 |
| ထိုင်း PBS အသံလွှင့်ဌာနအတွင်း ထိုင်းစစ်တပ်မှ လက်နက်ခဲယမ်းများ ရှာဖွေနေစဉ် (ဓာတ်ပုံ - ရိုက်တာ) |
ထိုင်းနိုင်ငံရဲ့ မြို့တော် ဘန်ကောက်မှာ အကြမ်းဖက်မှုတွေ တိုးလာနေစဉ် မနေ့ညဦးပိုင်းက လခ်စီခရိုင်မှာ ရှိတဲ့ ထိုင်းပြည်သူ့အသံလွှင့်ဌာန (ပီဘီအက်စ်) ကို ဗုံးသီးလောင်ချာနဲ့ ပစ်ခတ် တိုက်ခိုက် ခံခဲ့ရပါတယ်။
လုံခြုံရေးကင်မရာကတော့ ပီဘီအက်စ်အသံလွှင့်ဌာနရဲ့ ယာဉ်ရပ်နားစခန်းမှာ ပေါက်ကွဲမှုဖြစ်ပုံကို ဖမ်းယူ ရရှိထားပါတယ်။
ရုပ်သံလွှင့်ဌာနကတော့ ပေါက်ကွဲမှုကြောင့် ကား ၃ စီး ပျက်စီးပြီး သေဆုံးဒဏ်ရာရမှု မရှိဘူးလို့ ရဲက အစီရင်ခံပါတယ်။
ဗုံးသီး ၂ လုံးကို ထိုင်း ပီဘီအက်စ် ခြံဝင်းထဲမှာ တွေ့ရပြီး နောက်တလုံးကိုတော့ အနားက ဘန်ကောက်ရဲကလပ်ထဲမှာ တွေ့တယ်လို့ ထိုင်းမီဒီယာတွေက အစီရင်ခံပါတယ်။ ရဲကလပ်ကို လောလောဆယ်မှာ ငြိမ်းချမ်းရေးနဲ့ ဥပဒေစိုးမိုးရေးဌာနအဖြစ် အစိုးရက သုံးနေတာပါ။
ဒီနေ့မှာတော့ ထိုင်း အဂတိလိုက်စားမှုတိုက်ဖျက်ရေးအဖွဲ့က ၀န်ကြီးချုပ် ယင်းလပ်ကို လျစ်လျူရှုမှု ပုဒ်မနဲ့ တရားစွဲဖို့ ရှိပါတယ်။
အစိုးရဆန့်ကျင်ရေး ဆန္ဒပြသူတွေကတော့ အဆုံးသတ်မမြင်ရတဲ့ အကြမ်းဖက်မှု တွေကြောင့် တာဝန်ရှိသူ ၀န်ကြီးချုပ် ရာထူးက နုတ်ထွက်ရေး တောင်းဆိုထားပါတယ်။ ထိုင်းဝန်ကြီးချုပ်ကတော့ တရားရုံး ကြားနာပွဲကို မတက်ဘဲ သူ့ရဲ့တရားရေးအဖွဲ့ကို ကိုယ်စား စေလွှတ်ခဲ့ပါတယ်။
By ဒီဗွီဘီ
