လင်မယားနှစ်ဦးကို ကျပ်သိန်းနှစ်ထောင်ဖြင့် ပြန်ပေးဆွဲခဲ့သည့် တရားခံသုံးဦးအနက် တစ်ဦးကို ဒီဇင်ဘာ ၂၅ ရက်က နယ်စပ်တွင် ထပ်မံဖမ်းဆီးမိခဲ့ကြောင်း ရန်ကုန်တိုင်းရဲတပ်ဖွဲ့မှ သတင်းရရှိသည်။
ပြည်သူတစ်ဦး၏ သတင်းပေးမှုကြောင့် မြ၀တီမြို့တွင် ဒီဇင်ဘာ ၂၅ ရက်က ဖမ်းဆီးရခဲ့ခြင်းဖြစ်သည်။
နိုဝင်ဘာ ၆ ရက် က တွံတေးမြို့နယ်အတွင်းနေထိုင်သော ဇနီးမောင်နှံနှစ်ဦးသည် တွံတေးမြို့နယ်မှ ဒလမြို့သို့ ဆိုင်ကယ်စီး၍သွားစဉ် ပိတ်ဆွယ်ရွာသို့ ရောက်သည့်အခါ အမျိုးသားသုံးဦးက ကားပေါ်သို့ ဆွဲတင်ကာ ပြန်ပေးဆွဲသွားခဲ့သည်။ ထို့နောက် ပြန်ပေးဆွဲခံရသည့် လင်မယားနှစ်ဦးကို ငွေ ကျပ်သိန်းနှစ်ထောင်ဖြင့် လာရောက်ရွေးရန် ညီမဖြစ်သူအား အကြောင်းကြားခဲ့သည်။ ထို့သို့ ပြန်ပေးဆွဲ၍ ဖမ်းဆီးခေါ်ဆောင်သွားစဉ် လမ်းခုလပ်တွင် ၎င်းတို့ ကားပျက်သွားခဲ့၍ ရပ်ထားစဉ် ပြန်ပေးဆွဲခံရသူနှစ်ဦးမှာ ထွက်ပြေးလွတ်မြောက်ခဲ့ကြောင်း သတင်းရရှိသည်။
ထို့နောက် ၎င်းတို့ကို သက်ဆိုင်ရာမှ လိုက်လံဖမ်းဆီးခဲ့သော်လည်း ဖမ်းဆီးရမိခြင်းမရှိ၍ ၎င်းတို့သုံးဦးကို ဖမ်းဝရမ်းထုတ်ခဲ့သည်။ ထိုသို့ ဖမ်းဝရမ်းထုတ်ပြီး ၁၀ ရက်ခန့်အကြာတွင် ပြန်ပေးဆွဲသူသုံးဦးအနက် အသက် (၃၃) နှစ်ရှိ သံပါးစပ်(ခ)စိုးမင်းဦးအား နိုဝင်ဘာ ၂၆ ရက်က ဖမ်းဆီးနိုင်ခဲ့သည်။
ထို့အပြင် ကထီး(ခ)သူရဇော်ဦးကိုလည်း ပြည်သူတစ်ဦး၏ သတင်းပေးပို့ချက်ဖြင့် မြ၀တီမြို့တွင် ဒီဇင်ဘာ ၂၅ ရက်က ထပ်မံ၍ ဖမ်းဆီးနိုင်ခဲ့ခြင်းဖြစ်သည်။ သို့သော် ကျန်တစ်ဦးဖြစ်သူ ထောင်ဒဏ် ၆၄ နှစ် ကျခံရာမှ တရားခံပြေးတစ်ဦးဖြစ်သော အသက် (၄၁) နှစ်အရွယ် ကျော်ဝင်းစိန်(ခ)ကျင်စိမ်းမှာ ထွက်ပြေးလွတ်မြောက်နေဆဲ ဖြစ်သည်။
လက်ရှိဖမ်းဆီးမိထားသော ပြန်ပေးသမားနှစ်ဦးမှာလည်း ထောင်အတွင်းမှ ထွက်ပြေးလာခဲ့သူများဖြစ်ကာ စိုးမင်းဦး(ခ) သံပါးစပ်သည် ထောင်ဒဏ် ၁၇ နှစ် ကျခံထားရသည့် အကျဉ်းသားဖြစ်သည်။ယင်းကိစ္စနှင့်ပတ်သက်၍ သက်ဆိုင်ရာ တွံတေးစခန်းသို့ ဆက်သွယ်မေးမြန်းခဲ့သော်လည်း ဆက်သွယ်၍ မရရှိပေ။
7day Daily
