင်း အဆိုပါအသင်း ဓာတ်ခွဲခန်း တာဝန်ခံက ပြောကြားသည်။
ထိုသို့ အသုံးပြုရန်အတွက် လုပ်ငန်းရှင်များအနေဖြင့် အသင်းနှင့် ဆက်သွယ်ကာ ဆောင်ရွက်ကြရမည်ဖြစ်ပြီး အသင်းကို တိုင်းဒေသကြီးများ တွင် ထားရှိပြီး မန္တလေးတိုင်း ဒေသကြီး အနေဖြင့် ၈၄ လမ်း ၊ ၂၆ လမ်းနှင့် ၂၇ လမ်းကြား၊ ဈေးချိုတော်မြောက်ဘက်တိုက်ခန်း၊ တတိယထပ်အခန်း အမှတ် (၆)တွင် ဆက်သွယ်နိုင်မည်ဖြစ် သည်။
ယခုလို စက်များကို တပ်ဆင်စစ်ဆေးခြင်းအားဖြင့် မိမိ၏စားသောက် ကုန်တွေမှာ ဗက်တီးရီးယားပိုးတွေရှိ မရှိ သိရှိရပြီး ပစ္စည်း အရည်အသွေးကို တိုးတက်ကောင်းမွန်အောင် လုပ်ဆောင်လာပြီး ကောင်းမွန်လာသည်နှင့် အတူ အရည်အသွေးကို ထိန်းနိုင်မည်ဖြစ်ပြီး စားသုံးသူလက်ထဲ မရောက် ခင်မှာ အန္တရာယ်ကင်းသည့် စားသောက်ကုန်များ ထုတ်လုပ်ကာ စားသုံးသူအတွက် လုပ်ဆောင်ပေးနိုင်မည်ဖြစ်ကြောင်း သိရသည်။
MOI Webportal Myanmar
